November 10, 2010

በሐዋሳ ቅ/ገብርኤል ውስጥ ብጥብጥ የፈጠሩ ፍርድ ቤት ቀረቡ

  • ያሬድ አደመ እና ዓለምነህ ሽጉጤ አሉበት፤
(ደጀ ሰላም፤ ኖቬምበር 10/2010፤ ኀዳር 1/2003 ዓ.ም)እሑድ ጥቅምት 28 ቀን 2003 ዓ.ም በሐዋሳ ደብረ ምሕረት ቅዱስ ገብርኤል ገዳም በተፈጠረው ዐምባጓሮ በሕጋዊ የገዳሙ ሰንበት ት/ቤት አባላት ላይ ከፍተኛ የድብደባ ጉዳት ያደረሱት ያሬድ አደመ እና ዓለምነህ ሽጉጤን ጨምሮ 11 ያህል ሰዎች በትናንትናው ዕለት ፍርድ ቤት ቀርበዋል፡፡ በተጎጂ ቤተሰቦች በተመሠረተው ክስ ፖሊስ ሀገረ ስብከቱን በማወክ እና የክልሉን ሰላም በማደፍረስ ሁከት በፈጠሩት ግለሰቦች ላይ ተጨማሪ መረጃ ለማሰባሰብ እና ቀሪ ሁከተኞችን ለማደን የጠየቀው ዘጠኝ ተጨማሪ የምርመራ ቀናት ጥያቄ የፍርድ ቤቱን ይሁንታ አግኝቷል፡፡ ከሁከቱ በኋላ እሑድ ዕለት ረፋድ ላይ ወደ አዲስ አበባ ለመሔድ ሲዘጋጅ የተያዘውን ያሬድ አደመን፤ አባቶችን፣ የሐዋሳ የፍትሕ እና ልማት ኮሚቴ አባላትን እና ማኅበረ ቅዱሳንን በስም እየለየ የሚያክፋፋ የቅስቀሳ ወረቀት ሲበትን በማግስቱ ሰኞ የተያዘውን ዓለምነህ ሽጉጤን ለማስመለቀቅ ጓደኞቻቸው በየአቅጣጫው የሚያደርጉትን ጥረት ቀጥለውበታል፡፡

በትናንትናው ዕለት በሐዋሳ ከተማ ‹‹ተስፋ ኪዳነ ምሕረት›› እየተባለ በሚጠራው አካል ሥር የተደራጁ እና በሐዋሳ ደብረ ምሕረት ቅዱስ ገብርኤል ገዳም ከዚህ በፊት ተሹመው የነበሩ አስተዳዳሪ ጥያቄውን ለጸጥታ ኀይሉ ያቀረቡ ቢሆንም ጉዳዩ በሕግ አግባብ ብቻ እንደሚፈታ፣ በምርመራው ሂደት እንዳስፈላጊነቱ እነርሱም ተጠያቂ ሊሆኑ የሚችሉበት ሁኔታ ሊኖር እንደሚችል ተነግሯቸዋል፡፡ በአዲስ አበባ በበጋሻው ደሳለኝ እና ዘማሪ ዲያቆን ትዝታው ሳሙኤል የተመሩ ቁጥራቸው 25 ያህል ይሆናሉ የተባሉ ግለሰቦች በመንበረ ፓትርያርክ ጠቅላይ ቤተ ክህነት ከብፁዕ ወቅዱስ አቡነ ጳውሎስ ጋራ መወያየታቸው ተዘግቧል፡፡ ጥያቄ አቅራቢዎቹ ከሐዋሳ እንደመጡ ተነግሯቸው ሳለ በጋሻውን እና ዲያቆን ትዝታውን በማየታቸው መገረማቸውን ያልሸሸጉት አቡነ ጳውሎስ፣ ‹‹ተደብድበናል፤ ታስረናል፤ ተገርፈናል፤. . .ወንድሞቻችን ታስረዋል፤ ይፈቱልን›› በሚል ለቀረበላቸው አቤቱታ ጉዳዩ መንግሥት የሚከታተለው እና በሕግ የተያዘ መሆኑን አስረድተዋቸዋል ተብሏል፡፡

አቡነ ገብርኤል
‹‹እነርሱ ካልተፈቱ አቡነ ገብርኤልን ለመቀበል እንቸገራለን›› በማለት አቤቱታቸውን ለማጠናከር የሞከሩት እነበጋሻው፣ ‹‹እናንተ ባትቀበሏቸው ሌሎች የሚቀበሉ አሉ›› የሚል ምላሽ ከፓትርያርኩ እንደተሰጣቸው ተነግሯል፡፡ ብፁዕ ወቅዱስ ፓትርያርኩ በቅርቡ በተካሄደው የቅዱስ ሲኖዶስ ምልአተ ጉባኤ ከሰዋስወ ብርሃን ቅዱስ ጳውሎስ ማሠልጠኛ ኮሌጅ ወደ ሲዳማ፣ አማሮ እና ቡርጂ ዞኖች እና ልዩ ወረዳዎች ሀገረ ስብት ከተዛወሩት ብፁዕ አቡነ ገብርኤል ጋራ በመጪው ቅዳሜ ወደ ሐዋሳ እንደሚያመሩ ታውቋል፡፡ ከሕግ የበላይነት ይልቅ በወ/ሮ እጅጋየሁ በየነ እገዛ ፓትርያኩን መማፀን የመረጡት እነበጋሻውንም በውትወታቸው ብዛት፣ ‹‹ችግሩ እዚያው በሕግ ይፈታል፤ ዋስ ሁን ከተባልሁም ዋስ ሆኜ አስፈታለሁ እንጂ ሌላ ምንም ላደርግ አልችልም፤›› የሚል ቃል ከአቡነ ጳውሎስ ቢሰጣቸውም ‹‹ፍጡነ ረድኤት›› ሆኖ ባላገኙትና በአንዳንዶች ግምት ‹‹ጨዋታው ፈረሰ ዳቦው ተቆረሰ›› ዐይነት ቃና በሚያሰማው ተስፋ ተበሳጭተው መውጣታቸው ታዛቢዎች ይናገራሉ፡፡ እሑድ በሐዋሳ ደብረ ምሕረት ቅዱስ ገብርኤል ገዳም በዐመፀኞቹ እየተመቱ ሲወድቁ የነበሩትን ሕጋዊ የሰንበት ት/ቤት አባላት ሁኔታ እና የጸጥታ አስከባሪ ፖሊሶችን ሳይቀር ያስለቀሰውን የሁከተኞቹ ጭካኔ (በያዙት ብትር እየፈነከቱ ‹የሚዘምሩ› ነበሩ) የተመለከቱ የዐይን እማኞች የእነበጋሻውን ‹‹የታሰርን እና ተደበደብን›› አቤቱታ ‹‹የሰብአዊነት ስሜት የማይታይበት ታላቅ ፌዝ/ስላቅ›› ብለውታል፡፡

በሌላ በኩል በክልሉ ፖሊስ ኮሚሽን ኮሚሽነር ጥሪ የተደረገላቸው አዲሱ የሀገረ ስብከቱ ሥራ አስኪያጅ ሊቀ ኅሩያን ዓለም እሸቱ፣ አቡነ ፋኑኤል ከቃለ ዓዋዲው በተፃራሪ የመረጧቸው የሐዋሳ ደብረ ምሕረት ቅዱስ ገብርኤል ገዳም ሰበካ ጉባኤ አባላት እና የገዳሙ አስተዳዳሪ ችግሩ ዘላቂ እልባት በሚያገኝበት እና አዲሱ የሀገረ ስብከቱ አስተዳደር ከክልሉ መንግሥት ጋራ ተባብሮ መሥራት በሚችልበት ሁኔታ ላይ ትላንት መወያየታቸው ተሰምቷል፡፡ በውይይቱ ላይ ስለ ተፈጠረው ችግር ወገንተኛ ማብራሪያ ለመስጠት የሞከሩትን የሰበካ ጉባኤ አባላቱን እና የገዳሙን አስተዳዳሪ የገሠጹት የፖሊስ ኮሚሽነሩ፣ ስለ ውዝግቡ እና በቅርቡ ቅዱስ ሲኖዶስ ስለ ወሰናቸው ውሳኔዎች ዝርዝር መረጃው የሚታወቅ በመሆኑ ሁሉም ወገኖች የክልሉን ጸጥታ ለማስከበር የበኩላቸውን ድርሻ እንዲወጡ አሳስበዋቸዋል፡፡ በተለይ በቅርቡ የሐዋሳ ከተማን 50 ዓመት እና የዩኒቨርስቲ ተማሪዎች የባህል ፌስቲቫል በደመቀ ሁኔታ ለማክበር የከተማውን ገጽታ ከሚያበላሹ ተግባራት ሁሉም ወገኖች እንዲጠነቀቁ መክረዋል፡፡ በተበተነው ወረቀት የተወነጀሉት ባለሀብቶች እና ማኅበረ ቅዱሳን በክልሉ ለሥራ አጦች የሥራ ዕድል በመስጠት፣ ማኅበራዊ እና ልማታዊ አገልግሎት በመስጠት አስተዋፅኦ የሚያደርጉ መሆኑን እንደመሰከሩላቸው ተዘግቧል፡፡ በውይይቱ አካሄድ እንደተከፉ የተነገረላቸው ሕገ ወጦቹ የሰበካ ጉባኤ አባላት ከውይይቱ እንደተመለሱ አስቸኳይ ስብሰባ ተቀምጠው ሁሉም ከሐላፊነታቸው ለመልቀቅ እንደተስማሙ መወሰናቸው ተሰምቷል፡፡

በአንጻሩ የሐዋሳ የፍትሕ እና ልማት ኮሚቴ አባላት እና የሀገር ሽማግሌዎች በመጪው ቅዳሜ ወደ ሀገረ ስብከቱ የሚመጡትን ብፁዕ አቡነ ገብርኤልን በደመቀ ሁኔታ ለመቀበል የተጠናከረ ዝግጅት በማድረግ ላይ መሆናቸው ተገልጧል፡፡ በቅርቡ በተካሄደው 29ው አጠቃላይ የሰበካ መንፈሳዊ ጉባኤ ስብሰባ ላይ ስብከተ ወንጌልን አስመልክቶ በተካሄደው ውይይት ብፁዕ አቡነ ገብርኤል ሰጥተውት በነበረው ጠንካራ ሒስ በአሁኑ ጊዜ በስፋት የሚታየው የስብከተ ወንጌል እንቅስቃሴ ‹‹ትምህርት አይሉት ኪነት ግራ የሚያጋባ፣ ከስሙ እና ኀይሉ ጋራ የማይገናኝ እና አደገኛ አካሄድ የያዘ ነው፤ ከሰባክያነ ወንጌሉ አለባበስ ጀምሮ አዘማመሩ እስክስታው ኦርቶዶክሳዊነት አይታይበትም፤ ወጣቱ በቤተ ክርስቲያን መሰብሰቡ መልካም ቢሆንም በስብከተ ወንጌሉ የሃይማኖት ትምህርት የለበትም፤ ትምህርት እና ስብከት ይለያያል፤ ትምህርቱ ተቀብሯል፤ በርግጥ አገልግሎቱ ከፍተኛ የገቢ ምንጭ ሆኗል፤ ገቢው በቤተ ክርስቲያን ስም የተደራጀ ነገር ግን የቤተ ክርስቲያን ያልሆነ ነው፤›› በማለት ተችተዋል፡፡ የሠርክ ክፍለ ጊዜ ስብከተ ወንጌል ለመጀመሪያ ጊዜ በ1978 ዓ.ም በአዲስ አበባ ማኅደረ ስብሐት ልደታ ለማርያም ቤተ ክርስቲያን ከተጀመረበት ጊዜ አኳያ ሲታይ ዕድገት ማሳየቱን ዕድገቱ ግን የተጣመመ/በመጥፎ መሆኑን ያስረገጡት ብፁዕነታቸው፣ ዛሬ ድረስ ኦርቶዶካሳዊ ይዘቱን እና ያሬዳዊ ለዛውን አጥቶ፣ የሰዎች ጸጥታ እና ፕራይቬሲ እስኪታወክ ድረስ እስከ ምሽቱ አራት ሰዓት በሞንታርቦ እየተጯጯኸ የሚሰጠው ስብከት ሥርዐት መያዝ እንደሚገባው አሳስበው ነበር፡፡ ብፁዕነታቸው ይህን ማሳሰቢያቸውን እና ሌሎችንም ልምዶቻቸውን በአዲሱ ሀገረ ስብከታቸው እውን በማድረግ በአርኣያነት እንደሚያስጠሩት ተስፋ እናደርጋለን፡፡

23 comments:

Anonymous said...

እውነት ያድርገውና ይህን ስርአት ያጣ የስብከትና የመዝሙር አካሄድ ወደ ቀድሞው ሥፍራ ለመመለስ አባታችንን እግዚአብሔር ይርዳልን አባታችን እርሶ ገና ወደ ሐዋሳ ሲመደቡ የፈተና ሳይሆን የክብር የማንነት መገለጫ ቀን ከፊትዎ እንዳለ እንደሚገምቱ አስባለሁ ይህም ቀን አሁን ነውና አባቴ በጸሎት ይትጉ የአባቶችም ጸሎት እንዳይለዮት ወደየገዳሙ አባቶች ይላኩ ሠይጣን ይፈር ተዋህዶ ወደ ቀደመ ክብሯ ሥርዓቶ እንድትመለስ የአምላካችን ፈቃዱ ይሁንልን

ከአቡዳቢ

aragaw ewnetu said...

"Yeamlkot melk alachew,haylun gin kidewal." The government must control these terriorist activities. Unless the government controles such distructive activities, it is diffcult to achive the vision of the country. This is because as institutions have great role in all aspects of the country's poverty reduction&developmental activities the distruction of institutions affects the country as well. EOTC as an institution had been play an emense role in over all history of ethiopia and will also for the future. So the gov't should protect her.

Anonymous said...

Deje betibit mechem enante ena mahbere seytan be ewunetegna krestiyanoch laye bekinat tenestachehu wongele endayisebek yemitadergut yesem matifatena yehaset kese yetelemede nue. gen yehe yemedan guday selehone ena bedemu yetegezan yetewahedo lijoch nenena.

Like yihuda baderegachehutena bemitadergut neger behuala tesesetachehu tankachhu endatimotuna yebedel bedel endayagegnachehu tetenkeku.

Abatchehu diabilos yemiwtewun feligo endemiyagesa anebessa honoalina.

Anonymous said...

በስመ አብ ወወልድ ወመንፈስ ቅዱስ አሀዱ አምላክ አሜን
እባካችሁ እናንተ እራሳችሁን ማህበረ ቅዱሳን እያላችሁ የምትጠሩ መናፍቃን ፀረ ወንጌል ፀረ አንድነት
ፀረ ሊቃዉንትና ፀረ ክርስቲያን ድርጅት የምታደርጉትን የሰይጣን ስራ እናዉቃለን ሰይጣን መላእክ
በነበረበት ጊዜ አስመስሎ በመናገሩና በትእቢቱ ወደ ምድር በመጣሉ ይኽዉ የሱ ቢጤዎችን እናንተን
ይዞ ቤተክርስቲያንን እንዲህ ይበጠብጣል መናፍቃንም ልክ እንደዚሁ ነዉ የሚያደርጉት ካለኛ ክርስቲያን
የለም ብለዉ ስለታበዩ ቅናት አድመኝነት ጠብ ክርክር ወዘተ--- ሁሉ የመሪያችሁ የዚያ የዲያቢሎስ ነዉ

የምታደርጉት ሁሉ አይሁዶችና ፈሪሳዊያን በጌታችንና በሐዋሪያት ላይ ሲያደርጉ የነበረዉን ነዉ
የበግ ለምድ የለበሳችሁ ተኩላዎች ናችሁ እኔ የሚገርመኝ የአምላካችን ትእግስት ነዉ
የኢትዮጵያን የዋሕ ክርስቲያን ምእመናን በቅዱሳንና በእመቤታችን ስም እየነገዳችሁ ስንቱን እዉነቱን
እንዳያዉቅ እየከፋፈላችሁና እያስመሰላችሁ የሃጢያት ደመወዝ በላችሁ በቤተ ክርስቲያን ስም እየነገዳችሁ
የትንቢት መፈፀሚያ መሆናችሁ ነዉ ሰማይና ምድር ያልፋሉ ቃሌ ግን አያልፍም የተባለዉ ይፈፀም
ዘንድ ግድ ነዉ

Anonymous said...

ሆድ ባሰኝ፦ ምነው ዝም አልከን ኃያሉ አንተ እያለክ

Anonymous said...

dejeselamoch may our Almighty God bless you and Mahiber Kidusan "Ewunet tiketnalech enji atebetesem Egiziyabeher sele hak Yekomuten hulu yerdalen bitsu Abune Gebrieln Fetari yabertalen yatsinalen tewahido emenetachene ke Atserare betekerstiyan Yatsedalen yetebekelen Amen!

Anonymous said...

የእኛ ቤተክርስቲያን የራሷ ስርአት አላት ካልተመቻቸው ትተዋት ለምን ነፃ ሆነው በቤተክርስቲያናችን ስም ሳይጠቀሙ ቤት ተከራይተው አይጨፍሩም ኦርቶዶክሳዊ ሰባኪ አይጮህም አይጨፍርም አለማወቁን በጩኸት በግርግር አይደብቅም የተማረ ኦርቶዶክሳዊ መምህር የቤተክርስቲያኗን የማያልቅ የወንጌል የእውቀት ፀጋ በሰከነ መንፈስ እያብራራ ያስተምራል ይዘምራል። ታዲያ ዘመነኞቹ ይሄ ስለሌላቸው ሚናገሩት ስለሚያልቅ ካልጮህን ካላንባረቅን። ሰው በማብዛት በኢትዮጵያ ታሪክ እኔ እንደሚመስለኝ ባህታዊ ገብረመስቀልን የሚያክል የለም ነገር ግን መጨረሻቸውን የትእንደደረሱ ሁሉም ያውቃል።ግርግር በኛ ቤተክርስቲያን ውስጥ ቦታ የለውም የተዋህዶ መንፈስ ይሄንን አይፈቅድም ፈፅሞ። ወይ ግቡ ወይ ውጡ ። የህዝብ ቁጣ ይሻላችሁዋል ይብቃችሁ የእግዚአብሔር ቁጣ እስኪነድ አትችኩ። አባታችን አቡነ ገብርኤል እግዚአብሔር ጥበቡን ትእግስቱን ይስጥዎት። ወገኖቻችን አዋሳውያን የመረጋጋት የመፅናናት የፍቅር አገልግት ዘመን ያድርግላችሁ። አዋሳ እንደቀድሞዋ በነመላከምህረትና በሌሎች ሊቃውንት ወንጌል አንድም እየተባለ የሚተረጎምባት፣ በነአባዜና ገጠር ቤተክርስቲያናት የሚረዱባት ነዳያን የሚደገፉባት ሌሎችም በጎ አድራጎቶች የሚሰጥባት የተቀደሰች የፍቅር መድረክ ያድርጋት፡ አሜን። የተዋህዶ ልጅ ነኝ ከአሜሪካ።

lewtayehu said...

ምነው ነካቸው ! እነ በጋሻው። ኧረ ስለ ድንግል ልጅ ስትሉ ይህንን ምእምን አታውኩት? እውነት ትክክለኛ የወንጌል አርበኛ ሆናችሁ ብትገኙ ኖሮሟ ሲደበድቧችሁ ልክ እንደ አባቶቻችን የሚያደርጉትን አያውቁምና ……… ባላችሁ ነበር። እናንተ ግን አንድ ጨካኝ የሚባል ግለሰብ የማይፈጽመውን ተግባር አስተምራ ልታስተምሩ በላከቻችሁ እናታችሁ ላይ እግራችሁን አነሳችሁ። እንደ ይሁዳ የበላችሁበትን ወጪት ሰበራችሁ። ደሟን እንደ አልቅሀት መጠጣችኋት። እግዚአብሔር የሥራችሁን ይስጣችሁ። ደግሞ እንዲህ የምእመናንን ሕይወት እንዳወካቸሁ ቢመሻሽም እግዚአብሔር የእጃችሁን ሳይሰታችሁ አይቀርምና መጨረሻችሁን ጠብቁት።

Anonymous said...

በስመ ስላሴ ፡፡
አይ ያሬድ አደመ ጊዜ የማይገልጠው እኮ የለም፡፡ማንም ቢሆን በዚች ቤ/ክ ኑፋቄውን ይዞ መዝለቅ አይችልም፡፡ የሲኦል ደጆች እንኳን አይችሏትም የሚለውን ቃል እንዳትዘነጉ፡፡

ቀሲስ ሰሎሞን አሁን የነያሬድ አደመን ማንነት ተረዳኸው?

በፊትም በየዋህነት አጉል ፍቅር እያልክ መሰለኝ ከስርህ ስታክተለትላቸው የከረምከው፡፡
ለማንኛውም እወቅበትና ከፍየሎቹ ተለይተህ እንደዱሮው ከበጎቹ ጋር ብትውል ፤ ብታገለግል መልካም ይመስለኛል፡፡

እግዚአብሔር ይርዳን፡፡ አሜን፡፡

Anonymous said...

our holy father Abune Gebriel let our almighty God be with you! Our Father you know how our church is in serious problem tha arise from both external and internal parties. so, don't dissturb by those aimless groups. please see the futurity of the church. we all, the son of the church and you, are aside of you. we will be with you through out our life. don't listen (don't give any attention)those aimless or anti-orthodox groups. they organized by cruels. our holy Father please be strong! please repeat our previous spritual fathers history! (sorry to say that).let oour Almighty God be with you and our church.
by tty

Tadi said...

Selam Le Dejeselamawian hulu Ene BUCHE BEDEMET AYEN ye betekristian heeg selaemayegezachew mengist yehnen awko learemachew yegebal mekeniatum enesu yemiamnut be hail newena Hawasawoch bertu Egeziabher kenante gar mehonun teredtachualena ebelete hailun yalbesacheu AMEN.
Tadi ke hagere america, charlotte

Anonymous said...

i think it is the right time to avoid these people who we have been thinking of our brothers(cause we thought also we are children of one mother)but actually not.

you we still stand on their side please prey for whether your belief is spiritual or "tifozo's".

but me? no more on begashaw's.... side. cause i got to know all these stuffs.

about mahibere kidusan, i gave time and try to investigate what they are doing, have been doing and plan to do in the future....i come to a conclusion that "this is the right ageligilot and with all our efforts we have to support them for better ageligilot"

May God be with us!!!

woldeyesus said...

ewunetm dejeselam!!!
yebegashaw telalkwoch (andand "senbet temari" nen bayoch) yemahberekidusan abalatn kedilla kidus mikael betekristian tselot endayadergu lemadreg firma eyasebasebu yigegnalu. abalatu kemekabre bet tekeliklew deji lay yearb tselot eyaderegu indeneber yitawekal. yeawasawn bitbit lemedgem eyemokeru new.

egiziabher betun yitebk!

ዳዲ said...

ሰማዕታት የዚችን ዓለም ጣዕም በዕውነት ናቁ ስለ እግዚአብሔር ደማቸውን አፈሰሱ ስለ መንግስተ ሰማያት መራራ ሞትን ታገሱ።
የሐሙስ ዉዳሴ ማሪያም

Asrate the dilla said...

Engedeh min enelalen amlake kidusan firduen yiste engi gen esk meche enezeh sewoch betekiristyan ena ye betekiristyanen lijoch eyasededu yinoralu, birr ena kiber filega degmom be kiteregnnet.
Dilla lalut Christanoch tselyulachew tesfa endaykortu endiberetu endaydenegetu.

endihnew said...

waw this is nice out come and good news 4 real orthodoxies

Get said...

I think the government is now doing good but I still fear the interferance of the patriarich that may distract the nice start as usual. If our church was able to follow the diciesions made by the Holly Synod without the patriarich's interferance we would do a lot of work that is usfull for the church and the country. So they inhiveted us from doing a lot and that is " yegir esat" for me. This generation has numerous asignments not yet done but the mafiya groups forced as to talk about them and forget our asignments. Please lets try to close this guys ajenda once and for all and start working. To do this work could be done at the top level (particularly on the patriyarch)by becoming close to the government and telling what he is realy doing (all the disterbances are b/c of the patriarich) so that either he will be corrected and be true leader ( less probable) or leave our mother church. I am sure If we are real chirstians and dont touch poletics the government will support us. Amilake Kidusan Yiridan Amen.

Anonymous said...

አይ አለምነህ ገና በልጅነትህ ጀምረህ እስካሁን ሰረክ ለምን አሁን አበቃህም

ledet Z awasa said...

Sew Sayehone Balebe'tu erasu endadergew hulum yereda! Seletaserutem entseleyalen leb yesetachew zened! Gene ene yaread Begashaw .... MENE bedelenachehu Satekeberu akebernachu, AWAQI satehonu TAWAQI aderegenachehu tadiya kezihe belay mene enaderge SELEMEN DEBEDEBACHEHUN? TEBASA Ayedenemeko!!
እግዚአብሔር የእጃችሁን ሳይሰታችሁ አይቀርምና መጨረሻችሁን ጠብቁት።

fkre said...

መቸም እውነት ስለሚያሸንፍ እንጅ እደአካሄዳቸው አደገኛነት በጣም ከባድ ነበር ለማንኛውም የአዋሳ ክርስቲያን ያደረገው ተጋድሎ በቀላል የሚነገር አይደለም ሁሌም እያበራ የሚኖር የሰማእታት ደም እንጅ ወገኖቸ አሁንም ማሰብ የለብን ቤተ ክርስቲያን በታሪክ አጋጣሚ እኛ እጅ ላይ ወድቃለች እስከመጨረሻው ልንረዳት ልንታገልላት ይገባል

በረከት said...

መቸም እውነት ስለሚያሸንፍ እንጅ እደአካሄዳቸው አደገኛነት በጣም ከባድ ነበር ለማንኛውም የአዋሳ ክርስቲያን ያደረገው ተጋድሎ በቀላል የሚነገር አይደለም ሁሌም እያበራ የሚኖር የሰማእታት ደም እንጅ ወገኖቸ አሁንም ማሰብ የለብን ቤተ ክርስቲያን በታሪክ አጋጣሚ እኛ እጅ ላይ ወድቃለች እስከመጨረሻው ልንረዳት ልንታገልላት ይገባል

meskerem said...

Christianoch ayizoachihu

Anonymous said...

እናንተ ሰዎች እባካችሁ ለእውነት ቁሙ፤ ለወንጌሉ ኑሩ። ስራችሁ ሁሉ ክስ፣ ክፋት፣ ተንኮል ሆነ ይህ ሁሉ በእግዚአብሔር ፊት ትጠየቁበታላችሁ። እውነቱን ቀባብታችሁ የወንጌል አገልጋዮችን አታሳጡ። እናንተ ደስ ያላችሁን ልትሉ ትችላላችሁ ሆኖም ግን ስንት ሊታዘባችሁ የሚችሉ ሰዎች እንዳሉ አስቡ። የምትዘግቡት ዘገባ እውነት እንዲመስል በትክክል የተከሰተን ክስተትን ወስዳችሁ የራሳችሁን ፈጠራ አክላችሁ ሰውን የማጨናበር ነው። መቼም እውነቱ ሳይገባችሁ ቀርቶ አይመስለኝም የያዛችሁ ክፉ ይዟችሁ እንጂ። ደጀ ሰላሞች ድእረ ገፃችሁን ተመልከቱ የቱ ጋር ነው የወንጌል ቃል የሚታይበት፣ የሚያስታርቅ ቃል የሚነበብበት፣ የሰላም ሽታ የሚሸትበት። ብትችሉ አሁን እየሰራችሁት ላለው ስራ «ደጀ ሰላም» የሚለው ቃል አይገባውምና በምትኩ «ደጀ ብጥብጥ» ብትሉት ትክክለኛውን ምግባሩን ይገልፃል። ካለዚያ ብዙ ነገር ነው የምታጠፉት።
ሰላም ለኢትይጵያ ቤ/ክ
ጌት ነኝ ከአዲስ አበባ

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)