January 13, 2011

ዩኒቨርሲቲው ለመንበረ ፓትርያርኩ ማሳሰቢያ ምላሽ ሰጠ

  • ማሳሰቢያው ‹‹የጣልቃ ገብነት እና የዛቻ ቃል ከመሆን አልፎ ዐመፅን የሚያበረታታ እና የሚያባብስ ሆኖ አግኝተነዋል፡፡››  (የአ.አ.ዩ ፕሬዚደንት ጽ/ቤት)
(ደጀ ሰላም፤ ጃኑዋሪ 13/2011 ጥር 5/2003 .)የአዲስ አበባ ዩኒቨርስቲ ፕሬዚደንት ጽ/ቤት የኢ/ኦ/ተ/ቤ/ክ መንበረ ፓትርያርክ ጠቅላይ ጽ/ቤት ከልደተ ክርስቶስ የበዓል ዋዜማ አከባበር ጋራ በተያያዘ የዩኒቨርሲቲው ተማሪዎች ለዩኒቨርሲቲው አመራር ያቀረቡትን አቤቱታ የመስማት፣ ክትትል እና ማጣራት የማድረግ ሥልጣንም ሆነ ሐላፊነት እንዳለው ‹‹የሚያውቀው ነገር እንደሌለ››፣ ከዚህም አኳያ ጠቅላይ ጽ/ቤቱ ታኅሣሥ 28 ቀን 2003 ዓ.ም በቁጥር 1780/8513/2003 ‹‹የቤተ ክርስቲያን ልጆች ለመሥሪያ ቤታችን ስላቀረቡት አቤቱታ›› በሚል ለዩኒቨርሲቲው የጻፈው ደብዳቤ ‹‹በተቋሙ አሠራር ውስጥ ጣልቃ የመግባት ሙከራ ሆኖ እንዳገኘው›› በሰጠው ምላሽ አሳወቀ፡፡

ዩኒቨርሲቲው ‹‹ከቤተ ክህነት የሚጠብቀው በተለይ ምእመናንን በተመለከተ ሰብአዊነትን እና ዕርቅን የሚያግዝ እና የሚያበረታታ አካሄድ›› መሆኑን ገልጾ ‹‹ከዚህ ተፃራሪ በሆነ መንገድ የመሄዱ ሁኔታ እንዳይደገም በአጽንዖት›› እናሳስባለን ብሏል፡፡

በዩኒቨርሲቲው ፕሬዚደንት በፕሮፌሰር እንድርያስ እሸቴ ስም እና ፊርማ ወጥቶ ለትምህርት ሚኒስቴር፣ ለፌዴራል ጉዳዮች ሚኒስቴር እና ሌሎች አካላት በግልባጭ የተሰራጨው ይኸው ደብዳቤ፣ ተማሪዎቹ ለቤተ ክህነት ያቀረቡት ለዩኒቨርሲቲው አመራር ያቀረቡትን አቤቱታ ቅጅ ሆኖ ሳለ የመንበረ ፓትርያርኩ ጠቅላይ ጽ/ቤት ‹‹ተማሪዎች አቤቱታ አቀረቡልኝ ማለቱ ትክክል አይደለም›› ሲል ነቅፏል፡፡ አቤቱታ ቀርቦም ቢሆን እንኳን የመንበረ ፓትርያርክ ጽ/ቤት የተማሪዎችን አቤቱታ የመስማትና ከዚያም ተነሥቶ ክትትል እና ማጣራት የማድረግ ሥልጣንም ሆነ ሐላፊነት እንዳለው ‹‹በኛ በኩል የምናውቀው ነገር የለም›› ብሏል፡፡

የመንበረ ፓትርያርኩ ጠቅላይ ጽ/ቤት ዩኒቨርስቲው ‹‹ባለው አስተዋይነት ተመልክቶ፣ ነገሩን ብሩህ በሆነ አስተሳሰብ አይቶ ተማሪዎች የልደት በዓልን እስከ አሁን ድረስ ሲያከብሩ በነበረበት ሁኔታ እንዲፈቅድላቸው፣ በዓላቸውን አክብረው ሲፈጽሙ ለሚቀጥለው ግን የቤተ ክህነቱ እና የዩኒቨርስቲው ወኪሎች በአንድነት በመሆን የመጨረሻ መፍትሔ እንዲሰጠው እንዲደረግ›› መግለጹ ‹‹ምንም ዐይነት የሕግ መሠረት የሌለው እና በተቋሙ አሠራር ውስጥ ጣልቃ የመግባት ሙከራ ሆኖ እንዳገኘው›› አመልክቷል፡፡

በተመሳሳይ ጠቅላይ ጽ/ቤቱ ‹‹ተማሪዎቹ የለመዱትን በዓል ከማክበር ቢከለከሉ በሚመጣው ችግር ዩኒቨርስቲው እንዳይጠየቅበት ቢያስብበት መልካም መሆኑን እንገልጻለን›› በማለት የሰጠውን ማሳሰቢያ፣ ‹‹የጣልቃ ገብነት እና የዛቻ ቃል ከመሆን አልፎ ዐመፅን የሚያበረታታ እና የሚያባብስ ሆኖ አግኝተነዋል›› በማለት ቤተ ክህነቱ ‹‹ሰብአዊነትን እና ዕርቅን የሚያግዝ እና የሚያበረታታ አካሄድ እንዲከተል›› እንጂ ‹‹ከዚህ ተፃራሪ በሆነ መንገድ የመሄዱ ሁኔታ እንዳይደገም በአጽንዖት እናሳስባለን›› በማለት አስጠንቅቋል፡፡

ተማሪዎቹ ከጠቅላይ ቤተ ክህነቱ ሐላፊዎች ጋራ በችግሩ ዙሪያ በተነጋገሩበት ወቅት አባቶች ስለ እነርሱ ሆነው ዩኒቨርሲቲውን እንዲያነጋግሩላቸው በውይይታቸው ላይ መጠየቃቸውን፣ የጠቅላይ ጽ/ቤቱ ደብዳቤ መግቢያም ተማሪዎቹ ለዩኒቨርስቲው ያቀረቡት አቤቱታ ግልባጭ ደርሶት ጉዳዩ በሰንበት ት/ቤቶች ማደራጃ መምሪያ በኩል ተጣርቶ ሪፖርት እንደቀረበለት መገለጹ ይታወሳል፡፡

የዩኒቨርሲቲው ፕሬዚደንት ጽ/ቤት ደብዳቤ ቤተ ክህነቱ በተለይ በምእመናን መካከል ‹‹ሰብአዊነትን እና ዕርቅን ስለ ማገዝ እና ማበረታታት›› እንዲሠራ ይመክር እንጂ ለሰብአዊነቱም ለዕርቁም የማይናቅ አስተዋፅኦ ባላቸው የመንፈሳዊነት እና ግብረ ገባዊነት በጎ ልምዶች እየታነፀ ያለው ተተኪው ወጣት ትውልድ ከቤተሰቦቹ ርቆም ቢሆን የሚከታተላቸውን አዎንታዊነታቸው የጎሉ ሃይማኖታዊ እና ማኅበራዊ መድረኮች መንፈጉ ግብዝነቱን እንደሚያሳይ ታዛቢዎች ይናገራሉ፡፡ በሌላ በኩል የመንበረ ፓትርያርኩ ጠቅላይ ጽ/ቤት በተማሪዎቹ ስለ ተነሣው አቤቱታ ብቻ ሳይሆን የጠቅላይ ቤተ ክህነቱ የውጭ ግንኙነት አጠቃላይ ይዞታ ቤተ ክርስቲያኒቱ ባላት ታሪካዊ ሚና አገራዊ ተሰሚነቷን በሚያስጠብቅ አኳኋን ከመምራት አኳያ ተቋማዊ ቀውስ እየገጠመው ለመሆኑ እንደ እንድ ማሳያ እየተጠቀሰ ይገኛል፡፡

23 comments:

Anonymous said...

Let's pray for God's visitation.

Anonymous said...

የግብጽ ቤተ ክርስቲያን ስለፍች ያላትን ሕጋዊ ሱታፌ ተከላከለች። የእኛዎቹ ግን የሐይማኖታችን መሰረት የሆነዉን የልደትን በዓል ለማክበር ሕጋዊ ከለላ አጣን!!! ድንቅ ነዉ እኛም እያየን እየሰማን ቤታችን ድረስ መጥተዉ ማተባችንን እስኪበጥሱት እየጠበቅን ነዉ - የዛኔስ የሚከራከርልን እንዳለ ሁሉ.....

Habtamu said...

ይህ መልስ እሳት ላይ ቤንዚል አንደመጨመር ነው:: Every one of them should give respect & listen our holy fathers/Leaders. This response shows the future direction of institutions in Ethiopia because every things starts from Universities. Therefore every of us should be alert & eagle eyed to protect our country/Church to be like Iraq & other Arab countries. Now they are the tale of the world but they were at the initial point of Christianity.

Let all of us engaged on Pray.
then GOD will help us

Anonymous said...

ያሳዝናል እንደዚህ መመላለሱ!! በተለይ ከዕምነት አባቶች ያውም ህጋዊ ደብዳቤ ለዚያውም አስተዳደራዊ የመዋቅር ግንኙነት ለሌለው አካል ‹‹ተማሪዎቹ የለመዱትን በዓል ከማክበር ቢከለከሉ በሚመጣው ችግር ዩኒቨርስቲው እንዳይጠየቅበት ቢያስብበት መልካም መሆኑን እንገልጻለን›› ብሎ ማለት ፍፁም አይገባም፡፡ ከተጻፈም የዩኒቨርሲቲውን ህግና አሰራር በማያናጋ መልኩ ታይቶ ቢፈቀድላቸው ቢባል ያን ያህል አይጎላም ነበር፡፡ የሆነ ሆኖ አ/አበባ ዩኒቨርሲቲ ፕ/ጽ/ቤት ወዶ አይደለም ጠበቅ ያለ ምላሽ የሰጠው ካለበት ከባድ ሃላፊነት አንጻር የተማሪዎች አስተዳደር ጉዳይ ከፍተኛ ጥንቃቄ የሚሻ መኆኑን በተግባር ስለሚያውቀው ነው፡፡ ሃገራችን ባሉ ዩኒቨርሲቲዎች ከተማሪዎቹ ጋር በስራ ምክንያት አንድ ግቢ ውስጥ አብረን የምንኖር የውጪው ማህበረሰብ በትክክል የማይገነዘበው ብዙ የሚታይና ከፍተኛ ጥንቃቄ የሚሹ በርካታ ጉዳዮች አሉ፡፡ ተማሪው በዚህ አስከፊ ዘመን በዕምነት ጥላ ስር ሆኖ መጠበቁ ይበል የሚያሰኝ ነው፡፡ ነገር ግን ከዕምነትና ከብሔር ጋር በተያያዘ የሚከሰትን የሁለት ግለሰቦች ጥል የጋራ እንዲሆን በመቀስቀስ መማሪያ ቦታ ሳይሆን የሁከት ቦታ ለማድረግ ብዙ ይሞከራል፡፡ ከመቻቻል ይልቅ አንዱ በሌላው የበላይነት ለማሳየት መጣር ችግሮች የበዙ ናቸው፡፡ ዛሬ እንደድሮው ስለሀይማኖትና ብሔር በፍቅር መጫወትና መቀላለድ የለም፡፡ የሐይማኖት ተከታይ የሆኑት ተማሪዎች እንኳን ዕምነቱ እንደሚያዘው ለሌላው ፍቅር ከማሳየትና ከመቻቻል ይልቅ በአብዛኛው ጠብ ያለሽ በዳቦ ሲመርጡ ይስተዋላል፡ ይህ ብቻ አይደለም በሚያሳዝን ሁኔታ በዩኒቨርሲቲዎች ግቢ ውስጥ በፉክክር የተለያዩ ቦታዎች በተለያየ እምነት ስም እየከለሉ ብዛት ያለው ተማሪ ድምጽ እያሰማ ለማምለክ በሚደረግ ጥረት ጎልቶ አይውጣ እንጂ አንዱ ያለመግባባት መንስዔ ነው ፡፡ ከዚህም የተነሳ እነሱን መዳኘት ሌላ ራስ ምታት ነው፡፡ ዛሬ ዩኒቨርሲቲዎች ብዙ ቁጥር ያለው ተማሪ ከአቅም በላይ ለማስተናገድ ሲጥሩ አይደለም ተጨማሪ ችግር ተማሪውን በየቀኑ ሶስት ጊዜ መግቦና አስተምሮ ማኖር ከፍተኛ ትግል የሚጠይቅ ነው እያደረጉትም ነው፡፡ ይህን ከባድ ሃላፊነት ለአንድ ቀን ተሸክመው ሳያዩ ለሚፈጠር ችግር ሁሉ የሚፈለግ ምላሽ ካልተሰጠ የዩኒቨርሲቲው ሃላፊዎች ሃላፊነት ይወስዳሉ ብሎ ማለት ትልቅ ……..፡፡ ስለዚህ አሁን ባለን ነባራዊ ሁኔታ መንግስት ማንኛውንም የግሩፕ ሃይማኖታዊ እንቅስቃሴ ከዩኒቨርሲዎች ማገድ ይገባዋል ብቻ ሳይሆን ጊዜ የማይሰጠው ጉዳይ ነው፡፡
ለሁሉም ፈጣሪ ይህችን ሃገር ያስባት!!

...ትንሣኤሽን ያሳየን... said...

አባ ጳውሎስ የት ገቡ? ስለሐውልት መፍረስ ቢሆን ኖሮ... በደርግ ዘመን ያልተደፈረች ቤተ ክርስቲያን በዚህ ዘመን ተደፍራ ማስጠንቀቂያ ከዮኒቨርሲቲ ተሰጣት። ነገስ ምን ይመጣ ይሆን?

ሊነጋ ሲል ይጨልማል!

Anonymous said...

እንዴት ይገርማል ፤ ያሳዝናል። ቸሩ አምላካችን የቤተክርስቲያንን ነገር ቸል አትበለው።

Anonymous said...

ወንድሞቼና እህቶቼ

ባለፈው ሣምንት ከዚህ በታች ያለውን አስተያየት ጭሬ ነበር፤

ወገኖቼ ፤
መጀመሪያ እንኳን ለብርሃነ ልደቱ አደረሳችሁ፤

ብልህ እንሁን፤
ሰሞኑን መንግስት አንድ የጀመረው ነገር ያለ ይመስለኛል። የደርግ ባለሥልጣናት ይቅርታ፤ አሁን ደግሞ የልደት በአል በካምፓሶች በተመለከተ። በተለይ የመጀመሪያው ጉዳይ ስንት ችግር ባለባት ቤ/ክርስቲያን ውስጥ ፕራዮሪቲ መሆን አልነበረበትም።

አሁን ቅዱስ ፓትሪያርኩና የቤተክህነት ሃላፊዎች፤ በጉዳዩ ይገባሉ። ችግር ፈችዎችም መስለው ይታያሉ። ይህ የነርሱን ሥም ለማደስ የተደረገ፤ አሜሪካኖች፤ ፕ፤አር የሚሉት፤ የህዝብ ግኑኝነት ሥራ ነው።

ስለዚህ ሁሉን ነገር ሥሜታዊ መልስ ከመስጠት፤ አጥንተን መመለስ አለብን። ያለዚያማ፤ አንዳንድ ነገር እየፈጠሩ፤ ጉልበታችን አሟጠው ሊያዳክሙን ነው።

ቸር ወሬ ያሰማን። እመ ብርሃን ትታደገን።

----------
ቀናት ሳይቆይ የፓትርያርኩ ጽ/ቤትና የመንግስት ቢሮ የጋራ ድራማ እየታየ ነው። ይህ የፓትርያርኩ ደብዳቤም የዚሁ አካል ነው።

ይህ አይነት አካሄድ በአሜሪካን ሃገር በተለይ የታወቀ የፖለቲካ አሰራር ነው። " ጉድ ፖሊስ ፤ ባድ ፖሊስ " የሚባል የህዝብ ግኑኝነት አካሄድ። ይህ ማለት፤ ሁለቱም ፖሊሶች ከአንድ ወገን ቢሆኑም፤ አንደኛው ፖሊስ መጥፎ በመምሰል፤ ለሌላኛዎ ፖሊስ የአስታራቂነት ቦታ ይሰጠዋል። ስለዚህ ፤ ተጠቂው ወገን ለፖሊሱ ያለውን ትችት እንዲያነሳ ይረዳል።


ቸር ወሬ ያሰማን። እመ ብርሃን ትታደገን።

123... said...

በ ከፍተኛ ትምህርት ተቁአማት ውስጥ የ አዲሱን ትውልድ የ አምነት ነፃነት ማክበር አንደ አንድ የ ትውልድ ቀረፃ ስልት ይታያሉ። ለ ምሳሌ ኡጋንዳ ፣ ካምፓላ የሚገኘው ዝነኛው ማካረሬ ዩንቨርስቲ ውስጥ የ አዲስ አበባውን ቅዱስ አስጥፋኖስ ቤተክርስትያን ደረጃ የተሰሩ ሁለት አብያተክርስያናት አሉ። አንዱ። አኛ ሀገር ሲሆን ግን አዳራሽ ውስጥ በዓመት አንዴ በዓል ለማክበር ፈቃድ ለመስጠት አኔ ፕሮፌሰር አንድርያስ ቤተክህነትን በመስደብ ግዝያቸውን ይፈጃሉ።
ፕሮፌሰሩ በ አካል ሁለት ጊዜ አይቻቸው በጣም ታዝብያቸዋለሁ። አንድ ጊዜ አዲስ አበባ ፒኮክ ፊት ለፊት ከ ምሺቱ ፩፪ ሰዓት ገዳማ ሰክረው ሲነዱ ተይዘው ትራፊኩ መኪናቸውን አስቁሞ ስከራከራቸው(በነገራችን ላይ ይህ ተግባራቸውን የማያውቅ ካለ ምናልባት ፕሮፌሰሩን አራሳቸውን የማያውቅ ሰው ብቻ ነው)። ሌላ ጊዜ ደሞ (አንድ ሰባት ዓመት የሆነዋል) በ ተለቪዝዖን ውስጥ የ ልጆች ጊዜ ፕሮግራም ላይ አድምያቸው ከ ፲ ዓመት ያልበለጡ ፩፬ ልጆች ለጉብኝት ቢሯቸው አንደመጡ አና ስያነጋግሯቸው ያሳያል። በ ፕሮግራሙ መሃል ላይ ፕሮፌሰሩ ምን አንዳረጉ ታቃላችሁ ስጋራቸውን ላጥ አረጉ አና ልጆቹ ፊት ማቸስ ጀመሩ። አጅግ አሳፋሪ ተግባር። ታድያ ለ ነገ ተረካቢዎች ሕፃናት ያልተቸነቁ አንዴት ለ ወጣቶች አንድቸነቁ ይታሰባል

ዘክርስቶስ said...

እንደኔ ቤተ ክህነትም ይሁን አዲስ አበባ ዩኒቨርሲቲ በተሳሳተ መንገድ ተጉዘዋል። የሁለቱንም የደብዳቤ አጻጻፋቸው የተጠቀሙበት ቋንቋ የኢትዮጵያዊነትም ይሁን የመሥራቤት ሞራላዊ ሕግ የተከተለ አይደለም። ለማንኛውም የዜናዊ ልጅ ለሁለታቸው የውስጠ ደንብ ዋጋ በመስጠት ነገሩን ያርመዋል።

አይዟችሁ ! ስላልለመዳችሁት ነው እንጂ አልፎ አልፎ ደብዳቤን ስትደርስ ጠርቶ አይጠራልህም፤ ሥራን ስትቀጠር የሥራ ልምድን የምትጠየቅበት ሚስጢርም’ኮ መስራቤቱን ከእንዲህ ዓይነት ስሕተት/ትችት ለመጠበቅ ነው።

እግዚአብሔር ኢትዮጵያን ይባርክ፤የተሳሩ ወንድሞቻችን ያስፈታልን፤ የተቀደሰ በዓለ ጥምቀት ያድርግልን!

Anonymous said...

this is a time to call a spade a spade, endrias is a good english speaker nothing more... he is too a supid man in this country. he is a well known prostitute and night club owner... he is too imoral to say anything to the church. stupid belew

Orthodoxawi said...

Hmmm...."Zihon biyankelafa min gobegnewu...".

Professor Andryas eko ketikit ametat befit erkanachewun honewu kemichefirubet chifera bet belelit be polis teyzo yenebere, migbare bilishu sewu newu. Ke betu yaserat nech ahya(donkey) neberechiwu ... lemin endemitekembat balawukim ... ke bae'd amlko gar yeteyayaze yimeslegnal.
Endie sewuyewu eko ye TV interview mecheres aktot beye mehalu gazetegnoch layi sigara yemiyaches minim ayinet moral yelelewu sewu newu.

Yesun hatiyat lemederder asbie sayihon ... betekrstiyanin yezelefat sewu man edehone enditawuku biye newu.

Ye betekrstiyan Amlak telatochuan fetno yasgezalat! Amen!

123... said...

Profesor Endrias is an expired food.He may have one or two papers which looks like research on ''ethnicity....''bla...bla...

Prime Minister Meles, this is the time to re-shafel the profesor to his teaching course and appoint dinamic intellectual who could run ''the Reform program'' we are waching tv. To see that the news on removal of ALCHOLIC ABDICTED ''PROFESSOR'' This is the only way to come out from a mad idea which is disturbing the whole system.This mad idea is originating from ALCHOLIC ABDICTED MAN-PROFESOR ENDRIAS. LET HIM GO TO RETIRE NOW!!!!

Anonymous said...

ጎበዝ የሰውን መጥፎ እናት መሳደብ የራስን ጥሩ እናት መሳደብ ይመስለኛል።

Anonymous said...

I sometimes get surprised why ppl point away from their defect. Who is "Menbere Patriarch" for AAU. In my view the response from AAU office is right.

AAU is leaded by politics and "Menber Patriarch" is leaded by the holy spirit. So, do we expect these two extremes could agree. I rather expect always the power of Holy Spirit will win.

The other issue is we have to focus really how the other religions are over dominating every activities in all Ethiopian Universities. They always use Orthodox students as a gun and wanted to proceed in "safe mode". I rather request every Hager Sebket should look for place of holiday celebration in the future.

I am not "Nebiy or Woliy" you will see Alqa'das evil doings in universities.

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!

ወገኖቼ የተፈጠረው ነገር በተለይ ድንገተኛ መሆኑ በጣም ያሳዝናል። ነገር ግን ችግሮችን የምንፈታው የሰውን የማይሆን ስብዕና በማጉላትና ያልተገባ አስተያየት በመስጠት አይደለም። ስለዚህ ከእኛ የሚጠበቀው መፍትሔ የሚያመጣ ሐሳብ ነው። በዓላትን በዩኒቨርሲቲ ግቢ ውስጥ ማክበር አዲስ አይደለም። እንደውም ከዚህ በተለየ ሁኔታ ለሌላ እምነት ተከታይ ወገኖቻችን በየግቢው የመስገጃና የአምልኮ ቦታ ተሰጥቷቸው እስካሁን ድረስ ይጠቀሙበታል። በዚህም በኩል ያለው አድልኦ እኔ በበኩሌ ዘወትር ይገርመኛል። ሆኖም በዓል ማክበር መከልከሉ ተገቢ ባይሆንም ለመከልከሉ ግን በቂ የሆነ ምክነያት አለ ከተባለ ዘመቻው በእኛ በኦርቶዶክሳውያን ላይ ብቻ ሳይሆን በሁሉም እምነት ተከታዮች ላይ መሆን አለበት። በተጨማሪም በዋናው ግቢና 5ኪሎ እንዲሁም በየ ፋክልቲው ያለው መስገጃና እምነት ማራመጃ መነሳት አለበት የሚል እምነትና አስተያየት አለኝ።



የእግዝአብሔር ሰላምና ፍቅር ከሁላችን ጋር ይሁን። አሜን!!

መርከቤ ንጉሴ/ከአዲስ አበባ/

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!

ወገኖቼ የተፈጠረው ነገር በተለይ ድንገተኛ መሆኑ በጣም ያሳዝናል። ነገር ግን ችግሮችን የምንፈታው የሰውን የማይሆን ስብዕና በማጉላትና ያልተገባ አስተያየት በመስጠት አይደለም። ስለዚህ ከእኛ የሚጠበቀው መፍትሔ የሚያመጣ ሐሳብ ነው። በዓላትን በዩኒቨርሲቲ ግቢ ውስጥ ማክበር አዲስ አይደለም። እንደውም ከዚህ በተለየ ሁኔታ ለሌላ እምነት ተከታይ ወገኖቻችን በየግቢው የመስገጃና የአምልኮ ቦታ ተሰጥቷቸው እስካሁን ድረስ ይጠቀሙበታል። በዚህም በኩል ያለው አድልኦ እኔ በበኩሌ ዘወትር ይገርመኛል። ሆኖም በዓል ማክበር መከልከሉ ተገቢ ባይሆንም ለመከልከሉ ግን በቂ የሆነ ምክነያት አለ ከተባለ ዘመቻው በእኛ በኦርቶዶክሳውያን ላይ ብቻ ሳይሆን በሁሉም እምነት ተከታዮች ላይ መሆን አለበት። በተጨማሪም በዋናው ግቢና 5ኪሎ እንዲሁም በየ ፋክልቲው ያለው መስገጃና እምነት ማራመጃ መነሳት አለበት የሚል እምነትና አስተያየት አለኝ።



የእግዝአብሔር ሰላምና ፍቅር ከሁላችን ጋር ይሁን። አሜን!!

መርከቤ ንጉሴ/ከአዲስ አበባ/

Anonymous said...

አንድ ሀገር ተረካቢ ያፈራል ተብሎ ከሚጠበቅ ትልቅ ተቋም ውስጥ ያሉ አስተዳደሮችስ ብቃት ምን ያህል ተፈትሿል:: እኔ ሁሌ የሚገርመኝ ትውልድን ከሀገሩ ባህልና እምነት አስተሳሰብ ውጭ አድርጎ ለማስተማር መታተር ምን ይሉታል:: የማህበረሰቡን ትውፊት እምነት ፣ባህል ሳያውቁ ማን ሊያገለግሉ፣ለሀገርስ ምን ሊፈይዱ ይማራሉ:: ወይስ ኢትዮጵያ
ባህሏ፡ እምነቷ : ትውፊቷ የተሳሳተ ነው የሚል ትምህርት ተቋም ነው ያላት:፡

lemma kefy. said...

Abatochachin beand wenbede binakum beigziabher gin kiburan nachew.

Anonymous said...

,, እግዚአብሔር ያጽናናሽ እንባሽን ያብሰው
ቤ/ከ ሆይ እስከመጨረው………..
በእውነት ለመናገር በተለያዩ የመንግስትና የዓለም ጉዳዮች ሲናገሩ የነበሩት እነ ጳውሎስ በተፈጠረው ችግር አንድም ትንፍሽ አለማለት በጣም አስገርሞኛል፡፡ ለነገሩ ከላይ እንመራለን የሚሉት እነማን እንደሆኑ ምእመናን እየነቃን ነው፡፡
እግዚአብሔር ቤተክርስሪያናችንን ይጠብቅልን፡፡

tita said...

አቤቱ ይቅር በለን፡፡

Anonymous said...

Most of the comments I see here seem to be wanting the university to respect the holly fathers. But, mind you, the fathers are holly only to us. For a secular person and other religions faithfuls, they are just people with weird outfits. I think its time to let go of the perception that people should respect our fathers for their clergy values rather than their rational conduct.

Thanks and God bless.

Anonymous said...

It is sad that the University tried to rebuke the Church while the chuch was trying to properly request solutions for the problems faced by its student followers.

What can one expect from a failed soul, Endrias of AAU. The most drunkard and womanizer Endrias who doesnot have an iota of regard for a church laeading more than 45 million Ethiopians will get his lesson when the time comes. Solving common problems through bilateral negotiation is an established international tradition, not an interference. That is what the church has suggested, the failed Endrias.

Ze-kristos said...

O my friends, how you are babishly empting yourselves in spending unweighed time with Endrias Eshetie? Don't you know him as he is the most ATHEIST person in Ethiopia as the result of his higher study 'Solid Philosophy'.
Simply you are beating his deaf ear; no, he never listen to you. It is better stop talking about him; rather we have to play our level best by formulating new strategy together with our fathers and fellows arround us.
Otherwise, I have no sense of stroke to interdialogue with such guy has no smell of faith.

May God Bless His Church & Country!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)