October 30, 2010

የምስጋና መልእክት ለብፁዓን አበው ሊቃነ ጳጳሳት የቅዱስ ሲኖዶስ አባላት


በስመ አብ ወወልድ ወመንፈስ ቅዱስ አሐዱ አምላክ አሜን
ቀን፦ ጥቅምት 19/2003 ዓ.ም

የምስጋና መልእክት ለብፁዓን አበው ሊቃነ ጳጳሳት የቅዱስ ሲኖዶስ አባላት

እኛ በዲሲና አካባቢው ሀገረ ስብከት ሥር የምንገኝ የኢትዮጵያ ኦርቶዶክስ ተዋሕዶ ቤተ ክርስቲያን አስተዳዳሪዎች፤ ሰባክያነ ወንጌል፤ የሰንበት ትምህርት ቤትና የምዕመናን ተወካዮች በጥቅምት 17/ 2003 ዓ.ም የሀገረ ስብከታችን ሊቀ ጳጳስ የሆኑት የብፁዕ አቡነ አብርሃም የዝውውር ሀሳብ ለቅዱስ ሲኖዶስ ጉባዔ መቅረቡ አግባብና ወቅታዊ አለመሆኑን አስመልክተን ለእናንተ ለብፁዓን አበው ሊቃነ ጳጳሳት የቅዱስ ሲኖዶስ አባላት ያቀረብነውን የተማጽኖ መልዕክት ብፁዓን አባቶቻችን፤ ታናናሾች የምንሆነውን የእኛ የልጆቻችሁን ልመናና የተማጽኖ ጩኸት ሳትንቁ አክብራችሁ በመቀበል በልመናችን መሠረት ግራ ቀኙን ተመልክታችሁ ጥቅሙንና ጉዳቱን አመዛዝናችሁ ብፁዕ አባታችን አቡነ አብርሃም የጀመሩትን ሥራ እንዲፈጽሙ በሀገረ ስብከታቸው እንዲቆዩ በመወሰናችሁ በተሰማን ከፍተኛ ደስታ ይህን የምስጋና መልእክት ለመጻፍ በቅተናል።

ብፁዓን ሊቃነ ጳጳሳት፦ በውሳኔያችሁ ተደስተናል። ምስጋናችንም ከፍ ያለ ነው፡፡ በአባቶቻችን እንድንመካና እንድንኮራም አድርጎናል፡፡ በእናንተ አርቆ አስተዋይነት በተወሰነው ውሳኔም ተደስተናል፡፡ የልጆቻቸውን ልመናና ተማጽኖ ሰምተው ተግባራዊ የሚያደርጉ አባቶችን ያላሳጣን እግዚአብሔር አምላክ የተመሰገነ ይሁን፡፡ ለብፁዓን አባቶቻችን ለእናንተ ሰፊ ዘመናትን ረዥም ወራትን ይስጥልን፡፡

በዲሲና አካባቢው ሀገረ ስብከት ሥር የምንገኝ የኢትዮጵያ ኦርቶዶክስ ተዋሕዶ ቤተ ክርስቲያን
አስተዳዳሪዎች፤  ሰባክያነ ወንጌል፤ የሰንበት ትምህርት ቤትና የምዕመናን ተወካዮች
ጥቅምት 19/2003 ዓ.ም

2 comments:

segni said...

የልጆቻቸውን ልመናና ተማጽኖ ሰምተው ተግባራዊ የሚያደርጉ አባቶችን ያላሳጣን እግዚአብሔር አምላክ የተመሰገነ ይሁን፡፡
አሜን!!!

Anonymous said...

በውሳኔው ተቃውሞ የለኝም ግን ለማወቅ ያህል የማነሳው ጥያቄ አለኝ።
አባቶች የአባትነት ማዕረግ ሲሰጣቸው ከልጆቻቸው የተሻለ ያስባሉ ማለት ነው። ከውሳኔአቸውም በፊት ልጆቻቸውን ማመካከርና ሁኔታውን ማየት አለባቸው። አሁን በዚህ ምስጋና ወረቀት የሚታየው ግን የተገላቢጦሽ ነው። አሁን እንደተደረገው አይነት ተመሳሳይነት ያለው ታሪክ በመጽሕፍ ቅዱስ አለ ወይ? ማለትም በልጆች ሐሳብ የአባቶች ውሳኔ የተቀየረበት።
ደጀ ሰላሞች በዚህ ላይ አንድ አስተያየት ብትሰጡኝ በጣም ደስ ይለኛል።

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)