February 19, 2011

የሐዋሳ ጉዳይ አጠቃላይ ሪፖርታዥ

  • የደቡብ ክልል ርእሰ መስተዳድር ከሐዋሳ ቅዱስ ገብርኤል ገዳም ምእመናን ጋራ ተወያዩ
  • ርእሰ መስተዳድሩ የገዳሙን አገልግሎት እና ጸጥታ የሚያውኩ  “ድንጋይ ወርዋሪዎችን” አስጠንቅቀዋል
  • “ከአሁን በኋላ የማዳምጠው የሀገረ ስብከቱን ሊቀ ጳጳስ አቡነ  ገብርኤልን ብቻ ነው፤ እሰር ካሉኝ አስራለሁ፤ ማናችሁም ከእርሳቸው ውሳኔ ውጭ መሆን አትችሉም፡፡”(አቶ ሺፈራው ሽጉጤ)
  • “ቤተ ክርስቲያን የአንድ ክልል አይደለችም፤ ዘረኝነትን  ትቃወማለች፤ በዘረኝነት ልትታወክ አይገባም፡፡”(ብፁዕ አቡነ ገብርኤል)
  • የርእሰ መስተዳድሩ አቀራርቦ የማወያየት ጥረት ፓትርያርኩን እና ጠቅላይ ቤተ ክህነቱን ክፉኛ አስነቅፏቸዋል
(ደጀ ሰላም፤ ፌብሩዋሪ 19/2011፤  የካቲት 12/2003 ዓ.ም):- ተቃውሟቸውን በሰላማዊ መንገድ ከማቅረብ ይልቅ “ጠጠር መወርወር” በሚመርጡ ሁከተኞች ላይ አስተዳደራቸው ርምጃ እንደሚወስድ የደቡብ ብሔር ብሔረሰቦች እና ሕዝቦች ክልል ፕሬዝዳንት አቶ ሽፈራው ሽጉጤ አስጠነቀቁ፡፡ “ፍላጎታችን ተስማምታችሁ አምልኮታችሁን እንድትፈጽሙ ነው፤ ማንኛውንም ተቃውሞ ተዋረዱን ጠብቆ በሰላማዊ መንገድ ማቅረብ ይቻላል፤ የአድማ ስብሰባ አይፈቀድም፤ ጠጠር እወረውራለሁ የሚል ካለ ጠባችን ከእርሱ ጋራ ነው፤ ለእርሱ የተዘጋጀ ስፍራ አለ - አቦስቶ! እዚያ ወስደን እናሳርፈዋለን!!” ያሉት ፕሬዝዳንቱ፣ ሀገረ ስብከቱን በተመለከተ በመስተዳድሩ ዘንድ ተቀባይነት የሚኖረው እና ተፈጻሚነት የሚያገኘው የሊቀ ጳጳሱ ብፁዕ አቡነ ገብርኤል ውሳኔ ብቻ በመሆኑ ማናቸውም ወገኖች ከብፁዕነታቸው ውሳኔ ውጭ መንቀሳቀስ እንደማይችሉ ለተሰብሳቢዎቹ በአጽንዖት ተናግረዋል፡፡

በውይይቱ ላይ ከሥራ አስኪያጁ ሊቀ ኅሩያን ዓለም እሸት ገብረ ጻድቅ ጋራ የተገኙት የሲዳማ ጌዲኦ አማሮ እና ቡርጂ ዞኖች እና ልዩ ወረዳዎች ሀገረ ስብከት ሊቀ ጳጳስ ብፁዕ አቡነ ገብርኤል በበኩላቸው፡- 24 የአገር ሽማግሌዎችን እና ካህናትን  በመያዝ በክልላዊ መንግሥቱ የፍትሕ እና ጸጥታ ቢሮ ሐላፊዎች እገዛ ማኅበረ ምእመናንን እና የሰንበት ት/ቤት ወጣቶችን በማነጋገር ችግሩን ፈትቶ ሰላም ለማስፈን ሲደረግ የቆየውን ጥረት አስረድተዋል፡፡ በውይይቱ መጀመሪያ ላይ፣ “በሲዳምኛ ቋንቋችን እንዳናገለግል ማኅበረ ቅዱሳን በዘረኝነት እና በፖሊቲካዊ አካሄድ እየመታ ወደ ጎን ገፍቶናል” በሚል በገዳሙ ያልተቋረጠ ሁከት እየፈጠሩ በሚገኙት አካላት ተወካዮች  ለቀረበው ክስ ብፁዕነታቸው በሰጡት ምላሽ፣ “ቤተ ክርስቲያን የአንድ ክልል አካል ብቻ አይደለችም፤ የተለያዩ ቋንቋዎችን የሚናገሩ ጳጳሳት አሉን፤ ሥልጣነ ክህነት ያላቸው በቅስና እና በዲቁና የሚያገለግሉ በርካታ አገልጋዮች አሉን፤ ዛሬም የሲዳማ ጳጳስ ለማፍራት ፈቃደኝነቱ አለ፤ በዚህም ቤተ ክርስቲያንን ለመምራት የሚያስችል ዓላማ አለን” በማለት ተናግረዋል፡፡ ይህን ጉዳይ ለመነጋገር መድረኩ ተገቢ ቦታው አለመሆኑን ያመለከቱት ብፁዕነታቸው “ቤተ ክርስቲያን ዘረኝነትን ትቃወማለች፤ በዘረኝነት ልትታወክ አይገባም” በማለት የመከሩት ብፁዕነታቸው በከሳሾቹ እንደተባለው ሳይሆን ማኅበረ ቅዱሳን ከምሥረታው ጀምሮ ለቤተ ክርስቲያን በሚሰጠው መንፈሳዊ አገልግሎቱ እና የልማት ተግባሩ በአግባቡ እንደሚያውቁት መመስከራቸው ተዘግቧል፡፡

ከትናንት  በስቲያ ሐሙስ ከቀትር በኋላ በክልሉ ርእሰ መስተዳድር ቢሮ የተካሄደው ይኸው ውይይት ከጥር ሰባት ቀን 2003 ዓ.ም ጀምሮ የሀገረ ስብከቱን ጽ/ቤት መመሪያ፣ የጠቅላይ ቤተ ክህነቱን የስብከተ ወንጌል እና ሐዋርያዊ ተልእኮ መምሪያ ውሳኔ በመፃረር የሀገረ ስብከቱን የስብከተ ወንጌል መድረኮች በተለይም የደብረ ምሕረት ቅዱስ ገብርኤል ገዳም ዐውደ ምሕረትን በጉልበት ለመቆጣጠር በፕሮቴስታንታዊ-ተሐድሶ-ኑፋቄ አቀንቃኞች እና በእነርሱ በሚደገፉ ጥቅመኞች በተደረገ ሙከራ እየተወሳሰቡ የመጡ ችግሮችን ሀገረ ስብከቱ በራሱ ይፈታቸው ዘንድ ዕድል እንደሚሰጥ ብዙዎች ተስፋ አሳድረዋል፡፡ ተቃውሞን በሰላማዊ መንገድ ከማቅረብ በመለስ ሌላው ጉዳይ “ሃይማኖታዊ በመሆኑ ቤተ ክህነቱ በውስጥ አሠራሩ የሚፈታው” መሆኑን ነው ርእሰ መስተዳድሩም ያስገነዘቡት፡፡

ከጥር ሰባት ቀን ጀምሮ በቀጠለው ውዝግብ የፕሮቴስታንታዊ-ተሐድሶ-ኑፋቄ አቀንቃኞች ባሰማሯቸው ምንደኞች  ቀናዒ ኦርቶዶክሳውያን በስለት ተወግተዋል፤ በሽመል ተደብድበዋል፤ በድንጋይ ተፈንክተዋል፤ በቁጥር ከ20 የማያንሡቱም ከጥር 20 - 23 ቀን 2003 ዓ.ም በነበሩት አራት ተከታታይ ቀናት ለእስር ተዳርገው “ከትክክለኞቹ ወገን ነህ ወይስ ከማኅበረ ቅዱሳን?” በሚል በክልሉ ምክትል ፖሊስ ኮሚሽነር የተመራ አድሏዊ ምርመራ እንደተካሄደባቸው ተገልጧል፡፡ ከጥር 13 ቀን 2003 ዓ.ም ጀምሮ የገዳሙ የሠርክ ጸሎት እና የስብከተ ወንጌል መርሐ ግብር እንደ ታወከ እና እንደተስተጓጎለ ይገኛል፡፡ የካቲት ዘጠኝ ቀን 2003 ዓ.ም ከቀትር በኋላ በሁኔታው ላይ መክሮ አቋም ለመውሰድ በገዳሙ ምእመናን የልማት ኮሚቴ አባላት በተጠራው ስብሰባ ላይ ለመሳተፍ የመጡ ምእመናን የገዳሙ አስተዳዳሪ በደብዳቤ በጠሯቸው የከተማው ፖሊስ አባላት ቆመጥ እና ሁከተኞቹ ባወረዱት የድንጋይ ውርጅብኝ ተድብድበዋል፤ በድንጋዩ ውርጅብኝ ስድስት ምእመናን የመፈንከት አደጋ የደረሰባቸው ሲሆን ገዳሙም ከየካቲት ዘጠኝ ቀን ምሽት 12 ሰዓት አንሥቶ እስከ የካቲት 10 ቀን 2003 ዓ.ም ቀትር ድረስ የመግቢያ በሩ ዙሪያ በገመድ ታጥሮ ለሁሉም አገልግሎት ዝግ ሆኖ ምእመናንንም ከመሳለም ተከልክለው መቆየታቸው ተዘግቧል፡፡

የሀገረ ስብከቱ ሥራ አስኪያጅ በቅርቡ በሰጡት ገለጻ የችግሩ ምንጮች፡- የደብረ ምሕረት ቅዱስ ገብርኤል ገዳም አስተዳዳሪ እና ሰበካ ጉባኤ መመሪያን የመፈጸም እና የማስፈጸም፣ ቃለ ዓዋዲውን የመጠበቅ እና የማስጠበቅ በአጠቃላይ ግቢውን ከሁከት እና ከአላስፈላጊ ነገሮች የመጠበቅ እና የማስጠበቅ ሐላፊነትን አለመወጣት፤ ‹የሰንበት ት/ቤቱ አባላት ነን› የሚሉ ነገር ግን የዕድሜ ገደብ (ከ4 - 30) ያለፈባቸው (ከ40 - 50 ዓመት ዕድሜ ያላቸው)፣ የጠቅላይ ቤተ ክህነቱ እና የሊቀ ጳጳሱ ፈቃድ ሳይሰጣቸው ድርሻቸውንም ሳያውቁ ‹እኛ ብቻ ነን መስበክ እና ማስተማር የሚገባን፤ እገሌ ካልሰበከ አይሆንም› በሚል የተናጠል እና የቡድን አስተሳሰብ ሌሎችን ወደ ስሜት የሚገፋፉ፣ የቤተ ክርስቲያንን ደንብ እና መመሪያ የማይቀበሉ፣ እንደራሳቸው ሐሳብ የሚሄዱ አካላት ናቸው፡፡ አስተዳዳሪው ችግሩን እንዲፈቱ ከአንዴም ሦስቴ በብፁዕ አቡነ ገብርኤል መመሪያ እንደተሰጣቸው ያመለከቱት ሥራ አስኪያጁ፣ ለሰበካ ጉባኤ አባላቱም ቃለ ዓዋዲው ተጠብቆ ይሠራበት ዘንድ የአቅማቸውን ያህል ጥረት እንዲያደርጉ፣ ከአቅማቸው በላይ የሆነ ነገር ሲገኝ ደግሞ ለሀገረ ስብከቱ እና ለመንግሥት አካላት አቅርበው እንዲያስከብሩ ተደጋጋሚ ውይይቶች፣ የቃል እና የጽሑፍ መመሪያዎች ሲተላለፉ ቢቆዩም ተፈጻሚነት ባለማግኘታቸው በሀገረ ስብከቱ 13 ወረዳዎች ከሚገኙት 125 አብያተ ክርስቲያን በተለየ አኳኋን የደብረ ምሕረት ቅዱስ ገብርኤል ገዳምን የጭቅጭቅ መድረክ እንዳደረገው አስረድተዋል፡፡

ሥራ አስኪያጁ እንዲህ ይበሉ እንጂ እንደ ቅርብ ታዛቢዎች እይታ ዘረኝነትን (የተወላጅነት መብትን) የእውነተኛ ማንነት መከለያ (ጭምብል)፣ ማኅበረ ቅዱሳንን የሤራ ማክረሪያ ስልት (መረገጫ) በማድረግ እየተከሠተ የሚገኘው ችግር ዋነኛ መንሥኤ፡- የሐዋሳ ደብረ ምሕረት ቅዱስ ገብርኤል ገዳምን የፕሮቴስታንታዊ-ተሐድሶ-ኑፋቄ ፕሮጀክት ‹ቤተ ሙከራ› አድርጎ ቤተ ክርስቲያኒቱን ከውስጥ በማመስ እና ከውጭ ከብቦ በማንኛውም መንገድ በማስጨነቅ ባለችበት በመውረስ አልያም ከፍሎ በመረከብ የቀናዒ ኦርቶዶክሳውያንን ቅስም የመስበር (የማሸማቀቅ) እና ሌሎች አህጉረ ስብከትን ተስፋ የማስቆረጥ ኤክስፐርመንት ነው፡፡ የቤተ ክርስቲያን ጠላቶች የኤክስፐርመንታቸው ሠርቶ ማሳያ ለማድረግ ርብርብ ለሚያደርጉባቸው የሐዋሳ ከተማ አጥቢያ አብያተ ክርስቲያን በአጠቃላይ እና የደብረ ምሕረት ቅዱስ ገብርኤል ገዳም በተለይ በቀጥታ ይሁን በተዘዋዋሪ እገዛ እያደረገ ያለው የጠቅላይ ቤተ ክህነቱ አስተዳደራዊ ይዞታ በተለይም የብፁዕ ወቅዱስ ፓትርያርኩ ጽ/ቤት የችግር አፈታት ነው፡፡

በቋሚ ሲኖዶስ አባላት ላይ ጫና በመፍጠር እና ሕገ ቤተ ክርስቲያንን በመጣስ ፓትርያርክ አቡነ ጳውሎስ ለሲዳማ ጌዲኦ አማሮ እና ቡርጂ ዞኖች እና ልዩ ወረዳዎች ሀገረ ስብከቱ ጽ/ቤት በቀጥታ ያስተላለፉት አድሏዊ ውሳኔ፣ የሀገረ ስብከቱን ችግር አጥንቶ ለቅዱስ ሲኖዶስ የመፍትሔ ሐሳብ እንዲያቀርብ በቋሚ ሲኖዶስ ተሠይሞ ጥቅምት 12 ቀን 2003 ዓ.ም ወደ ሐዋሳ አምርቶ የነበረው አጣሪ ኮሚቴ ሰብሳቢ ሊቀ ጳጳስ ብፁዕ አቡነ ጎርጎርዮስ የኮሚቴውን ሪፖርት በወቅቱ ለሚመለከተው የቅዱስ ሲኖዶስ ጉባኤ አለማቅረባቸው፤ ይልቁንም በማጣራቱ ሂደት የታመነባቸውን 73 ገጽ የጽሑፍ እና ስምንት የኦዲዮ ቪዥዋል ማስረጃዎች መሸሸጋቸው፤ ከዚህ በከፋ መልኩ ደግሞ ሰሞኑን “ማኅበረ ካህናትን፣ ማኅበረ ምእመናንን እና ምእመናትን በማነጋገር”፣ “ሰነዶችን እና በግንባር የቀረቡ የቃል አቤቱታዎችን በመመርመር” ለቋሚ ሲኖዶሱ እንዳቀረቡት በተነገረው “ጥናታዊ ሪፖርታቸው” በአንድ በኩል - ለአቡነ ጳውሎስ የማጥቂያ መንገድ ሲያመቻቹ በሌላ በኩል - እንደ “ተስፋ ኪዳነ ምሕረት የልማት እና ፀረ-ኤች.አይ.ቪ/ኤድስ ማኅበር” እና “የቅድስት ማርያም የስብከተ ወንጌል ማስፋፊያ ማኅበር” ላሉት የፕሮቴስታንታዊ-ተሐድሶ-ኑፋቄ መሣሪያ የሆኑ ድርጅቶች የልብ ልብ የሚሰጥ ውሳኔ እንዲተላለፍ መንገድ መክፈታቸው ሌሎቹ መንሥኤዎች ናቸው፡፡ በጥቅምት ወር የተካሄደው የቅዱስ ሲኖዶስ ምልዓተ ጉባኤ ወደ መንበረ ፓትርያርኩ ጠቅላይ ጽ/ቤት እንዳይገቡ ውሳኔ ያሳለፋባቸው ወ/ሮ እጅጋየሁ በየነ እግዱን እየተላለፉ ወደ መንበረ ፓትርያርኩ በመግባት የሁከት ፈጣሪዎቹ ጉዳይ አስፈጻሚ ከመሆናቸው በላይ በገንዘብ መደገፋቸውም ከዋነኞቹ መንሥኤዎች ተለይቶ የሚታይ አይደለም፡፡

ጥር 27 ቀን 2003 ዓ.ም ከተካሄደው የቋሚ ሲኖዶሱ ቃለ ጉባኤ ለመረዳት እንደተቻለው ፓትርያርኩ፣ የቅዱስ ሲኖዶስ ዋና ጸሐፊ ብፁዕ አቡነ ሕዝቅኤል፣ የጠቅላይ ቤተ ክህነት ዋና ሥራ አስኪያጅ ብፁዕ አቡነ ፊልጶስ፣ የቅድስት ሥላሴ መንፈሳዊ ኮሌጅ የበላይ ሐላፊ ብፁዕ አቡነ ጢሞቴዎስ፣ የቅድስት ሥላሴ ካቴድራል የበላይ ሐላፊ ብፁዕ አቡነ አረጋዊ፣ የምሥራቅ ሸዋ ሀገረ ስብከት ሊቀ ጳጳስ ብፁዕ አቡነ ጎርጎርዮስ፤ የሰበካ ጉባኤ ማደራጃ መምሪያ፣ የምሥራቅ ሐረርጌ እና የሶማሌ ሀገረ ስብከት ሊቀ ጳጳስ ብፁዕ አቡነ ያሬድ በተገኙበት የቋሚ ሲኖዶስ ስብሰባ ተደርጓል፡፡ በዚሁ ስብሰባ ላይ በሊቀ ጳጳሱ የተመራው ልዑክ በጥቅምት ወር “ባጠናው እና ባጣራው ሪፖርት” የሀገረ ስብከቱ ውዝግብ ዋነኛ መንሥኤ “የተስፋ ኪዳነ ምሕረት የልማት እና የፀረ-ኤች.አይ.ቪ/ኤድስ ማኅበር እና የማኅበረ ቅዱሳን አባላት እና ደጋፊዎቻቸው የሀገረ ስብከቱን ባለሥልጣናት እንደመሣሪያ በመጠቀም የቤተ ክርስቲያኗን መድረክ እጅ ለማድረግ፣ አንዱ ሌላውን ለመቅደም እና ብሎም ለማጥቃት በሚያደርጉት የሞት ሽረት ፍልሚያ ምእመናኑን፣ ካህናቱን እና ወጣቱን ወደ ሁለት መክፈላቸው” ነው ሲል ደምድሟል፡፡

በሊቀ ጳጳሱ ሪፖርት መሠረት ከዕለት ወደ ዕለት እየሰፋ በሄደው ብጥብጥ እና ሁለቱ ማኅበራት በሚያደርጉት ትንቅንቅ “የተስፋ ኪዳነ ምሕረት የልማት እና የፀረ-ኤች.አይ.ቪ/ኤድስ ማኅበር” ደጋፊዎች በሀገረ ስብከቱ ከሞላ ጎደል የተሻለ ቦታ አግኝተዋል፡፡ የማኅበረ ቅዱሳን አባላት እና ደጋፊዎች ግን ብዙ ነገር እያጡ በመሄዳቸው በሀገረ ስብከቱ ባለሥልጣናት [የቀድሞው ሊቀ ጳጳስ አቡነ ፋኑኤል፣ ሥራ አስኪያጁ መልአከ ሕይወት ፀሐይ መልአኩ. . . ] ላይ በማቄም የፈጸሟቸውን የአስተዳደር በደል፣ የገንዘብ ምዝበራ እና የሥነ ምግባር ጉድለት ጠቅሰው ከሐላፊነታቸው እንዲነሡ ምክንያት እንደሆነ ይገልጣል፡፡ ይሁንና “የተስፋ ኪዳነ ምሕረት የልማት እና የፀረ-ኤች.አይ.ቪ/ኤድስ ማኅበር” አባላት የቀድሞው የሀገረ ስብከቱ ባለሥልጣናት “የልማት እና የስብከተ ወንጌል መሪዎች” በመሆናቸው እንዳይነሡብን ማለታቸውን ሲያብራራ በአንጻሩ የማኅበረ ቅዱሳን አባላት የአስተዳደር በደልን፣ የገንዘብ ምዝበራን እና የሥነ ምግባር ጉድለትን አስመልክቶ ያቀረቧቸው ማስረጃዎች፣ “ከችግሩ መነሣት ቀደም ብለው የተፈጸሙ” እንደሆኑ፣ “ከሳሾች [ማኅበረ ቅዱሳን?] ራሳቸው በፈቃደኝነት ያሉባቸው እና የሚያውቋቸው ከመሆኑ አንጻር ለነገር መነሻ ሊጠቀሙባቸው እንደፈለጉ የሚያስረዱ እንጂ መሠረታዊ ችግሮች አለመሆናቸውን” ሪፖርቱ መመዘኑን በቃለ ጉባኤው ላይ ተገልጧል፤ “ተፈጠሩ የተባሉት ችግሮችም እንዲታረሙ ጥቆማ ከመስጠት ያለፈ ሀገርን የሚንጥ፣ ሁከት እና ብጥብጥ የሚያስከትል እንዳልነበረ” ሪፖርቱ እንደሚያጣጥለው ቃለ ጉባኤው ያስረዳል፡፡

የሁለቱ ማኅበራት ደጋፊዎች “በማይመለከታቸው እና በማያገባቸው በቤተ ክርስቲያናችን አስተዳደር ጣልቃ እየገቡ” የራሳቸውን ፍላጎት ለማሳካት ሲሉ ውዥንብር መፍጠራቸውን የሚገልጸው ሪፖርቱ በብፁዕ አቡነ ገብርኤል ሊቀ ጳጳስነት እና በሥራ አስኪያጁ ሊቀ ኅሩያን ዓለም እሸት ገብረ ጻድቅ የተመራው የሀገረ ስብከቱ አስተዳደርም “የአንድ ወገን ደጋፊ ሆኖ ከመታየቱ በቀር” የሁለቱን ቡድኖች ፉክክር በመፍታት ረገድ “ጥበብ የተመላበት አመራር እንዳልተከተለ” ሪፖርቱ መንቀፉን በቃለ ጉባኤው ላይ ተመልክቷል፡፡

በቅድሚያ የቋሚ ሲኖዶሱ አብዛኛው አባላት ችግሩ በሀገረ ስብከቱ ደረጃ እንዲፈታ ሐሳብ ቢሰጥበትም ከአንድም ሁለት ጊዜ በፓትርያርኩ ተደጋግሞ በመቅረቡ የተነሣ በአጀንዳው ላይ በዚህ መልኩ ለመወያየት መገደዱን ነው የጠቅላይ ጽ/ቤቱ ምንጮች የሚናገሩት፡፡ በስብሰባው ላይ በአስረጅነት የተገኙት ብፁዕ አቡነ ገብርኤል ማኅበረ ቅዱሳን በዋናነት በገጠሩ ክፍል የስብከተ ወንጌል አገልግሎት ከመስጠት እና የልማት ተግባራትን ከማከናወን ውጭ በአጣሪ ኮሚቴው በተዘረዘሩት ድርጊቶች ውስጥ እንደሌለበት ለማስረዳት ሞክረው እንደነበረ ተዘግቧል፡፡ ይሁንና እንደምንጮቹ መረጃ ብፁዕነታቸው “በፓትርያርኩ በደረሰባቸው ሸንቋጭ አስተያየት ይኸኛውም ያኛውም ይፈቀድለት ወደሚል አቋም እንደያዙ” ተሰምቷል፡፡ ይህኛውም ሐሳብ ያልተዋጠላቸው ፓትርያርክ አቡነ ጳውሎስ ግን ከአንድ ዓመት በፊት (በ23/02/2002 ዓ.ም) በራሳቸው ውሳኔ “የቅድስት ማርያም የስብከተ ወንጌል ማስፋፊያ ማኅበር” የሚል ፈቃድ የሰጧቸውን እነ ያሬድ አደመን፣ በጋሻው ደሳለኝን እና መሰሎቻቸውን ከእይታ ውጭ አድርጎ በማትረፍ በማኅበረ ቅዱሳን የሐዋሳ ማእከል ላይ የሚያሳርፉትን ምት ያከረርሁ መስሏቸው በቤተ ክርስቲያኒቱ መዋቅር ውስጥ ምንም ድርሻ የሌለው እና መንግሥታዊ ባልሆነ ድርጅት ስም የተቋቋመው “ተስፋ ኪዳነ ምሕረት የልማት እና ፀረ-ኤች.አይ.ቪ/ኤድስ ማኅበር” የተባለውን አካል የጦስ ዶሮ እና አቋም ማሳቻ ለማድረግ መምረጣቸውን የጉዳዩ ተከታታዮች ያብራራሉ፡፡

ይሁንና በዚህ አመለካከታቸው እና ድርጊታቸው ቅዱስ ሲኖዶስ ከ1984 ዓ.ም አንሥቶ ለሦስት ጊዜያት ያህል እያሻሻለ ባጸደቀለት መተዳደሪያ ደንብ የሚመራውን ማኅበረ ቅዱሳንን በመግፋት ከቤተ ክርስቲያኒቱ ውጭ በደ/ብ/ብ/ሕ ክልላዊ መንግሥት ፍትሕ እና ጸጥታ ቢሮ በመዝገብ ተራ ቁጥር 131/10/97 ዓ.ም ተመዝግቦ ፈቃድ እንደተሰጠው ከሚታወቀው ባዕድ ማኅበር (“ተስፋ ኪዳነ ምሕረት የልማት እና ፀረ-ኤች.አይ.ቪ/ኤድስ ማኅበር”) አሳንሰዋል፡፡ ለአቡነ ጳውሎስ ለይቶ ማጥቃት (surgical attack) መሣሪያ የሆነው፣ ወቅቱን ጠብቆ በአግባቡ ያልቀረበው የአጣሪ ኮሚቴው ሪፖርትም ማኅበረ ቅዱሳን “በተስፋ ኪዳነ ምሕረት” ለተወነጀለበት ጉዳይ አንድ ጊዜ ስንኳ ጠርቶ የመጠየቅ ዕድል ሳይሰጥ ማኅበሩ ከሳሽም ተከሳሽም ባልሆነበት ጉዳይ በሪፖርቱ ክፉኛ መኮነኑ ብዙዎችን አሳዝኗል፡፡

ለሦስተኛ ጊዜ በተሻሻለው የማኅበሩ መተዳደሪያ ደንብ ማኅበሩ ቀደም ሲል “በቤተ ክርስቲያን አስተዳደራዊ ጉዳይ ጣልቃ እንደማይገባ” የተቀመጠው አንቀጽ ወጥቶ አባላቱ እንደ ቤተ ክርስቲያን ልጅነታቸው በአስተዳደር ጉዳይም ሚና እንዲኖራቸው መፈቀዱ ተዘንግቶ፣ በቋሚ ሲኖዶሱ ቃለ ጉባኤ ገጽ አራት ላይ ማኅበሩ “የቤተ ክርስቲያን አስተዳደር የማያገባው እና የማይመለከተው” እንደሆነ፣ ጣልቃ የሚገባውም “የራሱን ፍላጎት ለማሳካት እንደሆነ በግልጽ ታይቷል” መባሉ፣ በሕገ ቤተ ክርስቲያን አንቀጽ 12 ንኡስ አንቀጽ አንድ ቋሚ ሲኖዶሱ በቅዱስ ሲኖዶስ ምልአተ ጉባኤ እየተወሰኑ የሚተላለፉ መመሪያዎችን እና ልዩ ልዩ ጉዳዮች ተግባራዊ መሆናቸውን የመከታተል ሐላፊነቱን ያልተወጣ ያሰኘዋል፡፡

በአቡነ ጎርጎርዮስ የተመራው ልኡክ ሪፖርት ከመታየቱ ቀደም ሲል፣ ጥር 25 ቀን 2003 ዓ.ም በሐዋሳ ከተማ ምእመናን እና ሰንበት ት/ቤቶች ተማሪዎች ስም የሰንበት ት/ቤት ይሁን የሰበካ ጉባኤ አባላት ስለመሆናቸው የሚያጠራጥሩ እና ጉዳዩ በቀጥታ የማይመለከታቸውን አልፎ ሂያጆች በጥቅም በመደለል እንዲሁም በፕሮቴስታንት እምነት ተከታይነታቸው ተለይተው የሚታወቁ መናፍቃንን በመሰብሰብ ከ8-12 በሚደርሱ መኪኖች ተጭነው ወደ መንበረ ፓትርያርኩ በመምጣት በግንባር ቀርበው “የሀገረ ስብከቱ ሐላፊዎች” (ሥራ አስኪያጁ) አደረሱብን ያሉትን ችግር ቋሚ ሲኖዶሱ መመልከቱን ቃለ ጉባኤው ይገልጻል፡፡

በዘጠኝ ነጥቦች ተለይተው በሥራ አስኪያጁ ላይ ከቀረቡት አቤቱታዎች መካከል፣ ከጥቅምት 20 - 22 ቀን 2003 ዓ.ም ለቅዱስ ጊዮርጊስ ቤተ ክርስቲያን ሕንጻ ማስፈጸሚያ ገቢ ለማሰባሰብ በመስቀል አደባባይ ለማካሄድ ታቅዶ ስለነበረው ጉባኤ የሚገልጸው ይገኝበታል፡፡

ያሬድ አደመ እና በጋሻው ደሳለኝ ከመሰሎቻቸው ጋራ የሀገረ ስብከቱን ሊቀ ጳጳስ ፈቃድ ሳያገኙ የስብከተ ወንጌል እና ሐዋርያዊ ተልእኮ መምሪያ ያስተላለፋባቸውን እገዳ በመጣስ ሊፈነጩበት ያቀዱትን ጉባኤ የሀገረ ስብከቱ ሥራ አስኪያጅ በቁጥር 366/51/101/2003 በቀን 19/05/2003 ለሕንጻ አሠሪው ኮሚቴ በጻፉት ደብዳቤ ወደ ደብረ ምሕረት ቅዱስ ገብርኤል ገዳም እንዲዘዋወር አድርገዋል፤ በጉባኤው ላይ ተገኝተው ትምህርተ ወንጌል የሚሰጡትም ከጠቅላይ ቤተ ክህነት የስብከተ ወንጌል እና ሐዋርያዊ ተልእኮ መምሪያ የተመደቡት እና የተፈቀደላቸው ሰባክያነ ወንጌል፣ 1) መምህረ ሃይማኖት ባሕታዊ ኃይለ ጊዮርጊስ፣ 2) መምህር ናዖድ ኢያሱ፣ 3) በኲረ ትጉሃን ቀሲስ ደመላሽ ቶጋ ብቻ የማስተባበሩን እና የማስተማሩን ሥራ እንዲያከናውኑ አሳውቀዋል፡፡ የማኅበረ ምእመናኑን ሰላም ለመጠበቅ ሲባል ያልተፈቀደላቸው ሰዎች መድረክ ላይ እንዳይወጡ እና አላስፈላጊ የሆነ ችግር እንዳይፈጠር የገዳሙ አስተዳዳሪ እና ሰበካ ጉባኤ አስፈላጊውን ቁጥጥር ያደርጉ ዘንድም አሳስበዋል፡፡

ይሁንና የገዳሙ አስተዳዳሪ ይህን የሀገረ ስብከቱን ማሳሰቢያ ወደ ጎን በማለት ከቤተ ክርስቲያን በዘረፉት 700‚000 ብር የሕዝብ ማመላለሻ አውቶብስ ገዝተው የግል መጠቀሚያ ካደረጉት የደብረ ሰላም ቅድስት ሥላሴ ቤተ ክርስቲያን አስተዳዳሪ አባ ናትናኤል እና በመሠራት ላይ የሚገኘው የቅዱስ ጊዮርጊስ ቤተ ክርስቲያን አስተዳዳሪ አባ ሲሳይ ጋራ በመሆን መድረኩን ላልተፈቀደላቸው ለእነ ትዝታው ሳሙኤል በማስረከባቸው በተነሣው ተቃውሞ በምእመናን ላይ ጉዳት ደርሷል፤ በጉባኤው እንዲያስተምሩ የተፈቀደላቸው መምህራንም ተዋክበው እንዲባረሩ ተደርጓል፡፡ በዕለቱ(ጥር 20 ቀን 2003 ዓ.ም) በዐውደ ምሕረቱ ላይ ቆመው ሁከቱን ሲያበረታቱ የነበሩት እነ ትዝታው ከነጫማቸው መቅደስ ውስጥ ሸሽተው በመግባት ለጊዜው ተሰውረው ቢቆዩም ከሌሎች አራት መሰሎቻቸው ጋራ በፖሊስ ቁጥጥር ሥር ውለው በማግሥቱ ሲለቀቁ የቤተ ክህነቱ ሕግ እና ደንብ እንዲከበር ጥረት ያደረጉት ምእመናን ግን እስከ ጥር 22 ቀን 2003 ዓ.ም ምሽት ድረስ ከያሉበት እየታደኑ አድሏዊ እና አሸማቃቂ ምርመራ ተካሂዶባቸዋል፤ እየፈረሙ እና የመታወቂያ ዋስ እየጠሩም እንዲለቀቁ ተደርጓል፡፡

የሀገረ ስብከቱ ጽ/ቤት ያሬድ አደመን ጨምሮ ሌሎች 19 ሰዎች በቁጥጥር ሥር ውለው በሕግ እንዲጠየቁ ለክልሉ የፍትሕ እና ጸጥታ ቢሮ ያቀረበው ጥያቄም ሰሚ ጆሮ አላገኘም፡፡ በአንጻሩ የሊቀ ጳጳሱን እና የሥራ አስኪያጁን ስም የሚያጠፋ ወረቀት የበተነው፣ የአካል ጥቃት ለማድረስ እስከ መንበረ ጵጵስናው የመግባት ድፍረት ያገኘው፣ “እኔ ሳላምንበት ምንም ነገር ማድረግ አትችሉም፤ ያለዚያ ቤተ ክርስቲያኗን አምሳታለሁ፤ መረጋጋት አይኖርም” በማለት የደነፋው ያሬድ አደመ፤ “ያለነውጥ ለውጥ አይመጣም፤ የወንጌል ብርሃን ያልበራላቸውን ናቸው የሚበጠብጡት፤ እነርሱን መፍራት አያስፈልግም፤ መግደል ነው” እያሉ ድምፅ ማጉያ ጨብጠው በዐውደ ምሕረቱ የተናገሩት እነ አባ ናትናኤል በፍትሕ እና ጸጥታ ቢሮው ተጠያቂ የተደረጉበት ይሁን በቋሚ ሲኖዶሱ ስብሰባ ላይ የምር የተገመገሙበት ሁኔታ አልታየም፡፡

በምትኩ በቋሚ ሲኖዶሱ ስብሰባ ላይ የሥራ አስኪያጁ ጥረት በአጥቢያ አብያተ ክርስቲያን ውስጣዊ አሠራር “ጣልቃ በመግባት”፣ ለደብር አስተዳዳሪዎች ማስፈራሪያዎችን እና ማስጠንቀቂያዎችን በመጻፍ “ሁከት በመፍጠር”፣ በምእመናን እና በሊቀ ጳጳሱ መካከል የጠበቀ ግንኙነት እንዳይኖር “ዕንቅፋት በመሆን” ተፈርጀዋል፤ “በቤተ ክርስቲያን አስተዳደራዊ ጉዳይ ጣልቃ እንዳይገባ በዕርቅ ሰነድ ስምምነት የተደረሰበትን፣ በሕዝብ ላይ ከፍተኛ ችግር እየፈጠረ ካለ ማኅበረ ቅዱሳን በሚባል ማኅበር ጽ/ቤት ተገኝተው የማኅበሩን ስብሰባ እየመሩ በመገኘት”ም ተጠቁረዋል፡፡ ይኸው “አቤቱታ” በሀገረ ስብከቱ ገና ከተመደቡ ሦስት ወር የሆናቸውን ሥራ አስኪያጅ “የሥራ አፈጻጸም ጉድለት እንደሚያሳይ” ቋሚ ሲኖዶሱ እንደተነጋገረበት ቃለ ጉባኤው ያስረዳል፡፡

በመጨረሻም ቋሚ ሲኖዶሱ፡-
      . በሀገረ ስብከቱ  ለተከሠተው ችግር ምክንያት ሆኖ የተገኘው “የተስፋ ኪዳነ ምሕረት የልማት እና ፀረ-ኡች.አይ.ቪ/ኤድስ ማኅበር”፣ የማኅበረ ቅዱሳን አባላት እና ደጋፊዎች እንደማንኛውም ምእመን መንፈሳዊ አገልግሎት ከሚያገኙ በቀር በቤተ ክርስቲያኒቱ አስተዳደር ውስጥ ጣልቃ እንዳይገቡ፤   
      . ከተማውን ለከፍተኛ ውዝግብ የዳረገው የሁለቱ ማኅበራት እና ደጋፊዎቻቸው  ፉክክር መሆኑ ስለተረጋገጠ የቤተ ክርስቲያኒቱን እና የምእመናንን ሰላም  ለመጠበቅ ሲባል ያለው ሁኔታ በአስተማማኝ እስከሚረጋጋ ድረስ የሁለቱም        ማኅበራት አባላት በቤተ ክርስቲያኒቱ መድረክ ላይ እንዳያስተምሩ፤
      . እስከዚያው ድረስ የደብረ ምሕረት ቅዱስ ገብርኤል ገዳም ስብከተ ወንጌል ሐላፊ መልአከ ምሕረት ጳውሎስ ቀጸላ እንዳሉ ሆነው በተጨማሪ ከመንበረ ፓትርያርክ ጠቅላይ ጽቤት በሚላኩ ሰባክያነ ወንጌል ሥራው እየተሸፈነ         እንዲቆይ፤  
      . በሀገረ ስብከቱ የተፈጠረውን አለመግባባት ለመፍታት እና የቅዱስ ሲኖዶስን ውሳኔ ለማስፈጸም ከክልሉ መስተዳድር ጋራ በመተባበር የማረጋጋት ሥራ የሚሠራ ከብፁዓን ሊቃነ ጳጳሳት እና ከጠቅላይ ቤተ ክህነት አስተዳደር የተውጣጣ ኮሚቴ ወደ ቦታው እንዲላክ፤
       . ጥር 25 ቀን 2003 ዓ.ም የቀረበው አቤቱታ በሀገረ ስብከቱ ሥራ አስኪያጅ የሥራ አፈጻጸም ጉድለት ላይ ያተኮረ ስለሆነ ከሥራ አስኪያጅነት እንዲነሡ ሆኖ ብቃቱ የተረጋገጠ ሥራ አስኪያጅ በቋሚ ሲኖዶስ የተወሰነ በመሆኑ        በውሳኔው መሠረት እንዲፈጸም እንዳዘዘ በቃለ ጉባኤው ላይ ተገልጧል፡፡

የስብሰባው ውሳኔም በቁጥር 92/54/2003 በቀን 2/6/2003 በፓትርያርኩ ፊርማ ወጭ ሆኖ በአድራሻ ለሲዳማ ጌዲኦ አማሮ እና ቡርጂ ዞኖች እና ልዩ ወረዳዎች ሀገረ ስብከት ጽ/ቤት በግልባጭ ለብፁዕ ወቅዱስ ፓትርያርኩ ልዩ ጽ/ቤት፣ ለጠቅላይ ቤተ ክህነት ጽ/ቤት፣ ለደ/ብ/ብ/ሕ/ ክልላዊ መስተዳድር ጽ/ቤት እና ለደቡብ ብሔር ብሔረሰቦች ፖሊስ ኮሚሽን ግልባጭ በተደረገ ደብዳቤ ተልኳል፡፡

በቃለ ጉባኤው ላይ የቋሚ ሲኖዶሱ ሰብሳቢ የሆኑት የአቡነ ጳውሎስ እና የብፁዕ አቡነ ጎርጎሬዎስን ጨምሮ የአራት ሊቃነ ጳጳሳት ፊርማ ያረፈበት ሲሆን የቅዱስ ሲኖዶስ ዋና ጸሐፊ ብፁዕ አቡነ ሕዝቅኤል እና ብፁዕ አቡነ ጢሞቴዎስ ፊርማ አለመስፈሩ ይታያል፡፡ ይሁንና የቃለ ጉባኤው መዝጊያ ዐረፍተ ነገር ውሳኔው “ቋሚ ሲኖዶሱ በሙሉ ድምፅ ተስማምቶ እንደወሰነ” ቢገልጽም ሁለቱ ብፁዓን ሊቃነ ጳጳሳት ፊርማቸውን ካለመኖራቸው ጋራ ተያይዞ ቃለ ጉባኤው ከዋና ጸሐፊው ፈቃድ ውጭ በሌላ አካል ተጽፎ ሊሆን እንደሚችል ግምት ተወስዷል፤ ከቅዱስ ሲኖዶስ ጽ/ቤት በቀጥታ ለሀገረ ስብከቱ ጽ/ቤት የመላኩም ሁኔታ ግምቱን የሚያጠናክር ሆኗል፡፡ በሕገ ቤተ ክርስቲያን አንቀጽ 25 መሠረት የቋሚ ሲኖዶስን ስብሰባ ቃለ ጉባኤ የመያዝ፣ ከቅዱስ ሲኖዶስ የሚሰጠውን ውሳኔ እና ትእዛዝ ለጠቅላይ ቤተ ክህነት ጽ/ቤት እና ጉዳዩ ለሚመለከታቸው ሁሉ የማስተላለፍ ሥልጣን እና ተግባር የቅዱስ ሲኖዶስ ጸሐፊ ነው፡፡ በአንቀጽ 30 መሠረት ደግሞ ቅዱስ ሲኖዶስ ስለ ቤተ ክርስቲያን አስተዳደር በየጊዜው የሚወስናቸውን ጉዳዮች በሕጉ መሠረት የመፈጸም እና የማስፈጸም ሥልጣን እና ተግባር የጠቅላይ ሥራ አስኪያጁ ነው፡፡

የሲዳማ ጌዲኦ አማሮ እና ቡርጂ ዞኖች እና ልዩ ወረዳዎች ሀገረ ስብከት ሥራ አስኪያጅ በመሆን ከሦስት ወራት በፊት ሥራ የጀመሩት ሊቀ ኅሩያን ዓለም እሸት ገብረ ጻድቅ፣ ታኅሣሥ 25 ቀን 2003 ዓ.ም ሁሉም ወገኖች የተቀበሉት የዕርቅ ስምምነት ላይ እንዲደረስ እና ሰላም እንዲወርድ ማስቻላቸው በቋሚ ሲኖዶሱ ስብሰባ ላይ በሚዛናዊነት አልታየም፤ ሌላው ይቅርና ቀርቦባቸዋል በተባለው አቤቱታ መሠረት በሕገ ቤተ ክርስቲያን አንቀጽ 37 ንኡስ አንቀጽ 8 መሠረት በሥራ ልምዳቸው እና በብቃታቸው መርጠው ለጠቅላይ ሥራ አስኪያጁ አቅርበው በቅዱስ ፓትርያርኩ ስምምነት ባሾሟቸው፣ በአንቀጽ 38 እንደተደነገገውም ተጠሪ በሆኑላቸው ሊቀ ጳጳስ ብፁዕ አቡነ ገብርኤል ተጠርተው አልተጠየቁም፡፡

በቃለ ዓዋዲው አንቀጽ 44 ንኡስ አንቀጽ 8 መሠረት በሀገረ ስብከት ክልል ውስጥ በመጀመሪያ ደረጃም ሆነ በይግባኝ የሚቀርቡ የሕግ እና ሥነ ሥርዐት ጉዳዮችን በሀገረ ስብከቱ ጽ/ቤት እንዲታይ የማድረግ፣ ይግባኝ የሚጠየቅበት ጉዳይም ለጠቅላይ ቤተ ክህነቱ ወይም ለቅዱስ ሲኖዶስ እንዲተላለፍ የማድረግ ሥልጣን እና ተግባር ያላቸው ብፁዕ አቡነ ገብርኤልም አልተጠየቁበትም፡፡ በምትኩ በፓትርያሪኩ አበረታችነት በአድማ የተጠራውና ‹‹ለሻይ›› እስከ 5000 ብር የገንዘብ ድጋፍ ለአድመኞቹ በተደረገበት የአቤቱታ አቀራረብ፣ “በሥራ አስኪያጁ የሥራ አፈጻጸም ጉድለት ላይ ስላነጣጠረ” በሚል ብቻ እንዲነሡ መወሰኑ የሀገረ ስብከቱን ምእመናን ቅር አሰኝቷል፡፡ የደብረ ምሕረት ቅዱስ ገብርኤል ገዳም ምእመናን ልማት ኮሚቴ አባላት ይህኑ በመጥቀስ ለፓትርያርኩ ልዩ ጽ/ቤት የተቃውሞ ደብዳቤ መጻፋቸው ተሰምቷል፡፡

ትናንት  ከደ/ብ/ብ/ሕ ክልላዊ መንግሥት ርእሰ መስተዳድር ጋራ በተደረገው ውይይት፡- ለልማት ተግባር ተጠርተው መምጣታቸውን፣ ከመጡ በኋላም ስሕተት በማየታቸው ስሕተቱን ለማስተካከል ተቃውሞ ማቅረባቸውን፣ ተቃውሟቸውንም ችግሩን እንዲያጣራ ለመጣው ልኡክ በመረጃ በማስደገፍ በማቅረባቸው ቀደም የነበሩት ሐላፊዎች ተዛውረው አሁን ያለው ለውጥ መደረጉን አስረድተዋል፡፡ በብፁዕ አቡነ ገብርኤል፣ በሀገረ ስብከቱ ሥራ አስኪያጅ እና በመንግሥት ከፍተኛ ጥረት የዕርቅ ስምምነት ተፈርሞ እግዚአብሔርን እያመሰገኑ ባሉበት ሁኔታ ዳግመኛ ያገረሸውን ችግር አስመልክቶ እዚህ ቀርበን ለመነጋገር ያገኘነውን ዕድል ያህል በመንበረ ፓትርያርኩ ዘንድ አለማግኘታቸውን አመልክተዋል፡፡ ችግሩ በማንኛውም ገጽታው ከማኅበረ ቅዱሳን ጋራ ሊቆራኝ የሚችልበት አግባብ እንደሌለው የተናገሩት የምእመናኑ ተወካዮች፣ “የክልሉ ተወላጆች እንዳናገለግል በዘረኝነት እና በፖሊቲካዊ አካሄድ ተገፋን፤ በቋንቋችን እንዳንሰብክ ተከለከልን. . .” በሚል ለቀረበው ክስ ምላሽ ሰጥተዋል - “እስከ ዛሬ ያልተነሣ የቋንቋ ጉዳይ አቶ ሽፈራው ሲሰበስቡን መነቀሱ ለምን ይሆን? ይህ አካሄድ የጥገኝነት ነው!!”
++++++++++++++++++++++++

የዚህን ረፖርታዥ ዝርዝር የሚያሳየውን የምእመናን የአቤቱታ ደብዳቤ እና የቅዱስነታቸውን ማጠቃለያ እዚህ http://www.tewahedotoday.org/doc.pdf መጫን ማንበብ ይቻላል።


51 comments:

Anonymous said...

this is an indication for the protestant reforming group strategy.The Awasa true Christians are continuing sacrifying for struggle non EOTC(protestant missionaries) illegal groups. May God and his mother with u!!!!!!!!!!

Anonymous said...

እግዚአብሄር አምላክ ሰላሙን ያውርድልን

Anonymous said...

Abun Pawolosen Egiziabeher kebotachew biyyanesachew hulum neger selam yihon neber. Ahunim egiziabeher betekirstianin yitebikilin.
Amen

tewahido said...

In the name of the Father, of the Son , and of the holly spirit one GOD amen.Language is simply a means of communication.But it is better if somebody learnt in his own mother tongue.Our church is not advancing in these aspects.Simply for showing her unity sometimes other people say something in their own language.The other thing is the case of mahibere kidusan.This association as we all now is doing his best for the development of the church.I don't say that all the members are perfect as man is not perfect but when i see things from different perspectives those who hate these association are three types.1.in this associassion there are professionals and priests who are able to hold the two aspects.2tehadisos,because this associassion strictly fight to clean these groups from church3who misunderstand and mis guided by others.GOD bless Ethiopia and protect our church from heretics!!!1

Asrat the dilla said...

Esk meche endeh eyezelelubat yinoralu betekirstianen Amlake kidusan ke tifat yitebeken.

Anonymous said...

እግዚአብሄር ተዋህዶ ሃይማኖታችን ይጠብቅልን !ሰላምን ያውርድ አሜን!

Anonymous said...

"Hullachenim beyallenebet enitsina". Tewahido, be aware that these all are the hidden mission of setan who hates peace and unity of christians. Jesus Christ passed on the cross for all human beings. Therefore, we have to put aside saying 'I belongs to Aphelos/ I belongs to Phaulos' and pray for PEACE. God bless Ethiopia. Amen.

tamiru Z hawassa said...

እባካችሁ ትልቁ ነገር ፀሎት ነው
በፀሎት እንትጋ
አደገኛ ሴራ ነው ቤተክርስቲያን ላይ የተደቀነው
“ቅዱስ” አባታችን ከዚህ በፊት ከአንድም አራት ጊዜ ስንመላለስ ለቅዱስ ሲኖዶስ ያላቀረቡት አጀንዳ አሁን ቤተክርስቲያን የሚያጠቁ ወሮበሎች አቤቱታ አቀረቡ ብሎ ማቀረቡ ምን ማለት ነው?
ከሁከቱ ጀርባ አቡነ ጳውሎስ ያሉበት ያስመስላል፡፡
ፀሎት
ፀሎት
ፀሎት
ሌላ ምንም አቅም የለንም

በግቦ ነውና የሚንቀሳቀሱት

elsa said...

አይ መጨሸው ዘመን እግዚአብሄር ተዋህዶንና ሕዝቦቿን ይጠብቅ፡፡ አሚን

Anonymous said...

Egziabher yitebiken

Anonymous said...

Thank u DS
MK will fight theme always .If they say something abut Mk ,them thing is wrong.Mk had never been work with TEHADESO.What is mk prosecution?
I am proud of AWASA MEMENANE.
GOD Bless US
from U.S.A

Anonymous said...

pls every ortho chri lets stand up and fight against them. lets all be spy and know what r they to do. and mahibere kidusan get accepted by the people, involve them then they themselves will die for it. work connot be successful without the involvment of the mass.

Aragaw said...

"Yemewgiawn biret bitkawem beante yibsal." Acts 9:5.

Anonymous said...

I remember our fathers during 16th century they struggle from out side enemy and internal kibat and tsega,so the enemies when they get good opportunity they try to implement their doctrine but our fathers they were strong spiritually and they won easily.Good example Echege Betiregorgis&ALPHONSU MANDEZ GOD BLESS ETHIOPIAN TEWAHIDO.

Orthodoxawi said...

Egzio Meharene Kirstos!!!

Ena aynachin eyaye be Protestant-Tehadso-Menafkan enteka?

Gobez, yegna astewatsi'o min lihon yichilal?

Amlak hoy betekrstiyanin tebklin!!!

Anonymous said...

ሀ) ለአቡነ ጎርጎርስ አንድንድ ጥያቄዎችን እናንሳ
1) ችግሩን ለማጣራት ሐዋሳ ደርሰው ሲመለሱ ዝዋይ ገዳም ጎራ ብለው አርፈው ነበር፡፡ ሰውም እግዚአብሔርም ምስክር ነውና አቡነ ፋኑኤልን ቤተ ማርያም (ጽርሃጽዮን) ይቆዩን በማለት እርስዎ፣ እና ሌሎች አጣሪዎች ምን ተማከራችሁ?
2) በኋላ ፋኑኤልን ጠርተው ችግሩ በሙሉ እርስዎ ጋር በመሆኑ ሪፖርት ለማድረግ ተቸግረናል ባይሆን በፈቃድዎ ቦታዎን ይልቀቁ በማለት አላጋቧቧቸውም?
3) አዲሳባ ተመልሳችሁ የእርስዎ ማረፊያ ውስጥ ፋኑኤልን ድጋሚ በመጥራት (ስማቸውን ለጊዜው ከማልጠቅሳቸው ሌላ ሊቀ ጳጳስ ጋር በመሆን) ቦታቸውን (ሐዋሳን) በፈቃዳቸው እንዲቁ ካሳመነኗቸው በኋላ ቃላቸውን እንዳይቀይሩ ወዲያው ምስክር ይዘው መሠሪው አባ ጳውሎስ ዘንድ በአካል በማቅረብ የደረሳችሁበትን አልነገራችሁም ነበር?
4) ማኅበረ ቅዱሳን የተመሠረተው እርስዎ በበላይነት በሚመሩት ዝዋይ ቅዱስ ገብርኤል ገዳም እንደመሆኑ ማኅበሩ ለሀገረ ስብከትዎ ያለተቋረጠ የሙያ እና የገንዘብ ድጋፍ ሲያደርግልዎ አብረው ሲሰሩ ቆይተው ልክ ማኅበሩንም አገልግሎቱንም እነደማውቅ የዚህ ክስ አርቃቂ እና አጽዳቂ (ፈራሚ) መሆንዎ አያስተዛዝብም?
ለ) ለአባ ጳውሎስ አንድንድ ጥያቄዎችን እናንሳ
1) ቢረባም ባይረባም በአቡነ ጎርጎርዮስ ሰብሳቢነት የተሰየመው አጣሪ ኮሚቴ ሪፖረቱን በወቅቱ ለዋናውም ሆነ ለቋሚ ሲኖዶስ እንዳያቀርብ ለምን ከለከሉ?
2) እግዚአብሔርን ከማይፈሩ ሰውንም ከማይፈሩ ጎረምሶች ጋር አብረው ላለፉት 18 ዓመታት በቅንነት መንፋሳዊ እና ማኅበራዊ አገልግሎት ሲያበረክት የቆየውን ማፍበረ ቅዱሳንን ቢቻልዎ ከምድረ ገጽ ካልተቻለ ደግሞ ከቤተ ክርስቲያን ዓውደ ምህረት ለማጥፋት ልምን ፈለጉ ሲያሻዎት ከነእጅጋየሁ በል ሲልዎ ከወተቴ ጎሮምሶችዎ ጋር እንደልብዎ አላስፈነጭ ስላልዎት ይሆን
3) በእርስዎ ዘመነ ክህነት የቅድስት ቤተክርስቲያን አንድነቷ ተናግቶ፣ ሲኖዶስ በታሪክ ለመጀመሪያ ጊዜ ለሁለት ተከፍሎ፣ አበው ሊቃነ ጳጳሳት ተሰደው፣ ገዳማት ተፈተው፣ በየአህጉረ ስበከቱ በአስር ሺህ የሚቆጠሩ አብያተ ክርስቲያናት ተዘግተው፣ ተቃጥለው፣ ጥንታውያን ቅርሶቻችን በእሳት እና በሌቦች ተበልተው አልቀው…አረ ስንቱ ይዘረዘራለል ይህ ሁሉ ውድመት እና ጥፋት ያደረሱት እርስዎ እና ለምግብ እነጂ ለሥራ ያልተፈጠሩ ወሮ በሎች አሽከሮችወዎን ጉድስ ማን ያጣራው ይሆን?
ሐ) ለማኅበረ ቅዱሳን አባላት እና ደጋፊዎች (እንደ አባ ጎርጎሪ ገለጻ)
1) ሰውን ወይስ እግዚአብሔርን እንደምታገለግሉ ቁርጡ መታያ ጊዜው አሁን ነው እና አሁንም ቅዱስነትዎ፣ ብጹእነትዎ…ወዘተ እያላችሁ እየተሸነጋገላችሁ ትቀጥላላችሁ ወይስ የእውነት አርበኞች ሆናቸሁ ትቆማላችሁ?
2) የአባ ጳውሎስን የግፍ አገዛዝ በቅድስት ቤተክርስቲያናችን ላይ በማጽናት እነደ ከዚህ ቀደሙ በይሁንታ እና በቸልታ ታልፉታላችሁ ወይስ ቤተክርስቲያኒቱን ከመሠረቷ ነቅለው ቢደፏት ማኅበሩ አይነካ እንጂ ተሞዳሙዳቸሁ ጥቀጥላላችሁ?
3) እስከመቼ በፍረሃት እና በመንቀጥቀጥ ለጥ ሰጥ ብላችሁ ትኖራላችሁ? መች ይሆን ነጩን ነጭ ጥቁሩንም ጥቁር የምትሉት?

ሁላችንም መልሱን አሁን ለመመለስ ባንፈልግ እንኳን በኋላ በሰማያዊው ዙፋን፣ በንጉሱ የፍርድ ወንበር ፊት መልስ እንሰጥበታለን !!!

Daniel said...

አቤቱ ከዚህ የከፋ አታምጣ:: ቤተክርስቲያንን ለመጠበቅ የተሾሙ ሰዎች ለማጥፋት ሲራወጡ ከማየት የከፋ ነገር ይኖር ይሆን??

Anonymous said...

MOT temegnhu! hatyat yhon? geta hoy minale. abune pawlosen betanesaln!!!

mebrud said...

የቤተክርስቲያን ክፉ ጠላቶች ፓለቲካ፣ጥቅም፣ስልጣን፣ዘረኝነት፣መናፍቅነት ሆይ በእናንተ ቤተክርስቲያን ስትደማ እንደኖረች በተራችሁ ከእግሯ ሥር ተንበርክካችሁ ስታለቅሱ ለማየት እድሜ ይስጠን።እስከዛ ድረስ ግን ለአይኖቻችን እንቅልፍ አይኖራቸውም።
ክርስቶስ ጌታችን በወርቀ ደምህ ስለዋጀሀት ቤተክርስቲያን አይገድህም?
አቤቱ ይቅር በለን።በእውነት በድለናል።

Anonymous said...

This is all proud. All of us are sinners. No one is talking the truth.
One because of lack of knowledge and the other for his own glory (not for God's glory) and another for his satanic mission.
Stop and Pray now and leave our Church to do all based on the orders of the Church.
If one is not proud, let him come and respect his priest and repent on his sins and receive the Holy Communion.

Adhineni Egzio Esme halqe her wewihde Haymanot emgetsemidir.

Abebe said...

we expect such things, but this info helps as not to let this people in other area there fore i appreciate deje selam. any ways those of you worrying about the church don't stop to pray. it is the time this to happen.

amlak hulun libona yistew ke niway yilik amlakun endiyasib yadirgew.

Anonymous said...

I am very happy, the great fasting is coming. So we will solve all of our problems....

gebremariam said...

wey gud mk degimo kene yared ademe manetsatser tejemere?
enen batamininugn sirayen emenu adel yalew getachin
yeneyared sira -zeregnnet,zerefa
ye MK sira- sireat yikeber,

Bewunu lenitsitsir yibekaluni? eski firedu?

eski yetegnaw new yabatoch demina sireat yeteketel?
kalastemariku yemil ye mk abal ale?
wey gizea .........
Amlake Kidusan bechernetih tebiken

Anonymous said...

selam lehulachehu yehun betam gera new yegebagn negeru be wechim beager betem chegr fetari MK sibal semalhu ebakachehu enantem kehonachehu eski zor beluna be mehalachehu yemiyawek kale atenu ebakachehu seldengel mareyam setelu yemetekereseteyanuan selam atawekun letelatem asalefachehu atasedebun abatachenenm Abune Pawlosnem atesadebu ebakachew bafesesew demu bekoresew sigaw telemenu yebetekereseteyan serat ketebelashem be fikir beserat tenegageru egziabeher netsu lebona yesten amen ke eruop

Anonymous said...

hulachin betachin binetebik eko yih hulu gud aymetam neber.
ebakachihu yeminagelegilibet atbiya bete kristian entebik

Anonymous said...

THE POP IS NOT ONLY TO BE LESEND HE MUST LESEN THE PEOPELS WILL ALSO THE THE MAN ON YUOR SCREEN IS NOT THA ONE HWO FIX THE PROBLEM UNLESS U GUYES WANT TO USE HEM AS WAPON FPR YUOR HEADEN AGENDA.
WG

ssintu said...

ufffffffff tekatelekugn weseta nedede

Zekios said...

Oh God.
where will it end?
This is really Armagedon.
please YETEWAHDO LIJOCH bertu.
And keep praying.
Please do not raise the issue of language,by this time I think nobody has the right to prohibit you from practising and performing spiritual deeds using whatever language you like.MAHBERE KIDUSAN as far as i remember is the first to translate WUDASE MARIAM TO GELEETTA MRIAM IN OROMIFFA.
Anyways donot fool yourselves if you praise God, his mother and his saints the Glory is for you.You know GOD is always be praised and he already has given glory to his mother and the saints.
DINGIL ATILEYEN

John Architect said...

አምላካችን ተመስገን! ለመጪው ዓብይ ጾም አጀንዳ ሰጠኸን፡፡ ወጎኖቼ መጨነቅ አያስፈልግም፡፡

‹‹ዓይኖቼ ወደ ተራሮች አነሣሁ፤ ረዳቴ ከወዴት ይምጣ? ረዳቴ ሰማይና ምድርን ከሠራ ከእግዚአብሔር ዘንድ ነው። እግርህን ለመናወጥ አይሰጠውም፤ የሚጠብቅህም አይተኛም። እነሆ፥ እስራኤልን የሚጠብቅ አይተኛም አያንቀላፋምም። ›› መዝ.121:1 - 4

አምላካችን ይጠብቀናል እንጂ አንጠብቀውም! ደግሞስ በጸሎት እና በምልጃ ጉዳያችሁን አስታውቁ እንጂ በአንዳች አትጨነቁ… መባሉን መባሉን ማስተዋል ተገቢ አይመስላችሁም! ከአባቶቻችና ጋር ግን ተዛዝበናል!

‹‹ ሰላምን ከሚጠሉ ጋር ነፍሴ ብዙ ጊዜ ኖረች። እኔ ሰላማዊ ነኝ፤ በተናገኋቸው ጊዜ ግን በከንቱ ተሰለፉብኝ። ›› መዝ.120:6

John Architect said...

አምላካችን ተመስገን! ለመጪው ዓብይ ጾም አጀንዳ ሰጠኸን፡፡ ወገኖቼ መጨነቅ አያስፈልግም፡፡

‹‹ዓይኖቼ ወደ ተራሮች አነሣሁ፤ ረዳቴ ከወዴት ይምጣ? ረዳቴ ሰማይና ምድርን ከሠራ ከእግዚአብሔር ዘንድ ነው። እግርህን ለመናወጥ አይሰጠውም፤ የሚጠብቅህም አይተኛም። እነሆ፥ እስራኤልን የሚጠብቅ አይተኛም አያንቀላፋምም። ›› መዝ.121:1 - 4

አምላካችን ይጠብቀናል እንጂ አንጠብቀውም! ደግሞስ በጸሎት እና በምልጃ ጉዳያችሁን አስታውቁ እንጂ በአንዳች አትጨነቁ… መባሉን ማስተዋል ተገቢ አይመስላችሁም!
‹‹ ሰላምን ከሚጠሉ ጋር ነፍሴ ብዙ ጊዜ ኖረች። እኔ ሰላማዊ ነኝ፤ በተናገኋቸው ጊዜ ግን በከንቱ ተሰለፉብኝ። ›› መዝ.120:6

ከአባቶቻችን ጋር ግን ተዛዝበናል!

Anonymous said...

Clear Message for BEGHASHAW DESSALEGN,
Mechem Aba Ghiorgis Zegasicha lenistros yetenagerewun mechem anbibehewal, esun lidgemilih.... begile kante bizu etebiq neber, sile betekiristian agelgilot sasib tesfaye yimola neber ahun gin lehulum chigiroch ras mehonihin sasib yeliben endet endeminegrih sasib agegnehut..... begashaw yeteweledkibat qen yeteregemech tihun, yeqidusan melaekt yeesat seyfoch anten lemeqentes mikiniat ayitu, yezich betekiristian mesrach Kiristos yiqir ayibelih, bemidirim besemayim tenkeratet yemiredah ayigegn.... bicha min alefah Egziabher amlak bequtaw yimelketih.

Gebrre Mariam said...

እግዚአብሔር ሆይ ይህንን ጨካኝ አረመኔ "ፓትሪያርክ" ፓውሎስን ቤተ ክርስቲያንን ቀስ እያለ አጠቃላይ ደብዛዋን አንደ ወራጅ ውሃ አየሸረሸረ የሚያጠፋ ሰው ለምን ይሆን ያስቀመጥህ??? ታዲያ አሁንስ መቼ ይሆን ደግሞ ወይ የሚያማቸው በሽታ ጸነቶባቸው(በጣም እታመሙ እንደሆነ በሰፊው ስለሚወራ)አልያም በሌላ ምክንያት ሞተው ቤተ ክርስቲያናችን የምትገላገለው!!!? ምንም እንኩዋን ቀሪዎቹና አብዛኞቹ የሚረቡም ባይሆኑ፡፡ እግዚአብሄር ሆይ ደማቸውን አፍስሰው ቤተ ክርስቲያንን እዚህ ስላደረስዋት ስለ ቅዱሳን ብለህ ቤተ ክርስቲያናችንን ጠብቅልን:: አሜን

ዘሚካኤል said...

ይህ “ፓትሪያርክ” ተብዬ ፓውሎስ ለምን ይሆን ይህን ያህል ቤተ ክርስቲያንን ከሚያሳድዱዋት ከእነ ያሬድ አደመ ወ/ሮ እጅጋዬሁ በየነ የበፊት የመሀሙድ አህመድ ሚስት እና ሌሎች ወሮበሎች ጋር ሆኖ ይህን ያህል ቤተ ክርስቲያናችንን እየወጋት የሚገኘው??? የተቀመጠበት ቦታ የእነ ቅዱስ አትናቴወስ& የእነ ቅዱስ& ቄርሎስ የእነ ብፁዕ ወቅዱስ ቴዎፍሎስ& የእነ ሰማዕቱ ቅዱስ ጴጥሮስ&... መሆኑን ዘንግተውት ይሆን ወይንስ ብዙ ግዜ በወሬ ደረጃ እንደሚወራው የፕትርክና ቦታ ላይ ተተቀምጠው አቡነ ፓውሎስ ብዙ ግዜ በወሬ ደረጃ እንደሚሰማው የካቶሊክ አልያም የሌላ እምነት ተከታይ ሆነው ይሆን??? እናንተ ማህበረ ቅዱሳን ቆፍራችሁ የማታውቁት ነገር የለምና እባካችሁ ጊዜው አሁን ስለሆነ አፍረጥርጣችሁ እውነታውን አውጡት ምክንያቱም እርሳቸው የምንጩን አናት ይዘው እየበጠበጡ ከታች አስተካክላለሁ ብሎ መኩዋተን የማይቻል ነውና አበው “የአሳ ግማቱ ከአናቱ አንዲሉ” እግዚአብሔር ቸር ነገር ያሰማን

Anonymous said...

egziyabher orthodox tewahido eminetachinin ena lijochiwan yitebikilin.amlak yemisanew neger yelem,tegiten keseleyin fetenawin enalifalen,egziyabherm bewist ena bewichi honew betekrstiyanachinin lematifat ena bemitikum yerasachew mission lemadireg yemitrutin zim ayilim,gin yihe hulu lihon gid silehone new lemanignawim dejeselamn egziyabher yabertalin,yihew hulun neger endih eyakerebachihu hulun neger endinireda madiregachihu,tegiten keseleyin hulum yalifal selot ketebekech atir tibelitalech.egziyabher hulunm eko yayal gin lehulum gize alew.bicha eniseliy tegiten keseleyin kendun akumo yegebawin seyitan egiziyabher asafiro yasiwetalinal.egiziyabher betekrstiyanachinin yitebikilin bekchihu yibelen emebete maryam hoy yasrat agerishin ethiopian ena orthodox tewahido eminetachinin tebkiln....amen..

ጎይቶም ከሀዋሳ said...

እኔን በጣም የገረመመኝ ደግሞ መንግስት በምክትል ኮሚሽነርነት ቦታ ላይ ያስቀመጠው ሰው
““ከትክክለኞቹ ወገን ነህ ወይስ ከማኅበረ ቅዱሳን?” በሚል በክልሉ ምክትል ፖሊስ ኮሚሽነር የተመራ አድሏዊ ምርመራ እንደተካሄደባቸው ተገልጧል፡፡” ብሎ የክልሉ ምክትል ፖሊስ ኮሚሽነር ምርመራ ሲያካሂድ ነው፡፡ ስለዚህ ይህንን ጉዳይ መንግስት ሳያውቅ ቀርቶ ነው??? ወይንስ የክልል ምክትል ፖሊስ ኮሚሽነርነት ያህል ቦታን ይዞ መንግስት ሃይማኖታዊ ስራ አንዲሰራ ተፈቅዶለት??? ተፈቅዶለት ከሆነ ጎበዝ እያንዳንዳችን የምንገነዘበው ልብ የምነለውና እንዲሁም አkም የምንይዝበት ጉዳይ ያለ ይመስለኛል ታዲያ እናንተ ምን ትላላችሁ???

Abebe said...

dear friends there is time for everything but I don't support some of your comments which break our Ethiopian ethics. They are absolutely out of our christianity and culture. Those who are stand against our church will be suffered by God if we pray and fast; otherwise simply cursing them day and night is not good even for our history and don't forget as we are teaching our children only immoral course.

I don't mean the persons whom you are blaming are good but I say even though they are going to[to be satan] we should not be satan like them.
+ If we do as they do, what is the difference between us and them?

Anonymous said...

read the poem at dejeberhan blog

tad said...

Ds,
Could you think of something bigger when you hear and watch what is going on in Tunisia,Egypt, Libya.....
Why fight on silly things when Muslims and Christian youth topple the dictator in Egypt.
Give us some better motive to fight for instead of fighting for Daniel/Begashaw greedy causes.

Anonymous said...

እግዚዐብሔር ከተሀድሶ ጂሀድ ይሰውረን፡፡
በላቸው ነኝ ከአዋሳ

w/medin said...

ለሁሉም ነገር የሚበጀው ፀሎት ነውና ክርስቲያኖች በርትተን እንፀልይ፡፡ ለዚህም እግዚሃብሄር ይርዳን!!

Fitsa said...

mimenan yihinin yegeta tsom belkiso ena betselot enyazew subaeyachinin sinifetsim betachin tsedito enersu tawukew endeminay aminalehu. kenersugar kalew kegna gar yalew yibeltalina. Ayizoachihu yih legna lebereket lenesu gin metfiyanew. DINIGIL HOY ABRESHIN KUMI.

Anonymous said...

Egiziabher Tigistu Sefi Hono Enji Yemaybekel Amlak Aydelm.

Sewochin Atibekelu Ene Ebekelachewalehu, Yebekel Amalak Negn Yilalna.

TSOME said...

Pleas we and deje selam must engage in the TSOME ARBA and our God may give us sloution to keep the Church from menafiqan.
we have to stop insulting each other especially in the time of fasting.
We don't need bad report in our SUBAEYE.

GOOD FAST TO ALL ORTHODOX FOLLOWERS

Anonymous said...

Saint Gebriel Church is disturbing by kids who dont know any thing why they are disturbing.I feel sory for tthos who are on thier back,may the almighety God give heart for them.Can any one serve the church before any deciplin,i start to here even relgious songs from this kids.parents where are you and where your kids are passing a day do you have any clue,are they serving God.Some times i feel that this kids are the kids of the last day who are.....

Anonymous said...

Yeawassa mimenan please! post73pages document and 8dvds in degeselam blog.

Tenay said...

Amlake abetu hoye..............lihon gid silehoene yehon .Please let us pray!!!!!!!!!!!!!

zetewahdo said...

እውነት ግን ለምንድ ነው የተፈራችው?አባቶች በግልጽ ጥፋተኛውን ገስጸው ሁለቱንም ወገኖች እንዳባትነታቸው ተቆጥተው እንደማስታረቅ የባሰ ነገሩን ማራዘም እና ጭራሽ አለማዊ ባለስልጣን በቤተክርስቲያናችን ውስጥ ጣልቃ እስኪገባ ድረስ .........ይህ ሁሉ የዘመኑ ፍጻሜ የመድረሱ ነገር ይመስላል"እርኩሱን ነገር በተቀደሰው ቦታ ላይ ሆኖ ስታዩት አንባቢው ያንጊዜ ያስተውል"ነው ያለው ጌታ.ኢይሀው እኛም በዘመናችን ሆኖ አየነው.አቤቱ ይቅር በለን ፈጣሪ የደምህ ዋጋዎች ነንና አትተወን!በደምህ የዋጀሃት ቤተክርስቲያንንም ጠብቅ አመን!!!!!

ye-awassawa said...

የተያዘው ነገር አድመኝነትንና ዘረኝነትን ማስፋፋት ነው ወይስ ወንገልን መስበክ?ምንድነው ነገሩ?ያውም በቅድስናው ስፍራ እረ ተዉ ሰዉን እንኩዋ ባትፈሩ ፈጣሪን ፍሩና ሰላም ስጡን ያህዛብ መሳቂያ አታድርጉን!እውነተኛ አገልጋዮች ከሆናቹ ሁለቱም ማህበሮች እራሳችሁን ዝቅ አድርጉና ይቅርታ ተጠያየቁ እና ለኛም ምሳሌ ሁኑን እንጂ እባካቹ አታውኩን ለሱ አለም ትበቃናለች.እግዚኦኦኦኦኦኦኦኦ መሃረነ ክርስቶስ!!!!!

Anonymous said...

God!!!!!!!!!!!!!! ebakachuh WENDIMOCH EHETOCH entselye YEAKIMACHININ WE HAVE TO DO SOMETHING.Eshi min enadirg??????PLSE!!!!!!!!

Anonymous said...

እስኪ የሁለቱንም ወገኖች ተግባር የምታውቁ መስክሩ

በርካታ ቋንቋዎችን በመጠቀም ወንጌልን ለማስፋት የሚጥር ማህበረ ቅዱሳን ወይስ ያሬድ አደመና ወገኖቹ?እስኪ ከትግራይ እስከ ጋምቤላ ከአፋር እስከአማራ ማእዘናት ያለህ የተዋህዶ ልጅ መስክር::በመኪና መንፈላሰስን ሳይመርጥ ዛሬ ሳይሆን ቀድሞ በኤሊባቡር ጫካዎች ውስጥ በመዝለቅ የወንጌልን ዘር የዘራ ማህበረ ቅዱሳን ወይስ በጋሻውና ጋሻጃግሬዎቹ?ተሽከርካሪ በማይደርስበት በረሃ የሚኖር ክርስቲያን ይመስክር::አረ ስንቱ...

ይህን ማለቴ ልብ በተከፈለበት በዚህ ሰዓት ልብ እንድንል እንጅ የማህበረ ቅዱሳን ሥራ በሰው ዘንድ በውዳሴ ከንቱ እንዲገለጥ አይደለምና ልብ ያለው ልብ ይበል::

እግዚአብሔር ግን ስለእውነት አንድ ቀን ይፈርዳል::

Anonymous said...

መቼም ጌታ በቤ/ን ዉስጥ ይነግዱ የነበሩትን እንዳባረራቸዉ ወርዶ ይህን እንዲያደርግ የምንጠብቅ አይመስለኝም፡፡ እናም እናስተዉል ይች ቤተ/ን የቅማችን እናድርግ፡፡ ይቸ ቤተ/ንን መቼ ይሆን ከእንዲህ አይነት ችግር የምትወጣዉ፡፤ለማንኛዉም ያባቶቻችን ፀሎት ይጠብቅልን የኛማ ታዮኮ. አቤት...........

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)