October 22, 2010

የቅዱስ ሲኖዶስ የዛሬ ውሎ


(ደጀ ሰላም፤ ኦክቶበር 22/2010፤ ጥቅምት 12/2003 ዓ.ም):- የቅዱስ ሲኖዶስ ጉባኤ በዛሬ ውሎው አጀንዳዎችን በመቅረጽ እና ዋና ዋና መነጋገሪያ ነጥቦች ሲያወጣ ውሏል። በቅዱስ ፓትርያርኩ በጽሑፍ በተዘጋጀ ንግግር የተጀመረው ይህ ጉባኤ ቅዱስነታቸው በሥራ አስፈጻሚ ጉባኤው እና በብፁዕ አቡነ ሳሙኤል ላይ ያላቸውን ቅሬታ ያካተቱበትን ጽሑፍ አድምጧል። ከሥራ አስፈጻሚ ኮሚቴ አባላት መካከል አንዱ የሆኑት ብፁዕ አቡነ ጢሞቴዎስ የቅዱስ ፓትርያርኩን ጽሑፍ በመቃወም እንደገሰጿቸው ታውቋል።
Bridge of Hope in Mekelle
ከቅዱስ ፓትርያርኩ የመግቢያ ንግግር በኋላ “አጀንዳ አርቃቂ ኮሚቴ” ወደ መሰየም ተኪዷል። ቅዱስነታቸው በንግግራቸው መካከል የጠቆሟቸውን ሦስት ጉዳዮች ማለትም “ሕገ ቤተ ክርስቲያን ስለማሻሻል፤ አዲስ አበባ ሀ/ስብከትን በአራት ስለመከፋፈል እና አዳዲስ ኤጲስ ቆጶሳት ስለመሾም” የሚለውን ጨምሮ ከዚህ በፊት የዘገብንባቸው አጀንዳዎች ላይ ውይይት አድርጓል። “አርቃቂ ኮሚቴው” በጠቅላላው 16 መወያያ አጀንዳዎችን አዘጋጅቶ በከሰዓት በኋላ ውሎው የአጀንዳዎችን ዝርዝር ለምልዓተ ጉባዔው አቅርቧል። ቀደም ብለን ከዘገብንባቸው አጀንዳዎች በተጨማሪ በብፁዕ አቡነ ፋኑኤል ጉዳይ፣ በአበው እርቀ ሰላም እና ውይይት ጉዳይ ዙሪያ እንዲሁም መቐለ ሚገኘው የከሳቴ ብርሃን መንፈሳዊ ኮሌጅ በአሜሪካ ከሚገኘው “ብሪጅ ኦፍ ሆፕ” (Bridge of Hope) ከሚባል ድርጅት ጋር ስላለው ግንኙነት እና በኮሌጁ ይደረጋል ስለሚባለው ኢ-ኦርቶዶክሳዊ የተሐድሶ እንቅስቃሴ ጉዳይ ውይይት ለማድረግ በአጀንዳነት ይዟል ተብሏል። በዚሁ አጋጣሚም ቅዱስነታቸው ያቀረቧቸው የአጀንዳ መነሻዎች በአርቃቂ ኮሚቴው “አስፈላጊና ወቅታዊ ያልሆነ” በሚል ውድቅ ተደርጓል። ኮሚቴው ከሰዓት በኋላ የደረሰበትን ውሳኔ በንባብ ለምልዓተ ጉባዔው አሰምቷል። የአጀንዳውን ዝረዝር ሐሳብ በወረቀት አባዝቶ ለማሰራጨት “በመብራት መጥፋት ምክንያት” ለማድረግ አለመቻሉን ኮሚቴው ተናግሯል። ቤተ ክህነቱ “መብራት ሲጠፋ ወዲያው የሚነሣ ጄኔሬተር” እንዳለው የሚታወቅ ሲሆን የመብራቱ መጥፋት ስብሰባውን ማቋረጡን አንዳንዶች አይቀበሉትም። ቅ/ሲኖዶሱ በዚሁ አጀንዳውን በማጽደቅ ውይይቱን ለነገ በማሳደር የዛሬ ስብሰባውን አጠናቋል።

6 comments:

Anonymous said...

Amlake-Esrael kenante Af BetKrstiyanin Yisewrat!!! Kenante Kifat enji Selam Aysebekim!!

hiwot said...

Wey aba pawlos neger yetfabachew.There are lots of hot issue to disccuse but what you have is non sense & am happy that they ignored your ideas unless you force them as usual.Please our fathers do not afried of him he might kill your flesh but not your soul so do your best with the help of God. we are with you in our prayer.May God give you the strength &wisdom to do the right thing what ever it takes.
But the easy way is to take aba pawlos down & replace him with some one spritual.

Weyra said...

ተመስገን! አጀንዳዎቹ እጅግ ደስ ይላሉ፤ በተለይ "አዳዲስ ኤጲስ ቆጶሳትን መሾም" የሚለው መቅረቱ:: አደራ ስለተቀበሏት ቤተ ክርስቲያን ያለ ፍርሀት በእውነትና በመንፈሳዊ ቅናት እንዲወያዩና እንዲወስኑ እግዚአብሔር ይርዳቸው:: እኛም በጸሎታችን ያቅማችንን እናሳስብ::

EHETE MICHEAL said...

gude bele yager sew EGIZABHER ANTE TEMELKETEN.
EHETE MICHEAL

Anonymous said...

ደጀ ሰላሞች መብራት መጥፋቱ ያሳስባል። ባለፈው ዓመት እኮ መብራት ባልነበረበት ሰአት ነው የጳጳሳት ቤት የተደበደበው። ምናልባት ጳጳሳቱ የአምናው ትዝ ብሎአቸው ይፈሩ ይሆን?እንጃ እግዚአብሄር ይህን ጉባዔ በሰላም ተጥናቆ ለማየት ያብቃን።

Anonymous said...

ቤተክርስቲያንን እግዚአብሔር መቼም ስለሚጠብቃት ትፈርሳለች ብላችሁ አታስቡ፡፡ የቅድስት ድንግል ማርያም ልጅ ስለዚች አንድት ቅድስት ኦርቶዶክስ ቤተክርስቲያን ፍቅር ዝም አይልም፡፡ ተስማምተን ተፋቅረን ሃገር ብናቀና የአዳም ልጅ ወደ ሲኦል ከመንጎድ ብንታደግ መልካም ነበር ፡፡ ምን አለበት ሁሉንም በቀና ተመልችታችሁ በዚች ቤተክርስቲያን ላይ ከታዎጀ ጦርነት ብንታደጋት፡፡ ዲያቆን ዳንኤል ይችን ቤተክርስቲያን ሊንጣት የሚችለው የውስጡ እንጂ የውጭው አውሬ አይደለም ነው ያለው? ምንኛ ትክክል ነበር? እግዚአብሔር ማስተዋሉን ለናንተም ለኛም ያድለን፡፡

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)