October 25, 2010

የቅ/ሲኖዶስ አጀንዳዎች


(ደጀ ሰላም፤ ኦክቶበር 24/2010፤ ጥቅምት 14/2003 ዓ.ም):- “በፍትሕ መንፈሳዊ አንቀጽ 5 ቁጥር 164 ድንጋጌ መሠረት ከጥቅምት 12 ቀን 2003 ዓ.ም ጀምሮ” በመካሔድ ላይ የሚገኘው የቅ/ሲኖዶስ ምልዓተ ጉባኤ በብፁዕ አቡነ ናትናኤል ሊቀ መንበርነትና በብፁዕ አቡነ ሉቃስ ፀሐፊነት የተወከለው 9 አባላት ያሉት ኮሚቴ አጀንዳዎች ማዘጋጀቱን፣ በዚያም ላይ ሌሎች አጀንዳዎች እንደተጨመሩበት መዘገባችን ይታወሳል። ለመረዳት እንዲያስችለን አጀንዳዎቹን እንደሚከተለው እናቀርባለን።
  1. የብፁዕ ወቅዱስ ፓትርያርክ ቃለ ምዕዳን፤
  2. የአዲስ አበባ ሀገረ ስብከትን በተመለከተ አጣሪ ኮሚቴው ያቀረበውን ጽሑፍ ማድመጥና መወሰን፤
  3. ስለ አዲስ አበባ ሀገረ ስብከት ችግር በቅዱስ ሲኖዶስ በተሰየሙት በሊቃነ ጳጳሳት ተጠንቶ የቀረበውን ጥናት ማዳመጥን መወሰን፤
  4. ሀገረ ስብከት ለሌላቸውና ዝውውር ለጠየቁ ሊቃነ ጳጳሳት ተነጋግሮ መወሰን፤
  5. ማዕከሉን ባልጠበቀ መንገድ ከቅዱስ ሲኖዶስ ውሳኔ ውጪ በተሠሩና በሚሠሩ ጉዳዮች ላይ ተነጋግሮ መወሰን፤
  6. የኪራይ ቤቶችን አስተዳደር ችግር በተመለከተ ተወያይቶ መወሰን፤
  7. የልማት ኮሚሽንን ችግር በተመለከተ ተነጋግሮ መወሰን፤
  8. ስለ አብነት ት/ቤቶች እና ስብከተ ወንጌል ተነጋግሮ መወሰን፤
  9. የትምህርት ተቅዋማትን ሁኔታ በተመለከተ ተነጋግሮ መወሰን፤
  10. ከቅድሰት ሀገር ኢየሩሳሌም የሚቀርበውን ጉዳይ ተወያይቶ መወሰን፤
  11. በብፁዓን ሊቃነ ጳጳሳት መኖሪያ ቤት ጄኔሬተር እንዲገባ ተወያይቶ መወሰን፤
  12. ከየአህጉረ ስብከቱ በጽሑፍ የሚቀርቡ ችግሮችን መስማት፤
  13. የሰበካ ጉባዔ ዓመታዊ ሪፖርትን ተወያይቶ ማጽደቅ፤
  14. የደመወዝ እስኬል ማስተካከልን ተነጋግሮ ስለመወሰን፤
  15. ዓመታዊ በጀትን ተነጋግሮ ስለመወሰን፤
  16. የቋሚ ሲኖዶስ አባላት በመመሪያው መሠረት ምርጫ ተወያይቶ መወሰን ናቸው።

የአጀንዳ አዘጋጅ ኮሚቴው አባላት ብፁዕ አቡነ ናትናኤል (ሊቀ መንበር)፣ ብፁዕ አቡነ ማትያስ፣ ብፁዕ አቡነ ገብርኤል፣ ብፁዕ አቡነ ጢሞቴዎስ፣ ብፁዕ አቡነ ቀውስጦስ፣ ብፁዕ አቡነ ጎርጎርዮስ፣ ብፁዕ አቡነሚካኤል፣ ብፁዕ አቡነ ሄኖክ እና ብፁዕ አቡነ ሉቃስ (ጸሐፊ) ናቸው።

3 comments:

Anonymous said...

ajendawochu wektun yetebeku ena tenkara wusane ena megbabat yemiyaseflguachew nachew.yh kehone lemimenan melkam bisrat ena yemisdest new.bantsaru letelatochachin merer hazen new. cher wore yaseman.

Deacon Mehari Gebre Marqos said...

የአዲስ አበባ ሀገረ ስብከትን በተመለከተ አጣሪ ኮሚቴው ያቀረበውን ጽሑፍ ማድመጥና መወሰን፤
ስለ አዲስ አበባ ሀገረ ስብከት ችግር በቅዱስ ሲኖዶስ በተሰየሙት በሊቃነ ጳጳሳት ተጠንቶ የቀረበውን ጥናት ማዳመጥን መወሰን፤
ሀገረ ስብከት ለሌላቸውና ዝውውር ለጠየቁ ሊቃነ ጳጳሳት ተነጋግሮ መወሰን፤
ማዕከሉን ባልጠበቀ መንገድ ከቅዱስ ሲኖዶስ ውሳኔ ውጪ በተሠሩና በሚሠሩ ጉዳዮች ላይ ተነጋግሮ መወሰን፤


These are the major issues to deal with taking every detail into consideration without fear.

Dan said...

ያጠፋ በተመደበበት ኃላፊነት በደል ያደረሰ በማስረጃ ይቀጣል ከኃላፊነቱም ይወገዳል

ይህ ሊፈጸም የሚችለው ሥርዓት ሲኖር ያም ሥርዓት ሲከበር ብቻ ነው

እግዚአብሄር የሥርዓት አምላክ ነው
እግዚአብሄር አምላካችን ሥርዓት የሰራህ እያልን መቀደስ ማመስገን ብቻ ሳይሆን የአምላካችንም ሥርዓት ማክበር መጠበቅ አለብን

በአዋሳ በዲላ በሀገረ ስብከቱ ሁሉ የደረሰውን በደል ምዕመናኑ ከፍተኛ ተጋድሎ - 4 ጊዜ አዲስ አበባ ድረስ የዕለት ተግባራቸውን ቤተሰባቸውን ትተው ብዙ ወጪ አውጥተው አቤቱታ ለማቅረብ ከመንከራተታቸው በላይ በቤተ ክርስቲያናቸው ላይ ያላቸውን እምነት በከባድ ተፈታትኖአችዋል

ለዚህ በደል ተጠያቂ አንደኛ ሲኖዶሱ
ሁለተኛ ፓትርያርኩ ናችው

ብቃት የሌለውን መሾም በየጊዜው ቢያንስ በአመት ሁለት ጊዜ በሪፖርት እና ልኡካን እየላከ የቤተክርስቲያንን የምዕመናንን እንክብካቤ አለመከታተሉ ያስጠይቃል

በዚህ አጋጣሚ ከገዳማት አድባረት እስከ ሀገረ ስብከት በአስተዳዳሪነት የሚመደቡ
ከድቁና ቅስና እስከ ጵጵስና ለአገልግሎት የሚጠሩ ብቃታቸውን የሚመዝን ደንብ እና
ስርዓት ሊኖረን ይገባል

ከቀረበወ አጀንዳ ውስጥ ዋና እና ሁሉን ችግሮች ስርዓት አልበኛነትን ሁሉ የሚያስወግደው
5 ኛው አጀንዳ--ማዕከሉን ባልጠበቀ መንገድ ከቅዱስ ሲኖዶስ ውሳኔ ውጪ በተሠሩና በሚሠሩ ጉዳዮች ላይ ተነጋግሮ መወሰን፤ የሚለው ይመስለኛል

በተለይም ጳጳስ የሚመረጠው በሲኖዶሱ ሆኖ የሚሾመው በፓትርያርኩ

የአንብሮተ ዕድ ስርዓትም ባሉት ጳጳሳት በጸሎቱ ምዕመናን ሁሉ ይሳተፋሉ - ተመልካች ብቻ አይደሉም

ፓትርያርኩ ስርዓቱን ይመራል

ዋናው ጉዳይ ብቃት የሌለው ያልተፈተነ ቀስሶ ጰጵሶ ቤተ ክርስቲያንን ምዕመናንን ፈተና ላይ አይጥልም

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)