January 11, 2011

“ሁከት አነሣሥታችኋል” በሚል የታሰሩት ተማሪዎች አልተለቀቁም

  •  ተማሪዎቹ ለዩኒቨርሲቲው አስተዳደር የይቅርታ ደብዳቤ ጽፈዋል
  •  የመንፈ ዓመት ፈተና ተጀምሯል
(ደጀ ሰላም፤ ጃኑዋሪ 11/2011፤ ጥር 3/2003 ዓ.ም)፦ ታኅሣሥ 27 ቀን 2003 ዓ.ም እኩለ ሌሊት ከአዲስ አበባ ዩኒቨርሲቲ አራት ኪሎ ካምፓስ በፖሊስ ተይዘው ከተወሰዱት ከ200 በላይ ተማሪዎች 18ቱ እስከ አሁን አልተለቀቁም፡፡ በዓመቱ የትምህርት ሰሌዳ መሠረት መሠረት በስድስት ኪሎ እና አምስት ኪሎ ካምፓሶች የተጀመረው የመጀመሪያው መንፈቅ ዓመት ፈተና መርሐ ግብር ከነገ ጀምሮ በአራት ኪሎው የተፈጥሮ ሳይንስ ፋካልቲ እንደሚሰጥ ታውቋል፡፡ የልደት በዓል ልዩ መርሐ ግብር እና የማዕድ ዝግጅት በተለመደው አኳኋን በዩኒቨርሲቲው ግቢ እንዳይከበር የተላለፈውን ክልከላ በመቃወማቸው ‹‹ሁከት አነሣሥታችኋል›› በሚል በፖሊስ ተወስደው እስከ አሁን ያልተመለሱት 18 ተማሪዎች በአዲስ አበባ ፖሊስ ኮሚሽን የቀጨኔ ማዘዣ ጣቢያ (ቀበሌ 09) ታስረው ይገኛሉ፡፡
18ቱ ተማሪዎች ታኅሣሥ 30 ቀን 2003 ዓ.ም ለዩኒቨርሲቲው ፕሬዝዳንት ጽ/ቤት በጻፉት ደብዳቤ ግጭቱን እና ሁከቱን ከተማሪዎች ዲን እና ከግቢው ጥበቃ አባላት ጋራ በመተባበር ለማረጋጋት ያደረጉት ጥረት ተገምግሞ እንዲሁም ተፈታኝ እና ተመራቂ ተማሪዎች መሆናቸው ታይቶ ሌሎች ባጠፉት ጥፋት እነርሱ ሊቀጡ እንደማይገባቸው፣ ጥፋት ቢኖር እንኳን ዩኒቨርሲቲው በፍረጃ ሳይሆን እንደ አባት ገሥጾ ይቅርታ እንዲያደርግላቸው፣ ወደፊትም ተመሳሳይ ድርጊት ላለመፈጸም ቃል በመግባት በወ/መ/ሕ/ሥ/ሥ ቁ. 229 (1) እና (2) መሠረት ይቅርታ የሚጠይቅ ደብዳቤ መጻፋቸው ተመልክቷል፡፡ ፍ/ቤቱ የዩኒቨርሲቲው አስተዳደር ለተማሪዎቹ የይቅርታ ጥያቄ በሚሰጠው ምላሽ ላይ ተመሥርቶ ለመወሰን ለነገ መቅጠሩ ታውቋል፡፡

ቅዳሜ ታኅሣሥ 30 ቀን 2003 ዓ.ም በእምነቱ ፕሮቴስታንት የሆነ አንድ የካምፓሱ ተማሪ ሌላውን ኦርቶዶክሳዊ ተማሪ ደብቆ በያዘው የብረት ዘንግ መደብደቡ ተገልጧል፡፡ በድብደባው በአፍንጫው ላይ ጉዳት የደረሰበት ተማሪ በሆስፒታል የሕክምና ክትትል እየተደረገለት የሚገኝ ሲሆን ጥቃቱን ያደረሰው ግለሰብ በሕግ አስከባሪዎች ከተያዘ በኋላ ‹‹አምልጧል›› ተብሏል፡፡ ስለት በመያዝ ለተመሳሳይ ጥቃት ሲዘጋጁ ነበር የተባሉ ሌሎች ሁለት ፕሮቴስታንት ተማሪዎች በብዙኀኑ ተማሪ ትብብር ተይዘው ለፖሊስ ተላልፈው መሰጠታቸው ተዘግቧል፡፡

ከምግብ ቤት ሐላፊ አንሥቶ እስከ ከፍተኛው የዩኒቨርሲቲው አስተዳደር ቢያንስ ከወር አስቀድሞ ለቀረበው የተማሪዎቹ የተለመደ የፈቃድ ጥያቄ ወቅታዊ ምላሽ ባለመሰጠቱ ሳቢያ የተቀሰቀሰው ይኸው ውዝግብ፣ አሁን ደግሞ ድብቅ ዓላማ ያነገቡ አንዳንድ የፕሮቴስታንት እምነት ተከታይ ተማሪዎች ጥያቄውን አንሥተው መብታቸውን በጠየቁ ኦርቶዶክሳውያን ላይ በመዘበት እና ‹‹በትምክህተኛነት›› በመክሰስ ለማባባስ  ሙከራዎች እየተደረገበት ይገኛል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)