March 19, 2011

በጅማ በሃይማኖት ሽፋን ጉዳት ያደረሱ ወገኖች በቁጥጥር ሥር ባለመዋላቸው ቅሬታ እየቀረበ ነው


  • መንግሥት በግጭቱ “የአልሸባብ እጅ አለበት” ይላል:: ነዋሪዎች አልተቀበሉትም
(ሰንደቅ፣ በጋዜጣው ሪፖርተር፣ መጋቢት 7 ቀን 2003 ዓ.ም)፤ በኦሮሚያ ክልል ጅማ ዞን በሊሙ ኮሳ ወረዳ ከሳምንት በፊት በተከሠተው የሃይማኖት ግጭት ውስጥ ተሳታፊ የነበሩ ሰዎች በቁጥጥር ሥር ባለመዋላቸው ከፍተኛ ስጋት ውስጥ መውደቃቸውን ነዋሪዎቹ ገለጹ፡፡ የጅማ ኢሚግሬሽን እና ደኅንነት ጽ/ቤት ያወጣው ደብዳቤ በበኩሉ፣ መንግሥት ባለው መረጃ የድርጊቱ ቀስቃሽ የሆኑ ኢትዮጵያዊ ሙስሊሞች ሳይሆኑ ከሶማልያ የመጡ የአልሸባብ አባላት መሆናቸውን፣ ስድስት የአልሸባብ አባላት በቁጥጥር ሥር ከዋሉ በኋላ ሌላ ሃያ ተጠርጣሪ ተጨማሪ የአልሸባብ አባላት በቁጥጥር ሥር መዋላቸውን ገልጸዋል፡፡

አቶ ዐማኑኤል ዮናስ የጅማ አብያተ ክርስቲያን ሠራተኛ እና የቴዎሎጂ ኮሚቴ ሰብሳቢ በበኩላቸው፣ “የወረዳው መምህራን ወደ ሥራ ገበታቸው ለመመለስ ፈቃደኛ አይደሉም፡፡ ምክንያቱም ቤተ ክርስቲያኑን ሲያቃጥሉ ‹ተመልሰን ስንመጣ እናንተን ነው የምናቃጥላችሁ› ብለው ስለዛቱባቸው ከመንግሥታዊ አካል ዋስትና ይፈልጋሉ፡፡ በአሁኑ ሰዓት ቤተ ክርስቲያኑ እንዲቃጠል ካደረጉ ሰዎች ውስጥ አብዛኞቹ ከአካባቢው ሸሽተው ሄደዋል፡፡ ይህን ድርጊት ለመፈጸም ያበረታታቸው በውረዳው ውስጥ ያለው የአመራር አካል በቤተሰብ የተሳሰረ በመሆኑ ነው፤” ብለዋል፡፡

ስማቸው እንዳይገለጽ የፈለጉ የሊሙ ኮሳ የፕሮቴስታንት እምነት አገልጋይ ለሰንደቅ ጋዜጣ እንደገለጹት፣ “በወረዳችን መጥታችሁ ኅብረተሰቡን ብትጠይቁ መንግሥት የለም ነው የሚላችሁ፡፡ በአካባቢው ያለው አመራር የችግሩ አንድ አካል ሲሆን አስፈላጊ ከሆነ እነማን እንዳደረጉ ስማቸውን በግልጽ መስጠት እንችላለን፡፡ በመሸፋፈን ከችግሩ መውጣት አንችልም፡፡ ከዋናው አመራር እስከ ሥራ አስፈጻሚው ድረስ የተያያዙ ናቸው፡፡ የትኞቹ አክራሪዎች መሆናቸውን እና እነማን በገጠር ውስጥ እየዞሩ እንደሚቀሰቅሱ እናውቃለን፤ ያላቸውን ጥላቻ ጭምር እናውቃለን፡፡ ከዚህ በላይ በችግሩ ውስጥ ለመቆየት ያለን ዋስትና ምንድን ነው ብለን ስንጠይቅ የወረዳው ሓላፊዎች ሕገ መንግሥቱ ነው እያሉ ያሾፉብናል፤ ያፌዙብናል፡፡ የሚገርመው ግን የት ቦታ እንደሚሰበሰቡና እንደሚደራጁ እያወቅን መቆጣጠርም እየተቻለ ግፍ ተፈጽሞብናል፡፡” ብለዋል፡፡

አያይዘውም ግጭቱን ያሥነሳው “አልሸባብ ነው” የሚባለው ፍጹም ውሸት ነው፡፡ ከመንግሥት መሥሪያ ቤት እስከ ነጋዴው ኅብረተሰብ ድረስ በአክራሪነት የተሳሰሩ መኖራቸው ይታወቃል፡፡ እያንዳንዱን ስም ስጡ ተብለን ከተጠየቅን መስጠት እንችላለን፡፡ በአካባቢያችን ነዋሪ የሆኑ ከመስጊድ አስከ ወረዳ አመራር ተደራጅተው ራሳቸው የፈጸሙት ችግር እንጂ ሌላ ሦስተኛ ወገን ወደ አካባቢያችን መጥቶ የፈጸመው ድርጊት አይደለም፡፡ እሑድ የካቲት 26 ቀን 2003 ዓ.ም ሁለት ሺሕ የአክራሪ ሠራዊት ተደራጅቶ ሊያጠፋን ሞክሮ በሰዓቱ መከላከያ ሰራዊት በሄሊኮፕተር እየታገዘ ባይደርስልን ኖሮ ሁላችንም ጠፍተን፣ አልቀን ነበር፡፡ አሁንም የት እና ለማን መናገር እንዳለብን አናውቅም፡፡ የተደራጁ ሰዎች ተለቅመው ለሕግ አልቀረቡም፤ አሁንም በስጋት ላይ ነን፤” ብለዋል ሌላው የአካባቢው ነዋሪ ለሰንደቅ እንደገለጹት፡፡

የሊሙ ኮሳ ወረዳ የጸጥታ ሓላፊ የሆኑት አቶ አሕመድ ሙሳ በበኩላቸው፣ በአሁኑ ሰዓት በሊሙ ኮሳ ሰላማዊ እና የተረጋጋ ሁኔታ ነው ያለው፡፡ በየካቲት 26 ቀን 2003 ዓ.ም የተቃጠሉትን ለመገንባት ጥረት እየተደረገ መሆኑን ገልጸዋል፡፡ “ችግሩን የፈጠሩት የአልሸባብ ቡድን አባላት ናቸው እየተባለ ነው፤ በዚህ ላይ የእርስዎ አስተያየት ምንድን ነው?” ተብለው ለተጠየቁት አቶ አሕመድ ሲመልሱ፣ “ከአልሸባብ ጋራ የተያያዘ ጉዳይ አይደለም፡፡ አንዳንድ የአካባቢው ነዋሪ ሰዎች ናቸው ከአክራሪነት ጋራ በተያያዘ ችግሩን የፈጠሩት፡፡ በርግጥ ወደ ሐረር ተጉዘው የመጡ ሰዎች አሉበት ይባላል” ብለዋል፡፡

በአካባቢው ላይ የተፈጠረው የአክራሪነት ምንጩ ምክንያት ምንድን ነው ብለው ያስባሉ ተብለው ለተጠየቁት ጥያቄ፣ “ነገሩ ጥናት ይፈልጋል፡፡ ሆኖም የሃይማኖት ሂደት ነው ብለው የሚያነሡ አሉ፡፡ በሌላ መልኩ ከዚህ በፊት ኦነግ የነበሩ ኀይሎች እንዲሁም በጠባብነት እና በትምክህት ውስጥ ያሉ ኀይሎች በነዋሪዎቹ ውስጥ በመገኘታቸው ይህን ግጭት ለዓላማቸው አውለውታል፤” ሲሉ አቶ አሕመድ ለሰንደቅ ገልጸዋል፡፡
 ++++++++++++++++++++++

(ሰንደቅ፣ መስከረም አያሌው፣ የካቲት 30 ቀን 2003 ዓ.ም)፤ በኦሮሚያ ክልል ጅማ ዞን አሰንዳቦ ወረዳ ሰሞኑን ተቀስቅሶ በነበረው የሃይማኖት ግጭት የተሳተፉትን በቁጥጥር ሥር ለማዋል ከፍተኛ ጥረት እየተደረገ እና ኮሚቴ መዋቀሩ ተገለጸ፡፡ የኦሮሞያ ኮሚዩኒኬሽን ጉዳዮች ቢሮ እንደገለጸው፣ ባለፉት ሳምንታት በእስልምና እና ፕሮቴስታንት እምነት ተከታዮች መካከል ተፈጥሮ በነበረው የሃይማኖት ግጭት ላይ በመሳተፍ ጸጥታን ሲያውኩ የነበሩ ግለሰቦችን በቁጥጥር ሥር ለማዋል እና ለፍርድ ለማቅረብ ከፍተኛ ርብርብ እየተደረገ ነው፡፡ ተቀስቅሶ በነበረው ግጭት የፕሮቴስታንት እምነት ተከታዮች አብያተ እምነት እና መኖሪያ ቤቶቻቸው መቃጠላቸውን ያመለከተው የቢሮው መግለጫ ሃይማኖትን ሽፋን በማድረግ በንጹሐን ዜጎች ላይ በደል ያደረሱት እና ሌላ ተልእኮ ይዘው የተነሡ ግለሰቦችን በቁጥጥር ሥር ለማዋል በእንቅስቃሴ ላይ ናቸው፡፡


21 comments:

Anonymous said...

MENGIST ENA INE ATO AHMED BE NITHUHAN ZEGOCH LAY MEKELEDACHEW IJIG YASAZINAL!!! YIHEN CHIGIR YAMETAW ALSHEBAB SAYHON BEYE DEREJAW LAY YALU ETHIPIOPIAWYAN YE ISLIMINA TEKETAYOCH MEHONACHEWN MELLAW YE ETHIOPIA HIZB BE IRGITEGNINET YAWKAL! YIH SEYTANAWI SIRA SERIWOCHIN LEGIZEW YEMIYASDESSIT(AYHONIM INJI INDENESU SEYTANAWI IMNET MENGISTE SEMAYAT YEMIYASGEBA), LE MENGIST DEGMO SILTAN LAY MEKOYA ZEDE NEW. YE EGZI'ABHEER FIRD GIN YIKOYAL INJI AYKERIM.

Anonymous said...

This is long time planned program as we know clearly. Even they have another plan so that the main solution is all ethiopians must enforce the government to take an inevietable action before the public for education otherwise the evil way of the fundamentalists and extreemsts will continue not only in Jimma and arround but also in other ethiopian states.

hareg said...

እኛ የምናውቀው ሃይማኖት አትግደል፣ክፉን በክፉ አትቃወም፣ጠላትህን ውደድ፣ግራህን ቢመቱህ ቀኝህን ስጣቸው ፣ወዘተ ነበር። የንፁሃንን ደም አፍስ ፣ቤት አቃጥል ፣ ሰው ግደል ማለት የድያብሎስ እንጂ የአምላክ ትእዛዝ አይደለም። ታድያ ይሄንን ተግባር የሚደግፍ እምነት መለኮታዊ ወይስ ሰይጣናዊ ነው? መልሱ ቀላል ነው ''እምፍረሆሙ ተአምርዎሙ'' ከፍሬያቸው ታውቁዋቸዋላችሁ ብሎአልና ቃለ ወንጌል።

Anonymous said...

መንግስትማ ፀጥታ ማስከበሩን ትቶ የራሱን ፖለቲካ ያራምድ። ብቻ ይገርማል፤ የኦርቶዶክስ ቤተ ክርስቲያን ሲቃጠል ጧፍ ነው ይባላል። ዛሬ ደግሞ ይኸው...

ጌታቸው አበበ said...

አረ ምን ይሻላል አናንተ አሁንማ አኮ በዛ አግራቸዉን አነሱ መንግስትም ዝም ብሎ
ይመለከታል አኔስ አሱም አለበት መሰለኝ ለማነኛዉም አግዚአብሔር መልካም ነገር ያሰማን
ሁላቺሁ ኦርቶዶስ የሆናቺሁ ሁሉ ጠሎጣችሁ ለሀይማኖታቺን ቺምር ይሁን
ፈቃደ አግዚአብሔር ከኛ ጋር ይሁን
ወስብሐት ለአግዚአብሔር ወለመስቀሉ ክብር ወለወላዲቱ ድንግል አሜን !

ስማቸው ጋሻው said...

መንግስት በጣም ጥብቅ ቁጥጥር ማድረግ አለበት እስከ ዛሬ ለምን ዝም እንዳል አልገባንም ? እኔ ግን ሳስበው ወደፊት ኢትዮጵያ የ ሃይማኖት ጠብ እየተነሳ አገርትን ሳያተፋት አይቀርም ።እናም የ ኢትዮጵያ ህዝብ ሆይ ስለፈተራቺሁ ብላቺሁ እንደ ሀገር አስቡ ሁሉም ሰው ወንድማቺሁ ዎይም እህታቺሁ ነን ናቺሁም ስለዚህ እባካቺሁ ራቅ አድርጋቺሁ አስቡ ።ሞት አይቀርም እንሞታለን ስለዚህ እንጠየቃለን መልስ ግን እንዳናታ ?

Anonymous said...

"qutch belew yeseqelwat qumew ayawerdwatm"

I am surprising! when the issue of jimma is raised most of comment givers in this blog become abstain.Why?
Have you considered it as the only protestant issue? Or you regard it as a simple thing since the event is not happened arround you?

I think this is ignorance; please don't see it as a silly agenda and it needs our all voices to the responsible body.

Ke-Saudi

temesgen said...

Writer from Saudi, you are very right. we have to all send messages to the address of responsible bodies such as Prime minister, ministers, human right, embasies, and other higher offices.

Ameha said...

ለአሸባሪዎቹ ከለላ የሚሰጣቸው ራሱ መንግስት ነው። ባይሆንማ ኖሮ አሸባሪዎቹ ከነዋሪው መሀል እንደወጡ እየተነገረው ሦስተኛ ወገን ላይ ባላላከከ ነበር። አንዳንዴም ራሱ ተሣትፎ እንደ ገላጋይ "አቤት አለሁ" ይላል። ሕዝቡን እርስ በርስ እያላተመ እርሱ በሥልጣን ኮርቻ ላይ ተቀምጦ መክረምን መርጧል። ዋ! ይህ ህዝብ የነቃ ለታ! እኔን አያድርገኝ! ልብ ያለው ልብ ይበል!

Birhanu said...

please dont confuse yuor self it is clear that this is the work of gov.and we know what happed before and the measure as well. it is clear that it was a motivation & this follows.something new for u?what we cat understand from this? all of us should be ready for what is goig to happen.i.e we dont expect a fair jugment that is wtat we are observing. God be with us!!!

Anonymous said...

ASAZANGE NEW
BEZEGOCH ZEND METEZAZEN ENDAYNORE,HEGE WETOCHEN LEHEG ASALEFO MESTET ENDAYNOR, LE AKABABI AMBAGENENOCH MESFEN... YEGOSA ASTEDADER WETET NEW. AHUNEM MENGEST YEZEGOCH DEHENENET, SELAM METEBEK GEDETA SELALEBET GUDAYU WEDEBASE DEREJA SAYHED MEQOTATER ALEBET. ENGAM BETSELOT ENBERTA.EGZIABHER AGERACHENEN SELAM YARGELEN ! AMEN!

Anonymous said...

wey mengist! yehehulu sidereg yet new yalaew. yechristian dem beka keld hone? becha egziabeher selamun yawerdelen.

dejeislam/ደጀ ኢስላም said...

I know you will not post my comment as usual.
think about before speak.
as muslim this is not acceptable @all.but who start destroing mmesjid in gurage zone?why we keep quite at that time?so when we condemn the terroriet act we should do for all.
what happen in jemma is not acceptable.selam for all
ethiomuslim.

Anonymous said...

እያንዳንዱ ሰውማወቅ ያለበት ነገር የሃይማኖት ጦርነቱን እያስነሳ ያለው ማነው? መንግስት እራሱ አይደለምን? ስለዚህ ምን ተብሎ እንደገና ከራሱ መፍትሄ ይፈለጋል? ባይሆንማ ኖሮ ከህዝብና ከመንግስት የሚደበቅ ነገር ያለ ይመስላችኋል?
ሙስሊሞቹ ደግሞ አስተውሉ ማረፊያ አጣን አስጠጉን፤ ክፉ ቀን አሳልፉልን፤ ሸሽጉን... ብላችሁ ያስጠጋናችሁ ሰዎች መሆናችሁን ሁልጊዜም አትርሱ፡፡ ሌላው ደግሞ እስከ ዛሬ በኛ አገርም ሆነ በመላው አለም ታሪካችሁ የሚናገረው ሃይማኖታችሁን የምታስፋፉት በጦር፣ በጎራዴ፣ በቆንጮራ፣ በማስገደድ... ብቻ ነው፡፡ እንዴት ነው ነገሩ አስታምራችሁ፣ አሳምናችሁ፣ አስረድታችሁ ...ማስለም አትችሉም እንዴ? ሃይማኖታችሁ ውስጥ ምንም ትምህርት የለም እንዴ? እንደዛ ከሆነ የምታመልኩት አምናችሁና ተረድታችሁ ሳይሆን በወኔ መሆኑን ያሳጣችኋል? ስለዚህ ሰውን መግደል ማጽደቅ ይቅርና ለማስኮነንም በቂ አይደለም ከዛ የከፋ ፍርድም ሳያስፈልጋችሁ አይቀርም ባይ ነኝ፡፡
ስለዚህ እንግዶቻችን በሰው አገር እዩኝ እዩኝ ባትሉና ቢበቃችሁ ጥሩ ይመስለናል፡፡ ፈሪዎች እንዳንመስላችሁ ትእግስታችን ያለቀ እለት አናንተን አያርገኝ፡፡
እግዚአብሄር የተጠናወታችሁን ሰይጣን አስወግዶ እንደሰው ለማሰብ ያብቃችሁ፡፡
"ኢትዮጵያ እጆቿን ወደ እግዚኣብሄር ትዘረጋለች" ይስማት፡፡

Anonymous said...

መምህር አሰገግድ ተብየው ‹‹ ወድጃቹአለሁ›› የምንፍቅናው ስብከት ለቀቀ በነ አዜብ ታዬ አዘጋጅነት ደግሞ እኮ የሚገርመው በቅድስት ስላሴ ቤተክርስቲያን ፖስተሩ ለጥፎታል

w/michael said...

ለመሆኑ ጂማ ኢትዮጵያ ውስጥ ወይስ መካከለኛው ምስራቅ? መንግስትም ችል ያለው ይመስላል፡፡ ይመስለኛል የአካበቢውን ባለስልጣናት ሪፖርት እና ማስተባበያ በማመን፡፡ እውነታው ግን ጂማ የአክራሪዎች መፈንጫ እንደሆነ ነው እማኞች የሚገለጹት፡፡ እናም ጂማ የተዳፈነ እሳት ወይም እነደ ኤልታርሊን የሚነፎቀፎቅ የልብ ጥላቻን የቋጠሩ የአክራሪዎች መኖሪያ ክሆነ ሰነባብቷል፡፡ አቡነ አስጢፋኖስ ላይ የፈጸሙትን መደፋፈርም አንዘነጋውም፡፡ ሌሎች አባቶች ግን ችል ያሉት ይመስላል፡፡ ወደ መንግሰት አቤት ማለትንማ እንደ ስድብ ወይም እንደ መቃወም ነው የሚቆጥሩት፡፡ ጥቂቶቹ የግብጽ ክርስቲያኖች ተሰሚነታቸው ምን ያህል እንደሆነ እነሰማለን፡፡ አባቶቻቸውም ምን ያህል ጠንካሮች እንደሆኑ እናውቃለን፡፡ እናም አባቶች ሆይ የእኛ እህት ወንድሞችም መከራ ላይ ናቸው እና አቤት በሉላቸው፡፡ መረጃዎች እነደጠቆሙት መውጫ መግቢያ፤ መገባበያ ባጠቃላይ የመኖር መብታቸውን እየተነፈጉ ነው፡፡ ይህን ስንሰማ ጂማ ኢትዮጵያ ውስጥ ወይስ መካከለኛው ምስራቅ? እንድንል ያስገድደናል፡፡

Ameha said...

ውድ ወንድሞቼ እና እህቶቼ! ስለ አክራሪ እስልምና ስንነጋገር ወይም ሃሣብ ስንሰጥ ሁለት ነገሮችን እናስተውል። አንደኛ፡ እስልምናን እንደ ኃይማኖት የያዙትን፣ ቆራናቸው በሚያዘው መሠረት የሚገዙ፣ በጎ ምግባር ያላቸውን ወንድሞቻችንና እህቶቻችንን /ወገኖቻችንን/፣ ሁለተኛ፡ እስልምናን እንደ ፖለቲካ መሥመር፣ አንድ አገር ወይም መንግሥት በቆራን መሠረት እንዲመራ የሚፈልጉትን/እነዚህ በውጪ የእስላም አገሮች እየተመሩ፣ እየታገዙ፣ አንድም የኛው ሆነው የተደለሉ፣ አልያም ከውጭ ወደ ውስጥ የሚዘምቱብንን/ በሠላምና በፍቅር አብሮ የኖረውን ሕዝብ ለማናከስ፣ ብሎም በእግዚአብሔር የተቀደሰችውን አገር ልክ እንደነሱ የእስላም አገር ለማድረግ የሚጥሩትን ለይተን ማየት ይኖርብናል። ይህንን ልዩነት ሳንረዳ በውስጣችን የሚፈጠረው የጥላቻ ስሜት ክርስትናችንን የሚፈታተንና ከድጡ ወደ ማጡ የሚያስገባንን ድርጊት እንድንፈጽም የሚገፋፋን እንዳይሆን ልንጠነቀቅ ያስፈልጋል። ለእግዚአብሔር የሥራ ጊዜ አለው። መቆጨታችን በጎ ነው፣ ቢሆንም በአንደበት ኃጢአት ከመውደቅ እንጠበቅ።

Anonymous said...

oh that is horrible. bear in your mind that for the action that has been occurred the hands of the government has been involved because he knows what happen when Somalian terrorists are coming in the Ethiopian land.once again after the action was happened the government have not took any decision regarding the problem this indicates that the concerned body has been involved for half of his hands. sorry for the problem..

Anonymous said...

ጊዜው ይገርማል ይህ የዘመን መጨረሻ ላይ ሆነን እኛም መከራችንን አየን ደህና ወሬ የሚሰማበት ጊዜ ሁላ ይናፍቀን ጀመር ፡ ደግ ደጉን ወሬ እንደ ሰማይ ነው የራቀብን ፡ የኛስ ስራ ጥሩ የሚያሰማ ነው? እሱን እኔም እጠራጠራለሁ። በዚህ በሁዳዴ ጾማችን እና ጸሎታችን ክፉውን ካላራቀ በጎውን ካላቀረበ ምን ይባላል። ሁሉም ኦርቶዶክስ ስለ ሀገር ሰላምና ስለ ቤተክርስትያናችን መጸለይ ያለበት ይመስለኛል። ሰው የራሱ ህይወት ፣ የቤተሰቡ ህይወት ፣ የአካባቢው ሰላም ጥሩ ሳይሆን እንዴት ሀገር ሰላም ልትሆን ትችላለች። ይህን የመሰለውን ነገር እሱ በኪነ-ጥበቡ እንዲያርቅልን እንጸልይ።
ወደ ፈተና እንዳትገቡ ትጉና ጸልዩ፤ ማቴ 26፣41
ላሜዳ ከአዲስ አበባ

Anonymous said...

ከደጀ ሰላም ቆሜ፣ወድቄ፣ገብቼ ሲባል በቀደመው ዘይቤ ከቤተክርስቲያን ማለት ነው።
ከደጀ ሰላም ወስዶ-ደጀ ኢስላም ማለት አራድነት ወይም ልክ እንደ ፕሮቴስታን(ተሐድሶ) ማደናገር ወይም ተቃውሞ ሊባል ነው የሚችለው እንጂ ሌላ ዓላማ የላችሁም። በሰው ብራንድ(Name)አስመስሎ መጠቀም የማታለልና የማሳሳት ተግባር ነው።
ወይም በራስ ለመስራት አቅምና ችሎታ ማጣት ተደርጎ ይቆጠራል። ብሎግ ዴቨሎፕ ማድረግ አይደለም ቁም ነገሩ ይነበብ ዘንድ ምን የረባ ፍሬ ቁም ነገር ይዟል ነው።ሰላም ለኢስላም ተስማምቶናል ብትሉን(በአፍ) ደጅን ከምን ልታዛምዱት ነው ከከድጃ?አታፍሩም መቸስ ድርቅ ያለ ክርክር ጀምራችሁልኛል ።ገብቼ አየሁላችሁ የፈረደበት ማኅበረ ቅዱሳንን ታወግዛላችሁ። ነገራችሁ ሁሉ የልጆች ጨዋታ ሆነብኝ።እስቲ ምክር ስሙ አስባችሁ አቅዳችሁ ሰውን ሊማርክ የሚችል የራሳችሁን ክፈቱና አንብቡ ብላችሁ ጋብዙን።
ለምሳሌ አል መስጊድ ማለት ይቻላል።ለእናንተ እኛ ማሰብ የለብንም።ማኅበረ ቅዱሳን ሙስሊምን ለማጥቃት አልተፈጠረም ዓላማውም አይደለም። ሃይማኖቱን ያወቀ በእውቀቱ በገንዘቡ በሚችለው አቅሙ ቤተክርስቲያንን ለመርዳት ትውልድ ለመቅረጽ ከ20 ዓመት በፊት ተፈጠረ።አቅሙ አለን ካላችሁ ይኼ እቃቃችሁን ጨዋታ የሚመስል ነገር ተውና ራዕይ ያለው ትውልድ ለሙስሊሙ ፍጠሩ።

Anonymous said...

ዉድ ደጀሰላማዉያን እዉነት የሚገለጸዉና የሚደመጠዉ በጤናማ አእምሮ በመሆኑ አቅን መስማት የማይወዱ ሰዎች መኖራቸዉ አይዘነጋም መቸም ቢሆን ሰዉ ከህግ በታች እንጅ ከህግ በላይ አይደለም በእርግጥ ዛሬን አያድርገዉና ያለፉት አባቶቻችንን ስናነሳ‹‹ አበዊነሰ መልዕልተ ህግ እሙንቱ›› ተብለዉ ነበር ያልሆኑትን ናቸዉ ማለት ስለሚከብድ ሀቅ የሆነዉን ነገር እተናገራችሁ ነዉና በርቱ እግዚአብሔር ከእናንተ ጋር ይሁን በርቱ እላለዉ

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)