October 28, 2010

ቅዱስ ሲኖዶስ በጳጳሳት ምደባ እና ዝውውር ጉዳይ በፓትርያርኩ በቀረበው ሐሳብ ላይ ውሳኔዎችን ሰጠ

  •  በውጭ የሚገኙት ሊቃነ ጳጳሳትን በተመለከተ የቀረበው የዝውውር ሐሳብ፤
  •  ‹‹ቅንነት የጎደለው እና የቤተ ክርስቲያንን አንድነት የሚያናጋ›› በሚል ሙሉ በሙሉ ውድቅ ተደርጎ ባሉበት እንዲቀጥሉ ተወስኗል፤
  •  ፓትርያርኩ ብፁዕ አቡነ አብርሃምን ‹‹ብጠራቸው አልመጡም›› በማለት ስሞታ አቅርበውባቸዋል፤
  •  ‹‹ስለ ቤተ ክርስቲያን ሰላም ስል የእናንተን የአባቶቼን ሐሳብ እቀበላለሁ›› (ብፁዕ አቡነ ሳሙኤል)፤                                      
  •  ‹‹ከእርሳቸው ጋራ አብሬ መሥራት አልችልም›› (አቡነ ጳውሎስ)፤
  •  ለአዲስ አበባ ሀገረ ስብከት ሦስት ሊቃነ ጳጳሳት በዕጩነት ይቀርባሉ፤
  •  አቡነ ፋኑኤል የሰዋስወ ብርሃን ቅዱስ ጳውሎስ ማሠልጠኛ ኮሌጅ የበላይ ሐላፊ  ሆነው ተመድበዋል፤
  •  በጋሻው ደሳለኝ፣ ያሬድ አደመ እና ቲፎዞዎቻቸው ከአቡነ ፋኑኤል ውጭ የሚደረገውን አዲስ ምደባ በመቃወም ብጥብጥ ለማስነሣት ቅስቀሳ በማድረግ ላይ  ናቸው፤
(ደጀ ሰላም፤ ኦክቶበር 28/2010፤ ጥቅምት 18/2003 ዓ.ም):- በመንፈስ ቅዱስ የሚመራው እና የመንበረ ሐዋርያት ወራሽ የሆነው ቅዱስ ሲኖዶስ ግንቦት 10 ቀን 1991 ዓ.ም ባጸደቀው እና በሥራ ላይ በሚገኘው ሕገ ቤተ ክርስቲያን አንቀጽ ሰባት ንዑስ አንቀጽ 13 መሠረት፣ ሊቃነ ጳጳሳትን እና ኤጲስ ቆጶሳትን በየሀገረ ስብከቱ እና በተለያዩ የሥራ ክፍሎች የመመደብ እና በበቂ ምክንያት የማዘዋወር ሙሉ ሥልጣን ተሰጥቷል፤ የሚሰጠው ውሳኔም የመጨረሻ እና በሌሎች ሕጎች እና አሠራሮች ሊሻር፣ ሊለወጥ የማይችል ነው፡፡

ትናንት ከሰዓት በኋላ ቅዱስ ሲኖዶስ በቋሚ ሲኖዶስ ምክክር እንደተደረገበት የተነገረለት የሊቃነ ጳጳሳት ዝውውር እና ምደባ ጉዳይ በፓትርያርኩ ቀርቦ እስከ ማምሻው ድረስ ከፍተኛ ክርክር እንደተደረገበት፣ መቋጫም ሳያገኝ ለዛሬ በይደር መቆየቱ መዘገቡ ይታወሳል፡፡ የዜና ዘገባውን ተከትሎ በተለይ በብፁዕ አቡነ አብርሃም እና በብፁዕ አቡነ ሳሙኤል የቀረበው የዝውውር እና የምደባ ሐሳብ ኀዘንም ቁጣም ቀስቅሷል፤ መግለጫም ወጥቶበታል፡፡ አቡነ ፋኑኤልን በተመለከተ ከምእመናን ጋራ ወደማይገናኙበት መምሪያ ወይም ድርጅት እንዲዛወሩ በስሜት ጭምር ሐሳባቸውን የገለጹ ብዙዎች ናቸው፡፡

ዛሬ ከሰዓት በፊት ቅዱስ ሲኖዶስ ባደረገው ስብሰባ ከኢትዮጵያ ውጭ በሚገኙት አህጉረ ስብከት በሐላፊነት በሚገኙት ሊቃነ ጳጳሳት ዝውውር ላይ በአቡነ ጳውሎስ የቀረበውን የማዘዋወር ሐሳብ ሙሉ በሙሉ ውድቅ አድርጎታል፡፡ እንደ ሲኖዶሱ ምንጮች ገለጻ ምልአተ ጉባኤው፣ ‹‹ሦስቱም ሊቃነ ጳሳሳት ዝውውር ይሰጠን ብለው ያቀረቡት ጥያቄ እስከሌለ፣ ጥያቄውም የቀረበበት መንገድ ቅንነት የጎደለው በመሆኑ፣ ይህም ለቤተ ክርስያኒቱ አንድነት መልካም ውጤት ስለማይኖረው እነርሱን በተመለከተ የምናየው ጉዳይ የለም›› በማለት ብፁዕ አቡነ አብርሃም በዋሽንግተን ዲ.ሲ እና አካባቢው፣ ብፁዕ አቡነ ዮሴፍ በደቡብ አውሮፓ እና ብፁዕ አቡነ ማቲያስ በካናዳ አህጉረ ስብከት ባሉበት እንዲቀጥሉ ወስኗል፡፡ ይሁንና በግንቦቱ የርክበ ካህናት ምልአተ ጉባኤ አሁን በጉባኤው ያልተገኙት አባቶች በአካል ባሉበት ውይይት ተደርጎ ይዘዋወሩ ወይም ባሉበት ይጸኑ እንደ ሆነ ቢወሰን ለቤተ ክርስቲያን አንድነት እና ሰላም እየተደረገ ያለውን ጥረት እንደሚያጠናክር በምልአተ ጉባኤው ሙሉ ስምምነት ተደርሶበታል፡፡

በአገር ውስጥ፣ የዝውውር እና ምደባ ጥያቄ ባቀረቡት እንዲሁም አለመግባባት በተከሠተባቸው አህጉረ ስብከት የሽግሽግ ውሳኔ አሳልፏል፡፡ በዚህም መሠረት እስከ አሁን መረጃው በደረሰን ሰባት አህጉረ ስብከት ሊቃነ ጳጳሳት ምደባ እና ዝውውር ላይ ውሳኔ ሰጥቷል፡፡ እነርሱም፡-
     1) ብፁዕ አቡነ ሳሙኤል - የልማት እና ክርስቲያናዊ ተራድኦ ኮሚሽን የበላይ ሐላፊ፤
ብፁዕ አቡነ ሳሙኤል
   2) ብፁዕ አቡነ ገብርኤል - የሲዳማ አማሮ ዞኖች እና ቡርጂ ልዩ ወረዳዎች (ሐዋሳ) ሀገረ ስብከት ሊቀ ጳጳስ (የስዋስወ ብርሃን ቅዱስ ጳውሎስ ማሠልጠኛ ኮሌጅ የበላይ ሐላፊነት የተዛወሩ)፤
   3) ብፁዕ አቡነ ገሪማ    -  የድሬዳዋ ሀገረ ስብከት ሊቀ ጳጳስ፤
   4) ብፁዕ አቡነ ኢሳይያስ  -  መቐለ  ሀገረ ስብከት ሊቀ ጳጳስ (ከድሬዳዋ የተዛወሩ)፤
   5) ብፁዕ አቡነ ቀሌምንጦስ - የከምባታ ሐዲያ እና ጉራጌ ዞን አህጉረ ስብከት ሊቀ ጳጳስ (ከወላይታ እና ዳውሮ ዞን አህጉረ ስብከት የተዛወሩ)፤
   6) ብፁዕ አቡነ ሚካኤል - የወላይታ እና ዳውሮ አህጉረ ስብከት ሊቀ ጳጳስ (ከሰሜን ምዕራብ ትግራይ ሽሬ እንዳሥላሴ የተዛወሩ)፤
   7) አቡነ ፋኑኤል - የስዋስወ ብርሃን ቅዱስ ጳውሎስ ማሠልጠኛ ኮሌጅ የበላይ  ሐላፊ (ከሐዋሳ የተዛወሩ)፤
ብፁዕ አቡነ ሰላማ
   8) ብፁዕ አቡነ ሰላማ - የሰሜን ምዕራብ ትግራይ ሽሬ እንዳሥላሴን ከአክሱም ሀገረ ስብከት ጋራ ደርበው እንዲያስተዳድሩ

ብፁዕ አቡነ ይሥሐቅ (የባሌ ሀገረ ስብከት)፣ ብፁዕ አቡነ ጴጥሮስ (ምሥራቅ ጎጃም ሀገረ ስብከት)፣ ብፁዕ አቡነ ሳዊሮስ (ነገሌ ቦረና ሀገረ ስብከት)፣ ብፁዕ አቡነ ሙሴ(ደቡብ ምዕራብ ሸዋ - ወሊሶ ሀገረ ስብከት) ባሉበት እንዲቀጥሉ ተወስኗል፡፡

ወደ አዲስ አበባ ሀገረ ስብከት እንዲዛወሩ የቀረቡት ብፁዕ አቡነ ማቲያስ ‹‹ዝውውሩ በሌላ ሀገረ ስብከት እንዲለወጥላቸው ለምልአተ ጉባኤው ገልጸዋል›› በመባሉ ለከሰዓት በኋላ ምልአተ ጉባኤው ለአዲስ አበባ ሀገረ ስብከት የሚሆኑ ሦስት ሊቃነ ጳጳሳት በዕጩነት እንዲቀርቡለት ጠይቋል፤ ከሊቀ ጳጳሱም ጋራ ሥራ አስኪያጁም በጥቆማ ቀርቦ የሚወሰንበት ይሆናል፡፡

በጠዋቱ ክፍለ ጊዜ ብፁዕ አቡነ ሳሙኤል በማጣራቱ ሂደት ችግር እስካልተገኘባቸው ድረስ ወደነበሩበት መመለስ እንዳለባቸው በመግለጽ በፓትርያርኩ የቀረበውን ሐሳብ በብርቱ በመቃወማቸው ከፍተኛ ክርክር መደረጉ ተዘግቧል፡፡ ይሁንና ፓትርያርኩ ‹‹ከእርሳቸው ጋራ መሥራት አልችልም›› በማለት በግትርነት በመጽናታቸው ሌሎች ብፁዓን አባቶች ብፁዕ አቡነ ሳሙኤልን፣ ‹‹በማጣሪያው ሪፖርት መሠረት አዲስ አበባ ቦታዎ ነው፤ ይገባዎታል፤ ነገር ግን ስለ ቤተ ክርስቲያን ሰላም እና አንድነት ሲሉ ይተውት፤ በኮሚሽኑም የሚሠራው የቤተ ክርስቲያን አገልግሎት ነው" በማለት ስላግባቧቸው ብፁዕነታቸው፣ ‹‹ስለ ቤተ ክርስቲያን ሰላም ስል የእናንተን የአባቶቼን ሐሳብ እቀበላለሁ›› በማለታቸው ለረጅም ጊዜ ሲንከባለል የቆየው ችግር ምዕራፍ የተበጀለት መስሏል፡፡

በተያያዘ ዜና በትናንትናው ዕለት የቤተ ክርስቲያኒቱን ከፍተኛ የትምህርት ተቋማት በተመለከተ በጠቅላይ ቤተ ክህነቱ የሚመለከተው የትምህርት እና ማሠልጠኛ መምሪያ የቤተ ክርስቲያኒቱን ትምህርት በተማረ ባለሞያ ሐላፊነት እንዲመራ፣ ለዚህም መምሪያው ዘመናዊዎቹን የከፍተኛ ትምህርት ተቋማት እና ነባሮቹን የአብነት ትምህርት ቤቶች ጉዳዮች የሚከታተሉ ሁለት ዘርፎች እንዲኖሩት፣ ዘርፎቹም እንደየአግባቡ በሠለጠኑ ምሁራን ሐላፊዎች እንዲመሩ፣ ደቀ መዛሙርቱ በሥነ ምግባር የታነጹ እንዲሆኑ፣ በመምህርነት እና በተማሪ ስም ሰርገው ገብተው በቀጥታ እና በተዘዋዋሪ መንገድ ተጽዕኖ ከሚያደርጉባቸው አጽራረ ቤተ ክርስቲያን እንዲጠበቁ፣ ወደሚመደቡባቸው አህጉረ ስብከት በመሄድ አገልግሎታቸውን እንዲያጠናክሩ ወስኗል፤ ውሳኔውንም ቋሚ ሲኖዶሱ ተከታትሎ ያስፈጽም ዘንድ አሳስቧል፡፡ ይሁንና ይህ የውሳኔው ቃለ ጉባኤ የተጻፈበት ቀለም ሳይደርቅ በተለይም የቤተ ክርስቲያኒቱ ነባር ትምህርቶች በሚሰጡበት በሰዋስወ ብርሃን ቅዱስ ጳውሎስ ማሠልጠኛ ኮሌጅ የበላይ ሐላፊነት የተመደቡት እና በመስኩ ያላቸው ብቃት አጠያያቂ የሆነው የአቡነ ፋኑኤል ሹመት አነጋጋሪ ሆኗል - ኮሌጁን ለማዘጋት ወይስ በኮሌጁ ባላቸው ሐላፊነት ተጠቅመው አጉራ ዘለል ሰባክያንን እንዲያባዙ ለማድረግ በሚል፡፡

ይህ በእንዲህ እንዳለ ትናንት ማምሻውን ያሬድ አደመ በሐዋሳ ደብረ ምሕረት ቅዱስ ገብርኤል ቤተ ክርስቲያን የስብከተ ወንጌል አዳራሽ ‹‹ተስፋ ኪዳነ ምሕረት›› በሚል ራሱን ከሚጠራው ቡድን ጋራ በመሆን ‹‹አቡነ ፋኑኤል አባታችን፣ የልማት ጀግናችን ናቸው፤ ከአቡነ ፋኑኤል ውጭ ሌላ ጳጳስ ቢመደብ እንዴት ነው የምንቃወመው?›› በሚል ይዞት በነበረው ዱለታ ሳቢያ ሁከት ተከሥቶ እንደ ነበር ምንጮች ለደጀ ሰላም ገልጸዋል፡፡ እነ ያሬድ በተጠቀሰው ጉዳይ ላይ የሚያደርጉትን የዐመፅ ዝግጅት የተቃወሙ ትምህርት በመከታተል ላይ የነበሩ ቀናዒ ምእመናን ቡድኑ ወደሚዶልበት አዳራሽ በቀጥታ በመግባት ግብግብ ገጥመዋል፡፡ በግብግቡ ጩኸት በመሰማቱ ፖሊስ በአካባቢው ይደርሳል፡፡ የፖሊስ ኀይል በአካባቢው መድረሱን የተረዱት እነ ያሬድም ግብግቡን ትተው በቲፎዞዎቻቸው ታጅበው በአዳራሹ ውስጥ ከቆዩ በኋላ ማምሻውን ‹‹በአንጋቾቻቸው›› ታጅበው ወደየቤታቸው መመለሳቸው ታውቋል፡፡ ዛሬ ከሰዓት በኋላ ለደጀ ሰላም የደረሰው ጥቆማ እንደሚያስረዳው ያሬድ አደመ ‹‹የሀገረ ስብከቱ ጸሐፊ እና የሰንበት ት/ቤቶች ማደራጃ መምሪያ ሐላፊ ስለሆኑ አስፈላጊው ትብብር ይደረገላቸው›› በሚል ከአቡነ ፋኑኤል ደብዳቤ አጽፏል፡፡ ግለሰቡ በመጨረሻው ሰዓት በአቡነ ፋኑኤል ፊርማ እና ማኅተም በዚህ መልክ እንዳጻፈው የተገለጸው የሐሰት ደብዳቤ በቤተ ክርስቲያን ስም በማጭበርበር ጥቅም ለማጋበስ ሊጠቀምበት እንደሚችል በውስጥ ዐዋቂዎች ግምት ተወስዷል፡፡

‹‹ለአዘዞ ቅድስት ማርያም ገቢ አሰባስባለሁ›› በሚል በሰሜን ጎንደር ሀገረ ስብከት ላልተፈቀደ የ‹‹ስብከተ ወንጌል ጉባኤ›› ከሄደበት አዘዞ እና ጭልጋ ወረዳዎች በቀናዒ የቤተ ክርስቲያን ወጣቶች መድረሻ እስኪያጣ ድረስ በውርደት የተባረረው በጋሻው ደሳለኝም፣ ‹‹የሐዋሳን ሕዝበ ክርስቲያን አስታርቃለሁ፤ ከእንግዲህ በፍቅር እናገልግል›› በሚል ለዛሬ ዐሥር ሰዓት በሐዋሳ ደብረ ምሕረት ቅዱስ ገብርኤል ገዳም ዐውደ ምሕረት ላይ በግብረ በላዎቹ ‹‹መዝሙር›› ታጅቦ ለመቆም በቲፎዞዎቹ ቅስቀሳ እያካሄደ እንደ ሆነ ተገልጧል፡፡

ይህ የእነበጋሻው ሙከራ ሲኖዶሱ የአጣሪ ኮሚቴውን ሪፖርት በመመልከት ባሳለፋቸው ውሳኔዎች እና እርሱን ተከትሎ በሚፈጠሩት አዲስ ሁኔታዎች ሳቢያ በአካባቢው መሠረት ላለማጣት የሚደረግ መፍጨርጨር እንደ ሆነ ታዛቢዎች ይናገራሉ፡፡ አጣሪ ኮሚቴው እነ ያሬድ አደመ በዐውደ ምሕረት ላይ እንዳይቆሙ እግድ ካሳለፈበት ካለፈው ሳምንት መጨረሻ ጀምሮ በመድረኩ ላይ የስብከተ ወንጌል አገልግሎቱ በሊቁ መልአከ ምሕረት ጳውሎስ ቀጸላ እና በብሉይ እና ሐዲስ መጻሕፍት ምሁርነታቸው በሚታወቁት መምህር ኄኖክ እየተሰጠ እንደ ሆነ ከሐዋሳ ለደጀ ሰላም የደረሰው ዘገባ ያስረዳል፡፡ ቅዱስ ሲኖዶስ በወሳኝ መልኩ እያካሄደ ባለው ስብሰባ በ29ው የሰበካ መንፈሳዊ ጉባኤ ላይ የተለላፉ የጋራ አቋም መግለጫዎችን በማጽናት፣ ከማእከል ተጠይቆ ፈቃድ ተሰጥቶት ካልተላከ ሰባኬ ወንጌል በቀር በጎን በሚደረግ ሽርክና በመንደርተኞች የስብከተ ወንጌል ጉባኤያትን ማካሄድ ፈጽሞ የተከለከለ እንደ ሆነ ጥብቅ ውሳኔ አሳልፏል፡፡

40 comments:

GKidan said...

Abetu Amlakachin Hoy, altewukenimna enamesegnehalen.
Our Heavenly Father, thank you for guiding our fathers in your Holly Sprit.
Gkidan

Mahlet said...

EgeziAbeHer yemesgen ,this is great step and achievement in the Church history in the past few years.Let God help us restoring the name and honor of the Church.

Anonymous said...

ላንተ ምን ይሳንሀል ተመስገን አምላኬ

Anonymous said...

Yitbarek EgziAbher Amlake Abewine..

Anonymous said...

ላንተ ምን ይሳንሀል ተመስገን አምላኬ

Anonymous said...

ALEBEL

Wede Abatche Ende Haweltu yehenen Gerupe menale Betafersute efoye endenel.

selome said...

Qale hiwoten yasemalen !!!

teru wesane new temesegen AMELAKACHEN BELENAL

neger gen bene begaschaw ena gebere aberochu lay yemiastelalefew wesane yelem yeheon kedus sindos ?

me said...

‎"ሰው ዝም ብሎ የእግዚአብሔርን ማዳን ተስፋ ቢያደርግ መልካም ነው።"ሰቆቃው ኤርምያስ 3:26
Bergit Egiziabher Menfes kidus abroachew new.

Anonymous said...

Temesgen Amlek hoy.

Anonymous said...

DS, Are you expecting us to send just pro-Abune Abraha opinion?
I think you are proving yourself to be unbalanced and one sided activist, instead of serving the full EOC interest.Bye, Bye.

Anonymous said...

Kebru yisfa ye semaye yemdru GETA yhenen yaseman .Egizabher hoy temsgen min temsgen temsegen le zelalaem....................
Ehete micheal

Anonymous said...

Efoyyyyeee!!!, Ellllll elllll elllll Egziabhair Amlak Simih Yetemsegen Yihun!!!!

Deje Selamoch - Kale Hiwote Yasemalin

Ameha Giyorgis
Ke-DC

Anonymous said...

Demissie
Temesgen Amlake Abewine. Hulu Beresu Hone.
EmAmelak Tewahido Emenetachenin Tebekilen AMEN.

Anonymous said...

በቸርነትህ ያሰብከን አምላክ ክብር ምስጋና ላንተ ይሁን!!1 ተዋህዶ ወደቀደመ ክብሯ ልትመለስ ነው። አባቶች በእውነት ካንቀላፉበት ተነስተዋል።

ደስ ያለው ቢኖር ይዘምር!!!

-እናመስግነው
አልተወንም ጌታ ላክስ ይወደናል
....ትንሣኤሽን ያሳየን...

Anonymous said...

ደጀሰላሞች ምን ቅዱስ ሲኖዶስ ብቻ እናንተም ጭምር ታሪክ ሠራችሁ እንጂ! ስለ ሁሉም ዘገባችሁ ቃለ ሕይወት ያሰመማችሁ አሜን፡፡

Anonymous said...

ደጀሰላሞች ምን ቅዱስ ሲኖዶስ ብቻ እናንተም ጭምር ታሪክ ሠራችሁ እንጂ! ስለ ሁሉም ዘገባችሁ ቃለ ሕይወት ያሰመማችሁ አሜን፡፡

John said...

ብራቮ ብራቮ በራቮ !!! አባቶቼ እድሜውን ከጤና ጋር እብዝቶ ጨምሮ እና ጨማምሮ ይስጣችሁ !!! ከአሁን ቀደም በግሌ የማውቃቸውን፤ ከማምናቸው ሰዎች የሰማኋቸውን እና የአደባባይ ምሥጢር የሆኑ ድካሞቻችሁን (ድቀታችሁን) በሙሉ ከልቤ ይቅር በማለት አንስቻለሁ! ቅሬታዬን በሙሉ አንስቻለሁ፡፡ ይህንን ጀግንነታችሁንም ለልጄቼ እና ለወዳጅ ዘመዶቼ በሙሉ በማሳመን ጭምር ለቤተክርስቲያናችን በክፉ ቀን በጽናት መቆማችሁን አውጃለሁ፡፡ ጉባኤው ተጀምሮ እስኪፈጠም ድረስ መሬት ጠብ የሚል እንከን ሳያገኛችሁ ቤተክርስቲያናችንን በማስቀደም ተጋድሎ ፈጽማችኋል እና በየ አኅጉረ ስብከታችሁ ስትመለሱ የጀግና አቀባበል ይጠብቃችኋል ! ብራቮ ባራቮ ….

Anonymous said...

essey essey LE EGZIABHEER KIBIR MISGANA YIHUN , ZAREM ZEWOTRIM LEZELALEMU!!!AMEN!!!! Abbatochachin enameseginachuhalen enakebrachuhalen!!! enga zare endetedessetn zelalemawit desta mengiste semayatin Yaddilachihu!!! Ilililililililililililililililili!!!!!!!!!!!!!!!!!!!!!!!!!!!!............

Anonymous said...

kibir le Egziabheer besemayat yihun!!! Ilililllllllllllllllllllllllllllllll!!!!!!!!!!!!!!!!!!!!!!!!

Anonymous said...

essey essey LE EGZIABHEER KIBIR MISGANA YIHUN , ZAREM ZEWOTRIM LEZELALEMU!!!AMEN!!!! Abbatochachin enameseginachuhalen enakebrachuhalen!!! enga zare endetedessetn zelalemawit desta mengiste semayatin Yaddilachihu!!! Ilililililililililililililililili!!!!!!!!!!!!!!!!!!!!!!!!!!!!............

Misikir said...

ተመስገን አምላኬ ህልም ነዉ የሚመስለዉ!

Anonymous said...

እልልልለልልልለልልልልልልለልለ -- እልልልልልልልልልል-- እልልልልልልልልልልልለ
እሰይ ስለቴ ሠመረ እሰይ ስለቴ ሠመረ፡፡ አምና ለሲኖዶስ ነግሬው ነበረ….

Dan said...

ይሄ ለአባ አብርሃም ለአባ ሳሙኤል ለአባ እከሌ ቆመናል ብላችሁ
ሰማይ አድርሳችሁ የምትክቡ ተአምር እየሰራልን ነው አይነሳብን ይመለስልን
እያላችሁ የምትዘባርቁ የሲኖዶሱን ውሳኔ አትፈታተኑ

Anonymous said...

siladeregelin hulu Amlakachin Yimesgen.....degmo fitsamewn yasamirew

Bini Mele said...

ይህን ያሰማኝን አምላኬን አመሰግነዋለሁ።

Anonymous said...

ተመስገን አምላካችን አባቶቻችን ፀጋውን ያብዛላችሁ። አዎን አባቶች አለንና በሉ ልጆች ትጋታችሁን ቀጥሉ የተኛህም ንቃ ተዋህዶ ትለምልም። ጥያቄ፤-1ኛ የመቀሌ መንፈሳዊ ኮሌጅ ነገርስ ምን ተወሰነ 2ኛ በቅዱስ ጳውሎስ ኮሌጅ ውስጥ መምህር እሸቱና ሌሎችም የላቁ ሊቃውንት እንደነበሩ አስታውሳለው ነገር ግን እኚህ ጥሩ ስም የሌላቸው ሰው(አባ ፋኑኤል)ኮሌጁን እንክርዳዶችን መፈልፈያ እንዳያደርጉት ምን ያህል ንቃት በኮሌጁ አካባቢ ይኖር ይሆን? አቡኑ መፅሀፍት የተማሩ ስው አይመስሉኝም አለመማር ደግሞ/judgment/ያዛባል እና የሀይማኖት ችግር ባይኖርባቸውም እንኳን በሚታዩባቸው የፀባይ ግድፈት ሳቢያ ለተንኮለኞች ሴራ መሳሪያ ሊሆኑ ይችላሉና ለኮሌጁ ቅርበት ያላችሁ ካሁኑ ድምፃችሁን አሰሙ የተለመደው አይነት አበሻ እንዳንሆን በዚህ ጉዳይ መጨረሻው እስኪበላሽ ጠብቆ ሚጮኸው አይነቱ። በተረፈ አቡኑ ከምእመናን አካባቢ ዞር መደረጋቸው ተመስገን ነው። አምላክ እነበጋሻውን እነ ያሬድ አደመን ያስታግስልን፡ አለአቅማቸው የሰማይ ደጅ የተባለች ተዋህዶን ለመቀየር የተማማሉበትን ቀን ያስረሳልን በጥርጣሬ የተመረዘ ልባቸውን ያርክስልን ይጠብልን፡ ...የመውጊያውን ብረት ብትቃወም ላንተ ይብስብሀል ነውና...ስራ.9፣5 ታገሱ ልብ ይሰጣችሁ በተረፈ የተዋህዶ ልጆች ሁሉ እንኳን ደስ አላችሁ ። የተዋህዶ ልጅ።

ባየው አለምሽት said...

በጣም ደስ የሚል ዜና ነው የሰማሁት ደጅ ሰላም
እግዚአብሔር ይመስገን እግዚአብሔር ኢትዮጵያ
ይጠብቃት
ሁሉ በእርሱ ሆነ፥ ከሆነውም አንዳች ስንኳ ያለ እርሱ አልሆነም

abiy said...

Our church will have so many strong enemies in the future(inside or outside) but we have the mother of God with us, always EMEBETACHIN will help us , Thanks God , you are still helping us.
Egziabher yimesgen....

Anonymous said...

በሉ ወንድሞቼ!
እንግዲህ ተከፍቶ የቆየውን ፋይሉ እንዝጋውና እያንዳንዲሽ ሰሙነኛ- ዘጋቢ የነበርሽ ሁሉ ሱሪሽን/ቀሚስሽን ታጠቂ፤ ከነገ ጀምረሽ ካባቶቻችን እግር ተሰልፈሽ ለአገልግሎት ሩጪ። በማዶ ሆነሽ የምላስ ጠበንጃ መተኮስ ትርጉም የለውም ወንድሜ/እህቴ!
ደገ ሰላምም ጭምር ማለቴ ነው። ይቅርታ! እኔሳ? የበጋሻውና ያሬድን ቆፍሬ እስከምቀብራቸው ድረስ አትንኩብኝ።

tklebrihan said...

abune fanuel lemin...
abatoch andagnawinu kafitgna timihirt betochin rsitwal malet new. lzhi new yfaranjoch bet iyahone yalw.
1. bqidisit silasse y ethiopian dogma ena haymanot ymiyastemiru faranjoch nachew
2. bkasate birihan kollege masters mulubmulu ymiyastmiru faranjoch nachew

yihin hulu sinodos yawiqal. gin minm hassab silalelachew ahunm chigir yalebt sew timihirt tqam lay memedeb mindinew? btam yitasbibet

Anonymous said...

በሉ ወንድሞቼ ያልከን ትክክል ነህ። ግን ጥያቄ አለኝ ያንተ የሥራ ዝርዘር ተገልጿል የኛስ? እንዲያውም ከምትቀብራቸው ወደ ቀብሪ-ደሀር ጥለሀቸው ከኛ ጋር አብረኸን ብትከተለን አይሻልም?
ለማነኛውም ደጀ ሰላማዊያን የስራ ዝርዝር ስጡን።

THANK YOU

Anonymous said...

ደጀሰላሞች እግዚአብሔር ዘወትር ጥበቡንና እውቀቱን ከናንተ አያርቅ፡፡ እግዚአብሔር አዋሳን ብቻ ሳይሆን መላው ቤተክርስትያናችንን ከክፉ እንዲጠብቃትና እኛም በእምነታችን ጸንተን እንድንቆም ላደረገቻሁት አስተዋጽኦ እግዚአብሔር ዋጋችሁን ይክፈላችሁ፡፡ … አቡነ ፋኑኤል ማሰልጠኛ ተቋማት አካባቢ ባይጠጉ መልካም ነበር፡፡ ቀኖና ተሰጥቷው በገዳም ቢቀመጡ መልካም ነወ…ክፋቱ የሚሳሱለትን ፎቅ ቤትና በዜግነታቸው የሚኮሩባትን አሜሪካ ትተው ገዳም መገባትን የሚሞክሩት አይመስለኝም፡፡

Anonymous said...

God is always great, we thank you DS for your updated and a news we have been longing for so long since last night. It's our fathers hard work and determination to fullfil their promise. Again May the God of Abreham and Isaac strenth you to do more to our mother church unity.
Again God be with our father always.

Anonymous said...

Deje Selamoch ena anebabeyan,

Are we expected to just support your idea or to even air our owen too? Comment aregu telalachihu sinetsefe reject yederegebenal? Is this andenet ena selam felega weyes budenawi sera meserate?

I feel bad and will not consider DS as an independent blog but belongs to a ....

Anyways selam ke sewu saywhone aemero ye miyalefe selam kemiste ke esu yemetalen. Ye esu selam ende sewu yale adelm. Eyetebuwadenen yeteme anderesem- megenetatele le dorom alebejat.

Dan said...

በሚቀጥለው የሲኖዶስ አጀንዳ እያንዳንዱ የደብርና የገዳም አለቃ
ጳጳስ
ሊቀ ጳጳስ
ፓትርያርክ
በስሙ ያለውን ንብረት ሀብት በዝርዝር መዝግቦ እንዲያቀርብ መጠየቅ አለበት
በያመቱም -- ቅ ጳውሎስ ሰራተኛ ደሞዙ ያስፈልገዋል እንዳለ-- ከደሞዙ በላይ ሆኖ ሲገኝ ከየት እንዳመጣ በቂ መልስ ካላቀረበ ተወስዶ ለደሆች መታደጊያ ለወንጌል ትምህርት ማስፋፊ እንዲውል ቢደረግ
ሁሉም በገንዘብ ፍቅር ክህነታቸውን አያዋርዱም

Anonymous said...

Temesgen ye Serawiet Geta.

Kibrehe Yesfa. Thans D.S

zoskales said...

Firdu Yeamilak

i wish peace for all
orthodoxawiyan why not we act like spritual please lets think and cool down relegion is not politics and we have perfect judge
WERE AYRAGEB
TILACHA YWEGED
EJI MANSAT YIBQA
RASACHININ ENIY

Anonymous said...

This is special thanks to Aba Samuel. For the peace of the church such measure on such historical holy synod is expected.
Wise and spiritual decision thanks Aba Samuel again

Behailu said...

Abetu min yisanihal!!!!!! Gena tarik yikeyeral.

Anonymous said...

If you believe in God, you shouldn't worry about people coming or going. If this whole thing is about serving God in earnest, what different does it make who comes or who goes. Do we even know if the 'Papas' who was going to come was going to be better than Abune Abraham? Wouldn't that be an insult/disrespect to the person who just got appointed? Why is there so much commotion? In many cases, many of you complain about the interference of outsiders on the Synod Business. Can you tell us what have you been doing in the last few days? I will leave the answer to you. Do you really think you are the only one who knows about our Church? Are you the only ones who cares about the Church?
How about him, Abune Abraham, wasn't he supposed to listen to the Patriarch? regardless of the reason, if he was called home, he should gone. Why the refusal? Does this show respect or disregarding of a Patriarch’s order? Irrespective of our feelings about Abune Paulos, he is the head of our church.
Why do you all think it will be a doom and gloom if Abune Abraham leaves DC? Don't you know, the Churches were there before you and him and will continue to be around for a long time to come... why are you trying to make a martyr out of nothing? Why do divide fathers? In many occasions we see you guys throwing insults on Fathers you don't like, and make a Saint out of the ones you like...isn't that the classic case of 'divide and rule'?... Obviously, you have a hidden agenda that can only be accomplished with certain people in power.
By the way, where does this 'us' Vs 'them' thing come?

In front of God we are all the same...just because things don't go as fast as you wanted, you should not put everybody in one box call all them all kinds of names...that really doesn't expect from people who call themselves 'Christians'... where is your inclusiveness, caring, respect, humbleness. Instead all we have been seeing is arrogance, divisiveness, self righteousness, hatred, etc...please come back to earth, and let all of us learn under our Church. You put yourself so highly, and I don't even know who can bring you down and give you the proper lesson.
I doubt you will publish my comment, as many of the points are against your long standing opinion.
Lemangnawim Lehulachinm Lib Yisten!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)