October 2, 2010

ብፁዕ አቡነ ኤፍሬም የ1.8 ሚልዮን ብር መኪና ተሸለሙ

  • ምእመናን ‹‹ሽልማቱ ለሀገረ ስብከቱ ስድብ ነው›› ይላሉ
(ደጀ ሰላም፤ ኦክቶበር 2/2010፤ መስከረም 22/2003 ዓ.ም):-  ከ1981 ዓ.ም ጀምሮ የሰሜን ሸዋ ሀገረ ስብከት ሊቀ ጳጳስ በመሆን እያገለገሉ ለሚገኙት ብፁዕ አቡነ ኤፍሬም የ1.8 ሚልዮን ብር ላንድክሩዘር መኪና ሽልማት ተበረከተላቸው፡፡ ከመኪናው ጠቅላላ ወጪ ገሚሱ የተሸፈነው በሀገረ ስብከቱ ከሚገኙት የደብረ መንክራት መጥምቀ መለኮት ቅዱስ ዮሐንስ እና ደብረ ምጥማቅ ጻድቃኔ ማርያም ገዳማት ሲሆን የተቀረው ደግሞ ሀገረ ስብከቱ ለመንበረ ፓትርያሪክ ጠቅላይ ቤተ ክህነት በበጀት ዓመቱ መጨረሻ ከሚልከው ፈሰስ ላይ በብፁዕ ወቅዱስ አቡነ ጳውሎስ ትእዛዝ ወጪ ተደርጎ ነው፤ ግዥው የተፈጸመው በጠቅላይ ቤተ ክህነቱ ነው፡፡ በዘመን መለወጫ ዋዜማ በመንበረ ፓትርያሪኩ ጽ/ቤት ተዘጋጅቶ በነበረው የሟሟቀ ድግስ የመኪናውን ቁልፍ ለብፁዕ አቡነ ኤፍሬም የሰጡት ብፁዕ ወቅዱስ አቡነ ጳውሎስ ሲሆኑ ለድግሱ ከሀገረ ስብከቱ  በቀሲስ በቀለ ወንድማገኘሁ በኩል 30‚000 ብር ወጪ መደረጉ ተዘግቧል፡፡
ከሀገረ ስብከቱ አዳጋች መልክአ ምድራዊ አቀማመጥ፣ ብፁዕነታቸው ማዕርገ ጵጵስና ከብፁዕ ወቅዱስ አቡነ ተክለ ሃይማኖት ከተቀበሉበት ከ1972 ዓ.ም ጀምሮ ከሰጡት የረጅም ዘመን አገልግሎት እና በ2000 ዓ.ም የካቲት ወር ብፁዕነታቸው የጥንታዊቷን የመርሐቤቴ ገረን ማርያም ቤተ ክርስቲያን እድሳት የመሠረት ደንጊያ ጥለው ሲመለሱ ጫጫ ላይ ደርሶባቸው ከነበረው የመኪና አደጋ አኳያ ሽልማቱ ቢያንስ እንጂ እንደማይበዛ አንዳንዶች አስተያየታቸውን ይሰጣሉ፡፡ በአንጻሩ በሀገረ ስብከቱ አንዳችም አመርቂ የልማት እንቅስቃሴ አለመካሄዱ የእግር እሳት የሆነባቸው ምእመናን እና የሀገረ ስብከቱ ሠራተኞች ‹‹ሽልማቱ ለሀገረ ስብከቱ ስድብ ነው›› በማለት ያማርራሉ፡፡ ብፁዕነታቸው ለፓትርያርክ አቡነ ጳውሎስ 18 ዓመት በዓለ ሢመት በተገለጠው ሐውልተ ስምዕ ላይ በመገኘት ከአዲስ አበባ ሀገረ ስብከት አጥቢያ አብያተ ክርስቲያን በውድ እና በግድ በተዋጣ ከ45‚000 - 85‚000 ብር ለአቡነ ጳውሎስ የተበረከተላቸውን የ3.5 ሚልዮን ብር የ2010 ሞዴል ባለስምንት ሲሊንደር ቶዮታ መኪና ቁልፍ በሥራ አስኪያጁ ሊቀ ማእምራን ፋንታሁን ሙጬ አስተናባሪነት ለአቡነ ጳውሎስ ሰጥተው እንደነበር አስተያየት ሰጪዎቹ አስታውሰዋል፡፡

ብፁዕነታቸው አብዛኛውን የሥራ ጊዜያቸውን በጸሎት እና መጻሕፍትን በመመርመር የሚያሳልፉ ‹‹ትሑት እና የዋህ›› አባት ቢሆኑም በአሁኑ ወቅት የመንበረ ጵጵስናው መቀመጫ በሆነው ደብረ ብርሃን ከተማ የሌሎች እምነት ተቋማት እስከ ሰባት የሚደርሱ ዐጸደ ሕፃናትን ሲከፍቱ፣ ባላገሯ የኢትዮጵያ ኦርቶዶክስ ተዋሕዶ ቤተ ክርስቲያን ግን የረባ ክሊኒክ ይሁን ዐጸደ ሕፃናት አለመክፈቷ ድክመት ብቻ ሳይሆን አሳፋሪ እንደ ሆነ ታዛቢዎቹ ያስረዳሉ፡፡ ሀገረ ስብከቱ በየዓመቱ በሀገር አቀፉ የመ/ፓ/ጠ/ቤ/ክ ሰበካ ጉባኤ ላይ መስፈርቱ በግልጽ በማይታወቀው የደረጃ አሰጣጥ አንደኛ ከሚወጡት ተርታ እየተሰለፈ የሚሸለም መሆኑ ሲታይ ደግሞ ሁኔታውን መሪር እንደሚያደርገው የሀገረ ስብከቱ ምእመናን ይናገራሉ፡፡
አጣዬ፣ ይፋት፣ አንኮበር እና አንጾኪያ የተባሉ የሰሜን ሸዋ ወረዳዎች ጥንተ ክርስትናቸው እየተዳከመ በኢ-ጥሙቃን አማሌቃውያን እየተጥለቀለቁ፣ እንደ አጣዬ ሰንበቴ ቅዱስ ሚካኤል ያሉት አብያተ ክርስቲያን ቅጽሮቻቸው በኢጥሙቃኑ ተጥሶ የመስኮት መስተዋቶቻቸው እየደቀቁ በተለይም ደግሞ ኦርቶዶክሳውያን እኅቶች እምነታቸውን እየቀየሩ ወደ ዐረብ አገሮች እየተላኩ መሆኑን ምእመናኑ በቁጭት ይገልጻሉ፡፡ ጸሎቱም የሚሠምርልን ከተግባር ጋራ ሲተባበር ነው ያሉት ምእመናኑ፣ የሀገረ ስብከቱን የልማት እንቅስቃሴ በተሻለ አቅማቸው መደገፍ የሚችሉት እንደ መንዝ ቅዱስ ሚካኤል፣ ደብረ መንክራት ጻድቃኔ ማርያም ገዳም እና ደብረ ብርሃን ቅድስት ሥላሴ ያሉት አብያተ ክርስቲያን በጠቅላይ ቤተ ክህነቱ በሰበብ አስባቡ ልማድ እየሆነ ለመጣው ድግስ ቅቤ እና በጦስኝ የደለበ በግ አቅራቢ ሆነው መቅረታቸው እንደሚያንገበግባቸው ከማጋለጥ አልሸሸጉም፡፡ ከዚህ አኳያ ሀገረ ስብከቱ ‹በሥራ አፈጻጸሙ› ከአንደኞች ተርታ የሚሰለፍበት መለኪያ መስፈርት እንደሚያጠራጥራቸው ታዛቢዎቹ አመልክተዋል፡፡

በሌላ በኩል የአዲስ አበባ ሀገረ ስብከት ሥራ አስኪያጅ ፋንታሁን ሙጬም ሃያ በሚደርሱ የአዲስ አበባ አህጉረ ስብከት አስተዳዳሪዎች እና ጸሐፊዎች እንደተዋጣ በተገለጸ 240‚000 ብር የተገዛች ሃችባክ ሞዴል መኪና በፓትርያሪኩ አማካይነት በሽልማት እንደተበረከተላቸው ተሰምቷል፤ የገንዘቡ ምንጭ ባይታወቅም የሥራ አስኪያጁ የራሳቸው እንደሆነና የሽልማት ሥነ ሥርዐቱም ለፈሊጥ የተዘጋጀ መሆኑን የሚናገሩም አሉ፡፡ የሆነው ሆኖ በዘመን መለወጫ ዕለት በመንበረ ፓትርያሪኩ የስብከተ ወንጌል አዳራሽ በዝግ ደጅ በተካሄደ ጥብቅ ሥነ ሥርዐት የመኪናዋን ቁልፍ ለሥራ አስኪያጁ ያስረከቡት አቡነ ጳውሎስ እስከዚያ ቀን ድረስ ተናግረው የማያውቁትን ከሥራ አስኪያጁ ጋራ በወላጅ አባታቸው በኩል አለኝ ያሉትን የትውልድ ቦታ አንድነት መግለጻቸውን ውስጥ ዐዋቂዎች አመልክተዋል፡፡ ሥነ ሥርዐቱን የታዘቡ ተንታኞች እንደሚያስረዱት ሁኔታው የፓትርያሪኩ እና የሥራ አስኪያጁ ያልተቀደሰ የጥቅም ቁርኝት ምን ያህል ሥር እንደ ሰደደና የማይወጡት ኢ - መንፈሳዊ የጥፋት አዙሪት ውስጥ እንደከተታቸው የሚያረጋግጥ ነው፡፡ በአንጻሩም ከሀገረ ስብከቱ እስከ መንበረ ፓትርያሪኩ ድረስ በመዋቅራዊ መልኩ ግዘፍ ነስቶ መልክ አውጥቶ የሚገኘውን በቡድናዊነት፣ በጠባብነት፣ በሙስና፣ በድለላ እና በፍጹም አድርባይነት የመክበርን ተግባር ግልጽነትን እና ተጠያቂነትን በሚያሰፍን ፍትሐዊ አሠራር ለመቀየር የሚደረገውን ትግል የሞት ሽረት እንደሚያደርገው አመልካች ነው ይላሉ ተንታኞቹ፡፡

መስከረም 15 ቀን በአዲስ አበባ ሀገረ ስብከት የጎፋ ቤዛ ብዙኀን ኪዳነ ምሕረት ቤተ ክርስቲያን እድሳት መጠናቀቅን ምክንያት በማድረግ ለፓትርያርኩ የወርቅ መስቀል፣ ለሊቀ ማእምራን ፋንታሁን ሙጬ ደግሞ ‹‹ምንነቱ ያልተገለጸ›› ሽልማት (በሥነ ሥርዐቱ አዘጋጆች ተገለጸ እንደተባለው) መሰጠቱ፣ እንዲህ ያሉ ውድ ገጸ በረከቶችም በአጥቢያ አብያተ ክርስቲያን ደረጃ ባህል እየሆኑ መምጣታቸው ታህታይ መዋቅሩ  ያልተቀደሰ የጥቅም ቁርኝት ከፈጠረው ላዕላይ የቤተ ክህነቱ መዋቅር  ጋራ ጥገኛ በመሆን ተቋማዊ ሥርዓቱን ከላይ እስከ ታች በክሎ ለአጠቃላይ ዝቅጠቱ ማኅበራዊ እና ኢኮኖሚያዊ ህላዌ መራዘም ምክንያት እንደሚሆን ግልጽ ነው፡፡ በመጪው ጥቅምት በወሳኝ መልኩ እንደሚካሄድ በሚጠበቀው የቅዱስ ሲኖዶስ ምልአተ ጉባኤ በጠቅላይ ቤተ ክህነቱ የአስተዳደር፣ የፋይናንስ እና የቁጥጥር መዋቅሮች ላይ ትኩረት ሰጥቶ ከፍተኛ ውሳኔ በማሳለፍ ለችግሩ መሠረታዊ መፍትሔ እንደሚሰጥ ይጠበቃል፡፡











18 comments:

Anonymous said...

abune efremin atinku lenante tiru ayihonum i know him very well.he is our true spiritual father.

Anonymous said...

ደጀ ሰላምን ማንበብ እንዴት ማቆም ይቻላል ወንድሞቸ
እያነበቡ መናደድ ብቻ እኮ ሆነ ስራየ
ወይ የመፍትሔዉ አካል ለመሆን ምንም እንቅስቃሴ አላደረኩ
አረ ምን ማድረግ እንዳለብኝ እንኳን አላዉቅም
ይገርማል የኔ ነገር መናደድ ብቻ
ተዘከረነ እግዚኦ
ተዘከረነ እግዚኦ
ተዘከረነ እግዚኦ

Anonymous said...

1.8 million in today's Ethiopia is small money and he deserve it. Don't get angry as usual.

ዘ ሐመረ ኖሕ said...

በዔሊ ፊንሀስና አፍኒን ዘመን በስራኤል ላይ የደረሰው በኢትዮጵያ ላይ ሊዸርስ ነው ወይም እየደረሰ ነው ልዩነቱ የኛ ሀገርና ቤተክህነት ቀስ በቀስ ውስጥ ውስጡን እየተወረሩና እየጠፉ ሲሆን የእስራኤል ግን በአንድ ጊዜ መፈጸሙ ነው ኧረ እባካችሁ እናት ቤተክርስቲያን እንዲህ ስትሰቃይ እንድረስላት ባለ በሌለ አቅማቸው ሲዘምቱባት ዝም ብለን እንመልከት?ኧረ መላ በሉ ኧረ መፍትሄ አምጡና የመፍትሄ አካል እንሁን ኧረ ስለ ድንግል ማርያም ምን ይሻለናል ምን ውስጥ እንግባ?

Anonymous said...

Hi Guys

if somebody don't went to read you can stop reading it is not coming like pop up, be positive information is always vital,this is 21st century, like your read all 1.8M stuff but one thing how this is happen , the way they handle it,,,it is not deserve or not deserve issue...

we can't learn this was Habesh..we have to take as positive..you take it or not ..some times level of thinking is different , if you have something at the back you can't do it this way. if you can pray as christian and take the information as update.

May God be with us.

Anonymous said...

I have question for everybody . don't want worry about the gifts and cars , but Do these guys deserve it or not ? are they eligible to get gifts from EOTC?
I need answer from you guys. thanks

Anonymous said...

የመጀመሪያው አስተያየት ሰጪ ካለማወቅ ከኾነ ለሁለት ቀን እንደ ባለ ጉዳይ ኾነህ ወደ ሀገረ ስብከቱ ሂድና ጆሮህን ጣል አድርገህ የባለጉዳዩንና የሀገረ ስብከቱን ሠራተኞች ስማ ከዛን ኹሉ ይገለጥልሀል ። በስተቀረ ይህን ማስፈራሪያውን አቆየው እስካሁን እውነትን እንዳንናገር ያደረገን ይበቃል። የአባ ጳውሎስ ቀኝ እጅ ኾኖ ሀውልት የባረከው ማነው? ቤተ ክርስያንንስ በተቀዳሚ ተባባሪነትና ጉዳይ ፈጻሚነት እያፈረሷት ካሉት ዋናው ማን ኾኖ ነው ? ቤተሰባዊ አስተዳደርንስ በማስፈንና በመንደር አምልኮስ የአባ ጳውሎስ ተወዳዳሪ በመኾን ማን ቀዳሚ ተገኝቶ ለኹሉም እውነት መናገር ሐጢያት አይደለም አያስቀስፍምም ። አበው ሊቃውንትን ጠይቅ እውነቱን እውነት ሐሰቱን ሐሰት ማለት የተፈቀደና የታዘዘ ነው። ደጀ ሰላማውያን የበለጠ እውነቱን ለማወቅና ለማሳወቅ ወደ ቦታው ሰው ላኩ ብዙ ገበና አለ።

ዘ ደብረ ሰላም said...

አይ አንቺ ቤተ ክርስቲያን ይህን ሁሉ ጉድ የተሸከምሽበትን ጀርባሽን ላየልሽ:ደግነቱ መሠረትሽ የክርስቶስ ደም በመሆኑ ሁሉን ያስችልሻል እኛ ግን ጊዜው ደርሶ ነፃነትሽ እስኪታወጅ ትዕግሥት አጣን አይቀር "ወይፈድዮ ለኲሉ በከመ ምግባሩ".

Anonymous said...

የመጀመሪያው አስተያየት ሰጪ ካለማወቅ ከኾነ ለሁለት ቀን እንደ ባለ ጉዳይ ኾነህ ወደ ሀገረ ስብከቱ ሂድና ጆሮህን ጣል አድርገህ የባለጉዳዩንና የሀገረ ስብከቱን ሠራተኞች ስማ ከዛን ኹሉ ይገለጥልሀል ። በስተቀረ ይህን ማስፈራሪያውን አቆየው እስካሁን እውነትን እንዳንናገር ያደረገን ይበቃል። የአባ ጳውሎስ ቀኝ እጅ ኾኖ ሀውልት የባረከው ማነው? ቤተ ክርስያንንስ በተቀዳሚ ተባባሪነትና ጉዳይ ፈጻሚነት እያፈረሷት ካሉት ዋናው ማን ኾኖ ነው ? ቤተሰባዊ አስተዳደርንስ በማስፈንና በመንደር አምልኮስ የአባ ጳውሎስ ተወዳዳሪ በመኾን ማን ቀዳሚ ተገኝቶ ለኹሉም እውነት መናገር ሐጢያት አይደለም አያስቀስፍምም ። አበው ሊቃውንትን ጠይቅ እውነቱን እውነት ሐሰቱን ሐሰት ማለት የተፈቀደና የታዘዘ ነው። ደጀ ሰላማውያን የበለጠ እውነቱን ለማወቅና ለማሳወቅ ወደ ቦታው ሰው ላኩ ብዙ ገበና አለ።

EHETE MICHEAL said...

Gude bele yager sew Egizooooo new min yebalal Egizoooo Egizooooo wedet yekedal Ere ande belen yeftari yalh new...
EHETE MICHEAL

Anonymous said...

መኪናው፡የተሰጠው፡ለጥቅምቱ፡ሲኖዶስ፡ድጋፍ፡
ለመግዛት፡ነው።ተቃውሞ፡ከመጣ፡ለመከላከያ፡
ያህል፡፡ሸላሚውም፡ተሸላሚውም፡ለኢትዮጵያ፡
ተዋህዶ፡ኦርቶዶክስ፡ቤተ፡ክርስቲያን፡ጥፋት፣በ
መናፍቃን፡መወረርንና፣የጣዖቱን፡ጥጃ፡በማቆ
ም፡በተለይ፡ይታወቃሉ።እንደነዚህ፡ያሉትን፡ፈ
ሪሃ፡እግዚአብሔር፡የጎደላቸውን፣በቤተ፡ክርስቲያ
ንና፡በተዋሕዶ-ኢትዮጵያ፡ላይ፡ውርደትንና፡ጥ
ቃትን፡ያመጡ፡ሰዎች፣"አባቶች፡"ማለቱ፡እራሱ፡
ከእግዚአብሔር፡ያጣላል!በድብቅ፡ሳይሆን፣በገሃ
ድ፡ይሉኝታቢስነታቸውን፡አሳይተውናል።ምኩ
ራብን፡ከነጋዴዎች፡ያጠራው፡አምላክ፡የእኛንም፡
ቤት፡ያጽዳልን።ተንግዲህ፡ዋዛ፡አያዋጣንምና፣ለ
ጽዳት፡ዘመቻ፡ነቅተንና፡በርትተን፡እንታገል!

መድኃኔ፡ዓለም፡ክርስቶስ፡ስማን!አሜን!!
ስለ፡እመብርሃን፡ብለህ፡ታደገን!አሜን!!!

ሳሙኤል፡ዘአሰቦት።

ወሰን said...

የእግዜር ያለህ ያስብላል
ስንት የሚያስጨንቅ ነገር እያለ
ለዚህ እንጨቅ
እባካችሁ
እባካችሁ በፀሎት እንበርታ

bEserat said...

ቅዱሳን ሐዋርያት እንኳንና ሀውልት ሊያሰሩና ሰረገላ ሊገዙ ይቅርና ለጎዟቸው ቀለብና መሃለቅ አልነበራቸውም:: እስከመቼ ነው ዝም ብለን ይህን ሁሉ የምናየው?? እግዜር እንዲፈርድ ከፈለግን እኛ መጀመሪያ እንቅስቃሴ ማድረግ አለብን:: ይህ ለሃይማኖታችን ብቻ ሳይሆን ለድሃ ሃገራችንም ስድብ ነው:: ነገ ተነስተው መንበሩ ላይ መቀመጥ ያለበት የ ፓትርያርክ ተብየው ፎቶ ነው እንጂ የእመቤታችን ምስል አይደለም እስኪሉን ነው የምንጠብቀው??? ደግሞ በዚህ አያያዝ አይቀርም: ያዳቆነ ሰይጣን ሳያጰጵስ አይለቅም አለ ያገሬ ሰው!!! አትወክሉንም: አባቶቻችን አይደላችሁም እንበላቸው!! እናምጽ!!! አንድ ሆነን እናምጽ!!! እኛ ማደረግ የሚገባንን ሳናደርግ እግዚኦ እግዚኦ ብቻ ብንል ዋጋ የለውም::

Anonymous said...

There are so many churches in the rural area which doesn't have any light,mintaf,tuaf etc etc.... But here they are making fun with me'emenan mewacho which must be hand over to those churches. ERE EGZIYO!

Anonymous said...

Is it a Joke? It got to be

Anonymous said...

ትግራይ ሳሉ የማውቀውና አሁን ያሉበት ይለያል እኔም ስሰማ ማመን ተስኖኝ ነበር ጉዱን ያወቅኩት በቅርቡ ነው በማላውቀው በሰዎች ላይ ፈርጄ ነበር ትውልድ ቦታቸው ሲገቡ የተደበቀው ጠባያቸው ተገልጦ ቤተ ሰብእ ሰብስበው የቤተ ሰብእ መምሪያ እዳደረጉት የተገለጠልኝ አሁን ነው ። ድሮ ትግራይ አብሬያቸው የምኖር አሁን ጠቅላይ ቤተ ክህነት ያለሁ ሠራተኛ ነኝ ። ብዙዎቹም አባቶች እንደዚሁ በሩቅና በቅርብ ሁለት ሰው ናቸው ። ብዙ መረጃ ስላለኝ ካወጣችሁት ልልክላችሁ እችላለሁ ። መረጃ ለመቀበል ፈቃደኛ ሆናችሁ መድረክ ክፈቱ ።

Anonymous said...

እኔን የማይገባኝ ይሄ ስጦታ የሚባል ነገር ነው፤
አሁንማ ባሕል ሊሆን ነው መሰለኝ።
ምዕመናን የሚያቀርቡት አሥራትና መባ ወርቅና መኪና እየተገዛበት ለግለሰቦች ስጦታ መዋል የለበትም ባይ ነኝ።
የሃይማኖት አባቶች ለበጎ ሥራቸው ስጦታቸው ከመንፈስ ቅዱስ ብቻ ሊሆን ይገባዋል።
ለመጓጓዣ ለቢሯቸው የተመደበላቸው መኪና የለምን?
አምላኬ ሆይ ሙዳየ ምጽዋት ውስጥ የምከታትን ሳንቲም የስጦታ መኪና መግዣ ከመሆን አድናት!! አሜን።

Anonymous said...

kewedajoche adenegn ketelatoche ene rasene etebekalehu endale betecrestanachenen keweste telate yetebekelen

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)