November 2, 2010

ለድል ወንበሩ እና ለመሰሎቹ

(አብርሃም ሰሎሞን እንደጻፈው):- መጠነ ሰፊ የሆነ ማብራሪያ ለመስጠት የሞከረው ድል ወንበሩ ስለ ሐውልቱ በተቀኘው የእንግሊዝኛ ቅኔ ኃይለሥላሴን እና ሌሎች ነገሥታትን፣ አቡነ ቴዎፍሎስን እና መንግሥቱ ኃይለማርያምን፣ ከዚያም ወጣ ብሎ የግብፁን ፓትርያርክ አቡነ ሺኖዳን በመጥቀስ በተለያየ ጊዜ የተሠራላቸውን ስዕላትና ሐውልት ካየውም ከሰማውም እንዲሁም ከጉግል ውስጥ ገብቶ ከጎለጎለው ማስረጃ በመነሣት እስኪ መልሱልኝ የሚል ጥያቄ አቅርቧል። እንዲያውም የሚያሳምነኝ ካለ እኔም የይፍረስ ስምምነቱን አስተሳሰብ ለመቀበል ዝግጁ ነኝ ይለናል። አንዳንዶችም በሰጡት አስተያየት የሰማዕቱን የቅዱስ አቡነ ጴጥሮስን ሐውልት ስንቀበል እንዴት የአቡነ ጳውሎስን ሐውልት ለመቀበል ልባችንን እናከብዳለን? በማለት ቅዱስ ሲኖዶሳችን መክሮ እና ዘክሮ ያስተላለፈውን ውሳኔ ለመቀልበስ የተደረገውን ሙከራ ይበል የሚያሰኝ ነው፤ እሰይ ድል ወንበሩ፤ አበጀህ፤ ደግ አድርገኻል በማለት አሞካሽተውታል። አሁን ጥያቄው እኛ ማንን እንስማ፤ ድልወንበሩን ወይስ የኢትዮጵያ ኦርቶዶክስ ተዋሕዶ ቅዱስ ሲኖዶስን? መልሱን ለአንባብያን እተውና እኔ ጥቂት ከድል ወንበሩ ነጋ አስተያየት ጋር እሞግታለሁ።
በመጽሐፈ ምሳሌ አንበጣዎች ንጉሥ የላቸውም፤ ሁላቸውም ግን በመልካም ሥርዓት ይሄዳሉ የሚል ቃል ተጽፎ እናገኛለን። ንጉሥ የሌላቸው በመልካም ሥርዓት ሲሄዱ ንጉሥና መሪ ያላቸው በሥርዓት ለመሄድ እንዴት አልቻሉም? በእናንተ ዘንድ ሁሉ በሥርዓቱና በአግባቡ ይሁን ማለትስ ምን ማለት ነው? የነገን አላውቀውም እንጂ እስከ አሁን ባለው የቤተ ክርስቲያኒቱ አካሄድ ቀኖና ቤተክርስቲያንን ማጽደቅና መሻር የሚችሉት በሲኖዶስ ወንበር የተቀመጡት ጳጳሳት እንጂ በፓርላማ ወንበር የተቀመጡት አመራሮች እንዳልሆኑ የአደባባይ ምሥጢር ነው።
ሐውልቱን ማን አሠራው?
የፕትርክናውን ወንበር ከያዙ ጀምሮ አንዳች ነገር አልሠሩም ለማለት ሳይሆን የፓትርያርኩ ገድል እና ትሩፋት ሞልቶ በመትረፉ፣ መልካም ሥራቸው በዓለም በመዳረሱ፣ ዕርቀ ሰላም የማምጣት ሙከራቸው ስኬታማ በመሆኑ ቅዱስ ሲኖዶሱ ሐውልት ይገባቸዋልና እናቁምላቸው በማለት በቃለ-ጉባኤ አጽድቆ እና ሥራቸውን በየአብያተ ክርስቲያኑ አስመስክሮ በዚህ ስፍራ ለስማቸው መጠሪያ እና መታሰቢያ እንዲሆን ቦታ መርጦላቸው የተተከለ ሐውልት አይደለም። ፓትርያርኩን ፓትርያርክ ብሎ የሾመ ቅዱስ ሲኖዶስ በመሆኑ በሃይማኖት መሪነታቸው እንዲህ ይደረግላቸው ማለት የሚችለው ቅዱስ ሲኖዶሱ ነው እንጂ ጥቂት ጥቅመኞች መሆን አይገባቸውም። እንወደድ ብለውና የቤተ ክርስቲያኒቱን ሀብት ለመመዝበር እንዲያመቻቸው መንገድ ለማበጀት ሲሉ ዛሬን እንጂ ነገን ሳይመለከቱ እኔ ከሞትኩ ሰርዶ አይብቀል በሚል ዘዬ የተከሉትን እውቅና የሌለውን ሥራ ቅዱስ ሲኖዶስ በፓትርያርኩ ሐውልት ቀንቶ ሳይሆን በሥርዓተ ቤተ ክርስቲያን እይታ ፈቃጅ እና ከልካይ ማን እንደሆነ ለማሳየት እና ይኼን ቅጥ ያጣ አካሄድ መልክ ለማስያዝ ነው። በሚሊኒየሙ ጊዜ በየአብያተ ክርስቲያኑ ለተሰቀለው ምስል ቅዱስ ሲኖዶሱ ያላጸደቀው እና መሆን አለበት ያላለው ጉዳይ መሆኑን ቢያምንበትም ለፓትርያርኩ ካስደሰተና ውዳሴ ከንቱ ካላሰኘባቸው ይሁን ብለው አልፈውት እንጂ ይኼም ቢሆን በቅዱስ ሲኖዶስ ያልጸደቀ ጉዳይ ነው። አማካሪዎቻቸው አብረዋቸው ያሉት ጳጳሳት ሳይሆኑ በምንም የማይመስሏቸው ግለሰቦች ናቸውና ለምን ለጸሎት ተንበርክከው ፎቶግራፍ አንሥተንዎት የሰማይ ስባሪ የሚያህል ምስልዎት በየአብያተ ክርስቲያኑ አይሰቀልም ያሉ እንወደድ ባዮች እንጂ ሲኖዶስ መክሮበት አይደለም። የትናንቱ ምስል ዛሬ ወደ ሐውልትነት መልኩን ለውጦ ብቅ ሲልና በቤቱ ሰው የለም እንዴ እስከሚያስብል በማነጋገሩ ቅዱስ ሲኖዶስ ውሳኔውን መክሮበት እና አምኖበት ተፈጻሚ የሚሆንበትን መንገድ አሳይቷል። በእርግጥ ምነው በእንቁላሉ ጊዜ በቀጣሽኝ እንዳለው ሌባ በመጀመርያ በእንቁላሉ ጊዜ ስለተሰቀለው ምስል ሲኖዶሱ በስብሰባው ጊዜ ጠቅሶ ቢሆን ኖሮ የዛሬው ድንጋይ ያለቦታው ተተክሎ አያነጋግረንም ነበር። ምሳላቸውስ ቢሆን በቅዳሴ ሰዓት መሥዋዕት ሲያሳርጉ እና ሕዝቡን ሲባርኩ ቢሆን ምን ነበረበት? ግለሰቦቹ ሊወደዱ የሚገባቸው እንደእነርሱ ፍላጎት ሲሄዱላቸው በመሆኑ እዚችጋ ተንበርከኩና አንድ ፎቶግራፍ፣ እዛችጋ ደገፍ በሉና ሌላ አንድ ፎቶግራፍ፣ እጅዎትን ከፍ አድርገው ዘርጉ እና ተጨማሪ ፎቶግራፍ ተነሡ በማለት በጸሎት ተመስጦ ውስጥ የሌለ ምስል መነሣትም ባላስፈለገ ነበር። በሌላ መልኩ ደግሞ ደም ለሚፈስበት ጦርነት እንኳን ምክር እና ክተት አዋጅ ያስፈልገዋል። እንዲህ ይሁን ተብሎ ውጊያ የሚጀመረው ፓርላማው ወይም ደግሞ የሚመለከተው ክፍል አጽድቆት እንጂ እንዲሁ አንድ መሪ ከጥቂት ሰዎች ጋር ተነጋግሮ ተዋግቼ መጣሁ የሚለው ጉዳይ አይደለም። ለመጥፎም ይሁን ለጥሩ ነገር የሚመለከታቸው ክፍሎች ይነጋገሩበታል። መንፈስ ቅዱስ የሚመራውን የቅዱስ ሲኖዶስ ስብሰባ ውድቅ ለማድረግ ሌሎች ነገሥታትን መጥቀስ አስፈላጊነቱ ጠቀሜታ ያለው አይመስለኝም። 
የአቡነ ጴጥሮስ ሐውልት፡-
ለአንዲት ቅድስት ለሆነች ለኢትዮጵያ ኦርቶዶክስ ተዋሕዶ ቤተክርስቲያን እና ለቅድስት አገራችን ለኢትዮጵያ ብለው ግምባራቸውን ባለማጠፋቸው ኦርቶዶክሱ ብቻ ሳይሆን እስላሙም ጀግንነታቸውን መስክሮላቸው፣ የዓለም ሕዝብ ታሪካቸውን አውርቶላቸው እና ዝናቸውን (ገድላቸውን) ጽፎላቸው፤ የይገባል ስምምነት ተደርሶ በመሐል አዲስ አበባ ሐውልታቸው ቆሟል። በእርግጥም በዚህ የሚያንጎራጉር ኢትዮጵያዊ የለም፤ አቡነ ጳውሎስም አንዳች ቃል አይተነፍሱም።  አሁንም በቅርቡ ኢትዮጵያ ብቻ ሳትሆን ዓለም መስክሮላቸው ሐውልታቸው በስማቸው በተሰየመው ቤተ ክርስቲያን ቆሞላቸዋል። ይኽ ግን በገድላቸው እና በትሩፋታቸው ተመስክሮላቸው ያገኙት እንጂ በድብቅብቅ የተሠራ ጉዳይ አለመሆኑን ልብ ይሏል። 
የግብፅ ኮፕቲክ ቤተክርስቲያን፡-
ፓትርያርክ አቡነ ሺኑዳ በሚኖሩበት አገር ሐውልት ቆሞላቸው ከሆነ በእርግጠኝነት ያ ሐውልት የቆመው ቅዱስ ሲኖዳሳቸው ስለሥራቸው መታሰቢያ ይሆን ዘንድ አምኖበት በገሐድ እንጂ በእኛ ዘንድ እንደተተከለው ሐውልት ጥቅመኞች ያደረጉት አይመስለኝም። ደግሞስ አቡነ ሺኑዳ ሐውልት ስላቆሙ እኔስ ከማን አንሼ ነው ሐውልት የማይቆምልኝ ይባላል እንዴ? እንደዛ ከሆነስ ሰው የሚስማማውን ነገር ብቻ ነው እንዴ ከአንድ ሰው መማር የሚገባው? ለምን አቡነ ሺኑዳ ከመቶ በላይ መጻሕፍት ጽፈዋል እኔስ እንዴት አልጽፍም በማለት መጻሕፍትን አልጻፉም? ለምን አቡነ ሺኑዳ በየሳምንቱ ረቡዕ ቀን ጉባኤ በመዘርጋት የኦርቶዶክሳውያኑን ሃይማኖታዊም ሆነ ማኅበራዊ ጥያቄዎቻቸውን እንደሚመልሱት አቡነ ጳውሎስ ለመመለስ አልተዘጋጁም? ለምን አቡነ ሺኑዳ ሕዝቤ ተገደለ በማለት መንግሥት ፊት ቀርበው እምባቸውን እንዳነቡት አቡነ ጳውሎስ ወገኔ አለቀ በማለት መንግሥት ፊት ቀርበው አላለቀሱም? ለምን አቡነ ሺኑዳ ተቀማጭነታቸውን ገዳም እንዳደረጉት አቡነ ጳውሎስ ለጸሎት ተስማሚ የሆነውን ቦታ መርጠው ተቀማጭነታቸውን ገዳም አላደረጉም? ለምን አቡነ ሺኑዳ የግብፅን ገዳማት ብዙ ሚሊዮን ብር በማፍሰስ ሲሠሩ እና ቤተ ክርስቲያኒቱን አሥራት ከሕዝቡ በማስወጣት ሲያሳድጉ አቡነ ጳውሎስ ይኼን ግብራቸውን ወስደውላቸው ቤተ ክርስቲያንን አላሰደጉም? ወ.ዘ.ተ. ስለዚህም ድልወንበሩ ለዚህ ጥያቄም እራስህን አዘጋጅተህ ጽሑፍን ጻፍ እንጂ ግብፅ ስትስማማ እኛ እንዴት አንስማማም ብለህ አትንገረን። ሰማዕቱ አቡነ ጴጥሮስ ጣልያን የመጣው ሃይማኖት ሊያጠፋ ነው በማለት አልገዛም ሲሉ ያንጊዜ እኮ የግብፁ አቡነ ቄርሎስ ተስማምተው እና ፈቅደው አቡነ ጴጥሮስም እንዲስማሙ መክረዋቸዋል። ታዲያ ግብፅ ተስማምታለች ብለው አቡነ ጴጥሮስ ቢስማሙ ኖሮ የዛሬው ኦርቶዶክስነት እና ኢትዮጵያዊነት ከነሙሉ ክብሩ ከየት ይገኝ ነበር? አሁንም ግብፅ ለአቡነ ሺኑዳ ሐውልት ስላቆመችላቸው የእኛ ሲኖዶስም ማቆም የለበትም። ደግሞም ማቆም ቢገባውም ተስማምቶበት እና ፈቅዶ ያደርገዋል እንጂ ከላይ እንደገለጽኩት ጥቂት ጥቅመኞች በር ዘግተው ተማክረው ያደረጉትን አበጃችሁ በማለት መቀበል አይገባውም። በመሆኑም አካሄዱ ሥርዓት የሌለው መሆኑን ተረዳ። 
የመንግሥቱ ኃይለማርያም ሐውልት፡-
ቅዱስ ሲኖዶስ ስለ መንግሥቱ ኃይለማርያም ሐውልት አያገባውም። ለዚህ ብሎም ስብሰባ መያዝ ያለበት አይመስለኝም። ስለዚህ የሚመለከተው ፓርላማ ጉዳዩን ሊነጋገርበት ይችላል።
ብፁዕ ወቅዱስ አቡነ ቴዎፍሎስ
ብፁዕ ወቅዱስ አቡነ ቴዎፍሎስ ደም የፈሰሳቸው ሰማዕት ናቸው። እንደሌሎቹ ጳጳሳት እና ፓትርያርክ አገር ለቅቀው ወደ አሜሪካ መምጣት ከብዶአቸው አይመስለኝም። ሐውልት የቆመላቸውም ከሞቱ በኋላ ስም አጠራራቸው እንዳይጠፋ አንተ በጽሑፍህ እንዳሰፈርከው ለመታሰቢያ የተሠራላቸው ሐውልት ነው እንጂ እርሳቸው በሕይወት እያሉ ለመታሰቢያ የተደረገላቸው አይመስለኝም። አሁንም ከጽሑፍህ አባዛኛውን ያልተቀበልኩልህ የግለሰቦችን ሕጋዊ ያልሆነ አካሄድ ሕጋዊ አስመስለህ ስላቀረብከው ነው። ልጓም የሌለው እና ያልተገራ ፈረስ እንደሚያስቸግረው ሁሉ ይኼን የጥቅመኞች አካሄድ ልጓም ካልገባበት ምድሪቱ ሁሉ ሐውልት በሐውልት መሆኗ ነው። ሁሉ በሥርዓት ይሁን ከሚሉት ወገን ሆነን ቤተ ክርስቲያንን እንመልከታት እንጂ በፖለቲካ እይታ፣ በጥቅመኞች አካሄድ፣ በምንአለበት እና በማን አለብኝነት አይነት መሆን አይኖርበትም። ቅድም አገር እና ሃይማኖት ሊያጠፋ መጥቶ ስለነበረው ስለጣልያን ስጠቅስልህ በነበረው ዓይነት ኃይለሥላሴን እና ምኒልክን ቃኛቸው። ይኸ ምስላቸው በቤተ ክርስቲያን እንዲሳል ያስደረገው ምን እንደሆነ እና ቤተክርስቲያኒቱ እና ቅዱስ ሲኖዶሱ ለዚህ ነበራቸው አቋም እንዴት እንደነበር ሌሎች ይዘግቡታል ብዬ አስባለሁ። ይቆየን።
    

27 comments:

Anonymous said...

"ire tewu yibekanal!!! seytan besintu yishewiden?!! Ahun sinti angebgabi ri'esi tefito naw sile andi "yemayreba hawilit" gizeyachinin yeminatefaw?.....IRE YIBEKANAL!!....

Anonymous said...

Thank you,
Gina minyadergal, dil wenberu eko dilu wenberu new....

kelay said...

ይህውልህ ወገኔ፡ የአቡነ ቴዎፍሎስ ሃውልት መቆም ምክንያት ወይም በጣም እርግጠኛ ባልሆንም አቡነ ጳውሎስ ራሳቸው ናቸው ያሰሩት። በየአመቱ እየሄዱ እንደሚጎበኙትም አውቃለሁ። አ ቡነ ጳውሎስ የአቡነ ቴዎፍሎስን ሀውልት ይወዱታል። ጎፋ ገብርኤል ነው የሚገኘው።

awudemihiret said...

አብርሃም እግዚአብሄር ይባርክህ።የቅርቡን እንጂ የሩቁን የማይታያቸው እንደነ ለድል ወንበሩ አይነት
አይነህሊናቸው ለተዘጋ የሚያዩበት አይን የላቸውም።ከሁሉም ድፍረታቸው ከአቡነ ሺኖዳ ጋር ለማወ
ዳደር መሞከር በራሱ እውርነት ነው።የሳቸውን ነኡስ ስራ ቢኖራቸው ኖሮ ሲኖዶሱ እራሱ ባሰራላቸው ነበር።
ስለሳቸው ጥፋት ዘርዝሮ አይደረስብትም።በጥቅሉ ቤተክርስቲያናችን እንደዚህ የተዋረደችበት ጊዜ ከቶ
በታሪክ አልተዘገበም።አላወቁት እንጂ ሃውልቱን ያሰሩላቸው በቁማቸው ነው የገደሉዋቸው።የሲኖዶሱን
ውሳኔ ከመስማት ይልቅ ያንድን ጋለሞታ ምክር መስማት በራሱ ሞት ነው።ሃውልቱ ይቀመጥ እንኩዋ ቢባል
የሚያሳየው የሳቸውን በቁም መሞት እንጂ ሰማእትነታቸውን ከቶ አይደለም።ክርስቲያን እንደበግ ሲታሬድ
እንዳላየ ዝም ያለና ወደ ቤተክርስቲያን ከሞት ሸሽተው የተጠጉትን ለጆችዋን አሳልፎ የሚሰጥ አባት
በታሪክ ኖሮን አያውቅም።ቢዮንሴን ጥበቃ ሊቃውንቱንና ምእመኑን ያንገላቱት ምን ያህል የቤተክርስቲያናችንን
ክብር እንዳዋረደ ማን ይንገርህ ወይስ ይህንን የሚሰማ ጆሮ የለህም።

ማህበረ፡ክርስቲያን said...

ውድ፡አቶ፡አብርሃም
ምንድነው፡ጉዳዩ፡መልስ፡እሰጣለሁ፡ብለው፡መስመር፡የለቀቁ፡መሰለኝ፡፡ባጠቃላይ፡በእምነታችን፡መሠረት፡ሐውልትየተከለከለ፡ነው፡፡ቅዱስ፡ሲኖዶስም፡ሊፈቅደው፡አይችልም፡፡የሚገባውም፡ከመሰራት፡ማገድ፡ነው፡፡ከዚህ፡በፊትየተሰራውን፡ስህተት፡አርሞ፡የተሰሩትን፡ስህተቶች፡ከማስተካከል፡ይልቅ፡ለስህተቶች፡ምክንያት፡አናብዛ፡፡
የአቡነ፡ጴጥሮስ፡ሐውልት፡በመንግስት፡ደረጃ፡ተሠራ፡እንጂ፡ቤተ፡ክርስትያን፡አላሰራችውም፡፡ቤተ፡ክርስትያን፡በሰማዕትነታቸው፡ስማቸውን፡በፀሎት፡ታነሳለች፡፡በአሁኑ፡ሰዓት፡ሰዎች፡እንደፈለጉ፡የሚያደርጓቸው፡ብዙ፡ነገሮች፡ስላሉ፡ማለትም፡ለራሳቸው፡እንዲያመቻቸው፡እባካችሁ፡እንጠንቀቅ፡፡ስህተትን፡ስህተት፡እንበል፡፡በስማቸው፡የተሰራላቸው፡ቤተ፡ክርስትያን፡በምን፡ሁኔታ፡እንደሆነ፡እንመርምር፡ታላቅ፡የኢትዮጵያ፡ብርሃን፡ቢሆኑም፡ለሁሉም፡ሥርዐትና፡ደንብ፡አለው፡፡ለቀደሙት፡ፓትርያርኮችም፡ነገሥታትም፡ሆኑ፡ለማንኛውም፡ሰው፡ሐውልታትን፡ማቆም፡ስለማይገባ፡ወገኖቼ፡አንሣሣት፡፡ሌላው፡በየቦታው፡ስለ፡አቡነ፡ሺኖዳ፡ሐውልት፡የምትሉት፡ነው፡፡ልታስተምሯቸው፡ከሆነ፡ከልክሏቸው፡አለበለዚያ፡የነሱን፡ጉዳይ፡ከኛ፡ጋራ፡አንቀላቅል፡፡እነሱ፡ገደል፡ሲገቡ፡እግር፡ይዘን፡አንከተል፡፡ለማንኛውም፡የተሠሩትን፡ስህተቶች፡እናርም፡እንጂ፡የተሳሳተ፡ምክንያት፡እያመጣን፡ሌላ፡ተጨማሪ፡ስህተት፡አንስራ፡፡አሁንም፡በአገራችን፡በአራቱም፡ማዕዘናት፡የሚገኙትን፡በስህተት፡የተሠሩ፡ሐውልታትና፡ለማይገባቸው፡ግለሰቦች፡የተሣሉ፡ሥዕሎችን፡ከቤተ፡ክርስትያናችን፡እናስወግድ፡፡የአቡነ፡ባስልዮስ
የአቡነ፡ቴዎፍሎስ፣የአቡነ፡ጳውሎስ፣እንዲሁም፡የዐፄ፡ሀይለ፡ሥላሴም፡ሆነ፡በመንበረ፡ጸባኦት፡ቅድስት፡ሥላሴ፡ግቢ፡ያሉት፡...ወዘተ፡ባጠቃላይ፡ሁሉንም፡በአገራችንየሚገኙትን፡ማስወገድ፡ይኖርብናል፡፡
አምላካችን፡ይርዳን!!!
የእመቤታችን፡ረድኤት፡አይለየን!!!

Anonymous said...

God bless you brother. It is a good analysis.

Anonymous said...

ከአቶ፡ "ድል" "ወንበሩ" ማን፡መሆን፡ለምን፡
ለአርጤምስ፡ድንጋይ፡ጥብቅና፡እንደቆሙ፡መረዳ
ት፡ይቻላል።እስቲ፡ከታች፡የተመለከተውን፡መጠ
ቆምያ፡(ሊንክ)በመጫን፡ተመልከቱ።የቤተ፡ክር
ስቲያናችን፡ሰው፡አይመስሉም።በአብዛኛው፡የአገ
ዛዙ፡መሪ፡ሰውና፡የነርሳቸው፡ተሿሚ፡የሆኑት፡የአባ፡
ጳውሎስ፡አወዳደቅ፡"ያስደነገጣቸው"ይመስላል።


"Dilwenberu Nega:

http://www.google.com/search?q=Dilwenberu+Nega&hl=en "

ሰውዬው፡እጃቸውን፡ስለከተቱበት፡የቤተ፡ክርስቲ
ያን፡ጉዳይ፡በቂ፡ዕውቀት፡እንደሌላቸው፡ከጽሑፋ
ቸው፡መረዳት፡ይቻላል።

ጉዳያቸው፡በጣዖቱ፡ላይ፡የተነሳውን፡ተቃውሞ፡የ
"ዘርና፡"የ"ፖለቲካ"ተቃውሞ"ለማስመሰል፣ው
ይይታችንንም፡ጠልፎ፡ለማስጠለፍ፤ቤተ፡ክርስቲ
ያናችንና፡ምዕመናንም፡ላይ፡የባሰ፡መከራን፡ሊያደ
ርሱብን፡የተመከረበት፡መሆኑ፡አያጠያይቅም።

ክርስቲያናዊ፡ተጋድሏችንንን፡በጥንቃቄ፣በንቃት
ና፡በብስለት፡እንቀጥል!ፍርሐት፡ከኛ፡ይራቅ።መ
ስቀሉን፡ተሸክመን፡ስለመስቀሉ፡በትጋድሎ፡ከአባ
ቶቻችን፡ጋር፡እንጽና፤እንበረታታ!

ኤልዛቤልና፡ረዳቶቿ፡በተጠና፡መንገድ፡እየተራ
መዱ፡መሆኑን፡የኢልዛቤል፡ሰሞኑን፡አሌክሳንድ
ርያ፡መገኘት፡ቢቻል፡የግብጽችን፡ድጋፍ፡ለመግ
ዛት፡መሆኑ፡አያጠራጥርም።በንዲህ፡ያለ፡ደካማ፡
ሥራቸው፡የኢትዮጵያን፡ሲኖዶስ፡ውሳኔ፡የሚያስ
ሽሩ፡መስሏቸው፡ነው።

እኛ፡ተግብጾች፡ጋር፡አሁን፡ሙግት፡የለንም።ብ
ዙ፡ችግር፡እንዳለባቸው፡እናውቃለን።በብዙ፡የመ
ከራ፡ዘመናቸው፡ደርስንላቸዋል።ታሪክ፡አይፋቅ
ም።አንዳንዶቹ፡የነርሱ፡ሰዎች፡አገራችን፡ውስጥ፡
ወንጌልን፡ከመስበክ፡ይልቅ፡መስጊድ፡ለመስራ
ት፡ይሯሯጡ፡እንደነበርም፡የማይፋቀው፡ታሪክ፡
ይመሰክራል።የኛን፡ቤት፡በኛው፡ለማድረግ፡ከሺ
ህ፡ስድስት፡መቶ፡ዓመታት፡በላይ፡ለእውነት፡መ
ታገላችንንና፡በመጨረሻም፡ነፃ፡መውጣታችንን፡
አንረሳውም!

ግብጾች፡አርጤምስን፡ስላቆሙ፡እትዮጵያውያን፡
እንደነርሱ፡መሆን፡የለብንም።በሲና፡በረሃ፡እግዚ
አብሔር፡ከአርጤምስ፡አምላኪ፡እስራኤላውያን፡
ጋር፡ባደረገው፡ተጋድሎ፡የማይሻረውን፡ሕጉን፡አ
ስተምሮናል።እኛም፡ለእግዚአብሔር፡ሕግ፡መከ
በር፡እንቆማለን።የግብጹ፡ጉዳይ፡በዚህ፡ለጊዜው፡
ቢያበቃ፡ይበጃል።

በአገራችን፡በየትኛውም፡ቦታ፡በድብቅም፡በገሃድ
ም፡የተተከሉ፡አርጤምሶችና፡ምስሎች፡በሙሉ፡
ይወገዱ!

ከድክመታችን፡አንዱ፡ይኸ፡ሁሉ፡ጥፋት፡ሲፈጸ
ም፡ባለማወቃችን፡በመሆኑ፡እግዚአብሔር፡ይቅ
ር፡ይበለን።

አውቀው፡ይህን፡የሱስንዮሳውያንን፡ከንቱ፡ውዳ
ሴ፡አባቶችን፡ለመደለልና፡ተዋሕዶን፡ቀስ፡በቀስ፡
እያቆሰሉና፡እያባበሉ፡ለማጥፋት፣ቤታችንን፡ቦር
ቡረው፡በመግባት፣ይህን፡ሁሉ፡ጥፋት፡ያመጡብ
ንን፡ሁሉ፡እግዚአብሔር፡ይፋረድልን።

እመ፡ብርሃን፡ተዋሕዶ-ኢትዮጵያን፡ጠብቂልን።
ከልጅሽ፡ከወዳጅሽ፡ከመድኃኔ፡ዓለም፡ክርስቶስ፡
ጋር፡አስታርቂን።አሜን

ሳሙኤል፡ዘአሰቦት።

Getachew said...

በመጀመርያ የ ዘር ፖሊቲካ አቀንቃኞች መሰረታዊ ችግር ነገሮችን ሁሉ ከ ወንዜ ጋር ስለሚያያዝባቸው የ ገሃዱንም ዓለም ሆነ የመንፈሳውውን ዓለም አውነታ ውሉ ይጠፋባቸዋል ። አንድ ሰው አንድ ሲደመር አንድ ሁለት መሆኑን ለማረጋገጥ የ መደመርን መሰረታዊ ፅንሰ ሃሳብ ሊያምን ይገባል ። ከ አዚህ ውጭ ከሆነ ግን ችግሩ ሶፍትዌሩ (ነገሮችን የሚያይበት ከ አራሱ አርኩስ ሃሳብ ወስዶ በሚመራው መንፈስ ) ውስጥ ስለሆነ ለማስረዳት አስቸጋሪ ይሆናል ።
ለ አዚህም ነው በ አለማችን ላይ በ ተለይ በ ሁለተኛ ዓለም ጦርነት የተነሳውን ናዚ አና ፋሺዝም ከ ቃላት ጦርነት ባለፈ ዓለም በህብረት የተዋጋቸው ። ዛሬም በሀገራችን አያንዳንዱን ክስተት በዘረኛ አይናቸው የሚያዩትን ሁሉ ከማጋለጥ አና አንደየደረጃቸው ተገቢውን ቅጣት መቅጣት ያስፈልጋል ። አነኝህ ሰዎች ባብዛኛው በ አውቀት ደረጃቸው የተማሩ ሲመስላቸው ገና ትምህርት ቤት ያልገቡ ፣ አለምን የተረዱ ሲመስላቸው ገና በዘረኛ ብብታቸው ውስጥ ሆነው ሌላውን ማየት ያልቻሉ አንደሆኑ አሙን ነው ።
----to be continued

Getachew said...

አሁን በሰሞኑ ክስተት ቅዱስ ፓትራርኩ
በ ብልሹ አሰራር፣ በ ትብት ፣በቸልተኝነት ፣ በመንፈስ ቅዱስ የሚመራውን ቅዱስ ሲኖዶስ በተራ ማጭበርበር፣ ከሁሉ በላይ በምድር ላይ የትም ተደርጎ የማያውቀውን ለ አራስ ሃውልት ላይ ባርኮ መመረቅ ይህም ከ ህገ ቤተክርስትያን ውጭ መሆኑ አየታወቀ ''ትክክል አደለም'' ብሎ ለመናገር ዝም ያልን አና በዘረኛ አይን የማየት የበሽታ አባዜ የያዘን በውነት አራሳችንን ልንመረምር ይገባል። '' በ ሃይማኖት ስትኖሩ አራሳችሁን መርምሩ'' አንዲል ።
ከ አዚህ በተረፈ አኔ የተገነዘብኩት ለካ አንድ ሰው ምንም ብያጠፋ ማለት ቤተክርስያን ቢዘርፍ ፣ብያዘርፍ ፣ የቅዱሳንን ሰአል ትቶ የራሱን ሰአል ብአሰራ ብሎም ሃውልት ተከርፆለት ቢባርክ የ አገለ ዘር ነውና ተዉት ነው የሚባለው? በ አሁንቷ አትዮጵያ ?
ለ አዚህም ምስክር አቡነ ጳውሎስ ናቸው ። ሌላው ምስክር ደሞ የ ''ትግራይ ኦን ላይን '' ፀሐፊ ፣ አድተር ፣ አንብበን ትክክል ነው ብለን ለራሳችን ያወራን ሁሉ ነን ። ክርስቶስ ለ አይሁድ አደላ አንደ? ክርስትና ወንዝ አላት አንደ? አግዝያብሔር በማን አድሮ ይህን ግፍ አንደምቀጣ ነው የናፈቀኝ ። ያች ውሃ የምትቀዳው ሴት ሆንን አኮ ። የገረመኝ ይህን ፅሁፍ ለመቃወም በግልፅ መውጣት ያለብን ብዙ አለን ዝም ለምን አልን ? አኛንም አመመን? በሽታው ጀመረን? አይመስለኝም አኛስ የለብንም። በሏ ዝም አትበሉ በግልፅ ወጣችሁ ፃፉ ። አስለቅሱን አብረን አናልቅስ ። ያን ጊዜ አምላክ ይነሳል።በፍቅር መሃል አለና ።

mistire tewahedo said...

The De…
እግዚአብሔር ይስጥህ አብርሽ ለናቡከደነጾር ጣዖት የተንበረከኩ እንደነበሩ ሁሉ ዛሬም ለጣዖት ጥብቅና የቆሙ ቢኖሩ አያስደንቅም። ቅዱስ ሲኖዶስ ጣዖት አይፍረስ ብሎ ቢወስን ነበር የሚያስደንቀውና የሚያስተቸው እንጂ እንዴት ጣዖት ይፍረስ አለ ተብሎ ክርስቲያን ነኝ የሚል ሰው እነዴት ቅሬታ ያሰማል? እንኳንስ የሰው የራሱ የፈጣሪ ሥዕል እንኳን በቅርጽ ሰርቶ ማቆም ሥርአት አይደለም። እንዲያማ ቢሆን ኖሮ ብዙ ሐውልቶችን በየቤተክርስቲያናችን ባየን ነበር።
“…በስንፍና የተሰራ ይህ ጣዖቱ ግን የተረገመ ነው የሰራውም የተረገመ ነው ይህ ሥራ የሚጠፋ ሥራ ነውና የሚጠፋ አምላክ ተባለ።ስለዚህ ነገር በአህዛብ ጣዖት ምርመራ ይደረጋል ።ይህ ጣኦቱ ሰውም ለማጥፋት ተሰርቷልና ለሰዎችም ሰውነቶች መሰናክል ሆኖ ተሰርቷልና ለሰነፎች ሰዎች እግረ ልቡናቸውን ሊያሰናክል ተሰርቷልና ስለዚህ ነገር ምርመራ ይሆናልና የዝሙት መጀመሪያው ጣዖት ልሥራ ብሎ ማሰብ ነውና።
በሞት ተነጠቀው የመሄዳቸው ፍጻሜ የሚያፋጥን ስለሆነ ከንቱ ሰው በሚሆን በክብሩ ምክንያት ከንቱ ጣዖት ወደዚህ ዓለም ገባ።……ከዚህ በኋላ በዘመን መራቅ የዝንጋኤና የበደል ልማድ ሥርዓት ሆኖ ተያዘ እንደ ሕግም አድርገው ጠበቁት።” መጽሐፈ ጥበብ ፲፬፥፰-፲፮

Anonymous said...

ባካችኹ ከማንም ግዴለሽ ጋራ ከመነታረክ አኹን የቤተ ክርስቲያኑን ሕግ ለማስከበር ምእመኑ ምን ማድረግ እንዳለበት፣ ማድረግ የሚገባውን እንዴት ማድረግ እንደሚችል መንገድ የሚያመላክት ውይይት አምጡ እና አወያዩን። ሌላውን ዝባዝንኬ ተውት።

Ze-egzine said...

እኔ የማይገባኝ ነገር ሌሎች ሰዎች በስህተትም ይሁን በሌላ ምክነያት ያደረጉትን ከስርዓተ ቤተ ክርስቲያን እንደወጣ እየታወቀ ለመድገም መጣጣር ምን ይሉታል? አልሞት ባይ ተጋዳይ ይሉታል ይሄንን። ዋናው መሪ ቃል ዶግማችንና ቀኖናችን እንጂ ለአቡነ ቪኖዳ ወይም ለአቡነ ባስሊዎስ ሐውልት መቆሙ አይደለም። በእኔ አስተያየት ግን ለሁሉም አባቶች የቆመው ሐውልት ስርዓተ ቤተ ክርስቲያንን የሚጥስ ስለሆነ መፍረስ አለበት።

Anonymous said...

Anyone interested to learn more about Dilwenberu naga, visit the following link.

http://nazret.com/blog/index.php/2009/05/08/ethiopia_bulcha_demeksa_statesmen_face_f?blog=15

That is one of his many propaganda writings in which he criticized Ato Bulcha Demeksa for his opposition against the government's allegation that Ginbot 7 has been caught plotting terrorist activities in ethiopia. There is nothing wrong with that, of course. After all, that is what Ato Dilwenberu is paid to write. Creating confusion amongst the ethiopian public on behalf of the eprdf government and ensuring the PR domination of the regime on the internet are some of the missions of Ato Dilwenberu Nega. Then, why am i asking to read the article and the comments in the link i have provided you above? Well, in that article, which was Ato Dilwenberu's last at nazret.com, he used close to 20 (twenty) different aliases (pen names),in the words of the website's moderators, to congratulate himself on his "finest" article yet, create a false impression that most readers have agreed with him and viewed the article positively. Look at it this way. Can you imagine Deje-Selam's editor using multiple nicknames to make comments in favor of his own editorial and to congratulate himself on his own writing? That is what Ato Dilwenberu have done at nazret.com only to be caught and exposed by the websites' moderators. That is the character of Dilwenberu Nega, a narcissistic and opportunist cadre without a shred of any integrity.

Therefore, it is not surprising that the self-congratulatory zealous cadre, Dilwenberu, starts defending the self-righteous Abune Paulos's unholy decision of erecting a monument for himself. In a sense, the two men are one and the same. After all, for a propagandist who makes a living from fabricating lies in defense of the brutal dictatorship in ethiopia, defending the other dictator in the country from eotc is only natural especially if he is offered a big sum of money stolen from the church's drying coffers.

Deje Selamawian, Ato Dilwenberu's recent commentary on the church's affairs is offensive, but it also shows he is someone who favors injustice and dictatorship. Ato Dilwenberu has also demonstrated his contentment for the best interest of the church and the ethiopian people when he has chosen to side with dictatorship twice. On top of that, he lacks the required knowledge on the church's teachings and the bylaws of the Holy Synod, therefore his slanderous and wicked comments shall not be taken seriously by most of Deje-Selam's readers.

Anonymous said...

ወገኖቼ ማስተዋልን ይስጠን ሰዎቹ የሚሰሩትን እንዳንመለከት መሆን ሰላለበት እንዳናስብ በከፈቱልን ጎዳና ሳር እንዳየ ከብት አንመራ እውነት ነው ያልነውን መንገድ ከፈጣሪያችን ጋር በጸሎት በመነጋገር ጉዞችንን እንቀጥል በሌሎች ሃገር ላይ ቤ/ክ ተዘግቶ ዳንስ ቤት ሆኗል የሚባሉ ቦታዎች ስላሉ ሁለተኛ ደግሞ በሱ እንዳንጨቃጨቅ አሁኑኑ እግረ መንገዳቸውን ማስረጃ አሰባስበው ቢመጡ አይሻልም ዳግም ወጪ ከምናወጣ ምክንያቱም በዚህ ከቀጠልን አይቀርም እና እናስብበት ትናንት ተሳስተናል እና ዛሬስ ለምን ምን አይነት መታወር ነው እግዚአብሄር ይቅር ይበለን ቀሪውን ዘመን የምህረት ያድርግልን ግን ወገኖቼ ይህ ሁሉ ሰው የሚያዝነው የሚተክዘው በአንድ ሰው ምክንያት ይገርማል እነሱን ከምታጠፋ እኔን ከህይወት መዝገብ አጥፋይ እያሉ የሚማጸኑ አባቶችን ነው የተኩት መቼም ሁለት ተከራሪ ሁለቱም ትክክል አይሆኑም አንዱ ተሳስቶል ማለት ነው ታዲያ ያ ወገን የሚጠፋው በማን ምክንያት ነው ወደ ቀልባቸው ይመልስልን

ከአቡዳቢ

Anonymous said...

ከአውሬው ጋር የተዛመዱትን እግዚአብሔር ይፈውሳቸው፡፡ አውሬው እንዲህ ነው፡-
ራዕ ዮሐ ም13 ከቁጥር 1 ላይ ያለው ተሳዳቢና ዓለምን ያስከተለ፣ ለወገኖቹ የሚሳደቡበትን ጥበብ የገለጠላቸው ነው፡፡ አሁንም የዚያ ሞዴል አኢትዮያችን ያለ ይመስላል፡፡

solomon said...

Neaeabkutoleab
Although I do not have the clear picture of what Abune Paulos as the patriarich of EOTC, has done things that are against the dogma, cannon and christianity in particular,I probably could take for granted the fact that the allegations made against his holliness might be ceratain.

But,what is really astonishing all about we Ethiopians as a nation, people and a longstanding history, is that our actions and decissions remain far below the grade that we claim to place ourselves.

Look, Abune Tewoflos were murderd with false allegations made by some of the bishops who felt that they would place their favorite for the patriricate,was it really what the desiples of Christ ought to do? is ianswer idchristianity?,the answer is no.

Abune Merkorios, devoid of the canon were replaced by Abune Paulos with those illfated bishops whereby every one attending the synod was making himself patriaric, but with no any form of expectations or guess, Abune Paulos was elected,so was it his fault? no,but the synod formally made that happened which shoud never happen.

Right at this moment,whether the statue was erected with his holiness knowlede or other wise,the decision by the synod is a kind of resolutin passed arbitrarily.

Look, when you envisage the actions taken by making yourself as outsideer( foreigner)it is an insult for the nation, the people and the ageold history,an action which will redicule us,simply because of the reality that it should have been avoided before and removing it is just like what our society endemic to yes, shoot him, kill him, arrest him(her),yes he(she) is rude criminal........the likes of inclination towards to the negativity-when are we gonna have a few of those with deep thought, patience,and willing to do things in Real christian manner; regarding this statue, I suppose there should have been some one who shoud change the motto in to the fact that,no it should not be like this, this is not right,wait and think in all aspects of the effect,it is not what we preach as the desiples of christ, prayer needed to be the answer were suppose to be entertained.

Still,like one of the person wrote it, hatrate,quarrel,fighiting and animosity will definetly produce an anticipated strife,grief and losing what we thought it to be our precious wealth as a society.
"bekeme meharene Amilakine we ako bekeme abesane" might be okay, but
"kidus ante Ab ahazekulu",Kidus ante Wld wahid zeante kalab hiyaw",Kidus Menfeskidus ze Teamir kulu" as daily life exercised would never rush us to a judgement that of what is happening in our society of the last 100 years.
Eseme hayal Anite Ekut Wesibuh weleke sibihat Lealemealem.
AMEN
AMEN
AMEN

Anonymous said...

sorry for the writings of dilwonberu. he told us to repeat the fault of our an-sisters.

Anonymous said...

Qidus istiphanos meskir yeziyan baahitawi dem zare chuhet jemiruwal inna anten bemeqides bedingayi wagrewu yegedeluhi be adebabayi firdi teqebelu antenim yasgedeluhi ye bete kirstian meriiwooch nachewu mistiruna tinbitu inehoo zaree tefetseme tayeem lekkas abba pawolos neberu yebahitawiwu demi kemedaf ijachewu belewu kalut ke andebetachu i yechohe terawu yantenewu tezegaji iyalachwu newu beqirbi gize yifetsemal lemtsi bekenferachu layi yitayal yezane weyehu lene yibel ametsenga hullu.MN irraa

Anonymous said...

Missed point

What about the churchu's Tewfit.

H.Z

Anonymous said...

እግዚአብሔር ይሰጥህ ማህበረ ክርስቲያን ትክክለኛና እውነታውን ነው ያስቀመጥከውና በእኔ እምነት ስለቤተክርስቲያን ቀናኢ የሆነ ሁሉ ስህተትን በስህት ለማረም መሞከር ከድጡ ወደማጡ ነውና የአባቶቻችንን ጅምር ውሳኔ አጠናክረን ሁሉንም በቤተክርስቲያን ውስጥ በማወቅም ይሁን ባለማወቅ እንዲቀመጡ የተደረጉ ጣኦቶችንና ግሳንግሶችን ጠርጎ ለማቃጠል መስራት ይኖርብናል እላለሁ!!
ዲንፕል

Dirsha said...

አብርሃም እግዚአብሄር ይባርክህ።የቅርቡን እንጂ የሩቁን የማይታያቸው እንደነ ለድል ወንበሩ አይነት
አይነህሊናቸው ለተዘጋ የሚያዩበት አይን የላቸውም።ከሁሉም ድፍረታቸው ከአቡነ ሺኖዳ ጋር ለማወ
ዳደር መሞከር በራሱ እውርነት ነው።የሳቸውን ነኡስ ስራ ቢኖራቸው ኖሮ ሲኖዶሱ እራሱ ባሰራላቸው ነበር።
ስለሳቸው ጥፋት ዘርዝሮ አይደረስብትም።በጥቅሉ ቤተክርስቲያናችን እንደዚህ የተዋረደችበት ጊዜ ከቶ
በታሪክ አልተዘገበም።አላወቁት እንጂ ሃውልቱን ያሰሩላቸው በቁማቸው ነው የገደሉዋቸው።የሲኖዶሱን
ውሳኔ ከመስማት ይልቅ ያንድን ጋለሞታ ምክር መስማት በራሱ ሞት ነው።ሃውልቱ ይቀመጥ እንኩዋ ቢባል
የሚያሳየው የሳቸውን በቁም መሞት እንጂ ሰማእትነታቸውን ከቶ አይደለም።ክርስቲያን እንደበግ ሲታሬድ
እንዳላየ ዝም ያለና ወደ ቤተክርስቲያን ከሞት ሸሽተው የተጠጉትን ለጆችዋን አሳልፎ የሚሰጥ አባት
በታሪክ ኖሮን አያውቅም።ቢዮንሴን ጥበቃ ሊቃውንቱንና ምእመኑን ያንገላቱት ምን ያህል የቤተክርስቲያናችንን
ክብር እንዳዋረደ ማን ይንገርህ ወይስ ይህንን የሚሰማ ጆሮ የለህም።

ዘ ሐመረ ኖህ said...

ውድ አብርሃም ሰለሞን አልሸሹም ዞር አሉ ሆኑብኝ ማህበረ፡ክርስቲያን ጥሩ ማረሚያ ስለሰጥዎት በሳቸው ላይ የማክለው የለኝም

አብርሃም said...

ውድ ወገኖቼ

የዚህ ሃውልት ጉዳይ ድል ወንበራ በገራገርነት እንዳቀረቡትና አብርሃም መልስ እንደሰጡበት ላይ ላዩን ታይቶ እርስ በርስ ለመከፋፈልና ለመተቻቸት የልዩነት ጉዳይ ብቻ ተደርጎ ሊታይ የሚገባው አይደለም። ስለምን? ከዚያ ያለፈ ፋይዳ የሚያስገኝላቸው ወገኖች እንዳሉ መረዳትን ይጠይቃልና፡፡

1. የዚህ ሃውልት መቆም የተዋህዶ አማኞች ጣዖት ያመልካሉ እያሉ ለሚከሱን የሃሰት ወገኖች እንደ ተጨማሪ ማስረጃ በማቅረብ ምዕመናንን ከስር ከስር ለመንጠቅ እና የእምነት ስርዓታችንን ለመበረዝ ብሎም በቀጣይም ታቦት በስማቸው ለምን አይቀረጽም (እርሳቸውም ለዚህ የተመቹ ሆነው ተገኝተዋልና) ወደሚል መንገድ በመሄድ፣የተዋህዶ አምልኮ መፈፀሚያ ታቦትን እና ሌሎችንም ለመጣጣል ታስቦ በነርሱው ወገኖች ተቀነባብሮ የተተከለ መሆኑ፤(ወገኖቼ ቀደም ሲል በየዓብያተክርስቲያናቱ በተተከሉት ፎቶግራፎችና በዚህ ሃውልት ምክንያት ብዙዎች ወደ ቤተ ክርስቲያን ከመሄድ፣ ከማስቀደስና ከመሳለም መታቀባቸውን ፀሃፊው በግል ያውቃል)፡፡

2. የቀደሙት የሃይማኖት አባቶቻችን በህይወታቸው ተሞክሮ ያስተማሩንን እና የሚታወቁበትን ትህትና፣ የዋህነት፣ እራስን መግዛት….በትዕቢት፣በፍቅረ-ንዋይ፣ በውዳሴ ከንቱ …ተክተው በግብር ሲፈጸሙ በማሳየት እና ይህንንም እንደ ማስረጃ በመጥቀስ አማንያንን ተስፋ ለማስቆረጥ እንዲረዳ ታስቦ ሰርገው በገቡ እና በሚታወቁ የሌሎች እምነት ተወካይ ግለሰቦች እንደ አንድ ታላቅ ተልዕኮ የሚከናወን መሆኑ፤ (እዚህ ላይ ከቅርብ ጊዜ ወዲህ እየተለመደ የመጣውን እና አባቶቻችን በተረዱትም ሆነ ባልተረዱት ሁኔታ መኪና እና ሌሎችንም ነገሮች በመሸለም የዚህ ፈርጀ ብዙ የሆነ ፈተና ሰለባ ማድረግን ልብ ይሏል)

3. በዚህም ሰበብ በመንፈስ ቅዱስ በመታገዝ ቤተክርስቲያናችንን የሚመራውን ቅዱስ ሲኖዶስ እንዲሽመደመድ በማድረግ የእምነት ስርዓቱን የሚያዛቡ አዳዲስ ነገሮችን በተሃድሶ ስም እንዲቀበልና እንዲወስን በማድረግ እና ተዋህዶን ለአንዴና ለመጨረሻ ጊዜ ማጥፋት…..ዋና ዋናዎቹ ናቸው፡፡

ስለዚህም ወገኖቼ በአንድ ሃውልት መቆም ስንጨቃጨቅ ሌሎች በስውርና በገሃድ ብዙ መንገድ መሄዳቸውን በማሰብ እራሳችንን አንድ አድርገን ለሃየማኖታችን ወቅታዊ ብቻ ሳይሆን ዘላቂ መፍትሄ ለማምጣት የሚበጀንን እንድናደርግ አባቶቻችንን በቅንነትና በታማኝነት በሃሳብም ሆነ በጸሎት በማናቸውም ነገር ሁሉ በመርዳት በተግባርም የቅዱስ ሲኖዶስን ውሳኔ በማክበር ፀንተን መቆም ይጠበቅብናል፡፡ትግሉ ከስጋና ደም ጋር አየደለምና!!!

የአባቶቻችን አምላክ ይርዳን፡፡እመቤታችን ከልጇ ከወዳጇ ጋር ታማልደን፡፡

ሰናይ said...

ውድ ደጀ-ሰላማውያን
ወንድማችን ድልወንበሩ የተሰማውን ፅፏል። በዓላማም ይሁን በግንዛቤ እጥረት የሱ መረዳት እንደፃፈው ነው።እኔ የማዝነው በእርሱ ሳይሆን ፅሑፉን እዚህ በለጠፈው ነው።በተዘዋዋሪ እኮ አላማውን እያሳካንለት ነው። ንቀን መተው አንችልም? ስለምን የሱ ፅሑፍ ተነቦ የተጨመቀ መልስ ሳይሰጠው? በዚህ ፅሐፍ ዙሪያ መወያየት አቁመን ወደቀደመ አጀንዳችን ካልተመለስን የወንዝ ፖለቲካ አራማጆች ከመሆን አንተርፍም።
መፅሐፍ ያለን እኮ የፀናውን አስቡ ነው።

Anonymous said...

ምነዉ አቶ ድልወንበሩ? አምና አባቶች ሲደበደቡ፣ የአዲስ አበባ ሃገረ ስብከት ሊቀ ጳጳስ ከመንበራቸዉ በፓትርያርኩ ማን አለብኝነት ሲገፉና ካለስራ ለአንድ አመት ሲቀመጡ ዝም ያልከዉ? በዉኑ ለቤተ ክርስቲያኗ አዝነህ ከሆነ ይህን የጻፍከዉ ለምንስ የዚያን ጊዜ አልተናገርክም? ነዉ ችግርህ ግለሰብኛ ነዉ?
ከፓትርያርኩ ጋር ሳይሆን ከክርስቶስ ጋር መቆማቸዉ ምን ስህተት አለዉ ብለህ ነዉ አበዉን የምትተቻቸዉ? ስለ ቤተክርስቲያን የሚገድህ ከሆነ እስኪ ጳጳሳት አበዉ ተደብድበዉ ለምን መንግስትና ፓትርያርኩ ዝም እንዳሉ ራሳቸዉን ጠይቃቸዉ!!! ለኛም ምክንያቱን ንገረን። ይሄን ከሰራህ እግዜር ይስጥልን።

Mimi said...

Dear Deje Selamawuyans,
Ene milew ... lezih Dil Wonberu letebale sew egnaw rasachin kibir eyesetenew yimesilegnal ... le and chifin zeregna yihinin yehil merebareb alasfelagi dikmet new. Leba lamelu honobet new enji eko yanesaw netib lerasum asamagn endalihone yemitefaw ayimesilegnim. Ersu yebet sirawun yesera yimesilegnal - andit neger lekuso egnan manetarek. Ato Dil Wonberu ... enante bet yetemekerew egnam bet temekirual ... Wegenoche ... lendih yale tirki mirki eset ageba gize yalen ayimesilegnim ... gena bizu yebet sira yikerenal

Anonymous said...

http://www.ethiotube.net/video/11319/ESAT-News--A-Bahatawi-who-told-a-coming-of-a-new-Ethiopian-leader-arrested

Yih zena ewnet yihon? Please post your info about it.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)