May 19, 2011

የቅ/ሲኖዶስ መጀመሪያ ቀን ከሰዓት በኋላ ውሎ (ሪፖርታዥ)

To Read, Print and Share this Message, click HERE (PDF). ይህንን መልእክት በPDF ለማንበብ፣ ለማተም እና ለሌሎች ለማዳረስ ይህንን ይጫኑ። 
  • አቡነ ጳውሎስ የሲዳሞ ሀ/ስብከት ችግር እና የሰንበት ት/ቤቶች ማደራጃ መምሪያ ከማኅበረ ቅዱሳን ጋራ ያለው ግንኙነት በአጀንዳነት መያዙን ተቃወሙ
(ደጀ ሰላም፤ ሜይ 19/2011):- ትናንት ጠዋት የተጀመረው የርክበ ካህናት ቅዱስ ሲኖዶስ ስብሰባ በአጀንዳ አርቃቂነት የሠየማቸው ሰባት ሊቃነ ጳጳሳት(ብፁዕ አቡነ ናትናኤል - በሰብሳቢነት፣ ብፁዕ አቡነ ሉቃስ - በፀሃፊነት፣ ብፁዕ አቡነ ጢሞቴዎስ፣ ብፁዕ አቡነ ዲዮስቆሮስ፣ ብፁዕ አቡነ ማርቆስ፣ ብፁዕ አቡነ ጎርጎርዮስ እና ብፁዕ አቡነ እስጢፋኖስ በአባልነት) ባቀረቧቸው ዘጠኝ አጀንዳዎች እና በብፁዕ ወቅዱስ ፓትርያርኩ የቀረቡ አምስት አጀንዳዎችን በአጠቃላይ ዐሥራ አራት የመነጋገሪያ ነጥቦችን ካቀረበ በኋላ በእያንዳንዳቸው ላይ ተነጋግሮ በማጽደቅ ወደ ውይይት እንደሚገባ ተጠብቆ ነበር፡፡ ከቀትር በኋላ በነበረው የስብሰባው ውሎ ግን ፓትርያርኩ ባልተስሟሙባቸው ሁለት አጀንዳዎች ሳቢያ ወደ ውይይት ሳይገባ ለዛሬ ለማሳደር ተገዷል፡፡


ትናንት በጠዋቱ ክፍለ ጊዜ የጉባኤውን አብዛኛውን ሰዓት የወሰደው፣ “የሲዳሞ ሀገረ ስብከት ችግር በቋሚ ሲኖዶስ እየታየ በመሆኑ፣ ወደፊትም ስለሚታይ በምልአተ ጉባኤው ላይ መነሣቱ አስፈላጊ አይደለም” ባሉት በፓትርያርኩ እና “ችግሩ በራሳችን እየወሰንን እንድንሠራ ባለመደረጉ የመጣና ይፋ የወጣ” በመሆኑ መቋጫ እንዲበጅለት በሚሹ በብዙኀኑ የምልአተ ጉባኤው ተሳታፊዎች መካከል ከፍተኛ ክርክር በማስነሣቱ ነው፡፡ የኋላ ኋላ ፓትርያርኩ የብዙኀኑን ሐሳብ በመቀበል በአጀንዳው መያዝ የተስማሙ ቢመስልም ይህ አቋማቸው የዘለቀው ግን ከቀትር በኋላ በሰንበት ት/ቤቶች ማደራጃ መምሪያ እና በማኅበረ ቅዱሳን ግንኙነት ዙሪያ የተያዘው የአርቃቂ ኮሚቴው አጀንዳ ይጸድቅ ዘንድ እስኪቀርብ ነበር፡፡

“ስለ አጀንዳው ባለቤት ሆኖ የቀረበ አልያም ይያዝልኝ ብሎ የጠየቀ አካል የለም” በሚል የአጀንዳውን መያዝ ተቃውመዋል - ፓትርያርኩ፡፡ እንደወትሮው ሁሉ የትት በስቲያውንም የሐዋሳ ምእመናን ጠንካራ የአቤቱታ አቀራረብ “የማኅበሩ ተጽዕኖ በማያጣው አልያም ማኅበሩ ባቀነባበረው ተቃውሞ በአደባባይ ተሰድቤያለሁ” ብለው የሚያስቡት አቡነ ጳውሎስ ይህን አጀንዳ ለመቃወም ምክንያት እንደሚሆናቸው የጉባኤው ተከታታዮች ያስረዳሉ፡፡ በዚህ አቋማቸው በውስጥ እንደ ብፁዕ አቡነ ሳዊሮስ፣ ብፁዕ አቡነ ፋኑኤል እና ብፁዕ አቡነ መቃርዮስ ያሉት አባቶች ግልጽ ድጋፍ  በውጭ ጉዳዩ በአጀንዳነት እንዳይያዝ በማድረግ ‹ጀርባቸውን ለማዳን› ሲተጉ የዋሉት የሰንበት ት/ቤቶች ማደራጃ መምሪያ ሓላፊ፣ የወ/ሮ እጅጋየሁ በየነ እና “ሊቀ ካህናት” ጌታቸው ዶኒ ምክር እና ማበረታቻ ተሰጥቷቸዋል ተብሏል፡፡

የሰንበት ት/ቤቶች ማደራጃ መምሪያ ሊቀ ጳጳስ ብፁዕ አቡነ ቀሌምንጦስ እና የተቀሩት ብዙኅን የምልአተ ጉባኤው አባላት ጉዳዩን ማኅበረ ቅዱሳን ለቅዱስ ሲኖዶስ ጽ/ቤት እንዲሁም ለእያንዳንዳቸው አስቀድሞ ባሰራጨው ደብዳቤ ላይ በማኅበሩ እና በመምሪያው መካከል እንደ ችግር ሆነው ያሉት ዋና እና ምክትል ሓላፊው እንዲነሡ መጠየቁ ለአጀንዳው መያዝ በቂ መነሻ ሊሆን እንደሚችል ተከራክረው ነበር፡፡ የአጀንዳ አርቃቂ ኮሚቴው ሰብሳቢ ብፁዕ አቡነ ናትናኤል “ከተማሩት ልጆችዎ ጋራ ካልሠሩ ከማን ጋራ ሊሠሩ ነው” በማለት ፓትርያርኩን እስከ መማፀን ደርሰው እንደነበረም ተነግሯል፡፡ ሂደቱ በዚህ መልክ የጠበቀባቸው ፓትርያርኩ “እንዲህስ ከሆነ” በሚል ጠዋት በማንገራገር ተቀብለውት የነበረውን “የሲዳሞ ሀገረ ስብከትንም አጀንዳ አልስማማበትም” ወደሚል አቋም መጠቅለላቸው ተነግሯል - በታዛቢዎች አስተያየት ለፓትርያርኩ አንዱ አጀንዳ የሌላው ማፍረሻ አልያም ‹ከሁለቱ አንዱን ምረጡ› ይመስላል በሚል የፓትርያርኩን አቋም ያብራሩታል፡፡ ትናንት ከሰዓት በአቡነ ጳውሎስ የታየውን የአቋም አያያዝ በ2001 ዓ.ም ከተካሄደው የግንቦቱ ርክበ ካህናት ቅዱስ ሲኖዶስ ስብሰባ የነበራቸውን “የማንም አያዝዘኝም” አቋም ጋራ ተመሳስሎ የፈጠረባቸው ጥቂቶች አይደሉም፡፡

በዚህ መልኩ ማምሻውን ከተጠናቀቀው የጉባኤው የመጀመሪያ ቀን ውሎ በኋላ ብፁዓን ሊቃነ ጳጳሳቱ በተለያዩ ቡድኖች በመሆን ንት በስቲያኛ በሐዋሳውያኑ የተሰራጨውን የአንድ ሰዓት ከ18 ደቂቃ ቪሲዲ በመመልከት መመርመራቸው ተዘግቧል፡፡

ለጉባኤው የቀረቡት ዐሥራ አራት አጀንዳዎች ዝርዝር በጠቅላላው ሲታዩ፡-
1) የብፁዕ ወቅዱስ ፓትርያርኩ የጉባኤ መክፈቻ ንግግር፣
2) የቅዱስ ሲኖዶስ ዋና ጸሐፊ ዓመታዊ የሥራ ክንውን ሪፖርት፣
3) የቋሚ ሲኖዶስ አባላት ምርጫ፣
4) ማእከላዊነትን ያልጠበቀ አሠራርና ተግባራዊ ያልተደረጉ የቅዱስ ሲኖዶስ ውሳኔዎች፣
5) ዝውውር የጠየቁ ሊቃነ ጳጳሳት ጉዳይ፣
6) የሲዳሞ ሀገረ ስብከት ጉዳይ፣
7) የሰንበት ት/ቤቶች ማ/መምሪያ እና የማኅበረ ቅዱሳን ጉዳይ፣
8) በቅርቡ በጠቅላይ ቤተ ክህነቱ የተደረገው የደመወዝ ጭማሪ ጉዳይ፣
9) የልማት እና ክርስቲያናዊ ተራድኦ ኮሚሽን የኤች.አይ.ቪ/ኤድስ ሥራ አፈጻጸም፣
 10) የስብከተ ወንጌል ጉዳይ (በዚህ ውስጥ የፕሮቴስታንታዊ-ተሐድሶ-ኑፋቄ አደጋ እና ያልተገታው የሕገ ወጥ ሰባክያን ጉዳይ አጀንዳ እንደሚሆን ተገምቷል)
11) ልማትን በተመለከተ፣
12) መንፈሳዊ ተቋማትን በተመለከተ፣
13)የኢትዮጵያ ታላቁ የሕዳሴ ግድብ/ ግንብ ግንባታን በተመለከተ እና
14) ልዩ ልዩ የሚሉ ናቸው፡፡

ጉባኤውን አስመልክቶ የመንበረ ፓትርያርኩ የሕዝብ ግንኙነት ሓላፊ አቶ ስታሊን ገብረ ሥላሴ ለሸገር ኤፍ.ኤም 102.1 ሬዲዮ በሰጡት መግለጫ፣ ብፁዕ ወቅዱስ ፓትርያርክ አቡነ ጳውሎስ በታላቁ የሕዳሴ ግድብ ግንባታ ዙሪያ ከግብፅ ኦርቶዶክስ ተዋሕዶ ቤተ ክርስቲያን ፓትርያርክ ብፁዕ ወቅዱስ አቡነ ሺኖዳ ጋራ በስልክ መወያየታቸውን፣ በውይይታቸውም ባለፉት ሳምንታት የግብፅ ሕዝብ ዲፕሎማሲ ቡድን እና የግብፅ መንግሥት ልኡካን ከኢትዮጵያ መንግሥት ጋራ በተገናኙበት ወቅት ኢትዮጵያ ግብፃውያን ምርጫ አካሂደው መንግሥት እስኪመሠረቱ ድረስ የዓባይ ተፋሰስ አገሮችን ስምምነት በምክር ቤቷ ከማጽደቅ ለማዘግየት የወሰደችውን አቋም ብፁዕ ወቅዱስ አቡነ ሺኖዳ ማድነቃቸውን ተናግረዋል፡፡

ቀደም ሲል ባስተላለፍነው ዘገባ የተጨማሪ ኤጲስ ቆጶሳት ጥያቄ ውድቅ የሆነው ከምልአተ ጉባኤው ስብሰባ በፊት በቋሚ ሲኖዶስ በተወሰደው አቋም ስለነበር ፓትርያርኩ ለምልአተ ጉባኤው በአጀንዳ እንዲያዙ ባቀረቧቸው አምስት ነጥቦች ውስጥ አለመካተቱን ከጉባኤው ምንጮች የእርምት ሐሳብ ተሰጥቷል፡፡

በጉባኤው ከ56 ያህል ብፁዓን ሊቃነ ጳጳሳት ከ38 ያላነሱ ብፁዓን ሊቃነ ጳጳሳት በስብሰባው ተገኝተዋል፡፡ ከእኒህም ውስጥ በውጭ ካሉት 10 ሊቃነ ጳጳሳት መካከል ሦስቱ (የካናዳው ሊቀ ጳጳስ ብፁዕ አቡነ ማቲያስ፣ የኢየሩሳሌም ገዳማት ሊቀ ጳጳስ ብፁዕ አቡነ ማቲያስ እንዲሁም በሰሜን እና ምሥራቅ አፍሪካ ሊቀ ጳጳስ ብፁዕ አቡነ ዳንኤል) ይገኙባቸዋል፡፡ በሀገር ውስጥ ካሉት ብፁዓን ሊቃነ ጳጳሳት የሰሜን ጎንደር ሊቀ ጳጳስ ብፁዕ አቡነ ኤልሳዕ በምልአተ ጉባኤው አለመሳተፋቸው አነጋጋሪ ሆኗል፡፡

15 comments:

kal said...

Enitseley entseley Enalkis leamlakachin enenger hulun yemichel ena yemiyaderg esu haylun yigletselin bekindu yihenin yetewetenebinin fetena kenat betecherstiyanachin ley yansalin amlake kidusan zim atibel uuuuuuuuuuuuuuuuuuuuuuuuuuuuuuuu..........................ere yemedhanialem yaleh ebakih fetineh deres atezegiyiben!!!!!!!!!!!!!!!

Anonymous said...

Thanks for your report but one please try to correct the final Paragraph. It is not clear.

ዘካርያስ ጋሻው said...

"ከተማሩት ልጆችዎ ጋራ ካልሠሩ ከማን ጋራ ሊሠሩ ነው?”

ቅዱሳን አባቶቻችን ስለ እውነት እና ቤተክርስቲያን እንድትጋደሉ እግዚአብሄር ይርዳችሁ::

"...እለት እለት የሚከብድብኝ የአብያተ ክርስቲያናት ሁሉ ሃሳብ ነው::"
2ኛ ቆሮንቶስ 11:29

melaku said...

1,በብፁዕ ወቅዱስ ፓትርያርኩ ስለ አጀንዳው ባለቤት ሆኖ የቀረበ አልያም ይያዝልኝ ብሎ የጠየቀ አካል የለም” በሚል የአጀንዳውን መያዝ ተቃውመዋል ለምን??? ምን ማለ ት ነው??? 2,የአጀንዳ ,አርቃቂ ኮሚቴው ሰብሳቢ ብፁዕ አቡነ ናትናኤል “ከተማሩትልጆችዎ ጋራ ካልሠሩ ከማን ጋራ ሊሠሩ ነው” በማለት ፓትርያርኩን እስከ መማፀን ደርሰው ነበር ምን ያርጉ!!!

habtamu kkelela said...

አባቶች በርቱ እግዚአብሔር ከእናንተ ጋር ይሁን!! ምእመናንም አባቶችን በጸሎት እናግዛቸው የቤተክርስቲያን አምላክ ይጠብቀናል፡፡ በዚች ሃይማኖት ላይ ብዙ ግፍና ስቃይ አልፎ ነው ዛሬ ያገኘናት፡፡ ስለዚህ እንበርታ እንጅ ለጠላት መሸበር አያስፈልግም፡፡ እንደምናየው እግዚአብሔር ከእኛ ጋር ነው፡፡ ከእሱ ጋር ስንሰለፍ ደግሞ ጠላት ያፍራል፡፡
አምላካቸ!!

Tad.... said...

Dear DejeSelam,

Thank you for the report. My God bless your God deeds. May God protect our church. May God help our fathers to do the right thing.

ከብዕሩ ዘአትላንታ said...

ብዕሩ ዘአትላንታ

የቅዱስ ሲኖዶስን የትላንት ዉሎ መልካም ጅምር እና ፍጻሜ ለመስማት ያልጓጓ አልነበረም። የቤተ ክርስቲያናችን ጉዳይ የህልዉና ጥያቄ በመሆኑ። ለመንጋዉ የማይራራ እረኛ ጸቡ ከመንጋዉ ጋር ሳይሆን መንጋዉን ወልዳ ካሳደገችዉ እናት ጋር ነዉ። አባ ጳዉሎስ ትጉህ የሚላላኩ ልጆቻቸዉን ከጠሉ አባትነታቸዉ ምኑ ላይ ነዉ?፣ቤተ ክርስቲያንቱንስ ለማን ሊያስረክቡ አስበዋል? ነገረ መስቀሉን መለስ ብለዉ እንዲያስተዉሉ ይመከራሉ። ምንም ይሁኑ ምን ብቻ መስቀሉን ሲጨብጡ የነገረ ምስቀሉ መልዕክት እርቅና ሰላም ይቅርታ መሆኑን አይዘነጉትም። ሰዉ እዉነት ማንነቱን ማየት የሚጀምረዉ በትክክል ዉስጡን ማዳመጥ ሲጀምር ነዉና በዙሪያቸዉ የተሰገሰጉትን የእነ የወ/ሮ እና የእነ ከርሱን ጭብጨባ ሙቀዉ አራግቡልኝ ከማለት ተምሬ ዉ ያደጉበትን የእዉቀት ገበታ ዳግም ቢከልሱ የተሻለ ነዉ። አባ ጳዉሎስና ወዳጆቻቸዉ ሊያጠፏት የተነሱባት ደጀ ሰላም ቁምነገር ነዉና የምትነግራቸዉ መስታወት ሆና ራሳቸዉን ነዉና የምታስነብባቸዉ ጉድፍን የሚያሳይ መስታወት አይሰበርም እላለሁ። የማነህ ጅል አትበሉኝና ዐባ ለመንጋዉ የማይራሩ መሆናቸዉን ዘንግቼ አይደለም። በዚህ በአለንበት ክፍለ አህጉር የኑፋቄ ትምህርታቸዉን ከዘሩ በኋላ ሲነቃባቸዉ ዳሕፀ ሊሳን ነዉ አንዳንዴ እለፉት እንጂ እንደሚሉት አባት አባ ጳዉሎስም እንደ ተነቃባቸዉ አዉቀዉ ባይታረሙም ተሳስቼ ነዉ እንዲሉ ለመጠቆም ነዉ። ትልቁ ቁም ነገር ግን የአርባ ዓመቱ የዮዲት ፣ የአሥር ዓመቱ የግራኝ ፈተናም ታልፏል። የቤተ ክርስቲያንና የኢትዮጵያ አምላክ ሊያስተምረን የፈቀደዉ ነገር ስለሚኖር እኛ በበዓታችን እንጽና። አጽራረ ቤተ ክርስቲያንን ማወቅ በራሱ በቂ ነዉ። ለቤተ ክርስቲያናችንና ለተዋህዶ ሃይማኖታችን እንትጋ። ግለሰቦች ያልፋሉ እንበርታ። በቀሪዉ ጊዜ አምላከ ቅዱሳን ቸር ወሬ ያሰማን።

በሪሁን ከዲሲ said...

ምነው ደጀ ሰላም የአቡነ ኤልሳዕን አለመኖር ብቻ መነጋገሪያ አደረግሽው። ከአንዴም ሦስቴም በቅዱስ ሲኖዶስ ብሰባል ላይ
ለመካፈል ወደ ውጭ ያልሄዱትን አባቶች ምን ሊባሉ ነው። ለምን
አይሄዱም ፍርሃት ተመልሰን እንዳንመጣ ያደርጉናል ከሚል አስተሳሰብ ያልወጡ በመሆናቸው አይደል። ደጀ ሰላም ዓይንሽ
አጥርቶ ይይ ሁሉንም ከቤተ ክርስቲያን ጋር ያለሽን ወገናዊነት ብቻ አጠንክሪ።

Anonymous said...

hi Dejeselam,

I have a critical comment! the holly Synod is the highest level of our church. it has its own authority and procedure of deciding and implementing things.

one of this procedure is the decision of every meeting is minuted, signed by the holy fathers and come to implementation.

As it is a holly meeting, no one of the participants should leak any information while it is under discussion,,, otherwise it is not holy meeting.

Dejeselam is standing against this procedure. you always post all issues what has been under discussion. which I believe is illegal.

I always questioned, what is your information source during this Holy synod meetings. I suspect it should be one of the participants or security camera installed in the meeting place. if you are getting the info from one of the participants, that who leaks info is not a true father.....

be genune , legal

Anonymous said...

How about saving the lost? How about evangelism? How many of the agenda has some thing to do the kingdom of God?

ደጀ ሰላም said...

Dear "Legal",
You have a point here. Under normal circumstances, yes we should not be mouth piece of the Holy Synod, unless ordered to. But now, the Holy canon is being violated and its members harassed, unwanted members controlling the whole process. This is a testimony to our faith. We can not sit back and watch when anti Church elements control our house.

Anonymous said...

Is it not this Holy Synod meeting supposed to be a closed one? I think we need only hear their final statement. Dejeselam says many times that the decision of the synod should be respected but other times the blog was found negating the synod decision and disrespecting the synod. We should be care full on the church matters. Our church is not only for a small group like mahibrekidusan or any other mahibre( I am not saying they did not contribute anything for the church) but the EOTC is one , holy , apostolic and universal church with a history of almost 2000 years. I am saying this because there are so many people who love, respect and give more care for their mahibre than for the church. This polarization among the mahibres in the church is damaging the church so would you please let us know
1. When and how the faithful interfere on the decision of the Holy Synod
2. What is the mandate and role of the mahibres in the church administration now a days? I know that mahibre and helping and serving the church is not a new thing; our fore mother and fathers were doing vigilantly this for the integrity and unity of the church since in the beginning and it will continue like this.

Anonymous said...

mahibere kidusan yeserawin melkam sira bet kihinetu serto ayawkim yemimesegenbet neger bizu new yeminekefibet neger degimo yinoral sewn lemekses yichekulal yilutal yesewn bedelna kifat meshefen yasfelgal sihitetegam yimelesal lensiha giz mestset yigebal bibel yeyikirta yefiker new yesewn sim matsifat min yitsekmal ?mastemar memeles yishalal deje selam rasu yemastemariya medrek bitihon Abune ekelen sediba Abune ekelen batamesegin abatochin metechet agelgayochin metechet temelso churchn masedeb newna bitasebibet deje selam yemihuran blogg monan amnalehu bemenfesawi neger lay bertu

T/selase said...

ጊዜዉ አስፈሪ ነው፣ ደግሞ ምን ሊያመጡብን ነው፣ ባካችሁ ጸልዩ እ/ር ይረዳናል

ayyaanaa ze wallaggaa said...

sorry i am unable to see the posted vidio. can one help me? thank you.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)