January 27, 2011

“ነጻው ሚዲያ” ስለ ቤተ ክርስቲያን ባለው አመለካከት “ነጻ” መሆኑን ያሳይ

  • ኦርቶዶክሳዊ ፀሐፊዎች እየመሰሉ፣ በመግቢያቸው “ወያኔ ይውደም” የሚል ማባበያ ቃል እየጨመሩ ነገር ግን “ቤተ ክርስቲያን ትውደም” የሚለውን ግብ ያነገቡ ጽሑፎች በየዕለቱ ማንበብ ይዘናል።
(ደጀ ሰላም፤ ጃኑዋሪ 26/2011፤ ጥር 18/2003 ዓ.ም)፦በተለምዶ “ነጻ ሚዲያ” እየተባለ የሚጠራው ከመንግሥት ቁጥጥር ውጪ የሆነውና በተለያዩ ግለሰቦች እና ቡድኖች የሚንቀሳቀሰው ሚዲያ ነው። “ሚዲያ” ያልነውን ራሱን ከለተመለከትነው ደግሞ የሕትመት ውጤቶችን ማለትም ጋዜጣና መጽሔቶችን፣ የኤሌክትሮኒክስ ሚዲያውን ማለትም ሬዲዮና ቴሌቪዥኑን፣ እንዲሁም ድረ ገጾችን ሁሉ ያጠቃልላል። እነዚህን ሁሉ ጠቅልሎ በማጥናት ስለ ቤተ ክርስቲያናችን የሚያስተላልፉትን ለመመልከት ብዙ ጊዜ እና የሰው ኃይል እንዲሁም ገንዘብ የሚጠይቅ ቢሆንም በመጠነኛ የወፍ በረር (Birds Eye-view) ቅኝት ያገኘነውን ሐሳብ መነሻ አድርገን ትዝብታችንን ለመጠቆም እንደማይከለክለን እንረዳለን።

ድረ ገጾችን በተመለከተ ያለውን ስብጥር ቀረብ ብሎ ለተመለከተ ሰው አብዛኞቹ ኢትዮጰያውያውን ድረ ገጾች ዋና አትኩሮታቸው ፖለቲካ ነው። ይህም እጅግ ጽንፈኝት ያለበት፣ የአንድ ወገን ደጋፊነት ብቻ የሚንጸባረቅበት ነው ማለት ይቻላል። በአንድ ወገን በሥልጣን ላይ ያለውን መንግሥት አምርሮ የሚጠላ ሚዲያ (ከ www.ethiopianreview.com/ እስከ www.quatero.net/)፣ በሌላ በኩል ደግም መንግሥትን እንደ ነፍሱ የሚወድ (ከ www.ethiopiafirst.com/ እስከ www.aigaforum.com/) ሚዲያ ነው። ዜናዎቹና ሐተታዎቹ፣ ርዕሰ አንቀጾቹ እና ትንታኔዎቹም በዚሁ መልክ የተቀረፁ ናቸው። ወይ ደጋፊ ሆነው የሚያጸድቁ አሊያም ደግሞ ነቃፊ ሆነው የሚያሰየጥኑ (ሰይጣን የሚያደርጉ)። በሁለቱ መካከል ያለ ኢትዮጵያዊ ሚዲያ እና ድረ ገጽ ማግኘት እጅግ አስቸጋሪ ነው። በመጽሐፍ ቅዱስ እንዳለው “ከእኛ ወገን ነህ ወይስ ከጠላቶቻችን ወገን?” የሚል ጥያቄ ያለበት ጊዜ ነው።

ዋናው ትኩረታችን ስለነዚህ ድረ ገጾች ፖለቲካዊ አቋም መገምገም ባይሆንም “በፖለቲካቸው ውስጥ” ቤተ ክርስቲያኒቱ የምትነሣበት መንገድ ከዕለት ወደ ዕለት አሳሳቢ ወደሆነ ደረጃ እያዘገመ በመሆኑ የራሳችንን ሐሳብ ማካፈል ግድ ስላለን ነው።  በነዚህ ሁለት ወገን ጽንፈኛ የአገራችን ድረ ገጾች ግምገማ ቤተ ክርስቲያን ከአንዱ ወገ ትፈረጃለች። አባቶችም ጭምር። በሀገር ቤት ያለው ቤተ ክህነት እስከ ግሳንግሱ “የወያኔ ነው”፤ በውጪ ያሉት አብያተ ክርስቲያናት እና አባቶች ደግሞ ከነግሳንግሳቸው “የተቃዋሚዎች ናቸው” የሚል ድምዳሜ ላይ የተደረሰ ይመስላል።

ይህ ስሌት ፖለቲካዊ ስሌት ስለሆነ ተቃውሞውም ፖለቲካዊ ሆኖ ቆይቷል። ይሁን እንጂ ከቅርብ ጊዜያት ወዲህ በተለይም “የወያኔ” የተባለውን ቤተ ክህነት “ለማጥቃት እና ወያኔን ለመጉዳት” የሚፈልገው ከአገር ውጪ ያለው ሚዲያ ከፖለቲካዊ ሐተታ በዘለለ ኦርቶዶክሳዊቱን የተዋሕዶ እምነት በይፋ ከሚቀናቀኑ ወገኖች እና ፀሐፊዎች ጋር በመቆም ላይ ይገኛል።

ሚዲያዎቹ የቤተ ክርስቲያን ተቃዋሚዎች መጠቀሚያ የሆኑት አብዛኞቹ በሥልጣን ላይ ያለውን ፓርቲ ለመቀናቀን ካላቸው ፍላጎት ነው። የሚዲያው ባለቤቶች ስለ ነገረ ሃይማኖት ያላቸው ዕውቀት ውሱንነት ለእምነታቸው በጎ ያደረጉ እየመሰላቸው ቤተ ክርስቲያናቸውን እንዲጎዱ እያደረጋቸው ነው። ኦርቶዶክሳዊ ፀሐፊዎች እየመሰሉ፣ በመግቢያቸው “ወያኔ ይውደም” የሚል ማባበያ ቃል እየጨመሩ ነገር ግን “ቤተ ክርስቲያን ትውደም” የሚለውን ግብ ያነገቡ ጽሑፎች በየዕለቱ ማንበብ ይዘናል። በፕሮቴስታንታዊ ቅኝት የሚዘፍኑ የተሐድሶ ቡድኖች ወይም ለኢትዮጵያ ድህነት ታሪካዊ ምክንያት ኦርቶዶክስ ተዋሕዶ ናት የሚለው ታሪካዊ ማስረጃ የጎደለው ጥራዝ ነጠቅ አመለካከት አራማፀረ ተዋሕዶ ፀሐፊዎች ሚዲያዎቹን እንደፈለጉት በመጠቀም ላይ ናቸው።

የኢትዮጵያ መንግሥት በእምነት ውስጥ ጣልቃ ገብቷል ብለው የሚከሱ ወገኖች ያውም ቤተ ክርስቲያኒቱ ስለ ትምህርተ ሃይማኖቷ መልስ እንድትሰጥ ዕድል ባልተሰጣት ሁኔታ ለተቃዋሚዎቿ ብቻ በር በመክፈት የአጽራረ ተዋሕዶ ዒላማ ማድረግ በየትኛውም መመዘኛ ቢሆን ሚዛናዊ አይሆንም። መንግሥትን በሚከሱበት ጉዳይ እነርሱም ተጠያቂዎች ሆነዋል ማለት ነው። ልዩነቱ መንግሥት አዲስ አበባ እነርሱ በአውሮፓ፣ አሜሪካ እና አውስትራሊያ መቀመጣቸው ነው።

ከዚህ በፊት በአንድ መልእክታችን እንዳልነው ተራሮችን አንቀጠቀጥኩ የሚለው የኢሕአዴግ ቡድንም ሆነ “ያ ትውልድ” የሚባለው የኢሕአፓ፣ የመኢሶን፣ የኢሰፓ ወይም በየብሔሩ የተደራጀው ፓርቲ በሙሉ ቤተ ክርስቲያኒቱ ላይ የጫነውን እጁን ማንሣት አለበት። ሚዲያዎችም ቤተ ክርስቲያኒቱን መዋጋታቸውን ማቆም አለባቸው። አቡነ ጳውሎስን ለመቃወም ቅዱስ ሲኖዶስን መቃወም የለባቸውም፣ ኢሕአዴግን ለመቃወም በጠቅላላው ቤተ ክህነቱን መቃወም የለባቸውም። አንዱን ጳጳስ ለመቃወም ጵጵስናን በሙሉ መዋጋት የለባቸውም።

ከነዚህ ድረ ገጾች መካከል በተለይ አቡጊዳንቋጠሮንኢትዮጵያን ሪቪውን ብንጠቅስ በአብዛኛው በነገረ ማርያም ላይ ለሚነሡ ኢ-ኦርቶዶክሳዊ ተቃውሞዎች ዋነኛ መጠቀሚያ በመሆናቸው ሙያዊ ሥነ ምግባራቸውን እንዲፈትሹ እንጠይቃለን። ወይም ቤተ ክርስቲያኒቱን የሚያብጠለጥል ጽሑፍ የሚያወጡ ከሆነ ለዚያ መልስ የሚሆን ነገር ከሚመለከታቸው ሊቃውንት መጠየቅ ይኖርባቸዋል። የጋዜጠኝነት ሥነ ምግባር የሚያዘው ይህንን ነው። ወይም “በእምነት ጉዳይ ጣልቃ መግባት የለባቸውም” የሚባለውን  መተግበር አለባቸው።

ቸር ወሬ ያሰማን፣ አሜን።

20 comments:

Anonymous said...

ትንሸ አልዘጌያችሁም። አንድ ስሞን እዚህ ሲንጫጩ የነበሩ ተሃድሶዎች ሚዲያውን ከኑፋቄ መጽሃፋቸው እያመጡ ሲበክሉት።
ነገሩ አሁንም መጻፋችሁ መልካም ነው።
ነቅተን እንጠብቅ።
ሰው

ማህበረ፡ክርስቲያን said...

ትክክለኛ፡ዘገባ፡ነው፡ሚዲያዎች፡አስቡበት፡እባካችሁ፡፡ከእግዚአብሔር፡ጋር፡መጣላት፡ለማንም፡አይበጅም፡፡ ሥልጣኔ፡እየመሰላችሁ፡አደራ፡አታስከፉት፡፡ብዙ፡ሰዎችዝም፡ሲል፡ታጋሽነቱን፡ባለመረዳት፡ትዕቢታቸውን፡ ቀጥለውበታል፡፡እኔ፡የእከሌ፡ነኝ፡እሱ፡የእከሌ፡ነው፡መባባል፡ትተን፡ትክክለኞች፡ከሆንን፡በምህረቱ፡እንዲመለስ፡የጥንቱ፡የአባቶቻችን፡እምነት፡እንዲመለስና፡እንዲፀና፡አጥብቀን፡እንጸልይ፡፡አለበለዚያ፡ትዕቢተኞችና፡የግብር፡አባታቸው፡ወደሚጣሉበት፡መጣል፡ይመጣል፡፡
ቸሩ፡አምላክ፡በምህረቱ፡ይመለስልን!!!
ወላዲታ፡አምላክ፡ሁላችንን፡ትጠብቀን!

Anonymous said...

please don't lie , the ethiopian orthodox doesn't have any power to do anything on her memebers. where ever weyane said, the church accepted without any precondition. Please , do you think , Abba pauls is a likable (tewedage) father in our church. if something happen, like goverment change , we don't want see abba pauls in power . Don't be foolish, as long as weyane in power, Ethiopian orthodox church works for weyane. you remeber the mascare of Jima, what did abba pauls say, "shot up ", he didn't want pray for ethiopian mascare in 2005.

Anonymous said...

I have been reading two articles written by TesfaAddis on ABUGIDA blog.This guy initially acted as a neutral body as if he was concerned for change in the existing orthodox church.Subsequently he reflected his anti-Ethiopian orthodox history mentioning Atse Zera Yacob as a sinner and ended up cursing holy books.If U looked at his critique,his introduction started with politics and followed by a scrutiny of unrelated paragraphs from the church books and concluded with protestant ideology.Hey Tesfa, Our church has rich resources... all preserved for us so that we could praise our Lord and give all respect for those blessed by Him.I benefited extremely to my spiritual satisfaction by using holy bible, Gedlat and Dersanat.Use it or lose it!!!

Anonymous said...

ደጀ ሰላሞች በዚህ ጠንከር ያለ መልእክታችሁ ለተዋሕዶ ቤተ ክርስቲያን ተቆርቋሪዎች መሆናችሁን አሳይታችኋል::
ግለሰቦችን ማዕከል አድርገው እስከዛሬ ከወጡ በርካታ ዝባዝንኬ አዘል ጽሁፎቻችሁ ይልቅ ይህን መልእክት ሚዛን ደፍቶ አግኝቼዋለሁ
ከአንድ የቤተክርስቲያን ልጅ ነኝ ከሚል ጸሐፊ የሚጠበቅ ነውና በዚሁ ቀጥሉበት ::
ስትሳሳቱ የምትወቀሱትን ያህል ስታለሙ ደግሞ እንዲህ እናበረታታለን ::

Anonymous said...

+++
የመውጊያውን ብረት ብትቃወም ላንተ ይብስብሃል!!!!
እግዚአብሔርን መቃወም ጥፋቱ ለራሳችን ነው!
ቤተ ክርስቲያንን መቃወም በደሙ የመሰረታትን ክርስቶስን መቃወም ነው!
የክርስቶስ ተቃዋሚ ደግሞ ዲያብሎስ ነው! መጨረሻውም ሞት ገሃነም ነው!
ስለዚህ እንጠንቀቅ!!!

Anonymous said...

Dear Dejeselam

Can you send the message to website Editor directly, if they are free media they can post it. I was wondering why you be quite this long to write this important message...

መብሩድ said...

ደጀ ሰላም ነጻ መሆንን "ለነጻው ሚዲያ" ያሳየሽበት ጀግንነትሽን አደንቃለሁ።

እንዲህ አይነት ጽሑፎችና ምክክሮች በቤተክርስቲያንን የፖለቲካው አጀንዳን ላለማስተናገድ ከፍተኛ ሚና እንደሚኖራቸው አምናለሁ።

እንዲህ No ማለትን እስካልጀመርን ድረስ የቤተክርስቲያን ፈተናዋ ይቀላል ብዬ አላስብም።

ቤተክርስቲያን ከፖለቲካ ነጻ የምትሆንበትን ጊዜ እንዲፈጥን እንመኛለን።
ይእዜኒ ወዘልፈኒ ወለዓለም ለዓለም አሜን።

Anonymous said...

There was a newspaper named google in Ethiopia three years a go or so, the owner fled to kenya sometime. I liked that newspaper because it appears to not be controlled by government. Also, there was a section in the back, what it seems like Ge'ez teaching column. To my discomfort, the newspaper was run by a pentaye. The pentayness part didn't bother me. What I found troubling was the fact it was hidden from the public and individual like me who like to be an avid researcher. Even though there are no major opposition parties at this time; there are some Giant ones. Following that there would be so called media outlets either who denounce or cheer these parties. Some of these parties are infected by radical pentayes in quite enough numbers that can make noises within their enclaves. Therefore, it is easy for any rouge individuals to get access to these widely followed online news outlets. Specially the ones you mentioned.

ዘክርስቶስ said...

ጉዳዩ “አውቆ የተኛ ቢቀሰቅሱት አይሰማም” ስለሆነብን ጊዚያችን ለሌላ ሥራ ብናውለው የላቀ ፋይዳ ይኖረዋል።

ለማነኛውም ደጀ ሰላም አርእስት አድርገሽ ማቅረብሽ እስካልቀረ ድረስ አንድ ሁለት ዐረፍተ ነገር ጣል ላድርግ::
ቤተ ክርስቲያናችን ከጥንት ጀምራ የነጻ ቫካንሲ ዓውደ ምሕረት ከመሆኗ የተነሳ ሁሉም መግቢያ ሲያጣ ተሳላሚ መስሎ የውስጡን ዓላማ የሚያራምድበት ፕላኔት ነች፤ በተለይም የቤተ ክህነት ሰው ከሆነ በግእዝ ቋንቋ ከ5 ጥቅሶች በላይ የያዘ፣ የፖለቲካ ሰው ከሆነ ደግሞ አንድ 3 የሚደርሱ የአማርኛ ጥቅሶችን በቤተ ክህነት ዘይቤ መጥቀስ የሚችል ከሆነ የሚበላበት መሶብ አገኘ ማለት ነው።

ለመሆኑ ቤተ ክርስቲያን ለድህነት መስፋፋት ተጠያቂ ናት የሚሉ ወገኖች እነማን መሆናቸው ሁሉም ሰው ስላወቃቸው የማይፈነቀል ድንጋይ ለመፈንቀል ላይ ታች ቢሉም የሚያመጡት ለውጥ የለም።
የሁሉም እናት ቤተ ክርስቲያን:-የከርሰ መሬት ሀብት፣ የሥነ ጽሑፍ ጥበባት፣መድሐኒቶች፣ዜማ፣ ቅርሳ ቅርስ፣መንፈሳዊና ሥጋዊ አስተዳደር ፣የአእምሮ ጥበባት፣ሀገሪቷ በሙሉ ከጠላት ጠብቃ ስላቆየች ይመስላል ይህ ሁሉ ውርጅብኝ የሚደርስባት።ነዻያን ወሚስኪናን የሚያርፉባት፣ በመንግስት መሥራቤቶች ተቀጥረው እየሰሩ የነበሩ ጡረታ ሲወጡ እንዳዲስ ሥራ የሚቀጠሩባት ቦታ፤ ጥበብና ዕውቀት አለኝ የሚል አርቲስት፣ ሰዓሊ፣ደራሲ፣ መድሓኒት ቀማሚ፣መድረክ መሪ፣ ፖለቲከኛ፣ዘማሪ-ሙዚቀኛ፣ወዘተ ማን አሰልጥኖት ነው እንጀራን የሚቀመቅምበት ሙያ ይዞ ደረቱን ነፍቶ የሚኖረው ያለው? አረ እንዲያው “ዘይሴሰይ እክለ እንቲአየ አንስአ ሰኮናሁ ላዕሌየ” የሚለውን ጥቅስ ልያስጠቅሱን ካልሆነ በስተቀር።

ምናልባት እነዚህ ሰዎች ቤተ ክርስቲያንን የሚወቅሱበት አንዱ ምክንያት በዓላትን በማብዛት ነው የሚለው ሗላ-ቀር ወሬ ሊሆን ይችላል። ለዚህኛው ጉዳይም ቢሆን ፍጹም ተጠያቂ አይደለችም። ሞኝነታቸውና እንቅልፋምነታቸው በአደባባይ ሊመሰክሩ አድምጡን ሊሉን ከሆነ ‘ንጂ ቤተ ክርስቲያናችን’ማ በቀን ብቻ ሳይሆን በሌሊትም “ሰዓታት ዘሌሊት” ብላ ሌሊት ሙሉም እየሰራች የኖረች/ያለች ለወደፊቱም የምትኖር፤የታሪክ፣ሥልጣኔ፣የልማትና የሥራ መስክ ነች።
ሌላው:-
የአፍሪካ ሀገሮች በወራሪ ቅኝግዛት ሥር ሲወድቁ ደሙን አፍሶ ኢትዮጵያን ከባዕድ ግዛት ያዳነስ ማን ሊሉት ነው? በስደት ሀገር የምንኖር ኢትዮጵያዊን’ኮ አትንኳቸው እየተባልን እንደቤታችን ተቀባጥረን የምንኖረው ያለን ቤተ ክርስቲያናችን በሠራችው የታሪክ ጀግንነት ይመስለኛል።
ደግሞ የሚገርመው አንድ ቀን ከነ-የኔታ ሳይውሉ ጥራዝ ነጠቅ ጥቅሶችን እየለቃቀሙ የሐይማኖት መጻሕፍቶቻችን በርዘውና በግል ቆሌያቸው ተደፋፍተው የደረሱት ድርሰት ለገበያ ማዋላቸው።

Therefore, stop disgracing our mother church over all media!!!

ደሮ ሲያታልሏት... said...

ደጀ ሰላማዊያን? አርእስቱ ጥሩ መዋያያ ነበር ነገር ግን እናንተም ቀጥ ብላችሁ ስላልመጣችሁ ምኑን ትተን የቱን እንገምግም ሆኖብናል ጣጣው።
ጽሕፉን ማንን ለመምታት እንደተፈለገ እኮ ቁልጭ ብሎ ይታያል፤ እንደ መረጃ አድርጋችሁ ያቀረባችዃቸው ለአጀባ እንዲያመችላችሁ ተጠቀማችዃቸው እንጂ ቁም ነገሩስ ከወዲያ ነው!

Hatie said...

እባካችሁ ነጻ ሚዲያ ነኝ ባይ ፖለቲከኞች እጃችሁን ከቤተ ክርሰቲያን ላይ አንሱ:: በማታውቁት የእምነት ጉዳይ ላይ አትዘባርቁ:: አላዋቂ ሳሚ.......ይለቀልቃል እንደሚባለው የከበረች ቤተክርስቲያንን..........ሁን: አትለቅልቁ:: በማታውቁት ጉዳይ አጉል ነገር መጫር! በስጋ መቼም ጎስቋሎችና በሰው ሀገር ተመጽዋቾች ናችሁ: በነፍስ ግን ያስጠይቃል: ከቃልህ የተነሳ ትኮነናለህ ከቃልህም የተነሳ ትጸድቃለህ ይላልና ነፍሳችሁን አስባችሁ ወደ ልባችሁ ተመለሱ:: እናንተ እምነት የለሽ ሆናችሁ ሌላውንም ከቤተ እግዚአብሔር ለማጥፋት የምትጽፉ ሰዎች እጃችሁን ሰብስቡ ጌታችን እንዲህ ይላችኋል፥
እናንተ ግብዞች ጻፎችና ፈሪሳውያን፥ መንግሥተ ሰማያትን በሰው ፊት ስለምትዘጉ፥ ወዮላችሁ እናንተ አትገቡም የሚገቡትንም እንዳይገቡ ትከለክላላችሁ።ማቴ 23: 13
ተዋህዶን ለመተቸት ከመነሳታችሁ በፊት እስቲ በመጀመሪያ ራሳችሁን ተመልከቱ ውስጣችሁን ከኃጢአት አጥሩ ጌታችን እንዲህ ይላችኋል፥
እናንተ ግብዞች ጻፎችና ፈሪሳውያን፥ በውስጡ ቅሚያና ስስት ሞልቶ ሳለ የጽዋውንና የወጭቱን ውጭ ስለምታጠሩ፥ ወዮላችሁ።ማቴ 23: 25
የቤተ ክርስቲያንን ውስጥ ለመተቸት ሐሺሽ ሳይቀር እየተጠቀማችሁ እንቅልፍ አጥታችሁ ጎልዳፋ ብዕር የምትጨብጡ በውጪ አምሮባችኋል ስትባሉ እውነት የሚመስላቸሁ የተሳሳታችሁ ሰዎች: ጌታችን እንዲህ ይላችኋልሁ፥
እናንተ ግብዞች ጻፎችና ፈሪሳውያን፥ በውጭ አምረው የሚታዩ በውስጡ ግን የሙታን አጥንት ርኩሰትም ሁሉ የተሞሉ በኖራ የተለሰኑ መቃብሮችን ስለምትመስሉ፥ ወዮላችሁ። ማቴ 23: 127
እርግጡን እንወቅ ካላችሁ ደግሞ ቅድስት ኦርቶዶክስ ተዋህዶ ቤተክርስቲያንን እንኳን የእናንተ በሐሰትና ያለእውቀት የተመሰረተ ደካማ ብዕር 40 ዘመን የተመዘዘባት የግብር እናታችሁ የጉዲት/ዮዲት ጦር አልጣላትም:: 15 ዓመት የተመዘዘባት የግብር አባታችሁ የአህመድ ግራኝ ጦርም አልጣላትም: : ከ 16ኛው መቶ ክፍለዘመን ጀምሮ የተመዘዘባት የወላጆቻችሁ የመናፍቃን ጦር አልጣላትም:: መቼ ከእነሱ ተወለድን ካላችሁ ልጆቻቸው መሆናችሁን ቤተክርስቲያንን ለማጥፋት የምትጽፉት ጽሁፍ ያስረዳል:: አባቶቻችሁ በጦር ገደሉ እናንተ ደግሞ በብዕር ክርስቲያኖችን ልትገድሉ ተነሳችሁ??? ጌታችን እንዲህ ይላችኋል:
እንግዲያስ የነቢያት ገዳዮች ልጆች እንደሆናችሁ በራሳችሁ ላይ ትመሰክራላችሁማቴ 23: 31
ቅድስት ተዋህዶ ቤተክርስቲያንን ላትጥሉአት ባትደክሙ ጥሩ ነው:: ራሳችሁን አርሙ ::የቆማቸሁበት የገሃነም ደጅ ቤተ ክርሰቲያንን እንደማይጥላት እወቁ ::ጌታችን እንዲህ ይላችኋል፥
ቤተ ክርስቲያኔን እሠራለሁ፥ የገሃነም ደጆችም አይችሉአትም።ማቴ 16: 18
በእውነት አትችሉአትምና አትድከሙ:: እስቲ በመጀመሪያ ራሳችሁን አስተካክሉ: ዝሙቱን፣ ሐሜቱን፣ መጠጡን፣ ስስቱን፣ ሐሰቱን ፣ማስመሰሉን፣ ጽንስ ማስወረዱን፣ ጫቱን ፣ ሐሺሹን ፣ሲጋራውን ፣ጥላቻውን ፣ዘረኝነቱን ከውስጣችሁ አውጡት ይሄ ይቀድማልና!

Anonymous said...

Egziabhair Yirdan, Zemenu Yekefa newina!
Ameha Giyorgis
DC

Anonymous said...

please include links for the specific articles you are referring to in your report.Make it easier for the reader. Hasabu Shega new.

Anonymous said...

ሁሉን በአግባቡ ብናደርግ"የቄሳርን ለቄሳር....'እባካችሁ የሀገራችን ብሎገሮች ቴክኖሎጂን በአግባቡ ብንጠቀምበት ምናለ መልካም ነገር እየሰራን ስለሀገራችን እድገት በጋራ ብንጥር ቤተክርስቲያንስ ባልዋለችበት ለምን መጠቀምያ ድልድይ አድርጋችሁ ትጠቀሙባታላችሁ፤ ባሳደገች ስለምን ትዋረዳለች፤ አስተምራ ለወግ ባደረሰች ስለምን ትናቃለች ባበላች ስለምን ትነከሳለች፤.. እናቱን ያዋረደ ማን ከበረ? " .. እናት እኮ ሁሌም እናት ናት ... ብታጣ ብትነጣ እናት ናት ...እባካችሁ ስልጣኔያችን ቴክኖሎጂን አላግባብ መጠቀም አይሁን። ... እጃችን ለሰላም የተዘረገ፤ ሰላምን ብቻ የሚጦምር ቢሆን።
እግዚአብሔር ይርዳን!!!!
ቤተክርስቲያናችንን ይጠብቅ፤ ሀገራችንን ይባርክ

Anonymous said...

…አንቀጸ ሰላም
‹‹ፍቅር ያጌብረኒ ነጊረ ዜናሆሙ ለቅዱሳን፡፡……
የቅዱሳንን ዜናቸውን ለመናገር ፍቅር ግድ ይለኛል፤
ቅንዐትም ከሀዲዎችን እነቅፋቸው ዘንድ ያስገድደኛል፡፡
ፍቅር ክርስቶስን እንዳመሰግነው ግድ ይለኛል፤
ቅናትም ሰይጣንን አወግዘው ዘንድ ያስገድደኛል፡፡
ፍቅር የክርስቶስን ሐዋርያት እንድከተላቸው ያስገድደኛል፤
ቅናትም ዝንጉዎችን እንድሸሻቸው ግድ ይለኛል፡፡
ፍቅር ሰማዕታን አወድሳቸው ዘንድ ግድ ይለኛል፤
ቅናትም ጠንቋዮችን እንድዘልፋቸው ያስገድደኛል››
/አባ ጊዮርጊስ ዘጋስጫ፣መጽሐፈ ምሥጢር/

በጣም ይገርማል ተዋሕዶ ቤተ ክርስቲያናችን ፈጽሞ ጠላት ጠፍቶባት አያውቅም፤ በእርግጠኝነት የምነግራችሁ ግን ለማንኛውም ጥያቄዎች ከበቂ በላይ መልስ ያላት እናት መሆኗን ነው፡፡ ነገር ግን ባሁኑ ዘመን ያሉ መናፍቃን(አማሌቃውያን፣ፕሮቴስታንት፣ካቶሊካውያን፣ተሀድሷውያን፣….. ሌሎችም በሺህ የሚቈጠሩ ) ነግር ግን በተለያዩ ሚድያዎችም ይሁን በአፈ ቀላጤ ምላሳቸው ኑፋቄያቸውን ሲያስተምሩ አስቀድመው የተዋሕዶ ዓይናማ(አንጋፋ) ሊቃውንትንና የጻፏቸውን መጻሕፍት ግን አልጠየቁም አላገላበጡም፡፡ እኔ የምመክራችሁ ባሁን ዘመን ላላችሁ መናፍቃን በሙሉ… ከናንተ በፊት ከናንተ የሚበልጥ ምንፍቅና ይዘው ብዙ መናፍቃን በተዋሕዶ ላይ መነሳታቸውንና እናት ተዋሕዶ ቤተክርስቲያን ግን ካጥጋቢ በላይ መልስ መስጠቷን አትዘንጉ፡፡/ትልቁ ችግራችሁ የናንተ ምንፍቅናን ከሌሎቹ ምንፍቅና በላይ ስለ ምታዩት እንጅ ቅድስት እናት ተዋሕዶ ቤ/ክ አስቀድማ ከበቂ በላይ ምላሽ ሠጥታባቸዋለች፤ትሰጥባቸዋለችም፡፡ ስለዚህ፡-
1. ጥያቄ መጠየቅ ያለባችሁ በየቤተክርስቲያኑ አላፊ አግዳሚውንና መምሕር ነኝ ባዩኝ ሳይሆን ዓይናማ ሊቃውንትን (አራት አይናዎችን) ምክንያቱም እነዚህ ዓይናማ ሊቃውንት የሚነበቡ ቤተ መጻሕፍት ናቸውና፤ እንጂ በየመንደሩ ጥያቄ ጠይቃችሁ ቤተክርስቲያኗ መልስ አጣች አትበሉ
2. እናት ተዋሕዶ ቤ/ክ መጻሕፍትን በተለይ ከመናፍቃን ጋር የተደረጉ ጥያቄና መልሶችን ብራና ፍቃ፣ ብርዕ ቀርጻ፣ ቀለም በጥብጣ፣ጽፋ፣መጻሕፍቱም እዳይበላሹ ደጉሳ ያቆየች ስለሆነ እነዚህን መጻሕፍት ጊዜ ሰጥቶ መመልከት ያስፈልጋል፡፡ለመናፍቃን ምላሽ ከተሰጠባቸው መጻሕፍትም ጥቂቶቹ፡-

 ከታተሙት መካከል ጥቂቶቹ፡-
(እንደ መጽሐፈ ምሥጢር፣ መጽሐፈ ብርሃን፣ ሃይማኖተ አበው፣ መጽሐፈ አርጋኖን፣ መጽሐፈ ሰዓታት ዘመዓልት ወዘሌሊት፣ ትቤ አክሱም መኑ አንተ፣ ኰኵሐ ሃይማኖት፣ መድሎተ አሚን፣ መች ተለመደና ከተኩላ ዝምድና፣ መልእክተ መንፈስ ቅዱስ፣ ወላዲተ አምላክ በኢትዮጵያ፣ ፍሬ ተዋሕዶ፣ ሁለቱ ኪዳናት፣ አዎ ኢየሱስ ክርስቶስ ፈጣሪ ነው፣ ተዓምርና መጽሐፍ ቅዱስ፣ገድል ለመናፍቃን ገደል፣… ሌሎችም)
 ያልታተሙ/በብራና ጽሑፍ/ ያሉ በርካታ መጻሕፍትም አሉ ለምሳሌም፡-
1. መጽሐፈ ሚላድ፡-ለአይሁዳውያን የተጻፈ፣በተጨማሪም ስለ በዓላት የሚናገር
2. መጽሐፈ ባሕርይ፡- ስለ ኑዛዜ የሚናገር
3. ተዐቅቦ ምሥጢር፡- ስለ ምሥጢረ ቊርባን የሚናገር
4. እግዚአብሔር ነግሠ፡- እግዚአብሔር በባሕርዩ ምስጉን እንደሆነ፣ እርሱ መርጦ ያከበራቸው ቅዱሳን መላእክት፣ሐዋርያት፣ነቢያት፣ ጻድቃንና ሰማዕታት የክብሩ ተካፋዮች፤ አማልክት ዘበጸጋ መሆናቸውን የሚያዘክር፡፡
5. ክህዶተ ሰይጣን፡- የሰይጣንን ሥራ የሚቃወም
6. ጦማረ ትስብእት፡- የጠንቋዮችና አስማተኞች ሥራ ሰያጣናዊ እደሆነና ሰው እግዚአብሔርን ብቻ እንዲያምን የሚገልጽ
7. ጸወነ ነፍስ፡- ለካቶሊካውያን የተሰጠ መልስ፤የኢ/ኦ/ተ/ቤ/ክ እምነትና ሥርዐቷ የአይሁድ እምነትና ሥርዐት አለመሆኑን፡፡
8. ከአፍርንጅ የምንለይበት፡- ስለ ሃይማትና ሥርዐት፣ ስለ ነገረ ሥሉስ ቅዱስ እና ስለ ነገረ ኢየሱስ(አንድ አካል አንድ ባሕርይነት)
9. አንቀጸ አሚን፡- ለእስላሞች የተጻፈ
10.መጽሐፈ ተልሚድ፡- ስለ አምልኮ ባዕድ መጥፎነት የተጻፈ፡፡
11.ፍካሬ ሃይማኖት፡- ለተለያዩ መናፍቃን ምላሽ የተሰጠበት
12.ርቱዓ ሃይማኖት፡- ጥልቅ የሆነ ነገረ ሃይማኖት የተጻፈበት
13.ሃይማኖተ አበው አንድምታ፡- የታተመውን ሃይማኖተ አበው ነጠላ ትርጕም በአንድምታ ትርጓሜ የሚተረጕም(ብዙ የሆኑ የመናፍቃንን ምንፍቅናና የቤተ ክርስቱያኗን ምላሽ ከቅዱሳት መጻሕፍት ጥቅስ ጋር በጥልቀት የያዘ)
14.ድርሳን ዘቅዱስ ቄርሎስ/በተጨማሪም እስትግቡእና ጰላድዮስ/፡- ስለ ኢየሱስ ክርስቶስ የባሕርይ አምላክነት የሃይማት መዶሻ የተባለው ቅ/ቄርሎስ ከብሉያትና ከሐዲሳት መጻሕፍት አውጣጥቶ የጻፈው፡፡….
ሌሎችም አያሌ መጻሕፍቶች አሉና ሳታነቡ ሳትጠይቁ በየሚድያው፣በየፌርማታው፣በየመንገዱና በየአዳራሹ ባትቀባጥሩ ጥሩ ነው፡፡ ከላይ ያሉት መጻሕፍት ደግሞ በዋነኛነት የሚጠቅሱት ከመጽሐፍ ቅዱስ ነው፡፡ ታድያ ምን ይደረግ ትላላችሁ፡፡
በስተመጨረሻም ቤ/ክ 24ት ሰዓት ሙሉ በሯ ሳይዘጋ መንገደኛም፣ እንግዳም ፣ ድሃም ሌላውም እንደማያድርባት ዜጎቿ ሌቦች ስንሆንባት 12ት ሰዓት ብቻ በሯ ክፍት ሆነ፡፡ አሁን ደግሞ በየሚድያው፣በየመንገዱ፣በየፌርማታው፣ተሃድሷውያን ደጎሞ በውስጥ እየተሹለከለኩ (በሌላ መንገድ) ዘመናዊ ሌባ ሆነው መጡ፡፡ ይገርማል! ወደ ፊት ደግሞ ምን ዓይነት ሌባ ይመጣ ይሆን?! የልዳው ሰማዕትና ርህርህተ ኅሊና ወላዲተ አምላክ ማስተዋልን ከእግዚአብሔር ታሰጣችሁ፡፡መቼም አስተውላችሁ ቢሆን ኖሮ በየሚድያው…… ፡፡
ሰላም

Anonymous said...

the third comment above still looks from a person who wants to attack our church shielding himself/herself within politics. At least you have to use your mind & think as human being.

Is mistakes from some members of Betekihnet or some other organs of the church enough to conclude as "Don't be foolish, as long as weyane in power, Ethiopian orthodox church works for weyane"?

This is a rubbish tehadso strategy & some selfish 'politicians'. It is a sad to have such kind of Ethiopians.

Abel

Anonymous said...

Well, yes and no. Even if I don't want to see the church being attacked, it is a natural consequence when there is deaf ears. For example, I know different groups officially have been demanding the Synod to correct the teaching about the Immaculate Conception for serveral years now; unfortunately, the church or synod has not provided an official response thus far. Some of our AWALID books are very contradictory among themselves and are against the bible. I think what the church needs is to clean up and put its house in order instead of attacking the independent websites. I agree with you that some menafikans have tried to use this opportunity to undermine the church. But still, the solution is in the hands of the church - i.e. the church needs to respond to legitimate questions raised and needs to proactively correct the awalid books and the wrong teachings. If there is anyone who says that the church does not have problem in her teaching (for example portraying Merkorios as the creator of heavens and earth, creating competing doors for salvation such as mixing up the intercession of the saints with the Mediation of Christ Jesus, etc...), that guy must not know the church or he must be a blind. Otherwise, our core teachings, like the Five Mysteries, the lithurgy for the most part, the widase Mariam etc... are marvelous. I suspect some anti-EOTC elements in earlier times planted some bad books in the church and misled people to almost worship the saints, instead of following the word of GOD. Guys, don't take me wrong I am a believer in the power of the prayers of the saints, but I don't worship anyone of those. What we see in our church, though, is almost equivalent to worshiping the saints. There is a limit for everything; that is what the church has missed. Please let's be true to ourselves. Blind defense or denial cannot be a solution.

Anonymous said...

Hello Mr. Moderator/Editor,

How can you expect the other Web Sites to fairly serve all with different views, not just the Tehadso guys, while you are not fair enough to allow other views that may be different but constructive? I would love to hear your answer on that.

Ethiopic.com said...

http://freetyping.geezedit.com

ኣመሰግናለሁ!

ዶ/ር ኣበራ ሞላ

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)