August 7, 2010

ሰበር ዜና፦ መጋቤ ብሉይ ሰይፈ ሥላሴ ዮሐንስ አረፉ

(ደጀ ሰላም፤ ኦገስት 7/2010)፦ ሰሞኑን ለአባቶች ድርድር አሜሪካ የሰነበቱትና አርብ ወደ ኢትዮጵያ ለመመለስ ተነሥተው ቅዳሜ ጠዋት አዲስ አበባ የደረሱት መጋቤ ብሉይ ሰይፈ፣ ቤታቸው እንኳን ሳይደርሱ በድንገት ከዚህ ዓለም በሞት ተለዩ። መጋቤ ብሉይ ሰይፈ ሥላሴ በዚህ ጊዜ አሉ ከሚባሉት ሊቃውንት መካከል ተጠቃሽ ሲሆኑ በአንደበት ርቱዕነታቸው፣ በቅኔ አዋቂነታቸው፣ በሰባኪነታቸው የተመሰገኑና የተከበሩ ነበሩ።

መጋቤ ብሉይ ሰይፈ ሥላሴ ሰሞኑን በተካሄደው የአባቶች የሰላምና የእርቅ ድርድር በተለይም ከአሜሪካኖቹ አበው ወገን “ይቅርታ ካልጠየቁን” በሚል ስሞታ ሲቀርብባቸው እንደነበር እና በዚህም ምክንያት ጉባዔው ሳይካሄድ መቅረቱ ይታወሳል።

ካልተሳካው የእርቅ ውይይት በኋላ የልኡካን ቡድኑ ወደ ኢትዮጵያ ተመልሶ ዛሬ ረፋድ ላይ በአዲስ አበባ ቦሌ ዓለም አቀፍ አየር ማረፊያ እንደ ደረሰ ልባቸውን የመውጋት እና ብርድ ብርድ የማለት ስሜት እንደሚሰማቸው አብረዋቸው ለነበሩት አባቶች የተናገሩት መጋቤ ብሉይ ሰይፈ የሐኪም ርዳታ እንዲያገኙ ወደ አንድ ክሊኒክ ከደረሱ በኋላ ነበር ሕይወታቸው ያለፈው፡፡ በቀድሞው ሥርዐተ መንግሥት በአንድ ወቅት ክፉኛ ይሠቃዩበት ከነበረው የሳምባ ሕመም ወደ ኢየሩሳሌም ተልከው ባገኙት ከፍተኛ ሕክምና ሙሉ በሙሉ የዳኑት መጋቤ ብሉይ ሰይፈ በሰዋስወ ብርሃን ቅዱስ ጳውሎስ ከፍተኛ መንፈሳዊ ት/ቤት በብሉይ ኪዳን መምህርነታቸው፣ ከ1950ዎቹ እስከ 1970ዎቹ አጋማሽ ድረስ በኅትመት ላይ በነበረው ‹‹ትንሣኤ›› መጽሔት በአዘጋጅነት በሌሎቹም የቤተ ክርስቲያኒቱ ብዙኀን መገናኛዎች በጽሑፋቸው እና በሚያበረክቷቸው ደገኛ ቅኔዎች ይታወቃሉ፡፡

በአሁኑ ወቅት አስከሬናቸው በቅዱስ ገብርኤል ሆስፒታል ገብቶ ምርመራ የተደረገለት ሲኾን ጸሎተ ፍትሐቱ እና የቀብር ሥነ ሥርዐቱ በመንበረ ጸባኦት ቅድስት ሥላሴ ካቴድራል ወይም መጋቤ ብሉይ ሰይፈ በኑሮ እና በአገልግሎት ብዙ እንደ ደከሙበት በሚታወቀው በቀጨኔ ደብረ ሰላም መድኃኔዓለም ቤተ ክርስቲያን እንደሚፈጸም ይጠበቃል፡፡ ለቀብር ሥነ ሥርዐቱ በውጭ የሚገኙት የመጋቤ ብሉይ ሰይፈ ሁለት ልጆች እስከሚደርሱ ሊጠበቅ እንደሚችል የተነገረ ሲኾን በመንበረ ፓትርያሪኩ ጽ/ቤት ምንጮች ግን ቀብሩ በነገው ዕለት በመንበረ ጸባኦት ቅድስት ሥላሴ ካቴድራል እንዲከናወን የታሰበ መኾኑ ተገልጧል፡፡

የሊቃውንት ጉባኤ መምሪያ ሐላፊ የነበሩት የመጋቤ ብሉይ ሰይፈ ሥላሴ ድንገተኛ ሞት በመንበረ ፓትርያርክ ጠቅላይ ቤተ ክህነት ሠራተኞች በተለይም በሊቃውንት ጉባኤ መምሪያ አባላት ዘንድ ከፍተኛ ድንጋጤ እና ኀዘን እንደ ፈጠረ ተዘግቧል፡፡ የእመቤታችን ቅድስት ድንግል ማርያምን ፍልሰት እና ዕርገት በማሰብ በየዓመቱ ከነሐሴ አንድ እስከ ዐሥራ አምስት ቀን የሚጾመውን ጾም(ጾመ ማርያም፣ ጾመ ፍልሰታ) ምክንያት በማድረግ በድሬዳዋ ቅዱስ ሚካኤል ቤተ ክርስቲያን የሚገኙት ብፁዕ ወቅዱስ አቡነ ጳውሎስ በቀብር ሥነ ሥርዐቱ ላይ ለመገኘት ወደ አዲስ አበባ በመመለስ ላይ እንደ ኾኑ ለማወቅ ተችሏል፡፡


ዝርዝር ታሪካቸውንና ተያያዥ ጉዳዮች እንደደረሰን እናቀርባለን።

15 comments:

zekere said...

abtu dege sew alkualna betekerstianhene tebeke

Eleni said...

+ + +

በጣጣም ያሳዝናል! አምላከ ቅዱሳን ነፍሳቸውን ይማርልን! ይሄ ደግሞ ምን መልዕክት ይኖረው ይሆን?

Anonymous said...

LEBETE CHRSTIAN TALAK ZENA NEW TALAKU BETE METSEHAFT TEKATELE !

Anonymous said...

May God rest in peace.
God has a meassege for all of us.

Anonymous said...

የሸምጋይ ተሸምጋይ እንዳንሆን
መቼም በዚህ ዘመን ስጋቱ ቢበዛ አያስደንቅም። ቀዳዳዉን የገኘ ሁሉ መሰላል ነዉና የሚፈልገዉ። ሸምጋዩስ ማንነቱን የደበቀዉ ማንን ፈርቶና ምንን ሰግቶ ነዉ? ምነዉ ጎበዝ ስለ እዉነት ደፋር ታጣ። ሁለቱን የታርክ ተወቃሾች ሲያደራድሩ ከየዋሁ ፣እንደፈለጉት ከሚያሾሩት፣ ከከፋፈሉትና ከበታተኑት ምእመን ዓይን መሰወራቸዉ የቀበሮ ባህታዊ እንዳያስብላቸዉ እሰጋለሁ። ሸምጋዮቹን ለማወቅ ምእመኑም ሸምጋይ ሊያስፈልገዉ ነዉ። ፍጻሜአችሁ ባየታወቅም እንግዲህ በድርድር ብቻ እድሜ በምድር ያበቃና ታሪክ እንዳይወቅሰን። አባቶቼ አሁን ጊዜ ሳላችሁ ተንስኡ!! ልበላችሁና ትህትናን ተጎናጸፉ። ብዕሩ ዘአትላንታ

Anonymous said...

ከእኒህ ታላቅ ዓይና ሊቃዉንት ድንገተኛ ሞት ተደራዳሪዎቹ ምን ይማሩ ይሆን? የቆመዉ አፈር በተኛዉ አፈር ላይ ይስቃል እንዳይሆን። ብቻ ልባችሁ በሚያዉቀዉ በበጎዉና በጠንካራዉ ጎናቸዉ በአንጻሩም ደግሞ በደካማዉ ማንነታቸዉ ላይ የየራሳችሁ አንድምታ አይጠፋም። የሆነዉ ሆኖ የተባለዉ ተብሎ የትላንት የቅርባችን የብፁዓን አበዉ የዛሬዉ የአባታችን በጥቅሉ የአባቶቻችን እረፍት ማሳሰቢያ ሆኖን እንማር። እርቀሰላም ይዉረድ። ታረቁና ሰላምና ፍቅር ያጣዉን ዓለም አስታርቁ። ተስማሙና በእናንተ የተበታተነዉን ሕዝብ አንድ አድርጉት። ብዕሩ ዘአትላንታ

awudemihiret said...

May God rest in peace.All should focus on this meassege.

Anonymous said...

+++

እግዚአብሔር በአንድ መንገድ በሌላም ይናገራል፤

ሰው ግን አያስተውለውም። እዮብ 33፦14

በጣም ያሳዝናል:: ምናለ ይቅር ለእግዚአብሔር ቢባባሉ ኑሮ?

ይቅር ባይ አምላክ ነፍሳቸዉን ይማርልን::

Anonymous said...

qebariwochu neg beEne blew nsiha bigebu Tiru neber!!!

Dan said...

I read somewhere here posted by someone that stated "I wish MEGABE BILUY Seife-Sillase (መጋቤ ብሉይ ሰይፈ ሥላሴ) could humble himself by asking apology (for the sake of the peace of the church) at the last days of his life." If I am write it was posted before he died.

And now we also read

(ደጀ ሰላም፤ ኦገስት 7/2010)፦ ሰሞኑን ለአባቶች ድርድር አሜሪካ የሰነበቱትና አርብ ወደ ኢትዮጵያ ለመመለስ ተነሥተው ቅዳሜ ጠዋት አዲስ አበባ የደረሱት መጋቤ ብሉይ ሰይፈ፣ ቤታቸው እንኳን ሳይደርሱ በድንገት ከዚህ ዓለም በሞት ተለዩ። መጋቤ ብሉይ ሰይፈ ሥላሴ በዚህ ጊዜ አሉ ከሚባሉት ሊቃውንት መካከል ተጠቃሽ ሲሆኑ በአንደበት ርቱዕነታቸው፣ በቅኔ አዋቂነታቸው፣ በሰባኪነታቸው የተመሰገኑና የተከበሩ ነበሩ።
In short according to the statement above he was highly acclaimed Ethiopian church leader.

Now read the next paragraph.

መጋቤ ብሉይ ሰይፈ ሥላሴ ሰሞኑን በተካሄደው የአባቶች የሰላምና የእርቅ ድርድር በተለይም ከአሜሪካኖቹ አበው ወገን “ይቅርታ ካልጠየቁን” በሚል ስሞታ ሲቀርብባቸው እንደነበር እና በዚህም ምክንያት ጉባዔው ሳይካሄድ መቅረቱ ይታወሳል።

In effect the "የአባቶች የሰላምና የእርቅ ድርድር" failed because in was teaching that the two church leaders before aba paulos were not acceptable leaders and those appointed as bishops etc and not valid.

It is also stated and his name tell us he is expert of the OLD Testament. He was also የሊቃውንት ጉባኤ መምሪያ ሐላፊ and yet he allowed the erecting of statue of aba paulos against an Orthodox dogma.

Do we have any church teacher/leader who who has read the Gospel and the NEW Testament, who understand and preach The Lord Jesus Christ.

Now, let it be clear my comment is not to be polemical ለክርክር አይደለም.

ከዚህ የምንማረው ምን ይሆን ለማለት ነው

Anonymous said...

ነፍሳቸውን ይማር። እንቆቅልሹ ምን ይሆን ?ለምንስ ተቃውሞ እያለ አባ ጳውሎስ በግድ ላካቸው?

mebrud said...

የአባታችንን ነፍስ ይማርልን፡፡ቤተክርስቲያን ሆይ ሀዘንሽ በዛ።መጽናናቱን ክርስቶስ ይላክልሽ፡፡
ይህን እንደ አጋጣሚ የሚወስድ ካለ የዋህነት ነው።
“ያኛው እንዲህ ቢያደርግ ኖሮ ይሄ እንዲህ ባይል ይህ ባልሆነ” የምንለው ነገር አሁንም መደንደናችንን ነው የሚናገረው፡፡
እባካቹሁ ወገኖቼ በድለናል፡፡ የነኚህ የሊቃውንት አባቶቻችን እረፍት ምክንያት ሆኖን በንስሐ እንመለስ፡፡
ትንቢተ ሆሴዕ 6፥1

ኑ፥ ወደ እግዚአብሔር እንመለስ እርሱ ሰብሮናልና፥ እርሱም ይፈውሰናል እርሱ መትቶናል፥ እርሱም ይጠግነናል።

mebrud said...

ትንቢተ ኢዮኤል 2፥12

አሁንስ፥ ይላል እግዚአብሔር፥ በፍጹም ልባችሁ፥ በጾምም፥ በልቅሶና በዋይታ ወደ እኔ ተመለሱ።

Anonymous said...

Amlak yiwok; libona yisten.

aragaw ewnetu said...

GOD knows the heart of all

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)