February 25, 2011

በዐውደ ምሕረት ላይ ስሙን በማጥፋት በተሰማሩት ጥቅመኞች እና ይህን ተግባር በሚያበረታቱ አካላት ላይ ቅ/ሲኖዶስ ርምጃ እንዲወስድ ማኅበረ ቅዱሳን ጠየቀ

  • ማኅበሩ በቋሚ ሲኖዶሱ ውሳኔ ማዘኑን ገልጧል::
  • “የሐዋሳ ከተማ ምእመናን ጥያቄ የሃይማኖታዊ መብት ጥያቄ እንጂ የማንም አለመሆኑን ተረድተናል፡፡”
 (ደጀ ሰላም፤ ፌብሩዋሪ 25/2011፤  የካቲት 18/2003 ዓ.ም):-  በኢትዮጵያ ኦርቶዶክስ ተዋሕዶ ቤተ ክርስቲያን የሰንበት ት/ቤቶች ማደራጃ መምሪያ ማኅበረ ቅዱሳን በሲዳማ ጌዲኦ፣ አማሮ እና ቡርጂ ዞኖች እና ልዩ ወረዳዎች ሀገረ ስብከት በሐዋሳ ከተማ ከ2002 ዓ.ም ወዲህ ከተከሠተው የቤተ ክርስቲያን አስተዳደር ችግር ጋራ በተያያዘ እየተደረገበት ያለው የስም ማጥፋት ዘመቻ እንዲቆምለት ጠየቀ፡፡
በከተማው በተፈጠረው ውዝግብ አንዳችም የሚመለከተው ነገር እንደሌለ የገለጸው ማኅበሩ ይሁንና “የግል ጥቅማቸውን ለማሳካት የሚሯሯጡ ግለሰቦች እና የተለያዩ አካላት ከምእመናን ጥያቄ ሲነሣባቸው ጥያቄውን ያነሣው ማንም ይሁን ማን ‹ማኅበረ ቅዱሳኖች ናቸው› በማለት ጉዳዩን ሌላ መልክ ለመስጠት ሲሞክሩ ማየት እየተለመደ መጥቷል” ብሏል፡፡ የዚህም ምክንያቱ፣ “የዋሁን እና ተንኮላቸውን ያልተረዳውን ምእመን በተለያዩ ጥቅሞች በማታለል የማኅበሩ ስም በክፉ አንሥቶ በመወንጀል የጥፋት ድርጊታቸውን ለመሸፈን” እንደሆነ አመልክቷል፡፡

የማኅበሩ ሥራ አመራር ጉባኤ ጽ/ቤት በቁጥር ማቅሥአመ/09/02/ለ/03 በቀን 09/06/03 በአድራሻ ለቅዱስ ሲኖዶስ ጉባኤ ጽ/ቤት በግልባጭ ለሁሉም ሊቃነ ጳጳሳት፣ ለፌዴራል ጉዳዮች ሚኒስቴር፣ ለብሔራዊ መረጃ እና ደኅንነት ቢሮ፣ ለደቡብ ብሔር ብሔረሰቦች እና ሕዝቦች ክልል አስተዳደር ጽ/ቤት፣ ለሲዳማ እና ጌዲኦ አማሮ እና ቡርጂ ዞኖች እና ልዩ ወረዳዎች ሀገረ ስብከት ጽ/ቤት በጻፈው በዚሁ ደብዳቤ፡- በሐዋሳ ከተማ የተበላሸው የቤተ ክርስቲያን አስተዳደር እንዲስተካከል ከአንድ ሺሕ በላይ የሆኑ የምእመናን ተወካዮች አቤቱታቸውን ለቅዱስ ሲኖዶስ አባላት እና ለመንበረ ፓትርያርኩ ጠቅላይ ጽ/ቤት ለማቅረብ ከ2002 ዓ.ም ጀምሮ ወደ አዲስ አበባ ሲመላለሱ መቆየታቸውን አውስቷል፡፡ በዚህም መሠረት በምሥራቅ ሸዋ ሀገረ ስብከት ሊቀ ጳጳስ በብፁዕ አቡነ ጎርጎርዮስ የተመራ አጣሪ ልኡክ ወደ ሀገረ ስብከቱ ማምራቱን ተከትሎ በጥቅምት ወር የተካሄደው የቅዱስ ሲኖዶስ ምልአተ ጉባኤ የቀድሞውን የሀገረ ስብከቱን ሊቀ ጳጳስ እና ሥራ አስኪያጁን በማንሣት አስተዳደራዊ ለውጥ በመደረጉ ችግሩ ይቀረፋል የሚል እምነት ተይዞ መቆየቱን ጠቅሷል፡፡

ይሁንና ከቅዱስ ሲኖዶስ ውሳኔ በኋላ ከችግሩ ጋራ በተያያዘ የግል ጥቅማቸውን ለማሳካት የሚሯሯጡ ግለሰቦች እና የተለያዩ አካላት በማኅበሩ ላይ ሲያደርጉ የቆዩትን የስም ማጥፋት ዘመቻ በስፋት በመቀጠል ወጣቶችን በስሜታዊነት በመቀስቀስ እና ገንዘብ እየከፈሉ በጥቅም በማነሣሣት ወደ መንበረ ፓትርያርኩ በማሰለፍ ብዙዎችን ለማሳሳት መሞከራቸውን አስረድቷል፡፡ ከዚህ የተነሣ የቅዱስ ሲኖዶስ ጽ/ቤት ኅዳር ሰባት ቀን 2003 ዓ.ም በቁ/59/51/2003 ለደቡብ ብሔር ብሔረሰቦች እና ሕዝቦች ክልል አስተዳደር ጽ/ቤት፣ የካቲት ሁለት ቀን 2003 ዓ.ም በቁ/92/54/2003 ለሲዳማ ጌዲኦ፣ አማሮ እና ቡርጂ ዞኖች እና ልዩ ወረዳዎች ሀገረ ስብከት ጽ/ቤት በጻፋቸው ደብዳቤዎች ማኅበረ ቅዱሳን የችግሩ አካል እንደሆነ ተደርጎ መጠቀሱ እንዳሳዘነው የማኅበሩ ሥራ አመራር ጉባኤ ጽ/ቤት ገልጧል፡፡

ማኅበረ ቅዱሳን ቤተ ክርስቲያንን ለማገልገል ከቅዱስ ሲኖዶስ ፈቃድ ያገኘ በመሆኑ ጥያቄ እንኳ ቢኖር የቤተ ክርስቲያኒቱን መዋቅር ጠብቆ ለሚመለከተው አካል በሕጋዊ መንገድ ጥያቄውን የሚያቀርብ መሆኑን ባለፉት 18 ዓመታት አገልግሎቱ ያስመሰከረ ከመሆኑ አኳያ በሐዋሳ በተከሠተው ችግር “አንዳችም የሚመለከተው ነገር እንደሌለ” ጥር 25 ቀን 2003 ዓ.ም ፓትርያርኩ ዘንድ በአካል ቀርቦ በቃል ለማስረዳት መሞከሩን አሳውቋል፡፡ በወቅቱም የጥፋት ድርጊታቸውን ለመሸፈን ማኅበሩን በማይመለከተው ነገር እየወነጀሉ ከሚገኙት አካላት ጋራ ፊት ለፊት መነጋገር መፍትሔ ይሆን ከሆነ ፓትርያርኩ ይህንኑ እንዲያደርጉ ጠቁሞ እንደነበር ደብዳቤው ይገልጻል፡፡

ከሃያ በላይ የሐዋሳ የአገር ሽማግሌዎች ጥር 30 ቀን 2003 ዓ.ም ወደ መንበረ ፓትርያርክ ጠቅላይ ጽ/ቤት በመምጣት ለፓትርያርኩ ካቀረቧቸው ጥያቄዎች ጉዳዩ “የምእመናኑ የሃይማኖት መብት ጥያቄ እንጂ የሌላ የማንም አለመሆኑን” መረዳቱን ያመለክታል -  የማኅበሩ ደብዳቤ፡፡ ይሁን እንጂ በተለይም ከየካቲት ሦስት ቀን 2003 ዓ.ም ጀምሮ [ቋሚ ሲኖዶሱ በፓትርያርኩ ጫና በሐዋሳ የማኅበረ ቅዱሳን ማእከልን ከ”ተስፋ ኪዳነ ምሕረት የልማት እና ፀረ ኤድስ ማኅበር” ጋራ በማዳበል በሀገረ ስብከቱ ለተከሠተው ችግር በምክንያትነት ፈርጆ በቤተ ክርስቲያን አስተዳደር ጣልቃ እንዳይገባ እና በቤተ ክርስቲያኒቱ መድረክ እንዳያስተምር መወሰኑን የካቲት ሁለት ቀን 2003 ዓ.ም በወሰነ ማግሥት] በማኅበሩ ላይ ያልተደረገው እንደተደረገ በማስመሰል በሐዋሳ ደብረ ምሕረት ቅዱስ ገብርኤል ገዳም ዐውደ ምሕረት ላይ ሕገ ወጦቹ በሚፈጽሙት ተግባር ቤተ ክርስቲያንን የውንብድና ዋሻ እያደረጓት እንደሚገኙ ደብዳቤው አስታውቋል፡፡ ይህም “ማኅበረ ቅዱሳንን ብቻ ሳይሆን ቅዱስ ሲኖዶስን መዳፈር እና ማንአለበኝነት ሆኖ አግኝተነዋል” ብሏል፡፡

በመሆኑም ቅዱስ ሲኖዶስ ጉዳዩን ከመሠረቱ በማጥናት ለችግሩ ዘላቂ መፍትሔ እንዲሰጥ ያሳሰበው የማኅበረ ቅዱሳን ሥራ አመራር ጉባኤ ጽ/ቤት፣ የማኅበሩን ስም በቤተ ክርስቲያን ዐውደ ምሕረት በአደባባይ በማጥፋት ላይ የተሰማሩትን እና ይህንንም ተግባር እያበረታቱ በሚገኙት አካላት ላይ ቅዱስ ሲኖዶስ ተገቢውን ርምጃ ይወስድ ዘንድ ጠይቋል፡፡

ግንቦት ሁለት ቀን 1984 ዓ.ም በቤተ ክርስቲያን አባቶች እና በቅዱስ ሲኖዶስ ዕውቅና አግኝቶ አገልግሎቱን በሰንበት ት/ቤቶች ማደራጃ መምሪያ ሥር በይፋ የወጠነው ማኅበረ ቅዱሳን፡- በ1985 ዓ.ም ለመጀመሪያ ጊዜ በሥራ ላይ በዋለውና ሐምሌ 10 ቀን 1994 ዓ.ም ለሦስተኛ ጊዜ ተሻሽሎ በቅዱስ ሲኖዶስ ምልአተ ጉባኤ በጸደቀለት መተዳደሪያ ደንቡ፣ ባለንበት ዘመን በተለያየ ሽፋን የሚካሄደውን የሃይማኖት ወረራ በተቀናጀ መንገድ ለመከላከል ሃይማኖቱን የሚጠብቅ፣ ቤተ ክርስቲያኒቱን የሚከባከብ እና አገሩን የሚወድ ብቁ ዜጋ ለማፍራት በመንፈሳዊው እና በዘመኑ ትምህርት የበሰለው የኅብረተሰብ ክፍል በቤተ ክርስቲያኒቱ መዋቅር ሥር ሆኖ የሚጠበቅበትን አስተዋፅኦ ሥርዐት ባለው መንገድ እንዲያበረክት የማዘጋጀት ሐላፊነት ተጥሎበታል፡፡

ማኅበሩ ላለፉት 18 ዓመታት የኢትዮጵያ ኦርቶዶክስ ተዋሕዶ ቤተ ክርስቲያን እምነት፣ ሥርዐት፣ ትውፊት እና ታሪክ ተጠብቆ እንዲቆይ፣ ሐዋርያዊ ተልእኮዋ እንዲሳካ እና መንፈሳዊ አገልግሎቷ ተጠናክሮ እንዲቀጥል በሀገር ውስጥ እና በውጭ ስብከተ ወንጌልን በማስፋፋት፣ ቅዱሳት መካናትን እና የአብነት ት/ቤቶችን በጉልበቱ፣ በሞያው እና በገንዘቡ በመርዳት አገልግሎቱን በማከናወን ላይ ይገኛል፡፡

ማኅበረ ቅዱሳን ከዋናው ማእከሉ ጀምሮ በየደረጃው የሚገኙ አባላቱ የሰንበት ት/ቤት እና ወይም የሰበካ ጉባኤ አባል በመሆን የቤተ ክርስቲያኒቱን መብት እና ጥቅም ለማስጠበቅ ከሚመለከታቸው የቤተ ክርስቲያኒቱ አካላት ጋራ የመቆም፣ ወቅቱ በሚፈቅደው ሁኔታ በቂ ዝግጅት አድርጎ ትምህርተ ወንጌልን ለሁሉም የማዳረስ እና ወጣት ሰባክያንን የማበረታታት፣ ሰንበት ት/ቤቶችን የማቋቋም እና የማጠናከር ግዴታ ሲኖርባቸው የኢትዮጵያ ኦርቶዶክስ ተዋሕዶ ቤተ ክርስቲያን በምትመራው መንፈሳዊ እና ማኅበራዊ አገልግሎት የመሳተፍ መብት ደግሞ አላቸው /የማኅበሩ መተዳደሪያ ደንብ አንቀጽ አራት፤ አንቀጽ ሰባት ንኡስ አንቀጽ አንድ እና ሁለት/፡፡ በመተዳደሪያ ደንቡ አንቀጽ አምስት መሠረት ማኅበሩ ምንም ዐይነት ጣልቃ ገብነት እንደማይኖረው የተገለጸው በፖሊቲካዊ እንቅስቃሴዎች ውስጥ ብቻ ነው፡፡

በቅዱስ ሲኖዶስ ምልአተ ጉባኤ ከጸደቀለት መተዳደሪያ ደንብ አኳያ የማኅበሩ የሐዋሳ ማእከል በቤተ ክርስቲያኒቱ መድረክ እንዳያስተምር እንዲሁም አባላቱ “እንደማንኛውም ምእመን መንፈሳዊ አገልግሎት ከሚያገኙ በቀር በቤተ ክርስቲያን አስተዳደር ጣልቃ እንዳይገባ” በሚል መወሰኑ አግባብነት ያለው መስሎ አይታይም፡፡ በሌላ በኩል መንፈሳዊ እና ማኅበራዊ አገልግሎት የሚሰጠውን ማኅበር ከቤተ ክርስቲያኒቱ ውጭ ባገኘው ፈቃድ የፕሮቴስታንታዊ-ተሐድሶ-ኑፋቄ መሣሪያ በመሆን እያወከ እና ጥቅሙን እያሳደደ ከሚገኝ ማኅበር ጋራ ማስተካከል በተወሰነ ገጽታውም ማሳነስ ፍትሐዊነት የጎደለው ነው፡፡ ማኅበረ ቅዱሳን ከጠቅላይ ቤተ ክህነቱ አካላት ጋራ የሚያደርገውን ግንኙነት የማመቻቸት፣ የሚገጥሙት ዕንቅፋቶች እንዲወገዱ አግባብነት ያለው ትብብር እና ድጋፍ የማድረግ ሐላፊነት ያለበት የሰንበት ት/ቤቶች ማደራጃ መምሪያ እስከ አሁን በጉዳዩ ላይ ያለው ነገር የለም/መተዳደሪያ ደንብ አንቀጽ ዘጠኝ ንኡስ አንቀጽ 5 - 7/፡፡

አንዳንድ የጉዳዩ ታዛቢዎች በሀገረ ስብከቱ በተለይም በሐዋሳ ደብረ ምሕረት ቅዱስ ገብርኤል ገዳም ዐውደ ምሕረቱን በኀይል በመቆጣጠር ሁከት እየፈጠረ ያለው “የተስፋ ኪዳነ ምሕረት የልማት እና ፀረ ኤድስ ማኅበር” ስለሆነ የቋሚ ሲኖዶሱ ውሳኔ ቦታ እንዲያጣ ያደርገዋል፤ ማኅበረ ቅዱሳን በዐውደ ምሕረቱ መከልከሉ አሳዛኝ ቢሆንም በሌሎች መንገዶች የስብከተ ወንጌል እንቅስቃሴውን ማካሄድ ስለሚችል ውሳኔው ፈሊጣዊ እንደሆነ ያስረዳሉ፡፡ ይሁንና ውሳኔው ጠንካራ እንቅስቃሴ በማድረግ ላይ ያሉትን የሀገረ ስብከቱን ሥራ አስኪያጅ መነሣት ጭምር ያስከተለ በመሆኑ ከረጅም ጊዜ እይታ አኳያ የሀገረ ስብከቱን አስተዳደር እና የስብከተ ወንጌሉን እንቅሰቃሴ በማዳከም የሐዋሳው የፕሮቴስታንታዊ-ተሐድሶ-ኑፋቄ አንጃ ምእመናን በማስመረር ከቤተ ክርስቲያን ለማስወጣት ምስነቱ ምቹ ሁኔታ ሊፈጥር እንደሚችል በመስጋት ለውሳኔው አርምሞን መምረጥ እንደማይገባ ያስረዳሉ፡፡

ከሁሉ አስቀድሞ ጥያቄው የምእመናኑ የራሳቸው ሆኖ ሳለ ችግሩ በማኅበረ ቅዱሳን እና በ”ተስፋ ኪዳነ ምሕረት የልማት እና ፀረ ኤድስ ማኅበር” መካከል እንደሆነ ማስመሰል ጥቅም አሳዳጆቹን እና የተሐድሶ ኑፋቄ መሣሪያዎቹን ለመቋቋም የሚያደርጉትን እንቅስቃሴ ለማኮላሸት የታቀደ መሆኑን የሚገልጹት የሐዋሳ ምእመናን በበኩላቸው፣ ውሳኔው በቤተ ክርስቲያኒቱ ከፍተኛ አመራር አካል - በቋሚ ሲኖዶሱ የተላለፈ በመሆኑ ተቀብለው በሂደት ስሕተቱ እንዲታረም ጥረታቸውን እንደሚቀጥሉ ይናገራሉ፡፡

የሐዋሳ ደብረ ምሕረት ቅዱስ ገብርኤል ገዳም የልማት ኮሚቴ አባላት የሆኑ ምእመናን “የመጨረሻ ጊዜ አቤቱታ” በሚል ርእስ የካቲት ስድስት ቀን 2003 ዓ.ም ለፓትርያርክ አቡነ ጳውሎስ በጻፉት ደብዳቤ፣ እነርሱ ለስድስት ወራት ወደ መንበረ ፓትርያርኩ ጠቅላይ ጽ/ቤት በመመላለስ ጥያቄያቸውን ለቅዱስ ሲኖዶስ እንዲያቀርቡላቸው ሲማፀኗቸው ቆይተው ሳለ የእነርሱን ጥያቄ ወደ ጎን በመግፋት እና የቋሚ ሲኖዶሱን አባላት በመጫን በሌላው ወገን የቀረበው አቤቱታ ብቻ በቃለ ጉባኤው ተይዞ ለሀገረ ስብከቱ ጽ/ቤት የተላለፈው ውሳኔ ተገቢ አለመሆኑን ገልጸዋል፡፡ ብፁዕ ወቅዱስ ፓትርያርኩ ከአባታዊ ሐላፊነታቸው እየወጡ በመሆናቸው እግዚአብሔር እንደሚወቅሳቸው እና እንደሚፋረዳቸው ያመለከተው የምእመናኑ ደብዳቤ፣ ከዚህ በኋላ ወደ እርሳቸው ከመሄድ ይልቅ አቤቱታቸውን እና የተሸሸጉባቸውን ማስረጃዎች ከእርሳቸው በላይ ላለው አካል እንደሚያቀርቡ አስጠንቅቀዋል፡፡

አስተያየታቸውን ለደጀ ሰላም የሰጡ ምእመናን የካቲት ዘጠኝ ቀን 2003 ዓ.ም በደ/ብ/ብ/ሕ ክልል ርእሰ መስተዳድር አቶ ሽፈራው ሽጉጤ ቢሮ ከተካሄደው ውይይት ወዲህ የደብረ ምሕረት ቅዱስ ገብርኤል ገዳም ዐውደ ምሕረት አንጻራዊ ሰላም የሰፈነበት ቢሆንም ከጎጠኝነት ጋራ የተያያዙ አካሄዶች እየጎሉ መምጣቸውን ይገልጻሉ፡፡ እውነተኛ ማንነታቸው የተጋለጠባቸው ጎጠኝነትን የመጨረሻ ምሽግ አድርገውታል፡፡ ባለፈው እሑድ የካቲት 13 ቀን 2003 ዓ.ም የሀገረ ስብከቱ ሊቀ ጳጳስ ብፁዕ አቡነ ገብርኤል ከቅዳሴ በኋላ ለማስተማር ወደ ዐውደ ምሕረቱ ቢወጡም ጥቂት ወጣቶች ያለማቋረጥ በመጮኽ እና ጥቁር ጨርቅ በማውለብለብ አጸያፊ ንግግሮችን እየተናገሩ የትምህርተ ወንጌሉን መርሐ ግብር ማስተጓጎላቸው ተዘግቧል፡፡ ሁሉንም እዚህ ላይ ለመናገር ተገቢ ባይሆንም ሊቀ ጳጳሱን “ምን ሊሠሩ እዚህ መጡ፤ ታግደው የለም ወይ? ደ'ሞ አንተ ከየትኛው ሲኖዶስ ነህ?” የሚሉ ንግግሮች እንደሚገኙባቸው የዐይን እማኞች ገልጸዋል፡፡


ብፁዕ አቡነ ገብርኤል በበኩላቸው፣ “እናንተ ወደዚህ አላካችሁኝም፤ የላከኝ ቅዱስ ሲኖዶስ ነው፣ የሚያነሣኝም ቅዱስ ሲኖዶስ ነው፤ እኔ በመሄዴ ብጠቀምም ለእናንተ ግን ሰላም አይመጣም፤. . . ምእመናን ሆይ፣ እነዚህ ልጆች ናቸው፤ ጸልዩላቸው” በማለት ለብዙኀኑ ምእመን አባታዊ ምክር ሰጥተዋል፡፡ ከጥንቱም የኦርቶዶክስ ተዋሕዶ ሃይማኖት ተከታዮች መሆናቸው በሚያጠራጥረው በእኒህ ጋጠ ወጦች አነጋገር በርካታ ምእመናን አዝነዋል፤ ብፁዕነታቸውን አጅበውም እስከ መንበረ ጵጵስናቸው አድርሰዋቸዋል፡፡

76 comments:

Anonymous said...

I have nothing to say, just pray and get organized. The fight is not with individuals but with organized evil group!!

Anonymous said...

Abetu Egzihabher hoy mihretehen lebtekirstian aweredelat!

Anonymous said...

dear mk I don't belive that this decision can not stop your spritual activites . because I expect that you understand the work of our church enemies. I think our fathers will undrestand in the soon future . please let us pray and do our work.
the others are done by the God. I don't know the reason behaied our father abune paulos ,why they become late.
DH from hawassa.

Anonymous said...

Are we accusing the synod? No!
It is his responsiblity to block every righteous and sinner persons untill he get a concrete evidence which can verify the crime maker.

Therefore, it is not good murmuring up on the Synod and the patriarch.
Let's purchaise patience rather than hurry up in an emotional line.

Anonymous said...

ወይ ጉድ! ማህበረ ቅዱሳን ደግሞ ስሜ ጠፋ ማለት ጀመረ? የእጁን እኮ ነው እያገኘ ያለው። እንደሱ ስም አጥፉ አለ? ያውም እልም ባለ ውሸት! ቀልደኞች ናቸው።

Anonymous said...

እግዚአብሔር ለመልካም ፍጻሜ ያድርሰዉ!

Ze-Nazareth said...

Gira Yemiyagaba new. Are these guys becoming mindless? What is there objective? God forgive them.Nothing to say. They will see the hands of God in the near future.

Anonymous said...

Chigrun mababas enji mahibere kidusa bselam mefitat atcholum enate ketelachut enditefa enji nisiha gebito endimeles atiferligum esti ye bete kiristiyan amilak libuna yisitachiu

Anonymous said...

negeru ahun lileyilet new Igziabher yirdan

Anonymous said...

Dear brothers this is not a latest problem for MK history: I don't believe that this decision cannot stop your spiritual activities. Furthermore I expect that you understand this organized our church enemies. I think our fathers will understand in the soon future. Please let us pray and do your work.

Anonymous said...

Peace of God
Dear Dejeselamawian, I have sent you a letter under the title ”It is in our own hands.” But you didn’t post it. I don’t know why. I read and reread it but I couldn’t find any thing outside the word of God. I don’t understand what censorship criteria you use out side the word of God. I am writing this note not with the hope that you will post it but at least the message will reach to who ever censors it. It is about the peace of God.
The peace of God Almighty is the most important thing that we all need in our life. Our Lord Jesus Christ when talking about this Peace he said in John 14:27 Peace I leave with you. My peace I give to you; not as the world gives, give I to you. Don’t let your heart be troubled, neither let it be fearful. From this verse we learn that the Peace that God gives us is quite different from the peace that we get from the world. But how is God’s peace different? Peace of the world is not long lasting. In other words it is temporary and not real peace. As we all know we live in a world where nothing can be taken for granted. Our circumstances change very rapidly. Since the peace we get from the world is dependant up on our situations and circumstances, it is surrounded by worrisome and vanishs rapidly. But no one can take away the Peace that we received from God. Regardless of our situation or circumstances, the peace of the Lord will always stay with us. However, to maintain this peace we have to surrender our selves to the Prince of Peace who is Lord Jesus. As He taught us in John 16:33 by saying- These things I have spoken unto you, that in me ye might have peace. In the world ye shall have tribulation: but be of good cheer; I have overcome the world. In this verse he said…that in me ye might have peace…This means that we have to be in Him to get the peace that he promised us. Being in him means to repent from all our sins, turnaround from our ways and prayerfully submit all our wills to God. We have to start living for Christ by carrying His cross. Our Christianity shouldn’t be limited to when we are in the church. Our Christianity should be our way of life 24-7. Otherwise we will only be religious people but not Christians in its true sense. This peace of God stays with us as long as we are obedient to God. That is, as long as we are in Christ prayerfully. When we move against God’s will, it will be taken away from us until we repent from our sins. Some of us tend to point to others to be responsible for losing our peace. But the fact of the matter is no one can be responsible but us. That is, when we fail to obey God. Since it is God given peace so no one can take it away from us. The number one people whom we accuse for losing our peace are those who do bad things to us. But that is not the case. If we know how to handle it according to the will of God. Love is the greatest instrument that can help us maintain God’s peace with us. As our Lord said Love your enemies. How did Jesus or His disciples reacted to the people who did bad to them? If we are children of God we need to follow their examples. If we reacted in other ways by listening to our flesh, then God’s Peace will not stay with us. Because, that is not how God wants us to respond to this kind of situation? The bottom line is just BE IN CHRIST and God will give you the peace that He promised. God Bless us all!!!

Anonymous said...

I know this is temptation from ......on the beginning of the big fasting seaseon .this will be disappear ........

ssbb23 said...

ችግር ያለበት ሰዉ ምንግዜም ማህበሩን(mk) ይጠላል።

anteneh said...

YEGZIABHER SELAM KEHULACHEN GAR YEHUN.AMEN!!!!

Anonymous said...

why Awasan christins ask God intead of Ethiopian orthodox church synod. shame on Abba pauls . you ignore the voice your sheep.

Anonymous said...

የገረመኝን ነገር ለመግለጽ እሞክራለሁ። ጠንካራውን ሥራ አስኪያጅ በማንሳት በምትኩ የኤድስ ማህበር....እንዲፈነጭበት ማለት ምን ማለት ነው? ሥራ አስኪያጁን የመደበው አካል ሰነፍ ይሁን ጠንካራ ባሰበውና በፈቀደው ጊዜ ሊቀይረው ይችላል። የበለጠ ጠንካራ ወይም ሰነፍ ቢመጣ የሚሆነውን በተስፋ ከመጠበቅ በቀር ማኅበረ ቅዱሳንን ማን ደረጃ መዳቢ አደረገው? ይልቅ ይሄ ሥራ አስኪያጅ ለኔ ሥራ ተስማምቶኝ ነበረ፤ ግን ነቀሉብኝ ማለት አይቀልም? ማኅበረ ቅዱሳን በአዋሳው ጉዳይ እጁ እንዳለበት እራሱ ይመሰከራል። የኪዳነ ምኅረትና የኤድሱን ማኅበር አያሰየኝ በሚል መልኩ በጽሁፍ ጥሩ አድርጎ ማብጠልጠሉ የጤንነት አይደለም።የተጠቀሱት ማኅበሮች ጠንቆች ናቸው ካለ በመረጃና በማስረጃ ያጋልጥ፤ይከራከር። ይህ ተደረገ፤ ይህ ሆነ ብሎ ሲያበቃ እኔ በቦታው የለሁም፤ አላውቅም ማለት ምን ማለት ነው? ለቤተክርስቲያኒቱ ፈጥኖ ደራሽ እኔ ነኝ፤ ሁሉን ልፍጨው፤ ላቡካው፤ልጋግረው ማለት ይመስላል ከወዲያ ወዲህ የተማታው ነገር ሲመዘን። በየትኛውም አቅጣጫ ሲታይ ሁሉም ለራሱ እንደሚያዋጣው አድርጎ እየተንቀሳቀሰ እንጂ ከቤተክርስቲያኒቱ ወቅታዊ ተግዳሮት ጋር ለመጋፈጥ የሚፈልግ አንድም አካል ዛሬ የለም። ልቡና ይስጠን!!አሜን!!!

Anonymous said...

ዓብይ ፆም መጥቷል፡፡ የተዋህዶ ልጆች ሆይ አብዝተን እንጸልይ፡፡ እግዚአብሔር ይረዳናል፡፡

Anonymous said...

ነፋስ ነፈሰ፤ጎርፍም ጎረፈ፤ ቤተክርስቲያንን ግን ሊያጠፋት አይችልም፡፡ መናፍቃን በአዋሳ ዙሪያ ቤተክርስቲያንን ሊያጠቁ እንደተነሱ ግልጽ ነው፡፡ ማኅበረቅዱሳን ለቤተክርስቲያን የቆመ፣ ጥቅምና ሥልጣን የማይሻ መሆኑም እሙን ነው፡፡ የጸረኤድስ ማኅበሩ ኑፋቄ ያለበት መሆኑን ማወቅ የፈለገ፣ የማኅበሩ ሊቀመንበር ለሪፖርተር የሰጠውን ቃለምልልስ ደጋግሞ ያንብብ፡፡ መናፍቅ ድሮም ነበር፤ዛሬም አለ፤ ነገም ይኖራል፡፡ ጌታ አባቴ ያልተከለው እርሱ ይነቀላል ብሏል፡፡ እነበጋሻው ስብከትን ብር ማግኛ ስላደረጉት ማኅበረቅዱሳንን ይወነጅላሉ፡፡ ፓትርያርኩን መጽሐፍ ጽፈው እንዳልሰደቡ፣ ለጥቅማቸው ሲሉ የፓትርያርኩ ወዳጅ መስለው ማኅበሩን ያጠቃሉ፡፡ መጨረሻቸው ከተሃድሶ አራማጆች ጋረ መቀላቀል ነው፤ጊዜ የሚጠብቁትም የገንዘብ ምንጫቸው እስኪደርቅ ነው፡፡ ነገ የመናፍቃን ሰባኪ ሆነው ታገኟቸዋላችሁ፡፡ ቤተክርስቲያንን ግን የገሃነም ደጆች አይችሏትም፡፡ ይህ ስም ማጥፋት ሳይሆን ሃቅ ነው፡፡ ጆሮ ያለው ይስማ፡፡

Anonymous said...

For every body. To criticize or appreciate first please try to understand the issue thoroughly.When I see from your comments some simply condemns Mk & the others blame Mk.Due to this the main issue is blocked. Hawassa's issue isnot neither Mk's nor 'Tesfa Kidanemiheret'.Majorly it was an administrative issue. On the process groups of Dn yared lead by Ejgayehu try to spoil the question. Due to this division on the followers happen. As being member of the church some Mk members & 'Tesfa k.'members join the divisions. What was there criteria to join there divisions should be studied. Personally I'm seeing many things, I will explain later.
Any please try to see from this angle... to be continued

Anonymous said...

ማኅበረ ቅዱሳንን ከመሰረቱ ለምናውቀው ሁሉ ስሙ በበጎም በክፉም ሲነሳ ቀድሞ የሚገባን ነገር አለ፡፡
ማኅበሩን በማወቅም ባለማወቅም የሚዘልፉ ለምን እንደሆነ የሚገባን ነገር አለ፡፡ ከ ሐይማኖተ አበው እስከ ተሃድሶ ከተሃድሶ እስከ ተስፋ ...... ፀረ-ኤድስ ማህበር ያለውን ነገር በደንብ ይገባናል፡፡ ነገር ግን
1. የማኅበሩን መመስረት ሳያዩ ያረፉት አቡነ ጎርጎርዮስ የቀድሞው እና የአሁኑ አቡነ ጎርጎርዮስ የአመለካከት ተቃርኖ ያስተዛዝባል፡፡ (መናፍቅ በቅዱስ ገብርኤል አውደምህረት ሲጨፍር በአይናቸው እያዩ የሁለት ማህበር ግጭት ነው ሲሉን ለአዋሳ ምዕመናን ስለ አጣሪው ልዑክ የሆነ ነገር ገባን ፡፡) በርግጥ አቡነ ጎርጎርዮስ ያኔ ቅዳሜ ጠዋት ያዩት የተዋህዶን ስሜት የት ነበር? አውደምህረቱ ላይ ሲጨፍር የነበረውን ተስፋ ...... ፀረ-ኤድስ ማህበር ወይንስ እርስዎ ሲናገሩበት የነበረው ቦታ ላይ እግዚኦ ማህረነ ክርስቶስ ሲል ነበረው ምዕመን?
2. ሲኖዶስ ቀድሞውኑ ይህን ማኅበር የፖለቲካ ድርጅት ነው ብሎ በኢትዮጵያ ቴሌቪዥን ነግሮን አይደል፡፡ በርግጥ ለዚህች ተዋህዶ ደንታ ያለው አባት ስንትይሆን? ሲፈልግ ቁማርተኛ እያለ የሚሳደብ ሲያሻው ሀውልት ሰርቶ የሚተረቅ መናፈቅ በጉያው የደበቀ አካል ማህበሩን ቢኮንን አይገርመንም፡፡
3. ማኀበረ ቅዱሳን ለማስተማር አውደምህረት እንደማስፈልገው ብትገነዘቡ ኖሮ ይህንን ውሳኔ አትወስኑም ነበር፡፡ ተግባር ከቃላት ይበልጣልና፡፡ የአብነት ት/ቤት ከመስራትና ሓውልት ከማቆም የቱ ሚዛን እንደሚደፋ ቅን ልቡና ያለው ያውቀዋል፡፡

mesfin gashaw said...

hulunem geze yegeletewal befeker honen lemenachenen le egziabher enakereb mk beretu ayzuachehu werk be esat mefetenu aykerem tewahedom tesenalech tehadesowechem yewaredalu kene degafiwochachew
egna zem belen befeker honen entseley

Anonymous said...

Dear MK,
I know u are doing ur best(despite very poor)in Gospel preaching services for the educated (asquala)part of the believers. But still you are not fully equipped with spiritual guns (word of God, spirituality). Christianity is above what we talk. So i hope u can understand me and judge on urself on how true spiritual you are. Here i don't mean i am comparing you with other mahberat. I can see here that your speech is more social and political (indirect and playing on words) than spiritual. The people of God were well known by their direct and clear speech because it was said that other people know them as unlearned.
ጴጥሮስና ዮሐንስም በግልጥ እንደ ተናገሩ ባዩ ጊዜ፥ መጽሐፍን የማያውቁና ያልተማሩ ሰዎች እንደ ሆኑ አስተውለው አደነቁ፥ ከኢየሱስም ጋር እንደ ነበሩ አወቁአቸው፤ Acts 4:13
I wish i would see brothers in MK (members) represent the Church practically and could be known by their speech that they will be telling one thing only, the truth of God not the talk that seams spiritual. So MK, be brave first on teaching your members based on what is given to you by the Church Synode.
Another thing is i can see some relatively peaceful gap if both of u are prohibited from the stage. It is good time for the godly man so that the truth might be revealed. I hope it is MK's aim that Gospel Preachers be sent from the Church (i think in Aba Hailemariam's responsibility--if i am right?) to Hawassa instead of both mahiberats.
And finally, i want to say that we are in the end times. So we all are under many temptations: not only people whom we condemn but we ourselves. If every one of ours would be true Christians, the Church would be in peace. Some times i say some unusual things (differences)seen in our Church Synode is only the reflections of our spiritual failures and lack of love and agreement in Marriages in the Christian society.
So now it is the time for fasting and prayer. This Hudade tsome is the time when the diobolic wars are defeated. And you true Tewahedo children pray and fast for your spirituality and your Church peace.
May God be with us. Amen::

Anonymous said...

The person who mentioned about the interview on Ethiopian reporter please post the link here b/c i couldn't find it, please.

Anonymous said...

Mk, We know about ur service for EOTC especially in Universities,"Abnet Timhirt and Gedamat". But the oppostion is from Tehadso(am Sure), they want to divide the people and go to protestant or Pagan. Egziabher gin Hulunm yawkal" now God is looking on Us all about we are talking, writing and speaking" and he knows all about who is the true,who stand on the behalf of the cherch, builded by the blood of God. MK be strong and Organized on ur service and u will be the winner at the end by using the large Material of the church called "TSOME TSELOT"
Be God with all of us. Amen!!

Anonymous said...

የተዋህዶ ልጆች ሆይ አብዝተን እንጸልይ ዓብይ ፆም መጥቷል፡፡ ፡፡

Anonymous said...

እዉነትና ንጋት እያደር ይጠራል። እውነት ሰማያዊት እየሩስአሌምን ለመውረስ ነው ይህ ሁሉ ሩጫ? እግዚዘብሔር ሁላችንንም ወደ ልቦናችን ይመልሰን። አይቀርም ለእኛንዳንዱ እንደ ስራው ይከፍለዋል።

me said...

Ehhh! i am always feeling down when i read dejeselam, but what can they do? everything around is evil soooo wicked ...Egzioo meharene Kirstos

Anonymous said...

@Anonymous 22,
Aye America hizbun gedelechiw eko, andande ye america kiristina yigermegnal "adis amagn ke papas yibeltal" endilu. but let me tell you something, Mk is like beyond your mind i know and i understand what you are talking about but my brother/sister you missed some critical point somewhere. Mk members loaded like thousands of mega byites they know what should they do, i don;t mean that rightouseness is by knowledge but what they are doing is not to show for somebody "mitsiwatachihun be sewoch fit atadirgu" endetebalew....if they have to pray they pray but not in a possition that people saw or heard them and then being appriciated like the fools.
Yigermal Do you remember saint paul? he was preaching everybody based on his understanding and his background. You can even see the Lord Juses his way of teaching for the samiritans and the judas was different and that is what Mk is doing right now, wodaje "nibab yigedlal tirgum gin yadinal" try to understand things just positively. I was just wondering what you saied, what does sprituality mean?/ repentance,pertaking the wholly comminun? right? and Mk members doing this not only now but during bad times where participating on those things was considerd as if you are backward......ere sintu yiworal....

me said...

Sorry in the above note it is for anonymous 22 which starts by
"Dear Mk
I know u are doing ur best(despite very poor)"...bla bla bla

tsige said...

eski yihun.begna zemen yihe hone.but the good thing is god is always with us and we have to pray all the time.i know nothing is happen our church because we have the right orthodox tewahedo relegion and MK bertu bizu neger litibalu tichilalachihu.seyitan madireg yemifeligew mejemerya enaniten ke betekrstiyan tesfa kortachihu hulun neger endtitewut new.gin egziyabher abune gorgoriyos enanten siyasebasibuwachihu mkniyat alew hulun neger chalut hulum lebego newna yemihonew degmo amLak hulgize kenante gar new ayizowachihu.abetu amlake birtat ena sinatun siten.bebete krstiyanachin lay yetenesutn telatoch angetachewn asidefiteh asafireh aswetalin yisiten ketiwild yeterekebinatin eminet lemechiw tiwlid beselam endinasirekib ESU yirdan yekidusan amilak ante atileyen emebete maryam hoy anchi anchi kelijish amaljin atleyin amen...

Anonymous said...

የማህበሩን ፍሬ የማያውቁ አድርገውት ቢሆን አለማወቃቸው ያሳዝነን ነበር ነገር ግን እስከዚህች ሰዓት ድረስ የማህበሩን ስራውን ብቻ ሳይሆን ውጤቱንም ያውቁታልና ለምን በማለት አንደክምም ሊሆን ግድ ስለሆነ ሆነ ግን አባቶቼ እስከመቼ እንደዚህ? እስቲ ዲያቆን የሚለውን የቤተ ክርስቲያን ማዕረግ ለማግኘትና ለማገልገል የነበራችሁን ፍቅር ጽናት በጾም በጸሎት መትጋት ከጠላት ዲያብሎስ ጋር የነበራችሁን ተጋድሎ አስቡት ያሁሉ ድካም ለዚህ ነው አረ የመጠሪያችሁ ቀን እንደ ፍላጐታችሁ በእጃችሁ አይደለምና ስለ እውነት በእውነት ያገለገሉትን የቀደሙትን አበው አስቡ ለእኛም ሃጢያታችንን የምናስብበት ጊዜ ስጡን አባቶቼ ለእውነት ምስክርነት የመረጣችሁ አምላክ በውጤታችሁ ተደስቶ ይሆን? ካለፈውስ ዕድሜ የቀረው አያንስ ይሆን? ታድያ ለምኑ ብላችሁ ይሆን ምኑ አሳስቶችሁ ኧረ......... :: ማ/ቅ ጉባኤ ፊት ቆሞ ስላላስተማረ ስራው ይቆማል ብላችሁ አስባችሁ ይሆን? ማ/ቅ ስብከቱ ብቻ ሳይሆን ምግባሩ አስተማሪ ነው

ጾሙን ጾመን በረከቱን ለመካፈል ያብቃን አባት ሆይ ለትንሳኤህ በንፅህና ቆመው የሚጠብቁህ ስንቶች ይሆኑ አቤቱ የይቅርታ እጅህን ዘርጋልን ታደገን

ከአቡዳቢ

Anonymous said...

የማህበሩን ፍሬ የማያውቁ አድርገውት ቢሆን አለማወቃቸው ያሳዝነን ነበር ነገር ግን እስከዚህች ሰዓት ድረስ የማህበሩን ስራውን ብቻ ሳይሆን ውጤቱንም ያውቁታልና ለምን በማለት አንደክምም ሊሆን ግድ ስለሆነ ሆነ ግን አባቶቼ እስከመቼ እንደዚህ? እስቲ ዲያቆን የሚለውን የቤተ ክርስቲያን ማዕረግ ለማግኘትና ለማገልገል የነበራችሁን ፍቅር ጽናት በጾም በጸሎት መትጋት ከጠላት ዲያብሎስ ጋር የነበራችሁን ተጋድሎ አስቡት ያሁሉ ድካም ለዚህ ነው አረ የመጠሪያችሁ ቀን እንደ ፍላጐታችሁ በእጃችሁ አይደለምና ስለ እውነት በእውነት ያገለገሉትን የቀደሙትን አበው አስቡ ለእኛም ሃጢያታችንን የምናስብበት ጊዜ ስጡን አባቶቼ ለእውነት ምስክርነት የመረጣችሁ አምላክ በውጤታችሁ ተደስቶ ይሆን? ካለፈውስ ዕድሜ የቀረው አያንስ ይሆን? ታድያ ለምኑ ብላችሁ ይሆን ምኑ አሳስቶችሁ ኧረ......... :: ማ/ቅ ጉባኤ ፊት ቆሞ ስላላስተማረ ስራው ይቆማል ብላችሁ አስባችሁ ይሆን? ማ/ቅ ስብከቱ ብቻ ሳይሆን ምግባሩ አስተማሪ ነው

ጾሙን ጾመን በረከቱን ለመካፈል ያብቃን አባት ሆይ ለትንሳኤህ በንፅህና ቆመው የሚጠብቁህ ስንቶች ይሆኑ አቤቱ የይቅርታ እጅህን ዘርጋልን ታደገን

ከአቡዳቢ

Anonymous said...

Amlake abune gorgorios Amlake kidusan yirdan

Anonymous said...

I don't have words to say about Aba Paulos what he is doing in EOTC? he was aimed to dissimmised the EOTC culture with his remaining few days of dying. I believe that it is not far to see their failure of those 'tehadiso' and the gaveroves including Aba Paulose. Please MK Continue to notify all things about Aba Paulos because he is not greater than our church.

Anonymous said...

1ኛ የጴጥሮስ መልእክት
1፥22
ለእውነት እየታዘዛችሁ ግብዝነት ለሌለበት ለወንድማማች መዋደደ ነፍሳችሁን አንጽታችሁ እርስ በርሳችሁ ከልባችሁ አጥብቃችሁ ተዋደዱ።
3፥8
በመጨረሻው ሁላችሁ በአንድ ልብ ሁኑ፥ የሌላው መከራ ለእናንተ እንደሚሆን አድርጉ፥ እንደወንድሞች ተዋደዱ፥ ርኅሩኆችና ትሑታን ሁኑ፤
4፥8
ትጸልዩም ዘንድ በመጠን ኑሩ፤ ፍቅር የኃጢአትን ብዛት ይሸፍናልና ከሁሉ በፊት እርስ በርሳችሁ አጥብቃችሁ ተዋደዱ።
ወደ ሮሜ ሰዎች
8፥39 ከፍታም ቢሆን፥ ዝቅታም ቢሆን፥ ልዩ ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቼአለሁ።

Anonymous said...

የእውነት አምላክ ሆይ ፍረድ እባክህን ዝም አትበለን እኛ እንደሆንን ያለቤተክርስትያን መኖር አንችል ቤትህ የነጋዴችና የወንበዴዎች ዋሻ ስትሆን ስለምን ዝም ትላለህ ለሁላችንም ልቦናን ስጠን ያንተ ቅጣት ከመጣ ማንም አይተርፍምና ስለ ቅዱሳንህ ብለህ ዝም አትበል

Anonymous said...

I am live in Hawassa since this september. all things are new for me. I know MK who serve the disadvantaged in rural part of the country. I become chiritian BY mk . is begahaw or tesfakidanmihiret help us during that time really this is surprizing . please if you want undrestand mk go the border of the contry and look its work . don't blame MK with out any concept. to your coordinators(yared and begashw) please you are accusing our history why not you advice those kids , is realy ethics of sundey school to oppose abune gebreal in that way . that is shame for you . please be ethical , and serve your god .

Fitsa said...

እኔ የጳውሎስ እኔ የአጵሎስ ነኝ ማለቱ ይቅርብንና ይህንን የጌታ ጾም ለሃዋሳ ምእመናን እንጸልይላቸዉ
ማህበሩ አገልግሎቱ ራሱ የተገለጸ ነው::
ዘመኑ አልቆአል ስይጣን ይህንን ስለሚያዉቅ በጣም እየሰራ ነው እኛ ተንገዳግደናል ስለዚህ መጮህ ይገባናል ድንግልን አጥብቀን ይዘን እናልቅስ እንድንድን ...ስላልተገለጸ ነዉ እንጂ የሃዋሳዉ ችግር አጠገባችንም አለ ነገ ከዚህ የከፋ ይሆናልና በመከራ አንናወጽ:: ዘመኑን እንዋጅ ያ ሁሉ የተጻፈው ለኛ ነው የጌታ ቀን ቀርቦዋል እኛን እና ቤተሰቦቻችንን እናድን::

kebede said...

Yekidusan amilak ante erdan....

Anonymous said...

ደጀ ሠላሞች አቤት... የምታነሱት ሀሳብ በእውነት ለቤተክርስቲያናችን ጠቃሚ መረጃ ነው ጸጋውን ያብዛላችሁ እኔ የምለው የሐዋሳ ጉዳይ እውነት የሁለት ማኅበር ጉዳይ ነውን? ልብ ብሎ ስለእውነት ለተመለከተው የቤተክርስቲያናችን ጉዳይ ነው በጣም የሚያሳዝነው ከአምስት የማይበልጡ ሰዎች ቤተክርስቲያን ገብተው እንደሚበጠብጡ ልብ ልንል ይገባል፡፡
1ኛ. ተስፋ ኪዳነ ምህረት ጸረ ኤች አይ ቪ ኤድስ ማኅበር የሚባለው ማኅበር ከስሙ እንኳን ስንነሳ ስለቤተክርስቲያን ሳይሆን በኤች አይ ቪ ኤድስ ላይ የሚሠራ ማኅበር መሆኑን ይገልጻል፡፡ ነገር ግን ስራው ቤተክርስቲያንን በግልጽ መበጥበጥ እና ማወክ ነው፡፡ በማኅበሩ ስም ተከልለው ጥቂት ግለሰቦች ዓላማቸውን እያራመዱበት ይገኛል፡፡
2ኛ. ማኅበረ ቅዱሳን የተባለው ማኅበር በቅዱስ ሲኖዶስ በተሰጠው መተዳደሪያ ደንብን ተከትሎ እያገለገለ የሚገኝ ማኅበር መሆኑ ይታወቃል፡፡
ስለሆነም
ሕዝበ ክርስቲያኑ ማወቅ የሚገባው ነገር ቢኖር የቅዱስ ሲኖዶስ ውሳኔ የመንፈስ ቅዱስ ውሳኔ መሆኑን ተገንዝቦ ለመንፈስ ቅዱስ ተገዢ መሆን አለበት፡፡
ቤተክርስቲያን ልጆች ይህንን ዐብይ ጾም በቤተክርስቲያናችን ላይ የመጣውን ፈተና በጾምና በጸሎት እግዚአብሔር አምላክን አጥብቀን እንጠይቅ፡፡ ልመናችንን ይስማን አሜን፡፡
From DC

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ። አሜን!!

እኔ የሚገርመኝ ማህበረ ቅዱሳን ድምፁ የሚሰማው ሲወቀስ ብቻ ነው እንዴ? ለምንድነው ማህበሩ ሁል ምስጋናን እንጂ ወቀሳን የማይቀበለው? ደግሞ እኮ ተሳስቶም እንደሆነ ስሕተቱ በትንሹም ሲነገረው በደጋፊዎቹም ሆነ በተወካዮቹ ይሳደባል እንጂ እታረማለው አይልም። አሁን በአዋሳው ጉዳይ ጥፋተኛ ነው አይደለም ለማለት እኔ በቦታው ስለሌለው ከአባቶችም ስለማልበልጥ መመስከር አለችልም። ነገር ግን ማህበሩ ቤተ-ክርስቲያንን ከችግሮች ለመታደግ መብት ተሰጥቶኛል፣ቅዱስ ሲኖዶስ ያፀደቀው ሕገ-ደንብ አለኝ ይላል። ግን ማህበሩ የቤተ ክርስቲያን ነጋዴና ጥቅም አግበስባሽ እንደሆነ ነው የሚሰማኝ። በእርግጥ ማህበሩ ምንም መልካም ገፅታ የለውም አይባልም ግን በቅድስት ቤተ-ክርስቲያን ስም እየነገደ ካዝናውን አደለበ ፎቅ ገነባ እንጂ እንደ ተጣለበት ሐላፊነት አንድ ባለፀጋ ለሐይማኖቱ ከሚያበረክተው አስተዋፅኦ የተሻለ ያደረገው ነገር ካለ ቢነግረን መልካም ነበር። አረ ለመሆኑ እኛ ቅዱስ ሲኖዶስ ያፀደቀው ደንብ አለን የቤተ-ክርስቲያን ጉዳይ ይመለከተናል ካላችሁ ለምን ግለሰብ ሰደበን ብላችሁ ክስ እንደሔዳችሁት ቅድስት ድንግል ማርያምን፣ቅዱሳን ስዕላትን፣ፃድቃንንና ሌሎችንም በአጠቃላይ ቅድስት ቤተ-ክርስቲያንን ሲዘብቱባት አልተቆረቆራችሁም? ከበሮአችን፣ፀናፅናችን፣መቋሚያችንና ሌላውም ሲወረስ በባለቤትነት መብት እንዲመለስ ለምን ጥረት አላደረጋችሁም? ከዚያም አልፎ አሁን ሕንፃችንንም ጭምር ለመውረስ /አይቻላቸውም እንጂ/ ቆብ አድርገው፣ጠምጥመው፣መስቀል ይዘው፣ ማተብ አስረውና ግዕዝ እየተናገሩ ፍፁም እኛን መስለው በቤታችን በየቦታው ተሰግስገው የሚፈነጩትን መዕመናኑን የሚበክሉትን የተሐድሶ ንፏቄ አራማጆችን ለምን ችላ አላችኋቸው?በአጠቃላይ ማህበረ ቅዱሳን አንድ ግለሰብ ሊያከናውን ከሚችለው ክንዋኔ የተለየ የሠራው ነገር ምንድነው?

ቸሩ ፈጣሪያችን የተሠወረብንን መልካም ነገር ይግለጥልን።አሜን!!

መርከቤ ንጉሴ/ከአዲስ አበባ/

dmt said...

it is the first time for me to post a comment.i am interested to write my feeling here to a body which i ever love and give my appriciation.it is mk in which i am also a memeber. every thing is for good. disagreement though seems evil in their face are also usefull if they are managed. this sometimes shows that we are in the right track to the end we deserve. believe that in the near future every thing will be corrected, especially the maladministration of the synode will be changed. church will be served by those who commit themselves to the love of God and they have the neccessary acadamic qualification.

Anonymous said...

Dear all,
I think God has given us the right time to pary to Him...Fasika...esti chilotaw yalachehu bezich gize Fetari Ethiopian ena Betekrstianen endiasibat steliyu. The question comes, anyhow, which SINODOS? really which SINODOS, is this the first time when the ultimate decison given by SINODOS was disobayed? kezih kedem SINODOSU yewesenew wisane altekelebesem? sileyetignaw SINODOS new yeminsaweraw? do we have it, im sorry to say. mahbere kidusanim bihon,tinant ye SINODOS wesina sifers chich neber yalew, zare tenekeahu bilo...bicha lib yesten. Endemahiber ye for example, and yedingay kimir lamafires SINODOS yewesenew wisane sifers new mechoh yeneberebet wesy ahun tenekahu bemil? let think of the long-term consequences?, join hand fight aginest the right enemy of this church at the right time.

Gudeta said...

Deje Selam?

You can neither publish nor post but I want to ask you.

If your objective is realy to stand for the church, why don't you report the negative side of MK?
Many including I say, you seem an attorney of Mahiber Kidusan.
We don't mean MK has no positive role in our Church but as he has many positives, also has many negatives as others do though you have tried to hide them.

So we feel bad because of your partial behaviour.

Anonymous said...

መርከቤ ንጉሴ ለአንተ ጥያቄ መልስ ለመስጠት በየትኛው ቋንቋ እንደሚገባህ መጀመሪያ ማወቅ ያስፈልግ ይመስለኛል ምክንያቱም አንተ ተግባር ወይም ውጤት ሳይሆን ህልምህ ኑዛዜ ስለሚመስል

ፈጣሪ ይርዳህ

Z'yismangus said...

Merkebe!
Above all i am really touched with ur comment.Am sure I know u posting good comments before in the blog?
Do u feel surprised/shame with the mk building?!Please tell me,do u have a knowledge abt management,where when,how,who...?Or u just want to blind ur mind?
It is not to support MK,just let's see where is the crux of the matter.
Ende!Who wrote much abt tehadiso,do u remember a name who said sth with his name other than Hammer and sim'a sidk(am sorry if u have ever seen them,I doubt).

U know, ur comment is the result of that.u didn't get ur raw data from church side.Insted from the report of those tehadiso people.
Sorry let me ask u again,u may feel frightened to give money because u believe mk is "collecting" money for its sake(not for the church).But there were a program to collect CLOTHES for monasteries and Abnet schools before a week.Have u participated?

rediete egziabher ayleyen!!Amen

Anonymous said...

ዉድ ክርስቲያኖች ልብ በሉ!!!! ጊዜዉ በኛና በእግዚአብሔር መካከል ያለዉ ርቀት የሚጠብበት ከዲየብሎስ ጋር ያለዉ ደግሞ የሚሰፈበት ታለቁ ጾም ላይ ነን፡፡ “የጌታ ፈቃድ ይሁን ብለን ዝም አልን” እንደተበለ ዝም ብለን ከልብ በሆነዉ ጾም እያለቀስን እንጸልይ (ጾም+ጸሎት+ስግደት=የእግዚአብሔር ፈቃድ ) በዚህ አጋጣሚ ግን ለተወሰኑ አካላት ትንሽ ልበል
1. ለደጀሰለም - ስለጾሙና ስለተጓዳኝ ትምህርቶቹ ከመጻፍ ይልቅ በዚህ ላይ ብዙ ባትተጉ፡፡ እንደ መረጃ የበለጠ እንድንጸልይበት ብላችሁ ከሆነ ግን ነገሩን እንደወረደ ከማቅረብ ብዙ ሊቃዉንት ስላሉን ብታወያዩልን ከዚህም በዘለለ ደግሞ ሌሎች መገናኛ ብዙሃን እንደሚያደርጉት ከማህበረ ቅዱሳንም ሆነ ከሌሎቹ ጉዳዩ ይመለከታችኋል ብላችሁ ከምታምኑባቸዉ ጋር እንዲህ እየተበለ ነዉ/እየተደረገ ነዉ ምን አስተያየት አላችሁ (just like how VOA is doing some times) አለበለዚያ ግን ስማችሁ አይገልጣችሁም (i.e. you will not be Deje Selam)
2. ለአንዳንድ አስመሳዮች(sorry to say this) በተለይ (ለ3rd commentary of feb 26, 2011 who started by saying “የገረመኝ ነገር”) ስለማህበረ ቅዱሳን ለመረዳት እኮ ደጀሰላም ብቻ እንኳን ይበቃችሁ ነበር፡፡ ስለተሃድሶዎች የወጣዉን ዘገባ አለያችሁትም/ማየት አልፈለጋችሁም/ወይም የተጸፈዉ ስለምትደግፉት ማህበር ነዉ? የነ ያሬድ/በጋሻዉ ግብረ ሀይል “ይቺን ቤተክርሰቲያንማ አምሳታለሁ” ሲሉ; የኤድስ ማህበር ቤተክርስቲያኒቱ ዉስጥ ግርግር ሲፈጥር ሊቀጳጰስ በአዉደምህረት አደባባይ ‹‹አንተ ከየት ነህ ማን ነዉ የላከህ›› ሲባል ጥቁር ጨርቅ በማዉለብለብ ጳጰስ ሲናቅ፤ እየዘለላችሁ ነዉ ያነባበችሁት? እዚያ ስትደርሱ ማስተዋላችሁ ተሰወረ? ለመጠቀስ የሚበቃ ባይሆንም በጋሻዉ የመስቀሉ ስር ቁማርተኞች ብሎ በጸፈዉ መጽሃፍ ዉስጥ “የጳጰሱን መስቀል ባያገኙ የጳጰሱን መኪና ጎማ ይሳለሙ ነበር” ያለዉን አላነበብክም/አልሰማህም? (ለነገሩ አታንብበዉ ምንም አያንጽህም)፡፡ እና ይሄንን ማህበረ ቅዱሳን ነዉ የሰራዉ? (በነገራችን ላይ አባቱን የሰደበም ሆነ ለቆመ ሰዉ ሓዉልት ያሰራ ሁለቱም ከመናፍቅ ተለይቶ አይታይም፡፡)
3. ለመርከቤ፤
“ ……. የተሐድሶ ኑፏቄ አራማጆችን ለምን ችላ አላችኋቸው?በአጠቃላይ ማህበረ ቅዱሳን አንድ ግለሰብ ሊያከናውን ከሚችለው ክንዋኔ የተለየ የሠራው ነገር ምንድነው? ቸሩ ፈጣሪያችን የተሠወረብንን መልካም ነገር ይግለጥልን …”
እንዳልከዉ የተሰወረብህን ይግለጥልህ! በመጀመሪያ ደረጃ አንተ ኦርቶዶክሳዊ አይደለህም ሌላዉን ተወዉና ፕሮቴስታንትም አይደለህም ወይም ደግሞ ፕሮቴስታንትነትህን ካወቅህ በጣት የሚቆጠር ቀን ነዉ ያሰለፍከዉ፡፡ ያዉ ፓስተሮችህ እነ ፓስተር ዳዊት ከወንጌል ይልቅ ስድብና ፌዝ/የመድረክ ላይ ቧልት ስላስታጠቁህ ሌላዉ ነገር ተሰወረብህ፤ ማስተዋል ስታጣ አገር ያወቀዉ ጸሐይ የሞቀዉ ነገር እንኳን ይሰወራል፡፡ ማህበረ ቅዱሳን ማን እንደሆነ አንተ እራስህን ከማወቅህ በፊት እራስህን እንድታዉቅ ያደረጉህ ፕሮቴስታንቶች እንኩዋን ከአመታት በፊት ምን እንዳሉ ታዉቃለህ? “በኦርቶዶክስ ቤተክርስቲያን ዉስጥ ሆነን ብዙ ፕሮቴስታንት እንዳናፈራ ማህበረ ቅዱሳን የሚባል አንድ የወጣቶች ማህበር ዕንቅፋት ሆነብን” ይህንን ፓስተሮችህ አልነገሩህም? ካልሆነ እኛ እንነግርሃለን፡፡ ሌላዉ ማህበረ ቅዱሳን “…ይሳደባል እንጂ እታረማለው አይልም …” ዝም ብለህ የመጣልህን ከመናገር/ከመጻፍ እዚህ ቦታ ላይ እንዲህ ብሎ ተሳደበ ብለህ ግለጥልን ያኔ እኛ ካንተ ቀድመን እናወግዘወለን፡፡ እንዲህም ብለሃል “…ማህበሩ የቤተ ክርስቲያን ነጋዴና ጥቅም አግበስባሽ እንደሆነ ነው የሚሰማኝ …” ንፋስ ያመጣልህን ሰምተህ ነዉ ወይስ በህልምህ ታይቶህ ነዉ? ለዚህ እንኳን መልስ ብሰጥህ አንዳኛ ካንተ ያነስኩ ይመስለኛል ሁለተኛ ደግሞ መልሱ አንድ ሳምንት ላልሞላዉ ልጅ አይገባም/አይገበምም፡፡ ደጀሰላም ላይ የተጸፈዉ ነገር ሳይገባህ ሌላዉ እንዴት ይገበሓል?
4. ለማህበረ ቅዱሳን እኛን አስተየየት ለመስጠት ያነሳሳን ዝም ከማለት ብለን ነዉ፡፡ እናንተ ግን ለትንሹም ለትልቁም መልስ ለመስጠት ብላችሁ ስራ አትፍቱ፡፡ ለጾም ለጸሎት ለስግደትና ለሌሎች ስራዎቻችሁ ትጉ፡፡ የተሰወረበት ባያይ የተገለጠለት ያየዋልና/ይጠቀምበታልናም!!!
5. ለዉድ የቤተክርስቲያኒቱ ልጆች ቤተክርስቲያን የምትጠበቀዉ ተኝተን አይደለም ቢያንስ ከዚህ በፊት ከነበረን በበለጠ ትጋት 1. እንጸልይ 2. እንጹም 3. ስለቤተክርሰቲያነችንም ሆነ ስለአስተምህሮዋ እናንብብ እንጠይቅ እንስማ፡: የቅዱሳን አባቶቻችን አምላክ ተዋህዶን ይጠብቅልን እኛንም በምግባር በሐይማኖት ያጽናን አሜን!!!

temesden said...

Yes, I share "Gudeta"s idea but merkebe's comment is generalized and blindly blaming.

መብሩድ said...

"ዲ/ን ዳንኤል ክብረትን ይቺን ኮንፒዩተር ስነካካ ነው የማውቀው። ... የሚያነሳቸው ሐሳቦች ጥሩ እንደሆኑ ባውቅም እንኳን አፍ የሚያስከፍት ወንጌል ሰባኪ መሆኑን ቀርቶ ፀሐፊና ውድ የተዋሕዶ ልጅ መሆኑንም እምብዛም አላውቅም። በአገር ውስጥ የሚኖርም አይመስለኝም ነበር። ነገር ግን በ12/05/03 በሐዋርያው ዜና ማርቆስ ቤተ-ክርስቲያን በሚገርም ሁኔታ ወንጌልን ሲያስተምረኝ ዳንኤል ማን እንደሆነ ገና አወኩት። ይህ እንግዲህ በሐይማኖትህ የለህም ሊያስብለኝ ይችላል ግን እውነቱን መናገር አለብኝ። ስለ ሐይማኖቴም ለማወቅ እጅግ እጓጓለሁ ግን ለማወቅ አልቻልኩም። በዚህ ደግሞ በጣም አዝናለሁ።"
መርከቤ ንጉሴ/ከአዲስ አበባ/
January 26, 2011 8:36 AM

ዝኒ ከማሁ
ወዳጄ መርከቤ ማኅበረ ቅዱሳን የተዋህዶ ማኅበር እንደሆነ እስክታውቅ አትቸኩል።

ወንድሞችም በየዋህነት የሚጽፉትን በገርነት አቅኗቸው እንጂ ባታስደነግጧቸው።በሰንበት ት/ቤት እንዲህ ያሉ ብዙ ለቤተክርስቲያን የሚቀኑ ግን የሚቃወሙ ወንድሞች ቢገጥሟችሁ ከእውቀት እጥረት እንደሆነ በመገንዘብ በተግባር ወይ በጸሎት ማኅበሩን እንዲያውቁ ከመርዳት ውጭ ጸብና ክርክር አያስፈልግም።ቦ ጊዜ ለኩሉ።

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ። አሜን!!
አስቀድሜ እንዳልኩት ማህበሩ በተወካዩም ሆነ በደጋፊው አፉን ከመክፈትና የመጣለትን ሰው ላይ ከመለጠፍ ውጪ ምንም አያውቅም ግን የሚገርመው ሁል ጊዜ እኛ ብቻ ነን ሊቅ ትሉናላችሁ። ነገር ግን እኔ ተሳስቼ እንኳን ቢሆን ተገቢ መልስጠት ሲገባ “መልስ ብሰጥህ አንደኛ ካንተ ያነስኩ ይመስለኛል ሁለተኛ ደግሞ መልሱ አንድ ሳምንት ላልሞላዉ ልጅ አይገባም፡፡” የሚል አሳፋሪ ምላሽ ነው ያገኘሁት።መቸም እኔ መሠረታዊና ወቅታዊ የቅድስት ቤተ-ክርስቲያናችንን ችግር የተመለከተ ጥያቄ ነው የጠየኩት ማህበሩ መልስ ቢኖረው ኖሮ ቅልል ባለ መልስ ባልቀለለና “አፍ ሲከፈት ጭንቅላት ይታያል::” እንደሚባለው ማንነቱን ባላጎላው ነበር። ደግሞ ለሰው ሐይማኖት ሰያሚ እናንተ ሆናችሁ እንዴ? ኪኪኪኪኪ እንደልባችሁ ለምትነግዱበትና ለበፀጋችሁባት ቤተ-ክርስቲያን እንኳን አልተቆረቆራችሁ። ዛሬ ለኔ የሰውን ሕሊና ስለሚያጠፋው ዳስተር ዳዊት፣ ስለፐሮቴስታንት፣ ስለተሐድሶ፣ መልሳችሁ ከምትቀባጥሩ ቤተ-ክርስቲያንን የሚያቃልሉትንና የሚፈታተኑትን ዶግማና ቀኖናችንን የሚጥሱትን ለምን አትከታተሏቸውም ነው ጥያቄዬ? ነው እናንተ ለንግድ የሚሆኑትን ማዘጋጀትና መነገድ ብቻ ነው አላማችሁ? እኔ ማን እንደሆንኩ እሱ ፈጣሪ ስለሚያውቅ ለናንተ የቀለለ መልስ አልደነቅም። ግን ሊቅ ነኝ በማለት አልመፃደቅም እንዲያውም ምንም የማላውቅና የዚህ አለም ሐጢያተኛ መሆኔን አውቃለሁ። እሱንም የሚያስተምር ጠፋ እንጂ አለማወቄን በመማር ሐጢያቴን በንስሐ ማጠብ እችላለሁ።

እግዝአብሔር አስተዋይ ሕሊና ቅን ልቦና እንዲሰጠን የእናታችን የቅድስት ድንግል ማርያም አማላጅነት አይለየን። አሜን!!
መርከቤ ንጉሴ/ከአዲስ አበባ/

dembet said...

To merkebe .
to tell the truth i am not the member of mk , I have no side with MK.
what I would like to give for you is that try to understand MK . Is they really collecting money. this is really sin . please I think you are good christian , don' trust all the comments displayed as the voice mk and its members. what is expected from you is that , to ask what they are dining now .
what is there responsibility
what are the difficulties they have.
how they are doing their work
neger gin eyawek kehone yemtashfew egziabher yikir yibelih
yebetekristisn tekorquari kehonk ewnetun feleg enji ATMA(hamet is bad)

Anonymous said...

ማኅበረ ቅዱሳን ወፍ ዘራሽ አይደለም ፡፡
የሚሰራውን የሚያውቅ የሚሳራም ለቤተክርስቲያን ጥቅም ብቻ ነው፡፡
በጋሻውም ሆንክ ያሬድ አደመ ኪራይ ሰብሳቢዎች እና የተሀድሶ መናፍቃን
ቅጥረኞች ናችሁ፡፡ጊዜ ገልጧችሁ ወደ አዳራሻችሁ እስከምትገቡ ተጫወቱብን፡፡

Anonymous said...

ውድ ደጀሰላማዊያን፣
የከበረ ሰላምታየ ይድረሳችሁ!
አሁን አሁን ሳስበው በደጀሰላም የሚለቀቁት መረጃዎች የንትርክ መድረክ እየሆኑ ይመስለኛል፡፡ አስተውላችሁ ከሆነ ከገንቢ አስተያየቶች ይልቅ መሰዳደቡ ያመዝናል፡፡ መሰዳደብ ደግሞ ኃጢያት ነው፡፡ ኃጢያት ደግሞ የሞት መንስዔ ነው፡፡ በዚህ ምክንያት ነፍሳችን ለሞት ከምናበቃት ደጀሰላም ያላትን መረጃ ብትለቅልንና አስተያየት መለዋወጡ ቢቀርስ ምን ትላላችሁ? ለምሳሌ ማኅበረ ቅዱሳንን በተመለከተ የሚነሱ የተቃውሞና የድጋፍ አስተያየቶች ጸያፍ ቃላት ይበዛባቸዋል፡፡ አባቶችንም በተመለከተ እንዲሁ! ይህ ደግሞ ገንቢ ካለመሆን ባሻገር የኃጢያት ሞት ያመጣል፡፡

እኔ ከማውቀው ብነሳ ኑፋቄን ለማራመድ፣ የፖለቲካ ዓላማን ለማካሄድ፣ ለገንዘብ ብለው በቤተ-ክርስቲያን ውስጥ የክህነት(ጵጵስናን ጨምሮ) ሥልጣን ይዘው የተሰገሰጉ መዓት ናቸው፡፡ ከዚህ በተቃራኒው ለቤተክርስቲያን አገልግሎት እንቅልፍም ጭምር ሳያምራቸው የሚተጉም አሉ፡፡ ማኅበራትንና ሰ/ት/ቤቶች አካባቢም ተመሳሳይ ነገር እመለከታለሁ፡፡ ለምሳሌ ማ/ቅዱሳንን ብንዎድ ካሳደጓቸው ቤተሰቦቻቸው ከተለዩ ዘመናትን ያስቆጠሩ፣ ህይዎታቸው ከቤት ወደ በቤተ-ክርስቲያን፣ ከቤተ-ክርስቲያን ወደ ሥራ ከሥራ እንደገና ወደቤተ-ክርስቲያን የሆነ፣ ትዳር መያዝንም የረሱ አባላት የመኖራቸውን ያህል የማኅበሩን ስም እንደ ታፔላ እየተጠቀሙ የሚያስመስሉና ነገረኞችም አሉ፡፡ ይህ የሚያመለክተው በእኔ አቅም እንዲህ ዓይነት ዝብርቅርቆችን ማስተዋል ከቻልኩ ከዚህ የባሱ ብዙ ውስብስብ ነገሮች ሊኖሩ እንደሚችሉና ሥራየ ብለው ወደውስጥ ዘልቀው ከገቡት በስተቀር አስተያት ለመስጠት የሚከብድ መስሎ ተሰማኝ፡፡ ታዲያ እነደጀሰላምና ሌሎችም በዚህ ሥራ ላይ የተሰማሩት መረጃውን ቢሰጡንና የእኛ አስተያየት የስድብ መንስዔ ከሚሆን ቢቀርስ፡፡ ሌላው አማራጭ ስድብ-ነክ የሆኑ አስተያየቶች እንዳይለጠፉ ቢደረግስ፡፡

በመጨረሻ አንድ መረጃ ልስጥ፡፡ ማ/ቅዱሳን ሕንፃም ይስራ ሌላም ንብረት ይኑረው ባለቤትነቱ የቤ/ክርስቲያን እንጅ የማኅበሩ አይደለም፡፡ ለምሳሌ ማኅበሩ ቢፈርስ ማንኛውንም የማኅበሩን ንብረት የምትረከበው ቤተ-ክርስቲያን ናት፡፡ ምናልባት እኔ ትክክል ካልሆንኩ ደጀሰላም ከማኅበሩ አጣርታ ብትነግረን ደስ ይለኛል፡፡ ይህን መረጃ የሰጠሁት እየተሠራ ያለው ሕንፃ የወንጌልን አገልግሎት ለማፋጠን ሳይሆን ለግል ጥቅም የመሰላቸው አስተያየቶችን ስላነበብኩ ነው፡፡

ሠላመ እግዚአብሔር አይለየን አሜን፡፡
መልካም አቢይ ጾም፡፡
ኃ/ገብርኤል

Anonymous said...

አይ መርከቤ... በጣም የምትገርም:ራስህን ወደበጎ መንገድ ለማምጣት ጥረህ የማታውቅ:ለመማርም ሆነ ለማመን ፍፁም ዝግጅት ሳይኖርህ መልሱልኝ ማለት የምታበዛ:ባጠቃላይ በቅብጠት ፍላጎቱ ሳይታወቅ እናቱን እንደሚያስቸግር የ3 ዓመት ሕፃን ብትባል ሳይቀል አይቀርም::

በእርግጥ ካሁን በፊትም ቢሆን በብዥታ የምትኖር የእኛው ጉድ ስለምትመስል ሊያንጹህ የሚችሉ በርካታ አስተያየቶች ተሰጥተውህ ተመልሶ ያው ስለሆንክ በበኩሌ ከረሳውህ ቆየሁ:: ሆኖም ግን ኣናጋሪ ትንኮሳዎችህ አላስችል ያላቸው አንዳንድ አስተያየት ሰጭዎች ዛሬም ከፍ ብሎ ለማሃይም እንኳ ቁልጭ ባለ አገላለጽ ነገሩህ:አሁንም ግን ያው እንደተለመደው አልገባህም:: ላንተ መልሱ ሁሉ ጥያቄ ጥያቄው ደግሞ መልስ ነው:: እናም እንዴት መግባባት ይቻላል?

ለምታነሳቸው የተሳሳቱ ሀሳቦች መልስ ሲሰጥ አንተና መሰሎችህ "ለምን ተነካሁ" ባይነት አድርጋችሁ ስለምትቆጥሩት በዚህ ሁኔታ መቼም መግባባት የሚቻል አይመስለኝም::

በነገራችን ላይ ማህበሩን በሚቃወም ጽኑ አቋም ላይ መሆንህ የሚደንቅና ዛሬ የተጀመረ ስላልሆነ ማናችንም አይገርመንም:: ቢያንስ ግን ደጋፊ እንዲኖርህ ጥቂት እውነት የሚመስል ውንጀላ ብትቀላቅልበት ሳይሻልህ አይቀርም:: አስር ጊዜ የምትደጋግመው ገንዘብ ሰብሳቢነትና የህንፃ ጉዳይ ግን የማህበሩን አርቆ አሳቢነት የአድሚንስትሬሽን ጥበብ የሚያመለክት ከመሆን ባሻገር በ21ኛው ክፍለ ዘመን የጠፋ እሳቤና ጥሬ መሆንክን የሚያገዝፍ ነውና አትድከም::

ተዋህዶ በሰው ጥበብ ሳይሆን
በክርስቶስ ደም ተመሥርታለችና ለዘለዓለም አትጠፋም!

zegeorgis said...

dear merkebe,i can understand how much you are ignorant and a way from our church.just you are protestant.you seem begashaw's group
let God gives you wisdom so that you wont be the church enemy.

zyibeltal said...

yes indeed
ተዋህዶ በሰው ጥበብ ሳይሆን
በክርስቶስ ደም ተመሥርታለችና ለዘለዓለም አትጠፋም!
merkebe,i pray to you to come back to the right way.

የአዋሳዋ said...

እኔ የሚገርመኝ ምንም ነገር ሳታውቁ ማህበረቅዱሳንን የምትሰድቡ ሰዎች ናቹ.እባካቹ ለማወቅ ሞክሩ ለቤተክርስቲያናቸው ቅናት ያላቸው ሰዎች ማህበር እንጂ የግል ጥቅማቸውን ለማሳካት ሲሉ ቤተክርስቲያንን የሚያምሱ ሰዎች ጥርቅም አይደለም!እነያሬድ የተበሳጩት ምናልባት ከተነቃብን ብለው ይሆናል ጊዜው ከደረሰ ሁሉም ይጋለጣል.ያሬድን የማውቀው ከአስር አመት በፊት ነበር እና መበጥበጥ የለመደ እና ለአባቶች እንኳን ክብር የማይሰጥ ጋጠወጥ ሰው ነው እና ለደንዚህ አይነት ሰው መጸለይ እንጂ መደገፍ አያስፈልግም እና ብታስተውሉና ከመሳደብ ይልቅ ለቤተክርስቲያናችን ሰላም በህብረት ምን እናድርግ በሉ.ስድብ የዲያቢሎስና የተከታዮቹ /የነበጋሻው/ነው.

hywet said...

ወይ አዋሳ ፈተናሽ በዛ ያዉም በራስሽ ልጆች!
ምን አይነት ጊዜ ላይ ደረስን ባካቹ?ሙልጭ አድርጎ በመጽሃፍ እና በየሚያስተምርበት መድረኩ ሲሰድባቸው ከርሞ ሃዉልት ሲያሰራላቸው መጋቤ ሃዲስ ብለው ሰየሙት እረ ለመሆኑ የትኛውን አንድምታ ተርጉሞ ወይስ ስንት አመት ወድጌል ሰብኮ ይሆን ይህን ታላቅ ስም ያገኘው?እረ ሃዋርያት እነዛ የወንጌል ገበሬዎች ቀና ብለው ባዩ አባቶች ክርስቶስን ሰብከው ማእረግ አገኙ በጋሻው ደግሞ ጣኦትን አሰርቶ ማእረግ ተሰጠው.እግዚኦኦኦኦኦ ነው ሌላ ምን ይባላል!"እርኩሱን ነገር በተቀደሰው ቦታ ሆኖ ስታዩት አንባቢው ያስተውል ብሏል ጌታ"እግዚአብሄር የቤተክርስቲያናችንን ነቀርሶች ይንቀልልን.

Anonymous said...

ለጊዜው ነው ይህ ሁሉ ግርግር እንጂ እንኳን እነዚህን ቤተክርስቲያናችን የነመሃመድንም ወረራ አሸንፋለች እና እንበርታ እንጂ አንረበሽ ክርስቲያኖች ምናልባት የዲያቢሎስ ሴራው ሊጋለጥ ይሆናል ይህ ነገር የተፈጠረው እነበጋሻው የዋሁን ህዝም በእምነት ስም እንዳይበዘብዙትና ወደአልሆነ አላማ እንዳይነዱት ይሆናል.እግዚአብሄርኮ የልጆቹ ነገር ይገደዋል!!!!!

Anonymous said...

እረ በጋሻዉና ያሬድ ይብቃችሁ ቤተክርስቲያናችንን የዱርዬ መሰብሰቢያ አታስመስሉት እንማርበት እንጸልይበት እባካችሁ ስለጉልበታችሁ ፈጣሪን መቼም አትፈሩ ግን ይህ ገንዘብ መጨረሻችሁን ምን ያደርገው ይሆን?እድሜ ሰጥቶ ያሳየን.

Anonymous said...

ወይ ጉድ በጋሻው ክርስቶስ የሾማቸውን ካህናት እንኳን በየመድረኩ አይደል እንዴ የሚሳደበው እኔ የሱን ስብከት ከሚያደንቁት አንዱ ነበርኩ ግን ትምህርቱ ሁሉ ካህናትንና ጳጳሳትን መሳደብ ሲሆን ማዳመጥ አቆምኩኝ ለነገሩ ምን ይገርማል አውሬው ተሳዳቢ እንደሆነኮ ተጽፎልናል.ክርስቶስ አፉን ይዝጋልን!!!!!

rute said...

ለመርከቤ
ዉድ ወንድሜ ምነው በስላሴ ስም ጀምረህ ስድብ ቀጠልክበት"ማህበሩ በደጋፊዎቹ አፉን መክፈት......."ምናምን እያልክ ባጸያፊ ቃል ከምትገልጽ በክርስቲያናዊ አነጋገር ያልገባህን ነገር ማለት ለማህበሩ ይህን ያህል መጥፎ አመለካከት እንዲኖርህ ያረገህን ነገር ለምን አትጠይቅና አትረዳም?በርግጥ አላማዉን መጥላትም ሆነ መዉደድ ያንተ ምርጫ ነው ግን እባክህ ባላወቅከው ነገር አትሳደብ.
ክርስቲያንኮ አነጋገሩም ሰባኪ ነው!ሌላው ነገር ደግሞ የማህበሩ አባላት ሊቅ ናቸው/ቅዱሳን ናቸው ያለ የለም ግን ማህበሩ የተቋቋመው ቤተክርስቲያንን ለማገልገል ነው ይህንንም በትክክል ባለው አቅም ሁሉ እያደረገው ነው.አባላቱም አንተ እንደገመትከው ሳይሆን ከራሳቸዉም ኪስ እያወጡ በጉልበታቸዉም በገንዘባቸዉም በዉቀታቸዉም ነው የሚያገለግሉት እና እባክህ ወንድማችን ጥሩ ቃላት እንለዋወጥ.እግዚአብሄር ይባርክህ.

elsa said...

ebakacu kiristianoch gizew yenitirik gizy aydelem yetsomna yetselot gize new mini eyetebabalin new leulum gizy alew gize eskigeltew dres metseley enji mesedadeb kristina aydelem

Gurra ummata said...

Ye Kurt ken lij endih new.
Who ever said what ever he want, MK is on the right track

ናትናኤል ከአዲስ አበባ said...

መረከቤ እግዚአብሄር ልቡና ይስጥህ፡፡ ከምትናገረውና ከምሰጠው አስተያየት ተነስቸ ሳስበው አነድ ነገር ለማወቅና ለመገንዘብ ፍላጎት የለህም ወይም ሌላ አላማ ያለህ ያስመስልብሀል፡፡ ስለሆነም እንደ እኔ አስተሳሰብ ጤነኛ አትመስለኝም፡፡

Anonymous said...

የእግዚአብሔር ነገር ብቻ ሊነገር በሚችልበት አውደ ምህረት ስለሌላ ነገር ለምን እንደሚነገር ሁሌ ሳስበው ያሳዝነኛል በየበለጠ ከመቆሙ ይልቅ እየባሰ መምጣቱን ሳየው ደግሞ መንፈሳዊነታችንን ጥያቄ ውስጥ የሚያስገባ ይመስለኛል። በእኔ መረዳት ክርስቲያን ማለት በምግባር ክርስቶስ በምድር ላይ የእኛን ስጋ ለብሶ ሲሰራው የነበረውን ሰርተን በስሙ እንድንጠራ ነው። እኛ ግን?
ሌላው ደግሞ አንድ መንፈሳዊ ሰባኪ በቆመበት በእግዚአብሔር አውደ ምህረት ህይወትን ሊያንጽ እንዲሁም ያልዳነች ነፍስ ካለች እንድትድን ማድረግ ሲኖርበት በተቃራኒው መንፈሳዊነትን የሚያለዝብ አለእፎም በአውደ ምህረት ላይ የሰውን ሃጢያት እና የማያንጽ ነገር መነገር ከጀመረ ቆየ እንደውም እየባሰ እየባሰ መልኩን እየቀያየረ ይገኛል፡፡ ካባቶቻችን የተቀበልናትን ሐይማኖታችንን ለሚቀጥለው ትውልድ ምን እንደምናስረክብ ቆም ብለን እናስተውለው። ውድ አባቶች፣ መምህራን፣ በትክክለኛ የተዋህዶ መንፈሳዊ ማህበራት የታቀፋችሁ፣ ሰንበት ተማሪዎች እናም ምእመናን እንደኔ ይህንን የአብይ ጾም ስለቤተክርስቲያን ሰላም ርዕስ አድርገን አብልጠን መጸለይ ይኖርብናል። በቸርነቱ ተዋህዶ እምነታችንን፣ቤተክርስቲያናችንን እና ማህበራትንይጠብቅልን የእናቱ የድንግል ማርያም ምልጃዋ አይለየን፡፡
በኩረ-ጽዮን

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ። አሜን!!

ወገኖቼ አማርኛ አንብቦ መረዳት እንዴት ያቅተናል? በተደጋገሚ እንደገለፅኩት እኔ ለማህበሩ ጭፍን ጥላቻ የለኝም። ነገር ግን እንደተጣለበት አደራና ሐላፊነት ድርሻውን አልተወጣም በሚል በቁጭት ተነስቼ ለጠየኩት ጥያቄ ስለማውቀው እንደጠበቅኩትና እንዳልኩት የተሰጠኝ መልስ ስድብ ሆነ። የክርስቲያን ወግ ቢኖራችሁ ኖሮ እናንተ እየተሳደባችሁ ሰውን ተሳዳቢ ከምትሉ እኔ አፀያፊ ቃላት ተናጋሪ ያልተገባ ጥያቄ ጠይቄ ብሆንና ብሣሣት እንኳን ወንድማችን ለጠየቅከው ጥያቄ መልሱ ይህ ነው። በተረፈ ግን በዚህ በዚህ ነገር ተሳስተሓል ብባል የምፀፀት አይመስላችሁም? ግን ትክክለኛና መልስ የማይገኝለት ጥያቄ ስለጠየቅኩ መልስ ሲጠፋ ያሸማቅቀዋል ያላችሁትን ፀያፍ ነገር ሁሉ ፃፋችሁ። አላወቃችሁም እንጂ እኔ በናንተ አይነት ሊቃውንት ፀያፍ ቃላት እንኳን ልሸማቀቅ ጭራሽ እበረታለሁ። አሁንም የቀራችሁ ካለ እቀበላለሁ። But don’t write in English for me. Because of I don’t understand engilish language. I’m not educated person. አሁን እየሸመገልኩ ነው እና ከ1ኛ ክፍል ጀምሬ እስካሁን እንገሊዝኛ ብማር ብማር አልገባህ ብሎኝ እንግሊዝኛ እንደ ቁምጣ አጥሮኛል። ስለዚህ ብላይንድ ማይንድ ብትሉ ስለማይገባኝ በአማርኛ ተሳደቡ። እውነት እውነት እኔ ጥያቄ መጠየቄ ባለጌ ካሰኘኝና በትክክል ባለጌ ከሆንኩ መልሶ ባለጌ መሆን ነው የሚሻለው ወይስ ባለጌን ማስተማር? በእርግጥ በቀጥታም ሆነ በተዘዋዋሪ ማህበሩን የምትወክሉ እንዳላችሁ ሁሉ ማህበሩን ሳትወክሉም እንዲሁ በስሜት የምትነዱ እንዳላችሁ ስለማውቅ እባካችሁ ስሜታዊ አትሁኑ። ጤነኛ ነን የምትሉም እንደጤነኛ አስቡ።

ቸሩ ፈጣሪያችን መልካም እንድናስብና መልካም እንድንሰራ ይርዳን። አሜን!!
መርከቤ ንጉሴ/ከአዲስ አበባ/

Anonymous said...

ማህበረ ቅዱሳኖች ተሳዳቢ ባትሆኑ የምታሳዩት መፍጨርጨር መልካም ነው። ግን መናፍቃኖቹ በዚህ ብሎግ ሳይቀር በግልፅ ሲሳለቁ ለምን አልገሰፃችኋቸውም? ዘወትር ለምን ተነካን በማለት ለግል ጥቅማችሁ ብቻ ነው እንዴ የምታስቡት?

Anonymous said...

...መልካም ነገር ባለበት ሁሉ በተቃራኒው መጥፎ ነገር መኖሩ ግድ ቢለንም የእኛ ደግሞ ባሰ። ማ.ቅ. አይዟችሁ..."ውጊያችን ከስጋ ጋር ሳይሆን ከመንፈስ ጋር ነው፡፡..."
ሌላ ነገር የምልበት ሀይል የለኝም እግዚአብሔር የቤተክርስቲያናችንን የውስጥና የውጪ ጠላቶቿን ያስታግስልን ነው የምለው።
" በራሳችሁ የቆማችሁ ብትኖሩ እንዳትወድቁ ተጠንቀቁ..."
እግዚአብሔር ሀይማኖታችንን፣ቤ/ክ እና ማህበራችንን ይጠብቅልን፡፡
በኩረ-ጸዮን

Anonymous said...

እግዚሀብሔር ሩቅ ሚመስላቸው ሰዎች አሉ፡፡ ነገር ግን አምላካችን ሩቅ አይደለም እኛው አጠገብ ነው ፡ የእዚችን የፀናች እምነት ላይ በየጊዜው ችግር ቢፈጥሩ እሾህ ቢሆኑባት እንኳን በሰሩት ስራ ልክ የስራቸውንም እንደሚሰጣቸው አልጠራጠርም ፡፡ እኛም ትልቁ ፆማችን ፆመ ሁዳዴ ገብቶልናል ዮናስን ከአሳአንበሪ ሆድ ውስጥ ሆኖ ፀሎቱን የሰማ እግዚሐብሔር እኛም ሁል ጊዜ ስለ ቤተክርስትያናችን ላይ ክፋት የሚያስቡባትን ፤ ጉድጓድ የሚቆፍሩላትን ፤ የምትወድቅ እየመሰላቸው የሚገዳደሯትን እንዲያርቅልንና እንዲያስታግስልን የሚሆኗትን የተበተነውን መንጋ የሚሰበስቡ አባቶች እንዲሰጠን ብንፀልይ አምላካችን ይሰማናል ፡፡ ሁሌ ያለባትን ችግር እያነበቡ ከንፈር መምጠጥ የመፍትሄ አካል ሊሆን አይችልም
ላሜዳ ከአ.አ

Kolo Temari said...

Dear Merkebe,

I am not a member of MK but I appreciate their positve role in the church and I suggest them to take correction on their some unorthodox behavior.

Coming to you, I am drived to say something on your last comment.

You said, don't write to me in English since I have no knowledge in that discipline. If you could not speak, listen, and write in english, how did you write those words and beautiful english sentences?

And also you added, I am 'shimagle' [elder] at this time. However, your comments seem childish.

I think you are narrating a contradict story.
Isn't it?

Thank You

Anonymous said...

Dear all who responds to a person called "Merkebe"

Don't u understand what type of person he is? for me he has already concluded that he should blame & oppose wherever the name of MK is mentioned. Let he be what he liked to be. Hope he will be of some help to the church irrespective of what he thinks about MK. But I completely disagree engaging him in a discussion about MK. Let him also spit on MK whatever he likes, if that benefits his spiritual life but don't react to his suggestion about MK.

In fact the contradictory personalities he is showing say something about his integrity and belief and don't think that he is what he tries to show to others.

Tesfa

በለጠ ከባህርዳር said...

እባካችሁ ወገኖቼ ከእንደዚህ መርከቤ ንጉሴ ከመሰለ ህሊና ከጎደለው አልያም ከሌለው ሰው ጋር ብዙ ብትመላለሱ ጥፋተኛ የምትሆኑት እናንተ ናችሁ እንጅ መርከቤ ንጉሴ አይደለም:: አንዲሁም የሚገርም ሰው ነው "እኔ የፈለገኝን ልሳደብ የእናንተ ክርስትና ግን የሚገለጸውና የሚታወቀው እናንተ ጸጥ ብላችሁ ስትችሉኝ ነው" አንበሳ ነው ነገሩማ "የግራ ጉንጭህን ሲመቱህ ሌላውን ………."አይደል ውሸታም መሆኑን ሲያስመሰክር አልያም በምጸት ሲናገር "የንግሊዝኛ ቋንቋ አልችልም ይላል እርሱ ግን እንግሊዝኛ ይጽፋል" "ጤፍ የሚያክል ሰው ጤፍ ያሳክልሃል" እንደተባለው ስለዚህ እባካችሁ ይህንን ጤፍ የሚያክል ሰው ተውት የፈለገውን ይበል እናነተ ስራችሁን ብቻ ስሩ እርሱ እንደሁ ስራ ያለው አይመስልም ቁጭ ብሎ ስለ እርሱ የምትባለዋን አንብቦ መልስ ለመስጠት ብቻ የተዘጋጀ ነው የሚመስለው፡፡

በላይነህ said...

አንተ እውነትን ማወቅ ስለማትፈልግ እንጅ ልብ ካለህ ሌላውን እንተወውና እስኪ ሰሞኑን የሆነውንና የተደረገውን ከ400 በላይ የጉምዝ ብሔረሰብ አባላት ተጠመቁ። የሚለውን ከለቦናህ በእውት ተመልከተው

Z'yismanigus said...

Wi.... Merkebe,wondime beka tewukut
ene'ko....
But u diverted/shaped our idea in ur way.U seem to know sth,and the other time u start to insult.
Come on!
let's talk if think positively.

Alya anete tesasteh sewun atasasit.

If u observe,almost the comment is filled with an answer for ur WRONG assumption.If ur aim was zt, u succeeded 100% but why that?????

Yekdusan amlak Lehulachinim libona yisten

Anonymous said...

ይህች ቅድስት ቤተክርስቲያን በክርስቶስ ደም የተመሰረተች በመሆኗ ይታገላታል እንጂ ሊያሸንፋት እንደማይችል ዲያቢሎስ ስለሚያውቀው እንዲህ ለቤተክርስቲን ዘብ የቆመን ማህበር በየመድረኩ ስሙን ቢያጠፋ እንዳይገርማችሁ፡፡ ወንድሞች ሆይ ቅዱሳን ሐዋርያትና አባቶቻችንም እንዲህ በየአደባባዩ ስማቸው እየጠፋ ስለ ቅድስት ቤተክርስቲያን ተጋድለዋል፡፡ አምላካችን እግዚአብሔር ሃገራችንን ሰላም፣ ቤተክርስቲያናችንን ሰላም ማኅበረ ቅዱሳንንም ያበርታልን፡፡ አሜን!!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)