November 27, 2010

የአዲስ አበባ ሀገረ ስብከት በአጥቢያ አብያተ ክርስቲያን የገንዘብ እና ንብረት ቆጠራ ላይ ጥብቅ መመሪያ ሰጠ


  • ለሊቀ ጳጳሱ ብፁዕ አቡነ ቀውስጦስ እና ለሥራ አስኪያጁ ንቡረ እድ  አባ ገብረ ማርያም አቀባበል ተደርጓል፡፡
  • አጥቢያ አብያተ ክርስቲያኑ ለሀገረ ስብከቱ ፈሰስ ማድረግ የሚጠበቅባቸው የ58 ሚሊዮን ብር ዕዳ ያለባቸው ሲሆን ሀገረ ስብከቱ ለጠቅላይ ቤተ ክህነቱ ፈሰስ ማድረግ ከሚጠበቅበት የዘመኑ ገቢ የ13 ሚሊዮን ብር ጉድለት ተገኝቶበታል፡፡    
  • ‹‹ምእመናን ተቸግረው በሚሰጡት ገንዘብ መልሰው እንዲያዝኑ ልናደርጋቸው  አይገባም፡፡›› (ብፁዕ አቡነ ቀውስጦስ)
  • ‹‹ለቅጥር፣ ዕድገት እና ዝውውር አማላጅ የመላክ ጉዳይ አይቻለሁ፤ በግልጽ  ማስታወቂያ በሚወጣው መሠረት ከሚፈጸመው በቀር በምልጃ የሚደረግ ነገር  አይኖርም፡፡›› (ንቡረ እድ አባ ገብረ ማርያም)
(ደጀ ሰላም፤ ኖቬምበር 27/2010፤ ኅዳር 18/2003 ዓ.ም)ትናንት በመንበረ ፓትርያርክ ጠቅላይ ቤተ ክህነት የስብከተ ወንጌል አዳራሽ ብፁዓን አበው ሊቃነ ጳጳሳት፣ ጥሪ በተደረገላቸው የአዲስ አበባ ገዳማት እና አድባራት አስተዳዳሪዎች፣ የሰበካ ጉባኤ ጸሐፊዎች፣ ሒሳብ ሹሞች፣ የስብከተ ወንጌል ሐላፊዎች እና የምእመናን ተወካዮች በተገኙበት በጥቅምቱ የቅዱስ ሲኖዶስ ምልአተ ጉባኤ የአዲስ አበባ ሀገረ ስብከት ሊቀ ጳጳስ ለሆኑት ብፁዕ አቡነ ቀውስጦስ እና ለሥራ አስኪያጁ ንቡረ እድ አባ ገብረ ማርያም የአቀባበል እና የትውውቅ መርሐ ግብር ተካሂዷል፡፡

በመርሐ ግብሩ ላይ አዲሱ ሥራ አስኪያጅ ባቀረቡት ሪፖርት ቀደም ሲል ከነበረው የሀገረ ስብከቱ አስተዳደር ከ2002 ዓ.ም ጠቅላላ ገቢ ለመንበረ ፓትርያርኩ ፈሰስ መደረግ የነበረበት 65 በመቶ የ13 ሚሊዮን ብር ዕዳ እና ባዶ ካዝና መረከባቸውን ገልጸዋል፡፡ ለዚህም በመንሥኤነት ከሚጠቀሱት መካከል ሀገረ ስብከቱ በቃለ ዓዋዲው መሠረት ከ160 ያህል አጥቢያ አብያተ ክርስቲያን ጠቅላላ ገቢ መሰብሰብ የነበረበት የ20 በመቶ አስተዋጽዖ በወቅቱ እና አግባቡ ባለመሰብሰቡ እንደሆነ በሥራ አስኪያጁ ሪፖርት ላይ ተመልክቷል፡፡ በዚህም ሳቢያ አጥቢያ አብያተ ክርስቲያኒቱ ለሀገረ ስብከቱ ፈሰስ ማድረግ የሚጠበቅባቸው የ58 ሚሊዮን ብር አጠቃላይ ዕዳ እንዳለባቸው ተገልጧል፡፡

በ29ው አጠቃላይ የሰበካ መንፈሳዊ ጉባኤ ስብሰባ ላይ የቀድሞው የሀገረ ስብከቱ ሥራ አስኪያጅ ሊቀ ማእምራን ፋንታሁን ሙጬ ባቀረቡት የሒሳብ ሪፖርት ሀገረ ስብከቱ “ካለፉት ዓመታት በተሻለ ካዝናውን ሙጥጥ አድርጎ ስድስት ሚሊዮን ብር ያህል ለጠቅላይ ቤተ ክህነቱ ፈሰስ ማድረጉን” ቢገልጹም ፐርሰንት ተጠይቀው የማያውቁ፣ ከብር 300,000 እስከ አራት ሚሊዮን ብር ዕዳ ያለባቸው በትንሹ ከኻያ የማያንሱ አጥቢያ አብያተ ክርስቲያን መኖራቸውን፣ የአንዳንዶቹም ወደ ሀገረ ስብከቱ ካዝና ገቢ ሳይደረግ አየር ባየር እንደሚበላ በጠቅላይ ቤተ ክህነቱ የቁጥጥር አገልግሎት የኦዲት ሪፖርት መጋለጡ ይታወቃል፡፡

በትናንቱ የአቀባበል እና የትውውቅ መርሐ ግብር የአጥቢያ አብያተ ክርስቲያኑን የገንዘብ እና ንብረት ቆጠራ አሠራር በማጠናከር ቀሪ ዕዳቸውን እንዲከፍሉ ለማስቻል፣ በቀጣይም ውጤታማ ቁጥጥሩን በማጥበቅ አግባብነት ያለውና ውጤታማ የሆነ የገቢ አሰባሰብ እንዲኖር ለማድረግ ያበቃል የተባለ ጥብቅ መመሪያ መሰጠቱ ታውቋል፡፡ በመመሪያው መሠረት አጥቢያ አብያተ ክርስቲያን በሞዴል 30 በሚቀበሉት የዕለት ተዕለት ገቢ እና በሞዴል 64 በሚሠሩት የገቢ ማጠቃለያ የገንዘብ እና ንብረት ቆጠራ ማድረግ የሚችሉት በሰበካ ጉባኤው የምእመናን እና የአጥቢያው አገልጋይ ካህናት ተወካዮች ብቻ ናቸው። በዚህ ረገድ ቀደም ሲል ዋና አስፈጻሚ የነበሩት የአጥቢያው አስተዳዳሪ፣ ጸሐፊ፣ ሒሳብ ሹም፣ ገንዘብ ያዥ እና ቁጥጥር ተግባሩን የማስተባበር ድርሻ ብቻ ይኖራቸዋል፡፡ በሰበካ ጉባኤ አስተዳደር የምእመናን ድርሻ ከፍተኛ መሆኑን የሚያትተው መመሪያው እነርሱ በሌሉበት የገንዘብ እና ንብረት ቆጠራ እንዳይካሄድ ያሳስባል፡፡

መመሪያው በምእመናን ተወካዮች እና በአጥቢያ ቤተ ክርስቲያኑ አስተዳደር መካከል ጥርጥርን በመፍጠር፣ የአስተዳደር ሠራተኞች በደምሳሳው “ሰራቂዎች” እንደሆኑ አድርጎ ስለሚያስቀመጥ በመመሪያ መልክ ከመውረዱ በፊት ውይይት ሊደረግበት ይገባ እንደነበር አንዳንድ የስብሰባው ተሳታፊዎች ሐሳባቸውን ሰጥተዋል፡፡ ከቅዳሜ እና እሑድ በቀር በሥራ ቀናት የሰበካ ጉባኤ ተመራጭ የሆኑ ምእመናን አባላትን ለማግኘት አዳጋች መሆኑን የሚናገሩት እኒህ አስተያየት ሰጪዎች የመመሪያውን አፈጻጸም አዳጋች እንደሚያደርገው ይገልጣሉ፡፡ በአዲሱ ሥራ አስኪያጅ የቀረበው ሪፖርት በገቢ አሰባሰብ ችግሮች ላይ ማተኮሩ ተገቢነት ቢኖረውም በአጥቢያዎች ካዝና ላይ ግን ከተጠቀሰው ችግር በላይ አዛዥ የሆኑ የበላይ አካላትን አሠራር ያየ አለመሆኑን በመጥቀስ ተችተዋል፡፡

እንደ እነርሱ አባባል በልማት እንቅስቃሴያቸው እና በገቢ አቅማቸው ከአንደኛ እስከ ሦስተኛ ደረጃ ተለይተው በተቀመጡት አጥቢያዎች ካዝና ላይ የብፁዕ ወቅዱስ ፓትርያርኩ ልዩ ጽ/ቤት የራሱን ሙዳየ መባዕ በተለያዩ ርእሶች በማስቀመጥ፣ የጠቅላይ ቤተ ክህነቱ ጽ/ቤት ለተለያዩ ክዋኔዎች ማስፈጸሚያ፣ የካህናት አስተዳደር መምሪያው ለብፁዕ ወቅዱስ ፓትርያርኩ በየጊዜው ለሚደረገው አቀባበል ጥንግ ድርብ ለብሰው ለሚሰለፉ ካህናት አበል እንዲከፈል በማዘዝ፣ የሰንበት ት/ቤቶች ማደራጃ መምሪያ ለመስቀል ደመራ እና ለመሳሰሉት ክብረ በዓላት ጥናት ለሚያደርጉ የሰንበት ት/ቤት ወጣቶች አበል እንዲከፈል በማዘዝ፣ ሀገረ ስብከቱ ለሽልማት እና ለመሳሰሉት አጥቢያዎች በተሰጣቸው ደረጃ መጠን እንዲያዋጡ በማዘዝ በየአቅጣጫው አቅምን የሚያዳክሙ የግዳጅ አስተዋጽዖ በቀጥታም ይሁን በተዘዋዋሪ ለመፈጸም የሚገደዱበት የወጥ አሠራር ጉድለት ለፈሰሱ (ለገቢው) መዳከም በምክንያትነት መጠቀስ ይገባው እንደነበር አስረድተዋል፡፡ በቅጥርም ረገድ ከላይ በሚሰጥ ትእዛዝ ብቻ ያለአቅማቸው በርካታ አገልጋይ ካህናትን እና የአስተዳደር ሠራተኞችን የሚቀበሉ አጥቢያዎች ከገቢያቸው ጋራ በማይመጣጠን አኳኋን ደመወዝ ለመክፈል መገደዳቸው፣ በዝውውርም በኩል በገቢ አሰባሰብ እና በሌሎች የተግባር አፈጻጸማቸው መመሪያን ጠብቀው በሐቅ የሚሠሩ የአስተዳደር ሠራተኞች ከቦታቸው እንዲነሡ እየተደረገ በምትኩ ለመጠቃቀም ምቹ ሁኔታን የሚፈጥሩ ሙሰኞች እንዲተኩ መደረጋቸውም በተጨማሪ መንሥዔነት መታየት እንደሚገባው ተሳታፊዎቹ አስገንዝበዋል፡፡

አስተያየት ሰጪዎቹ አክለው እንዳስረዱት፣ በገንዘብ አሰባሰቡ ረገድ ቁጥጥርን ስለ ማጥበቅ ብቻ ሳይሆን ቤተሰብ መሥርተው ከኑሮው ውድነት እና ከትምህርት ደረጃቸው ጋራ በማይመጣጠን አኳኋን ሁለት ዓመት ጠብቀው በዕርከን ጭማሪ የሚያገኙት ደመወዝ ስለማይበቃቸው አስተምረው በማጥመቅ፣ ቀድሰው በማቁረብ ዋናውን ተግባር ስለሚፈጽሙት አገልጋዮች አኗኗርም ሊታሰብበት እንደሚገባ ተናግረዋል፡፡

12 comments:

Anonymous said...

የሐዉልቱ ነገር ተረሳ እንዴ፣ ወገኖቼ? ምነዉ ሐያ ቀን እስካሁን አይሞላም እንዴት ነዉ ነገሩ? ነዉ፣ ወደ አርባ አመት ተለወጠ? ደጀ ሰላሞች ምነዉ ዝም አላችሁ?

Anonymous said...

Min yiresal twdajune Yeasemesayent netela zema yemizemerew poletiknochu ga bichanwe yalew manew.
Fekade Gabriel Ze Shashemene

Anonymous said...

the meeting was fine , but do they make it or not? or just talk for the media, do they follow the rule and regulation?

Anonymous said...

+++ Selam Wegnoche

Beka yewyiyit res Genzeb bicha hon betkirstain, meche new memnunn endet entsanew, enrdaw yemibalew, wetatun endet ke westrin testsno entebkew yemibalew?

Wey amlake...

Alula said...

Good Luck to Abune Kewsitos and the new administrator.

Anonymous said...

ተጀምሮ እስኪ ፈጸም የሚያለቃቅሱት ስለ ገንዘብ ብቻ ነው።ይገርማል።አሳፋሪዎች።መጥኔ።

Anonymous said...

I wish the new administration of the Hagere Sibket is free of any influence. However, the fact is, command is drill down from the top. Unless we fight the good fight-getting out of the sinking ship where the captain is aba Paulos, things remain the same. We better off without the current "synod" to save the demise of our church. The Chinese say:- an inch of gold doesn't buy an inch of time.This was the time to do work-the right work, the righteous deed. It seems no one is ready particularly those who promised and get paid to do the job. This is the time to get out of the box. This includes the thinking of dejselam. Most topics posted on this blog is framed to the ideas of inbox subjects which doesn't buy an inch of time for change. I am always amazed why we can’t wake up even after a close of 20 years! Is it Azim? My soul is troubled when we discuss about the improvement of situations in church institutions being inside the box while the driver is sinking the ship—the church, the Christians. Look at our neighbors and ask them if life is better today or 2 decades ago! Ask any priest or mezmeran if life is better during Paulo’s leadership or prior Patriarchs leadership? Ask yourself whether you are spiritually or morally satisfied today or years ago? Ask again are things getting worse or getting better. Trust me aba Paulos will not stop by only erecting the statue of himself. I don’t have to be fortuneteller. Just Wait! Who can stop him building a church in his own name? You might say the “Synod”? Wait you will see! If we don’t stop any shameful act today it will continue. Again we will see how the AA hagere sibket doing its job.I personally commend aba Kostos but how far he goes to exercise his power remains to be seen.

Anonymous said...

http://www.ethiopia.org/images/pdf/The_Parchments_from_the_Hill.pdf

Anonymous said...

ኧረ ሲኖዶስን የሚመራው መንፈስ ቅዱስ አይደለምን? ታዲያ ምነው የሐውልቱ ጉዳይ ዝም ተባለሳ? ኧረ እግዚአብሔርን እንፍራ ቃሉስ አንገቱን ያደነደነ ድንገት ይሰበራል አይደል እንደ የሚለው ? እባካችሁ ብፁዐን አባቶቻችን አስፈርሱልን፡፡

ኃ/ሥላሴ ዘተዋህዶ

Anonymous said...

Dear Dejeselam,
I would be happy if you write us about Mariyam Tsion 2003 celebration in Axum if you get some information. Thanks.

Anonymous said...

beka nobody talk about abbaw's "howelet"

Anonymous said...

Defiantly it is not related to the current news. However, this is just to share with you the good news.
Thank you
On Saturday, 27 November, Abba Seraphim attended the St. Mary of Zion (Tserha Sion) Festival of the Ethiopian Orthodox Tewahido Church held at St. James the Great Parish Church at Lower Claton, London, E5. The Festival is not only a Marian celebration but also commemorates the taking of the Ark of the Covenant to Ethiopia by the Emperor Menelik I and its placing in St. Mary of Zion Church in Axum, where many Ethiopian Emperors were later crowned. The festivities were presided over by Archbishop Antonios and following the Divine Liturgy there were traditional hymns and dances before the Holy Tabot was processed around the church amid much jubilation.

Following this Abba Seraphim addressed the congregation and offered congratulations on behalf of the British Orthodox Church and the Council of Oriental Orthodox Churches. St. Mary of Zion is the oldest of the Ethiopian Orthodox congregations in the United Kingdom although it has gathered in a number of different places in the three and a half decades since it was founded. Abba Seraphim fondly recalled his visit to one of the first services held at a Church in Notting Hill in 1976 when the priest was the late Archimandrite Aba Aregawi Welde Gebriel (later consecrated as Archbishop Johannes) and the congregation was still very small. Under its present priest, Malake Sion Habte Marian Field, the congregation is actively fund raising to purchase their own property and Abba Seraphim looked forward to the day, with God’s grace, when he would have the privilege of attending the consecration of their own church and recognising the fruits of so many years of faithful service. A festive lunch was held in the church hall aftwerwards, with traditional Ethiopian cuisine, which Abba Seraphim was delighted to share.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)