November 4, 2010

ወ/ሮ እጅጋየሁ በየነ ወደ መንበረ ፓትርያርክ ጠቅላይ ቤተ ክህነት ቅጽር ግቢ እንዳይገቡ የተጣለባቸው እገዳ እየተከበረ አይደለም

ወ/ሮዋ በሐውልቱ ምረቃ ዕለት ንግግር ሲያደርጉ
  • ወይዘሮዋ ‹‹ሲኖዶሱ በእኛ ገንዘብ ምን አገባው?›› በሚል የምልአተ ጉባኤውን ውሳኔ አፈጻጸም በመቃወም ተግባራዊነቱን የሚያደናቅፍ ቡድን አደራጅተው ከፍተኛ እንቅስቃሴ እያደረጉ ነው፤
  • በቅዱስ ሲኖዶስ ምልአተ ጉባኤ ላይ ጠንካራ ትችት የሰነዘሩባቸውን ብፁዓን አባቶች እየደወሉ በመሳደብ እየዛቱባቸው ነው፤
  • ያሬድ አደመ ‹‹በደረቅ ቼክ ማጭበርበር››፣ በጋሻው ደሳለኝ ‹‹በስም ማጥፋት››  ወንጀሎች ተከሰዋል፤
(ደጀ ሰላም፤ ኖቬምበር 4/2010፤ ጥቅምት 25/2003 ዓ.ም)ጥቅምት 25 ቀን 2003 ዓ.ም፤ የመንበረ ፓትርያርክ ጠቅላይ ቤተ ክህነት የዋና ሥራ አስኪያጁ ጽ/ቤት የአቡነ ጳውሎስን ‹‹ሐውልተ ስምዕ›› በኻያ ቀናት ውስጥ ከቦታው በማንሣት እና በየአብያተ ክርስቲያኑ የተሰቀሉትን የፓትርያርኩን ቢልቦርዶች በመሰብሰብ በመንበረ ፓትርያርኩ ቤተ መጻሕፍት ወመዘክር ውስጥ እንዲያስቀምጥ ያስተላለፈው ውሳኔ አንድ ሳምንት ያህል ሆኖታል፡፡ ለውሳኔው አፈጻጸም የዋና ሥራ አስኪያጁ ብፁዕ አቡነ ፊልጶስ ጽ/ቤት በቁርጠኛነት እየተንቀሳቀሰ ስለመሆኑ ጠርጣሪዎች በርካታ ጥያቄዎችን እያነሡ ይገኛሉ፡፡ ጠርጣሪዎቹ ጥያቄ ለማንሣት የተገደዱት ሐውልቱን በማሠራት እና ቢልቦርዶቹን በመስቀል ግንባር ቀደም ሚና ያላቸው ወ/ሮ እጅጋየሁ በየነ በቤተ ክርስቲያኒቱ የመጨረሻው ሥልጣን ባለቤት የሆነውን የቅዱስ ሲኖዶስ ውሳኔ በመጻረር በተገኙት መድረኮች ሁሉ በራሳቸው እና ሌሎች ኀይሎችን በመጠቀም በሚያደርጉት ፀረ - ሲኖዶሳዊ ቅስቀሳ ነው፡፡

እንደ ውስጥ ዐዋቂ ምንጮች ገለጻ ወ/ሮ እጅጋየሁ በየነ ወደ መንበረ ፓትርያርኩ ጠቅላይ ቤተ ክህነቱ ቅጽር ግቢ እንዳይገቡ በቅዱስ ሲኖዶስ የተጣለባቸውን እገዳ በመተላለፍ ከትናንት በስቲያ ምሽት በብፁዕ ወቅዱስ ፓትርያርኩ ሕንጻ ውስጥ ፌሽታ ሲያደርጉ ቆይተዋል፡፡ እስከ ምሽቱ ሦስት ሰዓት ግድም ‹‹ወደ አባቴ ቤት እንዳልገባ የሚያግደኝ ማነው?›› በማለት ጦር አውርድ ሲሉ የቆዩት ወይዘሮዋ በምልአተ ጉባኤው ስብሰባ ወቅት ጠንካራ ትችት ወደሰነዘሩባቸው አራት ብፁዓን ሊቃነ ጳጳሳት ስልክ በመደወል፣ ‹‹እርስዎ ነዎት እኔን ‹እንዲህ እና እንዲያ› የሚሉኝ፤ ዶክመንታችሁ'ኮ በእጄ ነው፤. . .›› በማለት በአስነዋሪ ንግግር እንደዘለፏቸው እና እንደዛቱባቸው ተነግሯል፡፡ ወይዘሮዋ በጠቅላይ ቤተ ክህነቱ ውስጥ በሕግ እና በይፋ የታወቀ ሐላፊነት የሌላቸው ተራ ግለሰብ ከመሆናቸው ጋራ በተያያዘ እርሳቸውን በተመለከተ ቅዱስ ሲኖዶሱ ያስተላለፈውን እገዳ ጠቅላይ ሥራ አስኪያጁ ብፁዕ አቡነ ፊልጶስ ባቀረቡት ሐሳብ መሠረት ለመንበረ ፓትርያርኩ የጥበቃ ሐላፊ በመንገር ተፈጻሚ እንዲሆን ነበር ስምምነት የተደረሰበት፡፡ ይሁንና የወይዘሮዋ ለዚያውም በምሽት ሰዓት እዚያ መገኘት ለስምምነቱ መተግበር ብፁዕ ሥራ አስኪያጁ የቅዱስ ሲኖዶሱ ጽ/ቤት እና የቋሚ ሲኖዶሱ ክትትል ምናልባትም የመንግሥት የጸጥታ ኀይሎች እገዛ ሳያስፈልጋቸው የሚቀር አይመስልም፡፡

በሌላ በኩል ‹‹የአቡነ ጳውሎስ ሐውልት ተነሥቶ እና ቢልቦርዳቸው ተሰብስቦ በመንበረ ፓትርያርክ ቤተ መጻሕፍት ወመዘክር እንዲቀመጥ›› የሚል ውሳኔ የሰፈረበት ቃለ ጉባኤ በጠቅላይ ቤተ ክህነቱ መዝገብ ቤት በኩል ውሳኔውን ለሚያስፈጽመው የጠቅላይ ሥራ አስኪያጁ ቢሮ እስከ አሁን ባልደረሰበት ሁኔታ ወይዘሮ እጅጋየሁ የሲኖዶሱን ውሳኔ የሚቃወም ግርግር በመፍጠር ተግባራዊነቱን እግዳት (deadlock) ውስጥ የሚያስገባ፣ በሂደትም ‹‹ውሳኔውን የሚደግፉ እንዳሉ ሁሉ የሚቃወሙም አሉ›› የሚል ብዥታን በመንግሥትም ዘንድ ሳይቀር ፈጥሮ አፈጻጸሙን አጣብቂኝ ውስጥ በመክተት የሚያስተጓጉል ቡድን አደራጅተው በመንቀሳቀስ ላይ መሆናቸው ተመልክቷል፡፡ ውዥንብሩን በመፍጠር እየተንቀሳቀሱ መሆናቸው የተነገረው ቀሲስ ሳሙኤል እሸቱ፣ መምህር ሰሎሞን በቀለ፣ በጋሻው ደሳለኝ፣ ያሬድ አደመ እና ሊቀ ካህናት ጌታቸው ዶኒ ናቸው፡፡ ከእነዚህ ግለሰቦች በተጨማሪ አንዳንድ የአዲስ አበባ አድባራት እና ገዳማት አስተዳዳሪዎችን ለማነሣሣት ጥረት እየተደረገ እንደሆነም ተገልጧል፡፡

“ሲኖዶሱ በእኛ ገንዘብ ምን አገባው” በሚል አፍቃሬ ሐውልት ዐመፅ ለመቀስቀስ የሚጥሩት ሴትዮዋ ለአቋማቸው ያግዘኛል ያሉትን ማንኛውንም መድረክ እየተጠቀሙ ነው፡፡ ጥቅምት 23 ቀን 2003 ዓ.ም የሐዋሳ እና ዲላ ከተሞች የፍትሕ እና ልማት ኮሚቴ አባላትን እንዲሁም ማኅበረ ቅዱሳንን “በሥልጣን ጥማት፣ በጥቅም አጋባሽነት እና በፀረ ሰላምነት” በመወንጀል፣ አቡነ ፋኑኤልን እና ሥራ አስኪያጃቸውን “የልማት እና የወንጌል አባት” እያሉ በማመሰጋገን ወደ ጠቅላይ ቤተ ክህነት ለተቃውሞ የመጡት ኀይሎች ከብፁዕ ወቅዱስ ፓትርያርኩ እና ብፁዓን አባቶች ጋራ በተወያዩበት መድረክ ላይ ሐውልቱ እንዲነሣ ቅዱስ ሲኖዶስ ያስተላለፈውን ውሳኔ የሚቃወሙ አስተያየት ሰጪዎች እንዲናገሩ አድርገዋል፡፡ ተቃዋሚዎቹ ከመጡባቸው ዘጠኝ ተሽከርካሪዎች መካከል የአምስቱን መኪኖች ወጪ ስፖንሰር ማድረጋቸው የተነገረላቸው ወ/ሮ እጅጋየሁ፣ ያሬድ አደመ እና በጋሻው ደሳለኝ ቅዱስ ሲኖዶስ አቡነ ፋኑኤልን ያዘዋወረው “በአዋሳ አካባቢ ያሉ መናፍቃን እና የጳጳሱ መኖር ጥቅማቸውን ያሳጣባቸው አንዳንድ ባለሀብት ፀረ ቤተ ክርስቲያኖች በፈጠሩት ጫና፣ ግፊት እና ውዥንብር በመወናበድ በመሆኑ እንዲጣራላቸው” በሚል ተቃዋሚዎቹ ሰጡት የተባለውን አስተያየት እንደሚጋሩ ነው የሚታመነው፡፡

ያሬድ አደመ ስለ "ሐውልቱ" ላደረገው "አስተዋጽዖ" ሲሸለም
በተያያዘ ዜና ያሬድ አደመ በሙስና ባጋበሰው ገንዘብ በሐዋሳ ከተማ በከፈተው “የቅዱስ አትናቴዎስ ዐጸደ ሕፃናት” ልጆቻቸውን የሚያስተምሩ ምእመናን “ልጆቻችን ከሌባ ምን ይማራሉ” በሚል እየሰበሰቡ ሲሆን በተመሳሳይ አኳኋን በከፈተው ዳቦ ቤት ለዕቃ ግዥ ለተስማማቸው አካላት ተቀማጭ ገንዘብ በአካውንቱ የሌለበትን ደረቅ ቼክ በመስጠቱ በማጭበርበር ወንጀል ክስ እንደተመሠረተበት ለማወቅ ተችሏል፡፡ የዓላማ ተጋሪው በጋሻው ደሳለኝ ደግሞ በዐውደ ምሕረት ላይ እንዳይቆም በጠቅላይ ቤተ ክህነት ሥራ አስኪያጅ፣ በስብከተ ወንጌል እና ሐዋርያዊ ተልእኮ መምሪያ የበላይ ሐላፊ ደብዳቤዎች በየደረጃው ከታገደ በኋላ ሚያዚያ 19 ቀን 2002 ዓ.ም በድሬዳዋ ሳባ ደብረ ኀይል ቅዱስ ገብርኤል ቤተ ክርስቲያን ‹‹ንጉሥ በዙፋኑ አለ›› በሚል ርእስ ባሰማው ንግግር ‹‹ብዙ ጋዜጦች ቢጽፉበትም፣ ብዙ ቪሲዲ ቢበተንም ዛሬም በመድረኩ ቆመናል፤ አንድ ማኅበር አለ - ማኅበረ ቅዱሳን የሚባል - ደም መጣጭ ማኅበር፤ የወንድሞችን ደም አፍስሶ ደማቸውን ለመጠጣት በጣሳ የሚቀበል፤ ብዙ አባቶችን ያሳደዱ፣ በጋዜጣቸው ያዋረዱ፤ መንግሥት አዲስ ሕግ አውጥቶ በፖሊቲካ ሲይዛቸው ሃይማኖተኞች ነን የሚሉ፣ በሃይማኖት ሲይዛቸው ደግሞ በፖሊቲካ የሚሄዱ. . . ሌቦች፣ ዘራፊዎች. . .” በሚል በአደባባይ በፈጸመው የስም ማጥፋት ወንጀል ፈጽሞ ነበር፡፡
በጋሻው ስለ "ሐውልቱ" ላደረገው "አስተዋጽዖ" ሲሸለም
ግለሰቡ ራሱ ሕገ ወጥ ሆኖ በፈጸመው የከተማውን ሰላም በሚያደፈርስ ተግባሩ ሳቢያ በማኅበረ ቅዱሳን የድሬዳዋ ማእከል ሚያዝያ 20 ቀን 2002 ዓ.ም ክስ ተመሥርቶበት ነበር፡፡ ይሁንና የድሬዳዋ አስተዳደር ካውንስል የመጀመሪያ ደረጃ ፍርድ ቤት በጋሻው ከዚህ በፊት በተሰጠው ጊዜ ቀጠሮ ባለመቅረቡ ነገ ጥቅምት 26 ቀን 2003 ዓ.ም ጠዋት በፖሊስ ታስሮ እንዲቀርብ በሰጠው ትእዛዝ መሠረት ጉዳዩ እንደሚታይ ይጠበቃል፡፡

57 comments:

Anonymous said...

ማቆች፥ አሁንማ ጨርቃችሁን ጥላችሁ ሳታብዱ አትቀሩም። በቃ ያሰባችሁት ነገር ሁሉ ሽባ እየሆነባችሁ ነው። በጋሻው ያለውን ስም ማጥፋት አላችሁት? እንዲያውም በጣም ልዝብ አባባል ነው። ማህበሩ ሰወ በላ እንደሆነ እኮ ካወቅን ቆየን። በመንፈስ ሳይሆን በስጋ የሚራመድ፥ ስለመንፈስ ሳይሆን ስለ ስጋ የሚያስብ፥ ከፍቅር ይልቅ ጥላቻ የሚቀናው። በክርስትና ስም የሰይጣን ፊትአውራሪ የሆነ። ይህች ምስኪን ቤተ ክርስቲያን የተሸከመችው ሬሳ ይህ ማህበር ነው። ከእለት ወደ እለት እየበሰበሰና ጠረኑ እየከፋ መጥቶ ቤተ ክርስቲያንን ሊገድላት ነው። ስንቱን ህይወቱ ከሆነችው ቅድስት ቤተ ክርስቲያን ደብድበው አባረሩ። ወንጌልን እንሰብካለን ብለው የወንጌልን ዳብዛ አጠፉት። ግን አለማወቃቸውን ደግሞ አያውቁትም። ምን አይነት መረገም ይሆን?

Mimi said...

Begashaw ... antem ende alamah tegari Tsigie Sitotaw Kaliti werideh yeminayibet gize eruk ayihonim ... Afu endametalet yetekededew Tsigie Sitotaw min endegetemew kegna yilik ante tawukewaleh ... Yezerahewun endemitachid tesfa aderigalehu

awudemihiret said...

አይጥ ለሞትዋ ስትሻ ሩጫ
ታሸታለሽ የድመት አፍንጫ

እግዚአብሄርን የሚቀድመው ከቶ የለም።አላርፍ ብለዋልና ዋጋቸውን ይቀበላሉ።

Zemikael said...

ይህቺን ሴትዮ ምን እንደጣለባቸው ። ትንንሾቹን እጅጋየሁዎች በየቦታው እየበቀሉ ነው። አባቶቻችን አጠገቦቻቸው ያሉትን ሴቶች መገሰጽ እና ወሬያቸውን መስማት ማቆም ካልቻሉ በጥቂት ጊዜ ውስጥ ብዙዙዙዙዙዙ እጅጋየሁዎች ይኖሩናል። በየሀገረ ስብከቱ ያላችሁ አባቶች እባካችሁ ከማይረባ የአሮጊቶች ወግ ራቁ ። የመንደር ወሬኞች አሉባልታ ሚዛናዊ አስተሳሰብ እንዳይኖራችሁ እያረጋችሁ እይያየን ነው ። እራሳችሁን ጠብቁ እባካችሁ።

zerea said...

መቼም ፖስት አታደርጉትም የሰጠሁትን አስተያየት።ለማንኛውም ዋናው ቢሮ እየላካችሁ እነ ዳንኤል ሳንሱር ቢያደርጉት ጥሩ ነበር።ለሰው የምታስቡት እስራት ነገ ለእናንተ ይሆናል።ዳኛው ፖሊሱ የማህበራችሁ ገባሪ ምን ታደርጉ ክሰሱ እንጂ።ብቻ ግዜ ጥሩ ነው ሁሉን ያሳየናል።

Orthodoxawi said...

አሁን ጽዋው የሞላ ይመስላል::
ኤሊ (አባ): አፍኒን እና ፊንሐስ (በዙሪያቸው ያላችሁ ሁሉ) ወዮላችሁ!!! ወዮታ አለባችሁ!!!

The De... said...

ማኅበረ ቅዱሳንን በእጅጋየሁ ምክንያት የሚቃወም አንድም መናፍቅ ነው አልያም የጥቅም ተጋሪ ሆዳም ነው።
እነበጋሻውም ቢሆኑ ይህችን ቤተክርስቲያን እንደመናፍቃኑ ወንጌል አታስተምርም እያሉ ከቤተክርስቲያኗ ባህልና አስተምህሮ ውጪ የሚቀባጥሩ ገንዘብ አሳዳጆች የመናፍቃን የውስጥ አርበኞች ናቸው።የእነዚህን ድብቅ ሴራ ማጋለጡ ማኅበሩን ያስመሰግነዋል።

Anonymous said...

ወ/ሮ እጅጋዬሁ የሚትባለውን ሴትዮ ስም ያወኩት በድንገት ነበር። እዚሁ አሜሪካ ደብራችን የተፈጠረው ችግር እንዲፈታ በጠየቅንበት ወቅት ፓትሪያሪኩ ሀገረ ስብከቱን ረግጠው፤ ሊቀ ጳጳሱን ና ስራስፈጻሚ ኮሚቴውን ዘለው፤ ጣልቃ ገብተው ብይን ሰጡ። አቤት ማለት ስንጀምር፤ የወ/ሮዋ ሥም ከጆሮአችን ገባ። ሌላው ወገን እርሷን ስለያዘ አትድከሙ ተባልን። ገንዘብ ና ትግርኛ ተናጋሪ ያስፈልጋል ተባለ። ዱብ ዕዳ ሆነብን። ለአበው አባቶችና ለስኖዶስ ክብር የነበርን ሰዎች፤ ገረመን። ፓትሪያርኩን ለማማከር ትልቅ ልፋት ተደረገ። መልሳቸው፤ ከፈለጋችሁ ከቤ/ክርስቲያ ጥፉ ነበር። መእመናን ተበተንን።፡የቤተ ክርስቲያንቱን ስልጣን ተዋረድ፤ መንፈሳዊ አካሄዷን አዋረዱ። እውነት ነው፤ በየሃገሩ ወ/ሮ እጅጋዬሁ ተፈጥራለች። እርሱ ፈጣሪ ይርዳን። ከርሳቸው ተስፋ የለንም።

Anonymous said...

hi all,

I can not understand your opposition against w/ro ejigayehu. The saying used to be like this unless it is changed. Behind every successful there is a strong woman. Hence, you should go along with that wisdom.

Anonymous said...

እንኳንም የ እጅጋየሁ ልጅ ያልሆንኩ። እንዴት ያፍሩ እናታችው

Dilu said...

ማን ነው የቤተክርስቲያኒቱን የቀኖናና የዶግማ ህግጋቶች የሚያስተብቀው? ሲኖዶሱ ነው ወይስ ወ/ሮ ኣጂግዓየሁ? ኣሰቲ ይች ጥንትታዊት፡ ወንጌላዊት፡ ኦርቶዶክሳዊት ተዋሕዶ ቤተክርስቲያን በማን እየተመራች እንደሆነ የምናውቅበት ጊዜው አሁን ነው። ስለዚህ በውጭም በውስጥም ኣገር ያለን ልጆቹዋ ነቅተን እንጠባበቅ። ንቁም በበህላዌነ እስከነአምር መኑ ውእቱ መራይሃ ለዛቲ ቤተክርስቲያን።

Anonymous said...

Dear Mahber Kidusan(DireDawa),

I was expecting you guys to pray for any one against your organization, It falls my expectation that you are going to court to accuse Begashaw or ...

It is disappointing to hear that you are at court for allegation!.

Please donot do that again.
Prayer should be your tool than any thing else.

KK
USA

Anonymous said...

The first Anonymous is absolutly right. Mahbere ferisawiyan is like a vanpaire and ayhudawian, or Ye-Aden Genet Ebabe.

Dn. Begashaw is a true christian, so, God will help him with any Fetena. Ayhudoch was doing the same thing to the previous Christians and Desiples. There is nothing new for the true christians, it is writen in the Bible and Gedil.

" Abetu yemiyaderguten ayawkumena yiker Belachew" is the only prayer for mk. After they see what they did to our church, they will hang them self like Juda. From the first mistake, the second mistake is the worst.


"Segana Dem yemigeluten atfru ylekunem nefsen yemigeluten enji"

If they post this comment, and any one read it, please explain to me how to write comment in Amharic for this blog. So I can comminicate very well in my mother tang.

Tank you.

ተክለ እስጢፋኖስ said...

የመጀመርያው ኣስተያየት ሰጪ ኣናንመንመስ፤ ለምን እንደዚህ ተንጨረጨርክ/ሽ? ለቤተ-ክርስቲያን ኣገልግሎት ጧትና ማታ ደከመኝ ሰለቸኝ ሳይል የኣባላቱን ጉልበት፣እዉቀት፣ አና ገንዘብ ኣውጥቶ በሰራ ለምን አንደ ወንጀለኛ ትከሱታላችሁ። የማንንስ ደም ሲያፈስ ኣያችሁት ይህንስ ወንጀል ሲፈጽም ካያችሁት ለምን ድርጊቱን የፈፀሙትን ኣባላቶች በህግ ከሳችሁ ለፍርድ ኣትፋረዷቸውም?። ይህን ማድረግ ካልቻላችሁ ግን ደም መጣጮቹ አናንተ ናችሁ።የመናፍቅ ቅጥረኞች የነጭ ግብረ ሰዶማውያን ኢቫንጀሊካን መልእክተኞች። የክፉ መንፈስ ፈረሶች ። የዚህች የተቀደሰች እምነት ኣካል አንዳልሆንክ/ሽ ነቢይ መሆን ኣያስፈልግም ታድያ ለምን አንዲህ የንዴት ኣረፋ ደፍክ/ሽ ።በእውነተኛው ኣምላክ ደም ላይ የታነፀችእምነት ነችና ስይጣንና እናንተ ፈረሶቹ ስሟ በተነሳበት ቦታ ሁሉ ትርዳላችሁ ኣለመታደል። ማህበረ ቅዱሳን ደብደበው ያበረሩት ሰው የለም ለንዳንተ ላለው ቅጥረኛ ግን ኣይተኛም። ማህበረ ቅዱሳን ለቤተ-ክርስቲያን ኅልውና ካለመታከት ይሰራል ይህ ደግሞ ህያውነት እንጂ ምውትነት ኣይደለም። ሳታውቁት ቀስ በቀስ አየሞታችሁ ያላችሁት ኣንተና መሰሎችህ ናችው። የዝግታ ሞታችሁ ግን ካወቃችሁበት ለንስሃ ነው።

Anonymous said...

+++

"the 1st anonymous" you did't know the MK b/se you and your life is menafik. The enemy of MK is the enemy of EOTC.

I wish you to be God bless you.

Anonymous said...

ማህበረ ቅዱሳንን የሚቃወም ካለ እባካችሁ አንባቢያን በመንፈሳዊ ዐይን መርምሯቸዉ፡፡
ቸር ወሬ ያሰማን አሜን!

Anonymous said...

ማህበረ ቅዱሳንን የሚቃወም ካለ እባካችሁ አንባቢያን በመፍፈሳዊ ዐይን መርምሯቸዉ፡፡
ቸር ወሬ ያሰማን አሜን!

alehu said...

ድሮ ሥራ ፍለጋ ቤተ ክህነት እመላለስ ነበር ከኮሌጅ ተመርቄ በተመደብሁበት ሀግረ ስብከት ጳጳሱ በጀት የለም ብለው ስለ አሰናበቱኝ አዲስ አበባ ጠቅላይ ቤ/ክነት ደጅ ለመጽናት ስሄድ በዘበኛ እባረር ነበር። ጳጳሳቱን አግኝቶ ለማናገር እጅግ ከባድ ነበር።አንድ ሰው ሲመክረኝ ለምን የሴት ወይዘሮ ይዘህ አትገባም ጉዳይህ በቀላሉ ያልቃል አለኝ እኔ ግን የማውቃት የሴት ወይዘሮ ስላልነበረችኝ ተጨንቄ ነበር። አንድ ቀን ቤተ ክህነቱ በር ላይ አንዲት ዘፋኝ አገኘሁና እባክሽ አንዱ ጳጳስ ጋ ይዘሽኝ ግቢ ስላት ዛሬ አልችልም ብላኝ በዘያው ጠፍታ ቀረች በዚያን እለት ግን አንዱ ጳጳስ ጋ ገብታ መውጣቷ ነበር። የሴት ወይዘሮዎች ወደ ቤተ ክህነት ለመግባት አይቸገሩም ነበር እንኳንስ ሊከለከሉ አይፈተሹም ነበር አብዛኛዎቹ ሴቶች የሚገቡት ወደ ጳጳሳቱ ግቢ ነበር። የቤተ ክርስቲያን ልጆች ግን ወደ ጳጳሳቱ ግቢ ለመግባት መሞከር ታላቅ ፈተና ነበር። ዛሬ ደግሞ ነገር ተገለበጠ እና የሴት ወይዘሮ እንዳይገባብን ተብሎ ተወሰነ ተባለ።
ይገርማል ሰው የዘራውን ሲያጭድ በዘመኔ አየሁ አባቶቼ በሉ እስኪ የዘራችሁትን እጨዱ!!!!!!!!!!!! ከእሾህ የተጠጋ ቁልቋል ሲያለቅስ ይኖራል እንደተባለው በሉ እናንተም እንደኛ ትንሽ አልቅሱ በሰፈራችሁት ቁና ይሰፈርላችኋል ማለት ይህ ነው።

Anonymous said...

እንደ ያኔው
በስመ አብ ወወልድ ወመንፈስ ቅዱስ አሐዱ አምላክ አሜን::
አንዳች በሌለው አውላላ
ድንጊያው ወንበር ሆኖልህ
ድባብ ሆኖህ የዛፍ ጥላ
እጅህ መሰረት አኑራ
ቃልህ ሕይወትን ተክላ
ያኔ የወለድከው ልጅህ
የበኩርህ
እህል ሳይሆን ፍቅር መግበህ
የሕይወትን ቃል ወተት አጥግበህ
ያሳደከው ልጅህ ያ እንኳን የበኩርህ
እግር አውጥቶ ሲቆም ዛሬ ከዳዴ አልፎ
ለብዙዎች ሲደርስ በረከቱ በዝቶ
ሞልቶ ተትረፍርፎ
ዘረ ቡሩክ ተብሎ ስምህን ሲያስጠራ
እንዴት ደስ አይልህ እንዴትስ አትኮራ
አባ ዝም አትበል በላ ተናገራ፡፡
ልጅህ ለወግ ደርሶ ዛሬ
ጎጆ ሲያቆም ቤት ሲሰራ
ምሰሶ ከማገር መርጦ
ሕንፃ ሲያቆም ሊሰማራ
እንደ ያኔው እንደ ጥንቱ
ምክርህን ሽቶ ሲጣራ
አባ እባክህ ዝም አትበል
ጎርጎርዮስ ተናገራ
በርታ በለው በኩርህን
ማህበረ ቅዱሳንን፡፡
ወስብሐት ለእግዚአብሐር
ሐምሌ 1995

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!
ውድ ደጀ ሰላሞች ከግለሰቦች አመለካከቶችና ከአንዳንድ አልባሌ አስተያየቶች በስተቀር ስለ ቅድስት ቤተ- ክርስቲያናችን የምታስተላልፏቸው መልእክቶችና መረጃዎች እጅጉን አስደሳች መሆናቸውን መደባበቅ አያስፈልግም፡፡ ከዚህም የተነሳ አንዳንድ ስለ ሐይማኖቴ ስሜቴን በሚኮሮኮሩኝ ጉዳዮች ላይ አስተያየቴን መስጠት ከጀመርኩና የናንተ ቋሚ ተከታታይ ከሆንኩ ሰንበት ብያለሁ፡፡

በዛሬ እለት ግን አስተያየት ሳይሆን አንድ ጥያቄ ስጠይቃችሁ እንደምትመልሱልኝ በመተማመን ነው፡፡
እንደሚታወቀው ለቤተ- ክርስቲያናችን ግርማና ሞገስ ከሆኗት ነገሮች አንዱ መዝሙራችን ነው፡፡ ሆኖም ያ በባህላዊ መሣሪያ ብቻ የሚታጀበው ውብ መዝሙራችን አሁን ምን ደረጃ ላይ ነው ያለው የሚለውን ማየት በጣም እስፈላጊ ይመስለኛል፡፡ ለሕዝብ ጆሮ በቀጥታ አይድረሱ እንጂ አንዳንድ ግለሰቦች በፒያኖና በኦርጋን በማጀብ ለዛውን ለማሳጣት ሙከራ ሲያደርጉ ይስተዋላል፡፡ ለዚህም ጉዳይ ዋና ተዋናይ በእደማርያም እጅጉ ረታ ናቸው፡፡ ለመሆኑ በእደማርያም እጅጉ ረታ ማናቸው? የቅዱስ ሲኖዶስ ውሳኔስ ስለመዝሙር ምን ይላል?

ቸሩ አምላካችን ፀጋውን ያድለን፡፡ አሜን!!
መርከቤ ንጉሴ/ከአዲስ አበባ/

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!
ውድ ደጀ ሰላሞች ከግለሰቦች አመለካከቶችና ከአንዳንድ አልባሌ አስተያየቶች በስተቀር ስለ ቅድስት ቤተ- ክርስቲያናችን የምታስተላልፏቸው መልእክቶችና መረጃዎች እጅጉን አስደሳች መሆናቸውን መደባበቅ አያስፈልግም፡፡ ከዚህም የተነሳ አንዳንድ ስለ ሐይማኖቴ ስሜቴን በሚኮሮኮሩኝ ጉዳዮች ላይ አስተያየቴን መስጠት ከጀመርኩና የናንተ ቋሚ ተከታታይ ከሆንኩ ሰንበት ብያለሁ፡፡

በዛሬ እለት ግን አስተያየት ሳይሆን አንድ ጥያቄ ስጠይቃችሁ እንደምትመልሱልኝ በመተማመን ነው፡፡
እንደሚታወቀው ለቤተ- ክርስቲያናችን ግርማና ሞገስ ከሆኗት ነገሮች አንዱ መዝሙራችን ነው፡፡ ሆኖም ያ በባህላዊ መሣሪያ ብቻ የሚታጀበው ውብ መዝሙራችን አሁን ምን ደረጃ ላይ ነው ያለው የሚለውን ማየት በጣም እስፈላጊ ይመስለኛል፡፡ ለሕዝብ ጆሮ በቀጥታ አይድረሱ እንጂ አንዳንድ ግለሰቦች በፒያኖና በኦርጋን በማጀብ ለዛውን ለማሳጣት ሙከራ ሲያደርጉ ይስተዋላል፡፡ ለዚህም ጉዳይ ዋና ተዋናይ በእደማርያም እጅጉ ረታ ናቸው፡፡ ለመሆኑ በእደማርያም እጅጉ ረታ ማናቸው? የቅዱስ ሲኖዶስ ውሳኔስ ስለመዝሙር ምን ይላል?

ቸሩ አምላካችን ፀጋውን ያድለን፡፡ አሜን!!
መርከቤ ንጉሴ/ከአዲስ አበባ/

Anonymous said...

ማህበረ ቅዱሳን ማለት የሚወራ ስራ ሳይሆን በአይን የሚታይ በእጅ የሚዳሰስ/የሚጨበጥ ሥራ የሚሠራ የተዋህዶ ቁርጠኛ ልጅ ነው። ማንም ቅጥረኛ ተነስቶ ማህበሩን መዝለፍ አማኞችን መሳደብ ነው። ካለማወቃችሁ መዘላበዳችሁ በጣም እያስቆጣን ስለሆነ የዘመኑ ኤልዛቤሎች እባካችሁ አፋችሁን ዝጉ። ማየት ማመን ስለሆነ ማህበረ ቅዱሳን ማነው ለሚለው ምላሽ እሩቅ መሄድ አያስፈልግም አጠገባችሁ ምን እንደሚሰራ ብዙ የምቷያቸው ነገሮች ይመሰክራሉ። ለመሆኑ ክርስትና ማለት ምን ማለት ነው? እባካችሁ እነ በጋሻውና መሰሎቻቸው ከ ቅድስት መሪና ታሪክ ተማሩ! እግዚአብሔር አምላክ ለሁላችንም አስተዋይ ልቦና ይስጠን። አሜን!!!
የእመቤታችን፣የመላዕክት፣የሰማዕይታት፣የቅዱሳን፣የፃድቃን አማላጅነታቸውና ጥበቃቸው አይለይን፡አሜን!!!

Anonymous said...

ስምዐ ጽድቅ፡- አንዳንዶች የሚሰነዝሩት ነቀፋ በስጦታ የተገኘን ዕቃ አግባብ እንዳልሆነ መግለጽ ብቻ አይደለም፡፡ የማኅበሩ አግልግሉትንና የግል ስብእናን የሚጎዳና መንፈሳዊ ሕይወት ላይም ተጽእኖ የሚያሳድር አይሆንምን?

ቀሲስ ዶ/ር ሙሉጌታ ስዩም፡- ባለቤቱን ቡኤልዜቡል ካሉት አገልጋዮቹንማ ምን ይሏቸዋል? ተብሏል ልናስቀራው የምንችለው አይደለም፡፡ በአገልግሎት ላይ እስካለን ድረስ አንዳንድ ነቀፌታ የሚኖር ነው፡፡ የማኅበሩ ጠባይ ሆኖ የብዙ ሙያ ባለቤቶች ማኅበር ነው፡፡ ማኅበረ ቅዱሳን ማናችንም በየቢሮአችን እንደ መቀመጫችን ቦታ የሚሰጠን ልንሆን እንችላለን፡፡

ይህን እንደሌለን ቆጥረን በአንድነት ልናገለግል ከመጣን ስድቡን እንደ ምርቃት፣ መገፋትንና መነከስን እንደ መሳም ለመቁጠር ያስገድደናል፡፡ የማኅበረ ቅዱሳን አባላት በዚህ ሞራላቸው የሚነካ አይደሉም፡፡ አገልግሎት ኑሮ ሲሆንና እውቀት ሲሆን የሚያመጣው ለውጥ አለ፡፡

እንዲህ ለማሰብ የምንገደድባቸው ሌላ ምክንያቶችም አሉ፡፡ እንዲህ የሚያደርጉ ሰዎች እነማን ናቸው? የሃይማኖት ቤተሰቦቻችን ናቸው? አይደሉም፡፡ ሊያንጹንና ሊያስተምሩን ወደው ነው? አይደለም፡፡ ቅንዐተ ቤተክርስቲያን አነሳስቷቸው ነው? በፍጹም አይደለም፡፡ በአንድም ሆነ በሌላ መንገድ የኑፋቄ ተግባራቸውን የደረስንባቸው፣ ያጋለጥናቸውና በቅዱስ ሲኖዶስ ውሳኔ ያሰጠንባቸው ናቸው፡፡ እነዚህ ሰዎች በግልጽ ኢየሱስ ክርስቶስ አማላጅ ነው ብለው የሚያስተምሩ፤ በቅርቡ እንኳን «ትሪኒቲ» በተባለው የፕሮቴስታንት መጽሔት ላይ ከኦርቶዶክሳዊት ተዋሕዶ ቤተክርስቲያን የወጡበትን ምክንያት «ኢየሱስ ክርስቶስ አማላጅ» መሆኑን በማስተማራቸው በማኅበረ ቅዱሳን አማካይነት መውጣታቸውን በራሳቸው አንደበት ያለምንም ማፈርና መሸማቀቅ የገለጹ ሰዎች ናቸው፡፡ አሁንም በዚህ ክሕደት ውስጥ ሆነው ራሳቸውን እንደ ኦርቶዶክስ ተዋሕዶ እምነት ተከታይ የሚቆጥሩ የተሐድሶ መናፍቃን ቀንደኛ አራማጆች ናቸው፡፡ ከዚህ አንጻር እነዚህ ሰዎች ማኅበረ ቅዱሳንን እንዲህ ቢሉት ምን ይደንቃል፡፡ እንደውም የሚገርመው ባይሉት ነበር፡፡ ሌሎችም ቢሆኑ ተግባራቸውን የሚያውቁ ይደረስብን ይሆን በማለት የሚሰጉ እና ፍጹም በክህደት ተሞልተው ኑፋቄአቸውን ለመዝራት ሲንቀሳቀሱ መንገድ የዘጋንባቸው ናቸው፡፡ እነዚህን እንኳን የማኅበሩ አባላት ይቅሩና ምእመናን ጠንቅቀው ያውቋቸዋል፡፡

በቅዱስ አምላካችንና በቅዱሳን ወዳጆቹ ላይ የጽርፈት /የስድብ/ መጽሐፍ የሚጽፉ፣ በክህነት የከበሩ አበውንና መምህራንን የሚያንጓጥጡ /የተሐድሶ መናፍቃን/ ሊሰድቡን እንጂ ሊመርቁን እንዴት ይችላሉ? እስቲ የአባ አጋቶንን ጸጋ ያድለን፡፡

የሰውን ክፋት የሃይማኖት ጉድለት ልንታገል አቅም ቢኖረን እንኳ ምላሽ መስጠት መምከርና ማቆም ቢቻለን ጥንተ ጠላታችን «እንደሚያገሳ አንበሣ» ዘወትር በዙሪያችን እንዳለ ልንዘነጋ አይገባም፡፡ ማኅበረ ቅዱሳን እግዚአብሔር በመረጣቸው፣ ባከበራቸውና በወደዳቸው ቅዱሳን ስም ተሰይሞ ማገልገሉ በበረከታቸው፣ በረድኤታቸው በምልጃና ጸሎታቸው እየታገዝን እንደታመኑ ታምነን፣ እንደ ጸኑ ጸንተን፣ እንደ ታገሉ ታግለን፣ አሰረፍኖታቸውን ተከትለን ለነፍሳችን ረፍት የምናገኝበትን ርስት ለመውረስ ነውና የበቃን ያድርገን፡

Anonymous said...

ማህበረ ቅዱሳን ማለት የሚወራ ስራ ሳይሆን በአይን የሚታይ በእጅ የሚዳሰስ/የሚጨበጥ ሥራ የሚሠራ የተዋህዶ ቁርጠኛ ልጅ ነው። ማንም ቅጥረኛ ተነስቶ ማህበሩን መዝለፍ አማኞችን መሳደብ ነው። ካለማወቃችሁ መዘላበዳችሁ በጣም እያስቆጣን ስለሆነ የዘመኑ ኤልዛቤሎች እባካችሁ አፋችሁን ዝጉ። ማየት ማመን ስለሆነ ማህበረ ቅዱሳን ማነው ለሚለው ምላሽ እሩቅ መሄድ አያስፈልግም አጠገባችሁ ምን እንደሚሰራ ብዙ የምቷያቸው ነገሮች ይመሰክራሉ። ለመሆኑ ክርስትና ማለት ምን ማለት ነው? እባካችሁ እነ በጋሻውና መሰሎቻቸው ከ ቅድስት መሪና ታሪክ ተማሩ! እግዚአብሔር አምላክ ለሁላችንም አስተዋይ ልቦና ይስጠን። አሜን!!!
የእመቤታችን፣የመላዕክት፣ የሰማዕይታት፣ የቅዱሳን፣ የፃድቃን አማላጅነታቸውና ጥበቃቸው አይለይን፡፡ አሜን!!!

Anonymous said...

ማህበረ ቅዱሳን ማለት የሚወራ ስራ ሳይሆን በአይን የሚታይ በእጅ የሚዳሰስ/የሚጨበጥ ሥራ የሚሠራ የተዋህዶ ቁርጠኛ ልጅ ነው። ማንም ቅጥረኛ ተነስቶ ማህበሩን መዝለፍ አማኞችን መሳደብ ነው። ካለማወቃችሁ መዘላበዳችሁ በጣም እያስቆጣን ስለሆነ የዘመኑ ኤልዛቤሎች እባካችሁ አፋችሁን ዝጉ። ማየት ማመን ስለሆነ ማህበረ ቅዱሳን ማነው ለሚለው ምላሽ እሩቅ መሄድ አያስፈልግም አጠገባችሁ ምን እንደሚሰራ ብዙ የምቷያቸው ነገሮች ይመሰክራሉ። ለመሆኑ ክርስትና ማለት ምን ማለት ነው? እባካችሁ እነ በጋሻውና መሰሎቻቸው ከ ቅድስት መሪና ታሪክ ተማሩ! እግዚአብሔር አምላክ ለሁላችንም አስተዋይ ልቦና ይስጠን። አሜን!!!
የእመቤታችን፣የመላዕክት፣ የሰማዕይታት፣ የቅዱሳን፣ የፃድቃን አማላጅነታቸውና ጥበቃቸው አይለይን፡፡ አሜን!!!

Anonymous said...

Enemanachew Begashawen ena Yared Adem en Yemayaku Sewoch!!! meseretachewen siseru yenoruten syadergu yeneberewen memelket yashal.Ante maneh Mk tesadabi ebakeh Wod lebeh temelese Mastewalun Yadeleh kom beleh aseb. Ke kiteregna gar ateseded antem kiteregna kalhonke.

w/michael said...

kesimet sayhon kelib: mahibere kidusanin yemitela wey tehadiso new alezia miskin bewere yemineda sew new. Eski temelketu 1 lebetekristian ymekorkore sew endet mahiberu lebetekristian eyaderege yalewn astewtso yatewal?.Ebakachihu tehadisowoch mengedachihu hulu tawkobachihuwal. Eyetagelachihu yalachihut keEgziabher ga new. Keseytan ga bihon noro emma eskahun ashenifachihu neber. Ebakachihu miskinan ende computer besewoch wore kemtichanu, tega bilachihu mermiru. Mahibere kidusan eko yegibe temarwochin new yemiastemirew, beabatoch sirat enhed new yemilew, gedamatin new yemiredew, abinet temarewochin new yemedegumew....bizu new wiletew. Ewnet enenager ketebale mahiberu bezihch akumu yhin yahil kesera betekhinet bemulu akmu min ysera neber? Enkirdadoch hoy kesndew hibret slelelachihu teleyu! Tehadisowoch mahibere kidusanin baytelut new yemigermew; gudachewn,serachewn yasawkala! Gin ahun tagisoachihual.zimitaw bizu endemaykoy gin tesfa alegn.
Enam yewahoch ewku, nisha gibu. Tehadisowoch hoy minachihun leyu!

መሀሪ /ዘሽሮ ሜዳ/ said...

ቀሲስ ሣሙኤል እሸቱ ከውዥንብር ነፊዎቹ አንዱ ነው አላችሁ ይገርማል ከዱባይ እንዴት በሀገረ ስብከቱ ሊቀ ጳጳስ ተወግዞ እንደተባረረ ለምን ጉዱን አታወጡልንም? መ/ር ሰሎሞን በቀለ ወይም ደጀ ሰላም በሰየመችለት የክርስትና ስሙ "የሌሊት ወፍ" እኔ ደግሞ JOKER ልበለውና ምናለበት አቋም ቢኖርህ ከጓደኛህ ከሣሙኤል ጋር የቤተ ክርስቲያኒቷን ውድቀት ከሚያፋጥኑት ከነወ/ሮ እጅጋየሁ ጐራ ባትሰለፉ አርፋችሁ የፕሮቴስታንት መዝሙርና ስነ ጽሑፋችሁን በማድመጥ እና በማንበብ እስኪገለጽባችሁ/ለንስሃ እስክትበቁ/ ሁሉን ተሸካሚ የሆነችዋን የቤተ ክርስቲያን ሙዳዬ ምጽዋት እየገለበጣችሁ ብትኖሩ ምናለ? ግን እንደው ሁልጊዜ የሚገርመኝ አቡነ ጳውሎስን የሚደግፍ በስነ ምግባሩ ወይም በሊቅነቱ የተመሰከረለት አንድ ሰው ለመሀላ እንኴ አለመኖሩ እንደው በአጠቃላይ ፀረ ሙዳዬ ምጽዋትና ደናቊርት ብቻ.....

Anonymous said...

እባካችሁ አባተቶቻችን በጅምላ አትናገሩ የአባቶቸቻችን አምላክ ቤተክርስቲያናችንን ማኅበረ ቅዱሳንን ይጠብቅልን አፈንጋጩንም ይመልስልን

Anonymous said...

"alhu" hahaha teru makenaber techelalehe......Elem Yalk weshetam Betekrstian enkuan colleg yetemark beberum yalefk aymelem....gen teru yewshet derasi neh ketel.....Ke'anegagereh tastawkaleh......

በጋሻው ነኝ said...

በመጀመርያ ላይ አስተያየት የሰጠው ወይም የሰጠሽው ወንድሜ ወይም አህቴ ስለ ማህበረ ቅዱሳን የሰጠችው አስተያየት ከተሳሳተ ግንዛቤ ከ ሆነ አውነታውን ወደማወቅ ብትሄድ ወይም ብሄድ ጥሩ ነው ።
በ አዚህ በምንኖርበት ዓለም ብዙ መረጃዎች የሞሉበት ስለሆነ አውቀው ካልተዉት በስተቀር ነገሮችን ለመመርመር ጊዜ አይፈጅም ። ለምሳሌ አነኝህን ጥያቄዎች በማንሳት የቤተክርስትያን ችግሮች ማህበረ ቅዱሳን ነው ወይንስ ሌላ ተጠያቂ ብሎ መጠየቅ ይቻላል ።
፩ ቅዱስ ሲኖዶስ አባላት ሀውልቱ አንድፈርስ ሲወስኑ ፣ የ በጋሻው አና ባልጀሮቹ ስብከት አንድታገድ ሲወስኑ ከ ህገ ቤተክርስትያን ከ ተዋህዶ አምነት ተነስተው አደለም ? ነው ወይስ ማህበረ ቅዱስናን ወሰነው ?
፪ በጋሻውን የ ሐዋሳ አና የ ድሬዳዋ ሕዝብ ከ ትምርቱ ምንፍቅና ተረድቶ የተቃወሙት አባቶች አና አናቶች ክርስትና ስላልገባቸው ይሆን? ወይስ ማህበረ ቅዱሳን በመርፌ ክርስትና ወጋቸው?
፫ በ መቶዎች የሚቆጠሩ ገዳማት አና አድባራት ላይ የልማት ፕሮጀክት አየሰራ ያለ በ ብዙ መቶዎች የሚቆጠሩ የ አብነት መምህራንን ደሞዝ ከ ክሳቸው አያዋጡ ቤተክርስትያንን የታደጋት ማህበረ ቅዱሳን አደለም አንደ?
፬ በ ሀገር ውስጥ አስከ ጠረፍ ሀገር ድረስ በውጭ በ አፍሪካ፣አውሮፓ ፣አሜሪካ፣አውስትራልያ፣ካናዳ፣አረብ ሀገሮች፣አየሩሳሌም፣መምህራንን አየላከ ቤተክርስትያንን አና ሀገረስብከትን ያጠናከረ ማህበረቅዱሳን አደለም አንዴ?
ሌላም ብዙ ማለት ይቻላል ። ይህን ሁሉ የምለው ምናልባት ወንድሜ ካለማወቅ ሻይ ሲጠጣ ከምያወራው ወሬ ተነስቶ ከሆነ ወደ አውነቱ አንድመጣ አና ሌሎች መረጃው የሌለን ደሞ አውነቱን አንድንገነዘብ ከሚል ነው አንጂ ሆንብሎ በ አላማ ማህበሩን ለምሳደብ መልስ መሆን የሚገባው '' አባት ሆይ የምአደርጉትን አያውቁም አና ይቅር በላቸው'' ብቻ ነው ። ለሁሉም ግን ስለ ማህበረቅዱሳን መረጃ ለማግኘት ይህን የመረጃ መረብ በሚገባ መፈተሽ ይጠቅማል = http://www.eotcmk.org/site/index.phpoption=com_content&task=blogcategory&id=4&Itemid=2
አግዝያብሔር አፅራረ ቤተክርስትያንን ያስታግስልን ።

በጋሻው ነኝ said...

በመጀመርያ ላይ አስተያየት የሰጠው ወይም የሰጠሽው ወንድሜ ወይም አህቴ ስለ ማህበረ ቅዱሳን የሰጠችው አስተያየት ከተሳሳተ ግንዛቤ ከ ሆነ አውነታውን ወደማወቅ ብትሄድ ወይም ብሄድ ጥሩ ነው ።
በ አዚህ በምንኖርበት ዓለም ብዙ መረጃዎች የሞሉበት ስለሆነ አውቀው ካልተዉት በስተቀር ነገሮችን ለመመርመር ጊዜ አይፈጅም ። ለምሳሌ አነኝህን ጥያቄዎች በማንሳት የቤተክርስትያን ችግሮች ማህበረ ቅዱሳን ነው ወይንስ ሌላ ተጠያቂ ብሎ መጠየቅ ይቻላል ።
....to be continued

በጋሻው ነኝ said...

...continued
፩ ቅዱስ ሲኖዶስ አባላት ሀውልቱ አንድፈርስ ሲወስኑ ፣ የ በጋሻው አና ባልጀሮቹ ስብከት አንድታገድ ሲወስኑ ከ ህገ ቤተክርስትያን ከ ተዋህዶ አምነት ተነስተው አደለም ? ነው ወይስ ማህበረ ቅዱስናን ወሰነው ?
፪ በጋሻውን የ ሐዋሳ አና የ ድሬዳዋ ሕዝብ ከ ትምርቱ ምንፍቅና ተረድቶ የተቃወሙት አባቶች አና አናቶች ክርስትና ስላልገባቸው ይሆን? ወይስ ማህበረ ቅዱሳን በመርፌ ክርስትና ወጋቸው?
፫ በ መቶዎች የሚቆጠሩ ገዳማት አና አድባራት ላይ የልማት ፕሮጀክት አየሰራ ያለ በ ብዙ መቶዎች የሚቆጠሩ የ አብነት መምህራንን ደሞዝ ከ ክሳቸው አያዋጡ ቤተክርስትያንን የታደጋት ማህበረ ቅዱሳን አደለም አንደ?
፬ በ ሀገር ውስጥ አስከ ጠረፍ ሀገር ድረስ በውጭ በ አፍሪካ፣አውሮፓ ፣አሜሪካ፣አውስትራልያ፣ካናዳ፣አረብ ሀገሮች፣አየሩሳሌም፣መምህራንን አየላከ ቤተክርስትያንን አና ሀገረስብከትን ያጠናከረ ማህበረቅዱሳን አደለም አንዴ?
ሌላም ብዙ ማለት ይቻላል ። ይህን ሁሉ የምለው ምናልባት ወንድሜ ካለማወቅ ሻይ ሲጠጣ ከምያወራው ወሬ ተነስቶ ከሆነ ወደ አውነቱ አንድመጣ አና ሌሎች መረጃው የሌለን ደሞ አውነቱን አንድንገነዘብ ከሚል ነው አንጂ ሆንብሎ በ አላማ ማህበሩን ለምሳደብ መልስ መሆን የሚገባው '' አባት ሆይ የምአደርጉትን አያውቁም አና ይቅር በላቸው'' ብቻ ነው ። ለሁሉም ግን ስለ ማህበረቅዱሳን መረጃ ለማግኘት ይህን የመረጃ መረብ በሚገባ መፈተሽ ይጠቅማል = http://www.eotcmk.org/site/index.phpoption=com_content&task=blogcategory&id=4&Itemid=2
አግዝያብሔር አፅራረ ቤተክርስትያንን ያስታግስልን ።

ዘ ሐመረ ኖህ said...

ተክለ እስጢፋኖስ ለመናፍቃንና ሆዳቸው አምላካቸው ለሆኑት ሁሉ የሰጡት መልስ በቂ ነው፡፡ እግዚአብሔር ይስጥዎት፡፡ ንጋትና ጥራት እያደር ይለያል ፡፡እውነት ትመነምናለች እንጂ አትበጠስም፡፡ ምንም እንኳን የአሁኑ አሳፋሪና አሳዛኝ ቢሆንም በተዋህዶ ላይ የውስጥም ሆነ የውጭ ጠላቶች ሲነሱ የመጀመሪያ አይደለም፡፡ ሁሉም ግን ጠፍተዋል፡፡ ይጠፋሉም፡፡ ..alehu..የተባሉ ላሉት ግን ድሮም ይሁን ዘንድሮ እውነተኞቹን ብፁአን አባቶች እርስዎን ካሰናከሉ ጳጳስ ተብዬዎች ለይተው ሊወቅሱ ይገባል የካቶሊክ አጀንዳ ይዘው የገቡት እኮ ቢቻል ለመቀየር ካልተቻለ እንደ እርስዎ ለማባረር ወይም ለማሰናከል እንደሆነ ሊረዱ ይገባል፡፡ እነ ኤልዛቤልና መሰሎቻቸው ለአፈራሽ ተልእኳቸው እንደዚህ ሲደክሙ የተዋህዶ ልጆች ምነው ዝም አልን?

Anonymous said...

Hi all deje selamawian
Please when you want to say some thing scan your words and select your target. By making some body irritated we can't accomplish religious target.
Again please to criticize or appreciate some body/person or organization/ make the church's dogmatic and kenonatic future as a source.
I understand this needs more knowledge especially to express in small paragraph. But I think this is the only way.
God bless his church & our country

ኤልሮኢ ዘ ገቺ said...

የመጀመሪያ አስተያት ሰጪ ኦርቶዶክስያዊ ክርስቲያን ለሞናቸው ትንሽ አጠራጠረኝ ምክንያቱም ስሜትና ትፎዞ ኃይማኖታዊ አያደርግም ምክንያቱም የጥፋት መልክተኛ ተባባሪ ራሱ ማን እንደሆነ ማወቅ መቻል አለበት፡፡
ይህንን ሰው ሳስበው የግለሰቦች አምላኪ እንጂ እግዚአብሔርን ያመልካል ማለት ከአስተያቱ ያስታውቃል፡፡
ስለዚህ ትንሽ ቆም ብሎ ማሸቡ የሚጠቅም ይመስለኛል፡፡በመጨረሻም እንደዚህ ዓይነት አስተያየት ለምትሰጡና እንዲህ ዓይነትን መንፈስ የምትጋሩ ሰዎች ቆም ብላችሁ አስቡ ከማን ጋር እንቁም ከቤ/ክርስቲያን ጋር ወይስ ከግለሰቦች ጋር?
ለማንኛውም እግዚአብሔር ልቦና ይስጣችሁ ከስሜት ያውጣችሁ፡፡

Anonymous said...

I am afraid of Egigayehu's movement.
As on the account of Eve is paradise closed, so too Statue's issue by Egigayehu.

Anonymous said...

የመጀመሪያው ሀሳብ ሰጪ አንተም ከነበጋሻው ጋር ጥቅምህ እንደቀረብህ ያሳያል ወደድክም ጠላህም ድብቅ ሴራችሁ ተጋለጠባችሁ አሁን ደግሞ እግዚአብሄር ቤቱን የሚያጸዳበት ጊዜ ነው ስለዚህ እራሳችሁን ለንስሃ አዘጋጁ ማሀህበረ ቅዱሳን እና ደጀሰላም ለቤተክርስቲያን ባለውለታ ናቸው እግዚአብሄር ከመናፍቃን ይጠብቀን

Dn HaileMichael said...

በስመ አብ ወወልድ ወመንፈስ ቅዱስ አሐዱ አምላክ አሜን

ወይፈድይ ለኩሉ በከመ ምግባሩ እንዳለ ቅዱስ ዳዊት በመዝሙሩ እነዚህ ቤተክርስቲያንን የሚበጠብጡ የስራቸው ውጤት በአንድም በሌላም መጋለጡ አይቀርም

ማኅበረ ቅዱሳን ስራዎቹ ምስክሮቹ ናቸው የማኅበሩ አባላት
የራሳቸው መተዳደሪያ እያላቸው ትልልቅ የሃላፍነት ቦታዎች የሚሰሩ ሲሆኑ ገንዘባቸውን ግዜያቸውን ዕውቀታቸውን ለቤተክርስቲያን በነጻ የሚያበረክቱ ስለመሆናቸው የእያንዳንዱ የማኅበሩ አባል ማንነት ምስክር ነው
የመናፍቃን ቅጥረኛ ለሆኑና ምዕመናንን በማጭበርበጭር ገንዘብ ለማጋበስ በቤተክርስቲያን ታዛ ለተሰበሰቡ ማኅበረ ቅዱሳን የእግር እሳት ቢሆን የሚደንቅ አየደለም

ምዕመናን ልንነቃ ያስፈልጋል መናፍቃን ጥቅስ በመጥቀስና በተለያዬ ማጭበርበር የሚወስዱት ዘዴያቸው ስለተነቀባቸው አሁን ደግሞ ልክ የሕንድ ቤተክርስቲያንን እንደከፋፈሉ ምዕመኑ ባለበት የፕሮቴስታንት አስተምህሮ አስርጎ በማስገባት(Assimilation ይሉታል) ባለበት ለመቀየርና ኦርቶክስ ነኝ እያለ ነገር ግን በስርዓቱ በሃይማኖቱ በምግባሩ ኦርቶዶክስ ያልሆነ ለመፍጠር ቅጥረኞቻቸውን በቤተክርስቲያን አሰማርተዋል

ከዚያም ትክክለኛውን ኦርቶዶክሳዊ ትምህርት በሚያውቀውና በእነርሱ ትምህርት በተበረዘውና የቅጥረኞቻቸው ተከታይ መካከል በሚፈጠረው መከፈፋል ቤተክርስቲያንን ለማዳከም ቀዋምጠዋል
አሁንም የሚናዬው የዚህ ዉጤት መሆኑን ተገንዝበን ቤተክርስቲያናችንን በንቃት ልንጠብቅና የቤተክርስቲያን ሕግ እና ስርዓት ተግበራዊ እንዲሆን የበኩላችንን ልንወጣ ይገባናል

Dn HaileMichael said...

በስመ አብ ወወልድ ወመንፈስ ቅዱስ አሐዱ አምላክ አሜን

ወይፈድይ ለኩሉ በከመ ምግባሩ እንዳለ ቅዱስ ዳዊት በመዝሙሩ እነዚህ ቤተክርስቲያንን የሚበጠብጡ የስራቸው ውጤት በአንድም በሌላም መጋለጡ አይቀርም

ማኅበረ ቅዱሳን ስራዎቹ ምስክሮቹ ናቸው የማኅበሩ አባላት
የራሳቸው መተዳደሪያ እያላቸው ትልልቅ የሃላፍነት ቦታዎች የሚሰሩ ሲሆኑ ገንዘባቸውን ግዜያቸውን ዕውቀታቸውን ለቤተክርስቲያን በነጻ የሚያበረክቱ ስለመሆናቸው የእያንዳንዱ የማኅበሩ አባል ማንነት ምስክር ነው
የመናፍቃን ቅጥረኛ ለሆኑና ምዕመናንን በማጭበርበጭር ገንዘብ ለማጋበስ በቤተክርስቲያን ታዛ ለተሰበሰቡ ማኅበረ ቅዱሳን የእግር እሳት ቢሆን የሚደንቅ አየደለም

ምዕመናን ልንነቃ ያስፈልጋል መናፍቃን ጥቅስ በመጥቀስና በተለያዬ ማጭበርበር የሚወስዱት ዘዴያቸው ስለተነቀባቸው አሁን ደግሞ ልክ የሕንድ ቤተክርስቲያንን እንደከፋፈሉ ምዕመኑ ባለበት የፕሮቴስታንት አስተምህሮ አስርጎ በማስገባት(Assimilation ይሉታል) ባለበት ለመቀየርና ኦርቶክስ ነኝ እያለ ነገር ግን በስርዓቱ በሃይማኖቱ በምግባሩ ኦርቶዶክስ ያልሆነ ለመፍጠር ቅጥረኞቻቸውን በቤተክርስቲያን አሰማርተዋል

ከዚያም ትክክለኛውን ኦርቶዶክሳዊ ትምህርት በሚያውቀውና በእነርሱ ትምህርት በተበረዘውና የቅጥረኞቻቸው ተከታይ መካከል በሚፈጠረው መከፈፋል ቤተክርስቲያንን ለማዳከም ቀዋምጠዋል
አሁንም የሚናዬው የዚህ ዉጤት መሆኑን ተገንዝበን ቤተክርስቲያናችንን በንቃት ልንጠብቅና የቤተክርስቲያን ሕግ እና ስርዓት ተግበራዊ እንዲሆን የበኩላችንን ልንወጣ ይገባናል

Anonymous said...

አይ anonymous the 1st እንዲህ ሽንጥህን ገትረህ ስለምን ትሟገታለህ?እውነት ክርስትያን ማለቴ ኦርቶዶክስ ነህ?ጥርጣሬ አለኝ ምክንያቱም እውነተኛ ክርስትያን አውደ ምህረት ላየ ቆሞ በጸያፍ ቃላት የቤተ ክርስትያን ዶግማ ቀኖና እና ትውፊት ይጠበቅ በማለት የሚተጋን የቁርጥ ቀን የቤተ ክርስትያን ልጆችን አቅፎ የያዘ ማህበርን የሚያብጠለጥል አንድን "ሰባኪን "ባልደገፍክ ነበር ።
የይሁዳ መልእክት ላይ እንዲህ ይላል"...ሳጥናኤልና ሚካኤልም ስለ ሙሴ ስጋ በተከራከሩ ጊዜ ...ሚካኤልም እግዚአብሄር ይገስጽህ አለው እንጂ ከአፉ አንዲት የስድብ ቃል አልወጣም ... "ይላል
በመንፈስ ሳይሆን በስጋ የምትራመድው አንተ እንጂ ማህበረ ቅዱሳን አይደለም ።እስቲ ረጋ ብለህ አስብና እውነቱን ለመረዳት ሞክር።

Anonymous said...

አይ anonymous the 1st እንዲህ ሽንጥህን ገትረህ ስለምን ትሟገታለህ?እውነት ክርስትያን ማለቴ ኦርቶዶክስ ነህ?ጥርጣሬ አለኝ ምክንያቱም እውነተኛ ክርስትያን አውደ ምህረት ላየ ቆሞ በጸያፍ ቃላት የቤተ ክርስትያን ዶግማ ቀኖና እና ትውፊት ይጠበቅ በማለት የሚተጋን የቁርጥ ቀን የቤተ ክርስትያን ልጆችን አቅፎ የያዘ ማህበርን የሚያብጠለጥል አንድን "ሰባኪን "ባልደገፍክ ነበር ።
የይሁዳ መልእክት ላይ እንዲህ ይላል"...ሳጥናኤልና ሚካኤልም ስለ ሙሴ ስጋ በተከራከሩ ጊዜ ...ሚካኤልም እግዚአብሄር ይገስጽህ አለው እንጂ ከአፉ አንዲት የስድብ ቃል አልወጣም ... "ይላል
በመንፈስ ሳይሆን በስጋ የምትራመድው አንተ እንጂ ማህበረ ቅዱሳን አይደለም ።እስቲ ረጋ ብለህ አስብና እውነቱን ለመረዳት ሞክር።

መርከቤ ንጉሴ/ከአዲስ አበባ/ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!
ውድ ደጀ ሰላሞች ከግለሰቦች አመለካከቶችና ከአንዳንድ አልባሌ አስተያየቶች በስተቀር ስለ ቅድስት ቤተ- ክርስቲያናችን የምታስተላልፏቸው መልእክቶችና መረጃዎች እጅጉን አስደሳች መሆናቸውን መደባበቅ አያስፈልግም፡፡ ከዚህም የተነሳ አንዳንድ ስለ ሐይማኖቴ ስሜቴን በሚኮሮኮሩኝ ጉዳዮች ላይ አስተያየቴን መስጠት ከጀመርኩና የናንተ ቋሚ ተከታታይ ከሆንኩ ሰንበት ብያለሁ፡፡

በዛሬ እለት ግን አስተያየት ሳይሆን አንድ ጥያቄ ስጠይቃችሁ እንደምትመልሱልኝ በመተማመን ነው፡፡
እንደሚታወቀው ለቤተ- ክርስቲያናችን ግርማና ሞገስ ከሆኗት ነገሮች አንዱ መዝሙራችን ነው፡፡ ሆኖም ያ በባህላዊ መሣሪያ ብቻ የሚታጀበው ውብ መዝሙራችን አሁን ምን ደረጃ ላይ ነው ያለው የሚለውን ማየት በጣም እስፈላጊ ይመስለኛል፡፡ ለሕዝብ ጆሮ በቀጥታ አይድረሱ እንጂ አንዳንድ ግለሰቦች በፒያኖና በኦርጋን በማጀብ ለዛውን ለማሳጣት ሙከራ ሲያደርጉ ይስተዋላል፡፡ለዚህም ጉዳይ ዋና ተዋናይ በእደማርያም እጅጉ ረታ ናቸው፡፡ ለመሆኑ በእደማርያም እጅጉ ረታ ማናቸው? የቅዱስ ሲኖዶስ ውሳኔስ ስለመዝሙር ምን ይላል?

ቸሩ አምላካችን ፀጋውን ያድለን፡፡ አሜን!!
መርከቤ ንጉሴ/ከአዲስ አበባ/

Anonymous said...

Dejeselamoch endet nachehu
W/Ro Ejigayehu malet Arebe hager yerekese hiwote yeneberatna bneseha tmleshalhu bela ngre gen wde qedemo geberewa ytmlsch nate.lezihume bewnet ymenawkewune tarike enakafelachehu.... b2002 btederegwu yekedist hagre guzo gelesbewa yguzowe tkafaye nberech bguzo wekete keanede sedetgna gare bgele befterute tsebe ethiopiawian yemanawukewune misetere bsedtgnawu anedebet singre smetnale.'hizbu ayawukesheme papasatune bere eyasegntelesh enedmetasedbdebi' lealocheme atseyafi negegerochene nbre yminagrewu . ywunteme hgrebate ymenenorewu alawkenateme nebere .kzihe bhuwala gene banedeme blelame mnegde awkenatale yehcichne yEgziabehaier bete lmatefate ytnesachene sete betsome btselote enewagatalen."Kerestoseme enedalewu endihe ayenetu ganele btsomena btselote kalehone ayewotame". blewale.
chere were yasemane

Anonymous said...

Ow Ow Ow Hebretachne bemene yegltse .enese selebatekerestyane kenahu.

Anonymous said...

እንደ ያኔው
በስመ አብ ወወልድ ወመንፈስ ቅዱስ አሐዱ አምላክ አሜን::
አንዳች በሌለው አውላላ
ድንጊያው ወንበር ሆኖልህ
ድባብ ሆኖህ የዛፍ ጥላ
እጅህ መሰረት አኑራ
ቃልህ ሕይወትን ተክላ
ያኔ የወለድከው ልጅህ
የበኩርህ
እህል ሳይሆን ፍቅር መግበህ
የሕይወትን ቃል ወተት አጥግበህ
ያሳደከው ልጅህ ያ እንኳን የበኩርህ
እግር አውጥቶ ሲቆም ዛሬ ከዳዴ አልፎ
ለብዙዎች ሲደርስ በረከቱ በዝቶ
ሞልቶ ተትረፍርፎ
ዘረ ቡሩክ ተብሎ ስምህን ሲያስጠራ
እንዴት ደስ አይልህ እንዴትስ አትኮራ
አባ ዝም አትበል በላ ተናገራ፡፡
ልጅህ ለወግ ደርሶ ዛሬ
ጎጆ ሲያቆም ቤት ሲሰራ
ምሰሶ ከማገር መርጦ
ሕንፃ ሲያቆም ሊሰማራ
እንደ ያኔው እንደ ጥንቱ
ምክርህን ሽቶ ሲጣራ
አባ እባክህ ዝም አትበል
ጎርጎርዮስ ተናገራ
በርታ በለው በኩርህን
ማህበረ ቅዱሳንን፡፡
ወስብሐት ለእግዚአብሐር
ሐምሌ 1995

Anonymous said...

Some of the devil's children are crying. Why do you run to MK for all things? It is good to present your argument rationally. The Holy Spirit is guarding our tewahdo church and MK. Be aware that you are fighting with God. You would rather see yourself. Elizabel, please, go to your former field of specialization,prostitution or else confess and be a true member of tewahdo.

Dejeselam May God help you!

Abel said...

For the person who want to know how to type in Amharic:
Please go to the following website, type your text on My Document page of the website, copy and paste it to degjelselam's message box.
Good Luck
http://freetyping.geezedit.com/

Anonymous said...

አምላኪ ሆይ በአደባባይ ሐውልት የሚሰራን የሚደግፋ ቤተክርስቲያንን የሚረዳን ደግማ የሚወቅስ መጣ

Anonymous said...

እኔ ከሁሉ የሚገርመኝ ስድባችሁንና ጥቅል አነጋገር ነው
1. መጽሐፍ ቅዱስ ተውትና የትኛው ዓለማዊ መጽሐፍ ነው ሰውን ስደቡ ብሎ የሚያስተምር? ምን ዓይነት ሰይጣን ነው የተጠናወተባችሁ እናንተ ስድብን ለመቸርቸር ንግድ ፈቃድን ያወጣችሁ? ክርስትናችሁ ምኑ ላይ ነው?
2. ማሕበረ ቅዱሳንን በመራገም ጊዜያችሁን የምታጠፉ? እኔ በእርግጥ የማ/ቅዱሳን አባል/መሪ አይደለሁም፤ ችግራቸውንም አውቀዋለሁ፤ ዓቅሜን በፈቀደው ክፍተታቸውን እንዲከድኑ አስተያየትን በመቸር ላይ ያለሁ ሰው ነኝ። ግን ሊቃውንቶቻችንን አሳዷል፣ክራይ ሰብሳቢ ናቸው፣ አንዴ በፖለቲካ አንዴ በሃይማኖት እያሉ የሚኖሩ ወዘተ ናቸው እየተባለ የዕዳ ደብዳቤ ስነበብላቸው ይውላል።ሁሉም ማ/ቅዱሳን አባላት ናቸው ይህን ሥራ የሚሰሩ? ሁል ጊዜ ሳስበው በጣም ይገርመኛል! ግፋ ቢል በያንዳንዱ አጥቢያ ቤተ ክርስቲያን 2-3 በጥባጮች ቢኖሩ ነው። ግን ስንት ንጹሕ አገልጋይ አለ! መርቃችሁት ታውቃላችሁ? ለምንድነው የዕዳ መዝገብ ብቻ እየደረደራችሁ የሚትኖሩ? የማበረታቻ ብዕራችሁስ መቼ ነው የምናየው? “ክልኤቱ ይሰድድዎሙ ለእልፍ” እንደተባለው ሁሉ በጥቂት ወረበላዎች ሙሉ አባላት ማ/ቅዱሳንን እየሰደባችሁ መኖር ሆነ በቃ ሥራችሁ?

አደራ! ያንተም’ኮ ስድብ ነው እንዳትሉኝ ተግሳጽ ነውና።

Abel said...

ወንድሞቼ እና እህቶቼ እንዴት ናችሁ?
አንድ ተደጋግሞ የሚባል አባባል አለ እሱ ስላልገባኝ ልጠይቅ ነው ይህን መልእክት የፃፍኩት::
እከሌ 'ኪራይ ሰብሳቢ' ነው:: ይህ ድርጅት 'ኪራይ ሰብሳቢ' ነው እየተባለ ሲነገር እሰማለሁ; አነባለሁ:: እባካችሁ
ኪራይ ሰብሳቢ ምን ማለት እንደሆነ የሚነግረኝ ሰው አለ? በጣም ማወቅ ስለፈለኩ ነው
እግዚአብሄር ይስጥልኝ

Ze HAGERE MARIAM said...

Please, yehayimanot sewoch sibeza 'simple' athunu! Atsadebu! Ewnet bewustachin nat manm likemat aychlim. Yemnawkewun yahil enawkalen. Gin ''rasachihun kef kef adrgu'' endil lerasachihu kibir situ. Keruk simeleketuachihu "yihema keruk yastawkal tiru krstian new" sibal des yilal. Krstna moges minorew yane new. Zemariw, sebakiw... Ketesadebe meklel ayidelem? MK yegibi gubae temariwoch, lelawnim beyedebru yalu agelgayoch yawkuachewal. Kewchi eyaye 'chis saynekagn esat limuk' yemilu gudayachew side meyaz bicha yimeslal. Abekaw.

mebrud said...

ማኅበረ ቅዱሳን እንዴ?እንዴ?

ምነው ምነው!!!ነውር አይደል እንዴ?

ወንድሞች መልስ በመስጠትማ አትተጉም፡፡

አንደኛ
ለእግዚብሔር የስራ ጊዜው ነው፡፡
ጊዜው መልስ በመስጠት ባይባክን፡፡

ሁለተኛ
"ለሰንፍ አትመልስለት ጠቢብ የሆነ እንዳይመስለው" እንዲል...

ግራ ለገባውስ?

እኔን!እወቅ ያላላለው በአርባ አመቱም አያውቅ ሆኖኮነው

ግራ ለገባው

የቀሲስ ዶ/ር ሙሉጌታ መልስ አይበቃም?

ግራ የሚያጋባውንስ አትሉልኝም!!

ደጀ-ሰላም እንዳንድ ኮመንቶችኮ ቢቆመጡኮ ጊዜ ይቆጥባልኮ፡፡

Anonymous said...

abetu amelakachen Elzabelen ena Luteraweyanene ke kidist betekerstiyanachen Awuta Amen!! Ayzoachehu Mahibere kidusanoch selalachehu kinenet selebet kirstiYanachehu tekorkuarinet selemeteserut melkam sera waga kefay kidus Egiziyabeher aytewachehum tsenu serachu kefe aderguachehual ena bedenb metayetachu diyabilosen askotetotal selezihim tenesasabachehu gen Egiziyabeher kenanet gar selehone seyetanena serawitu ayashenefachehum betam asedesetachehugnal enkuan BEGASHAWUN kesesachehut wagawun likebel yegebawal fetari yerdachehu!

Anonymous said...

am very sorry cus i never saw precher like begasaw he didn't even know our Tradition he is 'balage'M/K enate degmo betselot meftat yalebachun guday bealem dagna lemedagnet memokerachu tegebi ayidelem.Lecristianoch asafari zena new.

xlme said...

በመጀመሪያ እቺ እጅጋየሁ ተብየ በምን መስፈርት ነው ወደ ቤተክህነት ገብታ ቤታችንን የምታሰድበው በጣም ያሳዝናል ለመጭው ትውልድ እያስተማርሽ ያለሽው ምንድን ነው? እንኳንም እናቴ አልሆንሽ አሳፋሪ

Anonymous said...

mahber kudusan lezih hulu yemtadergut tfat amlak yejajuh ystachu. ene megabe hadis begashow enante ende mtawerut sayhon yebetekrstyan tesfa nachew. besbketachew ena bemezmurachew alemn hulu ymolutal. egnam yenezih yebetekrstaynu ljoj teketayoch nen. enante gn and kin yejajuhn tagegnalaju.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)