November 27, 2010

የቅድስት ሥላሴ መንፈሳዊ ኮሌጅ ደቀ መዛሙርት ወደ ትምህርት ገበታቸው ተመለሱ

(ደጀ ሰላም፤ ኖቬምበር 26/2010፤ ኅዳር 17/2003 ዓ.ም)የቅድስት ሥላሴ መንፈሳዊ ኮሌጅ ደቀ መዛሙርት ከኅዳር ስምንት ቀን 2003 ዓ.ም ጀምሮ ትምህርት በማቆም እና ከምግብ ቤቱ አገልግሎት በመከልከል ባነሷቸው ችግሮች አፈታት ላይ ስምምነት ተደረሰ፤ ደቀ መዛሙርቱም ከትናንት ኅዳር 18 ቀን 2003 ዓ.ም ምሽት ጀምሮ በኮሌጁ የምግብ ቤት አገልግሎት መጠቀም መጀመራቸው ታውቋል፡፡ ደቀ መዛሙርቱ ከኮሌጁ አስተዳደር እና ቦርድ ጋራ ከስምምነት ላይ እንዲደርሱ ከፍተኛ አስተዋፅኦ ያደረጉት የቅድስት ሥላሴ መንፈሳዊ ኮሌጅ የነገረ መለኮት ምሩቃን ማኅበር እና ደቀ መዛሙርቱ አቤቱታቸውን ካቀረቡላቸው የውጭ አካላት አንዱ የሆነው የኢትዮጵያ ሰብአዊ መብት ኮሚሽን ናቸው፡፡

ለጤና ክትትል ወደ ደጃዝማች ባልቻ ሆስፒታል ከገቡ ሦስተኛ ቀናቸውን ያስቆጠሩት ብፁዕ ወቅዱስ ፓትርያርኩ  ደቀ መዛሙርቱ ለብሰው በመሰለፍ ወደ ኮሚሽኑ እና ሌሎች የውጭ ተቋማት ዘንድ ማመልከታቸው እንዳሳዛናቸው ተገልጧል፡፡ ይሁንና የቤተ ክርስቲያኒቱን ከፍተኛ ትምህርት ተቋማት እንዲከታተል ቅዱስ ሲኖዶስ ሐላፊነት የሰጠው በመንበረ ፓትርያርክ ጠቅላይ ቤተ ክህነት ጽ/ቤት የሥርዓተ ትምህርት እና ሥልጠና መምሪያ በችግሩ አፈታት ዙሪያ አንዳችም ጥረት አለማድረጉ አጠያያቂ ሆኗል፡፡

የቅድስት ሥላሴ መንፈሳዊ ኮሌጅ ዳግመኛ ከተከፈተበት 1986 ዓ.ም ጀምሮ የተቋሙ የምግብ ቤት ሐላፊ ሆነው የቆዩት አቶ ደስታ እስጢፋኖስ ከምግብ ቤቱ ንብረት ክፍል ሐላፊዋ ጋራ ለአንድ ወር የግዳጅ ዕረፍት እንዲወጡ፣ ለጥያቄ ሲፈለጉ ካልሆነ በቀር ወደ ኮሌጁ ግቢ እንዳይገቡ ተወስኗል፡፡ በጥራቱ መጓደል የተነሣ በደቀ መዛሙርቱ ጤና ላይ እክል እንዳስከተለ የተገለጸውን የምግብ ቤቱን አሠራር አጥንቶ ችግሩን በመሠረታዊነት የሚፈታ ስድስት አባላት ያሉት ኮሚቴ ከኮሌጁ ቦርድ፣ ከኮሌጁ አስተዳደር እና ከደቀ መዛሙርቱ መማክርት ጉባኤ ተውጣጥቶ ተቋቁሟል፡፡ ቀደም ሲል የምግብ ቤቱን የግዥ እና ንብረት ክፍሎች ከሐላፊነት ጋራ አጣምረው ይዘው የቆዩት አቶ ደስታ እስጢፋኖስ በ2000 ዓ.ም በተመሳሳይ አኳኋን ከሥራቸው ተወግደው ከቆዩ በኋላ ከመንበረ ፓትርያርኩ በተሰጠው ትእዛዝ በዚያው ዓመት ደቀ መዛሙርቱ ለዕረፍት በወጡበት ክረምት ወቅት እንዲመለሱ ተደርጎ በ2001 ዓ.ም ደቀ መዛሙርቱ ሲገቡ ጥያቄውን ዳግመኛ ላያነሡ እየፈረሙ ትምህርታቸውን እንዲጀምሩ ተደርጓል፡፡ አቶ ደስታ በቀጣይ ወደ ሐላፊነታቸው የመመለሳቸው ዕድል እንዳከተመ፣ በምትኩ የኮሌጁ አስተዳደር ከጠቅላይ ቤተ ክህነቱ ጋራ በመነጋገር በሌላ የሥራ ዘርፍ ሊመደቡ እንደሚችሉ ተነግሯል፡፡

‹‹የውስጥ ደዌ›› በተለይም ከኩላሊት እና ጨጓራ ጋራ የተያያዙ የጤና እክሎች በርካታ ደቀ መዛሙርት ‹‹እንደ አንድ ኮርስ›› የሚጋሯቸው መሆናቸውን የሚናገሩት የኮሌጁ ደቀ መዛሙርት፣ ምንነታቸው የማይታወቁ “የአፍዝ አደንግዝ ቅጠላ ቅጠሎች” በምግቡ ላይ ተጨምረው እንደሚያገኙ በመጥቀስ አቶ ደስታ እስጢፋኖስን ይከሳሉ። “የአንዳችን አስከሬን አለመውጣቱም የሃይማኖት ቤት ሆኖ ነው” ይላሉ ተማሪዎቹ፡፡ ትናንት ማምሻውን አቅርቦቱ እንዲሻሻል የተደረገው ምግብ ቤቱ በካህናቱ ጸሎት እና በዲያቆናቱ ዝማሬ ተከፍቶ አገልግሎቱን ሲቀጥል አንዳንድ ደቀ መዛሙርት እንደገለጹት፣ ፍላጎታቸው ከዓመታት በፊት በተመደበው ውስን በጀትም ቢሆን ተገቢ የሕክምና እና የምግብ አገልግሎት ያገኙ ዘንድ ነው፡፡

ደቀ መዛሙርቱ ተቃውሟቸውን በሚያሰሙባቸው ቀናት መካከል የተቋቋመው እና ችግሩ መልኩን ሳይስት እንዲፈታ አስተዋጽዖ አድርጓል የተባለው የተማሪዎች መማክርት የምርጫ መሥፈርቱ፣ ዓላማው፣ ሥልጣን እና ተግባሩ ከቤተ ክርስቲያኒቱ ነባራዊ ሁኔታዎች ጋራ ተጣጥሞ በጽሑፍ ከተዘጋጀለት በኋላ በመጪው ሳምንት ውስጥ ዳግመኛ ምርጫ በማካሄድ ቀደም ሲል የተመረጡትን የመማክርቱን አባላት እንደሚያጸድቅ አልያም በሌሎች እንደሚተካ ይጠበቃል፡፡ የምርጫ መሥፈርቱ በትምህርታቸው ታታሪ፣ በሥነ ምግባራቸው ምስጉን እና ከፖለቲካ አመለካከት ለጸዱ ላሏቸው ትኩረት እንደሚሰጥ ተገልጧል፡፡

በኮሌጁ በተመሳሳይ (የዲግሪ) መርሐ ግብር በሥርዓተ ትምህርቱ ተካትተው የሚሰጡት የትምህርት ዓይነቶች “በክሬዲት አወር” ብዛት እና በዝርዝራቸው በየጊዜው በመለያየታቸው ቀጣይነት እንደሚጎድላቸው፣ ተጠቃልለው ሊሰጡ የሚገባቸው የትምህርት ዓይነቶች በመነጣጠላቸው በተማሪው ላይ አላስፈላጊ ጫና ከመፍጠራቸውም በላይ ተማሪው በቅምሻ እንጂ “አድምቶ የማይማራቸው” እንደሆኑ፣ የአንዳንድ መሠረታዊ የትምህርት ዓይነቶች ህልውና በመምህራን መኖር እና አለመኖር ላይ እንደተመሠረቱ፣ መምህራኑ በየራሳቸው ከሚያወጡት በቀር ለሚሰጧቸው ኮርሶች ሞጁል እና ቢጋር እንደሌላቸው፣ በብዙዎች አገላለጽ “ያመኑትን ለማጽናት” ከሚረዳው የታሪክ፣ ዶግማ እና ቀኖና ትምህርቶች ጋራ በውል የታወቁ “በኦርቶዶክሳዊ ሐዋርያዊ ተልእኮ” (Orthodox Missionary) ላይ ያተኮሩ የልዩ ሥልጠና መስኮች እንዳልተደራጁ በሥርዓተ ትምህርቱ ላይ የተለዩት ውስንነቶች በኮሌጁ አካዳሚክ ኮሚሽን ተጠንተው ማሻሻያ እንደሚደረግባቸው ተመልክቷል፡፡

ኮሌጁ የሚሰጠው ዲግሪ እና ዲፕሎማ ከትምህርት ሚኒስቴር ዕውቅና እንዲጠየቅበት በደቀ መዛሙርቱ ቀርቧል የተባለው ጥያቄ ብዙ ወገኖችን “ቀድሞ የበቀለን ጆሮ ከኋላ የመጣን ቀንድ በለጠው” አሰኝቷል፤ “የራስዋን ሥርዓተ ትምህርት ቀርጻ የትምህርት ሚኒስቴር ሆና ለኖረችው ቤተ ክርስቲያን የማይመጥን እና አግባብነት የጎደለው” የሚልም ነቀፌታ አግኝቶታል፡፡ ኮሌጁ በሀገር ውስጥ እና በባሕር ማዶ ታላላቅ ዩኒቨርስቲዎች እና ልዩ ልዩ ተቋማት ከማንም ጋራ ተወዳድረው የማያሳፍሩ እንዲያውም በሚያኮራ ደረጃ የሚገኙ ምሩቃን የወጡበት መሆኑን እኒህ ወገኖች ያስታውሳሉ፡፡ በ1937 ዓ.ም “የቅድስት ሥላሴ መንፈሳዊ ትምህርት ቤት” በሚል በኦፊሴል ተከፍቶ “የቀሳውስት ክፍል” በሚል ጠቅላላ ትምህርት፣ ‹‹የዲያቆናት ክፍል›› በሚል የመጽሐፍ ቅዱስ ጥናት፣ ዶግማ፣ ዜና አበው እና ዜማ ይሰጥበት ነበር፡፡ በ1945 ዓ.ም ወደ ሁለተኛ ደረጃ ያደገው ተቋሙ ትምህርት እና ሥነ ጥበብ ሚኒስቴር ለአንደኛ ደረጃ ትምህርት ቤቶች የሚፈልጋቸውን “የሃይማኖት እና የሞራል መምህራን” በ“ሃይማኖት ትምህርት መምህራን ማሠልጠኛ ክፍል” ለሦስት ዓመት እያሠለጠነ ያወጣ ነበር፡፡

በ1952 ተመርቆ የተከፈተው የኮሌጁ ክፍል በ1953 ዓ.ም ሥራ በጀመረው በቀዳማዊ ኀይለ ሥላሴ ዩኒቨርስቲ ኮሌጅ ውስጥ ከሚተዳደሩት ኮሌጆች እንደ አንዱ ተቆጥሮ ጠቅላላ አስተዳደሩ በቀ.ኃ.ሥ ዩኒቨርስቲ ኮሌጅ ሥር ሆነ፡፡ ‹‹በኢትዮጵያ ኦርቶዶክስ ሐዋርያዊ ድርጅት›› ይታተም የነበረው ትንሣኤ መጽሔት እንደዘገበው በ1956 ዓ.ም በቀ.ኃ.ሥ ዩኒቨርስቲ ኮሌጅ በተካሄደው የምረቃ ሥነ በዓል የመጀመሪያዎቹ ስድስት የመንፈሳዊ ኮሌጁ ደቀ መዛሙርት በባችለር ኦቭ ቴዎሎጂ ተመርቀው በልዩ ልዩ የሐላፊነት ቦታዎች ላይ ተመድበው ለሀገራቸው እና ለቤተ ክርስቲያናቸው ሲሠሩ ማየት ‹‹ክብር እና ደስታ የተመላበት የምሥራች ነው፡፡›› ከመጀመሪያዎቹ የመንፈሳዊ ኮሌጁ ምሩቃን መካከል በኋላ የድኅረ ምረቃ ትምህርታቸውን በአሜሪካው የሃርቫርድ ዩኒቨርስቲ በሕግ ያጠናቀቁት እና ‹‹የሰበካ ጉባኤ አባት›› በመባል የሚታወቁት ሊቀ ጉባኤ አባ አበራ በቀለ እና አቶ አእምሮ ወንድማገኘሁ የሚጠቀሱ ናቸው፡፡ ዛሬም በአገር ውስጥ መንግሥታዊ በሆኑ እና መንግሥታዊ ባልሆኑ ተቋማት እንዲሁም በባሕር ማዶ አንጋፋ የከፍተኛ ትምህርት ተቋማት ውስጥ የሚገኙቱ ፍሬዎቹ ተመልሰው በአስተዳደርም በመምህርነትም ሊያገለግሉ የሚችሉበትን መንገድ እንዲያመቻች ተጠይቋል፡፡ ከዚህ አኳያ አሁን በደቀ መዛሙርቱ ስም ቀርቧል የተባለው የዲግሪ ዕውቅና ጥያቄ በአንዳንድ ታዛቢዎች አገላለጽ “ቤተ ክርስቲያኒቱን ተመልሶ ላለማገልገል የታሰበ የስንፍና ሀሁ ነው” ተብሏል፡፡

በሰሞኑ የደቀ መዛሙርቱ ጥያቄዎች መነሻነት ከኮሌጁ ማኅበረሰብ አባላት ለደጀ ሰላም የደረሱ አስተያየቶች፣ የኮሌጁ አስተዳደር በደቀ መዛሙርቱ መካከል እና በመምህራኑ ዘንድ በአጽንኦት ሊመለከታቸው ይገባሉ የሚሏቸውን ነጥቦች ይጠቁማሉ፡፡ በጥቆማዎቹ መሠረት ኮሌጁ በተለይ ከ2000 ዓ.ም ወዲህ ተማሪዎችን የሚቀበልባቸውን መስፈርቶች ከዕድሜ ገደብ እና ከትምህርት ደረጃ ጀምሮ በአግባቡ እንዲያጤን ተጠይቋል፤ አህጉረ ስብከትም ከኮሌጁ የሚወጣውን መስፈርት በማክበር እንጂ በተለያዩ ሽፋኖች ድብቅ የተሐድሶ ኑፋቄ ዓላማቸውን በረጅም ጊዜ ሂደት የማሳካት ተልእኮ አንግበው ወደ ኮሌጁ በመግባት ብዙኀኑን ደቀ መዛሙርት በአስተዳደሩ ላይ በማነሣሣት ተቋሙን ከዋናው ዓላማው የሚያዛቡትን እና ኦርቶዶክሳዊ ላህይ የሌላቸውን ከመላክ መቆጠብ እንደሚኖርባቸው ተመልክቷል፡፡ “በክፍል ወስጥ ስለ እመቤታችን ቅድስት ድንግል ማርያም ቅድስና እና ክብር ትምህርት ሲሰጥ ወጥተው ከሚሄዱ፣ አካዳሚያዊ ነጻነቱ እንደተጠበቀ ሆኖ የመናፍቃኑን አስተሳሰብ የሚያዘልቁ ጉንጭ አልፋ ክርክሮችን ከሚያሥነሱ፣ እንደ ዋልታ እና ማገር የሚታዩትን የቤተ ክርስቲያኒቱን ሥርዐተ እምነት እና የተቀደሰ ትውፊት ከሚያቃልሉ አንዳንድ ደቀ መዛሙርት ምን ይጠበቃል?” በማለት የሚጠይቀው አንዱ አስተያየት ሰጪ ኮሌጁ እንደ ትምህርት ተቋም በጎላ እና በተረዳ መልኩ ለታወቀ ዓላማ ለሚያሠለጥናቸው ደቀ መዛሙርት ሥነ ምግባራዊ ሕይወት የሚያደርገውን ክትትል እና ክብካቤ እንዲያጠናክር ይማጠናል፡፡

በሌላ በኩል አስተያየቶቹ መምህራኑ ቀደም ሲል ከኮሌጁ ተመርቀው የወጡት ደቀ መዛሙርት ባለፉበት መንገድ ተማሪውን በስም ጥሪ ከመከታተል አንሥቶ ዕለት ተዕለት በሚያተጋ አኳኋን የመማር ማስተማር ሂደቱን እንዲያጠናክሩ ያሳስባል፡፡ “Theology is the beginning of wisdom and fear of God” በሚል መምህራኑ የነገሩትን ብሂል የሚያስታውሰው አንድ የኮሌጁ የቀድሞ ደቀ መዝሙር፣ “ካፍቴሪያው በሰው ተሞልቶ የሚታየውን ያህል ቤተ መጻሕፍቱ ሰው ተጠምቷል” በማለት አብዝቶ መጻሕፍትን ከመመርመር አኳያ የታዘበውን መዘናጋት አካፍሏል፡፡ “የኬልቄዶንን ጉባኤ መቃወም ፀጉር ስንጠቃ ነው፤ . . . በካቶሊክ ቤተ ክርስቲያን መቁረብ ችግር የለውም” በማለት ከሚናገሩት አንዳንድ መምህራን አንሥቶ ባለፈው ዓመት በአባ ሰላማ ከሣቴ ብርሃን ቅዱስ ፍሬምናጦስ ኮሌጅ የተጀመረው እና በፕሮቴስታንቱ “ብሪጅ ኦቭ ሆፕ” የሚደገፈው የድኅረ ምረቃ መርሐ ግብር በቅድስት ሥላሴ መንፈሳዊ ኮሌጅም እንዲተከል ያቀረቡት ምክረ ሐሳብ ውድቅ የተደረገባቸው ጥቂት መምህራንም እንደ ሰሞኑ የመሰሉትን የደቀ መዛሙርቱን የመብት ጥያቄዎች አቅጣጫ በማሳት አስተዳደሩን የማስጨነቅ አካሄዳቸውን በንቃት እንዲከታተለው ተጠቁሟል፡፡

14 comments:

Anonymous said...

you dejeselamaweyan, still you are not understanding your father's leadership problem. your blog is a collection of lying. as christian , please write truth, but you shouldn't be cheerleaders of abba pauls.

Anonymous said...

“በክፍል ወስጥ ስለ እመቤታችን ቅድስት ድንግል ማርያም ቅድስና እና ክብር ትምህርት ሲሰጥ ወጥተው ከሚሄዱ፣ አካዳሚያዊ ነጻነቱ እንደተጠበቀ ሆኖ የመናፍቃኑን አስተሳሰብ የሚያዘልቁ ጉንጭ አልፋ ክርክሮችን ከሚያሥነሱ፣ እንደ ዋልታ እና ማገር የሚታዩትን የቤተ ክርስቲያኒቱን ሥርዐተ እምነት እና የተቀደሰ ትውፊት ከሚያቃልሉ አንዳንድ ደቀ መዛሙርት ምን ይጠበቃል?”

Anonymous said...

አህጉረ ስብከትም ከኮሌጁ የሚወጣውን መስፈርት በማክበር እንጂ በተለያዩ ሽፋኖች ድብቅ የተሐድሶ ኑፋቄ ዓላማቸውን በረጅም ጊዜ ሂደት የማሳካት ተልእኮ አንግበው ወደ ኮሌጁ በመግባት ብዙኀኑን ደቀ መዛሙርት በአስተዳደሩ ላይ በማነሣሣት ተቋሙን ከዋናው ዓላማው የሚያዛቡትን እና ኦርቶዶክሳዊ ላህይ የሌላቸውን ከመላክ መቆጠብ እንደሚኖርባቸው ተመልክቷል፡፡

Kiduse wwek MS said...

ቃለ ህይወት ያሰማልን፡፡

እንደኔ እንደኔ እዚህ ሃሳብ ላይ በደንብ መወያየት ያለብን ይመስለኛል፡፡

ደጀ ሰላሞች ይህንን ጉዳይ በደንብ አወያዩን ፡፡ በተለይ የተሃድሶ እንቅስቃሴን በተመለከተ መረጃ ያላቸው ወገኖች አሉ፡፡ በሰ/ት/ቤትና በስብከተ ወንጌል ትክክለኛ የኑፋቄ ወይንም የብልሹ ስነ ምግባር ማስረጃዎች የቀረቡባቸው ተማሪዎች ተምረው ለምረቃ በቅተዋል ፡፡ ስለዚህ ለሃይማኖታቸው ቀናዊ የሆኑ ሁሉ በአትኩሮት ሊከታተሉት ይገባል፡፡
እንደመፍትሔም የማቀርበው

አስተዳደሩ

1.ተማሪዎችን በሚቀበልበት ጊዜ መመዘኛዎችን ጥብቅ ቢያደርጋቸው፡፡ ማለትም የሚገባውን ተማሪ ማንነት በደንብ ቢመረምር በዝምድና በጳጳሳትም ሆነ በቤ/ክ አስተዳዳሪዎች የሚመጣውን ክፍል ባያስተናግድ
2.በግቢው ውስጥ ከቤተክርስቲያኗ ስርዓትና ዶግማ ውጭ የሚደረጉ እንቅስቃሴዎችን ቢከታተል
3.ወደ ኮሌጁ የሚገቡ ተማሪዎችን በተመለከተ ከሰ/ት/ቤት ፣ ከስብከተ ወንጌል ወይንም ከግለሰቦች የሚቀርቡትን ጥቆማዎች በቀላሉ ከመመልከት ትኩረት ሰጥቶ ቢመለከታቸው
4.የሚመደቡት የውጭም ሆኑ የእኛ መምህራን በትክክል የተዋህዶን ትምህርት የሚያስተላልፉ መሆናቸውን ቢከታተል

ሊቃነ ጳጳሳትና አስተዳዳሪዎች

1.ወደ ኮሌጁ እንዲገቡ የድጋፍ ደብዳቤ የሚፅፉላቸውን ጠንቅቀው ቢያውቁና ቢመረምሩ
2.በየዋህነትም ሆነ በቸልተኝነት በእውቅና ብቻ የድጋፍ ደብዳቤ ከመጻፍ ቢቆጠቡ

ተማሪዎች

1.የሚማሩት ፈጣሪን ለማገልገል እንደመሆኑ መጠን በአላማና በትህትና ቢማሩ
2.ኮሌጁ ግቢ ውስጥ ወይም ከግቢ ውጭ በየመንደሩ ጉባዔ እየዘረጉ ኑፋቄ የሚያራምዱ ተማሪዎችን በመከታተልና በማጋለጥ ለሚመለከተው ክፍል ቢያሳውቁ
3.መምህራን የሚያስተምሩት ትምህርት ችግር ካለበት ተገቢ ጥያቄ ቢያቀርቡና የማይታረም ከሆነም ጥያቄዎችን ለሊቃውንት ጉባኤ በማስተላለፍ ትክክለኛው አስተምህሮ ምን እንደሆነ ቢረዱ

ሰ/ት/ቤቶችና የቤ/ክ ተቆርቋሪዎች

1.አባሎቻቸው የስነ መለኮት ትምህርት እንዲማሩ አስፈላጊውን እገዛ ቢያደርጉ
2.የስነምግባርም ሆነ የሃይማኖት ችግር ያለባቸው ወደ ኮሌጁ ሲገቡ ለኮሌጁ አስተዳደርም ሆነ ለምሩቃን ማኅበር ቢያሳውቁ
3.ከኮሌጁ ተመርቀው በየስብከተ ወንጌሉ የተመደቡ መምህራን የሚያስተምሩትን ትምህርት በንቃት ቢከታተሉ መልካም ነው እላለሁ፡፡

ይህ የታናሽ ወንድማችሁ አስተያየት ነው፡፡ ሌሎች አባቶችና የሚመለከታቸው ክፍሎች በሰፊው ቢወያዩበትና ሃሳብ ቢሰጡበት መልካም ይመስለኛልና አደራ አደራ፡፡

Anonymous said...

የተማሪዎቹ ወደ ትምህርት ገበታቸው መመለስ በጣም ደስ የሚል ዜና ነው ግን በግቢው ውስጥ ያሉት የመናፍቃን ጉዳይስ፡፡ቀደም ሲል እነ ፍሬ ተዋሕዶ የሰጡንን መረጃ በቀላሉ ማየት ያለብን አይመስለኝም፡፡ እንደሚመስለኝ አስቸኳይ የሲኖዶስ ስብሰባ ያፈልጋል፡፡ ኦርቶዶክሳውያን ሊቃውንትን ለማፍራት ከየቦታው የተላኩ ደቀ መዛሙርትን ለመናፍቃን ግብዓት ማድረግ፡፡ የSIM እቅድ ይገርማል ኦርቶዶክስን ለመያዝ ሞተሩን መቆጣጠር ከዚያ input= Orthodox ከዚያ በኦርቶዶክስ ኪሳራ out put=Protestant የድንግል ያለህ፡፡ ግን በፈጠራችሁ ከአስተማሪዎቻችሁ ጋር ሆናችው ቲም ይተባለዌ የSIM ሰዉ የበተነውን መጽሐፍ እስኪ የመናፍቅ መሆኑን ግለጹልን፡፡ ቢያንስ በዚህ ካሱን

እህታችሁ ስብከት

Anonymous said...

በኮሌጁ መናፍቃን ካሉ እንዴት ልናምነው እንችላለን እባካችሁ ደጀ ሰላሞች አሉ ሚበሉትን መናፍቃን ከኮሌጁ መውጣታቸውን ተከታትላችሁ ግለጹልን፡፡ እንቅልፍ ሊወስደኝ አልቻለም ደቀ መዛሙርት በመባረር ስጋት ፈርተው ዝም ቢሉ እንኳ ልንረዳቸው ይገባል፡፡ ብቸኛ መሆናቸውን አንዘንጋ፡፡

ሠብለ ወንጌል (የመንጌል ምርት) ከኢየሱስ

Anonymous said...

ውድ ወንድሞቻችንና እህቶቻችን በርግጥ እኛ ምግብ ተበላሸ ያልነው ቅንጦት ፈልገን አይደለም፡፡ አባቶቻችን በጥርኝ ውሃ፣ በቁራሽ ዳቦና፣ በእፍኝ ቆሎ እንደተማሩ እናውቃለን የተወሰነውም ከዚሁ ትውፊት ተካፍለናል፡፡ ግን አንደኛ ግና በተበከለና በተበላሸ ምግብ እራሳቸውን ለአደጋ አላጋለጡም፡፡ በእንተ ስማ ለማርያም ብለው ሲለምኑም ሰው የሚሰጣቸው እንደ ችግረኛ ሳይሆን በደጁ የድንግልን ስም የሚጠራ ሰው ስለመጣ እነርሱ ከሚበሉት ያካፋላሉ እንጂ ማንም እራሱ የማይበላውን ለተማሪ አይሰጥም፡፡ ለእኛ የተሰጠን ግን ሰው ሊበላው የማይችለው ለብዙ ወንድሞቻችን ሕመም የሆነ ምግብ ነው፡፡ ሁለተኛ አባቶቻችን በዚያ ችግር ቢኖሩ ለእነሱ የተመደበ በጀት ስላልነበር ነው እኛ ጥያቄአችን በጀት እያለን ግን ለምን እንበደላለን ነው፡፡ በጀት ባይኖር እንደአባቶቻችን ለምግብ ኮፊዳ ይዘን የድንግልን ስም በጀት አድርገን መቃብር ቤታችንን ወይም ጎጆአችንን ዶርምና ክላስ አድርገን እንማራለን፡፡ ችግራችን የተበላሸ ምግብ፣ የመናፍቅ ተወካይ ቲም የተባለ መምህር ከነ ደላላው፣ የማይሰማ አስተዳደር ነው፡፡ ለማንኛውም ስለሰጣችሁን ዝቅተኛ ግምት እናመሰግናለን፡፡ ትንሽ ስንሆን በመድኀኔዓለም ታላቅ ነንና!

ተክለ ሐዋርያት ምህርካ ክርስቶስ

ይሁና said...

ወደ ት/ት ገበታቸው ተመለሱ። ምግባቸው ካልተበላሸ ዳግም ት/ት አያቆሙም። የሀውልት መቆም የሥርዓት መጣስ ለነሱም ሥራ ፈጠራ ነውና ያምፃሉ ብላችሁ አታስቡ።በየካፍቴሪያው ሲያውካኩ ውለው ሲመለሱ ካፌ ከተሟላ እናም በአቋራጭ የፈለጉበት የሚያስቀጥራቸው ዲፕሎማ ካገኙ ገነት ገቡ ማለት ነው።
ውድ ተክለ ሐዋርያት ምህርካ ክርስቶስ በመድኀኔዓለም ታላቅ የሚኮነው እኮ ክርስትናን በመኖር በመግለጽ ነው።ትንሽ መደረጋችሁን ሳይሆን የተባላችሁበትን መርምሩ..."በሃይማኖት ስትኖሩ ራሳችሁን መርምሩ!" የውይይት መርሃ ግብር አዘጋጁ እና እርም የሆነውን ከመካከላችሁ አስወድጉ። ከሚኒሊክ ት/ቤት ያነሰ ሰነምግባራችሁን አስተካክሉ፤፡


ድንግል ትርዳችሁ ትርዳን።

Anonymous said...

ያልገባኝ ነገር መጀመረያውን ማርያምን ካልፈለጉ ምን ለመስራት ወደ ኮለጅ ገቡ?

Anonymous said...

Lamentations-'Seqoquab'!!!!

How I wonder & sad!

How everybody is clashing with himself and his fathers, brothers and sisters. And the 'everybody' is buying and multiplying plenty of enemies than creating christian friendship with all christians and non-christians let leave with his intimate church member!

How man become a non human in the 21 century!

How man simply spending his precious time in fighting each other.

How animals become conscious than man, today! Reciprocal !????

How his contract of earthly life is gone without reflecting a fraction of love & service!

How my always thought become ah!

How,atleast, St. Mary silent!

"Hazene Eyob" Yadrglign!

Son of Church

Maraki Zegondar said...

In most other foreign universities, theology is not considered as a proof of qualification in the religious doctrine of a certain sect.

Even our theology college is short of enabling its candidates effective defenders of the church's faith. Most of our smart theologians got their smartness mainly from their previous church exposure in sunday schools....

Who says being a theologian makes one more competent in church affairs? theology makes you better only in the philosophical aspect of religious thoughts...even this can happen if the theologian can read by himself based on the clues he has in class.

But in most places, people consider one to be better just b/c he's a theologian...the Protestant tehadiso menafikan are taking this as an opportunity by making some 'silly minded' theology graduates to pursue their wearied motives.

Tibeb said...

This is good news we are very happy of the agreement and hope you will work together to solve any problems academically or in administration.

I know that Mhr.Fishatsion, Mhr. Girma, Mhr. Zelalem and others are ready to help students and serving as a link b/n administration and the college.

All member of our church expect much much from you please try to work in love and be example for others don't miss use your position in the church

My the love of God be with you all!!!

WELDERUFAXL said...

መናፈቅነት ያልተከፈለ እዳ
ቅዱስ አውግስጢን መናፍቅነትን ያልተከፈለ እዳ ሲለ ይጠራዋል ቤተ ክርስቲያን በዚህ ዘመን ከፍላ የማትጨርሰው ትልቁ ክፍያ በመናፍቃን የሚፈጸምባትን ጥፋት ነው.. አንዳንዶችመናፈቃንን ስለመዋጋት ሲነገር የቅናትና የኋላ ቀርነት አመለካከት አድርገው ይመለከቱታል ፡፡ በእርግጠዕነት ግን ይህ ለክርስቶስ ቤተ ክርስቲያን ያለማሰብ ነው . አባቶቻችን ይህንን አረም ከቤተ ክረሰቲያን ለመንቀል ጺማቸው ተነጭቷል ክብራቸው ተዋርዷል ለስደትም ተዳርገዋል ለምን ሃይማኖት ስለሆነ ነው.. ዛሬ ዛሬ ቤተ ክርስቲያኗ ይህ ያለተከፈለ እዳን እንዲከፍሉና መንጋውነ እነዲጠብቁ የምታሰለጥናቸወ ደቀመዛሙርት ስለድንግል ማርያም አንሰማም ብለው ክፍል ለቀው መውጣታቸው ትናትና ስለድንግል ማርያም ይስህተት ትምህርት ሲነገር አንሰማም ብለው ጆሮአቸውን ይይዙ የነበሩ የቅዱሳንን ህይወት እንድንመለከት ግድ ይለናል በእርግጥ እነ አሰግድ ሳህሌና አሸናፊ ገብረማርያም የጥፋት መልክኛ ሆነው ኮሌጁን በኑፋቄ ማመሳቸው አሳዛኝ ድርጊት ነው ፡፡ ስለዚህ የመናፈቃንን ሴራ ለመበጣጠስ በሚደረገው ትግል ውስጥ ሁሉ መሳተፍና ምንነታቸውን ማጋለጥ ይገባል እነ አቶ/ፓስተር/ አሰግድ ሳህሌ በዚቸ ቤተ ክርስቲያን በአጥፊነት ተልከው በእስቴድየም አካባቢ ቤተ አብርሀም ብለው ብዙ የኑፋቄ ስራ ሰርተው በለሀብቷ ወደልቧ ስትመለስ ጉዳዩን ተረድታ አባረረቻቸው ዛሬ ደግሞ በዱባይ እንደምትኖር በሚነገርላት አንዲት ቅምጥል ዘማ አማካኝነት በሚገኝ የገንዘብ ድጋፍ ኮሌጁን ለመበጥበጥ የሚደረገውን ጥረት በንቃት ልንዋጋነ አርማጌዶን ልንጀምር ከቤተ ክርስቲያንም ነቅለን ልንጥላቸው ይገባል

Anonymous said...

leweliderufaeal tiyake alegne. dubai betekilalawu yezema ager agidel enide? man tihon yichi yeteleyech balegenizeb kimitil. kesew bet sira alef bilo enidih lemehon yemiyasichil genizeb yalachew setoch alu enide? ke ewunet yerake were bataweras. zemawochum honu begiridina yalut kerasachew yemiterif genizeb yelachewum.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)