January 29, 2011

በሐዋሳ ገብርኤል ትናንት አለመግባባት ነበር

  • ፖሊስ ሁከተኞቹን ያሬድ አደመን እና ትዝታው ሳሙኤልን ጨምሮ 12 ሰዎችን በቁጥጥር ሥር አዋለ
  • ምእመናን የክልሉ መንግሥት ሐላፊዎች ችግሩን ለመፍታት ባላቸው ሐቀኝነት ላይ የተፈጠረባቸው ጥርጣሬ እየተጠናከረ ነው
  • ‹‹ፓትርያኩ ውሸታም ናቸው፤ ጉባኤያችንን ከመስቀል አደባባይ ወደ ገብርኤል አመጡብን፤ የማንፈልጋቸውን መምህራን አስመደቡብን፤ የጳጳሱን ግቢ በር እናሽጋለን፤ መኪና ወደ ገዳሙ እንዳይገባ እናግዳለን፤ የተላኩብንን መምህራን እስክንመለስ እና የታሰሩብንን እስክናስፈታ ድረስ ጸልዩልን፡፡›› (ዛሬ ጠዋት የእነ ያሬድ አደመ መናጆዎች በደ/ም/ቅ/ገብርኤል ገዳም ያሰሙት ክስ እና ፉከራ)
(ደጀ ሰላም፤ ጃኑዋሪ 29/2011፤ ጥር 21/2003 ዓ.ም)፦ ንት ማምሻውን በሐዋሳ ደብረ ምሕረት ቅዱስ ገብርኤል ገዳም ለቅዱስ ጊዮርጊስ ሕንፃ ቤተ ክርስቲያን ማሠሪያ ገቢ ለማሰባሰብ በተዘጋጀ ጉባኤ ላይ የሀገረ ስብከቱን ፈቃድ ጥሶ ዐውደ ምሕረቱን በኀይል ለመቆጣጠር በተደረገ ሙከራ ሳቢያ በተቀሰቀሰ ብጥብጥ ምእመናን በድንጋይ የተፈነከቱ ሲሆን ለብጥብጡ መንሥኤ ናቸው የተባሉት የሐዋሳ ቅድስት ሥላሴ ቤተ ክርስቲያን አስተዳዳሪ አባ ናትናኤል፣ ያሬድ አደመን፣ ዲያቆን ትዝታው ሳሙኤልን ጨምሮ 12 ሁከት ፈጣሪዎች በፖሊስ ቁጥጥር ሥር ውለዋል፡፡

በሀገረ ስብከቱ ጥያቄ ከመንበረ ፓትርያክ ጠቅላይ ቤተ ክህነት ለጉባኤው ተልከው በዐውደ ምሕረቱ የተቀመጡትን ሦስት መምህራን (መምህር ናዖድ ኢያሱ፣ መምህረ ሃይማኖት ኃይለ ጊዮርጊስ፣ በኵረ ትጉሃን ቀሲስ ደመላሽ) በመጋፋት ሕገ ወጦቹ ‹‹ያሬድ አደመ፣ በጋሻው ደሳለኝ ካላስተማሩ፤ ምርትነሽ ጥላሁን፣ ሀብታሙ ሽብሩ፣ ትዝታው ሳሙኤል ካልዘመሩ›› በሚል በጥቅም ያደራጇቸው ቲፎዞዎቻቸው ያደረጉትን ዐውደ ምሕረቱን በኀይል የመቆጣጠር ሙከራ ይቃወሙ ከነበሩት ምእመናን አምስቱ ሁከተኞቹ ይወረውሩት በነበረው ድንጋይ መፈንከታቸው ተገልጧል፡፡ የድንጋይ ውርጅብኙን ለማስቆም የገዳሙ ጥበቃ አባል በተኮሱት ጥይት ፖሊስ ወደ ገዳሙ ቅጽር በመግባት ሁኔታውን ካረጋጋ በኋላ 12ቱን ግለሰቦች በቁጥጥር ሥር አውሏል፡፡

ችግሩ የገዳሙ አስተዳዳሪ አባ ኀይለ ጊዮርጊስ በዐውደ ምሕረቱ ከጅምሩ አንሥቶ በተቀመጡበት በዐይናቸው ፊት መከሠቱ ብዙዎችን አሳዝኗል፡፡ ሀገረ ስብከቱ ሦስቱን መምህራን የላከበትን ደብዳቤ በመያዝ ‹‹ሕግ ይከበር›› እያሉ አሰምተው በመናገር አቤቱታቸውን ለማቅረብ ወደ ዐውደ ምሕረቱ የወጡት ምእመናን በሚወርድባቸው የድንጋይ ውርጅብኝ እየተራወጡ ‹‹ስሙን እንዳልጠራው ከለከሉኝ›› ብሎ እንደሚዘምር በአጉራ ዘለሉ መርሐ ግብር መሪ የተጋበዘው ዲያቆን ትዝታው ሳሙኤል ‹‹ደስ ይበለን፤ እልል በሉ›› የሚል ቅስቀሳውን በመቀጠሉ ሞራል የለሽነቱን አሳይቷል፡፡

የሐዋሳ ቅዱስ ጊዮርጊስ ሕንፃ አሠሪ ኮሚቴ በስብከተ ወንጌል እና ሐዋርያዊ ተልእኮ መምሪያ ያልተፈቀደላቸውን ግለሰቦች በመጥራት በገቢ ማሰባሰቢያው ጉባኤ ላይ እንደሚገኙ በከተማው ውስጥ በሞንታርቦ የሚያደርገው ቅስቀሳ ተገቢ ያይደለና ግለሰቦቹም ያልተፈቀደላቸው መሆኑን በመግለጽ ሀገረ ስብከቱ ለአጥቢያው አስተዳደር፣ ለኮሚቴው ለራሱ እና  ለክልሉ መንግሥት በደብዳቤ አሳውቆ እንደነበር ተመልክቷል፡፡ በሀገረ ስብከቱ በቀጣይነት እያገረሸ ላለው ብጥብጥ ቀንደኛ ናቸው የተባሉ 14 ግለሰቦች በቁጥጥር ሥር ውለው በሕግ ተጠያቂ እንዲሆኑ ሀገረ ስብከቱ በሳምንቱ መጀመሪያ ላይ በአድራሻ ለክልሉ መንግሥት በግልባጭ ደግሞ ለቅዱስ ሲኖዶስ እና ለፓትርያሪኩ ጽ/ቤት ጥያቄ ያቀረበ ቢሆንም የትኛውም አካል ለችግሩ እልባት የሚሰጥ ርምጃ መውሰድ እንዳልተቻለው እየታየ መሆኑን ነው ታዛቢዎች የሚናገሩት፡፡ ከዚህ አኳያ በተለይ ሁኔታውን በቅርበት እንደሚያውቁ እና እንደሚከታተሉ የሚታመንባቸው የክልሉ መንግሥት የፍትሕ እና ጸጥታ ቢሮ ሐላፊዎች እና ሌሎች የአስተዳደር አካላት ሐቀኝነት በተመለከተ ምእመናን ጥርጣሬ እያደረባቸው እና ይህም ከጊዜ ወደ ጊዜ እየተጠናከረ መምጣቱ በሰሞኑ የግጭት አያያዝ ግልጽ እየሆነ መጥቷል፡፡

ዛሬ ከጠዋቱ ጀምሮ እንኳን ሕገ ወጦቹ በዚያው በደብረ ምሕረት ቅዱስ ገብርኤል ገዳም ቅጽር ተሰብስበው፣ ‹‹እኛ እነ በጋሻውን የጠራነው በቅዱስነታቸው ፈቃድ ስለተሰጣቸው ነው፤ ፓትርያሪኩ ግን ውሸታም ናቸው፤ የማንፈልጋቸውን መምህራን አስመደቡብን፤ እነርሱን ወደ መጡበት እስክንመልስ ድረስ በጸሎት አስቡን፤. . .የጳጳሱን መግቢያ በር እናሽጋለን›› እያሉ በድምፅ ማጉያ ሲለፍፉ ሊያስታግሣቸው የሞከረ ወገን አለመኖሩ፣ በአንጻሩ በጠቅላይ ቤተ ክህነቱ በወጣው መምሪያ መሠረት ለእውነት የቆመው ወገን በየጊዜው እየተሸማቀቀ የጥቃት ሰለባ መሆኑ እና በደኅንነት ስጋት ውስጥ መውደቁ ከዕለት ወደ ዕለት ችግሩ በሀገረ ስብከቱ በሐላፊነት ከተቀመጡት አባቶችም አቅም በላይ እየሆነ ለመምጣቱ ማሳያ ተደርጎ እየተወሰደ ነው፡፡

42 comments:

ዘክርስቶስ said...

የአዋሳ ሕዝብ? ይቅርታ አድርጉልኝ!

ምነው ስማችሁን በተደጋጋሚ በግራ መዝገብ ሰፈረሳ! የሚወራው የእውነት ከሆነ አካባቢያችን ለማጽዳት ከሐዋሳ ሕዝብ በላይ ሌላ የሚቀጠር የጽዳት ሠራተኛ/ናታሚን/የሚኖር አይመስለንም።

እግዚአብሔር አዋሳን ይጠብቅልን!

Dn. Tewahido said...

Bewerha Megelets Enesum Manenetachew Tegelets!

Yemigermew Kedamen Hawassa lemasalef yakedew BEG_Ashaw Lelitun siguaze adero Wolaita sodo Lemariam Betekerstiyan Hentsa Maseria yegebi masebasebiya gubae be w/ro Egigayehu amalagenet ena hayemenote baletemegebew Megabe Hayemanot Alemayehu akenkagnenet sodo meto sekebazer wale.

Gine abew enanete kemertu mentch tetetachehu engna deferesune senteta zeme maletachehu meneden yehone? Geta Begochene tebeku selachehu Tekula lakachehubene?

Gin gin Abat Alene? O Geta hoye Abate ena Enate Endelelache aletewachehum belehalena Abate Yelenemena Atetewen! AMEN

Anonymous said...

Please our lord don't leave us with out Father!

Hentsa bisera Askedash ena Korabi kelele meneden new fayedaw? Zarema Halafinetune egna enewesedalen yemilum beke eyalu new ende Wolaita sodo Sebeka Gubaea ena Hentsa Aseri komitae! Ene emelew lezeru new halafinetu weyese....?

Lebe yesetachehu! Begashawume denegel betebebua ezih awalechine endegna Hawasa neberen aleken Hawasa serahen sereteh setabeka

Anonymous said...

Gudayu ke zih belay new !!!!!!!!!!
Minnew Asaterachihut
Ere tekatelin !!! semi atan
Betkristian ye wonbediewoch mechawocha honechi eko Gobez !!!!!!!!
sil betkristian tseliyou

Sam ze Canada said...

Amilak kidus Giorgis Yifred.

Ewnetu said...

Many questions come to my mind. First of all I don't like Dejeselam characterization of protesters. It remind me 2005 Addis Ababa protesters and what said about them by the government. I don't know why local people keep protesting? Wherever the reason they should protest peacefully.Because Dejeselam reports not balanced in this issue, I didn't know why local young mehemenan threw stone on legally assigned "memeheran"? It seems local people don't like something or protesting some unfair stuff. I believes that local people idea should hear and make correction based on their question.

Anonymous said...

ተከበራችሁ የቤተክርስቲያን ርዕሳን፣
የአዋሳ ችግር መፍትሔ ማጣት የሚያመለክተው ቤተክርስቲያኒቱ ጨርሶ ሥርዓትና ሕግ እንደሌላት መቆጠሩን ነው፡፡ በተለይ ከቅርብ ጊዜ ወዲህ ወጣት የወንጌል አገልጋዮች (በጣም ምስጉኖች መኖራቸው ሳይረሳ) የሥርዓት መፋለስን እያስከተሉ ከመሆናቸውም በላይ ሃይማኖታዊ ግብረገብነትና የማኅበረሰብ ሞራል ጨርሶ የሚታይባቸው አልሆን ብለዋል፡፡ ማይክራፎን ከጎረሱ አውዳሚ ቦምብ የታጠቁ ያህል ሕዝቡን ይምረረውም ፣ይቸከው፤ ይጣፍጠውም አይጣፍጠው በጩኸትና በመዝሙር ጋጋታ የግድ ተጋት ዓይነት ስብከት ሲያከናውኑ ሃይ ያለ የለም፡፡ እንደ በጋሻው የዛሬን አያድርገውና እንደው ዘራፌዋ ሆነው የቤተክርስቲያንን አባቶች በስድነትና በስድብ ጅራፍ ሲልጥ ኧረ ይኼ ነገር ቆይቶ አይበጅም ያለ የለም፡፡ ዛሬ ደግሞ የቅዱስ ፓትርያርኩንና የአባቶችን ማዕርገ ክህነት አፈርድሜ እንዳላበላ ሁሉ የቅርብ ተቆርቋሪ ሆኖ በእነርሱው ቡራኬና መልካም ፈቃድ በሚመስል ነገር በማይፈልገው ሕዝብ ውስጥ እፈለጋለሁ፣ ባትፈልጉኝም በግድ ትፈልጉኛላችሁ በማለት መከራውን የሚያየው ነገ ከአፍ የወጣ ካፋፍ እንዲሉ ሕዝበ ክርስቲያኑ ነው፡፡
አባቶች ሆይ እውን ቤተክርስቲያን እንኳን ለዚህ ኢምንት ጊዜ ወለድ ችግር ቀርቶ ለሌላም ውስብስብ ችግር መፍትሔ የሚሰጥ ሥርዓት የላትም ማለት ነው? ቤተክርስቲያን ተቋማዊ እንደመሆንዋ በየጊዜው ለሚፈጠረው ችግር መፍትሔ ሰጪ መመሪያ ለማውጣት የሚገዳት ማነው? ቤተክርስቲያንን የማመስና የማተራመስ ስትራቴጂ ፋይናንስ እየተደረገ በውስጥ አለመግባባት፣ በመታደስ፣ በአደረጃጀት ውስጥ በሰፈነ ምዝበራ፣ ከሁሉም በላይ እንድነቷን አደጋ ላይ እየጣለ ያለው የወንዜነት አባዜ ዛሬ መስመር ካልያዘ የተደገሰልን ጥፋትና መፈረካከስ ነገ ይቀራል? ያለሕዝበ ክርስቲያን አባትነቱም አያምርም፣አይሰምርም እኮ፡፡ ምናልባት ቤተክርስቲያንን ወደተጋጋለ ብጥብጥ በመውሰድ አድብቶ የጠበቀ አካል ጊዜውን ተጠቅሞ አለመግባባቱንና አሁን የሚታየውን መሠረታዊ ችግር ምክንያት አድርጎ የራሱን ቤተክርስቲያን ሊመሠርት እየደገሰልን ስላለመሆኑስ ምን ማረጋገጫ አለን?መሐል ዳር አይደለም እንዳልን ደርግ የቅርብ ጊዜ ምስክራችን ነው፡፡ ታዲያ ምንድን ነው የምንጠብቀው? እስከመቼስ ነው የእገሌ የዲስኩር ብቃት ስብከት ተብሎ፣ የእገሊትስ ተስረቅራቂ ድምጽ መዝሙር ሆኖ ሕዝበ ክርስቲያኑን ያለጽኑ መሠረት እንደ ማዕበል ወዲህና ወዲያ የሚያናውጠው? ኧረ ስለኃያሉ አምላክ በላችሁ ነገሩን ከሥሩ መርምሩት፡፡

Anonymous said...

Mr Ewunetu,
Which local peoples are you talking about? The victims or the hooligans?
Anyways both are 'local' in terms of geographical presence. But the 'protesters' are alien to the EOTC dogmatic and cultural rules and laws. I think you are accusing Dejeselam for standing against the hooligans!
Rethink your accusation!

afrashe said...

እግዚአብሄር በምህረቱ ይጠብቀን ዘንድ እባካቺሁ ጸልዩ ።

Anonymous said...

Dear Deje selamawian.
Your name says Yeselam Dej. But You are always reporting us crisis news, not peaceful news. I am very trouble due to these unrestness in our church!

To Make it more believable would u add some videos to ur news pls!

Anonymous said...

የሰላም ወንጌል በሚነገርበት አደባባይ ለሁለተኛ ጊዜ ሰዉ በዱላ ተደባደበ፡፡ የክርስቶስ ደም በፈሰሰባትና እለት እለት በሚሰዋባት አደባባይ የሰው ደም ፈሰሰባት፡፡ አደባዳቢውም ተደባዳቢውም ሁሉም እነ ያሬድም ሆኑ ማህበረ ቅዱሳንም ጥፋተኞች ናቸው፡፡ ሰው ሰልጥኖ ችግሮቹን በውይይት በሚፈታበት በዚህ ዘመን የዋሃን ወጣቶችን በማሰለፍ ማቀጣቀጥ በምንም መልኩ ሃይማኖት ሊሆን አይችልም፡፡ እስቲ ሁላችንም ከግል ጥቅማችን እና ከማህበራችን ጥቅም በፊት የቤተክርስቲያንን ጉዳይ ጉዳያችን እናድርግ፡፡ ለእኔ ማህበረ ቅዱሳንም ሆነ እነ ሰባኪ እገሌም ታክስ የማይከፈልበት ገንዘብ በመሰብሰብ ያው ናቸው፡፡ ሁሉም ያው ስለሆኑ ግጭቱ መቼም አያበቃም፡፡ ለሃይማኖት መቆርቆር ቢሆን ኖሮ ችግርን ለዘመናት ታይቶ በማይታወቅ የምስኪን ወጣቶችን ደም በማፍሰስ ለመፍታት ባልተሞከረ ነበር፡፡ ያኔ አቡነ በርተሎሜዎስን ሌባ ብለው ያሰደቡ እና ይህንን ያቀነባበሩ ዛሬ የሉም፡፡ ትናንት አቡነ ፋኑኤልን ሌባ ብለው ሰደቡ ነገ ደግሞ እስቲ እናያለን፡፡ ሁሉም ህግ ያላረጋገጠው ሌባ ነው፡፡ የሚገርመው ሁላችንም በአምላካችን ፊት ስንቀርብ ባዶ መሆናችን ነው፡፡ እርሱ ሁሉን ያውቃል የተደበቀውን ማንነት ሁሉ ይመረምራል፡፡ ያልተገራ ማንነት የተውልድ በሽታ ነው፡፡ ያልተገራ አፋችንን ስንከፍት በጥርሳችን ያለ ጉድፍ ደስ ከማይል ጠረን ጋር አጠገብ ያለውን ይረብሻል፡፡ ስለዚህ ሁሉም ዝም ይበልና ስላለፈው ሁሉ ነገር ይቅር ይባባል፡፡ ይህ ነው ሃይማኖት……..

G said...

አምላክ ማስተዋሉን ለሁላችንም ይስጠን፡፡ አሁን አሁን ከሃዋሳ የምሰማቸው ዜናዎችን በጣም ያሳዝናሉ፡፡ ወደ አምላካቸን በይበልጥ መጸለይ ያለብን በዚህ ጊዜ ነው፡፡ በአላስፈላጊ ድርጊቶች እየተሳተፉ ላሉ ሰዎችም ማስተዋሉን ሁሉን አድራጊ አምላክ ያድላቸው፡፡ ክርስቲያን የሆነ ሁሉ በቀላሉ ላለመነዳት የእራሱን አዕምሮ መከተል ያስፈልጋል እላለሁ፡፡

ሃዋሳ እስቲ ደስ በሚያሰኝ ዜና እንስማሽ፡፡ አሜን፡፡


አምላክ ማስተዋሉን ለሁላችንም ይስጠን፡፡ አሁን አሁን ከሃዋሳ የምሰማቸው ዜናዎችን በጣም ያሳዝናሉ፡፡ ወደ አምላካቸን በይበልጥ መጸለይ ያለብን በዚህ ጊዜ ነው፡፡ በአላስፈላጊ ድርጊቶች እየተሳተፉ ላሉ ሰዎችም ማስተዋሉን ሁሉን አድራጊ አምላክ ያድላቸው፡፡ ክርስቲያን የሆነ ሁሉ በቀላሉ ላለመነዳት የእራሱን አዕምሮ መከተል ያስፈልጋል እላለሁ፡፡

ሃዋሳ እስቲ ደስ በሚያሰኝ ዜና እንስማሽ፡፡ አሜን፡፡

Anonymous said...

ስለ ወንጌል የታሰሩት ሁሉ ተፈተዋል። ክብር ሁሉ ለእርሱ ይሁን።
ማህበረ ቅዱሳን እባካቹ እረፉ፣ እውነትን አትቃወሙ እርሱም ኢየሱስ ነው።

Anonymous said...

Ere ...bakachehu tewun... Betekerstiyan yehenew ende yeweletawa melash... Dn. Begashaw lemen beyfa wedewegenocheh atkelakelem...ke egna wegen endalhonk enawkalen...

Anonymous said...

Deje selam has reported the issue so loosely. As a resident of Awassa, I have better information and waht is reported here is just the introduction. For instance Deje Selam notes ABA Haile Giorgis was silent being on stage while all messes were hapenning... THE MAJOR CAUSE FOR THE RIOTS HERE IN GABRIEL CHURCH IS HE:UNEDUCATED, INEXPERIENCED, AND HE IS THE ONE WHO IS FACILITATING THINGS FOR THE MAFIYA GROUP...
Yesterday they have announced to the "gubae tadami" that Abune Fanuel will come and Administer the Dioces for the coming 18 years... Yegna nebeyat!!!
Some are simply trying to accuse Deje Selam and Mahebere Kidusan (which is 100% free from participation...Believe me for God's sake here)because of their pre-existing biases. For your information, the local government has yesterday released the arrested people (that should have been jailed) and now arresting innocent people that have stood up for the rules of the church... AMLAKE DIYOSKOROS TELO AYTELENEM!

Zekios said...

ZEKIOS said
The problem in Hawassa had been going on for along time and if I am not mistaken the SINODOS passed a resolution for it.Obviously the group led by Yared Ademe do not want to abide with it.For the sake of the church and spirituality all of us has the responsibility to solve this problem peacefully and in an exemplary way to the others.
Let God help us.
DINGIL ATILEYEN.

Anonymous said...

e're bakachu ene Yared ademe, begashawu.... ye menafikan menfes ayichetibachu pls erasachun awutu....

Anonymous said...

Oo Amlakne, adonay alpha beta yewta
iske maizenu yikewun zintu (Ermias) indale ye wukiyaw gize tekarboal sewochu liyabdu tinsh new yekerachew. lenegeru Eyob 15 : 24 - 28 manbebe iko beki new.

Ze kirstos tibye tsehafi, ibakh weym attsaf alyam minahin ley. ke tifat hyloch gar kehonk you r losing your money as well as your everything... ps think over it.

Anonymous said...

የአዋሳ ቸግር እኮ የነያሬድ ወይ የማህበረ ቅዱሳን አይደለም......ቤተክርስቲያኗ ባለቤት የማጣት ችግር ነው....መንግስት ጉዳዬ አይደለም ካለ ....አባ ጳውሎስም አይመለከተኝም ካሉ.....እድሜ ልካችንን ስንደባደብ ስንደበደብ ልንኖር ነው......ሚገርመው ነገር......መንፈሳዊነን በሚሉት መባሱ ነው.. የትኛው መጽሀፍ ቅዱስ ላይ ድንጋይ ተወራወሩ ተደባደቡ የሚል ትህትና/ትዛዝ እንደተፃፈ ቢያስረዱን ጥሩ ነው......ጌታ ከኛ ጋር ይሁን

ዘክርስቶስ said...

የሚገርመው ደጀ ሰላም ለሁላችን ሲያስተናግደን የብሎግ ባለ ቤት ያልሆነ አካል መከልከሉ! ለመሆኑ ለግል ኪሴን አካውንታንት በመሆን በደፈናው አትጻፍ ያልኸኝ ወንድም የተሳሳትኩትን ትነግረኛለህ? በአዋሳ አካባቢ ችግር ከመፈጠሩ በፊትም ሆነ ከተፈጠረ በሗላ ቅድሚያ ሐላፊነት የሚወስደው በዛው የሚኖሩ ሰዎች እንጂ እኔም ሆንኩ አንተ በሩቅ ሆነን ድምጻችን ከማሰማት አልፈን ሌላ የምንሰራው ሥራ አለ ብዬ አልገምትም።

ስለዚህ የአዋሳ ሕዝብ አካባቢህን ለማጽዳት ካንተ በላይ የሚቆረቆር ሐይል የለም፤ስምህን በአሉታ አይጠራ ማለቴ ባንተ ዘንድ ስሕተት ነው? ወይስ ጉዳዩ ".............ላመሉ ዳቦ ይልሳል"ስለሆነብን ነው።
ሐዋርያ ጳውሎስ እንደተናገረው አንዳንዴ መንፈሳዊ ተግሳጽ ያስፈልጋልና ቅር እንዳይልህ በርታ::

Hatie said...

ወገኖቼ ጉዳዩ በጣም አሳዛኝ ነው በየደብሩ በሀገር ውስጥም ከሀገር ውጭም የሚሰማው ፍልሚያ መነሻው ምን ይመስላችኋል? ምዕመናኑን መርቶ ለመንግስተ ሰማያት ለማብቃት አይደለም:: ዋናው አላማ የዋህ ምዕመናን ለቤተ እግዚአብሔር የሚሰጡትን ገንዘብ በባለቤትነት ተቆጣጥሮ ለመክበር ነው:: በመዝሙር ስም ዘፈን የሚነግዱ ዘፋኞች፣ በመነኩሴ ስም ሕዝቡን የሚዘርፉ ሐሰተኞች መነኮሳት ፣በሰበካ ጉባኤ ስም ቤተክርስቲያኒቱን የሚመዘብሩ ዘራፊዎች በየቦታው ተሰማርተዋል:: የሚሻለው መልካም ነገር ቤተክርስቲያናችንን ከሐሰተኞቹ እና ራሳቸውን ለዘረፋ ካሰማሩ መዝባሪዎች በጋራ መከላከል ነው :: እኔ ምን አገባኝ? የሚባልበት ዘመን አብቅቷል;; መነኩሴ ሳይሆኑ ልብሰ ምንኩስና ለብሰው በየደብሩ የተሰገሰጉትን ፣በዘማሪ ስም ሞንታርቦ እያስጮሁ የህዝብ ጆሮ እያደነቆሩ ሳንቲም የሚለቅሙትን ፣በሰባኪነት ስም የቤተክርስቲያኒቷን አውደምህረት የፉከራና የቀልድ መድረክ ያደረጉትን ፣የሕዝቡን መባ ለመዝረፍ በሀገር ውስጥም ከሀገር ውጭም ያሉትን ከቅድስት ቤተክርስቲያን ማስወገድ ጊዜ የማይሰጠው ጉዳይ ነው:: ቤተክርስቲያን ሐሰተኞችን አስወግዳ በእውነት የሚመላለሱትን ምዕመናን ይዛ በፍቅር የምትጓዝበትን መድረክ በአንድነት መፍጠር አለብን?

Anonymous said...

deje selamoch r u guys realy chrsteans i dought it how can u post an insult to our saint patriark god mersy on you

ሳሚ said...

ደጀ ሰላም ብዙ ስላስተማርሽኝ አመሰግንሻለሁ
እኔ አንዴ ስም በመጻፍ አንዴም አኖኒሞስ እያልሁ ብሎግሽን ከሚያጨናንቁ አንዱ ነኝ፤ ነገርግን ነገሮችን ዕለት ዕለት በመመርመር ለመማር በቂቻለሁ።
ከምሳሳትባቸው የነበርሁ 1) ከማንበቤ በፊት ጭፍን አእምሮ ይዤ በመግባት የተሰጡ አስተያዮቶችን በራሴ ሀይለ ቃል አነባቸውና ያልሆነ ትርጉም እንዲሰጡኝ ማድረግ
2) የፀሀፊዎቹን ትክክለኛ መልእክትን ለማግኘት ኮመንት ከመስጠቴ በፊት የተፃፈውን አርቲክልና አስተያዮቹን ደጊሜ ደጋግሜ አለማንበብ
3) የተሰጠውን ትቺት ምንም መረጃ ሳልይዝ ይህ የእገሌ ነው ማለት። ለምሳሌ ይሄ በዘክርስቶስ የሚሰጠው ኮመንት አብዛኛው ጊዜ በቁጥር አንድ በመውጣቱ ምክንያት ደጀ ሰላም የኛን ሂሊናን ለመጠምዘዝ የምታደርገው ሴራ ነው ብዬ ራሷ ዘክርስቶስ የሚል ስም ሰጥታ የምትሰራው ድራማ ነው በማለቴ። አሁን ግን የዚህ ሰውዬ ማንነት በአሜሪካ የሚኖርና በብዙ ብሎጎችን የሚፅፍ ጠንካራ ሰው ሆኖ በማግኘቴ ደጀ ሰላም አስተምራኛለችና ሌሎችም ከኔ ብትማሩ ተጠቃሚዎች ትሆናላችሁ።
እረፍትን ሳትሹ ቀንና ሌሊት የቤተ ክርስቲያናችሁን ወቅታዊ ሁኔታዎችን በመከታተላችሁ ልትበረቱ ይገባል በተለይም በውጭ ሀገር ያላችሁ ወገኖቻችን በጀመራችሁት እንቅስቃሴ የበለጠ አርአያ እንድትሆኑ እመክራለሁ። እኔም እግዚአብሔር በደጀ ሰላም አድሮ አስተምሮኛልና ስህተቴን እንዳልደግም ለመጠንቀቅ ያብቃኝ። ሳይገባኝ አስተያየት እንዳልሰጥ የቀኝ መልኣክ ይጠብቀኝ።
በአዋሳ ከተማችን ብጥብጥ በመፍጠር የታወቃችሁ ሰዎችም ብጥብጥ የሰይጣን ስራ ስለሆነ ማቆሙ ይበጃችሃል። ተዉ አቁሙ እላለሁ።
ወስብሐት ለእግዚአብሔር ወለወላዲቱ ድንግል ማርያም ይሁን

lemma kefy. said...

tehadisowoch ahun sirachewun begilt mesrat jemirewal.ibakachihu kristiyanoch iwunetun inley.tehadso sebakyanochachn ye facebook chatteroch aydelum inde ? inleyachew injii!

Anonymous said...

"እኔ ምን አገባኝ? የሚባልበት ዘመን አብቅቷል;; መነኩሴ ሳይሆኑ ልብሰ ምንኩስና ለብሰው በየደብሩ የተሰገሰጉትን ፣በዘማሪ ስም ሞንታርቦ እያስጮሁ የህዝብ ጆሮ እያደነቆሩ ሳንቲም የሚለቅሙትን ፣በሰባኪነት ስም የቤተክርስቲያኒቷን አውደምህረት የፉከራና የቀልድ መድረክ ያደረጉትን ፣የሕዝቡን መባ ለመዝረፍ በሀገር ውስጥም ከሀገር ውጭም ያሉትን ከቅድስት ቤተክርስቲያን ማስወገድ ጊዜ የማይሰጠው ጉዳይ ነው:: ቤተክርስቲያን ሐሰተኞችን አስወግዳ በእውነት የሚመላለሱትን ምዕመናን ይዛ በፍቅር የምትጓዝበትን መድረክ በአንድነት መፍጠር አለብን"

Anonymous said...

ክፉ ሰው ዕድሜውን ሙሉ፥ ከግፈኛ በተመደቡለት በዓመታት ሁሉ በሕመም ይጣጣራል።
የሚያስደነግጥ ድምፅ በጆሮው ነው፤ በደኅንነቱም ሳለ ቀማኛ ይመጣበታል።
ከጨለማ ተመልሶ እንዲወጣ አያምንም፥ ሰይፍም ይሸምቅበታል።
ተቅበዝብዞም። ወዴት አለ? እያለ እንጀራ ይለምናል፤ የጨለማ ቀን እንደ ቀረበበት ያውቃል።
መከራና ጭንቀት ያስፈራሩታል፤ ለሰልፍ እንደ ተዘጋጀ ንጉሥ ያሸንፉታል፤
እጁን በእግዚአብሔር ላይ ዘርግቶአልና፥ ሁሉንም በሚችል አምላክ ላይ ደፍሮአልና፥
በደንዳና አንገቱና በወፍራሙ በጋሻው ጕብጕብ እየሠገገ ይመጣበታልና፥
በስብም ፊቱን ከድኖአልና፥ ስቡንም በወገቡ ላይ አድርጓልና፥
በተፈቱም ከተሞች ውስጥ፥ ሰውም በሌለባቸው፥ ክምር ለመሆን በተመደቡ ቤቶች ውስጥ ተቀምጦአልና
ባለጠጋ አይሆንም፥ ሀብቱም አይጸናም፤ ጥላውንም በምድር ላይ አይጥልም፤
ከጨለማ አይወጣም፤ ነበልባሉም ቅርንጫፎቹን ያደርቃቸዋል፥ አበባዎቹም ይረግፋሉ።
ዋጋው ከንቱ ነገር ይሆናልና ራሱን እያሳተ በከንቱ ነገር አይታመን።
ቀኑ ሳይደርስ ጊዜው ይፈጸማል፥ ቅርንጫፉም አይለመልምም።
እንደ ወይን ያልበሰለውን ዘለላ ያረግፋል፤ እንደ ወይራ አበባውን ይጥላል።
የዝንጉዎች ጉባኤ ሁሉ ለጥፋት ይሆናል፥ የጉቦ ተቀባዮችንም ድንኳን እሳት ትበላለች።
ጉዳትን ይፀንሳሉ፥ በደልንም ይወልዳሉ፥ ሆዳቸውም ተንኰልን ያዘጋጃል። ኢዮ 15 ~ 20-35

Anonymous said...

Ene gin zim maletn meretku!!! miknyatum manin limen?
Bicha manim man yemayshrew alfana omega zelalmawi yenebere, yalena yeminor amlakachin lijochun ketifat yitebken zend melkam fekadu yihunln!!!
Enezihin menafkan gin lemaskom yemichlut betselot, egna yemanchil degmo dawit legolyad yanesawn teter mansat yemigeban se'at lay yederesn yimeslegnal!!!

tad said...

Hi DS, You can do better. We ,EOC, can't afford watching Abune Fanuel and Abune Gabriel fight each other.
Shame on those who wants to capitalize on this.
It is high time we get together and bring our disintegrating EOC and Ethiopia togrther.
EOC members failing the church and the nation.
We have to be careful what we are asking for.

Anonymous said...

ይገርማችሁዋል የዛሬ 15 አመት አካባቢ ይመስለኛል ከአዋሳ አልፋ የምትገኘው ዲላ ከተማ ጥንቅሹ የሚባል ለያዥ ለገራዥ ያስቸገረ ዲላ ከተማ ካሉት ባንዱ ቤተክርስትያን ሰበካ ጉባኤ ተመራጭ ሆኖ ለቤተክርስትያን ፈተና የነበረ ሰው ነበረ። በወቅቱ የሀገረ ስብከቱ ስራ አስኪያጅ መምህር ሀይለስላሴ/ አሁን ጳጳስ ሆነው አቡነ ሉቃስ የተባሉ ይመስለኛል/ ነበሩና በተደጋጋሚ ከአዋሳ ዲላ እየተመላለሱ የተፈጠረውን ችግር ለማስተካከል ይጥሩ ነበረ ጥንቅሹ ግን ክፉ ሰው ስለነበረ ቡድን መስርቶ የነበረበትን አጥቢያ ከሀገረስብከቷ ለይቶ በማንም አልታዘዝም ብሎ እንደነበረ እንደውም ለማስታረቅ ከአዲስ አበባ ጳጳሳት እነአቡነ ቄርሎስ ይመስሉኛል ሄደው ሁሉ እንደነበረ አስታውሳለሁኝ። ታዲያ ያኔ መምህር ሃይለስላሴ ለስብከት አገልግሎት ከሚልኳቸው ወጣቶች አንዱ ያሬድ አደመ ነበረና ስለጥንቅሹ አስቸጋሪነት እያመረረ ይናገር ነበረ። የሚገርመው ግን ጥንቅሹ ተደባዳቢዎች አደራጅቶ በድንጋይ አውደምህረት ላይ ምእመናንን አላስፈነከተም ቤተክርስቲያናችንን እና አባቶቻንን በሚያስንቅ መልኩ ባወቅኩሽ ናኩሽ ባደባባይ መሳቂያ አላደረገም ያሬድ የቤተክርስቲያን ክብሯ የባህሪ አምላክ የኢየሱስ ክርስቶስ ደም ነውና እባክህ ተው። እንደሁሉም ፈተናዎች የናንተም ሰሞን ያልፋል። በእርግጥ አቡነ ጳውሎስ ወደቤተክርስቲያን በሀይል የሚወረውሩት ዲጂኖ ፍንጥርጣሪዎች ናችሁና ተጽእኖ ባያጣቸሁም ግን ታልፋላችሁ፡ ታሪክ ከልስ። ታዲያ ጥንቅሹ ትዝ አለኝና የዘንድሮው ጥንቅሹ/ያሬድ አደመ/ ያኔ ዲላ ሲመላለስ ዋናው ጥንቅሹ ተንፍስቦት ነበር ለካ ብዬ አልኩኝ። አዋሳዎች ልክ ትዝ ብሎኛልቸቸ

Anonymous said...

የ ሀዋሳ ምዕመናን ሆይ ምነው አይናችሁ መልካም ነገርን አላይ አለ;
ቤ/ክ የራሷ ህግና ስርዓት እያላት እንደ መናፍቃን የእምነት ድርጅቶች ስርዓት አልባ አደረጋችኋት፡፡ ለነገሩ የቤ/ክርስቲናችንን ለምድ የለበሱት እነ በጋሻውና መሰሎቹ ያመጡት መዘዝ ነው፡፡ እነ በጋሻውና መሰሎቹ በቤ/ክርስቲያን ላይ የዘመቱት ዘመቻ ሁላችንም ምዕመናን እንዴት መገንዘብ አቃተን; እነ በጋሻው ውጫቸው ሰባኬ ወንጌል ውስጣቸው ተኩላ ነው፡፡ ዓላማቸው ክርስቶስን መስበክና ድህነትና ማስተማር ሳይሆን ድብቅ የሆነ የፍቅረ ንዋይ ዓላማቸውን ለመፈጸም የተነሱ ናቸው፡፡ ለዚህ ደግሞ በተላያዩ ከተሞች ለምሳሌ ባ/ዳር፤ ደሴ ላይ ምህረትና በረከት ከሚገኝባት ቤ/ክ ውጭ በአደባባይ እንደ ህዝብ ስብሰባ በመሰብሰብ ለመስበክ ሲሞክሩ የነበሩት እንደምስክር ይቆጠራል፡፡ ስለዚህ ምዕመናን ሆይ እውነት ለቤ/ክ ተቆርቋሪ የሆነውን በደንብ መለየት አለብን፡፡ ሀዋሳ ላይ የፈጠሩት ግርግርና ስርዓት አልበኝነት የንጹኁ ሃዋሳ ምዕመን ጉዳይ ብቻ ሳይሆን የሁላችንም ምዕመን በጋራ የምንታገለው መሆን ይኖርበታል፡፡
‹‹እግዚአብሔር ቤ/ክርስቲያናችንን ይባርክ››

yalew said...

የ11ኛው አስትያየት እጅግ ገርሞኛል፡፡ ማህበረ ቅዱሳንን የቤተ ክርስቲያን ጉዳይ በተነሳ ቁጥር ጨው ይመስል (መጨመር) ማንሳት ጥረ አይደልም፡፡ ማህበሩ አይሳሳትም አልልም ካብኩም ስህተት ይሆንብኛል፡፡ ነገር ግን የምንስጠውን አስተያየት በመረጃ ቢድገፍ ጥሩ ይሆናል ለምሳሌ ከላይ የጠቀስኩዋቸው አስተያየት ስጪ እገሌም ማህበረ ቅዱሳንም ጥፋተኞች ናቸው አሉ፡፡ ማህበረ ቅዱሳን ይህን ማድረግ አነበረበትም ቢል የሚያነበው ክፍል ህልሊናዊ ፍድ ይሰጥ ነበር ነገር ግን በድፍኑ (በጭፍን) የተሰጠ አሰተያየት ስለሆነ አያንፅም፡፡ ሌላው ደግሞ እኚሁ አስተያየት ስጪ ለእኔ ማህበረ ቅዱሳንም ሆነ እነ ሰባኪ እገሌም ታክስ የማይከፈልበት ገንዘብ በመሰብሰብ ያው ናቸው በማለት ጥሩ ሃሳብ አንስተው ነበር ነገር ግን ከእትን ጋር የተገኘህ ሰሊጥ አብረህ ተወቀጥ አደረጉት፡፡ እነ ሰባኪ ዘማሪ እገሌ ካለ ታክስ ቢስበስቡ ለኪሳቸው አልያም ሞዴል እያቀያየሩ መኪና መግዣ ነው፡፡ ማህበረ ቅዱሳን ግን ካለ ታክስ ‹‹ቢሰበስብ›› ያው መልሶ ለቤተክርስቲያን ነው፡፡ ለዚህም ማህበሩ ያስከፈታቸውን አብያተ ክርስቲያናትንን በገቢ እራሳቸውን እንዲችሉ የተደረጉት ገዳማትንና የቆሎ ት/ቤቶችን ማስተናል በቂ በላይ ነው፡፡
እግዚአብሔር ማስተዋሉን ይስጠን!!!

yalew said...

የ11ኛው አስትያየት እጅግ ገርሞኛል፡፡ ማህበረ ቅዱሳንን የቤተ ክርስቲያን ጉዳይ በተነሳ ቁጥር ጨው ይመስል (መጨመር) ማንሳት ጥረ አይደልም፡፡ ማህበሩ አይሳሳትም አልልም ካብኩም ስህተት ይሆንብኛል፡፡ ነገር ግን የምንስጠውን አስተያየት በመረጃ ቢድገፍ ጥሩ ይሆናል ለምሳሌ ከላይ የጠቀስኩዋቸው አስተያየት ስጪ እገሌም ማህበረ ቅዱሳንም ጥፋተኞች ናቸው አሉ፡፡ ማህበረ ቅዱሳን ይህን ማድረግ አነበረበትም ቢል የሚያነበው ክፍል ህልሊናዊ ፍድ ይሰጥ ነበር ነገር ግን በድፍኑ (በጭፍን) የተሰጠ አሰተያየት ስለሆነ አያንፅም፡፡ ሌላው ደግሞ እኚሁ አስተያየት ስጪ ለእኔ ማህበረ ቅዱሳንም ሆነ እነ ሰባኪ እገሌም ታክስ የማይከፈልበት ገንዘብ በመሰብሰብ ያው ናቸው በማለት ጥሩ ሃሳብ አንስተው ነበር ነገር ግን ከእትን ጋር የተገኘህ ሰሊጥ አብረህ ተወቀጥ አደረጉት፡፡ እነ ሰባኪ ዘማሪ እገሌ ካለ ታክስ ቢስበስቡ ለኪሳቸው አልያም ሞዴል እያቀያየሩ መኪና መግዣ ነው፡፡ ማህበረ ቅዱሳን ግን ካለ ታክስ ‹‹ቢሰበስብ›› ያው መልሶ ለቤተክርስቲያን ነው፡፡ ለዚህም ማህበሩ ያስከፈታቸውን አብያተ ክርስቲያናትንን በገቢ እራሳቸውን እንዲችሉ የተደረጉት ገዳማትንና የቆሎ ት/ቤቶችን ማስተናል በቂ በላይ ነው፡፡
እግዚአብሔር ማስተዋሉን ይስጠን!!!

yalew said...

የ11ኛው አስትያየት እጅግ ገርሞኛል፡፡ ማህበረ ቅዱሳንን የቤተ ክርስቲያን ጉዳይ በተነሳ ቁጥር ጨው ይመስል (መጨመር) ማንሳት ጥረ አይደልም፡፡ ማህበሩ አይሳሳትም አልልም ካብኩም ስህተት ይሆንብኛል፡፡ ነገር ግን የምንስጠውን አስተያየት በመረጃ ቢድገፍ ጥሩ ይሆናል ለምሳሌ ከላይ የጠቀስኩዋቸው አስተያየት ስጪ እገሌም ማህበረ ቅዱሳንም ጥፋተኞች ናቸው አሉ፡፡ ማህበረ ቅዱሳን ይህን ማድረግ አነበረበትም ቢል የሚያነበው ክፍል ህልሊናዊ ፍድ ይሰጥ ነበር ነገር ግን በድፍኑ (በጭፍን) የተሰጠ አሰተያየት ስለሆነ አያንፅም፡፡ ሌላው ደግሞ እኚሁ አስተያየት ስጪ ለእኔ ማህበረ ቅዱሳንም ሆነ እነ ሰባኪ እገሌም ታክስ የማይከፈልበት ገንዘብ በመሰብሰብ ያው ናቸው በማለት ጥሩ ሃሳብ አንስተው ነበር ነገር ግን ከእትን ጋር የተገኘህ ሰሊጥ አብረህ ተወቀጥ አደረጉት፡፡ እነ ሰባኪ ዘማሪ እገሌ ካለ ታክስ ቢስበስቡ ለኪሳቸው አልያም ሞዴል እያቀያየሩ መኪና መግዣ ነው፡፡ ማህበረ ቅዱሳን ግን ካለ ታክስ ‹‹ቢሰበስብ›› ያው መልሶ ለቤተክርስቲያን ነው፡፡ ለዚህም ማህበሩ ያስከፈታቸውን አብያተ ክርስቲያናትንን በገቢ እራሳቸውን እንዲችሉ የተደረጉት ገዳማትንና የቆሎ ት/ቤቶችን ማስተናል በቂ በላይ ነው፡፡
እግዚአብሔር ማስተዋሉን ይስጠን!!!

Abebe said...

let us wait for our God he has answer. i know this problem before 8 years, when i was 1st dgree student in Hawassa University.especially Alemneh,Yared and some others started this thing before 8 years. i think it is the time to be exposed. wait please don't insult any one it will be out of Christianity.

Anonymous said...

ዲያቆን በጋሻው እና ምንዝሮችህ አባካችሁ ይህችን ለዘመናት ስርዓትዋን ጠብቃ የኖረችውን ቤተክርስቲያናችንን አትበጥብጣት አሁን እኮ ዳግም አታታልሉንም ወደ ሚመስላችሁ ለምን አትቀላቀሉም ሁሉ ነገራችሁ እነንሱን መስላል ሰለዚህ እዚህ ሰሚ ስለሌላችሁ ልቀቁን ወደ ምትሄዱበት ሂዱ የሀይማኖት እንካን ስርዓት የሌላችሁ የራሳችንን ሀጢያት እንዳናስብበት አደረጋችሁን

Anonymous said...

ማ/ቅ ን ለምን እንደምትጠሉት ይገባናል:: እንዳው አሁንም የምንታወቅ አይመስላችሁም? አንዳንዶቹ የእናንተ ጓደኞች እኮ በግልጥ ተሃድሶነትን እየሰበኩ ነው:: ይልቅስ እዛ ሌሎቹ ቦታውን ይዘው በኋላ ውራ እንዳያደርጓችሁ እና የምታስቡትን ገንዘብ መሰብሰብ እንዳትከለከሉ ወደ ጓደኞቻችሁ ሂዱ:: ተዋህዶን ለቀቅ አድርጓት:: የኦርቶዶክስ ተቃዋሚ ነኝ ላለማለት ማኅበረ ቅዱሳንን መሳደብ ምን ይባላል:: ማ/ቅን ለቀቅ!!!!

k2k said...

የክርስትያን ሕዝብ አንገት የሚያስደፋ ክስተት ነው
የሚገርመው ነገር አባቶችም በሰው ላይ መፍረድ ጀመሩ
አትፍረዱ ይፈረድባችሃል እና የተባለውን የመጽሐፍ ቅዱስ
ቃል ታድያ ማን ነው ታድያ የሚተገብረው
አውነቱ ነው ጋሻው ''አናንተ የአግዛብሔር እቃ
የተሸከማችሁ አልፍ አልፍ በሉ'' በሚለው ስብከቱ ያለው
አደዚህ ብሎ ነበር ''አሁን ቤተክርስትየናችን አየተበጠበተች ያለችው
ራሳቸውን ሳይክዱ መስቀሉን በተሸከሙት አገልጋዮች ነው ''
አሁን አረጋገጥኩ የሚያሳዝን ነገር ነው ይገርማል
የሚያሳዝነው ወሬ ግን ስለ ቤተክርስትያናችን መጥፎ ነገር አየተሰማ
እኔ የማቃችው ሁለት ሰዎች ሃይማኖታቸው መቀየራችው ነው
ቸር ወሬ ያሰማን

Anonymous said...

የአዋሳ ሕዝብ? ይቅርታ አድርጉልኝ!

ምነው ስማችሁን በተደጋጋሚ በግራ መዝገብ ሰፈረሳ! የሚወራው የእውነት ከሆነ አካባቢያችን ለማጽዳት ከሐዋሳ ሕዝብ በላይ ሌላ የሚቀጠር የጽዳት ሠራተኛ/ናታሚን/የሚኖር አይመስለንም።

ወንድሜ መጀመሪያ ልባችንን እናጽዳ

Anonymous said...

ከዚህ በፊት አራት ያህል እውነትን የሚያበስሩ አስትያየቶች
ፅፌ ነበር ነገር ግን ደጀ ሰላም እውነት እንዲነገርና እንዲሰማ
ስለማትፈልጉ ነው መሰለኝ አላወጣችሁትም። እስቲ ደግሞ
ይህችን ተመልከቱና አላማችሁን የማይነካ ከሆነ አስተላልፉአት
አሺ ኪኪኪኪኪ.------------

መቼም እባቡ ማቅ መማር አይወድም። ልማር ብሎ ቢገባም
ክፍል ውስጥ አይገኝም። በየቢሮው ሲሩሩጥ ይውላል።
ድንገት ክፍል ውስጥ ቢገኝ የድፍረት ቃል አውጥቶ
መምህሩን ሊያስተምር የዳዳዋል። ግዕዝ ሳይሆን እንግሊዝኛውን
ለማረም ይፈልጋል። የቤት ሥራ ሲሰጠው መምህሩን ሻይ ጋብዞ
ማርክ እንዲሞላለት የለማመናል። እምቢ ካለውም የማህበሩን
አካሄድ ቢተችበት መናፍቅ ተሐድሶ ነው በሎ ያስወራበታል።
ማስወራት ብቻ ሳይሆን የሌለ መረጃ ሰብስቦና አንድምታ ሰጥቶ
ተግቶ በግብረ አበሮቹ ከሥራ እንዲታገድ እንዲባረር ያስደርጋል።

አሁን እናንት ማቆች በቅናት ተነሳስታችሁ እንደ አይሁዶች
ጌታን እንደሰቀሉና እንደገደሉት ለመሆን አለቃችሁ ዲያብሎስ
የተበለጣችሁ አድርጎ እያሳየ በቅንዐት አብዳችሁ እንድትሞቱ
እንደነ ዲያቆን በጋሻው አይነት እውነተኛ ክርስቲያኖችን
ስም ብታጠፉና ብታሳድዱ የእውነት አምላክ ኢየሱስ ክርስቶስ
በሰይጣን ፈተና እንዳትወድቁ ብሎ መምህራችን አስቀድሞ
ስለአስተማረን በተዋህዶ እንፀናለን። ሁሉን በሚያስችለን
በአምላካችን ሁሉን እንችላለን፣ መከራም ቢምጣ ለበጎ ነው
ብለን እናልፋለን። ሚስማርና ክርስቲያን ሲመቱት ነው
የሚጠብቀውና አትልፉ። ይብላኝ ለእናንተ እንጂ የሰላም
አለቃ ኢየሱስ ክርስቶስ አይሳሳትም።

Anonymous said...

always hope that truth will prevail
our's is simply to make time for praye .All this happens becouse of our weakness.
Ewnwt mengizame Yashenfal. ngre gene Yaletsnanew ytenebitu mftsemiYa endanehone lrasachene enetselye

Anonymous said...

AMLAK LEHULACHINEM LIB YESTEN !!!!

H/meskel said...

kalay mak blo hasab lesetehew sew milash

kikiki,,,alk, kirstiyan kehonk aybalim! 'mak' alk? mechem yeigziabher firdu yizegayal inji aykerm ahunm wede niseha inkreb. please maninethin lemawek ye Rocket sayns matnat ayasfelgim beka be 4 negeroch awekuh. Inezihim
1. Iytsa'e abiy neger imafukimu yemilaew beglts 'mak' sitl kidusun kal lesidb metekemh
2. sewn yewiyants sayhon yemiyasazin neger metsafih
3. admegnneth, yeigele yeigele bemalt yetseraw sira
4. lekirstos yaleh ginzabe....wezete manintehnina kewedet indehonke negeregn. yeigziabher yehone sew befitsum yimekral inji indi aynet asteyayet aysetm.

Therefore
please wendme hoy wede libh temeles sint ken bezih midr lay lemenor bekidusan lay, beigziabher lay tamtsaleh; ibakh aytekmihim yihichi tsihuf dagm be mngte igziabher titebkhalech tew temeles.

H/meskel

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)