October 25, 2010

ሰበር ዜና፦ አባ ሰረቀ ብርሃን ደጀ ሰላምን እና ማ/ቅዱሳንን ሊከሱ ነው

(ደጀ ሰላም፤ ኦክቶበር 24/2010፤ ጥቅምት 14/2003 ዓ.ም):- የሰንበት ት/ቤቶች ማ/መምሪያ ዋና ኃላፊ ቆሞስ አባ ሠረቀ ብርሃን ወልደ ሳሙኤል “ደጀ ሰላም የተሰኘው ‘ድህረ ገጽ’ (ድረ ገጽ ለማለት መሆኑ ነው) … በማንነቴና በሃይማኖቴ ላይ ከባድ የግድያ ወንጀል” ስለፈፀመ “የሀገሪቱን ሕገ መንግሥት በመጠቀም ወደ ፍርድ ለማቅረብ ቅድመ ዝግጅቱ እየተጠናቀቀ” መሆኑን ሰሞኑን በጻፉት ደብዳቤ ገልጸዋል።
በጥቅምት 11/2003 ዓ.ም “ለቅዱስ ሲኖዶስ፣ ለብፁዕ ወቅዱስ ፓትርያርክ፣ ለብፁዓን ሊቃነ ጳጳሳት፣ ለሚመለከታቸው የቤተክርስቲያን ሊቃውንት” የተጻፈውና በግልባጭ በደፈናው “የዚህ ኮፒ ለሚመለከተው ሁሉ ይድረስ” የተባለለት ይህ ደብዳቤ ማ/ቅዱሳን እንዴት ሲያሳድዳቸው እንደኖረ በአራት ነጥቦች ከዘረዘሩ በኋላ በ5ኛነት “ደጀ ሰላም በተባለው በአባላቱ የሚመራው ድህረ ገጽ የስም ማጥፋት ዘመቻ” እያደረገባቸው መሆኑን ጠቅሰዋል። ስም ማጥፋቱ ምን እንደሆነ ዘግየት ብለው ሲያብራሩም ከሊቀ ካህናት ጌታቸው ዶኒ ጋር የተጻጻፉት እና በጡመራ መድረኩ ላይ የወጣው ፀረ ኦርቶዶክስ ተዋሕዶ የምሥጢር ግንኙነታቸው (CLICK HERE TO READ) መሆኑን አብራርተዋል።

አባ ሰረቀ ስለ ደጀ ሰላም ማንነት ሲገልፁም “ፓትርያርኩን ከብፁዓን ሊቃነ ጳጳሳት፣ ብፁዓን ሊቃነ ጳጳሳትን ከቅዱስ ፓትርያርኩ፣ ቤተ ክርስቲያኒቱን ከመንግሥት፣ መንግስትም ከቤተ ክርስቲያን ለማጋጨት፣ ያልተደረገውን ተደረገ፣ ያልተባለውን ተባለ እያለ ራሱን በቤተ ክርስቲያኒቱ ታዛ ሥር ደብቆ ከቅዱስ ሲኖዶስ ጽ/ቤት እስከ ዋሽንግተን ዲሲ ሀገረ ስብከት መረቡን ዘርግቶ እየተንቀሳቀሰ” የሚገኘው “ደጀ ሰላም የተሰኘው ድህረ ገጽ በቤተ ክርስቲያኒቱ ላይ ያሳደረው ጫናና የፈጸመው በደል ቀላል አይደለም” ብለዋል።

ደጀ ሰላም “በቤተ ክርስቲያኒቱ ላይ ያሳደረው ጫናና በደል ቀላል” አለመሆኑን ለማጠየቅ “በአውራምባ ታይምስ ላይ ከወጣ በኋላ አስተማሪነቱ ታምኖበት በጡመራ መድረካችን ላይ በድጋሚ ያወጣነውን፣ ነገር ግን በባሮክ ዘሣልሳይ ሺሕ የተዘጋጀውን “ቤተ ክህነቱ ያጣው የቤተ ክህነቱ ሰው” (Click HERE to Read) የሚለውን ጽሑፍ አባሪ አድርገው አቅርበዋል። ጽሑፉ የሚያስከስስ ከሆነ “አውራምባ ታይምስን”ም አብረው ይከሱት እንደሆነ ገና አልታወቀም።

አባ ሰረቀ በዚህ ወቅት ደብዳቤውን ለቅዱስ ፓትርያርኩ እና ለብፁዓን ሊቃነ ጳጳሳት እንዲሁም በግልባጭ በደፈናው “የዚህ ኮፒ ለሚመለከተው ሁሉ ይድረስ” በማለት ያቀረቡት ቅዳሜ የተጀመረው የቅዱስ ሲኖዶስ ምልዓተ ጉባዔ ላይ እንዲታይላቸው በመፈለግ፤ ለዚህም አስቀድመው የተወሰኑ ሊቃነ ጳጳሳትን በማናገር እና በማሳመን መሆኑን ምንጮቻችን ገለጸዋል። ከቅዱስ ፓትርያርኩ በተጨማሪ በገልባጭ ያሳወቋቸው እነማን መሆናቸው ባይዘረዘርም በከዚህ በፊት የደብዳቤ አጻጻፋቸው ምሳሌነት የሚኬድ ከሆነ ለመንግሥት የጸጥታ እና የደኅንነት አካላት ሊሆን እንደሚችል መገመት ይቻላል። “ሕገ መንግሥቱ በሚፈቅደው መሠረት” እከሳለሁ ማለታቸውም ይህንኑ ሊጠቁም የገባ ሳይሆን እንደማይቀር ተገምቷል። ቆሞስ አባ ሰረቀ በዚህ የጥቅምት ወር 2003 ዓ.ም ማዕረገ ጵጵስና እንዲፈቀድላቸው “በአጭር ዝርዝር” ውስጥ (short list) ከገቡት በተለይም ብዙ ነቀፋ ካለባቸው እና ይህ ማዕረግ አይገባቸው ተብለው ከሚከሰሱት መካከል መሆናቸው ይታወቃል። ደጀ ሰላምም የኚህን እና ተመሳሳይ ግብር ያላቸው የሌሎች ጥቂት መነኮሳትን ወደ ጵጵስና መምጣት ለመቃወም ዝግጅት እያደረገች ነበር። አሁንም በዚሁ ትገፋበታለች። በደጀ ሰላም ሰበብ የክስ መዝገብ የተዘጋጀለት ማ/ቅዱሳን ስለጉዳዩ የሚያወጣው መግለጫ ካለ ወደፊት የሚታይ ይሆናል። ማኅበሩ ከዓመት አስቀድሞ “ደጀ ሰላም የእኔ አይደለችም” ሲል መግለጫ ማውጣቱ ይታወሳል።

++++++++++++++++++
 ከዚህ በፊት ስለ አባ ሰረቀ ምን ተዘግቧል?

September 28, 2009


የሰሞኑ የዜና ርዕስ የሆኑት አባ ሰረቀ ማን ናቸው? በአሜሪካ ምን ምን ሲሰሩ ኖሩ?

(ደጀ ሰላም፤ ሰፕቴምበር 27/2009)፦
ሰሞኑን በማኀበረ ቅዱሳንና በጠቅላይ ቤተ ክህነት አንድ መምሪያ መካከል የተፈጠረው ውጥረት ፈንድቶ መውጣቱንና መንግሥትን ማሳተፉን ከሰማን ወዲህ ስማቸውን በጉልህ መስማት ከጀመርናቸው ሰዎች መካከል አንደኛውና ግንባር ቀደሙ ሰሜን አሜሪካ የነበሩትና በደንብ የምናውቃቸው “አባ ሰረቀ ብርሃን ወልደ ሳሙኤል” ናቸው። ስለዚህ ይህ ጽሑፍ ስለኚሁ ሰው የአሜሪካ ቆይታ እውነተኛ እማኝነት ይሰጣል። ቤተ ክርስቲያናችንን የሚመሯትና ነገ ጳጳስ ይሆናሉ ተብለው የሚጠበቁት እኚህ ሰው ምን ዓይነት ሰው እንደሆኑ ያብራራል።

አባ ሰረቀ የዛሬ 15 ዓመት አካባቢ ወደ አሜሪካ ሲመጡ ለመጀመሪያ ጊዜ የሄዱት ወደ ሎስ አንጀለስ ካሊፎርኒያ ነበር። በዚያም አባ ኃ/ሥላሴ ከተባሉ አባት ጋር የጻድቁን የአቡነ አረጋዊን ቤተ ክርስቲያን ማገልገል ጀምረው ነበር። ይሁን እንጂ አባ ሰረቀ ከመጡበት ጊዜ ጀምሮ የሄዱበት አካባቢ የሚገኙ አብያተ ክርስቲያናትን ሰላም በማወክና በመበጥበጥ የታወቁ እንደመሆናቸው አቡነ አረጋዊንም ወዲያውኑ መበጥበጥ ጀመሩ። የአቡነ አረጋዊ ቤተ ክርስቲያንን ቦርድ በመቅረብ “መቀደስና ማገልገል የምፈልገው በትግርኛ ቋንቋ ብቻ ነው” ማለት ጀመሩ። በዚህም የዘወትር አገልግሎት የሚሰጥባቸውን ግዕዝንና አማርኛን ዜሮ አደረጓቸው። ቦርዱን በመጠምዘዝና በማሳመን በትግርኛ ብቻ እንዲቀደስ ለማድረግም ችለው ነበር።

በዚህ መልክ ከ6-8 ወራት ከቆዩ በኋላ በቦርዱ አባላት መካከል እንደገና ጥርጥር፣ አለመግባባትና ልዩነት በመፍጠር ለመክፈል ሞከሩ። ወደ ትግርኛ የቀየሩት ቅዳሴ አላዋጣ ሲላቸው ወይም “ስልታዊ ለውጥ” ማድረግ ሲፈልጉ እንደገና “ወደ አማርኛና ግዕዝ” መመለስ ፈለጉ። በዚህ ጊዜ ቦርዱ እምቢ አለ። “ለምን መጀመሪያ ወደ ትግርኛ ወሰዱን ለምን ይመልሱናል? እኛ የእርስዎ መጫወቻ አይደለንም። ደግሞ የቤተ ክርስቲያናችን አባላት ለምደውታል” ብለው እምቢ አሉ።

አባ ሰረቀ ይህ አልሳካላቸው ሲል ዲሲ አካባቢ ከሚገኘው የመድኃኔ ዓለም ቤተ ክርስቲያን ተጋጭተው የወጡ የትግርኛ ቋንቋ ተናጋሪዎችን በማስተባበር “ቤተ ክርስቲያን ለመክፈት” ተስማሙ። ይህ ከመድኃኔ ዓለም ቤተ ክርስቲያን የወጣው ቡድን ያን ጊዜ የአሜሪካ ሀ/ስብከት አሁን የኢየሩሳሌም ሊቀ ጳጳስ የሆኑትን ብፁዕ አቡነ ማትያስን በማነጋገር “በትግርኛ ብቻ አገልግሎት የሚሰጥበት ቤተ ክርስቲያን ለመክፈት” ሞክረው ሳይሳካላቸው የቀሩ እንደነበሩ ጉዳዩን የሚያውቁ ሰዎች ይናገራሉ። እናም በሎስ አንጀለስ አቡረ አረጋዊ ያልተሳካላቸው አባ ሰረቀ ቨርጂኒያ ሌላ የአቡነ አረጋዊ ቤተ ክርስቲያን “ከፈቱ”። የሎስ አንጀለስ ምዕመናንን ያሳሳቱት ሳይበቃ የቨርጂኒያዎችንም አጭበርብረው በዘረኛ መንፈሳቸው የዋኃኑን አጠመዷቸው። ትናንትና አባ ሰረቀ “የከፈቱት አቡነ አረጋዊ ቤተ ክርስቲያን” ዛሬ ደግሞ አባ ኃ/ሚካኤልን የመሰሉ መናፍቅ መነኩሴ አቅፎ ይዟል። (አስተዳዳሪው ቀሲስ ተከስተ የተባሉ ወጣት ቄስ ናቸው)። አባ ኃ/ሚካኤል ከአባ ሰረቀ ሚሽን ተቀብለው ወደ አሜሪካ የመጡ መሆናቸው በስፋት ይነገራል፤ ይታወቃልም።

አባ ሰረቀ ወደ ቨርጂኒያ እንደመጡ የሀገረ ስብከቱን ሊቀ ጳጳስ ብፁዕ አቡነ ማትያስን በመቃወም ማስተማር ጀመሩ። ብፁዕ አቡነ ማትያስን ብቻ ሳይሆን በጠቅላላው ጵጵስናንና ፕትርክናን በመቃወም “ጳጳስም፣ ፓትርያርክም አያስፈልግም” እያሉ ዐውደ ምሕረቱን ከያዙ ጀምሮ በትግርኛ ብቻ በመቀደስና ማስተማር ክፍፍልን መዝራት ጀመሩ። “ጳጳስ አያስፈልግም አዲስ ቤተ ክርስቲያን ለመክፈት ከሆነ እኔ ራሴ ‘መባረክ’ና መክፈት እችላለሁ” ማለት ጀመሩ። በዚህ የተጀመረው ልዩነት ሰፍቶ አቡነ አረጋዊን ራሱን ለሁለት ለመከፈል አበቁት።

ከዚያም የቤተ ክርስቲያኑን ስምና ንብረት በመውሰድ ጥለው ወደ አሌክሳንደሪያ (ቨርጂኒያ) ሄዱ። በዚያው ስም አቡነ አረጋዊ ብለው በመሰየም “አዲስ ቤተ ክርስቲያን ከፈቱ”። በአባ ሰረቀ ጎትጓችነት ተታለው ከመድኃኔዓለም ወጥተው የነበሩትም ምእመናን ልዩነታቸው በማቻቻል ከቀደመው ቤተ ክርስቲያናቸው ጋር ታረቁ። ይሁን እንጂ አባ ሰረቀ ንብረታቸውን በሙሉ ዘርፈው እንደወጡ እንዲቀሩ አልፈቀዱላቸውም። የሕግ ዕውቀት ያላቸው ሰው በማነጋገርና ርዳታ በማግኘት አባ ሰረቀን ሕግ ፊት አቆሟቸው። አባ ሰረቀም የወሰዱትን ሀብትና ስም በሙሉ በግድ ለመመለስ ተገደዱ። በሕግ ፊት የተዋረዱት አባ ሰረቀም አቡነ አረጋዊን አስረክበው ሲያበቁ በቅ/ጊዮርጊስ ስም “አዲስ ቤተ ክርስቲያን በቨርጂኒያ ከፈቱ”። ይህ ቤተ ክርስቲያን ዛሬም በቨርጂኒያ እንደሚገኝ ይታወቃል።

አባ ሰረቀ በዚህ መልክ ቤተ ክርስቲያንን ሲከፋፍሉና ሲያዋርዱ ቆይተው ጊዜ እየተቀየረ ሲሄድ “ጳጳስ የመሆን ሌላ ጾር ሲነሣባቸው” በፊት “አያስፈልግም” ሲሉት የነበረውን “ጵጵስና፣ ፕትርክና እና ቅዱስ ሲኖዶስ” ሸውደው “እጅ ሰጥተው” የአቡነ ጳውሎስ ጋሻ ጃግሬ ሆነው ወደ ኢትዮጵያ ገቡ። አባ ሰረቀ የዲሲና አካባቢው ማህበረ ካህናት ጉባዔ አባል በነበሩባቸው ዘመናት ሁሉ እያጥላሉ ሲሳደቡ የነበሩትን ፓትርያርክ “ካለ እርስዎ ሰው የለም፣ ቅዱስ የለም” ብለው ጫማ ስመው የመምሪያ ኃላፊነት ሽልማት ተሰጣቸው። ይሁን እንጂ ሲጓጉለት የነበረው ጵጰስና ሳይሳካላቸው ቀረ። የቅዱስ ሲኖዶስ አባላት የሆኑ ብፁዓን አባቶች “እንዲህ ዓይነቱን ወንበዴ፣ ቤተ ክርስቲያንን ሲያሰቃይ የኖረ ሰው እንዴት ጵጵስና እንሾመዋለን” በማለታቸው ሳይሳካ ቆይቶ ነበር። ውስጥ አዋቂዎች እንደሚናገሩት ከሆነ በመጪው ጥቅምት በሚደረገው የቅዱስ ሲኖዶስ ስብሰባ ላይ ጵጵስና እንዲሾሙ ይቀርባሉ ከሚባሉት አባቶች መካከል አንደኛው እኚሁ ዘረኛ መነኩሴ አባ ሰረቀ ብርሃን እንደሚሆኑ ታውቋል።

አይ ዘመን፤ የሚገርመው እኚህኑ አባ ሰረቀን ዛሬ እሑድ በተላለፈው የሀገር ፍቅር ሬዲዮ ላይ ድምጻቸውን ሰማነው። ያውም የቤተ ክርስቲያን “ጠበቃና ተቆርቋሪ” ሆነው። አይ ቤተ ክርስቲያን!!! መከራሽ አያልቅ!!!
ቸር ወሬ ያሰማን
(http://www.addisadmass.com/news/news_item.asp?NewsID=1462)
++++++++++++

November 3, 2009


ቤተ ክህነት “ደጀ ሰላም”ን ወነጀለ

(ደጀ ሰላም፤ ኖቬምበር 3/2009)፦
“ደጀ ሰላም” የጡመራ መድረክን የጠቀሰ የክስ ዶኩመንት ሰሞኑን ከቤተ ክህነት ይፋ ሆነ። በሰንበት ት/ቤቶች ማ/መምሪያ እና በማህበረ ቅዱሳን መካከል በተነሣው ውዝግብ ደጀ ሰላምን በማስረጃነት የጠቀሱት የመምሪያው ሃላፊዎች መሆናቸውን ዶኩመንቱ (PDF) ገልጿል። ደጀ ሰላም ጁላይ 9/2009 ያወጣችውን የሚከተለውን ዜና በማስረጃነት በመጥቀስ በቅዱስ ፓትርያርኩና በመንግሥት ባለሥልጣናት ፊት የከሰሰሱት የቤተ ክህነት ባለሥልጣናት ደጀ ሰላምን “የማህበረ ቅዱሳን” መሆኗን ጠቅሰዋል።
ደጀ ሰላም በወቅቱ ያወጣችው ዜና ከዚህ በታች ተያይዞ ቀርቧል።

(ደጀ ሰላም፤ ጁላይ 9/2009)
• “ከዚህ በሁዋላ ከፓትርያርኩ ጋር አብረን አንሠራም” ብፁዕ አቡነ ቄርሎስ፤ ብፁዕ አቡነ ጢሞቴዎስ
• “ሀገረ ስብከቴን ተረከቡኝ” ብፁዕ አቡነ ፋኑኤል፣
• ብፁዕ አቡነ እስጢፋኖስ፣ ያልተጠበቁ የፓትርያርኩ ደጋፊ፣
• ፓትርያርኩ “ተቃዋሚዎቻቸውን ይበቀላሉ” ይባላል፣
• አቡነ ሳሙኤልን ስላገቱት ሰዎች ፌዴራል ፖሊስም አያውቅም፣

ቅዱስ ሲኖዶሱ ያረቀቀውን ቃለ ጉባዔ ሳያጸድቅ፣ የጀመረውን አጀንዳ ሰይቋጭ፣ ቤተ ክርስቲያኒቱን ሜዳ ላይ ጥሎ ወደ ቤቱ ገብቷል። ከስምምነት ላይ የተደረሰበት ውሳኔ በፊርማ እንዳይጸድቅ ብፁዓን አበው እስጢፋኖስ፣ ኤጲፋንዮስና ጎርጎርዮስ የሞት ሽረት ትግል አድርገው፣ አባቶችን በጥብጠው ውሳኔው እንዲከሽፍ አድርገዋል። በተለይም በምዕራብ ኢትዮጵያ በጀመሩት መልካም አገልግሎት በሕዝቡ እየተመሰገኑ የነበሩት ብፁዕ አቡነ እስጢፋኖስ ይህንን ገዳይ አቋም እንዴት ሊይዙ እንደበቁ እንቆቅልሽ ሆኗል። ገሚሱ በገንዘብ ተገዝተው ነው ሲል ሌላው ደግሞ ውስጠ ዘ በሆነ ማስፈራሪያ ሊሆን ይችላል እያለ ነው።

ይህ በእንዲህ እንዳለ ወደ አሸናፊነቱ እየመጡ ያሉት ፓትርያርኩ የበቀል በትራቸውን እንደሚመዙ እየተጠበቀ ነው። የመጀመሪያ ተጠቂዎች የሚሆኑት በአዲስ አበባ የሚገኙ ገዳማትና አድባራት አስተዳዳሪዎች ሲሆኑ ባለፈው ሳምንት በብፁዕ አቡነ ሳሙኤል መሪነት ስብሰባ ካደረጉ በሁዋላ የፓትርያርኩን ድርጊት የሚቃወም መግለጫ ማውጣታቸው ይታወሳል። ከዚህም ባሻገር ይህንን ሁሉ ሕዝብ ያስተባብርብኛል ያሉት ማህበረ ቅዱሳንም ላይ ጥርሳቸውን ነክሰዋል ተብሏል።
የቤተ ክህነቱ ድራማ ዛሬ ሲተወን ጠዋት በማለዳው ስብሰባ እንዳይገቡ የታገቱት ብፁዕ አቡነ ሳሙኤል ለምን እንደታገቱ ፌዴራል ፖሊስ ራሱ አያውቅም። የደህንነት ክፍሉ ደግሞ ለደህንነታቸው ብዬ ነው ብሏል። ድራማው ሊቀ ጳጳሱን ከስብሰባው በማስቀረት ውሳኔውን ማክሸፍ ከሆነ በርግጥም ዘዴው ሰርቷል ማለት ይቻላል።መንግሥት በበኩሉ ጉዳዩን እያጠናው እንደሆነ ውስጥ አዋቂዎች ገልጸዋል።

በተያያዘ ዜና ፓትርያርኩ የተነሣባቸውን ተቃውሞ ለመስበርና አባቶችን አንገት ለማስደፋት የሚሆን ገንዘብ ራሳቸው በግላቸው ከሚያዙበት ከቁልቢ ገብርኤል ካዝና ወጪ መደረጉ ታውቋል። የብሩ መጠን ለጊዜው ባይታወቅም ገንዘቡ ለአንዳንድ የፖሊስ ሃላፊዎች፣ ደህንነቶችና ጉልበት ላላቸው ሰዎች መበተኑ ሲታወቅ መንግሥት በውስጡ ሌላ መንግሥት ያለበት አስመስሎታል። እስከ ዛሬም በመንግሥት ስም ቤተ ክርስቲያኒቱን እግርተወርች አስረው ሲበሏት፣ ሲግጧትና ሲያዋርዷት የነበሩ ሰዎች የፓትርያርኩ ዘመዶችና ወዳጆች ብቻ ሳይሆኑ በመንግሥት ሥልጣን ላይ የተንፈራጠጡ ሰዎችም መሆናቸው እየተገለጸ መጥቷል። መንግሥት ጉዳዩን አጣርቶ ሕገ ወጦቹ እጃቸውን ከቤተ ክርስቲያኒቱ ላይ እንዲያነሱ ያደርጋል ተብሎ ይገመታል።

ነገሩ በዚህ ከቀጠለ ቤተ ክርስቲያኒቱ ቅዱስ ሲኖዶስ አላት ለማለት እንደማያስደፍር አንድ ሊቀ ጳጳስ ተናግረዋል። ከዋሺንግተን ዲሲ ተጠርተው የተሾሙት የሲዳሞ ሀ/ስብከት ሊቀ ጳጳስና የሥራ አስፈጻሚው አባል ብፁዕ አቡነ ፋኑኤልም በበኩላቸው “ሀ/ስብከቴን ተረከቡኝ” ማለታቸው ተሰምቷል። በርግጥም ሊቀ ጳጳሱ እንዲህ ካደረጉ ጳጳሳት የሥራ መልቀቂያ የሚያስገቡበት፣ በቅዱስ ሲኖዶስ ሳይሆን በፓትርያርክና በሴት ወይዘሮዎች ብቻ የሚመራ ቤተ ክህነት ይፈጠራል ማለት ነው።
አንድ አስተያየት ሰጪ እንደተናገሩት የፊታችን ሰኞ ስብሰባ ይደረጋል ተብሎ የሚጠበቅ ሲሆን ስብሰባው የተጠራው በቅዱስ ፓትርያርኩ ከመሆኑ አንጻር ምንም ተለየ ነገር አይጠበቅም። ቅዱስነታቸው የፊታችን እሑድ በዓለ ሲመታቸውን እንደሚያከብሩ ይታወቃል።
ለማንኛውም ደጀ ሰላም በበኩሏ “ተስፋ አንቁረጥ፣ እግዚአብሔር ሥራው ድንቅ ነውና” ትላለች።
ቸር ወሬ ያሰማን፣

አሜን

14 comments:

Anonymous said...

ወይ ሰራቂው ሰረቀ። አሜሪካ ተደብቆ የከረመው ይሄንን የነገር ፈትሉን እየፈተለ ነበረ ማለት ነው።

እግዚአብሔር ይቅር ይበላቸው።

Anonymous said...

የተወደዳችሁ ምእመናን የእኛ የክርስቲያኖች ከሳሽ ጥንተ ጠላታችን ሳጥናኤል ወይንም ዲያብሎስ ስለሆነ ወድ የደጀ ሰላም አዘጋጆች እና ደጀ ሰላማዊያን እኚህም ሰረቀ የተባሉት ቤተ ክርስቲያን ላይ የሚያደርሱትን በደል ና ስርቆት በጽኑ ልንቃወም የቤተ ክርስቲያን ጠበቃና ተቆርቋሪ ልንሆን ይገባናል፡፡ እግዚአብሔር ይርዳን፡፡የተወደዳችሁ ምእመናን የእኛ የክርስቲያኖች ከሳሽ ጥንተ ጠላታችን ሳጥናኤል ወይንም ዲያብሎስ ስለሆነ ወድ የደጀ ሰላም አዘጋጆች እና ደጀ ሰላማዊያን እኚህም ሰረቀ የተባሉት ቤተ ክርስቲያን ላይ የሚያደርሱትን በደል ና ስርቆት በጽኑ ልንቃወም የቤተ ክርስቲያን ጠበቃና ተቆርቋሪ ልንሆን ይገባናል፡፡ እግዚአብሔር ይርዳን፡፡

Anonymous said...

+++
ውድ ደጀ ሰላሞች አንድ ነገር ብቻ በእናንተ ዘወትር መረሳት የለበትም፡፡ ይህም የቤተ ክርስቲያንን መረጃ እያቀረበችሁ ስለሆነ አገልግሎቱ ፈታኝ ለጠላትም የእግር እሳት መሆኑን! ስለዚህ በእውነት የምታገለግሉት የቤተ ክርስቲያን አምላክ በስራው ሁሉ እንዲረዳችሁ ጽልዩ። ዘመኑ ክፉ ነው በዚህ ዘመን ደግሞ ጥቅመኞች በዝተዋል ጥቅማችው ከተነካ የማይፈነቅሉት ድንጋይ የማይጠነስሱት ሴራ አይኖርም። ግን እውነት ባለበት እግዚአብሔር አለ እግዚአብሔር በአለበት ጽናት እና አሸናፊነት አለ።
እዉነቱን ለመግለጽ ኣሁንም ትጉ!!!
አምላከ ቅዱሳን ቤተ ክርስቲያንን ይጠብቅልን!

Anonymous said...

"አባ" ሰረቀ ልብ ካሎት ይሞክሩ እንግዲህ እግዚአብሔር ይህችን ቤተ ክርስቲያን ሊታደጋት ይመስላል "እርሱዎ" ራሱዎ ካምጡትማ የበቅሎዋ ነገር በተግባር ይታያል። ደጀ ሰላም የራሱ የሆነ ባለቤት ያአለዉ ድረ ገጽ ሳይሆን ብሎግ blog ነዉ፡፡ ምንም ከማኅበረ ቅዱሳን ጋር የሚያገናኘዉ ነገር የለም። ጵጵስናዉ ባይሳካሎት ይቺን ፍጥር ያደረጉት እሰይ እሰይ ይቀጥሉ...የአሜሪካዉን የፍርድ ቤት ዉሳኔና የልጆትን ፎቶግራፍ አያይዤ እልክሎታለሁ። አዲግራት እናቶት ዘንድ እያሰሳደጉ ያሉትን ማለቴ ነዉ፡፡ ከመንገድ ላይ ያገኙት ልጅ መሰሎት እነዴ...ወይጉድ...ለዛሬዉ ይቆየኝ በተግባር ለማየት ያበቃን።

Anonymous said...

ውድ አንባቢዎች!
አስመሳይ ፈጠራን ለማዳመጥ ስንል ቤታችን እንዳይጎድልብን ብሎም ከሰማዩ መንግስት ፈልቀቅ እንዳንል አበክሬ እሰጋለሁ። አልፎ አልፎ እንደ ወፍ-መስቀል ብቅ የሚሉ እውነታዎችን የሉም ማለቴ አይደለም፤ ነገርግን አረረረረረረረረ.......የውሸቱ ቅመም ዓለም ዳርቻም ሳይቀር’ኮ ሽታዉን አወደው። ደነቆርኩ.......የት ልግባ? “ይሔይሰኒ እም ኢተፈጠርኩ-ባልፈጠር እኮ ይሻለኝ ነበር። ማንበቡ እንዳልተወው አደገኛ ሱስ ሆኖብኛል።
በውነቱ ለዚህ ሁሉ ቀን ተሌሊት የሚያሰራቸው ለቤተ ክርስቲያን ተቆርቁረውላት ነው? ምናልባት ዳጎስ ያለ ገንዘብ ጎንጭተው እንዳይሆኑም እፈራለሁ፤ አሊያም ልላ በግል ጥቅም ተነቋቁረው ተከታይን ለማምረት ፈልገው እንዳይሆኑ መጠርጠሩ አይከፋም ሪሰርች ነውና።
ይህ ያስባለኝ በቅርብ ሆኜ በትክክል የማውቀው ጉዳይ በዚሁ ድህረ ገጽ በሬ-ወለደ ሆኖ ሳገኘው ገርሞኝ ነው።
ለማንኛውም እስኪ መላ እንበል!

Anonymous said...

Please put the picture of the son of Aba Serk from Adigrat. This is very important to detach him from being Bishop. The Holy Synod Urgently need it.

Anonymous said...

It is good that you expressed your feeling about Deje Selam and it is also one's right to hold a position. You become sympathetic about Orthodox Christians. What I couldn't understand is if you find something wrongly reported I believe it is not only your moral but also it is your religious obligation to expose.Deje Selam reported about Aba Sereke with a supporting evidence (the letter which I copied and distributed to so many EOC in Addis and you can still find it on this blog). That is the most important point. the rest is not relevant for me.However, what you said is not supported with concrete evidence.

Anonymous said...

betigirigna yikedes maletachew ende wenjel adirigachihu makireb tegebi ayimeslegnim mikiniyatum hizbu bemigebaw quanqua(Language) tetergumo bikedesilet biteregom hatiyat ayidelem yawum betam yemiberetat new. enante tebaboch atihunu be amarigna bicha mekedes alebet yemibal neger tikikil ayidelem. Eza betekiristiyan yemigelegelu tigrigna yeminageruna yemigebachew eskehone dires chigir alew alilim. Mekefafel Be America yejemerut degmo Zeregna yehonu ye amara tewelachoch enji yetigrigna tewelachoch ayidelum. Kaltesmamu kemitalu leyebicha huno bigelegelu chigir alew alilim mikiniyatu betekiristiyan yeselam enji yetilacha bet ayidelechimina. Chigir yeminorew yebetekiristiyan yalihone timihirt siyastemiru new. Ya mereja kalachu akirubulin. Andi asteyayet yemiset, lij alachew adigirat bilehal. Siweldut neberk? weys alga lay ke setiyewa ga sitegnu abreh neberik? min yakil ergitegna neh? endezih ayinet bere welede wushet zimbilen ye sew sim lematifat bemefeleg menager yelebinim. Degmo be abatinetachew binakebirachew tiru new. Aba sereke siletebalu sereku(Leba) malet tilik difiret new. Eyandandachin man hunen new. Eski yerasachin hatiyat kom bilen eniye. Zimbilo milasachin 10 meter eyawlebeln difiret yalew neger baninager tiru new. Christiyan mejemeriya rasu new yemiyayew yegaudegnaw aynu lay yalew gudif kemawutatu befit malet new. Deje selam sile ewunet bitikomuna lehulum tehadiso eyalachihu kebetekiristiyan ekif batawetut melkam new. Ahunus meterater jemerku enantem rasachihu tehadiso endatihonu mikiniyatu lebizu agelgayoch tehadiso tilalachihu neger gin beki masreja yelachuhum. Yebetekirisiyan chigir enji yebetekiristiyan melkam neger atizegibum. Yemekele menfesawi college Tehadiso new kalachihu mindinew masrejachihu? wey zemen wey gud Egziabher libona yisten bebetekiristiyan sim yemiyatefu yeminegidu sewoch libona sitilin amlakachinim egnanim tebiken Abatochachinim behayimanotachew atsinachew.

Anonymous said...

አይ አባ ሠረቀ ዛሬ ደግሞ በፍርድቤት ሊሞክሩ ነው:: ይህስ ካልሆነ በቀጣይነት በምን ይሞክሩ ይሆን:: ያስቃሉ:: ወደ ህግ መሄድዎ መልካም ነው እንደፓትርያርኩ ሹሞና ሸልሞ አይለቀዎትም ዳኛው ውሸትዎን ካወቀ ወደቃሊቲ ይልክዎታል:: በለፈለፉ ይጠፉ ተረቱ ያንጊዜ ከተረትነት አልፎ ድርጊት ይሆናል:: ማኅበረ ቅዱሳን አጉል ትትና ይዞት እንጂ ( አጉል ያልኩት ለርስዎ ያሳየውን ነው እንጂ ትህትናውን ማናናቄ አይደለም) ወደ ከርቸሌ ሊያስልክዎት በተገባ ነበር:: በመንግሥትና በህዝብ መካከል ጥላቻን መቀስቀስ እኮ ወንጀል ነው:: ለመሆኑ እርስዎ የኢትዮጵያን ሕገ መንግሥት ያውቁታል:: አሁን መዋረጃዎ ጫፍ ላይ ነዎት:: ጵጵስና አትገኝም:: እንደርስዎ አይነቱን የሥልጣን ጥም ያሰከረው መሾም ወደማቆሙ ነው:: የመምሪያውንም ኃላፊነት ያለፈው የሰበካ ጠቅላላ ጉባኤ የማቀድ እና እቅድን የማስፈጸም ችግር መምሪያው አለበት ብሏል ያ ማለት ኃላፊው ሥራ አይችሉም ማለት ነው:: ሥር ሳይችሉ መሾም ትርፉ ይህነው ተንሳፋፊ መሆን::

Anonymous said...

The 8th Anonymous (8 lay comment yesetehew wendime) ye kidase zema bamarignam betigrignam beoromoignam be Englishim ….ayidelem be Geez new. Kezema wuchi yalewun degimo betigrigna tergumo manibeb degimo chigir alew alitebalkim. Ezih ga yetetsafew sewuyew sew lemekefafel yaderegew seitanawi siraw tetsafe enji bekidasew zuria yetesete asiteyayet yelem, tebab atihun eshi. Degimo Tigire mesileh legna yetekorekork timesilaleh. Kezih bohala silegna konkua sitawera endalisemah, leba neh ante. Legna kuankua kegna belay ante atikorekorilinim. Degimo geezem bihon kante belay asamiren enisemalen. Be Geez bicha bikedes egna (Tigrigna tenagariwoch) chigir yelebinim asamiren enisemalen. Kiristina bihertegninet yemintsebarekibet ayidelem, Yihe haimanot enji poletika ayidelem. Ye Amara yetigire tewelaj eyalk yemitikefafil ante neh. Tikikilegna Christian bitihon amaroch balalk neber, aba ekele endih arege esun enikawem neber yemitilew.
Kuankuan betemeleket Egziabher bezih kuankua kalihone alisemam alalem betechristian sewoch bemigebachew kuankua eyasitemarech noralech wedefitim tinoralech. Enkuan bagerachin kunakuawoch kerito bewuch hager kuankuawoch lemisale English, German, Arabic…. Etc eyasitemarech tigegnalech Wedefitim geez amarigna, tigirigna oromoigna, guragigna yemayisema hager kehedu likawunte betechristian sewu bemiyawukew kuankua tasitemiralech. Zeman betemeleket gin zema yalew be Geez bicha new. Kezih ketilo yalewun degimo tsifehal: ‘Kaltesmamu kemitalu leyebicha huno bigelegelu chigir alew alilim mikiniyatu betekiristiyan yeselam enji yetilacha bet ayidelechimina.’ Ezih ga yetsafikachew negeroch eko erisbersachew tekarani nachew. ‘Kalitesimamu kemitalu’ alik endegena degimo ‘betekiristiyan yeselam enji yetilacha bet ayidelechimina’ tilalehu. Yetilacha bet awo ayidelechim silezih kalitesimamu yemil neger min asifelege? Yeselam bet kehonech enkuan tetalitew leyebiche ligelegelu krto kedimowunim metalat yemibal neger menor yelebetim. Tetalitew leyebicha kehonu gin seitan gebitoal enji huletum wegenoch yebetechristian nachew malet anchilim. Seitanina lijochu nachew yihen yemitekisut. Egna (Amlak yikir yibelegn zer sileterahu zer metirat kasifelege egna Tigirewoch) amaram hone oromo, gurage, welayita even yewuch zegoch, yadam zer bemulu ante silalk liyunet yelenim behaimanot be Egziabher 1 nen. Yeseitan menifes lemezirat atimokir. Degimo ‘Aba sereke siletebalu sereku(Leba) malet tilik difiret new’ bilehal, mehayim silehonik new. Sereke Malet leba mallet ayidelem, Serek geez new ‘weta’ mallet new. Tigrigna bitisema noro sereke mallet leba malet new atilim neber. Wendimalem yegnan sim atitekem. Egna behaimont (be Egziabher fitiretinet) hulachinm 1 endehonin bedenb enawukalen. Began kuankua (be tigirigna) kedisu alalinim sewuyew felege enji egna alifeleginim. Geezin kemanim Ethiopiawi beteshale abetiren enisemalen. ‘lebizu agelgayoch tehadiso tilalachihu neger gin beki masreja yelachuhum’ bilehal. Mayet silalfelek weyim erasih tehadiso silehonk kalihone beker Aba sereke le lekesis Getachew Doni yetsafew beki kebeki belay new. Bezihu blog lay betedegagami post tederigoal, yezarew layim ale. Lib yistihina ebakih eyew libihin atadendinew.
Mecheresha lay ‘wey zemen wey gud Egziabher libona yisten bebetekiristiyan sim yemiyatefu yeminegidu sewoch libona sitilin amlakachinim egnanim tebiken Abatochachinim behayimanotachew atsinachew.’ Bilehal Amen luhulachinm lantem chimir libuna yisiten, yaba sereken yetifat debidabe eyayu endalayu eyesemu endalisemu lemihonut yemiyay wusatawi ayin yemisema joro yisetachew legnam yisiten.

Mebrat Gebre
Me.gebre@yahoo.com

Anonymous said...

er temsgen ne zendro weye gude sente ayente aba serke ale meslacheu abesuo be europa ezhe yalutense endete yewune yemtagltulen anjetachen endarerema aykerme swizerlande yalchese betchersteyane ye abate yalehe telaleche ewnte betzgyeme endzhe tewetalchena ayzun deje selame bertu ye kidusane amelake yerdacheu

GUD-FELA ZE MINNESOTA said...

ሰረቀ ጨለማ እንጂ ምን ሰረቀ ብርሃን ይባላል። የዘረኝነት ልብሱን ያላወለቀ እና ለጥቅም ብቻ ያደረ ሰውን ሰረቀ ብርሃን ብሎ መጥራት ለጠሪውም ያሳፍራል። ጵጵስና የሚሰጠው ማስተዳደር ለሚችል እና ብርሃን ለሚፈነጥቅ ሙሉ ሰው እንጂ ገና ከአሁኑ ሥራው ጨለማ ለሆነው ሰው መሆን የለበትም። በልዩነት መካከል ውስጥ መኖር ያቃተው እና ዓረፍተ ነገር ተጻፈ ብሎ ወደ ክስ የሚሮጥ ሰው ለፈተና የተዘጋጀ አይደለም። ጵጵስና ላይ መውጣት እና የመጨረሻውን ደረጃ መያዝ ያለግብር ከሆነ ምንም አይፈይድም። እኔ በክርስቶስ ሁሉን እችላለሁ ይባላል እንጂ እንዴት እኔ በእነእገሌ ሁሉን እችላለሁ ይባላል። የሰነፍ መፈክር የያዘ ሁሉ ወደ ጵጵስና ቢሮጥ ሊያሳድግ ሳይሆን ሊያቆረቁዝ ነውና ጵጵስና ሰጭው ክፍል ስለ እግዚአብሔር ብሎ አያድርገው እላለሁ። ከሳሾቼን ለመበቀል ይቺን ሥልጣን በእጄ ባደረግኩኝና ወንድነቴን ባሳየኋቸው ለሚል ሰረቀ ጨለማ እውነተኛ የብርሃን ልጆች በሚቀመጡበት ወንበር ላይ መቀመጥ የለበትም። ኢትዮጵያን መዝረፊያ አሜሪካንን መደበቂያ ላደረገ ሰው በር መክፈት እስከ ወዲያኛው በር ማዘጋት ስለሚሆን ከወዲሁ ይታሰብበት። በመጀመርያ ሰረቀ ጨለማ ትክክለኛው ሰረቀ ብርሃን ይሁንና አሮጌውን የዘረኝነት ልብስ አውልቆ አዲሱን የትሕትና እና የፍቅር ልብስ ይልበስ። በጸሎት አሸንፋለሁ፤ እግዚአብሔር ይረዳኛል ይባላል እንጂ ከሳሾቼን እከሳለሁ፤ እንዲህ ብለውኛልና በማለት ነገር መሰብሰብ ለጸሎት ጊዜ ካለመስጠት የመጣ ውድቀት ነው።

Anonymous said...

እንደ ያኔው
በስመ አብ ወወልድ ወመንፈስ ቅዱስ አሐዱ አምላክ አሜን::

አንዳች በሌለው አውላላ
ድንጊያው ወንበር ሆኖልህ
ድባብ ሆኖህ የዛፍ ጥላ
እጅህ መሰረት አኑራ
ቃልህ ሕይወትን ተክላ
ያኔ የወለድከው ልጅህ
የበኩርህ
እህል ሳይሆን ፍቅር መግበህ
የሕይወትን ቃል ወተት አጥግበህ
ያሳደከው ልጅህ ያ እንኳን የበኩርህ
እግር አውጥቶ ሲቆም ዛሬ ከዳዴ አልፎ
ለብዙዎች ሲደርስ በረከቱ በዝቶ
ሞልቶ ተትረፍርፎ
ዘረ ቡሩክ ተብሎ ስምህን ሲያስጠራ
እንዴት ደስ አይልህ እንዴትስ አትኮራ
አባ ዝም አትበል በላ ተናገራ፡፡
ልጅህ ለወግ ደርሶ ዛሬ
ጎጆ ሲያቆም ቤት ሲሰራ
ምሰሶ ከማገር መርጦ
ሕንፃ ሲያቆም ሊሰማራ
እንደ ያኔው እንደ ጥንቱ
ምክርህን ሽቶ ሲጣራ
አባ እባክህ ዝም አትበል
ጎርጎርዮስ ተናገራ
በርታ በለው በኩርህን
ማህበረ ቅዱሳንን፡፡

ወስብሐት ለእግዚአብሐር
ሐምሌ 1995

http://www.eotcmk.org/site/index.php?option=com_content&task=blogcategory&id=33&Itemid=55

12 said...

ke photoachew gerba yalew background simir....lik esachewn yimeslal....loooool

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)