May 31, 2011

አባ ሰረቀ ዛሬ ጋዜጣዊ መግለጫ ይሰጣሉ፤ ተሐድሶን መቃወምን ተቃውመዋል

To Read, Print and Share this Message, click HERE (PDF). ይህንን መልእክት በPDF ለማንበብ፣ ለማተም እና ለሌሎች ለማዳረስ ይህንን ይጫኑ

(ደጀ ሰላም፤ ሜይ 31/2011)፦ አባ ሰረቀ የተባሉት የሰንበት ት/ቤቶች ማ/መምሪያ ሐላፊ ዛሬ ይሰጡታል ተብሎ በሚጠበቀውና ለደጀ ሰላም በደረሰው ጽሑፋዊ ጋዜጣዊ መግለጫ ላይ የፕሮቴስታንታዊ-ተሐድሶ-ኑፋቄ “ማኅበረ ቅዱሳን የቤተ ክርስቲያናችን ቀኖና በሚጻረር መልኩ በአገልጋይና በተገልጋይ መካከል ለዘመናት የቆየውን ጤናማ ግንኙነት በሚያሻክር አኳኋን አለስልጣኑ በመግባት የሚተገብረው ዐዋጅ ነው” አሉ።


ዛሬ ማክሰኞ ጠዋት በመምሪያው ስም መግለጫ ይሰጣል ተብሎ የሚጠበቀው መግለጫ ለወጣቱ “የክረምት ችግኝ ተከላን፣ ለዐባይ ግድብ ግንባታ የቦንድ ግዥ፣ የደሞዝ ልገሳ፣ የሞራልና የጉልበት ድጋፍ በማድረግ” ጥሪ ማር ተለውሶ የቀረበ የዋና ሐላፊው አጀንዳ መሆኑን የዜና ምንጮቻችን አስረድተዋል። መግለጫውን የመምሪያው ሊቀ ጳጳስ ብፁዕ አቡነ ቀሌምንጦንስ እና የጠ/ቤ/ክህነቱ ብፁዕ ዋና ሥራ አስኪያጅ እንደማያውቁት የተደረሰበት ሲሆን ጉዳዩ በዋነኝነት የሚያጠነጥንበት ማኅበረ ቅዱሳን በበኩሉ መግለጫው “አግባብነት የሌለው ነው” ሲል ተቃውሞታል።

 “የሰንበት ት/ቤቶች ማደራጃ መምሪያ ባለው ውሱን የሰው ኃይልና በጀት በመንቀሳቀስ በመላ ዓለም የሚገኙ ወጣቶች ወጥ የሆነ የትምህርትና መዝሙር ሥርዐት እንዲኖራቸው ከምንጊዜውም በላይ በመንቀሳቀስ ላይ” እንደሚገኝ መግለጫው ያብራራል።

አባ ሰረቀ አላግባብ ከተሰጠው የሲዳሞ ሀ/ስብከት ሥራ አስኪያጅነት ሥልጣን በሰሞኑ የቅዱስ ሲኖዶስ ውሳኔ የተባረረው መናፍቁ ጌታቸው ዶኒ የሐዋሳ ምእመናን ባዘጋጁትና የብዙዎችን ትኩረት በመሳብ በስፋት እየተሰራጨ በሚገኘው ቪሲዲ “ስሜ ጠፍቷል” በሚል በምእመናኑ አስተባባሪዎች ላይ የመሠረተው ክስ “ተጠናክሮ እንዲቀጥል” የሚጠይቅ ደብዳቤ ለክልሉ የፍትሕ እና ጸጥታ ቢሮ ጽፈዋል፤ በዚህም ቀደም ሲል ከጌታቸው ዶኒ ጋራ በድብቅ የተስማሙበትንና በማስረጃ የተረጋገጠባቸውን የማደራጃ መምሪያውን የዋና ሐላፊነት ሥልጣን ተጠቅመው የፕሮቴስታንታዊ-ተሐድሶ-ኑፋቄን የማስፋፋት ያልተቀደሰ ኪዳን አድሰዋል፡፡  

ይህ በእንዲህ እንዳለ የዚህ የፀረ ማ/ቅዱሳን እንቅስቃሴ መሪ እና የተሐድሶው ቡድን አቀንቃኝ የሆኑት ዋና ሐላፊው አባ ሰረቀ ባለፉት አምስት ዓመታት ማኅበሩን ከታገሉበት የበለጠ እንቅስቃሴ በማድረግ በቀጣይ ማኅበረ ቅዱሳንን “በሕግ ለመጠየቅ” መዛታቸው ተሰምቷል። ከዚህም ባሻገር ሁሉም ማተሚያ ቤቶች የማኅበሩን ጋዜጣ፣ መጽሔት እና መጻሕፍት እንዳያትሙ የሚከለክል ደብዳቤ አሰራጭተዋል ተብሏል።


በቅዱስ ሲኖዶስ በጸደቀለት መተዳደሪያ ደንብ መሠረት የዘመኑን ትውልድ ከአፅራረ ቤተ ክርስቲያን የመጠበቅ ሐላፊነት የተጣለበት ማኅበረ ቅዱሳን ፕሮቴስታንታዊ-ተሐድሶ-ኑፋቄን ለመከላከል የሚያደርገው እንቅስቃሴ ‹‹የቤተ ክርስቲያናችን ቀኖና በሚጻረር መልኩ በአገልጋይና በተገልጋይ መካከል ለዘመናት የቆየውን ጤናማ ግንኙነት በሚያሻክር አኳኋን አለስልጣኑ በመግባትና የቤተ ክርስቲያን ሰንሰለታዊ መዋቅር በመጣስ›› የሚተገብረው ነው ሲል የሰንበት ት/ቤቶች ማደራጃ መምሪያ አስታወቀ፡፡ ‹‹የመምሪያውን ውሳኔዎች እና መመሪያዎች አይቀበልም፤ ተግባራዊ ለማድረግም ፈቃደኛ አይደለም›› ባለው በማኅበረ ቅዱሳን ላይም ከበፊቱ የበለጠ በመንቀሳቀስ ማኅበሩን በሕግ የሚጠይቅ መሆኑን ገልጧል፡፡ 

ከግንቦት 10 - 16 ቀን 2003 ዓ.ም የተካሄደው የርክበ ካህናት ቅዱስ ሲኖዶስ ስብሰባ በመምሪያው እና በማኅበሩ መካከል ያለውን ችግር ለመፍታት ሰባት አባላት(ከሊቃነ ጳጳሳት - ብፁዕ አቡነ ገሪማ፣ ብፁዕ አቡነ ሕዝቅኤል፣ ብፁዕ አቡነ ማርቆስ፤ ከሊቃውንት ጉባኤ - መልአከ ታቦር ተሾመ ዘሪሁን፣ ሊቀ ሥዩማን ራደ አስረስ፣ መልአከ ሰላም ዓምደ ብርሃን፤ አቶ ይሥሐቅ - ከሕግ አገልግሎት) ያሉት አጣሪ ኮሚቴ ባቋቋመበት ሁኔታ መግለጫው መሰጠቱ አግባብነት የጎደለው መሆኑን የገለጸው ማኅበረ ቅዱሳን በበኩሉ፣ በሕግ የታወቀ የቤተ ክርስቲያን አንድ የአገልግሎት አካል እንጂ እንደ ባዕድ መግለጫ የሚወጣበት አለመሆኑን ለመመሪያው፣ ለቅዱስ ሲኖዶስ ጽ/ቤት፣ ለፓትርያሪኩ ልዩ ጽ/ቤት እና ለመንበረ ፓትርያሪክ ጠ/ቤ/ክ ጽ/ቤት በጻፈው ደብዳቤ አስታውቋል፡፡

የዛሬው የዋና ሐላፊው መግለጫ በመምሪያው ሊቀ ጳጳስ ብፁዕ አቡነ ቀሌምንጦስ ይሁን መምሪያው ተጠሪ በሆነለት የጠቅላይ ቤተ ክህነቱ ጽ/ቤት እንደማይታወቅ ተመልክቷል፡፡ ቅዱስ ሲኖዶስ አጣሪ ኮሚቴውን ከሠየመ በኋላ በእጅጉ ስለመጨናነቃቸው እየተነገረላቸው የሚገኙት ዋና ሐላፊው አባ ሰረቀ ሰሞኑን ከውርደት ያድኑኛል ያሏቸውን የተለያዩ አካላት ጋራ በመገናኘት በማኅበረ ቅዱሳን ላይ የሚያቀርቧቸውን ማስረጃዎች እያፈላለጉ መሆናቸው ተጠቁሟል፡፡ የዛሬው መግለጫ ዋነኛ ይዘት አባ ሰረቀ ‹‹በጥናታዊ ጽሑፍ›› ስም እና በተለያዩ ደብዳቤዎቻቸው ሲያቀርቧቸው የቆዩዋቸውን ክሶች የያዘ ሲሆን ቀላል ግምት በማይሰጠው መልኩ የፕሮቴስታንታዊ-ተሐድሶ-ኑፋቄ አቀንቃኝ የሆኑ ገላጭ አንቀጾችም አልጠፉበትም - ‹‹የሰንበት ት/ቤቶች ማደራጃ መምሪያ ባለው ውሱን የሰው ኃይልና በጀት በመንቀሳቀስ በመላ ዓለም የሚገኙ ወጣቶች ወጥ የሆነ የትምህርትና መዝሙር ሥርዐት እንዲኖራቸው ከምንጊዜውም በላይ በመንቀሳቀስ ላይ ይገኛል፡፡›› ይህ ዐረፍተ ነገር በመግለጫው እንደሚታዩት ሌሎች አንቀጾች ሁሉ ተራ የአጻጻፍ እንከን ብቻ ሳይሆን ‹‹ለሰላም የቆመ ሁሉ የማኅበሩ አባል ነው›› ይል በነበረውና በዚህ ዓላማ የዓለም ክርስቲያን ወጣቶች ማኅበር አባል የነበረው ‹‹ሃይማኖተ አበው›› አስተሳሰብ ተጽዕኖ እንዳለበት ታዛቢዎች ይናገራሉ፡፡ ሌላው የኑፋቄ አቀንቃኝ ቡድንም ‹‹ኦርቶዶክስን፣ ፕሮቴስታንትን፣ ካቶሊክን ባለመለየት ሁሉን አገልግላለሁ›› ባይ እንደሆነ ይታወቃል፡፡ አባ ሰረቀ ሰሞኑን በቢሯቸው ባደረጉት ምክክር ከእነ በጋሻው ደሳለኝ ጋራ የታወቁ የ‹‹ሃይማኖተ አበው›› ርዝራዦች አንዶቹ እንደነበሩ ተገልጧል፡፡
ይሰጣል ተብሎ የሚጠበቀውን መግለጫው ሙሉ ቃል ከዚህ በታች ያንብቡ።


+++
ከኢትዮጵያ ኦርቶዶክስ ተዋሕዶ ቤተ ክርስቲያን መንበረ ፓትርያሪክ ጠቅላይ ጽ/ቤት ከሰንበት ት/ቤቶች ማደራጃ መምሪያ የተሰጠ መግለጫ፤              

የኢትዮጵያ ኦርቶዶክስ ተዋሕዶ ቤተ ክርስቲያን በታሪክ ራስዋን ችላ ሁለገብ አገልግሎት መስጠት ከጀመረችበት ጊዜ አንሥቶ በሁለተኛው ፓትርያሪክ በብፁዕ ወቅዱስ አቡነ ቴዎፍሎስ ጊዜ ወጣቶችን አሰባስቦና አደራጅቶ በትምህርተ ቤተ ክርስቲያናቸው አንጾ የነገዋ ቤተ ክርስቲያን ተረካቢ እንዲሆኑ ዝግጁ የማድረጉ ጉዳይ ከምንም ጊዜ በላይ ትኩረት ተሰጥቶት በቃለ ዐዋዲ ሕገ ደንብ ተዘጋጅቶ ከረቀቀ በኋላ በሦስተኛው ፓትርያሪክ በብፁዕ ወቅዱስ አቡነ ተክለ ሃይማኖት ኅዳር 29 ቀን 1970 ዓ.ም በቅዱስ ሲኖዶስ ጸድቆ አገልግሎት ላይ ውሏል፡፡

ይህን ሕገ ደንብ እስከ 1986 ዓ/ም ድረስ ሲያገለግል ከቆየ በኋላ ሰንበት ት/ቤቶች ዘመኑንና ጊዜውን ያገናዘበ መንፈሳዊ እና ማኅበራዊ አገልግሎት እንዲሰጡና እንዲያገኙ ለማስቻል ውስጠ ደንቡን ማሻሻል አስፈላጊ ሆኖ ስለተገኘ በ1986 ዓ.ም አዲስ የሰንበት ት/ቤቶች ውስጠ ደንብ ተቀርጾ በቅዱስ ሲኖዶስ ጸድቆ ሥራ ላይ እንዲውል ስለታዘዘ በዚሁ መሠረት ከመንበረ ፓትርያርክ ጀምሮ እስከ አጥቢያ ቤተ ክርስቲያን ድረስ አስተዳደራዊ መዋቅሩን ዘርግቶ ዘርፈ ብዙ መንፈሳዊ አገልግሎት በመስጠት ላይ ይገኛል፡፡

የሰንበት ት/ቤቶች ማደራጃ መምሪያ ባለው ውሱን የሰው ኃይልና በጀት በመንቀሳቀስ በመላ ዓለም የሚገኙ ወጣቶች ወጥ የሆነ የትምህርትና መዝሙር ሥርዐት እንዲኖራቸው ከምንጊዜውም በላይ በመንቀሳቀስ ላይ ይገኛል፡፡ በመሆኑም ከመዋዕለ ሕፃናት ጀምሮ እስከ ከፍተኛ ተቋማት ድረስ የሚያገለግሉ የሥርዐተ ትምህርት መጻሕፍትና በሊቃውንተ ቤተ ክርስቲያን ተጠንተው የተዘጋጁ መዝሙረ ማሕሌት ዝግጅታቸው ተጠናቅቆ ለሕትመት ዝግጁ ሆነው ይገኛሉ፡፡


ከዚህ በተጨማሪ ማደራጃ መምሪያው የወጣቱ ትውልድ መንፈሳዊም ሆነ ማኅበራዊ አገልግሎት የሠመረ እንዲሆን በከፍተኛ ሁኔታ እየተንቀሳቀሰ ይገኛል፡፡ በዚህም ወጣቶች አብነታዊ ሥራ እንዲሠሩ አስችሏቸዋል፡፡ ለምሳሌ፡- የአየር ንብረት ለውጥን ለመከላከል በሚደረገው ብሔራዊ ዘመቻ ወጣቶች በማደራጃ መምሪያው መሪነት በተለይ ከሚሊኒየም ጀምሮ በሰፊው በመንቀሳቀስ በብዙ ሺህ የሚቆጠሩ ችግኞችን በመትከል የሚያስመሰግን ሥራ ለመሥራት ችለዋል፡፡ ለወደፊትም ይህንኑ አጠናክሮ ይቀጥልበታል፡፡

የሰንበት ት/ቤቶች ማደራጃ መመሪያ በኢትዮጵያ ኦርቶዶክስ ተዋሕዶ ቤተ ክርስቲያን ሥር የሚቋቋሙ ማኅበራትን የማደራጀትና የመምራት ሐላፊነት በቅዱስ ሲኖዶስ ሥልጣን ተሰጥቶታል፡፡ ከዚህ ተነሥቶም ማኅበራት በሕግና በሥርዓት ሊመራበት የሚችል ሕግና ደንብ እንዲረቀቅ ለቅዱስ ሲኖዶስ ጥያቄ አቅርቧል፡፡ ሕጉና ደንቡ በተሰየሙ ሊቃውንት አርቃቂ ኮሚቴዎች ምክንያት ተጠንቶ የረቀቀ ስለሆነ በቅዱስ ሲኖዶስ ጸድቆ አገልግሎት እስኪሰጥ ድረስ ሁሉም በቤተ ክርስቲያናችን ሥር የተቋቋሙ ማኅበራት ተልእኳቸውን በመለየት፣ በውስጣቸው የሚገኙ አባላትን በማጥራት፣ ከሕገ ወጥ ወይም አፍራሽ ተልእኮ በመታቀብ በትዕግስት እንዲጠብቁና ያላቸውን መረጃ በመያዝ ወደ ማደራጃ መምሪያው ጊዜያዊ የመመዝገቢያ ቅጽ አዘጋጅቶ በመመዝገብ ላይ ይገኛል፡፡

ሕግና ደንብ በቅዱስ ሲኖዶስ ጸድቆ የተሰጠው “ማኅበረ ቅዱሳንም” ቢሆን የተሰጠውን ሕገ ደንብ ወደ ጎን በመተው ሕገ ደንቡን በማይፈቅድለት መልኩ አለስልጣኑና አለቦታው በመግባት የቤተ ክርስቲያናችንና የኅብረተሰቡ ሰላም በሚነካ መልኩ በመንቀሳቀሱ ምክንያት ጉዳዩ ወደ ከፋ ሁኔታ ከማምራቱ በፊት በአጭሩ እንዲስተካከል በማለት በቅዱስ ፓትርያሪኩ መሪነት፣ በብፁዓን ሊቃነ ጳጳሳት፣ ከፍተኛ የመንግሥት ባለሥልጣናት፣ የጠቅላይ ቤተ ክህነት አመራሮች እና የማኅበረ ቅዱሳን አመራሮች በተገኙበት ታላቅ ጉባኤ ተደርጎ ውሳኔዎችም አስተላልፏል፡፡ ማኅበሩ እስከ ዛሬ ድረስ ውሳኔውን አልቀበልም ብሎ ከመጻፍ ጀምሮ ማደራጃ መምሪያው ይኸው የቤተ ክርስቲያን ውሳኔ ለመተግበር የሚያደርገው እንቅስቃሴም በተሳሳተ መልኩ በመተርጎም በተለያዩ መገናኛ ብዙኀን መግለጹ ቀጥሎበት ይገኛል፡፡ የአሁኑ የቅዱስ ሲኖዶስ ጉባኤም ሰላማዊ ሁኔታውን ለማወክ ኃላፊነት በጎደለው አካሄድ ተንቀሳቅሷል፡፡ በዚህና በመሳሰሉት ወቅታዊ ሁኔታዎች ማደራጃ መምሪያው መግለጫ ለመስጠት ተገዷል፡፡

በመሆኑም፤

1.      የደን ጥበቃን በተመለከተ፡- ቤተ ክርስቲያን ቀዳሚት ከመሆኗም በላይ አሁንም የተለያዩ መድረኮችን በመክፈት የአየር ብክለትን በመከላከል በዋናነት እየተንቀሳቀሰች ስለሆነ፤ በማደራጃ መምሪያው ሥር የሚገኙ የቤተ ክርስቲያን ወጣቶች ከአሁን በፊት ችግኞችን በመትከል የቤተ ክርስቲያንና የሀገራችሁ ጥሪ አክብራችሁ በመታዘዝ ለሥራው መሳካት እንደተጋችሁ ሁሉ አሁንም በበለጠ መልኩ በዚህ ክረምት ችግኞችን በመትከል የነቃ ተሳትፎ እንድታደርጉ ማደራጃው ጥሪውን ያስተላልፋል፡፡

2.     ቤተ ክርስቲያኒቷ የሥነ ምግባርና የመልካም ዜጋ መፍርያ ስፍራ እንደመሆኗ መጠን በሥሯ ያሉት ወጣቶች መንግሥት በነደፈው የአምስት ዓመት የልማትና የትራንፎርሜሽን ዕቅድ ላይ በንቃት በመሳተፍ ለዓባይ ግድብ ግንባታ የቦንድ ግዥ ከማድረግ አንሥቶ የደሞዝ ልገሳ፣ የሞራልና የጉልበት ድጋፍ በማድረግ ብሔራዊ ግዴታቸውን እንዲወጡ ማደራጃ መምሪያው ጥሪውን ያስተላልፋል፡፡

3.     ማደራጃ መምሪያው በቤተ ክርስቲያኒቱ ስም የሚደራጁትን ማኅበራት መቆጣጠርና ሕግ ማስያዝ ሥልጣኑ እንደመሆኑ መጠን ማኅበራትን በወጣላቸው ሕገ ደንብ መሠረት እንዲጓዙና በውስጣቸው ሃይማኖትን ተገን በማድረግ የፖለቲካ ዓላማ እና ሃይማኖትን ከሃይማኖት ለማጋጨት ዓላማ ያላቸውን ፀረ ሰላም ሀይሎችን በውስጣቸው ይዘው እንዳይጓዙ በውስጣቸው ካሉም አጥርቶ የማውጣት ሥራ እንዲሠሩ ማደራጃ መምሪያው ያሳስባል፡፡

4.     ማደራጃ መምሪያው በሚያደርገው እንቅስቃሴ ከሕግ ውጭ ለመሄድ የሚፈልጉ አካላት ደስተኞች ካለመሆናቸው የተነሳ ስጋት ስላደረባቸው በተለያዩ ዌብሳይቶች እና ሕትመቶች የማደራጃ መምሪያውን አካሄድ በተሳሳተ መንገድ በመፈረጅ ላይ ይገኛሉ፡፡ ይሁን እንጂ ማደራጃ መምሪያው ማንኛውንም ማህበርም ሆነ ግለሰባዊ መልካም እንቅስቃሴ ለመግታት ወይም ለመገደብ ሳይሆን ሕግ ለማስያዝ እና ቤተ ክርስቲያኒቱ የጣለችበትን ኃላፊነት ለመወጣት መሆኑ ታውቆ በቤተ ክርስቲያኒቱ ስም የሚንቀሳቀሱ ማኅበራትም ሆኑ ሌሎች አካላት ሕጋዊ በሆነ አካሄድ በማደራጃ መምሪያው ሥር ተመዝግበው ለሚጠየቁት ጥያቄ መልስ በመስጠት እንዲንቀሳቀሱ ማደራጃ መምሪያው ያሳስባል፡፡

5.     ማደራጃ መምሪያው ማኅበራትን ለመቆጣጠርና ሕግ ለማስያዝ በሚያደርገው እንቅስቃሴ ላይ ሁሉም የቤተ ክርስቲያኒቱ ልጆች ከማደራጃው ጎን በመሰለፍ መረጃ በመስጠት የሞያ እገዛ በማድረግ ለቅድስት ቤተ ክርስቲያናችን ሥርዓትና ሕግ መጠበቅ የበኩላቸውን ኃላፊነት እንዲወጡ ማደራጃው ጥሪውን ያስተላልፋል፡፡

6.     ማደራጃ መምሪያው የማኅበ ቅዱሳን ጤናማ ያልሆነ አካሄድ ለማስተካከል ቢያንስ ለአምስት ዓመታት እየታገለ እንደሆነና አሁንም በመታገል ላይ እንደሆነ የተለያዩ መረጃዎች ያስረዳሉ ይሁን እንጂ እስከ አሁን ድረስ ማኅበረ ቅዱሳንን በሚመለከት ቅድስት ቤተ ክርስቲያን በየደረጃው ከቅዱስ ሲኖዶስ ጀምሮ እስከ መምሪያው ድረስ ያስተላለፈችው ውሳኔዎች እና መምርያዎች አንድም እንኳ ባለመተግበሩ ምክንያት ማደራጃ መምሪያው እጅግ እያዘነ አሁንም ማህበሩ በሕግ የማይመራ ከሆነ ለቤተ ክርስቲያኒቱ ከሚጠቅማት ይልቅ የሚጎዳት መሆኑን የማኅበሩ አባላት እንዲያውቁና እስከ አሁን ድረስ የሚሄድባቸው አካሄዶች ከሕግ ውጭ መሆኑን አውቀው አባላቱ በያሉበት ቦታ ሆነው ቅድሚያ ለማኅበር ሳይሆን ለቤተ ክርስቲያን አንድነት ሲሉ እንዲሠሩ ማደራጃ መምሪያው ጥሪውን ያስተላልፋል፡፡

7.     ማኅበረ ቅዱሳን የቤተ ክርስቲያናችን ቀኖና በሚጻረር መልኩ በአገልጋይና በተገልጋይ መካከል ለዘመናት የቆየውን ጤናማ ግንኙነት በሚያሻክር አኳኋን አለስልጣኑ በመግባትና የቤተ ክርስቲያን ሰንሰለታዊ መዋቅር በመጣስ በተለይ በአሁኑ ጊዜ የተሐድሶ አዋጅ በስፋት እየተገበረ ይገኛል፡፡ ይሁን እንጂ ይህን የእወጃ ተግባር ሥልጣንና ኃላፊነት ማዕከል ያላደረገ፣ ትውፊታዊ የቤተ ክርስቲያናችን ቀኖና የሚጥስ በመሆኑ በዚህ ጉዳይ ላይ መረጃ ካለው ለሚመለከተው አካል ደረጃውን ጠብቆ ከማቅረብ ውጪ በራሱ ጊዜ ማወጅ አግባብ ባለመሆኑ ከዚህ ዓይነት ድርጊቱ እንዲቆጠብ ማደራጃ መምሪያው ያሳስባል፡፡

8.     ማህበረ ቅዱሳን በመምራት ላይ ያላችሁ የአመራር አባላት ልጆቻችን በሙሉ ምንም እንኳን እስከ አሁን የተወሰኑትን ውሳኔዎችን የተላለፉትን መምርያዎች ተቀብላችሁ ባትፈጽሙና ለመፈጸምም ፈቃደኛ አለመሆናችሁን በደብዳቤ ብትገልጹም አሁንም ማደራጃ መምሪያው አካሄዳችሁ ትክክል አለመሆኑን እየገለጸ ቅዱስ ሲኖዶስ፣ ቅዱስ ፓትርያሪኩ፣ ጠቅላይ ቤተ ክህነትና ከማደራጃ መምሪያው በየደረጃው የወሰነውን ውሳኔ እና መመሪያ ተግባራዊ እንድታደርጉ እያሳሰበ ይህ ሳይሆን ቢቀርም ማደራጃ መምሪያው የቤተ ክርስቲያን ሥርዓትና ሕግ ለማስከበር ሲባል ከበፊቱ የበለጠ እንቅስቃሴ የሚያደርግ መሆኑን እየገለጸ ማኅበሩንም በሕግ የሚጠይቅ መሆኑን በጥብቅ ያስታውቃል፡፡
                                            ወስብሐት ለእግዚአብሔር
እግዚአብሔር አምላካችን ሀገራችንን በሰላም ሕዝባችንን በፍቅር አንድ አድርጎ ይጠብቅልን፡፡ አሜን

                   በኢትዮጵያ ኦርቶዶክስ ተዋሕዶ ቤተ ክርስቲያን
                        መንበረ ፓትርያርክ ጠቅላይ ቤተ ክህነት ጽ/ቤት
                        የሰንበት ትምህርት ቤቶች ማደራጃ መምሪያ
                            ግንቦት 23 ቀን 2003 ዓ.ም
                                 አዲስ አበባ

48 comments:

Anonymous said...

<>

እንዲህ ነው መናዘዝ! የውስጥዎትን ሃሳብ ይፋ አወጡት አይደል! አይዞዎ የዶኒ እጣ ፈንታ በቅርብ ቀን ይጠብቁ:: ይህን ስራዎትን እግዚአብሔር ዝም ብሎ የሚያይ ይመስልዎታል? ለቤቱ ቀናኢ ነውና በቤቱ የተሰገሰጉትን ለዋጮች ያባርራል::

Anonymous said...

If they could, let them try. Hope good time is comming that truth will prevail.MK don't give time for their talk. Just do your job and God will protect you and the Church.

Anonymous said...

<>

እንዲህ ነው መናዘዝ!
እግዚአብሔር ሆይ ለዋጮችን ከቤትህ ለያቸው መመለስ አልቻሉምና!

The DE... said...

ተሃድሶ የሚባል ነገር የለም!!! ኦርቶዶክስ መስለው የሚንቀሳቀሱ መናፍቃን ናቸው። ይለወጥና ይሻሻል የሚሏቸው ነገሮች ሁሉ ቢሆኑ እንኳን በኦርቶዶክስ ተዋህዶ እምነት ውስጥ አይቀጥሉም። አላማው ለማደስና ለማሻሻል ሳይሆን ለመቀየር ነው። ላይ ላዩን ተዋህዶን የሚያምኑ የሚሰብኩ ይምሰሉ እንጂ በርግጥ አያምኑበትም። ተሃድሶ ሳይሆን መባል ያለባቸው ስውር መናፍቃን ነው። መፍትሔው ግን፦
፩. የቤተክርስቲያን አስተዳዳሪዎች/ ቅዱስ ሲኖዶስ/ ለቤተክርስቲያን ሲገዳቸውና ለቤተክርስቲያን ቅን መሪ ሲሾምና በቤተክርስትያን ስም ያለቤተክርስቲያን እውቅና የሚንቀሳቀሱትን ሁሉ መቆጣጠር ሲቻል ነው። ከኢትዮጵያ ህዝብ አናሳ ቁጥር ያለው ክርስቲያን ሆኗል!!! 43% ብቻ ነው የኦርቶዶክስ አማኝ ፤ 57% የሌሎች ድርጅቶች ተከታይና ገና በክርስቶስ ያላመነ ነው። ከ30 እና 40 ዓመት በኋላ ይህ ቁጥር ወደ 25% ክርስቲያን/ኦርቶዶክስ/ እና 75% ሌሎች መሆኑ አይቀሬ ነው ከወዲሁ መላ ካልተበጀለት።
፪. ከሁሉም በላይ በምእመናን ዘንድ ትኩረት ሊሰጠው የሚገበው የተዋህዶን ትምህርት በሚገባ መማርና ማወቅ ነው። ጊዜ ላመጣቸውና ጊዜ ለሚወስዳቸው ሰዎች ሳይሆን ወገንተኝነታችን ለቤተክርስቲያን ብቻ መሆን አለበት።
፫. ማንም ቢሆን ተዋሕዶን የሚጎዳ ሥራን ሲሰራ፣ ትችትን ሲያቀርብ፣ የመንግስት ፖሊሲም ቢሆን መቃወምና እንዲታረም ማድረግ ያስፈልጋል።

Anonymous said...

አዋጁ ቀደመኝ ቢሉ ለንሰሃም ለተሰሚነት ይጠቅሞት ነበር ምክሮት ተሰሚነት ነበረው ግን ተቀደሙ እግዚአብሄርን መቀደም ስለማይቻል
እቤቱን እርሱ በቅዱሳኑ ጸሎት ይጠብቃ ይታደጋልም።እርሶ የመሃበረ ቅዱሳን ሥራ ያደረጉት በገጠርቷ ቤተ ክርስቲያን ያሉ የልጆችዋ እንባና ለቅሶ ውጤትም ነው።

Anonymous said...

እግዚአብሔር ቸር ነውና ተንኮላቸው ተገለጠ

T/selase ከስዊድን said...

የጎርጊስን ስለት የበላ አሉ፣ እንዲ ነው እንጂ ራስን መግለጽ

Orthodoxawi said...

"‹‹የሰንበት ት/ቤቶች ማደራጃ መምሪያ ባለው ውሱን የሰው ኃይልና በጀት በመንቀሳቀስ በመላ ዓለም የሚገኙ ወጣቶች ወጥ የሆነ የትምህርትና መዝሙር ሥርዐት እንዲኖራቸው ከምንጊዜውም በላይ በመንቀሳቀስ ላይ ይገኛል፡፡››"

No worries for the budget Aba Sereke Tsilmet! You can ask Protestants, Catholics, ..... They will give you enough money to accomplish your "golden" (I mean rubbish) idea.

I think your days are counted now. The count down timer has already started during Rkbe Kahnat's Holy Synod Gubae!

Then we will hear about you from your own "church"....may be Mekane Eyesus or Mulu Wenjel? Tell us which one is your favorite?

Dear MKs, go on with your good job! Egziabher Yitebkachihu!

Egziabher Amlak Tewahedon Yitebklin!

Anonymous said...

Engedih gobez lela mereja minim ayasifeligim seweyew alaschil belot badebabay menafikenetun yemiyawejibet megelecha awetual selezih mahiberun etelalehu belo bezeregaw wetimed asgebut ena mechereshawin eneyew!! Egziabher amelak mahiberacchinin yitebekilen!!! Amen

G/Hiwot Lema said...

ቤተ ክርስትያንን በማገልገል የሚገኝ ኣካል ለተከታታይ 5 ዓመታት መታገል! ምን ይሉታል? ሳይታወቅህ ሃቁን እንዲህ ኣወጣኸዉ ኣይደል። ይመስለና ነይሩ እሞ የቐንየልና!! ኣብ መቐለ ዝበለኩምና ነገርስ ለካ ባንዳታት ንምእካብ እምበር ንቅድስት ቤተክርስትያን ብምሕሳብ ኣይነበረን። እኛ የሰንበት ትምህርት ቤት ኣባላት ከእርሶ ይልቅ ማህበረቅዱሳንን እናዉቃልን ታላቅ ወንድማችን ኣስተማሪያችን እርሶ ኣሁን ጥላቻን ይዘዉ ብቅ ኣሉ እንጂ ስራዎትን ኣላየንም ኣና እስኪ መጀመርያ ስራዎትን ያሳዩ ኣባ ሠሰረቀ ሰለእርሶ የሚወራዉ ልክ ኣለመሆኑ በተግባር እስኪ እንወቀዉ ወይስ ኣሜሪካ ያሉትን ዘመዶቻችን እንጠይቅ? ማህበረ ቅዱሳን እንደምንታዘበዉ ስልጣን ለግለሰቦች ሳይሆን ለቅዱስ ሲኖዶስ ይሰጥ እያለ ነዉ እርሶ ግን ከመላዉ ኣለም ወጣቶች በስርዓተ መዝሙርም በሌላም ኣንድ ለማድረግ ኣስበዋል በሌሎቹ ላለመዋጣችን ምን ያህል እርግጠኛ ነዎት? ነዉ ወይስ ብንዋጥም የሚዋጥ ስለሚያገኙበት ኣይገዶትም? እዉነትን እነፈልጋለን ክፍለሃገር መጥተዉ እዉነቱን ያሳዩን በብዙ መልኩ ማህበረ ቅዱሳንን መድረስ ኣልቻሉም እና መጀመርያ ይስሩ ያሰተምሩ ምእመኑ ቦታ ይስጦት በፍቅር የሚሰጥን ኣገልግሎት በተወሰኑ ኃላፊዎች እና ፖለቲከኞች ኣይሰተጓጎልም ይልቅ ይሰፋ እና በይበልጥ ይጠናከር እንደሆነ እነጂ።
“እዛ ዘበን የ ወይ ዛዘበንየ ዘዕበኹዎ ድሙኳ ኣምፂኡለይ ተበን የ!!!”
“ወይ ጊዜ ወይ ጊዜ ያሳደኩት ድመት እነኳ እባብ አመጣልኝ”

ሃይማኖት እንዳባቶቻችን ቴክኖሎጂን እነደዘመኑ!!! … እግዚኣብሔር ቤተክርስትያንን ይጠብቅ

Ewnet said...

Ewnet eyader yigeltal!!! ay aba sereke

Anonymous said...

yeslefelefot gemer,

awudemihiret said...

እንዲህ ናት እንጂ ያብዬን ወደ እምዬ ተሃድሶ ማህበረቅዱሳን ሆኑ?አሜሪካ ስትበጠብጥ የነበረው አለበቃህ ብሎህ ለመጰጰስ ገብተህ ሳይሳካልህ በመቅረቱ ኑፋቄህን ልታስፋፋ ጉዞ በጀመርክበት ሰዓት ስለደረሱብህ ጠምደህ ያዝካቸው።የግብር ወንድምህ ጌታቸው ዶኒ የደረሰበትን እያየህ አሁንም የማስጠንቀቂያ ደውሉዋን አለመስማትህ መውደቂያህን እያፋጠንክ መሆንህን አትዘንጋ።

Anonymous said...

melkam yemaninet megelecha nuzaze new.lenegeru kedimos bihon maninetiwo tawko yinesulin bilew neber,tifategnaw bitse abatachin enji ersio min aderegu,le alamawo masakiya beki giza tesetiwo bertitew hasabion yifetsimu enji.ERE GETA HOY TIGISTEH ESKEMECHAY YIHON???BETHI LENIGD SISMAMA AYTEH ZIMTAH LEMIN YIHON???ABETU MAHBERUN TEBKILEN!!!

w/michael said...

ይሄ ሰውየ ሳልቀደም ልቅደም በሚል ሃሳብ ይመስላል እነደዚህ የሚሮጠው፡፡ ስውር ተልእኮውንም በማን አለብኝነት እየፈጸመ ነው፡፡ ከፓትርያርኩም መልካም የሆነ ከለላ አግኝቷል፡፡ ጉዳዩንም ከፖለቲካ እና ከልማት ጋር ለውሶ እየተንቀሳቀሰ ይመስላል፡፡ መንግሰት ግን አንኳን ለዚህ ሰው ለፓትርያርኩም ያለ በቂ ማስረጃ ለሚቀርብ ክስ ጀሮ አይሰጠም ፤ እንዳለሰጠም አይተናል፡፡ በቤ/ክ አስተዳደርም ሥርዓት አለበኝነት እንደነገሰ በደንብ ያውቃል፡፡ ትዕግስቱም በአሰተዳደሩ ጣልቃ ላለመግባት እና አባቶች ራሳቸው ይፈቱት ዘንድ በማሰብ ይመስላል፡፡ ግን እየሆነ አይመስልም፡፡ ደጋጎቹ አባቶች እየተጠሩ እየሄዱ ነው፤ …ሌሎቹ ለንሰሀ ጊዜ ተሰጥቷቸዋል፡፡ ጌታ ሆይ ቤትህ እኮ በሻጮች እየታመሰ ነው፤ ጅራፍህን አንሳ እንጂ፡፡

Anonymous said...

ከሠሪው ጋር ለሚታገል ወዮለት፡፡

Bahiretibeb said...

ዋይ ለአንተ ዝም ብለህ እኮ ነው የምትለፋ ያለ
አቡነ አረጋዊ ለአንተ አካሄድህ ሁሉ ጨለማ

G/Hiwot Lema said...

ቤተ ክርስትያንን በማገልገል የሚገኝ ኣካል ለተከታታይ 5 ዓመታት መታገል! ምን ይሉታል? ሳይታወቅህ ሃቁን እንዲህ ኣወጣኸዉ ኣይደል። ይመስለና ነይሩ እሞ የቐንየልና!! ኣብ መቐለ ዝበለኩምና ነገርስ ለካ ባንዳታት ንምእካብ እምበር ንቅድስት ቤተክርስትያን ብምሕሳብ ኣይነበረን። እኛ የሰንበት ትምህርት ቤት ኣባላት ከእርሶ ይልቅ ማህበረቅዱሳንን እናዉቃልን ታላቅ ወንድማችን ኣስተማሪያችን ነዉ እና። እርሶ ኣሁን ጥላቻን ይዘዉ ብቅ ኣሉ እንጂ ስራዎትን ኣላየንም ኣና እስኪ መጀመርያ ስራዎትን ያሳዩ ኣባ ሠሰረቀ ሰለእርሶ የሚወራዉ ልክ ኣለመሆኑ በተግባር እስኪ እንወቀዉ ወይስ ኣሜሪካ ያሉትን ዘመዶቻችን እንጠይቅ? ማህበረ ቅዱሳን እንደምንታዘበዉ ስልጣን ለግለሰቦች ሳይሆን ለቅዱስ ሲኖዶስ ይሰጥ እያለ ነዉ እርሶ ግን ከመላዉ ኣለም ወጣቶች በስርዓተ መዝሙርም በሌላም ኣንድ ለማድረግ ኣስበዋል በሌሎቹ ላለመዋጣችን ምን ያህል እርግጠኛ ነዎት? ነዉ ወይስ ብንዋጥም የሚዋጥ ስለሚያገኙበት ኣይገዶትም? እዉነትን እነፈልጋለን ክፍለሃገር መጥተዉ እዉነቱን ያሳዩን በብዙ መልኩ ማህበረ ቅዱሳንን መድረስ ኣልቻሉም እና መጀመርያ ይስሩ ያሰተምሩ ምእመኑ ቦታ ይስጦት በፍቅር የሚሰጥን ኣገልግሎት በተወሰኑ ኃላፊዎች እና ፖለቲከኞች ኣይሰተጓጎልም ይልቅ ይሰፋ እና በይበልጥ ይጠናከር እንደሆነ እነጂ።
“እዛ ዘበን የ ወይ ዛዘበንየ ዘዕበኹዎ ድሙኳ ኣምፂኡለይ ተበን የ!!!”
“ወይ ጊዜ ወይ ጊዜ ያሳደኩት ድመት እንኳ እባብ አመጣልኝ” ምእመኑ ኣባ ኣባ በሎ ባከበረ ባሳደገ ዉለታዉ ይህ ሆነ

ሃይማኖት እንዳባቶቻችን ቴክኖሎጂን እነደዘመኑ!!! … እግዚኣብሔር ቤተክርስትያንን ይጠብቅ

samueldag said...

የሰንበት ት/ቤቶች ማደራጃ መምሪያ ባለው ውሱን የሰው ኃይልና በጀት በመንቀሳቀስ በመላ ዓለም የሚገኙ ወጣቶች ወጥ የሆነ የትምህርትና መዝሙር ሥርዐት እንዲኖራቸው ከምንጊዜውም በላይ በመንቀሳቀስ ላይ ይገኛል------------አባ፡ሰረቀ፡የሚሉን----በአለም፡ያሉ፡ሁሉ፡አንድ፡የመዝሙርና፡የትምህርት፡ስርአት፡ማለት፡ያሬዳዊውን፡ዜማ፡ወይስ፡እንደ፡አረም፡የጋሸበውን፡የበጋሻውን፡የተሀድሶ፡ዘፈን፡ነው? ትምህርቱስ፡ቀብድ፡የበላችሁበትን፡አሜሪካንና፡አውሮጳን፡በቀደመው፡ክርስትና፡ላይ፡ቸልተኛና፡ህዝቡን1ኢ-አማኒ፡ያደረገውን፡የሉተር፡ትማህርት፡ነው?-??? ቤተክርስቲያን፡ባለቤት፡አላት፡፡ይህንን፡አባ፡ሰረቀ፡አይርሱ

Anonymous said...

ende minew aba sereke,

meglechawo minim fire negere atahubet. yilkunem manenetehone agaltubet enji. egziabher yiferdal!

Anonymous said...

አንድ የምረቃ መጽሔት ላይ አንድ ወንድሜ ዛሬ ጥቁር የለበስኩት የውስጤን ለውጭ ለማሳየት ነውና እወቁልኝ ማለቱን አንብቤ ነበር
ምነው የመምሪያው 'ሰዎች' ማኅበረ ቅዱሳን እንዲህ አንገበገባቸው?
በአገራችን "ከአነጋገር ይፈረዳል ከአያያዝ ይቀደዳል" የሚል ብሒል አለ
ይህ መግለጫቸው የውስጥ ማንነታቸውን ከውጭ ላለነው ግልጽኘአድርጎ የሚያሳይ ነው
ልዑል እግዚአብሔር ሃይማኖታችንን ይጠብቅ!

Anonymous said...

Ewnatawn Tnageru !!!

Anonymous said...

ለቤቱ ቀናኢ ነውና በቤቱ የተሰገሰጉትን ለዋጮች ያባርራል::

Anonymous said...

ይድረስ ለአባ ሰረቀ ብርሃን የትኛው የእምነት ደረጅት ነው ውሸት ያስተማረዎት እንኳን በእምነት ውስጥ ያለ ሰው ይቅርና በዓለም የሚኖረውም ሲተርት ምን ይላል መሰለዎት
ጽድቅና ኩነኔ ቢኖርም ባይኖርም
ከክፋት ደግነት ሳይሻል አይቀርም
ምን አድርጉ ነው የሚሏቸው እነዚህን ማኅበረ ቅዱሳንን እነርሱ እኮ በአብዛኛው ከተማ ተወልደው ያደጉ ልጆች ናቸው እርስዎ እና ሌሎችም የተማሩበትን የቅኔ ትምህርት ቤት እስኪ ዞር ብለን እንየው ያላሉትን ደፋ ቀና ያሉ፣ የደረሱላቸው፣ የረዷቸው ፣ቤተክርስቲያን እምነቷ ተጠብቆ ይኑር ያሉ እነርሱ እንጅ እርስዎ አይደሉም
‹‹በመላ ዓለም የሚገኙ ወጣቶች ወጥ የሆነ የትምህርትና መዝሙር ሥርዐት እንዲኖራቸው››
‹‹አለስልጣኑ በመግባትና የቤተክርስቲያን ሰንሰለታዊ መዋቅር በመጣስ››
እርስዎ በጣም ጥሩ ድምፅ እንዳለዎት እናውቃለን ከጌታቸው ጋር አብራችሁ ይህችን ቤተክርስቲያን ለቅቃችሁ እንደልባችሁ ሁኑ የእርስዎ እና መሰሎችዎት ተሀድሶነት ማኅበረ ቅዱሳንን ብቻ ሳይሆን ሁላችንንም የኦርቶዶክስ እምነት የሚመለከት መሆኑን ማወቅ አለብዎት አሁንም በእግዚአብሔር ፈቃድ የእርስዎ ሰንሰለት አንዱ ተበጥሷል ገናም ይበጣጠሳል

Anonymous said...

አይ ማኅበረ ቅዱሳን ለካ ትግል ታካህድ የነበረው ከእነ ይሁዳ ጋ ኖሯል? እኔኮ የአባ #ሰረቀ$ን የምላስ ታክቲክ የገባኝ አሁን ነው፡፡ ቁርጥ የጋምቤላው ሀ/ስብከት ስራ አስኪያጅ ጨዋውን አባ ተክሌን! ወይ መመሳሰል! አባ ተክሌ እንኮ ከክልሉ ፕሬዝደንት የጵጵስና ይሾሙልን(Recommendation Letter) አስጽፈው ነበር፡፡ ዘንድሮ ከእርስ ጋር ሊሾሙ ከፍተኛ ጉጉት እንደነበራቸው አውቃሉ፡፡ ኧረ ገንዘቢቷን 150000.00 ለአባ ጳውሊ ያስተላልፉ የነበሩት እርስዎ እነደነበሩ ስንሰማ እንኮ እውነት አልመሰለነም ነበር፡፡ እኔን ሳይሳካ ቀረ እኔን! ተባነነባቸው ምስኪን! አሁን እንኳን ለጵጵስና ለቆራሊዮ እንኳ የማትሸጡ ቀዳዳ ጣሳዎች ሆናችኋልና አርፋችሁ ነግዱ፡፡
አባ ሰረቀ ከእነ ዶኒ፣ ከእነ እጅጌ(የአገልጋዮች እናት ቂ.ቂ.ቂ ድንቄም ፌበን)፣ ከእነ በጋሻውእና ከጋምቤላው ተ/ሃይማኖት ጋር ሆናችሁ የምትፈራገጡትን ብታቆሙ አይሻላችሁም፡፡ ተነቅቶባችኃል አጉል ትላላጣላችሁ፡፡ በ#ታላቅ ጉበኤ» ስም ከምስራቅ እስከ ምዕራብ፣ ከደቡብ እስከ ሰሜን፣ ከሀገር ውስጥ እስከ ውጭ አገር የዘረፋችሁትን ነዋይ መቸም ሲፈጥራችሁ ሆዳሞች ናችሁና ቁጭ ብላችሁ ብሉ፡፡ ጊዜ ካገኛችሁ ደግሞ መቸም አንዴ ክርስቶስን ከስራችኋልና ቆቡንና ካባችሁን አውልቃችሁ ዓለምን ነግዱ፡፡ ዕጣ ፈንታችሁ ዕድል ተርታችሁ ንግድ ነው - ከቤ/ክ ወታ ያለ ንግድ፡፡ አሁን ከእናንተጋር ሆነን ስለ ማኅበረ ቅዱሳን ስንዋጋ የነበርነውን የጅል በትራችንን ወደ እናንተ መልሰናል፡፡ ማን የተዋኅዶ የቁርጥ ልጅ እንደ ሆነ የአዋሳ ምዕመናን አሳይተውናል፡፡ አባ #ሰረቀ$ አንድ እውነት ልንገርዎት እውነተኞች የሲኖዶስ አባላት እስከአሉ ድረስ እግዚአብሔርም እሰከአላንቀላፋ ድረስ እንደርሶ እና እንደ አባተ/ሃይማኖት ያለ ጨዋና ድልብ የሀረር ሰንጋ ጳጳስ አይሆንም ቢሆን እንኳ ክብሩ በውርደት ይገለጣል፡፡ እና የሚያዋጣችሁ ንግድ! ንግድ! ንግድ! እና ልማታዊ አባትÍ መባል አይበቃችሁም?

ዘዮ said...

“ለእናንተም ለወዳጆቼ እላችኋለሁ፥ ሥጋን የሚገድሉትን በኋላም አንድ ስንኳ የሚበልጥ ሊያደርጉ የማይችሉትን አትፍሩ። እኔ ግን የምትፈሩትን አሳያችኋለሁ፤ ከገደለ በኋላ ወደ ገሃነም ለመጣል ሥልጣን ያለውን ፍሩ። አዎን እላችኋለሁ፥ እርሱን ፍሩ።”
የሉቃስ ወንጌል 12፡ 4‐5

እንደናንተ ያለ ተሀድሶ መናፍቅ በቤተክርስቲያን ውስጥ ተሰግስጎ ምዕመናንን እና መንግስትን ግራ ያጋባል። አይ አባ ሰረቀ! ለመሆኑ ይህ ከዲያቢሎስ ጋር መክራችሁ የወጠናችሁትን ‘በደንብ ያልተጠና’ ሴራ እንኳን የቤተክርስቲያን ምእመናን ቀርተው አሁንስ መንግስትም በደንብ ይረዳዋል ብዬ አምናለሁ። ማሰብ ተስኗችሁ እንጂ የመንግስት አካላትም እኮ እምነት አላቸው። የሚገርመው ዛሬም ከዚህ በፊት መንግስትን ያሳሳታችሁበትን ስልት አሁንም ለመድገም መሯሯጣችሁ ነው። አይምሰላችሁ እውነት አደባባይ ላይ ወድቃ አትቀርም። እውነት እርሱ እግዚአብሄር ስለሆነ።

የቤተክርስቲያን እውነተኛ አባቶቸ ሊቃውንት እንዲሁም ምእመናን እና ምእመናት ለአንዲት ቀጥተኛና እውነተኛ የኦርቶዶክስ ተዋህዶ ሃይማኖት በፀሎት፣በአገልግሎት፣የተሃድሶ መናፍቃንን ሴራ በጥበብ በማክሸፍና በመሳሰሉት መንፈሳዊ ተግባራት ሁሉ ተጋደሉ።

“ ወዳጆች ሆይ፥ ስለምንካፈለው ስለ መዳናችን ልጽፍላችሁ እጅግ ተግቼ ሳለሁ፥ ለቅዱሳን አንድ ጊዜ ፈጽሞ ስለ ተሰጠ ሃይማኖት እንድትጋደሉ እየመከርኋችሁ እጽፍላችሁ ዘንድ ግድ ሆነብኝ።”
የይሁዳ መልእክት ቁጥር 3

ስለዚህ ወገኖቼ በነአባ ሰረቀ ተንኮል ሳንረበሽ እግዚሃብሄርን ብቻ በመፍራትና እርሱን ደጅ በመጥናት እንዲሁም የወላዲት አምላክንና የቅዱሳንን አማላጅነት ተስፋ በማድረግ ቤተክርስቲያናችንን ከጥፋት እንታደግ!

ይፍቱኝ!

Anonymous said...

ገና ብዙ ይናገራሉ ብለን እንጠብቃለን:: ከፉን መቃወም የለብንም ነው ያሉት:: ነገ ረፋዱ ላይ ደግሞ ክፉ መሆን ምንአለበት ይሉንና ነገ ከሰዓት በኋላ ደግሞ ክፉ አድርጉ ይሉናል:: ሰሚ ሲጠፋ ራሳቸውን እስኪስቱ ድረስ ይህንኑ እየደጋገሙ መጮህ ነው ጮኽው ጮኽው ሰሚ ሲያጡ ያው የጀመራቸው እብደት ልብሳቸውን እስኪጥሉ ድረስ ይቀጥላል ፡:

Melikamekene said...

እግዚአብሔር አምላካችን ሀገራችንን በሰላም ሕዝባችንን በፍቅር አንድ አድርጎ ይጠብቅልን፡፡ አሜን
look no word of church in the closing phrase, this tells us how much Ato Sereke (I don't like to say Aba)is ''MENAFIKE''!
All they points towards truth but God will pay their wage! EGIZI O! TESAHALELINE ESIME ALIKE HIRE PS 11:1

enu said...

“አባ” ሰረቀ እንዲያው አርፈው ይቀመጡ እርስዎ የማህበረ ቅዱሳን አባላትን እንዲህ ብለው ሲመክሩ አያፍሩም ወይ ማህበረ ቅዱሳን እኮ እርሶ እንዳሉት ተራ ማህብር ወይም አባላቱ እንደ ማህበር የሚያስቡ አይደሉም ከእርስዎ በተሻለ ሁኔታና ደረጃ የሚያስብ አባላት የተሰበሰቡበት ማህበር ወይም አባላት ናቸው፡፡ እርስዎ ከማህበረ ቅዱሳን አንድ አባል ጋር እኩል ለማድረግ ይከብዳል፡፡ ምክንያቱም የማህበረ ቅዱሳን አባላት ቤተክርስቲያናትንን በእውቀታችን፣ በገንዘባች እና በጉልበታችን ለማገልገል የተሰባሰብን አባላት ነን፡፡ ከእርስዎ አስበልጠን ማህበራችንን እና ቤተክርስቲያናችንን ጠንቅቀን ያወቅን አባላት ነን፡፡ ጅብ በማያውቁት አገር ሄዶ ቆርበት አንጥፉልኝ አለ ፡፡ ይባላት ለማያውቅዎት ሰው ያስፈራሩ፡፡ ትዝ ይለዎት እንደሆነ የግቢ ተማሪዎች በቤተክህነት አዳራሽ ማህበረ ቅዱሳን ለማስመረቅ የተሰበሰቡ አባላትን ወይም የግቢ ተማሪዎችን እንዴት እንዳመናጨቋቸው በቦታው ስለነበርሁ በጣም አሳዛኝ ገጠመኝ ነበረ፡፡ ከአንድ አባት የቤተክርስቲያንን ተክህኖ ልብስ ቆብ ከደፉ አባት የሚጠበቅ ንግግር አልነበረም የተናገሩት፡፡ ይገርማል ለካ እርስዎ መንገድዎ ሌላ ነበር፡፡ አሁን አወቅን ተረዳን፡፡ የእውነት ባለቤት እግዚአብሔር አምላክ እውነትን እስኪገልጥ ድረስ እንጠብቃለን፡፡ እግዚአብሔር አምላክ ቤተክርስቲያናችንን እና ማህበራችንን ይጠብቅልን፡፡ ለእርስዎም ልቦና ይስጥዎት፡፡

Anonymous said...

Aye Aba your age is gone bekehedet alem weste sidakeru

Anonymous said...

Who is "Aba" Sereke? Is he above the law? Can't we defend our church? I am so sorry and taken aback. What is going on in our church? Who is gonna tell me for I couldn't understand so far. Only those who are against the Church's dogma and canon are protected by the patriarch and the government but those true believers and servers are still pressed from around everywhere.

Please, all christian, prayer at this time is inevitable and is the only solution for which the church faces in its history. As usual, Christ will be crucified and Berban will be released. May our almighty God help the committee to reveal the truth. May God bless all of us and save our mother church.

ከምዕመን said...

አምላካችን ሁል ጊዜ ከቤተክርስቲያን ጋር ነዉ። እባከዎ አባ ሰረቀ ሌላም ሀጢያት ከለዎት ለዉነተኛ አባቶች ይናዘዙና ንስሃ ይግቡ እንጅ በዚህ እድሜዎ ፍርድ ቤት ለፍረድ ቤት አይበሉ ወጣቱማ የሚስራዉን አባቶቹና አምላኩ እየመሩት ከጠፋት እየዳነ በለበት ዘመን እርሶዎ ደግሞ ምን እያሉ ነዉ። እኔ ፈረንጅ አገርን ትተዉ ሲሄዱ ንስሃ ሊገቡ ምስሎኝ ነበር እባከዎት አሁንም ጊዜ አለወትና ሁሉንም ትተዉ ለስላም እና ለቤተክርሰቲያን አንድነት ጩሁ....

Anonymous said...

Now MK is here 2 respod & use zis evidence 4 z Death of this person!

Anonymous said...

all mk and aba sereqe have been killing the church.

solomon said...

if they kill Dn.Estifanos ,we got many more cristians.They think they kill him but unknowingly they did good for preaching the gospel throughout the world than they expected. that is the way christianity works

ok said...

ሰው ለራሱ እንዴት ጉድጓድ ይቆፍራል
ለመሆኑ መንግስት ሞኝ ይመስለዋል እንዴ
በዋዛ የሚነዳ
ለነገሩ ጊዜው ሲደርስ እግዚአብሔርም
ዝም አይልም ሥራ
ውን ይሰራል እንጂ
ወዮ ለሱ ቤተክርስቲያንስ አንዳች አትሆንም

Anonymous said...

+++
አባ ዓላማው ባለመሳካቱ (ሃሳቡ ጳጳስ ሆኖ ደቡቡን ይዞ ከዶኔ ጋር ህዝቡን ተሃድሶ ለማድረግ ነበር እና ብሩም ሹመቱም ስለቀረበት) ሌት ከቀን አያርፍም:: ይህን ያላደረገ መድኃኔዓለም ይመስገን:: የሰ/ት/ቤት ወጣቶች እና ምዕመናን ይህን መልክተ ሰይጣናዊ ልንዋጋው ያስፈልጋል እና ሌት ከቀን ታገሉ::

ልዑል እግዚአብሔር የቤተ/ያንን ጥፋት አያሰየን::

Anonymous said...

እሰይ እነዲህ ነው እንጂ። የሚለው አነጋገር እንዲት ጠፋብዎ?
21ኛው ክፍለ ዘመን እንደ ሆን አይርሱ! ማንም ከፍሬው በቀላሉ ይለያል

Fantish said...

ወይ ‘አባ’ ሠረቀ!!! አሁንስ በወጥመድ ተይዛ የምትፈራገጥ አይጥ መሰሉኝ። በጣም የተጨነቁና የተምታቱ ይመስላሉ፡፤ እስቲ ለትንሽ ጊዜ ቆም ብለው ያማትቡና ሠላም ለኪን ይጸልዩ። የstress መብዛት ለdepression ይዳርጋል። እንደው ለምን አጀንዳዎትን ከመንግስት ጋር ያያይዙታል? ጉዳዮ መሆን ያለበት ስለ ሃይማኖት ነው። መንግስት ለርስዎ ብቻ አይደለም የቆመው፤ ለሀገሩ ሁሉ እንጂ። ለማንኛውም ለአምስት ዓመት የለፉበት ድካምዎ ከንቱ ለመቅረት ዋዜማ ላይ በመሆኑ እጅግ ደስ ይለኛል።

Anonymous said...

'አባ' ሰረቀ መግለጫውን ለማን ነው የሚሰጡት? እዚህ ጋ ላናብዳችሁ ሰለሆነ ኑ የሚል መልዕክት ያዘለ ነው። ለመሆኑ የቤተክርስቲያን ወጣቶችን ያውቋቸዋል? ለመሆኑ ማህበረ ቅዱሳንን ያውቁታል? በእሱ መግለጫ ካወጣሁ የማደርገው ስውር እንቅስቃሴ አይገታም ብለው በማሰብ ይመስላል ይህን እንቶ ፈንቶ የሆነና ካንድ የቤተክርስቲያን አስተዳደር የማይጠበቅ ጽሑፍ ይዘው ብቅ ያሉት? ይገርማሉ። ስለ ደን ተከላ እርስዎ እዚህ ምን አገባዎት። ምን ያህል በጀት መንግስት አዘጋጅቶ ባለሙያ አሰልጥኖ እንደሚንቀሳቀስ ያውቁታል። ለነገሩ ደኑ---ለመደበቂያነት ነው ያሰገቡት። ደረቅ የሆነ ጩኸት እንዳይሆንብዎ!! ከሃዉልታችሁ በዃላ ያለውን ደባ በቅርበት ተከታትያለሁ። ምን ምን እየሰራ እንደሆነ በደምብ አይቻችዃለሁ። ስለዚህ የለበሱትን የማስመሰያ ካባ አውልቀውት በቅርቡ እንደሚወጡ እርግጠኛ ነኝ። ይመኑኝ 'አባ' የቋመጡለት የጵጵስና ማዕረግን አያገኟትም! ይታወቃል እኮ እቅድዎ። ቤተክርስቲያንን ለማፍረስ የተነሱበት ሴራ ሳይታለም የተፈታ ነው። እንኳን በእርስዎ ቡጫቂ ወረቀት ይቅርና ያኔም ተደራጅተው ገብተው እግዚአብሔር በታምሩ አንኮታኩቷቸዋል።
'አባ' ሰረቀ ቤተክርስቲያናችንን ለቀቅ ያድርጉ!!!!!!!!
የኢትዮጵያ መንግስትም እየሄዱበት ያለውን መንግድ መፈተሽ ያለበት ይመስለኛል። ምክንያቱም እርስዎ ያውቁታል።

'አባ' እርስዎም ነገርዎን ይሸርቡ እኔም አምላኬን ተምበርክኬ እለምናለሁ አሸናፊው ማን እንደሆነ በቅርቡ ያዩታል።

ከጎንረዎ
አዲስ አበባ!

Anonymous said...

minew mahibere kidusan kabasereke lay sihon ejachihu teyaze sntun yetehadiso wongel sebakiyan meqabr wust chemiracihualbe iwnet ersachew yihen yahil edmie endiqoyu fekdachihu new woys laila neger ale

Anonymous said...

እርግጥ ነው የማኅበሩ ግዙፍ ሕንጻ እንኳን እኒህን ግለሰብ መንግሥትንም ምራቅ የሚያስውጥ ነው፡፡ ስለዚህ ዓይናቸው ቢቀላ፣ ቆሽታቸው ቢያርር አይገርመኝም፡፡ እኔን የሚገርመኝና የሚቆጨኝ ለዚህ ታላቅ ግንባታ ሳንቲም አለማውጣቴ ነው፡፡

በመሠረቱ ሕንጻው የሚያሳብቀው ዋነኛ ጉዳይ ቢኖር ቤተክርስቱያኑቱ ቢያንስ ባለፉት 40ዓመታት ውስጥ ይህ ነው የሚባል የግንባታ ሥራ ማከናወን አለመቻሏን ሲሆን (የብፁዕ ወቅዱስ አቡነ ጳውሎስን መንበረ ፓትርያርክ ሳይጨምር)ያለአዋጅ ነጋሪና አደናጋሪ በማኅበሩ አባላት መዋጮ፣ ከሁሉም በላይ የማኅበሩን አገልግሎት በቅንነት በሚደግፉ ምዕመናን መዋጮ እንዲሁም እንበለ ነዋይ በተበረከተው የምሕንድስናና የማማከር አገልግሎት መሠራቱ ብዙዎችን እኛ ተቀምጠን በሚል ሳያስደነግጥ ይቀራል ተብሎ አይጠበቅም፡፡

እዚህ አሜሪካን ከመጣሁ መረጃዎችን በማገላበጥ የተረዳሁት ነገር ቢኖር ኢሉሚናቲ የሚባለው ሕቡዕ ስብስብ ሌላ ክርስቶስ (ሐሳዊ ክርስቶስ አስርጎ) ማስገባቱን ነው፡፡

ይህ ረቂቅ አካሄድ በእጅጋየሁ አጋፋሪነት በበጋሻው ጭንቅላት፣ በማደራጃ መምሪያ ኃላፊው ደካማ እውቀት የሚገለጥ አይደለም፡፡ በነገራችን ላይ ሰውየው ጎንደር ላይ ቀጥንቆላና በድግምት የሚችላቸው እንዳልነበረ መንበረ መንግሥት መድኃኔዓለም ቤተክርስቲያን ሄዶ መጠየቅ ከበቂ በላይ መረጃ ነው፡፡

ችግራችን ማኅበረ ቅዱሳን አይደለም፤ ጠንቋይና መተተኛ መሪ መሆኑ ነው፤ ችግራችን በጋሻው በጋግራን እሪታ መጽሐፉ ያወገዛው ድግምተኞችና መተተኞችን ለጥቅሙ ሲል መልሶ ማወደሱ ነው፡፡

ይቺ ናት የፖለቲካ ጨዋታ

yemelaku bariya said...

አባ ሰረቀ ጨካኙን አውሬ ይመስላሉ:: ሌ ላ ቀርቶ መልካቸው እንኳ ተቀይሯል: አሜሪካ እያሉ ከዚህ ይሻሉ ነበር:: አሁን ግን ቅልል ያለ ቀልብየሌለው ሌባ ወይም ሲሰርቅ የተያዘ ቀጣፊ ይመስላሉ:: ወደዋናው ቁምነገር ልግባና የሳቸውንቅሰጣ የሚያዳምጥ ካለ ያው ተመሳሳያቸው ነው:: እኛ ግን እርሳቸው ከማደራጃ መምሪያው አይደለም ከሌላም ኃላፊነት እስኪታቀቡ አንለቃቸውም ይህ ደግሞ የማህበረ ቅዱሳን ስራ ብቻ አይደለም የሁላችንም ነው:: ለማንኛውም ከነ አባትዎ ዋጋወን ያገኙዋታል እግዚአብሔር የማያይ መስሏችሁ አይደል:: እኔ ግን እንደሚያይ ክፉዎችንም እንደሚቀጣ አውቃለሁ::

Anonymous said...

whatever he said(sereke) he need to start it from himself.He said about auditing,falsified Deacons and there is no tehadiso in VOA(may 31/2011) Ok that is good to seem to protect the church but What do you think if all he said be started on himself including the church.I think it is the time for our church to be cleared off .Also I am worried about the tehadiso and other religion's people leading our orthodox church.Do we have a problem of religious people leading our church.......We need clear rules to be implemented on the administration, money flow, human resource development.They are messing up the church's dignity and integrity.We need our church to be led by our fathers ideas which is spiritual not by thought of this world concentrating on money and self center.This people are putting their personal respect rather than worshiping God.They are scared of those who are working for truth.Dark will be uncovered by light.why they fear good working people?????????? Moreover, bible is God's word neither to be changed nor to be added.Let's audit the management of the church referencing this. All they said has
to be done for all. we Ethiopian orthodox people are already awake.Please Aba sereke read this ,may be you will remember what to do. If God says to all of those who are aganist God's word. Bemizan temezenk kelehim tegegneh metfatachin new----siol yitebikenal.

please be reminded those who is following some beliefs aganist the church knowingly or unkowingly. Behaylegnaw be Egziabher fit rasachun awardu.

lelawin lela gize

Anonymous said...

For those who are abusing their power in the church.
Power is for God.
Either God or devil will control
control a person.let us check our work with word of God. confession is important if we know what we are doing.Lets listen to our soul. Church is a place for blessing not cursing,do not pass cursing to people instead blessing.

God be with all of us

For all orthodox people

let us pray for our church and include in your everyday prayer for 1 minute.Just say the word

"God please forgive all of us,give us love, lead our church"

Ayen said...

They are trying to control all but GOD didnot allow to them.

Anonymous said...

መመርያ የማያውቅ ለመሆኑ እንዴትስ ይሆን በመመርያ ተመሩ ብሎ የሲኦል አፎቹን የሚከፍት? ለነገሩ "አባ ሠረቀ" አላማውም ስራውም የታወቀ የቤተክርስትያንና ለቤተክርስትያን የቆሙ ጠላት መሆኑ በስራው ታውቆበታል ወዘሰ አማሰነ ቤቶ ለእግዚአብሔር ሎቱኒ አማስኖ አደል ያለው ፈጣሪ ! ንሰሐ ግባ!

Anonymous said...

መመርያ የማያውቅ ለመሆኑ እንዴትስ ይሆን በመመርያ ተመሩ ብሎ የሲኦል አፎቹን የሚከፍት? ለነገሩ "አባ ሠረቀ" አላማውም ስራውም የታወቀ የቤተክርስትያንና ለቤተክርስትያን የቆሙ ጠላት መሆኑ በስራው ታውቆበታል ወዘሰ አማሰነ ቤቶ ለእግዚአብሔር ሎቱኒ አማስኖ አደል ያለው ፈጣሪ ! ንሰሐ ግባ!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)