October 31, 2010

“ሰውየውን” ታዲያ ማን እንበላቸው?

(ደጀ ሰላም፤ ኦክቶበር 31/2010፤ ጥቅምት 21/2003 ዓ.ም):- አስተያየት የሰጣችሁ ብዙ አንባብያን ከሰጣችሁት በመነሣት ይህንን አጭር ሐሳብ እናቀርባለን። አሁን ከገባንበት ንዴት፣ ሐዘን፣ ቁጭት እና አንዳንዴም ቀቢጸ ተስፋ አንጻር ብዙ ነገር ልንናገር እንችላለን። ምናልባትም “ዳን” የተባሉ ደጀ ሰላማዊ እንዳሉት “ስማቸውን አንስማ፣ ፎቷቸውን አንይ” ልንል እንችላለን። ያ ግን መልስ አይደለም። አንድ አንባቢ “ብፁዕ ወቅዱስ አትበሏቸው” ብለዋል። በዚሁ አጋጣሚ ስለዚህም መናገር ይገባናል።
በቤተ ክርስቲያናችን “ብፅዕና እና ቅድስና” ሁለት መልክ አለው። በገድል በትሩፋታቸው፣ በጽድቅ ሥራቸው ሀገር አውቆላቸው፣ ፀሐይ ሞቆላቸው፣ ጸጋ በረከታቸው ከሰውነታቸው ተርፎ ለልብሳቸው፣ ለምድራቸው፣ ለገዳማቸው የተረፈላቸው አበው እና እመው “ብፅዕና እና ቅድስና ይገባቸዋል” ና ብፁዓን ቅዱሳን እንላቸዋለን።

ሁለተኛው የዚህ አገባብ መጠቀሚያ ቤተ ክርስቲያን ለአገልግሎት ለምትሾማቸው የበጎቿ እረኞች የምትሰጠው “የክብር ስም” ነው። እነዚህም ኤጲስ ቆጶሳት ናቸው። እነርሱንም “ብፁዕ አቡነ” ለአንድ ሰው፤ “ብፁዓን አበዊነ ሊቃነ ጳጳሳት” (ለብዙ) ብለን እንጠራቸዋለን። ከነዚህ “ብፁዓን ሊቃነ ጳጳሳት” መካከል አንዱን የእነርሱ አለቃ (ፓትርያርክ) ስንለው ለእርሱም “ብፁዕ ወቅዱስ” በሚል ስያሜ እንጠራዋለን። “ብፅዕናውም ሆነ ቅድስናው” የሚሰጠው ወይም “ብፁዕ ወቅዱስ የሚባለው” ስለያዘው ሥልጣንና የአገልግሎት ወንበር እንጂ ስለሠራው ገድል እና ትሩፋት አይደለም።

በአጭር አነጋገር ለምሳሌ አቡነ ፋኑኤልን “ብፁዕ አቡነ ፋኑኤል” ወይም አቡነ ጳውሎስን ደግሞ “ብፁዕ ወቅዱስ አቡነ ጳውሎስ” የምንላቸው ስለ እነርሱ ማንነትና ሕይወት ሳይሆን ስለተቀበሉት መንፈሳዊ ሥልጣን ነው። ስለዚህ ምንም እንኳን በሚሠሩት ሥራ ቤተ ክርስቲያንን እየጎዱ መሆናቸውን ብናውቅምና በአደባባይ ብንቃወማቸውም  ሌላ ጥፋትና ስሕተት እንዳይሆን አንዳንዶች እንደሚሉት ብፁዕ አቡነ ፋኑኤልን “አባ መላኩ”፣ ብፁዕ ወቅዱስ አቡነ ጳውሎስን ደግሞ “አባ ገ/መድን” አንላቸውም። ፀያፍ ነው። ኦርቶዶክሳዊም አይደለም።

ይሁን እንጂ አንድ ቀን ቅ/ሲኖዶሱ በሁለት እግሩ ቆሞ፣ በራሱ ሕግ መሠረት ቅዱስ ፓትርያርኩን በተመለከተ ውሳኔ ቢያሳልፍ እና “ብፁዕ ወቅዱስ ሊባሉ አይገባም” ቢል ያን ጊዜ እኛም “አባ ገ/መድኅን” እንላቸዋለን። እስከዚያው ግን እየተቃወምናቸው ነገር ግን ““ብፁዕ ወቅዱስ” ማለታችን ይቀጥላል። አንድ ጥሩ ለመሥራት ተነሥተን ሌላ ጥሩ ነገር ማጥፋት የለብንም። “ወደ ገነት ለመሔድ ወደ ሲዖል ጎራ ማለት” እንዳይሆንብን። ጥሩ ለመሥራት ዘዴውም ጥሩ መሆን አለበት። አለበለዚያ ሃይማኖት መሆኑ ይቀርና “የሀገራችን የመበላላት ፖለቲካ” ይሆንብናል።

ቸር ወሬ ያሰማን፣ አሜን    

21 comments:

solomon said...

ምንም አንበላቸው ወደ እግዚአብሄር ብቻ እንጸልይላቸው፡፡ እንደ ኦዚያ ቢሆኑ ምንም አንጠቀምምና፡፡ ለ አቡነ ጳውሎስ እግዚአብሄር ልቦናቸውን ያብራላቸው !! በድፍረት ሃጢአት እንዳይወድቁ አመቤቴ ትድረሽላቻ!!

solomon said...

ምንም አንበላቸው ወደ እግዚአብሄር ብቻ እንጸልይላቸው፡፡ እንደ ኦዚያ ቢሆኑ ምንም አንጠቀምምና፡፡ ለ አቡነ ጳውሎስ እግዚአብሄር ልቦናቸውን ያብራላቸው !! በድፍረት ሃጢአት እንዳይወድቁ አመቤቴ ትድረሽላቻ!!

Anonymous said...

ትክክለኛና ተገቢ ማብራርያ ነዉ። እግዚአብሔር ይስጥልን ደጀ ሰላሞች።

ተጉሻ

Anonymous said...

አስተያየት የምተሰጡትም ሁኑ የደጀሰላም አዘጋጆች ለምን የተስፋ መቁረጥ ስሜት ይታይባችኋል፡፡በአንድ ጀምበር እኮ የሚፈልጉትን ለማግኘት ሙጥኝ ማለት የሰው ሃሳብ ነው፡፡ እግዚአብሔር እንደሆነ ሥራ እየሰራ ሥለመሆኑ መጠራጠር አይገባም፡፡ ትልቁ ሥራ እኮ የተሰራው ሕዝቡ ሰውየውን ከልቦናው ማውጣት ሲጀምርና ለቤተክርስቲያን ማሰብ በመቻሉ ይመስለኛል፡፡ አይዟችሁ ለውጥ ይመጣል እየመጣም ነው፡፡ ሁሉም በየፊናው ግን ስለቤተክርስቲያን ይጨነቅ አደራ የምን ተስፋ ቢስ መምሰል፡፡ ተስፋ የላቸውም ሲሉን ባለተስፋዎች ነው፡፡ ለለውጥ የሰውየውን መሞት ብቻ የምንጠብቅ አይደለንም፡፡ አይናቸው እያየ ለውጡን ማምጣት እንችላለን፡፡
ክፍለ ኢየሱስ ዘቀለበት ሥላሴ

Dan-ዳን said...

አሁንም ልመለስበት
ፎቷቸው ከዛሪ ጀምሮ በዚህ ድሕረ ገጽ አይለጠፍ አንየው ስማቸውንም አንስማ ከዛሪ ጀምሮ በመንበሩ የተቀመጡ እየተባለ ይጠቀሱ:: ብዬ ነበር

አሁንም
ፎቷቸው ከዛሪ ጀምሮ በዚህ ድሕረ ገጽ አይለጠፍ አንየው

- በቦታው ድንጋዩን ሃውልቱን ለጥፉ- ልቦናቸው ደንድኖ ድንጋይ ሆኗልና
ወይም
በጨርቅ የተሸፈነውን ድንጋይ ሃውልታችውን- ዐይናቸው ተጋርዷልና የማያይ ጆሯቸው የማሰማ ሆኗልና


ከዛሪ ጀምሮ ስማቸውንም አንስማ

1 በመንበሩ የተቀመጡ
ሌሎቻችሁ ተጨማሪ ምርጫ አቅርቡ
2
3
4

እየተባለ ይጠቀሱ::
ደጀ ሰላምን የምታነቡ ሁሉ በዚህ ላይ ድምፅ ስጡ

Anonymous said...

የእግዚአብሔርን፡ሕግ፡የጣሰውን፡"ብፁእ፡ወቅዱ
ስ"በሉ፡የሚል፡ደንብም፡ትውፊትም፡በቤተ፡ክርስ
ቲያናችን፡የለም።እግዚአብሔርም፡ከእንዲህ፡ያሉ
ት፡ስንርቅና፡ስናስወግዳቸው፡ደስ፡ይለዋል፡እንጂ፡
በምዕመናኑ፡ለቤቱ፡ቀናተኝነት፡አይከፋም።

"ስለተሾሙ"ሹመታቸውን፡እስኪነፈጉ፡እንጠብ
ቅ፡የሚለው፡ፍልስፍና፡ከፍራቻ፡የመነጨና፡በክር
ስቲያናዊ፡ተጋድሎ፡ታሪክ፡ላይ፡የተመሠረተ፡አይ
ደለም።እንደግል፡አስተያየት፡ይህን፡የሚቀበል፡ታ
ለም፡ከግል፡ፍልስፍናነት፡በላይ፡ግምት፡ሊሰጠው፡
አይገባም!

ለነገሩማ፡የቤተ፡ክርስቲያን፡አገልግሎት፡እግዚአ
ብሔርንና፡ሕዝቡን፡ለማገልገል፡የሚጠሩበትና፡የ
ሚሠየሙበት፡እንጂ፡መሿሿሚያና፡መንደላቀቀ
ያ፣የዝርፊያና፡ያሽኮለሌ፡ቦታ፡አልነበረም!ውድቀ
ት፡ግን፡ለዚህ፡ሁሉ፡ዳረገን።

ልንቆም፡ስንደክም፡እንምበርከክ፡ከሚል፡ፍራቻ፡
እግዚአብሔር፡ያውጣን!

የእግዚአብሔርን፡ቤት፡በማፍረስ፡ላይ፤ያሉትን፤
ወንጀለኞች፡እንዴት፡ተብሎ፡ነው፡"ብፁዕ፡ወቅዱ
ስ"በሉ፡የሚባለው?ምንም፡የመጻሕፍትና፡የሰማዕ
ታት፡ታሪክ፡ለንዲህ፡ያለ፡ነገር፡ለምሳሌ፡የሚጠቀስ፡
የለም።ተዋሕዶን፡በማፍረስ፡ላይ፡ያሉት፡በሥራቸ
ው፡ከተሠየሙበት፡ደረጃ፡ወድቀዋል።በግድና፡በዓ
መፅ፡ነውእስታሁንም፡ከጫንቃችን፡ያልወረዱት!
ይልቅስ፡በርትተን፡ስለወንጀለኞቹ፡"ክብር"ሳይሆ
ን፣እነርሱን፡ለማስወገድ፡ስለምናደርገው፡ተጋድሎ፡
እንበረታታ!

አባቶች፡አርጤምስን፡አርጤምስ፡ብለው፡ከለዩት፡በ
ኋላ፡አርጤምስን፡ለማስወገድ፡ባለመቻላቸው፣የአር
ጤምስን"ብፁእ፡ወቅዱስ"በሉ፡የሚል፡ቀኖና፡አላሳ
ለፉብንም።ሊያሳልፉም፡አይገባቸውም።ባለማድረ
ጋቸውም፡አርጤምስና፡ባለ፡ምስሉ፡በምድር፡ለጊዜ
ው፡አውጋዥ፡አጣ፡እንጂ፡በእግዚአብሔር፡ዘንድ፡የ
ተጠላና፡የተወገዘ፡ነው።

በደል፡የፈጸሙብንን፡ሁላ፡እስቲወገዱ፡ድረስ፡በ
መሠረታዊ፡"ምንኩስናቸው"አባ፡እከሌ፡እያልን፡
ቃል፡ኪዳናቸውን፡ያስታውሱት፡ዘንድ፡ልንጠራ
ቸው፡እንችላለን።

የትህትናችን፡እስረኞች፡ከመሆን፡ወጥተን፡የእግዚ
አብሔርን፡ጠላቶች፡ማስወገድ፡ይገባናል።ብርክ፡እ
ንደያዘው፡በፍራቻ፡ተሆነ፡ይህን፡ማገባደድ፡አይቻ
ልም።በቆራጥነት፡ክርስቶስ፡ነጋዴዎቹን፡ከቤቱ፡እ
ንዳባረራቸው፣እኛም፡የአርጤምስን፡ጣዖት፡ባለቤ
ት፡ከነግብረ፡አበሮቹ፡ከእግዚአብሔር፡ቤት፡ማስወ
ገድ፡ይገባናል።

ለዚህ"{ተጋድሎ፡ተዋሕዶ-ኢትዮጵያን፡ለመስዋ
ዕትነት፡ማበረታታት፡እንጂ፡ቀኖናችንን፡የጣሱት
ንና፡ብዙ፡በደል፡የፈጸሙብንን፡ሃይማኖት፡አፍራ
ሾች፡በጫንቃችሁ፡ላይ"ተሸከሟቸው፡የሚል፡አስተ
ሳሰብ፡ከተዋሕዶ፡ውጭና፡ያለንበትን፡ተጋድሎ፡የ
ሚያደናቅፍ፡ነው።

አባ፡ጳውሎስ፣አባ፡ገሪማ፣አባ፡ፋኑኤልና፡ግብረአበሮ
ቻቸው፡በሙሉ፡ሥራቸው፡የመሰከረባቸው፡ፀረ-ተ
ዋሕዶዎች፡ናቸው።

ስለነርሱ፡ግብረ"አበሮቻቸው፡ይጨነቁ።እኛም፡የራ
ሳችንን፡ሥራ፡እንሥራ።

አርጤምስና፡ግብረ፡አበሮቹ፡የወገዱ።

ተዋሕዶን፡እንጠብቅ፤እናስጠብቅ።ይህ፡ነው፡የእግ
ዚአብሔር፡ወገኖች፡ሥራ፡መሆን፡ያለበት።

እመ፡ብርሃን፡ትርዳን።አሜን

ሳሙኤል፡ዘአሰቦት።

Anonymous said...

sew lehege egziabiher bayegeza lehege libuna yigezal,lhultu bayegeza lehege sebih yegezal.
abatachin lhulu alegeza yalu yimeslaluna becherenetu le andu tegezhi endiyadergachew enitselylachew.

Anonymous said...

ማን እንበላቸው?

አባ መሰሪ ነዋ!!!

Soliyana said...

April 26, 2010የቤተ ክርስቲያን ቅን መሪ ቅዱስነታቸው አባ ሽኖዳ ስለምን አለቀሱ?


(ደጀ ሰላም፤ ኤፕሪል 26/2010)፦ ቅዱስነታቸው ፖፕ ሽኖዳ 3ኛ 117ኛው የግብጽ ኮፕት ኦርቶዶክስ ቤተ ክርስቲያን ፓትርያርክ ናቸው። እንደተለመደው ከምእመናን ለሚቀርብላቸው ጥያቄ የሚመልሱበት የተለያየ ዝግጅት አላቸው። ከዝግጅቶቻቸው መካከል በየሳምንቱ በካይሮ በመንበረ ማርቆስ የሚያደርጉት አንዱ ነው። እነዚህን የምእመናን ጥያቄዎች So Many Years With The Problems Of People” በሚል ርዕስ እየታተሙ ለንባብ በቅተዋል። ጥያቄዎቹ ዶግማን፣ ሥርዓትን፣ የቤተ ክርስቲያን አስተዳደርን የተመለከቱ ሊሆኑ ይችላሉ። በእጄ ገብተው ያነበብኳቸው እነዚህ መጻሕፍት ላይ እንደተመለከትኩት ከሆነ መልሶቻቸው የማያወላዱ፣ በአጭር አባባል ብዙ መልስ የሚሰጡ ናቸው። በቅርቡ ለተጠየቁት አንድ ጥያቄ ግን በቃላት መልስ ከመስጠት ይልቅ በእንባና በዝምታ መመለስን መርጠዋል። ከንግግራቸው በአጭሩ እንመልከት።

“በቅርብ ቀናት ስለሆኑ ነገሮች ብዙ ጥያቄዎች (በጽሑፍ) መጥተውልኝ እየተመለከትኩ ነው” ሲሉ ጀመሩ ቅዱስነታቸው። በቅርብ ቀናት ሆነዋል ያሏቸው ነገሮች በአክራሪ ሙስሊሞች በተለያዩ የግብጽ አካባቢዎች በክርስቲያኖች ላይ የሚፈጸሙትን ጭፍጨፋዎችና ግድያዎች እንዲሁም ወጣት ክርስቲያን ሴቶችን በግድ እያገቡ ማስለም እና ሌሎች የሰብዓዊ መብት ረገጣዎችን ማለታቸው መሆኑን ዘገባዎች ያመለክታሉ። ቀጥለውም እንዲህ አሉ።


“ስሙ ወንድሞቼ፤ ልናገረው የምሻው ብዙ ነገር በአእምሮዬ ነበረኝ። በልቤም ውስጥ ከዚያ የሚበልጥ ብዙ ነገር አለ። ይሁን እንጂ ዝም ማለትን እመርጣለሁ። እኔ ዝም ማለትን የመረጥኹት (በምትኩ) እግዚአብሔር እንዲናገር ስለምፈልግ ነው። እመኑ፤ ዝምታችን ከመናገር በላይ ገላጭ ሊሆን ይችላል። እግዚአብሔር ደግሞ ዝምታችንን እያዳመጠ ነው። እግዚአብሔር ዝምታችንን ይሰማል። የዝምታችንን ትርጉምና እየደረሰብን ያለውን መከራም ያውቃል። መከራ እየተቀበልንበት ስላለው ጉዳይ ነገራችንና ችግራችንን ሁሉ ለእግዚአብሔር አሳልፈን እንሰጣለን። በእጆቹም ላይ እንተወዋለን። እናም ‘ያንተ ፈቃድ ይሁን/ ወይኩን ፈቃድከ’ እንላለን። (ጌታ ሆይ) ‘ይህንን ችግር መፍታት ከፈለግኽ ፈቃድህ ይሁን፣ የመከራን መስቀል እንድንሸከም ከፈቀድክም… (ካሉ በኋላ እንባቸውን እያፈሰሱ አለቀሱ) “…ችግራችንን ለእግዚአብሔር እንስጥ/ እንተው ያልኩበት ምክንያት እግዚአብሔር ሁሉን የሚገዛ/ የሚቆጣጠር ስለሆነ ነው። እርሱ ሁሉን ያያል። ሁሉንም ነገር ይሰማል። ሁሉንም ነገር ያውቃል።”


ከዚህ ታሪክ ምን እንማራለን? ስለ ቤተ ክርስቲያን ደኅንነት፣ ስለ ምእመኗ ጤንነት፣ ስለ ልጆቿ ችግር የሚያለቅስ አባት ያላት ቤተ ክርስቲያን የታደለች ናት። በፈንታው ደግሞ ስለ እርሷ ማልቀስ ሳይሆን የሚያስለቅሷት፣ ስለ እርሷ የሚያዝኑ ሳይሆን የሚያሳዝኗት፣ ልጆቿን በእንባቸውና በትምህርታቸው አጥር መከታ ሆነው ከመጠበቅ ይልቅ ከቅጽሯ የሚያባርሩ ጨካኞች ያሏት ቤተ ክርስቲያን ደግሞ ሊለቀስላት ይገባል።
“ለቤተ ክርስቲያን ቅን መሪን የምትሰጥ” እንዲል ቅዳሴው ለቤተ ክርስቲያኑ የሚያለቅስ በርግጥም ቅን መሪ ነው።

አባታችን ቡራኬዎ ይድረሰን፣ ቅዱስ ጸሎትዎ ትደረግልን፣ ልጆችዎ ከመከራ ሥጋ እረፍትን አግኝተው እንባዎ እንዲታበስ እግዚአብሔር ይርዳዎ

Our mather curch also so many Years With The Problems Of ABUNE PAULOS.So we have to say also Egziabher hoy ante tenager.

Anonymous said...

ሰዉየዉን ማን እንበላቸዉ?ፈርኦን እንበላቸዉ በእዉነት ፈርኦንን እስከ ሰራዊቱ ጥሎ ሙሴን የታደገዉ የድንግል ልጅ በደሙ የመሠረታትን አንዲት ተዋህዶ እንዲህ ስትታመስ አያይም ይፈርዳል ጊዜዉ እሩቅ አይደለም እኛ ግን [[የቅዱስ ሲኖዶስ ዉሳኔ ይከበር]]]የቅዱስ ሲኖዶስ የበላይነት ይከበር]] ብለን ድምጻችንን እምናሰማበት መንገድ ይፈለግ የአዋሳ ህዝብ ትልቅ ትምህርት ሊሆነን ይገባል ፡፡
ተክለ ወልድ

123... said...

Ene endemimeslegn
ahun sim silemawtat yemnawerabet gize adelem. Le betekrstyan mefthe mefeleg mediawn tesno yemefter akmun metekem new asfelagiw guday.

selamawi said...

በስመ ስላሴ አሃዱ አምላክ አሜን

ሰላም ለሁላችሁ ይሁን ብዙ አስተያየት የሰጣችሁ ወንድሞቼና እህቶቼ ከክፋት ሳይሆን ስለ ቤተክርስቲያኒቱ በመቅናት ከረር ያሉ አስተያየቶችን ስትሰጡ አያለሁ በማናችሁም ላይ ለመፍረድ አልደፍርም ምክንያቱም ታላቂቷ ተዋህዶ ቤተክርስቲያናችን በብፁዕ ወቅዱስ አቡነ ጳውሎስ ዘመን ተዋርዳለች የአህዛብ የመናፍቃን መሳለቂያ ሆናለች ይህን ሃገር ያወቀው ፀኃይ የሞቀው ነው ነገር ግን እኛ እንደምንቀና ሁሉ ደሙን ያፈሰሰላት ክርስቶስም ስለ ቤተክርስቲያን ይቀናል መቸም እውነተኛ የሆናችሁ የተዋህዶ ልጆች ይህን ታውቃላችሁ ጌታ ለቅዱስ ጴጥሮስ ሰይፍን የሚመዙ በሰይፍ ይጠፋሉ እንዳለው በምንሰነዝረው ሃሳብ ውስጥ ሰይጣን ዲያቢሎስም በውስጡ እንክርዳድ እንዳይዘራ መጠንቀቅ ያስፈልጋል አሁን እኛ አስተያየት መስጠት ያለብን እውነተኛ አባት ለቤተክርስቲያናችን ያስፈልገናል ብፁእ ወቅዱስ አቡነ ጳውሎስ በስጋዊ ጥቅም የተሸነፉ ናቸው ስለዚህ ቅዱስ ሲኖዶስ ይህንን ተግባራቸውን እንዲያስቆም እምቢ ካሉ ግን እሳቸውን አስወግዶ በህገ ቤተክርስቲያን ህግና ደንብ መሰረት ሌላ አባት ለቤተክርስቲያናችን እንዲመድብልን አስተያየት መስጠት ነው የእኛ አቅም ከዚያ ባለፈ ግን ከሲኖዶሱ ውሳኔ ውጭ የአቡነ ጳውሎስን ስምም ሆነ ፎቷቸውን ማየት አልፈልግም ማለት የለብንም ከኛ በላይ እኮ መድኃኔ ዓለም ብዙ ታግሷቸዋል ነገር ግን እኛ ብዙ ከተንጫጫን እሱ ዝም ይላል እኛ ዝም ካልን ሁሉን አሳልፈን ለሱ ከሰጠን ግን እሱ ያውቅበታል ለማንኛውም የምንሰጠውን አስተያየት እያስተዋልን ቢሆን መልካም ነው ቅዱስ ሲኖዶሱንም ቢሆን ይህን አውጣ ይህን አውርድ የማለት አቅማችንም የተገደበ ነው ምክንያቱም መንፈስ ቅዱስ የሚመራው ጉባኤ ስለሆነ ነገር ግን ልክ እንደ አሁኑ አይን ያወጣ አገር ያወቀው ፀኃይ የሞቀው ውንብድና ሲፈፀም ግን ዝም ማለት አይገባም ለሚመለከተው ክፍል አስተያየት መስጠት ይገባል እያደረግንም ያለነው ይህንን ይመስለኛል በመጨረሻም ደጀሰላም በእውነቱ ተክክለኛ መረጃ ለቤተክርስቲያኒቱ ልጆች እንዲደርስ በማድረጓ አድናቆታችን ከፍተኛ ነው ይህን ልል የቻልኩት እያንዳንዱን ጉዳይ በቅርብ ሆኘ እየተከታተልኩ ስለነበር በደጀሰላም ላይ የሚወጡት ዜናዎች ሁሉ ትክክል ናቸው ምስክርነት ለመስጠት ነው

ሰላመ እግዚአብሔር ከሁላችን ጋራ ይሁን

Anonymous said...

What do you mean? It easy. He is devil.If he wasn't he could listen to the Synod.He is a dictator too.

Anonymous said...

Dear DS,

Currently naming is not an issue, the positive influence matters in all aspects. Silence may considered as acceptance for heartless and hunters people surrounding the patriarchate that includes his Holiness. We need to do something. We need to flame the ignited move with the support of our fathers. We should move the stone to get help from God (John 11).

Let God safeguard our church.

Anonymous said...

What DS wrote about the Patriarch is also according to the bible:- it's enough to read the story of King David and king Saul (1 Samuel 14 -31)

...even if God rejected Saul, even when Saul Tries to Kill David! ...even then when God put him in his hand..what did our FATHER do?! read for yourselves.

"Afterward, David was conscience-stricken for having cut off a corner of his robe. 6 He said to his men, "The LORD forbid that I should do such a thing to my master, the LORD's anointed, or lift my hand against him; for he is the anointed of the LORD." 7 With these words David rebuked his men and did not allow them to attack Saul. And Saul left the cave and went his way." 1Samuel 24

David Again Spares Saul's Life !! (1 Samuel 26)...but what followed then... "Saul Takes His Life" (1 Samuel 31)

Let's take big lesson from this..let's give the judgment and the naming for the one who judge! and calls all according to his deed! On the last day!

May the love of God be with us all!
H/M

EHETE MICHEAL said...

“ስሙ ወንድሞቼ፤ ልናገረው የምሻው ብዙ ነገር በአእምሮዬ ነበረኝ። በልቤም ውስጥ ከዚያ የሚበልጥ ብዙ ነገር አለ። ይሁን ****እንጂ ዝም ማለትን እመርጣለሁ። እኔ ዝም ማለትን የመረጥኹት (በምትኩ) እግዚአብሔር እንዲናገር ስለምፈልግ ነው። እመኑ፤ ዝምታችን ከመናገር በላይ ገላጭ ሊሆን ይችላል። እግዚአብሔር ደግሞ ዝምታችንን እያዳመጠ ነው። እግዚአብሔር ዝምታችንን ይሰማል። የዝምታችንን ትርጉምና እየደረሰብን ያለውን መከራም ያውቃል። መከራ እየተቀበልንበት ስላለው ጉዳይ ነገራችንና ችግራችንን ሁሉ ለእግዚአብሔር አሳልፈን እንሰጣለን። በእጆቹም ላይ እንተወዋለን። እናም ‘ያንተ ፈቃድ ይሁን/ ወይኩን ፈቃድከ’ እንላለን። (ጌታ ሆይ) ‘ይህንን ችግር መፍታት ከፈለግኽ ፈቃድህ ይሁን፣ የመከራን መስቀል እንድንሸከም ከፈቀድክም****aS Abune Senoda SAID
Ehete micheal

Anonymous said...

በሌላወ ላይ የምትፈርድ አንተ ማነህ?
የአቡነ ጳውሎስን አጠራር አስመልክቶ ሊባል ስለሚገባው ነገር የተሰጡትን አሰተያየቶች ተመልክቻለሁ ፡፡ መቼም አብዛኛዎቹ የተራ ዱርዬ ቋንቋ እንጀ የመንፈሳዊ ተግባር አራምዳለሁ ከሚል የሚመነጭ አይደልም የመላእክት አለቃ ቅዱስ ሚካኤል ስለሙሴ ስጋ ከዲያቢሎስ ጋር በተከራከረ ግዜ እግዚአብሄር ይገስጽህ አለው እንጅ የስድብን ቃል ይናገር ዘንድ አልደፈረም ነው የሚለው ፈረኦን ብለን የቤተ ከርስቲያኒቱን ፓትርያሪክ ለመሳደብ አረ እኛ ማን ነን መጽሀፋዊስ ነው ወይ የቤተ ክርስቲያን ትውፊትስ ይፈቅዳል ወይ ደግሞስ ስህተትን ለማረም ወደውም ሆነ ተገደውም ቢሆን የተደረገውን ፈቃደኝነትስ ለምን አናደንቅም በትውልዱ መካከል የስድብ መንፈስን ለማስፈን የሚደረገው ሩጫ አቡነ ጳውሎስ ጋ ብቻ የሚቆም ይመስለናልን እያንዳንዱ ጳጳስ ቤት በእያንዳንዱ የደብር አስተዳዳሪ ደጃፍ መቀጠሉ አይቀሬ ነው ስለዚህ መሳደብን የእውቀት ጫፍ ከማድረግ የማስተካከያ የሚሆኑ የአሰራር ለውጦችን ብናቀርብ ለቤተ ክርስቲያን ጠቃሚ ነው በዚህ ዲያቆን ዳንኤል ክብረትን ልናመሰግነው ይገባል፡፡

Anonymous said...

.A Doctor is called a
"Doctor" even after he cuts somebody's leg wrongfully/on purpose. Only his privileges not his name can be revoked b/c of his actions. The same principle applies in Abune Paulos's case. No matter what he does, (with some exceptions) he will keep his name forever. He didn't get his name b/c of his "tegadelo" and he doesn’t lose it b/c of his outrageous behavior.

Anonymous said...

«ዛሬ ካለው የቤተ ክርስቲያን አመራር ጋራ ወደ ትግል ሰልፍ እንድገባ ያደረገኝ የኔ ፈቃድ፥ ዐቅምም አይደለም። በ፲፱፻፹፭ ዓመተ ምሕረት ሐምሌ ፭ ቀን ኦፕራሲዮን ሆኜ በሰመመን ውስጥ በነበርኩበት ጊዜ በሥርዓተ ሙታን ወደ አምላኬ ፊት ቀርቤ የተሰጠኝ ትእዛዝ ነው። በዚያች ሰዓት፤ ከቅዱስ ማርቆስ እስከ ሳድሳዊ ቄርሎስ የነበሩ የእስክንድርያ ፓትርያርኮችና ሊቃነ ጳጳሳት፤ ከአትናቴዎስ፥ ከሰላማ እስከ ብፁዕ ወቅዱስ አቡነ ቴዎፍሎስ የነበሩ የኢትዮጵያ ሊቃነ ጳጳሳትና ፓትርያርኮች የእሳት ነበልባል በከበበው፥ የእሳት ልሳን ያለው መጋረጃ በተንጣለለበት በዚያ አዳራሽ፥ በዚያ የግርማ ዙፋን ግራና ቀኝ ተሰልፈው ቁመው ነበር። በኤፌሶን ጉባኤ ንስጥሮስን ያወገዘው የእስክንድርያ ሊቀ ጳጳሳት ታላቁ ሊቅ ቅዱስ ቄርሎስ በመንበሩ ፊት ለፊት ቆሟል። ቀድሞ የተወገዘው ንስጥሮስ የማዕረግ ልብሱን ተገፎ በስተጀርባው ቆሟል። አባ ጳውሎስ በማዕረጋቸው እንዳሉ ተከስሰው ከንስጥሮስ ጎን ቁመዋል። በዐጸደ ነፍስ የሚገኙት የእስክንድርያና የኢትዮጵያ ቤተ ክርስቲያን አበው፤ «አባ ጳውሎስ ሺ ስድስት መቶ ዓመት የኖረ ውግዘት ጥሰው፥ በሥጋው በደሙ የማሉትን መሓላ አፍርሰው የኢትዮጵያን ቤተ ክርስቲያን የሮም ቅኝ ግዛት ስላደረጉ፤ ፍርድ ይሰጥልን፤» ሲሉ ለኀያሉ አምላክ አቤቱታ አቀረቡ። ከዙፋኑ የመጣው መልስ ግን፤ «እስከ ዕለተ ምጽአት ፍርድ የቤተ ክርስቲያን ነው፤» የሚል ነበረ። ይህ ሁሉ በሚከናወንበት ጊዜ የማላውቀው ኀይል ከዚህ ዓለም ነጥቆ ከቅዱስ ቄርሎስ ጎን አሰልፎኝ ከቆየ በኋላ ከዙፋኑ የመጣው ድምፅ፤ «አንተ ያየኸውን፥ የሰማኸውን ለቤተ ክርስቲያን፥ ለምእመናን ንገር፤» ሲል አዝዞ ወደ ነበርኩበት መለሰኝ። ይህ ትእዛዝ ነው እዚህ ሰልፍ ውስጥ ያስገባኝ። ኢትዮጵያዊ፥ ኦርቶዶክሳዊ የሆነ ሁሉም ስለ ቤተ ክርስቲያኑ አጥብቆ መታገል አለበት።» አለቃ አያሌው ታምሩ።

መርከቤ ንጉሴ /ከአዲስ አበባ said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!
ወገኖቼ እውነት ኦርቶዶክሳውያን ብቻ ከሆንን በዚህ መድረክ ላይ የምንሳተፈው መልካም ነገር ማሰብና ስለ ሐይማኖታችን የሚጠቅም ጥሩ ጥሩ መልዕክት ብናስተላልፍና እራሳችንን ሰድበን ለሰዳቢ ባንሰጥ የተሻለ ነው፡፡ ፓትርያርካችን ስማቸው አይጠራ ፎቷቸው አይታይ ያሉት አስተያየት ሰጪ በእርግጥ እኔ እስከማውቃቸው ድረስ ብዙ ጊዜ አስተያየታቸው በሳል ነበር፡፡ ነገር ግን ከሚያዩትና ከሚሰሙት ለሐይማኖታቸው ካላቸው ቀናነት የተነሳ በብስጭት የተናገሩት ይሆናል የሚል እምነት አለኝ፡፡ ቤተ-ክርስቲያናችን በዶግማና መጽሐፍ ቅዱሳዊ መሠረት ባለው ቀኖና ነው የምትመራው፡፡ ስለዚህ ቅዱስ ሲኖዶስ በዶግማና ቀኖና ከወሰነው ውጪ እንዲህ እናድርግ ማለት የኛ የኦርቶዶክሳውያን ተግባር አይደለም፡፡ ወገኖቼ እውነት እውነት እላችኋለሁ ይህን ስላችሁ ከናንተ በላይ አዋቂ ሆኜ ሳይሆን ለሐይማኖቴ ካለኝ ክብርና ፍቅር አንጻር ነው የምቀባጥረው፡፡ ብታምኑም ባታምኑም እኔ አቡነ ዘበሰማያትን እንኳን እስተካክዬ የማልደግም ሰው ነኝ፡፡

ከዚህ በተረፈ ሁሉም ነገር በባለቤቱ በእግዝአብሔር በቦታው በጊዜውና በሰዓቱ ይከናወናል፡፡ ምናልባት አሁን ቅዱስ ሲኖደስ የወሰነው ሁሉ ባይፈጸም ሐያሉ እግዝአብሔር ነገ ሐውልቱንም በመብረቅ በየደብሩ ያለውን ምስልም በአውሎ ነፋስ እንደማያፈርሰውና የቀረውንም ነገር እንደማያጠራው በምን እርግጠኞች ሆንን? ነው እግዝአብሔር ተአምር እንደሚሰራና ሁሉም ነገር በእሱ ቁጥጥር ሥር እንደሆነ ተጠራጠርን?


ቸሩ አምላካችን መልካሙን ሁሉ ያድለን፡፡ አሜን!!

መርከቤ ንጉሴ /ከአዲስ አበባ/

henon said...

hulachin yegna hatiyat be adebabay silaltegeltse anfired .egana erasachin betemekides mehonachinn eresten sint ensera yelem? anfired entsely . ersu ye mekdesu balebet yemiserawn yawkal.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)