April 15, 2011

“ደጀ ሰላም” እንድትዘጋ ለፓትርያርኩ ጥያቄ ቀረበ


(ደጀ ሰላም፤ ኤፕሪል 14/2011)፦  በቅዱስ ፓትርያርኩ፣ በብፁዓን ሊቃነ ጳጳሳት በመምሪያ ሓላፊዎች እና በመንፈሳዊ ኮሌጆች ደቀ መዛሙርት ላይ ያደርሳል ባሉት የስም ማጥፋት ዘመቻ ምክንያት መንግሥት “ደጀ ሰላም” ላይ ርምጃ እንዲወስድ የአቤቱታ ደብዳቤ ለቅ/ፓትርያረኩ ቀረበ። አቤቱታውን ትናንት ረቡዕ ለቅዱስነታቸው ያቀረቡት በቅ/ሥላሴ መንፈሳዊ ኮሌጅ የሚማሩ የተወሰኑ ደቀመዛሙርት ሲሆኑ የኮሌጁ ዲን ብፁዕ አቡነ ጢሞቴዎስ እንቅስቃሴውን ተቃውመዋል ተብሏል። “የቅ/ሥላሴ መንፈሳዊ ኮሌጅ ደቀመዛሙርት” በሚል ማጠቃለያ የታሠረው እና ከቅዱስ ሲኖዶስ ጀምሮ ለሁሉም የጠቅላይ ቤተ ክህነት መምሪያዎችና ለራሱ ለኮሌጁ ግልባጭ የተደረገው ይህ ባለ አራት ገጽ ደብዳቤ ለመንግሥት የተለያዩ መሥሪያ ቤቶችም ግልባጭ ተደርጓል። ለፌዴራል ጉዳዮች ሚኒስቴር፣ ለብሔራዊ መረጃ ጽ/ቤት፣ ለፌዴራል ጉዳዮች ሚኒስቴር፣ ለፌዴራል ፖሊስ ኮሚሽን፣ እና ለአዲስ አበባ ፖሊስ ኮሚሽን የተላከው ደብዳቤ ከቅርብ ጊዜያት ወዲህ በቤተ ክህነቱ እየታየ የመጣው እና ችግሮችን ሁሉ ወደ መንግሥት በመውሰድ በመንግሥት ዱላ ለማስመታት የመሞከር ዘዴ አንዱ አካል ነው።

የኮሌጁ ዲን ብፁዕ አቡነ ጢሞቴዎስ
በደብዳቤው ላይ የተጠቀሰው ዋነኛው ሐሳብ ቅዱስነታቸው ለቤተ ክርስቲያን ያከናኗቸው ዋና ዋና ተግባራት  መዘከር እና “አስከፊውና አንባ ገነኑ የደርግ በእግዚአብሔር ፈቃድ እና በህዝቦች ቆራጥ ትግል ተገርስሶ ሀገራችን ፍታዊ እና ዲሞክራሲያዊ ሥርዓት” መስፈኑን የሚያበስረው አንዱ ነው።

 “የቤተ ክርስቲያኗን ዓይን የሆኑት ቅዱስነትዎንና ብፁዓን አባቶችን በዓለም ህዝብ ዘንድ ያላችሁን መልካም ስም ለማግደፍ (ለማጉደፍ ማለታቸው ነው) የተነሱትን  ሥርዓት አልባ የሆኑትን ፀረ ኦርቶዶክስ ተዋህዶ እምነት ግለሰቦችና ማኅበር ለመታገስ ትዕግስታችን ስለተሟጠጠና የቤተክርስቲያናተን ስም መጥፋት ለህሊናችን የከበደን የቤተክርስቲያን ልጆች ደቀመዛሙርት ቀፎው እንደተነካ ንብ ሆ ብለን ተነስተን ይህ ከዚህ በታች ያለውን የአቋም መግለጫ ለማውጣት ተገደናል” ሲሉ “ደጀ ሰላም”ን ለመቃወም የወጡበትን ምክንያት ዘርዝረዋል።

ዐረፍተ ነገር አጣጣሉ፣ የቃላት አሰካኩም ሆነ የቋንቋ አጠቃቀሙ ምንም ቤተ ክህነታዊ ለዛ፣ የቲዮሎጂ ተማሪ ለዛ የሌለው ደብዳቤው፣ ሊቃውንቱ እንደሚሉት “አንድ እና ብዙ”፤ “ወንድና ሴት” ሳይለይ ለስድብ ብቻ የተዘጋጀ ምናልባትም ከተማሪዎቹ ውጪ ባሉ አካላት ተዘጋጅቶ የቀረበ ሳይሆን እንደማይቀር ምንጮቻችን በመገረም ጠቁመዋል።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)