December 29, 2010

የአባቶች ዕርቀ ሰላም ንግግር በጥር ሊጀመር ይችላል


  • በንግግሩ ቅድመ ሁኔታዎች ስምምነት ላይ ከተደረሰ በሁለቱም ወገኖች የተላለፈው ቃለ ውግዘት ይነሣል
  • የዕርቀ ሰላም ንግግሩን የሚያስተናብሩ ሽማግሌዎች ተመርጠዋል
(ደጀ ሰላም፤ ዲሴምበር 29/2010 ታኅሣሥ 20/2003 .)በምዕራቡ ዓለም በስደት ከሚገኙት አባቶች ጋራ የሚደረገው የዕርቀ ሰላም ንግግር በመጪው ጥር ወር 2003 ዓ.ም አንድ የመገናኛ መድረክ በማመቻቸት እንደሚጀመር የቅዱስ ሲኖዶስ ምንጮች አመለከቱ፤ ቅዱስ ሲኖዶሱ ታኅሣሥ 13 ቀን 2003 ዓ.ም ባካሄደው አስቸኳይ ስብሰባ ‹‹በባሕር ማዶ በሚገኙት አባቶችም ዘንድ ተቀባይነት ይኖራቸዋል፤ የዕርቀ ሰላም ንግግሩን በገለልተኝነት ያስተናብራሉ›› ብሎ ያመነባቸውን ሦስት ሽማግሌዎችንም መርጧል፡፡ እነርሱም ልዑል ራስ መንገሻ ሥዩም፣ ፊታውራሪ ዘውዱ አስፋው እና ዶ/ር ሳሙኤል አስፋው (በአሜሪካ የኢትዮጵያ የቀድሞ አምባሳደር) ናቸው፡፡ የዕርቀ ሰላም ንግግሩን ከአላስፈላጊ ጣልቃ ገብነት ለመጠበቅ እና ነጻ ውይይት ለማካሄድ ይቻል ዘንድ ውይይቱ ከአሜሪካ ውጭ ከግብፅ - ካይሮ፣ ከእስራኤል - ኢየሩሳሌም ወይም ከኬንያ - ናይሮቢ ከተሞች በአንዱ ለማድረግ እንደ ታሰበ ምንጮቹ ጨምረው ገልጸዋል፡፡

ቅዱስ ሲኖዶስ ባለፈው ሳምንት መጀመሪያ ላይ ባካሄደው እና በቋሚ ሲኖዶሱ በተጠራው አስቸኳይ ስብሰባ በጥቅምቱ የሲኖዶሱ ምልአተ ጉባኤ በተመረጡት ብፁዓን አባቶች የቀረበውን የዕርቀ ሰላም ንግግር ምክረ ሐሳብ በመመልከት ሰነዱ በተጨማሪ አራት ሊቃነ ጳጳሳት ተመርምሮ እና ዳብሮ እንዲቀርብ አድርጓል፡፡ ምክረ ሐሳቡ በዋናነት አራተኛው ፓትርያርክ ብፁዕ ወቅዱስ አቡነ መርቆሬዎስ ወደ ሀገር በሚመለሱበት፣ ከእርሳቸው በኋላ ከሀገር የወጡት ሦስቱ ሊቃነ ጳጳሳት አገልግሎታቸውን በሚቀጥሉበት፣ በአራተኛው ፓትርያርክ እና በሦስቱ (አራተኛው ብፁዕ አቡነ ዜና ማርቆስ በማረፋቸው) ሊቃነ ጳጳሳት በ1999 ዓ.ም የተሾሙት 13 ኤጲስ ቆጶሳት ሢመት አግባብነት ታይቶ እና ተቀባይነት አግኝቶ አገልግሎታቸውን በሚቀጥሉበት ሁኔታ ላይ ያተኮሩ ነጥቦች የሚገኙበት መሆኑ ተገልጧል፡፡

በእኒህ ነጥቦች ላይ በውጭ በሚገኙት አባቶች ዘንድ ‹‹ብዙም የማይጎረብጡ እና ለዕርቀ ሰላሙ ሂደት ምቹ›› የተባሉ መቅድማዊ ሁኔታዎች ተቀምጠዋል ተብሏል፡፡ በምክረ ሐሳቡ መሠረት ብፁዕ ወቅዱስ አቡነ መርቆሬዎስ ወደ አገር ቤት ተመልሰው ለፓትርያርክ በሚገባ አኳኋን ለመንፈሳዊ ኑሯቸው እና ለጤንነታቸው አስፈላጊ የሆነው አገልግሎት ተሟልቶላቸው በመረጡት ገዳም በጸሎት ተወስነው እንዲቀመጡ፤ ሦስቱ ሊቃነ ጳጳሳት (አቡነ መልከ ጼዴቅ፣ አቡነ ጎርጎርዮስ እና አቡነ ኤልያስ) ወደ ሀገር ተመልሰው ቅዱስ ሲኖዶሱ በሚመድባቸው ቦታ አገልግሎታቸውን እንዲቀጥሉ፤ የ13ቱን ኤጲስ ቆጶሳት ሢመት ያለቅድመ ሁኔታ በመቀበል ቅዱስ ሲኖዶስ በሀገር ውስጥም ይሁን በባሕር ማዶ በሚመድባቸው ቦታ እንዲያገለግሉ የሚሉ ናቸው፡፡ የመጨረሻውን ነጥብ አስመልክቶ ‹‹ኤጲስ ቆጶሳቱ የተሾሙበትን ከፍተኛ ማዕርግ የሚያስከለክል ነውር እና ነቀፋ የሌለባቸው፣ የታመነባቸው እና ብቃት ያላቸው መሆኑ እየታየ ነው መቀበል ያለብን›› የሚል ሐሳብ ቀርቦ የነበረ ቢሆንም ለዕርቀ ሰላሙ ሂደት እና ለቤተ ክርስቲያን አንድነት ሊፈጥረው ከሚችለው መሰናክል አኳያ በጉባኤው ተቀባይነት ሳያገኝ ቀርቷል፡፡ የጉዳዩ ታዛቢዎች የቤተ ክርስቲያኒቱ አንድነት ከሁሉም ቅድሚያ የሚሰጠው ቢሆንም ከሥነ ምግባር በመለስ ውለው አድረው ሃይማኖታዊ እና ቀኖናዊ ችግር የሚፈጥሩ ጉዳዮች ካሉ ጨርሶ ቸል ሊባሉ እንደማይገባቸው አስተያየታቸውን ይሰጣሉ፡፡

በውይይቱ እነዚህ ነጥቦች ስምምነት ከተደረሰባቸው ጥር 25 ቀን 1999 ዓ.ም የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ‹‹በሌላቸው የፓትርያርክነት ሥልጣን ተወግዘው ከተለዩት ጋራ ኤጲስ ቆጶሳትን ሾመናል በማለት በመንፈስ ቅዱስ ላይ በመዋሸት ተዳፍረዋል፤ በአንድነቷ ጸንታ የኖረችውን ቤተ ክርስቲያን ሆን ብለው ለመገነጣጠል አቅደው እና አስበው ሕገ ወጥ ሲኖዶስ በማቋቋም የክሕደት፣ የሐሳዊ መሲሕ ወይም የመናፍቅ ተግባር ፈጽመዋል›› በማለት ያስተላለፈውን ቃለ ውግዘት ያነሣል፡፡ በሌላ በኩል በውጭ የሚገኙት አባቶች ጥር 30 ቀን 1999 ዓ.ም ባወጡት መግለጫ ‹‹የአራት ኪሎው ሕገ ወጥ ሲኖዶስ›› ያሉት አካል ያስተላለፈውን ውሳኔ ‹‹በመሻር›› ውሳኔውን ያሳለፉትን ፓትርያርክ አቡነ ጳውሎስን ከእርሳቸውም ጋራ ሊቃነ ጳጳሳቱን እና በእርሳቸው የተሾሙትን ኤጲስ ቆጶሳት በመቃወም ያስተላለፉትን ቃለ ውግዘት ያነሣሉ ተብሎ ይጠበቃል፡፡

ለዕርቀ ሰላም ንግግሩ ቅዱስ ሲኖዶስን በመወከል ብፁዕ አቡነ ቀውስጦስ፣ ብፁዕ አቡነ አትናቴዎስ፣ ብፁዕ አቡነ ገሪማ እና በመ/ፓ/ጠ/ክ ጽ/ቤት የመንፈሳውያን ጉዳዮች ዘርፍ ምክትል ዋና ሥራ አስኪያጅ ንቡረ እድ ኤልያስ ኣብርሃ በልኡካንነት ተመርጠዋል፡፡ ለልኡኩ በጸሐፊነት የሚያገለግሉት ንቡረ እድ ኤልያስ በጥቅምቱ የቅዱስ ሲኖዶስ ምልአተ ጉባኤ ባቀረቡት አሉታዊ ሪፖርት ሳቢያ ተቃውሞ የተሰነዘረባቸው ቢሆንም በፓትርያርኩ ድጋፍ ሊካተቱ ችለዋል፡፡ ይሁንና በውጭ በሚገኙት አባቶች ዘንድ በእርሳቸውም ይሁን በሌሎቹ የልኡካን ቡድኑ አባላት መካተት ጉዳይ ላይ የሚቀርብ ቅሬታ ቢኖር በሲኖዶሱ በኩል እስከ መለወጥ ድረስ ፈቃደኛነቱ እንዳለ ተመልክቷል፡፡ የንግግሩን ሂደት እንዲያስተናብሩ በሲኖዶሱ በተመረጡት ሦስት ሽማግሌዎች ላይም ተመሳሳይ ጥያቄ ቢነሣ ሁሉም ወገኖች የሚስማሙባቸው ሌሎች ሽማግሌዎች እንደሚተኩ ተገልጧል፡፡ ቀደም ሲል ለተካሄዱት ውይይቶች ግንባር ቀደም ሚና ከነበራቸው ውስጥ እንደ አምባሳደር ካሳ ከበደ ያሉት በአሁኑ ዙር ባይካተቱም ፕሮፌሰር ኤፍሬም ይሥሐቅ እና ሌሎች ተጨማሪ ሦስት ሽማግሌዎች በውጭ በሚገኙት አባቶች በኩል መዘጋጀታቸው ተጠቁሟል፡፡

23 comments:

Anonymous said...

O God of Abraham, Isaac and Jacob show us the Unification of Tewahido in our generation. Amen.

Please lets pray on this matter, brothers and sisters.

A single Abatachin Hoy has a power to change the world.

Anonymous said...

Great progress. Hopefully this will start the beginning of the end of division in our church.

lule said...

የአዲስ አበባው ሲኖዶስ እርቁን የሚፈልገው አይመስልም።ይህን ያልኩበት ምክንያት ስለሁለት ነገር ነው። የወያኔ ድርጊት በግልጽ እየታወቀ የአዲስ አበባው ሲኖዶስ ገና ከውጩ ሲኖዶስ ጋር ሳይወያይ አንዳድ አጠራጣሪ ውሳኔዎችን ማሳለፉ እርቁን ያለመፈልጉን ያመለክታል።
ለምሳሌ ፓትርያርኩ አቡነ መርቆርዮስ እና ሦስቱ ጳጳሳት አቡነ መልከ ጼዴቅ፤ አቡነ ኤልያስ፤ አቡነ ጎርጎርዮስ፤ ወደ ሐገር ቤት ተመልሰው ሲኖዶስ በሚመድባቸው ቦታ እንዲያገለግሉ የሚለው ውሳኔ እርቁን የሚያበላሽ ነው። ምክንያቱም እንሱን አሥሮ ቁጭ ለማድረግ እንጂ ሌላ አላማ ያለው አይመስልም ባገር ውስጥ ያሉት ጳጳሳት እንኳ መሥራት አልቻሉም እንኳንስ ጠላቴ የሚሏቸው ሰዎች ገብተው ሊሠሩ።
በቅርቡ የኢትዮጵያው ሲኖዶስ ያስተላለፋቸው ውሳኔዎች እንኳ በጠብንጃ ኃይል እስከ አሁን ታፍነው እያለ የጳጳሳት ቤት እየተደበደበ በጉልበት በሚመራ ሲኖዶስ ውስጥ እኒህን ሦስት ጳጳሳት ማን ያሠራቸዋል? ወያኔም ሆነ ሲኖዶሱ ላወጣው ሕግ የማይገዛ መሆኑ ዓለም ያወቀው ነው። ታድያ የማን ሞኝ ነው እሥር ቤት ለመግባት ወደ ኢትዮጵያ ሄዶ እጁን የሚሠጥ? የኢትዮጵያው ሲኖዶስ የህን የብልጥ ውሳኔውን እንደገና ቢያስብበት መልካም ነው።
ሁለተኛው የእርቁ እንቅፋት ደግሞ የአባ ጳውሎስ በሲኖዶሱ ውስጥ የነበረው ክርክር ሲሆን ውይይቱ ከአሜሪካ ውጭ እንዲሆን እና አስተማማኝ ደህንነት በሌለባቸው ሀገሮች እንዲሆን መወሰኑ አሳሳቢ ነው ጥርጣሬን የሚያጭር ነው። ይታሰብበት!!! ማን ነው አሜሪካስ ጣልቃ ሊገባ ይሚችለው ከተመረጡት ሽማግሌዎች እና ከተዳራዳሪዎች ውጭ ማን ሊኖር ይችላል? ማን ነው ጣልቃ የሚገባው ? ኬንያ የማፍያ ሀገር መሆኑ አልታወቅ ብሎ ነው?ኬንያ የተመረጠው? ምነው የአውሮፓ ሀገሮችስ አሉ አይደል? የውይይት ቦታውን መወሰንን ያለበትስ ማን ነው? ሽማግሌዎች ወይስ ለውይይት የሚቀርበው ተቀናቃኝ አካል? የውይይቱን ቦታ ሽማግሌዎች ወይም ሁለቱ ተዳራዳሪዎች ቢመርጡት ይሻል ነበር። አለባለዚያ ግን ውይይቱን ጥያቄ ላይ የሚጥለው ነውና ከወዲሁ አስቡበት? ማታለል እርቅን አያመጣም እውነት እና እውነት ብቻ እንጂ። እርቁን በጉጉት ስንጠብቀው ነው የቆየነው አሁን በደጀሰላም ያነበብነው ውሳኔ ግን እርቁን የሚጎትት ስለሆነ እባካችህ አስቡበት። ቸር ወሬ ያሰማን!!!

Anonymous said...

DS;
I don't believe what you are saying. You are twisting to the interest of MK.
Stop spoiling peace.

Anonymous said...

EGZIABHER YAWQAL. This reprt seems very positive, but it seems this is all about the synod in Ethiopia only. what does it look like the response from the american synod? I beleive the addis ababa synod have moved extra mile for the peace of the church regarding abune merqoryos, the three apostols and the other 13 fathers, If the response from the american side also the same I hope every thing will be alright.


Let us also unite and watch out for those who work against the unification of the church. let get out of poletics for the seck of the church

Anonymous said...

Kidus Abatachen Abune Merkirios andit negere be egziabehere sime elemenwotalehu.Lebete Kirstian andinet silu hulun negere tetewu lemen wede kidist agere Ethiopia ayemelesum? Mekeram bimetabewote hulun bemiyasechel amlake yechelutal. Ebakwoten yekedemuten ye Egziabehern kale yetenageruten abatoch kale asbu,aselaslu bemecheresham melkamun meretu.
Yehenenem lemadreg egziabehere yerdawote.
Kidane Mariam negn ke Atlanta

ዘክርስቶስ said...

እኔ አባቶቻችን ሆይ! ‘እርስ በርሷ የምትለያይ መንግስት አትጸናም’ የሚለው ክርስቶሳዊ ቃል አሁን ‘ሀ’ ብላችሁ የተግባር ጥናት የጀመራችሁ ይመስለኛልና ግፉበት ብዬ አስተያየቴን ለግሼ ነበር።
ነገርግን ለጀመሩት ጥናታቸው ዕንቅፋት የሆናችሁባቸው፣ ምንም ለሀገርና ለቤተ ክርስቲያን የመቆርቆር ምልክት የሌላችሁ፣ጉልበታችሁ ዐረፍተ ነገሮችን ለማጣመምና የአንባቢውን ሒሊና ለመበወዝ ብቻ የተዘጋጀ ግለሰቦች ወይም ለቤቴ ክርስቲያናችን ጣውንት ከሆኑባት ድርጅቶች የተላካችሁ ቲፎዞዎች እንዳላችሁ ተገንዝበናልና እባካችሁ ተንኳሽ አመላችሁን አራግፉት።
አምላከ ኢትዮጵያ ሐዋክያንን ያስተአግስልን፤ አባቶቻችን የጀመሩትን የተቀደሰ ሐሳብም ፍጻሜውን ያሳየን
እውነቱን ባልናገር ወዮልኝ!

Anonymous said...

ሳልሞት አንድነቱ ሠምሮ አይቼው !
እግዚአብሔር ፈቃዱ ይሁንልን

Anonymous said...

the report seems that all thing would go for the intereste of one side ,what about the American synod's. I think real unity cames when the intereset of both sides respected.

በድርጊቶቻቸው የተሰላቸው said...

እኔን የሚያሳስበኝ በጥር መጀመሩ ሳይሆን በጥል እንዳይጠናቀቅ ነው፡፡ ምክንያቱም እዚህም እዚያም ያሉት ሰዎች ከእግዚአብሔር ቤተክርስቲያን አንድነትና ትውልዱን ከሰይጣን የኑፋቄና የፍልስፍና ወጥመዶች ከመታደግ ይልቅ እልህና ምቾት የሚፈታተናቸው ይመስላሉ፡፡ ሲሆን መጻሕፍት እንደሚሉት የእግዚአብሔር ሰዎች ሹመት እምቢ ብለው ይሸሻሉ እንጂ ስለ ሥልጣን ብለው እንዲህ ነገረ ዘርቅ ሲወራወሩ ዓመታትን አያሳልፉም፡፡

ወደዱም ጠሉም የቤተክርስቲያኗ ህልውና በእነርሱ ሳይሆን በእግዚአብሔር እጅ የተያዘ ነው፡፡ እነርሱ እንደማንኛውም ሰው ነገ ይሞታሉ፡፡ ይረሳሉም፡፡ ሁለቱም ራሳቸውን እንደሰማዕት እየቆጠሩ ከማጽደቅ ይልቅ ነገ በደግ እንዲታወሱ፣ ከላይኛው ቤትም ፍርድ አለና “በጎቼን የት አሠማራህ” ተብለው ሲጠየቁ “እንደጨው በትኜልህ መጣሁ!” መልስ ስለማይሆን ስለቤተክርስቲያን ሁሉን ትተው የእግዚአብሔሩን ቢያስቡት ይሻላቸዋል፡፡

እኛንም አንገት አያስደፉን!

Anonymous said...

የአዲስ አባ ሲኖዶስ ወይም በስደት ያለው ሲኖዶስ እየተባለ
የሚነገረው ንትርክም ሆነ የተፈጠረው የቀኖና ችግር ውጣ ውረድ የበለጠው
የእያንዳንዱ ፓትርያርክ ጳጳስ ቄስ ዲያቆን ሌሎችም ለወንጌል አገልግሎት
ተሰልፈናል የሚሉ ሁሉ
መንፈሳዊነት - ለመንፈስ ቅዱስ ታዛዥነት
ሕይታቸው ተግባራቸው ክርስቲያናዊ መሆኑ
ለሌሎች ምሳሌ መሆን መቻል
ወንጌልን ሲያተምሩ የሚያስተምሩትን እነሱ በሕይወታቸው ይንጸባረቃል

በነዚህ ነጥቦች ሲለኩ ስንቶች ናቸው ክርስቲያናዊ ሕይወት አላቸው የምንላቸው
ከአባ ጳውሎስ -ያለፉት የፖለቲካ መሪ ዲክታተሮች እንዳደረጉት የድንጋይ ምስል ሃውልት ካሰሩ
--ምን ደረሰ የማፍረሱ ውሳኔ--

ለቤተ ክርስቲያን እና ለክርስቲያኖች የሚበጀው
እነሱን አሰልፎ ይሄ ብቃት የለውም ወዶ ንስሀ ሕይወት ወደሚያገጅበት ይላክ
ይሄ ብቃት አለው ቤተ ክርስቲያንን ይጠብቅ ወንጌል ይስበክልን ብለን መወሰን
ስንችል ያን ግዜ በቤተ ክርስቲያን እርቅና ሰላም ይመጣል

Anonymous said...

@LULE:

Yihenin hasab yizeh endet cher yaseman tilaleh? Lemin besiga bicha tasibaleh? Yetis hager binoru sema'etinet berasu eko kiristina newu. Minewu endezih yeAzagn kibe anguwach honk ante? Ere sile Egziabher endezih ayinet hasab atitsaf. Minim yihun min yitarekulin bilen tilik memegnet sigeban endezih ayinet afirash neger lemin tasibaleh? YeAbune Paulosn tifat sayihon yeSynodosun tinikare lemin atayim? Yetemeretutis shimagilewoch yihenin sayimeremiru yemigebu yimesilehal?

Emamlakin ene betam azignebihalehu. Enena ante eniwakes enji yezih ayinet afirash neger anakrib lediridiru. Kasazenkuh yikirta eteyikalehu gin SeleEgziabher ahunim endezih ayinet hasab atisenzir.

Niguse said...

እናንተ አሉባልተኞች እባካችሁ አሉባልታ በማቀጣጠል የምታደርጉትን አሪዮሳዊ እንቅስቃሴ አቁሙ።

Aeንፋረዳችሗለን።

ንጉሴ ዘ ሐገር ፍቅር

The De.... said...

@ annonymous just before zekirisitos:Why didn't you say the same to abune paulos? They both need to stop their claim to have been patrirch;both of them should serve as papas now on, not as patriarch!And a new patriarch should to be ordained after they agree to reconcile and bribg unity.In fairness we should not blame or support one or the other.Both are guilty,both need to compromise and try to bring peace and unity to the house of God inorder to escape from the wrath of God.

መርከቤ ንጉሴ /ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!

ወገኖቼ እስቲ አስተያየት ከመስጠታችን በፊት የመወያ ሐሳቡን በሚገባ እናንብበው። ከዚያም ሐሳብን መግለፅ የተገደበ ባይሆንም የምንሰጠው አስተያየት ሚዛናዊና ትክከለኛ ነው ወይስ አይደለም ብለን ብናስብ ትዝብት ላይ ከመውደቅ እንድናለን። ሌላው ደግሞ የሚገርመው ነገር መንግስትና ሐይማኖትን ለምን አንድ እናደርጋቸዋለን? የሚነሳው ሐሳብ ስለ ቤተ ክርስቲያናችን እስከሆነ ድረስ ስለ ሌላው ለምን እንዘባርቃለን? በመንግስትና በሐይማኖታችን መካከል ችግር አለወይ? ይሔ ሌላ ጥያቄ ነው። ነገር ግን በማይገናኝ ርዕስ ላይ ተንተርሶ የማይገባ አስተያየት መስጠት ከአንድ እውነተኛ ኦርቶዶክሳዊ ክርስቲያን አይጠበቅም።
"ድርድሩ ሌላ ቦታ መካሔዱ ጥርጣሬ ያጭራል።"የሚል ሐሳብም ተሰንዝሯል። በኬንያ ተካሔደ በእስራኤል መንፈስ ቅዱስ ካስተማራቸው አባቶቻችንና ከሌሎቹ ምሁሮች ይልቅ አኔ አውቃለሁ ማለት እጅግ ያሳፍራል። ደግሞ አንብበን መረዳት ብንችል ኬንያ እንደ አንድ አማራጭ ታሰበ እንጂ በኬንያ ይሁን አልተባለም። ድርድሩ ገና ሳይጀመር ይሔኛው ሲኖዶስ እርቁን አልፈለገም በማለት ግምታዊ አስተያየት መስጠት ድፍረት ከመሆኑም ሌላ ጤናማ አስተሳሰብ አይደለም። ስለዚህ እውነተኛ ክርስቲያኖች ከሆንን ለቤተ-ክርስቲያናችን ሰላም እንዲመጣ አጥብቀን እንፀልይ።

የእግዝአብሔር ሰላምና ቸርነት ከሁላችን ጋር ይሁን። አሜን!!
መርከቤ ንጉሴ /ከአዲስ አበባ/

Anonymous said...

Leqedest betekerstian keber ena andnet yetem hedew bitarequ hulum neger lebgo alama selehone, lewt yelewem. We need EOTC be one and pray together to win all enemis. Lezihum huletum seleandit betekeristian endiseru enteyqalen.
Selame egziabher kehulachin gar yehun, AMEN.

Anonymous said...

Who should be the patriarch of Ethiopia? most of the believers don't need Aba Poulos, i personaly need Aba Markorios. So i don't think the synod in Addis is ready may be wayane is pushing them for his political advantage

Anonymous said...

ጥር የሠላም የእርቅ ወር እንድትሆን ሁላችንም እንጸልይ እግዚአብሔር ለሁላችንም ልቦና ይስጠን፡፡
ከዓመታት በኃላ እርቅን ማሰቡ በራሱ ወደህሊናችን /ልቦናችን/ መመለስን ያሳያል፡፡

Anonymous said...

Anonymous said...
ሳልሞት አንድነቱ ሠምሮ አይቼው !
እግዚአብሔር ፈቃዱ ይሁንልን

December 30,2010

የማቴዎስ ወንጌል16-26
ሰው ዓለሙን ሁሉ ቢያተርፍ ነፍሱን ግን ቢያጐድል ምን ይጠቅመዋል?

እያንዳዳችን ቅድሚያ ለሕይወታችን መዳን ቢሆን

mebrud said...

ወንድሞቼና አባቶቼ ወያኔና ደርግ የሚባሉ ቃላት ብዙ ዋጋ አስከፍለውናል፡፡

አንዲያውም ጦሱ ለቤተክርስቲያን ተርፎ ይኸው አባቶች በልጆች ሊታረቁ ልመናና ጸሎት ተይዟል፡፡

እንዲያው ምናለ ለእርቅ የሚረዳ እንጂ ቃላት ብናፈልቅ፡፡


እርቅም ዋጋ ያስከፍላል፡፡
እስኪ ከአንደበት ቀንሰን ከጸሎቱ እንጨምር፡፡

ደጀ ሰላም አሁን ነጻ አሳብ ይንሸራሸር ብሎ ነገር ከጥቅሙ ጉዳቱ ሊያመዝን ይችላል፡፡

አስፈላጊ ሆኖ ሲገኝ ቢከረከምኮ፡፡

ይቺንም ጨምሮ

Anonymous said...

እነንተ ሰዎች ደሞ ብላቹ ብላቹ የቤተክርስትያን አባቶች ከነ ዶዝሞን ቱቱ በታች አስቀመጣችሁዋቸው? ይገርማል!!!
1. እርቅን በፖለቲካ መሸፈን
2. ሲኖዶስን መከፋፈል
3. ቅንነት ማጣት
4. ዘኝነት በተለይ ከትግራይና ከደቡብ ለመጡት
ለመሆኑ እናንተ ማን ናችሁ? ምንድነው አላማችሁ?ነጽሩ

Anonymous said...

Please, be positive about this. This means a lot to us. It should be all about LOVE (Our Lord JESUS CHRIST) not some politics. Just PRAY for this unification, if you care, for Christ's sake!

Thanks,

Selome said...

ኤግዚአብሄር ይቸመርበት

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)