May 29, 2011

(ሰበር ዜና) ብፁዕ አቡነ በርናባስ አረፉ

  • የብፁዕ አቡነ በርናባስ የቀብር ሥነ ሥርዐት ነገ ይፈጸማል
  •  "የትምህርት መጨረሻው መልካም ሥራ ነው፡፡" (ብፁዕ አቡነ በርናባስ)
(ደጀ ሰላም፤ ሜይ 29/2011)፦  ዛሬ ግንቦት 21 ቀን 2001 ዓ.ም ከሌሊቱ 10፡00 ግድም በድንገተኛ ሕመም በተወለዱ በ92 ዓመታቸው ያረፉት የምዕራብ ጎጃም ሀገረ ስብከት ሊቀ ጳጳስ ብፁዕ አቡነ በርናባስ ሥርዐተ ቀብር ነገ ግንቦት 22 ቀን 2003 ዓ.ም ረፋድ ላይ ለበርካታ ዐሥርት ዓመታት ባገለገሉበት በባሕር ዳር ፈለገ ገነት ቅዱስ ጊዮርጊስ ገዳም ይፈጸማል፡፡ 

ግንቦት 16 ቀን ከተፈጸመው የርክበ ካህናት ቅዱስ ሲኖዶስ ስብሰባ መጠናቀቅ በኋላ ግንቦት 19 ቀን በሀገረ ስብከታቸው መኪና ወደ ባሕር ዳር ያመሩት ብፁዕነታቸው ደብረ ማርቆስ ከተማ ሲደርሱ ድካም እንደሚሰማቸው በመግለጽ በምሥራቅ ጎጃም ሀገረ ስብከት መንበረ ጵጵስና አድረው በበነጋው ጉዟቸውን ቀጥለው እንደ ነበር ተገልጧል፡፡ የዕድሜ ባለጸጋ የሆኑት ብፁዕነታቸው በባሕር ዳር መንበረ ጵጵስናቸው ቅዳሜ ግንቦት 20፣ ከቀኑ 8፡00 ላይ ከደረሱ በኋላ ከምሽቱ 3፡00 ላይ ማረፋቸውን የስፍራው ምንጮች ተናግረዋል፡፡ ብፁዕነታቸው የሰነበተ ሕማም እንደሌለባቸው፣ ግንቦት 16 ቀን የነበረውን የቅዱስ ሲኖዶስ ስብሰባ የመጨረሻ ቀን ውሎ ‹‹ሆዴን አሞኛል›› በማለታቸው ሳይሳተፉ መቅረታቸው ተጠቁሟል፡፡ ረቡዕ ግንቦት 17 ቀን ወደ ሕክምና የተወሰዱት ብፁዕነታቸው ወደ ጥቁር አንበሳ ሆስፒታል ሪፈራል ተጽፎላቸው የነበረ ቢሆንም ‹‹ግዴለም፤ እዚያው ቤቴ ውሰዱኝ፤ ባሕርዳር ስደርስ እታከመዋለሁ›› በማለታቸው መንገድ መግባታቸውን እኒሁ ምንጮች  ያስረዳሉ፡፡ ብፁዕነታቸውን በመንበረ ጵጵስናቸው ተቀብለው ያሳረፏቸው የምሥራቅ ጎጃም ሊቀ ጳጳስ ብፁዕ አቡነ ጴጥሮስ ‹‹አልለዮትም›› ብለው ብፁዕነታቸውን ይዘው ባሕርዳር ድረስ መጓዛቸው ተመልክቷል፡፡ የብፁዕ አቡነ በርናባስ ዕረፍት እንደተሰማ የክልሉ ብሔራዊ ክልላዊ መንግሥት ፕሬዝዳንት አቶ አያሌው ጎበዜ ከተወሰኑ የካቢኔ አባሎቻቸው ጋራ እሑድ ጠዋት በመገኘት ሐዘናቸውን መግለጻቸው ተዘግቧል፡፡
ለቀብሩ ሥነ ሥርዐት ብፁዕ ወቅዱስ ፓትርያርክ አቡነ ጳውሎስ ከአምስት ብፁዓን ሊቃነ ጳጳሳት ጋራ ዛሬ ተሲዓት በኋላ ወደ ባሕር ዳር አምርተዋል፡፡ በባሕርዳር አየር ማረፊያ ‹‹ከ30 በላይ በሆኑ መኪኖች አቀባበል ተደርጎላቸዋል››ም ተብሏል፡፡ 

በየዓመቱ ጥቅምት ወር በሚካሄደው የመንበረ ፓትርያርክ አጠቃላይ የሰበካ መንፈሳዊ ጉባኤ አህጉረ ስብከታቸው ለጠቅላይ ቤተ ክህነት በሚያደርገው ፈሰስ እና የራስ አገዝ ልማት ቀደምት በማድረግ የሚታወቁት ብፁዕነታቸው፣ ከግንቦት 10 - 16 ቀን 2003 ዓ.ም በተካሄደው የርክበ ካህናት ቅዱስ ሲኖዶስ ስብሰባ ላይ ያለልምዳቸው ባሰሙት ጠንካራ ንግግር የሲዳሞ ሀገረ ስብከት ሥራ አስኪያጅ ሆኖ በፓትርያርኩ አላግባብ በተሾመው ጌታቸው ዶኒ ላይ የተደረሰበት ውሳኔ እንዳይረጋ አቡነ ጳውሎስ የጉባኤውን አመራር ውኃ ቅዳ ውኃ መልስ ያደረጉበትን አካሄድ ተቃውመዋል፤ ‹‹የሲኖዶሱ አካሄድ ውኃ ወቀጣ ሆኗል፤ ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መወገን አይሻልም ወይ?››
በአህጉረ ስብከታቸው በቆሙበት ዐውደ ምሕረት ሁሉ፣ ‹‹የትምህርት መጨረሻው መልካም ሥራ ነው፤›› በሚለው ተደጋጋሚ ምክራቸውም ይታወሳሉ - ብፁዕ አቡነ በርናባስ፡፡

ጥቅምት 18 ቀን 1983 ዓ.ም በአራተኛው ፓትርያርክ ብፁዕ ወቅዱስ አቡነ መርቆሬዎስ አንብሮተ እድ ከተሾሙት አራት ኤጶስ ቆጶሳት(አቡነ አረጋዊ፣ አቡነ ጎርጎርዮስ ሣልስ፣ አቡነ መልከ ጼዴቅ) አንዱ የነበሩት ብፁዕነታቸው የዜማ እና የመጽሐፍ ዐዋቂ መምህር ነበሩ፡፡ በሐረር መድኃኔዓለም፣ በርእሰ አድባራት ቁሉቢ ቅዱስ ገብርኤል እና በመንበረ መንግሥት ቅዱስ ገብርኤል ገዳም በመሳሰሉት ታላላቅ አብያተ ክርስቲያን አገልግለዋል፡፡  በማዕርገ ጵጵስናም በመጀመሪያ የአዲስ አበባ ሀገረ ስብከት ረዳት ጳጳስ በመቀጠልም የምሥራቅ እና ምዕራብ ጎጃም እና የመተከል አህጉረ ስብከት ሊቀ ጳጳስ፣ በመጨረሻም እስከ ዕለተ ዕረፍታቸው የመሩት የምዕራብ ጎጃም ሀገረ ስብከት ሊቀ ጳጳስ ሆነው አገልግለዋል፡፡ አምላካችን ለብፁዕ አባታችን ዕረፍተ ነፍስን ሰጥቶ ከማኅበረ መላእክት፣ ከማኅበረ ጻድቃን ይደምርልን፡፡ አሜን፡፡

59 comments:

ssbb23 said...

yetsadik mot be igiziabihier fit yekeberenewu!

ርብቃ ከጀርመን said...

በመጀመሪያ ያባታችንን ነፍስ ከቅዱሳኖችጋር ያሳርፍልን ለዘንድ መልካም ምኞቴ ነው! ደጀሰላሞች መቸ እንዴት አረፉ ባደጋነው ወይስ እንደተለመደው በድንገት እባካችሁ ዝርዝር ዜናውን ለመስራትና ለማቅረብ ሞክሩ !ሰውየው የዋዛ አይደሉም አንድባንድ ከሆነስ ነገሩ

A3a said...

‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;›› ብፁዕ አቡነ በርናባስ

what I am worried about is that we are losing our genuine fathers one by one. Abune Selama, Abune Yesehak....

Anonymous said...

ነፍስ ይማር

Anonymous said...

እስከ መቼ ይሆን ለቤተክርስቲያን ልዕልና ጠንካራ አቋም የሚያሳዩ አባቶችን እንዲህ በሞት የምናጣቸው? ምን ይሆን ምክንያቱ?
እግዚአብሔር ሆይ እባክህ ታምርህን ስራ-------------------------

Anonymous said...

ምን ማለት ነው?
ወይ pdf አስነብቡን

desa said...

asdengachi zena!! see detiles www.mahiberekidusan.org

Anonymous said...

<<ከግለሰብ ይልቅ ለእግዚአብሔር እና ለቤተ ክርስቲያኑ መወገን አይሻልም ወይ;››(ብፁዕ አቡነ በርናባስ)
ነፍሳቸውን በአብርሀምና ይስሐቅ አጠገብ ያኑርልን ፡፡ እግዚአብሔር አምላክ የቤተክርስቲያንን ጥፋት እንዳያዩ ደጋግ አባቶችን በየተራ ጠራቸው .አቡነ መልከጸዴቅ ፣አቡነይስሐቅ፣አቡነ በርናባስ . ታድያ ምን እንላለን አምላክ በቸርነቱ ምእመነናኑ የተኩላ ሲሳይ እንዳንሆን ይታደገን እንጂ

Anonymous said...

ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;›› ብፁዕ አቡነ በርናባስ

Anonymous said...

ባባታችን ማረፍ እጅግ በጣም አዝናለሁ። ለእሳቸው ትልቅ ግልግል ነው። በሕይወታቸው ቤተክርስቲያንን ለማዋረድ የሚቋምጡ ግለሰቦች ሳይሾሙ ማለፍ መታደል ነው። ለቤተክርስቲያኒቷ አለኝታ የሆኑ አባቶች እንዲህ መሆናቸው ምን ይሆን ሚስጥሩ? ድንገት አመመኝ በማለት አረፉ የሚለው አርፍተ ነገር ለምን ይሆን ተደጋገመ? ቤተክርስቲያኒቱ ውስጥ መንአይነት በ ድንገተኛ የሚውስድ ወረድሽኝ ገባ? አሁን በህይወት ያሉ አባቶች ከዚህ ምን ይማራሉ? እያንዳዱ ከዚህ ጽዋ በድንገትም ሆነ በሌላ ነገር አያመልጥም። እናም ነግ ለእኔ ብለን እባካችሁ የቀራችሁት አባቶች ቤተክርስቲያን የተጋረጠባትን ፈተና እልባት ስጡ..አቡነ ጳዉሎስም ሆኑ አቡነ መርቆርዮስ ለዚህ ሁሉ ጥፋት ተጠያቂ ስለሆናችሁ እባካችሁ ወደ ልቦናችሁ ተመልሳችሁ ቤተክርስቲያኒቱ እንደነበረች አድርጉ። እኒህ ሁለቱ አባቶች አሻፈረኝ ካሉ ሌሎቻችሁ ቁርጠኛ የሆነ ነገር መውሰድ አለባችሁ። ካለበለዚያ ቤተክርስቲያኖን ለመቀራመት ሲቋምጡ የነበሩ ግለሰቦች ተሹመው ሲኖዶሱ የወጠጤ ጳጳሳት መፈንጫ መሆኑ አይቀሬ ነው። በዚህ ስራችሁ የሚፈረድባችሁ ፍርድ እባካችሁ አስቡት!!!!!!
የሚለው ዜና መደጋገም በራሱ ትልቅ መልዕልት አለው!

Tikikile K. said...

Tesfa Michael

Is there something behind or is it the natural cause?

We need to know the reason. and we have to be ready for any king of attack. We need to know who is who about every one in the heirarchy of the church. I am ready to sacrifice every thing for the cause!

I have trust in God. HE will never let us down!

Anonymous said...

his grace was died because he was sick

meng said...

shocking news!
‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;›› ብፁዕ አቡነ በርናባስ
Abatachin Tikis tenagrew alefu malenew. bezih nigigiriwo betekiristianina hizib endasebewot yinoral.
Yebetekirstian Amlak Hagere Hiwot Mengiste Semayat Yawursilin.

Anonymous said...

የባሕርዳር ሕዝብ ሆይ ብጹዕ አባትህን ገሎ ሊቀብር የመጣውን ሌባ እንዳትለቀው አደራ!!!!! ይህ የዕምነት ጉዳይ ነው!!!!!!!!!!!!!!!!!!!!!!!!!!!!!

Anonymous said...

በግራዚያኒ ጥይት ተደብድበው ሰማዕት ከሆነው ከአቡነ ጴጥሮስ ይህ በምን ይለያል! ልዩነቱ ያ ባደባባይ በባዕዳን መሆኑ ይህ ደግሞ በስውር የእናት ጡት ነካሾች በመፈጸሙ ነው!!!! ለምን ለቀበራ ይቸኮላል!!!! አስፈላጊው ምርመራ ተደርጎላቸው እውነቱ መውጣት አለበት!! የአቡነ ጳውሎስ እሩጫ ነገሩን ለማድበሳበስና ተሎ ብለው አፈር ለማልበስ ነው!!! ይህ ጉዳይ ባገለገሉበት አህጉረ ስብከት ያሉ ምዕመናን በጥንቃቄ ሊመረምሩት ይገባል!!!!!! አንድ ራሱን ደብቆ እውነተኛ አባቶችን ከቤተ ክርስቲያኒቱ ለማጥፋት የተዘጋጀ ሃይል ያለ ይመስላል!!! ስለዚህ እባካችሁ በተሎ ወደ ቀብር መውሰዱ ጥሩ አይደለም!!!
እዉነት ሊወጣ ይገባዋል!!!!
ካለበለዚያ ዉጤቱ ጥሩ አይመስለኝም!!

Anonymous said...

oh my God .............
what a Shocking news

ere gobez tewu gedyelem yehe neger yitara

how come we loose those our genuine fathers one by one. i am so sorry i can't believe this. please please let's do some thing.

Anonymous said...

Rest in peace.

Anonymous said...

May our almighty God rest his soul in peace... Rebeca and all the other guys... please stop!

ዘሐመረኖህ said...

እውነተኞቹ አባቶቻችን እውነትን እየተናገሩ ለእውነት እየታገሉና እያለፉ ነው ትግሉንና ወይም መጋደሉን ለነዚህ እውነተኛ አባቶች ብቻ ለምን እንተዋለን ከሊቅ እስከ ደቂቅ የየራሳችንን ድርሻ መቼ ነው የምንወጣው? አባቶቻችንን አንድ ባንድ ከጨረሱብን በኋላ ብንነሳ እንኳ ቤተክርስቲያናችንን ማነው የሚመራት?ኧረ ተቀናጅተን ሆ ብለን እንነሳ

Behayilu said...

Yegziabher fekade selhone men enlalen nefsachewn egziabher yebark

Anonymous said...

‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;›› .
‹‹እንዴት በዚህ ጉዳይ ድርድር ውስጥ ይገባል; እንዴት መናፍቅ አይደለም ይባላል;››
ቤተክርስቲያኒቱ ልትረሳው የማትችል በወሳኝ ወቅት የተነገረ ጥቅስ!!

Anonymous said...

+++
እግዚአብሔር የብጹዕ አባታችንን ነፍስ ከአብርሃም ከይስሀቅ አጠገብ ያኑርልን።
በእውነት አባቶቻችንን ማጣት ለቤተክርስቲያን ታላቅ ጉዳት ነው!
ብዙውች ቀናኢያን የሆኑ የቤተ ክርስቲያን ሊቃውንት ወደ አምላካቸው እየሄዱ ነው። የእነርሱ መሞት ምን ይሆን ምክንያቱ ያሰኛል። ነገር ግን ከስው ቢሰወር ከእግዚአብሔር አይሰወርም እና ለእግዚአብሔር መተው ነው።
የሚገርመው ለሌሎች የንቁ ደወል መሆኑን ማን ያስተውል! እንዲሁ እንደ ኖህ ዘመን ሰዎች በእግዚአብሔር ቸርነት እና በቤተ ክርስቲያ ትእግስት ስንቀልድ ፈራጅ የሆነው አምላክ ይደርስብናል።

T/selase ከስዊድን said...

ግን እንዴት? ነፍሳቸውን ከቅዱሳን ጋር ይደምርልን

Anonymous said...

Shocking news!hope our father is in God's hand.But the question is that who will be next???.Please do all good things before the incoming death!!!

Anonymous said...

abetu geta hoy nefesachewn marln

Anonymous said...

ነፍሳቸዉን ከቅዱሳኖች ጋር ያሳርፍልን:: በረከታቸዉ ይድረሰን:: በእዉነቱ አሟሟታቸዉ ሊጣራ ይገባዋል::

Anonymous said...

አቡነ በርናባስ ትልቅ ሰው ነበሩ ምሁሩም ናቸው። የጳውሎስን መልእክታት ሲተረጉም እንደ እነ ሊቅ ሊቃውንት ትርፌ ነበሩ ። ግን በህይውታቸው የሚያዝኑበት ነገር ቢኖር አባ አብርሃም የተባለ ቀጣፊ ሰው መንበር ጵጵስናችውን ነጥቆ ለመውሰድ ተውላጅ በሚባሉ ሰዎች ባህርዳር ላይ የፍጠረባቸው ሁከት ነው።ይህ ሰው ሊሾም ሲል ጅምሮ ከጓደኞአኡጋር ለቤት ክርስቲያን ጠንቅ እንደሚሆን በምናገር ተቃውሞ አሰምተው የነበረ ቢሆንም ። አቡን ጳውሎስ ከአባ አብርሃም ና ከመሰሎቹ የተቀበሉት ንዋይ ሚዛን ደፍቶ ሊሾም ችሏል። ብጹእነታችው ግን የበረከትና የእውነት ሰው ሲሆኑ እንደማህበረቅዱሳን ያሉ ጠንካራ ወጣቶች በቤተ ከርስቲያን ቢበዙ የኢተፆጵያ ቤት ክርስቲያን የት በደረሰች ይሉ ነበር

Anonymous said...

አቤቱ ጌታ ሆይ! ነፍሳቸውን በአብርሀም እቅፍ አሳርፍልን!
ግን አንድ ነገር ሁሌ ይገርመኛል:: ለቤ/ን እውነተኛ ተቆርቋሪ አባቶችን ነው በተከታታይ እያጣን ያለነው::
ጌታ ሆይ ያንተ ፈቃድ ነውና እንጽናናለን!!!

Melkie said...

Amelak hoye ye abatachinin nefese bemelkam tekebelelen yegnam melkam abatochin seten .....melkam abatochin bematat ke higeh endanerek

Melkie said...

‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;›› betam talak negeger...............

Anonymous said...

‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;›› .
Bewnet tilik meleket astelalefew hedu joro yalew mesmaten yisma!!!

Anonymous said...

ኦ አምላከ እስራኤል ምን አይነት አስደንገጭ ዜና ነው
ለነገሩ እንደዚህ አይነት ድንገተኛ ክስተት ስለተደጋገመ እያለመድነው ነው
እግዚአብሔር አምላክ ይህን ሚስጢር እስኪገልጥ ድረስ
አቡነ መልከጸዴቅ ፣አቡነይስሐቅ፣አቡነ በርናባስ………… ማን ይሆን በላ ሣምንት
እግዚአብሔር እውነተኛና ደጋግ አበቶችን ያቆይል

Bewnet said...

‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;›› .
bewnet tilik meleaket astelalefew hedu, joro yalew mesmaten yisma!!!

Dn Haile Michael said...

በስመ አብ ወወልድ ወመንፈስ ቅዱስ አሐዱ አምላክ አሜን
የተወደዳችውና የተከበራችው ኦርቶዶክሳውያን
ዛሬ ጠዋት መምህሬና የንስሀ አባቴ ከሆኑት አባት ጋር ስላለፈው የርክበ ካህናት የቅዱስ ስኖዶስ ጉባኤ ስንጫወት በተለይም የኤጲስ ቆጶሳት ስመት ስለመቅረቱ ስናወራ አባቴ አንድ ነገር አነሱ «እነዚህ ሹመት የቀረባቸው መነኮሳት ዻዻሳትን ሊያስደበድብ ይችላሉ » ስሉኝ '«ዲያቆን» በጋሻው ብፁዕ አቡነ ይስሐቅ ሲያርፉ «እሴይ አንድ የኢየሱስ ጠላት ሞተ »ካለው ጋር አንድ ጥርጣሬ አድሮብኝ ነበር::ልክ ከኣበቴ እንደተለያየሁ ወደ ቢሮየ አቅንቼ ደጀ ሰላም እንደ ከፈትኩ ብፁዕ አቡነ ባርናባስ ከብፁዕ አቡነ ይስሐቅ ዕረፍት ጋር በሚመሳሰል መልኩ ማረፋቸውን አነበብኩ::
እውነተኞቹን አባቶች ጨርሶ ቤተክርስቲያንን ለመቆጣጠር የሚደረገው ሴራ አካል ከሆነስ ?እባካችሁ አባቶች እራሳቸውን እንዲጠብቁ ቢደረግ? የአስከሬን ሕክምና ምርመራ ውጤትም ለሚመለከተው አከል በትክክል መድረሱና ምርመራው በትክክል መደረጉ የሚረጋገጥበት ሁኔታ ቢኖር?
ስለቤተክርስቲያን ሁላችንም ዘብ የሚንቆምበት ጊዜ አሁን ነው'
እግዚአብሔር አጽራረ ቤተክርስቲያንን ያስታግስልን ቤተክርስቲያንን ይጠብቅልን'

berhan bihil said...

ኦ እግዚኦ አእርፍ ነፍሳተ ጳጳሳቲነ ለኵሎሙ ጳጳሳት እለ አእረፉ በንጽሕት ሃይማኖት።

እኛ ክርስቲያኖች የኦርቶዶክስ ተዋህዶ ልጆች ቀስ በቀስ እንቁላል በእግሩ ይሄዳል የሚለውን ጥቅስ እንጂ ቀስ በቀስ እውነተኛ የቤተክርስቲያን አባቶች በድንገት አረፉ የሚለው የተደጋገመ ቃል መስማት ይብቃን!!! በምን? እንዴት? የሚለውን ጥያቄ ልንጠይቅ ይገባል፡፡ ምክንያቱም አሁን እውነተኛ አባቶች እያሉን መናፍቅ ያስተደድራችሁ ከተባልን አባቶቻችን አንድ ባንድ ድንገተኛ የተባለው በጉያችን ያለው አማሌቃዊ ሠይጣን ነጥቆ ከጨረሳቸው በኋላ ምን እንል ይሆን? በኋላ ይቆጨናልና! ‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ›› የሚለውን መልካም ቃል የሚቃወመው ማን እንደሆነ ግልጽ ነውና፡፡

Anonymous said...

"ከማኅበረ መላእክት...ይደምርልን፡፡" yibalal ende endeza? Any ways, Amen.

FIKIRE MARIAM said...

< Amlak hoy YEABATACHININ nefis mari,BETEKIRISTIANIN tebikilin.>

Anonymous said...

የእኛስ አለመታደል ነው ፡፡ ታድያ ማ ቀረ ፡፡ አባቶችን በወር በወር እንዴት እንጣቸው ፡፡ የሚገርም ነገር ነው የፃድቅ ሰው ሞቱ እረፍቱ ነው፡፡ ህመም የለ ፣አልጋ ላይ መውደቅ የለ እንዲህው እንደ እግዚሐብሔር ቸርነት ነፍስና ስጋቸውን ይለይላቸዋል፡፡ እግዚሐብሔር በወሰዳቸው ምትክ አባቶችን ይስጠን ፡፡ ለቤተክርስትያን የሚሆኑትን አባቶች አያሳጣን

Anonymous said...

ነፍሳቸውን በሰማያዊት እየሩሳሌም ከቅዱሳን ጋር ያሳርፍልን እሳቸውስ አረፉ በዚህ ዕድሜ በሀዘን ከመሰቃየት ግን??? ... አባት ሆይ ለእኛስ ማንን ተውክልን መጨረሻችንስ ምን ይሆን? ለማንኛውም ሥራህ አይመረመርም እንደወደድክ

AD

ዘካርያስ ጋሻው said...

"የትምህርት መጨረሻው መልካም ሥራ ነው፡፡"
ብፁዕ አቡነ በርናባስ
እባካችሁ ሌሎች አባቶችም ሞት እንደማይቀር አውቃችሁ ለእውነት ጥብቅና ቁሙ!

ነፍሳቸውን በአብርሀም፣ በይስሐቅ እና በያዕቆብ አጠገብ ያኑርልን!

zeGojjam said...

Ye Bitsu Abatachin Bereket begna lay yider. But we really need to know how Abune Bernabas become seek in Addis while on the meeting. It really smells .... something is going on in Teklay Betekhnet.
Do we have any guarantee that they will not attack the remaining fathers? At least we 100% know what they did to Abune Melketsedek. We should wake up!!!!!

Anonymous said...

አንተ እንደወደድህ አድርግ ከማለት ውጭ ምን እንላለን-----
ጌታ ሆይ የሚስጥር አገርህን አስባት-----
ምንም ሐጢያተኛ ብንሆን ያኔ ያደረክኸውን ዛሬም አትለይብን-----
ለበይ አሳልፈህ አትስጠን---------
አምላካ ሆይ የሚለው ቃልህ በተግባር የሚፈጸምባትን ኢትዮጵያን አስባት። ቤትህን ለመውረስ የሚቋምጡ አባቶችን ዛሬም እንደያኔው ብለህ ገርፈህ አስወጣልን------
ጌታ ሆይ እውነት ተናጋሪ ልጆችህን እያሳደደ ያለውን በመለኮታዊ ታምርህ ጸጥ አድርገው-----
ጌታ ሆይ ስለ እናትህ ስለ ቅድስት ድንግል ብለህ አትተወን----
ጌታ ሆነ ሰራዊተ መላዕክትን ልከህ ታደገን----
ድንግል ሆይ የተጨነቁ ልጆችሽን አሳስቢ----
የምንሰማውን ማዕትና ማዕበል አንተው ጸጥ አድርገው።

Aragaw said...

በቅድምያ የአባታችንን ነፍስ ከማኅበረ ፃድቃን ይደምርልን! አባታችን ታላቅ የሐይማኖት፤የጸሎትና የባህታውያን ህይዎት የነበራቸው እውነተኛ አባት ነበሩ፡፡ ለዚህም ከስርዓተ ቀብራቸው የተነበበው ታሪካቸው ብቻ ሳይሆን በየአገለገሉባቸው ገዳማትና አድባራት የጣሏቸው ደገኛ ሥራዎች ህያው አሻራዎች ናቸው፡፡ በዕለቱ በስርዓተ ቀብራቸው በተገኘሁበት ከተነገረላቸው አንድ ታላቅ ኃይለ ቃል ላንሳላች በፁ አቡነ በርናባስ በርእሰ አድባራት ቁሉቢ ቅዱስ ገብርኤል ገዳም ሲያገለግሉ ከቆዩ በኋላ በአገልግሎታቸው ትጋትና መንፈሳዊነታቸው ተጠርተው ወደ አዲስ አበባ እንዲመጡ ተደርጎ ነበር፡፡ የነበሩበት የአገልግሎት ቦታ በጣም ፈታኝና ብዙዎችም የተሰናከሉበት የነበረ በመሆኑ “ሳይቀምሱ ሳያስቀምሱ የተነሱ አባት” በማት በጊዜው የነበሩት የሀገሪቱ ጳጳስ መስክረውላቸዋል የሚል ነበር፡፡ አሁን ደግሞ ቤተክርስቲያንን ለሁለት ሊከፍላት በተነሳ ከባድ የቤተክርስቲያን ፈተና ላይ ‹‹የሲኖዶሱ አካሄድ ውኃ ወቀጣ ሆኗል፤ ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መወገን አይሻልም ወይ?›› ማለታቸው ለፈተና የማይበገሩ ፅኑና ታማኝ የቤተክርስቲያን አባት መሆናቸውን ይነግረናል፡፡ ዳሩ ግን እኒህን ብቻ ሳይሆን ሌሎችንም እውነተኛ አበቶቻችን በየተራ አጣናቸው፡፡ እባካችሁ ለቤተክርስቲያን በጋራ እንጸልይ፡፡

Aragaw B said...

በቅድምያ የአባታችንን ነፍስ ከማኅበረ ፃድቃን ይደምርልን! አባታችን ታላቅ የሐይማኖት፤የጸሎትና የባህታውያን ህይዎት የነበራቸው እውነተኛ አባት ነበሩ፡፡ ለዚህም ከስርዓተ ቀብራቸው የተነበበው ታሪካቸው ብቻ ሳይሆን በየአገለገሉባቸው ገዳማትና አድባራት የጣሏቸው ደገኛ ሥራዎች ህያው አሻራዎች ናቸው፡፡ በዕለቱ በስርዓተ ቀብራቸው በተገኘሁበት ከተነገረላቸው አንድ ታላቅ ኃይለ ቃል ላንሳላች በፁ አቡነ በርናባስ በርእሰ አድባራት ቁሉቢ ቅዱስ ገብርኤል ገዳም ሲያገለግሉ ከቆዩ በኋላ በአገልግሎታቸው ትጋትና መንፈሳዊነታቸው ተጠርተው ወደ አዲስ አበባ እንዲመጡ ተደርጎ ነበር፡፡ የነበሩበት የአገልግሎት ቦታ በጣም ፈታኝና ብዙዎችም የተሰናከሉበት የነበረ በመሆኑ “ሳይቀምሱ ሳያስቀምሱ የተነሱ አባት” በማት በጊዜው የነበሩት የሀገሪቱ ጳጳስ መስክረውላቸዋል የሚል ነበር፡፡ አሁን ደግሞ ቤተክርስቲያንን ለሁለት ሊከፍላት በተነሳ ከባድ የቤተክርስቲያን ፈተና ላይ ‹‹የሲኖዶሱ አካሄድ ውኃ ወቀጣ ሆኗል፤ ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መወገን አይሻልም ወይ?›› ማለታቸው ለፈተና የማይበገሩ ፅኑና ታማኝ የቤተክርስቲያን አባት መሆናቸውን ይነግረናል፡፡ ዳሩ ግን እኒህን ብቻ ሳይሆን ሌሎችንም እውነተኛ አበቶቻችን በየተራ አጣናቸው፡፡ እባካችሁ ለቤተክርስቲያን በጋራ እንጸልይ፡፡

Anonymous said...

We lose ours Gold …May our almighty God rest his soul in peace.

Anonymous said...

We lose ours Gold …May our almighty God rest his soul in peace.

123... said...

When shall we begin to say ‹‹ከሰው ይልቅ ለእግዚአብሔር፣ ከግለሰብ ይልቅ ለቤተ ክርስቲያን መቆምና መወገን አይበልጥም ወይ;››???

Anonymous said...

ቸሩ አምላካችን ሆይ!!! የአባታችንን ነፍስ በአጸደ መንግስትህ አሳርፍልን፡፡ እኛንም ከነጣቂ ተኩላዎች ጠብቀን፡፡ አሜን፡፡

fekadeselassie said...

what a sad news! how we r unfortunate in loosing a very decine, strong, graceful icon of our church.... do not know what to say..... may the Almighty give mercy and peace to his soul Amen!!!!!!!

Anonymous said...

wey guddddddddddddd sew wedo kifu aynagerem eko bakachu geta hoy le eyandandu endyesraw sietew betolo ,,,

Anonymous said...

አባታችን አቡነ በርናባስ ምስክር የሚሆንላቸውን ስራ ሰርተው አረፉ፡፡ እኛሰ ምን ስራ አለን?

Tewahedo said...

RIP. He was very wonderful preacher and very spritual father. May God give the people of Bahirdar and the whole dioces a father who can truely replace him.

I participate my sermons given by him, really he was true spritual and matured bishop.

92 years. I think he was old and may be oldest bishop.

Melkamikene said...

is there any mysteries, all Abunes who opposed/refused even a single idea of pop Poul passed in short time? Hode Yifijew!!!!!!!!!!!

Anonymous said...

sad and shocking news!

Anonymous said...

bemegemeria yebitsue abatachinen nefs kedegag abatoch nefs gar yidemirlin.

Dejeselam & Dejeselamawyan Kidus patriariku behizbe kirstianu zend bizum tewedajinet baynorachewim beselame egziabher yarefutin abat besachew eje endarefu adrigachihu atsafu . ene erase ke 6 amet befit ebetachew eyehedku akmachew neber.Nazrawi hospitalm tegnitew beneberebet gize hulunim neger bekirb eketatel neber. bizu malet bichalim kezi belay asfelagi aydelem.

Lebetekirstian metsinanatn alasfelagi asteyayet lemisetut asteway libonan yistilin.

tsehaye12 said...

may our god take our father soul.

Anonymous said...

Ewnetim And band.//
////\
==Megabi Beluy Seife Silassie
==Abune MelkeTsedek
==Abune Yesehak
ena ahun degimo
==Abune Bernabas...
Man yehon teregnaw???????
----Abune....Tenagari

Anonymous said...

selam lehulachehu Ebakachehu asteyayet sechiwoch asbuna tsafu enanete becha tsadekan aderegachehu lelawen mekonen enante becha yebetekereseteyan tekorekuari ye abune pawlosen kurach atederesum kereseteyan negn yemil ayesedebem yetseleyal enji enanete lemehonu yetewahedo lejoch nachehu? ayemeselegnem yesdib kal ke enanete af ayeweta yemilewenes resachehu yibekagn Ribeka negn Ke Germen frankfert

anteneh said...

betame nzeyalewe telke ababte nachewe egziabeher nefsachewen yekebelachewe beher shadekane yechemerachewe amene

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)