December 4, 2010

የቅድስት ሥላሴ መንፈሳዊ ኮሌጅ አንድ ተማሪውን ከትምህርት አገደ

(ደጀ ሰላም፤ ዲሴምበር 4/2010 ኅዳር 25/2003 .) የቅድስት ሥላሴ መንፈሳዊ ኮሌጅ አስተዳደር ጉባኤ ለአዲስ ተመዝጋቢ ደቀ መዛሙርት ባስቀመጠው መስፈርት መሠረት ‹‹ከተቋሙ የቅበላ መስፈርቶች አንዱ የሆነውን በሀገረ ስብከት ሊቀ ጳጳስ ወይም በአጥቢያ ቤተ ክርስቲያን አስተዳዳሪ የተፈረመበት የድጋፍ ደብዳቤ በተሰጠው ጊዜ ገደብ ውስጥ አላቀረበም፤ በድጋፍ ደብዳቤ ስም ያቀረበውም ማስረጃ ተቀባይነት የሌለው ነው፤ ከአንድ ወር በላይ በትምህርት ገበታው ላይ አልተገኘም››፣  ከሬጅስትራሩ፣ ከአካዳሚክ ዲኑ እና ከበላይ ሐላፊው ዕውቅና ውጭ ወደ ኮሌጁ በሕገ ወጥ መንገድ በመግባት ትምህርት ጀምሯል ያለውን አሰግድ ሣህለ የተባለ ተማሪ አገደ፡፡

የኮሌጁ ደቀ መዛሙርት እና የመምህራን ጉባኤ ቀድሞም የአሰግድ ሃይማኖታዊ አቅዋም እና ኦርቶዶክሳዊነት ይጎድለዋል በሚል ሲያቀርቡ በቆዩት ቅሬታ መነሻነት የግለሰቡን አገባብ የመረመረው የአስተዳደር ጉባኤው፣ በማታው መርሐ ግብር ተመዝግቦ በቀኑ መደበኛ የትምህርት ክፍለ ጊዜ ትምህርቱን በተመላላሽነት እንዲቀጥል በኮሌጁ የቀን እና የማታ መርሐ ግብር ሐላፊ የተሰጠው ፈቃድ አግባብነት እንደሌለው በሙሉ ድምፅ ባስተላለፈው ውሳኔው አመልክቷል፡፡

ቀደም ሲል በኮሌጁ የዲፕሎማ ፕሮግራም ተመዝግቦ ትምህርቱን የተከታተለው አሰግድ የኑፋቄ እንቅስቃሴ አራማጅ ነው በሚል ዲፕሎማው ሳይሰጠው ተይዞበት የቆየ ሲሆን ዘግይቶ የወሰደውን ዲፕሎማ መነሻ በማድረግ በዲግሪው መርሐ ግብር ለመቀጠል በበርካታ አጋጣሚዎች አመልክቶ የነበረ ቢሆንም በየጊዜው በሐላፊነት ላይ በነበሩት አካዳሚክ ዲኖች እና የቀኑ እና የማታው መርሐ ግብር ሐላፊዎች ማመልከቻው ውድቅ ሲደረግበት ቆይቷል ተብሏል፡፡

በዚህ የተነሣ በዘንድሮው የትምህርት ዘመን አሰግድ በይፋ ከሚታወቀው የኮሌጁ የቅበላ መስፈርት እና በየደረጃው ከሚገኙት የአስተዳደር ጉባኤው አባላት ዕውቅና ውጭ ወደ ኮሌጁ ለመግባት ሙከራ ማድረጉ ተመልክቷል፡፡ የማታው መርሐ ግብር ሐላፊ በሆኑ አንድ ሰ ርዳታ የአሰግድ ማመልከቻ በሬጅስትራሩ እንዲፈረምበት በማድረግ ግለሰቡ ለተወሰነ ጊዜም ቢሆን በስመ ተማሪ ለመጠራት እንደበቃ ተገልጧል፡፡

ኮሌጁ ትምህርታቸውን በዲፕሎማ ያጠናቀቁ ደቀ መዛሙርት ከምረቃ በኋላ የነበራቸውን የአገልግሎት ቆይታ፣ ትምህርታቸውን እንዲቀጥሉ ቢፈቀድላቸው ቤተ ክርስቲያኒቱን ተመልሰው ለማገልገል ያላቸውን ዝግጁነት የሚገልጥ ለዚህም ሐላፊነት ወስዶ የሚያረጋግጥ የሀገረ ስብከት ሊቀ ጳጳስ ወይም የአጥቢያ ቤተ ክርስቲያን አስተዳዳሪ ፊርማ እና ማኅተም ያረፈበት ሕጋዊ ሆኖ የወጣ ደብዳቤ ሲያገልግሉ ከቆዩባቸው ስፍራዎች እንዲያመጡ ይጠይቃል፤ አሰግድም ሃይማኖታዊ አቋሙ የተነሣ ወደ ኮሌጁ እንዲገባ በመፈቀዱ ስጋት የገባቸው የኮሌጁ ማኅበረሰብ አባላት ያቀረቡትን ቅሬታ መነሻ በማድረግ ይህንኑ ሕጋዊ የድጋፍ ደብዳቤ ሲያገለግል ከቆየበት ስፍራ በተሰጠው ጊዜ ገደብ እንዲያመጣ በኮሌጁ የበላይ ሐላፊ ብፁዕ አቡነ ጢሞቴዎስ ተጠይቋል፡፡

ሲያገለግል የቆየበት አጥቢያ ምሥራቀ ፀሐይ ቀበና መድኃኔዓለም ቤተ ክርስቲያን መሆኑን ለበላይ ሐላፊው የተናገረው አሰግድ የድጋፍ ደብዳቤውን ቢጠይቅም በአሁኑ ወቅት አባልም አገልጋይም ባለመሆኑ ሊጻፍለት እንደማይችል ይነገረዋል፡፡ በመቀጠል ወደ የበግ ለምድ ለብሶ ከአጽራረ ቤተ ክርስቲያን በሚጎርፍለት የገንዘብ ድጋፍ የተሐድሶ ኑፋቄውን ሲያራምድ ተጋልጦ ወደተባረረበት የደብረ ይባቤ ቅዱስ ያሬድ ቤተ ክርስቲያን ቢያመራም የጠየቀው ሕጋዊ ደብዳቤ ሊሰጠው እንደማይችል በደብሩ አስተዳዳሪ ይገለጽለታል፡፡ ይሁንና በዚህ ካፈርኩ አይመልሰኝ በማለት የደብሩን ጸሐፊ በማግባባት በዲያቆኑ የተፈረመበትን ደብዳቤ ለኮሌጁ በማስረጃነት ያቀርባል፡፡

ኅዳር 23 ቀን 2003 ዓ.ም ጠዋት ደብዳቤውን መነሻ በማድረግ በጉዳዩ ላይ የተወያየው የኮሌጁ አስተዳደር ጉባኤ፣ አሰግድ አገለገልሁበት ብሎ ከገለጸው አጥቢያ ‹‹የድጋፍ ደብዳቤ›› ማቅረብ ባለመቻሉ፣ ‹‹የድጋፍ ደብዳቤ›› ብሎ ያቀረበውም በደብሩ አስተዳደር ታምኖበት በአለቃው የተፈረመበት ባለመሆኑ ሕጋዊነት እንደሌለው አረጋግጧል፡፡ በተጨማሪም በሕገ ወጥ መንገድ በማታው መርሐ ግብር ተመዝግቦ በቀኑ መርሐ ግብር በመመላለስ ከጀመረው የትምህርት ገበታ ከአንድ ወር በላይ ባለመገኘቱ ኮሌጁ ከእንግዲህ በተማሪነት ሊቀበለው እንደማይችል በሙሉ ድምፅ ስምምነት ላይ በመድረስ ውሳኔ አሳልፏል፡፡

በደቡብ ኢትዮጵያ እና በተለያዩ አህጉረ ስብከት በዚህ ተግባሩ ሲንቀሳቀስ የቆየው አሰግድ ሣህለ ከኅዳር ወር የመጀመሪያ ሳምንት አንሥቶ በተባበሩት ዐረብ ኤምሬትስ እና በሊባኖስ የኢትዮጵያ ኦርቶዶክስ ተዋሕዶ ቤተ ክርስቲያን አህጉረ ስብከት ሊቀ ጳጳስ በሆኑት ብፁዕ አቡነ ዲሜጥሮስ ባልተባረከው፣ በአህጉረ ስብከቱ ምእመናን መካከል ሁከት በመፍጠራቸው ውግዘት በተላለፈባቸው የጥቅም እና የኑፋቄ ቡድን አባላት በተቋቋመው ‹‹ዱባይ ቅዱስ ሚካኤል ቤተ ክርስቲያን›› ሲንቀሳቀስ ሰንብቶ ወደጠፋበት የትምህርት ገበታው ቢመለስም ውሳኔው በሚመለከተው የአስተዳደር ሐላፊ በአስቸኳይ ተገልጾ እንደሚሰናበት ለመረዳት ተችሏል፡፡ ይህን የኮሌጁን ውሳኔ ተከትሎ በነገረ መለኮት ምሩቃን ማኅበር ሥራ አስፈጻሚ ጉባኤ ውስጥ ገንዘብ ያዥ ሆኖ የተመረጠበት ሐላፊነቱ በማኅበሩ መተዳደሪያ ደንብ መሠረት ጥያቄ ውስጥ እንደሚወድቅ ተጠቁሟል፡፡

ውሳኔውን አስመልክቶ አስተያየታቸው የሰጡ ታዛቢዎች እንደገለጹት፣ የኮሌጁ አስተዳደር ዘግይቶም ቢሆን ይህን ጥንቃቄ የተመላበት ርምጃ መውሰዱ በተቋሙ እና በቤተ ክርስቲያኒቱ ውስጥ መዋቅራዊ በሆነ መልኩ የሚገኙትን የተሐድሶ መናፍቃን ለመቋቋም በቀናዒ ኦርቶዶክሳውያን ለሚደረገው እንቅስቃሴ ብርታት የሚሰጥ ነው፡፡

35 comments:

SeifeMichael said...

ደግሞ ይሄ ማነው... ???

Anonymous said...

Hey!!! That is good!!! I Know that kid around stadium preaching in a restaurant. He lookalike Menafk. I think he is one of them.

Anonymous said...

MK Ejachehun Kecollegu ansu. We will fight you as we did it before.

Anonymous said...

ኮልጁና የኮሌጁ ተማሪዎችን በደፈና ከመውቀስና ስማቸውን ከማንኳሰስ እንደነዚህ የመሳሰሉት ተኩላነታቸው በሕጋዊ መረጀ የተደገፈ ነቅሳችሁ ከነ ቆሻሻቸው ብታጋልጧቸው ከተቻለ የሸጡትን ሕሊናቸው በንስሐ እንዲመልሱት እንመክራቸዋለን አንዴ ደንቁረናል ካሉም አብረን ከዐውደምሕረታችን እንተፋቸዋለን።

ከዛው ከቤተ ክርስቲያኑ ነኝ አትጠራጠሩ

Anonymous said...

ያልገባኝ መንደርደርያ ዐረፍተ ነገር?
“ይህን የኮሌጁን ውሳኔ ተከትሎ በነገረ መለኮት ምሩቃን ማኅበር ሥራ አስፈጻሚ ጉባኤ ውስጥ ገንዘብ ያዥ ሆኖ የተመረጠበት ሐላፊነቱ በማኅበሩ መተዳደሪያ ደንብ መሠረት ጥያቄ ውስጥ እንደሚወድቅ ተጠቁሟል፡፡”
ሳህለ የማህበሩ ገንዘብ ያዥ ማለታችሁ ነው? አብራሩልኝና ዃላ እመለስበታለሁ።

እኔ said...

One thing i'm wondering... are you really the kind of person they say u are?? If so, you better watch where u are going. You never know who is watching you...believe me some one very close is!! What i advise you is ወደ ቤተክርስቲያን ሄደህ ንስሀ እንድትገባ. ያንን ካደረግህ ነፍስህ ተሸክማው የኖረችውን ሸክም አራገፍክ ማለት ነው:: ከዛ በሁአላ ተሸክመህው የመጣኸውን የማይጠቅም የምንፍቅና ማስፋፊያ ቁሳቁስ ማቃጠል ወይም መጣል አይከብድህም....ምን ለማለት እንደፈለኩኝ በደንብ ይገባሀል::

Lets pray for GOD to give us the strength and wisdom to follow his way with out twisting his words and to follow the RULES he thought us to follow.

"ይትባረክ አምላክ አበዊነ!.. የአባቶቻችን አምላክ ይባረክ"

Anonymous said...

koleju lemenafikan Yemiastemirew eskemeche new?wey metterat wey mezegat alebet!!

Orthodoxawi said...

Thanks to the college administration. Please keep on cleaning the college. The college should be only for the children of Tewahedo!

The Association of Theology Graduates, please do the same cleaning!!!

Long Live Tewahedo!

ledet Z awasa said...

to the second Anonymous and others like
1. i don't know why ever actions are attached to the so called MK. would you tell us the reasons?
2. Are you Devils that fight the truth?
3. keep it in your mind that always it is impossible to fight TRUTH. Don't wast your time .

Abew said...

Welde Gebriel
This is a very good news for the true Orthodox Christians. Because this boy has created a lot of problem on us in Harrar when he was preaching in Medhanealem Church before 3 years. Definitely this person has a heresy. I thank Our Lord and God Jesus Christ for always keeping our church.

Abew said...

Tigiestu,
It is more than five years since I came to Dubai. During this time I some times saw problems in the Church specialy when Asegid was coming to preach in Dubai. I am very happy by the action taken by the college. I will give my support to the college in the future if they continue to take strong actions against menafikan.

Anonymous said...

If he approach the Aba Paulos or the Elizabel he will be back. I'm sure he will continue in hurting the church due to lack of central administration system in our church. When one papas says no the other will say yes.....

Tamiru Z hawassa said...

የዋሃን የኢትዮጵያ ኦርቶዶክስ ተዋህዶ ሀይማኖት ተከታዮችን የሚያስቱ ግብረ ሰይጣኖች
ልክ እንደ አሰግድ
እግዚአብሔር ያጋልጣቸው፡፡
እኛም ነቅተን እንጠብቅ፡፡
ለሁሉም እግዚአብሔር ይርዳን፡፡

ታምሩ ከሀዋሳ

Anonymous said...

"MK Ejachihun kecollegu ansu" yalkew wendim yihin yaseregew MK mehonun bemin awek? yaderegewus MK kehone melkam arege inji min metfo neger arege? antem alamah indizi wendim silehone new yeferahew? kehone degmo yikiyal inji ayderilihim.

Kiduse wwek MS said...

በስመ አብ ወወልድ ወመንፈስ ቅዱስ አሐዱ አምላክ አሜን፡፡

ባለፈው Nov. 27 የጠቆምኳቸው የመፍትሔ ሃሳቦች ከእነዚህ ችግሮች በመነሳት ነበር፡፡ ኮሌጁ የወሰደው እርምጃ ትክክለኛና መቀጠል የሚገባው ነው፡፡

የተሐድሶዎች እንቅስቃሴ በአብዛኛው ውስጥ ለውስጥ መሆኑ የሚታወቅ ነው፡፡ በግልጽ አደባባይ የሚወጡት በጣም ጥቂቶቹ ናቸው፡፡ድምጻቸውን አጥፍተው እንደነ አሰግድ እንደነ አሸናፊ መኮንን /የይቅርታና የሌሎችም የኑፋቄ መጽሐፍት ጸሐፊ/ እንደነገረመውና ሌሎችም / ይቅርታ አርጉልኝና ዲ/ንና ካህን አልላቸውም/ በየስብከተ ወንጌሉ ፥ በየማኅበራቱ እና በየኮሌጁ ተሰግስገው የእናታቸውን ጡት የሚነክሱ ቤተክርስቲያኗ አውደ ምህረት ላይ ኑፋቄያቸውን ለመዝራት የሚራወጡ ብዙዎች ናቸው፡፡

አሰግድ ገና እነ ዮናስ ፣ እነግርማና እነፍስሐ በማኅበረ ቅዱሳን ሳይጋለጡና በቅዱስ ሲኖዶስ ሳይወገዙ ጀምሮ በ1986 ዓ.ም. በጠቅላይ ቤ/ክ ለሰ/ት/ቤቶች ኮርስ ሲሰጥ ሲበጠብጥ የነበረ ከመሆኑም በላይ ከቅዱስ ያሬድ ቤ/ክ በሰ/ት/ቤትና በሰበካ ጉባኤ የታገደ ነው፡፡ ይህ ሁሉ ሆኖ ግን ኮሌጅ ገብቶ ተመረቀ፡፡አሰግድ መናፍቅ ለመሆኑ በየመዝሙር ቤቶች ያሰራጫቸውን ስብከቶች ማዳመጥ ብቻ በቂ ነው፡፡ፍጹም የቤተክርስቲያኗን ዶግማ ስርዓትና አስተምህሮ የሚቃወሙ ስብከቶች ናቸው፡፡

እንደዚህም ሆኖ በአዲሱ ቅዱስ ሚካኤል ፣ በቅዱስ የሴፍ ፣ በሌሎችም አውደምህረትና ጉባኤያት ላይ በቅርቡም ቃለ እግዚአብሔር የተጠሙ ወገኖቻችን ድረስ በመሔድ ቀሚሱን /የበግ ለምድ/ ለብሶ ኑፋቄውን በመዝራትና ምዕመናንን ግራ በማጋባት ላይ ይገኛል፡፡ በተለይም ወደ ክፍለ ሃገር የሚደረጉ ጉዞዎች ላይ በአውደ ምህረት መርዙን ደብቆ የውይይት ፕሮግራም በማለት ከምሽት ጀምሮ በግልጽ የምንፍቅና ትምህርት ሲዘራ ያድራል፡፡

ወደ ኮሌጅ አጭበርብሮ መግባት እኮ በፈጣሪ ዘንድ ብቻ ሳይሆን በወንጀልም ያስጠይቀዋል፡፡ ይህ ደግሞ ከቢጤዎቹ ከነያሬድ አደመና ከነበጋሻው ጋር ያመሳስለዋል፡፡

ስለዚህ ሁሉም የቤ/ክ ልጅ ነቅቶ ሊከታተለው ይገባል፡፡

የተሐድሶዎች ጀርባ በደንብ ቢጠና አብዛኞቹ ማለት ይቻላል አጭበርባሪዎች ለምድራዊ ክብርና ዝና የሚሯሯጡ በተለይም ገንዘብ ወዳጆች ናቸው፡፡ እንዲያው አበዛኸው እንዳትሉኝ እንጂ አብዛኞቹ ዲቁና አለን የሚሉት ፎርጅድ መታወቂያ እያሰሩ ወይ ደግሞ በገንዘብ ሃይል እያወጡ ይመስለኛል፡፡
በጣም የሚያሳዝነው እንዲህ ዓይነት ወንጀል እየሰሩ እነ ቅዱስ ዮሐንስ አፈወርቅና እነ ቅዱስ አትናቴዎስ በቅድስናና በትህትና የቆሙበት መድረክ ላይ በድፍረትና በንቀት መቆማቸው ነው፡፡

ተሐድሶዎች ትእቢተኞች ስለሆኑ ወይም አውቀናል በቅተናል ስለሚሉ ወደ መረዳት አይመጡም እንጂ መንፈስ ቅዱስ እንዲገልጥላቸው ቢጠይቁ የሚከተሉትን 10 ነጥቦች ማስተዋል የሚገባቸው ይመስለኛል፡፡
1.ይህቺ ቤ/ክ የሲኦል ደጆች እንኳን እንደማይችሏት / ማቴ. 16፥18 /
2.የዚህ ዓለም ክብርና ዝና ኃላፊና የሚሻር መሆኑን / 1ኛ ዮሐ.2፥17 /
3.‹‹ገንዘብን የሚወድ አይጸድቅም ፤›› / ሲራክ 35፥5 /አደራችሁን ተሐድሶዎች መጽሐፈ ሲራክማ ከ66ቱ ውጭ ነው እንዳትሉ፡፡ / 1ኛቆሮ. 6፥10 1ኛ ጢሞ. 6፥10 ዕብ. 13፥5 /
4.እናንተ በምድራዊ ጥበብ ብትሽሎከሎኩ መንፈስ ቅዱስ ጊዜውን ጠብቆ እንደሚገልጣችሁ /መጽ. ኢዮ. 28፥11 መክ. 12፥14 ት.ዳን. 2፥22 /
5.ተሐድሶዎች በሙሉ ተሰብስበው ናቡከደነፆር በቀለለበት ሚዛን ቢመዘኑ ሚዛን እንደማይደፉ / ት.ዳን. 5 /
6.እውነት ምንጊዜም እንደማይደበቅ ሁሉ በብርሃን እንደሚገለጥ /ሉቃ. 12፥2 /
7.ይህቺ ሃይማኖት ለቅዱሳን የተሰጠች መሆኗን /ይሁዳ ቁ. 3/
8.በክርስቶስ ደም የተዋጁትና በጾም በጸሎት የሚተጉት ምእመናን /ከጥቂት የዋሆችና ስሜታውያን በስተቀር/ እያወቁ እንዳላወቀ ቢታገሱም ከቤ/ክ ስርዓት ማንም እንደማያናውጻቸው /ሮሜ 2፥7/
9.መጨረሻችሁ ገነት መንግስተ ሰማያት መግባት ሳይሆን አሜሪካ መግባት እንደሆነ
/ከእነ አባ ወ/ትንሳኤና ከነልዑለቃል ጀምሮ ኢትዮጵያ አልሳካ ሲላቸው ኮብልለው በግልፅ ኑፋቄያቸውን የሚዘሩትና አሁንም ባይሳካልኝ አሜሪካ እገባለሁ እያሉ የሚፎክሩት እነበጋሻውና እነአሰግድ ምስክሮች ናቸው፡፡/
10.ሁሉም በመጨረሻው ቀን በእውነተኛው ፈራጅ ፊት እንደሚቆም፡፡ራዕ. 22፥12
የእግዚአብሔር ቸርነት የእመቤታችን የቅድስተ ቅዱሳን ድንግል ማርያም አማላጅነት የቅዱሳን ተራዳኢነት ከሁላችን ጋር ይሁን፡፡ መናፍቃንንም ይመልስልን፡፡ አሜን፡፡

Anonymous said...

please brothers let us talk the root of this problem. i would like to suggest to have discussion topic on the cause, not on the effect. now we see the effect through asegid, begashaw, aba sereke, etc. let us talk the begining of real problem.
God BLESS US!

Anonymous said...

IT IS GOOD DOINING

Anonymous said...

nice

Anonymous said...

ወቸው ጉድ ስንት የማናውቃቸው ወንበዴዎች ከበውናል ባካችሁ?

እኛ ከማናውቀው እሱ ከሚያውቀው የአጋንንት ፍላጻና ፈተና ይጠብቀን፡፡

Anonymous said...

ቅዱስ ዮሐንስ አፈወርቅ የሲዖል ልጆች ሊያነውጿት አይችሉም የሚለውን የጌታን ቃል በተረጎመበት አንቀጹ በመናፍቃን ጳጳሳት በአላውያን መኳንት አማካኝነት ሰይጣን በቤተ ክርስቲያን ላይ ቀስቱን ቢያረግፍ አንድ ስንኳን ሊያሸንፍ እንደማይችልና ከእግዚአብሔር ቤተ ክርስቲያን ጋር የሚደረግ ትግል ሁሉ የሚደመደመው ክፉ ሰሪዎችና መናፍቃን በሚደርስባቸው ውድቀት መሆኑን ይነግረናል ፡፡ ይህች ቤተ ከርስቲያን በየዘመናቱ ሁሉ ልዩ ዓላማና መልእክት ይዘው ሊያጠፏትና ሊጥሏት የመጡትን ሁሉ ውጊያቸውን ሲጨርሱ በውርደት ሰታሰናብታቸው አይተናል ፡፡ በእኛ ዘመን እንኳን ክርስቶስን አይሰብኩም እኛ ነን እውነቶኞች ያሉት እነ አባ ዮናስና ግብረ አበሮቻቸው በወንጀል ተከሰው አድራሻቸውን አጥፍተው እንደሚኖሩ እናውቃለን ፡፡እነ ጽጌ ስጦታው በፈጠሩት ሀሰት በየአደባባዩ እየተዋረዱ እንዳሉ ተመልክተናል ሌሎቹም እንደዚሁ እነ ፓሰተር አሰግድ ሳህሌም እጣም ይህ ነው ፡፡ ዛሬ ቀበና አካባቢ በተከራዩት ቤት እየሰሩት ያለው የመንፈስ ሙሌትና የኑፋቄ አስተምሮዎች ሁሉም ሰው ያውቀዋል፡፡ እነያሬድ ዮሀንስ ሚስታቸው ሳትቀር በኦርቶዶክሰ ጉባኤ ላይ በመንፈስ ተሞልታ ባሏ ባወረደባት ዱላ ጋብ ባትል ኖሮ የወልቂጤው ጉባኤ ምንያህል በተዋረደ ነበር ፡፡ ከሀረር የተባረሩበትን በቂ ማስረጃ ለቤተ ክህነቱ በመቅረቡ ነበር እነዚህ መናፍቃን ዳኝነት ሳይጠይቁ በዚያው የጠፉትና የእፎይታ ጊዜ ወስደው ቤተ ክርስቲያኒቱን እያመሱ የሚገኙት ፡፡ ለመሆኑ ይህች ቤተ ክርስቲያን ምን አደረገችና ነው ኢየሱስን ያልሰበከችው ደግሞስ እኛ እየሱሳዊያነን የሚሉት የተሀድሶ መሪዎች እነ ፓስተር አሰግድና ያሬድ ዮሀንስ የክርስቶስን ጸጋ በሴሰኝነት እየለውጡ በህግ ያለገቧቸውን ሚስት እያሉ ይዘው በመዞርና በመርከሰ፡ የሰው ሚስትን ከተከበረ ትዳራቸው እያፋቱ በማማጋጣቸወ ነው ኢየሱስን እየሰበኩት ያለው ቅዱስ ይሁዳ በመልእክቱ የጌታችንን የኢየሱስ ክርስቶስን ጸጋ በሴሰኝነት የሚቀይሩ አንዳንዶች በመኃከላችሁ ሾልከው ገብተዋል ያለቸው የበለዓም ልጆች እነዚህ አይደሉምን ቤተ ክርስቲያኗን ለስጋ ፍለጎታቸው መጠቀሚያ አድርገው ባለመኑበት እምነት የሚንቀሳቀሱትን የባስን ልጆችን አጥበቀን ልንዋጋቸው ይገባል ቅዱስ ሚካኤል አሁንም የመዘዘውን የቅጣት ሰይፍ ሳያጥፍ በስሙ እየቀለዱ የሚገኙትንና ይህችን ቤተ ክርስቲያን ለመዋጋት የተነሱትን ሁሉ እንዲቀጣቸው እንለምናልን፡፡

Anonymous said...

ወይ አሰግድ ሳህሌ ግዜው ደርሶ ተጋለጥክ ትዝ ይልኃል ሀረር አግቼ የነገርኩ ተው ይህችን ቤተክርስቲያን አትዋጋ ትጥልሀለች ያልኩህ አሁንም ንሰሀ ግባ የጠፋሀቸውን ሰዎች መልስ ልብትስጥህ ወላዲተ አምላክ

Anonymous said...

ዉሉደ ያሬድ ነኝ
በደብረ ይባቤ ቅዱስ ያሬድ ቤተ ክርስቲያን ሰንበት ት/ቤት ከ1986 ዓ.ም ጀምሮ ተማሪ ነኝ አሰግድን በጣም አውቀዋለሁ ፡፡ከነ ዮናስ ፣ግረማ በቀለ ፣ ከነገረመው ጋር የተሐድሶን እንቅስቃሴ በዋነኝነት ሲያራምድ የነበረ እና በሰንበት ት/ቤታችን ብዙ ወጣቶችን ወደ መናፍቃን አዳራሽ ሲወስድ የቆየ ነው ፡፡ ሰንበት ት/ቤታችን ለሚመለከታቸው የደብሩ አስተዳደርና ለቤተ ክህነት በተደጋጋሚ በማሳወቅ ከሰንበት ት/ቤቱ እንዲታገድ አድርገናል ፡፡ ከ1990 ዓ.ም ጀምሮ ቅዱስ ያሬድ ቤተ ክርስቲያን አንድ ቀን መጥቶ ግቢውን እንኳን ረግጦ አያውቅም ነገር ግን እኛ ያሰባሰብንበት መረጃ የሰንበት ት/ቤቱ አዳራሽ በ1992 ዓ.ም ሲቃጠል አብሮ እንደተቃጠለ ስለሚያውቅ ደብሩ ጽ/ቤት የሚገኙትን በተለያዩ ጊዜ የነበሩትን የደብሩን ጸሐፊዎች በገንዘብ በመደለል መረጃዎቹን አውጥቷቿል ፡፡ ከዚህ በተጨማሪ የእርሱ ንሰሐ አባት ነኝ ባይ የደብሩ ተቆጣጣሪ የሆኑት ቀሲስ ተጠምቀ አስፍሃ ሲሆኑ እርሳቸው የደብሩን ገንዘብ በቆጠራ ጊዜ በመዝረፍ የሚታወቁና እጅ ከፍንጅ ተይዘው ታስረው የነበሩ ሲሆን ለአሰግድም እኔ ቀኖና ሰጥቼው ንሰሀ ገብቶ ተመልሷል በማለት የእርሱ ዋና ተባባሪ ናቸው ፡፡ አሁንም የደብሩን አስተዳዳሪ ለማሳሳት እኔ ኃላፊነት እወስዳለሁ እፈርማለሁ እያሉ ለማግባባት ይሞክራሉ ፡፡ የደብሩ ዋና ፀሐፊም ደብዳቤ ከመጻፉ በፊት እኛን ነባር አባላቱን ማነጋገር ይችል ነበር ነገር ግን በጥቅም ስለተያዘ በድብቅ ደብዳቤ ጽፎለታል ፡፡ ለቅድስት ሥላሴ መንፈሳዊ ኮሌጅም ዲፕሎማው እንዲያዝበት አሳውቀን እንዳይመረቅ ተደርጎ ነበር ፡፡ ነገር ግን እንዴት ዲፕሎማው እንደተሰጠው የምናውቀው ነገር የለም ፡፡ ስለዚህ በሀገር ውስጥም ሆነ በውጪ ሀገር የምትገኙ የቤተ ክርስቲያን ልጆች ሁሉ አሰግድ መናፍቅ መሆኑን በቅዱስ ያሬድ ቤተ ክርስቲያን ዉሉደ ያሬድ ሰንበት ት/ቤት ስም ላረጋግጥላችሁ እወዳለሁ ፡፡ ስለዚህ በጉባኤችሁ ላይ እያስተማረ የሚገኝ የስብከተ ወንጌል ኃላፊዎችም እስከ ዛሬ ባለማወቅ ጋብዛችሁት ያስተማሪ ቢሆንም ከአሁን በኋላ እያወቃችሁ ብትጋብዙት የመናፍቃን ተባባሪ እንደሆናችሁ ያስቆጥርባችኋል በተረፈ አሰግድን በተመለከተ እኛን ለማነጋገር የሚፈልግ ሁሉ በሰንበት ት/ቤታችን ስልክ ቁጥር 251-0116525443 ቢደውልልን ወይንም በኢ-ሜል አድራሻችን wuludeyared@yahoo.com ቢጽፍልን ለመተባበር ዝግጁ ነን፡፡
መጨረሻም ደጀ ሰላሞች የቤተ ክርስቲያን መረጃዎችን በትኩሱ ስለምታደርሱን መናፍቃንን ስለምታጋልጡልን በአምላከ ቅዱስ ያሬድ ስም ላመሰግናችሁ እወዳለሁ ፡፡ እግዚአብሔር አገልግሎታችሁን ይባርክላችሁ ፡፡

GUD-FELA ZE MINNESOAT said...

ለውሉደ ያሬድ የድጋፍ መልስ
እስከ ዛሬ ብዙ መልእክቶችን ከደጀ ሰላም አንብቤአለሁ፤ የብዙዎችንም መልካም አስተያየት አድንቄ አስተያየቴን ለግሼአለሁ። ቢሆንም ግን እንደ ውሉደ ያሬድ ዓይነት ሰንበት ትምህርት ቤት ግን አጋጥሞኝ አያውቅም። በሽንፍን ብዙ የሚሠራበትን ጉዳይ ወደ ጎን ትቶ ስለ ቤተ ክርስቲያን ክብርና ፍቅር ማንነታችን ከነአድራሻችንና ከነስልክ ቁጥራችን ይኸውላችሁ፤ ስለ አሰግድ ማወቅ ከፈለጋችሁ እኛን ጠይቁ በማለት ሙሉ ኃላፊነት ወስደው እስከ ዛሬ መናፍቁን ለማጋለጥ የተጓዙበትን መንገድ በገሐድ አሳይተው ትክክለኛ የተቃውሞ ድምፅ ማሰማታቸው እውነት በድብቅብቅ አለመሆኑን ያስረዳል። በእርግጥም የተባረካችሁ ባትሆኑ እንደዚህ ዓይነቱን ሁኔታ ማንነታችሁን ገልጻችሁ አታሳውቁምና እናንተን እግዚአብሔር ይባርካችሁ ለማለት እቸገራለሁ። ከእግዚአብሔር የሆነ የእግዚአብሔርን ሥራ ይሠራል ብዬ ብቻ አልፋለሁ። ከእንግዲህ አሰግድን ወደ ቤተ ክርስቲያን በመጋበዝ ፈጽሞ እንዳይጠፋ ትምህርት እንዲማር እንጂ እንዲያስተምር መሆን የለበትም በሚለው አባባል ፍጹም ተስማሚ ነኝ። አሰግድም እስከ ዛሬ ተናግረኻልና አሁን ደግሞ ጊዜው የአንተ ትምህርት መማሪያ /መስሚያ/ ሆኖ የቤተ ክርስቲያንን ድምፅ በማወቅና በመማር ሰምተህ ለመኖር እራስህን አስገዛ። ንስሐ ግቡ እያልክ ያስተማርክ አንተ ላይ ንስሐ ሲደርስ ቤት ጥለህ እንዳትወጣ። ምንፍቅና እንዳስተማርክና መናፍቅ እንደሆንክ ከተመሰከረብህ የአንተ ማስተማር ያጠፋል እንጂ አያንጽምና ጎበዝ ከሆንክ ተሳስቼ አሳስቼአችኋለሁ በማለት በፍጹም ንስሐ ተመልሰህ ማስተማሩን ትተህ ተማር።

አደራህን እ ን ዳ ታ ስ ተ ም ር። ዝም ብለህ ተ ማ ር አሁንም
ተ ማ ር። ቅኔው ይገባኻልና ምሕረት ተቀብለህ በንስሐ ተመልሰህ የቤተ ክርስቲያኒቷን ቃል ከአባቶችህ እየሰማህ ኑር። ማርያምስ የማይቀሟትን በጎ ዕድል መርጣለች ተብሎ ነውና የተጻፈው አንተም የማይቀሙህን በጎ ዕድል መርጠህ የቃልን ምግብ ከጸኑት ስማ። ውሉደ ያሬድ ሰንበት ትምህርት ቤት ቃለ ሕይወት ያሰማልን።

Anonymous said...

ለkidus wwwek ms
ስለ ኣቸናፊ መኮንን ምን ታቃለህ? እንዳመጣልህ አትናገር!!!!!!!!!!

haile said...

ሁሉንም የአቸናፊ መኮንን መጻህፍት አንብቢያቸዋለሁ፡፡ምንም ኣይነት ኑፋቄ አላየሁበትም፡፡please !hulachihum metsahiftun anbibachihu wey be diakon achenafi wey
kiduse wwek ms betebalew dejeselamawi firedu!!!!!!!!!!!!!!!!!!!

Anonymous said...

WHO IS ASHENAFI MEKONNEN ?
WHERE IS HIS SEBEKA ?
HIS SUNDAY SCHOOL ?

Kiduse wwek MS said...

አሸናፊ መኮንንን የት ታውቀዋለህ ነው ያልከው ?

መቼም አዲስ አበባ አልልህም፡፡

ኑፋቄውን ሲዘራ፣ ቅዱሳንን ሲሳደብ፣ መንደር ውስጥ/ካሳንቺስ አካባቢ/ የተሐድሶ ጉባኤ ሲመራ፣
ከ5 በላይ ኑፋቄ የተሞሉ መጽሐፍትን ሲጽፍና ሲያሰራጭ፣ የመናፍቃን መዝሙር /በግል የሚሰራጭ/ አውጥቶ በነጻ ሲያድል፣ አዋልድ መጻህፍት ተረት ናቸው ብሎ ሲያስተምርና የክህደት ትምህርቶችን በትራክትና በፖስታ ቤት ሲያሰራጭ አውቀዋለሁ፡፡

ዝርዝር ሁኔታውን የክህደት ትምህርቱን ከነመጽሐፎቹ ዝርዝር ልጽፍልህ እችላለሁ፡፡

ዝም ብሎማ ማውራት አለመጥቀም ብቻ ሳይሆን ያስቀጣልም፡፡ ግን ምእመናን እንዳይታለሉ ፣ መጽሐፉን ከመግዛት እንዲቆጠቡ /በነገራችን ላይ መጽሐፍቶቹ በማወቅም ባለማወቅም በመዝሙር ቤቶችና በየቤተክርስቲያን በር ላይ በመሸጥ ላይ ይገኛሉ/ ፣ ካሳንቺስ አካባቢ የሚያካሂደውን ጉባኤ እንዳይሳተፉ ፣ እርሱም ልብ ካገኘ እንዲመለስ እንጂ ለመሳደብና ለመንቀፍ እንዳልሆነ ይታወቅልኝ፡፡

እኔ የማወራው ዲ/ን ነኝ እያለ ቅዱስ ዑራኤልና ካሳንቺስ አካባቢ ኑፋቄውን ስለሚዘራው እንጂ ብዙ አሸናፊ መኮንን የሚባሉ ንጹሐን እንዳሉ ግን ልብ ይሏል፡፡

Anonymous said...

አፍንጫ ሲመታ አይን ያለቅሳል፡፡

መብሩድ said...

በአማን ውሉደ ያሬድ፡፡
ሰ/ት/ቤት እንዲህ ሲሆን ደስ አይልም?
ታኮራላችሁ፡፡
ኸረ በእመብርሃን ሌሎቻችሁ እንዲህ ጠንክሩ፡፡
ሰ/ት/ቤት የቤተክርስቲያን ተስፋ ነው፡፡
አባለቱ ዝምብለው 'መዝሙር' ላይ ሲተጉ ሥጋትም ሊያደርጉት ይችላሉ እነ...

Anonymous said...

I know this guy since child hood.He was among 'theadisos' and was kicked out from st. yared church & sunday school for his being reluctant.But I don know how he get the permission I get him at harar medhanialem church invited to preach by the church admins.Still I can see that he is doing his hidden mission.the churches administrative bodies needs to know for whom are they writing supporting letters & its consequences if given for those un intended. Egabiher libun yimelesilet!!!!

Anonymous said...

አሁን ነው የባነንኩት፡፡

ባለማወቅ የአሰግድን ስብከት መዝሙር ቤቴ ለሽያጭ አቅርቤ መናፍቃን እየመጡ ይወስዱ ነበር፡፡

በጣም ብዙ ትምህርት አገኘሁበት፡፡ እባካችሁ ደጀ ሰላሞች በትክክል በመጽሐፍም በካሴትም የኑፋቄ ትምህርት የሚያሰራጩት የሚጋለጡበትን መድረክ አመቻቹልን፡፡

Bety 5 kilo said...

ምነው haile እንደዳዊት ነው እንዴ የደገምከው ?

በማስተዋል እናንብብ እንጂ፡፡

ነው ወይስ አንተም የእነ እንትና ዝርያ ነህ፡፡

Dillu said...

I left Ethiopia 29 years a go. I heard there are '' the followers of Tehadiso ''. What is their thelogical differences from the main teachings of Ethiopian Orthodox Tewahido Church ? Do they not believe Christ's absolute divine nature and absolute human nature and those two natures are one in a word incarnate? Do they have differences about the Holy Trinity three in one Godhead? In short what make them difference from our church ? What they want to reform ? Do they want to reform the Church dogma or canon law ? I wish I someone will explain to me their main differences from our church.

Kiduse wwek MS said...

Dillu , please read Hamere Tewahido / ሐመረ ተዋህዶ / No. 3

haile said...

ለ betty 5 kilo
ende dawit new yedegemikew new yalishiw ? banchi bet dawit eminebebew endewaza new.lenegeru bizuwoch alu beye qenu dawitin beqalachew yemiwetu( shemidajoch) hiwotachew gin minalbatim ye goliyad.ene gin ye achenafi mekonenin metsahift yanebebkut endeza ayidelem. tikikilegnawun kiristina yayehut beneza metsahift new. anchim be mastewal anbibiw.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)