May 17, 2011

የርክበ ካህናት ቅዱስ ሲኖዶስ ስብሰባ ረቡዕ ይጀመራል (አርእስተ ዜና)


 (ደጀ ሰላም፤ ሜይ 17/ 2011)፦
  • ቋሚ ሲኖዶስ ፓትርያሪኩ በአጀንዳነት እንዲያዝላቸው ያቀረቡትን የኤጲስ ቆጶሳት ሹመት ጥያቄ አልተቀበለውም፤ በፓትርያሪኩ ከቀረቡት ዕጩዎች   መካከል እስከ ብር 150,000 እጅ መንሻ የሰጡ ይገኙበታል ተብሏል፤   የ18ቱ ታሳቢዎች ዝርዝር ደርሶናል::
  • የቤተ ክርስቲያን አገልግሎት በመስፋፋቱ በሥርዐተ ቤተ ክርስቲያን መሠረት የሚፈጸመው ሹመት አስፈላጊ ቢሆንም ከተሿሚዎች ተገቢነት፣   ለሹመቱ ከተደረገው ቅድመ ዝግጅት እና ወቅታዊነት አኳያ ሹመቱ   ተቃውሞ እየገጠመው ነው::
  • የሐዋሳ፣ ዲላ፣ ይርጋለም እና ነገሌ ቦረና ምእመናን ውሳኔ ባላገኘው አስተዳደራዊ ችግሮቻቸው እና የሀገረ ስብከቱ ሥራ አስኪያጅ ሆነው  በተሾሙት ‹ሊቀ ካህናት› ጌታቸው ዶኒ ላይ ‹‹የማጠቃለያ ነው›› ያሉትን  አቤቱታቸውን ዛሬ ለቅዱስ ሲኖዶስ ጉባኤ አባላት ያሰማሉ፤ በአቡነ ፋኑኤል፣  በጋሻው ደሳለኝ እና ያሬድ አደመ ላይ የተጠናቀረው የ1፡17 ቪሲዲ የአቤቱታው ቀጥተኛ ማስረጃ አካል ነው::
  • አቡነ ጳውሎስ በተጭበረበረ ሰነድ መነሻነት ‹‹ሲኖዶሱን ለመቆጣጠር እና  የራሱን ፓትርያሪክ ለመሾም የ25 ዓመት ዕቅድ አውጥቷል›› ያሉትን  ማኅበረ ቅዱሳንን በሲኖዶሱ ስብሰባ ላይ ለመክሰስ ተዘጋጅተው ነበር::
  • ማኅበረ ቅዱሳን በዋና ጸሐፊው ስም የሐሰት ሰነድ በማዘጋጀት ለፓትርያሪኩ የሰጠውን አካል/ግለሰብ በሕግ ይጠይቃል ተብሏል:: 
  • ሲኖዶሱ የመወሰን ብቻ ሳይሆን ውሳኔውን የማስፈጸም አቅም እና ንቃት  እንዲኖረው እየተጠየቀ ነው::
 ዝርዝር ዜናዎች እንደደረሱልን በተከታታይ የምናቀርብ ይሆናል።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)