November 17, 2010

የሰሜን ሸዋ ሀገረ ስብከት ቤተ ክህነቱ ላለበት የአሠራር ብልሹነት ማሳያ ሆነ

  • የሰሜን ሸዋ ዞን አስተዳደር የሀገረ ስብከቱን ሊቀ ጳጳስ አስጠነቀቀ
(ደጀ ሰላም፤ ኖቬምበር 16/2010፤ ኅዳር 7/2003 ዓ.ም) የሰሜን ሸዋ ዞን አስተዳደር ጽ/ቤት የሰሜን ሸዋ ሀገረ ስብከት ለቤተ ክርስቲያኒቱ ልማት መሰናከል እና ለገጽታዋ መበላሸት ዕንቅፋት ሆኖ የሚገኘውን የቤተ ዘመድ አስተዳደር፣ ሙስና እና የሥነ ምግባር ብልሽት በአስቸኳይ እንዲያስተካክል አስጠነቀቀ፡፡ ‹‹ኅብረተሰቡ በሀገረ ስብከቱ ላይ የተቃውሞ ሰላማዊ ሰልፍ ለማድረግ ምክር ቤቱን እስከ መጠየቅ ደርሷል›› ያለው ጽ/ቤቱ “ኃላፊነቱ የተወሰነ የግል ኩባንያ” እስከ መባል የደረሰው የሰሜን ሸዋ ሀገረ ስብከት አስተዳደር በአፋጣኝ ይሻሻል ዘንድ የሀገረ ስብከቱ ሠራተኞች የሚፈጥሩት ጫና እና የኅብረተሰቡ ቁጣ እየተጠናከረ መምጣቱን ለሊቀ ጳጳሱ አስረድቷቸዋል፡፡ ችግሮቹ በምክክር የማይፈቱ ከሆነ ለሕዝቡ ምሬት ምላሽ ለመስጠት ጉዳዩ በሕግ አግባብ የሚታይ ይሆናል ብሏል አስተዳደሩ፡፡

ብፁዕ አቡነ ኤፍሬም የሀ/ስብከቱ ሊቀ ጳጳስ
የዞኑ አስተዳደር ይህን ማስጠንቀቂያ የሰጠው በሰሜን ሸዋ ሀገረ ስብከት ከሊቀ ጳጳሱ ጋራ በመነጋገር ጉዳይ አስፈጽማለሁ በሚል ባለጉዳዮችን ሲያጉላላ እና ሲያማርር የቆየው የሀገረ ስብከቱ ሰንበት ት/ቤት ክፍል ሐላፊ በፖሊስ ቁጥጥር ሥር ውሎ በተካሄደበት ምርመራ በአራት የሒሳብ ቋቶች ያከማቸው ከብር 280‚000 በላይ ከተያዘ እና ሐላፊውም ጥፋት ሲፈጽም መቆየቱን ካመነ በኋላ ነው፡፡ በተጭበረበረ የትምህርት ማስረጃ ወደ ቅድስት ሥላሴ መንፈሳዊ ኮሌጅ ገብቶ ትምህርቱን ከተከታተለ በኋላ በቃለ ዓዋዲው አንቀጽ 44 ንኡስ አንቀጽ ስድስት ከተደነገገው ውጭ በሀገረ ስብከቱ የአስተዳደር ጉባኤ ሳይወሰንበት በሀገረ ስብከቱ ተቀጥሮ ለሊቀ ጳጳሱ እየሰበቀ እና የግለሰቦችን ስም እያጠቆረ ‹‹በጉዳይ አስፈጻሚነት›› ከባለጉዳዮች ተገቢ ያልሆነ ጥቅም ሲያደልብ ቆይቷል ተብሏል፡፡ በቃለ ዓዋዲው እንደተደነገገው ሕፃናትን እና ወጣቶችን በልዩ ልዩ የማስተማሪያ ዘዴዎች እየተጠቀመ ትምህርተ ሃይማኖትን፣ ሥርዐተ እምነትን እና ግብረ ገብን እንዲማሩ የማድረግ ግዴታ የተጣለበት የሰንበት ት/ቤት ክፍል ሐላፊው በምርመራው ወቅት ሰውነቱ በአሸንክታብ እና በንቅሳት ተዥጎርጉሮ ተገኝቷል - ጉዳዩ በሀገረ ስብከቱ የተስፋፋው የጠንቋይ እና ጥንቆላን የማዘውተር አንድ ማሳያ ተደርጎ ተወስዷል፡፡ በተለይ በደብረ ብርሃን ከተማ በሚገኙት ዘጠኝ ቀበሌዎች “ገበያ ሰብስብ” የሚባለው ጥንቁልና ከመበራከቱ የተነሣ ብዙዎች ለሰበካ ጉባኤ የሚሰጡት አስተዋፅኦ ከጠንቋይ የተረፈ ነው እስከ መሰኘት ደርሷል፡፡

በተለያዩ የሀገሩ ስብከቱ ክፍሎች የእኅት እና አክስት ልጆች፣ በጋብቻ የተዛመዱ አማቾች እና አክስቶች እንዲሁም በውለታ የተሳሰሩ ሹሞች በርክት ብለው የሚገኙ ሲሆን በዋናነት በሀገረ ስብከቱ ሒሳብ እና በጀት ክፍል እንዲሁም በዕቃ ግዥ ላይ የተመደቡት ሐላፊዎች የሚጠቀሱ ናቸው፡፡ ሐላፊዎቹ በዘመድ አዝማድ ከሚሠሯቸው ተገቢ ያልሆነን ጥቅም የማካበት ተግባር ውጭ ለመናገር የሚከብዱ የሥነ ምግባር ብልሽቶች ያሉባቸው እንደ ሆኑ ይነገራል፡፡

ዕድሜያቸው ከ85 ዓመት በላይ እንደ ሆኑ የሚነገረው የሀገረ ስብከቱ ጸሐፊ ቀደም ሲል በነበረው አስተዳደር የአውራጃ ቤተ ክህነት አሁን ደግሞ የሀገረ ስብከት ጸሐፊ በመሆን በቦታው ላይ ከ40 ዓመታት ላላነሰ ጊዜ የቆዩ ናቸው፡፡ ሀገረ ስብከቱ በየጊዜው ለመንበረ ፓትርያርኩ የሚያደርጋቸውን ስጦታዎች በምስጢር በማከናወን የሚታወቁት የንብረት ክፍሉ ሐላፊ ከሀገረ ስብከቱ ከሚከፈላቸው መደበኛ ደመወዝ ባሻገር ከደብረ ብርሃን ቅድስት ሥላሴም ተጨማሪ ክፍያ በመደበኛነት ያገኛሉ፡፡

በደሉ በሀገረ ስብከቱ መዋቅር ውስጥ ብቻ የተወሰነ ሳይሆን በታላላቅ አድባራት እና ገዳማት አስተዳደር ላይ ጭምር በከፋ መልኩ የሚታይ ነው፡፡ ለአብነት ያህል በዋጃ እና ወደራ (ሰላ ድንጋይ) ወረዳ የሚገኘው የዝነኛው ደብረ ሣህል ጻድቃኔ ማርያም ገዳም የቀድሞው አስተዳዳሪ ገባሬ ሠናይ ምእመናን በስእለት እና በጎ አድራጎት የሚሰጡትን ገንዘብ በመመዝበር በደል ሲፈጽሙ የቆዩ ነበሩ ተብሏል፡፡ ስለ ጉዳዩ በገዳሙ ባሕታውያን እና ተቆርቋሪ ምእመናን ለብፁዕነታቸው አቤቱታ ቢቀርብላቸውም አስተዳዳሪው ፈጽመውልኛል ስለሚሉት ውለታ ምላሽ ሳይሰጡ ከቆዩ በኋላ ሁኔታው ሥር እየሰደደ ሲመጣ ባሕታውያኑ እና ተቆርቋሪ ምእመናኑ ለብፁዕ ወቅዱስ ፓትርያርኩ አመልክተው አጣሪ ልኡክ እንዲላክ ይደረጋል፡፡

በዚህ ወቅት የገዳሙ ተጠሪነት ለሰሜን ሸዋ ሀገረ ስብከት መሆኑ ቀርቶ እንደ ቁሉቢ ቅዱስ ገብርኤል ለጠቅላይ ቤተ ክህነቱ እንዲሆን አስተዳዳሪው ያቀረቡት ሐሳብ ከሊቀ ጳጳሱ ጋራ የቅያሜ ምክንያት ፈጠረና በስንት የአቤቱታ ዶሴ ያልተነኩት መነኩሴ በዚህ ‹ተንኮላቸው› ሳቢያ ከቦታቸው ተነሥተው ወደ ደብረ ሊባኖስ ገዳም ጸባቴ ሆነው እንዲዛወሩ ተደርጓል፡፡ በሸንኮራ/ምንጃር ወረዳ የከሰም በረሓ/ጅረት አቅራቢያ በሚገኘው ዶፋ ቅዱስ ሚካኤል፣ የሳማ ሰንበት እንዲሁም በደብረ መንክራት ቅዱስ ዮሐንስ ገዳም በስእለት እና በጎ አድራጎት የሚገኘው ገቢ ቀደም ሲል የተጠቀሱት የሀገረ ስብከቱ ሐላፊዎች በየሰበቡ እየመጡ በየወሩ ያለጠያቂ እየተመዘበሩት መሆኑ ተዘግቧል፡፡

የበደሉ አስከፊ ገጽታ የሚታየው ግን በእንሣሮ እና ዋዩ ወረዳ (ለሚ) የጀማ ወንዝ ዳርቻን ተከትሎ የቀናው የበልበሊት ኢየሱስ ገዳም መነኮሳት መበተን፣ የገዳሙም መፈታት ሲታይ ነው፡፡ የገዳሙ ማኅበረ መነኮሳት በግንቦት ወር 2002 ዓ.ም፣ ንጽሕ አጉድለዋል፤ ከገዳሙ በመዘበሩት ገንዘብ በአዲስ አበባ ሁለት የተለያዩ ቦታዎች ቤት ሠርተዋል፤ በጎርፍ እና በመሬት መንሸራተት ሕንፃ ቤተ ክርስቲያኑን ለመናድ እያሰጋ ለሚገኘው ተፈጥሯዊ ጉዳት መፍትሔ ከመሻት ይልቅ አዲስ አበባ መቀመጥ ያበዛሉ ያሏቸው አበ ምኔት ከሐላፊነታቸው ተነሥተው በምትኩ ማኅበሩ መርጦ ይሾም ዘንድ እንዲፈቀድላቸው ደብረ ብርሃን ከተማ ድረስ እየተመላለሱ ዐጽፋቸውን በጭቃ መረማመጃ ላይ ሳይቀር እያነጠፉ ሊቀ ጳጳሱን ተማፅነዋቸው ነበር። የብፁዕነታቸው ምላሽ ግን ለወሬ የማይመች ነበር፡፡ አንዳንድ ቀራቢዎቻቸው ብፁዕነታቸው እንዲህ ላሉ የብዙኀን ጥያቄዎች አስደንጋጭ ምላሽ መስጠት የለመደባቸው መሆኑን ቀድሞ የአርሲ ሀገረ ስብከት ሊቀ ጳጳስ ሳሉ በደርግ-አኢወማ የክሒዶተ እግዚአብሔር ዲስኩር ለተቸገሩ ወጣቶች ሰጥተውት በነበረው ምላሽ፣ እንዲሁም በ1990ዎቹ መጀመሪያ በደብረ ብርሃን ከተማ ለሚገኘው የታሪካዊው ዘርዐ ያዕቆብ አደባባይ ቅርስ መጠበቅ የታየባቸው የአቋም መላላት(በኋላ በቅዱስ ሲኖዶስ ጉባኤ ይቅርታ ቢጠይቁበትም) እንደ ምሳሌ ያወሳሉ፡፡

በገዳሙ ላይ እየደረሰ የሚገኘው የተፈጥሮ ጉዳት በመካከላችን እየተፈጸመ ባለው በደል ምክንያት በመሆኑ አበምኔቱ ይነሡልን ለሚለው የማኅበረ መነኮሳቱ ጥያቄ “ተስማሙ፤ ታረቁ” ከሚል የደፈና ምላሽ በቀር የሊቀ ጳጳሱ ዳኝነት የተነፈጉት ቁጥራቸው ከ80 - 90 የሚደርሱ መነኮሳት ከበልበሊት ኢየሱስ ገዳም በመውጣት ወደ ተለያዩ ሌሎች ገዳማት ተበትነዋል፡፡ አቤቱታ የቀረበባቸው አበምኔት ዛሬም በወረዳው ከተማ (ለሚ) ላይ ተቀምጠው በገዳሙ የቀሩትን ከዐሥር የማይበልጡ መነኮሳት በወኪል ያስተዳድሩ ዘንድ ተፈቅዶላቸው በሐላፊነታቸው ቀጥለው ይገኛሉ፡፡ የሀገረ ስብከቱ ቁጥጥር አገልግሎት ያረጋገጠው የእኒህ የአበምኔቱ ጥፋቶች ተጨባጭ ርምጃ ሳይወሰድባቸው በወረቀት ላይ ብቻ ሰፍሮ እንደሚገኝ ተገልጧል፡፡

የሰሜን ሸዋ ሀገረ ስብከት በሥሩ በሚገኙት 30 ወረዳዎች 1860 ያህል አብያተ ክርስቲያን የያዘ ቢሆንም የሰበካ ጉባኤ አስተዋፅኦ በአግባቡ ባለመሰብሰቡ ሀገረ ስብከቱ በተነጻጻሪ መመዘኛ አነስተኛ የአብያተ ክርስቲያን እና የምእመናን ቁጥር ካላቸው አህጉረ ስብከት አኳያ አጠያያቂ የገቢ መጠን ነው ለመንበረ ፓትርያርኩ ፈሰስ ያደረገው፡፡ በሀገረ ስብከቱ ጥሩ የሥራ መንፈስ ባለመኖሩ ብዙዎቹ ሠራተኞች በቤታቸው ተቀምጠው ደመወዝ ያለሥራ የሚከፈላቸው ሆነዋል፡፡ ይህም ሆኖ በ29ው የመንበረ ፓትርያርክ አጠቃላይ የሰበካ መንፈሳዊ ጉባኤ ስብሰባ ላይ የአህጉረ ስብከት የሥራ አፈጻጸም ባቀረቡት ሪፖርት ተገምግሞ በሽልማት ኮሚቴው በሚሰጣቸው ደረጃ መሠረት የምድብ ተሸላሚ እና የአሸናፊዎች አሸናፊ በተለዩበት መድረክ ላይ የሰሜን ሸዋ ሀገረ ስብከት ሊቀ ጳጳስን በሚመለከት አስገራሚ ነገር መታየቱ አልቀረም፡፡

የምድብ ተሸላሚዎችን እንዲለይ የተመረጠው የሽልማት ኮሚቴ አህጉረ ስብከት ካቀረቡት ሪፖርት ጋራ በአመዛኙ የማይጣጣም ነገር በእጅጉ አስፈላጊ የሆኑ ነጥቦችን ያካተቱ መለኪያ መስፈርቶችን ነበር የተጠቀመው፡፡ እነርሱም፣ መልካም አስተዳደርን በማስፈን፣ ማእከላዊ አስተዳደርን ጠብቆ በመሥራት፣ በምእመናን ምዝገባ እና አዲስ አማንያንን በማብዛት፣ ሕገ ወጥ ሰባክያንን በመከላከል፣ የስብከተ ወንጌል ማስፋፊያ እና ማጠናከሪያ የሆነውን የአንድ ከመቶ አስተዋጽኦ በቀጣይነት በመሰብሰብ፣ የሰበካ ጉባኤን አስተዋጽኦ በአግባቡ በመሰብሰብ፣ መንፈሳዊ እና ዘመናዊ ትምህርት ቤቶችን በመገንባት፣ የካህናት ማሠልጠኛን በመክፈት፣ በገዳማት እና ቅርስ አጠባበቅ እንዲሁም በንብረት አመዘጋገብ እና ቁጥጥር፣ ለገዳማት እና አድባራት የተሰጠን ርዳታ በአግባቡ በማከፋፈል፣ ሰንበት ት/ቤቶችን በሁሉም አጥቢያዎች በማደራጀት እና በማጠናከር፣ በራስ አገዝ የልማት ተቋማት ሥራ እና ባስገኙት የገቢ መጠን፣ በገቢ እና ወጪ አመዘጋገብ፣ በበጀት አጠቃቀም እና በኤች.አይ.ቪ/ኤድስ መከላከል እና ቁጥጥር ሥራዎች ከየምድብ ተመጣጣኞቻቸው ጋራ ተጨባጭ የሥራ ውጤት ላሳዩ የምድብ አሸናፊዎች እና የአሸናፊዎች አሸናፊ ሽልማት መስጠት ነበር፡፡

በዚህ የሥራ ፍሬ ምዘና በምድብ ሦስት ከምዕራብ ሸዋ እና ከደቡብ ምዕራብ ሸዋ-ወሊሶ አህጉረ ስብከት ጋራ የተመደበው የሰሜን ሸዋ ሀገረ ስብከት የምድቡ አንደኛ ከሆነው የምዕራብ ሸዋ ሀገረ ስብከት ቀጥሎ ሁለተኛ ደረጃ አግኝቶ ነበር፡፡

የሰበካ ጉባኤ መምሪያ ለ25ው የአጠቃላይ ጉባኤ የብር ኢዮቤልዩ በዓል በ1997 ዓ.ም ባወጣው መጽሔት ላይ ባቀረበው ስታቲስቲክስ የምዕራብ ሸዋ ሀገረ ስብከት 393 አብያተ ክርስቲያን፣ 4993 ካህናት፣ 77 መምህራን፣ 41 ሰባክያነ ወንጌል እና 945‚240 የምእመናን ብዛት ያሉት ሲሆን የሰሜን ሸዋ ሀገረ ስብከት ደግሞ 1763 አብያተ ክርስቲያን፣ 27‚867 ካህናት፣ 244 መምህራን፣ 278 ሰባክያነ ወንጌል እና 1‚816‚220 የምእመናን ብዛት አሉት፡፡ ስታቲስቲካዊ መረጃው ከወጣበት ከ1997 ዓ.ም ጀምሮ እስከ አሁን ድረስ የሚኖሩት ለውጦች እንደተጠበቁ ሆነው በዘንድሮው የሰበካ መንፈሳዊ ጉባኤ የገቢ ዝርዝር የምዕራብ ሸዋ ሀገረ ስብከት የዘመኑ ገቢ ብር 4‚810‚212.24 ሲሆን የሰሜን ሸዋ ደግሞ ብር 18‚113‚361.75 ነው፡፡

ከላይ በተጠቀሱት መስፈርቶች ዐይን ሁለቱ አህጉረ ስብከት ካላቸው ዘርፈ ብዙ አቅም አንጻር አጠቃላይ አፈጻጸማቸው ሲገመገም፣ በአሁኑ ወቅት ከ1860 በላይ የአብያተ ክርስቲያን ብዛት ያሉት የሰሜን ሸዋ ሀገረ ስብከት ከዘመኑ ገቢው ለጠቅላይ ቤተ ክህነት 35% ብር 1‚273‚092.82 ሚልዮን ፈሰስ እንዳደረገ እና ሀገረ ስብከቱ በልማት ያስመዘገበው ገቢ ብር 17‚250 ብቻ እንደሆነ መገለጹ ገቢው የራስ አገዝ ልማት ሥራዎችን እንደ ዋና ተግባር ሳያካትት በአመዛኙ በሰበካ ጉባኤ አስተዋፅኦ፣ በስእለት እና በሙዳየ መባዕ ላይ የተመሠረተ እንደ ሆነ በብዙዎች ዘንድ የሚታመነውን እውነት ያደርገዋል፡፡ ይህም ሆኖ ከሰበካ ጉባኤ አስተዋፅኦ የሚገኘውና በአግባቡ ከማይሰበሰበው ገቢ ጀምሮ በስእለት እና በሙዳየ መባዕ በልዩ ልዩ መልክ የሚገባው ገቢ ለግለሰቦች መጠቀሚያ እየሆነ እንዳለ ተዘግቧል፡፡

በአጠቃላይ ጉባኤው ላይ የሽልማት ኮሚቴው የተሰጠውን መምሪያ ይዞ መሥራቱን የተናገሩት ብፁዕ ወቅዱስ ፓትርያርኩ ከ47 አህጉረ ስብከት መካከል በሰሜን ሸዋ  የሁለተኛነት ደረጃ መያዝ ቅር እንደተሰኙ አልሸሸጉም፡፡ ብፁዕነታቸው ለብዙ ጊዜ ተቀዳሚነትን ይዘው የቆዩ፣ በእግር ፈረስ ታዝለውም ጭምር እየተጓዙ እና ዐጽፋቸውን አንጥፈው እየተኙ ያስተማሩ የሰሜን ሸዋ የዕድሜ ባለጸጋ አባት መሆናቸውን የተናገሩት ብፁዕ ወቅዱስ አቡነ ጳውሎስ፣ በባህላችን ሽማግሌዎችን ልናስቀይም አንችልም፤ እኔ ብሆን ሕጉን ተላልፌ ለብቻቸው በአንደኛ ደረጃ እሸልማቸዋለሁ፤ እናንተም ሸልሟቸው ማለታቸው ጉባኤተኛውን አስገርሟል። እንደ ቃላቸውም የእመቤታችን ቅድስት ድንግል ማርያምን የወርቅ አይከን ሸልመዋቸዋል፤ በፓትርያርኩ ማሳሰቢያ መሠረትም በዋና ሥራ አስኪያጁ አቅራቢነት የ21 ኢንች ቴሌቪዥን ሽልማት እንዲበረከትላቸው ተደርጓል፡፡

የሰበካ መንፈሳዊ ጉባኤውን አጠቃላይ ስብሰባ ተከትሎ ከተካሄደው የቅዱስ ሲኖዶስ ምልአተ ጉባኤ መጠናቀቅ በኋላ ወደ ሀገረ ስብከታቸው ያመሩት ሊቀ ጳጳሱ ‹በቤታቸው› የጠበቃቸው ብፁዕ ወቅዱስ ፓትርያርኩ በልዩ ሁኔታ እንደሰጧቸው ያለ የአረጋዊነት ክብር አይደለም፡፡ ቀደም ሲል ብፁዕነታቸው ያለችሎታው ያስቀጠሩት በጉዳይ አስፈጻሚነት የሚያገለግላቸው የሀገረ ስብከቱ ሰንበት ት/ቤት ክፍል ሐላፊ ዲያቆን አስቻለው ፍቅር ባለጉዳዮችን በማጉላላቱ እና እጅ መንሻ በመቀበል በሀገረ ስብከቱ ሠራተኞች እና በምእመኑ ላይ በፈጠረው ምሬት በፖሊስ ቁጥጥር ሥር ውሎ ነበር፡፡ ሐላፊው በተደረገበት ምርመራ ጥፋቱን አምኖ ከ280‚000 ብር በላይ ያከማቸባቸው ሰነዶች በብፁዕነታቸው መኪና ውስጥ እንደሚገኝ በጠቆመው መሠረት የፍርድ ቤት ትእዛዝ የያዘው የዞኑ ፖሊስ ብፁዕነታቸው በመልስ ጉዟቸው ከጠባሴ ወዲያ ኤልካ (የደብረ ብርሃን ከተማ መግቢያ) ላይ ሲደርሱ በድንገት ላንድክሩዘር መኪናቸውን በማስቆም እና ጉዳዩን በማስረዳት እንዲፈተሽ አድርጓል፡፡

የምርመራው ሂደት አሁንም በቀጠለበት ሁኔታ ውስጥ ጥቅምት 27 ቀን 2003 ዓ.ም የዞኑ አስተዳደር ብፁዕነታቸው የቤተ ክርስቲያኒቱን ልማት እያጓተተ እና ገጽታዋን እያበላሸ የሚገኘውን ቤተ ዘመዳዊ አሠራር እና ሙስና ከአስተዳደራቸው እንዲያጸዱ ማሳሰቢያ ሰጥቷቸዋል፡፡ በአስተዳደራቸው የተማረረው ኅብረተሰብ የተቃውሞ ሰላማዊ ሰልፍ ለማድረግ እየጠየቀኝ ነው ያለው ዞኑ ማሳሰቢያውን ለመስጠት የተገደደው ችግሩን በምክክር ለመፍታት በማሰብ መሆኑን ለብፁዕነታቸው ማስረዳቱ ተዘግቧል፡፡ ችግሩ በምክክር የማይስተካከል ከሆነ ግን በአስተዳደራዊ ብልሽቱ እየጠፋ ያለው የሀገር እና የሕዝብ ሀብት ጭምር እንደ መሆኑ መጠን ጉዳዩን ወደ ፍትሕ አካል አቅርቦ በሕግ አግባብ እንዲታይ ለማድረግ ግድ እንደሚለው ለብፁዕነታቸው እንደተነገራቸው ተገልጧል፡፡

28 comments:

Anonymous said...

Abetu deg sewu tefitowalina.......

Abetu beCherinetih Bicha Maren!!!

Bicha YeHizbu meneqaqat Betam Tiru newu. Lezihim Dejeselam Yalat Asitewatsiho Kelal ayidelem ena bertu enilalen. Lelawu leloch bota yalu Mihimenanim behulum reged tigilachewun hindiketilu eniteyikalen.

Kinde

Fisseha said...

EGZI'O ENBEL!!!

dadi said...

መቼ ይሆን ስለ እራሳችን ማሰብ ትተን ስለ ቤተ ክርስቲያን የምናስበዉ?! በቃ ስለ እዉነት መኖር ተዉን ማለት ነዉ?!
እዉነትን እዉነት፡ ሀሰትን ሀሰት የሚል አባት አጣን ማለት ነው?! አምላካችን እባክህ መልካሙን ጊዜ አምጣልን!!!

Anonymous said...

ere ebakachihu !!!!!!!!!!!! liqe papasu
betame menefesawi nacewu:: ke abune pawulose gare seletegibabu endayihone::
Yeasetedadre celota layinoracwe yecilale::aminalhu::gini mata jemiurewu tewate qene tselote newu::mece newu yasetdadre sera yemiserute::kseracwe yalute yimeremeru!!!!!!!!!!!!!
Arsi neberku:; Debereberehane l 2 were becha:;

Anonymous said...

ANTESE EGZ'O MEHARI WOMESTESAHIL!!!
MEHARENE MEHARENE BE'ENTE KIDUS SIMKE WEBE'ENTE EMIKE WEKIDUSANIKE!!!
EGZI'O!!!
EGZI'O!!!
EGZI'O!!!

Fisseha zeWolkite

Fisseha said...

Gin Manin enmen gobez??????????

Anonymous said...

እግዚአብሔር ሆይ ለኢትዮጵያ የሚያስቡላትን አባቶች አንተ ስጣት፡፡

Anonymous said...

God bless you dear yedejeselam blogers. You are just striving to save our mathor church. It is good to expose such activities so that everybody will be awayer and take appropriate measures. I personaly know some clerges in the Hageresbiket including the one who is in the hand of plice now. He has tried to collect money in any way he can and he tried to collaps some good activities by the true chiristians there so that his money oriented activities will not be exposed. So I think it is time that God startes to clear the church from such guys. Lets be strong in action and prying.

ዳዲ said...

«አፉሁ ለጻድቅ ይትሜሃር ጥበበ ወልሳኑ ይነብብ ጽድቀ።» «የጻድቅ ሰው አንደበቱ ጥበብን ይማራል፤ መላሱም እውነትን ይናገራል።» ስለ እግዚአብሔር ክብር እውነቱን፥ እውነተኛውን መናገር በሚያስፈልግበት ጊዜ ዝም ማለት እግዚአብሔርን ያሳዝናል።


አለቃ አያሌዉ ታምሩ እንደ ተናገሩት

Anonymous said...

i am sorry but it is good starting to creat good management in our church. In addition this all of is due to our sin so we must pray and fast seriesly.

Anonymous said...

ዲ.ዳንኤል ክብረት በብሎጉ ላይ "እንማር ወይስ እንማረር" በሚለው ርእስ ስር እንዲህ ብሎ ነበር

.......በርግጥ ቤተ ክህነት መሠረታዊ ለውጥ ከሚያስፈልገው ጊዜ እጅግ ዘግይቷል፡፡ የቤተ ክህነቱ አሠራርም expiry date አልፏል፡፡ በውስጡ ከሚሠሩት ሠራተኞች ጀምሮ የማይማረርበት የለም፡፡ የቤተ ክርስቲያኒቱን ዋና ተልዕኮ ለማስፈጸም ባለመቻል፣ በሠራተኛ አቀጣጠር፣ በመዋቅራዊ ተገቢነት፣ በፋይናንስ አያያዝ፣ በአምባገነናዊ አሠራር፣ በማስፈጸም ዐቅም ማነስ፣ ወዘተ የተወሳሰበ ችግር ላይ ይገኛል፡፡ ታድያ እነዚህን የተወሳሰቡ የዘመናት ችግሮች በአንድ የሲኖዶስ ጉባኤ መፍታት ይቻላልን? አሁን ያሉት ብጹአን አባቶችስ ብቻቸውን እነዚህን ችግሮች መፍታት ይችላሉ? እኛስ በጉባኤውና በሂደቱ መማር ነው ወይስ መማረር ያለብን?የቤተ ክህነት አሠራርኮ በሀገሪቱ ብቸኛው አሠራር ነው፡፡ ገንዘብ ሚኒስቴር በሰባዎቹ በተዋቸው አሠራሮች ገንዘብ የሚሰበሰበው በቤተ ክህነት ነው፡፡ ያለ አካውንታንት ሂሳብ የሚሠራው በቤተ ክህነት ነው፡፡ የሰው ኃይል አስተዳደር ሥልጠና ያልወሰዱ ሰዎች የሰው ኃይል የሚያስተዳድሩት በቤተ ክህነት ነው፡፡ ላለፉት ሃምሳ ዓመታት ምንም ዓይነት የመዋቅር ማሻሻያ ያላደረጉ ሁለት ተቋማት በኢትዮጵያ አሉ፡፡ ዕድር እና ቤተ ክህነት፡፡ ከመላዋ ኢትዮጵያ የጠፉ ዋልያዎች በስሜን ተራራ እንደሚገኙ ሁሉ በመላ ኢትዮጵያ እየጠፉ ያሉት ታይፕ ራይተሮች የሚገኙት በቤተ ክህነት ነው፡፡ በቢሊዮን የሚቆጠር ገንዘብ እያንቀሳቀሰ፣ ከ45 ሚሊዮን በላይ ምእመን እየመራ፣ ከ35 ሺ አብያተ ክርስቲያናት ከ1100 በላይ ገዳማት እየመራ፣ ዕቅድ የሌለው ብቸኛ የሀገሪቱ ተቋም ቤተ ክህነት ነው፡፡ ምን ያህል ሠራተኞች እንደሚያስፈልጉት ልኩ የማይታወቅ ብቸኛ መሥሪያ ቤት ቤተ ክህነት ነው፡፡.......እግዚኦ

selamawi said...

በስመ ስላሴ አሃዱ አምላክ አሜን

ወይ ደጀ ሰላም በቃ ለማን ይነገራል ተብሎ ታፍኖ የተቀመጠውን ጉዳይ ሁሉ ፍትው አድርጋ የምታሳይ መነጽር ሆንሽ ? በጣም ነው ደስ ያለኝ መቼ ይሆን እንዲህ ያሉችግሮች መፍትሄ የሚያገኙት ወይንም ደግሞ ከሰው ጆሮ ደርሰው እውነታው የሚታወቀው እያልኩ አስብ ነበር ከተገለጸው በላይ ችግር አለ ነገር ግን ብፁዕ አባታችን አቡነ ኤፍሬም መንፈሳዊ አባት መሆናቸውን ማንም አይክደውም ሀገረ ስብከቱ ለዚህ ሁሉ ችግር የተዳረገውም በእምነት የሚቀርብላቸውን ሁሉ ስለሚቀበሉ ነው ብየ አምናለሁ አሁን እየተባለ ያለው አቡነ ኤፍሬም ዘረፉ ወይንም መንፈሳዊ ድክመት አለባቸው አደለም የተባለው በስማቸው በስራቸው ያሉ ዘመዶቻቸው ያልተገባ ድርጊት ይፈጽማሉ ነው የተባለው ይህ ሁሉ ችግር ግን በሰሜን ሸዋ ብቻ ሳይሆን በሌሎችም አህጉር ስብከቶች አለ አባቶቻችን በእድሜም የገፉ ስለሆኑ ስለዘመናዊው አሰራር ብዙም ስለማይረዱት በስራቸው ያሉት ከስራ አስኪያጁ ጀምሮ በጥቅምና በዘመድ አዝማድ የተያያዙ ናቸው እታች ያሉት አገልጋዮችና ምዕመናን ወደ ሊቀጳጳሱ ጋ ቀርበው አቤቱታ ለማሰማት እንኳን እድል አያገኙም በዚያ ላይ ብዙ ማስፈራሪያ ይደርስባቸዋል ወገኖቼ እንደው ባጠቃላይ ጌታ በማርቆስ ወንጌል ም 11፥17 ላይ ,,,እናንተ ግን የወንበዶች ዋሻ አደረጋችኋት አላቸው። እንደተባለው ቤተክርስቲያናችን የወስላቶች መሸሸጊያ ሆናለች ማን ይሆን ከዚህ ብልሹ አሰራር ነፃ የሚያወጣት ,,, አንድየ መድኃኔ ዓለም የድንግል ማርያም ልጅ ስለ እርሷ ስለ ቤተክርስቲያን ብሎ ደሙን ያፈሰሰላት እሱ ብቻ ነው መፍትሄ ሊያመጣ የሚችለው ወደ እርሱ እንጸልይ
ቸር ይግጠመን

selamawi said...

በስመ ስላሴ አሃዱ አምላክ አሜን

ወይ ደጀ ሰላም በቃ ለማን ይነገራል ተብሎ ታፍኖ የተቀመጠውን ጉዳይ ሁሉ ፍትው አድርጋ የምታሳይ መነጽር ሆንሽ ? በጣም ነው ደስ ያለኝ መቼ ይሆን እንዲህ ያሉችግሮች መፍትሄ የሚያገኙት ወይንም ደግሞ ከሰው ጆሮ ደርሰው እውነታው የሚታወቀው እያልኩ አስብ ነበር ከተገለጸው በላይ ችግር አለ ነገር ግን ብፁዕ አባታችን አቡነ ኤፍሬም መንፈሳዊ አባት መሆናቸውን ማንም አይክደውም ሀገረ ስብከቱ ለዚህ ሁሉ ችግር የተዳረገውም በእምነት የሚቀርብላቸውን ሁሉ ስለሚቀበሉ ነው ብየ አምናለሁ አሁን እየተባለ ያለው አቡነ ኤፍሬም ዘረፉ ወይንም መንፈሳዊ ድክመት አለባቸው አደለም የተባለው በስማቸው በስራቸው ያሉ ዘመዶቻቸው ያልተገባ ድርጊት ይፈጽማሉ ነው የተባለው ይህ ሁሉ ችግር ግን በሰሜን ሸዋ ብቻ ሳይሆን በሌሎችም አህጉር ስብከቶች አለ አባቶቻችን በእድሜም የገፉ ስለሆኑ ስለዘመናዊው አሰራር ብዙም ስለማይረዱት በስራቸው ያሉት ከስራ አስኪያጁ ጀምሮ በጥቅምና በዘመድ አዝማድ የተያያዙ ናቸው እታች ያሉት አገልጋዮችና ምዕመናን ወደ ሊቀጳጳሱ ጋ ቀርበው አቤቱታ ለማሰማት እንኳን እድል አያገኙም በዚያ ላይ ብዙ ማስፈራሪያ ይደርስባቸዋል ወገኖቼ እንደው ባጠቃላይ ጌታ በማርቆስ ወንጌል ም 11፥17 ላይ ,,,እናንተ ግን የወንበዶች ዋሻ አደረጋችኋት አላቸው። እንደተባለው ቤተክርስቲያናችን የወስላቶች መሸሸጊያ ሆናለች ማን ይሆን ከዚህ ብልሹ አሰራር ነፃ የሚያወጣት ,,, አንድየ መድኃኔ ዓለም የድንግል ማርያም ልጅ ስለ እርሷ ስለ ቤተክርስቲያን ብሎ ደሙን ያፈሰሰላት እሱ ብቻ ነው መፍትሄ ሊያመጣ የሚችለው ወደ እርሱ እንጸልይ
ቸር ይግጠመን

Daniel said...

This shows how deep rooted problems our church faced. I think our church also need five years transformation plan. All system needs to re-organised in modern way otherwise our church will become example of corrupted institute.

Anonymous said...

Oh! I understand now. Sorry!!! I knew the bishop but I didn`t know with whom they are working.

Getenet said...

Deje Selamoch Fetari edemiaychehun yarzemew ......ena gira gibet new yalegn ewneten new yemilachu wuste betam aznual .....Egzio....
Ahun manew esu ASRATUN be libe mulunet le betekrestiyan yemiyawetaw ???? mekneyatum betekrestiyan wuste yeken jeboch yebeg lemd lebsew kahun ahun muday mestwatu wuste min geba bilew , ye ej mensha eyalu yemisebesibut genzeb, ke sebeka gubae yemisebesebewen genzeb lelam lelam .....wede kisachew eyasgebu batekrestiyan gin meseretawi negeroch mamulat yalebatin hulu satamuwala yehew lejochuan yeza lejoch endelelat eyehonech new ......be awede mihiret lay gin asratachehun atawetum eyetebale me-emenu yewetewetal ......Dejeselamoch endena kehone endezi yalu jeboch beyebotaw yetesegesegu yemeslegnal selezi ebakachu endezihu EWENETUN asawekun ...zemita yebka
Amlak hoy Ebakih yante yehonutin agelgayoch seten ....selebedelachin yetelekekubinin jeboch bemihiretik ke Enat Betekrestiyan wuste atralin genzeb katu me-emenun beltew saycheresut deresilin !!! .... .....kutahin bemiheretik melisew !

Anonymous said...

በወንጌል ጌታችን እንዲህ አለ
የማቴዎስ ወንጌል ምዕራፍ 5 ቁ 13
እናንተ የምድር ጨው ናችሁ፤ ጨው አልጫ ቢሆን ግን በምን ይጣፍጣል? ወደ ውጭ ተጥሎ በሰው ከመረገጥ በቀር ወደ ፊት ለምንም አይጠቅምም።

የአገራችን አዋቂዎችም ይህንን ተከትለው
ጨው ሆይ ለራስህ ብትል ጣፍጥ አለዚያ ድንጋይ ነው ብለን እንወረውርሃለን ይላሉ
ከአዋሳ ምዕመናኑ ድንጋዩን አስወጥተው ወረወሩት ሲኖዶሱ ግን የቅዱስ ጳውሎስ መንፈሳዊ ኮሌጅ ዲን ይሁን ብሎ ድንጋዩን ጨው ነው በማለት ሾሙት- ያውም የቅዱስ ጳውሎስ ስም የያዘውን - የቅዱሳንን ስም እየተሰየሙበት ያታልሉናል

የሚበጀው ክህነት አለኝ የሚል ሁሉ እንደ ሐዋርያት ለማስተማር ለጸሎትና ቃሉን ለማገልገል ቢሰማሩ

2 አሥራ ሁለቱም ደቀ መዛሙርት ሁሉን ጠርተው እንዲህ አሉአቸው። የእግዚአብሔር ቃል ትተን ማዕድን እናገለግል ዘንድ የሚገባ ነገር አይደለም።

3 ወንድሞች ሆይ፥ በመልካም የተመሰከረላቸውን መንፈስ ቅዱስና ጥበብም የሞላባቸውን ሰባት ሰዎች ከእናንተ ምረጡ፥ ለዚህም ጉዳይ እንሾማቸዋለን፤

4 እኛ ግን ለጸሎትና ቃሉን ለማገልገል እንተጋለን።

5 ይህም ቃል ሕዝብን ሁሉ ደስ አሰኛቸው፤

የእግዚአብሔርም ቃል እየሰፋ ይሄደ፥ ካህናትም ምዕመናንም ለሃይማኖት የሚታዘዙ ይሆናሉ።

Melkamu said...

ውድ ደጀ ሰላማውያን፡

እንደታዘብኩት ከሆነ እጅግ በጣም ኔጋቲቭ የሆኑ ዜናዎችን እያቀረባችሁ ነው፡ ይህም በጣም ስህተት ነው። ምናልባት አንዳንድ ጸሐፊዎቻችሁና ቃልዓቀባዮቻችሁ ሴቶች እህቶቻችን ሊሆን ይችል ይሆናል፡ ለምን ይሆን አላውቅም፡ በግለሰቦች ላይ ያተኮሩ ሪፖርቶች (አሉባልታዎች፡ ገመናዎች) በተደጋጋሚ ይቀርባሉ፡ ይህም ክርስቲያናዊ አካሄድ አይደለምና ጥንቃቄ ልታደርጉ ይገባል እላለሁ።

በተረፈ፡ ለአብኛው ጽሁፋችሁ የአማርኛን ቋንቁ በመጠቀማችሁ ልትመሰገኑ ይገባል። የብሎጉ ተሳታፊዎችንም አማርኛን እየተጠቀሙ ለመጻፍ እንዲገደዱ አስፈላጊ ነው እላላሁ። በተለይ የላቲን ፊደላትን በመጠቀም የኢትዮጵያኛ ቃላት የሚጽፉ ወገኖቻችን ለፈረንጅ የቋንቋ ባሕል አገልግሎት እያበረከቱ ስለሆነ ከዚህ አግባባዊ ላልሆነ ተግባር መቆጠብ ይኖርባቸዋል፡ አማርኛን በላቲን የሚጽፉበት ስንፍና ካልሆነ በስተቀር ሌላ ምንም ምክኒያት የለም።

ከምስጋና ጋር

Anonymous said...

የም እመናን ድምጽ ከኢትዮጲያ

http://www.newsdire.com/news/print:page,1,1063-ethiopia-public-opinion-on-abune-paulos-statue.html

Anonymous said...

Deje selamoch be semain shoa hger sebeket zuriya ye seracehuet sera yemiberetata newu neger gen betame besefate leteserubet yemigeba biro selehone yemerja merbachhun yebelte zeregetachehu kezihe yebelte leteseru yigebal

T/D said...

"Egzo meharene kiristos"/12/

Anonymous said...

Ay ABATOCH.... YETEBELASHE TIWULID...ABATOCH ABATOCHACHEW YAKOYULACHEWUN YE'EGZIABHER TSEGAN AKOSHESHUT.....

kidist said...

Thank You dejeselam for sharing the informations of you all are providing regularly.

Dear Melkamu You said እንደታዘብኩት ከሆነ እጅግ በጣም ኔጋቲቭ የሆኑ ዜናዎችን እያቀረባችሁ ነው፡ ይህም በጣም ስህተት ነው። ምናልባት አንዳንድ ጸሐፊዎቻችሁና ቃልዓቀባዮቻችሁ ሴቶች እህቶቻችን ሊሆን ይችል ይሆናል፡ ለምን ይሆን አላውቅም፡ በግለሰቦች ላይ ያተኮሩ ሪፖርቶች (አሉባልታዎች፡ ገመናዎች) በተደጋጋሚ ይቀርባሉ፡ ይህም ክርስቲያናዊ አካሄድ አይደለምና ጥንቃቄ ልታደርጉ ይገባል እላለሁ።
you gave this commente for Dejeselam blog am sorry what does it mean spritual way? you yourself commented in spritual way? why you blaming females please not be generalized like this or relate wrong thing with female. we all are the sun of God and even Jesus christ born from St Marry which is she was female ok!!! just to remined you dont think females are who sharing an information wrongely for Dejeselam think twice before saying any thing and not be narrow minded because we are discussing our church issues not other politics or social issues.

We all are the same as a human being ok.

kidist

Melkamu said...

Dear Kidist, I think you've misunderstood me, I didn't mean to offend my sisters, but some of them are doing the gossiping thing quite often lately, don't you agree with me? Anyways, allow me to share with you some powerful words from one father of ours:

"If we keep remembering the wrongs which men have done us, we destroy the power of the remembrance of God. But if we remind ourselves of the evil deeds of the demons, we shall be invulnerable."

God bless all!

Anonymous said...

For Kidist,

The person called Melkamu doesn't deserve a response. He is so low !!!

Tesfa

Anonymous said...

ብዙዎች እንደ "መልካሙ" ያሉ በስም ክርስቲያኖች ወንጌላቸውን የማያነቡ ስህተትን ደብቁ እንጂ አርሙ ማለት የማይችሉ
በዕውቀትም አዕምሯቸውን ያላጎለመሱ አሉ

በልማድ ብቻ ክርስቲያኖች ነን የሚሉ

ችግሩ ያሉን የወንጌል አስተማሪዎች ሐዋርያት ሳይሆኑ አርሰው ደክመው ስራ ሰርተው ከመኖር በቀላሉ ቀሚስ ካባ ለብሰው መስቀል ይዘው ምዕመናኑን በማደንቆር በትከሻው ላይ ሆነው የሚኖሩ

ለሃይማኖት የማይታዘዙ በመሆናቸው ነው።

አሁን ጊዜው አለፈ ምዕመናኑ እየነቃ የእግዚአብሔርን ቃል ወደሚማርበት እየሄደ ነው ።

readereotc said...

it is good to have a news abt our church so frequently & so openly... but what I want to emphasise is WHEN YOU REPORT ABT SOMETHING PLS BECAREFUL OF NOT TARNISHING THE PERSONS IMAGE... look at your reply's .. most of the readers condomen the Father, whereas the problem is in every diocess but when you reporting abt the Father you include some unnecessary details abt his past and what he says... let me be clear here "I DON'T THINK U'LL FIND SOMEONE ZAT IS SO HOLY zat didn't commit or say some mistake in his past among our Fathers & I don't think it is a christian duty to find some holes in the past just to make a point now........ SO PLS DEJESELAM TAKE EXTRA CARE ... PLSSSSSSSS

Anonymous said...

የሚገርም ነው ;ሁሉም ፈራጅ ሆነ እዚህ ብሎግ..እኔ ግን በማንም ላይ እየፈረድኩ አይደለም « ለስሒት መኑ ይሌብዋ »

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)