September 21, 2010

በስብከተ ወንጌል መስፋፋት እና መጠናከር ላይ ያተኮረ ዐውደ ትምህርት ተጀመረ

  • ዐውደ ምሕረቱ በቡድንተኛ፣ ጥቅመኛ እና ፌዘኛ ሰባክያን ተሞልቷል
(ደጀ ሰላም፤ ሰፕቴምበር 21/2010፤ መስከረም 11/2003 ዓ.ም):-  በአሁኑ ወቅት በኢትዮጵያ ኦርቶዶክስ ተዋሕዶ ቤተ ክርስቲያን በሚደረገው ስብከተ ወንጌልን የማስፋፋት እና የማጠናከር ጥረት ዐውደ ምሕረቱ ቀላል ግምት በማይሰጣቸው ቡድንተኛ፣ ለቁሳቁስ እና ለገንዘብ ፍቅር ተላልፈው በተሰጡ እና ለምእመናኑ ዋዛ ፈዛዛ እየተናገሩ ካላሣሣቁ ያስተማሩ በማይመስላቸው ሰባክያን እየተሞላ መምጣቱ ተገለጸ፡፡
ይህ የተገለጸው ዛሬ መስከረም 11 ቀን 2003 . ጠዋት በመ//// /ቤት ስብከተ ወንጌል አዳራሽ በተከፈተውና ለሁለት ቀናት በሚቆየው ዐውደ ትምህርት ላይ ከአንዳንድ የመርሐ ግብሩ ተሳታፊዎች በተሰጠው አስተያየት ነው፡፡ አንዳንድ የዐውደ ትምህርቱ ተሳታፊዎች በምሳሌ እየጠቀሱ እንዳመለከቱት በአሁኑ ወቅት በዐውደ ምሕረቱ ለምእመናን እየተሰጡ ባሉ ትምህርቶች በመሠረተ እምነት ትንተና የምስጢር ዳኅፅ (ስሕተት) የሚታይባቸው፣ ስለ ቅዱሳን የተነገሩ ኀይለ ቃሎችን ስለ ክርስቶስ ከሚነገረው ጋራ ወደረኛ እያደረጉ ነገረ ቅዱሳንን ለይስሙላ በማስተማር ፈሊጥ የተጠመዱ ስም ያወጡ ሰባክያን አሉ፡፡ ለምእመኑ በሣቅ እና በስላቅ የተሞሉ ፌዘኛ ትምህርቶችን በማስለመድ እነርሱ ከሌሉ በቀር ጉባኤው እንደማይደምቅ በሰማዕያኑ መካከል በሚፈጥሯቸው ቡድኖች በመቀስቀስ መድረኩን በብቸኝነት አልያም እነርሱ ብቻ በሚያሰማሯቸው ሰባክያን ለመቆጣጠር የሚሹ ቡድንተኛ ሰባክያን እየበረከቱ ነው፡፡ በእግዚአብሔር ቸርነት የተገኘውን ወንጌል በጸጋ እና በትሩፋት ለሁሉም ከማስተማር ይልቅ የወንጌል አገልግሎትን ለባለጸጎች የወሰኑ፣ ለቁሳቁስ እና ለገንዘብ ፍቅር ተላልፈው የተሰጡ ሰባክያን ዐውደ ምሕረቱን እየሞሉት ነው፡፡ ቤተ ክርስቲያኒቱ ብዙ ሺሕ ብሮችን አውጥታ የምታሠለጥናቸውን ደቀ መዛሙርት በማዕከላዊነት የምታሰማራበት፣ ስምሪታቸውን በወጥነት የምትቆጣጠርበት ጠንካራ አሠራር ስለሚጎድላት የትም ተበትነው እየቀሩ ነው፡፡

ዐውደ ትምህርቱን በጸሎት ያስጀመሩት ብፁዕ ወቅዱስ ፓትርያርክ አቡነ ጳውሎስ፣ ‹‹የክርስትና ማእከሉ ፍቅር ነው፤. . ጠላት ከሩቅ አይመጣም፤ ከዚሁ መካከል ነው ያለው፤ በፍቅር እና በመግባባት ይህን ችግራችንን መፍታት ይጠበቅብናል›› ብለዋል፡፡ የዐውደ ትምህርቱ አዘጋጅ የሆነው የስብከተ ወንጌል እና ሐዋርያዊ ተልእኮ መምሪያ ሐላፊ / አባ ኀይለ ማርያም ‹‹ሉላዊነት/ግሎባላይዜሽን/ እና ስብከተ ወንጌል በዘመናችን›› በሚል ርእስ ባቀረቡት ጥናት ፍቅረ ንዋይ ለስብከተ ወንጌል መስፋፋት እና መጠናከር እንደምን ዕንቅፋት ሊሆን እንደሚችል አብራርተዋል፡፡ የዜና ቤተ ክርስቲያን ጋዜጣ ምክትል ዋና አዘጋጅ የሆኑት መምህር ካህሳይ ገብረ እግዚአብሔር ሰባክያነ ወንጌል በዕፅዋት (ብዝኀ ሕይወት) ክብካቤ የሚኖራቸውን ሚና የሚያሳይ በቤተ ክርስቲያን ትውፊታዊ አስተምህሮ ላይ የተመሠረተ ጥናት አቅርበዋል፡፡ ዐውደ ትምህርቱ በነገው ዕለት ቀጥሎ የሚውል ሲሆን ለውይይት ከሚቀርቡት ጥናቶች መካከል ‹‹ሚዲያ እና ክርስቲያናዊ ሥነ ምግባር›› የሚል ርእስ ይገኝበታል፡፡ በዐውደ ትምህርቱ ላይ ከአዲስ አበባ እና ከመላው አህጉረ ስብከት የተውጣጡ ሰባክያነ ወንጌል፣ ዘማርያን እና የትሩፋት አገልጋዮች ተሳታፊዎች ናቸው፡፡

17 comments:

GUD FELA ZE MINNESOTA said...

በመጠን ኑሩ ንቁም፥
ባላጋራችሁ ዲያብሎስ የሚውጠውን ፈልጎ
እንደሚያገሣ አንበሳ ይዞራልና፤

እዚህ አሜሪካ ውስጥ ካየሁዋቸው የተለያዩ ጽሑፎች መካከል እጅግ የሚያስገርመኝ አገላለጽ ጠላቶቻችንን በገደልናቸው ቁጥር እጅግ እየበዙ መጡ የሚለው ነው። አሁንም በብዛት እንደምናየውና እንደምንሰማው ብዙ ሰባክያን በየዓመቱ ከመንፈሳዊ ኮሌጅ በመመረቅ በየአውደ ምሕረቱ ላይ ስብከት ቢሰብኩም የወንጌሉን መልእክት ትተው ለግል ዝና የሚያደርጉት ሩጫ ከጥቅሙ ይልቅ ጉዳቱ እያመዘነ በመታየት ላይ ይገኛል። በቁጥር መብዛታቸው ኦርቶዶክሳውያንን ማበርከት ሲገባው ጭራሹን በጥርጥር መንፈስ እንዲሞላ እና ፈሪሃ እግዚአብሔር እንዳይኖረው እያደረገው መጥቷል። በቤተ ክርስቲያን ውስጥ ያሉም ቀልድ ካስተማሩና ሰዉን ዋዘኛ ካደረጉት - ከቤተ ክርስቲያን ውጭ ካሉት በምን ይለያሉ? ኦርቶዶክሳዊ ለዛ የሌለው አሰባበክን የሚሰብኩትን ሊቆጣጠር የሚችል የበላይ መንፈሳዊ አካል መቋቋም ይኖርበታል። ሰባክያኑ ከሰበኩ በኋላ አባቶች ማስተካከያ ሰጥተውበት ትክክለኛውን ትክክል በማለት የተሳሳተውን በማረም የበኩላቸውን ማድረግ ይጠብቅባቸዋል። ስብከት ለደሞዝ መቀበያ ብቻ መሆን የለበትም። በአውደ ምሕረት ላይ መቼ እድል አግኝተን ሕዝባችንን ባስተማርነው የሚለው ሰባኪ መንፈሳዊነቱን ረስቶት መቼ እድል አግኝቼ ገንዘብ የምሰበስብበትን ሁኔታ ባመቻቸሁ የሚለው በቁጥር እየበለጠ መጥቷል። ወንጌልን ባልሰብክ ወየውልኝ በማለት ወንጌልን በመስበክ ላይ ያሉ ብዙ አባቶችና ወንድሞች እንዳሉ እናውቃለን። ይኽን መልእክት ማስተላለፍ የተፈለገው አውቀው ለሚያጠፉትና ስብከትን ሀብት መሰብሰቢያና ዝና ማግኛ ለማድረግ የተነሡትን ነው። ሰባክያኑ ነፍስን ለማስደሰት እንጂ ነፍስን ለማዳን ጥሪ ማድረግ ከረሱ በጣም ቆይተዋል። ሐዋርያው ቅዱስ ጴጥሮስ ዋዛ ፈዛዛ የሚያበዙትን ሰባኪዎች በሁለተኛ መልእክቱ በምእራፍ ሁለት ከቁትር አንድ ጀምሮ እንዲህ ሲል ይገስጻቸዋል።-
ነገር ግን ሐሰተኞች ነቢያት ደግሞ በሕዝቡ መካከል ነበሩ እንዲሁም በመካከላችሁ ደግሞ ሐሰተኞች አስተማሪዎች ይሆናሉ፤ እነርሱም የዋጃቸውን ጌታ እንኳ ክደው የሚፈጥንን ጥፋት በራሳቸው ላይ እየሳቡ የሚያጠፋ ኑፋቄን አሹልከው ያገባሉ፤ ብዙዎችም በመዳራታቸው ይከተሉአቸዋል በእነርሱም ጠንቅ የእውነት መንገድ ይሰደባል። ገንዘብንም በመመኘት በተፈጠረ ነገር ይረቡባችኋል፤ ፍርዳቸውም ከጥንት ጀምሮ አይዘገይም ጥፋታቸውም አያንቀላፋም።

ሐዋርያው ቅዱስ ጴጥሮስ ምስክርነቱ ከላይ እንደተገለጸው ዓይነት ብቻ ሳይሆን ለአገልግሎት የተሰለፈ ሰው ምን ዓይነት መሆን እንደሚገባው መልእክቱን አስተላልፏል። ምንም እንኳን የወንጌሉን ጥቅስ አንብቦ ይኼ ማለት እንዲህ ነው ማለቱ ለሰባክያኑ ይጠፋቸዋል ማለት ሳይሆን አንዳንዱ ይዘነጋልና ለማስታዋስ ነው። የስብከት ኃላፊነት ምን ያህል ከባድ መሆኑን ሐዋርያው ሲነግረን እንዲህ ይላል።-
ማንም ሰው የሚናገር ቢሆን፥ እንደ እግዚአብሔር ቃል ይናገር፤ የሚያገለግልም ቢሆን፥ እግዚአብሔር በሚሰጠኝ ኃይል ነው ብሎ ያገልግል፤ ክብርና ሥልጣን እስከ ዘላለም ድረስ ለእርሱ በሚሆነው በኢየሱስ ክርስቶስ በኩል እግዚአብሔር በነገር ሁሉ ይከብር ዘንድ፤ አሜን።

በመጨረሻም ይኽ የተጀመረ የሰባክያነ ወንጌል ክትትል ሥርዓት ባለው መንገድ እንዲቀጥል እየተደረገ ያለው ጥረት አበረታች ነውና ተጀምሮ ሳይቋረጥ በዚሁ መልክ ቢገፋበት መልካም ነው በማለት አሳቤን እሰነዝራለሁ።

GUD FELA ZE MINNESOTA said...

በመጠን ኑሩ ንቁም፥
ባላጋራችሁ ዲያብሎስ የሚውጠውን ፈልጎ
እንደሚያገሣ አንበሳ ይዞራልና፤

እዚህ አሜሪካ ውስጥ ካየሁዋቸው የተለያዩ ጽሑፎች መካከል እጅግ የሚያስገርመኝ አገላለጽ ጠላቶቻችንን በገደልናቸው ቁጥር እጅግ እየበዙ መጡ የሚለው ነው። አሁንም በብዛት እንደምናየውና እንደምንሰማው ብዙ ሰባክያን በየዓመቱ ከመንፈሳዊ ኮሌጅ በመመረቅ በየአውደ ምሕረቱ ላይ ስብከት ቢሰብኩም የወንጌሉን መልእክት ትተው ለግል ዝና የሚያደርጉት ሩጫ ከጥቅሙ ይልቅ ጉዳቱ እያመዘነ በመታየት ላይ ይገኛል። በቁጥር መብዛታቸው ኦርቶዶክሳውያንን ማበርከት ሲገባው ጭራሹን በጥርጥር መንፈስ እንዲሞላ እና ፈሪሃ እግዚአብሔር እንዳይኖረው እያደረገው መጥቷል። በቤተ ክርስቲያን ውስጥ ያሉም ቀልድ ካስተማሩና ሰዉን ዋዘኛ ካደረጉት - ከቤተ ክርስቲያን ውጭ ካሉት በምን ይለያሉ? ኦርቶዶክሳዊ ለዛ የሌለው አሰባበክን የሚሰብኩትን ሊቆጣጠር የሚችል የበላይ መንፈሳዊ አካል መቋቋም ይኖርበታል። ሰባክያኑ ከሰበኩ በኋላ አባቶች ማስተካከያ ሰጥተውበት ትክክለኛውን ትክክል በማለት የተሳሳተውን በማረም የበኩላቸውን ማድረግ ይጠብቅባቸዋል። ስብከት ለደሞዝ መቀበያ ብቻ መሆን የለበትም። በአውደ ምሕረት ላይ መቼ እድል አግኝተን ሕዝባችንን ባስተማርነው የሚለው ሰባኪ መንፈሳዊነቱን ረስቶት መቼ እድል አግኝቼ ገንዘብ የምሰበስብበትን ሁኔታ ባመቻቸሁ የሚለው በቁጥር እየበለጠ መጥቷል። ወንጌልን ባልሰብክ ወየውልኝ በማለት ወንጌልን በመስበክ ላይ ያሉ ብዙ አባቶችና ወንድሞች እንዳሉ እናውቃለን። ይኽን መልእክት ማስተላለፍ የተፈለገው አውቀው ለሚያጠፉትና ስብከትን ሀብት መሰብሰቢያና ዝና ማግኛ ለማድረግ የተነሡትን ነው። ሰባክያኑ ነፍስን ለማስደሰት እንጂ ነፍስን ለማዳን ጥሪ ማድረግ ከረሱ በጣም ቆይተዋል። ሐዋርያው ቅዱስ ጴጥሮስ ዋዛ ፈዛዛ የሚያበዙትን ሰባኪዎች በሁለተኛ መልእክቱ በምእራፍ ሁለት ከቁትር አንድ ጀምሮ እንዲህ ሲል ይገስጻቸዋል።-
ነገር ግን ሐሰተኞች ነቢያት ደግሞ በሕዝቡ መካከል ነበሩ እንዲሁም በመካከላችሁ ደግሞ ሐሰተኞች አስተማሪዎች ይሆናሉ፤ እነርሱም የዋጃቸውን ጌታ እንኳ ክደው የሚፈጥንን ጥፋት በራሳቸው ላይ እየሳቡ የሚያጠፋ ኑፋቄን አሹልከው ያገባሉ፤ ብዙዎችም በመዳራታቸው ይከተሉአቸዋል በእነርሱም ጠንቅ የእውነት መንገድ ይሰደባል። ገንዘብንም በመመኘት በተፈጠረ ነገር ይረቡባችኋል፤ ፍርዳቸውም ከጥንት ጀምሮ አይዘገይም ጥፋታቸውም አያንቀላፋም።

ሐዋርያው ቅዱስ ጴጥሮስ ምስክርነቱ ከላይ እንደተገለጸው ዓይነት ብቻ ሳይሆን ለአገልግሎት የተሰለፈ ሰው ምን ዓይነት መሆን እንደሚገባው መልእክቱን አስተላልፏል። ምንም እንኳን የወንጌሉን ጥቅስ አንብቦ ይኼ ማለት እንዲህ ነው ማለቱ ለሰባክያኑ ይጠፋቸዋል ማለት ሳይሆን አንዳንዱ ይዘነጋልና ለማስታዋስ ነው። የስብከት ኃላፊነት ምን ያህል ከባድ መሆኑን ሐዋርያው ሲነግረን እንዲህ ይላል።-
ማንም ሰው የሚናገር ቢሆን፥ እንደ እግዚአብሔር ቃል ይናገር፤ የሚያገለግልም ቢሆን፥ እግዚአብሔር በሚሰጠኝ ኃይል ነው ብሎ ያገልግል፤ ክብርና ሥልጣን እስከ ዘላለም ድረስ ለእርሱ በሚሆነው በኢየሱስ ክርስቶስ በኩል እግዚአብሔር በነገር ሁሉ ይከብር ዘንድ፤ አሜን።

በመጨረሻም ይኽ የተጀመረ የሰባክያነ ወንጌል ክትትል ሥርዓት ባለው መንገድ እንዲቀጥል እየተደረገ ያለው ጥረት አበረታች ነውና ተጀምሮ ሳይቋረጥ በዚሁ መልክ ቢገፋበት መልካም ነው በማለት አሳቤን እሰነዝራለሁ።

Anonymous said...

ደብረ ቁስቋም
በርግጥ እጅግ በጣም ጥሩ ጅማሪ ነው ብቻ ወሬ ሆኖ እንዳይቀር እንጂ.በርትተው ከሰሩበት መልካም ይመስላል ሁሉም ሰይፉን ወደ ሰገባው ሊመልስ ይገባል.

Anonymous said...

መምህራኑ ራሳቸው እኮ አያምኑም። የማያምኑትን እኮ ነው የሚያስተምሩት። ታዲያ ምን ያርጉ። በመጀመሪያ እኮ ራሳቸውን መስበክ አለባቸው ሌላውን ከመስበክ አስቀድመው። እውነትም እኮ ስብከት Stand up commedy ሆኖአል። ሳይገባቸው ስለሚያስተምሩ አይፈረድባቸውም። እኔ እንዳስተዋልኩት ከሆነ ብዙዎቹ ነገረ ድኀነትን እንኩዋ በቅጡ አልተረዱትም። ትንሽ ትንሽ የተረዱትም ቢኖሩ አያምኑበትም። የማያምን እንዴት አማንያንን ሊያስተምር ይችላል? ከባድ ነው። ቤተ ክርስቲያናችንን እግዚአብሔር ራሱ ይታደግልን። በጣም በእጅ ጣት ከሚቆጠሩ ትቂቶች እውነተኞች በስተቀር በብዙዎቹ ምንም ተስፋ አላደርግም። ሁሉንም ማስተዋል ይስጥልን።

Anonymous said...

መምህራኑ ራሳቸው እኮ አያምኑም። የማያምኑትን እኮ ነው የሚያስተምሩት። ታዲያ ምን ያርጉ። በመጀመሪያ እኮ ራሳቸውን መስበክ አለባቸው ሌላውን ከመስበክ አስቀድመው። እውነትም እኮ ስብከት Stand up commedy ሆኖአል። ሳይገባቸው ስለሚያስተምሩ አይፈረድባቸውም። እኔ እንዳስተዋልኩት ከሆነ ብዙዎቹ ነገረ ድኀነትን እንኩዋ በቅጡ አልተረዱትም። ትንሽ ትንሽ የተረዱትም ቢኖሩ አያምኑበትም። የማያምን እንዴት አማንያንን ሊያስተምር ይችላል? ከባድ ነው። ቤተ ክርስቲያናችንን እግዚአብሔር ራሱ ይታደግልን። በጣም በእጅ ጣት ከሚቆጠሩ ትቂቶች እውነተኞች በስተቀር በብዙዎቹ ምንም ተስፋ አላደርግም። ሁሉንም ማስተዋል ይስጥልን።

Anonymous said...

እናንተ? free press እናንተም ጋር ቀረ? Why do the comments need to be approved? አይ በቃ ልትደብሩኝ ነው።

damote said...

በነግራችን ላይ ወንጌል ማለት የምሥራች ማለት እንጂ ሌላ ተረት ተረት አይደለም የትውልዶች ታሪክም አይደለም ሕይወት ነው
እናም ሕይወትን ያላገኘ ሰው ሕይወትን ሊሰብክ አይችልም ምን አልባት እውቀቱን ሊናገር ይችላል ምኞቱንም ሊተነብይ ይችላል
የኛ ሰባኪዎችም ከፍላጎታቸው ተነስተው ይሰብካሉ ስብከታቸው ገብያ መር ነው። መታየት አለበት
ሌላው ማህበረ ቅዱሳን ተሃድሶዎችን አሳድዳለሁ እያለ ሰሞኑን እየፎከረ ነው ጥሩ ነገር የጀመረ አይመስለኝም የፕሮቴስታንት አዳራሾችን ከመሙላት በስተቀር ውጤት አያመጣም ይልቁንስ ንጹሕ ወንጌል በመስበክ ከተሃድሶዎች በልጦ መገኘት እንጂ ማሳደድ አይጠቅምም እናም በጣም ተጠንቀቁ እውነተኛውን ወንጌል በመስበክ እነሱን ዝም ማሰኘት እየተቻለ ዱላ መምዘዙን ምን አመጣው?

Abel said...

@damot... Mahibere kidusan "..asadidalew..dula emezalew.." yalew yet new? meche ena yet bota endesu endale litasayen tichilalek?... weys fetre bemawrat Mahiberun tilashet lemekebat new?.. Mahiberu yetatekew mekenet bewere yemifeta sayhon bemaydekmew be Egziyabiher gulbet newna atlfu!

Anonymous said...

ለመሆኑ ሰባኪ ማን ነው ስብከትስ ምንድነው በእርግጥ አነዚህነ ጥያቄዎቸ ለመመለስ ከአንድ ጽንፍ ብቻ ተመልክቶ ወይመ አባ እከሌ በጻፉት መጽሀፍ ላይ ብቻ የተገለጠው ነው ትክክለኛ የስብከተ ዘዴ ወይም መምሀር እከሌ የሚያስተምሩት ነው ትከክለኛ የስብከት ዘዴ ብሎ የስበከቱን መንገድና የስብከቱን ዘዴ መናገር ይከብድ ይሆናል ፡፡ ነገር ግነ የስብከቱ ይዘት ኦርቶዶክሳዊ አስተምህሮን የሚቃረን ነው ወይ ብለን ልንጠይቅ እንችላለን አልያም ሰምትን ልንፈርድ እንችላለን ፡፡
በዘመናችን የምንሰማቸው ስብ ከቶች በሁሉም ዘንድ ማለት ይቻላል በጩኸት የተሞሉ በፌዝ የተለወሱ ረጃጅም ሰአት የሚወስዱ አበዛኛው በተውኔተ መለክ ሆኖ ህዝቡ በዚች ጉባኤ ላይ ተሰላችቶ እንዳይቀመጥ የሚያደርጉ ናቸው በእርግጥ እያዋዙ ማሰተማሩ ሀጢያት ነው ማለቴ አይደለም ገን የወንጌል ጌብ የሆኑት የንሰሀ ፍሬ በአማኙ ህይወት ውስጥ የማይንጸባረቁ ከሆነ ግን ስብከቱ ተረት ወይመ የሰው ስራ እንጀ መለኮታው መገለጥ የለው ነው ለማለት አንችልም ፡፡ የሀዋርያት ህይወትና ሰብከታ
ቸው እንደሚያስረዳን ወንጌላቸወ ሁሉ ብዙ ተከታይ ማፍራት ብቻ ሳይሆን የጨከነ ያመነና ለእውነት የቆመ የንሰሀም ፍሬ የሚታይበት አማኝ ነበር የሚያፈሩት ፡፡ ታዲያ ዛሬ ማን ነው የማንን ስብከት ሊተች የሚችለው ማንው ለንሰሀ የሚያበቃ አገልግሎትን ህይወቱን ምሳሌ አድርጎ እየሰጠ ያለው እነዚህን መሰረታዊ የቤተ ክርስቲያን ችግር አድረጎ ከመወያየት መጀመርያ የተለወጠ ህይወት ያመነም ልብ አገልጋየ እንዴት ይኑረው በሚለው ብንወያይ አይሻል አባ ሀይለ ማርያም

ዲያቆን መሐሪ ገብረ ማርቆስ said...

ለዚህ ሁሉ ያበቃን የቤተ ክርስቲያናችን መዋቅር እጅግ በሚስደነግጥ ሁኔታ እየዳቀቀ በመምጣቱ ነው፡፡ በአቡነ ጳውሎስ ዘመነ ሢመት ቤተክርስቲያን በአቡነ ቴዎፍሎስ ዘመን የጀመረችው ወጣቶችን የማንቀሳቀስ እንዲሁም ስብከተ ወንጌልንና ሰባክያነ ወንጌልን የማጠናከር ሥራ ተጠናክረው እንዲሠሩ ተደርገዋል፡፡ በርካታ ወጣትና ዘመኑን መዋጀት የቻለ ትምህርት ማስተማር የሚችሉ ሰባክያነ ወንጌልን ማፍራት ተችሏል፡፡ ይህ የሚካድ ሐቅ አይደለም፡፡ ይሁንና፣ ከላይ ካለው አስተዳደር ጀምሮ ሰዎች በየቦታው የሚሾሙት በመንፈሳዊ ብስለታቸው፣ በትምህርት ጥልቀታቸው ሳይሆን በሌሎች ስንፍናንና ዓለማዊነትን በሚያበረታቱ መንገዶች መሆኑና የቤተክርስቲያን ሹመትም ተክህኖ ማለትም አገልግሎት መሆኑ ቀርቶ እንደዓለማዊ ሹመት ደመወዝ የሚያስጨምሩበት፣ ምቾት የሚያሳድዱበት እየሆነ መታየቱ እዚህ አድርሶናል፡፡ ቅዳሴውን የሚቃልል መነኩሴ፣ ዕጣኑ የሚሰለቸው ቄስ እስከማየት ደርሰናል፡፡ ክህነቱን በጠጅና በጠላ ቤት የሚያስነቅፍ ካህን ማየትንም ዓይኖቻችን ተለማምደዋል፡፡ በስብከተ ወንጌሉም የምናየው ከዚህ የተለየ አይደለም፡፡ ለዚህም መነሻዎቹ ሁለት ይመስሉኛል፡፡
ሀ. የወጣትነት ፈተና
ብዙዎቹ ሰባክያናችን ወጣቶች ናቸው፡፡ ወጣትነት ደግሞ የራሱ የሆነ ፈተናዎች አሉት፡፡ ከፈተናዎቹ አንዱ ደግሞ የመሞቻ ቀንን ማስረሳት ይመስለኛል፡፡ ይህ ፈተና እየበረታ ሲመጣ በዚህ ምድር ላይ በምቾት መኖርን ከማፍቀር የተነሣ ምቾት ተብሎ በሰዎች የተቆጠሩ ነገሮችን ሁሉ ለመሰብሰብ መታተር ይጀመራል፡፡ ለመሰብሰቢያነት ጥቅም ላይ የሚውለው መሣሪያ ደግሞ በቅርብ ያለ ነገር ነው፡፡
ለ. ፈታኝ እይታዎች
ከላይ ያሉት ሰዎች በሚሊዮኖች የሚቆጠር ብር የፈሰሰበት መኪና እየነዱ እያየ እርሱ ሰዎች እንደ ሰርዲን ተጠቅጥቀው በሚሄዱበት አውቶቡስ ሲሰቃይ፣ ወይም በእግሩ ሲሔድ የማይሰማው ሰው ያለ አይመስለኝም፡፡ እርሱ በዐውደ ምሕረት ቆሞ ሰዎች አሥራታቸውን እንዲያወጡ አድርጎ ለቤተክርስቲያን አገልግሎት የሰበሰበው ገንዘብ ኢፍትሐዊና ኢመንፈሳዊ በሆነ አካሔድ ሲመዘበር ሲያይ፣ እርሱ ሁለት ክረምት የምትከርምለት ጫማ እያጣ ሰዎቹ አምስት መቶ ዓመት መቆየት የሚችል ሐውልት ሲቆምላቸው ሲመለከት በቤተክርስቲያን አስተዳደር ላይ የነበረው ትምክሕት እየሟሟ መምጣቱ አይቀርም፡፡ ይህም እንደዘመነ መሳፍንት ሁሉም ባሻው መንገድ መኼድንና ያሻውን መሥራትን እንዲለማመድ ያደርገዋል፡፡ ከድህነት ጎራ ምንጥቅ ብሎ ለመውጣት ወደ ገበያ መግባትና ገንዘብ ማግኘት፣ ገንዘብ ለማግኘት ደግሞ ታዋቂነት ወሳኝ ተደርገው በሚወሰዱበትና እውነት ማለት ተሸጦ ጥሩ ዋጋ ሊያወጣ የሚችል ነገር እንደሆነ በታመነበት ባለንበት የንግድ ዘመን ደግሞ ገበያው ላይ የሚቀርብ ነገር ሁሉ ገበያውን ታላሚ አድርጎ የተሠራ ሊሆን ግድ ይላል፡፡
መፍትሔው ምንድር ነው?
በእኔ አመለካከት፡-
ሀ. የቤተ ክርስቲያን አስተዳደራዊ መዋቅር ይጠንክር፡፡ ቤተክርስቲኗ ወደ ማሠልጠኛ ተቋማቷ የምታስገባቸውን፣ ያስገባቻቸውንና መርቃ የምታስወጣቸውን የምትቆጣጠርበት ጠንካራ የቁጥጥር ሥርዓት ይዘርጋ፡፡
ለ. በቤተክርስቲያኗ በተሰጠ የመዓርግ ስም ተጠቅሞ መጽሐፍ ከማሳተምም ሆነ ኦዲዮ ቪዡዋል በሆኑ መንገዶች ስብከት አዘጋጅቶ ከማሰራጨት በፊት የሚቆጣጠር አካል ይኑር፡፡
ሐ. ቤተክርስቲያንም ለሁሉም አገልጋዮች የሚሠራ ገቢዋን ያገናዘበ የደመወዝ እርከን ይኑራት፡፡

ዲያቆን መሐሪ ገብረ ማርቆስ said...

ለዚህ ሁሉ ያበቃን የቤተ ክርስቲያናችን መዋቅር እጅግ በሚስደነግጥ ሁኔታ እየዳቀቀ በመምጣቱ ነው፡፡ በአቡነ ጳውሎስ ዘመነ ሢመት ቤተክርስቲያን በአቡነ ቴዎፍሎስ ዘመን የጀመረችው ወጣቶችን የማንቀሳቀስ እንዲሁም ስብከተ ወንጌልንና ሰባክያነ ወንጌልን የማጠናከር ሥራ ተጠናክረው እንዲሠሩ ተደርገዋል፡፡ በርካታ ወጣትና ዘመኑን መዋጀት የቻለ ትምህርት ማስተማር የሚችሉ ሰባክያነ ወንጌልን ማፍራት ተችሏል፡፡ ይህ የሚካድ ሐቅ አይደለም፡፡ ይሁንና፣ ከላይ ካለው አስተዳደር ጀምሮ ሰዎች በየቦታው የሚሾሙት በመንፈሳዊ ብስለታቸው፣ በትምህርት ጥልቀታቸው ሳይሆን በሌሎች ስንፍናንና ዓለማዊነትን በሚያበረታቱ መንገዶች መሆኑና የቤተክርስቲያን ሹመትም ተክህኖ ማለትም አገልግሎት መሆኑ ቀርቶ እንደዓለማዊ ሹመት ደመወዝ የሚያስጨምሩበት፣ ምቾት የሚያሳድዱበት እየሆነ መታየቱ እዚህ አድርሶናል፡፡ ቅዳሴውን የሚቃልል መነኩሴ፣ ዕጣኑ የሚሰለቸው ቄስ እስከማየት ደርሰናል፡፡ ክህነቱን በጠጅና በጠላ ቤት የሚያስነቅፍ ካህን ማየትንም ዓይኖቻችን ተለማምደዋል፡፡ በስብከተ ወንጌሉም የምናየው ከዚህ የተለየ አይደለም፡፡ ለዚህም መነሻዎቹ ሁለት ይመስሉኛል፡፡
ሀ. የወጣትነት ፈተና
ብዙዎቹ ሰባክያናችን ወጣቶች ናቸው፡፡ ወጣትነት ደግሞ የራሱ የሆነ ፈተናዎች አሉት፡፡ ከፈተናዎቹ አንዱ ደግሞ የመሞቻ ቀንን ማስረሳት ይመስለኛል፡፡ ይህ ፈተና እየበረታ ሲመጣ በዚህ ምድር ላይ በምቾት መኖርን ከማፍቀር የተነሣ ምቾት ተብሎ በሰዎች የተቆጠሩ ነገሮችን ሁሉ ለመሰብሰብ መታተር ይጀመራል፡፡ ለመሰብሰቢያነት ጥቅም ላይ የሚውለው መሣሪያ ደግሞ በቅርብ ያለ ነገር ነው፡፡
ለ. ፈታኝ እይታዎች
ከላይ ያሉት ሰዎች በሚሊዮኖች የሚቆጠር ብር የፈሰሰበት መኪና እየነዱ እያየ እርሱ ሰዎች እንደ ሰርዲን ተጠቅጥቀው በሚሄዱበት አውቶቡስ ሲሰቃይ፣ ወይም በእግሩ ሲሔድ የማይሰማው ሰው ያለ አይመስለኝም፡፡ እርሱ በዐውደ ምሕረት ቆሞ ሰዎች አሥራታቸውን እንዲያወጡ አድርጎ ለቤተክርስቲያን አገልግሎት የሰበሰበው ገንዘብ ኢፍትሐዊና ኢመንፈሳዊ በሆነ አካሔድ ሲመዘበር ሲያይ፣ እርሱ ሁለት ክረምት የምትከርምለት ጫማ እያጣ ሰዎቹ አምስት መቶ ዓመት መቆየት የሚችል ሐውልት ሲቆምላቸው ሲመለከት በቤተክርስቲያን አስተዳደር ላይ የነበረው ትምክሕት እየሟሟ መምጣቱ አይቀርም፡፡ ይህም እንደዘመነ መሳፍንት ሁሉም ባሻው መንገድ መኼድንና ያሻውን መሥራትን እንዲለማመድ ያደርገዋል፡፡ ከድህነት ጎራ ምንጥቅ ብሎ ለመውጣት ወደ ገበያ መግባትና ገንዘብ ማግኘት፣ ገንዘብ ለማግኘት ደግሞ ታዋቂነት ወሳኝ ተደርገው በሚወሰዱበትና እውነት ማለት ተሸጦ ጥሩ ዋጋ ሊያወጣ የሚችል ነገር እንደሆነ በታመነበት ባለንበት የንግድ ዘመን ደግሞ ገበያው ላይ የሚቀርብ ነገር ሁሉ ገበያውን ታላሚ አድርጎ የተሠራ ሊሆን ግድ ይላል፡፡
መፍትሔው ምንድር ነው?
በእኔ አመለካከት፡-
ሀ. የቤተ ክርስቲያን አስተዳደራዊ መዋቅር ይጠንክር፡፡ ቤተክርስቲኗ ወደ ማሠልጠኛ ተቋማቷ የምታስገባቸውን፣ ያስገባቻቸውንና መርቃ የምታስወጣቸውን የምትቆጣጠርበት ጠንካራ የቁጥጥር ሥርዓት ይዘርጋ፡፡
ለ. በቤተክርስቲያኗ በተሰጠ የመዓርግ ስም ተጠቅሞ መጽሐፍ ከማሳተምም ሆነ ኦዲዮ ቪዡዋል በሆኑ መንገዶች ስብከት አዘጋጅቶ ከማሰራጨት በፊት የሚቆጣጠር አካል ይኑር፡፡
ሐ. ቤተክርስቲያንም ለሁሉም አገልጋዮች የሚሠራ ገቢዋን ያገናዘበ የደመወዝ እርከን ይኑራት፡፡

Deacon Mehari Gebre Marqos said...

ለዚህ ሁሉ ያበቃን የቤተ ክርስቲያናችን መዋቅር እጅግ በሚስደነግጥ ሁኔታ እየዳቀቀ በመምጣቱ ነው፡፡ በአቡነ ጳውሎስ ዘመነ ሢመት ቤተክርስቲያን በአቡነ ቴዎፍሎስ ዘመን የጀመረችው ወጣቶችን የማንቀሳቀስ እንዲሁም ስብከተ ወንጌልንና ሰባክያነ ወንጌልን የማጠናከር ሥራ ተጠናክረው እንዲሠሩ ተደርገዋል፡፡ በርካታ ወጣትና ዘመኑን መዋጀት የቻለ ትምህርት ማስተማር የሚችሉ ሰባክያነ ወንጌልን ማፍራት ተችሏል፡፡ ይህ የሚካድ ሐቅ አይደለም፡፡ ይሁንና፣ ከላይ ካለው አስተዳደር ጀምሮ ሰዎች በየቦታው የሚሾሙት በመንፈሳዊ ብስለታቸው፣ በትምህርት ጥልቀታቸው ሳይሆን በሌሎች ስንፍናንና ዓለማዊነትን በሚያበረታቱ መንገዶች መሆኑና የቤተክርስቲያን ሹመትም ተክህኖ ማለትም አገልግሎት መሆኑ ቀርቶ እንደዓለማዊ ሹመት ደመወዝ የሚያስጨምሩበት፣ ምቾት የሚያሳድዱበት እየሆነ መታየቱ እዚህ አድርሶናል፡፡ ቅዳሴውን የሚቃልል መነኩሴ፣ ዕጣኑ የሚሰለቸው ቄስ እስከማየት ደርሰናል፡፡ ክህነቱን በጠጅና በጠላ ቤት የሚያስነቅፍ ካህን ማየትንም ዓይኖቻችን ተለማምደዋል፡፡ በስብከተ ወንጌሉም የምናየው ከዚህ የተለየ አይደለም፡፡ ለዚህም መነሻዎቹ ሁለት ይመስሉኛል፡፡
ሀ. የወጣትነት ፈተና
ብዙዎቹ ሰባክያናችን ወጣቶች ናቸው፡፡ ወጣትነት ደግሞ የራሱ የሆነ ፈተናዎች አሉት፡፡ ከፈተናዎቹ አንዱ ደግሞ የመሞቻ ቀንን ማስረሳት ይመስለኛል፡፡ ይህ ፈተና እየበረታ ሲመጣ በዚህ ምድር ላይ በምቾት መኖርን ከማፍቀር የተነሣ ምቾት ተብሎ በሰዎች የተቆጠሩ ነገሮችን ሁሉ ለመሰብሰብ መታተር ይጀመራል፡፡ ለመሰብሰቢያነት ጥቅም ላይ የሚውለው መሣሪያ ደግሞ በቅርብ ያለ ነገር ነው፡፡
ለ. ፈታኝ እይታዎች
ከላይ ያሉት ሰዎች በሚሊዮኖች የሚቆጠር ብር የፈሰሰበት መኪና እየነዱ እያየ እርሱ ሰዎች እንደ ሰርዲን ተጠቅጥቀው በሚሄዱበት አውቶቡስ ሲሰቃይ፣ ወይም በእግሩ ሲሔድ የማይሰማው ሰው ያለ አይመስለኝም፡፡ እርሱ በዐውደ ምሕረት ቆሞ ሰዎች አሥራታቸውን እንዲያወጡ አድርጎ ለቤተክርስቲያን አገልግሎት የሰበሰበው ገንዘብ ኢፍትሐዊና ኢመንፈሳዊ በሆነ አካሔድ ሲመዘበር ሲያይ፣ እርሱ ሁለት ክረምት የምትከርምለት ጫማ እያጣ ሰዎቹ አምስት መቶ ዓመት መቆየት የሚችል ሐውልት ሲቆምላቸው ሲመለከት በቤተክርስቲያን አስተዳደር ላይ የነበረው ትምክሕት እየሟሟ መምጣቱ አይቀርም፡፡ ይህም እንደዘመነ መሳፍንት ሁሉም ባሻው መንገድ መኼድንና ያሻውን መሥራትን እንዲለማመድ ያደርገዋል፡፡ ከድህነት ጎራ ምንጥቅ ብሎ ለመውጣት ወደ ገበያ መግባትና ገንዘብ ማግኘት፣ ገንዘብ ለማግኘት ደግሞ ታዋቂነት ወሳኝ ተደርገው በሚወሰዱበትና እውነት ማለት ተሸጦ ጥሩ ዋጋ ሊያወጣ የሚችል ነገር እንደሆነ በታመነበት ባለንበት የንግድ ዘመን ደግሞ ገበያው ላይ የሚቀርብ ነገር ሁሉ ገበያውን ታላሚ አድርጎ የተሠራ ሊሆን ግድ ይላል፡፡
መፍትሔው ምንድር ነው?
በእኔ አመለካከት፡-
ሀ. የቤተ ክርስቲያን አስተዳደራዊ መዋቅር ይጠንክር፡፡ ቤተክርስቲኗ ወደ ማሠልጠኛ ተቋማቷ የምታስገባቸውን፣ ያስገባቻቸውንና መርቃ የምታስወጣቸውን የምትቆጣጠርበት ጠንካራ የቁጥጥር ሥርዓት ይዘርጋ፡፡
ለ. በቤተክርስቲያኗ በተሰጠ የመዓርግ ስም ተጠቅሞ መጽሐፍ ከማሳተምም ሆነ ኦዲዮ ቪዡዋል በሆኑ መንገዶች ስብከት አዘጋጅቶ ከማሰራጨት በፊት የሚቆጣጠር አካል ይኑር፡፡
ሐ. ቤተክርስቲያንም ለሁሉም አገልጋዮች የሚሠራ ገቢዋን ያገናዘበ የደመወዝ እርከን ይኑራት፡፡

Deacon Mehari Gebre Marqos said...

ለዚህ ሁሉ ያበቃን የቤተ ክርስቲያናችን መዋቅር እጅግ በሚስደነግጥ ሁኔታ እየዳቀቀ በመምጣቱ ነው፡፡ በአቡነ ጳውሎስ ዘመነ ሢመት ቤተክርስቲያን በአቡነ ቴዎፍሎስ ዘመን የጀመረችው ወጣቶችን የማንቀሳቀስ እንዲሁም ስብከተ ወንጌልንና ሰባክያነ ወንጌልን የማጠናከር ሥራ ተጠናክረው እንዲሠሩ ተደርገዋል፡፡ በርካታ ወጣትና ዘመኑን መዋጀት የቻለ ትምህርት ማስተማር የሚችሉ ሰባክያነ ወንጌልን ማፍራት ተችሏል፡፡ ይህ የሚካድ ሐቅ አይደለም፡፡ ይሁንና፣ ከላይ ካለው አስተዳደር ጀምሮ ሰዎች በየቦታው የሚሾሙት በመንፈሳዊ ብስለታቸው፣ በትምህርት ጥልቀታቸው ሳይሆን በሌሎች ስንፍናንና ዓለማዊነትን በሚያበረታቱ መንገዶች መሆኑና የቤተክርስቲያን ሹመትም ተክህኖ ማለትም አገልግሎት መሆኑ ቀርቶ እንደዓለማዊ ሹመት ደመወዝ የሚያስጨምሩበት፣ ምቾት የሚያሳድዱበት እየሆነ መታየቱ እዚህ አድርሶናል፡፡ ቅዳሴውን የሚቃልል መነኩሴ፣ ዕጣኑ የሚሰለቸው ቄስ እስከማየት ደርሰናል፡፡ ክህነቱን በጠጅና በጠላ ቤት የሚያስነቅፍ ካህን ማየትንም ዓይኖቻችን ተለማምደዋል፡፡ በስብከተ ወንጌሉም የምናየው ከዚህ የተለየ አይደለም፡፡ ለዚህም መነሻዎቹ ሁለት ይመስሉኛል፡፡
ሀ. የወጣትነት ፈተና
ብዙዎቹ ሰባክያናችን ወጣቶች ናቸው፡፡ ወጣትነት ደግሞ የራሱ የሆነ ፈተናዎች አሉት፡፡ ከፈተናዎቹ አንዱ ደግሞ የመሞቻ ቀንን ማስረሳት ይመስለኛል፡፡ ይህ ፈተና እየበረታ ሲመጣ በዚህ ምድር ላይ በምቾት መኖርን ከማፍቀር የተነሣ ምቾት ተብሎ በሰዎች የተቆጠሩ ነገሮችን ሁሉ ለመሰብሰብ መታተር ይጀመራል፡፡ ለመሰብሰቢያነት ጥቅም ላይ የሚውለው መሣሪያ ደግሞ በቅርብ ያለ ነገር ነው፡፡
ለ. ፈታኝ እይታዎች
ከላይ ያሉት ሰዎች በሚሊዮኖች የሚቆጠር ብር የፈሰሰበት መኪና እየነዱ እያየ እርሱ ሰዎች እንደ ሰርዲን ተጠቅጥቀው በሚሄዱበት አውቶቡስ ሲሰቃይ፣ ወይም በእግሩ ሲሔድ የማይሰማው ሰው ያለ አይመስለኝም፡፡ እርሱ በዐውደ ምሕረት ቆሞ ሰዎች አሥራታቸውን እንዲያወጡ አድርጎ ለቤተክርስቲያን አገልግሎት የሰበሰበው ገንዘብ ኢፍትሐዊና ኢመንፈሳዊ በሆነ አካሔድ ሲመዘበር ሲያይ፣ እርሱ ሁለት ክረምት የምትከርምለት ጫማ እያጣ ሰዎቹ አምስት መቶ ዓመት መቆየት የሚችል ሐውልት ሲቆምላቸው ሲመለከት በቤተክርስቲያን አስተዳደር ላይ የነበረው ትምክሕት እየሟሟ መምጣቱ አይቀርም፡፡ ይህም እንደዘመነ መሳፍንት ሁሉም ባሻው መንገድ መኼድንና ያሻውን መሥራትን እንዲለማመድ ያደርገዋል፡፡ ከድህነት ጎራ ምንጥቅ ብሎ ለመውጣት ወደ ገበያ መግባትና ገንዘብ ማግኘት፣ ገንዘብ ለማግኘት ደግሞ ታዋቂነት ወሳኝ ተደርገው በሚወሰዱበትና እውነት ማለት ተሸጦ ጥሩ ዋጋ ሊያወጣ የሚችል ነገር እንደሆነ በታመነበት ባለንበት የንግድ ዘመን ደግሞ ገበያው ላይ የሚቀርብ ነገር ሁሉ ገበያውን ታላሚ አድርጎ የተሠራ ሊሆን ግድ ይላል፡፡
መፍትሔው ምንድር ነው?
በእኔ አመለካከት፡-
ሀ. የቤተ ክርስቲያን አስተዳደራዊ መዋቅር ይጠንክር፡፡ ቤተክርስቲኗ ወደ ማሠልጠኛ ተቋማቷ የምታስገባቸውን፣ ያስገባቻቸውንና መርቃ የምታስወጣቸውን የምትቆጣጠርበት ጠንካራ የቁጥጥር ሥርዓት ይዘርጋ፡፡
ለ. በቤተክርስቲያኗ በተሰጠ የመዓርግ ስም ተጠቅሞ መጽሐፍ ከማሳተምም ሆነ ኦዲዮ ቪዡዋል በሆኑ መንገዶች ስብከት አዘጋጅቶ ከማሰራጨት በፊት የሚቆጣጠር አካል ይኑር፡፡
ሐ. ቤተክርስቲያንም ለሁሉም አገልጋዮች የሚሠራ ገቢዋን ያገናዘበ የደመወዝ እርከን ይኑራት፡፡

Anonymous said...

የማስተማር ዓላማ

ኦርቶዶክሳዊ የማስተማር ዐላማው ማስደነቅ፣ ማስደመም፣ ማዝናናት፣ ማሳወቅ፣ ማስጨብጨብ፣ ወዘተ አይደለም፡፡ ማዳን ነው፡፡ (Tadros The Syrian, Orthodox Teaching. P 35) ሰዎች እግዚአብሔርን ዐውቀው፣ በክርስትና ሕይወት ኖረው፣ መንግሥተ ሰማያትን እንዲወርሱ ማድረግ ነው፡፡ ሐዋርያዊው ሄሬኔዎስ በጻፈው «መድፍነ መናፍቃን» በተሰኘው መጽሐፉ መግቢያ ላይ ማርቅያኖስ የተባለውን ልጁን ሲመክረው «ይህንን የምጽፍልህ ከጥቂቱ ነገር ብዙ ዐውቀህ፣ የእውነትንም ልዩ ልዩ ክፍሎች ተረድተህ፣ የእግዚአብሔር የሆኑትን ነገሮችም ተገንዝበህ፣ የመዳንን ፍሬ እንድታፈራ ነው» ብሏል፡፡ ለዚህ ደግሞ ማሳመን፣ ማሳተፍ እና ማስቀጠል ወሳኞቹ ናቸው፡፡ (Irnaeus, On The apostolic preaching. P 29)

Anonymous said...

በአሁን ዘመን ያሉ ሰባክያን የሚያስፈልጓቸው አምስት ነገሮች

1/ የውይይት እና የዕውቀት መገበያያ መርሐ ግብሮች

ሰባክያን ያገኟቸውን ዕውቀቶች፣ ያጋጠሟቸውን ችግሮች እና ያቀዷቸውን ሃሳቦች የሚመካከሩባቸው የዕውቀት ጉባኤያት ያስፈልጋሉ፡፡ እነዚህ ጉባኤያት ጥናቶችን፣ ትምህርቶችን፣ ውይይቶችን እና የልምድ ልውውጦችን ማካተት አለባቸው፡፡ ይህን የመሰሉ መድረኮች በሀገር አቀፍም ሆነ በአካባቢ ደረጃ ሊመሠረቱ ይችላሉ፡፡

2/ ተተኪዎችን ማፍራት

ፍላጎት እና ተነሣሽነት ያላቸውን ማሳወቅ እንጂ የሚያውቁትን ፍላጎት እንዲኖራቸው ማድረግ ከባድ ነው፡፡ በመሆኑም ጥረት፣ ትጋት እና ፍላጎት ያላቸውን መርጦ በግል፣ በቡድን እና በማኅበር በማሠልጠን ማሠማራት ያስፈልጋል፡፡ አሁን እንደምናደርገው ሲንቀሳቀሱ የማይታዩትን ለማንቀሳቀስ ከመሞከር፤ የሚንቀሳቀሱትን የሰሉ የበቁ እንዲሆኑ ማድረግ ይሻላል፡፡

3/ ቴክኖሎጂዎችን መጠቀም

ቪዲዮ፣ መቅረጸ ድምፅ፣ ኮምፒውተር ወዘተ የመሳሰሉትን መሣርያዎችን በበቂ ሁኔታ መጠቀም ያስፈልጋል፡፡ በተለየም ሰባክያን የኢንተርኔትን አጠቃቀም አውቀው ብሎ ጎችን በመክፈት፣ ዌብሳይቶችን በማዘጋጀት፣ የኢሜይል ትምህርቶችን በመላክ ወዘተ እንዲሳተፉ መደረግ አለበት፡፡

4/ መንፈሳዊ ድፍረት እና ንቃት

ዛሬ ዛሬ መድረኮቻችን ዕውቀት እና ሕይወት በሌላቸው ሰባክያን እየተሞሉ ይመስላል፡፡ እነዚህ ሰባክያን ያላቸው አንድ ነገር ቢኖር ድቅድቅ ድፍረት ነው፡፡ ሌሎች በትኅትና ዝም ሲሉ እነርሱ በድፍረት ያልሆኑትን ነን ብለው ወጡ፡፡ ስለዚህም ያልተማሩትንም፣ የማያምኑበትንም ያስተምራሉ፡፡ አሁን ከእውነተኞቹ መምህራን መንፈሳዊ ድፍረት እና አካላዊ እና ሥነ ልቡናዊ ንቃት ያስፈልጋል፡፡ ራሳችሁን በዕውቀት እና በአተያይ አዘምኑ፡፡ የምታውቁትን ሁሉ «እናውቃለን፤ ግን አይጠቅምም ብለን ተውነው» ለማለት ማቻል አለባችሁ፡፡

የትምህርት ደረጃዎቻችንንም እናሻሽል፡፡ ወደፊት ከአብነት ትምህርት ቤት የሚመጡት እያነሡ፤ ከዘመናዊ ትምህርት ቤቶች የሚመጡት እየበዙ ነው የሚሄዱት፡፡ ስለሆነም አብረናቸው ማደግ ይኖርብናል፡፡ ካልሆነም በማንበብ እና በመከታተል ራሳችንን ማብቃት አለብን፡፡

5/ በመዋቅር መሥራት ነገር ግን ያለ መዋቅር ማሰብ

ሥራን በአደረጃጀት፣ በመዋቅር እና በተቋማዊ መንገድ መሥራት መልካም ነው፡፡ ሃሳብን ግን በመዋቅር ማሰብ አስቸጋሪ ነው፡፡ መዋቅሮች ይረዱናል፤ ያግዙናል እንጂ አይተኩንም፡፡ ስለሆነም ለማንበብም፣ ለመጻፍም፣ ለማስተማርም፣ ለመማርም፣ ለማደግም፣ ለመሻሻልም፣ ወንጌልን ለማስፋፋትም፣ ለማሠልጠንም መዋቅርን እና መዋቅርን ብቻ መጠበቅ የለብንም፡፡ አንዳንዶቻችን በኮሚቴ፣ በማኅበር፣ በቡድን፣ በጽዋ ካልተሰበሰብን ሥራ መሥራት የምንችል አይመስለንም፡፡ እነዚህ ሁሉ ለሥራ መልካም ሊሆኑ ይችላሉ ለማሰብ ግን መሰብሰብ አያስፈልግም፤ መጸለይ እና መጨነቅ እንጂ፡፡ ከመዋቀራችን በፊት ሰው ነበርን፡፡ ስለሆነም መጀመርያ የሰውነታችንን ሥራ እንሥራ፡፡ በጀት ፈልገን፣ ሰው አስተባብረን ለመሥራት እንሞክር እንጂ ሁሉን በዕቅድ እና በበጀት፣ በመመርያ እና በስብሰባ አናድርገው፡፡


ወስብሐት ለእግዚአብሔር

Anonymous said...

በአሁን ዘመን ያሉ ሰባክያን የሚያስፈልጓቸው አምስት ነገሮች

1/ የውይይት እና የዕውቀት መገበያያ መርሐ ግብሮች

ሰባክያን ያገኟቸውን ዕውቀቶች፣ ያጋጠሟቸውን ችግሮች እና ያቀዷቸውን ሃሳቦች የሚመካከሩባቸው የዕውቀት ጉባኤያት ያስፈልጋሉ፡፡ እነዚህ ጉባኤያት ጥናቶችን፣ ትምህርቶችን፣ ውይይቶችን እና የልምድ ልውውጦችን ማካተት አለባቸው፡፡ ይህን የመሰሉ መድረኮች በሀገር አቀፍም ሆነ በአካባቢ ደረጃ ሊመሠረቱ ይችላሉ፡፡

2/ ተተኪዎችን ማፍራት

ፍላጎት እና ተነሣሽነት ያላቸውን ማሳወቅ እንጂ የሚያውቁትን ፍላጎት እንዲኖራቸው ማድረግ ከባድ ነው፡፡ በመሆኑም ጥረት፣ ትጋት እና ፍላጎት ያላቸውን መርጦ በግል፣ በቡድን እና በማኅበር በማሠልጠን ማሠማራት ያስፈልጋል፡፡ አሁን እንደምናደርገው ሲንቀሳቀሱ የማይታዩትን ለማንቀሳቀስ ከመሞከር፤ የሚንቀሳቀሱትን የሰሉ የበቁ እንዲሆኑ ማድረግ ይሻላል፡፡

3/ ቴክኖሎጂዎችን መጠቀም

ቪዲዮ፣ መቅረጸ ድምፅ፣ ኮምፒውተር ወዘተ የመሳሰሉትን መሣርያዎችን በበቂ ሁኔታ መጠቀም ያስፈልጋል፡፡ በተለየም ሰባክያን የኢንተርኔትን አጠቃቀም አውቀው ብሎ ጎችን በመክፈት፣ ዌብሳይቶችን በማዘጋጀት፣ የኢሜይል ትምህርቶችን በመላክ ወዘተ እንዲሳተፉ መደረግ አለበት፡፡

4/ መንፈሳዊ ድፍረት እና ንቃት

ዛሬ ዛሬ መድረኮቻችን ዕውቀት እና ሕይወት በሌላቸው ሰባክያን እየተሞሉ ይመስላል፡፡ እነዚህ ሰባክያን ያላቸው አንድ ነገር ቢኖር ድቅድቅ ድፍረት ነው፡፡ ሌሎች በትኅትና ዝም ሲሉ እነርሱ በድፍረት ያልሆኑትን ነን ብለው ወጡ፡፡ ስለዚህም ያልተማሩትንም፣ የማያምኑበትንም ያስተምራሉ፡፡ አሁን ከእውነተኞቹ መምህራን መንፈሳዊ ድፍረት እና አካላዊ እና ሥነ ልቡናዊ ንቃት ያስፈልጋል፡፡ ራሳችሁን በዕውቀት እና በአተያይ አዘምኑ፡፡ የምታውቁትን ሁሉ «እናውቃለን፤ ግን አይጠቅምም ብለን ተውነው» ለማለት ማቻል አለባችሁ፡፡

የትምህርት ደረጃዎቻችንንም እናሻሽል፡፡ ወደፊት ከአብነት ትምህርት ቤት የሚመጡት እያነሡ፤ ከዘመናዊ ትምህርት ቤቶች የሚመጡት እየበዙ ነው የሚሄዱት፡፡ ስለሆነም አብረናቸው ማደግ ይኖርብናል፡፡ ካልሆነም በማንበብ እና በመከታተል ራሳችንን ማብቃት አለብን፡፡

5/ በመዋቅር መሥራት ነገር ግን ያለ መዋቅር ማሰብ

ሥራን በአደረጃጀት፣ በመዋቅር እና በተቋማዊ መንገድ መሥራት መልካም ነው፡፡ ሃሳብን ግን በመዋቅር ማሰብ አስቸጋሪ ነው፡፡ መዋቅሮች ይረዱናል፤ ያግዙናል እንጂ አይተኩንም፡፡ ስለሆነም ለማንበብም፣ ለመጻፍም፣ ለማስተማርም፣ ለመማርም፣ ለማደግም፣ ለመሻሻልም፣ ወንጌልን ለማስፋፋትም፣ ለማሠልጠንም መዋቅርን እና መዋቅርን ብቻ መጠበቅ የለብንም፡፡ አንዳንዶቻችን በኮሚቴ፣ በማኅበር፣ በቡድን፣ በጽዋ ካልተሰበሰብን ሥራ መሥራት የምንችል አይመስለንም፡፡ እነዚህ ሁሉ ለሥራ መልካም ሊሆኑ ይችላሉ ለማሰብ ግን መሰብሰብ አያስፈልግም፤ መጸለይ እና መጨነቅ እንጂ፡፡ ከመዋቀራችን በፊት ሰው ነበርን፡፡ ስለሆነም መጀመርያ የሰውነታችንን ሥራ እንሥራ፡፡ በጀት ፈልገን፣ ሰው አስተባብረን ለመሥራት እንሞክር እንጂ ሁሉን በዕቅድ እና በበጀት፣ በመመርያ እና በስብሰባ አናድርገው፡፡


ወስብሐት ለእግዚአብሔር

Anonymous said...

ገረማችኹኝ! እናንተም ባቅማችኹ ሐሳብ ማፈናችኹ ነው። በዚህ ርእስ ለቀረበው ጽሑፍ መጀመሪያ ሐሳብ የሰጠኹት እኔ እንደኾንኹ እገምታለኹ። ታዲያ የኔን ሐሳብ አንቆ ለማስቀረት በመታገል የዛለው ጣታችኹ፤ አንድ ዐይነት አስተያየት ዐራት ጊዜ ተደጋግሞ ሲለጠፍ ማስቀረት ተስኖት ያንባቢያችኹን ዓይን ትበዘብዛላችኹ። ያሳዝናል...

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)