October 27, 2010

“ሐውልቱ” ምን ይሁን?

(ደጀ ሰላም፤ ኦክቶበር 27/2010፤ ጥቅምት 17/2003 ዓ.ም):- ቅዱስ ሲኖዶስ በማያሻማ መልኩ ከትምህርተ ተዋሕዶም ሆነ ከ ሥርዓተ አበው ውጪ የሆነው “ሐውልተ ስምዕ” እንዲነሣ ከወሰነ ጀምሮ የተለያዩ ደጀ ሰላማውያን እንዴት እንደሚፈርስ በቀልድ እያዋዛችሁ አስተያየታችሁን ሰጥታችኋል። 

እንግዲህ መፍረሱማ ከሆነ እንዴትና ምን መሆን እንዳለበት ከታሪካችን መጠነኛ አስተያት በመጨመር አጭር ሐሳብ ለማካፈል ወደድን። ሐውልቱ በደህና ቦታ፣ ለምሳሌ ቤተ ክህነቱ ባሠራው ሙዚየም ወይም በሌላ ተገቢ ቦታ አልያም በዚያው በቦሌ መድኃኔ ዓለም “ሙዚየም” (ካላቸው) መቀመጥ አለበት።

አባቶቻችን ቤተ ክርስቲያንን ለ15 ዓመታት ያቃጠላትና ያወደማትን የግራኝን ካባ እና መጎናጸፊያ በመርጡለ ማርያም ገዳም ካስቀመጡ፤ በመረዝ ጋዝ ሕዝባችንን የፈጀውን የጣሊያን ከአየር የሚወረወር ቦንብ በአድዋ  ሥላሴ ካስቀመጡ፤ ይህም ትውልድ ይህንን “ሐውልት” ለመጪው ትውልድ መማሪያ እንዲሆን በተገቢው ቦታ ማስቀመጥ አለበት። 

ስድስት ኪሎ ያለው የማርክስ ሐውልት ላይ ቀለም እንደተደፋው፤ የሌኒን ሐውልት በጭንቅላቱ እንደተገለበጠው፤ ወይም ሩቅ ምሥራቅ የሳዳም ሐውልት መጫወቻ እንደሆነው መደረግ የለበትም። ይህ ታሪካችን ነው። የቅ/ሲኖዶስ ገድል ሲጻፍ አብሮ መጠቀስ ያለበት የአባቶቻችን የመንፈሳዊ አርበኝነት ውጤትም ነውና በሥነ ሥርዓት ይቀመጥ።  

30 comments:

T/D said...

Lik new, yikemet ena wedefit gizew siders wey le Abune Merkorios, Wey Leabune Paulos (Abune Merkoriosin Yimeslal eyetebale sikeled silesemahu new)dogmaw bemifekdew melku wedefit temeliso yitekelal.

Cher were yasemachihu!

awudemihiret said...

ይህ ሀውልት ከግራኝ ጋር ታወዳድሩታላችሁ።ግራኝ በግልጽ ነው ያቃጠለው።እኝህ በስውር ነው የገደልዋት።
ስለዚህ አይናቸው እያየ አንጀታችን እንደተቃጠለ ፈርሶ መቃጠል ነው ያለበት።

Tamiru Z hawassa said...

እጅግ በጣም ደስ የሚል ነው
ለታሪክ በቅርስነት ቢቀመጥ ይሻላል፡፡
ጥሩም ሆነ መጥፎም ታሪክ ለትውልድ መቅረት ስለሚኖርበት
ይህንን ዘመን (የአቡነ ጳውሎስ የፕተርክና ዘመን) እናስታውስበታለን

Anonymous said...

Perfect

Anonymous said...

እኔስ ደስ የሚለኝ ለገንዘብ ብለው ሐውልቱን በማሰራት ሲተጉ የነበሩት እነ ዲ/ን በጋሻው፤ ሊ/ማ ፋንታሁን እና ጌታቸው ዶኒ ተከፍሏቸው ቢያነሱት መርጣለሁ። ይሄን አይን ያወጣ ስህተት ለመስራት ያበቃቸው ገንዘብ ብቻ ስለሆነ!! አጨብጫቢዎች ሁሉ ምን ይዋጣቸው አሁን?? በየአጥቢያው የራሳችሁን ሐውልት ያስቆማችሁ እና ለቀኖና ቤተ-ክርስቲያን ሳይሆን ለሆዳችሁ ያደራችሁ ተረፈ-ይሁዳዎች ለእግዚአብሔርር የሥራ ጊዜ ነው እና ንስሃ ግቡ።የናንተም ጉድ በየደረጃው አደባባይ መውጣቱ አይቀሬ ነው!!

Anonymous said...

Our Father , Abune Paulos, has made a mistake and it is obvous that this is out of the Church dogmatic preaching, this should never be repeated again. But The Oblisc shoul not be put in our memory cos this is like blaming once sin doing. God is Forgiver, and we Christians must also follow our Him. Forget the mistake which must not be recovered back again and continue on correcting bunchs of mistakes in Betekihinet.
May God be with us forever.

yoni_mahder said...

ደጀ ሰላማዊያን ትክክል ናችሁ፡፡ ይህ ታሪክ ነው ሰው ደግሞ ከመልካም ብቻ ሳይሆን ከመጥፎም ነገር ይማራልና ይህ ጥሩ ማስተማሪያ ነው፡፡ ሀውልቱን ለሰሩት ሁሌም ያፍሩበታል፡፡ ቤ/ክ የማይቸኩል ደግሞም የማይዘገይ እረኛ እንዳላት ያውቁበታል፡፡ ሀውልቱን ላፈረሱት ደግሞ ለሀይማኖታቸው ቀናኚ የሆኑ አባቶች እንዳሉን ይታወስበታል ስለዚህ ሙዝየም ውስጥ ቢቀመጥ መልካም ነው፡፡ ጌታ ግን በቃል ብቻ አያስቀርብን፡፡

Anonymous said...

ለጌታዬ ለእግዚአብሄር ስላደረገልኝ ምን እከፍለዋለሁ
ምስጋና ነው እንጂ ሌላ ምን እላለሁ
ስብሃት ለአብ ስብሃት ለወልድ ስብሃት ለመንፈስ ቅዱስ ይእዜኒ ወዘልፈኒ ለዓለም ወለዓለም ዓለም አሜን ለይኩን ለይኩን
ከአቡዳቢ

Ze-Nazareth said...

Our Father , Abune Paulos, has made a mistake and it is obvious that this is out of the Church dogmatic preaching, this should never be repeated again. But The Obelisk should not be put in our memory cos this is like blaming once sin doing. God is Forgiver, and we Christians must also follow Him. Forget the mistake which must not be recovered back again and continue on correcting bunches of mistakes in Betekihinet.

11 said...

አሁን ተበላሻችሁ ደጀ ሰላሞች ። ደግሞ ነገ መልሼ ልስቀለው ይበሉ።

Eccl. said...

ባለፈው አ.አ እንደሄድኩ ሐውልቱን አይቼው ነበር። ...እውነቱን ለመናገር ካንድ ዓመት በኋላ ተመላልጦ የተከሉት ራሳቸው እንኳን የሚያፍሩበት ቅርጽ ይይዝ ነበር። ...ምንም ጥበብ ጥበብ የሚሸት ነገር የለውም...
ድንጋዩን ለታሪክ ማስቀመጥ ከፈለጋቹ ቀጥሉ ..

Anonymous said...

this is good if it would be as u think. But, i am afraid that what if at some time the monument is may returned back as it is done for the first time.

Anonymous said...

ይቀመጥ? ወይ ጉድ! ህዝባችንን እያወቃችሁ። አንድ 100 አመት ያህል ከተቀመጠ በሁዋላ ሰው እንደጣኦት ማመለክ ቢጀምርስ? ያው ለኛ ህዝብ እንደሆነ አሮጌው ነገር ሁሉ ትልቅ ክብር አለው። ስለዚህ እየቆየ ሲመጣ ዋጋው እንዳይጨምር ድራሹን ማጥፋት ነው የሚሻለው።

Anonymous said...

ከእግዚአብሔር፡ሕግ፡ውጭ፡የሆነን፡የጣዖት፡ድን
ጋይ፡"ምዩዚየም፡እናስቀምጥ"እያሉ፡በዚህ፡ፈታ
ኝ፡ወቅት፡ከየት፡ብቅ፡አለ?እናዝናለን!!

ምንኛ፡በተዋሕዶ፡እምነታችን፡እንደተጠቃንና፡ፈ
ርንጅኛው፡እንዳየለብን፡ያመለክታል!በንዲህ፡እን
ዲህ፡ያለው፡አገባብ፡ነው፡የተቦረቦርነው።

ደሞ፡የትኛው፡ታሪክ፡ነው፡ለጥፋት፡ርኩሰት፡ተቆ
መው፡የጣዖት፡ድንጋይ፡ለተዋሕዶ-ኢትዮጵያ፡
በትውፊትነት፡ሊታይ፡የሚችለው?

እግዚአብሔር፡ሙሴን፡እንዳዘዘው፡የጣዖት፡ጥጃ
ዎች፡ሁላ፡በያሉበት፡ይውደሙ።እስራኤል፡አባታ
ችን፡አሮንን፡ወደ፤በደልና፡እግዚአብሔርን፡ማስቀ
የም፡የገፉት፡የጦዖቱን፡ጥጃና፡ቅርጾች፡እንዲያቆም
ላቸው፡አስገድደውት፡ነው።

በዚህ፡ጥፋት፡እግዚአብሔ፡ምንኛ፡እንደተቆጣና፣
አባታችን፡ሙሴም፡በዚህ፡ምንኛ፡እንዳዘነና፡እንዳ
ለቀሰ፡እናውቃለን።እኛም፡እግዚአብሔርን፡የሚያ
ስቀይሙ፡ሥራዎችን፡ከመሥራት፡እንቆጠብ!ያገ
ኘነውን፡በረከት፡እንዳናጣ፡እንጠንቀቅ!

ገና፡ሥራ፡ላይ፡ያልዋሉትን፡የአባቶች፡ውሳኔዎች
ም፡አናደናቅፍ!ድንጋዩ፡የበጋሻው፣የጌታቸው፡ዶኒ፣
የፋንታሁን፡ሙጬና፡የኢልዛቤል፡የጥፋት፡ምልክ
ት፡እንጂ፡የተዋሕዶ፡ቅርስ፡አይደለም!

ምዕመናን፡ተሰብስበን፡የጣዖቱን፡ድንጋይና፡ምስሎ
ቹን፡በመደምሰስ፡እግዚአብሔርን፡ማመስግን፤አባ
ቶችንም፡መደግፍና፡ሕዝበ-ተዋሕዶን፡ማበረታታ
ትነው፡የሚገባን!ገና፡ብዙ፡ሥራ፡ይጠብቀናል።ይህ፡
ነው፡የወቅቱ፡ግዳጅ!

እኛ፡ምዩዚየም፡ሊቀመጡና፡ሊጠበቁ፡የሚችሉ፡ቅ
ርሶች፡አላጣንም፡፡የጣዖትን፡ድንጋይ፡ማጠራቀም፡
ከትዋሕዶ፡ውጭ፡የሆነ፡የጣዖት፡አምላኪዎች፡ሥራ፡
ነው።

እግዚአብሔር፡ከንዲህ፡ያለ፡ዳግመኛ፡ጥፋት፡ያድነ
ን!አሜን!

ሳሙኤል፡ዘአሰቦት።

Anonymous said...

The people who constructed it should pay for it from their pockets, and the money should be distributed back to each Dioceses that contributed to it. Then, kelay anatun, ketach batun qorarto mafires new yemigebaw!

GUD-FELA ZE MINNESOTA said...

ሌላ ስህተት አንፍጠር።

ደጀ-ሰላሞች ለውይይት ያቀረባችሁት ሐሳብ ከእሳት ወደ እረመጥ ከድጥ ወደ ማጥ ነው ብየዋለሁ። በመጀመርያ ይኼ ሐውልት የተተከለው/የተቀመጠው ሙዚየም ውስጥ ቢሆን ኖር የትናንቱ የአባቶቻችን ውሳኔ ከሙዚየም ውስጥ ይውጣ እና ይወገድ የሚል ይሆን ነበር። ታዲያ ያን ጊዜ ከሙዚየም ከወጣ ለታሪክ ማስታወሻ እንዲሆን አደባባይ ይሰቀል የሚል የውይይት ሐሳብ ታቀርቡ ነበርን? በእርግጥ አትሉም። አንዳንድ ጊዜ ግራ ገብቷችሁ እኛንም ግራ አታግቡን። አለአስፈላጊ ነው ይወገድ በተባለው ስምምነት ትናንት በደስታ ፈንጭታችሁ እኛንም ስታስፈነጩን አድራችሁ ዛሬ በአንድ ጀምበር ምን ተገኘ ብላችሁ ነው ታሪክ ነውና ሙዚየም ውስጥ ይቀመጥ የምትሉን? ታሪክ ከሆነ ለምን አሁን ያለበት ስፍራ አትተዉትም? አሁን እየነገራችሁን ያላችሁት እና ልትሰብኩን የምትሞክሩት እርሙን በአደባባይ ሕዝብ አይመልከተው፤ ጥቂት ዘወር እናድርገውና ነገ ሙዚየም ውስጥ ተቀምጦ ገንዘብ እየከፈልን በሰልፍ እንየው ነው። እኔ አሁንም አሁንም ደጋግሜ የማቀርበው ሐሳብ ሥርዓተ ቤተ ክርስቲያንን ያልጠበቀ እና የኢትዮጵያ ኦርቶዶክስ ተዋሕዶ ቤተ ክርስቲያንን የሚያስነቅፍ ሥራ ነው እስካልን ድረስ ታሪኩን ዘግበን መያዝ እንጂ እርሙን አስቀምጠን ሕያው ለማድረግ መሞከር አይኖርብንም። ነገም ሌላ ትውልድ ይመጣና በአንድ ቀን ሌሊት ሐውልት ቤተ ክርስቲያን ውስጥ ወይም ሀገረ ስብከቱ ላይ ያቆምና ሲኖዶስ በስድስት ወር አንድ ጊዜ ተሰብስቦ አፍርስ የሚል ትእዛዝ እስኪያወጣ በአደባባይ ይቀመጥና ከዚያ ቀጥሎ የአባቶቻችን ታሪክ እየተባለ ሙዚየም ውስጥ ይቀመጣል ማለት ነው። ለልዩነትም ሆነ ለመጥፎ ሥራ በር አንክፈት። ነገ እንደ ኢትዮጵያዊው ሰማዕት ቅዱስ አቡነ ጴጥሮስ ሃይማኖትን፣ አገርን እና ትውልድን የሚያስመሰግን ሥራ ሠርተው ኢትዮጵያዊ ብቻ ሳይሆን ዓለም ጀግንነታቸውን መስክሮላቸው ሐውልት ሊቆምላቸው ይችል ይሆናል። አሁን ግን ዐውደ ምሕረት ላይ ቆመው ኪሳቸውን በገንዘብ ለመሙላት እና በውስጠ ተሐድሶ አካሄዳቸው ቤተ ክርስቲያንን የጠቀሙ በመምሰል ለማፍረስ በተዘጋጁ እንዲሁም ኪሳቸውን በሕዝብ ገንዘብ ሞልተው ነፍሴ የሚበቃሽን ገንዘብ ይዤልሻለሁ እንግዲህ ተደሰቺ ለማለት ያወደሙትንና እያወደሙት ያለውን ገንዘብ ማንም በቁጥጥር መልኩ እንዳይመለከትባቸው ባሰቡ ጥቂት ጥቅመኞች የተዘጋጀውን ሐውልት ታሪክ ነው ብሎ ወደ ሙዚየም መውሰድ ሌላ የታሪክ አተላ መሆንና ሐውልተ ሠሪዎቹንም የልብ ልብ የሚሰጥ ስለሚሆን እባካችሁን ውሻ ወደ ትፋቱ እንደሚመለስ ዓይነት አንሁን። የግራኝ ካባ ሙዚየም ውስጥ እንደተቀመጠው እኛም የአባታችንን ማንኛውንም ልብሰ ተክህኖ በከበረ ስፍራ እናስቀምጣለን። በጨለማ እና በስውር ተተክሎ በገሐድ የታየውን ሐውልት በጨለማ እና በስውር አፍርሶ በገሐድ እዚህ ቦታ ነበር የተተከለው ብሎ ለሕዝብ አስተምሮ እና አሳውቆ ወደ ተሻለ የግንባታ ሥራ ለመራመድ እንዘጋጅ እንጂ እያደር ሐሳብ እየተሰበሰበ ለማስታወሻነት ሙዚየም ይቀመጥ ወይም በሌላ ቋንቋ ይደበቅ ማለት ትልቅ ስህተት ነው። ሰው እንዴት የማያውቀውን የአሠራር መንገድ ታሪክ ነው ብሎ ለማስቀመጥ ይነሣሣል? ታሪክ የሠሩትስ በሲኖዶስ መኻል ተቀምጠው ውሳኔ የወሰኑት መንፈሳዊ አባቶቻችን ናቸው። በትናንቱ ውሳኔ በእያንዳንዱ ቤተ ክርስቲያን የተሰቀለው ወይም የተንጠለጠለው ምስላቸውም አለአስፈላጊ ነውና ይነሣ ተብሏል። አሁንም እያንዳንዱን ምስል ወደ ሙዚየም ውስጥ ለመውሰድ እንገደዳለን ወይስ ስለእርሱ ገና አልታሰበበትም? በእርግጥ ይኼን የተሳሳተ ግብር ሌሎች እንዳይከተሉት ትምህርት እንዲሆን ታሪኩን ዘግቦ ማስቀመጥ እና በሙዚየም ውስጥም ቢሆን ሐውልታቸውን በፎቶግራፍ አስቀምጦ በዚህ ቀን ጥቂት ጥቅመኞች ሐውልት አቁመውላቸው በጥቂት ወራት ውስጥ አለአስፈላጊነቱን ተገንዝቦ እና አስተምሮ የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ያፈረሰባቸው አባት ማለት ይቻላል። ሐውልቱ ምን ይሁን? ብላችሁ ለጠየቃችሁት ጥያቄ ትክክለኛው መልስ ሳይውል ሳያድር ይፍረስ ብቻ ነው። ይቆየን። ደጋግሜ ሳስብበት ገና ብዙ ያስብለኛል።

Anonymous said...

arategnaw lay 'perfect' bemalet hasabachihun yedegefikut ene negn. Hasaben mulu bemulu keyirealehu. Mekemet yelebetim, mulubemulu mefires alebet.
Yikirta negerochin salagenazib siledegefiku

Anonymous said...

ሰላም ደጀ ሰላሞች ሰላሙን ያብዛላችሁ።
ይህን ሃዉልት ያመጣው የሁላችን ድካምና ስንፍና ነው።ሁላችንም ከቅዱስ ሲኖዶስ ጀምሮ ይህ ሃውልት እስኪተከልና ቤተክርስቲያን እስክትዋረድ ድረስ አንቀላፍተን በመቆየታችን ከተወቃሽነት አናመልጥም።ስለዚህ ይህ ሃውልት እንደ አሮን ጥጃ ተሰባብሮ መጣልና ስብሓተ እግዚአብሔር በቦታው መድረስ አለበት።ጣኦት በቅርስነት አይቀመጥም።እነ ጻድቁ አባት አቡነ ተክለሃይማኖትም ጣኦታትን አፈራረሱ እንጂ በቅርስነት አላስቀመጡልንም።

Anonymous said...

Ye abatuochchen dekame yetaycheu degmo ende kers yekmete telalchew betame abezcheuote ega eyetzgajen neu ayzuacheu enante be werkete safu addis abeba laye yale hezbe men endemyaregew tayalcheu musim asekmetcheu eyetekatelne lenenure neu afresu aqatelo megelagele enjeye tewu deje selmuoch enkelfe endentga adregune bakcheu

Anonymous said...

Ye abatuochchen dekame yetaycheu degmo ende kers yekmete telalchew betame abezcheuote ega eyetzgajen neu ayzuacheu enante be werkete safu addis abeba laye yale hezbe men endemyaregew tayalcheu musim asekmetcheu eyetekatelne lenenure neu afresu aqatelo megelagele enjeye tewu deje selmuoch enkelfe endentga adregune bakcheu

TEWAHIDO said...

How dare you propose this crazy idea??????????? ጣኦት ቅርስ አይደለም!!! ምንም አስተማሪነት የሌለዉን ነገር ለ ትዉልድ እናቆይ ማለት ተገቢ አይደለም! እናንተ አንደምትሉት ከሆነ ዉሳኔዉ ቦታ እንቀይርለት ነዉ መሆን የነበረበት! ደግሞ የሲኖዶስ ዉሳኔ ምኑ ነዉ ታሪካዊ የሚያሰኘዉ! ሃይማኖት የሌለዉ ሰዉ እንከዋን ሐዉልት ማቆም ለኣንድ መንፈሳዊ አባት ተገቢ አንዳልሆነ የዉቃል! እናም እኔ መቃጠል አለበት ባይ ነኝ!

Anonymous said...

endeeeeeeee minew yekmte er EGZIABHER Fituem melsolneal Anasazinew

Ande Wesange Yehoen Asabe New Eko Yascgrew Amlakchen

Endwem Ezeaw Endkome Duket Madgre New Engi Yefrswenem Wed Mekaber bet Wesdeo Mekber new Adrea Adrea Adrea

የዲላወርቅ said...

ለመጋቢአዲስ ይሰጠው ወይም እሱን አማክሩት መጋቢአዲስ ያልኩት አዲስ ነገር ጣዖት በቤተክርስትያን ስላቆመ ነው

Anonymous said...

+++
I prefe that this Hawulit is disapeared from our church history. We have it's history in documents starting 2000EC. So it is not necessary to put some where any place. Fire it. For Dejeselam preapare vote box and every one can give his vote and final you can juge the decision before you coculded.

Thanks to God for all things.

Anonymous said...

Ke;Abune Petros hawult sir bikebers? Weym le-Englizoch teshito gebiw le-nedayan bimetsewets?
Also....Next removal should be the huge photos of this man hanging in the premises of our churches. It is diverting our attention to pray in the churches.

Anonymous said...

"Sebake" Begashaw sile hawultu mefres wusane sitisema min tesemah yihon? ... Yemeskelu sir kumartegnoch...

Anonymous said...

እምነትና ታሪክ ለየቅል ናቸውና ሳሙኤል ዘ አሰቦት እንዳለው ‘’ድንጋዩ፡የበጋሻው፣የጌታቸው፡ዶኒ፣
የፋንታሁን፡ሙጬና፡የኢልዛቤል፡የጥፋት፡ምልክት፡እንጂ፡የተዋሕዶ፡ቅርስ፡አይደለም!’’ ስለዚህ እንዲህ አይነቱን የኑፋቄ ጣኦት ድራሹን ማጥፋት ነው፡፡ ከጣኦትና ኑፋቄ የተዋህዶ ልጆች ምን ትምህርት ሊያገኙ!! ለትምህርት ብዙ የምንማርባቸው ምሳሌዎች ሞልተውናል፡፡ ስለዚህ ደጀሰላሞች እንደዚህ አይነት ሸርሻሪ ነገሮችን በጥንቃቄ ብትይዟቸው ጥሩ ነው፡፡
ዲምፕል

beweyane Fenji Mafendat New said...

ere bakachihu teregagu! yihe min tiyake yasfeligewal? yaw endemitawekew beweyane fenji mafendat new. keza yeferesewn sebsibo lekorit (debre zeyt) mestet new. beka aleke negeru.

abo cher were yasemachihu ahun heje lehagerachin selam litseliy.

Anonymous said...

Yiferese!! Yiferese!!! Letariku Atichenequ EgiziabeHere Yasenesawu YiTifewale:: Becha Yifereselene!!!!

Anonymous said...

Lifres liketket enji yekirsinet bota lisetew ayigebam.Bichal bemusei zemen endetedergew hawlitu ferarso dekiko besiraw lay kehasab eske gibir yetesatefut bitbitun enditetut bideregim balezemenachew betekristiian lay menesat yemiyasketilewun wurdet yimarubet neber....

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)