May 24, 2011

የቅዱስ ሲኖዶስ ሰባተኛና የመጨረሻ ቀን ውሎ ርእሰ ጉዳዮች

To Read, Print and Share this Message, click HERE (PDF). ይህንን መልእክት በPDF ለማንበብ፣ ለማተም እና ለሌሎች ለማዳረስ ይህንን ይጫኑ
 (ደጀ ሰላም፤ ሜይ 24/2011)፦  
  •  ከግንቦት 10 - 16 ቀን 2003 ዓ.ም ለሰባት ተከታታይ ቀናት ሲካሄድ የቆየው የርክበ ካህናት ቅዱስ ሲኖዶስ ስብሰባ ዛሬ ቀትር ላይ በማጠናቀቅ ከሰዓት በኋላ የዋና ጸሐፊውን ቃለ ጉባኤ በንባብ በማዳመጥ ተፈራርሟል፡፡ 
  • ፓትርያርኩ ነገ ግንቦት 17 ቀን 2003 ዓ.ም ጠዋት ሦስት ላይ ጋዜጣዊ ጉባኤ ጠርተዋል፡፡ ከጋዜጣዊ ጉባኤው ጋራ ለታላቁ የኢትዮጵያ ሕዳሴ ግድብ የኢትዮጵያ ኦርቶዶክስ ተዋሕዶ ቤተ ክርስቲያንን አስተዋፅኦ በሚገለጽበት መድረክ ወረብ በአጫብር እና ቆሜ የያሬዳዊ ዜማ ይትበሃሎች ይቀርባል፤ ሊቃውንቱ ስለ ዐባይ እና ስለ ሕዳሴው ግድብ ቅኔ ያበረክታሉ፤ ብፁዓን ሊቃነ ጳጳሳት፣ የጠቅላይ ቤተ ክህነት የመመሪያ እና የድርጅት ሐላፊዎች፣ የአ/አ ሀ/ስብከት ሠራተኞች፣ የአ/አ ገዳማት እና አድባራት አስተዳዳሪዎች እና ጸሐፊዎች የዝግጅቱ ተሳታፊዎች ናቸው፡፡
  • ብፁዕ ወቅዱስ ፓትርያርኩ በ‹‹ልዩ ልዩ›› ርእስ ሥር ባስያዙት አጀንዳ የ30 ኤጲስ ቆጶሳት ሹመት ጉዳይ አቀረቡ፤ ከያዟቸው 30 ታሳቢዎች ቢያንስ  የዐሥሩ ዛሬ እንዲታይላቸው ምልአተ ጉባኤውን ጠይቀው ነበር፡፡
  •  አጀንዳው ‹‹በልዩ ልዩ ርእስ ሳይሆን ራሱን ችሎ መታየት ይኖርበታል›› ያለው ምልአተ ጉባኤው ‹‹የታሳቢ ዕጩዎቹን ማንነት ይፋ አድርጎ መረጃዎችን መሰብሰብና የካህናትን እና የምእመናንን ምስክርነት አስቀድሞ መቀበል›› አስፈላጊ መሆኑን በማስታወስ አጀንዳውን ለጥቅምት 2004 ዓ.ም የምልአተ ጉባኤው ስብሰባ አስተላልፎታል፡፡
  • በትናንትናው ዕለት ከግንቦት እስከ ሐምሌ ሦስት ወራት እንዲያገለግሉ ብፁዕ አቡነ አትናቴዎስን፣ ብፁዕ አቡነ ጴጥሮስን፣ ብፁዕ አቡነ ሉቃስን እና ብፁዕ አቡነ ዲዮስቆሮስን ወቅታዊው የቋሚ ሲኖዶስ አባላት አድርጎ የመረጠው ምልአተ ጉባኤው በዛሬው ዕለት ደግሞ ከነሐሴ እስከ ጥቅምት ሦስት ወራት ድረስ የቋሚ ሲኖዶስ አባላት ይሆኑ ዘንድ ብፁዕ አቡነ ናትናኤልን፣ ብፁዕ አቡነ ቀሌምንጦስን፣ ብፁዕ አቡነ ማርቆስን እና ብፁዕ አቡነ ሚካኤልን መምረጡ ታውቋል፡፡ በሕገ ቤተ ክርስቲያን አንቀጽ 11 ንኡስ አንቀጽ 1 እና አንቀጽ 12 ንኡስ 1 - 7 በየሦስት ወሩ አባላቱ የሚተኩለት እና በየዕለቱ የሚሰበሰበው ቋሚ ሲኖዶስ ሕግን የመተርጎም እና የማስፈጸም መብት፣ በምልአተ ጉባኤው የሚተላለፉ መመሪያዎችንና ልዩ ልዩ ጉዳዮች ተግባራዊ መሆናቸውን በየዕለቱ የመከታተል፣ የምልአተ ጉባኤውን መሰብሰብ የማይሹ አስተዳደር ነክ ጉዳዮች ላይ ተወያይቶ የመወሰን፣ ከየሀገረ ስብከቱ ሊቃነ ጳጳሳት የሚቀርቡትን ሪፖርቶች ተቀነባብረው ለቅዱስ ሲኖዶስ እንዲቀርቡ የማድረግ፣ የቅዱስ ሲኖዶስን የመነጋገሪያ አጀንዳዎች የማዘጋጀት፣ አስቸኳይ እና ድንገተኛ የቅዱስ ሲኖዶስ ስብሰባ እንዳስፈላጊነቱ እንዲካሄድ የመወሰን፣ ዓመታዊ በጀትን አጥንቶ ለቅዱስ ሲኖዶስ በማቅረብ የማስወሰን፣ ጠቅላላ የቤተ ክርስቲያኒቱ ወጭ እና ገቢ በበጀቱ መሠረት መሠራቱን የመቆጣጠር ሥልጣን እና ተግባር አለው፡፡
  • ብፁዕ አቡነ ፋኑኤል የቤቶች እና ሕንጻዎች አስተዳደር እና ልማት  ድርጅት እንዲሁም የዕቅድ እና ልማት መምሪያ የበላይ ሐላፊ ሊቀ ጳጳስ ሆነው ተሾሙ፤ ቀደም ሲል የነበሩበት የሰዋስወ ብርሃን ቅዱስ ጳውሎስ ከፍተኛ ማሠልጠኛ ኮሌጅ ለጊዜው ባሉት ዲን ቀሲስ በላይ ተገኝ እንዲመራ ተወስኗል፡፡ የደቡብ ምዕራብ አውሮፓው ሊቀ ጳጳስ ብፁዕ አቡነ ዮሴፍ በሌሉበት የባሌ ሀገረ ስብከት ሊቀ ጳጳስ ሆነው ሲመደቡ በቦታቸው የሶማሌ /ኦጋዴን/ ሀገረ ስብከት ብፁዕ አቡነ ሙሴ ተተክተዋል፡፡ አለመግባባታቸውን በዕርቅ የፈቱት ብፁዕ አቡነ ሚካኤል ወደ ቀድሞው የሰሜን ምዕራብ ትግራይ ሽሬ እንዳሥላሴ ሀ/ስብከታቸው የተመለሱ ሲሆን ከጥቅምቱ ጉባኤ እስከ አሁን የቆዩበትን የወላይታ ሶዶ እና ዳውሮ ኮንታ አህጉረ ስብከት የደቡብ ኦሞው ሀገረ ስብከት ሊቀ ጳጳስ ብፁዕ አቡነ ዕንባቆም ደርበው እንዲመሩ ተወስኗል፡፡
  • የሰንበት ት/ቤቶች ማ/መምሪያ ዋና ሐላፊ አባ ሰረቀ ብርሃን ወልደ ሳሙኤል ‹‹ሊያመልጣችሁ የማይገባ ወሳኝ እና ወቅታዊ መግለጫ›› በሚል ለበርካታ የመንግሥት እና የግል ብዙኀን መገናኛዎች ኀሙስ ግንቦት 18 ቀን 2003 ዓ.ም ጋዜጣዊ ጉባኤ መጥራታቸው ተሰምቷል፡፡ ጋዜጣዊ መግለጫው አባ ሰረቀ ‹‹ለመመሪያው አይታዘዝም›› እያሉ በየመድረኩ በርካታ ክሦች የሚያቀርቡበትን ማኅበረ ቅዱሳንን በመወንጀል ላይ ያነጣጠረ እንደሚሆን ተገምቷል፡፡ ማኅበረ ቅዱሳን በበኩሉ የአባ ሰረቀ ማንነት እና አስተዳደር ለማኅበሩ ብቻ ሳይሆን ለመላዋ የኢትዮጵያ ቤተ ክርስቲያን የሰንበት ት/ቤት ወጣቶች የደቀነውን አደጋ በቀጣይነት በማጋለጥ ለመሠረተ ቢስ ውንጀላው ተመጣጣኝ ግብረ መልስ እንደሚሰጥ ተገምቷል፡፡
  • አባ ሰረቀ ሳይገባቸው ሊቀዳጁት ያሰቡትን ማዕረገ ጵጵስና ያመከነው የርክበ ካህናት ቅዱስ ሲኖዶስ በአባ ሰረቀ እና በማኅበሩ መካከል የተፈጠረውን ችግር አጣርቶ ለሐምሌው ሲኖዶስ ወይም ለጥቅምቱ ምልአተ ጉባኤ የሚያቀርብ፣ የመምሪያው ሊቀ ጳጳስ ብፁዕ አቡነ ቀሌምንጦስ በአስረጅነት እና የማኅበሩ ሁለት ተወካዮች በተጠያቂነት የሚገኙበት ሰባት አባላት ያሉት ኮሚቴ አቋቁሟል፡፡ በትናንቱ የቀትር በኋላ ውሎ ድካም እንደሚሰማቸው በመግለጽ ምልአተ ጉባኤው ወደ አጀንዳው በዝርዝር ገብቶ እንዳይነጋገር የተማፀኑት አቡነ ጳውሎስ ከብፁዕ አቡነ እስጢፋኖስ የቀረበውን ግሩም ሐሳብ በመቀበል የተቋቋመው አጣሪ ኮሚቴ አባላት እንዲሆኑ የተሠየሙት ከሊቃነ ጳጳሳት ብፁዕ አቡነ ገሪማ፣ ብፁዕ አቡነ ሕዝቅኤል እና ብፁዕ አቡነ ማርቆስ፤ ከሊቃውንት ጉባኤ መልአከ ታቦር ተሾመ ዘሪሁን፣ መጋቤ ሐዲስ ዓምደ ወርቅ፣ ቀሲስ ዶ/ር ምክረ ሥላሴ ገብረ ዐማኑኤል እና ከሕግ አገልግሎት አቶ ይሥሓቅ ናቸው፡፡
  • ‹‹ቅዱስ ሲኖዶስ አጣሪ ኮሚቴውን ከማቋቋም ጋራ መሠረታዊ የሃይማኖት እና የአቅም ችግር ያለባቸውን ዋና ሐላፊ አስወግዶ አልያም አግዶ የአጣሪ ኮሚቴው ትኩረት በዋናነት በመምሪያው እና በማኅበሩ መዋቅራዊ ግንኙነት ላይ እንዲሆን በማድረግ መሆን ነበረበት›› የሚል አስተያየት የሚሰጡ አንዳንድ ወገኖች፣ ቤተ ክህነቱ ችግሮችን በኮሚቴ የፈታባቸውን አነስተኛ አጋጣሚዎች በመጥቀስ (የሐዋሳውን በማስታወስ) ሁከት ፈጣሪው አባ ሰረቀ በሥልጣን ላይ እያሉ ችግሩ መፍትሔ የማግኘት ዕድሉ የመነመነ መሆኑን ይናገራሉ፡፡ ሌሎች አስተያየት ሰጪዎችም የማጣራቱን ሂደት - ማኅበረ ቅዱሳን በተቋማዊ አቅሙ ተጠናክሮ መቀጠሉ ለቤተ ክርስቲያን የሚኖረውን ስትራቴጂያዊ ፋይዳ የኮሚቴው አባላት ለሆኑት ሊቃነ ጳጳሳት እና ሊቃውንተ ቤተ ክርስቲያን በተጨባጭ የሚያሳምንበት፤ የአባ ሰረቀን እና በአምሳላቸው የቀረጿቸውን ሎሌዎቻቸውን ትክክለኛ ማንነት በክምቹ ማስረጃዎቹ እያጋለጠ የፕሮቴስታንታዊ-ተሐድሶ-ኑፋቄን አደጋ በማስረገጥ ከቤተ ክህነቱ መዋቅር የሚያፈልስበት ወርቃማ አጋጣሚ አድርጎ እንዲጠቀምበት መክረዋል፡፡






28 comments:

Anonymous said...

እኔ አንድ ነገር ይገርመኛል ለመሆኑ ብፁአን አበው ስለ ማህበረ ቅዱሳን ማወቅ እንዴት ተሳናቸው? ይህ ማህበር እኮ ያቋቋመው ሰው ሳይሆን የተዋህዶ አምላክ መሆኑን ማን በነገራቸው?አንድ መናፍቅ የተሃድሶ አራማጅ የሆነው አባ ሰረቀን የ ከቤተክርስቲያን
የጭን እሳት መሆኑን እንዴት ተረድተው ማስወገድ ተሳናቸው?ወይስ የተቀመቱበት መንበር የነ ዲዮስቆሮስ የነ ዮሃንስ የእን ዔልያስ መሆኑን ዘነጉት ለሁሉም ማስተዋሉን ያድለን ይህን ማህበር የቤተክረስቲያን አምላክ ይተብቅ አሜን

Orthodoxawi said...

What?
"ብፁዕ አቡነ ፋኑኤል የቤቶች እና ሕንጻዎች አስተዳደር እና ልማት ድርጅት እንዲሁም የዕቅድ እና ልማት መምሪያ የበላይ ሐላፊ ሊቀ ጳጳስ ሆነው ተሾሙ፤"

አባ ፋኑኤል ዘብሔረ አማሪካን:- አሁን ደግሞ ከእጅጋየሁ ጋር በተቀናጀ የዝርፊያ ታክቲክ ካዝናዎትን ይሞላሉ!
ከ አንድ አመት በኋላ ምን እንጠብቅ? ሆቴል ወይስ ሁለገብ ህንጻ?

Anyways congrats!

አይ አንቺ ቤተክርስቲያን ....

Anonymous said...

Mech new des yemil neger minsemaw ?????

fikre silase said...

የሓዉልቱ ጉዳይ ሳይነሳ ቀረ ማለት ነው????
ይገርማል!!

Anonymous said...

Mech new des yemil neger minsemaw?

Mimi said...

While EOTC guys are quarelling among each other, evangelicals have spread their religion like a wild fire. Muhammed did the same thing when christians were engaged in a fight.

When will the EOTC leadership and the groups around it wake up? Always in a sleepy and hate mongering mode? I wish we were not led by such guys... Because of the lack of proper leadership and hatered among groups within the church, the EOTC has lost many souls to evangelicals and the church has become a place of quarell and fight.

See below.

http://www.ethiopianreview.com/content/33150


"Book Review: Pentecostalism and Orthodox Christianity
May 24th, 2011 | | 6 Comments

Review of Tibebe Eshete’s Book, The Evangelical Movement in Ethiopia

By Messay Kebede"

Tad .... said...

The battle has just started officially. That is how I see it.
Previously, Mahibere Kidusan was mainly focusing on easing things for the sake of resolving the issue peacefully in a wise manner but now as far as "Sereke" is in place then MK needs to start defending the church and itself.


May God help us. The issue is not about "Sereke" or Mahibere Kidusan it is about Regions, about Orthodox, about Tewahedo. Toklaw "Sereke" yalebotaw tekemito ager yibetebtal. We are ready to do what ever is demanded from us!!!

Redeate EgziAbHer Ayleyen!!!

ተስፋብርሃን said...

ተመስገን ቢያንስ በሰላም መጠናቀቁ ጥሩ ነው:: የአባ ሠረቀን እግዚአብሔር ለቤቱ ከኛ በላይ አሳቢ ስለሆነ ራሱ ያስተካክለዋል:: ችግሩንም ይፈታዋል:: ብቻ እኛ ውግያው ገና ስለሆነ እንበርታ:: ጸሎታችንን ማቋረጥ የለብንም::

አምላከ ቅዱሳን ቤተክርስቲያናችንን ይጠብቅልን::
እውነተኛ አባቶቻችንንም ይጠብቅልን:: አሜን::

ለማሳሰብ የምፈልገው ግን ከእንግዲህ ወዲያ ነቅተን ቤተ ክርቲያናችንን ሊውጣት ካሰፈሰፈው ተኩላ ልንጠብቃት መደራጀት እንደሚገባን ነው:: የአባ ሠረቀን የወ/ሮዋንና የተከታዮቻቸውን አካሄድ በምንችለው መልኩ መከላከልና በቤተክርስቲያናችን እንዳይነግዱ መጠበቅ አለብን:: ቤተክርቲያኗን ጨርሰው ሳይረከቡ እንነሳ:: እስከ አሁን ያጭበረበሩት ይበቃቸዋል:: እኛ ቤተክርስቲያናችንን ከሌቦችና ወረበሎች ለመጠበቅ ተዘጋጅተናል:: እኛን ከመሰሉ የቤተክርቲያን አባላት ጋራም በመነጋገር አንድነት በመፍጠር ላይ ነን:: ሁሌ እሳቱን ለማጥፋት ከመሮጥ እንዳይቃጠል መጠበቁ ይበጃል:: ጠላት ከምን ጊዜውም በላይ ታጥቆ በቤተክርቲያን ላይ ተነስቷል እኛም ከቤተክርቲናችንና እውነተኛ አባቶቻችን በፊት የሚመጣው ጽዋ ለኛ ይሁን ብለናል:: መቁረጥ ግድ ነው ቦንኬን አሳፍሮ የመለሰ ኃይል ስልቱን ቀይሮ የመጣውን በቤተክርቲያን ጉያ ውስጥ ያለ ቦንኬን አሳፍሮ የማያስወጣበት ምክንያት የለም:: ታዲያ ሁሉ ነገር በጥበብና በትዕግስት በመረጃ ላይ በመመርኮዝ ይሁን:: ቀደምት አባቶቻችን እንዳስተማሩን:: አወቅሁብህ ተው ድንበር አትለፍ ማለት ጥሩ ነው:: ለሁሉም እንዴት ምን መቼ እንሥራ የሚለውን ዝርዝር የድርጊት መርሃ ግብር በማዘጋጀት መንቀሳቀስ ወቅቱን መዋጀትነው:: እስኪ በያላችሁበት እናንተም ተወያዩበት:: ደጀሰላምም በምን እናድርግ ላይ ውይይት ብትከፍት ጥሩ ነው:: ነገሮች ከዓመት ዓመት እየባሱ እንጂ ተሻሽለው አናያቸውምና ውይይት አስፈላጊ ነው:: አምላከ ቅዱሳን በቸርነቱ ቅድስት ድንግል ማርያም በአማላጅነቷ ቅዱሳን በጥበቃቸው አይለዩን:: የምትችሉ በተግባር የማትችሉ በጸሎት ተባበሩን:: በኛ ዘመን ታሪክ መለወጥ የለበትም::

ተስፋብርሃን

Anonymous said...

የሓዉልቱ ጉዳይ ሳይነሳ ቀረ ማለት ነው????
ይገርማል!!

Anonymous said...

ዉድ ኦርቶዶክሳዊ
ዉዲቷ ወንጌል ላይ ከሚሾሙ ገንዘብ ቢያማስሉ አይሻልም ብለህ ነዉ? ምን አለበት አባ ሰረቀንም ወደ ንብረት ክፍል፣ ገንዘብ አወራራጂ ባደረጉልን ነበር! የሰዉ ነፍስ ከሚመመዘብሩ ገንዘብ ቢመዘብሩ ይሻላልና

Anonymous said...

Thank you Deje Selam:

Pls Keep it up! You are doing a great job! May God give you the strength and wisdom to report accurately and without fear.

May God protect his Church and the true followers, what more can we say?!

Peace and Love
YeAwarew

Anonymous said...

ለመኆኑ አባቶቻችን በዚህ ቅዱስ ጉባዔ ወስነው ያስተላለፉልን?ስለ ስብከተ ወንጌል መስፋፋት ስለተሃድሶዎች በተመለከተ ምንድነው?በቃ አቤቱ"ኣንስእ ሃይለከ ወነኣ አድህና ለቤተ ክርስቲያንክ"

Anonymous said...

I think it was a good end.But we need to work hard for better solution.These are my comments for deje selam.
1.avenue of conversion has to begin on what to do next?
2.what we have to do for those of us who live outside of ethiopa?
3.How to unite the different groups who are working for the church
5.how to convince the ruling party to to remain independent in this fight
.If we discuss on the above issues ,we will have some kind platform to run the future.
May God help us

Anonymous said...

ሰሞኑን የቅዱስ ሲኖዶስ ስብሰባ ዜናዎችን ስንስኽማ ከረመን።የአባላት አባቶቻችንን ንግግርም ተከታተልን።ጥቂቶቹ ዋና ጉዳያቸው ቤተክርስቲያን ብቻ መሆኑ አጠራጥሮናል።ብዙሃኑ ደግሞ ትዕግስት በሚመስል ፍርሃት ተይዘዋል።በድፍረትና በእውነት አካፋውን አካፋ የሚል አባት አጥተናል።ፓትርያሪኩ ናደጋፊዮቻቸው ከቤተመንግስት ያላቸው ዝምድና አባቶቻችንን ዲፕሎማቲክ አድርጉቸዋል። ስለዚህ አባቶቻችን ስለ ሕዳሴው ግድብ ብቻ በድፍረት ባደባባይ ያወራሉ ፤አቡነ ጳውሎስ ግን በድፍረት ቤተክርስቲያንን የሚያዋርድ ንግግር መናገራቸውን ይቀጥላሉ።
ይህ ሁኔታ ምዕመናንን እርር ድብን እያደረገን ነው። እኔንም ቤተክርስቲያኔ ያላስትማረችኝ ሐሳብ ውልል እያለኝ ተቸገርኩ።የመካከለኛው ምስራቅ ውኔ.......እም..እም....እም
ግራ ገባን እኮ ጎብዝ

ጆቢር ከ4 ኪሎ

Anonymous said...

Abune fanueil dekam gin bicha new yalachew ? tsenkara gon yelachewm bilacihu tamnalachu ? sewn bemerdat- church bemaserat -le diha bemerarat lekininet yemistekakelachew yelem yabelashachew Abune pawlos nachew degimo bekachu atasadwachew gena bizu mesrat yalebachew abat nachew degagimo mesdeb mawared masaded min yitsekimal

Anonymous said...

Why only abune Yoseph???????????

Setnet said...

በስመስላሴ!
ከሁሉም ይልቅ አስቀድመን ወደ እግዚአብሔር እንጩህ፡፡ በተያያዘ ግን ሁላችንም በያለንበት ሀገረ ስብከት ያሉትን ማንነት በሚገባ ለማወቅ እንጣር፡፡ የተሀድሶው ጉዳይ በአባ ሰረቀና በጌታቸው ዶኒ መቅረቱን በምን እርግጠኛ ሆንን? የሌሎቹስ ሀገረ ስብከት ስራ አስኪያጆች፣ የቤ/ክ አስተዳዳሪዎች ያሉት በየትኛው እምነት ነው?እያስተዳደሩን ያሉት በእርግጥ ኦርቶዶክሶች ናቸው? አንድ ነገር ግን ልብ ልንል ይገባል፤ ማንኛውም ሰው ከሀይማኖቱ ይልቅ ገንዘብን ከወደደ ሀይማኖቱን እንደማይሸጥ በምን እርግጠኛ ይኮናል? ብቻ ሁላችንም የሀዋሳውንና የአዲስ አበባውን ብቻ ከማየት እኛስጋ ያለው ምን ይመስላል ብለን ልናይ ይገባል፡፡ አምላከ ቅዱሳን መልካሙን ጊዜ ያምጣው

Setnet said...

በስመስላሴ!
ከሁሉም ይልቅ አስቀድመን ወደ እግዚአብሔር እንጩህ፡፡ በተያያዘ ግን ሁላችንም በያለንበት ሀገረ ስብከት ያሉትን ማንነት በሚገባ ለማወቅ እንጣር፡፡ የተሀድሶው ጉዳይ በአባ ሰረቀና በጌታቸው ዶኒ መቅረቱን በምን እርግጠኛ ሆንን? የሌሎቹስ ሀገረ ስብከት ስራ አስኪያጆች፣ የቤ/ክ አስተዳዳሪዎች ያሉት በየትኛው እምነት ነው?እያስተዳደሩን ያሉት በእርግጥ ኦርቶዶክሶች ናቸው? አንድ ነገር ግን ልብ ልንል ይገባል፤ ማንኛውም ሰው ከሀይማኖቱ ይልቅ ገንዘብን ከወደደ ሀይማኖቱን እንደማይሸጥ በምን እርግጠኛ ይኮናል? ብቻ ሁላችንም የሀዋሳውንና የአዲስ አበባውን ብቻ ከማየት እኛስጋ ያለው ምን ይመስላል ብለን ልናይ ይገባል፡፡ አምላከ ቅዱሳን መልካሙን ጊዜ ያምጣው

ዘካርያስ ጋሻው said...

"የቀደመውን በደላችንን አታስብብን፥ ምሕረትህ በቶሎ ታግኘን፥ እጅግ ተቸግረናልና።

አምላካችንና መድኃኒታችን ሆይ፥ እርዳን፤ ስለ ስምህ ክብር፥ አቤቱ፥ ታደገን፥ ስለ ስምህም ኃጢአታችንን አስተሰርይልን።"
መዝሙር 78:8

ዮሀንስ ጋሻው said...

"ብዙ ጊዜ ተዘልፎ አንገቱን ያደነደነ ድንገት ይሰበራል፥ ፈውስም የለውም።

ጻድቃን በበዙ ጊዜ ሕዝብ ደስ ይለዋል፤ ኀጥኣን በሠለጠኑ ጊዜ ግን ሕዝብ ያለቅሳል።"
መፅሐፈ ምሳሌ 29 :1-2

Anonymous said...

እግዚአብሔር ለምን ይሆን ግን ይሄን ያህል መታገሱ ……ሁሉን አዋቂ አምላክ በመሆኑስ አይደል የእግዚአብሔርን ትዕግስት ለኛም ያድለል በቤቱ ይህንን ሁሉ አስከፊነገር እያየ ዝም ማለቱ ይገርማል

ዘካርያስ ጋሻው said...

“ፍርድ ከእግዚአብሔር ቤት ተነሥቶ የሚጀመርበት ጊዜ ደርሶአልና፤ አስቀድሞም በእኛ የሚጀመር
ከሆነ ለእግዚአብሔር ወንጌል የማይታዘዙ መጨረሻቸው ምን ይሆን?”

1ኛ የጴጥሮስ መልእክት 4:17

Baye said...

አምላክ ሆይ አንደበታችንን ከክፍ ጠብቀህ ልባችንን በፀሎት አትጋት ሁሉ ይፈፀምልን ዘንድ ፀሎትን የመሰለ ነገር የለም ክፍ መናገር ሰውን ከስህተቱ ሊያርመው አይችልም ነገር ግን እግዚአብሔር መልካም ነገር እንዲያደርግ መጸለይ ግን ተገቢ ነው ቦታውም ጊዜው የእሱ ነውና እሱ እስከፈቀደ ብቻ አመፀኛውም …ታዛዡም ይችን ምድር እኩል ይኖርበታል ከሱ ሲመጣ ግን ደካማውን ኃይለኛ …ኃይለኛውን ደካማ አድርጐ ቤቱን ያፀዳል ያችን ቀን ደግሞ የሚያውቃት ጌታ ብቻ ነው፡፡

ብዕሩ ዘ አትላንታ said...

ዛሬን ከእግዚአብሔር ተስፋን ከሰነቅን የማይታረሙ ከሆነ አይደለም ሃዉልቱ ቁንጮዉም ይፈነቀላሉ። ማህበረ ቅዱሳኖች አየዟችሁ በርቱ እንደ አባ ሠረቀ(ሰረቀ) ላሉ አጥፊ ፍቱን መድኃኒት የሚያስፈልገዉ አሁን ነዉ። ለቤተ ክርስቲያናችን ህልዉና ስትሉ እስከ አሁን የታገሳችሁት ይበቃል። ስንት ዘመን ለትጉሃን አባቶች ሲባል የብዙዎች ነዉር እንደተከደነ እናዉቃለን። ነዉረኞች ግን ነዉራቸዉን የሚያዩበት ዓይነ ኅሊና ስላልታደሉ ሸፍጥ ፣ክስ፣ በአገኙት አጋጣሚ ሁሉ መወንጀል ግብራቸዉ ነዉ። ምን ጊዜም እዉነት አትመነምንም። ግን በመሀከላችሁ ገና ጉዞዉ ያልገባቸዉ ችኩል በጥባጮች እና ወረኞች ስለማይጠፉ እያረማችሁ ተጓዙ እላለሁ። የተዋህዶ አምላክ ይጠብቃቸሁ። እመ አምላክ በምልጃዋ አትለያችሁ።

Orthodoxawi said...

Wud Baye,

Eyetebesachehu newu enji be ewnet lib lalewuma tselotin yakil ye wugiya mesariya yet ale? Ahunim yaderebachewu kifu menfes yale tsom ena tselot aywetam ena ENTSELIY! Awo abizten Entseliy ... Mihretun be egna lay endiyabeza.

"Egzio Meharene Kirstos!!!"

Anonymous said...

Deje selamoch

ene yemilew, enanite Ye Abunu hawilt degafi nachihu ende? kalihonachihu lemindenw home page sikefit yeheninen yemafiribeten neger yemayew? Ye Fetari fekad hono, ende Lenin hawilt eskideremes, ezaw alebt Bole Yikum. Yenante home page min bet new post yaderegew. bayehut kutur mazen selechegn.

please remove this thing, what message are you lobbying for. We know he has this status and it is a symbol of abusing the DECISION of wholly SINODOS. Then for what you post it? don't contradict with yourself

Anonymous said...

Selam Deje Selamoch first of oll thank you very mach Abune Fanueiln tewachew bemalet yelakutin asteyayet balemaskeretachihu bedgam amesegnachihalehu ene lemewegen aydelem fer asadaj endathonu new wedefitim dehina dehina neger akiribu enj kifu wer atakiribu kemenafkan gudat yemibeltsew yemnaweraw mer new ye abatin gebenan meshefen kenoh ligoch ayitenalsedibo lesedabi mestset honebin ahun sile papas -prist -diyakon -zemar -sebaki melkam bineger yemiyamin eyetsefa new hulum wenbed- zerafi-zemaw -tebal hatsiatega- zerega-guboga-silezihi yemnaweraw zina mekeyer alebet sewn sedibo awardo yekebere yelem beteley beteleyaye moya yebeselachihu mihuran yalachubet silehone negerochin meles bilo mayet yigebal beterefe Kidane Mihiret atileyachhu bertu tsenkiru

Fitsum G said...

በእውነት ብጹዕ አቡነ በርናባስ ታላቅ መንፈሳዊ አባት ነበሩ:: የቀሩትን ደጋግ አባቶቻችንን እግዚአብሔር ይጠብቅልን:: ብጹዕ አባታችንም እረፍተ ነፍስ ይስጥልን::

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)