April 29, 2011

“የኦርቶዶክስ ፎቶ-ባንክ አገልግሎት” (Orthodox Photo Bank Service):- ማስታወቂያ


(ደጀ ሰላም፤ ኤፕሪል 29/2011)፦ በቤተ ክርስቲያናችን ስለ ቤተ ክርስቲያናችን ወቅታዊ መረጃዎች የምናገኝበት ጠንካራ ድረ ገጽ ስለሌለን በዚህ ቴክኖሎጂ ዘመን ከሌሎች እህት አብያተ ክርስቲያናት ጋር ሲነጻጸር ወደ ሁዋላ ቀርተናል ማለት ይቻላል። ስለዚህ ይህንን ክፍተት መሙላት እንዲቻል “ደጀ ሰላም” የጀመረችውን የድረ ገጽ ጡመራ እና የመረጃ ልውውጥ የበለጠ በማጠናከር ለመቀጠል እንድትችል አንባብያንን የሚከተሉትን ነገሮች ይልኩላት ዘንድ በትህትና ከጋበዘች፣  “የኦርቶዶክስ ፎቶ-ባንክ አገልግሎት” ((Orthodox Photo Bank Service) ብላ ከጀመረች ድፍን አንድ ዓመት ሞላት። “ፎቶ ባንክ” ያልነው ፎቶዎችና ቅዱሳት ሥዕላት የሚጠራቀሙበት “ግምጃ ቤት” ለማለት ነው።
ጥቅሙ ምንድር ነው?፦ አባቶቻችንን በስም ብቻ ሳይሆን በመልክም እናውቃቸዋለን፣ ቅዱሳት ቦታዎቻችንን እንመለከታቸዋለን፣ ታሪክ እናስቀራለን። ለምሳሌ በቅርቡ በእሳት የወደመው የመሐል ዘጌ ቅ/ጊዮርጊስ ቤተ ክርስቲያን አሁን የተረፈን ፎቶው ብቻ ነው። ፎቶ ባይኖረው ምን እንደሚመስል ላናውቀው እንችል ነበር። ስለዚህም ነው “ከአንድ ሺህ ቃላት፣ አንድ ፎቶ” የሚባለው።

ፎቶግራፎች፦ ፎቶዎቹ ቤተ ክርስቲያናችንን፣ ሃይማኖታችንን፣ በጠቅላላው ክርስቲያናዊት ኢትዮጵያን የተመለከቱ መሆን አለባቸው።
  1. የገዳማትና አድባራት ፎቶዎች፣
  2.  የአብያተ ክርስቲያናት ፎቶዎች፣
  3.  የብፁዓን አባቶች ጳጳሳት ፎቶዎች፣
  4. የካህናት አባቶች ፎቶዎች፣
  5. የቅዳሴና ሌሎች የጸሎት ላይ ፎቶዎች፣
  6. የበዓላት ፎቶዎች (መስቀል፣ ጥምቀት፣ ንግሥ፣ የገዳማት ጉዞዎች) ወዘተ
  7.  ቅዱሳት ሥዕላት (የእግዚአብሔር፣ የእመቤታችን፣ የሰማዕታት፣ ጻድቃን፣ ቅዱሳን፤ የመላእክት)
 
ማስገንዘቢያ፦
  • ፎቶዎቹ የእናንተ ከሆኑ የእናንተ መሆናቸውን፣ ካልሆኑ ደግሞ ምንጫቸውን ጥቀሱ፣
  • ፎቶዎቹ የሰዎች (ምሳሌ አባቶች)፣ የቦታ (ቅዱሳት መካናት)፣ የገዳማትና አድባራት እንዲሁም አብያተ ክርስቲያናት ከሆኑ ስማቸውንና የት አካባቢ እንደሚገኙ ግለፁ፣
  • ፎቶዎቹን በ dejeselam@gmail.com  አድራሻ ላኩልን፣
  • ለመላክ ችግር ከገጠማችሁ ቴክኒካዊ ድጋፍ እናደርጋለን።

http://www.facebook.com/group.php?gid=114781865216414
እግዚአብሔር ይርዳን።

3 comments:

Anonymous said...

Hey Dejeselam,please first start all EOTH churches pic in your photo bank...I think U guys have networks in addis ...

Anonymous said...

በጣም የሚደገፍ ሀሳብ ነው፡፡ ዛሬ እኛ እጃችን ላይ ያለውን ነገር ወደ አንድ ቦታ ተሰባስቦ መቀመጥ እስካቻለ ድረስ ለሚመጣው ትውልድ ያለንን አለን የምንለውን ነገር ማተላለፍ የሚከብድ ይመስለኛል ስለዚህ መአከላዊ በሆነ መንገድ ማከማቸት መቻል ጥቅሙ ብዙ ስለሆነ በርቱ፡፡
ሌላ የምለው ነገር ቢኖር ያሉትን ፎቶዎች በኢሜል አታች ማድረግ ሊከብዱ ይችላሉ ለምሳሌ በጣም ብዙ በ100 ሜጋ ባይት በላይ ከሆኑ በኢንተርኔት ፍጥነት ችግር መላክ በጣም አዳጋች ስለሚሆን ሌላ መላኪያ መንገዶችንም ብታዘጋጁ ጥሩ ነው እላለሁኝ፡፡ (ለምሳሌ ፖስታ)
ላሜዳ
ከአዲስ አበባ

Anonymous said...

Good idea. But please include the names of the churches and other details of every picture! It is not nescessary to right Dejeselam under every picture. We know that this is happenning on your facebook site.
Only the name of the photographer and identification of the pictures are necessary.

With best wishes,
Eyassu Mussie

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)