October 28, 2010

ይድረስ ለቅዱስ ሲኖዶስ አባላት፤ ስለ ብፁዕ አቡነ አብርሃም 2 መግለጫዎች

የሚከተሉት ሁለት ጽሑፎች በዲሲ እና አካባቢው የሚገኙ የኢትዮጵያ ኦርቶዶክስ ተዋሕዶ ቤተ ክርስቲያን አስተዳዳሪዎች፤ ካህናት፤ የሰንበት ትምህርት ቤት እና የምዕመናን ተወካዮች፤ እንዲሁም አንድ ፍቅሩ አበበ የተባሉ ሌላ ምእመን በግላቸው የጻፏቸው ናቸው። እንደታነቡ እንጋብዛለን። በጽሑፎቹ የተገለጹት ሐሳቦች በሙሉ የፀሐፊዎቹ እንጂ የደጀ ሰላም አቋም ሆነ አስተያየት አይደሉም። ደጀ ሰላም ቀደም ባለው “ርእሰ አንቀጿ” መልእክቷን ማስተላለፏ ይታወሳል።
ቸር ወሬ ያሰማን፤ አሜን።
ደጀ ሰላም
             
በስመ አብ ወወልድ ወመንፈስ ቅዱስ አሀዱ አምላክ አሜን
በኢትዮጵያ ኦርቶዶክስ ተዋሕዶ ቤተ ክርስቲያን ለቅዱስ ሲኖዶስ አባላት  
ብፁዓን አበው ሊቃነ ጳጳሳት የቅዱስ ሲኖዶስ አባላት የጸሎታችሁ በረከት ትድረሰን እኛ በዲሲና አካባቢው የምንገኝ የኢትዮጵያ ኦርቶዶክስ ተዋሕዶ ቤተ ክርስቲያን አስተዳዳሪዎች፤ ካህናት፤ የሰንበት ትምህርት ቤት ተወካዮችና የምዕመናን ተወካዮች ረቡዕ ጥቅምት 17 ቀን  ባደረግነው አስቸኳይ ስብሰባ ለብፁዓን አባቶቻችን የሚከተለውን ተማጽኖ ስናቀርብ በታላቅ ትህትና ነው፡፡ ባለፈው ዓርብ ጥቅምት 12 ቀን 2003 .. የተጀመረው የቅዱስ ሲኖዶስ ጉባኤ ለቤተ ክርስቲያኒቱ እጅግ ጠቃሚ የሆኑ ውሳኔዎችን እያሳለፈ መሆኑን በአንክሮ እየተከታተለን ነው፡፡ ጥቅምት 17 ቀን በጳጳሳት ዝውውር እና ምደባ ላይ በቅዱስ ፓትርያርኩ በቀረበው የውሳኔ ሀሳብ ላይ የሀገረ ስብከታችን ሊቀ ጳጳስ የሆኑት ብፁዕ አቡነ አብርሃም መካተታቸውን በመረዳታችን ይህን የተማጽኖ ደብዳቤ ለብፁዓን አባቶቻችን ለማቅረብ ተገደናል፡፡

ብፁዕ አባታችን አቡነ አብርሃም የዲሲና አካባቢው ሀገረ ስብከት ሊቀ ጳጳስ ሁነው ከተመደቡበት ቀንና ሰዓት ጀምሮ ሀገረ ስብከቱን ለማጠናከር ይህ ነው ተብሎ በቃላት ለመግለጽ የማይቻል መስዋዕትነትን ከፍለዋል አሁንም እየከፈሉ ነው፡፡ ሀገረ ስብከቱ በቅዱስ ሲኖዶስ ውሳኔ ከተቋቋመ ጥቂት ዓመታትን ያስቆጠረ ቢሆንም በሀገረ ስብከቱ ተመድበው ለሚመጡ ብፁዓን አበው ማረፊያ ቤት ማለትም መንበረ ጵጵስና ባለመኖሩ ሀገረ ስብከታቸው ከነበረው ከኒውዮርክ ድረስ በህዝብ ማመላለሻ አውቶቡስ እየተመላለሱ  በዲሲና አካባቢው ያሉ ምእመናንን በማስተባበር የዲሲና አካባቢው ሀገረ ስብከት መነበረ ጵጵስና እንዲኖረው አድርገዋል፡፡

ወደ ዲሲና አካባቢው ከተዘዋወሩም በ=ላ የምሥራቀ ፀሐይ ቅዱስ ተክለ ሃይማኖት ቤተ ክርስቲያንን በመትከል በደሲና አካባቢው ያሉ ምእመናንን ትክክለኛው የኢትዮጵያ ኦርቶዶክስ ተዋሕዶ ቤተ ክርስቲያን ቀኖና በሚፈቅደው መልኩ አገልግሎት እንዲያገኙ ከማድረጋቸው በተጨማሪ ለህዝበ ክርስቲያኑ ዘወትር እሁድ ትክክለኛው የኢትዮጵያ ኦርቶዶክስ ተዋሕዶ ቤተ ከርስቲያን እምነትና ሥርዓት ምን እንደሆነ እያስተማሩ ምእመኑ ስለ ቤተ ክርስቲያኑ ሥርዓትና እምነት ግንዛቤ እንዲያገኝ እያደረጉ ይገኛሉ፡፡

ብፁዕ አቡነ አብርሃም ቀድሞ የኒውዮርክ ሀገረ ስብከት ሊቀ ጳጳስ በነበሩበት ግዜ እንዲሁም ወደ ዲሲና አካባቢው ሀገረ ስብከት ከተዘዋወሩ በ=ላ ከሰሩዋቸው ዓበይት ተግባራት መካከል፤-

  • በኢትዮጵያ ኦርቶዶክስ ተዋሕዶ ቤተ ክርስቲያን መዋቅር የታቀፉ በርካታ አብያተ ክርስቲያናትን ተክለዋል፡፡ የቺካጎ ሚካኤል፤ የኦሀዮ ገብርኤል፤ የሳውዝ ዳኮታ ኪዳነ ምሕረት፤ የአትላንታ አቡነ ገብረ መንፈስ ቅዱስ፤የኖርፎልክ አቡነ ገብረ መንፈስ ቅዱስ ፤የቨርጂንያ ረጉኤል ፤የኖርዝ ካሎራይና በዓታ ለማርያም፤የኬንታኪ ገብርኤልና የሜንፊስ ቅድስት ማርያም ለአብነት የሚጠቀሱ ናቸው፡፡
  • እንዲሁም ከኢትዮጵያ ኦርቶዶክስ ተዋሕዶ ቤተ ክርስቲያን አስተዳደር ገለልተኛ የነበሩ አንዳንድ አብያተ ክርስቲያናት ምእመናንንና የቦርድ አስተዳደሮችን ባላቸው የማግባባት ተሰጥኦ ቀርበው እውነታውን ገልጠው በማስታወቅ ወደ እናት ቤተ ክርስቲያናቸው እንዲገቡ አድርገዋል እያደረጉም ይገኛሉ ለምሳሌነት ኦክላሆማ ቅዱስ ጊዮርጊስ ና የኖርዝ ካሮላይና እግዚአብሄር አብ ይጠቀሳሉ፡፡
  • ፈርሶ ሊወድቅ ደርሶ የነበረውን የኒዎርክ ሀገረ ስብከት ሕንጻ ራሳቸው እንደ አንድ ሰራተኛ በመሆን ልዩ አድርገው በማሳደስ፤
  • በአንዳንድ አብያተ ክርስቲያናት በካህናትና በምእመናን መካከል አለመግባባት ሲፈጠር ፈጥኖ በቦታው በአካል ተግኝተው መፍትሄ በመስጠት፤
  • በሰንበት ት/ቤት አንድነት ጉባኤያት በመገኘት ወጣቱ ለቤተክርስቲያን አንድነት እንዲቆሙ በማድረግ፤
  • በገለልተኝነት ያሉ አብያተ ክርስቲያናትን በተለያያ ግዜ  ለውይይት በመጋበዝ ወደ መስመሩ እንዲመጡ ጥሪ በማድረግ፤

ብፁዓን አበው ሊቃነ ጳጳሳት፦

በሰሜን አሜሪካ  የኢትዮጵያ ኦርቶዶክስ ተዋሕዶ ቤተ ክርስቲያን ያለችበት ሁኔታ አስቸጋሪ መሆኑ ከእናንተ አባቶቻችን የተሰወረ አይደለም ከዛሬ አራትና አምስት ዓመት በፊት ካለው አሁን ያለው ለውጥ ከፍተኛም ቢሆንም ለዚህ ለውጥ መምጣት ደግሞ ፋና ወጊ የሆኑት ብፁዕ አባታችን አቡነ አብርሃም መሆናቸውን ስንመሰክር በልበ ሙሉነት ነው፡፡ ሥራው ተጀመረ እንጂ አልተገባደደም። ገና ብዙ መስዋዕትነትን ይጠይቃል። በዲሲና አካባቢው ያለን ካህናትና ምዕመናን በብፁዕ አባታችን መሪነት ሀገረ ስብከቱን ለማደራጀት፤ የራሳችንን ቤተ ክርስቲያን ለመግዛት እንዲሁም በአስተዳደር ከቤተ ክርስቲያኒቱ የተለዩትን ወደ ቤተ ክርስቲያኒቱ መዋቅር የሚመጡበትን ሁኔታ በማጠናከር ላይ ሳለን ይህ አስደንጋጭና ተስፋ አስቆራጭ ዜና በመሰማቱ የቤተ ክርስቲያኒቱ ልጆች የሆነውን ሁሉ አሳዝኖናል፡፡

ስለዚህ ብፁዓን አበው ሊቃነ ጳጳሳት በአርቆ አሳቢነታችሁ ተረድታችሁ ብፁዕ አባታችን የጀመሩትን ሥራ ይፈጽሙ ዘንድ ባሉበት ሀገረ ስብከት እንዲቆዩ በትህትና እናመለክታለን፡፡

ቡራኬያችሁ አይለየን፡፡  

በዲሲና አካባቢው የምንገኝ የኢትዮጵያ ኦርቶዶክስ ተዋሕዶ ቤተ ክርስቲያን አስተዳዳሪዎች፤ ካህናት፤ የሰንበት ትምህርት ቤት እና የምዕመናን ተወካዮች
ጥቅምት 17/2003 ዓ.ም

++++++++++++++++++++++++++++++++++++++++

ከግራ ወደ ቀኝ ብፁዓን አበው ኤዎስጣቴዎስ፣ ዘካርያስ እና አብርሃም (ሊቃነ ጳጳሳት ዘአሜሪካ)
ይድረስ ለቅዱስ ሲኖዶስ አባላት  

(ፍቅሩ አበበ የተባሉ ደጀ ሰላማዊ እንደጻፉት)                               

ይህን ጽሁፍመጻፍ ያነሳሳኝ በዛሬው ዕለት በቅዱስ ሲኖዶስ ስብሰባ በፓትርያርኩ አቅራቢነት ስለጳጳሳት  የሀገረ ስብከት ዝውውር በተመለከተ በይደር አጀንዳ የተያዘውን የተመለከተ ነው  ነው። ስለጳጳሳት ሲመትና ዝውውር በተመለከተ የቤተ ክርስቲያን ሕግ የሆነው ፍትሐ ነገስት በሚገባ በሥርዓቱ ዝርዝር አድርጎ አስቀምጦታል። አንድ ሊቀ ጳጳስ ለቤተ ክርስቲያን አግልግሎት ሲሾም  ክርስቶስ የሞተላቸውንና ደሙን ያፈሰሰላቸውን በጎች ያለምንደኝነት ጠባይ እንዲጠብቅ ነው። ይህም ክርስቶስ «አነ ውእቱ ኖላዊ ኄር» እንዲል እርሱም ቸር ጠባቂ መሆን ይጠበቅበታል። ምንደኛና ቅጥረኛ ከሆነ ግን ኃላፊነቱን በሚገባ  አይወጣም።ሞያተኛ ስለሆነ  ለሥጋው ድሎት ፈልጋል። ቦታም ያማርጣል የተሰበሩትን ለመጠገን የባዘኑትን  አይፈልግም። ለእርሱ ተራራውን መውጣት አቀበቱን መውረድ ሞት መስሎ ይታየዋል።ቤተ ክርስቲያን የእንደነዚህ አይነት ምንደኛ  እረኛች እንዳትሆን  ወደቤተ ክርስቲያን  ላይ የሚሰየሙ ኤጲስ ቆጳሳት ላይ ጥንቃቄ መደረግ ነበረበት ያ ሳይሆን ቀረና ዛሬ ቤተ ክርስቲያን በከፍተኝ ችግር ላይ ለመውደቅ ችላለች። ይህም የዛሬው የሲኖዶስ ስብሰባ በገሃድ እንዲታይ ካደረጉት ውስጥ፥

የዚህ ዓለም ፓለቲካ ባለሥልጣናት እንኳን የማይታይባቸው ገጽታ  በአባቶች ከዚህ እነሳለሁ አልነሳም ክርክከር አንዱ አሳዛኝ ገጽታ ነው። ይህም ድልድል ፓትርያርኩ አባቶችን ለመከፋፈል የተጠቀሙበት ዓይነተኛ ዘዴ ለመሆኑ ምንን ጥርጥር የለውም።

በአንዱ ሃገረ ስብከት የእረኝነቱን ተግባር በሚገባ  ያለተወጣን አባት ወደ ሌላ ሃገረ ስብከት መመደቡ ሰላማዊ የሆነውን ሃገረ  ስብከት ለችግር መዳረግ አይሆንም?  ለምሳሌ በሃዋሳ የነበረውን ችግር የሃዋሳ ሕዝብ ችግር ብቻ ሳይሆን የድሬደዋም ሕዝብ ችግር ነው ነገ በድሬ ደዋ ላለመፈጸሙ የሃዋሳ ችግር ምን ዋስትና አለው? የአንድ ቤተ ክርስቲያን መታወክ በዓለም ያለችው ቤተ ክርስቲያን ችግር መሆኑ ግልጽ ነው። ቤተ ክርስቲያን የአንዱ የክርስቶስ አካል ናትና። ዐይን ሲታመም የሰውነት አካል ሁሉ ይታመማል።

ብፁዕ አቡነ  አብርሃም በውጭ አገር ካሉ አህጉረ ስብከት ውስጥ የዲሲና አካባቢው ሃገረ ስብከትን በላቀ ደረጃ እንዲንቀሳቀስ  ያደረጉ አባት ናቸው። ምንም እንኳን ሃገረ ስብከቱን ከተረከቡ ሁለት አመት ያልሞላው ቢሆንም
በአጭር ጊዜ ውስጥ ያሳዩት የሥራ እንቅስቃሴ እውነተኛ  የቤተ ክርስቲያንን ልጆች አንገት ቀና ያስደረገ ነው። የቤተ ክርስቲያንን አንድነት ለማይፈልጉ በማስጨነቅ ላይ የሚገኝ ነው። በሃገረ ስብከታቸው ስር ባሉ ስቴቶች ደከመኝ ሰለቸኝ ሳይሉ  ሐዋርያዊና አባታዊ አገልግሎትን በመፈጸም ላይ ይገኛሉ።  እንድ ሰባኪና አገልጋይ እንኳን የአውሮፕላን ትኬት ሳይቆረጥለት ንቅንቅ በማይልበት በሃገረ አሜሪካ አስቸጋሪ በሆነ የአሜሪካን የክረምት ወቅት ውስጥ ሳይቀር የአውሮፕላን ጉዞ ሲቋረጥ  የዘጠኝ ሰዓት በላይ በመኪና በመጓዝ የተለያዩ አብያተ ክርስቲያናትን በየስቴቱ  ከፍተዋል። ትምህረተ ወንጌልን ሰጥተዋል። በበዓላት ላይ በመገኘት ከአገሩ እርቆ የሚገኘውን  ሕዝብ  በሐይማኖት እንዲጸና አገር ወዳድ ዜጋ እንዲሆን በማሰተማር የተሰጣቸውን ኃላፊነት በሚገባ እየተወጡ ይገኛሉ።
 የጥቅማጥቅምና የፓለቲካ አጀነዳዎቻችን ይዘው ወደ ቤተ ክርስቲያን በመግባት የቤተ ክርስቲያኒቱን አቅጣጫ እንደፈለጉ ሲመሩ የነበሩ ሰዎችን ሳይፈሩ  በሐይማኖታዊ አቋማቸው ስለቤተከርስቲያን መስክረዋል።  አንገብጋቢ የሆኑ የቤተ ክርስቲያንን ጉዳይ በማንሳት ከምእመናን ጋር ግልጽ ውይይት በማድረግ ለሚጠየቁት ጥያቄ በቂና ሙሉ መልስ በመስጠት የማያሳፍር  አባት በመሆን መልስ  ሰጥተዋል ። በቤተ ክርስቲያን አገልግሎት ብቻ ሳይወሰኑ የሰንበት ት/ቤ ወጣቶችን ለብቻቸው ሰብስቦ በማስተማር ሐይማኖታቸውን እንዲጠብቁ ቤተ ከርስቲያንን  እንዲያገለግሉ በመምከርና በማበረታታት  አባታዊ ገዴታቸውን ተወጥተዋል። ለህጻናትና በዚህ አገር ለተወለዱ አዳጊ ህጻናት ትኩረት እንዲሰጥ ሁል ጊዜ ከማሳሰብ ወደ ኃላ የማይሉ አባት ናቸው።

ብፁዕ አቡነ አብርሃ በኒዎርክ ሀገረ ስብከት ቀደም ሲል በነበሩበት ጊዜ ተረስቶ የነበረውን ሃገረ ስብከት በማዋቀር በሥሩ የነበሩት አብያት ክርስቲያናት ኅብረት ባማጠናከረና አዳዲስ በመትከል በቀዳማዊ ኃይለ ሥላሴ አማካኝነት ተግዝቶ በእድሜና በተመላካች እጦት ምክንያት በመፈራረስ የነበረውን  ህንጻ ምእመናንን በማስተባበርና ራሳቸው እንደ አንድ የቀን ሰራተኛ በመሆን በአቦራና በፍርስራሽ ውስጥ ሲሰሩ በመዋል እንጻ ቤ/ ክርስቲያኑ እንዲታደስ አድርገዋል።  በዲሲና አካባቢው ሃገረ ስብከት ከተመደቡበት ጊዜ ጀምሮ ብዛት ያላቸውን ሥራዎች አከናውነዋል። አሁንም ይህንን በምጽፍበት ጊዜ በዲሲና ኬንታኪ በሚባለው ስቴት ታላላቅ የቤተ ክርሰቲያን ሥራ በመስራት ላይ ይገኛሉ።  እኔ የማውቀውን ብጠቅስ እንኳን።
         ሃገረ ስብከቱ የራሱ መንበረ ጵጵስና እንዲኖረው አድርገዋል።
         ከእናት ቤተ ከርስቲያን ውጭ የነበሩ አብያተ ክርስቲያናትን ወደ መዋቅር  ውስጥ አስገብተዋል።
         ለምሳሌ ኖርዝ ካሮላይና እግዚአብሔር አብ
 ኦክልሃማ ገነተ ጽጌ ቅዱስ  ጊዮርጊስ ከገለልተኝነት ወደ እናት ቤተ ክርስቲያናቸው የገቡት በብፁዕነታቸው ያላሰለሰ ጥረት ነው። አዳዲስ አብያተ  ክርስቲያናትነ  በቻርለት በአታ ለማርያም
                                          በአተላንታ አቡነ ገብረ መንፈስ ቅዱስ
                                           በኬታኪ  ቅዱስ ገብርኤል
                                           በዲሲ አቡነ ተከለ ሐይማኖት
                                           በዲሲ ዳላስ ራጉኤል ቤተ ከርስቲያን  ለማቋቋም ችለዋል።
ከዚህም ሌላ በሃገረ ስበከቱ ሥር ያሉ አብያተ ክርስቲያናትን  ከካህናት የወጣቶችና የምዕመናንን ተወካዮች በመሰበሰብ ለሃገረ  ስብከቱን በሥራ አስፈጻሚ ለመጀመሪያ ጊዜ እንዲቋቋም አድርገዋል።

የሦስቱንም ሃገረ ስብከት ሊቃነ ጳጳሳት  በመንበረ  ጵጵስናቸው በመሰብሰብ በአንድነት እንዲሰሩ ያደረጉት እንቅስቃሴ ከፍተኛ ቦታ የሚሰጠውና ለቤተ ከርስቲያን አንድነት ፍላጓት ለሌላቸው ራስ ምታት የሆነ ጉዳይ ነበረ።
የሰሜን አሜሪካን ሰንበት ት/ ቤቶች አንድነት ጉባኤ በሥርአት እንዲጓዝ የቅርብ ክትትል ማድረጋቸው የማህበረ  ባለወልድን ማሕበር በቤተ ክርስቲያን ጥላ ውስጥ እንዲገባ ማድረጋቸው በማሕበረ  ቅዱሳን የሥራ እንቅሳቃሴ በጎ ምልከታ ማሳየታቸውና  ማበረታታቸው በዓመታዊው ስብሰባም ላይ እየተገኙ አባታዊ  ምክርን መስጠታቸው በሥደት አገር ላይ ላለው ወጣት እፎይታን ሰጥተውታል። ስለዚህም ነው በወጣቱ ልብ  ውስጥ ገብተው የአንድነትን መንፈስ እንዲቀጣጠል አደረጉት።ስለዚህም በምእመናንና  በወጣቱ ዘንድ መወደድና መከብርን ሊያገኙ ያቻሉት እንዲሁ በስመ ጳጳስ ስለሆኑ ብቻ ሳይሆን  ሥራ ሰርተው የማሰራት ብቃት ያላቸው አባት ሆነው በመገኘታቸው ነው።

ይህ ሁሉ ሥራ የተሰራው በአገር ቤት አባቶች እንደሚከበሩ ተከደረውና  በአለጋ ላይ አልጋ ሆኖላቸው  አይደለም።  በውስጥ ቢጽ ሃሳዊያን ሥራቸውን ለማጨናገፍ ብዙ ጥረዋል። ሕዝቡ እውነቱን እያወቀ ሲመጣ ጥቅማቸው ሊቀርባቸው መቃረቡን የተረዱ ገለለተኛች ነን የሚሉ በየጊዜው እስከ ፓትርያሪኩ ድረስ በመሄድ አሉባልታ ማናፈሳቸውና ለማሰነሳት በተቻላቸው መንገድ ሁሉ ጥረት አድርገዋል። ሕጋዊ ሲኖዶስ ነን ስለሚሉ በልበ ሙሉነት ስተታቸውን መመግለጣቸውና  ሕዝቡም ምንነተቸው እየተረዳው በመምጣቱ የእግር እሳት ሆነውባቸዋል  በውጭና በውስጥ በጥላቻ  የፖለቲካ የተሞሉ ሰዎች  የሚያደርጉትን ጦርነት በመቋቋም ነው። ለሚጠየቁት ጥያቄ ጥበብ የተሞላ መልስ መስጠታቸው። የፖለቲካ ተቃዋሚዋች ችግር ሊፈጥሩቦት ይችላሉ ሲባሉ ወደ ኃላ ሳይሉ በተቃዋሚዎች ሳይደነግጡ  የቤተ ክርስቲያኒቱን አቋም በግልጥ በመመስከራቸውና በተለይም በውይይት የማይፈታ ነገር የለም በሚል የዘወትር አቋማቸው  በመወያየት ብዙ ነፍሳትን ወደ እናት ቤተ ክርስቲያን ማርከዋል።   ነገሮችን ሁሉ በውይይት የመፈታት ብቃት ያለው ከውጭ አገር ካለ ባሕሪይ ጋር «ዘጸሐፍኩ ጸሐፍኩ» የሚል ጲላጦሳዊ ግትርንት የሌላቸውና እኔን ብቻ ስሙኝ የማይሉ አባት በመሆናቸው በብዙ ነገር ልቦናው የሻከረባቸውንና ምእመናን ልብ በማለስለስ ወደ እናታቸው ቤተ ክርስቲያን መለሰዋል ።   ለኢትዮጵያ ቤተ ክርስቲያን የዲያስፖራ አገልግሎት ጮራ ፈንጣቂ አባትም ለመሆን በቅተዋል።

ታዲያ ይህን ሁሉ ለሰራ አባት ቢያንስ በርታ  ማለት ሲገባ ማዘዋወርን ምን አመጣው? ምንስ  ተልዕኮ  ቢኖረው ነው? «አገሬ ኢትዮጵያ ሞኝነሽ ተላላ የሞተልሽ ቀርቶ የገደለሽ በላ» እንዲሉ  ፓትርያርኩ ለአጥፊዎች ለዘራፊዎች አሜሪካን ላይ ዋሻ ሲያዘጋጁ ምንም ያልሰሩትን  ምን እየሰራችሁ ነው? ብለው ሳይጠይቁ   ሐውልት በቁም ሳሉ ለሰሩልዎት  በአደባባይ ትላንትና ሲሸልሞቸው ዛሬ ምን  እንደተሰማዎ የልብዎን ባውቅ መልካም ነበረ።  ቅዱስ ፓትርያርክ ሆይ የኢትዮጳያ ቤተ ክርስቲያን በታሪክ ሂደት ውስጥ እንደርስዎ ግራ አጋቢ አባት ገጥሟት አያውቅም። አላማዎትን ለማወቅ በጣም ይከብዳል። ሰው የሚወደውን ለምን እንደሚጠሉ  ሁሌ ግራ ይገባኛል። የቤተ ክርስቲያን ልጆች የሆኑትን ለመስማት ሳይፈልጉ ለምን ሕግና  ሥርዓት አፍራሽ የሆኑትን  የሰማሉ? በእርግጥ ለሰሜን አሜሪካን ችግር መነሻ መሆንዎን የግብር ልጆችዎ < ገለለተኛ ነን >  የተማርነውም  ከአቡነ ጳውሎስ ነው ይላሉ ዛሬም ለእርስዎ ቅርብ ናቸው። ምናልባትም ገለልተኛችን ለመቃወም የሞራል ብቃት ያንስዎት ይሆን?  ሕዝቡን ሲያታልሉት እዚህ የእርሶ ተቃዋሚዎች ናቸው። እርስዎ ጋር ሲመጡ ወዳጅ ናቸው።  እናም ቅዱስነትዎ እባክዎን ዛሬም ጊዜው አለመሸቦትምና ለቤተ ክርስቲያን የሚበጅ ሥራን ሥሩ። ያቀረቡትንም የዝውውር ጉዳይ በጥሞና እንደገና ይዩት።

ብፁዐን አበው ሊቃነ ጳጳሳት እንደ አንድ ቃል ተናጋሪ እንደ አንድ ልብ መካሪ ሆናችሁ የወሰናችሁት ውሳኔ በዓለም ያሉ ልጆቻችሁን አስደስታችኃል። ጸጋውን አሁንም ያብዛላችሁ። ኢየሀድገክሙ እጓለ ማውታ ትኩኑ ያለው ዛሬ ተፈጽሞል። የተሰበረ ልባችን ተጠግኖል። እግዚአብሔር እንባችንን አብሶታል። ሁሌም የምንኮራባችሁ ያድርገን።   በዛሬው የቅዱስ ሲኖዶስ ውሏችሁ ፓትርያርኩ ያቀረቡትን የአባቶችን ዝውውር በጥንቃቄ ልታዩት የገባል። በተለይም በብዙ ችግር ውስጥ የምትገኘው የሰሜን አሜሪካን የዲሲና አካባቢው   ሃገረ ስብከት ሊቀ ጳጳስ አቡነ አብርሃም የነሳሉ መባሉና በእርሳቸው ምትክ ይተካሉ  የተባሉ አባት ከዚህ በፊት ከተመደቡባቸው ቦታዎች አንጻርና  ከሰሯቸው ሥራዎች አንጻር ምን ያህል በዚህ በውጭ ላለችው ቤተ ክርስቲያን ፈታኝ መሆኑ ለመናገር ነቢይነት የሚያስፈለገው አየመስለኝም። ስለዚህ ብፁዐን አበው ሊቃነ ጳጳሳት  እየተቀጣጠለ ያለው የእናት ቤተ ክርስቲያን የአንድነት ችቦ እንዳይጠፋ በሃገረ ስብከቱ እየተሰራ ያለው ሥራ  እንዲቀጥለ  ማድረግ የሚቻለውና ሊቀ ጳጳሱ  ከቦታው ላይ ሳይነሱ ሲቀር ብቻ ነው።  ሰለዚህ በአሜሪካን ይህ ሃሳብ ከተሰማበት ጊዜ ጀምሮ በእናት ቤተ ክርስቲያን ወስጥ ያሉት ምእመናን ወጣቶች የሃዘን ድባብ ውጧቸዋል። የእናንተን የመንፈሳዊ አርበኛች ውጤት በጉጉት እንጠባበቃለን። በረከታችሁ አይለየን።

          
    


22 comments:

Anonymous said...

Dear Dejeselamawyan,

It is not fair to mentions individual fathers and this may take be considered as separation by itself. However, I agree on the issue mentioned.

ene negn mechem metegnat yelem zare said...

Amen Amen Amen!!!!!!!!!!!!

Ze-egzine said...

You are really trying to disseminate your need not of what should be done for the Church.

Previously we were saying the Synod should make decisions. Now you are trying to void the decisions by the Holy Synod.

You are making discrimination among the fathers. Really You are making bad things. Your hidden agenda is being revealed.

Anonymous said...

what a woderful article about abune Abrahm. he is one of the fathers who are tring to follow God words. I didn,t see anyone at his position who said i can be mistaken , please tell me that.kentu wedase endihonebo lelawen alenagrem .our fathers please don,t let make this mistake .Abune Abraham suppose to be in atleast a few more years.

Anonymous said...

I am amazed by the silence God I wonder why He can't give us a solution with Abba Paulos. I pray that He will keep Abune Abreham here so that, with the help of God, he can finish the wonderful work he has started.
May God hear our prayers!!!

Abd el Anna from L.A.

123... said...

በ አዲስ አበባ የምትገኙ አጥብያ ሰበካ ኃላፊዎች፣ሰንበት ትምርት ቤቶች፣ ምአመናን ሰላማዊ በሆነ መንገድ ዛሬውኑ ጉባኤው ሳይጠናቀቅ ቤተክህነት ዙርያ ሆነው ፓትርያርኩ አንዲአርፉ አና በፀሎት አንድወሰኑ ይጠይቁ
ብፁዓን አባቶቻችን አስካሁን የተገኙት ማስረጃዎች ከ በቂ በላይ ይመስሉኛል ።
አንድ የ ሃይማኖት አባት ለራሱ ሀውልት መስራቱን ልክ ነው ከማለት በላይ ፣ በ ገንዘብ ቅሌት ከመዘፈቅ በላይ፣ቤተክርስትያንን ከመክፈል በላይ ምን ይጠበቃል ???
አነኝህ ጥፋቶች አንድ ተራ ካህንን አንኩአ ከ ክህነት አያሽሩም ወይ ? የምመናን ጥያቄ ነገ አዲስ አጀንዳ ለመያዝ መነሻ ይሆናችሁአል ።ወስኑ አና ገላግሉን !!!!
ከ አዚህ ጊዜ የተሻለ የለም። Pathrariku ካሁን ቤሁአላ አደገኛ _____የሚሆኑበት ወቅት መሆኑን አገምታለሁ ።
ሰበካ ጉባያት፣ ፣ሰንበት ትምርት ቤቶች... አይመለከታችሁም ????

Soliyana said...

Ho my God tadelachu Dc yalachu memenan endh yale abat bemagegntachu edelegnoch nachu egna gen BE JERUSALEM YEMINGEGN MIMENAN EREGNA ATEN YEHEW HIZBU TEBTNO TEFTOAL minew Abune Matiyasen bikeyrulin ena endh yemisera abat bilakiln abune matiyas betam LEZEBTEGNA ,SELERASACHEW ENJI SELMIMNU YEMAYASEBU ,HIZBUN ENA SIBKETE WENGELUN YE eMBASY BALESELTANAT LESEBSEBA HIZBUN LEMANAGER SIMETU BECHA KALHONE YET NACHU MIN EYTESERA NEW BELEW yemaymelketu abat nachew betam tesfa adrgen neber esachew tenstew ende Abune Qewustos hizbun be enba eyastemare yemisebseb abat nafekenal ebakachu be ALEM yalachu mimenan Jerusalem yalechwan gedamachun ena hizbun betslotachu asebu asebu asebu yehenin selachu enbayen eyafeseskugn new min alebat bezu abatoch alu aydel wey endet techgeru belachu tasebu yehonal neger gen abatoch bemulu wede ager bet endaymelesu selmiferu ena be edemem yareju selhonu yemisemut ye Aba Paulosen demts new hulum lerasu enji lehizbu ged yelum be samint ande enkun lemikedsut kedase eytenechanechu new becha ye DC mimenan andent saneb weste tenekana besoten lemetsaf tegededkugn egna ezh be menafkan hizbachin eytwesedbebn alekoal EGZIABHER LELIJOCHU YEMICHNEK ,YEMIYASEB EWUNETEGNA ABAT YESETEN ZEND TSLIULEN PEASE .Min albat balfew abune Matiyas be voa sele abune Paulos aseteyayet sisetu bezuwochachu adenkachu yehonal gen negeru ALESEMEN GEBA BELEW new mejemriya esti hagere sibketachewun yatenakiru hizbun ewenetegna eregna hunew yimiruany way sele Jerusalem gedamat zirzir huneta lela gize besefiw yemitsflachu yehonal yene Aba Paulos kegn ejoch ezhim aluna eskezaw ebakachu ahunm bedegami yemasasbachu yetewededachu mimenan hizbachin betkula eytentek newuna tsliulinn.

yemelaku bariya said...

አባቶቼ ብጹዕ አቡነ አብርሃምን ማንሳት ለምን አስፈለገ? ለሚዘዋወሩት አባቶች የዝውውራቸው ምክንያት ምንድነው? ለመሆኑ ፓትርያርኩ ምክንያታቸውን ያቀርባሉ? አሳማኝስ ነውን?
ነገር ግን ህገ ቤተ ክርስቲያንን ለማስከበር ቁርጠኝነቱ ካለ ይች እንኳ ትሁን የምትሏት ቀላል ነገር ማለፍ የለባትም:: ያች ቀላል የመሰለቻችሁ ያለፋችኋት (ካለፋችሁማለቴ ነው እንጅ አልፋችኋል ማለቴ አይደለም) ችግር ታድግና ሌላ በሽታ ታመጣለች እናም ምንም ነገር ባይታለፍ ውጤታማ የምትሆኑት እናንተ ናችሁ:: እኔ አቡነ አብርሃም ለምን ይዛወራሉ ብየ ለመከራከር አላሰብኩም ነገር ግን ነባራዊ ሁኔታው እዚሁ ካሉበት ቦታ እንዲቆዩ ያደርጋቸዋል:: የአቡነ ጳውሎስ አስተዳደር ያለ በቂ ዝግጅት ለሚላኩበት አገልግሎት እና ለተላኩበት አካባቢ የሚመጥን ዝግጅት ሳያደርጉ የሚልካቸው አባቶች እዚህ ሲመጡ አካባቢውን ለመልመድ የሚዎስድባቸው ጊዜ ይህ ነው አይባልም:: አቡነ አብርሃም ይህንን ችግር እንደ ተራ ሰው ራሳቸውን ዝቅ አድርገው በትህትና ተቀብለውት ችግሩንም አልፈው በአካባቢው ያለውንም ችግር ተረድተው ለመፍትሄ የሚሆኑ ሃሳቦችን ይዘው በመንቀሳቀስ ላይ ያሉ አባት ናቸው:: ታድያ ይህንን ሁሉ መስዋዕትነት ከከፈሉ በኋላ መስራት ሲጀምሩና ሥራቸውም ውጤታማ መሆን ሲጀምር የጀመሩትን እንዲጨርሱ ማደፋፈር የበለጥ እንድሰሩ ማበረታታት እንጅ ማንሳቱ የገቢ አይመስለኝም:: ለዚህ ደግሞ ማስረጃ የሚሆነው አድስ የሚመጡት አባት ምንም ሳይሰሩ ስለአካባቢው ሲማሩ ችግሩን ሲያጠኑ ሌላ ሁለትና ሦስት አመት ይሆናል አገልግሎት ወደኋላ ይሄዳል:: እዚህ ያለን እናት ቤተ ክርስቲያንን የምንከተል ሠዎች እኮ (አብዛኞቻችን) በራሳችን ድካም እንጂ እኮ ሰብሳቢአግኝተን የተሰበሰብን እኮ አይደለንም አሁንአቡነ አብርሃም ግን በራሳቸው ያልተሰበሰቡትን እየሰበሰቡ ጠላትም ከምርኮው እየተቀማ እያዘነባቸው እንዳለ እናውቃለን:: ታዳ አቡነ ጳውሎስ የቤተ ክርስቲያንን ጠላት እንባ መጥረግ ነው ሥራቸው ማለት ነው:: ወደ ቤተ ክርስቲያን የተመለሰውን ሕዝብ ወደነበረበት የጠላት ጉባኤ ሲመለስ ማየትን ነው የምናፍቁ ማለት ነውን? እናንተ አባቶች ግን ይህ የሲኖዶስ ስብሰባ ላይ እንዳየነው መንፈሳውዊ ተዋጊዎች መሆናችሁን አረጋግጣችሁልናል ነገር ግን አንበሳውን አቁስላችሁ አትተውት ሲድን ያጠፋናል እናም እባካችሁ የጳጳሳቱንም ምደባ በእውነት ለቤተ ክርስቲያን እንደሚጠቅም እንዲሆን እንጂ እናንተን ለመከፋፈል፣ ሥራና ሠራተኛን ለማለያየት፣ የበቀል በትር እንዳይሆን በጥንቃቄ እዩልን:: ሌላው በአንዱ አገረ ስብከት ጥፋት የፈጸመን እንደ ጥፋቱ (የሃይማኖት ችግር ከሆነ ለዛ የሚገባውን ሥራ አለመቻል ከሆነ ሥራ ለመቻል የሚያስችለውን ሥልጠና ቢጠ ማስዎሰድ ነው እንጂ ከሌላ አገረ ስብከት ልክ ሙሉ እንደሆነ አገልጋይ መላክ የለበትም ያስ ሕዝብ የቤተ ክርስቲያን ልጅ አይደለም ወይ:: የአቡነ አብርሃምን በዚህ አገር ያለ አገልግሎታቸውንና ድካማቸውንግን ከማንም በላይ የማውቀውን ነው የተናገርኩት እሳቸው ኒውዮርክ ሃገረ ስብከት እያሉ ብዙ ሰው ወደቤተ ክርስቲያን መልሰዋል አሁንም ይህንኑ ነው እያደረጉ ያሉት እና ከማበረታቻ ጋር ይቀጥሉልን::
አባቶቼ እግዚአብሔር ሠላሙን ጤንነቱን እና አንድነቱን ሠጥቷችሁ የተበተነውንየቤተ ክርስቲያን ልጅ ለመሰብሰብ ያብቃችሁ::

Anonymous said...

I have accepted the "egizene"idea.

In one side, we are saying the holy synod is doing good thing and in other side he is making bad.Is that good?
Please, this is undemocratic. Where ever Abune Abrham or else is assigned it is for the development of the church.

Anonymous said...

Dear Dejeselam

Thank for all updated information,

As other dejeselamyawin commented try to make the issues genral, please donot mention any individual. Who knows Abun Petros will be also a better bishop, Abun Abraham may do good things in our Abent school and monasties in Gojam.

melkam wiloo

Me said...

“እርሱ እግዚአብሔር ነው ደስ ያሰኘውን ያድርግ” ፩ሳሙ፫፡፲፰

Anonymous said...

Once again, the Holy synod has prevailed! The Europe and N. America Arc bishops will not be transferred. They stay where they are. Thank God for the wonderful decision by our fathers.

Gebre Hanna

Anonymous said...

ይድረስ ለፍቅሩ አበበ እና ለደጀ ሰላማውያን፣
ፍቅሩ አበበ የተባሉ ምዕመን ከጻፉት ማመልከቻ ውስጥ ‹‹…አንድ ሰባኪና አገልጋይ እንኳን የአውሮፕላን ትኬት ሳይቆረጥለት ንቅንቅ በማይልበት በሃገረ አሜሪካ አስቸጋሪ በሆነ የአሜሪካን የክረምት ወቅት ውስጥ ሳይቀር የአውሮፕላን ጉዞ ሲቋረጥ የዘጠኝ ሰዓት በላይ በመኪና በመጓዝ የተለያዩ አብያተ ክርስቲያናትን በየስቴቱ ከፍተዋል፡፡›› የሚለውን ሳነብ በጣም ገረመኝ፤ አዘንሁምም፡፡ በርግጥ ብፁዕ አባታችንን አላውቃቸውም፤ የተጠቀሰው ሀሳብ ግን እንደ ትልቅ ገድል መቆጠር የለበትም፡፡ ኢትዮጵያ ውስጥ እኮ አሁንም አይደለም በመኪና፣ በበቅሎና በእግር ብዙ ቀናትን በጣም በዕድሜ ያረጁ ብፁዓን ጳጳሳት ተጉዘው አብያተ ክርስቲያናትን እያንጹ ነው ወንጌልንም እየሰበኩ ነው፡፡ ደግሞስ ጵጵስና የተሾሙት አብያተ ክርስቲያናትን ሊከፍቱ እኮ ነው፡፡ በዚህ ከቀጠልን ለወደፊቱ የጳጳሳትን መልካም ሥራ ስንጠቅስ ‹‹እርሳቸው እኮ ይጾማሉ፣ ያስቀድሳሉ፣ የንግሥ ይገኛሉ፣ …›› እንዳንል እሰጋለሁ፡፡
በነገራችን ላይ ብፁዕ አባታችን መልካም ሥራ አልሠሩም እያልሁ አይደለም፡፡

Dan said...

ይሄ ለአባ አብርሃም ለአባ ሳሙኤል ለአባ እከሌ ቆመናል ብላችሁ
ሰማይ አድርሳችሁ የምትክቡ ተአምር እየሰራልን ነው አይነሳብን ይመለስልን
እያላችሁ የምትዘባርቁ የሲኖዶሱን ውሳኔ አትፈታተኑ

Anonymous said...

I love the service of Abune Abreham. But i was extremely disappointed how some zemarians and alleged clergy are disappointed over his assignment in another spiritual mission. When was St Peter and St Paul and other evangelists and disciples sat in one place and ever felt mission accomplished? I denounce any sentiment that makes bishops and arch bishops indispensable for one location and one responsibility alone. By the way who is so demeaning to Ethiopia that says do not go back to that Kidist Hager! If Abune Abreham is the best for America, so desrvingly he has to work for christians in other places including those in Ethiopia! I think DC area Politicians and many wolves in sheep's skin must have infilterated the christians in DC area to stumble Abune Abreham and to soil his spiritual mission. If I were in a position of authority within the Holy Synod, I would have Abune Abreham assigned in the remotest areas of Ethiopia where Menafikan and stiff-necked atheists are roaming. If he is so devoted and capable of giving exceptional spiritual service to us here in DC area,then I want his grace and service to even save thousands of strayed sheeps in Ethiopia in varying places. I want him to go back to Ethiopia immediately to save the daily lost flocks in various regions of Ethiopia and not rub his shoulder here in America with deceptive Christians. I feel that he lost his quality spiritual leadership time by spending energy and time on unproductive interlocution with divided Christians who very well know that if they live with sin and transgression they will inherit Lucern's Kingdom. I rather want him to open the eyes of the uneducated and the unlucky pagans and non-christians living in rural and remote locations of Ethiopia. I want him to teach, baptize and convert thousands and even millions of lost flocks who never knew Jesus Christ, his blessed mother St. Mary and the various holy saints. Please stop the hypocracy of sending the wrong message by insisting his stay in DC when in fact his spiritual and evangelical knowledge, preaching and christian service is badly needed in Ethiopia where the culture and crass materialism of Babylon is abounding. Let me assure you in DC area, we are very lucky to have the best preachers and priests to keep the original orthodox faith and canon. We do not even need any bishop or archbishop until the divided Synod is reconciled and our spiritual leaders come to their senses to respect each oyther and to be truly devoted to God by living the way Peter, Mark, Mathew, John, Luke, Paul, James, Timothy, Barnabas and others lived.Unity in the spirit of the Holy Ghost!!

Anonymous said...

Selam,

Trying to post again,

Be mejemerea kelaye yalewune yetsafute gelesebochem yehune budenoch manenetachewune bezerezer metekese alebachewu, Be defenawu "ye akababiwu ..." yemilewu ayegeletsewum. Enem ezihu akababi silalehu enene yemiwokele ayemeselegnem.

Beterefe egna yemenedegefewu siwosen AMEN neger gene sanefelegewu sinekere BE FITSUME malete yemigache hasabe newu.

Sile abune abereham hulune lemenagere merejawu bayenoregnem ene enkuwane ke mawekewu, be akababiwu yalu be teleye ke geleletegna bete kiresetiyanate abalate wotachen bemeyaze mejemeria be mister wuste wustun sera seretewu sijemere yegeleletegnochun senebet temeherete bete kezam ketechale demo betekelalawu betekerestiyanun le masamets ena belom lemaferese yeteserawu sera kelale neber? Degemos yehe newu weye andenete mamecha menegede? Beza laye gena bemadege laye yalu wotatochene yezo negere gene lelochune abatoch wede gone arego yeteserawu sera yemiresa newu? Le abenet ahune tekelehaimanot yalu agelegayochene eyu ke ye senebet temeherete bete yetemelemelu bichilu sewu yezewu endimetu kalechalu demo erasachewu telewu awegezewu endemitu yetederegu nachewu. So ezih laye abatachene tesasetewu neber elalehu - negerachewune ke lejoch gare neber yaregute. Esti negerugn ande abate ke lela betekerestiyane ahune aberoachewu yale?

Be tegegnewu agatami "Ye taote bete" weyem "Gebeya" eyalu lelochune meweref yemayeferu lejochen meyazachewu newu netebe yasekoterelachewu? Adarashe atasetemeru yelu yeneberu adarashe sega ena demun mefetete newu yemikelewu?

be gelesebe bete tesebesebo leke ende abiyote mefenedate yale akuwm yezewu yetenesu wotatochen yezo le betekeresetiyanachewn meneme mefetehe ayehonem. Ategebachewu yalu wotatochen ashagerewu hulum meemn biyasebu melekam yemeselegnal. lelawu seru weyem eyeseru newu yetebalewune negere Geta ke fitsme endiyaderesu be andem be lelam yeredachewu.

Abatachene egnam lejochewu ne ena ebakewone be semete wuste honewu hoye hoye kemilu wotachew alefe belewu yeyun.

Amen

Deje selamoch bitawotulegn des yelegnale. Kale honem enanet anebebachihutal.

Ze Amde Himanot said...

The above two anonymous’ and those who have nonconstructive thoughts and suggestions,

Why do you waste your time trying to disseminate useless accusations about a father whose works speak for itself. I see that you are not very happy with the fact that His Grace, Abune Abraham is staying to finish the work he has started by the will of God. Do not pin your problems on Sunday school students and “mezemran”. We know what is true and what is a lie. We are not falling for your traps. I know for sure that you and your cronies are scared the fact that many children of God are going to know about the true teachings of our faith and come back to their rightful place through the teaching and actions of His Grace. This is God’s will that His Grace is staying to continue the good and “Tewahido'awi” work. Stop deciphering your poisonous thoughts and come to your senses, repent, and start to serve the house of God. God does not hold grudges. May the God of Abraham, Isaac, and Jacob help His Grace to continue the good work and keep all of us to stay on the right track, which is Tewahedo. Amen!!!!!

Abd el Anna

Anonymous said...

You do not speak for all of us. Abune Abreham is a member of Mahebere Kidusan. that is why you are trying to save him.

Anonymous said...

To: Ze Amde Himanot

Thank you for your comment and and I am again one of the Anny...

I think you didn't read my writing very well. I said may God help Abune Abreham to finish his work and that I don't know that much about him....!!!

Anyways I was talking about the things those youths were doing while they were in other church service. As I know chirstiniaty is soemthing that you witness on an open stage but not soething you do wiht secret without showing your true intention. What those (current servants of God in Tekelehaimanot) wer doing is that acting as if they are going to take part in a revolutionary type of fight for there church and they start by declaring the war in one of the young private house.

May be you are part of that group and you may recall teh advice given to these youngs not to do such act by the name of saving the our church. If you are not one they will rememeber for sure.

During this time Abune Abraham was reminded that he is working with kids but not with Abatoch and to reconsider the strategy by some church fathers.

Thats what I ma talking about. It is not becuase I have any hedden ageneda or as you said .....

Who says no to these people not to lables those going to other churchs that they are going to to "Ye taote bete" OR "Gebeya". Is that the way to teach people? Or tell me where Abune Abreham teachs those do not do such labling on those who ....

Ezihe metomere mechale eko lelayegnawu bete meserete lemetal beqi ayaregem ... wendeme Ze Amde Himanot.

Be cherenetu yemarene enji, egnas seram yelen.

Amen

Anonymous said...

በስመአብ ወወልድ ወመንፈስ ቅዱስ አሕዱ አምላክ፡፡ አሜን!!
ወገኖቼ በቅድሚያ እኔ ምንም የማላውቅ ሐጥእ ሰው እንደሆንኩ ይታወቅልኘ፡፡ ነገር ግን የምሰማውና የማየው አስተያየት እንድሰጥ አስገድዶኛል፡፡ በውጭ ሃገር የምትኖሩ ኦርቶዶክሳውያን እውነት የኛን ኦርቶዶክሳውያን አንድትና ሕገ-እግዝአብሔር መጠበቅን ትመኛላችሁ? አዎን ካላችሁ ታዲያ ለምን እውነተኛ የሆነ እውነተኛ ያልሆነ ሕጋዊ የሆነ ሲኖዶስ ሕጋዊ ያልሆነ ሲኖዶስ እያላችሁ ለምን መከፋፈልን ትፈጥራላችሁ? እንዳይነኩብን የምትሏቸው አባት ጠንካራ ከሆኑና ብዙ ሥራ የሰሩ ከሆነ ደከም ወዳለው ደግሞ እየተዘዋወሩ አስተዋፅኦ ቢያበረክቱ ምን ክፋት አለው መደገፍ ሲገባችሁ ለምን ወሳኝ እኛ ነን ትላላችሁ? የመንፈስ ቅዱስን ሐሳብ መጋፋት ስለሚሆንባችሁና አባቶቻችን በመንፈስ ቅዱስ ተመርተው የወሰኑት ውሳኔ ትክከል አይደለም እኛ ከናንተ እናውቃለን በማለት በተለያየ ሲስተም ስሕተት እየሰራችሁ ስለሆነ ይልቅ ለሐይማኖታችን የሚበጀው እንዲመጣና የተወሰነው ተግባራዊ እንዲሆን ሥልጣኑ የአባቶቻችንና የመንፈስ ቅዱስ ሰለሆነ በቀና አስተሳሰብ ለአባቶቻችን ፀጋውን እንዲያበዛላቸውና የጀመሩት በሰላም እንዲጠናቀቅ መፀለይ ይበጀናል፡፡

ቸሩ አምላካችን ለአባቶቻችን ብርታቱን ያድልልን፡፡
መርከቤ ንጉሴ/ከአዲስ አበባ/

Dan said...

መርከቤ ንጉሴ/ከአዲስ አበባ/ በጣም ጥሩ ብለሃል ወንድሜ
እንዳንተ ብስለት ያላቸው ምነው ቢበዙ
እነዚህ የሚዘባርቁ ወገነኛነት የሚያሳዩ ይማሩ
የጻፉትን ከመበተናቸው በፉት እራሳቸው ያንብቡትና ይታረሙ

Anonymous said...

Giving respection and recognition for the job he done is good but please do not rush to admire and over recognize. This time it is very very hard to get a religous father who protect and devote all his effort after his hiden agenda. God be with us!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)