November 1, 2010

የኅትመት ብዙኀን መገናኛዎች ለሰሞናዊው የቅዱስ ሲኖዶስ እና አጠቃላይ የሰበካ መንፈሳዊ ጉባኤ ስብሰባ የሰጡት ሽፋን

(ደጀ ሰላም፤ ኦክቶበር 31/2010፤ ጥቅምት 21/2003 ዓ.ም)ካጋመስነው የጥቅምት ወር የመጀመሪያ ሳምንት ጀምሮ በኢትዮጵያ ኦርቶዶክስ ተዋሕዶ ቤተ ክርስቲያን ውስጥ የተካሄደው 29ው የመንበረ ፓትርያርክ አጠቃላይ የሰበካ መንፈሳዊ ጉባኤ እና ቅዳሜ በተጠናቀቀው የቅዱስ ሲኖዶስ ምልአተ ጉባኤ ላይ ያተኮሩ ዘገባዎች በአገር ውስጥ በሥራ ላይ የሚገኙ ጋዜጦች እና መጽሔቶች ግንባር ቀደም ሽፋን እያገኙ ነው፡፡

በተለይም የኢትዮጵያ ኦርቶዶክስ ተዋሕዶ ቤተ ክርስቲያን ርእሰ አበው (ፓትርያርክ) ከመሆናቸው ባላነሰ በአወዛጋቢ እና እንግዳ ነገረ ሥራቸው የተነሣ የዜና ሰዎች እና የምልአተ ሕዝቡ ትኩረት (Celebrity) የሆኑት የአቡነ ጳውሎስ ሐውልተ ስምዕ  እንዲፈርስ፣ ከሚሌኒየሙ በዓል አከባበር ጀምሮ በየአብያተ ክርስቲያኑ የተሰቀሉት ፖስተሮቻቸው እንዲነሡ፣ እርሳቸውን ተገን በማድረግ በጠቅላይ ቤተ ክህነቱ አስተዳደር ውስጥ አድራጊ ፈጣሪ በመሆን የግል ጥቅማቸውን እያሳደዱ የሚገኙት ወ/ሮ እጅጋየሁ በየነ ወደ መንበረ ፓትርያርኩ ቅጽር ትውር እንዳይሉ መታገዳቸው፤ አቡነ ፋኑኤል ከተባባሪዎቻቸው ጋራ በፈጸሟቸው እና በማስረጃ በተረጋገጠው አሳፋሪ ተግባሮቻቸው ከነበሩበት ሀገረ ስብከት መነሣታቸው፤ ከቅዱስ ሲኖዶስ ማእከላዊ አሠራር እና ውሳኔ ውጭ በጠቅላይ ቤተ ክህነቱ ውስጥ የሚካሄዱት ሹም ሽሮች፤ ከአንድ ዓመት በላይ በእንጥልጥል የቆየው የአዲስ አበባ ሀገረ ስብከት ሊቀ ጳጳስ የነበሩትና በተደረገው ማጣራት በፓትርያርኩ ከሚወነጀሉባቸው ተግባራት ነጻ መሆናቸው የተረጋገጠላቸው የብፁዕ አቡነ ሳሙኤል ጉዳይ እንዲሁም በሀገረ ስብከቱ ውስጥ ከተንሰራፋው ምዝበራ እና የመልካም አስተዳደር ችግር ጋራ በተያያዘ ሥራ አስኪያጁ ሊቀ ማእምራን ፋንታሁን ሙጬ በቅዱስ ሲኖዶስ ውሳኔ ከሐላፊነታቸው መወገዳቸው የብዙዎችን ኅትመቶች የዜና ሐተታ ገጾች ቀልብ ስቦ ሰንብቷል፡፡

አውራምባ ታይምስ በተሰኘው ሳምንታዊ ጋዜጣ ‹‹የአቤቶ ወግ›› በሚለው ዓምድ ሥር በፖሊቲካ ስላቅ ጽሑፎቹ የሚታወቀው አቤ ቶኪቻው ዛሬ፣ ጥቅምት 20 ቀን 2003 ዓ.ም ‹‹የሐውልቱ ሥር ቁማርተኞች›› ቁማራቸውን ተበሉ? በሚል ርእስ ያስነበበው ተሣልቆ የብዙዎችን ቀልብ ስቦ ውሏል፡፡ የቅዱስ ሲኖዶስ ምልአተ ጉባኤ ከመቼውም ጊዜ በተለየ በጠቅላይ ቤተ ክህነቱ ችግሮች ዙሪያ በመወያየት ‹‹ድንቅ፣ ታሪካዊ፣ ሁለንተናዊ እና ወሳኝ›› መፍትሔዎችን ማስቀመጡን የዘገቡት ደግሞ ሳምንታዊዎቹ ሪፖርተር፣ ነጋድራስ፣ ፍትሕ፣ አዲስ አድማስ እና ዳጉ ጋዜጦች እንዲሁም ሐምራዊ እና ዕንt መጽሔቶች ናቸው፡፡

የኅትመት ውጤቶቹን ለማግኘት ዕድሉ ለሌላችሁ አንባብያን ዘገባዎቹን ለመመልከት ትችሉ ዘንድ በሚከተለው መንገድ አያይዘን አቅርበንላችኋል፡፡ ትከታተሏቸው ዘንድ እየጋበዝን ለዚህ ተግባር ከኢትዮጵያ መዲና አዲስ አበባ በበጎ ፈቃዳቸው ለተባበሩን ደጀ ሰላማውያንን ልባዊ ምስጋናችንን እናቀርብላቸዋለን፡፡

 ማስታወሻ
የጋዜጦቹንና የመጽሔቶቹን ዘገባዎች ለማቅረብ "ቴክኒካዊ" አቅም ስላነሰን ለጊዜው መለጠፍ አልቻልንም።

10 comments:

Anonymous said...

i want see this news paper article
"የሐውልቱ ሥር ቁማርተኞች›› ቁማራቸውን Tebelu"

Anonymous said...

እንግዲህ ወዲያ መጣፍ (ሕትመት) ብቻውን በቂ አይደለም--አፍ ያሻል--አንደበት!

እያንዳንዱ/ዷ ኢትዮጵያዊ/ት ቊርስ ሲ/ስትበላ፣ ቡና ሲ/ስትጠጣ በጕዳዩ መነጋገር ያስፈልጋል። ከምር።

በክርስትና ጉዞ ይመሩናል ብለን ተስፋ የጣልንባቸው "ብፁዕ ወቅዱስ" ከእግረ-ሥጋቸው በላይ እግረ-ሕሊናቸው እንደደነዘዘ ብቻ ሳይኾን በደዌ እንደተመታ የተረጋገጠ ስለኾነ ይመተር ዘንድ (ሥጋዊው በሥጋውያን፣ መንፈሳዊውም በመንፈሳውያን) ሐኪሞች ትዛዝ ተሰጥቶበታል። ነገሩ እንዲህ ነውና በጉዟችን መቀጠል ካለብን፤ ምን መደረግ እንዳለበት ኹሉም እንዲያስብ፣ የታሰበውንም አንሸራሽሮ ወደተግባር ለመለወጥ በሚደረገው ጥረት ኹሉም እንዲሳተፍ ማስተባበር የሚያስፈልግ ይመስለኛል።

በዚህ ብንተማመን፤ ጥያቄው "እንዴት አድርገን እናስተባብር" የሚለው ይኾን ይኾናል። ብቻ እንነጋገር፣ እንምከር።

Anonymous said...

Just Post it as 'image'.
'all the news letter you mention'

Anonymous said...

አቅም አነሰን አላችሁ! ባያንሳችሁ ነው የሚገርመው!!..... ምን እናግዛችሁ??
በነገራችን ላይ ፍትሕ ጋዜጣ ቸኩሎ የዘገበ ይመስላል! ምክንያቱም መጀመሪያ በ ፓትርያርኩ የቀረቡትን ሐሳቦች ነው እነደተወሰኑ አድርገው ያስነበቡት!! አይዞአችሁ!! ገንፎ እንዳትሆኑ!!!!

Anonymous said...

ደጀ ሰላም ! ሰሞኑን በቤተ ክህነቱ ሲደረጉ የሰነበቱ ስብሰባዎችን አስመልክቶ ጋዜጦቹ ምን ምን እንደጻፉ ማንበብ እንፈልጋለንና ያለባችሁን ቴክኒካዊ ችግሮች አስወግዳችሁ እንደምንም አስነብቡን ።

Anonymous said...

from Hawassa
Ene BEgashaw ena Yarede Ademe teklaye bet kihnet liyamitsu hedwal. ere sewochun beka beluwachew.teklay bete kihnetum zelaki mfetehy bnesu sewoche laye lmin ayesetenim.
May God bless our country

Allula said...

Abba Pawelos is varey dictator,egotism,Segerigator,even I Do not think he belving in God, his reaction is like Adiamin Dada and Mengestu Hilemarim. look at his titel,he owned about 9 titles on his name that is one of the sign of the dectator what is the important of all this title for Monek the one his asuming himself dead. title of the dictator.
1.Abba
2.Dr
3.Qedamawi
4.Arcbishops
5.Echege
6.Bishop of the axum
7.prisidant
8.Honerabl prisidant, this is madness.

Ze-Nazareth said...

How can we help u technically?

Anonymous said...

የአዋሳ ዱርዬዎች ቤተ ክህነቱን የማጣበባቸው ጉዳይ ዛሬ በእጅጉ ሲገርመኝ ነው የዋለው ፡፡ አብዛኛዎቹ ልጆች ቀደም ሲል መምህር ኃ/ሥላሴ ይግዛው የዛሬ አቡነ ሉቃስ በቦታው በመነበሩ ግዜ ኮርስ የሰጡአቸው ከጫትና ከኪስ ማውለቅ ስፍራ የመጡ አህዛባዊ ግብራቸውን ግን ያልተዉ ወጣቶች ናቸው፡፡በእርግጥ ለልጆቹ መረን መውጣት ዛሬ ያለው የአባ ፋኑኤል አሰተዳደር ብቻ ሳይሆን ትናትና እንደ አለቃገብረ ሃና በፌዝ ያሳደጓቸው አባ ሉቃስ ተጠያቂ ናቸው ፡፡ በሀገረ ስብከቱ ቤሮ ውስጥ ከሚኖረው ከጌቾ ጋር ስለ አዋሳ ሴቶችና ስለ አርበኞችና ሰራዊት ሆቴል የቡናቤት ሰራተኞች ሙድ ይዘው በትችት ያወሩ የነበሩት አባ ፌዘኛ ሉቃስ በሀገረ ስብከቱ እነዚህን መሰል ዋልጌዎቸ ከማፍራታቸውም በላይ በጋሻውን የመሰለ ከሃዲ ማሰልጠኛ አስገብቶ በኋላመ ኮሌጅ ልኮ ያስተማሩ በአቡነ ጳውሎስ ላይ መጽሀፍ ሲጽፍ መታሰቢያው ለእርሳቸው ተደርጎ ሲያወድሱት የነበሩት አቋመ ቢሱ ሉቃስ ለዚህ ተጠያቂናቸው፡፡ ትዛታው ሰርግ ላይ ተገኝተው እየተውረገረጉ ልጆቻችን እነ በጋሻው እነ ትዝታው እነ ያሬድ እያሉ አስገራሚ ምስክርነት ሲሰጡ የነበሩት አባ ፌዙ ሉቃስ መኪና እንዲገዛለቸው በበጋሻው በኩል ፓትርያሪኩ ጋ ኤልዛቤል እጅጋየሁን አማላጅ ከማስላካቸውም በላይ በዲላ ወይን ሆቴል የገጠማቸው ድቀት እንዳይነገርባቸው እነ በጋሻውን ሲያዩ የእነሱ ደጋፊ በስውር የሲኖዶስ ስብሰባ ደግሞ የእነሱ ተሳዳቢ ይሆናሉ ፡፡ ታዲያ ዛሬ የአዋሳ ሰዎች አርቲቡርቲውን በመነጋር ማህበረ ቅዱሳንን በፓትርያሪኩ ፊት ሲከሱ አሳዳጊ የበደላቸው አልኩ አሳዳጊው ደግሞ የትናት ኮሚኒስቱ ኃ/ሥላሴ ይግዛው የዛሬ ሉቃስ ናቸው ፡፡ ትናት በአቡነ በርተሎሚዎስ ላይ አድማ እንዲያረጉ እነዚህን ልጆች/እነ ዓለምነህናና መልአኩ አሉላን/ ያስተባበሩ አባፌዘኛው ሉቃስ ነበሩ የአቡነ በርቶሎሚዎስ ልብም በእኝህ አባት ላይ የሻከረው ከእህታቸው አልጋነሽ ጋር የነበራቸው ህብረት ስላላስደሰታቸው ነበር በሲኖዶሱ ላይ እንኳን ድምጽ የነፈጓቸው፡፡ አሳዳጊ አያሳጣን

Anonymous said...

የአዋሳ ዱርዬዎች ቤተ ክህነቱን የማጣበባቸው ጉዳይ ዛሬ በእጅጉ ሲገርመኝ ነው የዋለው ፡፡ አብዛኛዎቹ ልጆች ቀደም ሲል መምህር ኃ/ሥላሴ ይግዛው የዛሬ አቡነ ሉቃስ በቦታው በመነበሩ ግዜ ኮርስ የሰጡአቸው ከጫትና ከኪስ ማውለቅ ስፍራ የመጡ አህዛባዊ ግብራቸውን ግን ያልተዉ ወጣቶች ናቸው፡፡በእርግጥ ለልጆቹ መረን መውጣት ዛሬ ያለው የአባ ፋኑኤል አሰተዳደር ብቻ ሳይሆን ትናትና እንደ አለቃገብረ ሃና በፌዝ ያሳደጓቸው አባ ሉቃስ ተጠያቂ ናቸው ፡፡ በሀገረ ስብከቱ ቤሮ ውስጥ ከሚኖረው ከጌቾ ጋር ስለ አዋሳ ሴቶችና ስለ አርበኞችና ሰራዊት ሆቴል የቡናቤት ሰራተኞች ሙድ ይዘው በትችት ያወሩ የነበሩት አባ ፌዘኛ ሉቃስ በሀገረ ስብከቱ እነዚህን መሰል ዋልጌዎቸ ከማፍራታቸውም በላይ በጋሻውን የመሰለ ከሃዲ ማሰልጠኛ አስገብቶ በኋላመ ኮሌጅ ልኮ ያስተማሩ በአቡነ ጳውሎስ ላይ መጽሀፍ ሲጽፍ መታሰቢያው ለእርሳቸው ተደርጎ ሲያወድሱት የነበሩት አቋመ ቢሱ ሉቃስ ለዚህ ተጠያቂናቸው፡፡ ትዛታው ሰርግ ላይ ተገኝተው እየተውረገረጉ ልጆቻችን እነ በጋሻው እነ ትዝታው እነ ያሬድ እያሉ አስገራሚ ምስክርነት ሲሰጡ የነበሩት አባ ፌዙ ሉቃስ መኪና እንዲገዛለቸው በበጋሻው በኩል ፓትርያሪኩ ጋ ኤልዛቤል እጅጋየሁን አማላጅ ከማስላካቸውም በላይ በዲላ ወይን ሆቴል የገጠማቸው ድቀት እንዳይነገርባቸው እነ በጋሻውን ሲያዩ የእነሱ ደጋፊ በስውር የሲኖዶስ ስብሰባ ደግሞ የእነሱ ተሳዳቢ ይሆናሉ ፡፡ ታዲያ ዛሬ የአዋሳ ሰዎች አርቲቡርቲውን በመነጋር ማህበረ ቅዱሳንን በፓትርያሪኩ ፊት ሲከሱ አሳዳጊ የበደላቸው አልኩ አሳዳጊው ደግሞ የትናት ኮሚኒስቱ ኃ/ሥላሴ ይግዛው የዛሬ ሉቃስ ናቸው ፡፡ ትናት በአቡነ በርተሎሚዎስ ላይ አድማ እንዲያረጉ እነዚህን ልጆች/እነ ዓለምነህናና መልአኩ አሉላን/ ያስተባበሩ አባፌዘኛው ሉቃስ ነበሩ የአቡነ በርቶሎሚዎስ ልብም በእኝህ አባት ላይ የሻከረው ከእህታቸው አልጋነሽ ጋር የነበራቸው ህብረት ስላላስደሰታቸው ነበር በሲኖዶሱ ላይ እንኳን ድምጽ የነፈጓቸው፡፡ አሳዳጊ አያሳጣን

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)