February 10, 2011

የቅድስት ሥላሴ መንፈሳዊ ኮሌጅ አፅራረ ቤተ ክርስቲያንን ለመከላከል በሚያደረገው ጥረት ማንኛውንም ድጋፍ እንደሚሰጥ የአ/አበባ ሀ/ስብከት አስታወቀ

  • የፕሮቴስታንታዊ-ተሐድሶ-ኑፋቄ ጥመት - አሰግድ ሣህሉ እንደ ማሳያ (ከደብረ ይባቤ ቅዱስ ያሬድ ቤተ ክርስቲያን ሰንበት ት/ቤት ዘገባ የተገኘ)
 ቀንደኛ የተሐድሶ ኑፋቄ አቀንቃኝ የተባለው አሰግድ ሣህለ

(ደጀ ሰላም፤ ፌብሩዋሪ 10/2011፤  የካቲት 3/2003 ዓ.ም)፦ በኢትዮጵያ ኦርቶዶክስ ተዋሕዶ ቤተ ክርስቲያን የአዲስ አበባ ሀገረ ስብከት ጽ/ቤት የቅድስት ሥላሴ መንፈሳዊ ኮሌጅ የቅድስት ቤተ ክርስቲያንን ሐዋርያዊ ተልእኮ ለማፋጠን እና ለማስፋፋት፣ የተቋቋመበትን ዓላማ ለማሳካት፣ ኮሌጁንም ከማንኛውም አጽራረ ቤተ ክርስቲያን አካላት ለመጠበቅ በሚያደርገው ጥረት ሁሉ ድጋፍ የሚሰጥ መሆኑን አስታወቀ፡፡ የሀገረ ስብከቱ ጽ/ቤት ይህን ያስታወቀው፣ የኮሌጁ አስተዳደር ጉባኤ  የኮሌጁን የቅበላ መስፈርት ባለማሟላቱ ኅዳር 23 ቀን 2003 ዓ.ም ከትምህርት ገበታ ያገደው አሰግድ ሣህለ የተባለ ቀንደኛ የተሐድሶ ኑፋቄ አቀንቃኝ፣ ‹‹በኢትዮጵያ ኦርቶዶክስ ተዋሕዶ ቤተ ክርስቲያን የአዲስ አበባ ሀገረ ስብከት ውስጥ የቤተ ክርስቲያን አባል እንደሆነ የሚያቀርበው የመብት ጥያቄ ተቀባይነት የሌለውና በሀገረ ስብከታችን ውስጥ የቤተ ክርስቲያናችን አባል አለመሆኑን›› በመግለጽ ለኮሌጁ በጻፈው ደብዳቤ ነው፡፡

በቁጥር 1530/37/03 በቀን 26/05/03 ዓ.ም በሀገረ ስብከቱ ሥራ አስኪያጅ ንቡረ ዕድ አባ ገብረ ማርያም ገብረ ሥላሴ ተፈርሞ በአድራሻ ለቅድስት ሥላሴ መንፈሳዊ ኮሌጅ፣ በግልባጭ ለሀገረ ስብከቱ የስብከተ ወንጌል እና ትምህርት መምሪያ እና ለደብረ ይባቤ ቅዱስ ያሬድ ቤተ ክርስቲያን ሰበካ ጉባኤ ጽ/ቤት የደረሰው ይኸው ደብዳቤ፣ አሰግድ ‹‹በቤተ ክርስቲያን ሕግ እና ደንብ መሠረት በሕጋዊ መንገድ በአባልነት ያልተደራጀ፣ በደብረ ይባቤ ቅዱስ ያሬድ ቤተ ክርስቲያን ሾልኮ በመግባት በአፍራሽ ተልእኮ ተሰማርቶ በመገኘቱ ከደብሩ የተገለለ›› መሆኑን አስታውሶ በሀገረ ስብከቱ ውስጥ በማንኛውም የአገልግሎት ዘርፍ እንዳልተመደበ ማረጋገጡን ግልጽ አድርጓል፡፡

ጥር ሦስት ቀን 2003 ዓ.ም በደብዳቤ ቁጥር 501/05/04/03 የቅድስት ሥላሴ መንፈሳዊ ኮሌጅ ለአዲስ አበባ ሀገረ ስብከት ባቀረበው ጥያቄ መሠረት ዲያቆን አሰግድ ሣህሉን በተመለከተ በቢሮው የሚገኙትን መረጃዎች መላኩን ያመለክታል፤ ከዚያ በኋላም ከሀገረ ስብከቱ ጽ/ቤት እና ከደብረ ይባቤ ቅዱስ ያሬድ ቤተ ክርስቲያን የተገኙትን ዝርዝር ጉዳዮች ሲፈትሽ እንደ ቆየ ገልጧል፡፡

ጽ/ቤቱ በዚህ ምርመራው የደረሰባቸውን መረጃዎች በስድስት ነጥቦች ለያይቶ አስረድቷል፤ እነርሱም፡- 1) ግለሰቡ የመኖሪያ ቦታው በደብረ ይባቤ ቅዱስ ያሬድ ቤተ ክርስቲያን አጥቢያ አለመሆኑ፤ 2) በተለያዩ ጊዜያት ያለአጥቢያው በሰንበት ት/ቤት በአባልነት ሲንቀሳቀስ መቆየቱን፤ 3) በነበረው ቆይታ ሁሉ ከቅድስት ቤተ ክርስቲያን አስተምህሮ እና ከሥርዐተ ቤተ ክርስቲያን ውጭ በሚያደርገው አፍራሽ እንቅስቃሴ የደብሩን ሰላም እና አገልግሎት ሲያውክ የቆየ መሆኑን፤ 4) በዚህ ጥፋቱ በደብሩ አስተዳደር ርምጃ የተወሰደበት ቢሆንም የተለያዩ ክፍተቶችን በመጠቀም ያልተቋረጠ ሙከራ ሲያደርግ መቆየቱንና አሁንም በማድረግ ላይ መሆኑን፤ 5) ‹‹በሰበካ ጉባኤ አባልነት ተመዝግቤ የአባልነት ክፍያዬን ያለማቋረጥ በመክፈል አባል ለመሆኔ መረጃ ይሰጠኝ›› ብሎ ማመልከቻ አቅርቦ ሕጋዊ ባልሆነ መንገድ መረጃ መውሰዱንና ይህም ስሕተት በመሆኑ ደብሩ ቀደም ሲል የተሰጠውን መረጃ በቁጥር 471/666/03 በተጻፈ ደብዳቤ መሻሩን፤ 6) በደብሩ ይሁን በሰንበት ት/ቤቱ ስም ስውር ተልእኮውን ለማስፈጸም እንዳይችል ሰንበት ት/ቤቱ በቁጥር ው/ያ/11/17/03 በተጻፈ ደብዳቤ የማያዳግም ውሳኔ ማስተላለፉንና ይህም ውሳኔ በሁሉም አካል ታውቆ ተግባራዊ እንዲደረግ መጠየቁን ያስረዳል፡፡

አሰግድ ሣህሉ ከኮሌጁ የቅበላ መስፈርቶች አንዱ የሆነውን በሀገረ ስብከት ሊቀ ጳጳስ ወይም በአጥቢያ ቤተ ክርስቲያን አስተዳዳሪ የተፈረመበት የድጋፍ ደብዳቤ በተሰጠው የጊዜ ገደብ ባለማቅረቡ እና በድጋፍ ደብዳቤ ስም ያቀረበውም ማስረጃ በሕገ ወጥ መንገድ ያገኘው በመሆኑ ኅዳር 23 ቀን 2003 ዓ.ም በኮሌጁ የአስተዳደር ጉባኤ መታገዱን መዘገባችንይታወሳል (የዲሴምበር 4/2010፤ ኅዳር 25/2003 ዓ.ም ይመልከቱ)፡፡

ከእገዳው በኋላ አሰግድ በፌዴራል የመጀመሪያ ደረጃ ፍርድ ቤት መናገሻ ምድብ ችሎት ‹‹አላግባብ ከትምህርት ገበታው እንደታገደ›› አድርጎ በኮሌጁ ላይ ክስ መመሥረቱ ታውቋል፡፡ ፍርድ ቤቱ ‹‹ጉዳዩ ውሳኔ እስኪሰጥበት ድረስ ግለሰቡ ትምህርቱን እየተከታተለ እንዲቆይ ትእዛዝ አስተላልፏል›› ቢባልም ኮሌጁ የወከላቸው ጠበቃ አቶ ደስታ በርሄ ጥር 27 ቀን 2003 ዓ.ም ለችሎቱ ባሰሙት ምላሽ የአሰግድ ችግር በዋናነት ሃይማኖታዊ መሆኑንና ሃይማኖታዊ ሕጸጽ እንዳለበት ኮሌጁ ከደብረ ይባቤ ቅዱስ ያሬድ ቤተ ክርስቲያን ሰንበት ት/ቤት እና ከአዲስ አበባ ሀገረ ስብከት ባገኘው ማስረጃ ያረጋገጠ መሆኑን፣ በኮሌጁ በማታው ክፍለ ጊዜ ተመዝግቦ ትምህርቱን በዲግሪው መርሐ ግብር ለመቀጠል ሲጠይቅ በቅበላ መስፈርቱ መሠረት በቂ ማስረጃ አለማቅረቡን፣ ባለበት የሃይማኖት ሕጸጽ ሳቢያ በዲፕሎማው መርሐ ግብር ትምህርቱን በ1995 ዓ.ም ባጠናቀቀበት ወቅት ዲፕሎማው ሳይሰጠው መቆየቱን ማስረዳታቸው ተዘግቧል፡፡

አሰግድ በተጠቀሱት ምክንያቶች ከኮሌጁ እንዲባረር መወሰኑን ያስረዱት ጠበቃው፣ የግለሰቡ ችግር በዋናነት ሃይማኖታዊ ከሆነ ዘንድ በሕገ መንግሥቱ አንቀጽ 11 ንኡስ አንቀጽ 1 እና 3 መንግሥት እና ሃይማኖት የተለያዩ መሆናቸውን፣ መንግሥት በሃይማኖት ጉዳይ ጣልቃ እንደማይገባ ሃይማኖትም በመንግሥት ጉዳይ ጣልቃ እንደማይገባ መደንገጉን፤ ኮሌጁ በቅዱስ ሲኖዶስ ተፈቅዶ በተሰጠው ሕግ መሠረት የሚያስተምራቸውን ደቀ መዛሙርት የሚመርጥበት መስፈርት ያለውና ከዚህም ጋራ በተያያዘ የተማሪዎች መተዳደሪያ ደንብ ያወጣ መሆኑን ጠቅሰው ጉዳዩ በዚሁ የተቋሙ አሠራር ብቻ ሊታይ የሚችል በመሆኑ ምስክር፣ ድርድር ሳያስፈልግ ፍርድ ቤቱ እንዲያሰናብታቸው መጠየቃቸው ተመልክቷል፡፡ ይሁንና ፍርድ ቤቱ በጉዳዩ ላይ ውሳኔ ለመስጠት ለመጋቢት 27 ቀን 2003 ዓ.ም መቅጠሩ ታውቋል፡፡

የፕሮቴስታንታዊ-ተሐድሶ-ኑፋቄ ጥውየት - አሰግድ ሣህሉ እንደ ማሳያ
አሰግድ ሣህሉ በደብረ ይባቤ ቅዱስ ያሬድ ቤተ ክርስቲያን የዉሉደ ያሬድ ሰንበት ት/ቤት የተሐድሶ ኑፋቄን ለማስፋፋት፣ አንዳንድ የሰንበት ት/ቤቱን ወጣቶች ከእናት ቤተ ክርስቲያን ወደ ‹‹ሙሉ ወንጌል›› አዳራሽ ለመውሰድ ሲያደርግ የቆየውን እንቅስቃሴ አስመልክቶ በጥብቅ ሲከታተል በቆየው የሰንበት ት/ቤቱ ሥራ አመራር ኮሚቴ የተዘጋጀው ባለ 40 ገጽ ሰነድ ያስረዳል፡፡ እንደ ዘገባው ማብራሪያ አሰግድ ሣህሉ ከሚኖርበት ቂርቆስ ክፍለ ከተማ ቀበሌ 11/12 የቤት ቁጥር 417 በተለምዶ ቡልጋሪያ ተብሎ ከሚጠራው የደብረ ምሕረት ቅዱስ ሚካኤል - የከርቸሌው ሚካኤል አካባቢ ያለሰበካው ወደ ደብረ ይባቤ ቅዱስ ያሬድ ቤተ ክርስቲያን መጥቶ በዉሉደ ያሬድ ሰንበት ት/ቤት በ1985 ዓ.ም የተመዘገበው ሰንበት ት/ቤቱ በወቅቱ ያጋጠመውን የአገልግሎት መዳከም ተመልክቶ ስውር የተሐድሶ ኑፋቄ ተልእኮውን ለማራመድ እንዲያመቸው ነው፡፡

በሂደት የሰንበት ት/ቤቱ ‹‹የትምህርተ ሃይማኖት አስተማሪ››፣ የሥራ አመራር አባል እና የትምህርት ክፍል ሰብሳቢ እስከመሆን የደረሰው አሰግድ ወጣቶችን ከቤተ ክርስቲያን ጉያ በማውጣት የሚታወቁትን ግርማ በቀለ(ይህ ግለሰብ ከሰዋስወ ብርሃን ቅዱስ ጳውሎስ ከፍተኛ መንፈሳዊ ት/ቤት በኑፋቄው በአባቶች ተወግዞ ከተባረረ በኋላ ‹‹የእውነት ቃል አገልግሎት›› የተባለ የተሐድሶ ኑፋቄ አራማጅ ድርጅት የመሠረተ ነው)፣ ‹‹አባ›› ዮናስ(በ1990 ዓ.ም. ሚያዝያ 28 ቀን ራሳቸውን ገልጠው የፕሮቴስታንታዊ ተሐድሶ ኑፋቄያቸውን በአደባባይ በማስመስከራቸው ከቤተ ክህነት አዳራሽ ተወግዘው ከተለዩት አንዱ)፣ እነ ስዩም ያሚን ወደ ሰንበት ት/ቤቱ እየጋበዘ እንዲያስተምሩ አድርጓል፡፡

በ1986 ዓ.ም ነሐሴ ወር በሰንበት ት/ቤቶች ማደራጃ መምሪያ አዘጋጅነት በጠቅላይ ቤተ ክህነት የስብከተ ወንጌል አዳራሽ በብፁዓን ሊቃነ ጳጳሳት እና በሊቃውንተ ቤተ ክርስቲያን በተሰጠው የአንድ ወር ኮርስ ላይ ሰንበት ት/ቤቱን ወክሎ የተሳተፈው አሰግድ፣ ‹‹ኢየሱስ ክርስቶስ አሁንም በአብ ቀኝ ቆሞ ያማልዳል፤›› በማለት በይፋ ይከራከር እንደነበርና በኮርሰኞቹ ምላሽ ይሰጠው እንደነበር ሰነዱ ያስታውሳል፡፡ ከዚህ በኋላ አሰግድን ጨምሮ በ1984 ዓ.ም ‹‹የተዳከመውን የቅዱስ ያሬድ ቤተ ክርስቲያን ሰንበት ት/ቤትን እናጠናክራለን›› በሚል ሽፋን የአጥቢያ ሰንበት ት/ቤታቸውን ትተው ከመጡ ሌሎች ሁለት ግለሰቦች(በሚያስደንቅ አኳኋን አሁን የፕሮቴስታንት እምነት ተከታዮች ሆነዋል) ጋራ እንዲታገዱ የሰንበት ት/ቤቱ ወጣቶች የደብሩን ሰበካ መንፈሳዊ ጉባኤ አስተዳደር ይጠይቃሉ፡፡

በየጊዜው ይደረግ የነበረው የደብሩ አስተዳዳሪዎች መለዋወጥ ጥያቄው በወቅቱ ሰሚ አግኝቶ ርምጃ እንዳይወሰድ ዕንቅፋት ፈጥሮ እንደነበር የሚያመለክተው ሰነዱ፣ ጥቆማው ከቀረበላቸው የወቅቱ የደብሩ አስተዳዳሪዎች አንዱ የትንሣኤ ማሳተሚያ ድርጅት ዋና አስኪያጅ ሊቀ ካህናት ብርሃኑ ገብረ ዐማኑኤል ሁኔታውን በመረዳት አሰግድን ጠርተው፣ ‹‹መማር ከፈለግህ እኔ ጋራ ቢሮዬ እየመጣህ አስተምርሃለሁ፤ ለጊዜው ግን ወደ ሰንበት ት/ቤት አትሂድ›› ብለው እንደመከሩት ገልጧል፡፡ በቢሯቸው ጠርተው ባነጋገሩበት ጊዜም ግለሰቡ የኑፋቄ ችግር እንዳለበት ቢረዱም ለሦስት ወራት ደብሩን አስተዳድረው በመቀየራቸው ርምጃ ሳይወሰድ መቅረቱን ዘግቧል፡፡

በዚህ ሁሉ መካከል ግን አሰግድ የተሐድሶ ኑፋቄ እንቅስቃሴ ይራመድባቸው በነበሩ የቤት ለቤት ጽዋ ማኅበራት እና በየአዳራሹ በሚካሄዱ ጉባኤያት እንደሚሳተፍ፣ ሰንበት ተማሪዎችንም እያግባባ እንደሚወስድ፣ ‹‹የክርስቶስ ሥጋ እና ደም ተቀበልንም አልተቀበልንም ለውጥ የለውም›› እያለ እንደሚቀስጥ፣ የካህናት አባቶችን ክብር እና ማዕርግ ንቆ ሲያበቃ ሌሎችም እንዲንቁት እንደሚቀሰቅስ መረጃው በመድረሱ የሰንበት ት/ቤቱ አመራር ይኸው በዐይን ምስክሮች ተገልጦ በጉባኤ እንዲመሰከርበት በማድረግ ያጋልጠዋል፡፡ ይህም በደብሩ አስተዳዳሪ አማካይነት ለሰበካ መንፈሳዊ ጉባኤው ቀርቦ ከታየ በኋላ ጥቅምት 10 ቀን 1988 ዓ.ም ከሰበካ ጉባኤው ጽ/ቤት በተጻፈ ደብዳቤ አሰግድ ከሰንበት ት/ቤቱ ሊታገድ ችሏል፡፡

አሰግድ ግን ‹‹ያለአግባብ ከሰንበት ት/ቤቱ ታግጃለሁ፤ ዳኝነት ይታይልኝ›› ብሎ ለአዲስ አበባ ሀገረ ስብከት ጽ/ቤት ያመለክታል፡፡ ሀገረ ስብከቱ ጉዳዩን እንዲያጣሩ የላካቸው ሁለት ልኡካንም መጋቢት 23 ቀን 1988 ዓ.ም የደብሩ የስብከተ ወንጌል ኮሚቴ የወከላቸው አራት አባላት ባሉበት በአሰግድ ላይ ማስረጃ ባቀረቡት የሰንበት ት/ቤቱ ተወካዮች ጠያቂነት አሰግድ እየመለሰ በሰንበት ት/ቤቱ አዳራሽ በጥያቄ እና መልስ የታገዘ ውይይት ይደረጋል፡፡ በውይይቱ ላይ የሀገረ ስብከቱ ተወካዮች አሰግድን፣ ‹‹በአንደበትህ ከተናገርከው ቃል በቂ ማስረጃ ይዘንብሃል፤ ስለምን ጥፋትህን አታምንም?›› ይሉታል፡፡ በወቅቱ የደብሩ አስተዳዳሪ የነበሩት ቆሞስ አባ ሀብተ ሚካኤል ታደሰም፣ ‹‹አሰግድ ጥፋትህን እመንና ቀኖና እንሰጥሃለን፤ እባክህ ብትመለስ ይሻልሃል፤›› በማለት ይማፀኑታል፡፡ ልቡን እንደ እብነ አድማስ ያደነደነው አሰግድም የስብሰባው ቃለ ጉባኤ እና የደብሩ አስተዳደር የውሳኔ መነሻ ወደ ሀገረ ስብከቱ ሳይላክ፣ ‹‹እኔ ተሐድሶ አይደለሁም፤ እኔ ራሴን የማውቀው የቤተ ክርስቲያን ዶግማ እና ቀኖና ጠንቅቄ መኖሬን ነው፤ ነገር ግን እናንተ የለም ተሐድሶ ነህ ካላችሁኝ ክፉ እና ደጉን ከለየሁበትና ከአደግሁበት ሰንበት ት/ቤት መለየት አልፈልግምና ቀኖና ተሰጥቶኝ እንድመለስ በልዑል እግዚአብሔር ስም አመለክታለሁ፤›› ብሎ ለደብሩ ደብዳቤ ይጽፋል፡፡

የደብሩ አስተዳደር በዕለቱ የተደረገውን ውይይት እና የደብሩን አስተያየት በማካተት ለሀገረ ስብከቱ ይልካል፡፡ ሀገረ ስብከቱም ልኡካኑ ያቀረቡትን ሪፖርት፣ የደብሩን አስተያየት እና አሰግድ ለደብሩ የጻፈውን ደብዳቤ በማገናዘብ፣ ‹‹ከቀኖና አንዱ አመክሮ ስለሆነ ወደ ሰንበት ት/ቤቱ ከመመለሱ በፊት እንደማንኛውም አማኝ ለተወሰነ ጊዜ በስብከተ ወንጌል ትምህርት እየተማረ እንዲቆይ›› የሚል ውሳኔ በቁጥር 2/58/37/88 ቀን 11/11/88 ዓ.ም በወቅቱ ሥራ አስኪያጅ በነበሩት መልአከ ሰላም ቆሞስ አባ ገብረ ሚካኤል በየነ(አሁን ብፁዕ አቡነ እስጢፋኖስ) ፊርማ ያስተላልፋል፡፡ ይህን ውሳኔ የደብሩ አስተዳደር በቁጥር 63/534/88 በቀን 29/11/88 ዓ.ም በጻፈው ደብዳቤ ለአሰግድ ያሳውቀዋል፡፡ የውሳኔውን ተገቢነት አስመልክቶ በዘገባው ላይ የሚከተለው አስተያየት ሰፍሯል፡- ‹‹እዚህ ላይ በጣም የሚያሳዝነው በቤተ ክርስቲያን ላይ ኑፋቄ ለሚዘራ፣ ወጣቶችን ከእናት ቤተ ክርስቲያን ለሚያስኮበልል፣ ቅዱሳንን እና የቤተ ክርስቲያን አባቶችን ለሚንቅ፣ ቅዱስ ቁርባን አያድንም ብሎ ለሚያስተምር ሰው የንስሐ አባቱ ቀኖና እንዲሰጡት እና የቤተ ክርስቲያን ሊቃውንት እግር ሥር ተቀምጦ እንዲማር አባቶች እንዲመደቡለት አለመደረጉ ነው፤ የተሰጠው ቀኖና እና አመክሮ ለአንድ ወር ብቻ በማታው የስብከተ ወንጌል መርሐ ግብር እየተገኘ እንዲማር ነው፡፡››

ሆኖም አሰግድ ይህ ደብዳቤ ከደረሰው ቀን ጀምሮ በማታው የስብከተ ወንጌል መርሐ ግብር ይሁን በዕለተ ሰንበት ቅዳሴ ለአንድም ጊዜ ስንኳ ተምሮም አስቀድሶም እንደማያውቅ በሰንበት ት/ቤቱ የተመደቡት የክትትል ቡድን አባላት ማረጋገጣቸውን ዘገባው ያስረዳል፡፡ የተባለው አንድ ወር ሲደርስ ግን ከቀኗ አንዲት ሳያሳልፍ(በ29/12/88 ዓ.ም) ለደብሩ ሰበካ ጉባኤ ጽ/ቤት ‹‹በሥራ ምክንያት አልፎ አልፎ በስብከተ ወንጌል መርሐ ግብር ላይ ባልገኝም በአብዛኛው ጊዜ ግን ተገኝቼ ተምሬያለሁና የተሰጠኝ የጊዜ ገደብ ስለተጠናቀቀ ወደ ሰንበት ት/ቤት ለመግባት ሙሉ ፈቃዳችሁን እንድትገልጹልኝ እጠይቃለሁ›› የሚል ደብዳቤ ያስገባል፤ ይህንኑም ለሰንበት ት/ቤቱ አባላት ያስወራል፡፡

እውነቱ ግን አሰግድ ቀኖናውን ተቀብዬ እንደታዘዝሁት ፈጽሜያለሁ ባለ ማግሥት ከጳጉሜ 1 - 5 ቀን 1988 ዓ.ም ለአምስት ተከታታይ ቀናት አሁን በፈረሰው የጎተራ ማሳለጫ ፊት ለፊት በሚገኘው የጎተራ ‹‹ሙሉ ወንጌል›› አማኞች የጸሎት ቤት በተካሄደው ጉባኤ ላይ ከመሰሎቹ ጋራ ተካፍሎ ሲወጣ መረጋገጡ ነው፡፡ ይህን መነሻ በማድረግ 55 የሰንበት ት/ቤቱ አባላት አሰግድ የለየለት መናፍቅ በመሆኑ ከሰንበት ት/ቤቱ እንዲታገድ እንጂ ወደ ሰንበት ት/ቤቱ እንዳይመለስ የሚጠይቀውን አቤቱታቸውን በፊርማቸው በማረጋገጥ ለሰንበት ት/ቤቱ ሥራ አመራር ኮሚቴ ያቀርባሉ፡፡ ኮሚቴውም ይህንኑ ካጣራ በኋላ ሐሳቡን በማጽናት ለደብሩ ሰበካ መንፈሳዊ ጉባኤ ያስታውቃል፡፡

በዚህ ውሳኔ ኀይል ከአንድ ዓመት በላይ ወደ ደብሩ ሳይገባ ዙሪያውን ሲያንዣብብ የቆየው አሰግድ የደብሩ አስተዳዳሪ፣ የሰበካ ጉባኤ አባላት እና የደብሩ ዋና ጸሐፊ መቀየራቸውን ሲያረጋግጥ በተለይ አዲስ የተመደበው የሰበካ ጉባኤ ጸሐፊ እንደሚረዳው ሲተማመን ለአዲሱ የደብሩ አስተዳዳሪ ‹‹ወደ ሰንበት ት/ቤቱ ልመለስ›› ሲል ጥያቄውን አቀረበ፤ የደብሩ ዋና ጸሐፊም የደብሩን አስተዳዳሪ ስላሳመነለት ‹‹አሰግድ ቀኖናውን ስለጨረሰ ወደ ሰንበት ት/ቤት ይመለስ›› የሚል ደብዳቤ ተጻፈለት፡፡ ይህን ውሳኔ የሰማው የሰንበት ት/ቤቱ አመራርም ‹‹በእውነት ከልቡ አምኖበት፣ እስከ ዛሬ የመናፍቃንን ስውር ዓላማ ማራመዱ ጸጽቶት ቀኖናውን ከፈጸመ ወደ ሰንበት ት/ቤቱ ከመመለሱ በፊት በስብከተ ወንጌል መርሐ ግብር እና ከዕለተ ሰንበት ቅዳሴ በኋላ እስከ ዛሬ ሲያካሂድ የነበረውን የመናፍቃን ድብቅ ሤራ በይፋ እንዲገልጥ›› የሚጠይቅ ደብዳቤ ለደብሩ ጽ/ቤት ይልካል፡፡

በወቅቱ የደብሩ አስተዳዳሪ የነበሩት መልአከ ይባቤ ተስፋ ሚካኤል መርሻ በአንድ የሰንበት ቅዳሴ ቀን አሰግድን አጠገባቸው አቁመው፣ ‹‹ምእመናን፣ ይህ የምትመለከቱት ልጅ አስቀድሞ የተሐድሶ አራማጅ ነበር፤ አሁን ግን ጥፋቱን አምኖ ቀኖናውን ተቀብሏል፤ ምእመናን እልል በሉ፤›› ሲሉ ተናገሩ፡፡ አሰግድም ጥፋቱን አምኖ ቀኖናውን ፈጽሞ መመለሱን እንዲናገር ዕድል ሲሰጠው፣ ‹‹ምእመናን፡- እኔ ተሐድሶ አይደለሁም፤ እኔ የቤተ ክርስቲያን ዶግማ እና ቀኖና ጠንቅቄ የምኖር ነኝ፤ ነገር ግን አንዳንዶች ስሜን ሲያጠፉ ነው፤›› ብሎ የአዞ እምባውን ለቀቀው፤ ምእመናንም የደብሩ አስተዳዳሪ በተናገሩት እና አሰግድ በሰጠው የአባይ ምስክርነት ግራ ቢጋቡም በማልቀሱ ግን አዘኑለት፡፡ የሰንበት ት/ቤቱ ሥራ አመራር አባላት ግን ‹‹የፈለገው ነገር ቢመጣ እኛን ያስወጡን እንጂ እርሱ ወደ ሰንበት ት/ቤት አይገባም›› ብለው በአቋማቸው ጸኑ፡፡

ሁኔታውን አስመልክቶ የዘገባው አጠናቃሪ፣ ‹‹የአሰግድ ዋና ዓላማ ለምእመናን የተሐድሶ ኑፋቄ አራማጅ አለመሆኑን ተናግሮ ስሙን ለማደስ እንዲሁም ለእርሱ እጅግ በጣም ጠቃሚ የሆነውን በደብሩ አስተዳዳሪ የተጻፈለትን ቀኖናውን ስለጨረሰ ወደ ሰንበት ት/ቤት ይመለስ የሚለውን ደብዳቤ መያዝ እንጂ ወደ ሰንበት ት/ቤቱ መመለስ አልነበረም፤›› ብለዋል፡፡ ዘጋቢው እንዳሉትም ውስጠ ተኩላው አሰግድ የልቡን ከፈጸመ በኋላ እስከ 1996 ዓ.ም ድረስ ለአምስት ዓመታት ወደ ቅዱስ ያሬድ ቤተ ክርስቲያን ደርሶ እንደማያውቅ ተገልጧል፡፡ ይሁንና ከዚያ በኋላ በተመሳሳይ የኑፋቄ ተግባሩ ከጃቴ ኪዳነ ምሕረት ቤተ ክርስቲያንም እንደተባረረ የደብሩ አስተዳዳሪ የነበሩት ቆሞስ አባ ክፍለ ዮሐንስ ለመልአከ ይባቤ ተስፋ ሚካኤል መርሻ የነገሯቸውን ምስክርነት ዘገባው አስፍሯል፡፡ በዚህም መልአከ ይባቤ ተስፋ ሚካኤል ቀደም ሲል አሰግድ ቀኖናውን ፈጽሞ ወደ ሰንበት ት/ቤቱ እንደተመለሰ በቀናነት ለሰንበት ት/ቤቱ የጻፉትን ደብዳቤ ለመሻር ወስነው የሰንበት ት/ቤቱን ጥያቄ ሲጠባበቁ ከአስተዳዳሪነታቸው መነሣታቸውን ዘገባው በቁጭት ያስታውሳል፡፡

ከዚህ በኋላ ወደ ቅድስት ሥላሴ መንፈሳዊ ኮሌጅ በማታው ክፍለ ጊዜ ገብቶ በዲፕሎማ መርሐ ግብር መማር የጀመረው አሰግድ በክፍል ውስጥ በጥራዝ ነጠቅ የኑፋቄ ሐሳቦች መምህራኑን እና ደቀ መዛሙርቱን መነትረክ በመጀመሩ የግለሰቡን ዓላማ እና ተልእኮ የሚያጠና ሦስት ደቀ መዛሙርት የሚገኙበት ኮሚቴ ይቋቋማል፡፡ ይህን ተከትሎ አሰግድ ትምህርቱን ‹‹ሲያጠናቅቅ›› በኮሌጁ ዲፕሎማው ሳይሰጠው ተይዞበት ይቆያል፡፡ ዘገባው እንደሚለው፣ እንዴት እንደተፈጸመ በማይታወቅ አኳኋን አሰግድ የተያዘበትን ዲፕሎማ ከኮሌጁ ቆይቶ ተቀብሏል፡፡

በ2003 ዓ.ም በዲግሪው መርሐ ግብር ትምህርቱን በማታው ክፍለ ጊዜ ለመቀጠል ለኮሌጁ ያመለከተው አሰግድ፣ ከነበረበት ደብር የአስተዳዳሪው ወይም የሀገረ ስብከቱ ሊቀ ጳጳስ ፊርማ እና ማኅተም ያረፈበት፣ በአገልግሎት ላይ ስለመሆኑና ተመርቆ ሲወጣ ቤተ ክርስቲያኒቱን ተመልሶ እንደሚያገልግል ዋስትና የሚሰጥ ደብዳቤ እንዲያቀርብ ይጠየቃል፡፡ ይሁንና የደብረ ይባቤ ቅዱስ ያሬድ ቤተ ክርስቲያን አስተዳደር ማንነቱን በውል የሚያውቅ በመሆኑ የትብብር ደብዳቤውን ስለማይጽፍለት፣ ቀሲስ አስቻለው መሐሪ የተባሉ ግብር አበሩን በመላክ የደብሩ ሰበካ ጉባኤ አባል መሆኑን የሚገልጽ ደብዳቤ ለቅድስት ሥላሴ መንፈሳዊ ኮሌጅ እንዲጻፍለት ኅዳር አንድ ቀን 2003 ዓ.ም በጻፈው ደብዳቤ ይጠይቃል፡፡

ደብዳቤውን የተመለከተው የወቅቱ የደብሩ ዋና ጸሐፊ ዲያቆን ክብረ በዓል ዐሥራትም ከደብሩ አስተዳዳሪ እና ከሰንበት ት/ቤቱ አመራር ጋራ አሰግድን በተመለከተ በቂ መረጃ ጠይቆ ለማግኘት ቢችልም ይህን ጥረት ሳያደርግ ራሱን ከተጠያቂነት ነጻ ለማድረግ ብቻ፣ አሰግድ የአራት ዓመት(ከ2000 - 2003 ዓ.ም) የሰበካ ጉባኤ ውዝፍ(ብር 96) እንዲከፍል በማድረግ በ01/03/2003 ዓ.ም ያስገባውን የትብብር መጠየቂያ ደብዳቤ ዕለቱኑ ‹‹የንስሐ አባቱ ነኝ›› ላሉት ቀሲስ ተጠምቀ አስፍሓ አስተያየት እንዲሰጡበት ይመራላቸዋል፡፡ የንስሐ አባቱም ‹‹በእኔ ንስሐ አባትነት የተመዘገበ እና የሰበካ ጉባኤ ክፍያውንም ወቅቱን ጠብቆ እየከፈለ መሆኑን አረጋግጣለሁ›› በማለት በውክልና በተላከላቸው ደብዳቤ ላይ ይፈርማሉ፡፡ ዘገባው አሰግድ በርቀት(በውክልና በመላላክ) የንስሐ አባቱን እና የደብሩን ዋና ጸሐፊ በማግባባት ዓላማውን ለማሳካት የሞከረበትን መንገድ ሲያስረዳ፣ ‹‹ከአፅራረ ቤተ ክርስቲያን በሚጎርፍለት የገንዘብ ድጋፍ በመደለል›› ሊሆን እንደሚችል የደጀ ሰላምን ዜና በመጥቀስ ያስረዳል፡፡

በመጨረሻም በደብሩ ዋና ጸሐፊ በዲያቆን ክብረ በዓል ዐሥራት ፊርማ አሰግድ በደብረ ይባቤ ቅዱስ ያሬድ ቤተ ክርስቲያን ‹‹የንስሐ አባት ይዞ፣ ተገቢውን የአባልነት ክፍያ አሟልቶ የሚገኝ መሆኑን›› በመግለጽ ለቅድስት ሥላሴ መንፈሳዊ ኮሌጅ በቁጥር 200/88/03 በቀን 06/03/03 የትብብር ደብዳቤ ተጽፎ በቀሲስ አስቻለው መሐሪ በኩል ተላከለት፡፡ ይህ በቅሰጣ የተገኘ የተልእኮ ደብዳቤ ግን በኮሌጁ የበላይ ሐላፊ ብፁዕ አቡነ ጢሞቴዎስ ዘንድ ተቀባይነት አላገኘም፡፡

ስለሆነም አሰግድ ዐይኑን በጨው አጥቦ ራሱ ደብሩ ድረስ በመሄድ አስተዳዳሪውን መልአከ ገነት በቀለ ዘውዴን የትብብር ደብዳቤ እንዲጽፉለት ይጠይቃቸዋል፡፡ እርሳቸውም ዋና ጸሐፊው ያለእርሳቸው ዕውቅና በራሱ ፊርማ የጻፈለትን ደብዳቤ ሲመልስ የጠየቀውን ደብዳቤ እንደሚጽፉለት በብልኀት ይነግሩታል፡፡ ብልጡ አሰግድም የደብዳቤውን ኦሪጅናሌ ሳይሆን ቅጅውን ያቀርባል፡፡ ብልጥ አላንድ ቀን አይበልጥምና አስተዳዳሪው መልአከ ገነት በቀለ ዘውዴም ‹‹ዋናውን የማታመጣ ከሆነ ከዛሬ ጀምሮ እንዳትመጣ›› ብለው አሳፍረው ሸኝተውታል፡፡ በቁጥር 417/666/03 በቀን 17/05/03 ዓ.ም ለቅድስት ሥላሴ መንፈሳዊ ኮሌጅ በጻፉት ደብዳቤም ‹‹የአሰግድ ንስሐ አባት ነኝ›› ያሉት ካህን አስተያየታቸውን በመግለጽ በአድራሻ ቁጥር 200/88/03 በቀን 06/03/2003 ዓ.ም ለኮሌጁ ያስተላለፉት መልእክት መሻሩን አሳውቀዋል፡፡

አሰግድ ቀደም ሲል ወደ ምሥራቀ ፀሐይ ቀበና መድኃኔዓለም ቤተ ክርስቲያን ሄዶ የነበረ ቢሆንም የአጥቢያው አባልም አገልጋይም ባለመሆኑ የትብብር ደብዳቤ ሊጻፍለት እንደማይችል በአስተዳዳሪው ተነግሮት መመለሱን መዘገባችን ይታወሳል - የኦርቶዶክሳውያኑ አባቶች እና ወጣቶች ቀናዒነት እና መተባበር ምሳሌነት ያለው ሲሆን የተሐድሶ ኑፋቄ አቀንቃኙ አሰግድ ሣህሉ ጥውየት(ክፋት እና ጥመት) እንዲሁም ኀፍረተ ቢስነት ደግሞ እግዚኦ የሚያሰኝ ነው!!

ማስታወሻ፡- አሰግድ በኮሌጁ ላይ ላቀረበው ክስ እና የኮሌጁ ጠበቃ በሰጡት ምላሽ ላይ በፍርድ ቤት የሚሰጠው ውሳኔ እስከ መጋቢት 27 ቀን 2003 ዓ.ም ቢዘገይም የአሰግድን ሃይማኖታዊ ሕጸጽ ተመልክቶ የመወሰን ክህነታዊ ሥልጣኑ እና አስተዳደራዊ ችሎታው ያላት ቅድስት ቤተ ክርስቲያን መሆኗን እናምናለን፡፡ የቅድስት ሥላሴ መንፈሳዊ ኮሌጅ ደግሞ የአዲስ አበባ ሀገረ ስብከት በደብዳቤው ላይ እንዳመለከተው የቅድስት ቤተ ክርስቲያንን ሐዋርያዊ ተልእኮ ለማፋጠን እና ለማስፋፋት የተቋቋመ እንጂ የተሐድሶ ኑፋቄ አዝማቾች የቤተ ክርስቲያኒቱን ሀብት እየተጣቡ የሚደራጁበት መደብር አይደለም፡፡ ከዚህ አኳያ ሀገረ ስብከቱ እና መንፈሳዊ ኮሌጁ በአሠራር ቅንጅት እና በመረጃ ልውውጥ ያሳዩት ተቋማዊ መገናዘብ በቤተ ክርስቲያን ህልውና ላይ ግልጽ እና ቅርብ አደጋ የጋረጠውን የፕሮቴስታንታዊ ተሐድሶ መዋቅራዊ እንቅስቃሴ ከመሠረቱ ለማፍለስ እየተደረገ ላለው ጥረት መንፈሳዊ ብርታት የሚሰጥ ነው፡፡

የደብረ ይባቤ ቅዱስ ያሬድ ቤተ ክርስቲያን ሰበካ መንፈሳዊ አስተዳደር ጉባኤ እና የዉሉደ ያሬድ ሰንብት ት/ቤት አመራርም ከመላው አባሎቻችሁ ጋራ፣ አመቺ ጊዜ እየጠበቀ ስውር ተልእኮውን ለማስፈጸም ያልተቋረጠ ሙከራ ያደረገውን የኑፋቄ አቀንቃኝ በጥብዐተ ኅሊና በቀጣይነት በማጋለጥ በፈጸማችሁት አብነታዊ ተጋድሎ ኦርቶዶክሳዊ ግዴታችሁን በመወጣታችሁ ያለንን የላቀ አክብሮት እንገልጽላችኋለን፡፡ ዘገባችሁ ለታሪክ የሚቀመጥ ብቻ ሳይሆን በአንድ በኩል የፕሮቴስታንታዊ-ተሐድሶ-ኑፋቄ አቀንቃኞች የቤተ ክርስቲያኒቱን አስተዳደራዊ መዋቅር የዓላማቸው ጥገኛ ለማድረግ ምን ያህል እንደሚማስኑ በሌላ በኩል ኦርቶዶክሳውያን ሳይተኙ ተግተው ሳያንቀላፉ ነቅተው ሊያተኩሩበት ስለሚገባው ቁምነገር(ክፍተት) ጥቁምታ የመስጠት ፋይዳ እንዳለው ተስፋ አለን፡፡ ሰልፋቸውን እንደ እናንተ፣ ከእናንተ ጋራ ለሚያደርጉት ሁሉ ተጋድሏቸው እንዲሰምር በዚህ አጋጣሚ ያለንን አጋርነት ልንገልጽላቸው እንወዳለን፡፡

46 comments:

wossene said...

ደጀሰላሞች እንዴት ከረማችሁ ያወጣችሁት መረጃ በጣም ጠቃሚ በመሆኑ አመሠግናለሁ እንዲህእንዳሁኑ ያባቶች ትብብር ከቀጠለና አሰራሩን ካፋጠኑት ቤተክርስቲናችንንና ምእመናንን መጠበቅ እንችላለን
ደጀሰላሞች እባካችሁን በነካካ እጃችሁ ወደ ጀርመን በተለይም(ቪስቫደን ቅዱስጊዮርጊስ)
ላይ ያለውን የተሀድሶ ምእመናንን የመንጠቅ ሴራ አጋልጡልን ቄስ ሆኖ የሚቀስጠው ግለሰብ
መናፍቅ የነበረና የምንፍቅና መጻሐፍ የጻፈና ጮራ መጽሔትን አሁንም የሚያፋፍል ደፋር ነው እባካችሁን ድረሱልን"የቅዱሳን አምለክ ቤተክርስቲያንን ይጠብቅልን

Anonymous said...

kinibiru arif new!!! ketilubet
ቅንብሩ አሪፍ ነው ቀጥሉበት

Anonymous said...

ደጀ ሳላማውያን የእግዚአብሄር ሰላም ይብዛላችሁ።
ብዙ ግዜ የማይመቿችሁን ጽሁፎች ለህዝብ አታቀርቡም ወገኝተኛ ናችሁ ይባላል። ዛሬ እኔም ይህችን ጽሁፍ ልኬ ልታዘባችሁ ነው። ታቀርብዋት ይሆን? አምላክ ይርዳኝ

ይህ ስለ ክርስቶስ ተሰጥቶአችኋልና፤ ስለ እርሱ መከራ ደግሞ ልትቀበሉ እንጂ በእርሱ ልታምኑ ብቻ አይደለም፤2ኛ ቆሮንቶስ1:29

መቼም በጣም የሚያሳዝን ነገር ነው የምናነበው። በየዘመኑ የጌታ ሃዋርያት መከራቸው አያበቃም። አምላክ ግን ሁሉን ያሳልፋል። ይሄም ቀን ያልፋል ያለፉት ግዜአቶች እንዳለፉት። መምህር አሰግድን እንዴት እንደተረካችሁት ሳነበው በቤተክርስቲያናችን ውስጥ የሚሰሩ ድራማዎች ምን ያህል እንዳደጉ ያሳያል። እውነት ግን ከዚህ ይለያል። እውነት ሁልግዜ ነጻ ያወጣል። ወሬም ወሬ ሆኖ ያልፋል ከሳሾችም በምድር ወይንም በሰማይ በተራቸው በእውነተኛው አምላክ ፊት ይቆማሉ፤ በጣም የሚያሳዝነው የመምህር አሰግድ ስም መጥፋት ዘመቻ አይደለም ያለድካም ለረጅም ግዜ በጌታ አገልጋዮች ላይ ከሳሽ የሆነው የሰይጣን አገልጋይ የሆኑት ሰዎች ህይወት ነው። መቼ ይሆን ብርሃን የሚበራላቸው፤ ከጭለማ የሚወጡት፤ በሚከሷቸው አገልጋዮች ላይ አድሮ የሚሰራውን መንፈስ ቅዱስ የሚያከብሩት?እውነት ክርስቶስ በደሙ ለመሰረታት ቤተክርስቲያን መቆርቆር እንዲህ ነው? በሰውች ዘንድ ማስተዋል እንዲህ ጠፍቷል? አምላክ ደግ ዘመን ያምጣ!!! መምህር አሰግድ እግዚአብሄር ፊቱን ያብራልህ። በጸጋ ላይ ጸጋ ይጨምርልህ። ስለክርስቶስ ወንጌል እንደወርቅ እየተፈተኑ በመከራ ውስጥ ጸንተው ከቆሙት ኦርቶዶክሳውያን መካከል አንዱ ነህ። ይህን ደግሞ ማንም ለእውነት የቆመ ስለእውነት ይመሰክራል። ጌታ ያበርታህ። ያልተረዱህ አንድ ቀን እንደሚረዱህ እናምናለን። እነቅዱስ ጳውሎስ ስለቃሉ እየታረዱ ቢያልፉም በትጋት ያሳለፉት ዘመን ውጤት ዛሬ ላለነው ክርስቲያኖች ብርታት ሆኖናል። በክርስቶስ ያላመኑትን እያሳመንክ የጌታ ምርኮ ያደረካቸው ክርስቲያኖች በእግዚአብሄር ፊትም በቤተክርስቲያን ፊትም ምስክሮችህ ናቸው። ሁሉም ስለራሱ ያስተውል።
የድንግል ማርያም ምልጃ
የመላእክቱ ጥበቃ ከአንተ ጋር ይሁን።

ማህበረ፡ክርስቲያን said...

የደብረ ይባቤ ቅዱስ ያሬድ ቤተ ክርስቲያን ሰበካ መንፈሳዊ አስተዳደር ጉባኤ እና የዉሉደ ያሬድ ሰንብት ት/ቤት አመራርም ከመላው አባሎቻችሁ ጋራ፣ አመቺ ጊዜ እየጠበቀ ስውር ተልእኮውን ለማስፈጸም ያልተቋረጠ ሙከራ ያደረገውን የኑፋቄ አቀንቃኝ በጥብዐተ ኅሊና በቀጣይነት በማጋለጥ በፈጸማችሁት አብነታዊ ተጋድሎ ኦርቶዶክሳዊ ግዴታችሁን በመወጣታችሁ ያለንን የላቀ አክብሮት እንገልጽላችኋለን፡፡
ቸሩ አምላክ ሁላችሁንም ይባርካችሁ ይጠብቃችሁ፡፡
ሁላችንም በፆምና በፀሎት ስለ ሃይማኖታችን እንለምን!!!

ማህበረ፡ክርስቲያን said...

ደጀ ሰላሞች wossene ያቀረበው አስተያየት ማለት ጀርመን ስለሚገኘው የቅዱስ ጊዮርጊስ ቤተ ክርስቲያን አስተዳዳሪ በጣም ቢታሰብበት ጥሩ ነው ብዙ ሰዎች ወደ መናፍቅነት ለውጧል፡፡በጣም የሚገርመው በግልጽ ነው የሚሰራው፡፡ማጣራትም ለሚፈልጉ ስሙ (ቀሲስ?)ገዳሙ ይባላል፡፡

Anonymous said...

The third recommender:
1. U said that this is fabrication (lie), if so r u saying dejeselam fabricated it or all the people who said that he is Tehadiso are wrong?
2.If he does not have such problems, why was his diploma suspended and why did the college dismiss him from his degree program? Are you saying the information is wrong or though the cases r correct people misunderstood him?
3. If people proved that he says Jesus is praying for us now and that he does not value the holy communion, how dare u call him orthodox?
4. If he attends protestants' why do u call him orthodox and why do u wish the intercession of the Virgin and Angles for him when he does not need them?
5. From what u have said, I suspect u r a Tehadiso, too.

Anonymous said...

Good job dejeselamawian. We should hunt and dissociate this menafikan from our holly Orthodox church.

Anonymous said...

do you know WHAT this guy is doing HARAR?
They were totally controllong one church and he said he came from techological college and creating big problem.Ene lemenager yemiyasiteyif sera seretewal::
I know him, and his group. if u are geniune find some evidence::
yezani gize serasikiyaje keneberut abat nibure ede kifile yohanis (now u find him in paulos college) ask.

so we refere several fathers who were in harar and knows the problem of this guy. ahunim wede tiwoloji bayihedi zem neber yemibalewu
gowadegnochus harar yibetebitu yeneberu::
Dejeselam if possible harar medhanialem yeteserawun lemawutat mokiru

mulatu ke harar

Anonymous said...

ደጀ ሰላሞች እንደምን ከርማችኋል?

መቼም እንደምታውቁት ክርስቲያን ተስፋ
አይቆርጥምና ከዚህ በፊት በጣም ጠቃሚ
ናቸው ብየ በብሎጋችሁ እንድታወጡት ድጋግሜ
ፅፌ ነበር። ነገር ግን አንዱንም አላወጣችሁትም።

የሆነው ሆኖ እኮ አንዳንድ ቀንም እኮ በዋልድባም
ይዘፈናል ይባል የል እንዴ እስቲ እንደ 3ተኛው
ግሩም ድንቅ እውነተኛ አስትያየት እንደሰው ክርስቲያን
ብታውጡልኝ ብየ እንደገና ተስፋ ሳልቆርጥ ይህችን
አስትያየት ለመሞነጫጨር ተነሳሁ። አምላካችን ጌታችን
መድሐኒታችን ኢየሱስ ክርስቶስ ልቦናችሁን ያብራላችሁና፣--

ቀደም ሲል ኢትዮጵያ ደርግ በነበረበት ጊዜ በጎጃም
ክፍለ ሀገር ባልሳሳት በእናርጅ እናውጋ ወረዳ አስተዳዳሪ
ነበር። ስሙም ቆምጨ አምባው ይባላል። በመሠረተ
ትምህርት ዘመቻ ላይ የአገሩ ሰው እንዲማር ወይም
እንዲሳተፍ ቢያስነግር ቢያስነግር ገበሬው ወደ እርሻውና
ወደ እለት ተግባሩ በቻ ያተኩራል። በዚህ ጊዜ ጓድ ቆምጨ
አንድ አዋጅ አስነገረ። ይኸውም መሠረተ ትምህርት የማይማር
ወይም የማይወጣ - ቡዳ - ነው። ብሎ ያሳውጃል። በዚህ ጊዜ
የአገሩ ህዝብ - ቡዳ - እንዳይባል በመፍራት እየወጣ ይሄድ
ጀመር።
ይህን ምሳሌ ያስታውስኩበት ምክንያት፡- ቤተክርስቲያናችን
መኖሪያችን፣ ቀያችን፣ ክፉና በጎውን ለይተን የተማርንባት፣
የዘላለም ህይወት ለማግኘት የምንፀልይባት፣ መፅናኛችን፣
ፍቅራችን፣ ትዳራችን ናት ብሎ በእውነተኛው መንገድ ነቃ
ብሎ የሚኖር ፣ የሚታይ የተዋህዶ ክርስቲያንን ከቤቱ ፈንቅሎ
ለማውጣት ሰይጣን የማይሸርበው ድር የለም። ነገር ግን በጣም
ደስ የሚለው ነገር ዳኛችንና አምላካችን እግዚእብሔር ፣
ጠበቃችን የጌታ እናት ድንግል ማርያም፣ ጠባቂዎቻችን
ቅዱሳን መላዕክት ስለሆኑ በጠላት ድንፋታ በፍፁም አንፈራም።

ምንም እንኳን የቀደመው ጠላታችን መልኩን ቀይሮ በስም ማጥፋት
አዋጅ ቢያስነግርም፡ ከቤታችን አንወጣም። ቡዳ ላለመባልም
ብለን አናስመስልም። እንኳን ለድንቢጥ ፡ ለዝሆንም አንደነግጥ።
እውነትና ንጋት እያድር ይገለጣልና።

አንተ የመንፈስ ቅዱስ ወንድሜ መምህር አሰግድ ሳህለ ግን
እግዚአብሔር በሀይሉ በጥበቡ አፅንቶ ያቁምህ። እስከ መጨረሻው
ድረስ የፀና እርሱ ይድናል ነውና ጠላት የፈለገውን ቢያወራ
ቢያስወራ በፍፁም አትፍራ። ስጋና ደም የሚገሉትን
አትፍሩ።፤ ይልቁንስ ነፍስን ወደ ገሃነብ የሚጥለውን እንጂ።

በሉ ደጀ ሰላሞች ሰላም ሁኑ።

Anonymous said...

ባለፈው ሳምንት(ጥር 21) ኮተቤ(መሳለምያ) ማርያም ቤቴክርስትያን ሲያሰተምር ነበር ኮ

full said...

yenanten mecheresha yasayegn .haylachew bezu sehon telatinetachehu banasu lay beza mahibere setanoch.enanten belo deje selam yesw enbana demi yetemachew

ssbb23 said...

የሚገርመው አሰግድ ከፕሮተንስታንቶች ጋር አየዋለ ያዉም ከአንድ ሰንበት ት/ቤት አስተማሪ የማይጠበቅ ስራ አየሰራ
በግልፅ አየሱስ አማላጅ ነዉ አያሌ ኦርቶዶስ ነኝ አንዴት ይላል?
ለማንኛዉ አሰስ ገሰስ አባሎቺን በመንጠቆ አየሳቡ ማዉጣት አና የአናት ጡት ነካሾቺን ፣ ነገም ሃገርን የሚሸጡ
አባቶቻቺን ዋሻ ዉስጥ ተጠልለዉ ብራና ልፈዉ ቀለም በትብጠዉ ያቆዩልን ሃይማኖትን ማሳደድ ምን ይሉታል አስግድ
ይቺ ሃይማኖት ብዙ ፈተና አስካሁን ደርሶባታል ግን ሁሉንም በእግዚአብሔር ረዳትነት አሸንፋለች
በ፩፯ ክፍለዘመን በካቶሊኮች ቡሁአላም በክባቶች አሁን ደግሞ በ ሉተራዉያን አየተፈተነች ነዉ ።
ነገሩ ክርስትና ያለፈተና አይጥምም ፣ፈተናዉ ይቀጥላል ኦርቶዶስ ታሸንፋለሽ ማን ለዚች ቤተ ክርስቲያን አንደምያስብ ቢዘገይም አየለየ ነዉ።
sb

Anonymous said...

Why you are driving him to enter into protestantism if he is not voluntary?

You will be Shamed before God.

Anonymous said...

የእግዚአብሔር አብ በረከት፣
የእግዚአብሔር ወልዱ ቸርነት፣
የእግዚአብሔር መንፈስ ቅዳስ አንዱነት፣
የእመቤታችን የቀዲስት ዱንግል ማርያም አማላዻነት፣
የቅዲሳን መላእክት ተራዳኢነት፣
የጻዱቃን የሰማዓታት ፀሎት፤
የኦርቶዶክስ ተዋህዶ ሃይማኖታችንን ይጠብቅልን አሜን፡፡
ይህን ሁለም ሰው ሊያውቀው የሚገባ ትልቅ ምስጢር ነው እኔም የተቻለኝን ሁሉ ለማስተላለፍ እጥራለሁ፡፡ እናንተም በርቱ፡፡

Anonymous said...

Great Job DJ. Many thanks for the info you posted.Every true orthodox christians should know all about this issue. The church of God will always win at the end!!!!

Anonymous said...

ውድ ደጀሰላሞች
በስመ አብ ወወልድ ወመንፈስ ቅዱስ አሀዱ አምላክ አሜን ያቀረባችሁት የፕሮቴስታንት ተሃድሶ አቀንቃኝ ላለፉት ጊዜያት የተከተላቸው መንገዶች ቅድስት ቤተ ክርስቲያን ከዚህ በኋላ ልትከተልና በየዋህነት የሰበሰበቻቸውን ልትመረምር እንደሚገባት፣ እኛም ልጆችዋ እግዚአብሄር ቤቱን እንዲያድስ እንዲሁም በጸሎቱ ግዳጅ የሚፈጽም ደግ የሀይማኖት አባት እንዲሰጠን ፤ያሉትንም በጽናት እንዲጠብቅልን ሁሌም አምላካችንን በመለመን መንፈሳዊ አስተዋጽዖ ማድረግ፣ ይጠበቅብናል። በዚህ አጋጣሚ የደብረ ይባቤ ቅዱስ ያሬድ ቤተ ክርስቲያን ሰንበት ት/ቤት ለረጅም አመታት ይህን ሰውና ማንነቱን በመግለጽ ብዙዎች እንዲጠነቀቍ በማድረጋቸው እናመሰግናቸዋለን። መናፍቃን ባገኙት አጋጣሚ ሁሉ ሰርገው ለመግባትና ለማጥፋት ወደኋላ አይሉምና እግዚአብሄር ይርዳን። ሌላው በያንዳንዱ ካህን ላይ ያለውን የኑሮ ጫና በመቀነስ በድህነታቸው እንዲሁም በሌላ ደካማ ጎናቸው ምክንያት የደረሰውንና እየደረሰ ያለውን ጥፋት ለመቀነስ ብሎም ለማስወገድ የቤተክህነት አባቶችን እንዲሁም የምዕመኑን ጥረት ይጠይቃል።በተደጋጋሚ እንደምንሰማው ሁሉም መንፈሳዊ ኮሌጆቻችን በፈተና ውስጥ ናቸው፡ ጠላትን መከላከል የሚቻለው ማንነቱ ሲታወቅ ነው፡ በመሆኑም በየጊዜው የምታደርሱን መረጃዎች ህዝቡም ሆነ አባቶች እንዴት ማስብ እንዳለብን መንገድ ከፋች ነው ። ብዙዎቹ በየቤተ ክርስቲያኑ ያሉ አባቶች ልክ እንዳሁኑ እንድትጠነክሩልን እመብርሃን ትርዳችሁ ትርዳን። የጻድቃን የቅዱሳን አምላክ ቸርነት፡ የእመቤታችን ቅድስት ድንግል ማርያም አማላጅነት አይለየን፡ አሜን።

hareg said...

መ/ታ ጉ /ካ
ደጀ ሰላሞች ለኦርቶክዶሳውያን አጥንትን የሚያለመልም ለመናፍቃን አንገት የሚሰብር ዜና ስላስነበባችሁን ቃለ ሕይወትን ያሰማችሁ። ነገር ግን ይህ አሰግድ የተባለው መናፍቅ ብዙ ጀሌዎች እንዳሉት እገምታለሁና በቤተ ክርስትያን ውስጥ አሁንም ተመሳስለው ያሉ ጀሌዎቹን ለማጋለጥ ታላቅ ጥረት ይጠይቃልና ሁላችንም ክርስቲያናዊ ግዴታችንን መወጣት ይጠበቅብናል። በጣም የሚገርመው ደግሞ ከዚህ በላይ አስተያየትየሰጡ አንዳንድ መናፍቃን የቅድስት ድንግል እመቤታችንን እና የቅዱሳንን ስም መግብያ አድርገው በመጀመር የተለመደው ኑፋቄያቸውን የሚዘሩት አንታወቅም ብለው ከሆነ በጣም ተሳስተዋል። ከፍሬያቸው ፈፅመው ስለሚለዩ ባይዘባርቁ መልካም ነው። ለነሱ ''አፍንጫ ሲመታ አይን ያለቅሳል ሲሆንባቸው'' እኛ ደግሞ ''እኛም አውቀናል ጉድጋድ ምሰናል'' ብለናልና።

tewahedo said...

Thanks for the information.


Asegid is either doing his mission or he is confused.

Are these guys trying to deceive themselves or really the want to take people? If they don't believe the Orthodox Dogma why they don't leave the church and follow their own religion? If they believe the church's teachings why the make such trouble? "YEBEG LEMID"

If people are really following the teachings of the church, they will not leave the church though they are named Tehadiso. If they are here just for their own purpose they will leave the church once the church ignores them.

Anonymous said...

Some tehadiso people blame mahibere kidusan to be the reason why they joined protestant church. Please do they think they are talking to a baby? Nobody would go to other religion which has a very different view of God if they don't bleive in it. Mahibere kidusan is trying to clean the church of these kinds. If you are a real orthodox tewahido, nobody would bother you, but only when you have something behind. Mahibere Kidusan Egziabher Yibarkachihu. Deje Selam Emebet tirdachihu.

Anonymous said...

ይህን ስሰማ በጣም ነው ደስ ያለኝ አሰግድ ማለት የለየለት ፕሮቴስታንት የሆነው ዛሬ አይደለም ግን ቢዘገይም መባረሩ በጣም ጥሩ ነው
ቤተክርስቲያናችን ይህን የማጥራት ስራ እድትቀጥል እደራ እላለሁ

Anonymous said...

ቸር ያሰማን

Anonymous said...

Hi it was very courageous and appreciable what you are going to do is. Please be conscious there are also other actors who have the same Mission as Asigid. Thank you!!!!!!!!!!!!1

Anonymous said...

እንደምን ከረማችሁ!
አንዳንድ ሰዎች የኑፋቂ ትምህርት እዚህ ላይ ሲውገዝ የ ወንጌል ተቆርቁኣሪዎች ይመስላሉ። ወንጌል ና ኑፋቄ ይለያያሉ፤ ወንጌል እውነት ስትሆን ኑፋቄ ግን ሃሰት። ያለበለዚያ እነሱስ እነማን ናችው? "አንዳንዶች በስሜ ይመጣሉ..."የተባለውን አንዘንጋ!
ቸር ያሰማን

Anonymous said...

"Eyadere-Addis" yilutal yehe new!

Anonymous said...

ወገኖቼ
አስተያየቶቹን ሳነብ የገረመኝ ነገር አለ። ለካስ ከተኩላዎቹ አንድ አንዱን የምናውቅም አለን። ግን ምን አደረግን ? ቤተክርስቲያን ማለት እኛ አይደለንም ? እኛዉ ካልጠበቅናት ማን እንዲጠብቅልን እንፈልጋለን ? እያወቅን ዝም የምንል ካለን ተኩላውን እያገዝነው ከተኩላው ጋር እየተባበርን መሆኑን እናስተውል። የምናውቀው ነገር ካለ ለቤተክርስቲያኑ አስተዳደር ካልሆነም ለሀገረ ስብከቱ ወይንም በBlogs ላይም ማሳሰብ ማስታወቅ ሌላውን ማስጠንቀቅ ይገባናል ግዴታችንም ነው። ወገኖቼ በጊዜ ካልጮህን የሚረዳም አይደርስልንም እራሳችን ስንጠፋ ዝም ብለን እያየን ነው ማለት ነው።

የዛሬ አንድ አመት ከስድስት ወር አካባቢ አስታውሳለሁ አንዲት ወጣት እህት ቁጥራችው ከመቶ በላይ ምእመናን በተሰበሰቡበት ጉባኤ መካከል ስለ አነድ መምህር የምታውቀውን ከቤተክርስቲያን አስተምሮ የወጡ መሆኑን አስታወቀች። ከጥቂቶች በስተቀር ሰው ሁሉ እርሷን ተናገሯት ነቀፏት ተጮኸባትም። ይህ እንደሚሆን ከማስታወቁዋ በፊት አታው አይመስለኝም ነገር ግን ቤተክርስቲያን ስትጎዳ ምእመኑ ሲመረዝ ዝም ብዬ አላይም በማለት ተነሳስታ እንጂ። የብዙዎች አለማወቅ ይሀችን እህት ስህተተኛ አስባላት። ነገር ግን እውነት በህዝብ ብዛት አይወሰንምና ጊዜው ደርሶ መምህሩ ከቤተክርስቲያን ታገዱ። ምንም ተቃውሞ እንደሚመጣባትም አስቀድማ ብታውቅም ይህች እህት የተቻላትን በማድረግ ቢያንስ በጊዜው ሌሎች እንዲነቁ እንዲጠነቀቁ እንዲያስተውሉ አድርጋለች።

ዋናው መልክቴ ወገኖቼ ለቤተክርስያናችን የተቻለንን እናድርግ እንጠብቃት ነው። Information እየሰበሰብን እውነቱንም እያወቅን ግን ጥፋት ስህት እያየን ዝም አንበል። ይህች እህት ምሳሌ ትሁነን። Information የሚሰጡንን በርቱ ማለት መልካምም ቢሆን ይሀ ብቻ በቂ አይደለም። የደጀ ሰላምም ዋናው አላማ ደክመው ጊዜአቸውን ገንዘባቸውን ሰውተው የሰጡንን Information እንድንጠቀምበት እንድንሰራበት ይመስለኛል። ከላይ እንዳነበብነው አንድ ግለሰብ 20 አመት ሙሉ እስካሁን ድረስ ባለማቁዋረጥ እየደከመ ያለው ቤተክርስያናችን ላይ ጥፋትን ለማድረስ ነው። ሰይጣን መቼስ ለጥፋት ደክሞ ያውቃል? እንደዚህ አይነቶችስ ሌላ ስንት ይኖሩ ይሆን?

ወገኖቼ እኛ ዝም ካልን ስይጣን ስህተትን ጥፋትን ሀጥያትን ነው የሚያስለምደን። እኛ ደግሞ የለመድነውን ለልጆቻን ካስተላለፍን እነርሱ ያለነዚህ የሚያውቁት ነገር አይኖርም። ለኛ ብቻ ሳይሆን የሚቀጥሉትንም ትውልዶች ለማትረፍ በቤተክርስቲያን ውስጥ ስህተትን ጥፋትን እያየን ዝም ማለት የለብንም። መጠየቅ መናገር ማስታወቅ ማመልከት ማሳሰብ መቃወም የሁላችን ግዴታ ነው። ከያሬዳዊ ዜማ የተለየ ነገር መጀመሪያ ሲጀመር ወላጆቻችን ቢቃወሙ ቢጮሁ ኖሮ ዛሬ ከያሬዳዊ መዝሙራት ሌላ ባላወቅን ነበር። ዘሬ ያሬዳዊውን ለይቶስ የሚያውቅ ስንቱ ነው? ስዚህ ወገኖቼ ዘም ብለን ተቀምጠን ተኩላው ከነከሰን በሗላ ሳይሆን ገና ከሩቁ ስናየው ነው መናገር ማስታወቅ መጮህ ያለብን እራሳችንንም ወንድም እህቶቻችንንም ልጆቻችንንም ቤተክርስቲያናችንንም ለመጠበቅ።

እግዚአብሔር አምላክ ይርዳን

Anonymous said...

tade from dilla
Asseged is already known and isolated but i worry about his friend who hide themselves in the church and do the same activities.
He was invited by mr.Begashaw and Yared Aademe to preach in big conference in dilla so many times.so the responsible body will take a care for the remaining one.
GOD bless Ethiopia

Anonymous said...

Concerning Gedamu :-
At his early stage he was serving @ Gondar Medhanealem Sunday School of the Haimanote Abew in 1969 -1972 E.C.
After he went to Germany he totally changed
he is not Tehadso instead full Protestant.
I admire that he is called Kesis
totally he is not a person of our church

Anonymous said...

Firee albaa !Bori hinbeekneen qadabukoonshee lamaa jedhama.

Anonymous said...

In the name of the Father the Son and the Holy sprite One God Amen!!!

This is a good job but am not that much satisfied. Many of them are preaching in our church. They are so muscular that we cannot disband their ties just by posting some pieces of news. The church has to call a unified move for such anti Orthodox Move. Sister and brothers, plz let us wake up and defend our church. The society is not only reformed but also is becoming a reformer. We are losing our values and original teachings of our church!!!

Some of them who posted their says in this blog are TEHADSOS!!! They tried to pretend as if they are Orthodox Christians. This is I hope a new strategy being used by Protestants. They seem that they are orthodox but whey u scrap them like FETAN Lottery You get “try again!!! They are TEhadiso”. Comprehensive endeavors should be used by both the church and its members.

Asegid ze tewahido said...

በነገራችሁ ላይ ባአሁኑ ሰአት አዋሳ ቅ ገብርኤል አውደ ምህረት ላይ የተሀድሶ እስተምህሮ እየተላለፈበት ነው ቁጭ ብሎ ከማየት ውጪ ምንም መስራት እልቻልንም ምክንያቱም ደጋፊአቸው አቡነ ጳውሎስ ናቸውና ለማን ይከሰሳሉ በርግጥ ፓትርያርኩ ሆን ብለው ነው ወይስ… ብታምኑም ባታምኑም ፓትርያርኩን ሳናሳምን ወይም ሳናስወግድ ተሃድሶን ማቆም አንችልም
በነገራችሁ ላይ አቡነ ጳውሎስ አዲስ ወደ አዋሳ የመጡትን ስራ እስኪያጅ እባረዋቸዋል ብቸኛው ምክንያት ለተሃድሶዎች መግቢያ ስላሳጡአቸው ነው
እናም ጠላት ያለው የት መሆኑን አውቀን…

Dn HaileMichael habe Addis said...

In the Name of The Father ,The Son & The Holy Spirit Amen.

Dear Brothers & Sisters in Christ , Asegid is not the only one to act like that ,what we understand from this post is how much the heretics are mischievous & how the are acting against our church. We should be watchful . Every one of us who reads this post has responsibility to reveal such acts & inform others to be aware of such acts by any means we can do.

May God & His Mother help us.

Anonymous said...

እንዲህ ያሉትን አይን አውጣ መናፍቃን ከቅድስት ቤተክርስቲያን መንግሎ ለማውጣት አባቶቻቸን እና የሚመለከታቸው የቅድስት ቤተክርስቲያን ልጆች የሚያደርጉትን ጥረት ሁላችንም ልናግዛቸው ይገባል፡፡ አሁን ቅድስት ቤተክርስቲያን ከመናፍቃን እንቅስቃሴ ጥርት የምትልበት ወቅት መሆን አለበት!!
አምላካችን ልዑል እግዚአብሔር ይርዳን፡፡ አሜን!!

haneyeemylove said...

egzeabher amlke le eyndandachen lebonane yesten erse berse kemefraredm yadenen

AMAN YIHITI said...

IN THE NAME OF THE FATHER ,OF THE SON ,AND OF THE HOLLY SPRIT ONE GOD AMEN.
WHAT DO U MEAN WHEN U SAY FIREE ALBAA?BEFORE SIMPLY INSULTING OTHERS FIRST TRY TO BE LOGICAL AND HOLD THE TRUTHE LIKE DEJA SELAM.WHAT ARE THE TEHADISOS DOING AGAINST OUR CHURCH.THEY ARE FIGHTING INTERNALY AND EXTERNALY BUT ANABLE TO WIN BECAUSE NO ONE HAS SUCCEDED IN DEFEATING TEWAHIDO.BUT HE FINISH SIMPLY WASTE HIS ENERGY AND CAPITAL BECAUSE THIS IS PROMISE GIVE TO CHURCH FROM GOD.WE MUST HAVE TO CAREFULLY WATCH AAND CONTRIBUTE OUR EFFORT.SIIF IMMO WAQAYYON AKKA HUBANNO ARGATU SI HATTASSISU.YOO ILLE BETAKIRISTIANI JIBITA TAATELLE ISHEEN GARU SIN JIBITU.ISHEEN KAN NAMA ADDA BASTU AKKA KANSARII QAMMA HUNDA ISHEE HIN BALEESNEF MALEE JIBITEE MITI.WAQAYYOON HUNDUMA KENYAF HUBANO NUU HAA LAATUU.
WASIBAT LE EGZIABHHER, WELEWALADITU DINGIL WELE MESKELU KIBUR.

Anonymous said...

እኔ እኮ በጣም ነገራችን ሁሉ ያስቀኛል። አንዳንድ
አስተያየቶችን ሳነባቸው የሞኝ ነገር ወይም ተረት ተረት
ይመስላል። አቤት የኛ ክርስትና እንኳንም ፍርድ
የእግዚአብሔር ሆነ እንጂ አቤት የኛ ቢሆን ..../?

ከሁሉ የሚገርመኝ የሃይማኖት ነፃነት እንኳን አለም
ጌታችንም ቢሆን የመከረን እሳትና ዉሃ ቀርቦልሃል
እጂህን ወደ ፈለግህበት ላክ ፣ ሁሉ ተፈቅዶልኛል
ሁሉ ግን አይጠቅመኝም ነው። በአለም ላይ እንደኛ
በሐይማኖት እርስ በርስ የሚካስስና የሚጣላ ይኖር ይሆን?
የለም። አይቼም ሰምቼም አላውቅም። ምንአልባት ክርስትና
ማለት ፈፅሞ ያልገባን ይሆን አወ ቢገባን እኮ ክርስትና
ፍቅር ነበረ፡ አምላካችንንም ወደ ምድር ያመጣውና እራሱን
አሳልፎ የሰጠው ለዚሁ ፍቅር ነበር። ታዲያ የሱ ውለታ
ይሄ ነው በአለም ላይ ያሉ የክርስትናና የሌሎችም ሐይማኖት
ተከታዮች እኮ በሰላም የሚኖሩት 1ኛ ያንዱን ሐይማኖት አንዱ
አይሳደብም ማለት የሐይማኖት መከባበር አለ። 2ኛ አንዱ
አንዱን አያስገድደውም ምክንያቱም ሐይማኖትና እምነት የግል
ነው። ቢያስገድደው፣ ቢሰድበው፣ ቢኮንነው ምንም ሊያመጣና
ምንም ሊያደርገው አይችልም፡ ለራሳችን ፍቅር ከማጣት በቀር፣
በረከት ከማጣትና ከመጎዳት በቀር። መቼ ይሆን የምንሰለጥነው?
መቼ ይሆን በሰው የግል ህይወትና እምነት ውስጥ ጣልቃ መግባቱን
የምናቆምና እርስ በእርሳችን ልዩነታችን እንዳለ ሆኖ ተከባብረን በፍቅር የምንኖረው ተራራን የሚያፈልስ ያህል እምነት ቢኖረኝ ፍቅር ግን ከሌለኝ ከንቱ ነው አይደለም እንዴ ?

ይህችን ለመፃፍ ያስገደደኝ ምክንያት ብዙዎቹ ያለማስተዋል ሲፎክሩና ሲደንፉ ሲጮሁና የማይረባ የማይጠቅም መዘላበድ ስላነበብኩ እንደው ዝም ከማለት እውነቱን መናገር ይበልጣልና። ደጄ ሰላም መቼም የኔን
ፅሁፍ በጣም ብዙ ጊዜ አያወጡትም ግን በለስ ቀንቶኝ ቢያወጡልኝና
አንብባችሁ የምትናገሩትን ሁሉ ብትናገሩ የፈለገውን ስምና ሰድብ
በትፅፉ አይከፋኝም፣ ምንምም አልሆንም እሱ ሁላችንንም ያውቀናልና።

መልካም የፍቅርና የሰላም ልቦና ይስጠን።

Anonymous said...

I know asegid 8yrs before.I know members of the ST.yared church Sunday school who are turned to protestant by this guy through 'tutorial school for better academical performance' strategy.I was on of the witness when he rejected from the church.after 4 or 5 yrs I get him in Harar medihanialem (HARAR)invited by "the current well known" 'preachers'.and one of the comments above also said he has seen in Dilla & z other one in ADDIS.I alse see his recorded preach in Bale.from this what I can conclude that how he & 'his groups' are streached in the churche and are destroying the assests & Values of EOTC.So all we members should pray strong , alert all times. Our fathers and other the church admin should take measure- Never too let. May God Be with US.

Anonymous said...

it is very hard to separate the weyane media from deje selam

Bizuayehu said...

የእግዚአብሔር አብ በረከት፣
የእግዚአብሔር ወልዱ ቸርነት፣
የእግዚአብሔር መንፈስ ቅዳስ አንዱነት፣
የእመቤታችን የቀዲስት ዱንግል ማርያም አማላዻነት፣
የቅዲሳን መላእክት ተራዳኢነት፣
የጻዱቃን የሰማዓታት ፀሎት፤
የኦርቶዶክስ ተዋህዶ ሃይማኖታችንን ይጠብቅልን አሜን፡፡
ይህን ሁለም ሰው ሊያውቀው የሚገባ ትልቅ ምስጢር ነው እኔም የተቻለኝን ሁሉ ለማስተላለፍ እጥራለሁ፡፡ እናንተም በርቱ፡፡

Zekios said...

Dear Dejeselam
Currently you do not believe the number of naive individuals who are being misleaded by the so called Tehadisos.The surprising part is they do not know that they are heading to the wrong side.Me and my freind even though we are not member of Mahbere Kidusan; we couldnot tolerate when they start to open their mouth to insult the Lord and his saints like their father,Satan.The message to them is our church has been always preaching Christ our Lord and will continue doing this.It is a pity and shameful to say that start to preach Jesus in their era<2 OR 3 YEARS>.
Take home message is NIKUM BEBE HILAWE
DILNIGIL ATELEYEN.

…አንቀጸ ሰላም said...

…አንቀጸ ሰላም
‹‹ፍቅር ያጌብረኒ ነጊረ ዜናሆሙ ለቅዱሳን፡፡……
(የቅዱሳንን ዜናቸውን ለመናገር ፍቅር ግድ ይለኛል፤
ቅንዐትም ከሀዲዎችን እነቅፋቸው ዘንድ ያስገድደኛል፡፡
ፍቅር ክርስቶስን እንዳመሰግነው ግድ ይለኛል፤
ቅናትም ሰይጣንን አወግዘው ዘንድ ያስገድደኛል፡፡
ፍቅር የክርስቶስን ሐዋርያት እንድከተላቸው ያስገድደኛል፤
ቅናትም ዝንጉዎችን እንድሸሻቸው ግድ ይለኛል፡፡
ፍቅር ሰማዕታን አወድሳቸው ዘንድ ግድ ይለኛል፤
ቅናትም ጠንቋዮችን እንድዘልፋቸው ያስገድደኛል)››
/አባ ጊዮርጊስ ዘጋስጫ፣መጽሐፈ ምሥጢር/
እኔ እኮ የሚገርመኝ ቅዱሳኑ (እነ አባ ጊዮርጊስ ዘጋስጫ፣ ቅዱስ ያሬድ፣ ቅዱስ ቄርሎስ፣ ቅዱስ ዮሐንስ አፈወርቅ፣ ቅዱስ አትናቴዎስ….) ያቆዩትን እንቀበል ወይስ የተሐድሷውያንን እንቶ ፈንቶ?? !፡፡ ቅዱሳኑ እኮ በአእምሮ መንፈሳዊ (እግዚአብሔር ገልጦላቸው) አውቀት የተገለጸላቸው፤ ሊቃውንቱም ደግሞ በአእምሮ መንፈሳዊ (እግዚአብሔር ገልጦላቸው) አውቀት የተገለጸላቸው፣ በአእምሮ ጠባይ(ተምረውና መጻሕፍት አንብበው) ደግሞ ቁጭ ብለው ከጌታ ወደ ሐዋርያት ከሐዋርያት ደጎሞ ሲወርድ ሲዋረድ የመጣውን ትምህርት ደከመኝ ሰለቸኝ ሳይሉ መላ ዘመናቸውን ሙሉ ሲማሩ የቆዩ እንዲሁም 24ት ሰዓት ሙሉ ሲመገቡና ሲተኙ ሳይቀር ስለ እግዚአብሔርና ስለ ቤተ ክርስቲያን የሚያስቡ ናቸው፡፡
ለዚህም ማስረጃ፡-
በአረጋዊ መንፈሳዊ ከምጽዋት ሁሉ በላይ ለሰዓት ያህል እንኳን ስለ እግዚአብሔር ማሰብ እደሚበልጥ ተጽፏል፡፡
እድሜ ዘመናቸውን ሁሉ ለመማራቸውና ትምህርት የማያልቅ ለመሆኑም የጥንቱ የጐንደር ጕባኤ ቃና ቅኔ እንዲህ ይላል፣

ረቢ ሰገደ በመንፈቀ ሌሊት ለረቢ፣
አኮኑ አጽባሕት እምነ አጽባሕት የዐቢ፡፡
ተሐድሷውያን ግን ገና ብዙ የሚቀራቸው ፣ ለሰከንድ ያህል እንኳን አእምሮአቸውን ሰብስበው ስለ ቤተ ክርስቲያን ማሰብ ብቃት ላይ ያልደረሱ፣ በአእምሮ መንፈሳዊ ሆነ በአእምሮ ጠባይ እውቀትን ያላወቁና ያለገበዩ፣ በውጪው ዓለም ያዩትን እንቶ ፈንቶ ርትዕት ወደ ሆነችው ወደ ተዋሕዶ ሳያጣሩ ሊበርዙ የሚፍጨረጨሩ፣ ብዙ ጊዜ በአእምሯቸው የማያስቡ፣ በልቡናቸው የማያስተውሉ፣ በስሜታዊነት ብቻ የሚጋልቡ፣…… ፣……. ናቸው
ለተሐድሷውያን ብዙ መመለስ ቢቻልም አውቆ የተኛን ቢቀሰቅሱት አይነቃም እንዲሉ አውቀው የተኙ ፤ ነገር ግን ለተንኮል የነቁ ናቸው፡፡ ምክንያቱም የትኛው ትክክል እንደሆነ ሳያውቁት ቀርተው አይደለም! የተዋሕዶ ሃይማኖት ማለት ግን በሕይወት የሚኖር ስለሆነ መኖር ስላቃታቸው ነው እንጂ፡፡(ዝርዝሩ ይቆየን…..)ነገር ግን ለዛሬው፡-
1. ለዘክርስቶስ፡-
ቂል/ጅል/ ብልጥ ሲሆን፣ ገጠር ላይ በገጠር ደረጃ ብልጥ የሆነም ወደ ከተማ አልያም ዩኒቨርሲቲ ደርሶት ዩኒቨርሲቲ ሲገባ አርሱ ብቻ ብልጥ የሆነ ይመስለዋል፡፡ ለነገሩ መሰለው እንጂ አልሆነም እንደ ዘክርስቶስ ያሉ ደግሞ እነርሱ ብቻ ብልጥ! ስለተሐድሷውያን በጅል ብልጥነታቸው ሊያታልሉን ይሞክራሉ እባክህ ወደ ልቡናህ ተመለስ ለማታለል አትሞክር፤ ለብ ያልክ አትሁን ወይ ተፋጅ ወይ ብረድ፡፡
ነገር ግን አንድ ቃል የተናገርከው ብቻ ጥሩ ነው አንድን ነገር መጀመሪያ ማጥናት ከዛም የሚመለሱ ከሆነ መምክር ግን እንኳን እንደ አንተ ዓይነቱ ቀርቶ እነ ኪዳነ ወልድ ክፍሌም ከኛ በላይ ማን ያውቃል(ነገር ግን በነርሱ ዘመን ከነሱ የሚበልጡ አያሌ ሊቃውንት እያሉ) አሉ እንጂ ለምክር የተዘጋጁ አልነበሩም፡፡ አንተና መሰሎችህም እንዲሁ ናችሁ፡፡ ብዙ ሳትማሩ የተማረ፣ ብዙ ሳታውቁ አዋቂ፣… ለማስመሰል አትጣሩ፡፡ ‹‹ ከመጠምጠም መማ ይቅደም››
2. ለጽሁፌን በሚዛናዊነት ያወጡት ይሆን?/Anonymous said.../፡-
. ላንተ መዝሙር መዘመር የተጀመረው በእነ ትዝታው፣ ስብከት መሰበክ የጀመረው በነበጋሻው እንጂ ከዛሬ 1498 ዓመታት በፊት እጁን በታቦተ ጽዮን ላይ አድርጎ ‹‹ንጽሕት ወብርሕት ወቅድስት እንተ በኵሉ…›› ብሎ በግዕዝ፣ በእዝልና በአራራይ ዜማ ገና እነ ሞዛርት ሌሎቹም ሳይነሱ ዜማውን በምልክት እያደረገ የዘመረው የእርሱንም ፍኖት ተከትለው(እነ አባ ጊዮርጊስ ዘጋስጫ..) ለ1498 ዓመታት ያህል የዘመሩት ሊቃውንትማ ላንተ ለተሐድሶው ምን ልትላቸው እንደሆነ አይገባኝም፡፡ ትዝታው እኮ ካሴት አወጣ ታላላቅ ጕባኤ በሚላቸው ቦታዎች ላይ እየተገኘ ዘመረ እንጂ ሌሊት ማሕሌትና ሰዓታት ፣ጠዋት ኪዳንና ቅዳሴ፣… እንዲሁም ሌሎች ግልጋሎቶች ላይ አያገለግልም፡፡ በጋሻውም ታላላቅ በሚላቸው ጕባኤዎች ላይ በመገኘት ለማስተማር ሞከረ(ደነፋ)፣… እንጂ በየገጠሪቱ እየተገኘ አልሰበከም፡፡
. “..ስንት ገመናና ጉድ እያላቸው ብጹዕና ቅዱስ ይባላሉ።” ላልከውም የቤተክርስቲያን የበላይ አስተዳደሪ አባቶች ብጹዕና ቅዱስ(ኤጲስ ቆጶስ፣ ጳጳስ፣ ሊቀ ጳጳስ፣ ርዕሰ ሊቃነ ጳጳሳት/ፓርያርክ/) የሚባሉት በሚሠሩት ትሩፋት ብቻ አይደለም፡፡ ብጹዕና ቅዱስ/የተለዩ/ የሚባሉት ‹‹ከሰው መርጦ ለሹመት፤ ከእንጨት መርጦ ለታቦት›› እንዲሉ እነርሱም ከሰው ሁሉ ተለይተው በቅብዓ ሜሮን የከበሩ ስለሆነ ነው፡፡… ደግሞስ አንተ ማነህና ነው በቅብዓ ሜሮን የከበሩትን አባቶች ለመዘርጠጥ ብቃቱ ያለህ!!!!! አባታችን ልበ አምላክ ዳዊት ሳዖል ሊገድለው አሳዳጁ ሳለ ነገር ግን ሳዖልን የገደለውን ሰው ግን ምን እንደደረገ እና አርሱም እንዳዘነና እንዳለቀሰ በውኑ አላነበብክምን????? ይህንንስ ያደረገው ንጉስ ሳዖል በቅብዓ ቅዱስ ተቀብቶ በመንገሱ አይደለምን ??? ‹‹ከመንግስት ክህነት ትበልጣለችና›› ዳዊት ለንጉስ ሳዖል በቅብዓ ቅዱስ ለከበረው እንደዚያ ክብር የሰጠ እኛማ በቅብዓ ሜሮን ብጹዕና ቅዱስ ለተባሉ አባቶች ምንያህል ማክበር ይገባናል፡፡ ሊቁ ቅዱስ ዮሐንስ አፈወርቅም ስንት ገመናና ጉድ እያላቸው ብጹዕና ቅዱስ ስለሚባሉ አባቶች ሲናገር፡- በወርቅና በብር( silver) የተሰራ ማኅተም የሚመቱት አርማ አንድ ዓይነት እንደሆነ ሁሉ ስራቸው የከፋ(ገመናና ጉድ) የላቸው አባቶችም ሆኑ ሥራቸው ያልከፋ አባቶች የሚሰጡት ንስሃ እኩል ኃጢአትን ያስተሠርያል፡፡ እነደዚሁ በቅብዓ ሜሮን የከበሩም አባቶች ጳጳሳት ገመናና ጉድ ያላቸውም ሆኑ የሌላቸው እኩል ክህነተ ጵጵስና ኣላቸው፡፡ ቅዱስ ሲኖዶስ ጵጵስናቸውን ካለሻረው በቀር፡፡
ወቸው ጉድ ደግሞ የአሁኑ ይባስ እራሱን እንደ ቅዱስ ሲኖዶስ አድርጎ ጳጳሳትን የሚሰድብ መጣ፡፡ቀስ ብሎም እግዚአብሔርን እንዳይሰድብ ያሰጋል፡፡

እመቤታችን በምልጃዋ ከልጇ ታስታርቀን፡፡
ለአባ ጊዮርጊስ ጽውዓ ብርሃንን የጣጣ ቅ/ዑራኤል ጥበቡን ይግለጽልን፡፡
የልዳው ሰማዕት ቅዱስ ጊዮርጊስ ሃጋራችንን ይጠብቅ፡፡

Dn HaileMichael habe Addis said...

በኢየሩሳሌም በይሁዳ በሰማርያ እስከ ዓለም ዳርቻ ምስክሮቼ ትሆናላችሁ
እኔ ሁሌ የሚቆጬኝ እውነተኛዉን ወንጌል ይዘን ፡ወንጌሉን ከነአንድምታውና ከነምስጢሩ ያደላደሉ ሊቃውንት ተትረፍርፈውን ተከላካይ መምሰላችን ነው፡፡ለምን
1) እነ አለቃ ኤያለው ታምሩ ፡ እጨጌ ጊዮርጊስ ፡መልአከ ብርሃን አድማሱ ጀንበሬ መልስ እንደሰጡና በጉባኤ ተከራክረው አፍ እንዳስያዙ የመናፊቃንን መምህራን በአፍ ፊት ለፊት በመከራከር ‹በቅርቡ መምህር ዘበነ በማን አለብኝነት የፈነጨውን ፓስተር ቶሎሳን አፍ እንዳስያዙት ማለት ነው› እንዲሁ በተለያየ ጊዜ በቤተክርስቲያናችን ለይ አፍ የሚከፍቱትን አፍ በማስያዝ፡፡(በመጻፍ ብዙ አለ ብየ ነው ፡በእርግጥ የማዳረስ ሥራ ሊያስፈልግ ይችላል)
2) ሰፊ የሕዝብ ጉባኤ በተከታታይ በማዘጋጀት በመናፍቃን የኑፈቄ ትምህርት ዙርያ የተቃኘ ትምህርት በመስጠት
3) ምዕመናንም ሆኑ ከበረት የወጡ ሁሉ በፈለጉ ጊዜ ስለ እውነተኛው የቤተክርስቲያን ትምህርት መረጃና ስለማነኛውም መፅሐፍ ቅዱሳዊ አስተምህሮ መልስ የሚያገኙበትን መንገድ በመፍጠር ‹ከእንተርኔት በተጨማሪ የኢትዮጵያን ሁኔታ በማገናዘብ› ከቤቱ ያሉትን ከማጽናት ባሻገር ከበረት የወጡትንም ለመመለስ ለምን አንሰራም ?

Anonymous said...

ጽሁፌን በሚዛናዊነት ታወጡት ይሆ? ወይስ ደጋፊዎቻችሁ ባበዙባችሁ ልመና የተነሳ ታስቀሩት ይሆን? አንድ ጽሁፍ እንዳስቀራችሁ በማስታወስ። እኔ ላለመጻፍ ወስኜ ነበር፤ ግን «አንቀጸ ሰላም» የተባሉ ጸሃፊ ጥሩ አድርገው ስላብጠለጠሉኝ፤ እንደሳቸው ለማብጠልጠል ሳይሆን ጥቂት ከእውነታው ልነግራቸው ብቻ ስለሆነ የሚዛናዊነት ልመናዬን አቀርባለሁ። 1/ አንተ ማነህና ነው የከበሩ አባቶችን ለመዘርጠጥ የምትሞክረው ላልከው መልስ፤ አንቀጸ ሰላም ብዙ አትናደድ መጽሐፉ የሚለውን መጀመሪያ አንብብና አፍ የሚያዘጋ ምላሽ ለመስጠት ሞክር። እንዲህ ይላል- «በውጭ ባሉት ሰዎች መልካም ምስክር ሊኖረው ይገባል»1ኛ ጢሞ3፤7 የሚለው ቃል አይሰራም። አሁን ባሉት ጳጳሳት የቤተክርስቲያኒቱ ተከታዮች ምስክርነት ያልሰጧቸው፤ከመሾማቸው በፊት የነበራቸው ምግባር፤እውቀት፤ ፍቅረንዋይና አድልዎ ምን ያህል እንደነበረ ሳይመሰከርላቸው ለመሆኑ የዚህ ጉድለት ማሳያዎችን በስምና በማስረጃ ማቅረብ ያቻላል። በሚሊዮን ብር የሚገመት ህንጻ ገንብተዋል። ድርጅት አቋቁመዋል፤ እዚህ ላይ መግለጹ አስፈላጊ ያልሆነ ነገርም መፈጸሙን እናውቃለን። በዘርና በጎሳ ለይተው ቀጥረዋል፤አባረዋል(ይህንንም በማስረጃ አቡነ እከሌ፤አባ እከሌ፤ ይህንን ያህል እዚህ ቦታ ብሎ መናገር ይቻላል።)የገጠሪቱ ቤተክርስቲያን ጣሪያና ግድግዳ ፈርሶ የቪላ ባለቤቶች መነኮሳት በሞሉባት ቦታ ቅብዓ ሜሮን ተቀብተዋል ማለት ብቻውን ቅዱስና ህጸጽ አልባዎች ናቸው አያሰኝም። ሹመትን ሁሉ እግዚአብሔር ያውቀዋል ማለትና ሹመት ሁሉ የእግዚአብሔር ምርጫ ነው ማለት ሁለት የተለያዩ ነገሮች ናቸው።የየትኛውንም ሃይማኖት መሪና አስተዳዳሪ (እስልምናንም ጨምሮ) ያለእግዚአብሔር እውቅና የሚሆን ሹመት የለም፤ ግን ሁሉም ሲመረጥ የእግዚአብሔር ምርጫ ነው ማለት አይደለም። ብዙዎቹ ምርጫዎች ለቆሙለት የድርጅት ዓላማና ግብ ነው፤ የእግዚአብሔር ምርጫ ግን ለእግዚአብሔር ስራና አገልግሎት ብቻ ነው። ስለዚህ ወንድሜ «አንቀጸ ሰላም» መመረጥን ሁሉ ከእግዚአብሔር እንደሆነ አድርገህ አታስብ፤ ከእግዚአብሔር መሆኑን የምትገነዘበው ተመራጩ ለእግዚአብሔር አገልግሎት የሚያደርገውን ተጋድሎ ተገንዝበህ መሆን አለበት። «ዳላይላማ»የቡድሃ ሃይማኖት መሪ ከአንድ ቢሊየን ያላነሰ ተከታይ አለው ማለት እግዚአብሔርን አገለገለ ማለት አይደለምና። 2/ የስራ ፍሬ ከሌላቸው ሁለንተናቸውም ጨለማ ከሆነ ሰዎች ጋር አትተባበሩ፤ ገስጹአቸውም እንጂ። ኤፌሶን5፤11 ላይ የሚናገረው ለሰዎች እንጂ ለንፋስ አይደለም። መሪዎች የሚለኩት ባላቸው የስራ ፍሬ ካልሆነ በያዙት ወንበር እንዴት ሊሆን ይችላል? ጳውሎስ ጢሞቴዎስን የተሰጠው ኃላፊነት የተናቀ እንዳይሆን« በቃልና በኑሮ፤ በፍቅርም በእምነትም በንጽህናም ለሚያምኑት ምሳሌ ሁን እንጂ ታናሽነትህን ማንም አይናቀው»1ኛ ጢሞ4፤12 እያለ የሚናገረው ለማን ይሆን? በዚህ የማይመዘን አቡን ወይም አባ፤ ካባ መደረቡ ብቻ ብጹዕ አያሰኘውም። ሙስና፤ዘርና ጎሳ፤ ዝሙት፤ ጥልና ክርክር፤ የፍትህ እጦትና በደል በእነ አቡን አመራር ውስጥ የለም በልና አሳምነኝ!!! ይህ ባለበት የመንፈስ ቅዱስ አሰራር አለ በልና ከመጽሐፍ ንገረኝ!!! ጉዳዩ ኃጢአት የመስራት አይደለም፤ ኃጢአትን ለመጥላት የተዘጋጀና እግዚአብሔርን ለማገልገል የተነሳ አመራር አለ ወይ? ነው ጥያቄው። ከዚያ ባሻገር የሞቀ ህንጻቸው እየኖሩ፤ትኩስ ትኩሱን እየበሉ፤በሚሊየን ብር መኪና እየተንፈላሰሱና ምቾት እንዳይጎድል ደመወዝና ወጪ እየጨመሩ ለነፍሳቸው ያደሩ መሪዎቻችን ብትለኝ ከሁለት አንዳችን ለነፍሳቸው ያደሩ የሚባሉት ምን ዓይነቶች እንደሆኑ አናውቅም ማለት ነው። አቡነ ጎርጎርዮስ ከተናገሩት ቃል ተውሼ ጽሁፌን ልቋጭ። «የመነኮስነው ለፍትፍት አይደለም»

Anonymous said...

በእርግጥ ሃይማታዊ ጉዳይ ከስጋዊ ድጋፍ ጋርና መተባበር ጋር ሲያያዝ እውነቶችሀሰት ሊመስሉ ሀሰቶችደግሞ እውነት ሊመስሉ እንደሚችሉ ይታመናል፡፡ ይህን ለመግቢያነት ለመጠቀም የፈለኩበት ምክንያት አሰግድ ሳህሌ በማምነው አምላክ ስም ፕሮቴስታንት መሆኑን ጠንቅቄ አውቃለሁ፡፡ ወደጄ እርሱ እራሱ እነደሚያውቀውየተሃድሶ የመጀመርያው እንቅስቃሴ ተመቶ እነ ግርማ በቀለና እነ ስዩም ያሚ ከቤተ ክርስቲያኗ ሲባረሩ /መንፈስ ቅዱስ ሲለያቸው/ አሰገድ አብሮ በመውጣት የውሃ ጥምቀትን እንደወሰደና በኋላም ከስዩም ያሚ ጋር በሀረር ፤ በሲዳሞ በተልይም ሻኪሶ፤ ዲል ጭኮ አለታ ወንዶ ናዝሬት ሞጆና በመሳሰሉት ከተሞች የቤት ለቤተ ፕሮግራም እየሰራ እብራውያን አንድምታና ሰዓታት በመቅደሱ ሚዛን ፤ ጮራ መጽሔትና የመሳሰሉትን በማሰራጨት በኑፋቄው ይተጋ እንደነበር አውቃለሁ ፡፡ ከዚያም ከቤተ ክርስቲያኗ ወጥቶ/ውጭ/ የሚደረገው አገልግሎት ውጤት እንደሌለውና ቢዝነስም ሊያስገኝ እንደማይችል የተረዱት እነ አሰግድ ለግዜው በቤተ ክርስቲያና ውስጥ ቅሪት በመነበሩት በነ ልዑለ ቃል አካሉ ጀርባ ሥር ተለጥፈው ወደ ገርጅ ጊዮርጊስ ቤተ ክርስቲያን ሌላ መሠረት መጣል ጀመሩ በጊዜው ስብሐት ማለት የማይችለውን አሰግድነ አቶ አስቻለው የተባለውና አሁንም በዚህ ሥራው ከፍተኛ ትበብር የሚያደርግለት በአለታ ወንዶና በኻኪሶ በዚህ ተግባሩ ተባረረውና በመንፈሳዊ ኮሌጅ ሲማር በዚህ ምክንያት ምርቃቱ ተቋርጦበት የነበረው ሰው አማካኝነት ዲቁና ከአቡነ መርሐ እንዲቀበል ተደረገ፡፡ የገርጅው እንቅስቃሴ በልዑለቃል ከሀገር መውጣት ምክነያት ኑፋቄውና ጥፋቱ ስር ሳይሰድ በደብሩ ስብከተ ወንጌል በነ መ/ር ሰሎሞን ሃይሌና ተፈሪ ጥረት እንዲባሩ ተደረገ፡፡ በመቀጠልም ለግዚው ስሟን መጥቀስ የማልፈልጋት የሆቴል ባለቤት ኹፌር ሆኖ በመቀጠር በእስቴዲየም አካባቢ ሌላ የኑፋቁ መርሐ ግበር ቤተ አበርሀም በተባለው ምግብ ቤት ጀመረ በዚያ ያለው አካሔድ በሴትየዋ አማካኝነት ሊከሽፍ ችላል ፡፡
አሰግድ ከዚህም ጋር ለኑፋቄ ማስፋፊያ ተብሎ ከበተገኘው ፈነድ በዱከም አካባቢ የከበት እርባታ በመክፈት ገንዘቡን ሁሉ ለእራሱ ጠቅልሎ በመውሰዱ ከነ ስዩም ያሚጋርና ከግርማ በቀለ ጋር ሊኸካከሩ ችለዋል ፡፡ እንደውም እነ ግርማ የጌታችነን የኢየሱስ ክርስቶስ ፀጋ በሴሰኝነት የቀየረ ይሁዳ በመልክቱ የገለጸውሰው ነውማሀበረ ቅዱሳን ከጎዳን ይልቅ እርሱ ጎዳን እያለ እንደሚሰብክበት ይነገራል፡፡ ይሁን እንጅ አሰግድ የነግርማ አካኼድ ዘመናዊነት የሌለው ነው ለሰማዕትነትም ይዳርጋል ከነ በጋሻውጋር መሆን ይሻላል በማለት በግንፍሌ አካባቢ በመሰረቱት እብራውያን ትምሀርት ቤት አመካኝነት የመጀመርያ ተጠማቂ ተዝታው ሳሙኤልን በማድረግና ከያሬድ ዮሐንስ ጋር በመሆን ከፍተኛ የጥፋት ስራዎችን እየሰሩ ይገኛሉ፡፡ በተለይም በሀረር መ/ዓለም ቤተ ክርስቲያን ቆቡን ከጣለው ተክለ ሃይማኖት በመባል ሲጠራ ከነበረ መነኩሴ ጋር በፈጸሙት ጥፋት አብዛኛውን ወደ ኑፋቄ ካፕብ ማስገባታቸውን የሀረር ተቆርቋሪ ምእመናን ይናገራሉ ፡፡
ዛሬ ደግሞ መንፈሳዊ ኮሌጁ እና የውሉደ ያሬድ ሰ/ት/ቤት ባደረገው ከፍተኛ ትግል የዚህ የቤተ ክርስቲያን መዥገር ሰው እውነት ሲወጣ በኤልዛቤል በኩል ጉዳዩ ፓትርያሪኩ ጋር እንዲለሳለስ በዱባይ የምትኖረው ሌላይቱ ቅምጥል ኤልዛቤል መንበረ መለሰ ወደ አዲስ አበባ መጥታ እጅጋውን እየተማጸነቻት ሲሆን አሰግድም የአዞ እንባ በእጅጋየሁ ፊት እያፈሰሰ ይገኛል ፡፡ በእውኑ የእጅጋየሁ ጥረት አሰግድን ዳግም ቤተ ክረስቲያኗ ላይ እንዲቀልድ ያደርገው ይሆን?

sam said...

Need help ...
ደጀ ሰላሞች wossene ያቀረበው አስተያየት ማለት ጀርመን ስለሚገኘው የቅዱስ ጊዮርጊስ ቤተ ክርስቲያን አስተዳዳሪ በጣም ቢታሰብበት ጥሩ ነው ብዙ ሰዎች ወደ መናፍቅነት ለውጧል፡፡በጣም የሚገርመው በግልጽ ነው የሚሰራው፡፡ማጣራትም ለሚፈልጉ ስሙ (ቀሲስ?)ገዳሙ ይባላል፡፡

Anonymous said...

በእርግጥ ይህ ያንጻልን?
ወንድሞች ሆይ ሰይጣን እድሜአችሁን እንዲህ ባለ እንቶ ፈንቶ እየተዋጋው ነውና መዳናችሁን ፈጽሙ!
ኩኑ ጠቢባነ….

akg said...

i wish all the good to Ethiopian orthodox tewahdo church and all people who are under the umbrella of EOTC. these types of challenges are not news , if we saw the history of our church it passed alots of challenging time. but the only thing and all people should know is we are son and duaghter of God and saint merry. we can pass this obstacle by God. the only thing expecting from the followers is praying to God and keeping aware of these type of information.
God bless Ethiopia.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)