November 15, 2010

በዱባይ ሻርጃ ለአንድ ወር የሚዘልቅ የስብከተ ወንጌል ጉባኤ ሊካሄድ ነው

  • በተባበሩት ዐረብ ኤምሬቶች የሊባኖስ እና አካባቢው አህጉረ ስብከት ሊቀ ጳጳስ ብፁዕ አቡነ ዲሜጥሮስ አህጉረ ስብከታቸውን እያወኩ በሚገኙት ሕገወጦች  ላይ ርምጃ እንዲወሰድ ቋሚ ሲኖዶሱን በደብዳቤ ጠይቀዋል፡፡ 
  • ከሕገ ወጦቹ አንዱ የሆነው እና በአገር ውስጥ በስም ማጥፋት ወንጀል ክስ የተመሠረተበት በጋሻው ደሳለኝ ነገ ወደ ሥፍራው ይጓዛል፤
  • "የዱባይ ቅዱስ ሚካኤል የኢትዮጵያ ኦርቶዶክስ ተዋሕዶ ቤተ ክርስቲያን"  በሚል ጉባኤ ለማካሄድ የተዘጋጁት አካላት ሕገ ወጥ መሆናቸው ተገልጧል፤
(ደጀ ሰላም፤ ኖቬምበር 14/2010፤ ኅዳር 5/2003 ዓ.ም)በተባበሩት ዐረብ ኤምሬቶች የሊባኖስ እና አካባቢው አህጉረ ስብከት ሥር በሚተዳደረው በዱባይ - ሻርጃ ቅድስት ማርያም ቤተ ክርስቲያን ለአንድ ወር የሚዘልቅ የስብከተ ወንጌል ጉባኤ ተዘጋጀ፡፡ የቤተ ክርስቲያኑ አስተዳደር የስብከተ ወንጌል ጉባኤውን ለማስተዋወቅ ‹‹ሕዝቤ ሆይ ወደ ቤትህ ግባ›› በሚለው የነቢዩ ኢሳይያስ መሪ ቃል ባወጣው ፖስተር ላይ እንደተገለጸው፣ ጉባኤው የሚካሄደው በቅዱስ ሲኖዶስ ፈቃድ በሀገረ ስብከቱ ሊቀ ጳጳስ ብፁዕ አቡነ ዲሜጥሮስ ተባርኮ ወደ ሰዓሊተ ምሕረት ቅድስት ማርያም ቤተ ክርስቲያን የገባው የሊቀ መላእክት ቅዱስ ሚካኤል ታቦት ኅዳር 12 ቀን 2003 ዓ.ም ከመንበረ ክብሩ ወጥቶ የሚደረገውን ክብረ በዓል መሠረት አድርጎ ነው፡፡

በዕለቱ ታቦቱ በአበው መነኮሳት እና ካህናት እንዲሁም የሀገራቸውን ሥርዐተ እምነት እና የተቀደሰ ትውፊት በሚያከብሩ የተዋሕዶ ልጆች ታጅቦ ከመንበሩ ክብሩ እንደሚወጣ የተገለጸ ሲሆን በስደት ያሉ ወገኖች ሁሉ እንዲሁም በተለያዩአጋጣሚዎች በአካባቢው የሚኖሩ ኦርቶዶክሳውያን በክብረ በዓሉ ላይ በመገኘት እና በጉባኤው በመሳተፍ ከሊቀ መልአኩ በረከት እንዲሳተፉ ጥሪውን አስተላልፏል፡፡

በአህጉረ ስብከቱ ከተመሠረተች ዐሥራ አምስት ዓመታት ያህል ያስቆጠረችው የዱባይ-ሻርጃ ቅድስት ማርያም እና ቅዱስ ሚካኤል ቤተ ክርስቲያን በአህጉረ ስብከቱ ከሚገኙት የአቡዳቢ ደብረ ሰላም መድኃኔዓለም እና ጻድቁ አቡነ ተክለ ሃይማኖት እና የአላየን ደብረ ኃይል ቅዱስ ገብርኤል ቤተ ክርስቲያን ቀደምት የሆነች ነች፡፡ በአህጉረ ስብከቱ በከፊል በቤት ሠራተኝነት እና በሌሎች የቀን ሥራዎች ላይ የተሠማሩ ቀናዒ እና ትጉሃን ምእመናን ይገኙበታል፡፡ ምእመናኑ ከዐበይት በዓላት መካከል የመስቀል ደመራ በዓልን በዱባይ-ሻርጃ ሰዓሊተ ምሕረት ቅድስት ማርያም እና ቅዱስ ሚካኤል፣ ልደተ እግዚእን እና ትንሣኤን በአቡዳቢ ደብረ ሰላም መድኃኔዓለም እና ጻድቁ አቡነ ተክለ ሃይማኖት፣ ከተራን/ጥምቀተ ክርስቶስን በአላየን ደብረ ኃይል ቅዱስ ገብርኤል አብያተ ክርስቲያን በመሰብሰብ በአንድነት የማክበር በጎ ልማድ አላቸው፡፡

ከዚህ በፊት በቀደምቷ የዱባይ-ሻርጃ ሰዓሊተ ምሕረት ቅድስት ማርያም እና በሌሎቹም አብያተ ክርስቲያን በርካታ ሰባክያነ ወንጌል እና ዘማርያን በአህጉረ ስብከቱ ሊቀ ጳጳስ ፈቃድ ከአዲስ አበባ እና ከሌሎቹም ክፍላተ ዓለም እየሄዱ የቀናውን ኦርቶዶክሳዊ ትምህርተ ሃይማኖት እና ሥርዐተ እምነት፣ ምክር እና ተግሣጽ የሚመሰክር አገልግሎት ሰጥተዋል፤ በአገልግሎቱም የማይናቅ ውጤት ተገኝቷል፡፡ ከኅዳር 12 ቀን ጀምሮ ለአንድ ወር በሚዘልቀው የስብከተ ወንጌል ጉባኤ አገልግሎት ለመስጠት ከአዲስ አበባ ጥሪ የተደረገላቸው በኢትዮጵያ ኦርቶዶክስ ተዋሕዶ ቤተ ክርስቲያን የደቡብ አፍሪካ ሀገረ ስብከት ስብከተ ወንጌል ሐላፊ መምህር ዳንኤል ግርማ እና ዘማሪት ለምለም ከበደ ናቸው፡፡

ዘማሪ ቴዎድሮስ ዮሴፍ
ከሁለቱ አገልጋዮች ተልእኮ ቀደም ብሎ ካለፈው ዓመት ነሐሴ ወር መጀመሪያ አንሥቶ እስከያዝነው ዓመት መስከረም ወር ድረስ በመምህር ጳውሎስ መልክአ ሥላሴ እና ዘማሪ ቴዎድሮስ ዮሴፍ ሲሰጥ የቆየው አገልግሎት በምስል ወድምፅ ተቀርጾ የዚህ መጦመሪያ መድረክ ተከታታይ በሆኑ ዱባያውያን ደርሶን እንደተመለከትነው፣ በአሁኑ የስብከተ ወንጌል ጉባኤ ትኩረት ሊሰጣቸው የሚገባቸው ነጥቦች የተነሡበት ሁኔታ ይታያል፡፡

ከፊልሙ መረዳት እንደሚቻለው በአንድ የጥያቄ እና መልስ መርሐ ግብር ላይ ምእመናኑ ለመምህር ጳውሎስ ካቀረቡላቸው ጥያቄዎች ብዙዎቹ ክብረ ቅዱሳንን እና ሥርዐተ ቤተ ክርስቲያንን የሚከቡ ናቸው፡፡ በወቅቱ መምህሩ ለጥያቄዎቹ መድረኩን የሚመጥን አጥጋቢ ምላሽ ቢሰጡም ጥያቄዎቹ ግን ከይዘታቸው ባሻገር በአቀራረባቸው በአህጉረ ስብከቱ ውስጥ ሥር የሰደደውን ከባድ ፈተና የሚጠቁሙ ጭምር ናቸው፡፡ ምእመናኑ በጥያቄአቸው ውስጥ ቅዱሳንን ማክበር እና በቃል ኪዳናቸው አማላጅነት መማፀን - ‹‹ግብጻውያን የጫኑብን ጣጣ ስለሆነ እንደማያስፈልግ›› መማራቸውን ተናግረዋል፡፡ እንደ ምእመናኑ ጥያቄ፣ አንዲት ሴት በደመ ጽጌዋ ወቅት ወደ ቤተ ክርስቲያን እንዳትገባ እና ቅዱስ ቁርባንን እንዳትቀበል የምትከለከለው - ‹‹እኛ ኢትዮጵያውያን ኦሪታውያን ስለሆንን ከዚያ በልማድ ተይዞ ነው እንጂ እንደማያስፈልግ›› ተምረዋል፤ እንዲያውም ልማደ አንስት እየታያቸውም ቢሆን በቤተ ክርስቲያን ውስጥ ቆሞ ማስቀደስ እና ሥጋ ወደሙን መቀበል እንደሚችሉ፣ ይህን መቃወም ‹‹አጉል ማክረር›› መሆኑን ያስተማሯቸውን መምህራን በስም ይጠቅሳሉ፡፡ ከዚህ በባሰ መልኩ ‹‹የተለያየ ችግር ያለባቸውን በቤት ውስጥ ለማጥመቅ እና በግል ምክር ለመስጠት›› በሚል የቤተ ክርስቲያኒቱን ትምህርተ ሥጋዌ እና ነገረ ቅዱሳን በማሳከር በድብቅ የሚያስተምሩ ውስጠ ተኩላ ‹ሰባክያን› እንዳሉ፣ ምእመናኑ በቅዱሳን መላእክት፣ በቅዱሳን ጻድቃን፣ በቅዱሳን ሰማዕታት ስም ሲያደርጉ ከቆዩት ዝክር በማሸሽ - ‹‹በኢየሱስ/መድኃኔዓለም ስም›› እንዲዘክሩ መደረጋቸውን የጥያቄው መንፈስ ጨምሮ ያጋልጣል፡፡

ለ‹‹መምህራን ነን›› ተብዬዎቹ እኒህን እና ሌሎችንም የለየላቸው የተሐድሶ መናፍቃን አግባብ የተከተለ የክሕደት እና ጥርጥር እርሾ ለመዝራት በዋናነት ቅልዝ መሬት/fertile ground/ የሆነላቸው፣ በአህጉረ ስብከቱ ሥር ከሚተዳደረው የዱባይ-ሻርጃ ሰዓሊተ ምሕረት ቅድስት ማርያም ቤተ ክርስቲያን ከፍለው በመወሰድ በሰበሰቧቸው ምእመናን ያለአህጉረ ስብከቱ ሊቀ ጳጳስ ፈቃድ እና ቡራኬ አቋቁምነው የሚሉት የ‹‹ዱባይ ቅዱስ ሚካኤል የኢትዮጵያ ኦርቶዶክስ ተዋሕዶ ቤተ ክርስቲያን›› ነው፡፡

በመሠረቱ በ1991 ለሦስተኛ ጊዜ ተሻሽሎ በወጣው የሰበካ መንፈሳዊ ጉባኤ ቃለ ዓዋዲ አንቀጽ 44 እና በሕገ ቤተ ክርስቲያን አንቀጽ 37 መሠረት አንድ የሀገረ ስብከት ሊቀ ጳጳስ በሀገረ ስብከቱ ውስጥ አዲስ ለሚተከሉ አብያተ ክርስቲያን በቀኖና ቤተ ክርስቲያን መሠረት ፈቃድ የመስጠት፣ የመሠረት ድንጋይ የማኖር እና ቅዳሴ ቤቱን የመባረክ ሥልጣን እና ተግባር አለው፡፡ ሊቀ ጳጳሱ በሀገረ ስብከቱ ያሉትን አብያተ ክርስቲያን አስተዳደር በጠቅላላ ሐላፊነት የሚመራ፣ በየጊዜው መንፈሳዊ ምክር፣ መምሪያ እና ቡራኬ በመስጠት የሚያበረታታ የካህናቱ እና የምእመናኑ ሁሉ መንፈሳዊ አባት ነው፡፡ ስለሆነም አንዲት፣ ቅድስት፣ ከሁሉ በላይ እና ሐዋርያዊት የሆነችው ቤተ ክርስቲያን ጥንታዊነቷ እና ታሪካዊነቷ በሰላም ተጠብቆ እንዲኖር እንዲሁም ምእመናን በባዕድ እምነት አስፋፊዎች እንዳይሰረቁ ብርቱ ጥበቃ ያደርጋል፡፡ በቃል እና በጽሑፍ ፈተና ተጣርተው ለሚቀርቡለት የቤተ ክርስቲያን አገልጋዮች የዲቁና እና የቅስና ማዕርግ ይሰጣል፤ በሞያቸው ብቁ የሆኑትን እና በግብረ ገብነታቸው የታወቁትን እያጠና እና እየመረጠ የገዳማት እና አድባራት አስተዳዳሪ አድርጎ ይሾማል፤ ከሚያገለግሉበት አጥቢያ ቤተ ክርስቲያን መሸኛ ደብዳቤ ላልያዙ እና በቂ የቤተ ክርስቲያን ትምህርት ለሌላቸው ክህነት አይሰጥም፡፡ በሀገረ ስብከቱ ስም በባንክ የሚገኘውን ገንዘብ ከሥራ አስኪያጁ ጋራ በጣምራ ፊርማ ያንቀሳቅሳል፡፡

አቡነ ዲሜጥሮስ (ከመካከል)
በባር ዱባይ በሲሞናዊ መንፈስ በሚመሩት ሕገ ወጥ አካላት የሚፈጸመው ተግባር ግን ከዚህ በላይ ለሊቀ ጳጳሱ የተሰጠውን ሥልጣን እና ተግባር የማያከብር፣ የግል እና የቡድን ጥቅምን ከማሳደድ በቀር የቤተ ክርስቲያኒቱ አሐቲነት መጠበቅ፣ የኦርቶዶክሳዊ አስተምህሮ እና ሥርዐት መጽናት እና መስፋፋት የማይገደው ነው፡፡ ሕገ ወጡ የጥቅም እና የኑፋቄ ቡድን በቅዱስ ሚካኤል ስም አቋቋምኩት የሚለው ‹‹ቤተ ክርስቲያን›› በፍትሐ ነገሥት ፍትሕ መንፈሳዊ አንቀጽ አንድ በሚያዝዘው መሠረት በኤጲስ ቆጶሱ ፈቃድ የተሠራ፣ ቅዳሴ ቤቱም በክፍሉ ኤጲስ ቆጶስ የተባረከ አይደለም፤ ‹‹የኢትዮጵያ ኦርቶዶክስ ተዋሕዶ ቤተ ክርስቲያን›› ተብሎ ሊጠራም አይችልም፡፡ የአንቀጹ ድንጋጌ እንደሚከተለው ይላል - ‹‹ቤተ ክርስቲያን ግን የጸሎት ቤት ናት፤ ማንም ሰው ከኤጲስ ቆጶሱ ፈቃድ ውጭ ቤተ ክርስቲያንን ቢሠራ ለዘላለሙ ቁርባን አይቅረብባት፤ ቁርባን ያቆረበባት ካህን ቢኖር እንኳን ለዘላለም ክህነቱ ይሻር፡፡››

የሕገ ወጥ ቡድኑን ድርጊት በቅርበት ከሚከታተሉ ወገኖች አንዳንዶቹ በ‹‹ዱባይ ቅዱስ ሚካኤል ቤተ ክርስቲያን›› ለማስመሰል ከሚታየው ባእድ ነገር በቀር በርግጥም ታቦተ ሚካኤል እንደሌለ በአንድ ወቅት ለአገልግሎት ተጠርተው በስፍራው አጭር ቆይታ ያደረጉቱ የሚሰጡትን ዋቢ በመጥቀስ ቢናገሩም፣ ሌሎች ጥቂቶችም ‹ታቦቱ› ውዝግቡን በጠነሰሱት እና በደፈደፉት ወይዛዝርት ትእዛዝ ተደብቆ እንጂ ብፁዕ አባት ተባርኮ መምጣቱን እንደሚያውቁ ቢጠቅሱም ሊሳት የማይገባው ዐቢይ ጉዳይ ግን ሁሉም ነገር ከሆነው ጀምሮ እንደ ፍትሐ ነገሥቱ ትእዛዝ በክፍሉ ጳጳስ ፈቃድ የተከናወነ አለመሆኑ ነው፡፡ ይህ ሁሉ ይቅርና ታዛቢዎቹ እንደሚመሰክሩት፣ ቡድኑ በገንዘብ እያማለለ ካመጣቸው ካህናት ብዙዎቹ በጸሎተ ቅዳሴው ወቅት በሥርዐቱ የታዘዘውን ጠንቅቆ በመፈጸም ረገድ የሚያሳዩት ግዴለሽነት በዋናነት የግል ጥቅማቸውን ለማድለብ የሚተጉ መሆናቸውን ከማመልከቱም ባሻገር ወትሮም ያልጣፈባቸውን ኦርቶዶክሳዊ ማንነት የሚያጋልጥ ነው፤ ጉዳዩ ለንግግር የሚመች ባለመሆኑ እዚህ ላይ ለመግለጽ የማይሞከር ነው፡፡

ብፁዕ አቡነ ዲሜጥሮስ
በቅዱስ ሲኖዶስ ውሳኔ በተባበሩት ዐረብ ኤምሬቶች የሊባኖስ እና አካባቢው አህጉረ ስብከት ሊቀ ጳጳስ የሆኑት ብፁዕ አቡነ ዲሜጥሮስ ተገንጣዩ ቡድን ያለመንበረ ጵጵስናው ፈቃድ ከአዲስ አበባ በየጊዜው ሕገ ወጥ ‹ሰባክያን›ን በሕገ ወጥ መንገድ ማምጣቱን እንዲያቆም፣ ከሻርጃ ሰአሊተ ምሕረት ቅድስት ማርያም ቤተ ክርስቲያን በቦታ መራቅ በማሳበብ ለይቶ በግለሰብ ቤት ‹‹በጽዋ ማኅበር›› ስም በማሰባሰብ ቆይቶ በባር ዱባይ ወደ አዳራሽ ያስገባቸው ምእመናን ወደ እናት ቤተ ክርስቲያናቸው እንዲመለሱ፣ ‹‹የቅዱስ ሚካኤልን ቤተ ክርስቲያን ለማሠራት እና አገልጋዮችን ከአዲስ አበባ ለማስመጣት›› በሚል በተለያዩ ጊዜያት የገቢ ማስገኛ መርሐ ግብሮች እየተዘረጉ በግለሰቦች የግል አካውንት እየገባ ያለው የገባሬ ሠናይ ምእመናን ገንዘብ ብዝበዛ እንዲቆም አብዝተው እና መላልሰው ለሰጡት መምሪያ እና ምክር ለመገዛት ፈቃደኛ አልሆነም።

እንዲያውም ሊቀ ጳጳሱን ፊት ለፊት ከመዝለፍም በላይ ከሀገረ ስብከቱ ለማስነሣት አዲስ አበባ መንበረ ፓትርያርክ ጠቅላይ ቤተ ክህነት ድረስ በሀገር ውስጥ ጉዳይ አስፈጻሚዎቻቸው ደጅ የጠኑ፣ እርሳቸው ያልፈቀዱትን ‹‹ቤተ ክርስቲያን›› ሕጋዊነት ለማልበስ የጣሩ፣ በንዋያቸው ብዛት ‹‹አገልጋይ ነን›› ባዮችን እያማለሉ እንዳሻቸው መዘወር የለመዱ ወይዛዝርትን እስከማየት ተደርሶ ነበር። በመሆኑም ሊቀ ጳጳሱ ውግዘት አስተላልፈውባቸዋል፡፡ ጉዳዩን ለማጣራት ቅዱስ ሲኖዶስ ብፁዕ አቡነ ገሪማ፣ ንቡረ እድ ኤልያስ ኣብርሃ እና መጋቤ ብሉይ ሰይፈ ሥላሴ ዮሐንስ የሚገኙበት ልኡክ ወደ ስፍራው ልኮ ነበር፡፡ ለቅዱስ ሲኖዶስ የቀረበው የአጣሪው ልኡክ ሪፖርት ‹‹የሊቀ ጳጳሱን ትዕግሥት እናደንቃለን›› የሚል ቃለ አንክሮ ማስቀመጡ ብፁዕነታቸው የቱን ያህል ጉዳዩን በጥንቃቄ እንደ ያዙት ያስረዳል፡፡

ይሁንና ትእግሥቱ እርምት ያልሆናቸው ሕገ ወጡ ቡድን አባላት በአውሮፓውያኑ የዘመን አቆጣጠር ባወጡት መርሐ ግብር ከኖቬምበር 12 - 19 ቀን 2010 ዓ.ም የሚቆይ ‹‹የትምህርተ ወንጌል ጉባኤ›› ማዘጋጀታቸውን ካሰራጩት ፖስተር ለመረዳት ተችሏል፡፡ በተባበሩት ዐረብ ኤምሬቶች የሊባኖስ እና አካባቢው አህጉረ ስብከት ሊቀ ጳጳስ ብፁዕ አቡነ ዲሜጥሮስ አህጉረ ስብከታቸውን እያወኩ በሚገኙት ሕገ ወጦች ላይ ርምጃ እንዲወሰድ ቋሚ ሲኖዶሱን በደብዳቤ ጠይቀዋል ተብሏል፡፡

‹‹ነፍሴ ወደ ሕያው አምላክ ተጠማች›› በሚል ርእስ ሕገ ወጦቹ የሚያዘጋጁት ጉባኤ ዋነኛ አስተባባሪ አሁን በስፍራው በክህነት እያገለገለ እንደሆነ የሚነገርለት ቀሲስ ተስፉ እንዳለ ነው፡፡ ቀሲስ ተስፉ በጥቅምት ወር መጀመሪያ ላይ የዱባዩ ‹ቅዱስ ሚካኤል ቤተ ክርስቲያን› ሕጋዊ እንዲሆን በዱባይ ምእመናን ስም ለመጠየቅ የጠቅላይ ቤተ ክህነቱ ዋና ሥራ አስኪያጅ ብፁዕ አቡነ ፊልጶስ ዘንድ ቀርቦ የነበረ ቢሆንም ጉዳዩ በሀገረ ስብከቱ ሊቀ ጳጳስ በኩል እንዲመጣ በብፁዕነታቸው በኩል ስለተነገረው ፊቱን ብፁዕ ወቅዱስ ፓትርያርኩ ዙሪያ ወደሚገኙ ግለሰቦች ማዞሩ ተገልጧል፡፡

ነገ ሰኞ ወደ ዱባይ እንደሚበር የተነገረለት በጋሻው ደሳለኝ በማኅበረ ቅዱሳን የድሬዳዋ ማእከል የስም ማጥፋት ወንጀል ክስ ተመሥርቶበት በፖሊስ ታስሮ ከቀረበ በኋላ ለኅዳር 23 ቀን 2003 ዓ.ም ለብይን እንዲቀርብ መቀጠሩ ይታወሳል፡፡ በማኅደረ ስብሐት ልደታ ለማርያም ቤተ ክርስቲያን በተሐድሶ ኑፋቄ አራማጅነቱ ከተባረረ በኋላ በደቡብ ኢትዮጵያ (አላባ) ቀናኢ ኦርቶዶክሳውያንን በማሳደድ የታወቀው ተረፈ ለማ በያዝነው የትምህርት ዘመን ወደ ቅድስት ሥላሴ መንፈሳዊ ኮሌጅ የተቋሙን የቅበላ መስፈርት ሳያሟላ የትብብር ደብዳቤ በጻፉለት አካላት ውትወታ በመግባቱ ከፍተኛ ተቃውሞ የገጠመው ነው፡፡ በተመሳሳይ አኳኋን የዲግሪው መርሐ ግብር ለመከታተል በሕገ ወጥ መንገድ ባጻፈው የትብብር ደብዳቤ እና ከኮሌጁ የቅበላ መስፈርት ውጭ ወደ ተቋሙ የገባው አሰግድ ሣህለ ጉዳዩ በኮሌጁ የበላይ ሐላፊ ሊቀ ጳጳስ እና በኮሌጁ የአስተዳደር ጉባኤ እየተጤነ ይገኛል፡፡ የዓላማ ተጋሪው የሆነው ቀሲስ አሸናፊ ገብረ ማርያምም በተመሳሳይ አኳኋን ግፊት በፈጠሩለት ወገኖች እገዛ ወደ ኮሌጁ በቀኑ መደበኛ መርሐ ግብር ተመዝግቦ ቢገባም ውሳኔው ተቃውሞ ስለገጠመው በአስተዳደሩ እየተጤነ ይገኛል፡፡

አሰግድ በኮሌጁ ትምህርቱን በዲፕሎማ መርሐ ግብር ይከታተል በነበረበት ወቅት በአዲስ አበባ ደብረ ይባቤ ቅዱስ ያሬድ ቤተ ክርስቲያን ሰንበት ት/ቤት እንዲሁም በኮሌጁ የመማር ማስተማር ሂደት እና በደቀ መዛሙርቱ መካከል ያደርግ የነበረው የኑፋቄ እንቅስቃሴ ተደርሶበት ከሰንበት ት/ቤቱ የተባረረ ሲሆን በኮሌጁ አስተዳደር ደግሞ ዲፕሎማው ተይዞበት እንደቆየ ተዘግቧል፡፡

በ29ው አጠቃላይ የሰበካ መንፈሳዊ ጉባኤ ስብሰባ ላይ በስብከተ ወንጌል ቀን ወደ ቤተ ክርስቲያኒቱ ከፍተኛ የትምህርት ተቋማት አህጉረ ስብከት ስለሚልኳቸው ደቀ መዛሙርት የቅድስት ሥላሴ መንፈሳዊ ኮሌጅ ምክትል አካዳሚክ ዲን ‹‹የአንዳንድ አህጉረ ስብከት ሊቃነ ጳጳሳት በፊርማቸው እና በማኅተማቸው የሚልኳቸው ደቀ መዛሙርት በእነርሱ ደብዳቤ ‹አራት ዓይና› ተደርገው ቢሞገሱም፣ ከ75 - 80% በመቶ ለቤተ ክርስቲያን ትምህርት ዝግጅት ትኩረት በሚሰጠው የኮሌጁ የመግቢያ ፈተና ማጣራት ሲደረግ ግን በግብረ ዲቁና ሙሉ ያልሆኑ፣ በስመ አብ ብለው ውዳሴ ማርያም መድገም የማይችሉ›› በመሆናቸው ውድቅ እንደሚደረጉ አስረድተው ነበር፡፡ ዲኑ አያይዘው እንደገለጹት ርምጃው ከተወሰደ በኋላ አንዳንድ ሊቃነ ጳጳሳት ስልክ እየደወሉ፣ ‹‹የደቡብን ቤተ ክርስቲያን ለመዝጋት ተነሥተሃል›› እያሉ ሁኔታውን ወዳልታሰበ አደገኛ አቅጣጫ በመውሰድ በሚፈጥሩት ግፊት ኮሌጁ ያለአግባብ ገና በሀሁ ደረጃ ያሉትን እና ውዳሴ ማርያም ያልደገሙትን ከሊቃውንቱ ጋራ ቀላቅሎ ለማስተማር እየተገደደ እንደሆነ አጋልጠዋል፡፡

አሁን ብዙዎችን እያሳሰበ የሚገኘው ቀደም ሲል የተዘረዘሩት ግለሰቦች ወደ ቤተ ክርስቲያኒቱ ከፍተኛ የትምህርት ተቋማት ከሀገረ ስብከታቸው ውጭ በሚገኙ ብፁዓን አባቶች ሳይቀር የድጋፍ ደብዳቤ እያጻፉ መግባታቸው ብቻ አይደለም፡፡ ከዚህ በላይ ወደ ተቋማቱ ከገቡ በኋላ የማቴሪያል እና የፋይናንስ ሰቀቀናቸውን በሚያሟሉላቸው አጽራረ ቤተ ክርስቲያን እገዛ ደቀ መዛሙርቱን በገንዘብ እንርዳ በሚል በጥቅም ለመደለል፣ በድለላው ዙሪያም መልካም ስም እና ዝና በማትረፍ ዓላማቸውን የሚጋራ አንጃ/ቡድን በማበራከት ልዩነትን መፍጠር፣ ከተቋሙ የሚሰጣቸውን ዲፕሎማ እና ዲግሪ በመያዝ የቤተ ክርስቲያኒቱን የስብከተ ወንጌል አገልግሎት መቆጣጠር እና በዐውደ ምሕረቷ ላይ በፕሮቴስታንታዊ ተሐድሶ ስልት የሚያደርጉትን እንቅስቃሴ በማጠናከር ዓላማቸውን ማሳካት መሆኑ ግልጽ እየሆነ መምጣቱ ነው፡፡

በኮሌጁ የሚኖራቸው ቆይታ በመጤን ላይ እንደሆነ ከተገለጸባቸው ከእነዚህ ግለሰቦች ብዙዎቹ በዱባይ የሚገኘውን ሕገ ወጥ ቡድን እንቀስቃሴ ከጅምሩ አንሥቶ በማደራጀት ሚና የነበራቸው ናቸው፡፡ አሁን እናደርገዋለን የሚሉት ‹‹የትምህርተ ወንጌል ጉባኤም›› የሀገር ውስጥ ክስረታቸውን ከመሸፈን የዘለለ ዓላማ ሊኖረው አይችልም፡፡ በመሆኑም በስደት ይሁን በሥራ ጉዳይ በተባበሩት ዐረብ ኤምሬቶች የሊባኖስ እና አካባቢው አህጉረ ስብከት የሚገኙ ኦርቶዶክሳውያን ሁሉ በዱባይ-ሻርጃ ሰዓሊተ ምሕረት ቅድስት ማርያም ቤተ ክርስቲያን ኅዳር 12 ቀን 2003 ዓ.ም በሚካሄደው የሊቀ መላእክት ቅዱስ ሚካኤል ክብረ በዓል ላይ በመገኘት እና ለአንድ ወር የሚዘልቀውን የስብከተ ወንጌል ጉባኤ በመሳተፍ አንድነታቸውን እንዲያጠናክሩ ጥሪ ቀርቧል፡፡

48 comments:

sefere said...

Plssssssssss, Be diakon begashaw lay yemideregew zemecha yikummmmmmm Mahberekidusanoch

Anonymous said...

አይ ሰፈረ ለማን ነው ጥብቅና የቆምከው

ኃ/ሚካኤል

dani said...

ሰፈረ ወይስ ከሰረ የምትደግፈውን ሰው ብታወቀው ምነኛ ታዝናለህ በዕውነት የተዋህዶ ልጅ ከሆንክ፡፡

Anonymous said...

minew lelochun eresachihochew? ene memihir terefe, memihir dereje, zemari dagimawi, zemari ezira, zemarit zerfe alitayochihum? Memhir begashaw, memihir asegid, kesis tesifu bicha alachihu? lemehonu eneman yihonu bedifin ethiopia wongelen eyasifafu yalut? simu ene memihir paoulos arat killo birichiko kemechebet alallefum loloch yemahibere erikusan sebakiyan degimo yekiristosin kibir lelelaw madireg new sirachew.. ebakachihu lib belu bemasitewal yihun negerachihu

w/michael said...

you 'tehadisowoch' /reformers/ and you foolish supporters please think what you are doing and with whom you are struggling- in your heart! you supporters please be the flower of the church and to its Protector- Jesus Christ rather than bein...g an emotional supporter of ordinary men! The Bible says: 'Therefore be wise as serpents and harmless as doves' Matt. 10:16. Notice that reformers are striving to make our church like they did on Indian orth. church and I think they have a secret full relation with them. so let us safeguard our church from these false brothers with help of God by respecting the commands of the church and by standing on behalf of the rules enacted by the Holy Synod. Let we unit under the umbrella of our church and let we abash this heretical movements made by the false brothers.

John said...

ሰፈረ ለመሆኑ አንተ ማን ነህ? በጋሻውንስ ታውቀዋለህ? ይህ ጥያቄ እንዳለ ሆኖ ግን በእውነት የሀይማኖት ሰው ከሆንህ አንዳንድ በጋሻው የሚሰራቸውን ስራዎች በመረጃ አስደግፌ ልሰጥህ እችላለሁ

Anonymous said...

Be deje selam sim yeworedewn talakun zendo geta behailemeskelu yiktikitlin. Amen

Anonymous said...

በጣም የሚገርመኝ ቁጥራቸው የተወሰነ ሰዎች እንዴት ለዘላለም ሥርዓት ጠብቃ የኖረች ቤተክርስቲያን ይፈታተናሉ።
ምክን ያቱም ሐረር በጣም ቸግር ይፈጥሩ የነበሩ አሰግድና አሸናፊ አሁን ደግሞ ወደ ዱባይ መጡ። የቤተክርስቲያን አምላክ ዝም አይልም። ሰው መናፍቅ ከሆነ ለካ በቃ መመለስ አይችልም። በየዋህነት የምንገዋዝ ምዕመናን ልናስተውል ይገባል።
ሰላመ እግዚአብሔር የቤ/ቲያንን ጠላት ያስታግስልን።
ሙላቱ
ዘሐረር

mebrud said...

ደጀ-ሰላም ትግስትሽ አለቀ መሰለኝ፡፡

Are going to expose the network?
The connection and relationship.

"በጽሐ ጊዜሁ"?

Are you sure to have rich document.

I don't think all the documents and evidences to be exposed for everybody.
I don't like your approach of dissiminating information.

you are giving a chance for hide & time for counter measure.

I like the organized,rich facts and figures to convince others(specially the fathers).
Like what M.zemedkun did in his CD.
unless and other wise it can be conidered as gossip,false Accusation.


Let's go to dubai and see how the children of the church handle this problem.

Take hawas's as a model.

who is there?

Lindaye said...

@ dani and hulachihum:- lemin yesew sim lay tashofaleh kirsitin endih new ende? Sefere yemilewin kesere malet min malet new? enantem eko kemitiqawemuachew bemin teshalachihu tilachachiw gilesebawi honebing cristina endih aydelem. esti qomo bilen erasachinini eniteyiq? Yenant tilacha le Orthodoxawiyan minim ayiteqimim hulachum yaw nachihu eras wedadoch

Fisseha said...

Ersu beTEWAHIDO KIRISTINA lay zemechawun beyifa makomun kalasawoke endet yikomal bileh tasibaleh SEFARI!!!
Antem tikikilegna simihin nigerenina enwokih b/c woy Begashaw rasu neh aliyam kemenafkan andu!!!

Anonymous said...

Besem Selassie,
Dejeselamoch beyegizewu lemetasnebebun yebetekerstia merejawoch Egziabher wagachihun yekfelachehu. Enezih yewust arbegna tehadsowochen beteley manenetachewen kemagalet betechemari akahedachewun, seltawi asebabekachewun ena ye qusaqus ena genzeb menchachewenem magaletu ende betekerstian lejenetachehu yemitebekbachehun adergachehual eyaderegachehum new.Ene lezih blog anbabiwoch bemulu enezihen atserare betekerstian ke magalet beterefe egna sele betekerstian tenqeqen ke ewunetegnochu hawariat memheran memar, be betekrstiantua mewaqer hulu agelglot mestet, éyetefetu yalu yeabnet temehret betochen medegom, asrat bekuratchene beagbabu lebetekrstian mawutat, beteleyayu quanquawoch teteki memhranen maselten bemichalebet projektoch mesatef benechel melkam new elallehu. Yalezia gen kenfer bemetetna zena bemanbeb becha yemimeta neger aynorm elallehu. Egziabher yestilegn.

truth said...

Here in north America, some people think Tehadeso( Protestant in orthodox cover)as imaginary stuff. Some of the above comments show typical Tehadso words.Here one example:- "yekiristosin kibir lelelaw madireg new sirachew.. ".
The Anonymous poster literally mean that don't preach about saints.

dereje said...

Besmeab Weweld Wemenfes Kidus Ahadu Amlak Amen.Bedubai yemitigegnu miemenan hulachum yemitameseginubet bota eweku be ethiopia orthodox tewahido bete kirstiyan kidus sinodos yemiyawkew betekristiyan be dubay ena sharja saalite mihiret kidist mariam mehonun new yemitawekew lielaw kezi wich yehonew betekristian ye orthodox tewahido bete kristiyan aydelem ebakachu enastewil zemenu eyalekesilehone bamenibet ena keabatoch beteredanibet enitsna .BETE KRISTIYANACHIN EGZIABHER YITEBIKILIN AMEN.from Dubai

dereje said...

Besmeab Weweld Wemenfes Kidus Ahadu Amlak Amen.Bedubai yemitigegnu miemenan hulachum yemitameseginubet bota eweku be ethiopia orthodox tewahido bete kirstiyan kidus sinodos yemiyawkew betekristiyan be dubay ena sharja saalite mihiret kidist mariam mehonun new yemitawekew lielaw kezi wich yehonew betekristian ye orthodox tewahido bete kristiyan aydelem ebakachu enastewil zemenu eyalekesilehone bamenibet ena keabatoch beteredanibet enitsna .BETE KRISTIYANACHIN EGZIABHER YITEBIKILIN AMEN.from Dubai

Anonymous said...

ere bakachu menalebet betecrstiyanitu men ayenet fetena lay endehonech beteredu!!!ezhe lay yeteteksut memheran hono zemareyan lesemachew enkwan yemimeten temhert yelelachew nachew men ale sew kemenketel,yabatochen tezaz bensema!!! EGZABHER yestlen

Anonymous said...

ወይ አምላከ እስራኤል እዚህ በጥብጠው በጥብጠው ሲነቃባቸው ድግሞ ዱባይ ሄዱ እዛ ያሉትን ምዕመናን ደግሞ ግራ ሊያጋቡ ምናለ የሚመለከታቸው ቢያግዷቸው አቤት አቤት እኔስ ተቃጥዬ መሞቴ ነው አቤቱ እግዚአብሄር ሆይ ይቅር በለን!!!!!!
አሜን

Anonymous said...

እባካቹ እውነተኛ የተዋህዶ ልጆች የሆናችሁ ምዕመናን፤ እኔ የአጵሎስ ነኝ አኔ የኬፋ ነኝ ማለታችንን ትተን፡፡ እግዚአብሔር መልካሙን ነገር ያመጣልን ዘንድ በአንድነት እንፁም እንጸልይ፡፡ ደጀሰላሞችም በዚህ ብሎጋችሁ ቢያንስ የሦስት ቀን ጾም አውጁ፡፡ አለዚያ ዝም ብለን በመልስ ምቶች ብቻ መናቆሩ አያንጸንም፡፡
ካሳሁን
ከ አዲስ አበባ

Anonymous said...

sick and tiedr of deje erkusan ye politica maheber ur dioing this edmeachun lemarazem.neketenal ..ur time is done .. othodxawit cherchanchen temelsa atankelafam endalefwo zemen..

Anonymous said...

Dear DS,

Each of the so-called preacher, psalter,choir,teacher, archbishop and patriarch is falsified by you.
Therefore, to whom we can follow, hear, listen, and accept?

Dejene

Anonymous said...

ነገር ግን በእናቴ ማኅፀን ሳለሁ የለየኝ በጸጋውም የጠራኝ እግዚአብሔር በአሕዛብ መካከል ስለ እርሱ ወንጌልን እሰብክ ዘንድ ልጁን በእኔ ሁኔታ ሊገልጥ በወደደ ጊዜ፥ ወዲያው ከሥጋና ከደም ጋር አልተማከርሁም ገላ1:15-16

hawariyatu yekiristosin wengel lemesibek yetemeretut berisu fekad eniji beferisawuyan alineberem. ahun enanite simachewun eyeterachihu yemitizelifochew sebakiyan ena zemariyan hulu tsegawun babezalachew bekiristos fekad kalun yemisebiku eniji maninetachewun bealicohol weyinim bekidusanu sim debikew enidemiyachiberebirut ayinet silalihonu le enanite ayisimamochihum. zare lebetekiristiyano alot bilachihu yemititerochew yemahibere kidusan sebakiwoch mejemeria wenigel bemesibek sim beyehedubet yeweledochewn lijoch yisebisibu. keyemetet betu enidiwetu mikerochew. le enersu wenijel weyinem menafikinet kiristosin mesibek new. wededachihum telachihum kiristos yisebekalll... atiterateru

silegetachihu waga yemitikefilu sebakiyan ጽኑ፥ አይዞአችሁ፥ አትፍሩ፥ ከፊታቸውም አትደንግጡ፤ አምላክህ እግዚአብሔር እርሱ ከአንተ ጋር ይሄዳል፤ አይጥልህም፥ አይተውህም። tebilolina ayizochihu.. ageligilotachihun egiziyabiher yibark

Anonymous said...

"ከእነዚህ ሰዎች ተለዩ ተዋቸዉም ይህ ሃሳብ ወይንም ይህ ስራ ከሰው እንደሆነ ይጠፋልና ከእግዝኣብሄር እንደሆነ ግን ታጠፏቸው ዘንድ ኣይቻላችሁም ከእግዝኣብሄር ጋር ስትጣሉ ምናልባት እንዳትገኙ" ሃዋርያት ስራ 5:38

ahadu said...

meleyayet ..meleyayet meleyayet

Anonymous said...

meleyayet yiker

Anonymous said...

ደብረ ቁስቋም
በእውነቱ የቅዱስ ሚካኤል ቤተ ክርስትያን ብለው የከፈቱት ከቤተክርስትያንዋ ዶግማና ቀኖና ውጪ ስለመሆኑ ሁላችን እናውቃለን እሺ እነዚህ የሰበካ ጉባኤ አባላት አያውቁም አልተማሩም እንበል ነገር ግን ዘማሪ መምህር የተባሉት ወንድሞችና እህቶች ስለ ቤተክርስትያንዋ ህግ ሳያውቁ እነዴት መምህር ተባሉ እንዴትስ ዘማርያን ሊባሉ ቻሉ ይህ አጠያያቂ ነገር ነው ወገን እከሌ እከሌ ብለህ ከምትጨቃጨቅ እራስህ ሰው ምን ይላል ሳይሆን ቤተክርስትያንዋ ምን ትላለች ማለት በቂ ነው እኮ በሀገረ ስብከቱ ሊቀጳጳስ አመልካችነት በሲኖዶሱ ትእዛዝ መተው ያወገዙ አባቶች ከአንዱ በቀር ሌሎቹ እኮ አሉ እራሱም ሲኖዶሱ የቤ/ንዋ የበላይ የሆነው እኮ አለ አልተበተነም ምን ሆናችሁ ነው የብትጨቃጨቁት ቤ/ንው የቃል ሳይሆን የፅሁፍ ህግ ያላት እኮ ነች አትስረቅ ከተባለ አትስረቅ ነው እንጂ ይህን ስረቅ ይህን አትስረቅ ማለት አይደለም.ስለዚህ ቅዱስ ሲኖዶስ ያወገዛቸውን እንዴት አድርጎ ነው አንድ መምህርና ዘማሪ ሊያገለግልበት የሚችለው ያሄ ኢኮ ከስርአት ውጪ ነው ማለት ነው ቤተክርስትያኑ የተወገዘ ከሆነ ምእመኑን መክሮ መመለስ ነው እንጂ ሄዶ ማገልገልማ በርታ ምንም ችግር የለውም ሲኖዶስ አያስፈልግም ማለታቸው ነው ማለት ነው.ይህን የሚያደርጉ ደግሞ ከኛ አለመሆናቸው በትክክል ያሳውቀናል.ስለዚህ ደጀሰላም እንዲህ አለች እከሌ እነዲህ አልክ ሳይሆን ህጉ ምን ይላል ቤተክርስትያንዋ በቅዱስ ሲኖዶስ ትመራልች ወይ በየትኛው ሀገረ ስብከት ስር ነች ማለት ያስፈልጋል.
ለሁሉም ድንግል ማርያም አፅራረ ቤተክርስትያንን ከስር ነቅላ ታውጣልን.
ሰላም

Anonymous said...

በጣም ያስገርማል እውነትን ከየትነው ማግኘት የሚቻለው ይህን አርቲክል የጻፈው ሰው ማስተዋል ያነስው ይመስላል

Anonymous said...

Brothers and Sisters Selam Lehulachihu Yihun
Let us work on strengthening the Holy Synod. If the Holy Synod is strong we will solve 90% of our problems. Otherwise these things will divide us and will not stop. If we want to solve the problems we should focus on having a synod whose decisions will be implemented, synod that will be fully respected by its members and laity.
If the synod has unity and makes decisions we are ready to fight any one based on that rule. Now it seems very confusing. I personally don't like Begashaw's way, he is too childish and self declaring. If guys who have contact with him read this message, please tell him to learn at least from our elder brothers like Zebene, Dejenie and Zelalem. As far as the synod doesn't make a statement prohibiting him from preaching we cannot prevent him or our opposition will not be helpful except making divisions.
Any member of the EOTC should be abided by its rules and regulations. We should not allow some once intervention. Any chapel (Atibia) like st.Michael established without knowledge and prayer of Fathers is not acceptable by any means.

Tewahedo

sefere said...

Dani and Hailemikael and alllllll I like all mahberekdusan stands for, But the judgement for other 'tehadso" to say ebakachhhhu sewn kebetekrstyan atarkuuuu ahun begashw pente wey muslim bihon minm atnagerum gin....... tinsh yeteleye aserar sinorrrr menafkkkk mebabal yikr hulun yemidgn amlak alena. embebete tirdan andnet yifterln

Anonymous said...

Yehe ko irkus menfes new.Ine teenagerem hone yehe betam yassazinal.Igzeabehare yesewire kemaat.Yeethiopia betecristayen yekoyech kidist nat.Metadese yalebachew enusu nachew!Saytan kealem yetfa.Bedubay laiy betecristayen igzeabehare selakomelachew mamesgen yegebachewal.Enusuchirash reformers iyalu yejemeralu.Igzeabehare indaye athefahew new mi tseliyew.ye milutin ayakum.

ENTSNA said...

ene ferahu yegna endieh mehon leleloch ber endeikeft!!!!!!
EBAKACHEHU DEGE SELAMOCH KEABATOCH GARA TENEGAGRACHEHU TSOM YEMITAWEGEBETEN MENGED YEFELEG; SEW LEGELU TEKEM SELETN YESALAL YETSOMAL MENEW YEBETEKERESTIAN SIHON ZEM TEBALE YEHEKO KELAL NEGER AYDELEM!!!
BE 1986 DEREDAWA LAY ENDETEKESETEW BESEW HYWET METFAT ENA AYEN METAWER ENDAYABEKA ENETSELEY

dawit said...

I have been reading dejeselam recently and got it to be interesting with some of the news updates. But now, what i am seeing is some boring gossiping and typical characteristic of yemender arogit werea. Guys, instead of presenting always biased info....please try to be an insider in all area including mahibere kidusan. This guys might have truth also. so be neutral or else you will be regarded as one of the typical cowards found in the church.

Mese said...

pls pls le mindinew bematawkut neger yemtdakirut . Ebakachu ende christian enasib ersbersachin enwaded , dubai lay 1 aydelem 10 church biseras yehen yahil yemiyanegager new endie, pls be bizu chigir yemingelatawin hizib bemayihon werie atadenagrut , hizbu huletum gar megelgel yichilal , ye astedader chigirin lemndinew ye betchrstain chigir new yemtilut? ebakachu le wongel mesfafat begara binsera yishalal enji mekases aytekimim , ye gileseb sim eytekesu endih endih new malet asafari neger new,degmom tawkalachu enzihu simacheiwn kelay yetekasachuawachew astemariyowch addis ababa be yeadbaratu wist endemisebiku, lewedefitu erimt wisedu . Beterefe amlak haymanotachinin yitebkilin !!!!

mekonnen said...

Once i used to live there and i knew very well whats going on there. As a human and positive thinker we might said that preaching and teaching people is important that other things.Many people still think and see only from up but they don't realize whats is behind it.

Those people intentions whom establishes a new church by name of " kidus mekayel" was not to help or to teach fellow orthodox Christians but just to show their superiority, ignorance, disrespect for others. this people they used to work as sebeta gubaye at Sharjah church once up on a time but when they start to think that they can do anything because of they huge amount of cash flow they have or the support they got from senodos , the people itself push them out.

As we declare ourselves as Orthodox Thewahedo follower , must we respect, understand , follow,teach and accept the rules ( keneno). these rules are not new or been introduced yesterday.these rules are a basic foundation of orthodox thewahedo. we don't have a right to change them when we feel so or make them in our way because of opposing somebody. but this rules are made by by our grand grand fathers who sacrifices their life for it.

There is no compromising in religion.we can not change them according to our preferences. If we are blessed, we must give our life for it in order to pass it to next generation.

Brothers and sisters.lets remember one thing always. Love and respect is the beginning of all preaching. when we refuse to love and respect each other,how can we say that we are teaching to others? this is the sign...the sign of God .....lets pray always to makes us one and to give us Love...

Love is above all.

selamawi said...

በስመ ስላሴ አሃዱ አምላክ አሜን

መቸም ያው እንደተለመደው የድርሻችንን ለማለት ያክል ነው እንጅ በእኛ ጩኸት የሚመጣ ነገር ይኖራል ለማለት አይደለም የሆነው ሆኖ እነበጋሻውን ስንቃወም ይገርመኛል አህያውን ፈርቶ ዳውላውን እንደተባለው በጋሻው ማለት እኮ በአሁን ሰዓት ለአቡነ ጳውሎስ የቀኝ እጅ ማለት እኮ ነው በተለይ የቤተክርስቲያን ልጆች ጥሩ እንቅስቃሴ በሚያሳዩበት አካባቢ ለማደፍረስ የተዘጋጀ በጀርባው ያልታወቀ ልዩ ግብረ ኃይል ያለው ሰው እኮ ነው ታዲያ ዋናውን ትተን ምንደኛውን ለምንድነው የምንቃወመው ? አንዳንድ ጊዜ እኛም ጋ ችግር አለ ችግሩ የት እንደሆነ ለማወቅ አንሞክርም ለመሆኑ በጋሻው ከአቡነ ጳውሎስ ፈቃድ ባያገኝ ኖሮ ይህንን ሁሉ የማድረግ ብቃት ያለው ሰው ነው ? አቡነ ዘበሰማያት የማይደግም መሃይምን መሆኑን ስንታችን ነን የምናውቀው ለነገሩ እሱ ብልጥ ነው በዚህ ሰዓት አቡነ ዘበሰማያት ምን ያደርግለታል አቡነ ጳውሎስን መድገም ጥቅም እንዳለው ያውቃል ስለዚህ የጥቅም ሰው በመሆኑ እንደፈለገው ገንዘብ ይሰጠዋል አቡነ ጳውሎስን የሚቃወመውን ሁሉ እየፈለገ ያድናል በጣም የሚገርመኝ ነገር የኛ አባቶች ለትንሽ ቀን ተስፋ ሰጡንና ጠፉ እጅጋየሁ ቤተክህነት እንዳትገባ ብለው ወሰኑ ተባለ ገና ከኢየሩሳሌም ወደ ኢትዮጵያ ተመለሰች ሲባል መርበድበድ ጀመሩ የሲኖዶሱ ጸሐፊ ሳይቀር በሷ ጉዳይ የለሁበትም እስከማለት ደረሱ ሃውልቱ እንዲፈርስ ተወስኗል አሉ ሃውልቱን ያሰሩትን አካላት ግን በጣም ነው የፈሩዋቸው አሁን እኮ እኛ ችግራችን ያቡነ ጳውሎስ ሃውልት አይደለም ዛሬ ስምከ ህያው ዘኢይመውት ያሉ ሰዎች ነገ ደግሞ ታቦት ይቀረጽላቸው እንዳይሉ ይህ ተግባራቸው ይገታ ነው እየተባለ ያለው የፊት ለፊቱ በር ተዘጋባቸው ተባለ ጭራሽ በፓላሱ መግቢያ በር በክብር መግባት መውጣት እንዲችሉ ፈቃድ ተሰጣቸው ታዲያ ምንድነው ሲኖዶሱ ወሰነ የተባለው ? እንደኔ እንደኔ የኛ ሲኖዶስ አቅራራ ወንም ፎከረ እንጅ ወደ ፍልሚያው ለመግባት ቁርጠኝነት የለውም አሁንም ቢሆን ቤተክርስቲያኒቱ እዚህ ደረጃ ላይ ለመድረሷ ሁሉም የሲኖዶስ አባላት ተጠያቂዎች ናቸው እድላችን ሆኖ አንድም ስለ ቤተክርስቲያን ሲል እውነት እሚናገር አባት የለንም ማለት ይቻላል እውነት ቢኖር ኖሮማ አንድ ሰው ይበቃን ነበር ,, ሁሉም እራስ ወዳድ ናቸው ,,

2ና ጢሞ 3፥1 ነገር ግን በመጨረሻው ቀን የሚያስጨንቅ ዘመን እንዲመጣ ይህን እወቅ።

2 ሰዎች ራሳቸውን የሚወዱ ይሆናሉና፥ ገንዘብን የሚወዱ፥ ትምክህተኞች፥ ትዕቢተኞች፥ ተሳዳቢዎች፥ ለወላጆቻቸው የማይታዘዙ፥ የማያመሰግኑ፥

3 ቅድስና የሌላቸው፥ ፍቅር የሌላቸው፥ ዕርቅን የማይሰሙ፥ ሐሜተኞች፥ ራሳቸውን የማይገዙ፥ ጨካኞች፥ መልካም የሆነውን የማይወዱ፥

4 ከዳተኞች፥ ችኩሎች፥ በትዕቢት የተነፉ፥ ከእግዚአብሔር ይልቅ ተድላን የሚወዱ ይሆናሉ፤

5 የአምልኮት መልክ አላቸው ኃይሉን ግን ክደዋል፤ ከእነዚህ ደግሞ ራቅ።

እንደተባለው ዝም ብሎ ወደ እግዚአብሔር ማልቀሱ ብቻ ነው የሚጠቅመን አቅማችን የፈቀደ በገዳም አፈር ለብሰው ጤዛ ልሰው ወደሚኖሩ አባቶች እየሄድን ንስሃችንን እየወሰድን ወደ እግዚአብሔር ብናለቅስ ሊሰማን ይችላል በከታማ የሚኖሩ አባቶቻችን በግዝት ተሳስረዋል ያንን ለመፍታት ፈቃደኞች አልሆኑም ለዚያ ነው ለቤተክርስቲያን መፍትሔ ማምጣት የተሳናቸው እስቲ ቸር እንሰንብት

agmas said...

ይድረስ ለደጀ ሰላሞች፣ እንደምን አላችሁ ሳይደግስ አየይጣላም አይደል የሚባለው! በዚህ የነውጥ ሰዓት እናንተን ከ4 ዓመተት በፊት አስቀድሞ ያስነሳ አምላክ የተመሰገነ ይሁን! እናንተ እየተዋደቃችሁበት ያለውን የጦር ሜዳ (ይህ ቴክኖሎጅ)እዲፈጠር ያደረገ ገናናው አምላካችን ክብርነና ምስጋና ለእሱ ይሁን! አደራ ይህ እግዚአብሔር የጣለባችሁ ሃላፊነት ይቀጥል!
እጓለ አበው

yemelaku bariya said...

ሁልጊዜ የሚገርመኝ ነገር አለ:: አንድ አሳሳቢ ነገር ሲነሳ በአሳሳቢው ነገር ላይ መወያየት የማንችል እና ችግርን መፍታት የማንቺል እስኪመስል ድረስ ከችግሩ በርቀት መሽከርከር እንወዳለን ሁላችንንም ማለት ይቻላል:: በዚህ መጣጥፍ የተገለጸው ግለሠብ ስለእርሱ ብዙ ተብሏል:: ደጋፊዎቹ በጭፍን ማለት ይቻላል ማህበረ ቅዱሳን ነው ይህንን ያደረገው እያሉ ይወነጅላሉ:: ለምሳሌ በአዋሳው ጉዳይ የተቃወመው የአዋሳ ሕዝብ በሞላው ነው ማለት ይቻላል:: ምናልባት ድፍን የአዋሳ ሕዝብ ማ/ቅ ሁኖ እንደሆነ አላውቅም:: ከሆነ ግን በጣም ትልቅ ነገር ነው:: የአዋሳ ሕዝብ እኮ እሱን ብቻ ሳይሆን በዛ ያሉ የቤተ ክህነቱን ( የአዋሳውን) አካባቢ ሠዎች አደረሱብን የለውን ምክንያት ጠቅሶ ይነሱልን ብሏል:: ጳጳሱን ጨምሮ የሚያሳድደኝ ማ/ቅ ነው ሲሉተደምጡዋል ነገር ግን የተጠቀሰብኝ ውንጀላ ሃሰት ነው ነጭ ውሸት ነው እና በሃሰት ነው የምወነጀለው ሲሉ አልሰማንም :: ይህም ወንድም ተቃውሞ በገጠመው ቁጥር ይህንን የሚያደርጉት እነ ማ/ቅ ናቸው ከማለት ውጭ የተቃውሞውን ምክንያት ሲያስተባብል አይታይም፣ ይባስ ብሎ በዚህ ብሎግ ላይ የሚደግፉት ሠዎችም የቀረበውን ነገር አልፈጸመም ሳይሆን ለምን ይነካል ማለት ያበዛሉ:: እስላም ወይም ጴንጤ ቢሆን ኑሮ አትናገሩትም ይላሉ:: ሠው እኮ ያመነውን በግልጥ እንዲያከናውን ግደታምአለበት ኃይማኖት እንደ KGB ወይንም በነጭ ለባሽነት የሚያከናውኑት አይደለም ለዛም ነው ተቃውሞ የበዛበት ያመነበትን ክህደት እኮ ቢናዘዝ ከመሰሎቹ ጋ የራሱ ቦታ ይኖረዋል :: ነገር ግን ከነ ኢተዋህዶነቱ ተዋህዶዎችንመስሎ እየቀረበ እንዲመርዛቸው አቅም ያለው ሁሉ ሊታገለው ይገባል:: ይልቅስ ስለሱ የምትከራከሩለት ከሆነ የተወቀሰበትን ነገር ጥሩ ነው የምትሉበትን ምክንያት አቅርቡ እና ሃሳባችሁን እንየው::
ማህበረ ቅዱሳንን ለቀቅ!
ጸረ ማርያሞች አታወናብዱ!!!!
መደባችሁ ግኖስቲክ፣ ሉተር፣ ወይስ ማነው?

Anonymous said...

ይድረስ ለደጀ ሰላሞች፣ እንደምን አላችሁ ሳይደግስ አየይጣላም አይደል የሚባለው! በዚህ የነውጥ ሰዓት እናንተን ከ4 ዓመተት በፊት አስቀድሞ ያስነሳ አምላክ የተመሰገነ ይሁን! እናንተ እየተዋደቃችሁበት ያለውን የጦር ሜዳ (ይህ ቴክኖሎጅ)እዲፈጠር ያደረገ ገናናው አምላካችን ክብርነና ምስጋና ለእሱ ይሁን! አደራ ይህ እግዚአብሔር የጣለባችሁ ሃላፊነት ይቀጥል!

Ke Germany
Maedot

Anonymous said...

yemigerm new

Anonymous said...

ከመንበረ ፓትርያሪክ እስከ አህጉረ ስብከት ድረስ ብዙ ኤልዛቤሎች እንዳሉ ይታወቃል። በዱባይ ሻርጃ የተፈጠረው ጉዳይም በአንዲት ቅምጥል ኤልዛቤል ምክንያት እንደሆነ በቦታው ያሉ ምእምናን ያስረዳሉ ። በእውነቱ ከሆነ የሃገረ ስብከቱ ሊቀ ጳጳስ ብጹእ አቡነ ዲሜጥሮስ የቤተ ክርስቲያንን ዶግማና ቀኖና በቁርጠኝነት ጠብቀው በማስጠበቅ በቤት ክርስቲያን ላይ ገብታ ትፈተፍት የነበረችና እኔ <ካልወጠወጥኩት ወጡ ወጥ አይሆንም ትል የነበረች የዱባይዋን ኤልዛቤል በ አባታዊ ምክርና ተግሣጽ እንድትስተካከል ለማድረግ ቢሞክሩም ባለመስተካክላ የወሰዱት እርምጃና አቁአም ደስ የሚያሰኝ ነው። ምክንያቱም ኤልዛቤሎች የራሳቸውን ክብርና ዝና በመጠበቅ ብቻ ለመናፍቃን መግቢያ ድልድይ ሁነው ቤተክርስቲያንን ከሚወጉ አስታውቀው ጠላትነታቸው ታውቆ ብንዋጋቸው ይሻላልና ። ሌሎች በተመሳሳይ ችግር ያሉ ሃገረ ስብከቶችም ይህን የመሰለ ቆራጥ ዉሳኔ መስጠት ቢችሉ ምናልባትም ኤልዛቤሎች እየከሰሙ ከመሄዳቸውም ባሻገር አዳዲስ ኤልዛቤሎች እንዳይፈጠሩ ማድረግ ይቻላል ።ለብጹእ አቡነ ዲሜጥሮስ እድሜና ጤና ይስጥልን

Anonymous said...

በስመአብ ወወልድ ወመንፈስ ቅዱስ አሀዱ አምላክ አሜን፡፡
እኔ ልጅ እያለሁ በሰንበት ትምህርት ቤት ውስጥ ጥፋት ያጠፋ መልካም ባህሩ የሌለው እንዲሁም አንዳንድ ከቤተክርስቲያ ህግና ስርአት ውጪ ያልተገባ ባህሪ ያላቸውን እንዴት በፍቅርና በትህትና መልሰው ወደ መልካም ጎዳና ይመልሶቸው እንደነበር ይታወሰኛል፡፡

አሁን ግን ከጥቂት አመታት በኋላ ከሀገሬ ብርቅም በቤተክርስቲያን ዙሪያ የሚደረጉ ነገሮችን ለመከታተል ጊዜ አጥቼ አላውቅም ሆኖም ግዜው በጣም ተቀይሮአል በአንድ ክርስትናን አውቃለሁ በሚል ቡድን የተመሰረተ ብሎግ ይሄንን ያህል በግለሰቦች ላይ የሚጻፈው ነገር በጣም የሚዘገንን ነው፡፡እነዚህ አሉ የተባሉትን ግለሰቦች እና ቡድኖችን የተባለው ነገር ሁሉ እውነት ከሆነ በመላው ኢትዮጵያ ያላችሁ የሀይማኖት አባቶች እንዲሁም አገልጋይ ወንድሞች እና እህቶች እነሱን ማስተማርና መመለስ እንዴት ያቅታቹሃል. . . ምንስ ነው ተስፋ ያስቆረጣችሁ ክርስቲያን ተስፋ አይቆርጥም፣ ባልንጀራህን እንደራስህ ውደድ ብላችሁ በቤተክርስቲያን አሳድጋችሁን . . . . እንዲት በየብሎጉ የጥላቻና የመከፋፈል ስራ ትሰራላችሁ እንዴትስ የመናፍቃን መሳለቂያ ታደርጉናላችሁ . . . . . እንዴት . . . እንደአሁንም ያፈርኩበት ጊዜ የለም፡፡ ምነው እመብርሃን ምልጃሽ ተለየን አይ ጊዜ፡፡

Anonymous said...

on the day of Kuskuam i was at Kality kuskuam mariam... there was abune Paulos for the ceremony... then Getachew Dony read a report about abune paulos for about 30 minute...on the report there is a word llike this... 'Abune paulos tsilat bikeretslachew enkuan ayansachewem' what is that mean really? are those guys really christians? i doubt it... And at that time Abune Qewustos was there too and does nothing... do we hear such a things and shut our mouth?
what can we do?

Anonymous said...

I did not know that this web is administered by "mehaber sitan." I have reason yesterday I sent my comment by just supporting the preaching of the gospel , I do not understand why you did not post. I do think you are doing a good thing for our church.

you will get the price from top(God).

aragaw ewnetu said...

Tenegro alimeles kales? Awugzo meleyet newa.

Anonymous said...

Begashaw Dsalegn
Min tinchachaleh eyandandih? Gena kezih belay wonjel(not wengel) esbkalehu. Athenatewos metito eskikawemegn &318 likawunt eskiawegzugn dires. Keziam behuala asferiwn amuamuaten etebkalehu. Arios 2.BEGU NEGN

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!

እስቲ ወገኖቼ ስሜታዊ ሳንሆን አንድ ጫፍ ብቻ ይዘን በስሜት ከምንጓዝ ነገሮችን በእርጋታ እናጢናቸው፡፡ እኔ ቸሩ እግዝአብሔርን ነው የምላችሁ በኦርቶዶክሳዊነቴ እንጂ ምንም የማላውቅ ሰው ነኝ፡፡ በጋሻውንም በስብከቶቹና አንድ ሁለቴ በአውደ ምህረት ላይ አየሁት አዳመጥኩት እንጂ በቅርብ አላውቀውም፡፡

ብዙ ጊዜ ግን ስለበጋሻው የሚነገረው ነገር ተጨባጭ ካለመሆኑም ሌላ ማንኛውም ሰው ሊያጠፋው የሚችለው ጥፋትና ስህተት ይመስለኛል፡፡ ደግሞ ብዙ ጊዜ ተደጋግሞ የሚነሳው የሱ መሐይምነትና አቡነ ዘበሰማያትን እንኳን አለማወቁ ነው፡፡ እኔ የምለው እግዝአብሔር አምላክ ላልተማረና ምንም ለማያውቅ ሰው ፀጋ አይሰጥም ማለት ነው? እናንተ ሰው ከሰው ጋር ሲጣላ ብቻ ነው ደስ የሚላችሁ? ትናንትና እኮ ከፓትርያርኩ ጋር ዛሬ እንደሚወራው አይነት ወዳጅነት አልነበረውም፡፡ ነገም ለሚወነጀልባቸው ጉደዮች በይፋ ይቅርታ ቢጠይቅና የፓትርያርኩ ወዳጆችና ፖለቲከኞች ናቸው ተብለው ከሚታሙት ማህበረ ቅዱሳንም ጋር እርቀ ሰላም ቢያወርድ አናፍርም? እኔ ግን በወንጌልም የሚመስሉት ነገር ግን የማይደርሱበት ወንጌል ሰባኪያንም በቅናት የተነሳሱበት ይመስለኛል፡፡ ስለዚህ አንድ ሰው ከአባቱ ገዳይ ቢታረቅ በኛ ኦርቶዶክሳውያን ዘንድ ክፋት ያለው አይመስለኝምና በጋሻው አጠፋ የሚባለውም ጥፋት እውነት ከሆነ ከላይ ጀምሮ በየቦታው ካሉት አጥፊዎች የተለየ ጥፋት አይደለምና በጥቃቅን ስሕተት የሰውን ውድቀት ከምንፈልግ ተመክሮ ቢመለስ የተሻለ ይሆናል የሚል እምነት አለኝ፡፡

ቸሩ ፈጣሪያችን አስተዋይ ሕሊና ቅን ልቦና ያድለን፡፡ አሜን!!

መርከቤ ንጉሴ/ከአዲስ አበባ/

Anonymous said...

very good Idea.

Anonymous said...

Dear መርከቤ ንጉሴ you have a point! Why don't you advise him and update us what he will say.He might say "Tesadbeyalewu ahunim esadebalehu..."

Anonymous said...

Bekdmiya Yihin Silasnebebachihun Egziabhear Yibarkachihu.

Awe bewekitu yedubai guday lay ene neberku, yihn yahil yemiyakefafil dereja yemiders alineberem. Behulum bekul mechachal kena asteyayet belemenoru new. yegudayu menshie yehonut ahun bebotaw yelum kehuletum bekul neger gin betekrstian eskahun titawekalech silezih.
Endenie endenie lebete kirstian yemitekmewun amelekaket binyiz.
Minew ahun yih neger genene dubai lay gubaye silemiaydergu new. minew Addis Ababa astebabirew yewosedut genzeb aydelm endie kemsirachu gar yatalachew.
Sew kistetu kaltemare Nisiha tirgum yatal malet new. Andie Axum hotel Ethiopia, Bezihu wengel mahiber sim bizu genzeb sebsibew hidewal bewektu hulunim bekihinetm yebotaw like papasim yawukalu. Silezih ahun min yihun new yemibale mimenu yemimelesew bekena gilgalot new.
Enersu kemisebesebubet betekirstian and ken bekuwaminet yesibket wugel mekifet yih tnish likenis yichilal elalehu.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)