March 13, 2011

ማን ለእስራኤል መድኃኒትን ከጽዮን ይሰጣል?

(በኤርሚያስ ኅሩይ በተለይ "ለደጀ ሰላም"):- ዓለምና በዓለም ያለው ማንኛውም ተፈጥሮአዊና ሰው ሠራሽ ነገር ሁሉ የፍጥረታት በኹር የሆነውን የሰውን ልጅና ደመ-ነፍስ ያላቸውን እንስሳት አራዊት ጨምሮ ከሰው አእምሮ በላይ በሆነ ፍጹምና ረቂቅ አምላካዊ ጥበብ የሚያልፍ መሆኑ ማስረጃ የማይሻ እውነታ ቢሆንም ሰው በዚህች ምድር ላይ ሲኖር እያንዳንዷን የዕድሜውን ሽራፊ ደቂቃ በሚፈልገው ሁኔታና መጠን ተደስቶና ረክቶ ለመኖር ከሚያስችሉት እጅግ አስፈላጊ ነገሮች አንዱና ዋነኛው የሀገር ደህንነት ነው።

በርግጥ የበሽታ ጥሩ የደዌ  ደግ የለም ማንኛውም ሕመም ሥቃይ አለው፤ ታማሚውን ያሰቃያል፤ ቀጥሎም ቤተሰቡን ከዚያም ዘመድ ያስጨንቃል። ደግነቱ አባወራ ሲታመም እማወራ ወይም ወንድም ሲታመም እህት አብረው የመታመም የተፈጥሮ ግዳጅ ወይም ርግማን የለም፤ አንዱ ሌላውን እያስታመሙ እያከሙ መኖር ይቻላል። ይህ በሰው ልጆች እንጂ በእንስሳትና በአራዊት ሥርዓተ-ማኅበር ውስጥ ያልተለመደ የማኅበራዊ ኑሮ ሥርዓት ወይም ልምድ የምድራዊ ኑሮን ደስታና ርካታ የሚቃረነውን የጤና (ደህንነት) ቀውስ ለመቋቋም ተስፋ ሰጭ ኃይል ነው። ሀገር ከታመመ ሀገር በጽኑ ደዌ ከተያዘ ግን ተያይዞ ወደ መቃብር ከማምራት በቀር ማን አስታማሚ ማን አካሚ ሆኖ በጠበልም ይሁን በክኒን ሥቃይን አስወግዶ ወደ ደህንነት መመለስ እንደምን ይቻላል? አዎን ሀገር ከታመመ ወርቅና ብር ርባና የለውም ዕውቀትና ቁሳቁስም አንዳች አይፈይዱም እናም እንደገና ወደ ሀልዎት ለመመለስ ብቸኛው አማራጭ እንደ ቅዱስ ዳዊት "ማን ለእስራኤል መድኃኒትን ከጽዮን ይሰጣል?" እያሉ ወደ ታመነው ባለመድኃት ወደ እግዚአብሔር ማንጋጠጥ ብቻ ነው።

ለብዙ መቶ ዓመታት እስራኤላውያንን በአሕዛብ ሰይፍ ያስመታው የእስራኤል በፍቅረ-ጣዖት ደዌ መያዝ አስጨንቆት ነቢዩ ስለ ሀገሩ ደህንነት የጸለየውን ይህን ጸሎት ቃል በቃል ተቀብለን ስንዘምረው ስንጸልየው ኖረናል። ከዚህ በኃላ ግን ወደ ህልውናዋ ለተመለሰችው እስራኤል ሳይሆን ምናልባት በድህነትና በበሽታ አለንጋ የምትገረፈው ሳያንሳት የሃይማኖት ትንኮሳና ጥቃት ህልውናዋን ሊያሳጣት ዳር ዳር እያላት ላለችው ሀገራችን ኢትዮጵያ "ማን ለኢትዮጵያ መድኃኒትን ከጽዮን ይሰጣል?" ብለን ወደራሳችን አምጥተን ልንጸልየው ግድ የሚልበት ጊዜ ላይ የደረስን ይመስላል።

ይህንን ለማለት ያስደፈረኝ "ትኩስ ሬሳ የኖረውን ያስነሳ" እንዲሉ ሰሞኑን አክራሪ ሙስሊሞች በጅማ እና በአካባቢው የፕሮቴስታንት ጸሎት ቤቶችና በተከታዮቻቸው ላይ ያደረሱት ጥቃት ከዚህ በፊት በተደጋጋሚ ጅማን ጨምሮ በሐረርና በአርሲ በኢ/ኦ/ተ/ቤ/ክ ካህናትና በምእመናን ላይ የተፈጸመውን ታሪክ-የማይረሳው አረመኔያዊ ጭፍጨፋ እንዳስታውስ ግድ ስላለኝና በአጥፊዎች ላይ ርምጃ ተወሰደ ቢባልም የጥቃቱ አለመቆም እንደውም በኢኮኖሚና በአስተዳደራዊ ጉዳዮችም ጭምር በረቀቀና በተጠና ሁኔታ ተጠናክሮ መቀጠሉ መጻኢውን ጊዜ እጅግ አሳሳቢና አስፈሪ እንዳያደርገው ያሳደረብኝ ስጋት ነው።

በርግጥ አክራሪ እስልምና ለኢትዮጵያ ብቻ ሳይሆን ለመላው ዓለም ደህንነት ሥጋት ከሆነ ሰነባብቷል። ጽንፈኞቹም ጥቃታቸውን ቀጥለዋል መንግሥታቱም ከምንም በላይ ትኩረት ሰጥተውት የቤት ሥራቸውን ያለመዘናጋት እየሠሩ ይገኛሉ። በሀገራችን ግን ጥቃቱ በተወሰነ ጊዜ ልዩነት እያዘናጋ ድንገት የሚወርድ መቅሰፍት ሆኗል። ምናልባት ጥቃቱ በኛ ቤተ ክርስቲያን ላይ የተፈጸመ ባለመሆኑ ወይም ደግሞ አጥቂም ተጠቂም የዚህች ጥንታዊት ቤ/ክ ህልውና ተፃራሪዎች ናቸው ብለን ጉዳዩን በቸልታ ልናልፈው አንችልም። ወደ እግዚአብሔርና ወደ ፍትሕ አካላት በአንድነት የሚያስጮኸን አጀንዳ ነው። ምክንያቱም የመግደል ሱስ የተጠናወተው ሲያመቸው ከመግደል ወደኃላ አይልም እናም ነገ እንዳለፉት ጊዜያት አንድ ሰሞን ተወርቶ ይረሳል ወይም የዘር የቋንቋ የፖለቲካ ስም እንዳይሰጠው ተፈርቶ ተዳፍኖ ይቀራል ብለው ጽንፈኞቹ ደም የጠማው ሰይፋቸውን በእኛም ቤ/ክ ላይ በድጋሚ ማንሳታቸው አይቀሬ ነው። ትልቁ አጀንዳቸውስ ምን ሆነና!

እውነት ነው ቀደም ብሎ ሁለቴ ሦስቴ ኦርቶዶክሳውያን ሲጨፈጨፉ የዛሬዎቹ ተጠቂዎች ከንፈር እንኳ አልመጠጡልንም። ሳንጠላቸው ጠልተውን "እሰይ!" ያሉም አይታጡም። ይሁን እንጂ አሁን ባለጽዋዎቹ እነርሱ ናቸው ብለን በተራችን እሰይ አንልም ይልቁንም ተባብሮ ተከባብሮ የመኖርን ባህል የሚያጠፉ የሀገርን ሰላምና አንድነት የሚያናግ ሰይጣናዊ እኩይ ተግባር ነው ብለን እንደ ቀዳሚነታችን ቀድመን እናወግዛለን። በዚህ አጋጣሚ የኢ/እ/ም/ቤት ኃላፊዎች ጥቃቱን ማውገዛቸውንና  አጥፊዎች ለፍርድ እንዲቀርቡ መጠየቃቸውን አደንቃለሁ። ኃላፊነታቸው ግን ማውገዝ ወይም ጋዜጣዊ መግልጫ መስጠት ብቻ ነው ብዪ አላምንም። ምክንያቱም ጽንፈኞቹ ከየትም የመጡ አይደሉም ከሕዝቡ መካከል የወጡ እንጂ። እናም የአሁኖቹ ተይዘዋል ቢባልም ነገ ከተከታዮቻቸው ውስጥ ሌሎች ላለመነሣታቸው ማረጋገጫ የለም። ክርስቲያኑም ሕዝብ ምንም እንኳ ክርስትና ለሃይማኖት መሞትን እንጂ መግደልን የማታስተምር "ቀኝህን ሲመታህ ግራህን ስጠው" ብላ የምትሰብክ የፍጹምነት ሕግ መስካሪ ብትሆንም የእናት የአባቱ የወንድም የእህቱ ደም ሲፈስ አካላቸው በሰይፍ ሲከተፍ ወገን ከቀዬው ተፈናቅሎ ዱር ለዱር ሲንከራተት እያየ ሕመሙን ሥቃዩን አፍኖ መኖር ተስኖት ያመረረ ዕለት ደዌው የሀገር ደዌ የሀገር ሕመም ይሆንና ለቤትም ለጎረቤትም ምጥ እንዳይሆን የዚህን ክፉ ደዌ አማጭ ቫይረሶች አጋልጦ ለሕግ በማቅረብና ወጣቱን ትውልድ በማስተማርና በቅርብ በመከታተል ሀገራዊና ሃይማኖታዊ አደራቸውን ከክርስትያኑ ጋር በመተባበር ጠንክረው ሊሠሩ እንደሚገባ ይሰማኛል።

ይህን ማለቴ ኢትዮጵያ ሀገራችን ትታወቅበት ከነበረው የሕዝቦች ተባብሮና ተከባብሮ የመኖር የረጅም ጊዜ ባህል በጽንፈኞች ጥቃት ምክንያት እየሻከረ መጥቶ አሁን በዓይነ-ቁራኛ እየተጠባበቁ ለመኖር ግድ የሚሉ ሁኔታዎች መከሰታቸው ለነገይቱ ኢትዮጵያ ህልውና ስላሰጋኝ እንጂ ለመተንበይ ወይም ለማስፈራራት አይደለም። አዲሱ ትውልድ "ለምንድነው ግን የሚገድሏቸው? መሬቱን የፈጠሩት እነሱ ናቸው እንዴ? ሕጉስ ቢሆን የክርስቲያኖችን የእምነት ነፃነት አያስከብርም እንዴ?" ወዘተ ብሎ እየጠየቀ ነው። መልሱ ግን አሁን ከሚያየው እውነታ ጋር አልተጣጣመለትም። እናም  "ዳሩ ሲፈታ መሀሉ ይፈታ" እንደሚባለው ትናንት ሐረር፣ ጅማ እና አርሲ ዛሬ በድጋሚ ጅማ እና አካባቢው ነገ ናዝሬት፣ አዲስ አበባ... ትናንት ኦርቶዶክስ ዛሬ ፕሮቴስታንት ነገ ካቶሊክ ወይም በድጋሚ ኦርቶዶክስ! የሚል ጥርጣሬ በዚሁ አዲሱ ትውልድ ላይ አሳድሮበታል።  እና እንግዲህ ለዚህች ሀገር የሚበጀው ሰላም፣ ልማት፣ አንድነት ነው ወይስ እያታለሉ ወይም በሰይፍ እያስፈራሩ ሰውን ከአንዱ እምነት ወደ ሌላው እምነት ማፍለስና በዚህ ሳቢያ በሚከሠት ግብግብ መተላለቅ? ለአዲሱስ ትውልድ የምናወርሰው ፍቅር አንድነትን ወይስ የደም ዕዳ?

በመሆኑም አብያተ ክርስቲያናት የዶግማ ልዩነታቸውን በጉያቸው ይዘው እርስ በእርስ ከመተነኳኮል ይልቅ ይህን የሀገር ደዌ የሆነ የጽንፈኞች እብሪትና አረመኔያዊ ጭፍጨፋ በጋራ ማውገዝና ከመንግሥትና ሰላማውያን ከሆኑት የእምነቱ ተከታዮች ጋር ጭምር በመሆን የአክራሪነት ጥቃት ሥጋት ተወግዶ ሕዝቡ እንደ ጥንቱ ተባብሮና ተከባብሮ የሚኖርበትን ሁኔታ በትምህርትና በቅርብ ክትትል ለማስፈን ቅድስት ሀገር ኢትዮጵያን ከተጋረጠባት ፈተና ሊታደጓት በጸሎትም ጭምር ሊተጉ ይገባል።   

መንግሥትም ቢሆን ጉዳዩን ከፈጠረው ውጥረትና ካደረሰው ጉዳት ባሻገር ወደፊት ሊያስከትል የሚችለውን የጥፋት ማዕበል ተመልክቶ ከወዲሁ የሚጠበቅበትን ተግባር ሊፈጽም ይገባል። "የሃይማኖት መቻቻል" ብሎ ችግር ሲፈጠር ብቻ በሚድያ መተንተኑ በቂ አለመሆኑን የአሁኑ ጥቃት የሚያስገነዝብ ይመስለኛል። እንደውም እኮ ይህ መሪ ቃል ሚናውን ያልለየ ለሚመለከተው ሁሉ በትክክል የተላለፈ አለመሆኑ እብሪተኞቹ እንኳን ሳይነኩ ቢነኩ እንኳን ወደ ሕግ አቤት ሊሉ ሲገባቸው እንደ ፊልም አክተር በጠራራ ፀሐይ እየተኮሱ ሰይፍ እየመዘዙ ንፁሀንን ለመጨፍጨፍ አቅም የፈጠረላቸው ይመስላል። እንዲህ ዓይነቱ አካሄድ ደግሞ የሰዎችን የእምነት ነፃነት እና መብት ብቻ ሳይሆን  በጠቅላላው የሰብአዊ መብትንና ሕገመንግስትንም መተላልፍ ጭምር ነው። እንደሚባለው የቁርአ ገጾች ሽንት ቤት ተገኝተው ቢሆን እንኳን ይህንን አሳፋሪ ድርጊት የፈጸመውን ሰው ሥርዓት በሚፈቅደው ሁኔታ በሕግ መጠየቅ ነው እንጂ ሆ! ብሎ ሀገር ማወክ ግን ሕጋዊ አካሄድ አይደለም። ተገቢ ቢሆንማ በየቀኑ ከክርስትያናዊ ቅዱሳት መጻሕፍት ከተገነጠሉ ገፆች ሸቀጥ ጠቅልለው ከሚሸጡልን የመንደር ሱቆች ጀምሮ ቅዱሳት መጻሕፍትን እየገዙ እስከሚያቃጥሉት ቡድኖች ድረስ ከዓመታት በፊት ጦርነት ልንከፍት በተገባን ነበር። ነገር ግን ዜጋ የዜግነት መብትና ግዴታውን የሚያገኘው በጉልበቱ ሳይሆን በሕግ መሆኑን ስለሚያምን ክርስቲይኑ ሕዝብ እስካሁን በእድር፣ በማህበር ተባብሮ ከመኖር በቀር በሙስሊም ወገኖቹ ላይ ጥቃት አድርሶ አያውቅም። በመሆኑም ይህ መንፈስ በሁሉም እምነት ተከታዮች ዘንድ እንዲሰፍን መንግስት ጉዳዩን ለሃይማኖት መሪዎች ብቻ ሳይተው በባለቤትነት ሊከታተለውና በተያዙት ወንጀለኞችም ላይ አስተማሪ የሆነ ሕጋዊ ርምጃ ሊውስድ ይገባል።

የሰላም አምላክ ለሀገራችን ሰላምን ይስጥልን!
         

Be'seme Selassie,
Selam Deje Selamoch,
kezih debdabe gar abari adrege bewektawi guday lay yemetatekur tsehuf lekelachehwalehu. le metomeriya getsachehu yemetmeten kehone leanbabi adresulegn. Selame Egizabher kenante gar yehun,
Ermias Heruy

13 comments:

Anonymous said...

Egeziabehere yebarekehe wendme endiayenet wendemoche ena ehetoche nachew yemiyasefelegun ......ebakachehu enenka nege eko beyebetachen eyemetu liyaredun new gobez tebaberen yehen yemetabenene meate ensweged entsum entseleye ebakacheu entebaber......Egeziabehere yechin yetekedeseche agere yetebekelen Amen!!!

Anonymous said...

Egeziabehere yebarekehe wendme endiayenet wendemoche ena ehetoche nachew yemiyasefelegun ......ebakachehu enenka nege eko beyebetachen eyemetu liyaredun new gobez tebaberen yehen yemetabenene meate ensweged entsum entseleye ebakacheu entebaber......Egeziabehere yechin yetekedeseche agere yetebekelen Amen!!!fi

Anonymous said...

In my view, whatever we have witnessed in the past, good or bad; is the reflection of who we are as individuals. It all depends on our relationship with God. Lots of suggestions have been made as to how we can come out of the problems that we find ourselves both spiritually and politically. We spend most of the time seeking for solutions from other peoples and focusing on the wrongs that others have done. But in my view the solution is nowhere but in us, in me and in you.
I believe that more than anything else our situation requires Divine intervention. But for God to work on our side we have to be with Him and be obedient to him. I begin by asking one question to all the people who are Christians and are really concerned about our church and country. How many of us are repented from our sins and submit ourselves to the will of God? How many of us, as Christians, pray for our church fathers and government leaders every day even for our enemies so that God can give them good heart? I know there are people who constantly pray to God about the problems that we Ethiopians face today. Many of us are not doing anything other than blaming others. But the Bible warns us, in Romans 14:10, not to judge others by saying: “But you, why do you judge your brother? Or you again, why do you despise your brother? For we will all stand before the judgment seat of Christ.”
I remember one motto in Ethiopia. “If everyone cleans his/her village, we will all have a clean city.” It is just like that. The best alternative in all these messes is to look at ourselves and repent from all our sins, turnaround from our ways and prayerfully submit all our wills to God. If we all do these I believe that God will clear the mess and restore our church. I urge every one of us to believe that God is Almighty and capable of doing this. If we don't repent from our sins and submit ourselves to God, anything can happen to us as individuals or as a nation. No matter how long we talk the talk and complain about it, nothing will get better until we are changed and submit to our Lord. We will have no security spiritually or materially. We will be just like the lost sheep that is wandering around in a fox-infested desert. In this situation, if anything bad happens to us we can't blame God or others. But if we live our life for Christ and submit all our wills to him, He will be our shepherd and He will bless us spiritually and materially. He will be the one to take care of us as long as we place ourselves under his Grace. Whatever happens, be it leadership or anything, will happen for the good of us. As God’s word says in Romans 8:28:” And we know that all things work together for good to them that love God, to them who are the called according to his purpose and turn to God.” However, we all need to remember one thing. Christianity is not just a religion; it is a way of life. It is all about restoring our relationship with God and start living our life according to His words. We can do this because God’s Mercy will always be with us and He always gives us the strength through the Holy Spirit. As the Holy Bible tells us in Romans 12:2: “Therefore I urge you, brothers, by the mercies of God, to present your bodies a living sacrifice, holy, acceptable to God, which is your spiritual service. Don’t be conformed to this world, but be transformed by the renewing of your mind, so that you may prove what is the good, well-pleasing, and perfect will of God.” Ultimately, what we are and how we live determines what our government and church and our country look like. So please instead of putting blames on others, let’s blame ourselves, repent from our sins and pray for the people who doing bad to us. That is the only way out. May God Almighty shower his blessing up on all of us!!

Ethiopian said...

Yes Ermias! Your message is:
On the Spot
& to the Point.
Coincidently, I have been thinking about so. Every Ethiopian citizen must condemn this evil action and our all hands must impose the government so as to take serious action over the evil doers; otherwise tomorrow will be the same event.

Last message:

Dear Ethiopian Citizens? If you understand the evil action what has been done in Jimma, it has been done in a prudent and systematized plan. Hence, our voice should not be limited to enforce the government to realese Burtukan Demekesa but also eradicate the extreemists and fundamentalists.

Gebre Z Cape said...

Well said brother Ermias! We Christians, our religious leaders and the Gov't have to really play our own role. What are we waiting for???? Somalia and Al-Shabab are in front of our doors. Do we want things be like Palestinians or Afghanistan or messy arab countries because of the fundamentalists? I always feel very sad as things in Ethiopia are changing for the worst. GOD, you are the almighty please help this nation and country.

Ermi, you have said " እንደሚባለው የቁርአ ገጾች ሽንት ቤት ተገኝተው ቢሆን እንኳን ይህንን አሳፋሪ ድርጊት የፈጸመውን ሰው ሥርዓት በሚፈቅደው ሁኔታ በሕግ መጠየቅ ነው እንጂ ሆ! ብሎ ሀገር ማወክ ግን ሕጋዊ አካሄድ አይደለም። " This is always my question; what is really wrong with this people????? They should leave all the others expect the one who torn the Quran. Why should the others sacrifice for some one's mistake.

oooofffffffffffoooooooooooyyyyyyyyyyye ahun sileenesu sasib mereregn. The so called Fundamentalists messed up the world.

Cher were nafikonalina cher were yaseman, amen. GOD be with you!

ዘቢለን ጊዮርጊስ said...

ውድ ወንድማችን መልካም ብለሃል ልብ ያለው ልብ ይበል መንግስትም ጉዳዩን ከምንም ጋር ሳያጠጋጋ ትክክለኛ እርምጃ ሊወስድ ይገባል "ሳይቃጠል በቅጠል "እንዲሉ

g/mariam said...

We will be just like the lost sheep that is wandering around in a fox-infested desert. In this situation, if anything bad happens to us we can't blame God or others. But if we live our life for Christ and submit all our wills to him, He will be our shepherd and He will bless us spiritually and materially. He will be the one to take care of us as long as we place ourselves under his Grace. Whatever happens, be it leadership or anything, will happen for the good of us. As God’s word says in Romans 8:28:” And we know that all things work together for good to them that love God, to them who are the called according to his purpose and turn to God.” However, we all need to remember one thing. Christianity is not just a religion; it is a way of life. It is all about restoring our relationship with God and start living our life according to His words. We can do this because God’s Mercy will always be with us and He always gives us the strength through the Holy Spirit. As the Holy Bible tells us in Romans 12:2: “Therefore I urge you, brothers, by the mercies of God, to present your bodies a living sacrifice, holy, acceptable to God, which is your spiritual service. Don’t be conformed to this world, but be transformed by the renewing of your mind, so that you may prove what is the good, well-pleasing, and perfect will of God.” Ultimately, what we are and how we live determines what our government and church and our country look like. So please instead of putting blames on others, let’s blame ourselves, repent from our sins and pray for the people who doing bad to us. That is the only way out. May God

Anonymous said...

ይድረስ ለደጀ ሰላም ከግሩም ወርቅነህ፡፡
እኔ በሀይማኖት እኩልነት የማምን ፅንፈኝነትን ደግሞ የምቃወም ግለሰብ ነኝ፡፡ አጉል ወገንተኝነት የትም እንደማያደርስ ታሪካችን ብዙ አሳይቶናል፡፡ ሚዛናዊ መሆን ከሁሉም በላይ ለራስ ይጠቅማል እንጂ እውነታን ከእውነትነቷ አያስቀራትም፡፡

በጅማ አሰንዳቦ የተነሳው ስደትና በተለይም ቁጥራቸው ከ 50 በላይ የሚደርሱ የወንጌላውያን አማኞች ቤተክርስቲያን መቃጠልን አስመልክቶ ያወጣችሁት ርዕሰ አንቀፅና የአንባቢያን አስተያየት እጅግ አስገርሞኛል፡፡ በአንድ ቤተሰብ ውስጥ የተለያየ ሀይማኖት ተከታይ በመቻቻል መኖር ግዴታ በሆነበት በዚህ ዘመን በአንድ ሀይማኖት ላይ የፍቅር አይሉት የጥላቻ አስተያየትን በውስጠ ወይራነት ማስተላለፍ ለማነው የሚጠቅመው; የተነሳውን የአክራሪዎች ጥፋት መቃወም አንድ ነገር ነው፡፡ ፕሮቴስታንቶቹን እነርሱም ተንኳሾች ናቸው ለማንም አይመለሱም በ40ና በ80 ተጠምቀው ነበር የእኛ ቤተክርስቲያናት ሲቃጠሉ ዝም ብለዋልና የመሳሰሉት አስተያየቶች አጋጣሚን ተጠቅሜ ጥላቻዬን ልግለፅ አይነት የባልቴቶች ንግግር ይመስላል፡፡
እኔ በኦርቶዶክስ ቤተሰብ ውስጥ ስላለሁ የግድ እነሱን መሳደብና ነገር መፈለግ እንዳለብኝ አላምንም፡፡ የደጀ ሰላም ርእስ አንቀፅና ፖስት የተደረጉት ፅሁፎች ግን በአንድ ተመሳሳይ የጥላቻ አቋም ባላቸው ግለሰቦች የተቃኘ ነው የሚመስለው፡፡ አዝናለሁ ሚዛናዊ ባለመሆናችሁ፡፡

እስኪ እውነቱን እንነጋገር፡ እነዚህ ሰዎች በኢትዮጲያ ታሪክ እውን በትንኮሳ ነው የሚታወቁት ወይስ የሚደርስባቸውን አድልዎና መገለል ችለው ስብከታቸውን ብቻ እየሰሩ በመኖር; ውጤቱን እንመልከት እስኪ፡ በደርግ ዘመን 90 ከመቶ ፀሎት ቤቶቻቸው ተዘግተው ንብረታቸው ተወርሶ በየእስር ቤቶች እንደታጎሩ ማንም ያውቃል፡፡ ነገር ግን በ1983 የመንግስት ለውጥ ነፃነት ሲሰጣቸው ውስጥ ለውስጥ ሲባዙ ኖረዋል ለካ የተመለሰላቸው ፀሎት ቤት በሙሉ አልበቃቸውም፡፡ በአስደንጋጭ ቁጥር እየበዙ እኮ ነው፡፡ እኛግን ታሪክ ስናወራና ለእነርሱ አንዴ መናፍቅ አንዴ ምናምን እያልን ስም ስናወጣ እነርሱ ጌታ ይባርካችሁ እያሉ አንገት ደፍተው እየተባዙ አይደል;

ኸረ ለመሆኑ እነዚህ ሰዎች ቁርዐንን ቀድደው ሽንት ቤት ጥለዋል ማለትስ የማን አዕምሮ ይቀበለዋል ; ወንጌላቸውን ይሰብካሉ፡ ጌታን ተቀበል እያሉ በየመንገዱ ይጨቃጨቃሉ፡፡ አዎን፡ ያደርጋሉ፡፡ ግን ቁርዐንን ይቀዳሉ የሚባል ንግግር ለሰሚ ራሱ ይከብዳል፡፡ አክራሪዎች ህዝብን በእነርሱ ላይ ለማነሳሳት ደግሞ የግድ ይህን ዘዴ ተጠቅመዋል፡፡ ታዲያ የእኛ አስተያየት ሰጪዎች ይህንን ዘዴ አጥተውት ነውንዴ ፕሮቴስታንቶቹ ተንኳሾች ናቸው የሚሉƒ<; ምነው በአንድ ወቅት ታቦት ሰርቀዋልስ ተብለው አልነበር እንዴ; ባህርያቸውና ስነምግባራቸው ስለሚታወቅና ኦርቶዶክሱም ወሬውን ስላጣጣለው ነገሩ እንደማያዋጣ ሲያውቁ የኛዎቹ ነገሩን ቶሎ ወደሌላ ቀየሩት እንጂ፡፡ ሚዛናዊ ሰው እኮ ሁሉን ይታዘባል፡፡ ጭፍን ጥላቻ ተገቢ አይደለም፡፡

በ 40 ቀን በ80 ቀን ተጠምቀው ነበር የሚለው አስተያየት ደግሞ እዚህ ውስጥ ምን ዶለው; ቢጠመቁ እነሳ ምን ይፈጠር; ሀዋርያው ጳውሎስ እንደ አይሁድ ህግ ተገርዞ አልነበር; በሁዋላ ክርስቲያን ሲሆን ግን መገረዝን እንደማይጠቅም ያስተማረና በዚህ ጉዳይ ከአንጋፋዎቹ ሀዋርያት ከነጴጥሮስ ሳይቀር አልተጋጨም; ይህ እጅግ የወረደና እውቀት የጎደለው መከራከሪያ ነው፡፡

በጅማው ጥቃት ጊዜ እኛን ደግፈው ድምፅ አላሰሙም የሚለውስ ምን የሚባል ክስ ነው; በያኔው ጥቃት እነርሱ ብዙ አልተጎዱም እንዴ; እስከማውቃቸው ድረስ እንኳን ስለሌላው ስለራሳቸውም መበደል ሲፀልዩ እንጂ በአደባባይ ድምፅ ሲያሰሙ አይቼ አላውቅም፡፡ ትክክል ናቸው አይደሉም ሌላ ጉዳይ ነው፡፡
ስለዚህ እያልኩ ያለሁት ሚዛናዊ እንሁን ነው፡፡ በተገኘው አጋጣሚ ጥላቻችንን እንገልፃለን ብለን ለሌላ እየተጋለጥን ነው፡፡ ኦርቶዶክስ ከሆንክ ለእነርሱ ምን እንዲህ አሟገተህ ካላችሁኝ፡ እነርሱ እንደሚሉት ጌታ ይባርካችሁ እላችሁዋለሁ፡፡

Amos Mekonnen said...

In our sufferings we are blessed to identify clearly who's who. Now, we learn that the liar, thief, murderer and destroyer is the devil, and the devil has take Islam as its base.

One of my biggest complaints about Christians, is that most of us sit silently as Islam advances across the world by stealing, destroying and murdering. Then there are the Islamic excuse makers that verbally attack those that do have the guts to speak out against this threat. We have seen an endless list of Christians doing this, as they are not willing to take a stand for their Christians brothers and sisters, that are suffering under Islamic rule.

As Christians, should we like Satan? NO! Is Satan evil? YES! Can we tell our fellow human beings to go out of the house if we see Satan dwelling in it? YES! So, tell your fellow Ethiopian now that Mohammad (Place Bomb Upon his Head) is a false Prophet and Islam is evil. Tell it now, and every day.

John 10:10 The thief comes only to steal and kill and destroy; I have come that they may have life, and have it to the full.

The devil stole the writings of Judeo-Christianity, claimed the human lineage of Judeo-Christianity as the human lineage of Islam, substituted Ishmael for Isaac, and substituted himself for God.

Islam was specifically designed by the devil to damn the descendants of Ishmael! The devil has used the hatred that the descendants of Ishmael have for the descendants of Isaac, to damn the descendants of Ishmael!

Because the devil is a deceiver, thief, liar, and murderer, the devil could not exercise self control.

Galatians 5:22-23 But the fruit of the Spirit is love, joy, peace, patience, kindness, goodness, faithfulness, gentleness and self-control.

The devil twisted the writings of Judeo-Christianity, and added passages for deceiving, lying, stealing, and murdering; the devil then put forth through Mohammed, this conglomerated cacophony of lies, now known as the Qur'an.

The Devil's plan, is plagiarized from the plan of GOD given to the children of Israel, but with the contrast that the devil, wants the nation of Islam to conquer not only the promised land of Israel, but the entire world, in order to bring forth the ANTICHRIST.

John 8:44 You belong to your father, the devil, and you want to carry out your father's desire. He was a murderer from the beginning, not holding to the truth, for there is no truth in him. When he lies, he speaks his native language, for he is a liar and the father of lies.

While more and more Mohammedans in Arabia and Persia come to Jesus The Christ , 10 million Muslims in Ethiopia who have a unique free-will choice, elect to continue rejecting the Lord Jesus Christ, they go on with their lifeless life sinning, ignoring they have a precious opportunity to learn from their Christian fellows, they by default remain a spiritual child of the devil. Of course, as a spiritual child of the devil, they will not accept, and will not be able to understand the guidance of the Holy Spirit of God.

1 Corinthians 2:14 The man without the Spirit does not accept the things that come from the Spirit of God, for they are foolishness to him, and he cannot understand them, because they are spiritually discerned.

Anonymous said...

@ the third commentor

We believe that every one should go with the will of the almighty so that he could be with us. But do you think that carring all the arrogant actions of these extremeists(non humanitarians) with out any comlain is the expression of faithfulness? I believe praying to God is crucial to solve a problem. But God performs his actions through our activities rather than being calm.

@ the first of march 14/2011 commentor
አንተ(አንቺ)አስተያየት ሰጭ ደግሞ በስሜት ዘለህ የገባህ ይመስላልና ተረጋግተህ ጽሑፎችን አንብብ:: አንደኛ ከዚህ በላይ ደጀ ሰላም ያቀረበችው ጽሑፍ የተላከላት የግለሰቦች መልእክት እንጅ የራሷ አይደለም:: ሁለተኛ በጽሑፉም ቢሆን የተላለፈው መልእክት የደረሰው ጉዳት ሃይማኖት ባላቸውም የሁን በሌላቸው ዘንድ ሊወገዝ የሚገባው ሆኖ ሳለ በኦርቶዶክሳውያን ላይ ሲደርስ ጥቃቱን ለመኮነን ባይደፍሩም እንኳ እኛ ዝም አንልም ተባለ እንጅ እነሱ ስላላደረጉት እኛም አናወግዝም አልተባለም:: በእናንተና በእኛ እምነት መካከል ያለው ልዩነትም ይህ ነው:: ራስዎን ለማወደስ "ሚዛናዊ ነኝ" ማለት አበዙ እንጂ ጽሑፍዎ ሚዛናዊነትን የሳተ ስለመሆኑማ ርዕሰ ጉዳዩን ወደጎን ትተው በ40 እና በ80 ቀን ስለመጠመቅ አስፈላጊነትና አላስፈላጊነት ለማሳመን መሞከርዎ አጥጋቢ ነው:: "ትንኮሳውን ችለው" ለሚሉት ግን ሃይማኖቱ ሳይሆን ስትራቴጅው ግድ ይል ስለነበር የተደረገ አንገት መድፋት ነው:: እስልምናስ ወደዚችው መከረኛ አገር ሲገባ እንዲሁ አልነበር:: ዛሬ እንዲህ በአደባባይ በገጀራ ሊቀረድዱን::


ሆድ ይፍጀው

Anonymous said...

ወንድሜ…

" እንደሚባለው የቁርአ ገጾች ሽንት ቤት ተገኝተው ቢሆን እንኳን ይህንን አሳፋሪ ድርጊት የፈጸመውን ሰው ሥርዓት በሚፈቅደው ሁኔታ በሕግ መጠየቅ ነው እንጂ ሆ! ብሎ ሀገር ማወክ ግን ሕጋዊ አካሄድ አይደለም። " ያልከው ነገር ትንሽ ቆርቆር አድርጋኝ ነው፡፡
እኔ ከዚህ አንጻር ያለኝ አመለካከት ትንሽ ለየት ያለ ነው፡፡ ምን መሰለህ? ቁርአንንም ሆነ መጽሐፍ ቅዱስን ቅዱስ ያስባላቸው በውስጣቸው ያለው ቃል፣ የታተሙበት ቁስ፣ የተጻፉበት ቀለም፣ ጊዜና ቦታ፣ወዘተ… አይደለም፡፡ ቅዱስነታቸው ቅዱስ ናቸው ብሎ ለሚያምንባቸው አማኝ ነው፡፡ ለምሳሌ ለኔ የሂንዱኢዝም አንዱ መጽሐፍ ;ዕጣ ፈለግ; ከተሰኘው የሲድኒ ሼልደን ልቦለድ መጽሐፍ ለይቼ አላየውም፡፡ ስለዚህ መጽሐፉን የማክበር፣ የመሳም፣ በውስጡ ባሉት ትዕዛዛት የመገዛትም ሆነ የመመራት፣ወዘተ… ግዴታ የለብኝም፡፡ ማንም ሰው የቁርአን ወረቀት ለሽንት ቤት ከተመቸው ልክ ሶፍት ቀድዶ እንደሚጠቀመው ሁሉ መጠቀም ይችላል፡፡ በተመሳሳይም ክርስቲያን ያልሆነ ሰው ከመጽሐፍ ቅዱስ አንዱን ገጽ ገንጥሎ ንፍጡን ቢናፈጥበት ወይም መጸዳጃ ቤት ቢጠቀምበት የመ/ቅዱሱ ክብር ወይም በውስጡ ያለው ስህተት የሌለበት የእግዚአብሔር ቃል አይረክስም፡፡ ለማያምንበት መ/ቅዱስም ቢሆን ከሌሎች ረጅም እድሜን ካስቆጠሩ መጽሐፍቶች ውስጥ አንዱ እንጂ እኛ እንደምናምንበት የህይወት መመሪያው ሊሆን አይችልም፡፡
ስለዚህ እነዚህ ሙስሊም ወንድሞቻችን ቁርአን ተቀደደ መጸዳጃ ቤት ተገኘ ምናምን የሚለው ድንፋት በዘመናዊ አስተሳሰብ ቦታ የሌለውና የአጋንንት ትምክህት ነው፡፡
እኔ በበኩሌ አንድ ሰው መ/ቅዱስን መጸዳጃ ቤት ሲጠቀምበት ባገኝ ወደቆሻሻ እየጣለው ያለው ቃል የህይወት ቃል እንደሆነ በስሜታዊነት ሳይሆን ምክንያታዊ ሆኜ ለማሳመን ጥረት አደርጋለሁ፡፡ በተረፈ ግን አሻፈረኝ ካለ መብቱ ነው፡፡ እኔም መብቴ ነው፡፡

መልካም ጊዜ

Anonymous said...

“ … አሁን አሁን እምነታቸው ሰውነታቸውን ያጠፋባቸው፤ በእምነት ኃይል ከሰውነት ወደ መልአክነት ይሸጋገራሉ ሲባሉ ጭራሽ ወደ አውሬነት የወረዱ አካላትን እያየን ነው፡፡ የአውሬን ሥራ ለመሥራት እምነት ምን ያደርጋል) እምነትኮ አውሬነትን አሸንፎ፣ ሰውነትን አልዕሎ መልአክነትን ገንዘብ ለማድረግ ነው፡ ….”
“ … ትናንት በኦርቶዶክሳውያን ላይ፣ ዛሬ ደግሞ በፕሮቴስታንት ወገኖቻችን ላይ ተፈጸመ፡፡ ነገ በሌሎች ላይ ለሦስተኛ ጊዜ እስኪፈጸም መጠበቅ የለብንም፡፡ በኔ አልተፈጸመም፣ እኔንም አይመለከትም ልንልም አንችልም፡፡ ይህ ዓይነቱ ድርጊት በአንድ እምነት ላይ የሚፈጸም ሳይሆን «በሰውነት» ሰው በመሆን ላይ የሚፈጸም ወንጀል ነው፡፡ ሌላው ቀርቶ ይህንን የፈጸሙት ወገኖች እንኳን ይህንኑ አስተሳሰባቸውን በአስተሳሰብ ልዕልና እንዲለውጡ እንጂ በገጀራ እንዲለውጡ ማናችንም አንፈልግም፡፡ …”
ለወንድም ኤርሚያስና ለአስተየየት ሰጨዎች ሁሉ ይህ ከላይ የተጠቀሰዉ ከምናከብረዉና ከምንወደዉ ወንድማችማን ከዲ. ዳንኤል ክብረት ብሎግ የተገኘ ነዉ፡፡ “የጥፋት ሃይማኖት” ና “ሤራ፣ ተንኮል፣ ስለላ፣ ማጭበርበር እና እምነት ምን አገናኛቸው?” በሚል ርዕስ የተጸፉትን ብዙ መልስ ስላለዉ እንድታነቡት እጋብዛችኋለሁ፡፡ www.danielkibret.com

kn said...

@ girum werkineh
ጥላቻ አይደለም። የነሱን ክፉ ሥራ መቃወም ያንተን የስተት መንገድ መደገፍ እንዳይመስልህ ነው። ደግሞ አይዞህ ማንም ኦርቶዶክስ አይልህም ጠማማና ቁንጽል ዕውቀትህ ማንነትህን ይገልጻል። የግዝረትና የጥምቀት፣ የአይሁድና የክርስቲያን ልዩነት ሳይገባህ ጥቅስ ትጠቅሳለህ፣ ኢአማኒውን አልፈህ አማኞችን ከበረት ለማስወጣት በመስኮት የምትገባ ተንክዋሽ መሆንህንም ዘንግተኸዋል። ወደ ቀኝ ይመልስህ!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)