September 29, 2010

የመስቀል ደመራ በዓል መርሐ ግብር ሪፖርታዥ

(ደጀ ሰላም፤ ሰፕቴምበር 28/2010፤ መስከረም 18/2003 ዓ.ም):-  ጌታችን መድኃኒታችን ኢየሱስ ክርስቶስ ዓለምን ለማዳን ሥጋውን የቆረሰበት፣ ደሙን ያፈሰሰበት እና ነፍሱን የካሰበት ቅዱስ መስቀል የፍቅር ፍጻሜ፣ የሰላም ማረጋገጫ እና የአንድነት ዙፋን ነው፡፡ ክርስቶስ በደሙ ለዋጀው ሕዝብ ቀዋሚ ዓርማ በሆነው ቅዱስ መስቀል ሰማያውያን እና ምድራውያን ታርቀዋል፡፡ መስቀል ለመላእክት እና ለሐዋርያት የስብከታቸው ማእከል፣ ለእኛ ለምናምንበትም ኀይል እና ጽንዕ ነው፡፡ ከአበው እንደ ወረስነው መስቀል በደረታችን ላይ፣ መስቀል በጣታችን ላይ፣ መስቀል በየልብሳችን ላይ፣ መስቀል በአብያተ ክርስቲያን ጉልላት፣ በር እና መስኮት ላይ፤ መስቀል በንዋያተ ቅድሳት ላይ፣ መስቀል በካህናት እጅ ላይ፣ የመስቀሉ ባለቤት እግዚኣ ሕያዋን ወሙታን ነውና መስቀል በሙታን መቃብር ላይ ሳይቀር ይገኛል - በዚህም ዘወትር እንሳለመዋለን፤ እንባረክበታለን፤ በረከት እና ረድኤትም እናገኝበታለን (ማቴ.10÷38)፡፡

ደመራ - ደመረ፣ ጨመረ፣ አንድ አደረገ፤ ከሚለው የግእዝ ቃል የተወረሰ ሲሆን መቀላቀልን፣ መገናኘትን፣ መሰብሰብን፣ መጣመርን፣ መዋሐድን በአጠቃላይ ሱታፌን፣ አንድነትን እና ኅብረትን ያመለክታል፡፡ የጌታችን ቅዱስ መስቀል በማያምኑበት አይሁድ ለሦስት መቶ ዓመታት ያህል እንዳይገኝ ተደርጎ ከተቀበረ በኋላ በዕሌኒ ንግሥት ፍለጋ በደመራው የዕጣን ጢስ ስግደት የተደበቀበት ስፍራ ተለይቶ መስከረም 17 ቀን ቁፋሮ ተጀምሮ መጋቢት 10 ቀን ከተቀበረበት ወጥቷል፡፡ ቅዱስ መስቀሉ በተገኘበት ቦታም በንጉሥ ቆስጠንጢኖስ ዕብነ መሠረት ተቀምጦ መስከረም 16 ቀን ቅዳሴ ቤቱ ተከብሯል፤ ስለሆነም ደመራ ዕንጨቶች የሚደመሩበት የበዓለ መስቀል ዋዜማ ነው፡፡

በአገራችን በተደጋጋሚ ያስቸገረውን ረኀብ እና በሽታ ለማስወገድ ዐፄ ዳዊት በራእይ ተገልጾላቸው የክርስቶስን ግማደ መስቀል ካስመጡ (መስከረም 10 ቀን) በኋላ ‹‹መስቀሌን በመስቀለኛ ቦታ አስቀምጥ›› በሚለው ትእዛዝ መሠረት ግማደ መስቀሉ በዐፄ ዘርዐ ያዕቆብ ዘመን በግሸን ደብረ ከርቤ እንዲያርፍ ተደርጓል፡፡ በቤተ ክርስቲያናችን ቀኖናዊ ሥርዓት አፈጻጸም የቅዱስ መስቀል በዓል በዓመት አራት ጊዜ ማለትም መስከረም 10 - ዐፄ መስቀል፤ መስከረም 16/17 – 25 (ተቀጸል ጽጌ)፤ መጋቢት 10 ይከበራል፡፡ በአገራችን የመስቀል በዓል አከባበር ከመንፈሳዊ ይዘቱ ባሻገር ባህላዊ ገጽታም እንዳለው ይታወቃል፡፡

በአዲስ አበባ መስቀል አደባባይ መስከረም 16 ቀን 2003 ዓ.ም ከቀትር በኋላ ተከብሮ በዋለው የመስቀል ደመራ በዓል ላይ ብፁዕ ወቅዱስ አቡነ ጳውሎስ ባሰሙት ቃል ‹‹በአገራችን የመስቀል በዓል ታሪካዊ ብቻ ሳይሆን አከባበሩ ሳይቋርጥ ተጠብቆ ከዚህ ዘመን መድረሱ ቀደምት ወላጆቻችን በዘመናት ውስጥ የገጠማቸውን መልካሙን ነገር የሚያሰናክል ደባ በተአምኖ እግዚአብሔር የተቋቋሙበትን ጥልቅ እና ልባዊ ብርታት ይመሰክርልናል›› ብለዋል፡፡ ‹‹በዓለ መስቀል ታሪካዊ ሀብታችን እና መንፈሳዊ ጸጋችን ነው›› ያሉት ቅዱስነታቸው የበዓሉ ታላቅነት የእኛን ሐላፊነት ከባድ ስለሚያደርገው በታሪክ ሠሪ ወላጆቻችን ፍኖት ጉዟችንን ለመቀጠል መጻሕፍትን ማወቅ፣ ሊቃውንትን መጠየቅ፣ የሚገጥሙንን ማናቸውንም ችግሮች በትዕግሥት፣ በአኰቴት፣ በሰላም፣ በፍቅር፣ በስምምነት፣ በመረዳዳት፣ በመተጋገዝ እና በመቻቻል መቋቋም እንደሚገባ መክረዋል፡፡

ቅዱስ ፓትርያርኩ ‹‹የክርስቶስ መስቀል በባሕርዩ ጥላቻን የሚጋብዝ ሳይሆን በትዕግሥት ተቻችለን የምንኖርበት ትልቁ አምላካዊ ዓርማችን›› መሆኑን በማስረዳት ወላጆቻችን በእምነት ከእነርሱ ልዩ የነበሩ ወገኖች በስደት ሲመጡ በእንግድነት አክብረው ተቀብለው ያስተናገዱ እንጂ ጥላቻ እንዳልነበራቸው፣ ቤተ ክርስቲያን በመንግሥት አስተዳደር የታወጀው የብሔር ብሔረሰቦች እኩልነት ተካትቶ የሚገኝባት የኅብረተሰብ አንድነት ምልክት መሆኗን እና የቤተ ክርስቲያን ልጅ ለመሆን ልበ ሰፊ መሆን እንደሚያስፈልግ አሳስበዋል፡፡

አቡነ ጳውሎስ ሕዝቡ ማንም ሳይወተውተው በእግዚአብሔር ላይ ያለው ጽኑዕ እምነቱ ቀስቅሶት እና ታሪካዊ ግዴታው ተሰምቶት በአደባባዩ በበርካታ ቁጥር መሰብሰቡ ራሱን ለእግዚአብሔር ያስገዛ ትውልድ መሆኑን እንደሚያሳይ ይናገሩ እንጂ በቀጣይ ትውልዱ ከወላጆቹ የወረሰውን ሰፊ እና መንፈሳዊ ታሪክ በመገንዘብ በአባቶቹ መንገድ እንደሚጓዝ የገለጹበት ዘይቤ አንድም በወጣቱ አእምሯዊ ሁኔታ ላይ ያላቸውን የጥርጣሬ ግዕዘ ኅሊና የሚያሳብቅ አልያም ፓትርያርኩ በእምነት አደባባይ ለፖሊቲካ ዲፕሎማሲ ያላቸውን ጽነት የሚያሳይ እንደሆነ ንግግራቸውን የተከታተሉ አንዳንድ ተቺዎች አስተያየታቸውን ሰጥተዋል - ‹‹አሁን ያለው ትውልድ ከጥንት አባቶቹ የወረሰውን ሰፊ እና መንፈሳዊ ታሪክ ከግንዛቤ በማስገባት በአባቶቹ መንገድ እንዲጓዝ ያስፈልጋል፤ እየተጓዘም ነው ብዬ ለመናገር እሞክራለሁ፡፡››

ተቺዎቹ አያይዘው እንደተናገሩት፣ ፓትርያርኩ አሁን በአንዳንድ የአገሪቱ ክፍሎች በአክራሪ ሙስሊሞች የሚፈጸመውን ማኅበራዊ ሰላምን የሚያናጋ እና የቤተ ክርስቲያኒቱን ህልውና የሚፈታተን ድርጊት በሚቃወም መንፈስ ኦርቶዶክሳውያን ክርስቲያኖች የነበራቸውን እንግዳ ተቀባይነት (Civility) እንዲሁም ቤተ ክርስቲያኒቱ ሁሉም ኢትዮጵያውያን የሚገኙባት (ኲላዊት) መሆኗን ማስታወሳቸው መልካም ነው፡፡ ይሁንና በአገላለጻቸው ብዙዎች በትርጉም የሚወዛገቡባቸውን ፖሊቲካዊ ሐረጎች መጠቀማቸው አነጋገራቸውን ጥያቄ ላይ ይጥለዋል፡፡

በቤተ ክርስቲያናችን ‹‹ብሔር›› እና ‹‹ብሔረሰብ›› የሚባሉት ቃላት ያላቸው ግእዛዊ ፍቺ ፖሊቲከኞቹ ከሚጠቀሙበት አገባብ እና ትንተና በመሠረቱ ይለያል፡፡ እንደ ፓትርያርኩ ገለጻ ‹‹የሁሉም ብሔር ብሔረሰቦች አካላት›› በቤተ ክርስቲያናችን መኖራቸው እውነት ቢሆንም በመሐል ይሁን በዳር አገር በስብከተ ወንጌል ሽፋን፣ በአገልጋይ ካህናት ምደባ፣ በሥርዓተ ቤተ ክርስቲያን አፈጻጸም የሚደረግላቸው መንፈሳዊ ክትትል ለግለሰቦች በጎ ፈቃድ የተተወ፣ በታሪክ ውስጥ ያመለጠን ዕድል ተመልሶ እንዲደገም የሚያደርግ አይደለም ወይ? ተሳትፏቸው እና የተሳትፏቸው እኩልነትስ እስከምን ድረስ ነው? በሃይማኖታዊ እምነት መቻቻል ሲባል እንዴት ነው? ልበ ሰፊ መሆንስ ማለት ምን ማለት ነው? ሃይማኖታዊ እምነት በጎሰኝነት እና በጥላቻ መንፈስ በተበረዘበት፤ ሃይማኖት ግላዊ፣ ፖሊቲካዊ እና ኢኮኖሚያዊ ጥቅሞችን ለማራመድ ሽፋን በሆነበት፣ መቻቻል በተግባር የአንድ ወገን አጀንዳ ብቻ በመሰለበት በአሁኑ ጊዜ እንዲህ ያሉት ገለጻዎች ከአደባባይ ቃለ ነቢብ (rhetoric) ባሻገር ግርታን (ambiguity) በማይፈጠር አኳኋን ከክርስትና አስተምህሮ ጋራ ተጣጥመው መብራራት እንደሚገባቸው ብዙዎች ይስማማሉ፡፡

አገራችን እንደ መስቀል ደመራ ብርሃን ‹‹የዕድገት ጮራ መፈንጠቅ መጀመሯን›› በክብረ በዓሉ ላይ ያመለከቱት የአዲስ አበባ አስተዳደር ምክትል ከንቲባ የአቶ ከፍያለው አዘዘ ንግግርም ከዚሁ አንጻር መታየት የሚገባው ነው፡፡ ምክትል ከንቲባው እንዳሳሰቡት በርግጥም ‹‹ጊዜው በሃይማኖት ሽፋን የሚታየውን የአክራሪነት ዝንባሌ ለዘመናት ባዳበርነው የመቻቻል ባህል ቦታ አሳጥተን ተጨማሪ ዴሞክራሲያዊ እሴቶችን ተላብሰን ራሳችንን በሥነ ምግባር አንጸን መጓዝን ይጠይቀናል፡፡›› ሕገ መንግሥቱ መንግሥት እና ሃይማኖት የተለያዩ እንደሆኑ መግለጹ አንዱ በሌላው ጣልቃ ሳይገባ ሁሉም የየራሱን ሥራ እንዲፈጽም የሚያደርግ እንጂ መንግሥት እና ሃይማኖት በጋራ አገራዊ አጀንዳ ላይ በአንድነት አይሰለፉም ማለት ከቶ እንዳልሆነ ምክትል ከንቲባው አስረድተዋል፡፡

አቶ ከፍያለው፣ የመስቀል ደመራውን ብርሃን ተምሳሌታዊ ፋይዳ የዕድገት እና ለውጥ ዕቅዱን በአንድ መንፈስ ተነሣሥተን በመተግበር ድህነትን እና ተመጽዋችነትን እስከወዲያኛው በማስወገድ የሁላችንም መመኪያ የሆነች የበለጸገች አገር እና ከተማ ለመፍጠር እንድናረጋግጥበት ጠይቀዋል፡፡ ነገር ግን ይህ የከንቲባው ንግግር እውን ሊሆን የሚችለው በሕገ መንግሥቱ እንደተደነገገው ቤተ ክርስቲያኒቷ ተቋማዊ ነጻነቷ ተረጋግጦ፣ ታሪካዊ አስተዋፅኦዋ ተገቢውን ዕውቅና አግኝቶ፣ በገጠር ይሁን በከተማ ሥሪቷና ይዞታዎቿ ተከብረው፣ ልጆቿ በመላው አገሪቱ በእምነታቸው እና በትውልዳቸው ሳቢያ አድልዎ ሳይደረግባቸው “የራስዋን ችግር በራሷ” ለመፍታት ስትበቃ፣ ውስጣዊ አቅሟን ለማጠናከር እና ለማንቀሳቀስ ስትችል እንደሆነ ርግጥ ነው፡፡

ከምክትል ከንቲባው ንግግር በመከተል የዓለም አብያተ ክርስቲያን ምክር ቤት ዋና ፀሐፊ፣ ኢትዮጵያ ከአፍሪካ አህጉር ሁሉ ጥንተ ክርስቲያን እና የአማናዊው ክርስትና እምነት ባለአደራ የሆነች ቅድስት አገር መሆኗን መስክረዋል፡፡ በ1948 ዓ.ም የዓለም አብያተ ክርስቲያን ምክር ቤትን ካቋቋሙ መሥራች አገሮች መካከል የኢትዮጵያ ኦርቶዶክስ ተዋሕዶ ቤተ ክርስቲያን አንዷ መሆኗን ያስታወሱት ዋና ጸሐፊው፣ በዓሉ የመስቀሉ የምሥራች ለብዙዎች የሚደርስበት ሁነኛ ገጽታ በመሆኑ በመስቀል ደመራው በዓል ላይ ለመገኘት በመቻላቸው የተሰማቸውን ደስታ ገልጸዋል፡፡

የደመራው ዝግጅትን ቅንብር በተመለከተ
ተናጋሪዎቹን በማስተናበር እና የዕለቱን መርሐ ግብር በማስተዋወቅ መድረኩን የመሩት የአዲስ አበባ ሀገረ ስብከት ሥራ አስኪያጅ ሊቀ ማእምራን ፋንታሁን ሙጬ ናቸው፡፡ በአደባባዩ በተገኙት የክብረ በዓሉ ተሳታፊዎች እና መርሐ ግብሩን በቀጥታ ስርጭት በኢትዮጵያ ሬዲዮ እና ቴሌቪዥን በተከታተሉቱ ዘንድ ሥራ አስኪያጁ መድረኩን የመሩበት መንገድ ብዙዎችን ቅር አሰኝቷል፡፡ ይኸውም ቤተ ክርስቲያኒቱ በብዙኀን መድረኮቿ ወቅታዊ መልእክቷን ውጤታማ በሆነ አኳኋን በማስተላለፍ ያመኑትን ለማጽናት፣ ከእርሷ በአፍዓ ያሉትን ስቦ በማቅረብ አማናዊት መሆኗን ለማረጋገጥ ያላት ዕድል አደጋ እንደተጋረጠበት፣ ከዚህም በላይ ብቃት ያላቸው ‹ጋኖች› ሊቃውንቷ አልቀው (ተሰደው) ሩቅ እና ቅርቡን፣ ወንዱን እና ሴቱን፣ ነጠላ እና ብዙውን በማይለዩ ነገር ግን በተለያየ አጋጣሚ ለመድረክ በበቁ ሰዎች የተሞላች መዘባበቻ እንዳያደርጋት ስጋት የሚፈጥር እንደ ሆነ ተመልክቷል፡፡

ሊቀ ማእምራን ፋንታሁን ሙጬ የቆሙበት መድረክ የአማርኛም ይሁን የልሳነ - እንግልጣር (እንግሊዝኛ) ቋንቋዎች ዕውቀታቸውን በጽሕፈት እና በቃለ ስብከት ለረጅም ዓመታት በማሳየት፣ ታሪክን አቃንቶ፣ አስፋፍቶ እና አስረግጦ የሚናገር አርትዖተ ልሳን ባለቤት የሆኑት መልአከ ሰላም ዳኛቸው ካሳሁን የቆሙበት እንደ ነበር ነው እናስታውሳለን፡፡ ከመልአከ ሰላም ዳኛቸው ጋራ በልሳነ ዐረቢ (በዐረብኛ) በመጻፍ እና በመናገር፣ በቅድስት ሥላሴ መንፈሳዊ ኮሌጅ ሳይቀር ቋንቋውን በማስተማር የሚታወቁት ሊቀ ካህናት ኀይለ ሥላሴ ዓለማየሁ እና በልሳነ ግሪክ ደግሞ መምህር ገብረ ሚካኤል ድፈር ትዝ ይሉናል፡፡ ከእኒህ ብዙዎቹ በጠቅላይ ቤተ ክህነቱ ከነበራቸው ሐላፊነት ለቀው በውጭ አገር በስደት ለመኖር ሲገደዱ በጡረታ የተገለሉም አሉ፡፡ ከእነርሱም በፊት ዛሬ በቁመተ ሥጋ ባይኖሩም በመጽሔት እና በጋዜጣ ከሚያወጧቸው አሳማኝ ጽሑፎች በተጨማሪ በብሥራተ ወንጌል ሬዲዮ ጣቢያ ያስተላልፉት በነበረው ጣዕመ ትምህርታቸው የሚዘከሩት እነ አፈ ሊቅ አክሊሉ ገብረ ክርስቶስ፣ እነ አለቃ ነቢየ ልዑል ዮሐንስ፣ እነ መልአከ ሰላም ሳሙኤል ተረፈ፣ እነ መጋቤ ብሉይ ሰይፈ ሥላሴ ዮሐንስ ወዘተ. . .የሚጠቀሱ ናቸው፡፡

በርግጥ የመስቀል ደመራው መርሐ ግብር ዝርዝር ክዋኔዎች በተያዘላቸው ሰዓት ተጀምረው ያልተከናወኑ በመሆናቸው በመድረኩ አመራር ላይ የራሱ ተጽዕኖ እንደሚኖረው ግልጽ ነው፡፡ ለምሳሌ ያህል ባለተረኞቹ የታዕካ ነገሥት በዓታ ለማርያም ገዳም ሊቃውንት እና የሰንበት ት/ቤቱ አባላት (Picture) ‹‹አረጋዊ አንግሀገይሰ›› የሚለውን ጣዕመ ዝማሬ ሲያቀርቡ በጣም ከመቆየታቸውም በላይ የሰንበት ት/ቤቱ አባላት ዝማሬ ሳያልቅ እንዲቋረጥ ተደርጓል፡፡ ይህም ሆኖ በቀጥታ ስርጭት በሚተላለፍ ትዕይንት ላይ መሠረታዊ (101) የሚባሉ የቁጥር መስማማቶችን፣ የቃላት ንባብ ስልቶችን እና ደንበኛ አገባባቸውን ሊታገሡት ከሚችሉት በላይ ለመጠንቀቅ አለመቻል ግን ብዙዎችን በሀፍረት መድረሻ ያሳጣ እና አንገት ያስደፋ ነበር፡፡ ስሕተቱ እና ግድፈቱ ለሥራ አስኪያጁ ሁለተኛ ቋንቋ በሆነው በእንግሊዝኛው ብቻ ሳይሆን በአማርኛው ላይ ጭምር መታየቱ ደግሞ ብዙዎችን አስደንግጦ እርስ በርሳቸው እንዲተያዩ አድርጓል፡፡

ባለፈው ዓመት የጥምቀትን በዓል ምክንያት በማድረግ በኢትዮጵያ ቴሌቪዥን ቀርበው ባደረጉት ቃለ ምልልስ የፒ.ኤች.ዲ ተማሪ መሆናቸውን የነገሩን ሥራ አስኪያጁ፣ ‹‹ሊቀ ማእምራን›› የሚለውን ማዕርግ እንዲያብራሩ ሲጠየቁ ፕሮፌሰር ማለት እንደሆነ አስረድተው ነበር፡፡ ‹‹ካልታረደ አይታይ ስባቱ፣ ካልተናገረ አይታይ ብልሃቱ›› ነውና እነሆ ምክትል ከንቲባውን ሲጠሩ ‹‹ዘ ቫይስ ማየር››፣ መስማት የተሳናቸው ወጣቶች ያቀረቡበትን የምልክት ቋንቋ (sign language) በእርሳቸው ቋንቋ ‹‹symbolical language››፣ ጥቂት ፕሮግራሞች - ‹‹small programs››፣ የሰንበት ት/ቤት ወጣቶች - ‹‹Sunday school youth children›› . . .ሲሉ ሰማናቸው፡፡ ብፁዕ ወቅዱስ ፓትርያርኩም ደመራውን ‹‹በማይኩ እንደሚባርኩ››ም ነገሩን፡፡

በሌላ በኩል በአዲስ አበባ ሀገረ ስብከት የሰሜን፣ ደቡብ፣ ምሥራቅ፣ ምዕራብ እና አቃቂ ቃሊቲ ክፍለ ከተሞች በሚገኙ ማእከላት ከነሐሴ 20 ቀን 2002 ዓ.ም ጀምሮ ለአንድ ወር ሲሠለጥኑ የቆዩት ከ128 አጥቢያ አብያተ ክርስቲያን የተውጣጡ ቁጥራቸው ከ3700 በላይ የሆኑ የሰንበት ት/ቤት ወጣቶች ሲደክሙበት የቆዩትን ልዩ ልዩ መልእክት ያላቸውን ዐውደ ትርኢቶች እና ያሬዳዊ መዝሙሮች በቅጡ ለማቅረብ ካለመቻላቸውም በላይ እንደ አንዳንዶቹ አገላለጽ ከዚህ በፊት ተነግሮ በማያውቅ መልኩ በሰልፍ ብቻ እንዲያልፉ ታዝዘዋል - ‹‹መታዘዝ ከመሥዋዕት ይበልጣልና ሕዝቡ እና ቅዱስ አባታችን ወደ ቤታቸው ሳይሄዱ ቶሎ ቶሎ እለፉ!›› ተብለዋል በሥራ አስኪያጁ፡፡ 

በአጠቃላይ ከግማሽ ሚሊዮን ያላነሰ ብር ወጪ እንደተደረገበት የተገመተው የወጣቶቹ ዝግጅት ለፌዴራል ፖሊስ ማርሽ ባንድ የተሰጠውን ያህል ጊዜ እንኳን ትዕግሥት ተደርጎለት ባለመታየቱ የተበሳጩ አንዳንድ ወጣቶች ለትርኢቱ የለበሷቸውን ሻሾች እና የያዟቸውን ፊኛዎች በብስጭት ወደ ሕዝቡ ሲወረውሩ ታይተዋል፡፡ የጋሞ ብሔረሰብ ሽማግሌዎች እና ወጣቶች፣ በሰንበት ት/ቤቶች ማደራጃ መምሪያ ማኅበረ ቅዱሳን አባላት፣ መስማት የተሳናቸው የሰንበት ት/ቤት ወጣቶች የገጠማቸው ከዚህ የተለየ አልነበረም፡፡

ዘወትር በጉጉት የሚጠበቁት የደብረ ጽጌ ቅዱስ ዑራኤል ሰንበት ት/ቤት ወጣቶች ከፍተኛ ገንዘብ ወጪ ያደረጉበት የመስቀሉን መገኘት የሚያዘክር አጭር የመድረክ ትርኢት እንደቀድሞው የደመቀላቸው አልሆነም፡፡ የሰንበት ት/ቤቶች ማደራጃ መምሪያ ምክትል ሐላፊ መምህር ዕንቁባሕርይ ተከሥተ በመድረክ መሪው ተጠርተው በአቡነ ጳውሎስ የተገሠጹ ሲሆን እርሳቸውም በፈንታቸው ከወጣቶቹ አስተባባሪዎች ተደጋጋሚ ጭቅጭቅ ውስጥ ገብተው ታይተዋል፡፡ የሰሜን ክፍለ ከተማ ወጣቶች ያቀረቡት የአብነት ት/ቤቶች የመማር ማስተማር (ቤተ ጉባኤ) ስልት በልምምዱ ወቅት በሥራ አስኪያጁ ሳይቀር በአዲስ አቀራረቡ ተደንቋል፡፡

በሥልጠናው ወቅት የወጣቶቹ የትራንስፖርት አበል በመጡባቸው አጥቢያ አብያተ ክርስቲያን የተሸፈነ ሲሆን ለዐውደ ትርኢቱ የሚያገለግሉት የድጅታል አርት ጽሑፎች ደግሞ በሀገረ ስብከቱ የተሸፈኑ ናቸው፡፡ ጥቂት የማይባሉ አጥቢያ አብያተ ክርስቲያን ለሥልጠናው የሚጠበቅባቸውን በጀት እና የሰው ኀይል ለመመደብ ማንገራገራቸው (በቀን ለአንድ ሰው 10 ብር ለመመደብም የሚደራደሩ አሉ) በአደባባዩ ከታየው ወከባ ጋራ ተደምሮ የክፍለ ከተማ አስተባባሪዎቹን እና የወጣቶቹን የአገልግሎት ሞራል መንካቱ ተዘግቧል፡፡ ‹‹እኛ የምንፈለገው መስቀል እና ጥምቀት ሲመጣ እየዘመርን በዓል እንድናደምቅ፣ አባ እገሌ እንዲሾሙ ቲፎዞ/አጃቢ እንድንሆን ነው፤. . .በቤተ ክርስቲያን ከዚህ ያለፈ ትርጉም ያለው አገልግሎት የምንሰጥበት ቦታ የለንም›› ያሉት አስተያየት ሰጪዎቹ የወጣቱ አስተዋፅኦ ሲያዩት እንደሚያምረው፣ በኋላ ግን ተረጋግጦ እንደሚጣለው የበዓል ቄጤማ መሆኑ እንዲያበቃ ጥሪያቸውን አስተላልፈዋል፡፡

በአጠቃላይ የመስቀል ደመራው በዓል በተለመደው መልኩ በሥነ ሥርዓትና በሰላማዊ መልኩ መጠናቀቁ እንደተጠበቀ ሆኖ ከተሠራው አንጻር የጎደለውን ማሳየቱን የዚህ መልእክት ዓላማ ያደረግነው “ምንም መልካም ነገር መናገር የማንችል ጨለምተኛ” መምህራን ስለሆንን ሳይሆን በሚቀጥሉት ዓመታት ጉድለቶች እንዲስተካከሉ ካለን ጸኑዕ ፍላጎት ነው። የመድረኩን አስተናባሪ ስም የጠቀስነውም በትምህርት አደባባይ የዋሉ፣ መተቸትን ከውርደት ከሚቆጥሩ አንዳንድ ስመ ምሁራን የተሻሉ ናቸው ብለን ስለምናምን ነው። ስማቸው በመጠቀሱ እንደደመኛቸው እንደማያዩን ተስፋ አለን። በዚህ ዝግጅት የተሳተፉ ሌሎች ሰዎችም ጭምር እንዲያው እንደሚያደርጉ እምነታችን ነው።

ቸር ወሬ ያሰማን፣
አሜን

15 comments:

sami /ዘበዓታ/ said...

ግሩም የሆነ ሪፖርታዥ ነው እኔ በአስተማሪነቱ ተቀብዬዋለሁ ሌላው "አፈሊቅ አክሊሉ ገብረክርስቶስ" የተባለው አፈሊቅ አክሊሉ ገብረኪሮስ በሚል አንባብያን እንዲያስተካክሉት ለመጠቆም እወዳለሁ ሰላም ሁኑ...

Anonymous said...

እግዚአብሄር አገልግሎታችሁን ይባርክ::
You told us our internal feelings!! we get rest since you tell us the truth freely. I will distribute this by printing to those my friends who highly angry by the program arrangement!!!God bless you !!!

Anonymous said...

‘’ባለፈው ዓመት የጥምቀትን በዓል ምክንያት በማድረግ በኢትዮጵያ ቴሌቪዥን ቀርበው ባደረጉት ቃለ ምልልስ የፒ.ኤች.ዲ ተማሪ መሆናቸውን የነገሩን ሥራ አስኪያጁ፣ ‹‹ሊቀ ማእምራን›› የሚለውን ማዕርግ እንዲያብራሩ ሲጠየቁ ፕሮፌሰር ማለት እንደሆነ አስረድተው ነበር፡፡ ‹‹ካልታረደ አይታይ ስባቱ፣ ካልተናገረ አይታይ ብልሃቱ›› ነውና እነሆ ምክትል ከንቲባውን ሲጠሩ ‹‹ዘ ቫይስ ማየር››፣ መስማት የተሳናቸው ወጣቶች ያቀረቡበትን የምልክት ቋንቋ (sign language) በእርሳቸው ቋንቋ ‹‹symbolical language››፣ ጥቂት ፕሮግራሞች - ‹‹small programs››፣ የሰንበት ት/ቤት ወጣቶች - ‹‹Sunday school youth children›› . . .ሲሉ ሰማናቸው፡፡ ብፁዕ ወቅዱስ ፓትርያርኩም ደመራውን ‹‹በማይኩ እንደሚባርኩ››ም ነገሩን፡፡’’

ደጀ ሰላሞች በእውነት እግዚአብሄር የስጣችሁ ስንት ሊቃውንት በቤተክርስቲያን እንደሌለ ፋንታው ሳይደርስ ፤ ለመድረክ ሳይበቃ አሳፈረን እኮ ጎበዝ፤ በስንቱስ እንዘን በስንቱስ እንሸማቀቅ፤ አይ አንተ እግዚአብሄር ብቻ የሚቀድምህ የለም ፡፡

Anonymous said...

‘’ባለፈው ዓመት የጥምቀትን በዓል ምክንያት በማድረግ በኢትዮጵያ ቴሌቪዥን ቀርበው ባደረጉት ቃለ ምልልስ የፒ.ኤች.ዲ ተማሪ መሆናቸውን የነገሩን ሥራ አስኪያጁ፣ ‹‹ሊቀ ማእምራን›› የሚለውን ማዕርግ እንዲያብራሩ ሲጠየቁ ፕሮፌሰር ማለት እንደሆነ አስረድተው ነበር፡፡ ‹‹ካልታረደ አይታይ ስባቱ፣ ካልተናገረ አይታይ ብልሃቱ›› ነውና እነሆ ምክትል ከንቲባውን ሲጠሩ ‹‹ዘ ቫይስ ማየር››፣ መስማት የተሳናቸው ወጣቶች ያቀረቡበትን የምልክት ቋንቋ (sign language) በእርሳቸው ቋንቋ ‹‹symbolical language››፣ ጥቂት ፕሮግራሞች - ‹‹small programs››፣ የሰንበት ት/ቤት ወጣቶች - ‹‹Sunday school youth children›› . . .ሲሉ ሰማናቸው፡፡ ብፁዕ ወቅዱስ ፓትርያርኩም ደመራውን ‹‹በማይኩ እንደሚባርኩ››ም ነገሩን፡፡’’

ደጀ ሰላሞች በእውነት እግዚአብሄር የስጣችሁ ስንት ሊቃውንት በቤተክርስቲያን እንደሌለ ፋንታው ሳይደርስ ፤ ለመድረክ ሳይበቃ አሳፈረን እኮ ጎበዝ፤ በስንቱስ እንዘን በስንቱስ እንሸማቀቅ፤ አይ አንተ እግዚአብሄር ብቻ የሚቀድምህ የለም ፡፡

Anonymous said...

yehe dedeb angeten aqatlogn neber deje selam angeten arasshiw egzer yistish

Anonymous said...

እናንተ የደጀ ሰላም አዘጋጆች በመጀመሪያ እንኩአን ለብርሃነ መስቀሉ በሰላም አደረሳችሁ።በእውነት ላይ ተመስርታችሁ ቤተክርስቲያናችን የተመለከቱ ዜናወችን እና የእንኩአን አደረሳችሁ መልእክቶቻችሁን ስለምትጽፉልን እንዲሁም ኦርቶዶክሳዊት ቤተክርስቲያናችን ያሉባትን ችግሮች እና የመፍትሔ ሀሳቦች ስለምትጠቁሙኝ ከልብ እንወዳችሁአለን ፡፤ ለቅድስት ለቤተ ክርስቲያን በማሰብ እንዲህ በበጎ ፈቃድ ጊዜውን እና ገንዘቡን መስዋይት አድርጎ በትጋት የሚሠራ ሰው ባሁኑ ሰአት ማግኘት ቀላል ነገር አይደለም።
ነገር ግን በአዲስ አበባ ሀገረ ስብከት አካባቢ እየተፈፀመ ያለውን አይን ያወጣ ሙስና ከማጋለጥ አትመለሱ።
ካህናቱ ከአቅማቸው በላይ ጉቦ እየተጠየቁ በመሰቃየት ላይ ናቸው።

zemekaneheyawan said...

u know what, For me the show for the patriarch means nothing. but instead yesenbet temariyoch and Mk should work on how to organise and use the other filed properly. like where to make the show to the public and how the showes can pass the message to the meemen. the meaemen is the real christian that is willing to come and participate and learn. aba pawelosema selechetowachewal 18 amet mulu temeleketu. so show it to the public in very selected places then that is it. that is what is very important. even the wereb(by sunday school) has to be sing for the public.

Anonymous said...

I am sorry guys. It seems to me that you are addicted of finding faults. This is against the Word of God. I always like to read about my church. But I can't! I do not know what to say. I really want to read your mind what it expects when you publish reports like this which packed with accusations and insult. Please do not tell me that English is a measurment for one (Ethiopian's) scholarship. I am so disappointed by you.

Anonymous said...

Deje-Wushet is at it again. You are not Christians at all. You are messengers of diabilos.

Ps. for some reason I don't think you will post this comment because evil doers like you are allergic to truth and happiness.

Anonymous said...

Dejeselamawian,

Enquan le Berhane MESKELU aderesacheu. Kebetekristian kiber antsar sitay techetacheh lik yemeslal. Negergen ende MK yelekenet melekeyachehu English/other foreign languages bayhon tiru new. You mentioned some known personalities who you think can speak English. How about the most respected Like Likawent Aleka Ayalew Tamiru? almost all Abune's and Likawent tebeyewoch were shouting their mouths when he preached the gospel of God at the Meskal squear. No body can forget how much his preaching’s were full of the power of God and spiritual.
You listed name of true fathers mixing with submissive and non Tewahido teachers (seife selasse) ( why don't you mention the name Yelekawent mire Kokeb yehonewen Arat Ayina Ayalew Tamirun . There must be something wrong with you people. I think you also have a problem. Let the Almighty God the shepherd of our church give you the wisdom to see the ugly face of the Mahebere Rekussan who confuses Alemawi ewketen kmenfesawi ewket gar.
These Mahibere Rekusan are the most dangerous enemies of our church. Who teaches fellow Christians submissiveness and fear. And who don’t have practice about the true faith of Christianity.

Anonymous said...

This is my wish too!
በሚቀጥሉት ዓመታት ጉድለቶች እንዲስተካከሉ ካለን ጸኑዕ ፍላጎት ነው።

T/D said...

Dear Deje Selam. I like your report about Mesqel celebration. I appreciate because you are doing it for free. This is what is expected from good citzen, and or meemen. But, it is not fair to condemn the guy for his language which after all is not his first language. The place was full of tourists with so many languages - Chinese,french, dutch etc. Thus as far as the person communicates that is all we need.

I also attended the programme and was a bit surprised by somewords but you have to cover such mistakes for God's sake " kesatte Abessa" mehon silalebachihu.

Cher were yaseman tilu yele!

Cher were Yasemachihu.

Anonymous said...

gask the following too

1 why the city mayer didn't attend? though he delegated his deputy ,I it was customary to attend

2 why the President ignored the holiday? he used to come with his grace?
it seems we expect a lot from the out come of the Holy Synod of Oct 2010

Anonymous said...

Ethiopian Muslims Burn Down Christian Homes, Farms
Thursday, September 30, 2010 (2:52 am)by George Whitten

WASHINGTON, D.C. (Worthy News)-- Twenty-five Muslims burned down ten Christian homes, leaving eighty Christians homeless in Ethiopia, a Washington-based rights' group said Thursday, September 30.

International Christian Concern (ICC) said on July 15 at 8 PM local time, attackers who were led by a local government militia, destroyed the homes in the Goda district of Jimma, Ethiopia. They also set fire to their barns, killing their animals and destroying their harvest.

"The assailants asked the Christians to leave their homes and told them, 'We will show you what we are going to do to your homes, and if you inform this to anyone we will burn you the way we burn your homes.' Then they set the Christian homes on fire and began celebrating by singing near the burned homes," ICC quoted a Christian leader, who apparently spoke anonymously due to security concerns.

The attackers then prevented the victims from leaving the village for 16 days. Finally, one of the Christians managed to escape and report the attacks to district officials after walking for 16 hours. The police temporarily arrested the person who led the attack and a local official. However, they were later released on bail.

The Muslims have prevented the Christians from rebuilding their homes and the Christians now live under trees.

ONGOING PERSECUTION

This is not for the first time that Christians have been attacked in Jimma. In October 2006, a Muslim mob killed six Christians. In June 2010, Muslims destroyed coffee farms belonging to two Christian converts from Islam.

According to a 1994 national census, 82.57% of the population in Jimma are Muslim. Christians complain that Muslim officials in Jimma deny them land for building churches and cemeteries.

CALL TO ACTION

ICC urged Christians to call the Ethiopian Embassy in your country and bring the attacks against the Christians to their attention and demand that all the perpetrators be brought to justice.

Ethiopian Embassy: USA- (202) 364-1200 Canada- (613) 235-6637 Germany- 49.30-77-20-6 UK- 020 7838 3897 / 020 7838 3898
please what do you say about this bad news? Is it true? please go through it & give us the real one please be hurry!!!

Anonymous said...

ደጀ ሰላማውያን መልካም ዜናዎችን ማብሰር በመጀመራችሁ የተሰማኝን ደስታ ልገልጽ እፈልጋለሁ። ይህ ሙለ ያደርጋችኋል እና ቀጥሉበት።

ሊቀ ማእምራንን በተመለከተ ያቀረባችሁት ግን ..... ቋንቋ መለኪያ መሆን ጀመረ እንዴ? Please be neutral and fair.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)