October 13, 2010

መንግሥትን “አበጀህ፣ ጎበዝ” እንበለው ወይስ ገና ነው?

(ደጀ ሰላም፤ ኦክቶበር 12/2010፤ ጥቅምት 2/2003 ዓ.ም):- በዋነኝነት በመንግሥት ሐሳብ አመንጪነት እና አስተግባሪነት ተካሂዷል በተባለ የቤተ ክህነት አዲስ ሹመት እና ማስተካከያ በቤተ ክህነቱ ውስጥ ያለው ሕገወጥነት እና ብልሹነት ሊስተካል የሚችልበት አግባብ እንዲፈለግ አዳዲስ ሰዎች ወደ አስተዳደሩ ብቅብቅ ብለዋል። በሪፖርታዣችን እንደጠቀስነውም ተሹዋሚዎቹ ሙያዊ ብቃት ያላቸው ሊሆኑ እንደሚችሉ ይገመታል። በሌላ በኩል ደግም በብዙ አስተያየት ሰጪዎች አስተያየት ሹመት እና ማስተካከያው በ1966ቱ አብዮት የቤተ ክርስቲያን እና መንግሥት ግንኙነት መልኩን ከለወጠ በኋላ ደርግ ቤተ ክህነቱን በድርጅታዊ አሠራር በመቆጣጠር ፓትርያርክ እስከ ማስመረጥ የደረሰበትን እና እስከ 1983 ዓ.ም ድረስ ‹‹ጥቁር ራስ›› ሥራ አስኪያጅ ይሾም የነበረበትን ዘመን አስታውሷቸዋል፡፡ ደርግ ‹‹በእግዚአብሔር ፈቃድ፣ በሕዝቡ ኀዘን፣ በሰራዊቱ ብርታት እና በተማሪው ጩኸት መጥቷል›› ባለው አብዮት ስም ፓትርያርክ አቡነ ቴዎፍሎስን አስሮ በግፍ ከመግደል ጀምሮ በኢኮኖሚ ይሁን በሞራል ከፍተኛውን ጉዳት ያደረሰው በኦርቶዶክስ ተዋሕዶ ቤተ ክርስቲያን ላይ ነበር፡፡

በርግጥ ከ1966ቱ አብዮትም በፊት ቤተ ክርስቲያን እና መንግሥት ስማዊ በሆነው የ‹‹ሲሶ ለቀዳሽ›› የመሬት ፖሊሲ ተዘምደው ቤተ ክርስቲያን በንጉሡ እና በመንግሥት ሞግዚትነት ሥር ቅብዐ መንግሥት እየፈጸመች ቅቡልነትን እና ሕጋዊነትን ስታሰጥ ኖራለች፡፡ ቀዳማዊ ኀይለ ሥላሴ የመንግሥት እና ቤተ ክርስቲያንን ግንኙነት የመጨረሻው ጫፍ ላይ በማድረስ የኢትዮጵያ ኦርቶዶክስ ተዋሕዶ ቤተ ክርስቲያን ሕገ መንግሥታዊ ዕውቅና ያላት የመንግሥት ቤተ ክርስቲያን (Established Church) እንድትሆን አድርገዋታል፡፡ ቤተ ክርስቲያን የመንግሥት ጥገኛ በመሆኗ በየዓመቱ ከመንግሥት የ1.9 ሚልዮን ብር በጀት ይመደብላት እንደነበርና የጳጳሳት ደመ ወዝ ሳይቀር ከመንግሥት ግምጃ ቤት እየወጣ ይከፈል ነበር፡፡ ኦይቪንድ ኤዲ የተባሉ ጸሐፊ ‹‹Revolution and Religion in Ethiopia›› በሚለው መጽሐፋቸው እንደሚገልጹት፣ የቤተ ክርስቲያኒቷ መሪዎች በመንግሥት እና ቤተ ክርስቲያን ‹ፍጹማዊ ጋብቻ› እንደሚያምኑበት ቢጽፉም፣ ቤተ ክርስቲያን በንጽጽር ካልተመዘነ በቀር የሚባለውን ያህል ተጠቃሚ እንዳልነበረች እንዲያውም ንጉሠ ነገሥቱ ‹‹ለዘመናዊነት›› በሰጡት ትኩረት በተለይም በዳር አገር ለፕሮቴስታንት አብያተ እምነት መስፋፋት በር በመክፈታቸው የሚተቿቸው ጸሐፊዎች እንዳሉ ይታወቃል፡፡

ኢሕአዴግ መራሹ መንግሥት በ1987 ዓ.ም ባጸደቀው ሕገ መንግሥት የሃይማኖት ነጻነትን ብቻ ሳይሆን መንግሥት እና ሃይማኖት የተለያዩ መሆናቸውን ደንግጓል፤ መንግሥት በሃይማኖት ጉዳይ፣ ሃይማኖትም በመንግሥት ጉዳይ ጣልቃ እንደማይገባ ዐውጇል፡፡ ድንጋጌው ሰፊ ትርጉም የሚሰጥ በመሆኑ በተግባር ምን ማለት እንደሆነ ወይም እንዳልሆነ ግልጽ እና ተመሳሳይ ግንዛቤ የለም፡፡ እንዲህም ስለሆነ ኢሕአዴግ የሃይማኖት ተቋማትን በተለይም የኢትዮጵያ ኦርቶዶክስ ተዋሕዶ ቤተ ክርስቲያንን አመራር መቆጣጠር እንዳለበት አልዘነጋም፡፡ ይህም ‹‹በደርግ ይሁንታ ተመርጠዋል፤ ደርግንም ይደግፋሉ›› የሚባሉትን ፓትርያርክ አቡነ መርቆሬዎስን ከሥልጣን በማውረድ፣ ‹‹የኢሕአዴግን ከፍተኛ አመራሮች ልጆቻችን›/ልጄ›› በማለት የሚታሙትን እንደ ምርጫ - 97 በመሳሰሉት ወርቃማ አጋጣሚዎች የቁርጥ ቀን ወዳጅነታቸውን ያረጋገጡትን ፓትርያርክ አቡነ ጳውሎስን በማሾሙ ጉልሕ ሆኖ ይታያል፤ በአናቱም ለቤተ ክርስቲያኒቷ ደርግ የወረሰባት ሕንጻዎቿ እና ንብረቶቿ እየተመለሱላት ቢሆንም ኢሕአዴግ በኦርቶዶክስ ተዋሕዶ ቤተ ክርስቲያን መሪነት መሠረት ይዞ የቆየውን የጥንታዊቷን ኢትዮጵያን ማንነት በመናድ ‹‹አዲሲቷን ኢትዮጵያን›› በአዲስ ርእዮተ ዓለም ለመገንባት ከጅምሩ ዐውጆ ተነሣ፡፡

ይህን አቋሙን መነሻ በማድረግ እንደ አቶ ተፈራ ዋልዋ (picture) ባሉት ቱባ የሥርዐቱ ሹማምንት የቤተ ክርስቲያኒቱ ነዋሪ ሚና በሚያንኳስስ አኳኋን ‹‹በታሪክ በርካታ ስሕተት የፈጸመች ነፍጠኛ፣ ዐፄያዊ እና ደርጋዊ›› በማለት ተፈረጀች፡፡ የአዲሱ ርእዮተ ዓለም እና አገራዊ አወቃቀር ሌላው ገጽታ በሆነው ‹‹የብሔር ብሔረሰቦች በነጻነት መደራጀት፣ ለቋንቋቸው እና ባህላቸው ልዩ ትኩረት መሰጠት›› ሳቢያ ቤተ ክርስቲያኒቱ አሐቲነቷ ተዘንግቶ፣ ምእመኖቿ ተከፋፍለው በሀገር ውስጥ እና በተለይም በባሕር ማዶ የጎሳ እና የፖሊቲካ ቡድኖች እዚህም እዚያም ባለዐምባ ራስ ሆነው ለጥቅማቸው የሚነዳደፉባት የፍልሚያ ጎራ ሆነች፡፡ ‹‹በእናት ቤተ ክርስቲያን ሥር ነን›› እያሉ፣ የፓትርያሪኩን ስም እየጠሩ ከአብያተ ክርስቲያኑ የሚያገኙትን ገቢ በግል አካውንታቸው እያስገቡ በሁለት ቢላዎ የሚበሉ ወንበዴ እና መናፍቅ ‹ቆሞሳት›፣ መኪና በሞዴል አማርጦ ከመግዛት፣ G+1  እና G+2 ሕንጻዎችን ከመሥራት በቀር ሕልም በሌላቸው ሃይማኖታቸው በተከለሰ፣ ምግባራቸው ባጸጸ ጳጳሳት ተሞላች፡፡

ፕሮፌሰር መድኀኔ ታደሰ ‹‹መርሕ ያልተበጀለት የነጻነት ንቅናቄ›› (unregulated freedom of religious activism) ብለው በሚጠሩት የሃይማኖት እና መንግሥት ግንኙነት የሚመራበት ከምዕራባዊ ተጽዕኖ የተላቀቀ፣ ቁጥጥር የሚደረግበት አገር በቀል ሞዴል እና ዝርዝር ስትራተጂ ባለመኖሩ ቤተ ክርስቲያኒቷ ከውስጥ ሀብቷን እና መንጋዋን የሚቦረቡሩትን በማጋለጥ፣ ከውጭ አፋቸውን ለሚያላቅቁባት አጽራረ ቤተ ክርስቲያን መልስ በመስጠት በአጠቃላይ በመከላከል አገልግሎት ተጠመደች፡፡ ኢሕአዴግ በፖሊሲ ደረጃ ሁሉንም እምነቶች በእኩልነት እንደሚመለከት በዓለም አቀፍ ሪፖርቶች ሳይቀር የተመሰከረለት ቢሆንም በአፈጻጸም/አተገባበር ረገድ ሃይማኖታዊ ጉዳዮችን የሚያስተናግድበት መንገድ ግን ችግር እንዳለበት ብዙዎች ይስማማሉ - አስፈጻሚ ሹማምንት ሁሉንም እኩል አያገለግሉም [የባሌ ሀገረ ስብከት በጊኒር ወረዳ ሰዌና ኪዳነ ምሕረት ሕዝበ ክርስቲያን ላይ ስለደረሰው ችግር ለባሌ ዞን አስተዳደር ጽ/ቤት በ13/1/03 በጻፈው ደብዳቤ የክርስቲያኖችን ማዕተብ እየበጠሱ የሚደበድቡ፣ ካህናቱን እናጠፋለን እያሉ የሚዝቱ ዋልጌ ሙስሊሞችን ለማረጋጋት የሞከሩ ክርስቲያን ፖሊሶች ጥቃት ደርሶባቸዋል፤ የአስተዳደር አካላቱም እየሰሙ እንዳልሰሙ ሆነዋል] ፓርቲው የሃይማኖት መሪዎችን ይጫናል፤ ፖሊሲዎች እና ሕጎች ሲዘጋጁ የሃይማኖት ተቋማቱ ድምፅ አይደመጥም፤ ባለሥልጣናቱ ፀረ ሃይማኖት የሆነ ንግግር ያደርጋሉ፤ ከቱሪዝም ሀብታቸው ተገቢውን ጥቅም እያገኙ አይደሉም፤. . . ፡፡

በአንዳንድ ባለሞያዎች ዕይታ ከምርጫ - 97 ንዝረት በኋላ ኢሕአዴግ የሃይማኖት ተቋማትን የሚይዝበት መንገድ ተቀይሯል፡፡ እስከ ምርጫ - 97 ድረስ የሃይማኖት ተቋማቱን አመራር በመያዝ ተወስኖ የነበረው ኢሕአዴግ ከዚያ በኋላ እስከ ታችኛው መዋቅራቸው ድረስ ዘልቆ መመልከት እና መያዝ እንዳለበት ያመነበት ይመስላል፡፡

ኢትዮጵያ በርካታ እምነቶች የሚገኙባት አገር ብትሆንም የሃይማኖት ጉዳዮችን በወጉ የሚከታተል መንግሥታዊ አካል አልነበራትም፡፡ ሃይማኖት ነክ ግጭቶች መነሣት ከጀመሩ በኋላ ግን በተለያዩ እምነት መሪዎች መካከል እና በእምነቶቹ ተቋማት ውስጥ ከሌሎች ባለድርሻ አካላት ጋራ ተከታታይ የውይይት መድረኮችን በማዘጋጀት የሚታወቀው በፌዴራል ጉዳዮች ሚኒስቴር የሃይማኖቶች እና እምነቶች ዳይሬክቶሬትም ነገሩን በቅጡ መከታተል የጀመረው ከቅርብ ጊዜ ወዲህ በመሆኑ ገና ብዙ ተግባራትን (ይህኛው ስጋት ነው፤ ያኛው ለዘብተኛ ነው ከሚለው ፍረጃው ተላቆ) ማከናወን ይጠበቅበታል፡፡

የቤተ ክርስቲያንን እና መንግሥትን ግንኙነት የሚያጠኑ ምሁራን እንደሚናገሩት ኢሕአዴግ የሃይማኖት ነጻነትን በሕገ መንግሥት ደረጃ በማረጋገጥ ሰፊ ሥራ ቢያከናውንም በአደባባይ እንደሚለፈፈው ሃይማኖት እና መንግሥት ተለያይተው የሚታዩ አይደሉም፡፡ እንዲያውም ‹‹የኢሕአዴግን/መንግሥትን እጅ ቤተ መቅደስ ውስጥ ማየት ይቻላል›› የሚሉ አሉ፡፡ የመስኩ ምሁራን እንደሚሉት እምነቶች የተከታዮቻቸውን ንፅረተ ዓለም፣ ግለሰባዊ እና ቡድናዊ ፖሊቲካዊ አመለካከቶች እና አቋሞች በመቅረጽ ከፍተኛ ድርሻ አላቸው፡፡ ተቋማቱ የሚደግፉት ዕሴት እና ለተከታዮቻቸው የሚሰጡት ማኅበራዊ አገልግሎት በመንግሥት ፖሊሲዎች እንዲንጸባረቁ ከሚኖራቸው ፍላጎት በመነሣት ከፖሊቲካ ፈጽሞ ነጻ ሆነው መቆም አይቻላቸውም፡፡ በአንጻሩ መንግሥት እና አስተዳደሩ የዜጎቹን አመለካከት መቅረጽ፣ በፖሊሲዎቹ እና በዕቅድ አፈጻጸሞቹ ድጋፋቸውን ማግኘት. . .ወዘተ ይፈልጋል፡፡ በሃይማኖት ነጻነት ሽፋን አገራዊ ሕጎች እንዳይጣሱ የመቆጣጠር ሐላፊነትም አለበት፡፡ ስለዚህም በአንድ ይሁን በሌላ መንገድ መንግሥት እንደ አካል፣ መሪዎቹም እንደ ግለሰብ ከሃይማኖት ተጽዕኖ ነጻ ሊሆኑ አይችሉም፡፡ የሌሎች አገሮች ተሞክሮ እንደሚያሳየው የመንግሥት እና የሃይማኖት በተግባር መለያየት በዐዋጅ እና በአንድ ጊዜ ሳይሆን ደረጃ በደረጃ በመጠን እና በጉዳይ እየቀነሰ በመሄድ የሚፈጸም ነው፡፡ እስከዚያው ድረስ ለመንግሥት፣ ለቤተ ክርስቲያን እና ለሕዝቡ ታላቅ ጠቀሜታ የሚኖረው በአሁኑ ወቅት ምእመኑ በመንፈሳዊ አባቶቹ እና በራሱ ላይ እምነት እንዲያጣ እያደረገው ያለው የሞራል ድቀት ተወግዶ በማንነቱ የሚተማመን፣ የመንፈስ ልዕልና ያለው ሆኖ እንዲጠናከር መሥራት ላይ ነው፡፡

ሰሞኑን መንግሥት ከቤተ ክርስቲያኒቱ አገልጋዮች ጋራ ለመምከር በዘረጋቸው -ወጋዊ መድረኮች ለአምስት ዓመቱ የዕድገት እና መዋቅራዊ ለውጥ ዕቅድ ተፈጻሚነት የቤተ ክርስቲያኒቱን ሚና አስፈላጊነት ያጠይቃል፡፡ በሰነዱ ውስጥ በማኅበራዊ ልማት መስክ፣ በፍትሕ እና በመልካም አስተዳደር መስፈን፣ በእምነቶች መካከል መከባበርን በማጎልበት በቱሪዝም መጠናከር እና መስፋፋት፣ በሥነ ሕዝብ ልማት ቤተ ክርስቲያን ተጨባጭ አስተዋፅኦ ልታበረክት እንደምትችል ይታመናል፡፡ ይሁንና ከዚህ ሁሉ በፊት በቤተ ክህነቱ ላዕላይ እና ታህታይ መዋቅሮች ተገቢ የአስተሳሰብ እና የአሠራር ለውጥ በአፋጣኝ ሊመጣ ግድ ነው፡፡

በዋናነት ከመንግሥት በተደረገው ግፊት ተመልምለው በዛሬው ዕለት ከቀትር በኋላ ከጠቅላይ ቤተ ክህነቱ ሠራተኞች ጋራ ትውውቅ የሚያደርጉት ባለሞያዎች ለእውነተኛ ለውጥ ሊሠሩ ከሆነ እሾህ እና ጋሬጣ በበዛበት ሰበካ መቆማቸውን እና በአንገብጋቢ ጊዜ መምጣታቸውን ይረዳሉ ተብሎ ይታመናል፡፡ ወቅቱ በፍርድ ቤት ከሚታዩት ጉዳዮች መካከል ከመሬት ይዞታ ክርክር ቀጥሎ ቤተ ክርስቲያንን የተመለከቱ የከሳሽ እና ተከሳሽ መዝገቦች ከመብዛታቸው የተነሣ መንግሥት ለቤተ ክህነቱ ብቻ ራሱን የቻለ ችሎት ለመክፈት የተገደደበት ነው፡፡ ጊዜው በጠቅላይ ቤተ ክህነቱ ሌላው ቀርቶ ዓመታዊ ዕቅድ እና በጀት ማዘጋጀት የሚባል ነገር የማይታወቅበት ነው፡፡ እንዲህ ለሚሉት የጠቅላይ ቤተ ክህነቱ ሠራተኞች፣ ‹‹ለነገ አትበሉ፤ ለነገ ክፋቱ ይበቃዋልና›› የሚለው ‹ገበሬ አስደንግጥ› ጥቅስ የሚጠቀስበት ተቋም ነው፡፡ ከዚህም የተነሣ ለገቢ እና ወጪ ሒሳቦች የበጀት ርእስ የሌለበት፣ ይህ ነው የሚባል ተግባር የሌለው የአንድ መምሪያ ሐላፊ ብቻ ለተቋሙ ሥራ በተሰጠው የቢሮ ስልክ እስከ 18‚000 ብር የሚከፈልበት፣ ስልኩም ለዘመድ አዝማዶቹ እንደ ቴሌ ሴንተር የሚያገለግልበት ሁኔታ ይታያል፡፡

በቀጥተኛ የፓትርያሪኩ ትእዛዝ የሚንቀሳቀሱ ሐላፊዎች ባሉባቸው በተለይ በትንሣኤ ማሳተሚያ ድርጅት በአየር ባየር የኅትመት ውጤቶች ሽያጭ፣ በቊልቢ ንዋያተ ቅድሳት ማደራጃ በጥሬ ብር እና በስእለት የሚገቡ መባዎች(ባለፈው ዓመት ሐምሌ ክብረ በዓል በዐይነት የተሰጠው ስእለት ሳይቆጠር በጥሬ ገንዘብ 24 ሚልዮን ብር ገቢ አስገኝቷል) እና በኪራይ ቤቶች አስተዳደር መምሪያ በኪራይ የሚገኙ ገቢዎች ለቁጥጥር በሚያስቸግር አኳኋን በተከፈቱ በርካታ የባንክ አካውንቶች ያለጠያቂ እየተመዘበሩ ይገኛሉ፡፡ በአዲስ አበባ ሀገረ ስብከት ዋና ሥራ አስኪያጅ አቅራቢነት እና በፓትርያሪኩ ይሁንታ ጉቦ እየሰጡ የሚሾሙ ከፍተኛ ገቢ ያላቸው አድባራት እና ገዳማት አስተዳዳሪዎች በየጊዜው ለመንበረ ፓትርያሪኩ እጅ መንሻ ያቀርባሉ፤ ከጠቅላይ ቤተ ክህነቱ የሚወስዷቸውን ሞዴላሞዴሎች(ሞዴል 30 - የገንዘብ ገቢ፣ ሞዴል 64 - የገቢ ማጠቃለያ፣ ሞዴል 6 - የገንዘብ ወጪ፣ ሞዴል 19 - የተገዛ ንብረት ማስገቢያ፣ ሞዴል 20 - የንብረት ግዥ መጠየቂያ፣ ሞዴል 22 - የተገዛ ንብረት ማውጫ) በፎርጅድ አስመስሎ በመሥራት ከፍተኛ ገቢዎችን በሐሰተኛው ሰነድ እየተቀበሉ ለአጥቢያው ጭፍጫፊውን ገቢ በሕጋዊ ሰነድ የሚያሳዩበት ድፍረት እንግዳ አይደለም - ሙዳየ ምጽዋትን በመገልበጥ፣ የቃለ ጉባኤ ሰነድን በማጥፋት የሚዘረፈውማ ምኑ ይነገራል!!

የአስተዳደር እና አቅም ግንባታ መምሪያውም ከጠቅላይ ቤተ ክህነቱ 18 መምሪያዎች ምን ያህሎቹ ከቤተ ዘመድ ሹመኞች እና ሌላው ቀርቶ በመጠኑ የሚቀራረብ ሞያዊ ልምድ ያላቸው ሐላፊዎች ትርጉም ባለው ደረጃ እንደሌሉበት ሊያስተውለው ይገባል፡፡ ቀደም ባሉት ዓመታት ተጀምሮ የነበረውን በየመምሪያው ረጅም ዓመት ካስቆጠሩት ሠራተኞች ጎን ለጎን ተተኪ የሰው ኀይል በመቅጠር በሂደት አግባብነት ባላቸው ባለሞያዎች ተቋሙን የማጠናከር ጅምር በትኩረት ሊያየው ያስፈልጋል፡፡

ቸር ወሬ ያሰማን፣
አሜን

20 comments:

Anonymous said...

even if weyane said , state and church are separated, do you think the current church leader elected by ethiopian people choice. is he accepted by the people? it is very hard for me to name as holiy father for ethiopian people. He can't bless all EOTC people without bodyguard and TOmatoes. Sorry for the false propaganda. Still weyane leads EOTC under the Mafiea leader.

Anonymous said...

Dear Dejeselam,
Thank you for your current information.
I am really sorry for the government and shame on our leaders (bishops). Does the government know the potential people in the church than our leaders? Or is the government planning to assign people (politicians-who have no knowledge about Christianity) from the government office? The church is rich in knowledgeable people but no one gave them the chance to help the church. There are millions of potential people in the church who have both spiritual and secular knowledge. The church leaders know these people well but bishops themselves are not given the chance to nominate these people. His Holiness Abaune Paulos is the only person who is assigning people (his relatives instead of knowledgeable people) to higher positions.
The role of the government should not be assigning people for the positions in the church rather helping them to assign by themselves based on knowledge/spirituality not based on relationship like what his holiness Abune paulos is doing. The government should assist the leaders to do everything according to the rules and regulations of the church.
Note that the government should assist mean it should not encourage the evil doings in church rather it should urge them to do everything according to the church's rule. The government was assisting His Holiness Abune Paulos but normally should not be. The government should not assist individuals whoever he or she is. The government should assist everyone to go in line with the rules and regulations of the church and of the country at large. No one should be victimed for doing according to rules. The government has responsibility to protect such people. So Without showing its responsibility, how can the government involve in the church management? It is unquestionable that the government should not involve in assigning anyone for any kind of position in the church. Instead the government should fight against those evil actions in the church as well as any sector in the country. The government has responsibility to prevent any organization and individual from doing evil actions including bribing. But involving in assigning people for positions of any organization including our church should not be tried... I strongly advise the government to stop doing this. Otherwise, there will be instability in the country. The government should think of this thing. First, the government has to know its responsibility and perform it. The role of the government should not be involving to perform the responsibility of others rather assisting others to perform their responsibilities. The government didn't show any assistance (in relation to the existing problem I mean) in the church to date. Firstly, the government should show us its responsibility like supporting those who are in line with the rules of the church, protecting them not to be victimed for their good actions, preventing those who are doing evil actions in the church…if it is important the government has responsibility to take them to court....and so on.

May God bless Ethiopia
Mebratu Gebre
Addis Ababa

Anonymous said...

To Our government (Ethiopian Government)
We Ethiopians support you in every aspect that contributes to the development of the country. We are always aside of you to support the government’s policy. We are trying our best to contribute to the development of the country and we will try our best throughout our life. However, we Ethiopians strongly advise you not to involve in assigning anyone for any position in the church as well as in any non-governmental organization in the county. If your intention is really to help the church, you can assist them to go in line with the church’s rules and regulations, prevent those who are doing evil actions in the church, protect those who are victimed because of their good doing. Of course, we all Ethiopians need the government to be aside of us in all our doings. But we don't need the government to perform our responsibilities instead we need your help to prevent others who oppose us while doing in line with rules and regulations of our church and our country at large.
Please please please Stop your involvement in the church.
Please stop!!!
Please stop!!!
May God bless our country

Mebratu Gebre
Addis Ababa

Anonymous said...

Mengist yihen eyarege yalew Ethiopia Orthodox Church yetemare sew yelatim bilo bemaseb kehone betam yasafiral. Ye hageritu tebiban yalut bezich betechristian wust mehonun kalawek yasafiral. Yalewun yesew hail enkuan ayakim malet new. Betechristian sew alatachim yalutin sewoch yemiyasera sew new yatachiw. Akimun silalewuna endmengist halafinetim silalebet yanin new masitekakel yalebet. Ahun eyareg yalew ejig bizu tebiban kamanim yeteshalu tebiban betechristiyanitu endalat balemawek kehone ejig betam yasafiral. Baman alebigninet kehon gin lela guday new.

Mengist gin endezih ayinet talka gebinetun endiyakom atibiken enimekiralen. Bahegeritu selamina ediget endimeta eyeserahun eyalen yehageritun wudiket yemiyafatinu sirawochin bayisera melkam new. Bayimokirew melkam new

Anonymous said...

አጠቃላይ የዜግነት መብት በማይታወቅበት ሀገር በየተቋማቱ በግልፅነትና በኃላፊነት ተነጋግሮ እምነቱ በሚፈቅደው እሴትና መርህ ላይ የተመሠረተ ስምምነት ላይ መድረስ ያዳግታል፡፡ ይችግሮቻችነ ምንጭ የሚጀምረው በሀይማኖትና መንግሥት መካከል አንዱ በሌላኛው ጣልቃ አይገባም የሚባለው የአንድ ወገን Bብ መለያየት (only one way Church-State Separation)መሆኑ ነው፡፡ ሀይማኖት በመንግሥት ጣልቃ አይገባም፡፡ ነገር ግን መንግሥት በሀይማኖት ጣልቃ እየገባ አስቸግሯል፡፡ ይሄም አስተዳደሩን በሚያምናቸውና በአካባቢና ዘረኛ ቡድን በማደራጀት የሀይማኖቱን አስተምህሮና የሕሊና ልዕልና በማዋረድ ለከፋፍለህ ግዛ አጀንዳው መሠረት ለማደላደል የሚያደርገው ጥረት ነው፡፡ ዘውጌ አገዛዝና የሰውን ልጆች አድነት፣ የፈጣሪ አምሳልነትና ትብብር የሚሰብክ ሀይማኖት ላይ ላዩን ካልሆነ በቀር ከልብ አብረው ሊተባበሩ አይችሉም፡፡ ስለሆነም በተክርስቲያኒቷን ዘውገኛ አደረጓት፡፡ ክሚንስተ መንግስታ ፊውዳላዊው የዘውድ መንግሥትም በተለየ መንገድ ቢሆንም ለየመንግሥታቶቻቸው ዘለቄታዊ አገዛ መሣሪያ አድርገው ቤተክርስቲያንን ተገልግለውባታል፡፡
መፍትሄው ያለው ሰው መቀያየሩ ላይ ሳይሆን እያንዳንዱ መእምንና በዚህ የመለያየት አስተዳደር ለመጠቀም የማይፈልግ አባት ሁሉ ለእውነት ቆሞ የመመስከር፣ በኑሮ የማሳየት ቁርጠኛ ሂደት መጀመር ሲችል ነው፡፡ እያንዳንዱ ሲለወጥ አባል የሆንበት ማኅበርና የፈጠርነው ተቋም ይለወጣል፡፡
መንግሥትን ለቀቅ ራሳችንን ጠበቅ፡፡

ዲያቆን መሐሪ ገብረ ማርቆስ said...

አሁን ባለንበት ነባራዊ ሁኔታ መንግሥት ለአብዛኛው የሀገሪቱ ሕዝብ በቀጥታና በቀላሉ ተደራሽ የሆኑትን የሀይማኖት ተቋማት ነጻ ይለቃል ብሎ ማሰብ ሞኝነት ነው፡፡ ሥነ መንግሥትም (Political Science)፣ ሥነ ሰብእም (Anthropology)፣ ታሪክም ሌሎቹም ሁሉ የማኅበራዊ ሳይንስ ትምህርቶች ይህንን ያረጋግጡላችኋል፡፡

ገና የሕዝባችን ንቃተ ኅሊና እንዲዳብርና መንግሥት ማለት፣ መብት ማለት፣ ግዴታ ማለት፣ ሀገር ማለት፣ ሃይማኖት ማለት ምን ማለት እንደሆኑ ካለንበት ዘመን አኳያና ከለውጥ ጋር አሰናስሎ እንዲያስብ የሚያስችሉ ነባራዊ ሁኔታዎች አልተሟሉም፡፡ የቤተክርስቲያናችንም ሆነ የሀገራችን ችግሮች በዘላቂነት የሚፈቱት ይህ የንቃተ ኅሊና ችግር ሲቀረፍ ብቻ ነው!!

የንቃተ ኅሊናውን ችጋርና ችግር ማን ይፍታው?

ንቃተ ኅሊና ዩኒቨርሲቲ ገብቶ በመማር የሚገኝ አይደለም፡፡ ይልቁንም ራስን፣ አካባቢንና፣ ሁኔታን በማጤን የሚገኝ እንጂ፡፡ ለውጥ ዲያሌክቲካዊ እውነታ ነው፡፡ ማንም ሰብአዊ ፍጡር ለውጥን ማቆም አይችልም፡፡ አካባቢያዊውን ለውጥ ተመልክቶ ከለውጡ ጋር አቋምን እያስተካከሉ መጓዝ ካልተቻለ ግን በለውጡ ነፋስ ከሥር ተመንግሎ መውደቅ ይከተላል- አይቀርም፡፡

በመሆኑም ቤተክርስቲያናችንን ለሚቀጥለው ትውልድ ከነሙሉ ክብሯ እምነቷ ለማስተላለፍ ምእመናንን በመረጃ ማንቃት ግድ ይላል፡፡ ለዚህም እያንዳንዳችን ኃላፊነት ይወድቅብናል፡፡ ስለ ማንነታቸውና ስለ ቤተክርስቲያናቸው ምእመናን ማወቅ ይጠበቅባቸዋል፡፡ የምእመናንን አእምሮ ስለቤተክርስቲያናቸው ዕለት ዕለት እንዲያስብ ማድረግ ከቻልን፣ አካባቢያቸውንንና ራሳቸውን (እንደ ግለሰብም እንደ ማኅበረሰብም)
ከዘመኑ ጋር ማጤንን ከጀመሩ ከዚያ በኋላ የጉዳዩ ባለቤቶች እነርሱ ናቸውና ማንም እንዳሻው ሊያዝባቸው አይችልም፡፡ የሚፈልጉት የሚስፈልጋቸውን ነውና ማንም የሚስፈልጋችሁ ይህ ነው ቢል የሚቀበሉት አይሆንም፡፡

ስለዚህም፣ በየአካባቢያችን ካሉ ሰዎች ጀምረን ስለቤተክርስቲያን እንወያይ፤ እንመካከር፤ መረጃ እንለዋወጥ ያን ጊዜ ከወደቀብን አዚም መነሣት እችላለን፡፡

ንቁ!

123... said...

አነኝህ ነገሮች ስገርሙን ሁሉ ነገር ይገባናል
ሊገርሙን የሚገቡት ነገሮች -
* የ አኛ ሀገር መንግስት ስለ ቤተ ክህነቱ ይህ ሁሉ ጉድ መኖሩን አስከዛሬ አለመስማቱ ይገርማል !
* ለካ ፬ ኪሎ አና ቤተክህነት አንዲህ አሩቅ ለ ሩቅ ነው የተቀመጡት ይገርማል !
* ጠረንጴዛ አየደበደበ ቅዱስ ሲኖዶስን ያስፈራራ በ ''ደፋሮች '' የተሞላ መንግስት ዛሬ የ ጠረንፔዛውን ልብስ አኔ ላስተካክለው ማለቱ ይገርማል !!!
* ትናንት አባቶች ሲደበደቡ ያልሰማው መንግስት ዛሬ ሁሉ ማሳሰቡ ይገርማል !!!
* ትናንት በተራ የወንዝ ልጅነት የተቆረቆረላቸው ግለሰቦች አንኩዓን ለመንግስት አራሳቸው ሚኒባስ ይዘው ወደቤት ለመሄድ የ ሕዝብ መጠቁአቆምያ ሲሆን ጉዳዩ ሁሉ አንደገና አሳሰበው ይገርማል !!!
* ነገሩን አንደዋዛ አያየ ሲመቸው የ ቤተክርስቲያንቱን ገንዘብ አንደፈለገ በ ግለሰብ ደረጃ ሲመዘበር አብሮ ተባብሮ ዛሬ ነገሩ ሁሉ የፀጥታ ችግር ልያመጣ ስል ላስተካክል ማለቱ ይገርማል !!!!
ወገኖቼ ለ ዘለቄታ ከማሰብ ለደቂቃም ቢሆን መዘናጋት አይጠቅምም ። በ አርግጥ ብልጥ ልጅ የያዘውን ይዞ ያለቅሳል ነው አና ቤተክርስትያኒቱ ተጽኖ የመፍጠር አቅሟ አስኪ ጎለብት ድረስ አሁን የሚደረገውን ከላይ ከሚገርሙት ነጥቦች አንፃር ማየት አንጂ ከ ሰማይ በታች የሚመሰገን ማን አለ ብላችሁ ነው ???

Dirsha said...

The Government of Ethiopia Please stop your interferance in our church negatively like the last year did of you. Our Fathers was on the right direction on the 2001 synod meeting but "Abune" Tsehaye comes and everything becomes collapsed. So please stop!!!Stop!!! Stop!!!. "Abune" Tsehaye Could't be there in our Synod

ዘይስማ ንጉስ said...

እኔ መንግስት ይህን ሁሉ ጉድ አልሰማም የሚል ሞኛ ሞኝ እምነት የለኝም፡፡እንዲያውም ጨለምተኛ ካላላችሁኝ አዉቆ የሚድርገው ይመስለኛል፡፡ምክንያቴን በተጠይቅ ባስረዳ፤
ሀ) ይሆነኛል ይደግፈኛል ያለውን ጳጳስ ‹መሾሙ›
ለ) አሁን አሁን ‹አባል ነኝ ምን ታመጣላችሁ!› የሚሉ አስተዳዳሪዎች መምጣታው
ሐ) የእንግሊዝ premier league ለእንግሊዝ መንግስት እረፍት ነው ሲባል ሰምቻለሁ ‹‹ጸሐዩ››መንግስትም ይህችን ያውቃል፤የቤተ ክርስቲያን መበጣበጥ ለእርሱ እረፍት ነው፡፡since we can’t discuss/debate with out our/church problems.እንዲህ አይነቱን ደግሞ ቀዶ እንደሚሰፋ ‹እንትና› ደጋግሞ አሳይቶናል፡፡
መ)እኔ እነደማስበው ቤተ ክርስቲያን የተማረ የላትም ብሎ ያስባል የሚል እምነት የለኝም እንዲያውም የተማረውን ሺባ ለማድረግ ይጥራሉ እንጅ፤የዛሬ አመት ይህኔ ማኀበረ ቅዱሳንን ያደረጉትን ያስታውሱአል፡፡

በአጠቃላይ ግን እኛ መተባበር አለብን እየሆነ ያለው ነገር በሙሉ ጥሩ ጥሩ አይሸትም፡፡እንደ አዋሳ ምእመናን ወገብን ማሰር ይጠይቃል፡፡ ምን አልባት እግዚአብሄር በእነርሱ በኩል እያስተማረን ይሆን?
‹‹የዋሻው ዘመን አበቃ…፣ምናምንቴ መጽሐፎች መቃጠል አለባቻው፣…››የተባለበትን ጊዜ እኮ ካነበብን ከሰማን ሩቅ አይደለም ታዲያ ይቺ ቁርጥ የተፈራን ንግግር አትመስልም?

በደሙ የመሰረታት ክርስቶስ ቤተ ክርሰቲንን ይጠብቅልን!!

ጉድ-ፈላ ዘሚኒሶታ said...

መንግሥት በቤተ ክርስቲያን ውስጥ ጣልቃ እንዲገባ አይፈቀድለትም። እንኳን ፈቅደንለት ግባ ብለነው ቀርቶ ሳይፈቀድለትም ገብቶ ሊወጣ አልቻለም። አሁን ቤተ ክርስቲያን የሚያስፈልጋት የመንግሥት እጅ አይደለም። ቤተ ክርስቲያን የሚያስፈልጋት ለመልካም ነገር እና በጎ ለማድረግ ብልሃትን የተሞሉ ልጆች ማፍራት ነው። በነቢዩ ኤርምያስ የተጻፈው የእግዚአብሔር ቃል ሕዝቤ ሰንፈዋልና አላወቁኝም፤ ሰነፎች ልጆች ናቸው፥ ማስተዋልም የላቸውም፤ ክፉ ነገርን ለማድረግ ብልሃተኞች ናቸው፥ በጎ ነገርን ማድረግ ግን አያውቁም ነው የሚለን። የእግዚአብሔር ሰዎች ተብለው እና ሕዝቤ ተብለው ተጠርተው ስንፍና እንዳላቸው በእግዚአብሔር እንደተመሰከረባቸው ሰዎች ልንሆን አይገባንም። ክፉ ነገርን ለማድረግ ብልሃተኞች ሆነን እርስ በእርሳችን መካሰስ ስንችል እንዴት በጎ ነገር ማድረግ ከብዶን ለመልካም ነገር ብልሃት ያጣን እንሆናለን። ሁሉ ነገር በእጃችን ያለን ይመስለኛል። የጠፋብን ግን አጠቃቀም አለማወቅ ነው። እሳት ለማጥፋትም እፍ ማለት አለብን እሳት ለማንደድም እፍ ማለት አለብን። ለማንደድ የምንጠቀምበት እና ለማጥፋት የምንጠቀምበት ጥበብ ግን የተለየ ነው።
እፍ ብሎ ማብረድ ሲሆን ማጥፋት ሲቻል፣
ዛሬም እፍ እያለ የሰው ልጅ ያነዳል።
ከዚህ ጽሑፍ የምንረዳው ኃይለ ቃል በእጃችን ያለውን ነገር በጥበብ መጠቀም ከቻልን ሁሉ ቀላል መሆኑን ነው። ሁሉም የእግዚአብሔር ክብር ጎድሎአቸዋል ተብሎ ሲነገር ስለኃጢአታችን እንጂ ሁሉም መሥራት አይችሉም ጥበብ ጎድሎአቸዋል ማለት አይደለም። የሚሠሩ አሉን፤ የማይሠሩ አሉን፤ ከሁሉም የበለጠው ግን የማያሠሩ አሉን። ቤተ ክርስቲያን ካሠሯቸው ሊሠሩ የሚችሉ እና ታሪክ ሊቀይሩ የሚችሉ የነጠሩ እና የበቁ ልጆች አሏት። በአግባቡ የማይሔዱ የቤተ ክርስቲያኒቱ ሰዎች የመንግሥት ባለሥልጣንን በገንዘብም ሆነ በዝምድና እየገዙ አብረን እንብላ በሚለው የጅብ ፍቅር የሚገላምጡንን ደብድቧቸው፤ የሚዝቱብንን እሰሯቸው፤ የሚመቱንን ግደሏቸው በሚል ሕገ ወጥ መፈክር በቀጥታም ሆነ በተዘዋዋሪ መንግሥት እጁን በቤተ ክርስቲያን ውስጥ እንዲገባ አድርገውታል። በእርግጥም መንግሥት ቤተ ክርስቲያንን ካልያዘ አንዳች ነገር ማድረግ እንደማይችል ስለሚያውቀው ያለ ምንም ችግር ረጅም እጁን ሰተት አድርጎ ቤተ ክህነት ውስጥ ከቶት ይገኛል። ምንም እንኳን መንግሥት በሃይማኖት ጉዳይ፣ ሃይማኖትም በመንግሥት ጉዳይ ጣልቃ እንደማይገባ ቢያውጅም እንደአስፈላጊነቱ ግን በየትኛውም መንገድ ለእርሱ የሚያመች ሆኖ ካገኘው እጁን ያስገባል። እኔ ተቃውሞዬን የማሰማው ፈቅደንለት አይግባ በማለት ነው። አንዴ ከገባ ዳግም ለማስወጣት ዘመናት ይፈጅብናል። በየትኛውም ስፍራ እና አጋጣሚ የተበላሸ ለማስተካከል፣ የጎበጠ ለማቅናት ተብሎ የሚቋቋም ጊዜያዊ ኮሚቴ ግብሩን አከናውኖ ጨርሶ የተሰጠኝን ሥራ ጨርሼአለሁ፤ አደራዬን ተወጥቻለሁ፤ የእኔ ድርሻ እዚህ ድረስ ነው ብሎ ስፍራውን አይለቅም። ይልቁንም የሚንቀሳቀስ አካል ፈጥሮ ከጊዜያዊነት ወደ ቋሚነት ተሸጋግሮ ሌላ የማይፈርስ አካል ይሆንና ሌላ እራሱን የቻለ ችግር ሆኖ ይቀመጣል። አሁንም መንግሥት ለማስማማት ገብቶ የባሰ ችግር ይፈጥርና ሃይማኖት የማይፈቅደውን ነገር በማድረግ ሥርዓታችንን ያበላሽብናል እንጂ ጥቅሙ አይታየኝም። ዋናው ፍራቻ ፈቅደንላቸው ከገቡ አይወጡም ነው። ይኽ ደግሞ በብዙ ቦታ ብዙ ሰዎች እና ድርጅቶች አንዴ አንገታቸውን ካስገቡ በኋላ ሲወጡ ታይተው ስለማያውቁ ነው። አሁን በቤተ ክርስቲያን ከመቼውም የበለጠ እራስ ወዳድነት የተንሰራፋበት ጊዜ ነው። ሰይጣን ዲያብሎስ በንዋይ ፍቅር ብዙዎችን ለክፎ በዓለም ብልጭልጭ ነገር አሸንፎ ዲያብሎስን ተቃወሙት ከእናንተ ይሸሻል ተብሎ ትምህርት ከተሰጣቸው ሰዎች ጋር አብሮ ሲውል የሚቃወመው አጥቶ ለእኔ ብትታዘዙ ይኽን ዓለም እሰጣችኋለሁ በሚለው ቃሉ ገዝቶ ሥልጣኑን ተቆጣጥሮ ይገኛል። ያጠፋን ሰው ወደ ፍርድ ማቅረብ እና በሕግ ማስቀጣት የተለመደ አሠራር ነው። የሚሰርቅ ሁልጊዜ እየሰረቀ መኖር የለበትም። ስለዚህም መንግሥት በዚህ ጉዳይ ሕዝብ እንዳይቸገር፣ አገር እንዳይመዘበር፣ ሰላም እንዳይደፈርስ፣ ማንአለብኝነት እንዳይገን እና ሌሎችም አስነዋሪ ጉዳዮች ሥር ሰድደው እንዳይከናወኑ በቦታው እና ባለው ሕግ ሥራውን ማከናወን ይኖርበታል። ከአድልዎ ነፃ የሆነ ፍርድ መስጠትም ይጠበቅበታል። የቤተ ክርስቲያን ንብረት የአገር ሀብት ሲመዘበር ዝም ማለት መንግሥትነት አይደለም። ቤተ ክርስቲያን ልትፈታው ያልቻላቸው ጉዳይ መንግሥት ዘንድ እንደአግባቡ ሲደርስ መንግሥት የሚጠበቅበትን ያድርግ እንጂ በሙሴ ወንበር ተቀምጦ ፍርድ ልስጥ ካለ እና የመንፈስን ነገር በሥጋ ጥበብ መርምሮ ውሳኔ ላይ ከደረሰ የቤተ ክርስቲያንን እድሜ ያሳጥረዋል። በአገር ውስጥ ያሉ የቤተ ክርስቲያን ልጆች በሥልጣን ወንበር ተቀምጠው እንደ ዓለማዊ ሆነው ይታያሉ ስንል እዚህ በአሜሪካ እና በሌሎች የውጭ አገሮች የተቀመጡት የቤተ ክርስቲያን ልጆች ደግሞ የአባትህ ቤት ሲዘረፍ አብረህ ዝረፍ በሚል ሰበብ ቤተ ክርስቲያንን ከማቅናት ይልቅ በየዕለቱ የሚሰማውን ዜና ብቻ በማራገብ እኔ ገለልተኛ ነኝ፤ ከደሙም ንጹሕ ነኝ በማለት ተመሳሳይ ግብራቸውን ያከናውናሉ። ከላይ ማስተዋል ጎድሎአቸዋል እንደተባሉት ሰነፎች ማስተዋል ተስኗቸው ማንአለብኝ በማለት ቤተ ክርስቲያንን ትተዋት ይታያሉ። ከትውልዱ ማን አስተዋለ በማለት ኢሳይያስ ስለ ኢየሱስ ክርስቶስ ቢናገርም እኛም ከትውልዱ ማን አስተዋለ በማለት ስለ ቤተ ክርስቲያን ልንናገርላት ግድ ይላል። በውጭም ያለው ያስተዋለ መስሎት ለብቻው መኖር ይፈልጋል። በውስጥም ያለው ሥልጣን መከታ አድርጎ ሲመዘብር ይታያል። ሰባኪውም እውነት ከመስበክ ይልቅ ሁሉም ምእመን እንዳይከፋ ላይ ላዩን ብቻ ሲናገር ይሰማል። መንግሥትም የእብድ ገላጋይ ድንጋይ ያቀብላል እንዲሉ ገለል በሉልኝ እና እኔው ላስተካክለው ይላል። ታዲያ አሁን ከትውልዱ ያስተዋለ አለ? እኔ በበኩሌ መንግሥትን አበጀህ ጎበዝ ለማለት አልቸኩልም። ለአንዴና ለመጨረሻ ገብቶ አልወጣም በማለት አበጀሁ ጎበዝኩ እንዲለን አልፈልግም። ይቆየን።

GUD-FELA THE MINNESOTA said...

Let me add what I haven't mentioned in the previous message. Government interference in the Church administartion will never give us everlasting solution. Children of the Church should work hard to struggle against weak administration. Sunday school members should start talking about how the Church administartion has been going. No one should remain silent when he/she sees the house is being burnt. Unless the struggle or the effort starts from the bottom, it will be hard enough to change it. Tomorrow's Church leaders start their journey today while they are in the Sunday school or KOLO TIMIHRET BET. Sunday school should focus to give extra time for discussion about current Church issues. Deje-Selam always brings an idea that needs attention to analyze what we will and have to do. Let us take all the genuine ideas what we have learned and utilize it in our Church. Just reading, understanding, and analyzing what Deje-Selam posts every now and then is not enough. Sharing to others and notify for those who don't have any clue about their Church will be effective. Descreation is very important when we think to apply what we have learned.

Anonymous said...

ደጀ ሰላማውያን እኔ በበኩሌ ቤተ ክህነቱ ሊያስተካክለው ያልቻለውን የቤተ ክርስቲያናችን ጉዳይ መንግስት ገብቶ ቢያስተካክለው መልካም ነው እላለሁ።ነገር ግን እራሱ ሠራተኛ ምደባ ውስጥ መግባቱ አግባብነት አለው ብየ አላምንም።
በአሁኑ ሰአት በቤተ ክህነት ውስጥ ያለው ራስ ወዳድነት እና ሙስና ከመጠን በላይ ገዝፎ ምንም አይነት መንፈሳዊ ሥራ የማይሠራበት ደረጃ ላይ ደርሰናል።እኔ እንደምረዳው በቤተ ክህነቱ ውስጥ የሚፈፀመውን ያህል ሙስና በማነኛውም ሥጋዊ መሥሪያ ቤት ውስጥ አይፈፀምም።ይህ ደግሞ በዋናው የቤተ ክህነቱ መሥሪያ ቤት ብቻ ሳይሆን በሀገ ስብከቶች እና በየወረዳ ቤተ ክህነቶችም ተንስራፍቶ የሚታይ ነገር ነው።እንደምሳሌ የአዲስ አበባን ሀገረ ስብከት መጥቀስ ይቻላል።ይህ ሁሉ ችግር በአንድ በፓትርያርኩ ብቻ ሊፈታም አይችልም። ለችግሩ መባባስ ሌሎችም ጳጳሳት እና በቤተክህነቱ ዙሪያ ተሰባስበው የሚገኙት ሠራተኞች በሙሉ ተጠያቂዎች ናቸው።

Anonymous said...

ባካችኹ ርእሱን ለውጡት! ምን ማለታችኹ ነው? "አበጀህ ጎበዝ እንበለው ወይስ ገና ነው?" ብሎ መጠየቅ'ኮ አበጀህ የሚያሰኝ ሥራ መሥራቱን ማመን ነው። በዚህ የርእስ አተካከል ጥያቄው የጊዜ ጕዳይ ብቻ ነው። መቼ የሚለው። እንጂ ማበጀቱ፣ መጎበዙ ጎልቶ ይታያል። እናንተ ግን እንዲያ ለማለት የፈለጋችኹ አይመስለኝም። የለም፤ ፈልገን ነው ካላችኹ ንገሩኝና ኹለተኛ እደጃችኹ እንዳልደርስ እግሬን ልሠር። ከምሬ ነው።

Anonymous said...

ወገኖቼ በተቻለ መጠን ሁሉንም ነገር እያየነው ነው እየባሰ እንጂ የሚሻሻል ነገር የለም፡፡
ምክንያቱም ቤ/ክርሰቲያን ና ምዕመናኖቻ ሰሚ ያጡበት የፍትህ ያለህ እያሉ መንግስት ባለበት ሀገር ቀን ዕረፍት የለ ማታ ዕረፍት እያጡ መንግስት ቤ/ክህነትን አስተካክላለሁ ማለቱ የሚየስተዛዝብ ይመስለኛል፡፡
ምክንያቱም ጅማና ኢሉባቦር በቅረቡ ወር ባልሞላ ግዜ ውስጥ ለተደረጉ እኩይ ድርጊቶች በመንግስት ባለስልጣናት ቅንብር እንደሚደረጉ 100% የታወቀ ነው፡፡ እነዚህን ለአብነት አነሳሁ እንጂ በመላው የኢትዮጵያ ምድር በአሁኑ ሰዓት ምዕመናኑ በስጋትና በሽብር ውስጥ ነው ያሉት፡፡
እውነት መንግስት እነዚህን ነገሮች ሳያውቅ ቀርቶ ነው? ይልቁን ምዕማናኖች ላይ እየደረሰ ያለውን ግፍና ሰቆቃ ማስተካከሉ የሚሻለው መሰለኝ፡፡ ከቤ/ክህነት እጁን ቢየወጣና ቤ/ክርስቲያን የምትፈልገውን መሪዎችን መምረጥ ብትችል ለዓለም ትተርፋለች፡፡
ይህንን ድህረ ገጽ የምትታደሙ ሁላችሁ የኢትዮጵያና የኢትዮጵያውን መፍትሔ ከእግዚአብሄር ቢሆንም መንግስትም እንደመንግስትነቱ ተገቢውን ስራ ቢሰራ መልካም ይመስለኛል ጆሮ ዳባ ልበስ ማለቱ ነገ የህሊና እዳ ይመስለኛል፡፡

የመንግስት ባለስልጣናት ይሄንን ድህረገጽ ሳይታደሙት የሚቀር አይመስለኝም ማስተካከል የሚገባቸውን ና ነገ ሀገሪቱ የሚጠበቅባትን የቤት ስራ የምታሳይ ስለሆነ፡፡

በመጨረሻ ሁላችንም ለጾም ለጸሎትና ለስራ እንነሳ ወገኔ በጋራ እንቁም የስጋና ሃሳብና መሸሹ አያዋጣም፡፡
እግዚአብሔር ማስተዋሉን ለሁላችንም ያድለን፡፡

Anonymous said...

እንደገና መጣኹ። በዚህ የ"ኮሜንት" ቅጥልጣይ 13ኛው ላይ ያለኹት "አኖኒም" ነኝ።

የመጣኹበት ምክንያት፦ ጥያቄየን ቸል እንዳላችኹት ስለገባኝ በጨዋ ደንብ ልሰናበታችኹ ነው። ድንገት እያሰባችኹበት ከነበረ እና አኹን በድጋሚ ይችን ስታነቡ ተሰምቷችኹ ርእሱን የምትቀይሩት ከኾነ፤ ይህንኑ ለማረጋገጥ ነገ ይህን ጊዜ ብቅ እል ይኾናል። ከዚያ ወዲያ ግን...

GUD-FELA THE MINNESOTA said...

MESSAGE FOR the 13th ANNONYM.

Deje-Selam has brought an idea or written its message about the impact of government interference in our Church. As you see most of us took an immediate action to respond by decrying the notion or the statement. Always your genuine idea is needed either to support or object. At the same time don't ever expect, always, all what you want to get from this blog will be suitable for your mind. Please don't decide not to see anymore this blog unless the topic is changed. Bring your justification and try to convince the writers and the readers, as this blog is your blog to suggest, support, object, fight the idea and so on. See you later.

Anonymous said...

ስለየትኛዉ በጎ ሥራዉ ነዉ መንግስትን አበጀህ የምንለዉ
ቅድስት ቤተክርስቲያን በዘመንዋ ሁሉ ያልገጠማትን ፈተና
የፈጠረዉ ማን ነዉና…ወገን መንግስትን አበጀህ የምንለዉ
ከእምነት ተቅዋማችን እጁን ያወጣ ዕለት ይሆናል…
መንግስትን አበጀህ የምንለዉ አጽራረ ቤተ ክርስቲያንን
ማበረታታቱን ሲያቆም ይሆናል……ኢትዮጵያ የክርስቲያን ደሴት መሆንዋን ለሚክዱ አጋርነቱን ሲያቆም ይሆናል…
ደጀሰላሞች በርቱ እትፍርሑ!....... ኢትዮጵያ ሙስሊም ንጉስ አልነበራትም…..ይህን መንግስት ኦርቶዶክሳዊያን/ት በምንም ሚዛን በርታ ልንለዉ አይገባም፡፡፡

Melkamu Asrat said...

Probably around 2 million Christians celebrated the beautiful feast of MESKAL this year. Guess what, the government of Ethiopia was represented by the deputy Mayor of Addis. A week earlier the President of Ethiopia, some ministers and the Mayor of Ethiopia took part at the Muslim celebration at the stadium. Guys, your national TV and some radio stations have been taken by the infidel Muslims, while you constantly fight against each other on petty matters. Happy New Year!

ሃይለሚካኤል ዘአዲስ አበባ said...

ወንድሞች አንሳሳት የእግዚአብሔር ቤት በመንፈሳዊነት ጭምር እንጂ በማወቅ ብቻ አይመራም
እንደ ንጉስ ቆስጣንጥኖስ ክርስቲያን ብሆን እንኩዋን
ቁጭ ብሎ አባቶች የሚሉትን መስማት አለበት እንጂ ቅዱስ ስኖደስን በምንም ተዓምር ወክሎ ሊሰራ አይችልም
ነገር ግን እነኝህ የመንግስት አካላት በአንድም በሌላም ቤተክርስቲያንን ስያሳጡና ስጎዱ ያየናቸው የሰማናቸው ናቸው

Anonymous said...

sisowun sitesebesib yeneberechiw betekristian sisowan lisebesibu bebetuwa wust gebu yigermal

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)