January 7, 2011

የተማሪዎቹ የልደት በዓል ዋዜማ መርሐ ግብር በጠቅላይ ቤተ ክህነት አዳራሽ ተካሄደ

  •  ‹‹ማንኛውንም ዓይነት ሃይማኖታዊ ሥርዐት በዩኒቨርስቲው ግቢዎች ውስጥ ማካሄድ እጅግ በጣም የተከለከለ መሆኑን በመገንዘብ ከዚህ ዐይነቱ ድርጊት እንዲቆጠቡ እናሳስባለን፡፡›› (የአ.አ.ዩ ፕሬዝዳንት)
  • ‹‹የወጣው መግለጫ ግራ የሚያጋባ ነው፡፡››(ተማሪዎች)                                
  • ‹‹የቤተ ክርስቲያን ልጆች የለመዱትን በዓል ለማክበር ቢከለከሉ በሚመጣው ችግር  ዩኒቨርስቲው እንዳይጠየቅበት ቢያስብበት መልካም መሆኑን እንገልጻለን፡፡›› (ጠቅላይ ቤተ ክህነት)
(ደጀ ሰላም፤ ጃኑዋሪ 6/2010፤ ታኅሣሥ 28/2003 ዓ.ም)፦ የአዲስ አበባ ዩኒቨርስቲ አስተዳደር የልደት በዓል በዩኒቨርስቲው ተማሪዎች በሚዘጋጁ ልዩ ልዩ መርሐ ግብሮች እንዳይከበር ባስተላለፈው እግድ ሳቢያ የዋዜማው መርሐ ግብር ማምሻውን በጠቅላይ ቤተ ክህነቱ አዳራሽ ተካሂዷል፡፡ 

ዛሬ ከቀትር በኋላ ከፕሬዝዳንቱ ጽ/ቤት በወጣው መግለጫ የዘንድሮውን የልደት በዓል ‹‹የበዓል ድባብ በሚኖረው መልኩ›› ልዩ የምግብ እና ሌሎች የካፊቴሪያ አገልግሎቶች እንደሚኖሩ ቢገልጽም ‹‹ማንኛውንም ዓይነት ሃይማኖታዊ ሥርዓት በዩኒቨርስቲው ግቢዎች ውስጥ ማካሄድ እጅግ በጣም የተከለከለ መሆኑን በማሳሰብ ተማሪዎች ከዚህ ዐይነቱ ድርጊት እንዲቆጠቡ›› አሳስቧል፡፡ አስተዳደሩ እግዱን ያስተላለፍኩት ‹‹በተቋሙ የሚታየው ያለመቻቻል አደጋ አሳስቦኝ ነው›› ማለቱ ተዘግቧል፡፡ 
የፕሬዝዳንቱ መግለጫ የወጣው ብፁዕ ወቅዱስ ፓትርያርክ አቡነ ጳውሎስ ከትምህርት ሚኒስትሩ እና ከዩኒቨርስቲው ፕሬዝዳንት ጋራ በስልክ ከተነጋገሩ እና የጠቅላይ ቤተ ክህነት ዋና ሥራ አስኪያጅ ብፁዕ አቡነ ፊልጶስ የውሳኔውን አሳሳቢነት የሚገልጥ ጠንካራ የተባለ ደብዳቤ ከጻፉ በኋላ መሆኑ ታውቋል፡፡

ብፁዕ ዋና ሥራ አስኪያጁ በደብዳቤያቸው የልደት እና የትንሣኤ በዓላትን ለረጅም ዓመታት ሲያከብሩ የነበሩ ወጣቶች እንደተለመደው በዚህ ዓመትም ለማክበር ቅድመ ዝግጅታቸውን ካጠናቀቁ በኋላ መከልከላቸውን ገልጸው ለዩኒቨርስቲው የጻፉት ደብዳቤ በግልባጭ ደርሷቸው ጉዳዩ በሰንበት ት/ቤቶች ማደራጃ መምሪያ በኩል ተጣርቶ ሪፖርቱ እንደቀረበላቸው አመልክተዋል፡፡ ለአከባበሩ ጥቂት ቀናት በቀሩበት እና የተማሪዎቹም ዝርዝር ታውቆ ዝግጅት እየተደረገ ባለበት ሁኔታ እንዲህ ያለ ውሳኔ በድንገት በመወሰን ወደ ርምጃ መገባቱ አግባብነት እንደሌለው ገልጸዋል፡፡ እግዱን ተከትሎ በአዲስ አበባ እና በሌሎች የክልል ዩኒቨርስቲዎች በሚፈጠረው ቁጣ ለሚከተለው ችግር የአዲስ አበባ ዩኒቨርስቲ ሐላፊነቱን እንደሚወስድም አሳስበዋል፡፡ 

በመሆኑም ዝርዝር ጉዳዮችን ወደፊት የቤተ ክህነቱ እና የዩኒቨርስቲው ወኪሎች ተመካክረው የመጨረሻ መፍትሔ እስኪሰጡት ድረስ ተማሪዎቹ በተለመዱት መርሐ ግብሮች አማካይነት በዓሉን ለማክበር እንዲፈቀድላቸው ጠይቀዋል፡፡
የብፁዕነታቸውን ደብዳቤ እና የፓትርያርኩን ጥያቄ መሠረት በማድረግ የትምህርት ሚኒስትሩ የተላለፈው እግድ እንዲነሣ ከዩኒቨርስቲው ፕሬዝዳንት ጋራ በመነጋገር ለሁሉም ካምፓሶች ትእዛዝ መተላለፉ ተነግሯል፡፡ 

ይሁንና በፕሬዝዳንቱ ፕሮፌሰር እድርያስ እሸቴ ፊርማ የወጣው መግለጫ ዩኒቨርስቲው ‹‹እንደወትሮው ሁሉ ከቤተሰቦቻቸው ርቀው ለሚገኙት ተማሪዎች አቅም በፈቀደ መጠን የበዓል ድባብ በሚኖረው መልኩ የምግብ እና ሌሎች የካፊቴሪያ አገልግሎቶች እንደሚኖሩ፣ በሌሊቱ ሥነ ሥርዓት ተማሪዎች ወደ ቤተ ክርስቲያን በሚሄዱባቸው እና ከቤተ ክርስቲያን በሚመለሱበት ጊዜ ከመደበኛው ፕሮግራም ውጭ ሁሉም የዩኒቨርስቲው በሮች ክፍት እንደሚደረጉ፣ ከዚህ ባሻገር ግን ማንኛውንም ዓይነት ሃይማኖታዊ ሥርዓት በዩኒቨርስቲዎች ግቢዎች ውስጥ ማካሄድም ሆነ የሌሎችን የዩኒቨርስቲውን አባላት መብት ሊነኩ የሚችሉ ማንኛውንም ዓይነት ድርጊቶች መፈጸም እጅግ በጣም የተከለከለ መሆኑን በመገንዘብ ከዚህ ዐይነቱ ድርጊት እንዲቆጠቡ›› የሚገልጽ ነው፡፡ 

ይሁንና በየግቢዎቹ ውስጥ እና መግቢያ በሮች ላይ የተለጠፈው መግለጫ ጥያቄውን ለማድበስበስ ካልሆነ በቀር እግድ የተላለፈበት የሌሊቱ የማዕድ ዝግጅት እና መንፈሳዊ መርሐ ግብሩ እንደተፈቀደ የሚያሳይ ግልጽ ትእዛዝ የተሰጠበት እንዳልሆነ ተማሪዎቹ ይገልጻሉ፡፡ ይህ ዘገባ እስከተጠናቀረበት ሰዓት ድረስ ‹ብጥብጡን አስተባብራችኋል›› በሚል ትላንት እኩለ ሌሊት ላይ እንደተወሰዱ ሳይመለሱ የቀሩት 21 ወንድሞቻቸው ዕጣ ፈንታም እንደሚያሳስባቸው አልሸሸጉም፡፡

በሌላ በኩል ዘግይቶ የደረሰን ጥቆማ እንደሚያስረዳው በየዓመቱ የልደትን በዓል ምክንያት በማድረግ በአምስት ኪሎ ቴክኖ ፋርም ግቢ ጉባኤ ተማሪዎች በካምፓሱ አዳራሽ ይዘጋጅ የነበረው የዋዜማ መርሐ ግብር በክልከላው ሳቢያ በመንበረ ፓትርያሪክ ጠቅላይ ቤተ ክህነት አዳራሽ መካሄዱ ታውቋል፡፡ ከምሽቱ 12፡30 ተጀምሮ እስከ መንፈቀ ሌሊት በቀጠለው በዚሁ መርሐ ግብር የዕለቱ ምስባክ ደርሷል፤ ቃለ ወንጌሉም ተነቧል፡፡ የዘንድሮ ተመራቂዎች ዝማሜ፣ የመንበረ ልዑል ቅዱስ ማርቆስ ቤተ ክርስቲያን ሰንበት ት/ቤት መዘምራን መዝሙር፣ ታዋቂ አርቲስቶችም መንፈሳዊ ድራማ አቅርበዋል፡፡ በጉባኤው ላይ የታደሙ የቴክኖሎጂ ፋካልቲ መምህራን በምክር፣ ሊቀ መዘምራን ኪነ ጥበብ ወልደ ቂርቆስ እና ዘማሪ ምንዳዬ ብርሃኑ በመዝሙር ተማሪዎቹን አጽናንተዋል፡፡ በዓሉን የተመለከተ ትምህርት የሰዋስወ ብርሃን ቅዱስ ጳውሎስ መምህር በሆኑት መጋቤ ሐዲስ እሸቱ ዓለማየሁ ተሰጥቷል፡፡ በተላከልን የምሽቱ መርሐ ግብር ዝርዝር ላይ እንደተመለከተው እንደወትሮው ሁሉ የብፁዓን ሊቃነ ጳጳሳት ቡራኬ እንደሚኖር የተገለጸ ቢሆንም እንዳልነበረ ታውቋል፡፡

መርሐ ግብሩ እኩለ ሌሊት ገደማ እንዳበቃ ከተማሪዎች ገሚሶቹ/እንደየመጡበት ግቢ/ ጸሎተ ቅዳሴውን ለመሳተፍ  ወደ መንበረ ልዑል ቅዱስ ማርቆስ ቤተ ክርስቲያን፣ መንበረ ፓትርያርክ ቅድስተ ቅዱሳን ማርያም ገዳም እና መንበረ ጸባዖት ቅድስት ሥላሴ ካቴድራል ልዩ ልዩ መዝሙራትን በማሰማት አምርተዋል፡፡ ከወጣው መግለጫ በተፃራሪ ከጸሎተ ቅዳሴው በኋላ ምንም ዓይነት የምግብ ዝግጅት እንደማይኖር የተረዱት የተቀሩት ተማሪዎች ደግሞ በማኅበረ ቅዱሳን ዋናው ማእከል ጽ/ቤት እና በመንበረ ጸባዖት ቅድስት ሥላሴ ካቴድራል ሰንበት ት/ቤት ለማዕዱ ዝግጅት ጉድ ጉድ ማለት መጀመራቸው ተዘግቧል፡፡

በዓሉ ሰማያውያን መላእክት እና ምድራውያን ሰዎች በጌታ መወለድ የምሥራች በአንድነት የዘመሩበት፣ ሰላም የተሰበከበት ሲሆን በተፈጠረው ነገር የተሰማንን  ቅሬታ እየገለጽን በያለንበት መልካም በዓል ያድርግልን ዘንድ መልእክታችንን እናስተላልፋለን፡፡

30 comments:

Anonymous said...

Accomplished by Anti orthodox university staffs.University politicians don't know the contribution of spirituality and generation with values in each institution....They will pay for it!

zegofa said...

This is the sign how the ethiopian orthodox church has lost her power. and how the government has no respect for the chrurch administrators.

አባቶቻችን ስራችሁን ትሰሩ እንደው ስሩ። አሁን ቁጭ ብለው የሰቀሉት ኋላ ቆሞም ማውረድ ይከብዳል። በናንተ ዘመን ቤተ ክርስቲያን ተደፈረች፤ ድምጽዋን አጣች ፡ በመናፍቃን ተወረረች። የድሮ አባቶች ግብጽ ድረስ ሄደው ክርስቲያኖችን ይታደጉ ነበር። ዛሬ ግን ለራሳችን እንኳ መሆን አቃተን።

እባካችሁን ትጉና ጸልዩ ፡ ስሩ ፡ ስልጣን ገንዘብ ሰው መፍራት ይቅርባችሁ። ለቤተ ክርስቲያን የማያስበውን ሰው ከመሃከላችሁ አስወጡ


ኡኡኡኡኡኡኡኡኡኡኡኡኡ

tad said...

Megabe haddis Eshetu is the best and AAU's move is correct.But Abune Philipos ought to concentrate on abolishing the demonic statue.

Anonymous said...

ለአዲስ አበባ ዩኒቨርስቲ ፕሬዝዳንት እና ትምህርት ሚኒስትሩ፤ የብሔራዊ መረጃ እና ደኅንነት እና ለጠቅላይ ቤተ ክህነት፤

በአሁኑ ወቅት በሀገራችን በዩኒቨርስቲዎች ፤ በትምህርት ቤቶችና በመስሪያ ቤቶች ያለተደራጁ የእምነት ድርጅቶች እንደፈለጉ ከ2-6 ሰው በማቀናጀት በ cell ደረጃ ስለፈልጉት ጉዳይ ያስተምራሉ ይቀስቅሳሉ፤ የሌላውንም እምነት ብድብቅ ያዋርዳሉ፤ ያንቋሽሻሉ፤ ማንም ግን ሃይ አይላቸውም። በተቃራኒው ግን ስለምን እንደተሰበሰቡ በይፋ የሚታወቁት ግን ይከለከላሉ ጉባዪአችው ይታገዳል።

Anonymous said...

አይ ይህች ቤተ ክርስቲያን!

ገና ከጥንት የእነሱን የኃይማኖት ባዕድነት ወደጎን ብላ ለኃይማኖቶቻቸው ወሰንን-ለሰዎቻቸውም ክብርን በመስጠት መታለልን አንድ አለች::በቤተ መንግሥት ዘንድ የነበራትን ክብርና ዋጋ በመተው የፍትህ ለማኝ ሆነች::ኃይለ እግዚአብሔር ከእርሷ ጋር እስካልሆነ ድረስ ነገ ሥልጣን ላይ ሲወጡ እንደዛሬው ሁሉ "ቤተ ክርስቲያን ትዘጋ" የሚል ሥልጣናዊ አዋጃቸውን የማንበቢያችን ጊዜ ሩቅ አይመስልም::ህሊናማ ቢኖራቸው አላውያን እንኳ የትናንትና ውለታዋን ባልዘነጉም ነበር::

ታዲያ ምን እናድርግ?

ክርስቲያን ነኝና የሁከት ምክር ከእኔ አትጠብቁ!
ነገር ግን እንደዛሬው ከተባበርን ሰፊ ቤት(ቤተ ክርስቲያን)አለችንና በውሳኔው ከመቆጨት ምን ማድረግ እንዳለብን ብንወያይ መልካም ነው:: መናፍቃን የቅሰጣ ህትመቶችና ስብከቶቻቸውን ያለማንም ሃይ ባይነት በሚነዙበት-አረማውያን መላ አካላቸውን የሚሸፍን ጽልመት የሽብርተኛ ልብስ ለብሰው የትምህርት ተቋማትን ገጽታ ባከፉበት ዘመን በግልጽ የታየን እኛ-ሥልጣንንና ክብርን ለእነሱ አሳልፈን የሰጠን እኛ ተገፋን::ስለዚህ ከዚህች ዕለት ጀምሮ ይህ ዓይነቱ ኢፍትሃዊ ፍርደ-ገምድል ወገንተኝነት በከፍተኛ ብቻ ሳይሆን በሁሉም ትምህርት ተቋማት እንዲቈም ቤተ ክርስቲያናችን ህጋዊ በሆነ አግባብ ልትታገልና መንግሥት የሃይማኖት እኩልነትን እንዲያሰፍን ልትጠይቅ ግድ ይላታል::መንግሥትም ያለምንም ቅድመ ሁኔታ ጎደሎ አሠራሩን ማረም ያለበት ይመስለኛል:: በግብጽ ክርስቲያኖች ላይ የተጀመረው ማሳደድ በእኛም ላይ የቀጠለ ይመስላል እኮ ጎበዝ! ለነገሩ በእሳት መለብለብና መታረድ ከጀመርን ቆዬን አይደል?

በተረፈ በደሉ የደረሰባችሁ እህቶቻችንና ወንድሞቻችን ባለቤቱ ብርታትን እንዲሰጣችሁ እየተመኘሁ ክርስቶስ ዛሬ ሲወለድ ሰላምን እንጅ ሁከትን አላስተማረንምና ራሳችንን በመጠበቅ በእኛ ስም የዚህችን አገር መበጥበጥ ከሚሹ ምዕራባውያንና አረባውያን ተንኮል እንድንነቃ አደራ እላለሁ::

ቤተ ክህነትም ከወትሮው በተለየ መልኩ ያሳየውን ተቆርቋሪነት በቀሪ ሥራዎቹ ቢቀጥል እንዲህ ያምርበታልና ሊመሰገን ይገባዋል::

"ናሁ ሰማእናሁ በኤፍራታ ወረከብናሁ ውስተ ዖመ ገዳም"
ሄኖክ

Anonymous said...

አይ ይህች ቤተ ክርስቲያን!

ገና ከጥንት የእነሱን የኃይማኖት ባዕድነት ወደጎን ብላ ለኃይማኖቶቻቸው ወሰንን-ለሰዎቻቸውም ክብርን በመስጠት መታለልን አንድ አለች::በቤተ መንግሥት ዘንድ የነበራትን ክብርና ዋጋ በመተው የፍትህ ለማኝ ሆነች::ኃይለ እግዚአብሔር ከእርሷ ጋር እስካልሆነ ድረስ ነገ ሥልጣን ላይ ሲወጡ እንደዛሬው ሁሉ "ቤተ ክርስቲያን ትዘጋ"የሚል ሥልጣናዊ አዋጃቸውን የማንበቢያችን ጊዜ ሩቅ አይመስልም::ህሊናማ ቢኖራቸው አላውያን እንኳ የትናንትና ውለታዋን ባልዘነጉም ነበር::

ታዲያ ምን እናድርግ?

ክርስቲያን ነኝና የሁከት ምክር ከእኔ አትጠብቁ!
ነገር ግን እንደዛሬው ከተባበርን ሰፊ ቤት(ቤተ ክርስቲያን)አለችንና በውሳኔው ከመቆጨት ምን ማድረግ እንዳለብን ብንወያይ መልካም ነው:: መናፍቃን የቅሰጣ ህትመቶችና ስብከቶቻቸውን ያለማንም ሃይ ባይነት በሚነዙበት-አረማውያን መላ አካላቸውን የሚሸፍን ጽልመት የሽብርተኛ ልብስ ለብሰው የትምህርት ተቋማትን ገጽታ ባከፉበት ዘመን በግልጽ የታየን እኛ-ሥልጣንንና ክብርን ለእነሱ አሳልፈን የሰጠን እኛ ተገፋን::ስለዚህ ከዚህች ዕለት ጀምሮ ይህ ዓይነቱ ኢፍትሃዊ ፍርደ-ገምድል ወገንተኝነት በከፍተኛ ብቻ ሳይሆን በሁሉም ትምህርት ተቋማት እንዲቈም ቤተ ክርስቲያናችን ህጋዊ በሆነ አግባብ ልትታገልና መንግሥት የሃይማኖት እኩልነትን እንዲያሰፍን ልትጠይቅ ግድ ይላታል::መንግሥትም ያለምንም ቅድመ ሁኔታ ጎደሎ አሠራሩን ማረም ያለበት ይመስለኛል:: በግብጽ ክርስቲያኖች ላይ የተጀመረው ማሳደድ በእኛም ላይ የቀጠለ ይመስላል እኮ ጎበዝ! ለነገሩ በእሳት መለብለብና መታረድ ከጀመርን ቆዬን አይደል?

በተረፈ በደሉ የደረሰባችሁ እህቶቻችንና ወንድሞቻችን ባለቤቱ ብርታትን እንዲሰጣችሁ እየተመኘሁ ክርስቶስ ዛሬ ሲወለድ ሰላምን እንጅ ሁከትን አላስተማረንምና ራሳችንን በመጠበቅ በእኛ ስም የዚህችን አገር መበጥበጥ ከሚሹ ምዕራባውያንና አረባውያን ተንኮል እንድንነቃ አደራ እላለሁ::

ቤተ ክህነትም ከወትሮው በተለየ መልኩ ያሳየውን ተቆርቋሪነት በቀሪ ሥራዎቹ ቢቀጥል እንዲህ ያምርበታልና ሊመሰገን ይገባዋል::

"ናሁ ሰማእናሁ በኤፍራታ ወረከብናሁ ውስተ ዖመ ገዳም"
ሄኖክ

Anonymous said...

አይ ይህች ቤተ ክርስቲያን!
ገና ከጥንት የእነሱን የኃይማኖት ባዕድነት ወደጎን ብላ ለኃይማኖቶቻቸው ወሰንን-ለሰዎቻቸውም ክብርን በመስጠት መታለልን አንድ አለች::በቤተ መንግሥት ዘንድ የነበራትን ክብርና ዋጋ በመተው የፍትህ ለማኝ ሆነች::ኃይለ እግዚአብሔር ከእርሷ ጋር እስካልሆነ ድረስ ነገ ሥልጣን ላይ ሲወጡ እንደዛሬው ሁሉ "ቤተ ክርስቲያን ትዘጋ"የሚል ሥልጣናዊ አዋጃቸውን የማንበቢያችን ጊዜ ሩቅ አይመስልም::ህሊናማ ቢኖራቸው አላውያን እንኳ የትናንትና ውለታዋን ባልዘነጉም ነበር::
ታዲያ ምን እናድርግ?
ክርስቲያን ነኝና የሁከት ምክር ከእኔ አትጠብቁ!
ነገር ግን እንደዛሬው ከተባበርን ሰፊ ቤት(ቤተ ክርስቲያን)አለችንና በውሳኔው ከመቆጨት ምን ማድረግ እንዳለብን ብንወያይ መልካም ነው:: መናፍቃን የቅሰጣ ህትመቶችና ስብከቶቻቸውን ያለማንም ሃይ ባይነት በሚነዙበት-አረማውያን መላ አካላቸውን የሚሸፍን ጽልመት የሽብርተኛ ልብስ ለብሰው የትምህርት ተቋማትን ገጽታ ባከፉበት ዘመን በግልጽ የታየን እኛ-ሥልጣንንና ክብርን ለእነሱ አሳልፈን የሰጠን እኛ ተገፋን::ስለዚህ ከዚህች ዕለት ጀምሮ ይህ ዓይነቱ ኢፍትሃዊ ፍርደ-ገምድል ወገንተኝነት በከፍተኛ ብቻ ሳይሆን በሁሉም ትምህርት ተቋማት እንዲቈም ቤተ ክርስቲያናችን ህጋዊ በሆነ አግባብ ልትታገልና መንግሥት የሃይማኖት እኩልነትን እንዲያሰፍን ልትጠይቅ ግድ ይላታል::መንግሥትም ያለምንም ቅድመ ሁኔታ ጎደሎ አሠራሩን ማረም ያለበት ይመስለኛል:: በግብጽ ክርስቲያኖች ላይ የተጀመረው ማሳደድ በእኛም ላይ የቀጠለ ይመስላል እኮ ጎበዝ! ለነገሩ በእሳት መለብለብና መታረድ ከጀመርን ቆዬን አይደል?
በተረፈ በደሉ የደረሰባችሁ እህቶቻችንና ወንድሞቻችን ባለቤቱ ብርታትን እንዲሰጣችሁ እየተመኘሁ ክርስቶስ ዛሬ ሲወለድ ሰላምን እንጅ ሁከትን አላስተማረንምና ራሳችንን በመጠበቅ በእኛ ስም የዚህችን አገር መበጥበጥ ከሚሹ ምዕራባውያንና አረባውያን ተንኮል እንድንነቃ አደራ እላለሁ::
ቤተ ክህነትም ከወትሮው በተለየ መልኩ ያሳየውን ተቆርቋሪነት በቀሪ ሥራዎቹ ቢቀጥል እንዲህ ያምርበታልና ሊመሰገን ይገባዋል::
"ናሁ ሰማእናሁ በኤፍራታ ወረከብናሁ ውስተ ዖመ ገዳም"
ሄኖክ

Anonymous said...

አይ ይህች ቤተ ክርስቲያን!

ገና ከጥንት የእነሱን የኃይማኖት ባዕድነት ወደጎን ብላ ለኃይማኖቶቻቸው ወሰንን-ለሰዎቻቸውም ክብርን በመስጠት መታለልን አንድ አለች::በቤተ መንግሥት ዘንድ የነበራትን ክብርና ዋጋ በመተው የፍትህ ለማኝ ሆነች::ኃይለ እግዚአብሔር ከእርሷ ጋር እስካልሆነ ድረስ ነገ ሥልጣን ላይ ሲወጡ እንደዛሬው ሁሉ "ቤተ ክርስቲያን ትዘጋ"የሚል ሥልጣናዊ አዋጃቸውን የማንበቢያችን ጊዜ ሩቅ አይመስልም::ህሊናማ ቢኖራቸው አላውያን እንኳ የትናንትና ውለታዋን ባልዘነጉም ነበር::

ታዲያ ምን እናድርግ?

ክርስቲያን ነኝና የሁከት ምክር ከእኔ አትጠብቁ!
ነገር ግን እንደዛሬው ከተባበርን ሰፊ ቤት(ቤተ ክርስቲያን)አለችንና በውሳኔው ከመቆጨት ምን ማድረግ እንዳለብን ብንወያይ መልካም ነው:: መናፍቃን የቅሰጣ ህትመቶችና ስብከቶቻቸውን ያለማንም ሃይ ባይነት በሚነዙበት-አረማውያን መላ አካላቸውን የሚሸፍን ጽልመት የሽብርተኛ ልብስ ለብሰው የትምህርት ተቋማትን ገጽታ ባከፉበት ዘመን በግልጽ የታየን እኛ-ሥልጣንንና ክብርን ለእነሱ አሳልፈን የሰጠን እኛ ተገፋን::ስለዚህ ከዚህች ዕለት ጀምሮ ይህ ዓይነቱ ኢፍትሃዊ ፍርደ-ገምድል ወገንተኝነት በከፍተኛ ብቻ ሳይሆን በሁሉም ትምህርት ተቋማት እንዲቈም ቤተ ክርስቲያናችን ህጋዊ በሆነ አግባብ ልትታገልና መንግሥት የሃይማኖት እኩልነትን እንዲያሰፍን ልትጠይቅ ግድ ይላታል::መንግሥትም ያለምንም ቅድመ ሁኔታ ጎደሎ አሠራሩን ማረም ያለበት ይመስለኛል:: በግብጽ ክርስቲያኖች ላይ የተጀመረው ማሳደድ በእኛም ላይ የቀጠለ ይመስላል እኮ ጎበዝ! ለነገሩ በእሳት መለብለብና መታረድ ከጀመርን ቆዬን አይደል?

በተረፈ በደሉ የደረሰባችሁ እህቶቻችንና ወንድሞቻችን ባለቤቱ ብርታትን እንዲሰጣችሁ እየተመኘሁ ክርስቶስ ዛሬ ሲወለድ ሰላምን እንጅ ሁከትን አላስተማረንምና ራሳችንን በመጠበቅ በእኛ ስም የዚህችን አገር መበጥበጥ ከሚሹ ምዕራባውያንና አረባውያን ተንኮል እንድንነቃ አደራ እላለሁ::

ቤተ ክህነትም ከወትሮው በተለየ መልኩ ያሳየውን ተቆርቋሪነት በቀሪ ሥራዎቹ ቢቀጥል እንዲህ ያምርበታልና ሊመሰገን ይገባዋል::

"ናሁ ሰማእናሁ በኤፍራታ ወረከብናሁ ውስተ ዖመ ገዳም"
ሄኖክ

Anonymous said...

በእውኑ ለዚህች አገር የዚህች ቤተ ክርስቲያን ውለታ ይህ ነውን?
የተቸገረን በረዳች-የተሰደደን ባስጠጋች-የአእምሮን ጨለማ በዕውቀት ብርሃን በገለጠች-በአገር ክብር ላይ የመጣን ጠላት ታቦታቶቿን ወደጦር ግንባር በመላክ በልጆቿ መስዋዕትነት አሳፍራ በመለሰች:: እንደኛ ክብሩን ያቃለለ ማን አለ?
ወሮታዋ ልጆቿን በአረማውያን እሳትና ሰይፍ ማጣት: በመናፍቃን በየአደባባዩ በግልጽ መሰደብ:የአምልኮ ሥፍራዎቿን መደፈርና መነጠቅ እንዲሁም ማውደም ሆነ::
በአረማውያን መሃል የሚኖሩ የግብጽ ክርስቲያኖችስ ከዚህ በላይ ምን ሆኑ?
ዛሬ ደግሞ ከትናንትናው የቀጠለ ክፍል መሆኑ ነው መናፍቃን ሃይማኖትን በየዶርሚተሪው እየዞሩ በገሃድ በሚሰብኩበት: አረማውያን ተቋማት የአረብ ሪፐብሊክ እስኪመስሉ ድረስ ከራስ ፀጉር እስከ እግር ጥፍራቸው ድረስ ጽልመት ለብሰው ግልጽ ዓላማቸውን በሚያራምዱበት ተቋም የዓመት በዓልን ጠብቀን ለማክበር መከልከላችን?
ለነገሩ "አያያዜን ቢያዩኝ ጭብጦዬን ቀሙኝ"ነው ጉዳዩ:: መልካም ነው ነገም በዚህች አገር ላይ "አብያተ ክርስቲያናት ይዘጉ"የሚል ጦማር ከዚህ ፍርደ-ገምድል መንግሥት እንጠብቃለን::በሃይማኖት እኩልነት ሰበብ እንደቀልድ ከጨዋታ ውጭ እያደረጉን ሳይሆን አይቀርም::እኛም ጥሩ እንቅልፍ እየተኛን ነዋ!
henok

Anonymous said...

I really do support and share the brilliant idea of Zegofa, as he put briefly the sign of our Church losing power. If we start saying ok. for everything what we have been asked, it will be an inevitable duty in the near future we might be requested not to go to the Church except Sundays. Our fathers should be aggressive in this matter to support orthodoxy to show its strength. Our fathers must work with the university authorities so that the twenty-one prisoners, whose whereabout is still unknown, should be relaesed.

እኔው ዜጋዋ said...

የዩኒቨርሲቲው ተማሪዎች እንደ መግለጫ አውጪ አመራሮቹ የሱስና የዝሙት ተገዢዎች ሆነው እንዲታደሙ፣ ምናልባት መጨረሻቸውም አጥንታቸው ገጦ በተማሩበት ደረጃ የማይጠበቅ የተዋረደ ማንነት /ፊዚካል እና ጤና/ እንዲይዙ ለማበረታታት ሊሆን ስለሚችል ብቻቸውን ከሚዋረድ አጃቢያቸው በዛ ሲል ለእነሱም የሚኮሩበት ሙያ ይሆንላቸዋል።
ቁም ነገሩ ግን ሃይማኖት ማንነት/አይደንቲቲ/ ነውና ዓላማቸውን ደግመው እንዲመረመሩ አደራ እላቸዋለሁ፤ ለቅሶ የተፈጠረው ሰው ከሐዘኑ እንዲጽናና ቢሆንም አልቅሰውም የማይለቃቸው ሐዘን እንዳይገጥማቸውም እንዲያስቡ እመክራቸዋለሁ። ከማንም ይልቅ /መንግሥትን ጨምሮ/ ለትውልዱና ለሀገሪቱ ንቃተ ኅሊናና ክብር እንደቤተክርስቲያን የደከመም የተጎዳም የለምና።

Anonymous said...

ሐማም ለሚስቱ ለዞሳራና ለወዳጆቹ ሁሉ ያገኘውን ሁሉ አጫወታቸው። ጥበበኞቹና ሚስቱ ዞሳራም። በፊቱ መውደቅ የጀመርህለት መርዶክዮስ ከአይሁድ ወገን የሆነ እንደ ሆነ በፊቱ ፈጽሞ ትወድቃለህ እንጂ አታሸንፈውም አሉት።

And Haman told his wife Zeresh and all his friends everything that had happened to him. Then his wise men and his wife Zeresh said to him, “If Mordecai, before whom you have begun to fall, is of the Jewish people, you will not overcome him but will surely fall before him.” Aster 6:13

Dear Brothers and Sisters;
Enemies of God within the Church has started falling before God's ppl and they will soon be hanged on the cross they made for innocent followers of Juses. As it is written
በንጉሡም ፊት ካሉት ጃንደረቦች አንዱ ሐርቦና። እነሆ ሐማ ለንጉሡ በጎ ለተናገረው ለመርዶክዮስ ያሠራው ርዝመቱ አምሳ ክንድ የሆነው ግንድ በሐማ ቤት ተተክሎአል አለ። ንጉሡም። በእርሱ ላይ ስቀሉት አለ። ሐማንም ለመርዶክዮስ ባዘጋጀው ግንድ ላይ ሰቀሉት፤ በዚያም ጊዜ የንጉሡ ቍጣ በረደ።
ሐማንም ለመርዶክዮስ ባዘጋጀው ግንድ ላይ ሰቀሉት፤ በዚያም ጊዜ የንጉሡ ቍጣ በረደ።
Then Harbona, one of the eunuchs in attendance on the king, said, “Moreover, the gallows that Haman has prepared for Mordecai, whose word saved the king, is standing at Haman's house, fifty cubits high.”
And the king said, “Hang him on that.” So they hanged Haman on the gallows that he had prepared for Mordecai. Then the wrath of the king abated. Aster 7:9-10

Anonymous said...

ሄኖክ የሰጠኸው አስተያየት እዚህ ግባ የማትለው ቅዠት ነው። ትንሽ ለስሙ የወንድነት ባህርይ ኣታሳይም? አልቃሽ! እኔ ጭራሽ ፈሪና ተስፋ የቆረጠ ሰው አልወድም፤ ልክ ለቀብር የታደምክ አስለቃሽ መሰልከኝ። ቤተ ክርስቲያን ይህን አጣች ከማለትህ ሕይወትን የሚሰጥ ሥራ አትሰራም ወይም የሚያበረታታ መንፈስ ኡፍ አትልም?
የጎደለብን ቢኖር ሐይላችን ወደ ተለያየ የሥራ ዘርፍ በመመደቡ ብቻ ነው፤ ወደ አንድ ማዕድ ተሰብሰበን ምን የመሰለ ተአምር የምንሰራበት ጊዜ ተቃርቧል፤ ብቻ እንደ ስምዖን ጸልይ የኢሳይያስ ትንቢት ሲፈጸም ታየዋለህና!

Don't repeat your phobia!!!

Ze-k

Desalew said...

gibe benberhubet gezie sinaderg yenberew tiz algnna hoden basegn! ALEKSKUM!

ምጥው ለአንበሳ said...

በኦርቶዶክስ ቤተ/ክ ልጆች ላይ በከፈተኛ ተቆማት ተማሪዎች ላይ
የለደት በዓለን እንዳያከብሩ መታገዱ እጅግ በጣም የሚያሳዝን ነው ምንም እንኳን የተምህርት ተቋም ቢሆንም ከወላጆቻቸው ርቀው የሚገኙ ተማሪዎች በአሉን በአንድ ላይ ተሰባስበው ቢያከብሩ ችግሩ እምን ላይ ነው እስከዛሬ ድረስ የተከሰተ አንድም ችግር የለ።
ችግር ፈጣሪዎቹ መመሪያውን ያስተላለፋችሁት ካልሆናችሁ በቀር።
ጾሙን አሳልፈው የጌታን በዓል በደስታ እንዳያከብሩ ማድረጋችሁ ኧረ ለመ ሆኑ ለምን ይሆን? እስከዛሬስ ቁጭ ብላችሁ አንድቀን ሲቀር መከልከላችሁ የተሰጣችሁን የቤት ሥራ ማስፈጸም እንደሆነ ይታወቃል። ይህ ደግሞ በኦርቶዶክሳውያኑ ላይ መጀመራችሁ ምንነታችሁን ይበልጥ አሳይቷል።
ይህን መመሪያ ያወጣ ሰው ከሰላም ይልቅ ብጥብጥ የናፈቀው የራሱን ዘመን ታሪክ አበላሽቶ የዚህንም ትውልድ ታሪክ ለማበላሸት የተነሳ እቡይ የሆነ ተምሬያለው ብሎ የሚያስብ ግን ገና ያልተማረ ውሉድ ሄርድስ ነው።
በጠቅላይ ቤተ ክህነቱ የተሰራው ሥራ የሚያስመሰግን ነው። ግን ብዙ መስራት ይጠበቅብናል ነገ የልደትን በአል በብሔራዊ ደረጃ አታክብሩ ሊሉን ሁሉ ይችላሉ እንደነዚህ አይነት ቅጥረኞች። ቤተ ክርስቲያን በተለያየ ሁኔታ ድምጾ እንዳይሰማ ተደርጓል።
መንግስት የሰጣቸው ኃላፊነት ለግል አላማቸውና ለቅጥረኝነታቸው ማስፈጸሚያ ሲያውሉት ተማሪውን በበዓል እስር ቤት እንዲገባ ሲያደርጉት ከዚህ የበለጠ ግፍ ምን አለ። ከቤተሰብ ርቃችሁ ለመብታችሁ ጥያቄ ስታቀርቡ ለታሰራችሁና በተለያዩ ተቋማት ላላችሁ ተማሪዋች ሁሉ በያላችሁበት መልካም የጌታ የልደት በዓል እንዲሆንላችሁ እመኛለሁ።

Anonymous said...

Obviously either the government or the church is leading by very few people from Adwa. The rest are just pimps like Endrias Eshete. He got his education in boarding school by Ethiopian tax payers money and now paying back our beloved country by working with TPLF. I think Endrias is FUNDAMENTAL MUSLIM .he already start fighting against Christian.it is really sad this kind of mentality in the 21st century.
THE TIME WILL COME !!!

lemma kefy. said...

this is sign how our religion is true.no matter we will pass by the God!!!!

ssbb23 said...

mengist halafinetun tiwesidaleh!
yehaymanot gichit yemiyametawu yihie aynetu dirgit enji gibi wusit makiber ayidelem....
bekirbu tayalachihu .....
bicha tebiku....
ewunet endechira bitmeneminm atibetesim...
"haymanotihn tebik" atse yohannis
"haymanotihn akibir"atse tewedros
"haymanotihn wuded" atse minilik
"haymanotih tikikilegna newun teketelewu" haile selassie
ahun gin enie"lehaymanotih angetikin siti ellalehu....

Anonymous said...

The Government of Eth leads this country as he like not by the rule.
In the campus there is so many political problem but one day there will a big mess.Religion cases should be appreciated and treated fairly.Try to do research Prof Anderias.Infact u have no religion.For this country to be a loyal country EOTC plays great role.Read Read..
Release the arrested students.

Anonymous said...

This has nothing to do with the identity of Endrias. It is unfortunate it has strated with you ppl but it will continue with others including Musilms and Christians as well
I wonder what would you folks say had it been started on muslims or Christians holyday. What makes Orthos so special are u still claiming siso government infact it looks very much like it from the letter of so called head of Ortho quoted as saying " the University is responsible for any outcome of this "
What does it mean? Are you going to declare war or call warth from heaven on the University.
I would like to bring to your attention you Orthos are responsible for any wrong outcome of these incidents including those poor students under the police castody whose fate could still not clear. You know the government could dismis them or penalize them a year or so.
Debras

Mekonnen Aderaw said...

This is among the deliberately designed strategies to degrade religious values in EOTC as usual. Now, of course I am feeling shame on my brothers and sisters in the university. If we move out this year, this will be an assurance that we are always retreating from questing our rights. What is so different this year to have this regulation by the university? I believe the letter by Abune Philpos was something very encouraging to stay in Lidet hall and see what could happen. This should not be left as it is. We should have to continue pressuring the university to apologize what they did and we have to make sure that such vandalism will not be done again by the university for the coming Easter and any time.

God Bless Ethiopia!!!

ሥጋችን ለሚገድሉ አንፈራም said...

cአንዲት ቀጭን መልእክት ብቻ ልናገር፦ ቤተ ክርስቲያኔን ለ15 ዓመታት ያህል አስተምራኛለች፤ በተቻለ መጠን ራሴን ማወቅ ጀምሬያለሁ፤ ኦርቶዶክስ ሐይማኖት ከ ‘ቤዚክ ነሰሲቲ’ በላይ መሆኑን ተረድቻለሁ። በአሁን ወቅት የካቶሊክ ቤተ ክርስቲያን መናፍቅና ነብሰ ገዳይ የሆነው ኦባማ ውርጃን በመፍቀዱ በቀጣዩ ምርጫ እንዳይመረጥ ትግሏን እያሳየች ናት። እነሆ እኛም መንግስት የያዘው ሐይማኖታችንን የመደለዝ ዕቅድ የማያቆም ከሆነ ለእውነተኛ ሐይማኖታችን ሲባል ቤት ለቤት፣ቤተ ክርስቲያን፣ ገዳም ለገዳም፣መንፈሳዊ ተቋሞቻችንና ማሕበሮቻችን፣ ባጭሩ የኦርቶዶክስ እምነት ተከታይ ባለበት ቦታ ሁሉ እየሄድን ቅስቀሳችን የምንጀምር መሆናችን እኔ በራሴ ወስኛለሁ። ይህን ሥራ አልቃይዳነት እንዳልሆነ ብቻ ሰው እንዲረዳልን እፈልጋለሁ።

mebrud said...

ከስሜት እንውጣና እናስብ ወገኖቼ፣
ሁላችንም እንደምናስበው በኢአማንያን፣በመናፍቃን ስውር አላማ የወጣ ሕግ ነው? ወይስ የበአላት አከባበር በሃይማኖት ላለመቻቻል አሉታዊ ጎን ስላለው ነው ብለን በጥልቀት እንመርምረው፡፡
ብዙዎቻችሁ እንደተነተናችሁት ሌላ ምክንያት ካለው አንድ ነገር ልብ ይሏል
ክርስትናና ሚስማር ሲመቱት ይጠብቃል፡፡
ለክርስቲያን የማይመች ሚባል ነገር የለም
ቅ.ጊዮርጊስ አንዳያማትብ በከለከሉት ጊዜ አምልኮቱን ለመፈጸም ሌላ ዘዴ አመጣ በቃ ክርስትና እንዲህ ነው።

ሊመከርበት የሚገባ ጉዳይ ይመስለኛል፡፡
እኛምኮ አንዳንዴ ችግር አለብን፡፡
ለምሳሌ፡-መጽሐፍ ቅዱስ ቃል ጠቅሰን ከኛ እምነት ውጭ የሆኑት ለማሸማቀቅ መሞከር፣የክርስትና አይመስለኝ።
ከሰው ሁሉ ጋር በፍቅር ለመኖር ገብቶናል ወይ?
ፕሮቴስታንቱ አልበራልህም።አልዳንክም እያሉ የሚናገሩትን አይነት ዘለፋ እኛ ደጅ እባካችሁ አንስማው።ለሚያሳድዳችሁ እ....ጨርሱት፡፡
ይልቁንስ ባለፈው ከመቆዘም መጪው ጥምቀትን እንዴት በደመቀ ሁኔታ ልናከብረው እንደምንችል ብንመካከር መልካም ይመስለኛል፡፡የአምናውን የተቀናጀ፤ ስርዓት የተሞላበትና መንፈሳዊ ጥምቀት በዓል ዘንድሮ እንዴት ውብ አድርግን እንድገመው?
በዚህም እግዚአብሔር ሲመሰገን ሊከፋው የሚችል ካለ አሸነፍነው ማለት ነው።
ደጀ ሰላም ይህን ርዕስ ቢበቃውና ስለሚመጣው ጥምቀት አከባበር አሳታፊ ርዕስ ብትለቁ ምን ይላችኋል?

ምጥው ለአንበሳ said...

መብሩድ ጥሩ የሆነ ሃሳብ አቅርበሃል። ባለፈው የጥምቀት በዓል በሚያሰስደንቅ ሁኔታ ወጣቱ በራሱ ተነሳሽነት ኧክብሮታል ያንን
ሲያደርጉ ለምንጣፉ ለቄጤማው ለጸብል ጸዲቁ ለቲሸርቱ ቀላል የሚባል ወጪ እንዳላወጡ እርግጠኞች ነን። በርግጥ ቢዝነስ ማይንድ የሆኑ ግለሰቦች በሲዲ እያባዙ በዓለም ዙርያ እየቸበቸቡት ይገኛሉ።ለእንደዚህ አይነት በዓላት እንደዚህ ዓይነት ዝግጅቶች የሚያዘጋጅ በየደብሩ ባሉ በሰንበት ት/ቤቶች ወይንም በመንፈሳዊያን ማሕበራት በኩል ቢሰራና ዝግጅቱ ባዓለም አቀፍ ደረጃ ቢካሄድ ግለሰቦች ምንም ባለፉበት ነገር የሚያደርጉትን ኪራይ ሰብሳቢነት ማስቀረት ሲችል የሰንበት ት/ቤቶችን የገንዘብ አቅም ሊያጎለብት ይችላል። ጊዜው መቃረቡ ቢሆን ቢያንስ በውጩ ዓለም ያለን $5/አምስ ትዶላር ክመናውቀው ሰው አሰባስበን ብንልክ ሞራል ይሆናቸዋል። ለማንኛውም ሃሳቡን ደጀ ሰላም ርዕስ አድርገሽው ብንወያይበት።

Anonymous said...

Yigermal!!!!!!!!
Ethiopia Orthodoks be amat 1 / 2 kani
makiber tekelekelechi!
Lelawu gin worun mulu beuniversity wusti yakebiral.
higu yemiserawu le orthodoks bicha lemin hone? miniatefachi? andinet silesebekechi! hizbun bemelikam silastemarech!
bitasebibet!!!!!!!!!!

Anonymous said...

Yigermal!!!!!!!!
Ethiopia Orthodoks be amat 1 / 2 kani
makiber tekelekelechi!
Lelawu gin worun mulu beuniversity wusti yakebiral.
higu yemiserawu le orthodoks bicha lemin hone? miniatefachi? andinet silesebekechi! hizbun bemelikam silastemarech!
bitasebibet!!!!!!!!!!

Anonymous said...

Ethiopian is no longer a christian nation what ever the reason might be. National universities are places where Ethiopians (not just orthodox faithful) go to in order to attend secular wisdom; so, it's obvious that religious festivals inside university premises attract conflict among the different faithfuls and non-believers.So, it's advisable to seek accommodation for such festivals elsewhere (a church or so in this case).

ዲ/ን ኃይለ ሚካኤል ዘአዲስ said...

ስንት የቤተክርስቲያናችን ነገር ዳሩ ስደፈር መሃሉ ዳር ይሆናል እንደምባል እየሆነ ሁላችንም ሆዳችን እየባሰ በዉይይት አንድ አቅጣጫ የሚጠቁም ጠፍቶ ዝምታ መርጠናል

ይዞታዎቿ አለአግባብ ሲነጠቁ፡አፅራረ ቤተክርስቲያን ሕግ ባለበት ሀገር ባልተገራ አንደበታቸው ስሳደቡ ወዘተርፈ ባለቤት ካልጮሄ .......እነንደሚሉት ሆነናል መሰለኝ

የአቡነ አኖርዮስ ገዳም ሶፍ ኡመር ሲባል ፡ያልነበረ የአሕዛብ ንጉሥ ከነስሙ ተፈጠጥሮ ታሪክ ስበረዝ ፡ በ1980ዎቹ ዓ.ም በባሌ ክ/ሀ ከወደሙት አቢያተ ክርስቲያናት actual jihad-ism እስከ ለምን ግቢ ገብርኤል፡መስቀል አደባባይ ወዘተርፈ ይባላል እስከሚለዉ intellectual jihad-ism ሲካሄድብን ፡በአንፃሩ 1 የአረበኛ ፅሑፍ ስለተቀደደ ከዳር እስከዳር ስታመስ፡ቀደደ የተባለዉ ተማሪ ያለፍርድ ከትምህርት ገበታዉ ስታገድ፡



ፕሮቴስታንቱ ሕግ ባለበት ሀገር በአባቶቻችን ስም ፊልም እየሰራ ስሳለቅብን ፡ሃይማኖታችንን በግልፅ በማን አለብኝነት እየተሳደበ ስደነፋ፡በቻለበት እንዲሁ ምዕመናንን ስጨቁን ዝም አልን ! በቃ በሁሉም ዝም አልን!ስንሰደብ ዝም፡ስንጎተት ዝም ፡ስንወጋ ዝም!በሁሉም ዝም!ለመሆኑ አለን
ታዲያ እነዚህ ሞተዋል ብሎ ለመቅበር ባይመጣ ነዉ የሚገርመዉ፡፡
እስኪ ሞተዋል ብለው ለመቅበር ከመምጣታቸዉ በፊት እስኪ እንዳልሞትን እናሳዉቅ፡፡ አፈር ከተመለሰ ያስቸግራልና፡፡

ስለዚህ ቢያንስ ባለበት እንዲቆም አንድ ብባል መልካም ነው

Anonymous said...

i think the most important thing is looking back to what the reality is. Yes, i agree that our brothers and sisters in universities have the right to exercise their religion. But what was our response when the muslims were forbidden to wear their veil? As Christians, we have to have equal concern for others as we have for ourselves. Because,this is what Jesus told us-LERASIH YEMITWEDEWIN LEBALINJERAH WIDED.

Anonymous said...

1.tiguna tseliyu....
2.mebtina gidetachinin inweq
3.ristachinin anilqeq
4.yebekulachinin iniweta

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)