September 18, 2010

መንግሥት ከጳጳሳቱ ጋራ የሚያደርገው ውይይት እንደቀጠለ ነው

  • የጥቅምቱ ሲኖዶስ የመንግሥት እና ቤተ ክርስቲያን ቀጣይ ግንኙነ ከመወሰን እና የቤተ ክርስቲያኒቱን ችግር ከመፍታት አኳያ ወሳኝ ጉባኤ መሆን እንደሚገባው ተገለጸ
  • ‹‹እኛ ይህን መንበር ከያዝን በኋላ ቤተ ክርስቲያኒቱ ሰላም አጣች፤ ተደፈረች›› (ብፁዕ አቡነ ጢሞቴዎስ)
  •  ‹‹የብፁዓን አባቶችን መኖሪያ ቤት የሰበሩ እና ብፁዓን አባቶችን የደበደቡ ለምን ለፍርድ አልቀረቡም?›› (ብፁዕ አቡነ ሚካኤል)
(ደጀ ሰላም፤ ሰፕቴምበር 18/2010፤ መስከረም 8/2003 ዓ.ም):-:- የኢትዮጵያ ቤተ ክርስቲያን በመንበረ ፕትርክና ራሷን ከቻለችበት ጊዜ አንሥቶ ያሉት ኀምሳ ዓመታት ሰላሟን ያጣችበት እንደ ሆነ፣ በተለይም አምስተኛው ፓትርያርክ ብፁዕ ወቅዱስ አቡነ ጳውሎስ በሥልጣን የቆዩባቸው ያለፉት 18 ዓመታት ቤተ ክርስቲያኒቱ ክብሯ የተደፈረበት እና በእጅጉ የተዋረደችበት ወቅት መሆኑን ከኢ.ፌ.ዴ.ሪ መንግሥት ተወካይ ጋራ ውይይት የተቀመጡ ብፁዓን ሊቃነ ጳጳሳት ተናገሩ፡፡ ጳጉሜን አራት ቀን 2002 ዓ.ም ተጀምሮ መስከረም ስድስት ቀን 2003 ዓ.ም ከዘጠኝ ሰዓት ጀምሮ በመንበረ ፓትርያርኩ ጽ/ቤት ቀጥሎ በዋለው አራተኛ ዙር ስብሰባ ቀደም ሲል በነበሩት ውይይቶች ያልተገኙ፣ በአመዛኙ የተቃውሞ አቋም እንዳላቸው የሚታመኑ እና ለጊዜው በአዲስ አበባ የቆዩ ብፁዓን ሊቃነ ጳጳሳት በኢ.ፌ.ዴ.ሪ የፌዴራል ጉዳዮች ሚኒስቴር የሃይማኖት ጉዳዮች ዳይሬክቶሬት ዋና ዳይሬክተር ከሆኑት አቶ መረሳ ረዳ ጋራ ኀይለ ቃል እና ተግሣጽ የበዛባቸው የሐሳብ ልውውጦችን አድርገዋል፡፡




የሊቃነ ጳጳሳቱ ሐሳብ በዋናነት ያተኮረው - ቤተ ክርስቲያኒቱ አንዳችም በይፋ የታወቀ ሥልጣን፣ ተግባር እና ሐላፊነት ያልሰጠቻቸው የውጭ አካላት ክርስቲያን መስለው ገብተው በቤተ ክህነቱ አሠራር ውስጥ በሚያደርጉት ጣልቃ ገብነት፣ ባለፈው ዓመት የርክበ ካህናት እና የሐምሌ ቅዱስ ሲኖዶስ ጉባኤያት ወቅት ፓትርያሪኩ ለሕገ ቤተ ክርስቲያን ተገዥ እንዲሆኑ፤ ቤተሰባዊ አስተዳደር፣ ብኩንነት እና ሙስና እንዲወገድ፤ በቅዱስ ሲኖዶስ የተሠየመው ሥራ አስፈጻሚ ጉባኤ የቤተ ክርስቲያኒቱን አስተዳደራዊ ሥራ ተረክቦ በበላይነት እንዲመራ እና የቅዱስ ሲኖዶስን ውሳኔዎች ተፈጻሚነት እንዲከታተል በምልዓተ ጉባኤው የተደረሰበት ስምምነት ተግባራዊ እንዲሆን በታገሉት አባቶች ላይ የተደረገውን እገታ፣ የመኖሪያ ቤታቸውን በመስበር የተቃጣውን የግድያ ሙከራ፣ ሌሎቹንም ከመኖሪያ ቤታቸው አውጥቶ በመውሰድ የተፈጸመባቸውን ወከባ እና እንግልት በማውሳት በወቅቱ ባቀረቡት አቤቱታ መሠረት ድርጊቱን እንደፈጸሙ በታመነባቸው ሰዎች ላይ ስለተወሰደው ርምጃ የሚሞግት ነበር፡፡ የመንግሥት ተወካዩ እኒህን አቤቱታዎች በጥሞና ከማዳመጥ በቀር መንግሥት በድርጊቱ ፈጻሚዎች ላይ ስለ ወሰደው ርምጃም ይሁን በወንጀሉ ተጠያቂ ሊሆን ስለሚችለው አካል አንዳችም ቃል አለመተንፈሳቸው ታውቋል፡፡ የመንግሥትን ፍትሕ በትዕግሥት ቢጠብቁም መልሱ ዝምታ መሆኑን አሰምተው የተናገሩ አንድ ብፁዕ አባት ‹‹ቤቴ ጠርቼ ስንት ነገር ነግሬህ ነበር፤ አንዳችም ያስፈጸምከው ነገር የለም፡፡ ዛሬ ከወንበሬ ተነሥቼ ሰላምታ ያልሰጠሁህም ለዚህ ነው›› ብለው ምሬታቸውን መግለጻቸው ተመልክቷል፡፡ ይህን ምሬታቸውን እንደ ብፁዕ አቡነ ሚካኤል እና ብፁዕ አቡነ ሳዊሮስ ያሉ አባቶች ተጋርተዋቸዋል፡፡


የሰዋስወ ብርሃን ቅዱስ ጳውሎስ መንፈሳዊ ኮሌጅ የበላይ ሐላፊ የሆኑት ብፁዕ አቡነ ገብርኤል ‹‹ምነው እነ ወይዘሮን ሃይ ብትሏቸው?›› በማለት ለቤተ ክርስቲያኒቷ በማይበጁ ግለሰቦች የሚደረገውን ጣልቃ ገብነት ተቃውመዋል፡፡ ካለፈው ዓመት ነሐሴ አጋማሽ ጀምሮ በፓትርያርኩ እና በብፁዕ አቡነ ገብርኤል መካከል ያለው ግንኙነት ክፉኛ እንደሻከረ እና እስከ መጎሻሸም ደርሶ እንደ ነበር የተገለጸ ሲሆን መንሥኤውም ብፁዕነታቸው ፓትርያርኩ በየሰበቡ በሚያደርጉት ጉዞ እንዲያጅቧቸው በተደጋጋሚ ያቀረቡላቸውን ጥያቄ ባለመቀበላቸው እንደሆነ ተዘግቧል፡፡ ብፁዕ አቡነ ጢሞቴዎስ በበኩላቸው ሌሎች የእምነት ተቋማት በአስተዳደራቸው ጎልቶ የሚሰማባቸው የውስጥ አስተዳደራዊ ቀውስ እንደሌለባቸው አስታውሰው ‹‹ምነው እኛ ብቻ እንታመሳለን?›› ሲሉ ጠይቀዋል፡፡ አያይዘውም በተለይም አቡነ ጳውሎስ ወደ መንበረ ፕትርክናው ከመጡ ጊዜ ጀምሮ የቤተ ክርስቲያኒቱን ክብር የሚጋፉ - ቤተ ክርስቲያኒቱ የምትዋረድባቸው፣ በሐሳብ ድዉይ እና ቀኖናዊ ያልሆኑ ድርጊቶች መበራከታቸውን በመዘርዘር የመንግሥቱም ተወካይ የሚተጉት ለፖሊቲካቸው በማሰብ እንጂ ለቤተ ክርስቲያኒቱ በመጨነቅ እንዳልሆነ በኀይለ ቃል መናገራቸውን ለመረዳት ተችሏል፡፡


ለሊቃነ ጳጳሳቱ አቤቱታ ቀጥተኛ መልስ ያልሰጡት አቶ መረሳ ‹‹መንግሥት ቤተ ክርስቲያኒቱ ሰላም እንድትሆን ይሻል፤ በጉባኤዎቻችሁ በሐሳብ ተከራከሩ እንጂ አትበጣበጡ›› በማለት ቤተ ክርስቲያኒቱ በአስተዳደራዊ ጉዳዮች ለገጠማት መዝረክረክ ትኩረት በመስጠት ከኋላ ቀር አሠራር የምትወጣበትን መንገድ ሲኖዶሱ እንዲቀይስ አሳስበዋል፡፡ የመንግሥት የአስተዳደር እና ፍትሕ አካላት እንዲሁም በርካታ የብዙኀን መገናኛዎች በቤተ ክህነቱ ውስጥ በየደረጃው የሚፈጸሙ ክሦችን እና አቤቱታዎችን በማየት እና በማራገብ መጨናነቃቸውን ያስረዱት ዋና ዳይሬክተሩ ለዚህም የዘንድሮውን በአብዛኛው ቤተ ክህነቱ ተረቺ የሆነባቸውን የፍርድ ቤት ማኅደሮች ማገላበጥ እና ሚዲያዎቹ በተለያዩ ውዝግቦች ላይ የሰጧቸውን ሽፋን መለስ ብሎ ማየት ብቻ እንደሚበቃ አመልክተዋል፡፡ በተለይም የአዲስ አበባ ሀገረ ስብከት ጉዳይ የተቋሟን ውስጣዊ አሠራር መሠረት አድርጎ እና እውነትን ተመርኮዞ የማያዳግም ውሳኔ እንዲሰጠው፣ ከዚህ አኳያ መጪውን የጥቅምት ቅዱስ ሲኖዶስ ጉባኤ ወሳኝነት በዛሬው ዕለት ከተጠናቀቀው የኢሕአዴግ ስምንተኛ ድርጅታዊ ጉባኤ ‹‹ወሳኝነት›› ጋራ ያነጻጸሩት አቶ መረሳ በአጠቃላይ ሥር ከመስደዱ የተነሣ ከቤተ ክህነቱ አልፎ ሕዝባዊ የሆነው ችግር ለአገር ልማትም ጠንቅ በመሆኑ የሲኖዶሱ አባላት ችግሩን ቁጭ ብለው በውይይት መፍታት እንደሚጠበቅባቸው አሳስበዋል፡፡ የሲኖዶሱ አባላት ይህን ማድረግ ባልቻሉበት ሁኔታ ግን ‹‹አብረን ለመጓዝ ይቸግረናል›› በማለት ማስጠንቀቃቸው ታውቋል፡፡


እስከ አሁን በደረሰን መረጃ ከ28 የማያንሱ ብፁዓን ሊቃነ ጳጳሳቱ በተለያየ ዙር ተከፋፍለው መጠራታቸው ‹‹ለውይይት እንዲመች ነው›› የሚል ምላሽ የተሰጠበት ይኸው ስብሰባ ለጊዜው ለመሳተፍ ባልቻሉትና በየሀገረ ስብከታቸው የሚገኙት አባቶች ባሉበት ወደፊትም እንደሚቀጥል ተገልጧል፡፡ የውይይቱ አስፈላጊነት ዋና ጥንስስ የሚጀምረው ገዥው ፓርቲ ኢሕአዴግ ከ2002ቱ ምርጫ በኋላ ባካሄደው ግምገማ (በተለይ በአዲስ አበባ ያገኘው የምርጫ ውጤት) ምልከታዎች ጋራ በተያያዘ እንደ ሆነ አስተያየታቸውን የሰጡ ደጀ ሰላማውያን ያስረዳሉ፡፡ ከዚህ በመነሣት መንግሥት ለዚህ የዝግ በር ውይይት ካለፈው ዓመት ነሐሴ ወር በፊት ጀምሮ መትጋት ጀምሮ የነበረ ቢሆንም ሊቃነ ጳጳሳቱ ቀደም ሲል ለመንግሥት ተወካዩ አቅርበዋቸው በነበሩት ምላሽ ሳያገኙ በቀሩት ጥያቄዎቻቸው ሳቢያ በአቶ መረሳ የማስፈጸም አቅም ላይ እምነት በማጣታቸው ወዲያውም ደግሞ የፍልሰታ መታሰቢያ ሱባኤ በመግባቱ እስከ ዓመቱ ማገባደጃ ድረስ ሊዘገይ እንደ ቻለ ተዘግቧል፡፡


አሁን ባለው የሁኔታዎች ግምገማ ፓትርያርኩ እና እርሳቸውን መጠለያ (safe heaven) ያደረጉ የማፊያ ቡድኖች (በብፁዕ አቡነ ሳሙኤል አገላለጽ “መንደርተኞች”) በቤተ ክህነቱ የውስጥ መዋቅር ተበራክተው ለወቅቱ የመንግሥት እና ቤተ ክርስቲያን ግንኙነት (political theology) ጠንቅ እና ጦስ (liability) የሚሆኑበት ደረጃ ላይ መድረሳቸው ከጠቅላይ ሚኒስትሩ የደኅንነት ጉዳዮች አማካሪ አቶ ዓባይ ፀሐየ አንሥቶ ለጉዳዩ ትኩረት ሰጥተው ወደ መንበረ ፓትርያርኩ በመመላለስ አቡነ ጳውሎስን እንዲመክሩ አስገድዷቸዋል፡፡ ይሁንና ለመንግሥት የወዳጅነት ምክር “ኦሆ” ባይ ከመሆን በቀር በተግባር ለመፈጸም የተሳናቸውን አቡነ ጳውሎስን ሰሞኑን በተያዘው መንገድ የሚቀራረቧቸውን እና የሚገዳደሯቸውን አባቶች ለያይቶ በመጥራት ተጽዕኖ ለመፍጠር አንድም ለመዋዕለ ሢመታቸው ፍጻሜ ሊሆኑ የሚችሉ የመጨረሻ ምልክቶችን በመስጠት አማራጭ የእርምት መንገዶች ማበጀት የተሻለ ሆኖ የተወሰደ እንደሚመስል ታዛቢዎች ይናገራሉ - የላላውን መወጠር፣ የጠጠረውን ማላላት፡፡

21 comments:

Anonymous said...

ከዚህ ቀደም እዚሁ ገጽ ላይ ባነበብኹት "መንግሥት ገለልተኛ ባለመሆኑ እየተወቀሰ ነው፣" ምናምን በሚል ዜና ተበሳጭቼ ያልኹትን ዛሬም ልድገመው፦

ጎበዝ፦ እናቴን መስደቤ ነው! ብትፈልጉ ይቅርታ አድርጉልኝ፤ ባትፈልጉም... እንዳሻችኹ። ("ምን ብለኽ ልትሰድባት ነው?" ትሉኝ እንደኾነ፤...ጨነቀኝ። የዛሬን ልተዋት?...እኽ... እየተቃጠልኹ? ረ የመጣው ይምጣ፡ ይለይልኝ። ስድብ'ኮ ሌላ ነገር አይደለም፤ እውነቱን መናገር ነው፤ ፍጥጥ ግጥጥ አድርጎ!)

ያውላችኹ እንግዲህ፦ እናቴ... እ... የፍች ደብዳቤዋን ያልተቀበለች "ጋለሞታ" ናት። (...ሞቷ የጋለ የተቃጠለ!) ነገሩ ኹሉ "በጋለሞታ ቤት ኹሉ ይጣላበት" ሲኾን እያየኹ ምን ልበል ታዲያ!

ያችኛዋም ያረጠች፣ የበለተተች፣ ደራቁቻ አሮጊት ብትኾን (አገሪቱ ተብየዋ)የለጋ ልጆቿን ሰውነት የሚወሰፍዩ(በወስፌኣቸው የሚወጉ) የጃርቶች መራወጫ ከኾነች ኹለት ሰንበት አሳለፈች (በእኔ አቆጣጠር አንድ ሰንበት "አሥራ-ሰባት ዓመት" ነው)። የናት ጣዕም በጆሮየ ብቻ ሰምች ባይኔ ሳላይ ላልፍ እኮ ነው እናንተው! እግዚኦ!
July 24, 2009

gb22 said...

መልክት ለ መንግስት አለኝ
ኢትዮጵያ ቤተክርስትያን መንግስት ያወቃት ቢመስለውም አንደገና በ ትህትና ይረዳት
፩ ቤተ ክርስቲያን አሁን ያለቺበት ሁኔታ አትዮጵያን ለማጥፋት ከሚፈልጉ ኃይላት ሁሉ ድጋፍ አየተሰጠ በ ፕሮጀክት የሚሰራ ስራ አንድሆነ መጠርጠር መቻል አለበት፣
፪ አንኚህ ኃይላት ቤተክርስትያንን የሚወዱ የመንግስት አለኝታ መስለው ይቀርባሉ ለምሳሌ ሃውልት ለ ፓትርአርኩ ይሰራ ያሉት ወገኖች ፓትርአርኩንም ቤተ ክርስቲአንንም መንግሥትንም ለማስነቀፍ ካላቸው ፅእኑ ፍላጎት መሆኑን መረዳት ሊቅ መሆን አያስፈልግም።
፫ መግንስትን ወክለው ቤተክህነት የሚሄዱት ተወካዮች ስለ ቤተ ክርስቲአን ምን ያህል ያውቃሉ? ቢያንስ አስቀድሰው ያውቃሉ ወይ? አባቶች ፊት ሲቀረብ ቀርቶ የ ሰፈር ሺማግሌ ፊት ሲቀረብ አንኩአን ትህትና ባህላችን አደለም ወይ ?
፬ በ ቤተክርስቲአን ላይ የሚደረጉ ስራዎች ፍፁም መንፈሳዊ መልክ ይፈልጋሉ መንፈሳውያኑ ናቸው ለ ሀገርም መቸም ይህን ዓለም የፈጠረም አምላክ አለ አና አሱም አያየን መሆኑን ማወቅ፣
፭ አንድ ሰው የመንግስት ተወካይም ቢሆን የሚለካው ለቤተክርስትአን ባለው አመለካከት ይለካል አንጂ ስልጣኑ መለክአ አደለም፣
፮ ግልፅ አንነጋገር ከተባለ ህዝቡ አያወራ ያለው መንግስት በየመስርያበቱ ሙስና ለማጥፋት አየሰራ ከሆነ ከ ፶ ሚሊዮን ህዝብ በላይ የያዘች ቤተክርስቲአን አንዴት ለሙስና ስትጋለጥ አያወቀ አና ለ ቤተ ክርስቲአን ለ ገንዘብ ብለው ሳይሆን በ ገዛ ገንዘባቸው ቤተ ክርስትያንንም ሆነ ሃገርን የሚጠቅሙ ማህበራትን የማያዳምጠው ቤተክርስትያንን ለማዳከም ከያዘው ሚስጥራዊ አጀንዳ አንፃር ነው ለሚለው መልሱ ምንድነው መንግስት?
፯ መንግስት ቤተክርስትያንን በ ሃይማኖት ከማይመስሏት አካላት የሚሰጠው አስተያየት አና ያለፉት ስርዓቶች ወ ዘ ተ ናፋቂ ናቸው ብሎ ማሰብ ትልቅ ስህተት ነው ። ለ አዚህም አማካሪዎቹ የ ቤተክርስቲያናቱ አውነተኛ አባቶች በምግባራቸው አና በ መንፈሳዊ ህይወታቸው የተመሰገኙትን አንጂ በ ፓርቲ አባልነት ካየ አሁንም ትልቅ ትልቅ ስህተት ላይ ነው።
አመሰግናለሁ።
gb22

selamawi said...

በስመ ስላሴ አሃዱ አምላክ አሜን

ተመስገን አምላኬ እኛጋ ያለው ጭንቀት ሌሎችም ጋ ደርሶ ማየት በራሱ መፍትሄውን ተስፋ አድርገን ለመኖር ያግዘናል የመንግስት ባለስልጣናቱም አይፈረድባቸውም ቤተክህነት ውስጥ ተሰግስገው ወንጀል እየፈጸሙ ያሉት የእነሱ አካላት ስለሆኑ ምን ያድርጉዋቸው ላም እሳት ወለደች እንዳትልሰው ፈጃት እንዳተወው ልጅ ሆነባት አይነት ሆኖ ነው አቤት ይህን ጊዜ ሌላው ቢሆን ይህን ወንጀል የሚፈጽመው? የፍርዱን ዓይነት እናየው ነበር ለማንኛውም አሁን የተያዘው ነገር ለመንግስት እራሱ የሚያሰጋው ስለሆነ መፍትሄ ይፈልጋል ብለን እናምናለን ቸር ወሬ ያሰማን

Anonymous said...

በቅድምያ ለተሰጠን ወቅታዊ መረጃ ደጀሰላምን ላመስግን።
በሁሉም ስንዱ እመቤት የሆነች ቤተክርስትያን የሚከዉንላት ካገኘች የሚጎድላት መንፈሳዊ ስርዓት እንደሌለ ይታወቃል ነገርግን እንደነ ኣቡነ ጴጥሮስ ኣቡነ ሚካኤል ኣቡነ ቴዎፍሎስ… ያሉ ኣገልጋዮች ከሌሏት በእዉነት ስንዱ እመቤት ልትባል ትችላለች???? ግማሹ በምእራባዊ ኣስተሳሰብ ተበክሎ ኦርቶዶክሳዊ ባህል የማይስማማዉ ግማሹ የሙንክስና ሂወትን ወደጎን በመተዉ የምድራዊ ጥቅም ማግበስበሻ ማድረግ (ቪላቤት ያላቸዉን ጳጳሳት ልብ ይሏል) ግማሹ ክርስትያናዊ ትምህርትም ትዉፊትም የሌሎዉ ሰዉ ኢኣማኒ እንኳ የተፀየፈዉ የጎጠኝነት እና ዘረኝነት ሰለባ በመሆን ግማሹ የተጠራለትን ዓላማ በመዘንጋት በይሉኝታ ኣድር ባይነት የተዘፈቀ ግማሹ እዉነት ይዞ የሚታገል ተሰሚነት ግን የሌለዉ ሆኗል። ባለችኝ ትንሽ እድሜየ ለማመን የሚያዳግት ኣሳዛኝ ስራዎችን እሰማለሁ ኣያለሁ። ታድያ ከላይ የተጠቀሱት ጉድለቶችን በማስተካከል እና ጥቅማችን ተነካ በሚሉ ሸፍጠኞች መካከል ሊፈጠር የሚችል የፍሎጎት ልዩነት ሽኩቻ ልማትን ያደናቅፋል ሰላምን ያሳጣል መተማመንን ያጎድላል የጋራ ሃገራዊ ራእይ እንዳይኖር ያደርጋል። ስለዚህ መንግስት ለዚህ ጉዳይ ትኩረት መስጠቱ ተገቢ ነዉ ነገር ግን ከጊዜያዊ የፖለቲካ ትርፍ ያለፈ ፋይዳ የሌለዉ ከሆነ ኣሁንም የህዝቡ ልብ መቁሰሉ ኣይቀርም። ነጌ መመለስ የሚያሻዉ የቤትስራ መተዉም ራስን ማታለልነዉ። ዘላቂ ለዉጥ ለማምጣት እዉነተኛ የቤተክርስትያን ኣባቶች፤ ህዝቡ እና መንግስት ትኩረት ልንሰጥበት የሚገባዉ ጉዳይ:-
1. የቤተክርስትያን እና የግለሰቦች ግላዊ ጥቅም እንዴት? ቅድምያ ለማ?
2. ዘረኝነት እና የቤተክርስትያን ኣገልግሎት እስከመቼ ኣብረዉ ይጓዛሉ?
3. ኣገልጋዮች ስርዓተ ቤተክርስትያንን ለመፈፀም የሚያሳዩት ተነሳሽነት ምን ያህል ነዉ? ካልሆነስ የዉሸት ኣገልጋይነት በቤተክስትያን ስም እስከመቼ?
4. የኣመራር ብቃት ኣለ ወይ? እንዴትስ ይሻሻል?(ከልብ ካለቀሱ እምባ ኣይገድም! የቤተክርስትያን ልጅነቱ ስሜት ካለ የኣመራር ብቃት እንደዋነኛ ችግር ባይጠቀስም)
5. የቤተክርስትያን መብት በምን መልኩ ይከበር? ማን ምን ይስራ?
ለተጠቀሱት ሃሳቦች መልስ የሚሰጥ ስራ ካለ ብታካፍሉኝ!
በመጨረሻ ቅዱስ ኣባታችን የታሪክ ተጠያቂ ከመሆን እንዲድኑ
በታሪካችን የጨለማ ዘመን ኣባት እንዳይባሉ
ወይ ህዝቡን ይቅደሙ ከሆነም ምላሾን ያሰሙ
ለቤተክርስትያን ስርዓት ተገዢ ይሁኑ ካልሆነም ጎረዎን ይለዩ
ከራስ ክብር የክርስቶስን ክብር ያስቀድሙ ካልሆነም…
ለሚፈፀሙ ችግሮችም በበሳል እዉነተኛ ኣመራርነቶ ለቤተክርስትያን ጥቅም በሚያደላ መልኩ ዉሳኔ ይስጡ
ከፖለቲካ መቼዉንም ነፃ መሆን ባይችሉም ገደብ ይኑሮ ጎጠኝነት እስከመቼ?
ለየትኛዉ ዓለም? ለየትኛ እድሜዎ? ጥቂት ማፍያዎች ከሚኮሩቦት ህዝቡ ቢኮራቦትስ!!!!!
በጋራ ለሃይማኖታችን ለሃገራችን እድገት እንነሳ
እግዚኣበሔር ከሁላችን ጋር ይሁን የታሪክ ተጠያቂዎች ከመሆን ያድነን ኣሜን
ቸር ያሰማን ኣሜን

ገሬ ነኝ ከትግራይ

Anonymous said...

ለምን እንሳሳታለን ወዳጆቼ? ለምን እንደነዝዛለን? ሐቁን እያወቅነው? ሐቁ እኮ፦

መንግሥት የለም፤ ቤተክርስቲያንም የለችም። ይኸው ነው። በቃ። ኹለቱም የሉም። የሉም ነው እምላችኹ። የሉም!!!

ምናልባት "ታዲያ'ኮ ሕዝብ አለ፤ ምእመናንም አሉ" ትሉኝ እንደኾነ፤ (በበኩሌ የነሱንም እንጃ ከሚያሰኘኝ ደረጃ ላይ ደርሸ ነበር፤ ነገር ግን እሺ ይኹን፤ ይኑሩና) አጭሩ መልሴ፦ እነሱ ሊያመጡ ስለሚችሉት መፍትሔ እንነጋገራ! በሕዝባዊ መደብ በምእመን ደረጃ ሊታሰብ እና ሊሠራ የሚችል ነገር የለም እንዴ? ከዝንጀሮ ቆንጆ ስንመራርጥ'ኮ ጊዜው ነጎደ።

Anonymous said...

በእውንቱ አባቶቻችን ታላቅ ፈተና ውስጥ እንዳሉ የታወቀ ነው።ማንም በእንርሱ ቦታ ላይ ቢሆን ምን አይንት ውሳኔ መስጠት እንዳለበት የሚያውቅ አይመስለኝም።ከማናችንም የሚሰጠው አስተያይት እራሳችንን በእነርሱ ቦታ ላይ አድርገን ቢሆን ፍርሀታቸው፣ስጋታቸው በውስጣችው ያለው ነገር ሁሉ ሊስማን ይችል ይሁናል። ለምን ይፈራሉ እሱ ሌላ ጥያቄ ነው።በእኔ በኩል አንድ ነገር የታየኛል፣ መንግስት የሲኖዶስ አወቃቀር ለእርሱ የተመቸው አይመስለኝም ስለዚህ በሚመጣው አጋጣሚ ሁሉ ሲኖዶስውን የሚያዳክም ነገር ከመጣ ወደዋላ አይልም ምክንያቱም አባቶቻችን የጠየቆት ጥያቄ ለምንድን መልስ የማያገኝው ከዚህ በፊት በራቸው የተሰበር ድብደባ የተቃጣባቸው። በአጠቃላይ መንግስት የሕዝቡ ፍላጉት ምን መሆን እንዳለበት ያውቃል በእውነት መንግስት የቤተክርስትያንን ሰላም የሚፈልግ ከሆን አሁን ካሎት አማካሪውች የተሻሉ በመያዝ ለቤተክርስቲያኖ የሚበጀውን ያድርግ።ከምንም በላይ የቤተክርስቲያኖ ጠባቂ ልዑል እግዚአብሔር ቤተክርስቲያኖን ይጠብቃት።

Anonymous said...

በእውንቱ አባቶቻችን ታላቅ ፈተና ውስጥ እንዳሉ የታወቀ ነው።ማንም በእንርሱ ቦታ ላይ ቢሆን ምን አይንት ውሳኔ መስጠት እንዳለበት የሚያውቅ አይመስለኝም።ከማናችንም የሚሰጠው አስተያይት እራሳችንን በእነርሱ ቦታ ላይ አድርገን ቢሆን ፍርሀታቸው፣ስጋታቸው በውስጣችው ያለው ነገር ሁሉ ሊስማን ይችል ይሁናል። ለምን ይፈራሉ እሱ ሌላ ጥያቄ ነው።በእኔ በኩል አንድ ነገር የታየኛል፣ መንግስት የሲኖዶስ አወቃቀር ለእርሱ የተመቸው አይመስለኝም ስለዚህ በሚመጣው አጋጣሚ ሁሉ ሲኖዶስውን የሚያዳክም ነገር ከመጣ ወደዋላ አይልም ምክንያቱም አባቶቻችን የጠየቆት ጥያቄ ለምንድን መልስ የማያገኝው ከዚህ በፊት በራቸው የተሰበር ድብደባ የተቃጣባቸው። በአጠቃላይ መንግስት የሕዝቡ ፍላጉት ምን መሆን እንዳለበት ያውቃል በእውነት መንግስት የቤተክርስትያንን ሰላም የሚፈልግ ከሆን አሁን ካሎት አማካሪውች የተሻሉ በመያዝ ለቤተክርስቲያኖ የሚበጀውን ያድርግ።ከምንም በላይ የቤተክርስቲያኖ ጠባቂ ልዑል እግዚአብሔር ቤተክርስቲያኖን ይጠብቃት።

Anonymous said...

ሊላይ ነኝ። እንደተለመደው ለዚህች የነፍሴም፣ የሥጋዬም እናት ለሆነችው ቤተክርስቲያኔ በጽሁፌ ጥቂት ላልቅስ። ቢገድሏት አልሞት ፣ ቢግጧት ኣልደርቅ ያለች፣ ቢጠሏት ያልነጠፈች ይህች ቤተክርስቲያኔ ከክፉ ዘመኗ አድርሶኝ፣ ማስጣል አልችል ሥፍራ ቢስ ነኝ፣ አልታገስ እንጀራዬ፣ መዳኛዬ ሆና ሰቅዞ የያዛት ወጀብና አውሎ እኔንም ያንገላታኝ፣ እነሆ የቤቴን እንባና ሀዘን እኔና አንድዬ ብቻ ስናውቀው እስኪ ከወረደባት የወያኔ መራሹ መንግስት የማስመሰል የፖለቲካ ማጭበረበሩና ቤተክርስቲያንን የማፈራረስ ተግባሩ ጥቂት ልበል። አባ መርቆሬዎስን የሚያሳጣው ወያኔ ለአባ ጳውሎስ ፕትርክና ዘብ ሲቆም ምን አይነት ሀፍረት የለሽና ህሊና ቢስ መንግስት ነው? እላለሁ ለራሴ። ምን ያህል ኃጢአታችን ቢበዛ ነው? ይህች ያሳደገችን፣ መድኃኒትን ያስተማረችን፣ እናት ቤተክርስቲያናችን እኛ የደጅ ልጆች ሆነን የወያኔ መንግስት በሌለው ክርስትና ስለሰላሟ አወያይ ሆኖ የቀረበው? ምን ይደረግ? ደም የጠማውን ጠብመንጃ ይዞ እንደሚያመቸው መስመር አስገብቶ ለአባ ጳውሎስ ለማስተካከል ካልሆነ በስተቀር መረሳ ይሁን መይሳ ምን ይመለከተው ነበር? እኛ የሚበጀንን ከማወቅ ባሻገር ለእነሱም በማስተማር ለድኅነት እንተርፋቸው ነበር። ዳሩ ግን ፖለቲካ የሚሉት የውሸት ፋብሪካ ኃይማኖታቸው ሆኖ ስለሰላም አቀንቃኝ ሆነው መቅረባቸው አያስገርምም። የዚህች ቤተክርስቲያን ሰላም እጦትና መታወክ ኃላፊነቱ የአቶ መለስ መራሹ መንግስት ብቻ ነው። በእርግጥ መንግስት ሰላምና ጸጥታን የማስከበር፣ የማረጋገጥ ድርሻውን ቢወጣ የእኛም ድጋፍ እንደሚያስፈልገውና እንደሚገባው በትክክል ይታመናል። ሰላም በሌለበት እምነትና ሀገር የለምና። መንግስት ይቀየራል፣ ሀገርና ህዝብ እስከምጽዓት ይኖራሉ። ይሁን እንጂ የሚጠበቀው ሰላም ግን እነርሱ በሚፈልጉት መንገድ እንጂ ሁላችንንም በሚጠቅም መልኩ ሳይሆን ሲቀር ደርሶ ለቤተክርስቲያን ተቆርቋሪ መስሎ መታየቱን በየትኛው ማሳመኛ ተግባሩ አረጋግጠን ልንቀበለው እንችላለን? አባ ጳውሎስ ሰላምን፣ እርቅን፣ መልካም አስተዳደርን፣ እምነትንና ስርዓትን ባላወቁበት ዓለም ሆነው እያለ ከእኛ ወዲያ የቅርብ ምስክሮቹ በሌለበት ሁኔታ መንግስት ሰለሰላማችን ቢነግረን በተለመደው ቡጢ ከሚያሳምነን በስተቀር በየመድረኩ የስብሰባ ጋጋታ መፍትሄ አይሆንም። በግሌ የማንም ጥላቻ ኖሮኝ አያውቅም። መንግስት በሚነቀፈው ክፉ ተግባሩ በተጨበጠ መርቻ መተቸት ይገባዋል የሚል ጽኑ እምነት አለኝ። በሚደገፍበትና ሊመሰገን በሚገባው ኃገራዊ ኃላፊነቱን ከመወጣት አንጻር ሊመሰገን በሚገባው ጉዳይ ደግሞ ሊመሰገን ይገባዋል ብዬ አምናለሁ። ይሁን እንጂ ከጨፍጫፊው ደርግ በባሰ ሁኔታ ቤተክርስቲያናችን በአባ ጳውሎስ ዘመን የመንግስት እጅ ጣልቃ ገብ ሆኖ « ልጁ እስካለ የምሆነው የለም» በማለት በአደባባይ የሚናገሩት አባ ጳውሎስ የብልሹ አስተዳደራቸውን ጉዳይ መንግስት የሰላማቸው ሰባኪ መሆኑ ሊዋጥልን አይችልም።«ልጁ...» የሚባሉት በአባ ጳውሎስ አማርኛ አቶ መለስ መሆናቸው ነው። እናም በአሁኑ ሰዓት ቤተክርስቲያናችን በሁለት ወገን ተወጥራ ተይዛለች። በአንድ ወገን መንግስት፣ አባ ጳውሎስና የኃይማኖት ባላንጣዎቿ በሌላ ወገን ጉዳይዋ ይቆረቁረኛል፣ ያመኛል፣ ያንገበግበኛል፣ እኔንና እርሷን መነጠል አትችሉም የሚለው ከሸፋጮች በቀር እውነተኛው አማኝ ጎራ ለይቷል። የሚዛኑ ልዩነት ባለው የስልጣን፣ የጠመንጃና የገንዘብ ኃይል ነው። ይሁን እንጂ ቤተክርስቲያን ግፈኞችና ዓመጸኞች ቢናጠቋትም በፍጹም ሊጥሏት አይችሉምና በደሙ የመሰረታት ክርስቶስ አማኙን አሳልፎ አይሰጥምና ቀኑ ሲደርስ አሸናፊነቱ የምዕመኑ መሆኑን የሚጠራጠር ካለ እምነቱን ይመርምር። እኛ ግን ከተማርነው ቃል እንዲህ እንላለን።«ግራ የሚያጋባችሁ ማንም ይሁን ማን ፍርዱን ይቀበላል» ገላ5፣10 የተባለውን በተስፋ እንጠብቃለን።

Anonymous said...

ሊላይ ነኝ። እንደተለመደው ለዚህች የነፍሴም፣ የሥጋዬም እናት ለሆነችው ቤተክርስቲያኔ በጽሁፌ ጥቂት ላልቅስ። ቢገድሏት አልሞት ፣ ቢግጧት ኣልደርቅ ያለች፣ ቢጠሏት ያልነጠፈች ይህች ቤተክርስቲያኔ ከክፉ ዘመኗ አድርሶኝ፣ ማስጣል አልችል ሥፍራ ቢስ ነኝ፣ አልታገስ እንጀራዬ፣ መዳኛዬ ሆና ሰቅዞ የያዛት ወጀብና አውሎ እኔንም ያንገላታኝ፣ እነሆ የቤቴን እንባና ሀዘን እኔና አንድዬ ብቻ ስናውቀው እስኪ ከወረደባት የወያኔ መራሹ መንግስት የማስመሰል የፖለቲካ ማጭበረበሩና ቤተክርስቲያንን የማፈራረስ ተግባሩ ጥቂት ልበል። አባ መርቆሬዎስን የሚያሳጣው ወያኔ ለአባ ጳውሎስ ፕትርክና ዘብ ሲቆም ምን አይነት ሀፍረት የለሽና ህሊና ቢስ መንግስት ነው? እላለሁ ለራሴ። ምን ያህል ኃጢአታችን ቢበዛ ነው? ይህች ያሳደገችን፣ መድኃኒትን ያስተማረችን፣ እናት ቤተክርስቲያናችን እኛ የደጅ ልጆች ሆነን የወያኔ መንግስት በሌለው ክርስትና ስለሰላሟ አወያይ ሆኖ የቀረበው? ምን ይደረግ? ደም የጠማውን ጠብመንጃ ይዞ እንደሚያመቸው መስመር አስገብቶ ለአባ ጳውሎስ ለማስተካከል ካልሆነ በስተቀር መረሳ ይሁን መይሳ ምን ይመለከተው ነበር? እኛ የሚበጀንን ከማወቅ ባሻገር ለእነሱም በማስተማር ለድኅነት እንተርፋቸው ነበር። ዳሩ ግን ፖለቲካ የሚሉት የውሸት ፋብሪካ ኃይማኖታቸው ሆኖ ስለሰላም አቀንቃኝ ሆነው መቅረባቸው አያስገርምም። የዚህች ቤተክርስቲያን ሰላም እጦትና መታወክ ኃላፊነቱ የአቶ መለስ መራሹ መንግስት ብቻ ነው። በእርግጥ መንግስት ሰላምና ጸጥታን የማስከበር፣ የማረጋገጥ ድርሻውን ቢወጣ የእኛም ድጋፍ እንደሚያስፈልገውና እንደሚገባው በትክክል ይታመናል። ሰላም በሌለበት እምነትና ሀገር የለምና። መንግስት ይቀየራል፣ ሀገርና ህዝብ እስከምጽዓት ይኖራሉ። ይሁን እንጂ የሚጠበቀው ሰላም ግን እነርሱ በሚፈልጉት መንገድ እንጂ ሁላችንንም በሚጠቅም መልኩ ሳይሆን ሲቀር ደርሶ ለቤተክርስቲያን ተቆርቋሪ መስሎ መታየቱን በየትኛው ማሳመኛ ተግባሩ አረጋግጠን ልንቀበለው እንችላለን? አባ ጳውሎስ ሰላምን፣ እርቅን፣ መልካም አስተዳደርን፣ እምነትንና ስርዓትን ባላወቁበት ዓለም ሆነው እያለ ከእኛ ወዲያ የቅርብ ምስክሮቹ በሌለበት ሁኔታ መንግስት ሰለሰላማችን ቢነግረን በተለመደው ቡጢ ከሚያሳምነን በስተቀር በየመድረኩ የስብሰባ ጋጋታ መፍትሄ አይሆንም። በግሌ የማንም ጥላቻ ኖሮኝ አያውቅም። መንግስት በሚነቀፈው ክፉ ተግባሩ በተጨበጠ መርቻ መተቸት ይገባዋል የሚል ጽኑ እምነት አለኝ። በሚደገፍበትና ሊመሰገን በሚገባው ኃገራዊ ኃላፊነቱን ከመወጣት አንጻር ሊመሰገን በሚገባው ጉዳይ ደግሞ ሊመሰገን ይገባዋል ብዬ አምናለሁ። ይሁን እንጂ ከጨፍጫፊው ደርግ በባሰ ሁኔታ ቤተክርስቲያናችን በአባ ጳውሎስ ዘመን የመንግስት እጅ ጣልቃ ገብ ሆኖ « ልጁ እስካለ የምሆነው የለም» በማለት በአደባባይ የሚናገሩት አባ ጳውሎስ የብልሹ አስተዳደራቸውን ጉዳይ መንግስት የሰላማቸው ሰባኪ መሆኑ ሊዋጥልን አይችልም።«ልጁ...» የሚባሉት በአባ ጳውሎስ አማርኛ አቶ መለስ መሆናቸው ነው። እናም በአሁኑ ሰዓት ቤተክርስቲያናችን በሁለት ወገን ተወጥራ ተይዛለች። በአንድ ወገን መንግስት፣ አባ ጳውሎስና የኃይማኖት ባላንጣዎቿ በሌላ ወገን ጉዳይዋ ይቆረቁረኛል፣ ያመኛል፣ ያንገበግበኛል፣ እኔንና እርሷን መነጠል አትችሉም የሚለው ከሸፋጮች በቀር እውነተኛው አማኝ ጎራ ለይቷል። የሚዛኑ ልዩነት ባለው የስልጣን፣ የጠመንጃና የገንዘብ ኃይል ነው። ይሁን እንጂ ቤተክርስቲያን ግፈኞችና ዓመጸኞች ቢናጠቋትም በፍጹም ሊጥሏት አይችሉምና በደሙ የመሰረታት ክርስቶስ አማኙን አሳልፎ አይሰጥምና ቀኑ ሲደርስ አሸናፊነቱ የምዕመኑ መሆኑን የሚጠራጠር ካለ እምነቱን ይመርምር። እኛ ግን ከተማርነው ቃል እንዲህ እንላለን።«ግራ የሚያጋባችሁ ማንም ይሁን ማን ፍርዱን ይቀበላል» ገላ5፣10 የተባለውን በተስፋ እንጠብቃለን።

Anonymous said...

ሊላይ ነኝ። እንደተለመደው ለዚህች የነፍሴም፣ የሥጋዬም እናት ለሆነችው ቤተክርስቲያኔ በጽሁፌ ጥቂት ላልቅስ። ቢገድሏት አልሞት ፣ ቢግጧት ኣልደርቅ ያለች፣ ቢጠሏት ያልነጠፈች ይህች ቤተክርስቲያኔ ከክፉ ዘመኗ አድርሶኝ፣ ማስጣል አልችል ሥፍራ ቢስ ነኝ፣ አልታገስ እንጀራዬ፣ መዳኛዬ ሆና ሰቅዞ የያዛት ወጀብና አውሎ እኔንም ያንገላታኝ፣ እነሆ የቤቴን እንባና ሀዘን እኔና አንድዬ ብቻ ስናውቀው እስኪ ከወረደባት የወያኔ መራሹ መንግስት የማስመሰል የፖለቲካ ማጭበረበሩና ቤተክርስቲያንን የማፈራረስ ተግባሩ ጥቂት ልበል። አባ መርቆሬዎስን የሚያሳጣው ወያኔ ለአባ ጳውሎስ ፕትርክና ዘብ ሲቆም ምን አይነት ሀፍረት የለሽና ህሊና ቢስ መንግስት ነው? እላለሁ ለራሴ። ምን ያህል ኃጢአታችን ቢበዛ ነው? ይህች ያሳደገችን፣ መድኃኒትን ያስተማረችን፣ እናት ቤተክርስቲያናችን እኛ የደጅ ልጆች ሆነን የወያኔ መንግስት በሌለው ክርስትና ስለሰላሟ አወያይ ሆኖ የቀረበው? ምን ይደረግ? ደም የጠማውን ጠብመንጃ ይዞ እንደሚያመቸው መስመር አስገብቶ ለአባ ጳውሎስ ለማስተካከል ካልሆነ በስተቀር መረሳ ይሁን መይሳ ምን ይመለከተው ነበር? እኛ የሚበጀንን ከማወቅ ባሻገር ለእነሱም በማስተማር ለድኅነት እንተርፋቸው ነበር። ዳሩ ግን ፖለቲካ የሚሉት የውሸት ፋብሪካ ኃይማኖታቸው ሆኖ ስለሰላም አቀንቃኝ ሆነው መቅረባቸው አያስገርምም። የዚህች ቤተክርስቲያን ሰላም እጦትና መታወክ ኃላፊነቱ የአቶ መለስ መራሹ መንግስት ብቻ ነው። በእርግጥ መንግስት ሰላምና ጸጥታን የማስከበር፣ የማረጋገጥ ድርሻውን ቢወጣ የእኛም ድጋፍ እንደሚያስፈልገውና እንደሚገባው በትክክል ይታመናል። ሰላም በሌለበት እምነትና ሀገር የለምና። መንግስት ይቀየራል፣ ሀገርና ህዝብ እስከምጽዓት ይኖራሉ። ይሁን እንጂ የሚጠበቀው ሰላም ግን እነርሱ በሚፈልጉት መንገድ እንጂ ሁላችንንም በሚጠቅም መልኩ ሳይሆን ሲቀር ደርሶ ለቤተክርስቲያን ተቆርቋሪ መስሎ መታየቱን በየትኛው ማሳመኛ ተግባሩ አረጋግጠን ልንቀበለው እንችላለን? አባ ጳውሎስ ሰላምን፣ እርቅን፣ መልካም አስተዳደርን፣ እምነትንና ስርዓትን ባላወቁበት ዓለም ሆነው እያለ ከእኛ ወዲያ የቅርብ ምስክሮቹ በሌለበት ሁኔታ መንግስት ሰለሰላማችን ቢነግረን በተለመደው ቡጢ ከሚያሳምነን በስተቀር በየመድረኩ የስብሰባ ጋጋታ መፍትሄ አይሆንም። በግሌ የማንም ጥላቻ ኖሮኝ አያውቅም። መንግስት በሚነቀፈው ክፉ ተግባሩ በተጨበጠ መርቻ መተቸት ይገባዋል የሚል ጽኑ እምነት አለኝ። በሚደገፍበትና ሊመሰገን በሚገባው ኃገራዊ ኃላፊነቱን ከመወጣት አንጻር ሊመሰገን በሚገባው ጉዳይ ደግሞ ሊመሰገን ይገባዋል ብዬ አምናለሁ። ይሁን እንጂ ከጨፍጫፊው ደርግ በባሰ ሁኔታ ቤተክርስቲያናችን በአባ ጳውሎስ ዘመን የመንግስት እጅ ጣልቃ ገብ ሆኖ « ልጁ እስካለ የምሆነው የለም» በማለት በአደባባይ የሚናገሩት አባ ጳውሎስ የብልሹ አስተዳደራቸውን ጉዳይ መንግስት የሰላማቸው ሰባኪ መሆኑ ሊዋጥልን አይችልም።«ልጁ...» የሚባሉት በአባ ጳውሎስ አማርኛ አቶ መለስ መሆናቸው ነው። እናም በአሁኑ ሰዓት ቤተክርስቲያናችን በሁለት ወገን ተወጥራ ተይዛለች። በአንድ ወገን መንግስት፣ አባ ጳውሎስና የኃይማኖት ባላንጣዎቿ በሌላ ወገን ጉዳይዋ ይቆረቁረኛል፣ ያመኛል፣ ያንገበግበኛል፣ እኔንና እርሷን መነጠል አትችሉም የሚለው ከሸፋጮች በቀር እውነተኛው አማኝ ጎራ ለይቷል። የሚዛኑ ልዩነት ባለው የስልጣን፣ የጠመንጃና የገንዘብ ኃይል ነው። ይሁን እንጂ ቤተክርስቲያን ግፈኞችና ዓመጸኞች ቢናጠቋትም በፍጹም ሊጥሏት አይችሉምና በደሙ የመሰረታት ክርስቶስ አማኙን አሳልፎ አይሰጥምና ቀኑ ሲደርስ አሸናፊነቱ የምዕመኑ መሆኑን የሚጠራጠር ካለ እምነቱን ይመርምር። እኛ ግን ከተማርነው ቃል እንዲህ እንላለን።«ግራ የሚያጋባችሁ ማንም ይሁን ማን ፍርዱን ይቀበላል» ገላ5፣10 የተባለውን በተስፋ እንጠብቃለን።

Anonymous said...

ሊላይ ነኝ። እንደተለመደው ለዚህች የነፍሴም፣ የሥጋዬም እናት ለሆነችው ቤተክርስቲያኔ በጽሁፌ ጥቂት ላልቅስ። ቢገድሏት አልሞት ፣ ቢግጧት ኣልደርቅ ያለች፣ ቢጠሏት ያልነጠፈች ይህች ቤተክርስቲያኔ ከክፉ ዘመኗ አድርሶኝ፣ ማስጣል አልችል ሥፍራ ቢስ ነኝ፣ አልታገስ እንጀራዬ፣ መዳኛዬ ሆና ሰቅዞ የያዛት ወጀብና አውሎ እኔንም ያንገላታኝ፣ እነሆ የቤቴን እንባና ሀዘን እኔና አንድዬ ብቻ ስናውቀው እስኪ ከወረደባት የወያኔ መራሹ መንግስት የማስመሰል የፖለቲካ ማጭበረበሩና ቤተክርስቲያንን የማፈራረስ ተግባሩ ጥቂት ልበል። አባ መርቆሬዎስን የሚያሳጣው ወያኔ ለአባ ጳውሎስ ፕትርክና ዘብ ሲቆም ምን አይነት ሀፍረት የለሽና ህሊና ቢስ መንግስት ነው? እላለሁ ለራሴ። ምን ያህል ኃጢአታችን ቢበዛ ነው? ይህች ያሳደገችን፣ መድኃኒትን ያስተማረችን፣ እናት ቤተክርስቲያናችን እኛ የደጅ ልጆች ሆነን የወያኔ መንግስት በሌለው ክርስትና ስለሰላሟ አወያይ ሆኖ የቀረበው? ምን ይደረግ? ደም የጠማውን ጠብመንጃ ይዞ እንደሚያመቸው መስመር አስገብቶ ለአባ ጳውሎስ ለማስተካከል ካልሆነ በስተቀር መረሳ ይሁን መይሳ ምን ይመለከተው ነበር? እኛ የሚበጀንን ከማወቅ ባሻገር ለእነሱም በማስተማር ለድኅነት እንተርፋቸው ነበር። ዳሩ ግን ፖለቲካ የሚሉት የውሸት ፋብሪካ ኃይማኖታቸው ሆኖ ስለሰላም አቀንቃኝ ሆነው መቅረባቸው አያስገርምም። የዚህች ቤተክርስቲያን ሰላም እጦትና መታወክ ኃላፊነቱ የአቶ መለስ መራሹ መንግስት ብቻ ነው። በእርግጥ መንግስት ሰላምና ጸጥታን የማስከበር፣ የማረጋገጥ ድርሻውን ቢወጣ የእኛም ድጋፍ እንደሚያስፈልገውና እንደሚገባው በትክክል ይታመናል። ሰላም በሌለበት እምነትና ሀገር የለምና። መንግስት ይቀየራል፣ ሀገርና ህዝብ እስከምጽዓት ይኖራሉ። ይሁን እንጂ የሚጠበቀው ሰላም ግን እነርሱ በሚፈልጉት መንገድ እንጂ ሁላችንንም በሚጠቅም መልኩ ሳይሆን ሲቀር ደርሶ ለቤተክርስቲያን ተቆርቋሪ መስሎ መታየቱን በየትኛው ማሳመኛ ተግባሩ አረጋግጠን ልንቀበለው እንችላለን? አባ ጳውሎስ ሰላምን፣ እርቅን፣ መልካም አስተዳደርን፣ እምነትንና ስርዓትን ባላወቁበት ዓለም ሆነው እያለ ከእኛ ወዲያ የቅርብ ምስክሮቹ በሌለበት ሁኔታ መንግስት ሰለሰላማችን ቢነግረን በተለመደው ቡጢ ከሚያሳምነን በስተቀር በየመድረኩ የስብሰባ ጋጋታ መፍትሄ አይሆንም። በግሌ የማንም ጥላቻ ኖሮኝ አያውቅም። መንግስት በሚነቀፈው ክፉ ተግባሩ በተጨበጠ መርቻ መተቸት ይገባዋል የሚል ጽኑ እምነት አለኝ። በሚደገፍበትና ሊመሰገን በሚገባው ኃገራዊ ኃላፊነቱን ከመወጣት አንጻር ሊመሰገን በሚገባው ጉዳይ ደግሞ ሊመሰገን ይገባዋል ብዬ አምናለሁ። ይሁን እንጂ ከጨፍጫፊው ደርግ በባሰ ሁኔታ ቤተክርስቲያናችን በአባ ጳውሎስ ዘመን የመንግስት እጅ ጣልቃ ገብ ሆኖ « ልጁ እስካለ የምሆነው የለም» በማለት በአደባባይ የሚናገሩት አባ ጳውሎስ የብልሹ አስተዳደራቸውን ጉዳይ መንግስት የሰላማቸው ሰባኪ መሆኑ ሊዋጥልን አይችልም።«ልጁ...» የሚባሉት በአባ ጳውሎስ አማርኛ አቶ መለስ መሆናቸው ነው። እናም በአሁኑ ሰዓት ቤተክርስቲያናችን በሁለት ወገን ተወጥራ ተይዛለች። በአንድ ወገን መንግስት፣ አባ ጳውሎስና የኃይማኖት ባላንጣዎቿ በሌላ ወገን ጉዳይዋ ይቆረቁረኛል፣ ያመኛል፣ ያንገበግበኛል፣ እኔንና እርሷን መነጠል አትችሉም የሚለው ከሸፋጮች በቀር እውነተኛው አማኝ ጎራ ለይቷል። የሚዛኑ ልዩነት ባለው የስልጣን፣ የጠመንጃና የገንዘብ ኃይል ነው። ይሁን እንጂ ቤተክርስቲያን ግፈኞችና ዓመጸኞች ቢናጠቋትም በፍጹም ሊጥሏት አይችሉምና በደሙ የመሰረታት ክርስቶስ አማኙን አሳልፎ አይሰጥምና ቀኑ ሲደርስ አሸናፊነቱ የምዕመኑ መሆኑን የሚጠራጠር ካለ እምነቱን ይመርምር። እኛ ግን ከተማርነው ቃል እንዲህ እንላለን።«ግራ የሚያጋባችሁ ማንም ይሁን ማን ፍርዱን ይቀበላል» ገላ5፣10 የተባለውን በተስፋ እንጠብቃለን።

Anonymous said...

ሊላይ ነኝ። እንደተለመደው ለዚህች የነፍሴም፣ የሥጋዬም እናት ለሆነችው ቤተክርስቲያኔ በጽሁፌ ጥቂት ላልቅስ። ቢገድሏት አልሞት ፣ ቢግጧት ኣልደርቅ ያለች፣ ቢጠሏት ያልነጠፈች ይህች ቤተክርስቲያኔ ከክፉ ዘመኗ አድርሶኝ፣ ማስጣል አልችል ሥፍራ ቢስ ነኝ፣ አልታገስ እንጀራዬ፣ መዳኛዬ ሆና ሰቅዞ የያዛት ወጀብና አውሎ እኔንም ያንገላታኝ፣ እነሆ የቤቴን እንባና ሀዘን እኔና አንድዬ ብቻ ስናውቀው እስኪ ከወረደባት የወያኔ መራሹ መንግስት የማስመሰል የፖለቲካ ማጭበረበሩና ቤተክርስቲያንን የማፈራረስ ተግባሩ ጥቂት ልበል። አባ መርቆሬዎስን የሚያሳጣው ወያኔ ለአባ ጳውሎስ ፕትርክና ዘብ ሲቆም ምን አይነት ሀፍረት የለሽና ህሊና ቢስ መንግስት ነው? እላለሁ ለራሴ። ምን ያህል ኃጢአታችን ቢበዛ ነው? ይህች ያሳደገችን፣ መድኃኒትን ያስተማረችን፣ እናት ቤተክርስቲያናችን እኛ የደጅ ልጆች ሆነን የወያኔ መንግስት በሌለው ክርስትና ስለሰላሟ አወያይ ሆኖ የቀረበው? ምን ይደረግ? ደም የጠማውን ጠብመንጃ ይዞ እንደሚያመቸው መስመር አስገብቶ ለአባ ጳውሎስ ለማስተካከል ካልሆነ በስተቀር መረሳ ይሁን መይሳ ምን ይመለከተው ነበር? እኛ የሚበጀንን ከማወቅ ባሻገር ለእነሱም በማስተማር ለድኅነት እንተርፋቸው ነበር። ዳሩ ግን ፖለቲካ የሚሉት የውሸት ፋብሪካ ኃይማኖታቸው ሆኖ ስለሰላም አቀንቃኝ ሆነው መቅረባቸው አያስገርምም። የዚህች ቤተክርስቲያን ሰላም እጦትና መታወክ ኃላፊነቱ የአቶ መለስ መራሹ መንግስት ብቻ ነው። በእርግጥ መንግስት ሰላምና ጸጥታን የማስከበር፣ የማረጋገጥ ድርሻውን ቢወጣ የእኛም ድጋፍ እንደሚያስፈልገውና እንደሚገባው በትክክል ይታመናል። ሰላም በሌለበት እምነትና ሀገር የለምና። መንግስት ይቀየራል፣ ሀገርና ህዝብ እስከምጽዓት ይኖራሉ። ይሁን እንጂ የሚጠበቀው ሰላም ግን እነርሱ በሚፈልጉት መንገድ እንጂ ሁላችንንም በሚጠቅም መልኩ ሳይሆን ሲቀር ደርሶ ለቤተክርስቲያን ተቆርቋሪ መስሎ መታየቱን በየትኛው ማሳመኛ ተግባሩ አረጋግጠን ልንቀበለው እንችላለን? አባ ጳውሎስ ሰላምን፣ እርቅን፣ መልካም አስተዳደርን፣ እምነትንና ስርዓትን ባላወቁበት ዓለም ሆነው እያለ ከእኛ ወዲያ የቅርብ ምስክሮቹ በሌለበት ሁኔታ መንግስት ሰለሰላማችን ቢነግረን በተለመደው ቡጢ ከሚያሳምነን በስተቀር በየመድረኩ የስብሰባ ጋጋታ መፍትሄ አይሆንም። በግሌ የማንም ጥላቻ ኖሮኝ አያውቅም። መንግስት በሚነቀፈው ክፉ ተግባሩ በተጨበጠ መርቻ መተቸት ይገባዋል የሚል ጽኑ እምነት አለኝ። በሚደገፍበትና ሊመሰገን በሚገባው ኃገራዊ ኃላፊነቱን ከመወጣት አንጻር ሊመሰገን በሚገባው ጉዳይ ደግሞ ሊመሰገን ይገባዋል ብዬ አምናለሁ። ይሁን እንጂ ከጨፍጫፊው ደርግ በባሰ ሁኔታ ቤተክርስቲያናችን በአባ ጳውሎስ ዘመን የመንግስት እጅ ጣልቃ ገብ ሆኖ « ልጁ እስካለ የምሆነው የለም» በማለት በአደባባይ የሚናገሩት አባ ጳውሎስ የብልሹ አስተዳደራቸውን ጉዳይ መንግስት የሰላማቸው ሰባኪ መሆኑ ሊዋጥልን አይችልም።«ልጁ...» የሚባሉት በአባ ጳውሎስ አማርኛ አቶ መለስ መሆናቸው ነው። እናም በአሁኑ ሰዓት ቤተክርስቲያናችን በሁለት ወገን ተወጥራ ተይዛለች። በአንድ ወገን መንግስት፣ አባ ጳውሎስና የኃይማኖት ባላንጣዎቿ በሌላ ወገን ጉዳይዋ ይቆረቁረኛል፣ ያመኛል፣ ያንገበግበኛል፣ እኔንና እርሷን መነጠል አትችሉም የሚለው ከሸፋጮች በቀር እውነተኛው አማኝ ጎራ ለይቷል። የሚዛኑ ልዩነት ባለው የስልጣን፣ የጠመንጃና የገንዘብ ኃይል ነው። ይሁን እንጂ ቤተክርስቲያን ግፈኞችና ዓመጸኞች ቢናጠቋትም በፍጹም ሊጥሏት አይችሉምና በደሙ የመሰረታት ክርስቶስ አማኙን አሳልፎ አይሰጥምና ቀኑ ሲደርስ አሸናፊነቱ የምዕመኑ መሆኑን የሚጠራጠር ካለ እምነቱን ይመርምር። እኛ ግን ከተማርነው ቃል እንዲህ እንላለን።«ግራ የሚያጋባችሁ ማንም ይሁን ማን ፍርዱን ይቀበላል» ገላ5፣10 የተባለውን በተስፋ እንጠብቃለን።

DEREJE THE AWASSA said...

Dear Dejeselams
God Bless Tewahido
this is my comment
ሊነጋ ሲል ይጨልማል
ዛሬ ግን ለህዝበክርስትያን አዘንሁ። አዋሳ ላይ በመንግስት ወታደር ተከበን በሰንበት አሥቀደስን። ቤተክርስቲያንን አምላክ ይታደግ።

Anonymous said...

+++
በስም ሥላሴ ትቀጠቅጥ ከይሲ

ደጀሰላሞች ለምንድ ነዉ ለቤ/ን የቆሞትን ብጸዓን አባቶችን የምትጠሩት እንዳይቆዩ ለማስጨረስ ነዉ:: ከጠራች የቤ/ን ተቃዋሚዎች ጥሩ:: እኔ ያለፈዉም ጠርተን ጠርተን አልጠቀምናቸዉም እንደዉ ቀነስናቸዉ::

ረዴት እግዚአብሔር አይለየም::

Anonymous said...

"Laaqii kotteen baqatan lukaan keeessa ciisuu jedham"Yihin lemalet yefelekut bebetekiristiyan weyim be hayimanot gudayi mengist indayikeba yetedenegegewu hagerituwa haimanotenga mengist katachi wedihi yimesilengal maletem hayimanotenga yetebalem mengst hono sile tegenge,silezihi yeraqinewu qereben,yesheshenewu texegan,qalat haxeren yeroo hundaa waa'ee waldaakoof naanboo'a WAOI tiif akkasumas uummata isheef.

Anonymous said...

ene belilay hasab esmamalehu, mengist wey geleltegna hono wenjelegnawen alaswegede wey kidus sinodos ena memenan sele betekeresian heg sitagelu neft yezo balweta ena mafeyawun tsadik ,hakegna baladerege. TAYALACHIHU ahunem abatoch leteyekut melse sayiset yerasun /mesmat ena mawerat yefelegewen bicha/ awerito yehedew, ahunim leban atsneto hakegnan atefito lemetew new /yeh yemihonew amlak kefekedelet bicha new / aliyama metefiyawen eyazegaje new. TEW EHADEG/WEYANE/ KALEFUT TEMAR BETE KIRESTIANEN ATBETEBET BEZIH YAKOREFE MEMEN BETAM EYETEKOT NEW

Wondwossen said...

In the Name of the Father, Son & the holy sprite.

How are you all EOC Cristian! I used to read the news & comments posted on this web page. Thanks to God we have place to say what we feel about our chirch.

But what worried me more is the opportunity we create for the church's enemies "Protestants and Islamist Extremists" while we eat each other.

May God Look to our sufferings and give us peace.

God Bless Our Church & Ethiopia

Anonymous said...

God help us.

Anonymous said...

ደጀ ሰለላሞቸ እግዚዓብሄር በታችሁ

bariyaw said...

It is time for us to pray much more than before for the war declared on the church by those who are breast biters of our own former brothers.
please send massages to our fathers who always pray to the world in the holly monastries then things will go as needed if not why do not we all collectively pray for days in our homes. please we ethiopian orthodox followers lets close our doors and pray for the goodnes of our church and society.
Let God bless this blessed country.
thank you.

Maryisaq said...

Bravo our government! I think now the government pay attention for internal problem of our Church which has its own clear impact over the works of the government in one or another way since we (Orthodoxawian) constitute more than half of the total population of the land. Since the government has got relief from its tension of election,I hope the beginning will not interrupt again until several grievances us(son's of Church) are getting solution. However, I fell sorry because our Church which is beginner of modern management has lost a chance to overcome her problem by herself. Anyways, I have appreciation for this effort (attention) of government. Finally I have a message to government official who work on it,your duties requires carefulness,. SO, please don't try to interfere on spiritual matters other than the administrative spheres(please limit your intervention on corruption...) and don't try to impose your worldly interest over the Church.
our LORD may help you to be agents of the truth

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)