October 26, 2010

የቅ/ሲኖዶስ የዛሬ ውሎ ዝርዝር ሪፖርታዥ

(ደጀ ሰላም፤ ኦክቶበር 26/2010፤ ጥቅምት 16/2003 ዓ.ም):- ቅዱስ ሲኖዶሱ በዛሬው ውሎው ከቅዱስ ፓትርያርኩ “ሐውልተ ስምዕ” መፍረስና ሌሎች ተጨማሪ ወሳኝ እርማጃዎች በተጨማሪም ከጥቅምት አንድ 2003 ዓ.ም ጀምሮ በጠቅላይ ቤተ ክህነቱ የአስተዳደር ጉዳዮች ዘርፍ ምክትል ሥራ አስኪያጅ አቶ ልዑል ሰገድ ግርማ፣ የአስተዳደር እና አቅም ግንባታ መምሪያ ሐላፊ አቶ ደሳለኝ መኮንን እንዲሁም የሒሳብ እና በጀት መምሪያ ሐላፊ ወ/ሮ ጽጌሬዳ ዓለሙ የቅጥር ሁኔታ በሕገ ቤተ ክርስቲያን ለቅዱስ ሲኖዶስ የተሰጠውን የጠቅላይ ቤተ ክህነቱን መዋቅር እና የአስተዳደር ደረጃ የመወሰን ሥልጣን የሚጋፋ መሆኑን አመልክቷል፡፡ ስለዚህም የሐላፊዎቹ የፈረሙት ኮንትራክት ካለ የኮንትራክት ጊዜያቸው ሲያበቃ እንዲሰናበቱ፣ የፈረሙት ኮንትራክት ከሌለ ግን በአስቸኳይ እንዲሰናበቱ ወስኗል፡፡

በትናንቱ የከሰዓት በኋላ ውሎው ቅዱስ ሲኖዶስ ፓትርያርኩ ቀኖና ቤተ ክርስቲያንን፣ ሥርዓተ አበውን እና የቅዱስ ሲኖዶሱን ማእከላዊ አሠራር በመጣስ ሲፈጽሟቸው ስለ ቆዩት ተግባራት ማብራሪያ እንዲሰጡ ጠይቋቸው ምላሻቸውን በዛሬው ዕለት ጠዋት እንደሚሰጡ ገልጸው ነበር ስብሰባው ለዛሬ ያደረው፡፡ ዛሬ ጠዋት ፓትርያርኩ ስብሰባው በጸሎት ከተከፈተ በኋላ ምላሽ ይሰጣሉ ተብሎ ቢጠበቅም ርእሰ መንበር ሆነው በተቀመጡበት መስቀል የጨበጠ እጃቸውን በጠረጴዛው ላይ ዘርግተው፣ አንገታቸውን አጽንነው ለረጅም ሰዓት በሊቃነ ጳጳሳቱ እየተለመኑ ቆይተዋል፡፡ ‹‹ኧረ ይበሉ እንጂ ይናገሩ፤ መልስ እንፈልጋለን›› የሚለው የሊቃነ ጳጳሳቱ ተማጥኖ የበዛባቸው ፓትርያርኩም ‹‹አባቶቼ፣ እኔ አልተሳሳትኩም፤ የቀደሙት አባቶች ሐውልት ሲያሠሩ ነው የኖሩት፤ ሐውልት ማሠራት በእኔ አልተጀመረም፤ የተለየ ነገር አላደረግኹም›› በማለት ፍርጥም ብለዋል፡፡ ብፁዓን አባቶችም በተለያዩ አጋጣሚዎች እንደተገለጸው ድርጊቱ በሲኖዶሱ ያልተመከረበት፣ በሥርዓተ አበው የተቀደሰ ትውፊት ያልነበረ እና ሕገ ቤተ ክርስቲያንን የጣሰ ስለ መሆኑ አበክረው ያስረዳሉ፡፡

ሲኖዶሱ ኅቡረ ልብ፣ ኅቡረ ቃል መሆኑን የተረዱት አቡነ ጳውሎስም፣ ‹‹እንግዲያውስ ሐውልት የተሠራ መሆኑን አላውቅም ነበር፤ ያወቅሁት ከቦታው ከደረስኩ በኋላ ሐውልቱ ሲገለጥ ነው›› ሲሉ ከፊተኛው ምላሻቸው ጋራ የሚለያይ ምላሽ ይሰጣሉ፡፡ በወቅቱ ሐውልቱ እንደተሠራ እና በበዓለ ሢመታቸው ዋዜማ እንደሚገለጥ በብዙኀን መገናኛዎች በወጡ ዜናዎች፣ ሐተታዊ ጽሑፎች እና የሕዝቡን ኀዘን የሚገልጡ ቃለ ምልልሶች እንደ ተሠራጨ፣ እርሳቸውም ሐውልቱን እንዳይባርኩ በብፁዓን አባቶች እና በቅርብ ቤተ ዘመዶቻቸው ሳይቀር መለመናቸውን፣ ይሁንና ልመናውን ወደ ጎን በመተው ሐውልቱን ለሚያሠራው ኮሚቴ ድጋፍ እንዲደረግለት ትእዛዝ መስጠታቸውን፣ ሐውልቱ ከቆመ በኋላም በሥፍራው በመገኘት መመረቃቸውን፣ በዐውደ ምሕረቱም የሐውልቱ መገንባት ተገቢ ስለመሆኑ ከቤተ ክርስቲያኒቱ አስተምህሮ እና ከሥርዓተ አበው ውጭ የሆነ ጽሑፍ ሲቀርብ በአኵቴት መቀበላቸውን እንዲያውም ‹‹ክብሩ የሲኖዶሱም ጭምር ስለ መሆኑ›› መናገራቸውን፣ ከዚያም በኋላ ተቃውሞው ሲበረታ በጠቅላይ ቤተ ክህነቱ ውስጥ ራሳቸውን የሾሙ ግለሰቦች የሐውልት ሥራውን ተገቢነት በመጥቀስ መሟገታቸ ተዘንግቶ በዚህም ሁሉ ውስጥ ‹‹አላውቅም›› ሊሉ እንደማይችሉ አስታውሰዋቸዋል፡፡ የዘወትር ችግራቸውም ‹‹እኒህን ሁሉ ምክሮች ያለማዳመጥ፣ ቆም ብሎ ያለማየት አስተዳደራዊ ብልሽት›› መሆኑ በተለይ እንደ ብፁዕ አቡነ ቀውስጦስ እና ብፁዕ አቡነ ጎርጎርዮስ ባሉት አባቶች ተነግሯቸዋል፡፡

ከዚህ በኋላ ሊቃነ ጳጳሳቱ የመንግሥት አካል በተገኘበት ውሳኔያቸውን እንደሚያሳውቁ ቢያስጠነቅቋቸውም ፓትርያርኩ አርምሞን በመምረጣቸው፣ ሐውልቱ እና ፖስተሩ የቤተ ክርስቲያኒቷን ሥርዓት እና የተቀደሰ ትውፊት የሚያናጋ መሆኑ በሁሉም ብፁዓን አባቶች ቃል እየተገለጸ በሙሉ ስምምነት እንዲፈርስ እና እንዲወገድ ተወስኗል፡፡ ጥቅምን ማእከል ካደረገው የጭከና እና የማበጣበጥ ግብራቸው የተነሣ ‹‹ኤልዛቤል›› የሚል ቅጽል ስም የተሰጣቸው እና ከዕሥራ ምእቱ በዓል አከባበር ዋዜማ ጀምሮ ወደ ጠቅላይ ቤተ ክህነቱ ከድመት ጠጉር ልመው በመግባት የፓትርያርኩ ፖስተር እንዲሰቀል፣ ሐውልታቸው እንዲቆም ከፍተኛ ሚና በመጫወት እና ከዚህም መጠኑ ያልታወቀ ጥቅም በማጋበስ የሚታወቁት ወ/ሮ እጅጋየሁ በየነም ወደ መንበረ ፓትርያርኩ ቅጽር ዝውር እንዳይሉ የማገጃ ውሳኔ ተላልፎባቸዋል፤ ውሳኔውንም ለማስፈጸም የጠቅላይ ቤተ ክህነቱ ዋና ሥራ አስኪያጅ ብፁዕ አቡነ ፊልጶስ ሐላፊነቱን መውሰዳቸው ተዘግቧል፡፡ ‹‹ሲኖዶሱ ሳይበተን እኔ ራሴ ውሳኔውን አስፈጽማለሁ፤ በዚህ ተወሰነ መባሉም ለቅዱስ ሲኖዶሱ ክብር ጥሩ አይሆንም›› ብለዋል ብፁዕ አቡነ ፊልጶስ፡፡ በውሳኔው በመደሰት የብፁዓን ሊቃነ ጳጳሳቱን እጅ እየሳሙ ቅዱስ ሲኖዶሱ ህልውናውን በእኒህ መሰል ውሳኔዎች ማረጋገጡ እንዳስደሰታቸው የገለጹት ደጀ ሰላማውያን ውሳኔው ተግባራዊ ፍጻሜ ስለማግኘቱ ያላቸውን ጥርጣሬ ከመናገር አልቦዘኑም፡፡ በመሆኑም ሲኖዶሱ ጉባኤው ሳይጠናቀቅ ፍጻሜውን እንዲያሳየን አልያም ራሱን የቻለ አስፈጻሚ አካል እንዲሠይም ጠይቀዋል፡፡ በርግጥም ከዚህ በፊት የተላለፉት የቅዱስ ሲኖዶስ ውሳኔዎች ጥርስ የሌላቸው የወረቀት ላይ አንበሶች ሆነው ቢቆዩም፣ በሕገ ቤተ ክርስቲያን በተደነገገው መሠረት የቅዱስ ሲኖዶስ ጽ/ቤት፣ ቋሚ ሲኖዶሱ እና ብፁዕ ወቅዱስ ፓትርያርኩ የምልዓተ ጉባኤውን ውሳኔ የማስፈጸም ግዴታ እንዳለባቸው በጥቁር እና ነጭ ሰፍሮ እንደሚገኝ ይታወቃል፡፡

በተያያዘ ዜና ቅዱስ ሲኖዶስ በዛሬው የከሰዓት በኋላ ቆይታው የኢትዮጵያ ኦርቶዶክስ ተዋሕዶ ቤተ ክርስቲያን ልማት ኮሚሽን ኮሚሽነር ከቅዱስ ሲኖዶሱ ዕውቅና ውጭ በፓትርያርኩ ብቸኛ ውሳኔ መሾም፣ በመቐለ አባ ሰላማ ከሳቴ ብርሃን ቅዱስ ፍሬምናጦስ ኮሌጅ ብሪጅ ኦቭ ሆፕ እየተባለ በሚታወቀው በአሜሪካ በሚገኝ የፕሮቴስታንት ኮሌጅ ተገኘ በሚባለው የድኅረ ምረቃ ፈንድ ስለሚፈጸመው የተሐድሶ መናፍቃን እንቅስቃሴ፣ ከፍተኛ ሙስና እና ምዝበራ ይፈጸምበታል ስለሚባለው የቤቶች እና ሕንፃዎች አስተዳደር ችግሮች በሰፊው በመያየት ሁኔታውን ለውውይት በሚያመች መልኩ አጥንቶ የሚያቀርብ ኮሚቴ በመሠየም የአራተኛ ዕለት ስብሰባውን አጠናቅቋል፡፡
ተፈጸመ በሰላመ እግዚአብሔር፡፡
 አሜን፡፡
(የዜናውን ዝርዝር በቆይታ እንመለስበታለን)፡፡

41 comments:

Anonymous said...

Thanks God for all this. Dejeselamoch Bertu. EgziAbHer agelglotachihun Yibark!

selome said...

YE HAWREYATEN GUBAE YEBAREKE EGZIABHER AMELAKACHEN YETEMESEGENE YEHUEN !!!!!!!!!!!

BETAM DES YEMIL ZENA NEW FETAMEWN DEGEMO BETEGEBAR YASAYEN ELALALEW AMEN!!!!

SELE HASWI SEBAKIW BEGASCAWENA GADEGOCHUS MEN YEWSEN YEHON CHER WERE YASEMAN Amen

QALE HIWOTEN YASEMALEN DEGE SELAM YE AGELEGELOT ZEMENACHU YEBAREK Amen !!!

Anonymous said...

Belihiwo leEgzihabher Girum Gibrik!!!

Anonymous said...

What does it mean 'if there has been contract signed?'. Does Abune Philipos not know?.I smell fishy staff there.

Mahlet said...

EgeziAbeHer meChereshawen yasamerlen .Melak neger yasayen yaseman

WAKWOYA VIEWS said...

ከቅዱስነትዎ ሀሰትን መስማት ስለለመድን ብዙ አይገርምም እንጂ በእርስዎ ሥልጣን ሳሆን በእርስዎ እድሜ ከሚገኝ ምእመን እንኳ ይህን የመሰለ ዓይን ያወጣ ክህደት አይጠበቅም፡፡ ለማንኛውም እርስዎ ሐውልትዎን ሲያስተክሉ እና ምእመናንን አንገት ሲያስደፉ፤ ቤተክርስቲያኒቱንም መሳለቂያ ሲያደርጓት ምን እየተሠራ እንደነበር የምናውቅ መሆኑን መጠቆም አስፈላጊ ይሆናል፡፡
1)ብጹዐን አባቶች (ለጊዜው ስማቸ ውን ከመጥቀስ እቆጠባለሁ) ሐውለቱን እንዳይመርቁ ምክርም ልመናም አቅርበውሎት ነበር፡፡ ምን ያደርጋል ከአበው ምክር ይልቅ የኤልዛቤል ማባበል በለጠብዎ እና ተሳሳቱ፡፡ ‹‹ሴት የላከው..›› እንዲሉ፡፡
2) የመንግስት አካላት የተወከሉ ግለሰቦች (ለጊዜው ስማቸ ውን ከመጥቀስ እቆጠባለሁ) መጥተው ተመሳሳይ ልመና እና ምክር ቢሰጥዎት መች ሰሟቸው? የላከቸዎ ሴትየዋ ናታ !!
3) ማኅበረ ቅዱሳን ምእመናንን ቦሌ መድኃኔአለም አከባቢ ለተቃውሞ እያስተባበረ ነው የሚል ወሬ መንበረ ጵጵስና ሲደርስ የሚያጣሩ ‹‹ነጭ ለባሾችን›› ቦሌ ልከው እነዲጣራ አላደረጉም? የተላኩትም ሰዎች በሕይወት ስላሉ ሊዋሹን አይችሉም !
4) የተላኩት ሰዎች ማኅበረ ቅዱሳን በቦታውም ያለመኖሩን ሲያረጋግጡልዎ ለመመረቅ አልወጡም?
5) ለሐውልቶ ምረቃ እንዲያጅቡዎ ከጠየቋቸው አበው ሊቃነጳጳሳት መካከል አምስቱ ፈቃደኛ ባለመሆናቸው አኩርፈው አልሰነበቱም ?
ይህን የዘረዘርኩት ብዙ እንደምናውቅ ለመጠቆም እና ዳግም ጥፋት (ውሸት) ውስጥ እንዳይገቡ ለማሳሰብ ጭምር ነው፡፡ ልቦና ይስጠዎ! እድሜ ለንስሃ ዘመን ለፍስሐ የጨምርልዎ!
በነገራችን ላይ እነ ‹‹መምህር›› በጋሻው እና ‹‹ካህኑ›› ጌታቸው ዶኒ በእቴጌዋ ሰብሳቢነት ለምን የሐውልት አስፈራሽ ኮሚቴ አታቋቁሙም በጀትም ይመደብላችኋል !!!

Anonymous said...

Now God is with us! God of the TRUE Church is turning HIS saving face to US. Still we need to pray more and more!!

ደጀ ሰላም said...

God is always with US. May be there are times when we are not with Him. We can not say, God has become with us now. He is always, at good or bad times, with us.

Anonymous said...

Demissie
Egziabhere chere were yaseman mechereshawen yasamerelen

God bless EOC and Ethiopia

SendekAlama said...

+++

«ካልታዘልኩ አላምንም!» አለች አሉ በይፋሲካው «ባል ተገኘልሽ» የምትባል የአገሬ ኮረዳ። እኔም ምንም እንኩዋን ውሳኔው በራሱ ተስፋ የሚሰጥ ቢሆንም ያ ድንጋይ ፈርሶ ካኢየሁት አላማንም።

ማህበረ፡ክርስቲያን said...

ክብር፡ምስጋና፡ለአምላካችን፡ይሁን፡፡ክብሯ፡የሰፋ፡ እመቤታችን፡በምልጃዋ፡አትለየን፡፡ቅዱሳን፡መላእክቱን፡ ልኮ፡አሁንም፡ቤተ፡ክርስትያናችንን፡ያጽዳልን፡፡
አሁንም፡የአቡነ፡ጳውሎስ፡ሐውልት፡ብቻ፡ሳይሆን፡ በቅድስት፡ሥላሴ፡ቤተ፡ክርስትያን፡ግንቦች፡ላይ፡ያሉትም፡ሐውልቶ፡ሊታሰብባቸው፡ይገባል፡፡ብቻ፡ሁሉንም፡ባለቤቱ፡በጊዜው፡እንደሚያስተካክለው፡አምነን፡በፀሎታችን፡ልንበረታ፡ይገባል፡፡የኛ፡ዋናውና፡ትልቁ፡ድርሻችንፀሎት፡ልመና፡መማጸን፡ስለሆነ፡፡የቀረውን፡መንገዱን፡እርሱ፡ይመራናል፡፡ይህንም፡እያየንው፡ነው፡ተመስገን፡ፈጣሪያችን፡፡እንግዲህ፡ሥራ፡ተጀምሯልና፡በርቱ፡ፅኑ፡ብፁዐን፡አባቶቻችን፡እኛም፡ከጎናችሁ፡ነን፡፡ለዘመናት፡ተሰግስገው፡አንዷን፡እውነተኛዋን፡ሃይማኖት፡ክርስትና፡ተዋህዶ፡እምነታችንን፡ለማጥፋት፡የሚተጉትን፡የዲያቢሎስ፡ወገኖች፡አጽድቶ፡ማውጣት፡ከባድ፡ድካምና፡ትዕግስት፡የሚጠይቅ፡ስለሆነ፡አይዟችሁ፡በቅድስት፡ሥላሴ፡ፈቃድና፡ድጋፍ፡በእመቤታችን፡ምልጃ፡በሁላችንም፡ፀሎትና፡ትብብር፡ሁሉ፡እንደሚስተካከል፡እርግጠኛ፡ነኝ
እግዚአብሔር፡አገራችንን፡ይባርክልን!!!
የእመቤታችን፡ምልጃ፡አይለየን!

John said...

ለካስ አምላካችን አባቶቻችንን አስተኛቸው እንጂ አልገደላቸውም ! ይኸው ጊዜው ሲደርስ ከእንቅልፍ ቀሰቀሰልን ! አባቶቻችን እባካችሁ ዳግመኛ አታነቀላፉ፡፡ በተኩላ እንዳንበላባችሁ!!! እናንተም አባት ሁኑን እኛም ልጆች እንሁንላችሁ፡፡ እንዲህ ታሪክ የምትሠሩ ትውድ የምትቀይሩ ከሆነማ እንደ ገል ቀጥቀጣችሁ፤ እንደ ሰም አቅልጣችሁ ብተገዙን መች እምቢ አልናችሁ? ደግሞስ ስትፈልጉ ብራችንን ብትወዱ ሥጋችንን ከባሰም ነፍሳችንን ስለፍቅራችሁ መስጠት ካቃተን እስኪ በዚህ ፈትኑን፡፡ ብቻ የቤተክረሰቲያናችን ሥርዓቷ ሲናድ ቀኖናዋ ሲጣስ ሕጓ ሲበላሽ ዝም አትበሉ ! አምላከ ቅዱሳን ጥብአቱን (ብርታቱን) ያድላቸሁ !

ማህበረ፡ክርስቲያን said...

በነገራችን ላይ እነ ‹‹መምህር›› በጋሻው እና ‹‹ካህኑ›› ጌታቸው ዶኒ በእቴጌዋ ሰብሳቢነት ለምን የሐውልት አስፈራሽ ኮሚቴ አታቋቁሙም በጀትም ይመደብላችኋል !!!
WAKOYA VIEWS በጣም፡ጥሩ፡ሃሳብ፡ነው፡እኔም፡ እስማማበታሁ!

Anonymous said...

ደስ ይላል

Anonymous said...

በበሩ አደባባይ የሚገሥጸውን ጠሉ፥ እዉነትም የሚናገረዉን ተጸየፉ። ድሀዉንም ደብድባችኋልና፥ የስንዴዉንም ቀረጥ ከእርሱ ወስዳችኋልና ከተጠረበ ድንጋይ ቤቶችን ሠርታችኋል፥ ነገር ግን አትቀመጡባቸዉም፤ ያማሩ የወይን ቦታዎች ተክላችኋል፥ ነገር ግን ከወይን ጠጃቸው አትጠጡም። ጻድቁን የምታስጨንቁ፥ ጉቦንም የምትቀበሉ፥ በበሩም አደባባይ የችግረኛውን ፍርድ የምታጣምሙ እናንተ ሆይ፥ በደላችሁ እንዴት እንደ በዛ፥ ኃጢአታችሁም እንዴት ጸና እኔ አዉቃለሁና። ስለዚህ ክፉ ዘመን ነዉና በዚያ ዘመን አስተዋይ የሚሆን ዝም ይላል። ትንቢተ አሞጽ ፭፥፲_፲፩

Anonymous said...

እነ ጉደኛዉና ጋለሞታዋ ኤልዛቤልማ በደመ ቅዱሳን ተዉቦ የተጠበቀዉን የተዋህዶን ሰማያዊ የአመላለክ ስርአት በፍቅረ ንዋያቸዉ ወደ ሆሆታ ለመለወጥ በ ስም ያሬዳዊ ስርአት ያፍርሱ እንጂ ,,,,

Anonymous said...

Blogger ደጀ ሰላም said...

God is always with US. May be there are times when we are not with Him. We can not say, God has become with us now. He is always, at good or bad times, with us.

አንሰ እቤ፦

"እግዜር ከኛ ጋራ ነው/አይደለም" የሚባለው'ኮ ትክክለኛ ስሜቱ፦ "በረድኤት..." እንጂ "በህልውና'ማ" ርሱ የሌለበት ምን መካን አለ?


እናም እንደኔ እንደኔ፤ በርግጥ አግዜር ከኛ ጋራ ማ(ል)ለቱን ለመናገር ጊዜው ገና ነው። አለመነ(ብ)በሩን የሚጠራጠር ሰው እንዳለ ይችን ጥያቄ ይመልስልኝ፦ ርሱ በረድኤት ባይለየን ኖሮ፤ ጥንቱን በገዛ ቤቱ ጣዖት ቆሞ ለማየት እንበቃ ነበርን?

Anonymous said...

Des yilale. Egziabher Yakibrachihu.

Anonymous said...

ፓስተሮች፡ገታቸው፡ዶኒና፡በጋሻው፡ደሳለኝ፡እቤ
ታችን፡ውስጥ፡መናፍቃዊ፡ሥራቸውን፡እንዲህ፡ደ
ረታቸው፡ሞልቶ፡ጣዖቶን፡ለድለላ፡ለማቆም፡ያስቻ
ላቸው፡ሁኔታናም፡ተመርምሮ፡ይቅረብልን።

እኒህ፡ሁለት፡አወናባጆች፡ከማንኛውም፡የቤታችን፡
ሥራ፡እንዲገለሉ፡እንጠይቃለን።የአዋሳን፡ተዋሕ
ዶ፡ሕዝብ፡በመበጥበጥና፤በመከፋፈል፡ካፈረጠሙ
ት፡አሜሪካዊው፡ጳጳስ፡ጋር፡በመተባበር፡እንደነ፡ያ
ሬድ፡ባሉ፡አጭበርባሪ፡መናፍቃን፡ያስጠቁንና፡ያስ
መዘበሩን፡በጋሻውና፡ጌታቸው፡ዶኒ፡መሆናጨውን፡
ሁልችንም፡እናውቃለን።

እነዚህ፡የተንኮል፡ግብረ፡አበሮችና፡ካፋቸው፡ደግ፡
የማይወጣው፡በአሜሪካንነታቸው፡በመኩራራት፡ደ
ረቱ፡እንዳበጠ፡ጎረምሳ፡በተሳዳቢነታቸውው፡የሚ
ታወቁት፡አባ፡ፋኑኤል፡ከማንኛቸውም፡ሐላፊነት፡
እንዲነሱልን፡እንጠይቃለን።

*የአዋሳን፡ሕዝበ፡ተዋሕዶ፡ለመታደግ፡አባ፡ፋኑኤ
ልን ፡አስወግዱልን!

*የአዲስ፡አበባ፡ሐገረ፡ስብከት፡እንዳይከፋፈል፡ያ
ደረጋችሁት፡አስደሳች፡ውሳኔ፡ሙሉ፡በሙሉ፡ግፍ
ንና፡ተንኮልን፡እንዲያስወግ፡አቡነ፡ሳሙኤልን፡ወ
ደዚሁ፡ሐገረ፡ስብከታቸው፡በክብር፡መልሱልን!

ይህን፡ሁሉ፡የጥፋት፡ሽፍንፍን፡ሳናራግፍ፡የዚህ፡ሲ
ኖዶስ፡ሥራ፡አብቅቷል፡ተብለን፡እንዳናዝንባችሁ፡
አባቶች፡የተጀመረውን፡ቅዱስ፡ተጋድሏችሁን፡ጠን
ክራችሁ፡ግፉበት!አትፍሩ፡እግዚአብሔርና፡ተዋሕ
ዶ-ኢትዮጵያ፡አብረናችሁ፡ቆመናል!!!

በርትታችሁ፡የጥፋት፡ርኩሰት፡ያቀናበራቸውን፡የ
ዝርፊያና፡የሃይማኖት፡ማፍረሻ፡አሠራሮች፡አስወ
ግዱ!የታሰርንበት፡የጥፋትና፡የውርደት፡ሰንሰለት፡
ይበጠስ!!!

መድኃኔ፡ዓለም፡ክርስቶስ፡ተዋሕዶ-ኢትዮጵያን፡
ይታደጋት!ለእውነት፣ለሕግና፡ሥርዓተ፡ቤተክርስ
ቲያን፡በተጋድሎ፡ውስጥ፡ያላችሁትን፡አባቶች፡መ
ንፈስ፡ቅዱስ፡ብርታቱንና፡አንድነቱን፡ይስጣችሁ።

በመላ፡ኢትዮጵያና፡በዓለም፡የተበተን፡የተዋሕዶ፡
ልጆች፡
(ከጥፋት፡ርኩሰት፡አድመኞችና፡የዝርፊያ፡
ተባባሪዎች፡በስተቀር)
በሙሉ፡ልብ፡አብረናችሁ፡ቆመናል!!!

እመ፡ብርሃን፡ትርዳችሁ፤ትርዳን!አሜን።

ሳሙኤል፡ዘአሰቦት።

Anonymous said...

I think the Fathers have fallen short this time too. Clearly the Synodos has found the Patriarch guilty of transgressing the church's holy teachings. Shouldn't he be held accountable for his actions such as allowing the erection of his monument and facilitating the embezzlement of the churches resources by his cronies and family members? In my opinion, the Abun has no longer the required moral integrity to lead the church, therefore the holy Synod should has stripped him the Patriarchate position that he so much abused with a degree that cannot be eclipsed even by our corrupt politicians. Nevertheless, i admit this is better than nothing and i can't wait to see the demolition of the haulit.

Anonymous said...

የቅዱስ ሲኖዶሱን ቡራኬ ካገኘን እነ በጌ፤ ኤልዛቤል እና ጌቾ ሐውልቱን ለማፍረስ ኮሚቴ እኪያዋቅሩ ከምንጠብቅ እኔና ጓደኞቼ በየአቅራቢያው አብያተ ክርስቲያናቱ የተተከሉትን የ‹‹ቅዱስነታቸውን›› ፖሰተሮች ለመዘነጣጠል ተቀጣጥረናል፡፡ ደጀሰላሞች የተለየ የአፈጻጸም መመሪያ እንጠብቅ ወይስ በዕቅዳችን መሠረት እንግፋበት ‹‹በገበያ የጠፋ ስም በገበያ ይመለሳል›› እንዲሉ በአደባባይ የተሠራን ስህተት በአደባባይ ማረም ንስሐውን ሙሉ ያደርገዋል፡፡

Anonymous said...

Be ewnet metegnat akategn....Eleleleleleeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeee
Kiber le Egiziabher yihun Amen.

Anonymous said...

God have time!!!!!!!!!!!!
Good job Holly Sinod
ENAMESGINALEN!!!!!!!!!!!

Anonymous said...

Tike tefeshayne beabewine!

Anonymous said...

It means that God has listened the prayers of many christians. The holy synod should continue with the same strength to fight and eliminate internal protestant agents. The banning of Egigayehu from entering the holy area is really very important. Begashaw and his followers should also be banned from any church programs

Anonymous said...

Is it real? Please Keep Pyraying. I afraid.

Anonymous said...

Is it real? I affraid. Oh God!

sahlie said...

Egziabhier ymesgen
Egziabhier ymesgen
Egziabhier ymesgen
lezih yaderesen
Egziabhier ymesgen, lehulum gizie alewna mewesenu Tru new letefeSaminetum ahunm Egziabhier yrdan

Anonymous said...

ከእናንተ ኃጢአት የሌለበት ቢኖር ድንጋይ አነስቶ ይውገራት
የሰሞኑ ሀውልት መፍረስ ከፍተኛ ደስታ ቢሰማኝም ሲኖዶሱ 50ሚለዮንተከታይ ያለትነ ቤተ ክርስቲያን ለመምራት የተሰየመ ከሚመስል ይልቅ ወ/ሮ ኤልዛቤልንና ስራዎቿን ለማፍረስ የተሰየመ ነው የሚመምስል፡፡ ቀደምሲል በጥሙራ መድረካችሁ አንድ አስተያየት ሰጭ የኢትዮፕያ ቤተ ክርስቲያን እየታመሰች ያለቸው ሁለት ዘመደማማቾች
የጳጳሳት ወዳጆች ሆነው ጸብ በመጀመራቸው መሆኑ አስነብቦን እንደነበር አስታውሳለሁ
ከአመት በፊት የትልቁ ጳጳስ ወዳጅ የነበረችው እጅጋዩ ኤልዛቤል አቅም አግኝታ ኤልቤተል/የትንሹ ጳጳስ/ ወዳጅን በአደባባይ አሳፈረቻት ትንሹም ጳጳስ የብረት መዝግያ መሆናቸውን ለማስመስከር አመቱን ሙሉ በሰሩት ጠንካራ የመልሶ ማጥቃት ስራ ኤልዛቤል በዝረራ እንድትሸነፍ አድርገዋታል ከሆነ አይቀር እንዲህ አይነት ወዳጅ መያዝ ነው የሚያኮራው ወጣትነት እንዲሉ ፡፡ አባ ጳውሎስ እርጅናቸው ሀውልቱን መመረቃቸውን እንኳን እስኪዘነጉት አደረሳቸው፡፡ ካረጁ አይበጁ ነውና ኤልዛቤል ላቀደቻቸው በርካታ የጥፋት ድርጊቶች ታዛ ሳይሆኗት እርሷም ከበተስኪያን አባልነት እንኳን እስክትሰረዝ አደረሳት ፡፡
ከሁሉ የገረመኝ ነገር ቢኖር ግን ጳጳሳቱ በየቤታቸው ያስቀመጧቸውን ሚስቶቻቸውን ሳያስወጡ ምነው ኤልዛቤል ላይ ብቻ ወሰኑ የትልቁ አባት ኃጢአት በዛ እርሱ ይህን ካደረገ ለኛ ሀጢአት ማን ይጸልይልናል ብለው ወይ እንደግብዞቹ የራሳቸውን ግንድ ሳያወጡ ወደሌላው ጭራሮ ተሻገሩ ትንሹ አባ 9 ዓመት የመንፈሳዊ ኮሌጅ ደቀመዛሙርትን ያሸማቀቁበት ነውርስ አንደ ኃውልቱ እልባት አይሰጠውም
እነ አባ ግሪክ ኮሌጅ ድረስ እየሄዱ ልጆቻቸውን ሲያስመርቁ ሃጢአቱ ከነኤልዛቤል ስለሚያንስ በዚያው ይታለፉ እነ እንጦንስ በፍርድ ቤት ውሳኔ ለቅምጦቻቸው የከፈሉት ብር ከኤልዛቤል ድርጊት አንሶ ነው እነ አባ መቃርያስ በቦሌ በድኃኔ ዓለም ያስቀመጧቸው እነ እማሆይ ደንበል ከኤልዛቤል አንሰው ነው እነ አባ ዲዮስቆሮስ የሀገሪቱን ስነ ህዝብ ለማብዛት ይመሰል በየቦታው የወለዷቸው ልጆች ጉዳይ ከኤልዛቤል አንሶ ነው የአባ ጢሞ ታላቅ ልጅ አባቴ ልትሆን አትችልም ብሎ ቢፈትናቸው አውስትራልያ አሽቀንጥረው ልከው እረፍት መድረጋቸው ከኤልዛቤል ስራ አንሶ ነው
እነ አባ ጅማ የነ ሰላም አባትስ ጊዜ አነሰኝ ነው ያው ቅዱሱ ሀዋርያ ስለስንቱ ማውራት እንችላለን ድንጋዩን አንስቶ አንድ ስንኳን መወርወር የማይችል በለብዙ እንከን ጳጳስ እርሱን ሊመጥን በማይችል ሁኔታ ስለአንዲት ጋለሞታ ከመወያየት ጋለሞታዎቻችንን እናርቅ ብሎ በደፈና ቢወስን እንዴት ባማረበት እንደ ኃውልቱ መፍረስ አንጀታችንን ባራሰው ነበር፡፡ ለመጭዎቹ ተሿሚዎችም ታላቅ ማስጠንቀቂያ በሆነ ነበር ስለዚህ ድንጋዩን አንሰቶ ሊወረውር የማይችል ሁሉ ሴት ትውጣ ትግባ ከማለት የሁሉም በሮቸ የሚያስገቧቸውን ሰዎች ሊያውቁ ይገባል እላለሁ፡፡

mussie said...

we will see every thing in the future

Anonymous said...

በመቐለ አባ ሰላማ ከሳቴ ብርሃን ቅዱስ ፍሬምናጦስ ኮሌጅ እና የብሪጅ ኦቭ ሆፕ (Bridges of Hope) አይን ያወጣ የፕሮቴስታንት የተሐድሶ መናፍቃን እንቅስቃሴ ትብብር አንጀት የሚያቃጥል ነው:: በቅዱስ አባቶቻችን እንደ ሐውልቱ የማያዳግም መልስ እናግኝ

እመ፡ብርሃን፡ትርዳችሁ፤ትርዳን!አሜን።

Anonymous said...

I am in America where many division makers are fixed.
The faction makers or illitrate professionals are sent illegally by Mrs.Ejigayehu Beyene's unique embasy. It is better getting back to Ethiopia and shall be displaced by the professionals who are graduates for teaching, preaching, and celebrating Mass. Otherwise, we- your brothers and sisters are in serious problems.Not only we Ethiopian-Americans but also those who live in other countries.

Dear Deje Selam blog, please send my message to the Holy Synod for solution.

Regards,

Anonymous said...

It must be (dragon, not diakon anymore)Begashaw, who demolish the monument, and feel how shameful he is and his deeds, for our church.

dani said...

እግዚአብሔር ይመስገን ሁሉን በጊዜው የሚሰራ አምላክ በስራው አስደሰተን አሁንም በቤቱ የተሰገሰጉትን ተኩላዎች ይንቀልልን፡፡

Anonymous said...

ውድ ወገኖቻችን ደገ ሰላማዊያን እኛም ከልማት አጋሮቻችን በመመሆን በአካባቢያችን እያፀዳን ስለሆን አይዟችሁ በርቱልን።
ቅዱስ ሚካኤል ያግዘናል
ታረቀ ነኝ መረጃን ለመመጋገብ በ እመይል
leaketareke@yahoo.com

Yemisrach Gebriel said...

እግዚአብሔር የተመሰገነ ይሁን
ይህ የሰው አይደለም የእግዚአብሔር ፍርድ ነው፡፡

Anonymous said...

ውድ አንባቢያን!

እባካችሁ ወደ እሜልይ ጻፉልኝ
ጦርነታችን ሁሉንም ማጽዳት ስለሆነ የእያንዳንዱ ጳጳሳት በተለይ (ከእናንተ ኃጢአት የሌለበት ቢኖር ድንጋይ አነስቶ ይውገራት በጻፍኩላችሁ መልእክት) የበሰበሰውን ግብራቸው የተጨበጠ ዶኩሜንት፣ የመቀለ ቅዱስ ሚካኤል ቤተ ክርስቲያን እንደ አወሳው በቂ መረጃ፣
የከሳቴ ብርሃንም ኢንፎርሜሽን ስላለኘ ላካፍላችሁ ስለፈለግሁ

ከዓዲ ሐቂ ሐውልት

ደጀ ሰላም said...

ውድ ወንድማችን ዘአዲ ሐቂ፣
በዚህ ኢሜይል ጻፍልን። ወይም ኢሜይልህን ላክልን
dejeselam@googlemail.com
dejeselam@gmail.com

Maryisaq said...

የእግዚአብሄር ሰላም የብዛላችሁ፡-ለአበው ና ለደጀ ሰላማዊያን...
አምላከ አበው የፍርሃት ቆፈንን ከልጆቹ ትክሻ አራገፈ፡ እንደ ሎሌ ሳየሆን በእግኢአብሄር እንደተሾመ እንደራሴ ለመኖር የሚችሉበትን የነጻነት ዘመን አወጁ፡፡ አባቶቻችን ሆየ፡- እኛ ል ጆቻችሁ እንኩዋ እንዴት ባለ የሀፍረት እስር ቤት ውስጠ ታስረን ተሸማቅቀን እንደነበርን ለመግለጽ ከባድ ነው፡፡ አሁን ግን... የእፎየታ ዘመን እንደመጣልን ቀቆጠርነው፡፡ተመስገን፡፡ የእግኢአብሄርን እጅ ድንቅ ከማድረግ የሚየቆማት ማን ነው?

Anonymous said...

ዳኜ ከዊኒፔግ ካናዳ
የቅዱስ ሲኖዶሱ ውሳኔ እጂግ የሚያስደስት ነው፡፡በቤተክርስቲያን ዙሪያ ሆነው የሚበሉት እና የሚቀምሱት የሌላቸው የኔቢጤወች አምላካቸውን ስም እየጠሩ የእለት ጉርሳቸውን የሚለምኑትን ድምጽ ጆሮ ዳባ ልበስ ብለው ከየዋህ ምእመናን በአፈጮለወች የተሰበሰበውን ገንዘብ ያፈሰሱበትን የድንጋይ ምስል ፓትራሪኩ በደስታ መመረቃቸው እጂግ አሳፋሪ ነው፡፡
እነ በጋሻውን ምእመናኑ ይጠይቃቸዋል፡፡

Anonymous said...

ዉድ የተዋህዶ ልጆች
እባካችሁ ተረጋጉ። ሁሉንም ቀስ አድርጋችሁ ያዙት። ትንሽ ብርሃን ስታዩ የምትደሰቱ ትንሽ ጨለማ ስታዩ የምትበረግጉ አትሁኑ። በፀሎት በአንድነት ከበረታን እግዚአብሔር እንኩዋን ይሄን ሌላ ብዙ ታምር የሚያደርግ አምላክ ነው። በደሙ ያፀናትን ቤተክርስቲያን እንዲሁ ያለጠባቂ እንደማይተዋት አምናለሁ። እግዚአብሔር የሚወደዉን ስለሚቀጣ እስከዛሬም ይህ ሁሉ የሆነው በኃጢአታችን ነዉ። ስለዚህ ያየነው ጭላንጭል ብርሃን እንዲሆንልን በርትተን እንፀልይ።

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)