October 5, 2010

ሰበር ዜና፦ ብፁዕ አቡነ ሳሙኤል ወደ አዲስ አበባ ሀገረ ስብከት እንዳይመለሱ የሚጠይቅ የአድማ ፊርማ እየተሰበሰበ ነው

  • አድማውን የአዲስ አበባ ሀገረ ስብከት ጽ/ቤት እያስተባበረ ነው
(ደጀ ሰላም፤ ኦክቶበር 4/2010፤ መስከረም 24/2003 ዓ.ም):-  የአዲስ አበባ ሀገረ ስብከት እና የፓትርያርኩ ረዳት ሊቀ ጳጳስ የነበሩት ብፁዕ አቡነ ሳሙኤል በመጪው ጥቅምት ወር በወሳኝ መልኩ እንደሚካሄድ በሚጠበቀው የቅዱስ ቅዱስ ሲኖዶስ  ምልዓተ ጉባኤ በሕገ ወጥ መንገድ ወደተነሡበት አዲስ አበባ ሀገረ ስብከት እንዳይመለሱ የሚያሳድም ፊርማ እየተሰበሰበ መሆኑን ከሀገረ ስብከቱ የውስጥ ምንጮች ለደጀ ሰላም የደረሰው ጥቆማ አጋለጠ፡፡ 

ብፁዕ አቡነ ሳሙኤል ለጾመ ፍልሰታ ሱባኤ ቆይታ ካደረጉባት ቅድስት ሀገር ኢየሩሳሌም ባለፈው ሳምንት መጨረሻ ወደ አገር ቤት መመለሳቸውን ተከትሎ እየተሰባሰበ ነው የተባለውን የአድማ ፊርማ የሚያስተባብረው ሐምሌ ስድስት ቀን 2002 ዓ.ም በተደረገው የሲኖዶሱ ስብሰባ የሀገረ ስብከቱ ሥራ አስኪያጅነታቸው በመጪው ጥቅምት ወር 2003 ዓ.ም እስከሚካሄደው የቅዱስ ቅዱስ ሲኖዶስ  ምልዓተ ጉባኤ ድረስ በተራዘመላቸው ሊቀ ማእምራን ፋንታሁን ሙጬ በሚመራው የሀገረ ስብከቱ ጽ/ቤት ነው፡፡

ብፁዕ አቡነ ሳሙኤል ግንቦት 6 - 13 ቀን 2001 ዓ.ም በተካሄደው የቅዱስ ቅዱስ ሲኖዶስ  ምልዓተ ጉባኤ በፓትርያርኩ እየተፈጸሙ ናቸው የሚሏቸውን ሙስና፣ ቤተ ዘመዳዊ አሠራር፣ ሕገ ቤተ ክርስቲያኑን የሚጥሱ ሹመቶች፣ ዝውውሮች፣ የገንዘብ አወጣጦች. . . ወዘተ በተደራጀ የአጀንዳ አቀራረብ በጽናት ተቃውመዋል፡፡ አቡነ ጳውሎስ ፓትርያርክ ከሆኑበት ጊዜ ጀምሮ ባልታየ አኳኋን የተቀመረ የተቃውሞ ሐሳብ በብፁዕነታቸው በቀረበበት በዚሁ ጉባኤ በጠቅላይ ቤተ ክህነቱ የሚታየውን አስተዳደራዊ ችግር በጥልቀት እና በስፋት አጥንቶ መፍትሔ እንዲሰጥ፣ ተጠሪነቱ ለቅዱስ ቅዱስ ሲኖዶስ ፣ የሥራ ዘመኑ አንድ ዓመት የሆነ ሰባት ብፁዓን አባቶች የሚገኙበት የሥራ አስፈጻሚ ኮሚቴ ተቋቋሟል፡፡ 

ብፁዕነታቸው በሲኖዶሱ ምልዓተ ጉባኤ ተደግፎ የተቋቋመው ሥራ አስፈጻሚ ኮሚቴ ጸሐፊ በመሆን ሰኔ አንድ ቀን 2001 ዓ.ም ፓትርያርኩ ያለሲኖዶሱ እና ያለኮሚቴው ዕውቅና የቤተ ክርስቲያኒቱ ቀዳሚ የልማት ክንፍ ለሆነው የልማት እና ክርስቲያናዊ ተራድኦ ኮሚሽን ኮሚሽነር ለመሾም ያደረጉት ሙከራ እንዲቆም የሚያሳስብ ደብዳቤ ከኮሚቴው አባላት ጋራ በመመካከር ጽፈዋል፡፡ 

በዚያው ሰሞን ፓትርያርኩ ወደ ጣልያን አድርገውት ለነበረው ሕገ ቤተ ክርስቲያኑን እና የቅዱስ ሲኖዶሱን ውሳኔ የሚተላለፍ ጉዞ ማብራሪያ እንዲሰጣቸው የሚጠይቅ ደብዳቤ ከኮሚቴው አባላት ጋራ በመሆን ጽፈው ነበር፡፡ ከዚሁ ጋራ ተያይዞ የጠቅላይ ቤተ ክህነቱ የሚያደርጋቸው የሥራ ዝውውሮች ሲኖዶሱ ያልወሰነባቸው እና አቤቱታ እየጎረፈባቸው በመሆኑ እንዲቆሙ የሚያሳስብ ደብዳቤ ከመጻፋቸውም በላይ የጠቅላይ ቤተ ክህነቱ ሠራተኞች እና የተለያዩ የቤተ ክርስቲያኒቱ አካላት ችግሮችን በመጠቆም፣ መረጃ በመስጠት እንዲተባበሩ የሚጠይቅ ማስታወቂያ ከኮሚቴው አባሎች ጋራ በመሆን አውጥተዋል፡፡

 (ፎቶ፦ ቅዱስ ፓትርያርኩ ባለፉት ዓመታት በየአብያተ ክርስቲያናቱ ካሰቀሏቸው ፖስተሮች መካከል አንዱ፤ "ስለ ዓለም ሰላም ሲፀልዩ" የሚያሳይ)








በነባራዊው አሠራር ከፍተኛ የአስፈጻሚነት ሥልጣኑን በብቸኝነት ተቆጣጥረው ለቆዩት ፓትርያርክ እና በዙሪያቸው ለተሰለፉት ቡድኖች እኒህ የሥራ አስፈጻሚ ኮሚቴው ፋታ የማይሰጡ ተከታታይ ርምጃዎች ግልጽ መፈተኛዎች ነበሩ፡፡ ብፁዕ አቡነ ሳሙኤል በሥራ አስፈጻሚ ኮሚቴ ጸሐፊነታቸው የኮሚቴው አባላት ከሆኑ ሌሎች ብፁዓን አባቶች ጋራ የፓትርያርኩን ያልተገደበ ሥልጣን እና የጠቅላይ ቤተ ክህነቱን አስተዳደራዊ ችግር ለማስተካከል ከመጣራቸው ቀደም ብሎም ፓትርያርኩ በአዲስ አበባ ሀገረ ስብከት ገዳማት እና አድባራት በቀጥታ የሚያደርጉትን ያልተገባ ግንኙነት እና ጣልቃ ገብነት ለማስቆም፣ ከፍተኛ ገንዘብ የሚወጣባቸውንና በልማድ የሚፈጸሙትን እንቅስቃሴዎች ለመቆጣጠር ያደረጓቸው ጥረቶች እንደ ተግዳሮት ተወስዶባቸዋል፡፡

በዕሥራ ምእቱ በዓል አከባበር ሰበብ የፓትርያርኩ ምስል በየአጥቢያው እንዲሰቀል የተደረገውን ተግባር፣ ፓትርያርኩ ቅዱስ ቅዱስ ሲኖዶስ  ሳይመክርበት ‹‹ሰማዕት ዘእንበለ ደም፣ የሚሌኒየሙ አባት›› የተባሉባቸውን የግርግር መርሐ ግብሮች በግልጽ ተቃውመዋል፡፡ ይህን ተከትሎ የአዲስ አበባ ሀገረ ስብከትን አገልግሎት ‹‹ዘመናዊ እና ቀልጣፋ ለማድረግ›› በሚል ሀገረ ስብከቱን ለአምስት ለመክፈል በአቡነ ጳውሎስ ቀርቦ የነበረው ሐሳብ በቅዱስ ቅዱስ ሲኖዶስ  ጉባኤ ውድቅ መደረጉ ይታወሳል፡፡

የሁኔታው ጠቅላላ አዝማሚያ ያላማራቸው አቡነ ጳውሎስ በሰኔ ወር 2001 ዓ.ም የሥራ አስፈጻሚ ኮሚቴውን እና አባላቱን አገዱ፡፡ በቅዱስ ቅዱስ ሲኖዶስ  ምልዓተ ጉባኤ ተወስኖ የተቋቋመውና የመተዳደሪያ ደንቡን እያዘጋጀ ሥራውን በማከናወን ለሐምሌ 2001 ዓ.ም ቅዱስ ቅዱስ ሲኖዶስ  ጉባኤ እየተዘጋጀ የነበረው ኮሚቴ የከፈተው ጽ/ቤት፣ ‹‹በቤተ ክርስቲያኒቱ የማይታወቅ እና ፈቃድም ያልተሰጠው ነው›› በሚል በአስቸኳይ እንዲዘጋ ‹‹የአዲስ አበባ ሀገረ ስብከት ገዳማትን እና አድባራትን ይወክላሉ›› በተባሉ ተሰብሳቢዎች ተወሰነ፡፡ ሕገ ወጥነቱ በዚህ ሳያበራ የሥራ አስፈጻሚ ኮሚቴው ጸሐፊ፣ የአዲስ አበባ ሀገረ ስብከት እና የፓትርያርኩ ረዳት ሊቀ ጳጳስ የሆኑት ብፁዕ አቡነ ሳሙኤል እንዲሁም የሀገረ ስብከቱ ሥራ አስኪያጅ ከሐላፊነታቸው ታገዱ፡፡ እግዱን የቅዱስ ሲኖዶሱ አባላት በጥብቅ ተቃወሙት፤ የሲኖዶሱን የዕለት ከዕለት ሥራ በሚመራው ቋሚ ቅዱስ ሲኖዶስ ም አልተደገፈም፡፡

ብፁዕ አቡነ ሳሙኤል በፓትርያርኩ ለተጻፈው የእግድ ደብዳቤ በሰጡት መልስ እግዱ ሕገ ቤተ ክርስቲያንን የሚጥስ እና ‹‹ባልተሰጠዎት ሥልጣን›› የተላለፈ ስለሆነ የተበተነው ደብዳቤ በአስቸኳይ እንዲሰበሰብ ሲሉ ጠይቀው ነበር፡፡ ሐምሌ 2 ቀን 2001 ዓ.ም ጠዋት ብፁዕ አቡነ ሳሙኤል የመኪናቸው ቁልፍ ባልታወቁ ሰዎች ከሹፌራቸው ተነጥቆ በቅድስት ሥላሴ መንፈሳዊ ኮሌጅ ከሚገኘው መኖሪያ ቤታቸው እንዳይወጡ ታግተው ከመቆየታቸውም በላይ የኮሌጁ ቅጽርም በፌዴራል ፖሊስ ይጠበቅ እንደ ነበር አይዘነጋም፡፡ እገታው የሥራ አስፈጻሚ ኮሚቴውን መታገድ፣ የአዲስ አበባ ሀገረ ስብከትን ሊቀ ጳጳስ መነሣት፣ የልማት እና ክርስቲያናዊ ተራድኦ ኮሚሽን ኮሚሽነርን ሹመት፣ በብፁዕነታቸው ላይ የተጻፈውን ስም አጥፊ መጽሐፍ፣ ፓትርያርኩ በሕገ ወጥ መንገድ በጠሩት የጠቅላይ ቤተ ክህነቱ ሠራተኞች እና የአስተዳደር ጉባኤ ስብሰባ አስመልክቶ እንደሚወያይ በሚጠበቀው በውጥረት የተሞላ ጉባኤ ላይ እንዳይገኙ ለመከላከል የታሰበ ነበር፡፡

በስብሰባው ክራሞት ለሕገ ቤተ ክርስቲያን መከበር እና ለታሰበው በጎ የአሠራር ለውጥ አዎንታዊ አቋም የነበራቸውን ብፁዓን አባቶች መኖርያ ቤት በር በመስበር እና በማንገላታት አሳዛኝ ፍጻሜ በታየበት የሲኖዶሱ አስቸኳይ ጉባኤ ፓትርያርኩ ከማንኛውም አስተዳደራዊ ሥልጣን ለቀው በአባታዊ አገልግሎት እንዲወሰኑ በቀረበው ሐሳብ ላይ ገሚሶች ለዘብተኛ አቋም ሲይዙ፤ የተቀሩትም በተከታዮቹ ቀናት በቀጠለው ስብሰባ ሳይገኙ በየቤታቸው መዘጋታቸው ይታወሳል፡፡ ከዚህ በኋላ በከፍተኛ የመንግሥት ባለሥልጣናት ጣልቃ ገብነት እና ምክር በተዳከመ ሁኔታ በተካሄደ ስብሰባ ስለተፈጠረው ችግር አጣሪ ኮሚቴ እንዲቋቋም፣ ብፁዕ አቡነ ሳሙኤል የልማት እና ክርስቲያናዊ ተራድኦ ኮሚሽን ሊቀ ጳጳስ ሆነው እንዲቆዩ ተወስኖ የነበረ ቢሆንም ኮሚቴውም የደረሰበትን ሳያሳውቅ የውኃ ሽታ ሆኖ ቀርቷል፤ ብፁዕ አቡነ ሳሙኤልም በማንአለብኝነት በቀጠለው የአቡነ ጳውሎስ ጣልቃ ገብነት የተነሣ በኮሚሽኑ የተሰጣቸውን ሐላፊነት በአግባቡ ለመወጣት እንዳልቻሉ በመግለጽ ወደ ኢየሩሳሌም ሊሄዱ ችለዋል፡፡

ሐምሌ ስድስት ቀን 2002 ዓ.ም በተካሄደው የቅዱስ ቅዱስ ሲኖዶስ  ጉባኤ ብፁዕነታቸው የአጣሪ ኮሚቴው ሪፖርት ለሠየመው ቅዱስ ሲኖዶስ  የማይቀርብበትን እና ሥራቸውን የማይቀጥሉበትን ምክንያት በተመለከተ ጥያቄ አቅርበው ነበር፡፡ ለጥያቄያቸው ፓትርያርኩ የሰጡት ምላሽ የአጣሪ ኮሚቴውን ሪፖርት በቋሚ ቅዱስ ሲኖዶስ  ለማየት ታስቦ የነበረ ቢሆንም ኮሚቴው ሪፖርቱን በወቅቱ ማድረስ እንዳልቻለ፣ ብፁዕነታቸው የአዲስ አበባ ሀገረ ስብከትን በአግባቡ እንዳላስረከቡ እና ወደ ውጭ ሄደው መቆየታቸውን ያጣቀሰ ነበር፡፡ የሀገረ ስብከቱን ርክክብ በተመለከተ ምላሽ የሰጡት ብፁዕ አቡነ ጢሞቴዎስ በፓትርያርኩ የተሰጠው ምክንያት ትክክል እንዳልሆነና በራሳቸው እጅ ተገቢውን ሰነድ ሰጥተዋቸው እንደነበር አስተውሰዋቸዋል፡፡ ብፁዕ አቡነ ሳሙኤል በበኩላቸው የአጣሪ ኮሚቴው አባላት በጥቅም ከመደለል ጀምሮ ሪፖርቱ ስለምን ለሲኖዶሱ ሳይቀርብ እንደቀረ ዝርዝር መረጃ እንዳላቸው፣ እርሳቸውን ለመጉዳት 24 ገጾች ያሉት የሐሰት ውንጀላ ለመንግሥት ከማቅረብ አንሥቶ በፓትርያርኩ እና በተባባሪዎቻቸው ምን እየተፈጸመ እንዳለ እንደሚያውቁ፣ ይሁንና ፓትርያርኩ እንደሚያስቡት አንዳችም ጉዳት ሊያገኛቸው እንደማይችል፣ ይልቁንም የትመጣቸው የማይታወቁ መንደርተኞች በጠቅላይ ቤተ ክህነቱ ከትመው ሕገ ቤተ ክርስቲያን እየተጣሰ፣ ሥርዓተ አበው እየፈረሰ፣ ቤተ ክርስቲያኒቱ የቁልቁሊት እየሄደች መሆኑን አስረድተዋል፡፡ ከዚህም የተነሣ ብፁዓን አባቶች ከመተባበር ይልቅ በሌሎች አጀንዳዎች መጠመዳቸው እንደሚያሳዝናቸው፣ እርሳቸው ግን ተጋድሏቸውን አጠናክረው እንደሚጥሉ በግልጽ አሳውቀው ነበር፡፡

 በሐምሌው የቅዱስ ሲኖዶስ ጉባዔ ዋዜማ ለ18ኛው በዓለ ሢመት ሐውልተ ስምዕ አሠርተው በማስመረቅ ሽር ጉድ ያሉት በእነ ወ/ሮ እጅጋየሁ (ፎቶውን ይመልከቱ) የሚመራ ቡድን ስብሰባው በታየው መልክ ያለውጤት እንዲጠናቀቅ አንዳንድ አባቶችን በጥቅም የማግባባት ሥራ ሠርቶ እንደነበር ይታወቃል፡፡

በሐምሌ ወር መጨረሻ ብፁዕ አቡነ ሳሙኤል ወደ ቅድስት ሀገር ኢየሩሳሌም በመሄድ የሱባኤውን ወቅት፣ የዘመን መለወጫን እና የመስቀል በዓላትን በዚያው ውለው ሰሞኑን ወደ አዲስ አበባ የተመለሱ ቢሆንም አካሄዳቸው በውጭ ለመቅረት፣ አልያም በውጭ የሚኖሩበትን ሁኔታ ለማመቻቸት እንደሆነ የቤተ ክህነቱ የማፊያ ቡድን አሉባልታ ሲነዛ ከርሟል፡፡ ለብፁዕነታቸው ቅርብ የሆኑ ምንጮች እንደሚያስረዱት ግን አቡነ ሳሙኤል እርሳቸውን የሚቀርቡ የሀገረ ስብከቱ እና የአጥቢያ አብያተ ክርስቲያን ሐላፊዎች እና አገልጋዮች የሚደርስባቸውን ተጽዕኖ በመረዳት እንዲሁም ከደኅንነታቸው አኳያ የሱባኤውን ወቅት በፍጹም ጽሞና ወደሚያሳልፉበት ኢየሩሳሌም እንደሄዱና አሁንም ቢሆን በቤተ ክርስቲያኒቱ ላይ እየተፈጸመ ላለው በደል መፍትሔ ለመሻት እየተጉ እንደሚገኙ አስረድተዋል፡፡

በመስቀል ደመራ ክብረ በዓል ላይ ቁጥራቸው ያልተገለጹ ሰዎችን ዝርዝር ፊርማ ያረፈበትን የአድማ ወረቀት የያዙ ሁለት ጥቅመኛ ግለሰቦች የአጥቢያ አስተዳዳሪዎችን፣ የሰበካ ጉባኤያት ጸሐፊዎችን እና ካህናትን ብፁዕ አቡነ ሳሙኤል ወደ ሀገረ ስብከቱ እንዲመለሱ ሊተላለፍ የሚችልን ውሳኔ በመቃወም ዙሪያ የማግባባት ሥራ ሲሠሩ መታየታቸው ተዘግቧል፡፡ ሁኔታው ከሀገረ ስብከቱ እስከ መንበረ ፓትርያርኩ ድረስ የተዘረጋውን የመጠቃቀሚያ ሰንሰለት በማስቀጠል ለቤተ ክርስቲያኒቱ ዐበይት የአስተዳደር፣ የፋይናንስ እና የቁጥጥር ችግሮች ሁነኛ መፍትሔዎችን እንደሚሰጥ የሚጠበቀውን የጥቅምቱን የቅዱስ ሲኖዶስ ስብሰባ ከወዲሁ ለማሽመድመድ የሚደረጉ የቀቢጸ ተስፋ ሙከራዎች ዓይነተኛ መገለጫ ተደርጎ ተወስዷል፡፡

27 comments:

desa said...

tekatelhu!

Anonymous said...

YE ETHIOPIAYA AMILAK YITEBIKEN
OH AMLAKINE ISKEMAIZENU NINEBER WISTE HAZENE LIBINE TESEHALENE WE MEYIT MIHRETIKE LAILENE

Anonymous said...

Egziabher Yiqr Yibelachihu!!! If it was a petition to condemn Dn, Begashaw, you might have ululated. But when the petition is against one of your own (the opposition leader) you cry out loud. Please don't fool yourself! You are doing more harm than good to your mother Church!!!

Anonymous said...

you guys you don't understand the whole news or the truth. there is not spirite in the EOTC synode. I prefer Mahiber kidusan compare to the Holy synode. I saw the picture of abba pauls , he is pray for the world , but not for ethiopian's people. DO you believe abba paul is our Holy father? if you do , you are in the wrong direction . ask you Lord to give us the right father in the wright time.

Anonymous said...

Dejeselam please guys we need peace, u guys are destroying our good name. PLease ere ybqa, "tnsh zmta" yasfelgal, As the anoymous said i belive you guys are harming than helping the church. we are tired of your bad news, and u guys just dont do nothing but spread the divinding. we dont need "achebchabiwoch" let god be worshiped. so can u please please stop this news, if u have good teaching about our religion then do it, we need lessons, lessons like "mistrat, kurban, nseha..." so let us learn something good from your site,

Anonymous said...

reply to the one who said "I prefer mahbere kidusan than the synode". My brother, god gave us the synode, the synode is the head of our church, if the synode have the sprite, then that means the papas dont, if they dont that means the qes and diqons dont too, (the papas with no gods sprite, gave them the dquna and ksna) that means the whole church dont have the sprite, U ARE ON THE WRONG WAY, god chosed them becouse they are good for us, he is the one who choses not u or me, please think, when the synode brings rule are u going to say, i dont follow it becouse MK did not annouced it?

Anonymous said...

Dear Dejselam

Thank you for your dedication to get the latest information.

For the guy who comment 'guys we need peace, u guys are destroying our good name." I don't see what the problem is with Dejeselam regarding to the post. Dejeselam is letting us what is going on. DO you think that they are happy in the situation? no. Do you think just keep silent solve the problem.No... Please let Dejselam do the work what it started for and do your contrbiution. Pray ...or if you prefer keep silent. OR..if you don't want to see this kind of news i guess dejeselam is not for you..
Take it easy

Egziabher Haymanotachen yitebiklen
Amen

ችሎ ማደር said...

አቡነ ሳሙኤልን ብዙዎች ብዙ ብለዋቸዋል ። እኔም የማውቀውን ልመስክር ከኤሊ እግር ሥር ያደገው እስራኤልን በእግዚአብሔር ቸርነት የታደገው የሳሙኤል አምሳያ ሳሙኤል ። ለኢትዮጵያ ቤተ ክርስቲያን እንደ እግዚአብሔር ፈቃድ የወደፊት ተስፋ ። ይህ ሲባል የሚከፋቸው መንደር የሚያመልኩ ጳጳሳት እንዳሉ አውቃለሁ የማፍያው ቡድን አባላትና ተባባሪዎች የግራ ዘመሙ ፖለቲካ አቀንቃኝ ወሬ ለቃሚዎች እንደነ አባ.... ለግዜው ስም አልጠራም ግን አባ ሳሙኤልን ከአባ ጳውሎስ 4 ገጽ የክስ ደብዳቤ ነጸ ናቸው ። ይህን መንግሥት አሁን ያወቀው ይመስላል ። ግን ለአባ ሳሙኤል የልጅነቴንና የፍቅሬን የአክብሮቴንና የስስቴን አንድ ነገር ልበል ፈቃድ እንደጡኝ ቆጥሬ ከወትሮው በተለየ በጸሎት መጠመዱን እጅግ እጅግ አጠንክረው ይቀጥሉበት ቁልፍ ስለ ኾነ <> እንደተባለው ስለ ኾነ። ለግዜው ይበቃኛል ። ወደ ፊት ደግሞ ትንሽ የምለው አላጣም ። ለኹሉም እግዚአብሔር ከርሶ ጋር ይሁን ብለን በልጅነታችን በጭንቅ ስላለችው ቤተ ክርስተያናችን እና ስለ ብፁዕነትዎ እንጸልያለን ቡራኬዎ ይድረሰን ።

Anonymous said...

Yes all, we all understand the situation our church is in, it is frustrating. But do not mix up things, MK never had this kind of feeling Mk is always abide by the Synod rules and regulations it is never equivalent or better that the Synod. Of course Bagashaw is just a miserable business man, arrogant ignorant, and non-orthodox, who is working day and night to accumulate money at the cost of the death of our church

Anonymous said...

Please let us understand the status our church is in. That is dangerous. Let us be with our mind. we need prayer. My brother said he prefers MK than the Synod, which completely is not right, never the will and action of MK. MK never been better or higher, or equivalent , rather has been supporting the Synod with all it can and continues doing same. because it is established by the good will of the Synod. Begashaw, but is ignorant, arrogant, non Orthodox, a private business man trying to benefit at the expense of the death of the Church.

John said...

" .. የምንናገረው ብዙ ነገር አለን፥ ጆሮቻችሁም ስለ ፈዘዙ በቃል ልንተረጕመው ጭንቅ ነው። " ዕብ.5:11

dejutours said...

All the archbishops and the bishops are our respected fathers, we respect all. But they seat on, to lead the sheep. They have to use their right on the right way only. The synod has to upgrade its working style participating the its followers. Unless and other wise what will come on the future...? we will see. If Abuna Samuel works for the church, he has to return back to his position, no need of collecting opposition signatures, Every one should take care before signing. Sorry to say that, I want to advice our church fathers. Dear fathers in Christ, you have to remind how the church given to you. you have to die only for the truth, for the church. Unless and otherwise, you will asked by history. May God bless all of us.

mengiste said...

መረጃዉ በመለቀቁ ምንም ቅሬታ የለኝም፡፡እዉነተኛ መረጃ ነዉና፡፡ከዚህም ቤ/ክ ትጠቀማለች እንጅ ጉዳት አይደርስባትም፡፡ከሁላችን ግን የሚጠበቀዉ መጸለይና ተስፋ መቁረጥ የሚባለዉን በፍጽም አለማስተናገድ ነው፡፡እግዚአብሄር ቤ/ክ ይጠብቅ፡፡

Anonymous said...

በግራኝ ወረራ ምክንያት የአሕዛብ ባህልና ለክርስትነና ሕይወት ግድየለሽ መሆን እንደተለመደ በአቡነ ፓውሎስ ምክንያት በቤተክርስቲያን ያልነበረ ስርዓት እንዳይለመድ የሚመለከታቸው ሁሉ በአፍም በመጽሐፍም ማስተማር ይጠበቅባቸዋል

Anonymous said...

ሱራፌል ነኝ
የብጹዕ አቡነ ሳሙኤልን ተጋድሎ ሌሎች አባቶች ቢደግሙት ቤተክርስቲያን ከገባችበት ፈተና በተወጣች ነበር????እግዚአብሔር ይጠብቃቸው

Anonymous said...

Thanks DS for the timely update! This will wake up other fathers not to sign on the petition! This is a great job. Please focus on the ball. The news has nothing to do with with MK or Dn.Begashaw.We all have to disclose this evil acts and aware our holy fathers to back off and start following the Aba Samuel's step and start doing the right thing. THey should be a good example for the mother church and their children.

Peace to our church.

EHETE MICHEAL said...

Gude bele yager sew Egizooo Egizoo Egizoo beka belen Egizabher hoy kezhi mekera mechi new yemnarfew?????ere ye Kidusan Almalk ande belen.
EHETE MICHEAL

Anonymous said...

To Deje selam: We are not able to see older posts easily. Check and make it available. Only one is displayed.

ዘ ሐመረ ኖህ said...

ደጀ ሰላሞች በርቱ ዘርፈ ብዙ የሆነው የቤተክህነት በሽታ በእናንተና በሌሎች ወንድሞች ግልጽ ባይወጣ ኖሮ በሽታው የበለጠ ስር ይሰድና ሳናውቀው ሞተን ሳናውቀው ተቀብረን ነበር፡፡ የበሽታው አይነትና መጠን በግልጽ ከታወቀ በኋላ ተገቢው መድሃኒት ተፈልጎ በሽታውን ከነ ሰንኮፉ ነቅሎ ለማውጣት ይቻላል፡፡ ነገር ግን ፈታኝ የሆነ የሞት ሽረት ትግል ይጠይቃል፡፡ እዚህ ትግል ውስጥ ገብቶ ለመጋደል እንደ አቡነ ሳሙኤል እውነተኛ የተዋሕዶ ልጅ ሆኖ በቅርብ መገኘትና ከብጹዕነታቸው ጋር አብሮ መጋደል ይጠይቃል፡፡ እናት በበሽታ እየተሰቃየች ይሄም የአደባባይ ሚስጥር ሆኖ ሳለ፣ በበሽታዋ ህዝብ አህዛብ ሲሳለቁባት ጥቂቶች ደግሞ በህመሟ ሲነግዱባት ዝም በሏት እነደ ታፈነች ትሙትና ትቀበር የሚል ምን አይነት ልጅ ነው?እግዚኦ ፡፡ እውነተኛ የተዋሕዶ የቁርጥ ቀን ጥቂት ልጆች የመፍትሄ አካል በመሆን ከእወነተኞቹ ጥቂት ብጹአን አባቶች ጋር በአንድነት የምንጋደልበት ቀን ቀርቧልና እንበርታ፡፡ ሁላችንም ድርሻችንን በተቀናጀ መልክ እንወጣ፡፡ጌታችን አላዛርን ከሞት ሲያስነሳ ድንጋዩን አንሱት ያለው አንድም ለሰው ድርሻ እንዳለው መግለጹ ተረሳን ይሆን? ነብያትና ሐዋርያትስ ከጾምና ከጸሎት ባሻገር በሌላም ጭምር የተጋደሉት ተረሳን ይሆን? ለነገሩ ምን ያልረሳነው ነገር አለ? ወደ ልቦናችን ተመልሰን መልካሙን ገድል እንጋደል ዘንድ እግዚአብሔር ይርዳን፡፡ በዔሊ ዘመን በእስራኤል ላይ የተፈጸመው ሙሉ ለሙሉ በኛም ላይ እንዳይፈጸም የዽንግል ማርያም ምልጃ አይለየን፡፡ በርቱ ደጀ ሰላሞች ቸር ይግጠመን፡፡

Anonymous said...

It is the right time to pray more for EOTC now. Please do not talk decide quickly for the issue you do not know in detail.
Let Lord solve the the evil taste.

ደጀ ሰላም said...

"To Deje selam: We are not able to see older posts easily. Check and make it available. Only one is displayed."

Dear Dejeselamawi,
On the left side, you will see all the archive we have from the start of this blog until now. You can not miss it. Check "ARCHIVE" month by month.
Deje Selam

Dirsha said...

I am realy happy with what you are doing, the dejeselams, keep it up pleas but I am realy get confused what to do to our mother, EOTC, not only the patriaric but also the other bishops are attacking the church knowngly or unknowngly. The mafia groups are out of the real situation and I think they do not know what they are doing becouse there mind is totaly controlled by the root couse of sin i.e love of moneny. The leader of the Mafiya group, the patriaric and wonbedie Ejigayehu, Could be thrown out before distracting our church but how???? Please let's discuse and pave the way to overthrow the patriaric b/c he has fulfield all the criterias to be dawon and support true fathers like Abune Samuel.

RAMA said...

I requist the Ethiopian Government NOT TO MAKE ANOTHER BIG HISTORICAL MISTAKE.LEAVE THE ETHIOPIAN CHURCH TO THOSE WHO ARE ONLY SPRITUAL.
Now the Government has only a prime choice.That is to be willing full to allow the church to solve her problem with out the interferance of the MAFIA GROUP. The role of the Government now must be to protect the church from the MAFIA GROUP.Infact the other choice that Gov't has is to stand on the side of MAFIA group and to FACE WITH THE CONTINOUS UNSTABLITY IN ALL DIRECTIONS OF THE NATION.
SOME TIMES EVEN PRIME MINISTER MUST FEAR GOD!!!UNLES HE COUNT HIMSELF AS GOD.
THAN YOU
RAMA

enag said...

"engidih min enilalen?" Heb.11 Egziabher bete kirestianachinin yetebik. "enena ye abate bet bedilenal..." Nehimya. When our sin reachs on its climax, we are here to see a church which is leaded by a certain unknown 'Galemota' woman. egziabhere yaqililin. May the God of our fathers back the days of our holly fathers. May the God of our fathers, THE ALMIGHTY creat and multiple fathers like Pope Samuel(May god save him-the father who has nothing with racism.) We are waiting for the day of GOD!

enag wedi zera Ya'eqob weTewodros we Pertos said...

Egziabher Haymanotachen yitebiklen
Amen!
በግራኝ ወረራ ምክንያት የአሕዛብ ባህልና ለክርስትነና ሕይወት ግድየለሽ መሆን እንደተለመደ በአቡነ ፓውሎስ ምክንያት በቤተክርስቲያን ያልነበረ ስርዓት እንዳይለመድ
YE ETHIOPIAYA AMILAK YITEBIKEN
Dn, Begashaw,Please don't fool yourself!
" .. የምንናገረው ብዙ ነገር አለን፥ ጆሮቻችሁም ስለ ፈዘዙ በቃል ልንተረጕመው ጭንቅ ነው። " ዕብ.5:11
The Ethiopian Government NOT TO MAKE ANOTHER BIG HISTORICAL MISTAKE.LEAVE THE ETHIOPIAN CHURCH TO THOSE WHO ARE ONLY SPIRITUAL. OUR GOD WILL REVENGE YOU,SURE!
It is the right time to pray more for EOTC now.
Thank U Dejeselam!ደጀ ሰላሞች በርቱ ዘርፈ ብዙ የሆነው የቤተክህነት በሽታ በእናንተና በሌሎች ወንድሞች ግልጽ ባይወጣ ኖሮ በሽታው የበለጠ ስር ይሰድና ሳናውቀው ሞተን ሳናውቀው ተቀብረን ነበር፡፡

Abakiya said...

Selam Deje Selamoche,
I love your reporting. Well, there are always people who will object your reports. But, do not get discouraged by that. I myself write articles on Ethiopian politics and the number of insults I receive is so immense that if I care about that I would not write again. Bertu.
Tekle

Dirsha said...

It is to ask Wolderufael. You have tried to Dipopularize Abune Samuel but in his time at least there was no Hawulit, there was no 3.5milion birr car to give,...and you tried to take Zerihun's Writting as an ividence but it was deleberately sponsored by the mafiya group and it is simple and tera fetera. So if you are true cristian please tell us about the mafiya group, and things about the mafiaya leaders. We know Abune samuel More than You. I think you may be one of those who are collecting pitition. God will ask you if you did so.May God keep you from trieying to hide trues and be on the side of the mafiyas.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)