January 15, 2011

ፍርድ ቤት ተማሪዎቹ በዋስ እንዲለቀቁ ወሰነ

  • "ይህ የክርስትናችን ፍሬ ነው፤ እግዚአብሔር ለበጎ አድርጎልናል፡፡"(ተማሪዎቹ) 
  • "እግዚአብሔር ባወቀ ወደ እስር ቤት ወስዶ አስተምሮኛል፤ ወደ ቀደመ ሃይማኖቴ ተመልሻለሁ፡፡"
(ደጀ ሰላም፤ ጃኑዋሪ 15/2011፤ ጥር 7/2003 ዓ.ም)፦ በልደተ ክርስቶስ የበዓል ዋዜማ አከባበር ጋራ በተያያዘ በአዲስ አበባ ዩኒቨርሲቲ አራት ኪሎ ካምፓስ ‹‹ሁከት ቀስቅሳችኋል፤ በንብረት ላይ ጉዳት እንዲደርስ አድርጋችኋል›› በሚል ቀደም ሲል ለእስር የተዳረጉት 18 ተማሪዎች በብር 400፣ ትላንት ከዩኒቨርሲቲው በፖሊስ ተወስደው የተጨመሩት አራት ተማሪዎች ደግሞ የብር 500 ዋስ አቅርበው ከእስር እንዲወጡ እና ወደ ትምህርት ገበታቸው እንዲመለሱ ተወሰነ፡፡

የአዲስ አበባ አስተዳደር የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት በትናንት አርብ የጠዋቱ ውሎ ውሳኔውን የሰጠው ተማሪዎቹ ቀደም ሲል በቀረበላቸው ምርጫ መሠረት የይቅርታ ጥያቄያቸውን ለዩኒቨርሲቲው በጽሑፍ ስለማቅረባቸው ፖሊስ በሰጠው ማረጋገጫ ላይ ተመሥርቶ ነው፡፡ ተማሪዎቹ የዋስትናውን ሂደት ፈጽመው ከእስር ከተለቀቁ በኋላ ማምሻውን መደበኛ መንፈሳዊ መርሐ ግብር በሚከታተሉበት በመንበረ ጸባዖት ቅድስት ሥላሴ ካቴድራል ሰንበት ት/ቤት ተሰብስበው ይጠብቋቸው በነበሩ ኦርቶዶክሳውያን ባልንጀሮቻቸው እንዲሁም በሥፍራው በሚገኙ ምእመናን በመዝሙር እና በእንባ የታጀበ አቀባበል ተደርጎላቸዋል፡፡ በአቀባበሉ መርሐ ግብር ላይ ከእስር ከተለቀቁት ተማሪዎች አንዳንዶቹ ‹‹ያሳለፍነው ችግር የክርስትናችን ፍሬ ነው፤ እግዚአብሔር ለበጎ አድርጎልናል›› ሲሉ መጽናናታቸውን መግለጻቸው ተዘግቧል፡፡ ከሁከቱ ጋራ በተያያዘ በድብደባ ወንጀል ክስ ተመሥርቶባቸው በቁጥጥር ሥር ከዋሉት እና በዋስ ከተለቀቁት ተማሪዎች አንዱም “ቀደም ሲል ቤተ ክርስቲያኔን አላውቃትም ነበር፤ እግዚአብሔር ባወቀ ወደ እስር ቤት ወስዶ አስተምሮኛል” በማለት በእስር በቆየባቸው ቀናት ከኦርቶዶክሳውያኑ ጋራ በፍቅር ተቀራርቦ በመግባባት መንፈስ ባደረገው ውይይት “ወደ ቀደመ ሃይማኖቴ ተመልሻለሁ” በማለት ምስክርነቱን በገሃድ ሰጥቷል፡፡

በትናትናው ዕለት ጠዋት እና ተሲዓት በኋላ ከፈተና ላይ ሳይቀር በፖሊስ ተይዘው ከተወሰዱትና በቀደሙት 18 እስረኞች ላይ ከተጨመሩት አራት ተማሪዎች ሁለቱ የኦርቶዶክስ ተዋሕዶ ሃይማኖት ምእመናን ሲሆኑ የተቀሩት ሁለቱ ደግሞ የፕሮቴስታንት እምነት ተከታዮች ናቸው፡፡ ዳኛው ለተማሪዎቹ ምክር፣ ዩኒቨርሲቲውን በመወከል ለቀረቡት ሐላፊም በቀጣይ ከመማር ማስተማሩ አንጻር ያሉ ጉዳዮች በበጎ መንፈስ የሚስተካከሉበትን ሁኔታ አስመልክቶ ማሳሰቢያ መስጠታቸው ተነግሯል፡፡ ተማሪዎቹ ይቅርታ ጠይቀው በዋስ የወጡበትን ሁኔታ ከዳር አድርሰው ፋይላቸውን የማዘጋት ሂደት የሚጠብቃቸው ሲሆን ፖሊስ እስከ መጪዎቹ ሦስት ወራት ተጨማሪ ነገር ካላቀረበ ለዋስትና ያስያዙት ገንዘብ ተመላሽ ተደርጎላቸው ፋይሉ ሊዘጋላቸው እንደሚችል ተመልክቷል፡፡ በሌላም በኩል ዩኒቨርሲቲው ተማሪዎቹ ያመለጧቸውን የመጀመሪያው መንፈቅ ዓመት ፈተና የሚወስዱበትን አሠራር በማመቻቸት ትምህርታቸውን የሚከታተሉበትን ምቹ ሁኔታ እንደሚፈጥር ይጠበቃል፡፡

22 comments:

ዘክርስቶስ said...

መንግስት ከስሕተቱ ለመማር ዕቅድ እንደ ያዘ ያሳያል፤ ገበነኛውን ማን እንደሆነ ሳያጣራ ህዝቡን በአፈና ወደ እስርቤት ማጎር ከፍተኛ አደጋ እንደሚያስከትልለት የተረዳ ይመስላል። 4 እና 5 መቶ ማስያዣ የተለመደ ስለሆነ አያስገርምም። የመጨረሻውን ቅሉ ግን -‘አዕይተ እግዚአብሔርሰ ዘልፈ ይኔጽራ ላዕለ ርትዕ ወምግባረ ሠናይ’ ነው።“እመሂ ኢሐነጸ ቤተ እግዚአብሔር ከንቶ ይጻምዉ…ወከንቱ ገይሶቶሙ”

ወስብሐት ለእግዚአብሔር ወለወላዲቱ ድንግል!




ወስብሐት ለእግዚአብሔር ወለወላዲቱ ድንግል!

ኢትዮጵያዊት said...

እስኪ ይሁና
ዝምታም እኮ በራሱ በጣም ትልቅ መልስ ነው፡፡
የታሠራችሁት ወንድሞቼ ግን በእስር ቤት እንኳ ሆናችሁ ባሳያችሁት ክርስቲያናዊ ፍቅር ወንድማችሁን አስተምራችኋል፡፡ ታዲያ ከዚህ በላይ ምን አለ? መታሰር፣ መገረፍ፣ መሰደድ፣ የክርስቲያን ወጉ ነውና ከዚህ በረከት ስለተሳተፋችሁ ደስ ሊላችሁ ይገባል፡፡ ዋናው ከስሜታዊነት የፀዳ ጽኑ ክርስቲያን ሆኖ መገኘት ነው፡፡ በቅድስት እምነታን እስከ መጨረሻው ያጽናን!!

አንዳንዴ እኛም እኮ አመፀኞች ነንና ከዚህ ለበለጠ ፈተና አሳልፎ አንዳይሰጠን የእናታችን አማላጅነት አይለየን!! አሜን ……….

Anonymous said...

ተመስገን ነው ሌላ ምን ይባላል

Afertibya said...

ወንድሞቻችን እንኳን ለዚህ አበቃችሁ እስረኛው የያዕቆብ ልጅ ዮሴፍን በግብጽ ወህኒ ቤት ሳለ የጎበኘው አምላካችን እግዚአብሔር እናንተንም በምህረቱ ጎብኝቷችኋልና ስሙ የተመሰገነ ይሁን:: መስቀልን መሸከም ጌታችን መድኃኒታችን ኢየሱስ ክርስቶስን ለመከተል ምልክት ነውና ደስ ይበላችሁ! ጽኑ! በርቱ! እመብርሃን እቅፍ ድግፍ አድርጋ ትጠብቃችሁ::
ኃጥዕ ወአባስ

tad said...

'I am back to my original religion?'Cheap shot. That is why I argue the separation of research and faith. It has nothing to do with being atheist. Faith at St. Marry and research at AAU.
Thanks

Anonymous said...

Prise the Lord for every thing( in our joy & sorrow)

Anonymous said...

"tad" at least you should be happy when the court let them go.

Sorry to say, for me it's your comment the one "cheap shot"

God bless you.

lemma ke. said...

let it be!!! besimu lemiyamnut neger hulu yemihonew lebego new!!!!

Desalew said...

Temsigen!!!!

Anonymous said...

Tad

Have you been in the univ? If you were not there , you can not speak about the importance of faith in the Univ.

Tad do you know that 75% of the top students in the university are who attend activly their church program.
In near future most of the University professers will be these students. If God give us time we will see how this generation will change the country.

Dillu said...

ታስረው ለነበሩት ወገኖቻችን እንኳን እግዚአብሔር አስፈታችሁ እላለሁ። ምንም እንኳ የታሰራችሁበት ምክንያት ባጠቃላይ ባገሪቱ ውስጥ ክርስቶስን የማምለክ መብታችሁን በመገፈፋችሁ ነው ለማለት ባልደፍርም ፥በፈለጋችሁበት ቦታና ጊዜ እንዳታመልኩት ግን በመከልከላቸሁ ለእስራት ተዳርጋችሁዋል። ነገር ግን ሁላችንም እንደምናውቀው የዩንበርስቲው አገልግሎት ለአምልኮተ እግዚአብሔር ሳይሆን የተገነባው ዓለማዊ ለሆነው ሳይንስና ተክኖሎጂ የምርምር ማዕከል ሁኖ ለአማንያንም ሆነ ለኢአማንያን ለሁሉም እኩል ሁኖ እንዲያገለግል ነው ።
ችግሩ ግን አስተዳደሩ ለአንዱ ቤተ-እምነት ሲፈቅድ ለሌላው መከልከሉ ነው። ይህም ቢሆን ልንቃወምበት የሚገባው ምክንያት ከሃማኖት አንጻር ሳይሆን ከአድልዎ አንጻር ፥ ወይም ደግም ከዜግነት መብት ገፈፋ አንጻር መሆን አለበት። ሰው የዜግነት መብቱ የሱ ከሌላው ዝቅ ብሎ በአስተዳደሩ በኩል ሲረገጥበት መብቱን ላለማስረገጥ ለዜግነት ወይም ለሰብአዊ መብቱ መቆም አንደሰው ይጠበቅበታል። ታዲያ እኔ ፥ ነገር በየፈርጁ ነውና፥ የታሰሩትን ተማሪዎች የታሰሩበትን ምክንያት ከዚህ አንጻር ነው የማየው። እናንተስ ?
ኦ እግዚኦ ! አግዕዘነ እምቅኔ መሪር ፤ ወአርእየነ ጥበበ አበው ዘሐለፉ እምቅድሜነ ፣ ዓሜን ።
ድሉ የእግዚአብሔርና በእግዚአብሔር ነው !

Anonymous said...

menalbat be gnezeb eteret mekenyat ke eser yaletlkek binor 3 tmari lemasefetat zeeju negni.
e.mail = seyfu2002@yahoo.com

Anonymous said...

What happened in the campus if it is only to do with orthodox followers, how anyone explains the protestant students involvement?. Without out a doubt this is a part of the tehadso's plan and I hope the government investigate their movation thoroughly and learn a big lesson.

Anonymous said...

እግዚሀብሔር ከቤቱ የወጡትን ልጆቹን የሚመልስበት መንገድ ሁሌም ይገርመኛል ፡፡ አሁንም በብዙ ነገር ከቤቱ የራቁትን ልጆቹን በምህረቱ ጎብኝቷቸው ወደ ቀደመች ኦርቶዶክስ ተዋህዶ እምነታቸው ይመልሳቸው ዘንድ የእርሱ መልካም ፍቃድ ይሁን፡፡ አሜን
ላሜዳ ከአዲስ አበባ

Anonymous said...

ይህን ያደረገ አምላክ ይመስገን! ሁሉ ነገር የሆነው ለበጎ ነው። ሌሎቻችን ደግሞ ልንማርበት ይገባል።

Anonymous said...

ተመስገን ተጨንቄ ነበር

Anonymous said...

@Dillu. Egziabher yisitih. Betam tikikilegna asteyayet new

Anonymous said...

"ያሳለፍነው ችግር የክርስትናችን ፍሬ ነው፤ እግዚአብሔር ለበጎ አድርጎልናል"

I don't think being violent, in any way, could be a fruit of one's faith, at least in Christianity. It's proper to demand your rights in a manner that wouldn't be against Christianity and the country's secular law.

Besides, wouldn't it be preferable to host communal ceremonies in its rightful place than in a place of heterogeneous religions except we want to provoke other faithfuls into conflicts? I think, all religious followers should consider this.

Thanks,

ናትናኤል said...

ወገኖቻችን እንኳን እግዚአብሔር አስፈታችሁ በእርግጥ እናንተም "ያሳለፍነው ችግር የክርስትናችን ፍሬ ነው፤ እግዚአብሔር ለበጎ አድርጎልናል" ብላች|ል፡፡ ስለዚህ ወደፊትም እነድትበረቱ በዚህ አጋጣሚ መጠቆም እወዳለሁ፡፡ ሌላው ምዕመንም ሊያስቡበት በአጽንዖት ሊያዩት የሚገባ ጉዳይ እንዳለ ይሰማኛል፡፡ ምክንያቱም በእንደዚህ አይነት ሁኔታ ላይ በተደጋጋሚ ከመንግስት እና ከሌሎች አካላት በኩል ለኦርቶዶክስ ተዋህዶ ሃይማኖት የሚሰጠው ማጠቃለያ እና ምላሽ የትም አይደርሱም፣ ምንም አያመጡም፣ለዘብተኞች ናቸው፣….. የሚል ሆንዋል፡፡ በእውነቱ እኛ የኦርቶዶክስ ተዋህዶ አማኞች የቤተ ክርስቲያናችን አስተምሮ በትዕግስት፣ በትህትና፣……. ስለሚል እንጅ በእውነት ለሌሎቹ የተሰጠ ወኔና ሀይለኝነት ለእኛ ሳየኖረን ቀርቶ ይመስላች|ል!!! ….ተረሳ እነዴ የኢትዮጵያ ነጻነትና ታሪክ ተጠብቆ እስካሁን ድረስ ለአፍሪካ እና ለአለም ተምሳሌት እየተደረገች የምትጠቀሰው በማን ሆነና ነው!!!! በኦርቶዶክስ ተዋህዶ ተከታዮች አይደለም እንዴ!!! ስለዚህ መንግስትም ቢያስብበት መልካም ይመስለኛል፡፡ አልያ ግን “የተኛና ዝም ያለ የተነሳ እለት…….፡፡” እንዳይሆን

Mi said...

እንኳንም ለጥምቀት ታስረው አልቀሩ እግዚአብሔር የተመሰገነ ይሁን ለሁላችንም ማስተዋልን ይስጠን ሰው በሀይማኖቱ ይህን ያክል ፈተና …. ይገርማል፡፡ አይማኖት ፖለቲካ አይደል……..ይሁን እስኪ ተመስገን

Anonymous said...

ወደ ሮሜ ሰዎች
8፥28
እግዚአብሔርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን።

gebremariam said...

beliwo girum gibrike leegziabhihre lezegebre senayto laelene

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)