June 1, 2011

ትዕቢት እና ዕብሪት (arrogance) የመላባቸው የአባ ሰረቀ መግለጫዎች

To Read, Print and Share this Message, click HERE (PDF). ይህንን መልእክት በPDF ለማንበብ፣ ለማተም እና ለሌሎች ለማዳረስ ይህንን ይጫኑ።

(ደጀ ሰላም፤ ጁን 1/2011)፦
  • አባ ሰረቀ ትናንት የሰጡትን መግለጫ የማ/መምሪያው ሊቀ ጳጳስ ያውቁት እንደ ሆነ ሲጠየቁ ‹‹አይመለከታቸውም፤ ውሳኔዎችን የማስፈጸም አስተዳደራዊ ሥራ የእኛ ነው፤ እርሳቸው ለክብር ብቻ የተቀመጡ ናቸው›› ብለዋል፤ እርሳቸው ‹‹ወልደ ሳሙኤል›› የተባሉበትን የደብረ ዐባይ ቅዳሴ ሞያ የት እንዳሳዩት ባይታወቅም የማኅበረ ቅዱሳን አባላት የተዘጋ ቤተ ክርስቲያን ከማስከፈት ጀምሮ ሊቀ ማእምራን የተሰኙበት መዓርገ ዲቁና እና መዓርገ ቅስና ለእርሳቸው ‹‹ሥርዐቱን ያልጠበቀ›› ከመሆኑም በላይ ‹‹አሐዱ አብ ብለው የማይቀድሱበት፣ ነአኵቶ ብለው የማያመሰግኑበት ያለትምህርት ከሚገኘው የክብር ዶክትሬት ዲግሪ›› ተለይቶ እንደማይታይ ተናግረዋል፡፡
  • ያለታክስ መለያ ቁጥር ንግዳዊ ተቋም ከፍቶ ግዥና ሽያጭ ማካሄድ በማይቻልበት ሥርዐት፣ በማኅበሩ መተዳደሪያ ደንብ መሠረት የውስጥ እና የውጭ ኦዲት እና ኢንስፔክሽን እየተሠራ ለማደራጃ መምሪያው ሪፖርት በሚቀርብበት ሁኔታ የማኅበሩ የገቢ ማስገኛ ማእከላት ለ19 ዓመታት ግብር እና ቀረጥ ሳይከፍሉ፣ በኦዲተር ፈጽሞ ሳይመረመሩ ቆይቷል ብለዋል፡፡
  • በመተዳደሪያ ደንቡ መሠረት ማኅበሩ ነጻ አገልግሎት በሚሰጡ አባላቱ በሚያቋቋመው ኤዲቶሪያል ቦርድ የኅትመት ውጤቶቹን እንደሚያስገመግምና ከእርሱ በላይ የሚሆኑ ነገሮች ሲያጋጥሙ ወደ ሊቃውንት ጉባኤ እንደሚመራ ተመልክቷል፡፡ አባ ሰረቀ ግን ከግንቦት 1 ቀን 2003 ዓ.ም ጀምሮ ‹‹ከመመሪያው እና ከሊቃውንት ጉባኤ መርጫቸዋለሁ›› ለሚሏቸው ሦስት፣ ሦስት ሰዎች ማኅበሩ በየወሩ ብር 1000 አበል እየከፈለ ‹‹የኅትመት ውጤቶቹን እና የሚዲያ ስርጭቱን›› እንዲያስገመግም  የሚያስገድድ ደብዳቤ ጽፈዋል፤ ቅዱስ ሲኖዶስ ካጸደቀው መተዳደሪያ ደንብ አልቀው መስከረም 12 ቀን 2002 ዓ.ም ፓትርያሪኩ፣ ሊቃነ ጳጳሳት እና የመንግሥት ባለሥልጣናት፣ የጠቅላይ ቤተ ክህነት እና የማኅበረ ቅዱሳን አመራሮች በተገኙበት ጉባኤ ተላልፈዋል ከተባሉትና እርሳቸው ‹‹ስድስቱ ቃላተ ወንጌል›› በሚል ቁልምጫ ከሚጠሯቸው ስድስቱ ውሳኔዎች አንዱ የሆነውንና ከዚሁ ጋራ የተያያዘውን በትላንቱም መግለጫቸው አካትተዋል - ‹‹የሕትመት ውጤቶቻቸውና የሚዲያ ስርጭቶች በሙሉ በታዘዘው መሠረት በተመደቡት ሊቃውንት እንዲሰራጭ እንዲያደርጉ››
  • መስከረም 12 ቀን 2002 ዓ.ም የተካሄደው ስብሰባ አጠራር ድንገቴና አጀንዳውም የማደራጃ መምሪያውን ድክመት እንደሚያሳይ ከመገለጹም ባሻገር ውሳኔዎቹም ቅዱስ ሲኖዶስ ለማኅበሩ ያጸደቀውን መተዳደሪያ ደንብ የሚፃረር በመሆኑ ብፁዓን ሊቃነ ጳጳሳትና ማኅበሩ ተቃውመውታል ተብሏል፡፡ አባ ሰረቀ ግን ውሳኔውን መርሕ በማድረግ ማተሚያ ቤቶች የማኅበሩን የኅትመት ሥራዎች እንዳያትሙ የሚያሳስብ ደብዳቤ ሰሞኑን ማሰራጨታቸው ተሰምቷል፡፡
  • የርክበ ካህናት ቅዱስ ሲኖዶስ ምልአተ ጉባኤ በማደራጃ መምሪያው እና በማኅበሩ መካከል ያለውን ችግር የሚያጣራ ሰባት አባላት(ከሊቃነ ጳጳሳት - ብፁዕ አቡነ ገሪማ፣ ብፁዕ አቡነ ሕዝቅኤል፣ ብፁዕ አቡነ ማርቆስ፤ ከሊቃውንት ጉባኤ - መልአከ ታቦር ተሾመ ዘሪሁን፣ ሊቀ ሥዩማን ራደ አስረስ፣ መልአከ ሰላም ዓምደ ብርሃን፤ ከሕግ አገልግሎት - አቶ ይሥሐቅ፤ ከውጭ ቀሲስ ዶ/ር ምክረ ሥላሴ ገብረ ዐማኑኤል) ያሉበት አጣሪ ኮሚቴ ባቋቋመበት ሁኔታ የትላንቱን መግለጫ የመስጠቱን አስፈላጊነትንም ተጠይቀዋል - አባ ሰረቀ፡፡ ‹‹አሁን የምንናገረውን ለአጣሪ ኮሚቴውም እንገልጻለን፤ የዛሬውን መግለጫ የምንሰጠው ግን ማኅበረ ቅዱሳን ከሚያደርገው እንቅስቃሴ እንዲቆጠብ ነው፤›› በማለት መመለሳቸው ተዘግቧል፡፡
  • አባ ሰረቀ ማኅበሩ አለሥልጣኑና አለቦታው ገብቶ ‹‹ከቀኖና ቤተ ክርስቲያን ውጭ›› ይፈጽማቸዋል ከሚሏቸው ተግባራት መካከል የፕሮቴስታንታዊ-ተሐድሶ-ኑፋቄን የመከላከል እንቅስቃሴ አንዱ ነው፡፡ ለአባ ሰረቀ ይህ ሕጋዊና ተገቢነት ያለው የራስን ሃይማኖታዊ ማንነት የመከላከል እንቅስቃሴ፣ ‹‹በአገልጋይና በተገልጋይ መካከል ለዘመናት የቆየውን ጤናማ ግንኙነት የሚያሻክር የስም ማጥፋት ዘመቻ›› ነው፡፡ ማኅበረ ቅዱሳን ይሁን ይህን ግልጽ እና ወቅታዊ አደጋ መከላከል ማእከል በማድረግ ጥምረት የፈጠሩ ወገኖች በቆሙባቸው መድረኮች የፕሮቴስታንታዊ-ተሐድሶ-ኑፋቄን የትመጣ እና መገለጫ ባሕርይ ከማስረዳት በቀር በስም ለይተው የሚያወግዙት አካል ስለ መኖሩ አባ ሰረቀ ያቀረቡት ማረጋገጫ የለም፡፡ ነገር ግን ማኅበሩ በመተዳደሪያ ደንቡ ከተጣሉበት ግዴታዎች አንዱ የሆነውን ይህን ተግባር መፈጸሙ በራሱ ‹‹በስም ማጥፋት ወንጀል ስለሚያስጠይቅ›› በትላንቱ መግለጫቸው ‹‹ዘመቻው እንዲቆም›› አዝዘዋል፡፡
  • የተሐድሶ ኑፋቄ በመኖሩ ላይ ያላቸውን እምነት የተጠየቁት አባ ሰረቀ ‹‹ጥንቱንም ቢፀ ሐሳውያን፣ ሐራ ጥቃ. . . የምንላቸው ነበሩ፤ አሁንም አሉ›› በማለት ካስረዱ በኋላ ‹‹ማኅበረ ቅዱሳን ተሐድሶ አለ በማለቱ ስሕተት ነው ማለቴ አይደለም፤ ለእኛ ይሄ ነው ብሎ ያመጣው መረጃ የለም፤ ስለምን አጥር ዘሎ እየሄደ በየአዳራሹ ሰዎችን እየሰበሰበ በአደባባይ ይገልጻል?››
  • ከአርባ ሺሕ በላይ ማኅበራት እንዳሉ እየተነገረ በማኅበረ ቅዱሳን ላይ የተለየ ትኩረት ስለተደረገበት ሁኔታ የተጠየቁት አባ ሰረቀ የማይታወቁ ሌሎች በርካታ ማኅበራት መኖራቸውን፣ ጉዳዩ ሌሎቹንም ማኅበራት እንደሚመለከትና በተለይም በመዝሙራት በኩል በቤተ ክርስቲያን ‹ሳንሱር› ሳይደረጉ መውጣት እንደሌለባቸው ተናግረዋል፡፡ ዋና ሐላፊው ይህን ይበሉ እንጂ ለያሬዳዊ ዜማ መጠበቅ ሰንበት ት/ቤቶችን እና ማኅበራትን በማገዝ እና በመከታተል ረገድ በተጨባጭ ያደረጉት የሚጠቀስ እንቅስቃሴ የለም፡፡ እንዲያውም በመላው ኢትዮጵያ ከሚገኙ ከ40,000 ያላነሱ አብያተ ክርስቲያን ሰንበት ት/ቤቶች በራሳቸው አቅም የተደራጁባቸውን ኦርቶዶክሳውያን ወጣቶች የታቀፉባቸው ጥቂት ሺሕዎች በመሆናቸው በ29ው የመንበረ ፓትርያሪኩ አጠቃላይ የሰበካ መንፈሳዊ ጉባኤ እና በቅርቡም ማኅበረ ቅዱሳንን ለመወንጀል በጠቅላይ ቤተ ክህነት እና በሁለቱ ኮሌጆች በጠሯቸው ስብሰባዎች ላይ ተግተው መሥራት እንደሚጠበቅባቸው ተነግሯቸዋል፡፡

አባ ሰረቀ ስለ ደጀ ሰላም
  • አባ ሰረቀ ስለ ደጀ ሰላም የጡመራ መድረክ ማንነት እና የጡመራዎቹ ይዘትም ተጠይቀዋል፤ ጠያቂውም በምን ባርኔጣ በቦታው ላይ እንደተገኘ የሚያጠያይቀው ዲያቆን ትዝታው ሳሙኤል ነው፤ መቼም በጋዜጠኛነት እንዳልሆነ ለብዙዎች ግልጽ ነው፡፡ በትላንቱ ዘገባችን እንዳመለከትነው ሰሞኑን አባ ሰረቀ በቅድመ ቃለ ምልልስ(preinterview) ዝግጅታቸው በቢሯቸው አብረዋቸው ከመከሯቸው ግለሰቦች ትዝታው አንዱ እንደነበር ተጠቁሟል፡፡ ምናልባትም የትላንቱ የአባ ሰረቀ ሕገ ወጥ ጋዜጣዊ መግለጫ ዋነኛ መዳረሻ ትዝታው ሳሙኤል፣ በጋሻው ደሳለኝ፣ ያሬድ አደመ እና በሪሁን ከቤተ ክርስቲያን ፈቃድ ሳያገኙ በቤተ ክርስቲያን ስም የቤተ ክርስቲያኒቱን ትምህርት የማይወክል ፕሮግራም ስለሚያስተላልፉበት ‹‹ታኦሎጎስ›› የተሰኘ የቴሌቪዥን ዝግጅታቸው ግብአት እንዲሆን የታቀደ ሳይሆን እንደማይቀር እየተነገረ ነው፡፡
  • ከትዝታው ሁለት ፍረ አልባ ጥያቄዎች መካከል አስመልክቶ የደጀ ሰላምን ማንነት አስመልክቶ ላነሣው ‹ጥያቄ› ይሁን ክስ አባ ሰረቀ ሲመልሱ፡- ‹‹የደጀ ሰላም ድረ ገጽ ዋና ዓላማ ቤተ ክርስቲያንንና አገርን መበታተን ነው፤ ስላልቻሉ እንጂ አገሪቱን እንደ ሊቢያ ሊያደርጓት ያስባሉ፤. . .ማዘጋጀት ይቻላል ግን የሚስተካከል ከሆነ በሚል በትዕግሥት እየጠበቅን ነው፤›› ብለዋል፡፡

አባ ሰረቀ ስለ ስማቸው - ሰረቀ ወይስ ሠረቀ?
  • ከሁለት ሰዓት ተኩል በላይ ከዘለቀው ሕገ ወጡ ጋዜጣዊ መግለጫ በኋላ ከጋዜጠኞችና ከመምሪያው ባልደረቦች ጋራ ለጸሎት የቆሙት አባ ሰረቀ ‹‹ስሜ የግእዝ ስም ነው፤ ስሜን በትክክል ጽፋችሁ አሳዩኝ?›› ሲሉ ለጋዜጠኞቹ ድንገቴ የሆነ ጥያቄ ያቀርባሉ፤ በጥያቄአቸው ግር የተሰኙት ጋዜጠኞችም እርስ በርሳቸው ይተያያሉ፡፡ አንዱ የሌላውን በማየት በእሳቱ/ሰዉ ‹ሰ› በጉልሕ የጻፉትን (‹ሰረቀ›) ያሳዩዋቸዋል - ዋና ሐላፊውም ‹‹ኤክስ›› ሲሉ ጋዜጠኞቹ በድንገቴ ፈተናው መውደቃቸውን ይነግሯቸዋል፤ ወዲያው ከመምሪያው ባልደረቦች መካከል ‹ሰረቀ› ሳይሆን ‹ሠረቀ› ተብሎ በንጉሡ ‹ሠ› እንደሚጻፍ ያስረዳል፡፡
  • ‹ሠረቀ› ማለፊያ ነው፤ ‹ሰረቀ›ስ ምንድን ነው? ሲጠብቅ እና ሲላላ? የሆሄያቱ አገባብ ልዩነት ያልተረዳት አንዲቷ ጋዜጠኛ ለጓደኛዋ የጠየቀችው ነበር፡፡

  • ትላንት ከቀትር በፊት የአባ ሰረቀን ጋዜጣዊ መግለጫ ያስተናገደው የጠቅላይ ቤተ ክህነቱ የአስተዳደር ሕንፃ በሌላው የስብከተ ወንጌል አዳራሹ ደግሞ ጌታቸው ዶኒ አላግባብ ከተሰጠው የሥራ አስኪያጅነት ሥልጣን በቅዱስ ሲኖዶስ መወገዱን ለመቃወም ነው በሚል የመጡት ቡድኖች ከአቡነ ጳውሎስ እና ከአራት ሊቃነ ጳጳሳት(ብፁዕ አቡነ ሕዝቅኤል፣ ብፁዕ አቡነ ፊልጶስ፣ ብፁዕ አቡነ ቀውስጦስ) ጋራ ያካሄዱትን ዛቻ እና ኀይለ ቃል የተመላበት ስብሰባ እያስተናገደ ነበር፡፡
  • በሐዋሳው ውዝግብ በድብደባ ወንጀል በተመሠረተባቸው ክስ ፍርዳቸውን የሚጠባበቁትና የ‹‹ተስፋ ኪዳነ ምሕረት›› ማኅበር አመራር አባላት በሆኑ ግለሰቦች ተቀስቅሰው የመጡት እኒህ ቡድኖች ከአቡነ ጳውሎስ ጋራ ሊያነጋግሯቸው የመጡትን ብፁዓን አባቶች፡- ‹‹እናንተ የማኅበረ ቅዱሳን ደጋፊና ጉዳይ አስፈጻሚ ጳጳሳት ናችሁ፤ ተሐድሶም ጴንጤም የሚባል የለም፤ ማኅበረ ቅዱሳን የፈጠረው ነው፤ አቡነ ናትናኤል የማኅበረ ቅዱሳን-ደጀ ሰላም ሪፖርተር ናቸው፤ የሚገባ መሥዋዕትነት ባይሆንም አቡነ ገብርኤል ወደ ሐዋሳ የሚመጣ ከሆነ እንገድለዋለን፤›› የሚሉ በገዛ ጭብጨባቸው የታጀቡ የዛቻ እና የዘለፋ ንግግሮች ሲያሰሙ መዋላቸው ተገልጧል፡፡
  • በሁኔታው ያዘኑት የጠቅላይ ቤተ ክህነቱ ዋና ሥራ አስኪያጅ ብፁዕ አቡነ ፊልጶስ፣ ‹‹ቅዱስ አባታችን፣ እዚህ የመጣሁት ልሰደብ አይደለም›› በሚል ወጥተው ሲሄዱ የቅዱስ ሲኖዶስ ዋና ጸሐፊ ብፁዕ አቡነ ሕዝቅኤልም ተከትለዋቸዋል፤ ይሁንና ሁለቱም አባቶች በብፁዕ አቡነ ቀውስጦስ ልመና ከበር ተመልሰው እንዲቀመጡ ተደርገዋል፡፡ ወዲያውም ብፁዕ አቡነ ሕዝቅኤል ‹‹የት ነው የተማራችሁት? ማን ነው ስድብ ያስተማራችሁ? እናንተንኮ አናውቃችሁም›› በሚል ገሥጸዋቸዋል፡፡
  • ብፁዓን ሊቃነ ጳጳሳቱን ከጎናቸው አስቀምጠው ሲያሰድቡ የዋሉት ፓትርያሪኩም ‹‹እንደዚህ ነው የመከርኳችሁ? እንዴት እንዲህ ባለ ኀይለ ቃል ትናገራላችሁ?›› ማለታቸው ነገሩ አስቀድሞ በእርሳቸውና በጌታቸው ዶኒ መቀናጆ የተፈጠረ እንዳስመሰለው ውይይቱን የተከታተሉ ታዛቢዎች ያስረዳሉ፡፡ ተቃዋሚ ተብዬዎቹ ‹‹አባቶቼ ከወሰኑት የተለየ ውሳኔ አትጠብቁ፤ የሚኖር ከሆነ ወደፊት እንግራችኋለን›› በሚለውና በእጅጉ እንደተበሳጩበት በተገለጸው የአቡነ ጳውሎስ ንግግር ቢሰናበቱም ፓትርያሪኩ ‹‹መምጣት አልነበረባችሁም›› ማለታቸውን ግን ታዛቢዎቹ ‹‹የማይጥም ቀልድ››   ብለውታል፡፡
  • የተቃውሞ መቀናጆው የሐዋሳ ምእመናን ግንቦት 9 ቀን በቅድስተ ቅዱሳን ማርያም ገዳም ተገኝተው ብዙዎችን ያሳመነውን የቪሲዲ ማስረጃቸውንና መግለጫቸውን በቅዱስ ሲኖዶስ አባላት ፊት በማቅረብ ለአቡነ ጳውሎስ የመጨረሻ መልእክት ባስተላለፉበት ወቅት ፓትርያሪኩ የተሰማቸውን ብስጭትና እርሱን ተከትሎ በጌታቸው ዶኒ መወገድ ጠንካራ አቋም የያዙትን አባቶች በመዝለፍ ለመበቀል ያለመ እንደሆነ ተገምቷል፡፡
  • በምእመናኑ አስተባባሪዎች ላይ ክስ የመሠረተው ጌታቸው ዶኒ ‹‹መነሣቴ ካልቀረ›› በሚል በብፁዕ አቡነ ገብርኤል ላይ የስም ማጥፋት የሚሰነዝር ጽሑፍ በዜና ቤተ ክርስቲያን ጋዜጣ ላይ ለማውጣት ተዘጋጅቶ እንደነበር ለደጀ ሰላም የደረሰውና ከወ/ሮ እጅጋየሁ በየነ ጋራ የተነጋገረበት የድምፅ ማስረጃ ይጠቁማል፡፡
  • ብፁዕ አቡነ ገብርኤል መልአከ ብርሃን ይትባረክ ታጠቅን የሲዳሞ ሀገረ ስብከት ሥራ አስኪያጅ እንዲሆኑ መምረጣቸው የተመለከተ ሲሆን እኚህ አባት ከዚህ ቀደም በአርሲ፣ በሰሜን ሸዋ፣ በሰላሌ-ፍቼ፣ በደቡብ ኦሞ-ጂንካ እና በደቡብ ወሎ-ደሴ አህጉረ ስብከት በሥራ አስኪያጅነት የሠሩ ሲሆን በመንበረ ፓትርያሪክ ጠቅላይ ቤተ ክህነትም የሰበካ ጉባኤ መምሪያ ምክትል ሐላፊ ሆነው መቆየታቸው ታውቋል፡፡

27 comments:

Anonymous said...

አባ ሰረቀ! ገና ብዙ ይቀባጥራል!!
እግዚአብሔር ለሁሉም ጊዜ አለው ይል የለ!
በዚህ በኩል እሱ በዛ በኩል እጅጋየሁ እንዲሁም ሌሎችም አዋኪዎች መንጫጫት ጀምረዋል!
Thanks to Him!

ene said...

amlak betekistiyann yitebkat.
begashawna meselochu yihnn yewah hizb endatalelachhut amlakyiferdalna tbku. meseretua yekrstos dem new atnawetsm.

Anonymous said...

“አባ“ ሰረቀ፡-
እጅግ በጣም ገረሙኝ። ምንኩስናው ለምን ይሆን? ይህን አለም ንቀው ክርስቶስን የተከተሉ መስሎኝ? የክርስቶስ ተከታይ ይዋሻል? ወንጌል ውሸትን ነው ያስተማረን? ወይስ የክርስቶስን ወንጌል ለማወክ መስለው ገብተው ይሆን? ከታናናሾቹ አንዱን የሚያስናክል አይደል ቃሉ የሚለው? ስንቱን እያሰናከሉ እንደሆነ ያውቃሉ? እስኪ ቃለምልልሱን እንደገና ወደ ልቦታነዎ ተመልሰው ያድምጡት። የተናገሩት ስንቱ እውነትነት እንዳለው እራስዎን ይጠይቁ። ምን የተደበቀ ነገር ኑሮ ነው መግለጫ የሰጡት? ማን ምን እየሰራ እንደሆነ ምዕመናን አይውቁም ብለው ነው? ለምን ነገሩን ወደ አልተፈለገ አቅጣጫ ይወስዱታል? ለምን አይናችሁን ጨፍኑና ላሞኛችሁ ይሉናል? እውነት እኛ የሚያስብ ጭንቅላት የሌለን ይመስለዎታል? ከፈጣሪ ጋር ፊት ለፊት እየገጠሙ እንደሆነ ያውቃሉ? ጥሬ እየቆረጠሙ እያለቀሱ የሚለምኑ አባቶች ያለባት ቤተክርስቲያን እንሆነች ያውቃሉ? የቀደሙ ሙከራዎችን በተለይ የውጭውን አለም በስውር ጥበቡ እንዴት አድርጎ እንደታደጋት ዘነጉት? ትናት የነበረው አምላክ ዛሬ የሌለ መሰልዎት? ወጣቱ ወደ ቤተ ክርስቲያን መመለሱ እንዴት አላስደሰትዎትም? ለመሆኑ የተሰጥዎትን አደራ በዃላ ሲጠየቁ በሚገባ ተወጥቻለሁ ብለው ይመልሱ ይሆን? ስንት አመት ለመኖር አቅደው ይሆን? ለምን ታሪካዊ ቆሻሻ ነገር ሰርተው ማለፍ ፈለጉ? ገንዘብ ይሆን ያሳትዎ? እባክዎትን ይህን አስተያዬት ምን ተብሎ ይሆን ብለው ማንበብዎ ስለማይቀር ለጥያቄዎቼ መልስ ይስጡኝ።
ዘርፈ ብዙ ከሆነው ሴራና ተንኮል እየተከላከለ ለዚህ ዘመን ያደረሳት አምላክ አሁንም ቤቱን ይጠብቅ። በጎቼን ጠብቁ ተብለው ለስልጣን የበቁ ብዙዎች ምክንያቱ ባልታወቀ ነገር አንቀላፍተዋልና በስውር ጥበብህ አንተው ታደገን።

Melkamekene said...

ማኅበረ ቅዱሳን ከሚያደርገው እንቅስቃሴ እንዲቆጠብ ነው!!!!!!!!
For the good well of the church no one will stop anyone till death!!

Wendimoche Beritu! Weladitamilake Titebikenalech Christian Hulem Fetena Alebet! ለአባ ሰረቀ! LIBONA YISTILENE

Fantish said...

'Aba' Serke, I heard on the radio that you said what is the evidence for the 'tehadiso'? I guess it is a matter of time. You will find soon the evidence you are looking for there at your place. You will not be surprised because you know it already; you were and you are doing it. I bet that you realize what the end of this revolution will look like. I want to hear what you gonna say and what you look like. Where could be the place to hide yourselve? However, you do have still time to confess.

welda letewahedo said...

ጎበዝ አባ ሰረቀ ልክ እንደ ስማቸው ሌባ ናቸው ?የምን ሌባ ብትሉኝ በተሃድሶ አራማጅነት ክርስቶስ በደሙ ያጸናት ቤተ ክርስቲያ ያሳደገቻቸውን ምእመናን በተለያየ ዘዴ ጊዜው የኔነው ባባቴ ደብር ደግሞም በናቴ እንዳሻኝ ብል እንደፈለገኝ ሆነና ምንም ቢል አይሰማንም ምክንያቱም ጊዜ የሰጠው ቅል ድንጋይ ይሰብራል አይደል? ያገሬ አባባል ፈኑ እዴከ እምአርያም አድህነነ ወባልሃን እማይ ብዙኅ ነው ጸሎታችን

Anonymous said...

ቀስት የሚወረወረው ሁልጊዜም ወደ እውነት ተናጋሪ ነው። መህበረ ቅዱሳኖች በርቱ። ከጎናችሁ ነን። እውነትን መያዛችሁ በእነሱ አንደበት ባደባባይ መነገር ጀመረ።

Anonymous said...

ዋናው ልዩነቱ የአስተዳደር ነው እንጅ አባ ሰረቀብርሃን በሙያ በኩል የቅኔ መምህርናቸው የመጻህፍተ ሀዲሳት አዋቂ ናቸው በቤተ ክ/ሙያ በቂ ናቸው በፓለቲካው ግን ፍጹም እንከን የማይወጣላቸው ወያኔ ናቸው ማህበረ ቅዱሳን የሰዋን መንግስት ለመመለስ ገፉ ቀና የሚል ድርጅት ነው

Anonymous said...

ማኅበረ ቅዱሳን
ለዚህች ቅድስት ሀገርና ለተዋህዶ ሃይማኖት እግዚአብሄር ያስነሣችሁ በመሆናችሁ፤
ስለ ቃሉ ከመመስከርና ከማስተማር ለሰከንድ ያህል አትቆጠቡ።
መልካም ሥራችሁ ለሁልጊዜ ያብራ።
ፈጣሪ በቸርነቱ አይለያችሁ።

Anonymous said...

Is he really a monk?that is a big question for me.

zetwahedo said...

አባ ሠረቀ ለተቀመጡበት ቦታ በማይመጥን፤ምንኩስናቸውን ጥያቄ ውስጥ በሚከትና የዕውቀታቸው ዳራ እስከምን ድረስ እንደሆነ ያጋለጠባቸውን መግለጫ መስጠታቸው ጥሩ ነው፡፡ማንነታቸው እንዲህ አደባባይ ይውጣ እንጂ፤መቼም በዚህ በአባ ሠረቀ መግለጫ ማኅበረ ቅዱሳን ታላቅ ክሬዲት ነው በምእመኑ ዘንድ ያገኘው፡፡
ከአባ ሠረቀ መግለጫ ስሕተትን ከመለየት የተናገሩት እውነት የሚመስል ነገር ካለ ብሎ መፈለግ ይቀላል ቢባል ማጋነን አይሆንም አባ እብሪት ብቻ ሳይሆን አላዋቂነትም አለባቸው አዋቂ መስለው ለመታየት ይጥራሉ እንጂ ከቀኖና ቤተ ክርስቲያን ጋር እንደማይተዋወቁ ደጅ ጠንተው በሚያገኙት የሚድያ ሽፋን ካደረጉዋቸው ዲስኩሮች መረዳት ይቻላል ለዛሬው የቤተ ክርስቲያቱን ሕጋና ሥርዓት መሠረት አድርገው ሳይሆን ልምድን ይዘው እየደጋገሙ የተናገሩትን የድቁናን እድሜና መስፈርትን በተመለከተ ቀኖና ቤተ ክርስቲያን የሚለውና አባ ሠረቀ የሚሉት ለየቅል መሆኑን የአባ ሠረቀን ጥራዝ ነጠቅ ዲስኩር የሰሙና ሰውየው እንደአፋቸው ዓይናማ መስለዋቸው አንዳንድ ምዕመናን እንዳይሳሳቱና አባ ሰረቀም ራሳቸውን በሊቃውንት ተርታ አሰልፈው የሚደሰኩሩት ዲስኩር አንድ ተራ የቤተ ክርስቲያኒቱን እምነት ጠንቅቆ የሚያውቀውን እንኩዋን የማያውቁ መሆናቸውን የሚገልጥ ሆኖ ስላገኘሁት እንደሚከተለው ላቀርብ ችያለሁ መቼም ከባቲ አበሳ መሆን ቤተ ክርስቲያናችን ያስተማረችን መሆኑን አጥቼው አይደለም የቤተ ክርስቲያኒቱን ቀኖና በእብሪት በማናለብኝነት እያዛቡ ያሉትን ማጋለጥ የወንድምን ኃጢአት መግለጥ እንዳልሆነ ማወቅ ተገቢ ነው፡፡ደግሞስ ነውር ብቻ እንኩዋን ቢሆን እርሳቸው እዩልኝ ብለው ግንባራቸው ላይ ለጥፈው አደባባይ የወጡትን ሌላው እንዴት አድርጎ ነው የሚሰውርላቸው፡፡

ለድቁና ሹመት የሚያበቁ መስፈርቶች(ሁኔታዎች) ምንድር ናቸው?

• “ዲያቆናት ጭምቶች በሁለት ቃል የማይናገሩ ለብዙ ወይን ጠጅ የማይጎመጁ ነውረኛ ረብ የማይወዱ በንጹህ ሕሊና የሃይማኖትን ምሥጢር የሚይዙ ሊሆኑ ይገባቸዋል፡፡እነዚህም ደግሞ አስቀድመው ይፈተኑ ከዚያም በ=ላ ያለ ነቀፋ ቢሆኑ በዲቁና ሥራ ያገልግሉ፡፡…ዲያቆናት ልጆቻቸውንናየራሳቸውን ቤቶች በመልካም እየገዙ እያንዳንዳቸው የአንዲት ሴት ባሎች ይሁኑ”ጢሞ.3፤8-13፡፡

• ፍትሐ ነገሥት ንባብና ትርጓሜው በእንተ ዲያቆናት በሚለው እንቀጽ ሳብዕ(ሰባት) ለድቁና ማዕረግ የሚበቁ የሚከተለውን ያሙዋሉ መሆን እንዳለባቸው ያዛል፡
- በሁለት አንደበት የማይናገሩ
- ወይን አብዝቶ ወደ መጠጣት የማይሳቡ
- የማይገባ ትርፍ ገንዘብን መቀበል የማይወዱ
- ንጹህ በሆነ ልቡና ሃይማኖትን በመረዳት የተወሰኑና የተገቱ
- በአንዲት ሴት የተወሰነ ፤ቤተ ሰዎቹንም ልጆቹንም ሠርቶ ቀጥቶ ያሰደገ ሰው ዲቁና ይሾም (በ1958 ዓ.ም በብርሃንና ሰላም ማተሚያ ቤተ የታተመ ፍትሐ ነገሥት ንባብና ትርጓሜው)
• ሊቀ ካህናት ክንፈ ገብርኤል አልታዬ ሥርዓተ ቤተ ክርስቲያን በሚለው መጽሀፋቸው በገጽ 116 ላይ ለዲቁና ሹመት የሚያበቁ ሁኔታዎችን እንደሚከተለው ዘርዝረዋቸዋል፡- ዲያቆናት ጭምቶች፤ ትዕግስተኞች ፤ግብረገብነት ያላቸውና የሚታዘዙ፤ ሁለት ቃል የማይናገሩ ማለት አንድ ግዜ እውነት አንድ ግዜ ሐሰት የማይናገሩ፤ አብዝተው ወይን የማይጠጡ ፤የማይገባ ትርፍ ገንዘብን መቀበል የማይሹ ፤ንጹሕ በሆነ ልቡና ሃይማኖትን የተረዱ ፤ጋብቻ ያልደገሙ ልጆቻቸውን ቤተሰቦቻቸውን ቀጥተው ሠርተው ያሳደጉ መሆን ይገባቸዋል፤በዚህ ሁሉ የተፈተኑና ነውር የሌለባቸው ሆነው ሲገኙ ዲቁና ይሾማሉ(1ጢሞ 3፤8-13፡፡)(ፍትሐ ነገሥት አንቀጽ 7 ክፍል ቀዳሚት ጢት 4)

• በቅርጣግና የተሰበሰቡ ሊቃውንት ባስራአንደኛው አንቀጽ አብርሃም ቀሲስ ዲያቆን 25 ዓመት ሳይሆነው አይሾም የሚል በሮማውያን መጽሐፍ ተጽፉዋል አሉ፡፡በዘመነ ኦሪት የነበሩ የሌዋውያንም ሥርዓት ሐያ አምሥት ዓመት ካልሆነው የደብተራ ኦሪትን ሥራት እንዳይሠራ መጽሐፍ ያዛል፡፡ሰው ሐያ አምስት ከሆነው በ=ላ ነው እንጂ ሐያ አምስት ዓመት ሳይሆነው አእምሮው ይደላደልለት ዘንድ አይቻለውም፡፡

ሥርዓተ ቤተ ክርስቲያን በሚለው በሊቀ ካህናት ክንፈ ገብርኤል አልታዬ መጽሀፍ በገጽ 117 ላይም“ዲያቆን ሐያ አምስት ዓመት ሳይሞላው አይሾምም ይላል ይሁን እንጂ ብቁ ሆኖ ከተገኘ ከዚህ ዕድሜ በታች ያለ ቢሆንም ይሾማል (ፍትሐ ነገስት አንቀጽ 7ክፍል 2 ቀጠግ 11)
ራስዎትን በሊቅነት ወንበር አስቀምጠዋልና አባ ሰረቀ ከላይ የተዘገበውን ያውቁታል አረ ያለ ዛሬም አልሰማሁም እንደሚሉ እርግጠኛ ነኝ ምክንያቱም እርስዎ ልምድን እንጂ ሊቃውንትንና መጻሕፍትን እየሰሙና እየተመለከቱ አልኖሩምና፤፤እንግዲህ ከማኅበረ ቅዱሳን አባላት በጎልማስነታቸው ወቅት ድቁናን የተቀበሉ መኖራቸው ብርቅ ድንቅ የሆነብዎት በቤተክርስቲያናችን ላይ በተለያየ ወቅት በደረሰው ፈተና ምክንያት የካህናት እጥረት በመፈጠሩ በተለይ ከግብጽ እየተሸሙ ይመጡ የነበሩት ጳጳሳት ግብጽን ያስተዳድሩ በነበሩት ሙስሊም መሪዎች ተጽዕኖ ለብዙ ዘመናት እንዳይመጡ ይደረግ ስለነበር በገጸ በረከት በመስጠትም ሆነ በዲፕሎማሲው መንገድ ከረዥም ዘመናት በ=ላ ጳጳሳቱ ተፈቅዶ በሚመጡበት ግዜ ለወደፊትም እነዚህ የግብጽ ሱልጣኖች አንድ ምክንያት ፈጥረው ጳጳስ እንዳይመጣ ቢከለክሉ እንኩዋን ቀድሶ የሚያቆርብ እንዳናጣ በሚል ቀኝና ግራቸውን ገና ላላወቁ ሕፃናት እንኩዋን ሳይቀሩ ዲቁና እንዲቀበሉ ማድረግ ተጀመረ ይህ ችግር ያመጣው ልምድ እንደ አባ ሠረቀ ላሉት ቀኖናዊ ተደርጎ ተወሰደ
ዳሩ ግን ዛሬ ከኢትዮጵያ ቤተ ክርስቲያን ጋር በዶግማና በቀኖና አንድ በሆኑት አብያ ክርስቲያናት ቀኖናው የተጠበቀ ነው፡፡እንግዲህ የማኅበረ ቅዱሳን አባላት የቤተ ክርስቲያኒቱን እምነትና ሥርዓት ጠንቅቀው ያወቁ እንደ ቀኖና ቤተ ክርስቲያን እድሚያቸው ከሀያ አምስት ዓመት በላይ የሆነ መሆናቸው ደስ ሊያሰኝ ሲገባ በመገናኛ ብዙኃን ሊያስደነፋ ባልተገባ ነበር፡፤አላዋቂን ለማግኘት ሩቅ አትሂድ አውቃለሁ ሲል ታገኘዋለህ ይሉዋጭሁዋል ይህ ነው እንግዲህ “ሊቁ” አባ ሠረቀ በጥራዝ ነጠቅነት ለሰጡት ዲስኩራቸው መጻሕፍትን ጠቅሰው ሊቃውንትን ምሥክር አድርገው መልስ ለመስጠት መገናኛ ብዙኃንን ደጅ እንደማይጠኑ እርግጠኛ ነኝ ምናልባት ያው የዕብሪት ጩኸታቸውን ለማሰማት ካልሆነ፡፡
ቸሩ አምላክ ልቦና ይስጥዎት!
ዘተዋሕዶ

zetewahedo said...

አባ ሠረቀ ለተቀመጡበት ቦታ በማይመጥን፤ምንኩስናቸውን ጥያቄ ውስጥ በሚከትና የዕውቀታቸው ዳራ እስከምን ድረስ እንደሆነ ያጋለጠባቸውን መግለጫ መስጠታቸው ጥሩ ነው፡፡ማንነታቸው እንዲህ አደባባይ ይውጣ እንጂ፤መቼም በዚህ በአባ ሠረቀ መግለጫ ማኅበረ ቅዱሳን ታላቅ ክሬዲት ነው በምእመኑ ዘንድ ያገኘው፡፡
ከአባ ሠረቀ መግለጫ ስሕተትን ከመለየት የተናገሩት እውነት የሚመስል ነገር ካለ ብሎ መፈለግ ይቀላል ቢባል ማጋነን አይሆንም አባ እብሪት ብቻ ሳይሆን አላዋቂነትም አለባቸው አዋቂ መስለው ለመታየት ይጥራሉ እንጂ ከቀኖና ቤተ ክርስቲያን ጋር እንደማይተዋወቁ ደጅ ጠንተው በሚያገኙት የሚድያ ሽፋን ካደረጉዋቸው ዲስኩሮች መረዳት ይቻላል ለዛሬው የቤተ ክርስቲያቱን ሕጋና ሥርዓት መሠረት አድርገው ሳይሆን ልምድን ይዘው እየደጋገሙ የተናገሩትን የድቁናን እድሜና መስፈርትን በተመለከተ ቀኖና ቤተ ክርስቲያን የሚለውና አባ ሠረቀ የሚሉት ለየቅል መሆኑን የአባ ሠረቀን ጥራዝ ነጠቅ ዲስኩር የሰሙና ሰውየው እንደአፋቸው ዓይናማ መስለዋቸው አንዳንድ ምዕመናን እንዳይሳሳቱና አባ ሰረቀም ራሳቸውን በሊቃውንት ተርታ አሰልፈው የሚደሰኩሩት ዲስኩር አንድ ተራ የቤተ ክርስቲያኒቱን እምነት ጠንቅቆ የሚያውቀውን እንኩዋን የማያውቁ መሆናቸውን የሚገልጥ ሆኖ ስላገኘሁት እንደሚከተለው ላቀርብ ችያለሁ መቼም ከባቲ አበሳ መሆን ቤተ ክርስቲያናችን ያስተማረችን መሆኑን አጥቼው አይደለም የቤተ ክርስቲያኒቱን ቀኖና በእብሪት በማናለብኝነት እያዛቡ ያሉትን ማጋለጥ የወንድምን ኃጢአት መግለጥ እንዳልሆነ ማወቅ ተገቢ ነው፡፡ደግሞስ ነውር ብቻ እንኩዋን ቢሆን እርሳቸው እዩልኝ ብለው ግንባራቸው ላይ ለጥፈው አደባባይ የወጡትን ሌላው እንዴት አድርጎ ነው የሚሰውርላቸው፡፡

ለድቁና ሹመት የሚያበቁ መስፈርቶች(ሁኔታዎች) ምንድር ናቸው?

• “ዲያቆናት ጭምቶች በሁለት ቃል የማይናገሩ ለብዙ ወይን ጠጅ የማይጎመጁ ነውረኛ ረብ የማይወዱ በንጹህ ሕሊና የሃይማኖትን ምሥጢር የሚይዙ ሊሆኑ ይገባቸዋል፡፡እነዚህም ደግሞ አስቀድመው ይፈተኑ ከዚያም በ=ላ ያለ ነቀፋ ቢሆኑ በዲቁና ሥራ ያገልግሉ፡፡…ዲያቆናት ልጆቻቸውንናየራሳቸውን ቤቶች በመልካም እየገዙ እያንዳንዳቸው የአንዲት ሴት ባሎች ይሁኑ”ጢሞ.3፤8-13፡፡

• ፍትሐ ነገሥት ንባብና ትርጓሜው በእንተ ዲያቆናት በሚለው እንቀጽ ሳብዕ(ሰባት) ለድቁና ማዕረግ የሚበቁ የሚከተለውን ያሙዋሉ መሆን እንዳለባቸው ያዛል፡
- በሁለት አንደበት የማይናገሩ
- ወይን አብዝቶ ወደ መጠጣት የማይሳቡ
- የማይገባ ትርፍ ገንዘብን መቀበል የማይወዱ
- ንጹህ በሆነ ልቡና ሃይማኖትን በመረዳት የተወሰኑና የተገቱ
- በአንዲት ሴት የተወሰነ ፤ቤተ ሰዎቹንም ልጆቹንም ሠርቶ ቀጥቶ ያሰደገ ሰው ዲቁና ይሾም (በ1958 ዓ.ም በብርሃንና ሰላም ማተሚያ ቤተ የታተመ ፍትሐ ነገሥት ንባብና ትርጓሜው)
• ሊቀ ካህናት ክንፈ ገብርኤል አልታዬ ሥርዓተ ቤተ ክርስቲያን በሚለው መጽሀፋቸው በገጽ 116 ላይ ለዲቁና ሹመት የሚያበቁ ሁኔታዎችን እንደሚከተለው ዘርዝረዋቸዋል፡- ዲያቆናት ጭምቶች፤ ትዕግስተኞች ፤ግብረገብነት ያላቸውና የሚታዘዙ፤ ሁለት ቃል የማይናገሩ ማለት አንድ ግዜ እውነት አንድ ግዜ ሐሰት የማይናገሩ፤ አብዝተው ወይን የማይጠጡ ፤የማይገባ ትርፍ ገንዘብን መቀበል የማይሹ ፤ንጹሕ በሆነ ልቡና ሃይማኖትን የተረዱ ፤ጋብቻ ያልደገሙ ልጆቻቸውን ቤተሰቦቻቸውን ቀጥተው ሠርተው ያሳደጉ መሆን ይገባቸዋል፤በዚህ ሁሉ የተፈተኑና ነውር የሌለባቸው ሆነው ሲገኙ ዲቁና ይሾማሉ(1ጢሞ 3፤8-13፡፡)(ፍትሐ ነገሥት አንቀጽ 7 ክፍል ቀዳሚት ጢት 4)

• በቅርጣግና የተሰበሰቡ ሊቃውንት ባስራአንደኛው አንቀጽ አብርሃም ቀሲስ ዲያቆን 25 ዓመት ሳይሆነው አይሾም የሚል በሮማውያን መጽሐፍ ተጽፉዋል አሉ፡፡በዘመነ ኦሪት የነበሩ የሌዋውያንም ሥርዓት ሐያ አምሥት ዓመት ካልሆነው የደብተራ ኦሪትን ሥራት እንዳይሠራ መጽሐፍ ያዛል፡፡ሰው ሐያ አምስት ከሆነው በ=ላ ነው እንጂ ሐያ አምስት ዓመት ሳይሆነው አእምሮው ይደላደልለት ዘንድ አይቻለውም፡፡

ሥርዓተ ቤተ ክርስቲያን በሚለው በሊቀ ካህናት ክንፈ ገብርኤል አልታዬ መጽሀፍ በገጽ 117 ላይም“ዲያቆን ሐያ አምስት ዓመት ሳይሞላው አይሾምም ይላል ይሁን እንጂ ብቁ ሆኖ ከተገኘ ከዚህ ዕድሜ በታች ያለ ቢሆንም ይሾማል (ፍትሐ ነገስት አንቀጽ 7ክፍል 2 ቀጠግ 11)
ራስዎትን በሊቅነት ወንበር አስቀምጠዋልና አባ ሰረቀ ከላይ የተዘገበውን ያውቁታል አረ ያለ ዛሬም አልሰማሁም እንደሚሉ እርግጠኛ ነኝ ምክንያቱም እርስዎ ልምድን እንጂ ሊቃውንትንና መጻሕፍትን እየሰሙና እየተመለከቱ አልኖሩምና፤፤እንግዲህ ከማኅበረ ቅዱሳን አባላት በጎልማስነታቸው ወቅት ድቁናን የተቀበሉ መኖራቸው ብርቅ ድንቅ የሆነብዎት በቤተክርስቲያናችን ላይ በተለያየ ወቅት በደረሰው ፈተና ምክንያት የካህናት እጥረት በመፈጠሩ በተለይ ከግብጽ እየተሸሙ ይመጡ የነበሩት ጳጳሳት ግብጽን ያስተዳድሩ በነበሩት ሙስሊም መሪዎች ተጽዕኖ ለብዙ ዘመናት እንዳይመጡ ይደረግ ስለነበር በገጸ በረከት በመስጠትም ሆነ በዲፕሎማሲው መንገድ ከረዥም ዘመናት በ=ላ ጳጳሳቱ ተፈቅዶ በሚመጡበት ግዜ ለወደፊትም እነዚህ የግብጽ ሱልጣኖች አንድ ምክንያት ፈጥረው ጳጳስ እንዳይመጣ ቢከለክሉ እንኩዋን ቀድሶ የሚያቆርብ እንዳናጣ በሚል ቀኝና ግራቸውን ገና ላላወቁ ሕፃናት እንኩዋን ሳይቀሩ ዲቁና እንዲቀበሉ ማድረግ ተጀመረ ይህ ችግር ያመጣው ልምድ እንደ አባ ሠረቀ ላሉት ቀኖናዊ ተደርጎ ተወሰደ
ዳሩ ግን ዛሬ ከኢትዮጵያ ቤተ ክርስቲያን ጋር በዶግማና በቀኖና አንድ በሆኑት አብያ ክርስቲያናት ቀኖናው የተጠበቀ ነው፡፡እንግዲህ የማኅበረ ቅዱሳን አባላት የቤተ ክርስቲያኒቱን እምነትና ሥርዓት ጠንቅቀው ያወቁ እንደ ቀኖና ቤተ ክርስቲያን እድሚያቸው ከሀያ አምስት ዓመት በላይ የሆነ መሆናቸው ደስ ሊያሰኝ ሲገባ በመገናኛ ብዙኃን ሊያስደነፋ ባልተገባ ነበር፡፤አላዋቂን ለማግኘት ሩቅ አትሂድ አውቃለሁ ሲል ታገኘዋለህ ይሉዋጭሁዋል ይህ ነው እንግዲህ “ሊቁ” አባ ሠረቀ በጥራዝ ነጠቅነት ለሰጡት ዲስኩራቸው መጻሕፍትን ጠቅሰው ሊቃውንትን ምሥክር አድርገው መልስ ለመስጠት መገናኛ ብዙኃንን ደጅ እንደማይጠኑ እርግጠኛ ነኝ ምናልባት ያው የዕብሪት ጩኸታቸውን ለማሰማት ካልሆነ፡፡
ቸሩ አምላክ ልቦና ይስጥዎት!
ዘተዋሕዶ

Anonymous said...

Please pray for Komos Sereke!one week in Addis ababa and then one week in Virginia.Hey I don't think Aba sereke has the full attention and spirituality to be assigned to his current post.If he is acting indifferently against innocent youth who sacrice their life for EOTC,aba sereke(he )will be a looser big time.U better act like a big Father,working with the youth for the church.

Anonymous said...

"gerafe rasun gerfo rasu yechohal"
aydel negeru; ere (aba?)sereke leyetegnaw gizewot new endezihe balekew gizewot yemizelabedut? ebakwo wede helinawo yemelesu.zemenu litekelel tenish newena yekerew geta be ewnet yatsenan.

Anonymous said...

ድብቅ ሥራው የተነቃበት ሰው የማቀባጥረው የለምና ጎበዝ ባለንበት እንበርታ፣ ሰጋ የለበሰውን አጋንንት በጸሎት እንታገል
ሥራውን ስለሚያውቅ ነው ሳቱ ሰ ንጉሠ ሠ እያለ ሚያስጠዬቀው

Anonymous said...

ማህበረ ክዱሳን በቅዱሳን ሰም የተዋቀረ ማህበር ስለሆነ ሁል ጊዜም እግዚአበሔር ከእናንተ ጋር ይሆናል፡፡የቅዱሳን ጸሎት ይረዳችሀል እና እነዚህን አጽራረ ቤተ ክርስቲያን ሳታስወጡ እንዳትተዋቸዉ እግዚአበሔር ይርዳችሁ እኛም ከጎናችሁ ነን፡፡ እመበርሃን ትርዳን፡፡

facbook said...

"እግዚአብሔር ሲጣላ አርጩሜ አይቆርጥም

ያደርገዋል እንጂ ንግግር እንዳይጥም።"

W said...

Mahibere kidusanoch bertulen, yenebiyu Daniel tarik lemiawke sew, dekamachu frey eyafera mehonune tawkalachu. yedestachine desta yehonew geta Egzabehare eyesuse kirstose kenatu dingil mariam gare ayeleyachu!
The fruit is getting rippening and will be available to those who know the time of the friut.

Anonymous said...

ከጭንቅላቱ ላይ ያለውን ፓትርያርክ ጀምሮ መሳደብን ያስተማራቸው ጨዋው በጋሻው ስለሆነ በመጡት ተሳዳቢ ልዑካን አንፈርድባቸውም፡፡ አጎታቸው የወጣለት ተሳዳቢ ‹የሃይማኖት መምህር›ነውና፡፡ ድሮውንም ቢሆን ከኩርንችቶች በለስን፣ ከእባቦች ርግብን አንጠብቅም፡፡ ክርስቲያኖች ግን ያበደ ውሻና ተስፋ የቆረጠ የቢዝነስ ሰው በብስጭት የሚሰራውን አያውቅምና ዕብዶቹን በትዕግስተና በማስተዋል እንለፈፋቸው፡፡
አምላከ ቅዱሳን ይርዳን!!!

Anonymous said...

ሰረቀ ተንሰቀሰቀ፣ ተንቦጃቦጀ፡፡ ኧረ ምን አይነት ሽብርነው የገጠመዎት ጌታዬ? እንደዚህ እንደ እብድ ውሻ ከቤተ ክህነት እስከ ቤተ መንግስት የሚያብከነክኖት በእውነት የዚህች ቤ/ክ ጉዳይ በተለይም የወጣቱ ጉዳይ ነውን? አይ የመግለጫ አቀራረብ! አይ አገባብ! አይ ታክቲክ! ስድስት ዓመት ሙሉ ከሴት ወይዘሮ ጋር ሆነው ሲብከነከኑ ሳዮት ድካሞ ደከመኝ፡፡ እስኪ ከእነወ/ሮ እጅጋየሁ እና ከእነ በጋሻውጋር ያሎትን መጣባት ይተውና ገዳም ሂደው በሱባኤ ቢጤ ይሞክሩት፡፡ እንዲያው በሽታዎን ቢያስታግስልዎ ብየ ነው እኮ ቢጭንቀኝ ምን ላድርግ፡፡ ውሃ ወደ ላይ አይፈስም እርስዎን መምከር የዚህን ያህል ቢከብድም እንዲያው የተሻለው አማራጭ ይህ መሰለኝ፡፡ ግን ደግሞ ስጋት አለኝ ገዳማውያኑን ቢበክሉብንስ? ድመት መንኩሳ አመሏን አትረሳ፡፡ ስለዚህ አንድ ፊቱን እዚያችው #ቅድስቲቱ» አገር አማሪካ ቢሄዱና ከአባ ፋኑኤል ጋር በቤ/ክርስቲያኒቷ ገንዘብ relax ብታደርጉልን አይሻላችሁምን?

ዘዮ said...

“ለእናንተም ለወዳጆቼ እላችኋለሁ፥ ሥጋን የሚገድሉትን በኋላም አንድ ስንኳ የሚበልጥ ሊያደርጉ የማይችሉትን አትፍሩ። እኔ ግን የምትፈሩትን አሳያችኋለሁ፤ ከገደለ በኋላ ወደ ገሃነም ለመጣል ሥልጣን ያለውን ፍሩ። አዎን እላችኋለሁ፥ እርሱን ፍሩ።”
የሉቃስ ወንጌል 12፡ 4‐5

እንደናንተ ያለ ተሀድሶ መናፍቅ በቤተክርስቲያን ውስጥ ተሰግስጎ ምዕመናንን እና መንግስትን ግራ ያጋባል። አይ አባ ሰረቀ! ለመሆኑ ይህ ከዲያቢሎስ ጋር መክራችሁ የወጠናችሁትን ‘በደንብ ያልተጠና’ ሴራ እንኳን የቤተክርስቲያን ምእመናን ቀርተው አሁንስ መንግስትም በደንብ ይረዳዋል ብዬ አምናለሁ። ማሰብ ተስኗችሁ እንጂ የመንግስት አካላትም እኮ እምነት አላቸው። የሚገርመው ዛሬም ከዚህ በፊት መንግስትን ያሳሳታችሁበትን ስልት አሁንም ለመድገም መሯሯጣችሁ ነው። አይምሰላችሁ እውነት አደባባይ ላይ ወድቃ አትቀርም። እውነት እርሱ እግዚአብሄር ስለሆነ።

የቤተክርስቲያን እውነተኛ አባቶቸ ሊቃውንት እንዲሁም ምእመናን እና ምእመናት ለአንዲት ቀጥተኛና እውነተኛ የኦርቶዶክስ ተዋህዶ ሃይማኖት በፀሎት፣በአገልግሎት፣የተሃድሶ መናፍቃንን ሴራ በጥበብ በማክሸፍና በመሳሰሉት መንፈሳዊ ተግባራት ሁሉ ተጋደሉ።

“ ወዳጆች ሆይ፥ ስለምንካፈለው ስለ መዳናችን ልጽፍላችሁ እጅግ ተግቼ ሳለሁ፥ ለቅዱሳን አንድ ጊዜ ፈጽሞ ስለ ተሰጠ ሃይማኖት እንድትጋደሉ እየመከርኋችሁ እጽፍላችሁ ዘንድ ግድ ሆነብኝ።”
የይሁዳ መልእክት ቁጥር 3

ስለዚህ ወገኖቼ በነአባ ሰረቀ ተንኮል ሳንረበሽ እግዚሃብሄርን ብቻ በመፍራትና እርሱን ደጅ በመጥናት እንዲሁም የወላዲት አምላክንና የቅዱሳንን አማላጅነት ተስፋ በማድረግ ቤተክርስቲያናችንን ከጥፋት እንታደግ!

Anonymous said...

‹‹አላአዋቂን ለማግኝት ቡዙ መጓዝ አያስፈልግም አውቃለሁ ሲል ታገኘዋለህ፡፡ ›› አለ ወንድሜ፡፡
ሰዎች ስለማንታቸው በራሳቸው አንደበት መናገር ጀመሩ፡፡ ድሮስ እግዚአብሔር አፍን ከፍቶ ፊትን ጸፍቶ ያናግራል አይደል የሚሉት አባቶች፡፡
አሱ ስለእርሱ ይህን ካለ ማህበረ ቅዱሳን ስለእርሱ የሚለውን በአሉባልታና በድንፋታ ሳይሆን በመረጃና በጥሞና ለሚመለከተው የቤተ ክርስትያን አካል ሊያቀርብ ይገባል፡፡ ድሮስ የካህን ወግ ይህ አይደል፡፡

Anonymous said...

ebakachuh yale sim sim atistu sewun telanew tebilo zim bilo ye wushet meat mederder tiru ayidelem ewunetun ewunet new malet .....yihen yalkubet minknyat abba sereke alitemarum yemilewun asiteyayet ayiche betam germogn new ....silelelaw negerachew alakim gin ye kine memiher yemetsehaf memiher nachew sewuyew metsihaf yetemarut kelike likawunt gondar new yihen be erigtegnenet akalehu ....ena bakachihun ewunet yehone neger awuru

Anonymous said...

You Deje Selam are Evil as Mahibere 'Kidusan' (Mahibere Cannan). You do not have faith but look like faithful, you do not respect the elderly let alone the holy fathers of our Church. Simply you are evil and need to be uprooted from our church. You and the MK are tumors in the EOTC history.

May God get rid of you.
Christian

Anonymous said...

ከላይ አስተያየት የሰጠ ‹አባ ሰረቀ ጎንደር ከሊቀ ሊቃውንት ትምህርት ተምረዋል›› ያልከው ስንት ዓመት እንደተማሩ ከዚያስ እንዴት ወደ አዲስ አበባ እንደመጡ ልትነግረን ትችላለህ

Anonymous said...

What an arrogant and insane 'monk' realy he is ? Do we understand why he strongly protest mk ? because mk publicized his and other his partners diabolic and destructive mission to the public. Why does he irritate like this unless he himself is one member of the so called tehadeso ? What missions does he carry when he come from America ? Why he wishes to be a bishop in such a manner ? Is this the manner of our saint ancestors or simon the magician (acts 8).MAY GOD KEEP OUR CHURCH FROM THE EVIL AND DESTRUCTIVE ACTS OF Sereke,Begashaw,tizitaw,yared Admegnaw and others!!

Anonymous said...

You who coment above are you sure that 'aba' sereke (aba stole) is our church father ? Were our fathers arrogants ? Were they ran after appointments(shumet) ? Were they stand for destruction ? Were they defame publically innocents ? Were they friends with divorced ladies ? Or you yourself is one of them ?

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)