September 15, 2010

መንግሥት ከፓትርያርኩ እና ከጳጳሳቱ ጋር ምሥጢራዊ ስብሰባ አካሄደ፣ ማሳሰቢያም ሰጠ

(ደጀ ሰላም፤ ሰፕቴምበር 15/2010፤ መስከረም 5/2003 ዓ.ም):-  በኢትዮጵያ ኦርቶዶክስ ተዋሕዶ ቤተ ክርስቲያን መንበረ ፓትርያርክ ጠቅላይ ቤተ ክህነት አስተዳደር እና በየደረጃው በሚገኙ አካላት በየጊዜው የሚፈጸሙ በደሎች እየተባባሱ ሕዝቡን በሚያስቆጡበት ደረጃ ላይ መድረሳቸውንና ሕዝባዊ ቁጣው እየከፋ ሄዶ ለአገሪቱ ዘላቂ ሰላም እና ልማት መረጋገጥ ዕንቅፋት ከመሆኑ በፊት የቤተ ክርስቲያኒቱ አስተዳደር በራሱ ውስጣዊ ተቋማዊ አሠራር አስቸኳይ መፍትሔ እንዲሻ፣ “መንግሥት በቤተ ክርስቲያን የውስጥ ጉዳይ ጣልቃ ለመግባት  የሚገደደው ሲኖዶሱ በሙሉ ሥልጣኑ እና ኀይሉ    እየወሰነ ስለማይሠራ መሆኑን፤ አባቶች በተለይም ፓትርያርኩ የሚፈጽሟቸው ምእመኑን የሚያስቆጡ ተግባራት ውለው አድረው ለአገሪቱ ሰላም እና ልማት ዕንቅፋት ሊሆኑ እንደሚችሉ፤ የአዲስ አበባ ሀገረ ስብከት ጉዳይ በአስቸኳይ ይቋጭ” ሲል መንግሥት ማሳሰቢያ ሰጠ፡፡
በኢ.ፌ.ዴ.ሪ የፌዴራል ጉዳዮች ሚኒስቴር የሃይማኖት ጉዳዮች ዳይሬክቶሬት ዋና ዳይሬክተር አቶ መረሳ ረዳ በተመራውና ከጳጉሜ 4 - 5 ቀን 2002 ዓ.ም እንዲሁም ዛሬ መስከረም አራት ቀን 2003 ዓ.ም በመንበረ ፓትርያርኩ ጽ/ቤት ቀጥሎ በዋለው ስብሰባ በተለያየ ዙር ተከፋፍለው የተጠሩ ብፁዓን ሊቃነ ጳጳሳት በተመሳሳይ አጀንዳ ላይ እንዲወያዩ ተደርጓል፡፡ ዋና ዳይሬክተሩ በብፁዕ ወቅዱስ ፓትርያርኩ ተከፋፍለው በተጠሩት እና በሦስት የተለያዩ ዙሮች ለተሰበሰቡት ብፁዓን ሊቃነ ጳጳሳት፣ የኢትዮጵያ ኦርቶዶክስ ተዋሕዶ ቤተ ክርስቲያን ታሪካዊ እና የአገር ባለውለታ መሆኗን አስታውሰዋል፡፡ ይሁንና ከቅርብ ጊዜ ወዲህ ከቤተ ክርስቲያኒቱ ከፍተኛ አመራር ጀምሮ በየደረጃው በሚገኙ አካላት የሚፈጸሙ ግልጽ የወጡ ስሑት ተግባራት ሕዝቡን እያስከፉ፣ በዚህም ሳቢያ ከሕዝቡ ለመንግሥት የሚቀርቡት አቤቱታዎች እየበረቱ መምጣቸውን፣ እኒህም አቤቱታዎች ውለው ሲያድሩ ለአገሪቱ ዕድገት እና ልማት መሰናክል ለመሆን ከመቻላቸው አኳያ መንግሥትን እያሳሰበው መሆኑን አስረድተዋል፡፡

በተለይም የፓትርያርኩን 18ኛ በዓለ ሢመት አከባበር ምክንያት በማድረግ የተተከለውን የአቡነ ጳውሎስ ሐውልተ ስምዕ፣ የአዲስ አበባ ሀገረ ስብከት እና የፓትርያርኩ ረዳት ሊቀ ጳጳስ የነበሩት ብፁዕ አቡነ ሳሙኤል እና የሀገረ ስብከቱ ዋና ሥራ አስኪያጅ ከቦታቸው አላግባብ መነሣትን ተከትሎ በሀገረ ስብከቱ ሙስና እና የሰብአዊ መብት ረገጣ መባባሱ እና ውዝግቡም እስከ አሁን ሁሉንም ያስማማ የተረጋገጠ መቋጫ ያላገኘ መሆኑን እንዲሁም በአንዳንድ አህጉረ ስብከት ከምእመኑ ጋራ የሚፈጠሩ አስተዳደራዊ ውዝግቦችንና ውዝግቦቹ የሚወልዷቸውን ልዩነቶች የዘረዘሩት አቶ መረሳ፣ ሲኖዶሱ እና በየደረጃው የሚገኙ የአስተዳደር መዋቅሮች በሙሉ ሥልጣናቸው እና አቅማቸው ተንቀሳቅሰው በቤተ ክህነቱ ውስጣዊ ተቋማዊ አሠራር መሠረት ለችግሩ አስቸኳይ እልባት መስጠት እንደሚጠበቅባቸው አሳስበዋል፡፡

ዋና ዳይሬክተሩ ለቤተ ክርስቲያኒቱ የማይበጁ ግለሰቦች በከፍተኛ አመራሩ ውስጥ ተሰግስገው አሉታዊ ጫና እየፈጠሩ መሆናቸውን በመጥቀስ በተለይም ፓትርያርኩ ጥቅማቸውን የሚከላከሉላቸውንና ከጀርባቸው ያስጠለሏቸውን ግለሰቦች ማንነት እንዲያጠኑ እና እንዲያጠሩ ጥብቅ ማሳሰቢያ እንደሰጧቸው ተዘግቧል፡፡ በፓትርያርኩ አላስፈላጊ እና ቀኖናዊ ያልሆኑ ተግባራት የተነሣ አንዳንድ ወገኖች በመንግሥት ላይ የሚነዙት ጥላቻ መጠናከሩን በቅሬታ የተናገሩት አቶ መረሳ፣ “የሲኖዶስ ጉባኤ በመጣ ቁጥር መንግሥት መቸገር የለበትም፡፡ መንግሥት ጣልቃ ለመግባት የሚገደደው ሲኖዶሱ powerful ባለመሆኑ ነው፡፡ ሲኖዶሱ powerful መሆን አለበት፤ ሲኖዶሱ powerful ሆኖ በሚወስነው መንግሥትም ይተባበራል” በማለት ቅዱስ ሲኖዶስ በሚፈጸሙት ዝንፈቶች ላይ በሥልጣን ሊወያይ እና በሙሉ ኀይሉ በመወሰን እርምት ሊሰጥበትና፣ ይህንኑም በየአህጉረ ስብከቱ ተፈጻሚ በማድረግ የአገሪቱን ሰላም መጠበቅ እና ለልማቷም መትጋት እንደሚገባ በመንግሥት ስም ደጋግመው ማሳሰባቸው ተገልጧል፡፡

በየዙሩ ከተካሄዱት ስብሰባዎች በኋላ ብፁዕ ወቅዱስ ፓትርያርኩ ከብፁዓን አባቶች ጋራ፣ “አባቶች፣ አንለያይ፤ አንድ እንሁን፤ ሰላም እናውርድ” የሚል የተማፅኖ ንግግር ማሰማታቸው ተመልክቷል፡፡ ይሁንና ተሰብሳቢዎቹ ውይይቱ ብፁዓን አባቶች ተለያይተው የተጠሩበት፣ አጀንዳውን በተመለከተም በቅዱስ ሲኖዱሱ ጸሐፊ በብፁዕ አቡነ ሕዝቅኤል እና በጠቅላይ ቤተ ክህነቱ ዋና ሥራ አስኪያጅ በብፁዕ አቡነ ፊልጶስ ቀድሞ ያልታወቀበት፣ በሹመት ዘመናቸው የባጁ እና ፓትርያርኩን ፊት ለፊት የመገሥጽ ጥብዓት ያላቸው አንጋፋ ሊቃነ ጳጳሳት የተገለሉበት፣ ጥቂቶቹ ጥሪ ቢደረግላቸውም ለመገኘት ፈቃደኛ ያልነበሩበትን መንሥኤ በመጥቀስ አቡነ ጳውሎስን ጠንክረው መናገራቸው ተዘግቧል፡፡ ከዚህም ጋራ በተያያዘ የመንግሥት ተወካዩ የፓትርያርኩን ሐውልተ ስምዕ ነቅፈው ለመንግሥትም ሕዝባዊ ጥላቻ ማትረፉን መናገራቸው ድፍረት የጨመረላቸው የሚመስሉ አንዳንድ አባቶች፣ “ሕዝቡ እየተቆጣ ነው፤ ግፊቱ ከአቅምዎ በላይ ከነበረም ስለምን ከሲኖዶሱ ጋራ አልመከሩም፤ ነገሩ ምክክር ቢደረግበት ተገቢ አልነበረም ወይ?“ በማለት አቡነ ጳውሎስን ወቅሰዋል፤ ይህንኑ ወቀሳ ተከትሎም ፓትርያርኩ “ስለ ሐውልቱ እኔ ምንም የማውቀው ነገር አልነበረም፡፡ ነገሩን የተረዳሁት ከቦታው ተገኝቼ ተገልጦ ስመለከት ነው፡፡”  ሲሉ አስገራሚ ነገር ተናግረዋል። 

ባለፈው ዓመት ሐምሌ ስድስት ቀን 2002 ዓ.ም በተካሄደው የቅዱስ ሲኖዶስ ስብሰባ “ቤተ ክርስቲያኒቱ የቁልቁሊት እየሄደች ነው፡፡ ሕገ ቤተ ክርስቲያን ይከበር፤ ሥርዓተ አበው ይጠበቅ፤ ሙስና እና ቤተሰባዊ አስተዳደር ይወገድ ባልኩኝ ለአንድ ዓመት ጉዳዬ ውሳኔ ሳያገኝ ያለሥራ ተገልዬ መቀመጤ ግፍ አይደለም ወይ?“ በማለት የጠየቁት ብፁዕ አቡነ ሳሙኤል የሐውልቱን ሥራ በግልጽ በመቃወም ቤተ ክርስቲያኒቱ አደጋ ላይ መሆኗን እና ከዚህም የተነሣ አባቶች ተባብረው ድምፃቸውን አለማሰማታቸው እንዳሳዘናቸው፣ እርሳቸው ግን ጥቅዐቱን (ውርደቱን) ለመመከት ትግላቸውን እንደሚቀጥሉ ተናግረው እንደ ነበር ይታወሳል፡፡

በሰሞኑ ተከታታይ ዙር ውይይት በፓትርያርኩ ላይ ከፍተኛ መጨነቅ ይታይ እንደ ነበር የተናገሩት የስብሰባው ምንጮች፣ ምናልባትም ጳጳሳቱ በሹመት ዘመን፣ በዕድሜ እና ለፓትርያርኩ ካላቸው የድጋፍ እና የተቃውሞ ዝንባሌ አንጻር ተከፍለው በተለያዩ ዙሮች ለስብሰባው መጠራታቸው ሰላም ወዳድ በመምሰል እንዲህ ያሉትን ትንታግ ተቃውሞዎች ለመቀነስ አልያም ከወቅታዊ የቤተ ክርስቲያኒቱ አስከፊ መዋቅራዊ ችግር አኳያ በመጪው ጥቅምት የቅዱስ ሲኖዶስ ጉባኤ ሊኖር እንደሚችል የተገመተውን የአባቶች አቋም ፈትሾ ለማዳከም እና ከወዲሁ በሐሳብ ለመለያየት ታስቦ ሊሆን እንደሚችል ያላቸውን ጥርጣሬ ገልጸዋል፡፡ ለዚህም እንደ ምሳሌ ከሚጠቅሷቸው በርካታ ማሳያዎች መካከል “ተቃውሞ ያስነሣሉ፤ ያሳድማሉ” በሚል ፓትርያርኩ ፊት በሚዛወሯቸው አባቶች ላይ ያላቸው የማይቀየር የሚመስል ስሜት እና ከዚህም ጋራ በተያያዘ ያደርጉታል ተብሎ የሚጠበቀው የሹመት ቦታዎች ለውጥ ነው፡፡ እንደ ምንጮቹ መረጃ በጥቅምቱ የቅዱስ ሲኖዶስ ምልዓተ ጉባኤ በሰሜን አሜሪካ የዋሽንግተን እና አካባቢው ሊቀ ጳጳስ ብፁዕ አቡነ አብርሃም፣ የምዕራብ አውሮፓ ሀገረ ስብከት ሊቀ ጳጳስ ብፁዕ አቡነ እንጦንስ እና የኢየሩሳሌም ገዳማት ሊቀ ጳጳስ ብፁዕ አቡነ ማቲያስ ከቦታቸው ሊነሡ ይችላሉ፤ ብፁዕ አቡነ ሳሙኤልም አላግባብ ከተነሡበት የአዲስ አበባ ሀገረ ስብከት ውጭ ወደ ሌላ ይዛወራሉ አልያም ከፓትርያርኩ እና ቤተሰቦቻቸው በተፈጠረባቸው ጫና ሳቢያ ለመሥራት እንዳልቻሉ ገልጸው በፈቃዳቸው ወደተዉት የልማት እና ክርስቲያናዊ ተራድኦ ኮሚሽን የበላይ ሐላፊነት ሥልጣን ይመለሳሉ ተብሎ ይጠበቃል፡፡

በተለይም በሃይማኖታዊ አባትነታቸው በመንበረ ጵጵስናቸው ከሚመሯቸው ምእመናን ጋራ በቅርብ ተገኝተው በአንድነት በመሥራታቸው፣ ይልቁንም የወጣቶችን መንፈሳዊ መፍቀድ ተረድተው እና ተደራሽ ሆነው ለጥያቄዎቻቸው አፋጣኝ ምላሽ በመስጠታቸው፣ በተለያዩ ማኅበራት ተደራጅተው የሚያገለግሉ ወራዙትን አገልግሎት በሚችሉት እየደገፉ - እገዛ በሚያስፈልጓቸው ጉዳዮች ላይ ደግሞ ችሎታው ያሏቸውን እያስተባበሩ የኖላዊነት ሐላፊነታቸውን በአጥጋቢ ሁኔታ በመወጣት ዘመኑን በመዋጀታቸው “የወጣቱ ጳጳስ” ተብለው የሚሞገሱት ብፁዕ አቡነ አብርሃም ከሰሜን አሜሪካው የዋሽንግተን እና አካባቢው ሊቀ ጵጵስና ሐላፊነታቸው ለማዛወር መታሰቡ ወቅቱን ያልጠበቀና ምናልባትም በቤተ ክህነቱ የአገር ውስጥ እና የውጭ መዋቅሮች የተሰገሰጉ ጥቅመኞችን ፍላጎት ለማስጠበቅ የታለመ ሳይሆን እንደማይቀር ምንጮቹ ያስረዳሉ፡፡ ብፁዕነታቸው ባለፈው ዓመት የቤተ ክርስቲያኒቱን አስተዳደር ለማሻሻል እና የፓትርያርኩን ሥልጣን ለመገደብ የተደረገውን ጥረት ለማኮላሸት በብፁዓን አባቶች ላይ የተፈጸመውን አፈና እና ድብደባ ከብፁዕ አቡነ ማቲያስ ጋራ በብዙኀን መገናኛ ቀርበው በቃል እና በጽሑፍ በማውገዝ ግልጽ ተቃውሟቸውን አሰምተዋል፡፡ የአቡነ ጳውሎስ ሐውልተ ስምዕ ዐቢይ ቀኖናዊ ግድፈት መሆኑን በጉባኤ አስተምረዋል፤ በመንበረ ጵጵስናቸው በሚገኙ አጥቢያ አብያተ ክርስቲያንም ለቀናዒ የቤተ ክርስቲያን ልጆች የሚመች፣ ለይሁዳዊ የቤተ ክርስቲያን የውስጥ ጠላቶች መቅሠፍት ወተግሣጽ የሆነ የአገልግሎት ድባብ ፈጥረዋል፡፡

የመንግሥት ተወካዩ ፓትርያርኩን ጨምሮ ከብፁዓን አባቶች ጋራ እንዳደረጉት ውይይት ሁሉ ከተለያዩ የጠቅላይ ቤተ ክህነቱ ልዩ ልዩ የመምሪያ ሐላፊዎች ጋራ በተመሳሳይ ጉዳዮች ላይ በግሎባል ሆቴል በተካሄደ ስብሰባ በዝግ መምከራቸው ተሰምቷል፡፡ ስብሰባውን አስመልክቶ ዝርዝር መረጃ ለማግኘት ያልተቻለ ቢሆንም ትኩረቱ መንግሥት ለውይይት ከዘረጋው የዕድገት እና ለውጥ ዕቅድ ተፈጻሚነት ቤተ ክርስቲያኒቱ የሚጠበቅባትን ሚና እና በያዝነው መስከረም ወር መጨረሻ ከሚካሄደው ኢሕአዴግ መራሹ የመንግሥት ምሥረታ ጋራ ተያይዞ አንዳችም የጸጥታ ችግር እንዳይኖር “ምእመኑን በመምከር እና ሕዝቡን የሚያስቆጡ የውስጥ አስተዳደራዊ በደሎችን በመከላከል” ተሰብሳቢዎቹ የበኩላቸውን አስተዋፅኦ እንዲያደርጉ ማሳሰቢያ መሰጠቱ ተመልክቷል፡፡

26 comments:

እሌኒ ከሲራክዩስ said...

ቸር ወሬ ያሰማችሁ!

አንድ እርምጃ ወደ ፊት አትሉም? ከዚህም በላይ፡ አለ ለኛ የተሻለ ነገር...

አምላከ ቅዱሳን አለሁ ይበለን!

Anonymous said...

አይ ደጀ ሰላሞች ሚስጢራዊ ስብሰባ ብላችሁ ወደ ዝርዝሩ ሲገባ ግን ስብሰባ ውስጥ የነበራችሁ ነው:: እባካችሁ ምእመኑን አትብጥብጡት

Anonymous said...

አይ ደጀ ሰላሞች ሚስጢራዊ ስብሰባ ብላችሁ ወደ ዝርዝሩ ሲገባ ግን ስብሰባ ውስጥ የነበራችሁ ነው የሚመስለው:: እባካችሁ ምእመኑን አትበጥብጡት

Memex said...

እባካችሁ ክርስቲያኖች ሁሉን ነገር ትታችሁ ሰለራሳችሁ አልቅሱ አልያም ጸልዩ: ከኛ የሚጠበቀው ይህ ነው። ቤተክርስቲያንችን እንዲህ ዓይነት ፈተና ውስጥ ገብታ አታውቅም። ሁሉም ነገር በ እያእያንዳንዳችን ህይወት ይወሰናል። በቤተክህነትም ሆነ በቤተመንግስት የሚታየው የ እያእያንዳንዳችን ህይወት ነጸብራቅ ነው። ስለዚህ ጣታችንን ወደ ሌላ ከመጠቆም ተቆጥበን ራሳችን ንሰሀ ገብተን ወደ እግዚአብሄር እንመለስ። መፍትሄው ይሄ ብቻ ነው። እግዚአብሄር ማስተዋሉን ይሰጠን።

Anonymous said...

እግዚኣብሔር ይርዳችሁ!
ወንድሜ እህቴ ሳይደፈርስ ኣይጠራም ነዉ እና ተዋቸዉ ዉሸት ነዉ እያልክ ነጌ እዉነቱ ሲታይ እንዳታፍር !! የቤታችን ጉዳይ ኣይጠፋንም እና የሚሰሩትን ሰዎች ኣታሸማቅቅ መረጃ የእድገት መንገድ እንጂ መበጥበጫ ኣይደለም ሰያመዛዝን በቀረበለት ብቻ የሚፈርድ ካለ ገና ስለሆነ ወደነባራዊዉ ሁኔታ ይጠጋ እላለሁ።
መንግስትም የህዝብ መንግስት የሚየሰኘዉ ጉዳይ ነዉ እየሰራ ነዉ በቤተክርስትያን ታሪክ ምናልባትም የመጀመርያዉ በጎ ስራ (የኣሁኑ መንግስትን ነዉ) ብቻብቻ በፍፁም ገለልተኝነት ህዝብን ያማከለ ይሁን!
ገሬ ከትግራይ ቸር ያሰማን

Anonymous said...

Bemereja lay bicha yetemerekoze neger tisefu zend alachu.God bless Ethiopia and the World.

T/D said...

Der Biabir Anbesa Yasir!

Ke- Egziabher belay semi maggnetachin ejig betam yasdesital.

Le hulum Egziabher libonan yist.

ዳግም said...

ውድ ኣናንመምስ ፡ ሚስጥራዊነቱ ላንተና ለአኔ ነው አንጂ ለነሱ ኣይደለም።

Anonymous said...

Mr anonymous,

what is ur problem, then? Ur reasoning doesn't hold water. What is wrong if they have a source of information from the participants?

Anonymous said...

This is a good move .The same thing has happened in Hawassa ,the police comissioner,the regional security head & other higher officials called a meeting with አባ ፋኑኤል's ማፊያ ቡድን & the opposing party.The Gov't did not brought any thing exceptማሳሰቢያ

ዲያቆን መሐሪ ገብረ ማርቆስ said...

ረ ምን ጉድ ነው የሚሰማው ጎበዝ?

እውነት ፓትርያርኩ የሚደረገውን ሁሉ አያውቁም ማለት ነው?
ቤተክርስቲያኒቷን እየመሯት ያሉት እነማን ናቸው?
እኔ ግራ ገብቶኛል፡፡

“ቀኖናዊ ግድፈት” ብለው በአባታዊ ቆራጥ ቋንቋ አቡነ አብርሃም የገለጹትን የቦሌውን ድንጋይ ጉዳይ ካላወቁ የመኪናውንም የአውሮፕላኑንም ጉዳይ አያውቁም ማለት ነው?

በውጭ ሀገርም ሆነ በውስጥ ያላችሁ አባቶች ነቅታችሁ፣ የሕዝቡን የልብ ትርታ አዳምጣችሁ ቀኖና ቤተክርስቲያንን ያገናዘበ አስተዳደራዊ ለውጥ ማድረግ ካልቻላችሁ ከክርስቶስ የተረከባችኋት ቤተክርስቲያን አስተዳደራዊ ንቅዘታቸውን በወቅቱ ማረም አቅቷቸው መንጋቸውን ለፕሮቴስታንት ጅብ ያስበሉትን የሮማ ካቶሊክ ቤተ እምነት ፖፖች ወደ መሆን ልትደርሱ የቀራችሁ መንገድ ትንሽ ይመስለኛል፡፡ በዚህ እግዚአብሔርም ታሪክም እንደሚፈርድባችሁ ደግሞ ታውቁታላችሁ፡፡

መንግሥት ጥሩ አርቆ ተመልክቷል፡፡

እናንተስ አበው?

ሳትከፋፈሉ፣ ለጥቅማችን ሳትሉ፣ ለምድራዊ ሕይወታችን ቆይታ ሳትሉ የቤተክርስቲያናችሁን መጻኢ ዕድል ስለምን አትመለከቱም?

ስንጠፋ ግድ አይላችሁምን?

Anonymous said...

" በተለይም በሃይማኖታዊ አባትነታቸው በመንበረ ጵጵስናቸው ከሚመሯቸው ምእመናን ጋራ በቅርብ ተገኝተው በአንድነት በመሥራታቸው፣ ይልቁንም የወጣቶችን መንፈሳዊ መፍቀድ ተረድተው እና ተደራሽ ሆነው ለጥያቄዎቻቸው አፋጣኝ ምላሽ በመስጠታቸው፣ በተለያዩ ማኅበራት ተደራጅተው የሚያገለግሉ ወራዙትን አገልግሎት በሚችሉት እየደገፉ - እገዛ በሚያስፈልጓቸው ጉዳዮች ላይ ደግሞ ችሎታው ያሏቸውን እያስተባበሩ የኖላዊነት ሐላፊነታቸውን በአጥጋቢ ሁኔታ በመወጣት ዘመኑን በመዋጀታቸው “የወጣቱ ጳጳስ” ተብለው የሚሞገሱት ብፁዕ አቡነ አብርሃም "


What do you mean?
kentu wedasie yibalal.Who are the youths you are referring to? Who is doing the border and boundary war among Meamenan? Diju know that? Will respect your opinion but disregard such biasedness and generalization.Like any pope he has his own few follwers. Those followers are known,counted and will follow him wherever he goes.Please let's start following God!I don't have any problem if he really cares about the people of God no matter what.

sury said...

Cher yaseman.our church leaders can't solve their own problem.this is big shame to use.b/c we didn't expect them like this.YEBETE KIRISTANACHINEN AYDELEM YEMENGISTEN CHIGER YEFETALU YEMINLACHW ABATOCH YERASACHEWN MEFTAT SIAKETACHEW MIN YEBALAL!!!!!!!!!!e

Anonymous said...

Dear readers,

the move on the government side is at least a good news. In Hawassa, the Mafia group, was forced to calm down by the strong message from the regional officials. But, as our hope of solving our problems by ourselves is fading, it is important to see the government taking tangible actions. Abune Fanuel's mafia group lead by Yared Ademe and Bagashaw desalegn is changing the church in Hawassa into termoil.

Anonymous said...

አይ ብፁዕ ወቅዱስ አባታችን 'ስለ አውልቱ አላውቅም' ያሉትን እንኳ ሊሆን ይችላል ብንል ካወቁ በኋላ ታዲያ ምነው አፍርሱት አላሉም። ባውቀው እወልቱ ስህተት ነበር ስላላወቅሁት አውልቱ ቆሞ በማየቴ ልክ ነው ማለታቸው ይሆን?
መንግስት እስካሁን የተፈጸሙትን ጥፋቶች እና ወንጀሎች በቀጥታም ይሁን በተዘዋዋሪ እጁ አለበት። የለበትም ብንል እንኳ እንደ መንግስት ምን አደረገ ለምሳሌ አባቶችን የደበደቡት ምን ሆኑ? አሁን ደግሞ አባቶችን ያነጋገረው እውነት በቤተ ክህነቱ ስለሚፈጸሙ ወንጀሎች ተቆርቁሮ ይሆን?

እግዚአብሔር እውነተኛ ሰላሙን ያድለን

Anonymous said...

ለደጀ " ሰላም " ...ቢያወጡትም ባያወጡትም የተጻፈ

የሆነ ጊዜ ፖሊስና እርምጃው ሆኑ የተባለውን አንብቤ ነበር ... በፖሊስና እርምጃው የሚወጡት ወንጀሎች የተደረጉና ሕዝቡ እንዲማርባቸው የሚወጡ ነበሩ ... የደጀ " ሰላም " ነገር ግን ምንጩ የማይታወቅ ...( አንድ ደጀ ሰላማዊ እንደተናገረው )... መደረጉም አለመደረጉም የማይታወቅ ... ብቻ የአንባቢዎችን አሉባልታ የመውደድ አባዜ ተገን ያደረገ ተራ የሽብር ወሬ መንዣ ነው። ለነገሩ ድሮም የከበደው ይህ ወሬ መቃረም ሳይሆን ጠብ የሚል ስራ መስራት ነው። ...

ደጀ " ሰላም " አላችሁ ... ደጀ ብጥብጥ ... ደጀ ሽብሩ ...ናችሁ።

Anonymous said...

Just to comment about the writer of Hawassa.
The participation of the goverment and the follow up wasn't the one expressed above.
It is b/s of the govenment that every thing is responded from the church officials, Not from the fear of God of the church officials.
Thanks to the Goverment and the officials the work of God is expressed by them.

ዘ ሐመረ ኖሕ said...

እግዚአብሔር ይስጣችሁ ደጀሰላሞች ሠላምን ለሚፈልግ ሁሉ ሠላም ይሁን
ዘረኛነት በመንፈሳዊ ስልጣን መባለግንና ሙስና ወ ዘ ተ
በቤተክህነት ውስጥ የፈጠረውን አጋጣሚና ክፍተት በመጠቀም ቢቻል ቤተክርስቲያናችንን ገዝግዞ ለመጣል ካልቻሉም ለሁለት ለመሰንጠቅና ለመክፈል ሰርገው የገቡ መናፍቃን ቆርጠው መነሳታቸውን አገር ያወቀው ፀሐይ የሞቀው ጉዳይ ነው ይህ ፍጹም አፍራሽ የሆነ ዓላማ የፈጥረው ችግር ዘርፈ ብዙ በመሆኑና ለሃገራችን እድገትም ሆነ ለዘላቂ ሠላማችን በቀላሉ የማይፈታ ጠንቅ እየፈጠረ የሚገኝን መሆኑን ከግለሰብ እስከ መንግስት ድረስ ግልጽ የሆነ ጉዳይ ቢሆንም መንግስት ከአባ ፓውሎስና መሰሎቻቸው ጋር የአንድ ሳንቲም ሁለት ገጽታ ብቻ እንዳልሆነ ትንሽ ፍንጭ ያገኘን ይመስለኛል ስለዚህ የቤተክህነት አጠቃላይ ችግር ብሎም የሀገራችን ችግር መፍትሄ እንዲያገኝ በውጭም በውስጥም የምንገኝ ከትንሽ እስከ ትልቅ ከተራ ምእመን እስከ ብጹአን አባቶች ከጽዋ ማህበር እስከ ሰበካ ጉባኤ የነበረብንን ሥጋዊ ፍራቻ አስወግደን መጮህ መጀመር እንደምንችል ጥሩ ፍንጭ አግኝተናል ይህን አቅጣጫ ተከትለን መንግስት በጀመረው የማስተካኪያ እርምጃ እንዲቀጥል ግፊት ማድረግ አለብን ባለፉት አመታት መንግስት ያደረጋቸውን ስህተትና ጥፋት ብቻ እያየን ከመንግስት ጥሩ ነገር እንደማይገኝ መደምደም የለብንም ይነስም ይብዛ በቀበሌም ይሁን በመንግስት መስሪያ ቤቶች ወ ዘ ተ ጥሩ መሻሻሎች እየታዩ መሆኑን በራሳችንም ሆነ በወንድሞቻችን እይታ ተመልከተናል ስለዚህ ድምጻችንን አስተባብረን ለእግዚአብሔርም ለመንግስትም መጮህ ይኖርብናል ይቆየን

yemelaku bariya said...

በመጀመሪያ መንግስት ለሕዝብ ወገንተኝነቱን ለማሳየት ያደረገው ዝንባሌ ጥሩ ጅምር ነው:: በአንድ ቀን ብዙ ተአምር አይጠበቅም:: ነገር ግን ይህ ጅማሬ ከልብ መሆኑን ማየት እንፈልጋለን:: ይኽውም
፩ ቤተ ክርስቲያኒቱ የሕዝብ እንደመሆኗ እና ከቀረጥ ነጻ መብት ያላት እንደመሆኑ ያላት ንብረት እና ገንዘብ ሕጓ በሚፈቅደው መሰረት ጥቅም ላይ መዋሉን ማረጋገጥ
፪ የገንዘብ አጠቃቀሟ ላይ ብዙ ዝርፊያ እንደሚፈጸም ብዙ ይባላልና መንግስት አጣሪ አቋቁሞ ከህዝብ ጥቆማዎችን እየተቀበለ የተዘረፈ ንብረቷን ማስመለስ እና በዝርፊያው ላይ ቀጥተኛ እና ተዘዋዋሪ ታሳታፊወችን የማያዳግም ቅጣት መስጠት
፫ ባለፈው ይህንኑ መዝረክረክ የተቃወሙትን አቡነ ሳሙኤልን ወደ ቀድሞ ቦታቸው መመለስና በሳቸው ላይ የውሸት ክስ አቅርበው ቦታውን ለዝርፊያ ያመቻቹትን ፓትርያርኩን ጨምሮ ፍትህ እንድታያቸው ማድረግ
፬ ከቤተ ክርስቲያናችን ሕግ እና ስርዓት ውጭ በወዳጆቻቸው ነገር ግን መልካም ስም እንዲኖራቸው የማይፈልጉ የዘመድ ጠላቶቻቸው የቆመላቸውን እና እሳቸውምአላውቅምነበር ያሉለትን ኃውልት መንግሥት ጊዜ እና ግንዘብ ማባከንምየለበትም አስተካዮቹ ሙሉ ወጭውን ችለው እንዲያስፈርሱ እና ኃውልቱም የተደበቀ ጣኦት ሆኖ እንዳይመጣ ወደ ቀድሞ መልኩ ድንጋዩ ወደ ድንጋይነት ብረቱ ወደ ፍርስራሽነት እንድቀየር ማድረግ
፭ በቤተ ክርስቲያኒቱ ያገባናል የሚሉ ሁሉ ተጠያቂነትንመሰረት ያደረገ የአመራር ለውጥ ማምጣት እንድችሉ እድል መስጠት
ለወደፊቱም ኃይማኖትን ከዚህ አይነት ጥፋት ለመታደግ መንግሥት የመስማት አቅሙን ማሳደግ እና በመጨረሻም
፮ ባለፈው የብጹአን አባቶችን ቤት በመስበር ድብደባ የፈጸሙትን ወደ ፍርድ ማቅረብ ሲቻል አሁን የተጀመረው የመንግሥት ጥረት እውነትም ከልብ የመነጨ ነው ለማለት እንችላለን:: ካልሆነ ግን አሁንም ሁሉንም በአንክሮ እየተከታተልን እንደመሆኑ ውጠቱን የምናየው ይሆናል:: የአቡነ ጳውሎስ ደጋፊ መሆን ከራስደጋፊ ምጭምር ያጋጫል:: መንግሥት ራሱንኪሳራ ውስጥ ማስገባት የለበትም እሳቸው የኪሳራ ዋናው ናቸው እና ለፍርድ ቢቀርቡ ብቻ ነው ትርፍ የሚሆኑት:: የመንግሥት ሠዎች ያነቡታል ብየ አስባለሁ::

Anonymous said...

ይህ የመንግስት አጀንዳ ማስቀየሪያ ተራ ፕሮፖጋንዳ ነው። ችግር ፈጣሪው ማን ሆነ እና ነው ችግሩን ለመፍታታት ማሳሰቢያ የሚሰጡት? መንግስት ራሱን ሳያጠራ የቤተ-ክህነትን ችግር ሊፈታ? ለችግሮቻችን መንግስት እና የውጭ ሀይሎችን ተስፋ ማድረግ ትተን ወደ አምላካችን ከልብ እንጩህ እንዲሁም ቤተ-ክርስቲያናችንን ለማጥራት እንደግለሰብም ሆነ እንደ Institute የሚጠበቅብንን እንወጣ።

Anonymous said...

this is an old fashion dirty poltics of the government . destroy the church in night time and rebuilt it in the daytime so that you might earn a few supporters.the government was with the patriarch when they were damaging the church for so long.and now when the puplic anger on the patriarch is increasing they just change thier face and stood us a church defender.dont fool me please!I dont expect any from the gov.

Anonymous said...

በእርግጥ ደጀሰላመ ጉዳዩ እንደ ትለቅ አጀንዳ ማንሳታችሁን ወድጀዋለሀ ነገር ግን አሁን የመንግስት ሰዎች ቤተ ክህነቱን እየንጋገሩ እንዳለ ይምንሰማው ጉዳይ ቅንብሩ ቤተ ክርስቲያን ለመጥቀም ሳይሆን ንቡረእድ ኤልያስ የጠቅላይ ቤተ ክህነት ምክትል ስራ አስኪያጅ ለሚዘረጋው የመብያ መንገድ ሌሎች ወረበሎችን ለማሰማራት የታቀደ ምጥን ነው
በእውነቱ ለመናገር ለአዲስ አበባ ሀገረ ስበከት ይሚያስፈልገው መከፋፈል ወይስ አራት ይትግራይ ተወላጆችየሆኑትን
ተፈሪ የማነ
የማነ ዘመንፈስ ቅዱስ
አስቻለው መሀሪን
ገብረመስቀል ግደይነ መመደብ ነው ጥቅሙ ደሞስ አቡነ ሳሙኤል ሀገረ ስብከቱን ዳግመኛ እንዳያገኙ ለማድረገ ከማሰብ የተነሳ እንጀ ሌ

ምስጢረ said...

ሰላም ለእናተ ደጀ ሰላሞች በርግጥ ቸር ወሬ አሰምታችሁናል አንድ ፍራቻ ግን አለኝ ከዚህ በፈት መንግስት አስታርቃለሁ ብሎ ገብቶ አበጣብጦ የወጣው ድሮም የቤተክርስቲያን ጉዳይ ገዶት ሳይሆን የግለሰቡ ነገር አስጨንቆት ነው ይሄን አይተን ብንጠራጠር ምን ይገርማል መንግስት በርግጥ እውነተኛውን ነገር ተረድቶት ያለውን ችግር ሊያስወግድ ከመጣ በእውነት ያስመሰግነዋል በተጨማሪ እነ ወ/ሮ እጅጋየሁን የመሰሉ ባለስልጣናትን በመደለል ህግ እንዲጣስ ህዝቡም በመንግስት ላይ ያለውን አመኔታ እንዲያጣ የሚያደርጉትን አንድ ሊላቸው ይገባል ቸር ወሬ ያሰማን

welderufael said...

ደጀ ሰላሞች በጣም የሚገርሙ ወሬዎች በዚህ ሰሞን በአዲሰ አበባ ሀገረ ስብከት እና በጠቅላይ ቤተ ክህነት ግቢ የሚነገሩ ነገሮች እያስገረሙን ነው ፤፤
የመጀመርያው የአዲስ አበባ ሀገረ ስበከት ስራ አስኪያጅ ለህይወቴ ስለምፈራ ሽጉጥ ይሰጠኝ ብለው የአዲስ አበባ ፖሊስን በምክትል ስራ አስኪያጁ በሊቀ ስዩማን ገብረ መሰቀል ፊርማ ና ፓራፍ ባደረገው በአቶ በእደ ማርያም ይትባረክ መጠየቁ በእጅጉ ከማሰገረሙም በላይ ቤተ ክርስቲያን ወዴት እያመራች ነው ከሚያስብል በላይ ስራ እስኪያጁ መስቀል መጨበጥ ሲገባቸው ለምን ሽጉጥ ፈለጉ የሚለውን መጠይቅ ስናደርግ እየሰሩት ያለው የሙስናው ጉዳይ ስለሳሰባቸው እንደሆነ ብዙዎች እየተናገሩ ነው፤፤
ሌላወ አስገራሚ ጉዳይ ደግሞ አቡነ ጎርጎርዮስን እንደራሴ ለማስደረግ ፓትርያሪኩ ያቀዱት እቅድ ሳይሳካ መቅረቱ ነው ፤፤ ጉዳዩ እንዲህ ነው የመንግስትን የመተካካት ፖሊሲ ፓትርያሪኩ ሰምተው አቡነ ጎርጎርዮስነ ወደ መንግስት ባለ ስልጣናት በመውሰድ የሚተኩኝ እኝህ ናቸውና እንደራሴ ይሁንልኝ ብለው ቢያቀርቡም ባለ ስልጣኑም መንግስት በሀይማኖት ጉዳይ ጣልቃ አይገባም መተካካትም በአባሎቻችሁ ሙለ ፈቃደኝነት በሚደረግ ምርጫ እንጅ በዚህ መልክ አይፈደለም ብለው መሸኘታቸው በስፋት እየተወራ ነወ ፤፤
ሌላው አስገራሚ ነገር ፓትርያሪኩ ሀገረ ስብከቱን ለመከፋፈል የፈለጉት አቡነ ሳሙኤል በአዲስ አበባ ካህናትና ምእመናን ያለቸውን ተደማጭነት ስላሰጋቸው ለእርሳቸው እንዳይሰጥ በጣም በሽምግለና ለተያዙት 1 አቡነ አረጋዊ 2 አቡነ ኤፍሬም3አቡነ ገሪማ 4 አቡነ ገብርኤል5 አቡነ ይስሀቅ ለመስጠት መታሰቡ አስገራሚ እየሆነ ነው፤፤ እንዲሁም አቡነ ፋኑኤል ፓትርያሪኩን በቤታቸው እራት መጋበዛቸውና በእራቱም ላይ ንግግር እንዲያደርጉ የተጋበዙት አቡነ ገብርኤለ አባ ፋኑኤልን ይህ ሰው ድሮ ለእኛ ቆብና ቀሚስ ሰፊ ነበር ብለወ መዝለፋቸውና መተቸታቸው የግብዛውን ድባብ አንዳበላሸው ተነግረል፤፤

Anonymous said...

ደጀ ሰላሞች በጣም የሚገርሙ ወሬዎች በዚህ ሰሞን በአዲሰ አበባ ሀገረ ስብከት እና በጠቅላይ ቤተ ክህነት ግቢ የሚነገሩ ነገሮች እያስገረሙን ነው ፤፤
የመጀመርያው የአዲስ አበባ ሀገረ ስበከት ስራ አስኪያጅ ለህይወቴ ስለምፈራ ሽጉጥ ይሰጠኝ ብለው የአዲስ አበባ ፖሊስን በምክትል ስራ አስኪያጁ በሊቀ ስዩማን ገብረ መሰቀል ፊርማ ና ፓራፍ ባደረገው በአቶ በእደ ማርያም ይትባረክ መጠየቁ በእጅጉ ከማሰገረሙም በላይ ቤተ ክርስቲያን ወዴት እያመራች ነው ከሚያስብል በላይ ስራ እስኪያጁ መስቀል መጨበጥ ሲገባቸው ለምን ሽጉጥ ፈለጉ የሚለውን መጠይቅ ስናደርግ እየሰሩት ያለው የሙስናው ጉዳይ ስለሳሰባቸው እንደሆነ ብዙዎች እየተናገሩ ነው፤፤
ሌላወ አስገራሚ ጉዳይ ደግሞ አቡነ ጎርጎርዮስን እንደራሴ ለማስደረግ ፓትርያሪኩ ያቀዱት እቅድ ሳይሳካ መቅረቱ ነው ፤፤ ጉዳዩ እንዲህ ነው የመንግስትን የመተካካት ፖሊሲ ፓትርያሪኩ ሰምተው አቡነ ጎርጎርዮስነ ወደ መንግስት ባለ ስልጣናት በመውሰድ የሚተኩኝ እኝህ ናቸውና እንደራሴ ይሁንልኝ ብለው ቢያቀርቡም ባለ ስልጣኑም መንግስት በሀይማኖት ጉዳይ ጣልቃ አይገባም መተካካትም በአባሎቻችሁ ሙለ ፈቃደኝነት በሚደረግ ምርጫ እንጅ በዚህ መልክ አይፈደለም ብለው መሸኘታቸው በስፋት እየተወራ ነወ ፤፤
ሌላው አስገራሚ ነገር ፓትርያሪኩ ሀገረ ስብከቱን ለመከፋፈል የፈለጉት አቡነ ሳሙኤል በአዲስ አበባ ካህናትና ምእመናን ያለቸውን ተደማጭነት ስላሰጋቸው ለእርሳቸው እንዳይሰጥ በጣም በሽምግለና ለተያዙት 1 አቡነ አረጋዊ 2 አቡነ ኤፍሬም3አቡነ ገሪማ 4 አቡነ ገብርኤል5 አቡነ ይስሀቅ ለመስጠት መታሰቡ አስገራሚ እየሆነ ነው፤፤ እንዲሁም አቡነ ፋኑኤል ፓትርያሪኩን በቤታቸው እራት መጋበዛቸውና በእራቱም ላይ ንግግር እንዲያደርጉ የተጋበዙት አቡነ ገብርኤለ አባ ፋኑኤልን ይህ ሰው ድሮ ለእኛ ቆብና ቀሚስ ሰፊ ነበር ብለወ መዝለፋቸውና መተቸታቸው የግብዛውን ድባብ አንዳበላሸው ተነግረል፤፤

'Legizew' sim yelesh said...

Ho Ho Ho Ho....Let me laugh.Mawokun enawukalen bininager enalkalen ale yagere sew.Do u expect honey from house"fly",beles from kurnchit?

Don,t be full!!
We expect sth from almighty God not from dirty EPRDF.
May God bless EOTC

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)