October 22, 2010

የቅ/ሲኖዶስ መክፈቻ ጸሎተ ምሕላ እና የብፁዕ አቡነ ቀውስጦስ ትምህርት


(ደጀ ሰላም፤ ኦክቶበር 22/2010፤ ጥቅምት 12/2003 ዓ.ም):- የቅ/ሲኖዶስ ጉባዔ ትናንት በጸሎተ ምሕላ ተጀምሯል። ቁጥራቸው ከ38 የማያንስ ብፁዓን ሊቃነ ጳጳሳት በተገኙበት በዚሁ የመክፈቻ የጸሎት ሥነ ሥርዓት ላይ ትምህርት የሰጡት ብፁዕ አቡነ ቀውስጦስ ስለ ቅ/ሲኖዶስ የማይገሰስ መንፈሳዊ ሥልጣን በሰፊው አስተምረዋል። “ቅዱስ ሲኖዶስ ማለት ሐዋርያት በኢየሩሳሌም የመሠረቱት ጉባዔ ነው። ቅዱስ (ልዩ) የተባለበት ምክንያት  መንፈስ ቅዱስ ስለሚመራው ነው፤ ጽኑዕ የተባለው ደግሞ በሥልጣን ተወያይቶ በሚወስነው ማንም ጣልቃ የማይገባበት፤ ሌላ የሚሽረው ኃይል የሌለ በመሆኑ ነው” ሲሉ ተንትነዋል- ብፁዕነታቸው ። አክለውም የዚህ ቅዱስ ጉባኤ አባላት የሚሆኑ እነማን እንደሆኑ፣ የቅዱስ ሲኖዶስ ሥራ ከባድ፣ ረቂቅ፣ ፍፁም፣ መንፈሳዊ እንደሆነ፣ በዚህም ምክንያት መንፈሳዊ ኃይል ይህም መንፈስ ቅዱስ እንደሚያስፈልግ፤ ይህንን የመንፈስ ቅዱስ  ኃይል ማግኘት የሚቻለው ደግሞ በጸሎት እንደሆነ፣ በመግቢያው የተካሄደው ጸሎት አስፈላጊነትም ለዚሁ እንደሆነ በሰፊው አብራርተዋል።  የቅ/ሲኖዶስ ምክር በምድር ያለችው የእግዚአብሔር መንግሥት የሆነችው ቤተ ክርስቲያን ህልውናዋ እንዲጠበቅ መሆኑን፤ ይህንንም ለማድረግ ኃይል የሚሆነው መንፈስ ቅዱስ “ከእኛ ጋር ለመሆኑ ምልክታችን ኢየሱስ ክርስቶስን የባሕርይ አምላክ ነው ብለን ማመናችን ነው” ያሉት ብፁዕነታቸው “መንፈስ ቅዱስ ካደረበት በቀር ኢየሱስ ክርስቶስ የባሕርይ አምላክ ነው ብሎ ማመን የሚቻለው የለም” የሚለውን ሐዋርያዊ ቃል ጠቅሰዋል።

ብፁዕነታቸው እንዳሉት ይህ ቅዱስ ሲኖዶስ እንደ አበው የቀደመ ጉባዔ ሁሉ በመንፈስ ቅዱስ ተቃኝቶ እንዲወያይ፣ በመንፈሳዊ ጽኑዕነት እንዲመክር፣ ለቤተ ክርስቲያን የሚበጀውን ያለ ፍርሐት እንዲወስን ምኞታችንም ጸሎታችንም ነው።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)