October 24, 2010

የቅ/ሲኖዶስ ሁለተኛ ቀን ውሎ


  • አቡነ ሳሙኤልን ከአ.አበባ ለማስነሣት የአ.አ አድባራትና ገዳማት አስተዳዳሪዎችና ፀሐፊዎች ፈረሙት ተብሎ ለአጀንዳነት የቀረበው ደብዳቤ ውድቅ ተደርጓል፤

(ደጀ ሰላም፤ ኦክቶበር 24/2010፤ ጥቅምት 14/2003 ዓ.ም):- ቅ/ሲኖዶስ ትናንት ቅዳሜ ሁለተኛ ቀን ጉባዔውን ቀጥሎ ዘጠኝ አባላት ባሉት አጀንዳ አርቃቂ ኮሚቴ ተዘጋጅቶ የቀረበለት የአጀንዳ ዝርዝር ላይ ተወያይቶ አጽድቋል። አጀንዳ አርቃቂ ኮሚቴው ያቀረባቸው አጀንዳዎች ሙሉ በሙሉ ከመጽደቃቸውም በላይ ቅዱስ ፓትርያርኩ ያቀረቧቸው ሌሎች ሁለት አጀንዳዎችም በተጨማሪ ተይዘዋል። በውይይቱ ወቅት “አዳዲስ ጳጳሳትን ስለመሾም” ቀርቦ የነበረው ሐሳብ ውድቅ የተደረገ ሲሆን አሁን የሚደረገው ሹመት አስፈላጊ አለመሆኑን ምልዓተ ጉባዔው ተስማምቶበታል። “ሕገ ቤተ ክርስቲያንን ለማሻሻል” የቀረበውም አጀንዳ እንዲሁ ውድቅ ሲደረግ “ባለው ሕግ መቼ ተጠቀምንበት እና ነው አዲስ ሕግ ያስፈለገን?” የሚል ጥያቄ ቀርቦበታል። ለቅ/ሲኖዶሱ “አዲስ የስብሰባ ሥነ ሥርዓትና ሥነ ምግባር ስለማውጣት” በተነሣው ሐሳብ ላይም እንዲህ ዓይነቱ ደንብ በመንፈስ ቅዱስ ለሚመራው ለቅ/ሲኖዶስ ተስማሚ አይደለም በሚል ውድቅ መደረጉን ምንጮቻችን አብራርተዋል።

በቅ/ሲኖዶስ የዛሬ ውሎ ስለ አዲስ አበባ ሀ/ስብከት እና ስለ ብፁዕ አቡነ ሳሙኤል ጉዳይ እንዲያጣራ የተሰየመው አጣሪ ኮሚቴ ሪፖርት በንባብ ተሰምቷል። በዋነኝነት ብፁዕ አቡነ ሳሙኤልን ከሚነሣባቸው ክስ ሁሉ ነጻ ያደረጋቸው ነው የተባለው ይህ ሪፖርት ብፁዕነታቸው በታገዱበት ወቅት ቅሬታቸውን በደብዳቤ ሲገልፁ ከጠቅላይ ቤተ ክህነቱ መዋቅር በመዝለል ለመንግሥት አካላት ግልባጭ ማድረጋቸው በአሉታዊነት ተነሥቷል። ሪፖርቱ በጠቅላላው ብፁዕነታቸውን ሲቀርብባቸው ከነበሩት ክሶች በሙሉ ነጻ አድርጓቸዋል ተብሏል። ሪፖርቱ ከቀረበ በኋላ ለውይይት ለሰኞ ተቀጥሯል።

ቅ/ሲኖዶስ ዛሬ እሑድን እረፍት አድርጎ ነገ ሰኞ ስብሰባውን ይቀጥላል ተብሎ ይጠበቃል።

8 comments:

da said...

እናመሰግናለን!

Anonymous said...

አባቶች ለውጥ ለማምጣት ቆርጠው የተነሱ ይመስላል። ድንግል ታበታቸው።ከዚህ ስብሰባ ብዙ እንጠብቃለን እና በርቱልን።

abune said...

እባካችሁ ሁላችን እንጸልይ እባካችሁ ሁላችን እንጸልይ እባካችሁ ሁላችን እንጸል ይእባካችሁ ሁላችን እንጸልይ

desalew said...

kedestaye yetnesa alkeshu!!! Berituln abatoch!

Anonymous said...

ደጀሰላሞች.....
ቅዱስ ሲኖዶስ የሚመራው በመንፈስቅዱስ ነው ብላችሁ የምታምኑ ከሆነ፤ ይቺን ጥያቄ እባካችሁ መልሱልኝ!!
1. እናንተ ከመንፈስቅዱስ ለመብለጥ የምትታገሉ ትመስላላችሁ። እባካችሁ ገና ስብሰባው ሳያልቅ እነዲህ ሊሆን ነው እንደዛ ሊሆን ነው እያላችሁ፡ አባቶችን ለምን የባሰ ትከፋፍላላችሁ፧
2. ከተሰብሳቢዎቹስ መሃል ምን አይነት ጳጳስ ነው ወሬ እያሾለከ የሚነግራችሁ? ይሄስ መንፈስቅዱስ የሚወደው ስራ ነው?

ኢትዝክር ለነ አበሳነ ዘትካት!

Anonymous said...

+++

ብጹዓን አባቶቻችን
የሐዋርያት ሥራ 20: 28 በገዛ ደሙ የዋጃትን የእግዚአብሔርን ቤተ ክርስቲያን ትጠብቁአት ዘንድ መንፈስ ቅዱስ እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁ።
ለደጀ ሰላም ቅራኒን የሚያሰፋ አትጻፉ ለምሳ "አቡ ጢሞቲዎስ ....."
ልዑል እግዚአብሔር ከእናንተ ጋር ይሁን:: አሜን

Anonymous said...

To Anonymous who said why information is come out?: I think it is not correct, because everything that is discussed and decided should not be closed from MIMENAN. Openness shows respnsibility and represntativeness. Sorry for the languge, my computer don't have amharic to write.

zem said...

ዝምአልልም ዘልደታ
አንዳንድ ወገኖቻችን ይሸፈን ይደበቅ የምትሉት የቤተክርሲቲያን ዜና ለምን ይሆን ; እንጃ !ቤተክርስቲያን ዛሬ የአምባገነኖች መፍለቂያና መኖሪያ እየሁነች ዝም በሉ ምን ማለት ነው፤እኔ እንደሚገባኝ የደጀሰላሞች ሀሳብ ቤተክርስቲያንን ማሳጣት ሳይሆን የበኩላችንን ጠቁመን በራሷ(በክርስቶስ) ትመራ ይመስለኛል፡፡ቤተክርስቲያን የሁሉም አጀናዳ ናት ወዳጄ!ይህን የምለው አንድ የዋህ ወንድማችን የሰጠኸውን ዝም በሉ ሀሳብ አንበብቤ ነው፡፡

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)