October 27, 2010

በጳጳሳት ዝውውር እና ምደባ ጉዳይ በፓትርያርኩ የቀረበው የውሳኔ ሐሳብ ከፍተኛ ክርክር አስነሣ


(ደጀ ሰላም፤ ኦክቶበር 27/2010፤ ጥቅምት 17/2003 ዓ.ም):- ከተጀመረ አምስተኛ ቀኑን ያስቆጠረው የቅዱስ ሲኖዶስ ስብሰባ የጳጳሳት ምደባ እና ዝውውርን አስመልክቶ በቋሚ ሲኖዶስ ጽ/ቤት ውይይት የተደረገበት ነው በተባለው እና በብፁዕ ወቅዱስ ፓትርያርኩ ለውሳኔ በቀረበው ሐሳብ ላይ ተወያየ፤ ውይይቱ ከፍተኛ ክርክር የተካሄደበት በመሆኑ ሳይቋጭ ለነገ እንዲያድር ተደርጓል፡፡

ቅዱስ ሲኖዶሱ ዛሬ ከሰዓት በኋላ በነበረው እና ማምሻውን በተጠናቀቀው የስብሰባው ውሎ ብፁዕ ወቅዱስ ፓትርያርኩ ባቀረቡት የዝውውር እና ምደባ ሐሳብ፡-
  • ብፁዕ አቡነ ሳሙኤል በኢትዮጵያ ኦርቶዶክስ ተዋሕዶ ቤተ ክርስቲያን የልማት እና ክርስቲያናዊ ተራድኦ ኮሚሽን ኮሚሽነር (በብፁዕ አቡነ ሳሙኤል ተቀባይነት አላገኘም)፤          
  • በካናዳ የኢትዮጵያ ኦርቶዶክስ ተዋሕዶ ቤተ ክርስቲያን ሊቀ ጳጳስ የሆኑት ብፁዕ አቡነ ማቲያስ - የአዲስ አበባ ሀገረ ስብከት ሊቀ ጳጳስ እንዲሆኑ፤
  • የሰዋስወ ብርሃን ቅዱስ ጳውሎስ መንፈሳዊ ኮሌጅ የበላይ ሐላፊ የሆኑት ብፁዕ አቡነ ገብርኤል በሲዳማ ጌዲኦ ዞኖች አማሮ እና ቡርጂ ወረዳዎች(ሐዋሳ) ሀገረ ስብከት ሊቀ ጳጳስ እንዲሆኑ፤            
  • የድሬዳዋ ሀገረ ስብከት ሊቀ ጳጳስ የሆኑት ብፁዕ አቡነ ኢሳይያስ ወደ መቐለ ትግራይ ሀገረ ስብከት ተዛውረው በምትካቸው አቡነ ፋኑኤል እንዲተኩ፤ (አቡነ ፋኑኤል ተቃውመውታል)፤
  • በሰሜን ምዕራብ ትግራይ ሽሬ እንዳሥላሴ ሀገረ ስብከት የነበሩት ብፁዕ አቡነ  ሚካኤል ወደ ባሌ ሀገረ ስብከት እንዲዛወሩ (በብፁዕ አቡነ ይሥሐቅ ከፍተኛ ተቃውሞ ገጥሞታል)፤
  • የዲሲና አካባቢው ሊቀ ጳጳስ ብፁዕ አቡነ አብርሃም፤ ወደ ምስራቅ ጎጃም ደ/ማርቆስ፤ በምትካቸው ብፁዕ አቡነ ጴጥሮስ እንዲተኩ፤
  • የደቡብ አውሮፓው ሊቀ ጳጳስ ብፁዕ አቡነ ዮሴፍ ወደ ነገሌ ቦረና፣ በምትካቸውም ብፁዕ አቡነ ሙሴ እንዲተኩ፤
  • ብፁዕ አቡነ ሳዊሮስ ወደ ደቡብ ምዕራብ ሸዋ፣ ወሊሶ እንዲዛወሩ፤
  • ብፁዕ አቡነ ይስሐቅ የከምባታ፣ ሐዲያና ጉራጌን ሀ/ስብከት እንዲያስተዳድሩ፤
በካናዳው ሀገረ ስብከት ሊቀ ጳጳስ በብፁዕ አቡነ ማቲያስ እንዲሁም በሰዋስወ ብርሃን ቅዱስ ጳውሎስ መንፈሳዊ ኮሌጅ ሊቀ ጳጳስ ፈንታ እነማን እንደሚተኩ አልታወቀም፡፡ ባለፈው ዓመት በሞተ ዕረፍት በተለዩን የከምባታ ሐዲያ እና ጉራጌ ሀገረ ስብከት ሊቀ ጳጳስ ብፁዕ አቡነ መልከ ጼዴቅ ምትክ ሊቀ ጳጳስ እንደሚሾም፣ ሌሎችም ዝውውሮች እና ምደባዎች ሊኖሩ እንደሚችሉ ይጠበቃል፡፡ አንዳንድ የስብሰባው ምንጮች ለደጀ ሰላም እንደተናገሩት ብፁዕ አቡነ ፋኑኤል፣ ‹‹ከነበርኩበት ያሥነሳኝ ማኅበረ ቅዱሳን ነው፤ ማኅበረ ቅዱሳን ወደሌለበት መድቡኝ›› በማለት የዘወትር ስጋታቸውን መግለጣቸው ተዘግቧል፡፡ 
ብፁዕ አቡነ ሳሙኤል የአዲስ አበባን ሀገረ ስብከት ጉዳይ ባጣራው ኮሚቴ ሪፖርት ችግር እንደሌለባቸው በመረጋገጡ እና ለአንድ ዓመት ያለሥራ ተቀምጠው በመንገላታታቸው ቅዱስ ሲኖዶስ ወደ ቀደመ ሐላፊነታቸው ይመለሱ ዘንድ እንዲፈቅድላቸው ጠይቀዋል፡፡ በአንጻሩ ከሲኖዶሱ ስብሰባ ቀደም ሲል የአዲስ አበባ ሀገረ ስብከት ሠራተኞች፣ የገዳማት እና አድባራት አስተዳዳሪዎች፣ ጸሐፊዎች እና ካህናት ‹‹ብፁዕ አቡነ ሳሙኤል ወደ ሀገረ ስብከቱ እንዳይመለሱ የሚያሳድም ፊርማ ሲሰበሰብ መቆየቱ›› እና ይኸው ‹‹ጥያቄ›› በፓትርያርኩ ለቅዱስ ሲኖዶሱ በዘገባ መልክ ቀርቦ ውድቅ መደረጉ ይታወሳል፡፡

ስለ ሁኔታው በደጀ ሰላም የተጠየቁ የጉዳዩ ተከታታዮች እንደሚያስረዱት፣ ቅዱስ ሲኖዶስ በትናንትናው ዕለት ከቀኖና ቤተ ክርስቲያን ውጭ እና የሲኖዶሱን ማእከላዊ አሠራር በመፃረር ሲፈጸሙ የቆዩትን ተግባራት በመቃወም /በመቀልበስ/ የእርማት ርምጃ ወስዶ ዐቢይ ውሳኔ እንደ ወሰነ ሁሉ፣ በሐምሌ ወር 2001 ዓ.ም በአቡነ ጳውሎስ ውሳኔ ያለአግባብ ከአዲስ አበባ ሀገረ ስብከት ሊቀ ጳጳስነታቸው የታገዱትን ብፁዕ አቡነ ሳሙኤልን ወደ ሐላፊነታቸው በመመለስ፣ ሥራ አስፈጻሚ ኮሚቴውም የተቋቋመለትን ተልእኮ ለማከናወን የሚያስችለውን ሥልጣን መልሶ በማጠናከር ታሪካዊ ውሳኔውን ምሉዕ እንዲያደርገው እና የቅዱስ ሲኖዶሱን ልዕልና እና ክብር ወደ ፍጹማዊነት እንዲያደርሰው ጠይቀዋል፡፡

በ1991 ዓ.ም ተሻሽሎ በጸደቀው ሕገ ቤተ ክርስቲያን መሠረት በጳጳሳት ምደባ እና ዝውውር የመጨረሻው ሥልጣን የቅዱስ ሲኖዶስ ምልአተ ጉባኤ ነው፡፡ በመሆኑም የመጨረሻውን እና ትክክለኛውን ውሳኔ በነገው ዕለት የቅዱስ ሲኖዶስ ስብሰባ ሲጠናቀቅ የምንመለስበት ይሆናል፡፡
ቸር ወሬ ያሰማን፡፡ አሜን።

40 comments:

Anonymous said...

I understand that there are few Qomoses who will be bishop.Is one of them Sereqe? Gud Fella!!!!
If so, It is better to erect the the would-be demolished Monument than gracing him.


Weyne Weyne Weyne, MK Tefan!!!

Yimharene weysehalene!!!

Anonymous said...

To those who are young bishops like Aba Diosqoros, Aba Michael, Aba Fanuael must be assigned in the remote areas.It is good for them to serve Christians in Qebri-Dehar, Metekel, Humera, Afar...

Anonymous said...

Amlake kidusan yitebiken leabatochachinim tibebin yadililin. Amen

Anonymous said...

I am a bit saddened with the news of Abune Abraham's transfer to anothe archdiocese. I had seen the progress of DC and surrounding archdiocese and in my opinion the best thing for our church would be to let him continue/finish what he has started.

ዘቢለን ጊዮርጊስ said...

መልካም የሆነውን ያሰማን እግዚአብሄር ይመስገን።ውሳኔው በተግባር ላይ እንዲውል የምእመናን ተሳትፎ ያስፈልጋል ።አባ ፋኑዔል በሰሩት ስራ ከመጸጸት ይልቅ ለዘረፋ የሚመች ሀገረ ስብከት ይመርጣሉ።የትኛውም ሀገረስብከት ቢሄዱ የሰሩት ተከትሏቸው ነው የሚሄደው ስለዚህ ለንሰሀ ወደገዳም እንዲሄዱ ማን በነገራቸው ፧ቸር ወሬ ያሰማን

2 said...

ለአቡነ ፊሊጶስ:_ please tell that It is not only MK that is againest bad deeds. it is all christians. If he keeps doing what he did till now, christians will always stand after him. Not only Mk. Instead please be good father.

selamawi said...

በስመ ስላሴ አሃዱ አምላክ አሜን

አቡነ ፋኑኤል ምን ነካቸው <> አለ ቅዱስ ዳዊት ከፍ ብየ ነበር ተዋረድኩ አሁንም ጥፋታቸውን አላመኑም ማለት ነው ይህ ግትርነት ግን የትም አያደርስም ከአንድ መንፈሳዊ አባት ደግሞ አይጠበቅም ,, ማህበረ ቅዱሳን የሌለበት መድቡን ነው ያሉት? እንግዲህ እኛ እስከምናውቀው ድረስ ማህበረ ቅዱሳን የሌለው ስደተኛው ሲኖዶስ ጋ ነው ኢዚያ ይሁዱዋ ታዲያ

,,ህየንተ አበውኪ ተወልዱ ለኪ ደቂቅ ወተሰይሚዮሙ መላእክተ ለኩሉ ምድር ወይዘክሩ ስመኪ በኩሉ ትውልደ ትውልድ,,የሚለውን የቅዱስ ዳዊትን መዝሙር አንብበውታል? ማህበረ ቅዱሳን በዘመናችን ለቤተክርስቲያን የፈለቀ ጸበል ነው ርኩስ መንፈስ ያለበትን ያስለፈልፋል ይመስለኛል እነበጋሻውን ለዚያ ነው በየመድረኩ የሚያስለፈልፋቸው ለማንኛውም እኔ በበኩሌ በበደሉ ተፀጽቶ ንስሃ በሚገባ ሰው ቅሬታ የለኝም ነገር ግን ኃጢአቱን በደሉን ሸሽጎ እውነተኛ መስሎ ሌላውን ለመኮነን ጣቱን ለሚቀስር ሰው ክብር የለኝም ተቃውሞየ ከአመለካከቱ ጋር ነው በሰውነቱ ክብር መስጠት እንዳለብኝ የማላምን ሰው አይደለሁም አመሰግናለሁ

Anonymous said...

Ai abynfanuel bengrachnlay maeberkidusan abotch yakebral enji Abarirm abarrm,nasut tiyqe gin maheberkidusan yelelbt bota yelm.

Dawit said...

አዳም በሔዋን የማያዋጣ ምክንያት አቡነ ፋኑኤልም በማህበረ ቅዱሳን ምናለበት በራሴ ስህተት ነው ለወደፊቱ ትምህርት አግኝቼበታለሁ ቢሉ ትልቅነት ነበር.

123... said...

አቡነ ጳውሎስ የምአመጡት ሃሳብ ሁሉ አባቶችን ለመለያየት የምተቅሟቸውን አጀንዳዎች ነው ይሄን አጀንዳ አንዴት አንደተተቀሙበት ተመልከቱ
አሁን መሆን ያለበት የሚመስለኝ
በ አዲስ አበባ የምትገኙ አጥብያ ሰበካ ኃላፊዎች፣ሰንበት ትምርት ቤቶች፣ ምአመናን ሰላማዊ በሆነ መንገድ ነገ ጧት ቤተክህነት ዙርያ ሆነው ፓትርያርኩ አንዲአርፉ አና በፀሎት አንድወሰኑ ይጠይቁ
ብፁዓን አባቶቻችን አስካሁን የተገኙት ማስረጃዎች ከ በቂ በላይ ይመስሉኛል ።
አንድ የ ሃይማኖት አባት ለራሱ ሀውልት መስራቱን ልክ ነው ከማለት በላይ ፣ በ ገንዘብ ቅሌት ከመዘፈቅ በላይ፣ቤተክርስትያንን ከመክፈል በላይ ምን ይጠበቃል ???
አነኝህ ጥፋቶች አንድ ተራ ካህንን አንኩአ ከ ክህነት አያሽሩም ወይ ? የምመናን ጥያቄ ነገ አዲስ አጀንዳ ለመያዝ መነሻ ይሆናችሁአል ።ወስኑ አና ገላግሉን !!!!
ከ አዚህ ጊዜ የተሻለ የለም። Pathrariku ካሁን ቤሁአላ አደገኛ _____የሚሆኑበት ወቅት መሆኑን አገምታለሁ ።
ሰበካ ጉባያት፣ ፣ሰንበት ትምርት ቤቶች... አይመለከታችሁም ????

Anonymous said...

comment for the first person, what do you expect from abba pauls and his synode. He better respects the weyane rule than the HOLiy SYnod. Please everybody don't expect radical change from abba pauls. Every thing will be the same after next week . the gangs and the mafie are still doing their business. DOn't be foolish , i know everybody expect miracles from EOTC HOliy Synod. Stay with your almight not with abba paul and his synode. Good luck .

Anonymous said...

Dear Aba Fanuel

First of all, you are removed from Awasa because of your corruption, nepotism, and pro Tehadesso stand not becase of Mahibere Kidusan.

Second, where do you think Mahibere Kidusan is not available in a church that belongs to EOTC?

Try to be a good orthodox monk!!

D

WAKWOYA VIEWS said...

አሁን ትልቁ ዳቦ መጋገር ተጀምሯል፡፡ ይብሰል ወይ ሊጥ ይሁን ነገ ይለያል፡፡
1) የድሬዳዋ ምእመናን ብጥብጥ ናፈቆአቸዋል ያለው ማነው እና እንደአዋሳዎች እንደማንታገስ እና ጣጣ እነደሌለን ብታውቁ ኖሮ ሰውየውን ወደ ድሬዳዋ ሳይሆን ወደሀገራቸው (የሌላ ሃገር ዜጋ ስለሆኑ) ብታስደይሙአቸው ይሻላል
2) ማኅበረ ቅዱሳን የአባ ፋኑኤል ንግግር አራት ነጥብ ሆኖ ነበር፡፡ አሁን ግን ሪከርዱን ለማሻሻል አስበዋል መሰለኝ (ወደ ሁለት ነጥብ ከፍ በማድረግ)
3) አሜሪካዊው ጳጳስ ስንለይዎ ሳቅ እያፈነን ነው (የአዋሳ ምእመናን)
4) ለካናዳው ሀገረ ስብከት እና ለሰዋስወ ብረሃን መንፈሳዊ ኮሌጅ ማን ታሰቦ ነው ክፍት ተደረገው መቸም አባ ሰረቀ (ሠረቀ አላልኩም) የሾማሉ ብላችሁኝ ያለፕሮግራሜ በሳቅ እንዳታፈነዱኝ፡፡
5) አባ ሳሙኤልን ትልቁ ሰውየ አሁንም ጥምድ አድርገው እንደያዟቸው ነቄ ብለናል፡፡ አቦ ለቀቅ አድረጓቸው እንጂ! አንድ ጊዜ ከተባነነ በኋላ የምን መገገም ነው፡፡
6) አቡነ የስሐቅ ቀይሩኝ አላሉ ምነው አባ ጎርጎሪ ምሥራቅ ሸዋን በሐኪም ትእዛዝ ነው እንዴ የተሰጣቸው ሌሎቹ ላይ ብቻ ዝውውር የሚጠናባቸው ምክንያቱ ምን ይሆን

ሌሊቱ የሚረዝምብን ይመስለናል፡፡ ‹‹ነግቶ ጉዴን በሰማሁት›› አለች እጅጋየሁ !!!

tekle stephanos said...

ይድረስ ለብፁአ ኣባታችን ኣቡነ ፋኑኤል ኣንድ ጥያቄ ኣለኝ። ከቦታዬ ያስነሳኝ ማኀበረ ቅዱሳን ነው ማለተዎ የሃገረ ስብከተዎ ምአመን ሁሉም የማኅበረ ቅዱሳን ኣባላቶች ናችው ማለትዎ ይሆን? ምክንያቱም ህዝቡ ነው አኮ ይሂዱልን ያለዎት። በዲሲው ቅ/ሚካኤል ሲያደርጉት የነበረውን ማን ኣለብኝነት ነው አዛ ህዝብ ላይ ሊጭኑበት የሞከሩት። የሚገርም አና የሚያኮራ ህዝብ ነው።

Anonymous said...

dewhat about for Ilibabure,still they are crying and are being threatened by muslim fandamentalists.Are we leaving them for our enemies?

Anonymous said...

what about for Ilibabure,still they are crying and are being threatened by muslim fandamentalists.Are we leaving them for our enemies?

Anonymous said...

አቡነ አብርሐምን ከአሜሪካ ወደ ሃገርቤት መመለስ ያሰባሰቧቸውን በሺዎች የሚቆጠሩ ወጣት ኦረቶዶክሳውያን መበተን ነው የሚሆነው፡፡ እባካቸሁ ብጹአን አባቶችይህንን ውሳኔ በደንብ አጢኑልን፡፡ በብዙ ችግሮች የተተበተበውን የአሜሪካ ሀገረ ስብከት ጥሩ እያቃኑ ባለበት በአሁኑ ሰአት ብጹእነታቸውን በማንሳት ተጠቃሚ የሚሆኑት ተሃድሶዎች ብቻ ናቸው፡፡

Anonymous said...

ብጹእ አቡነ ፋኑኤልን ቅዱስ ሲኖዶስ ጥያቄአቸውን በጥሞና መርምሮላቸው በማርስ ወይንም በሳተርን (ብቻ ከምድር በተለየ ፕላኔት) ቢሾማቸው እላለሁ፡፡ ምክንያቱም በፕላኔቷ (በምድር) ላይ ማኅበረ ቅዱሳን የሌለበት ቦታ በብጹእነታቸው ጥያቄ መሰረት አይገኝም እና !!!

Anonymous said...

ገብርኤል ቢናፈቀው ዲሲን ተዋትና
መላኩ ፋኑኤል ወደ አዋሳ አቀና
ገብርኤል ገቢ ከረሞ ገብርኤልን ሳያየው
የእሳቱ ወላፈን ወበቁ አባረረው !

Anonymous said...

የዚህ፡ዜና፡አርዕስት፡ትክክለኛ፡ነው፡ወይ?"በጳጳሳ
ት፡ዝውውርና፡ምደባ"ይኸን፡ጉድ፡ተመልከቱ"በ
ፓትርያርኩ፡የቀረበው፡ውሳኔ..."

ጎበዝ፡እንዴት፡ተደርጎ፡ነው፡ሲኖዶሱ፡የሚወስነው
ን፡ፓትርያርኩ፡ወስነው፡ለሲኖዶሱ፡የሚሰጡት???
እንዲህ፡ሆኖ፡ተሆነ፡ጉባዔው፡ታሁኑ፡ተጠልፏ
ል፡ማለት፡ነው።

አባ፡ጳውሎስ፡ለሲኖዶስ፡ውሳኔ፡የማቅረብ፡ስልጣን፡
የላቸውም።አሳባቸውን፡ለሲኖዶስ፡እንደሊሎቹ፡ጳጳ
ሳት፡ሁሉ፡አቅርበው፡በሲኖዶሱ፡ታይቶ፡ይወሰንበታ
ል፡እንጂ!!

አባቶች፡በርትተው፡ይህን፡ጠለፋ፡ማስቆምና፡ለመ
ጨረሻ፡ጊዜ፡አባ፡ጳውሎስን፡ተንግዲህ፡በቃዎ፡ማለ
ት፡ይገባቸዋል።

ሲኖዶሱ፡ባለፈው፡አቋቁሞት፡የነበረውን፡የሲኖዶ
ስ፡ሥራ፡አስፈጻሚ፡ግብረ፡ኃይል፡እንደገናበሥርዓ
ት፡ወስኖ፡ማናቸውም፡ሹም፡ሽር፡ሆነ፡ምደባ፡በዚህ፡
የሲኖዶሱ፡ሥራ፡አስፈጻሚ፡አባላት፡አባቶች፡ሥራ፡
ላይ፡ይውል፡ዘንድ፡ዓቤቱታችንን፡ዳግመኛ፡ለአባቶ
ች፡እናቀርባለን።
አባ፡ጳውሎስ፡እራሳቸውን፡ከሲኖዶስ፡በላይ፡የማድረ
ጉ፡የተዛባ፡ፍልስፍናቸውና፡ምግባራቸው፡መሆኑን፡
እያወቅን፡በትዕግስት፡እስታሁን፡ችለን፡ነበር፤አሁ
ን፡ግን፡በቃን፤አበቃልን፡የሳቸው፡ጉዳይ።

አባቶች፡ምከሩበትና፡እርሳቸውን፡አንድ፡እሚመ
ቻቸው፡ቦታ፡ተወስነው፡ከቻሉ፡በንስሐ፡ጸሎት፡ቀሪ፡
ጊዜያቸውን፡እንዲያሳልፉ፡ይደረግ።አኗኗራቸውና፡
ባህሪያቸው፡ለእኛ፡ገዳማት፡አባቶች፡የማይበጅ፡ስለ
ሆነ፡ፈረንጆች፡ወዳጆቻቸው፡ዘንድም፡መሄዱን፡ከለ
ጉ፡አሰናብቷቸው።

አባ፡ፋኑኤልንም፡ማዛወር፡ሳይሆን፡እንዲታገዱ፡አ
ቤቱታችንን፡እናቀርባለን።የኚህ፡ሰው፡ዕብሪትና፡ግ
ፍ፡ከአባ፡ጳውሎስ፡ስለማያንስና፡እርሳቸውም፡የኛን፡
ገዳም፡ኑሮ፡ስለማይችሉት፡"አሜሪካ፣አሜሪካ"እያ
ሉ፡ወደሚፎክሩበት፡ሂደው፡የግል፡ኑሯቸውን፡እንዲ
ኖሩ፡አሰናብቷቸው።ተእንግዲህ፡ለእርሳቸው፡የሚሆ
ን፡ሐገረ፡ስብከት፡ሊኖረን፡አይችልም።ሕዝበ-ተዋ
ሕዶ፡በምን፡እዳው፡ይበደል!የአዋሳው፡በቃን።

አባቶች፣የአባ፡ጳውሎስን "ውሳኔ" ውድቅ፡አድር
ጋችሁ፡ወሳኙ፡ጉባዔ፡ሳያልፍና፡እግዚአብሔር፡የፈ
ቀደልን፡ወቅት፡ሳያመልጠን፡ከገዳማት፡ወይም፡ከ
መካከላችሁ፡አንድ፡አባት፡ፓትሪያርክ፡ይሆን፡ዘን
ድ፡መርጣችሁ፡ሰይሙልን።

ይህ፡ነው፡ለቤተ፡ክርስቲያናችን፡ያለን፡የድኅነትና፡
የትንሳኤ፡ጎዳና!

ሁላችሁም፡በልባችሁ፡እንደምታውቁት፡አባ፡ጳው
ሎስ፡ከተዋሕዶ-ኢትዮጵያ፡የራቁና፡የተለዩ፡ቀኖና
ችንን፡በመገዳደር፡ለመሻርና፡ለሌሎች፡መንገድ፡
ጠራጊነቱን፡የመረጡ፡መሆናቸውን፡በሥራቸው፡ደ
ግመው፡ደጋግመው፡አሳይተውናል።ልብሳቸው፤ሓ
ውልታቸው፤ለሹመት፡ያላቸው፡ጥማትና፡ለሥጋዊ
ው፡ዓለም፡ያላቸው፡ዝንባሌ፡ተዋሕዶ፡እምነታችን፡
የሚቃረን፡ነው።ብዙ፡ነገር፡ሳይበላሽ፡በሰላም፡አሰና
ብቱልን።

ልዑል፡እግዚአብሔር፡የሰማዕታትን፡ጽንዓት፡ያድ
ላችሁ።እኛም፡አብረናችሁ፡ቆመናል።በርቱልን፡
አባቶች!

እመ፡ብርሃን፡ትርዳን።አሜን

ሳሙኤል፡ዘአሰቦት።

123.... said...

ለ ብፁአን ሊቃነ ጳጳሳት ብቻ የምአነቡት
አባካችሁ ይህን http://www.dejeberhan.org/2010/10/blog-post_5769.html#more
ተጭናችሁ አንቡት ።

Anonymous said...

ዳኒ ቃለ ህይወትን ያሰማልን!

ለአባቶቻችን ጽናትንና ብርታትን ይስጥልን>

መድኅኒዓለም በቤቱ ቀናተኛ ነው የባቢሎን ግንብ ያፈረሰ ይህም ሰዓቱ ደረሰ
ወገኖቼ እኛም የየራሳችን ድርሻ እንወጣ
ከአባቶቻችን ጎን እንቁም
በጸሎትም እንበርታ ዋናው መጨረሻው ነውና
ምህርቱ ከሀገራችን ከአባቶቻችን ያላራቀ አባታችን ፈጣሪያችን ይመስገን አሜን!
እስከ ዛሬ ስለ ቤተክርስትያን የታገላቹ ያለቀሳቺ ያዘናቹ በሙሉ ልመናችን ሰምቶናል የእናታችን የቅድስት ድንግል ማርያም ምልጃም አልተለየንም
በጣም የሚደንቀው ግን እመቤታችን ዘድሮም ኢትዮጵያ በኪደተ እግሯዋ አጠበችው
ጾመ ጽጌ(የአበባ ወራት) እኛም ልባችን አበበ
ቀሪው በበለጠ በሚያስደስት ዜና እንጠብቅሃለን
ወስብሐት ለእግዚአብሔር ወለወላዲቱ ድንግል ወለመስቀሉ ክቡር አሜን!

Anonymous said...

Deje Selamoch,ቃለ ህይወትን ያሰማልን!

ለአባቶቻችን ጽናትንና ብርታትን ይስጥልን.

መድኅኒዓለም በቤቱ ቀናተኛ ነው የባቢሎን ግንብ ያፈረሰ ይህም ሰዓቱ ደረሰ
ወገኖቼ እኛም የየራሳችን ድርሻ እንወጣ
ከአባቶቻችን ጎን እንቁም
በጸሎትም እንበርታ ዋናው መጨረሻው ነውና
ምህርቱ ከሀገራችን ከአባቶቻችን ያላራቀ አባታችን ፈጣሪያችን ይመስገን አሜን!::
እስከ ዛሬ ስለ ቤተክርስትያን የታገላቹ ያለቀሳቺ ያዘናቹ በሙሉ ልመናችን ሰምቶናል የእናታችን የቅድስት ድንግል ማርያም ምልጃም አልተለየንም::
በጣም የሚደንቀው ግን እመቤታችን ዘድሮም ኢትዮጵያ በኪደተ እግሯዋ አጠበችው::
ጾመ ጽጌ(የአበባ ወራት) እኛም ልባችን አበበ::
ቀሪው በበለጠ በሚያስደስት ዜና እንጠብቅለን::
ወስብሐት ለእግዚአብሔር ወለወላዲቱ ድንግል ወለመስቀሉ ክቡር አሜን!

Girum Dink Dink Dink said...

Today,i was like stiking with my laptop through out the day and staring @Deje Selam nege Endet linega new???Noway i dont want to fear God is with us May god Help them to the end?Amen.

OMG! Deje selam you know what? you made history....yes urs articles had a great influence for sure,and when we walk one step God push and make us to walk thousands of KM...that is what it is ...so please you should put this history in urs golden diary...and one day..history will remember it.yes ...
Ende!the articles become like a breakfast,even papasat read it before their breakfast...and all the articles were true and make one motivated..and most importantly God helped them to act...
Bergit yihin agelgilot endekelal endatayut...it really is the greatest job...
May the God of Abreham be with you always!Amen.

Anonymous said...

why abune paulose include abune abrham in his proposal?abune abrham is doing good in his dioceses the reason is clear he want to disturb the dioceses of DC because he don't want to be solved the problems of south America otherwise there no ground to transfer him from dc

Anonymous said...

የእግዚአብሔር ፍቅር ከሁላችን ጋር ይሁን አሜን።
እኔ ትንሽ የሚያሳስበኝ ነገር ወደ አሜሪካ አዲስ አባትን ልኮ ከእነደገና ስለሐገሩ ስላሉት ቁጥራቸው ተዘርዝሮ የማያልቁትን ችግሮች ለማስረዳት ስንት አመት ሊፈጅ ነው? ብፁዕ አቡነ አብርሃም የሐይማኖታችንን ስርአትና ቀኖና የጠበቁ ቤተክርስትያኖችን እየባረኩ ያሉ የብዙ አባቶችን አስተዳደራዊ አቋም የሚያውቁ አባት ናቸው። እንዴት የጀመሩትን የቀና ሥራ መንገድ ሳያሲዙ የማዘዋወር ሀሳብ ይነሳል? የኢትዮጵያ ኦርቶዶክስ ተዋህዶ ሐይማኖት አንድነት የማያስጨንቃቸው በአሜሪካ የሚገኙ ? እንዲደሰቱ የተፈለገ ሐሳብ ካልሆነ በስተቀር እኔ አልገባኝም።
ቸር ወሬ ያሰማን

Desalew said...

Abne fanuael: MK yelelbet 'BERMUDA'bicha new eziya yehidu!!!

Anonymous said...

wede wegenoche beahunu seat abune Abrheham yemiseruten tetew indizaweru yemifeleg diablos becha new beye asebalehu gen diblos serawen yemiasfesmult sewoch selemitekem lenezih sewoch meseley yasfelgal mekeneyatum endezih yalew kale tselotna tsom aywetam belo getachin seletenager.

Anonymous said...

Demissie
I dont understand why Aba Paulos needs this BEWEZA? Why he leave the Holy fathers lead their old hager sbeket as it is? OR is there any TENKOLE behind in his decision? Why the Holy Synod allow to him to decide this big issue by himself. I am so sad about this issue. Weladit Amelak tredan. Egzio Meharene Kirstos.

Tamiru Z hawassa said...

ቅዱስ አባታችን በአርምሞ ከርመው አሁን በዋናው፤ በመዝጊያው ሰዓት አባቶችን ለማለያየት የተሳካላቸው ይመስላል፡፡

አባቶቻችን ይህንን ሊያውቁባቸው ይገባል፡፡ እስከአሁን እንደተደሰትነው መጨረሻውንም ያማረ እንዲሆን እንጠብቃለን፤

ለዚህም እግዚአብሔር አምላካችን ይረዳችሁ፡፡
አባቶቻችን አንድነታችሁ ያኮራናል አነድ ሁኑ መለያየት አይኑር፡፡


ሌላው እገዚብሔር አዋሳን አስቧታል፡፡
መጀመሪያም መምጣት የነበረባቸው አበት ብፁዕ አቡነ ገብርኤልን ነበሩ
“እኔ ልሾምበት” ባሉት ተነጥቀው ነው እንጂ፡፡


ድሬዳዋ ሀገረ ስብከት ብጥብጥ ይወድለታል አሉ እነዴ ቅዱስ አባታችን?


ታምሩ ከአዋሳ

Anonymous said...

እኔ እንድ ማይገባኝ ነገር አለ....አባ ፋኑኤል/የአባትነት ስነ ምግባር በጣም ይጎድላቸዋል/ ማህበረ ቅዱሳን ማህበረ ቅዱሳን የሚሉት መጀመሪያ የራሳቸውን ሥራ ሳይሰሩ ነው.. ምዕመናነን በማጋጨት በመከፋፈል በሙስና በመዘፈቅ በማዘፈቅ የሚታወቁ ናቸው.... እና ከአዋሳ አንስቶ ሌላ ቦታ መመደብ እዛም ሄደህ በጥብጥ እንደማለት ነው.....ችግራው ተነሯቸው ሚታረሙ ከሆነ እንጂ ከአንድ ደብር መደሌላ ደብር መደበቂያ እንደማድረግ ነው... ከአዋሳ

Anonymous said...

ምነው ኢሉባቦር ሀ/ስብከትንስ ላምነ ተዘነጋ አሁንም በዜሮ እረ አባቶቻችን ለምዕመኑ ድረሱለት፡፡

Misikir said...

እዉነት አባ ፋኑኤል ከሐዋሳ ሊነሱ ነዉ ተማስገን!!ተመስገን! ግን የድሬደዋ ክርስቲያኖች
እግዜር ይረዳችሁ ልብ ሰጥቶ ይላክላችሁ ትናንትና በቀን17-02-2003 ሀዋሳ ቅ/ገብረኤል በተክርስትያን በነበረዉ ብጥብጥ ከምስኪን ወገኖች(የኔ ቢጤ) ምን አለ መስላችሁ “በ ቅ/ገብረኤል እባካቸሁ እንለምንበት ወደ ቤታችሁ ሂዱ እለ ሲማፀን ነበር እና ይህን ጊዜ ያማይረሳ ነዉ የ አባ ፋኑኤል እና የ ነ ያሬድ አደመ ስራ ነዉ እግዚያብሄር የሃዋሳን ክርሰቲያን እረድቶናል ተማስገን!!!!

Anonymous said...

አቡነፏኑኤል ባለፈው ስዊድን የመጡ ጊዜ ተመልሰው ለመኖር እደሚያስቡ እንደዋዛ ሲናገሩ ነበር ማህበረቅዱሳን የሌሉበት የለም ያውም ስዊዲን አይመቾትም

yemelaku bariya said...

አባ ፋኑኤልን ወደ ማርስ ሂዱ አልካቸው? የማ/ቅ ልጆች እኮ የጠፈር የምድር የባህር የመራማሪ ሳይንቲስቶች ጭምር ናቸው እሳቸው እንደሚያስቡት የአዋሳ እና አካባቢው ሕዝብ ብቻ መስሏቸው ነው::ከዚህ ሁሉ እንደአባት ለመሆን የሚያስችል ኮርስ ካለ እሱን ይከታተሉ:: አጉል ግትርነት የትም አያደርስም የድሬ ልጆች አቦ ተውና ካሉ እኔ የለሁም ነው:: ትቢቱን የተመሩበትን ት/ቤት እናውቀዋለን::
ማ/ቅ ን ለቀቅ ትህትናን ጠበቅ!!!!

ሃይለሚካኤል ዘአዲስ said...

ከውጭ መናፍቃንና አሕዛብ ስገፉ ከውስጥ ደግሞ ተሃዲሶን የሚያረቡትና አቅፈው የሚቀመጡት አረ ለመሆኑ እኝህ ፓትርያርክ አለቃ አያሌው ታምሩ እንዳሉ ሃማኖታቸው አያጠራጥርም ትላላችሁ ፓትርያርክስ የማይሻረው የሃይማኖት ችግር እስከሌለበት አይደለምን ባይሆን የፓትርያርኩን መሳሪነትና ተንኮል አውቃችሁ የቤተክርስቲያንን ክብር አስቀድሙ አረ ብፁዓን አባቶች ለቤተክርስቲያን የቁርጥ ቀን ልጆች ሁኑላት ያጠለቃችሁትን አስኬማና የጨበጣችሁትንም መስቀል አትርሱ የአባቶችንም አፅም ፍሩ እስክ የቤተክረስቲያንንም ክብር መልሱ

የእግዚአብሔር ቸርነት የእመብርሃን አማላጅነት የቅዱሳን ሁሉ ተራዳእነት አይለየን

Anonymous said...

Dear 1 2 3...said,

You wrote, reading only for our fathers:
"http://www.dejeberhan.org/2010/10/blog-post_5769.htm "
I think you have no brain. If they invest their time to read such ideas, we would not have immersed in to this confilct.
Don't be foolsh. Their always reading how to dig...

ሃይለሚካኤል ዘአዲስ said...

ከውጭ መናፍቃንና አሕዛብ ስገፉ ከውስጥ ደግሞ ተሃዲሶን የሚያረቡትና አቅፈው የሚቀመጡት አረ ለመሆኑ እኝህ ፓትርያርክ አለቃ አያሌው ታምሩ እንዳሉ ሃማኖታቸው አያጠራጥርም ትላላችሁ ፓትርያርክስ የማይሻረው የሃይማኖት ችግር እስከሌለበት አይደለምን ባይሆን የፓትርያርኩን መሳሪነትና ተንኮል አውቃችሁ የቤተክርስቲያንን ክብር አስቀድሙ አረ ብፁዓን አባቶች ለቤተክርስቲያን የቁርጥ ቀን ልጆች ሁኑላት ያጠለቃችሁትን አስኬማና የጨበጣችሁትንም መስቀል አትርሱ የአባቶችንም አፅም ፍሩ እስክ የቤተክረስቲያንንም ክብር መልሱ

የእግዚአብሔር ቸርነት የእመብርሃን አማላጅነት የቅዱሳን ሁሉ ተራዳእነት አይለየን

Anonymous said...

Thanks God for ever!!!congratulation to all Cristians,especiall DCs, Awasas and addi ababas!!!!!

Anonymous said...

ተመስገን …አዋሳ ሆይ ከሰይጣን ትንኮሳ ተላቀሽ ፶ኛ ዓመትሽን ልታከብሪ ነው፡፡ አባ ፋኑኤል ሰይጣን ያላቅቃሉ ብለን ስንጠብቅ ያሬድ አደመ፣ ጸሐይ መላኩ፣ በጋሻው፣ እና ፍሰሐ የተባሉ ግብረ ዲያቢሎሶችን ለቀውብን አንጫጭተውን ነበር፡፡ የአባቴን ቤት የወንበዴዎች ዋሻ አደረጋችኋት የተባለው በናንተ ተፈጸመ፡፡ ሁሉንም በጊዜው እርሱ ውብ አርጎ አስተካከለው፡፡

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)