October 29, 2010

ቅ/ሲኖዶስ ብፁዕ አቡነ ቀውስጦስ የአ/አበባ ሀ/ስብከት ሊቀ ጳጳስ እንዲሆኑ የደረሰበትን ውሳኔ አጸና

አርእስተ ዜና!!!!    
 (ደጀ ሰላም፤ ኦክቶበር 29/2010፤ ጥቅምት 19/2003 ዓ.ም):-
  •  ብፁዕ አቡነ ቀውስጦስ ፈቃደኛ እንዳልሆኑ የሚገልጽ ማመልከቻ ጠዋት ለሲኖዶሱ ያቀረቡ  ቢሆንም እስከ ግንቦቱ የርክበ ካህናት ሲኖዶስ ድረስ የአዲስ አበባ ሀገረ ስብከት  ሊቀ ጳጳስ ሆነው ለመቆየት ተስማምተዋል፤ የቀድሞውን ሀገረ ስብከታቸውን (የሰሜን ምዕራብ  ሸዋ - ሰላሌ) ደርበው ያስተዳድራሉ፡፡ 
በስደት የሚገኙት አባቶች
  • ቋሚ ሲኖዶሱ ተመርጠው የቀረቡት የርእሰ አድባራት ወገዳማት አክሱም ጽዮን ማርያም  ንቡረ እድ አባ ገብረ ማርያም የአዲስ አበባ ስብከት ሥራ አስኪያጅ ሆነዋል፡፡ አንዳንድ አባቶች ንቡረ እዱ ለአቡነ ጳውሎስ ካላቸው ቀረቤታ እና ብዙዎች ያልተቋቋሙትን የፓትርያሪኩን ጣልቃ ገብነት እና ተጽዕኖ መመከት ስለ መቻላቸው ከወዲሁ ጥያቄ እያነሡባቸው ይገኛሉ፡፡ በምትካቸው የመንበረ ጸባኦት ቅድስት ሥላሴ ካቴድራል ሊቀ ሥልጣናት የሆኑት የመጽሐፈ ቅዳሴ፣ የግብረ ሕማማት ሥርዐት እና የሌሎችም መጻሕፍት ተርጓሚው አባ ጥዑመ ልሳን  መተካታቸው ተዘግቧል፡፡  
  • በስደት ከሚገኙት አባቶች ጋራ የተጀመረውን ዕርቀ ሰላም የሚከታተለው ልኡክ አባል በውጭ ያሉት አባቶች ዕርቅ እንደማይሹ አድርጎ ያቀረቡት ሪፖርት ተቃውሞ ገጥሞታል፤ በውጭ ያለው የሽማግሌዎች ቡድን ያቀረበው ሪፖርት በንባብ ተደምጦ ተቀባይነት አግኝቷል፤ በቀጣይ የዕርቀ ሰላሙን ሂደት የሚከታተሉ ሰባት ብፁዓን አባቶች (ብፁዕ አቡነ ቀውስጦስ፣ ብፁዕ አቡነ ጢሞቴዎስ፣ ብፁዕ አቡነ አትናቴዎስ፣ ብፁዕ አቡነ ኤልሳዕ፣ ብፁዕ አቡነ ናትናኤል፣ ብፁዕ አቡነ      ገብርኤል፣ ብፁዕ አቡነ ገሪማ) በአባልነት የሚገኙበት ኮሚቴ ተቋቁሟል፤ እንዳስፈላጊነት በየሞያ ዘርፉ የሚራዷቸው ባለሞያዎች በሥራቸው ይመደቡላቸዋል፡፡  
  • በቀትር በኋላው ስብሰባው በቀረበለት የጠቅላይ ቤተ ክህነቱ ዓመታዊ በጀት እና በቀጣይ የቋሚ ሲኖዶስ አባላት የሚሆኑ ብፁዓን አባቶችን ምርጫ በማካሄድ፣ የደመወዝ ስኬል ስለ  ማስተካከል፣ ከየአህጉረ ስብከቱ በጽሑፍ በሚቀርቡ ችግሮችን በመስማት፣ በ29ው አጠቃላይ የሰበካ ጉባኤ ሪፖርት ላይ ውይይቱን በመቀጠል ያጸድቃል ተብሎ ይጠበቃል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)